ताम्र और चिक्षुर का वध

श्लोक 1 (devibhagavatam.5.14.1)

व्यास उवाच । दुर्मुखं निहतं श्रुत्वा महिषः क्रोधमूर्च्छितः । उवाच दानवान्सर्वान्किं जातमिति चासकृत्

vyāsa uvāca | durmukhaṁ nihataṁ śrutvā mahiṣaḥ krodhamūrcchitaḥ | uvāca dānavānsarvānkiṁ jātamiti cāsakṛt

व्यास जी ने कहा — दुर्मुख के मारे जाने का समाचार सुनकर महिष क्रोध से मूर्च्छित-सा हो गया और बार-बार सभी दानवों से पूछने लगा, "यह क्या हो गया?"

श्लोक 2 (devibhagavatam.5.14.2)

निहतौ दानवौ शूरौ रणे दुर्मुखबाष्कलौ । तन्व्या तत्परमाश्चर्यं पश्यन्तु दैवचेष्टितम्

nihatau dānavau śūrau raṇe durmukhabāṣkalau | tanvyā tatparamāścaryaṁ paśyantu daivaceṣṭitam

"वीर दानव दुर्मुख और बाष्कल उस एक कोमल स्त्री द्वारा युद्ध में मारे गए — यह परम आश्चर्य है! दैव की इस लीला को देखो।"

श्लोक 3 (devibhagavatam.5.14.3)

कालो हि बलवान्कर्ता सततं सुखदुःखयोः । नराणां परतन्त्राणां पुण्यपापानुयोगतः

kālo hi balavānkartā satataṁ sukhaduḥkhayoḥ | narāṇāṁ paratantrāṇāṁ puṇyapāpānuyogataḥ

"काल ही सुख-दुख का सतत बलवान कर्ता है, पराधीन मनुष्यों के लिए उनके पुण्य-पाप के अनुसार।"

श्लोक 4 (devibhagavatam.5.14.4)

निहतौ दानवश्रेष्ठौ किं कर्तव्यमतः परम् । ब्रुवन्तु मिलिताः सर्वे यद्युक्तं कार्यसङ्कटे

nihatau dānavaśreṣṭhau kiṁ kartavyamataḥ param | bruvantu militāḥ sarve yadyuktaṁ kāryasaṅkaṭe

"दोनों श्रेष्ठ दानव मारे गए, अब आगे क्या करना उचित होगा? आप सब मिलकर बताइए कि इस संकट में क्या करना युक्तिसंगत है।"

श्लोक 5 (devibhagavatam.5.14.5)

व्यास उवाच । एवं ब्रुवति राजेन्द्र महिषेऽतिबलान्विते । चिक्षुराख्यस्तु सेनानीस्तमुवाच महारथः

vyāsa uvāca | evaṁ bruvati rājendra mahiṣe'tibalānvite | cikṣurākhyastu senānīstamuvāca mahārathaḥ

व्यास जी ने कहा — हे राजेंद्र! अत्यंत बलशाली महिष के इस प्रकार कहने पर, महारथी सेनापति चिक्षुर नामक दानव ने उससे कहा —

श्लोक 6 (devibhagavatam.5.14.6)

राजन्नहं हनिष्यामि का चिन्ता स्त्रीविहिंसने । इत्युक्त्वा स्वबलैर्युक्तः प्रययौ रथसंयुतः

rājannahaṁ haniṣyāmi kā cintā strīvihiṁsane | ityuktvā svabalairyuktaḥ prayayau rathasaṁyutaḥ

"हे राजन्! मैं उसे मार डालूँगा, एक स्त्री के वध में क्या चिंता?" ऐसा कहकर वह अपनी सेना सहित रथ पर सवार होकर चल पड़ा।

श्लोक 7 (devibhagavatam.5.14.7)

द्वितीयं पार्ष्णिरक्षं तु कृत्वा ताम्रं महाबलम् । महता सैन्यघोषेण पूरयन्गगनं दिशः

dvitīyaṁ pārṣṇirakṣaṁ tu kṛtvā tāmraṁ mahābalam | mahatā sainyaghoṣeṇa pūrayangaganaṁ diśaḥ

महाबली ताम्र को अपना पृष्ठरक्षक बनाकर, वह अपनी विशाल सेना की गर्जना से समस्त आकाश और दिशाओं को भर देता हुआ चला।

श्लोक 8 (devibhagavatam.5.14.8)

तमागच्छन्तमालोक्य देवी भगवती शिवा । चकार शङ्खज्याघोषं घण्टानादं महाद्भुतम्

tamāgacchantamālokya devī bhagavatī śivā | cakāra śaṅkhajyāghoṣaṁ ghaṇṭānādaṁ mahādbhutam

उसे आते देख कल्याणकारी भगवती देवी ने शंख बजाया, धनुष की प्रत्यंचा टंकारी और घंटा बजाया — अत्यंत अद्भुत घोष।

श्लोक 9 (devibhagavatam.5.14.9)

तत्रसुस्तेन शब्देन ते च सर्वे सुरारयः । किमेतदिति भाषन्तो दुद्रुवुर्भयकम्पिताः

tatrasustena śabdena te ca sarve surārayaḥ | kimetaditi bhāṣanto dudruvurbhayakampitāḥ

उस ध्वनि से देवताओं के वे सभी शत्रु भयभीत हो उठे और "यह क्या है?" कहते हुए डर के मारे काँपते हुए भाग खड़े हुए।

श्लोक 10 (devibhagavatam.5.14.10)

चिक्षुराख्यस्तु तान्दृष्ट्वा पलायनपरायणान् । उवाचातीव सङ्कुद्धः किं भयं वः समागतम्

cikṣurākhyastu tāndṛṣṭvā palāyanaparāyaṇān | uvācātīva saṅkuddhaḥ kiṁ bhayaṁ vaḥ samāgatam

उन्हें भागते देख चिक्षुर अत्यंत क्रोधित होकर बोला, "तुम्हें यह भय क्यों समा गया है?"

श्लोक 11 (devibhagavatam.5.14.11)

अद्यैवाहं हनिष्यामि बाणैर्बालां मदोन्नताम् । तिष्ठन्त्वत्र भयं त्यक्त्वा दैत्याः समरमूर्धनि

adyaivāhaṁ haniṣyāmi bāṇairbālāṁ madonnatām | tiṣṭhantvatra bhayaṁ tyaktvā daityāḥ samaramūrdhani

"आज ही मैं इस मदमत्त बालिका को बाणों से मार डालूँगा। हे दैत्यो! भय त्यागकर तुम सब रणभूमि में डटे रहो।"

श्लोक 12 (devibhagavatam.5.14.12)

इत्युक्त्वा दानवश्रेष्ठश्चापपाणिर्बलान्वितः । आगत्य सङ्गरे देवीमित्युवाच गतव्यथः

ityuktvā dānavaśreṣṭhaścāpapāṇirbalānvitaḥ | āgatya saṅgare devīmityuvāca gatavyathaḥ

ऐसा कहकर वह श्रेष्ठ दानव, धनुष हाथ में लिए, बलपूर्वक निडर होकर युद्धभूमि में देवी के पास आकर बोला —

श्लोक 13 (devibhagavatam.5.14.13)

किं गर्जसि विशालाक्षि भीषयन्तीतरान्नरान् । नाहं बिभेमि तन्वङ्गि श्रुत्वा तेऽद्य विचेष्टितम्

kiṁ garjasi viśālākṣi bhīṣayantītarānnarān | nāhaṁ bibhemi tanvaṅgi śrutvā te'dya viceṣṭitam

"हे विशाल-नेत्री! तू क्यों गरज रही है, दूसरे पुरुषों को डरा रही है? हे कोमलांगी! आज तेरी यह चेष्टा सुनकर भी मुझे भय नहीं है।"

श्लोक 14 (devibhagavatam.5.14.14)

स्त्रीवधे दूषणं ज्ञात्वा तथैवाकीर्तिसम्भवम् । उपेक्षां कुरुते चित्तं मदीयं वामलोचने

strīvadhe dūṣaṇaṁ jñātvā tathaivākīrtisambhavam | upekṣāṁ kurute cittaṁ madīyaṁ vāmalocane

"स्त्री-वध में जो दोष है और जो अपयश उससे उत्पन्न होता है, उसे जानकर, हे सुनयने, मेरा मन तुझ पर उपेक्षा ही करता है।"

श्लोक 15 (devibhagavatam.5.14.15)

स्त्रीणां युद्धं कटाक्षैश्च तथा हावैश्च सुन्दरि । न शस्त्रैर्विहितं क्वापि त्वादृशीनां कदाचन

strīṇāṁ yuddhaṁ kaṭākṣaiśca tathā hāvaiśca sundari | na śastrairvihitaṁ kvāpi tvādṛśīnāṁ kadācana

"हे सुंदरी! स्त्रियों का युद्ध तो कटाक्षों और हाव-भावों से होता है, तुझ-जैसी के लिए शस्त्रों से युद्ध कभी विहित नहीं है।"

श्लोक 16 (devibhagavatam.5.14.16)

पुष्पैरपि न योद्धव्यं किं पुनर्निशितैः शरैः । भवादृशीनां देहेषु दुनोति मालतीदलम्

puṣpairapi na yoddhavyaṁ kiṁ punarniśitaiḥ śaraiḥ | bhavādṛśīnāṁ deheṣu dunoti mālatīdalam

"फूलों से भी युद्ध नहीं करना चाहिए, तीक्ष्ण बाणों की तो बात ही क्या! तेरे जैसे शरीर को तो मालती की एक पंखुड़ी भी पीड़ा पहुँचा दे।"

श्लोक 17 (devibhagavatam.5.14.17)

धिग्जन्म मानुषे लोके क्षात्रधर्मानुजीविनाम् । लालितोऽयं प्रियो देहः कृन्तनीयः शितैः शरैः

dhigjanma mānuṣe loke kṣātradharmānujīvinām | lālito'yaṁ priyo dehaḥ kṛntanīyaḥ śitaiḥ śaraiḥ

"क्षत्रिय-धर्म पर जीने वालों के मानव-जन्म को धिक्कार है! यह प्रिय, लाड़ से पाला हुआ शरीर तीक्ष्ण बाणों से काटा जाना पड़ता है।"

श्लोक 18 (devibhagavatam.5.14.18)

तैलाभ्यङ्गैः पुष्पवातैस्तथा मिष्टान्नभोजनैः । पोषितोऽयं प्रियो देहो घातनीयः परेषुभिः

tailābhyaṅgaiḥ puṣpavātaistathā miṣṭānnabhojanaiḥ | poṣito'yaṁ priyo deho ghātanīyaḥ pareṣubhiḥ

"तेल-मालिश, फूलों की वायु और मीठे भोजन से पाला गया यह प्रिय शरीर, पराए बाणों से घायल किया जाना पड़ता है।"

श्लोक 19 (devibhagavatam.5.14.19)

देहं छित्त्वासिधाराभिर्धनभृज्जायते नरः । धिग्धनं दुःखदं पूर्वं पश्चात्किं सुखदं भवेत्

dehaṁ chittvāsidhārābhirdhanabhṛjjāyate naraḥ | dhigdhanaṁ duḥkhadaṁ pūrvaṁ paścātkiṁ sukhadaṁ bhavet

"तलवार की धार से शरीर कटवाकर मनुष्य धनवान (यशस्वी) बनता है — ऐसे धन को धिक्कार है! पहले दुखदायी, फिर वह सुखदायी कैसे हो सकता है?"

श्लोक 20 (devibhagavatam.5.14.20)

त्वमप्यज्ञैव वामोरु युद्धमाकाङ्क्षसे यतः । सुखं सम्भोगजं त्यक्त्वा कं गुणं वेत्सि सङ्गरे

tvamapyajñaiva vāmoru yuddhamākāṅkṣase yataḥ | sukhaṁ sambhogajaṁ tyaktvā kaṁ guṇaṁ vetsi saṅgare

"तू भी अज्ञानी है, हे सुंदरी, जो युद्ध की कामना करती है — भोग से उत्पन्न सुख को त्यागकर तू युद्ध में कौन-सा गुण देखती है?"

श्लोक 21 (devibhagavatam.5.14.21)

खड्गपातं गदाघातं भेदनञ्ज शिलीमुखैः । मरणान्ते तु संस्कारो गोमायुमुखकर्षणम्

khaḍgapātaṁ gadāghātaṁ bhedanañja śilīmukhaiḥ | maraṇānte tu saṁskāro gomāyumukhakarṣaṇam

"तलवार का गिरना, गदा का प्रहार, बाणों से बिंधना, और मृत्यु के अंत में तो बस श्मशान-संस्कार, गीदड़ों के मुख में घसीटा जाना।"

श्लोक 22 (devibhagavatam.5.14.22)

तस्यैव कविभिर्धूर्तैः कृतं चातीव शंसनम् । रणे मृतानां स्वःप्राप्तिरर्थवादोऽस्ति केवलः

tasyaiva kavibhirdhūrtaiḥ kṛtaṁ cātīva śaṁsanam | raṇe mṛtānāṁ svaḥprāptirarthavādo'sti kevalaḥ

"उसी की धूर्त कवियों ने अत्यधिक प्रशंसा कर डाली है — रण में मरने वालों को स्वर्ग-प्राप्ति होती है, यह तो केवल अलंकारिक वचन है, और कुछ नहीं।"

श्लोक 23 (devibhagavatam.5.14.23)

तस्माद् गच्छ वरारोहे यत्र ते रमते मनः । भज वा भूपतिं नाथं हयारिं सुरमर्दनम्

tasmād gaccha varārohe yatra te ramate manaḥ | bhaja vā bhūpatiṁ nāthaṁ hayāriṁ suramardanam

"अतः हे सुंदरी! जहाँ तेरा मन रमे वहाँ चली जा, अथवा उस राजा को, देवताओं के मर्दक, अश्वशत्रु महिष को, अपना स्वामी बना ले।"

श्लोक 24 (devibhagavatam.5.14.24)

व्यास उवाच । एवं ब्रुवाणं तं दैत्यं प्रोवाच जगदम्बिका । किं मृषा भाषसे मूढ बुद्धिमानिव पण्डितः

vyāsa uvāca | evaṁ bruvāṇaṁ taṁ daityaṁ provāca jagadambikā | kiṁ mṛṣā bhāṣase mūḍha buddhimāniva paṇḍitaḥ

व्यास जी ने कहा — इस प्रकार बोलते हुए उस दैत्य से जगदंबिका ने कहा — "हे मूर्ख! तू विद्वान की भाँति बुद्धिमान बनकर झूठ क्यों बोल रहा है?"

श्लोक 25 (devibhagavatam.5.14.25)

नीतिशास्त्रं न जानासि विद्यां चान्वीक्षिकीं तथा । न सेवितास्त्वया वृद्धा न धर्मे मतिरस्ति ते

nītiśāstraṁ na jānāsi vidyāṁ cānvīkṣikīṁ tathā | na sevitāstvayā vṛddhā na dharme matirasti te

"तू न तो नीतिशास्त्र जानता है, न आन्वीक्षिकी (तर्कशास्त्र); तूने न वृद्धों की सेवा की है, न तेरी बुद्धि धर्म में लगी है।"

श्लोक 26 (devibhagavatam.5.14.26)

मूर्खसेवापरो यस्मात्तस्मात्त्वं मूर्ख एव हि । राजधर्मं न जानासि किं ब्रवीषि ममाग्रतः

mūrkhasevāparo yasmāttasmāttvaṁ mūrkha eva hi | rājadharmaṁ na jānāsi kiṁ bravīṣi mamāgrataḥ

"मूर्ख की सेवा में लगे रहने के कारण तू स्वयं भी मूर्ख ही है। तू राजधर्म नहीं जानता — मेरे सामने क्या बोल रहा है?"

श्लोक 27 (devibhagavatam.5.14.27)

सङ्ग्रामे महिषं हत्वा कृत्वा रुधिरकर्दमम् । यशःस्तम्भं स्थिरं कृत्वा गमिष्यामि यथासुखम्

saṅgrāme mahiṣaṁ hatvā kṛtvā rudhirakardamam | yaśaḥstambhaṁ sthiraṁ kṛtvā gamiṣyāmi yathāsukham

"रणभूमि में महिष को मारकर, रक्त से धरती को कीचड़-सी बनाकर, अपनी यश की स्थिर स्तंभ स्थापित करके मैं सुखपूर्वक चली जाऊँगी।"

श्लोक 28 (devibhagavatam.5.14.28)

देवानां दुःखदातारं दानवं मदगर्वितम् । हनिष्येऽहं दुराचारं युद्धं कुरु स्थिरो भव

devānāṁ duḥkhadātāraṁ dānavaṁ madagarvitam | haniṣye'haṁ durācāraṁ yuddhaṁ kuru sthiro bhava

"देवताओं को दुख देने वाले, मद से गर्वित उस दुराचारी दानव को मैं मार डालूँगी — युद्ध कर और स्थिर रह।"

श्लोक 29 (devibhagavatam.5.14.29)

जीवितेच्छास्ति चेन्मूढ महिषस्य तथा तव । तदा गच्छन्तु पातालं दानवाः सर्व एव ते

jīvitecchāsti cenmūḍha mahiṣasya tathā tava | tadā gacchantu pātālaṁ dānavāḥ sarva eva te

"हे मूर्ख! यदि तुझे और महिष को जीवन की इच्छा है, तो तुम सभी दानव पाताल चले जाओ।"

श्लोक 30 (devibhagavatam.5.14.30)

मुमूर्षा यदि वश्चित्ते युद्धं कुर्वन्तु सत्वराः । सर्वानेव वधिष्यामि निश्चयोऽयं ममाधुना

mumūrṣā yadi vaścitte yuddhaṁ kurvantu satvarāḥ | sarvāneva vadhiṣyāmi niścayo'yaṁ mamādhunā

"यदि तुम्हारे मन में मरने की इच्छा है, तो शीघ्र युद्ध करो; मैं तुम सबको मार डालूँगी — यही अब मेरा निश्चय है।"

श्लोक 31 (devibhagavatam.5.14.31)

व्यास उवाच । तच्छ्रुत्वा वचनं तस्या दानवो बलदर्पितः । मुमोच बाणवृष्टिं तां घनवृष्टिमिवापराम्

vyāsa uvāca | tacchrutvā vacanaṁ tasyā dānavo baladarpitaḥ | mumoca bāṇavṛṣṭiṁ tāṁ ghanavṛṣṭimivāparām

व्यास जी ने कहा — उसके ये वचन सुनकर बल से गर्वित उस दानव ने मानो एक और मेघ-वर्षा के समान देवी पर बाणों की वर्षा कर दी।

श्लोक 32 (devibhagavatam.5.14.32)

चिच्छेद तस्य सा बाणान्स्वबाणैर्निशितैस्तदा । जघान तं तथा घोरैराशीविषसमैः शरैः

ciccheda tasya sā bāṇānsvabāṇairniśitaistadā | jaghāna taṁ tathā ghorairāśīviṣasamaiḥ śaraiḥ

उसने भी उसके बाणों को अपने तीक्ष्ण बाणों से काट डाला, और फिर विषधर सर्पों के समान भयानक बाणों से उसे मारा।

श्लोक 33 (devibhagavatam.5.14.33)

युद्धं परस्परं तत्र बभूव विस्मयप्रदम् । गदया घातयामास तं रथाज्जगदम्बिका

yuddhaṁ parasparaṁ tatra babhūva vismayapradam | gadayā ghātayāmāsa taṁ rathājjagadambikā

वहाँ दोनों के बीच आश्चर्यजनक युद्ध हुआ, और जगदंबिका ने रथ से ही गदा द्वारा उस पर प्रहार किया।

श्लोक 34 (devibhagavatam.5.14.34)

मूर्च्छां प्राप स दुष्टात्मा गदयाभिहतो भृशम् । मुहूर्तद्वयमात्रं तु रथोपस्थ इवाचलः

mūrcchāṁ prāpa sa duṣṭātmā gadayābhihato bhṛśam | muhūrtadvayamātraṁ tu rathopastha ivācalaḥ

गदा के भीषण आघात से आहत होकर वह दुष्टात्मा मूर्च्छित हो गया और दो घड़ी तक पर्वत के समान अपने रथ के तल पर निश्चल पड़ा रहा।

श्लोक 35 (devibhagavatam.5.14.35)

तं तथा मूर्च्छितं दृष्ट्वा ताम्रः परबलार्दनः । आजगाम रणे योद्धुं चण्डिकां प्रति चापलात्

taṁ tathā mūrcchitaṁ dṛṣṭvā tāmraḥ parabalārdanaḥ | ājagāma raṇe yoddhuṁ caṇḍikāṁ prati cāpalāt

उसे इस प्रकार मूर्च्छित देखकर शत्रु-सेना का विनाशक ताम्र उतावलेपन से चण्डिका से युद्ध करने के लिए रणभूमि में आ गया।

श्लोक 36 (devibhagavatam.5.14.36)

आगच्छन्तं तु तं वीक्ष्य हसन्ती प्राह चण्डिका । एह्येहि दानवश्रेष्ठ यमलोकं नयाम्यहम्

āgacchantaṁ tu taṁ vīkṣya hasantī prāha caṇḍikā | ehyehi dānavaśreṣṭha yamalokaṁ nayāmyaham

उसे आते देखकर चण्डिका हँसती हुई बोली — "आ, आ, हे श्रेष्ठ दानव! मैं तुझे अभी यमलोक भेजती हूँ।"

श्लोक 37 (devibhagavatam.5.14.37)

किं भवद्भिः समायातैरबलैश्च गतायुषैः । महिषः किं गृहे मूढः करोति जीवनोद्यमम्

kiṁ bhavadbhiḥ samāyātairabalaiśca gatāyuṣaiḥ | mahiṣaḥ kiṁ gṛhe mūḍhaḥ karoti jīvanodyamam

"तुम जैसे निर्बल, जिनकी आयु पहले ही समाप्त हो चुकी है, इनके आने से क्या लाभ? क्या वह मूर्ख महिष घर बैठे जीवित रहने का प्रयत्न कर रहा है?"

श्लोक 38 (devibhagavatam.5.14.38)

किं भवद्भिर्हतैर्मन्दैर्ममापि विफलः श्रमः । अहते महिषे पापे सुरशत्रौ दुरात्मनि

kiṁ bhavadbhirhatairmandairmamāpi viphalaḥ śramaḥ | ahate mahiṣe pāpe suraśatrau durātmani

"तुम जैसे मूर्खों के मारे जाने से भी क्या लाभ, जब तक वह पापी, दुरात्मा, देवशत्रु महिष स्वयं न मारा जाए — मेरा परिश्रम व्यर्थ ही रहेगा।"

श्लोक 39 (devibhagavatam.5.14.39)

तस्माद्यूयं गृहं गत्वा महिषं प्रेषयन्त्विह । पश्येन्मां सोऽपि मन्दात्मा यादृशीं तादृशीं स्थिताम्

tasmādyūyaṁ gṛhaṁ gatvā mahiṣaṁ preṣayantviha | paśyenmāṁ so'pi mandātmā yādṛśīṁ tādṛśīṁ sthitām

"अतः तुम घर जाकर महिष को यहाँ भेजो, ताकि वह मंदबुद्धि भी देखे कि मैं वास्तव में कैसी हूँ, यहाँ किस रूप में खड़ी हूँ।"

श्लोक 40 (devibhagavatam.5.14.40)

ताम्रस्तद्वचनं श्रुत्वा बाणवृष्टिं चकार ह । चण्डिकां प्रति कोपेन कर्णाकृष्टशरासनः

tāmrastadvacanaṁ śrutvā bāṇavṛṣṭiṁ cakāra ha | caṇḍikāṁ prati kopena karṇākṛṣṭaśarāsanaḥ

यह सुनकर ताम्र ने क्रोध से, कान तक धनुष खींचकर, चण्डिका पर बाणों की वर्षा कर दी।

श्लोक 41 (devibhagavatam.5.14.41)

भगवत्यपि ताम्राक्षी समाकृष्य शरासनम् । बाणान्मुमोच तरसा हन्तुकामा सुराहितम्

bhagavatyapi tāmrākṣī samākṛṣya śarāsanam | bāṇānmumoca tarasā hantukāmā surāhitam

लाल नेत्रों वाली भगवती ने भी अपना धनुष खींचकर, उस देवशत्रु को मारने की इच्छा से शीघ्रता से बाण छोड़े।

श्लोक 42 (devibhagavatam.5.14.42)

चिक्षुराख्योऽपिबलवान्मूर्च्छां त्यक्त्वोत्थितः पुनः । गृहीत्वा सशरं चापं तस्थौ तत्सम्मुखः क्षणात्

cikṣurākhyo'pibalavānmūrcchāṁ tyaktvotthitaḥ punaḥ | gṛhītvā saśaraṁ cāpaṁ tasthau tatsammukhaḥ kṣaṇāt

बलवान चिक्षुर भी मूर्च्छा त्यागकर पुनः उठ खड़ा हुआ, और धनुष-बाण लेकर एक ही क्षण में उसके सम्मुख जा खड़ा हुआ।

श्लोक 43 (devibhagavatam.5.14.43)

चिक्षुराख्यश्च ताम्रश्च द्वावप्यतिबलोत्कटौ । युयुधाते महावीरौ सह देव्या रणाङ्गणे

cikṣurākhyaśca tāmraśca dvāvapyatibalotkaṭau | yuyudhāte mahāvīrau saha devyā raṇāṅgaṇe

चिक्षुर और ताम्र, दोनों अत्यंत बलशाली और उग्र महावीर, देवी के साथ रणभूमि में एक साथ युद्ध करने लगे।

श्लोक 44 (devibhagavatam.5.14.44)

कुपिता च महामाया ववर्ष शरसन्ततिम् । चकार दानवान् सर्वान् बाणक्षततनुच्छदान्

kupitā ca mahāmāyā vavarṣa śarasantatim | cakāra dānavān sarvān bāṇakṣatatanucchadān

क्रुद्ध महामाया ने बाणों की झड़ी बरसाई और समस्त दानवों के वस्त्रों को अपने बाणों से क्षत-विक्षत कर डाला।

श्लोक 45 (devibhagavatam.5.14.45)

असुराः क्रोधसम्मूढा बभूवुः शरताडिताः । चिक्षिपुः शरजालानि देवीं प्रति रुषान्विताः

asurāḥ krodhasammūḍhā babhūvuḥ śaratāḍitāḥ | cikṣipuḥ śarajālāni devīṁ prati ruṣānvitāḥ

बाणों से आहत होकर असुर क्रोध से व्याकुल हो उठे और रोषपूर्वक देवी पर बाणों के जाल फेंकने लगे।

श्लोक 46 (devibhagavatam.5.14.46)

बभुस्ते राक्षसास्तत्र किंशुका इव पुष्पिणः । शिलीमुखक्षताः सर्वे वसन्ते च वने रणे

babhuste rākṣasāstatra kiṁśukā iva puṣpiṇaḥ | śilīmukhakṣatāḥ sarve vasante ca vane raṇe

वे राक्षसगण उस रणभूमि में बाणों से घायल होकर, वसंत के वन में खिले किंशुक वृक्षों के समान दिखाई देने लगे।

श्लोक 47 (devibhagavatam.5.14.47)

बभूव तुमुलं युद्धं ताम्रेण सह संयुगे । विस्मयं परमं जग्मुर्देवा ये प्रेक्षकाः स्थिताः

babhūva tumulaṁ yuddhaṁ tāmreṇa saha saṁyuge | vismayaṁ paramaṁ jagmurdevā ye prekṣakāḥ sthitāḥ

ताम्र के साथ वह घमासान युद्ध हुआ, जिसे देखकर वहाँ खड़े दर्शक देवगण परम आश्चर्य को प्राप्त हुए।

श्लोक 48 (devibhagavatam.5.14.48)

ताम्रो मुसलमादाय लोहजं दारुणं दृढम् । जघान मस्तके सिंहं जहास च ननर्द च

tāmro musalamādāya lohajaṁ dāruṇaṁ dṛḍham | jaghāna mastake siṁhaṁ jahāsa ca nanarda ca

ताम्र ने लौह-निर्मित भयंकर और दृढ़ मूसल उठाकर सिंह के सिर पर प्रहार किया, और हँसा, और गरजा।

श्लोक 49 (devibhagavatam.5.14.49)

नर्दमानं तदा तं तु दृष्ट्वा देवी रुषान्विता । खड्गेन शितधारेण शिरश्चिच्छेद सत्वरा

nardamānaṁ tadā taṁ tu dṛṣṭvā devī ruṣānvitā | khaḍgena śitadhāreṇa śiraściccheda satvarā

उसे इस प्रकार गरजते देखकर क्रोधित देवी ने तीक्ष्ण धार वाली तलवार से तुरंत उसका सिर काट डाला।

श्लोक 50 (devibhagavatam.5.14.50)

छिन्ने शिरसि ताम्रस्तु विशीर्षो मुसली बली । बभ्राम क्षणमात्रं तु पपात रणमस्तके

chinne śirasi tāmrastu viśīrṣo musalī balī | babhrāma kṣaṇamātraṁ tu papāta raṇamastake

सिर कटते ही मूसलधारी बलवान ताम्र शिरहीन होकर क्षणभर घूमता रहा, फिर रणभूमि के शिखर पर गिर पड़ा।

श्लोक 51 (devibhagavatam.5.14.51)

पतितं ताम्रमालोक्य चिक्षुराख्यो महाबलः । खड्गमादाय तरसा दुद्राव चण्डिकां प्रति

patitaṁ tāmramālokya cikṣurākhyo mahābalaḥ | khaḍgamādāya tarasā dudrāva caṇḍikāṁ prati

ताम्र को गिरा हुआ देखकर महाबली चिक्षुर तलवार लेकर तुरंत चण्डिका की ओर दौड़ा।

श्लोक 52 (devibhagavatam.5.14.52)

भगवत्यपि तं दृष्ट्वा खड्गपाणिमुपागतम् । दानवं पञ्चभिर्बाणैर्जघान तरसा रणे

bhagavatyapi taṁ dṛṣṭvā khaḍgapāṇimupāgatam | dānavaṁ pañcabhirbāṇairjaghāna tarasā raṇe

भगवती ने भी तलवार हाथ में लिए आते हुए उस दानव को देखकर, रणभूमि में शीघ्रता से पाँच बाणों से मारा।

श्लोक 53 (devibhagavatam.5.14.53)

एकेन पातितं खड्गं द्वितीयेन तु तत्करः । कण्ठाच्च मस्तकं तस्य कृन्तितं चापरैः शरैः

ekena pātitaṁ khaḍgaṁ dvitīyena tu tatkaraḥ | kaṇṭhācca mastakaṁ tasya kṛntitaṁ cāparaiḥ śaraiḥ

एक बाण से उसकी तलवार गिरा दी गई, दूसरे से उसका हाथ; और शेष बाणों से उसका सिर गर्दन से काट डाला गया।

श्लोक 54 (devibhagavatam.5.14.54)

एवं तौ निहतौ कूरौ राक्षसौ रणदुर्मदौ । भग्नं सैन्यं तयोस्तूर्णं दिक्षु सन्त्रस्तमानसम्

evaṁ tau nihatau kūrau rākṣasau raṇadurmadau | bhagnaṁ sainyaṁ tayostūrṇaṁ dikṣu santrastamānasam

इस प्रकार युद्ध में उन्मत्त वे दोनों क्रूर राक्षस मारे गए; और उनकी सेना तुरंत भंग होकर भयभीत मन से दिशाओं में तितर-बितर हो गई।

श्लोक 55 (devibhagavatam.5.14.55)

देवाश्च मुदिताः सर्वे दृष्ट्वा तौ निहतौ रणे । पुष्पवृष्टिं मुदा चक्रुर्जयशब्दं नभःस्थिताः

devāśca muditāḥ sarve dṛṣṭvā tau nihatau raṇe | puṣpavṛṣṭiṁ mudā cakrurjayaśabdaṁ nabhaḥsthitāḥ

उन दोनों को रणभूमि में मारा गया देखकर सभी देवता हर्षित हुए, और आकाश में स्थित होकर हर्षपूर्वक पुष्पवर्षा करते हुए जय-जयकार करने लगे।

श्लोक 56 (devibhagavatam.5.14.56)

ऋषयो देवगन्धर्वा वेतालाः सिद्धचारणाः । ऊचुस्ते जय देवीति चाम्बिकेति पुनः पुनः

ṛṣayo devagandharvā vetālāḥ siddhacāraṇāḥ | ūcuste jaya devīti cāmbiketi punaḥ punaḥ

ऋषि, देवता, गंधर्व, वेताल, सिद्ध और चारण — सभी बार-बार पुकार उठे, "देवी की जय हो! अंबिका की जय हो!"