महिषासुर का वध

श्लोक 1 (devibhagavatam.5.18.1)

महिष उवाच । तस्यास्तु भगिनी कन्या नाम्ना चेन्दुमती शुभा । विवाहयोग्या सञ्जाता सुरूपावरजा यदा

mahiṣa uvāca | tasyāstu bhaginī kanyā nāmnā cendumatī śubhā | vivāhayogyā sañjātā surūpāvarajā yadā

महिष ने कहा — "उस (मंदोदरी) की छोटी बहन, सुंदर रूप वाली, चंदुमती नाम की कन्या, जब विवाह-योग्य हो गई —"

श्लोक 2 (devibhagavatam.5.18.2)

तस्या विवाहः संवृत्तः सञ्जातश्च स्वयंवरः । राजानो बहुदेशीयाः सङ्गतास्तत्र मण्डपे

tasyā vivāhaḥ saṁvṛttaḥ sañjātaśca svayaṁvaraḥ | rājāno bahudeśīyāḥ saṅgatāstatra maṇḍape

"— तो उसका विवाह निश्चित हुआ, और एक स्वयंवर का आयोजन हुआ। अनेक देशों के राजा उस मंडप में एकत्र हुए।"

श्लोक 3 (devibhagavatam.5.18.3)

तया वृतो नृपः कश्चिद्बलवान् रूपसंयुतः । कुलशीलसमायुक्तः सर्वलक्षणसंयुतः

tayā vṛto nṛpaḥ kaścidbalavān rūpasaṁyutaḥ | kulaśīlasamāyuktaḥ sarvalakṣaṇasaṁyutaḥ

"उसने किसी बलवान, रूपवान राजा को वरण किया, जो कुल-शील से युक्त और समस्त शुभ लक्षणों से संपन्न था।"

श्लोक 4 (devibhagavatam.5.18.4)

तदा कामातुरा जाता विटं वीक्ष्य नृपं तु सा । चकमे दैवयोगात्तु शठं चातुर्यभूषितम्

tadā kāmāturā jātā viṭaṁ vīkṣya nṛpaṁ tu sā | cakame daivayogāttu śaṭhaṁ cāturyabhūṣitam

"तब उस सुंदर राजा को देखकर वह काम-पीड़ित हो उठी, और दैव-योग से उस कपटी, चातुर्य से सुसज्जित पुरुष को चाहने लगी।"

श्लोक 5 (devibhagavatam.5.18.5)

पितरं प्राह तन्वङ्गी विवाहं कुरु मे पितः । इच्छा मेऽद्य समुद्भूता दृष्ट्वा मद्राधिपं त्विह

pitaraṁ prāha tanvaṅgī vivāhaṁ kuru me pitaḥ | icchā me'dya samudbhūtā dṛṣṭvā madrādhipaṁ tviha

"उस कोमलांगी ने पिता से कहा — 'हे पिता! मेरा विवाह करो, आज मुझे यहाँ मद्र-नरेश को देखकर यह इच्छा उत्पन्न हुई है।'"

श्लोक 6 (devibhagavatam.5.18.6)

चन्द्रसेनोऽपि तच्छ्रुत्वा पुत्र्या यद्भाषितं रहः । प्रसन्नेन च मनसा तत्कार्ये तत्परोऽभवत्

candraseno'pi tacchrutvā putryā yadbhāṣitaṁ rahaḥ | prasannena ca manasā tatkārye tatparo'bhavat

"चंद्रसेन ने भी अपनी पुत्री की यह एकांत में कही बात सुनकर, प्रसन्न मन से उस कार्य में तत्पर हो गया।"

श्लोक 7 (devibhagavatam.5.18.7)

तमाहूय नृपं गेहे विवाहविधिना ददौ । कन्यां मन्दोदरीं तस्मै पारिबर्हं तथा बहु

tamāhūya nṛpaṁ gehe vivāhavidhinā dadau | kanyāṁ mandodarīṁ tasmai pāribarhaṁ tathā bahu

"उस राजा को घर बुलाकर, उसने विवाह-विधि से अपनी कन्या मंदोदरी को उसे दे दिया, साथ ही प्रचुर दहेज भी।"

श्लोक 8 (devibhagavatam.5.18.8)

चारुदेष्णोऽपि तां प्राप्य सुन्दरीं मुदितोऽभवत् । जगाम स्वगृहं तुष्टो राजापि सहितः स्त्रिया

cārudeṣṇo'pi tāṁ prāpya sundarīṁ mudito'bhavat | jagāma svagṛhaṁ tuṣṭo rājāpi sahitaḥ striyā

"चारुदेष्ण भी उस सुंदरी को पाकर आनंदित हुआ; राजा भी संतुष्ट होकर अपनी पत्नी सहित अपने घर चला गया।"

श्लोक 9 (devibhagavatam.5.18.9)

रेमे नृपतिशार्दूलः कामिन्या बहुवासरान् । कदाचिद्दासपत्न्या स रममाणो रहः किल

reme nṛpatiśārdūlaḥ kāminyā bahuvāsarān | kadāciddāsapatnyā sa ramamāṇo rahaḥ kila

"उस राजाओं में श्रेष्ठ ने अपनी प्रिया के साथ अनेक दिनों तक विहार किया; परंतु एक बार वह किसी दास की पत्नी के साथ एकांत में रमण करते हुए देखा गया।"

श्लोक 10 (devibhagavatam.5.18.10)

सैरन्ध्र्या कथितं तस्यै तया दृष्टः पतिस्तथा । उपालम्भं ददौ तस्मै स्मितपूर्वं रुषान्विता

sairandhryā kathitaṁ tasyai tayā dṛṣṭaḥ patistathā | upālambhaṁ dadau tasmai smitapūrvaṁ ruṣānvitā

"यह बात एक दासी ने उसे बताई, जिसने स्वयं पति को उस प्रकार देखा था; उसने क्रोध से भरकर, पहले मुस्कुराते हुए, उसे उलाहना दिया।"

श्लोक 11 (devibhagavatam.5.18.11)

कदाचिदपि सामान्यां रहो रूपवतीं नृपः । क्रीडयँल्लालयन्दृष्टः खेदं प्राप तदैव सा

kadācidapi sāmānyāṁ raho rūpavatīṁ nṛpaḥ | krīḍaya~llālayandṛṣṭaḥ khedaṁ prāpa tadaiva sā

"एक बार फिर राजा को एकांत में किसी सामान्य सुंदरी के साथ क्रीड़ा और दुलार करते हुए देखा गया; तब वह अत्यंत खिन्न हो उठी।"

श्लोक 12 (devibhagavatam.5.18.12)

न ज्ञातोऽयं शठः पूर्वं यदा दृष्टः स्वयंवरे । किं कृतं तु मया मोहाद्वञ्चिताहं नृपेण ह

na jñāto'yaṁ śaṭhaḥ pūrvaṁ yadā dṛṣṭaḥ svayaṁvare | kiṁ kṛtaṁ tu mayā mohādvañcitāhaṁ nṛpeṇa ha

"'स्वयंवर में देखते समय मैंने इसे कपटी नहीं पहचाना था। मैंने मोहवश क्या किया? मैं इस राजा द्वारा ठगी गई हूँ!'"

श्लोक 13 (devibhagavatam.5.18.13)

किं करोम्यद्य सन्तापं निर्लज्जे निर्घृणे शठे । का प्रीतिरीदृशे पत्यौ धिगद्य मम जीवितम्

kiṁ karomyadya santāpaṁ nirlajje nirghṛṇe śaṭhe | kā prītirīdṛśe patyau dhigadya mama jīvitam

"'अब मैं क्या करूँ, संतप्त हृदय से? इस निर्लज्ज, निर्दय, कपटी पति के लिए क्या प्रेम हो सकता है? आज मेरे जीवन को धिक्कार है!'"

श्लोक 14 (devibhagavatam.5.18.14)

अद्यप्रभृति संसारे सुखं त्यक्तं मया खलु । पतिसम्भोगजं सर्वं सन्तोषोऽद्य मया कृतः

adyaprabhṛti saṁsāre sukhaṁ tyaktaṁ mayā khalu | patisambhogajaṁ sarvaṁ santoṣo'dya mayā kṛtaḥ

"'आज से मैंने संसार का सुख त्याग दिया है; पति-संभोग से उत्पन्न समस्त सुख — आज मैंने उसका त्याग करके संतोष कर लिया है।'"

श्लोक 15 (devibhagavatam.5.18.15)

अकर्तव्यं कृतं कार्यं तज्जातं दुःखदं मम । देहत्यागः क्रियते चेद्धत्यातीव दुरत्यया

akartavyaṁ kṛtaṁ kāryaṁ tajjātaṁ duḥkhadaṁ mama | dehatyāgaḥ kriyate ceddhatyātīva duratyayā

"'जो न करने योग्य कार्य था, वह किया गया, जो मेरे लिए दुखदायी बन गया है। यदि शरीर त्याग करूँ, तो वह आत्महत्या का अत्यंत दुस्तर पाप होगा।'"

श्लोक 16 (devibhagavatam.5.18.16)

पितृगेहं व्रजाम्याशु तत्रापि न सुखं भवेत् । हास्ययोग्या सखीनां तु भवेयं नात्र संशयः

pitṛgehaṁ vrajāmyāśu tatrāpi na sukhaṁ bhavet | hāsyayogyā sakhīnāṁ tu bhaveyaṁ nātra saṁśayaḥ

"'यदि मैं शीघ्र पिता के घर चली जाऊँ, तो वहाँ भी सुख नहीं मिलेगा — मैं अपनी सखियों के लिए हँसी का पात्र बन जाऊँगी, इसमें संदेह नहीं।'"

श्लोक 17 (devibhagavatam.5.18.17)

तस्मादत्रैव संवासो वैराग्ययुतया मया । कर्तव्यः कालयोगेन त्यक्त्वा कामसुखं पुनः

tasmādatraiva saṁvāso vairāgyayutayā mayā | kartavyaḥ kālayogena tyaktvā kāmasukhaṁ punaḥ

"'इसलिए मुझे वैराग्ययुक्त होकर यहीं रहना चाहिए, काल-योग से समय बिताते हुए, पुनः काम-सुख की इच्छा त्यागकर।'"

श्लोक 18 (devibhagavatam.5.18.18)

महिष उवाच । इति सञ्चिन्त्य सा नारी दुःखशोकपरायणा । स्थिता पतिगृहं त्यक्त्वा सुखं संसारजं ततः

mahiṣa uvāca | iti sañcintya sā nārī duḥkhaśokaparāyaṇā | sthitā patigṛhaṁ tyaktvā sukhaṁ saṁsārajaṁ tataḥ

महिष ने कहा — "ऐसा सोचकर वह दुख-शोक में डूबी स्त्री, संसार-जन्य सुख को त्यागकर, अपने पति के घर में ही रह गई।"

श्लोक 19 (devibhagavatam.5.18.19)

तस्मात्त्वमपि कल्याणि मामनादृत्य भूपतिम् । अन्यं कापुरुषं मन्दं कामार्ता संश्रयिष्यसि

tasmāttvamapi kalyāṇi māmanādṛtya bhūpatim | anyaṁ kāpuruṣaṁ mandaṁ kāmārtā saṁśrayiṣyasi

"इसलिए, हे कल्याणी! तुम भी मुझ राजा का अनादर करके, काम से पीड़ित होकर, आगे किसी और तुच्छ, नीच पुरुष की शरण लोगी।"

श्लोक 20 (devibhagavatam.5.18.20)

वचनं कुरु मे तथ्यं नारीणां परमं हितम् । अकृत्वा परमं शोकं लप्स्यसे नात्र संशयः

vacanaṁ kuru me tathyaṁ nārīṇāṁ paramaṁ hitam | akṛtvā paramaṁ śokaṁ lapsyase nātra saṁśayaḥ

"मेरा यह सत्य वचन मानो, जो स्त्रियों के लिए परम हितकर है। न मानने पर तुम्हें अत्यंत शोक प्राप्त होगा, इसमें संदेह नहीं।"

श्लोक 21 (devibhagavatam.5.18.21)

देव्युवाच । मन्दात्मन् गच्छ पातालं युद्धं वा कुरु साम्प्रतम् । हत्वा त्वामसुरान्सर्वान्गमिष्यामि यथासुखम्

devyuvāca | mandātman gaccha pātālaṁ yuddhaṁ vā kuru sāmpratam | hatvā tvāmasurānsarvāngamiṣyāmi yathāsukham

देवी ने कहा — "हे मंदबुद्धे! पाताल चला जा, अथवा अभी युद्ध कर। तुझे और समस्त असुरों को मारकर मैं सुखपूर्वक चली जाऊँगी।"

श्लोक 22 (devibhagavatam.5.18.22)

यदा यदा हि साधूनां दुःखं भवति दानव । तदा तेषां च रक्षार्थं देहं सन्धारयाम्यहम्

yadā yadā hi sādhūnāṁ duḥkhaṁ bhavati dānava | tadā teṣāṁ ca rakṣārthaṁ dehaṁ sandhārayāmyaham

"हे दानव! जब-जब साधुजनों को दुख होता है, तब-तब उनकी रक्षा के लिए मैं देह धारण करती हूँ।"

श्लोक 23 (devibhagavatam.5.18.23)

अरूपायाश्च मे रूपमजन्मायाश्च जन्म च । सुराणां रक्षणार्थाय विद्धि दैत्य विनिश्चितम्

arūpāyāśca me rūpamajanmāyāśca janma ca | surāṇāṁ rakṣaṇārthāya viddhi daitya viniścitam

"मैं निराकार होते हुए भी साकार रूप धारण करती हूँ, अजन्मा होते हुए भी जन्म लेती हूँ — जान ले, हे दैत्य! यह देवताओं की रक्षा के लिए ही निश्चित है।"

श्लोक 24 (devibhagavatam.5.18.24)

सत्यं ब्रवीमि जानीहि प्रार्थिताहं सुरैः किल । त्वद्वधार्थं हयारे त्वां हत्वा स्थास्यामि निश्चला

satyaṁ bravīmi jānīhi prārthitāhaṁ suraiḥ kila | tvadvadhārthaṁ hayāre tvāṁ hatvā sthāsyāmi niścalā

"मैं सत्य कहती हूँ, जान ले — देवताओं ने ही मुझसे प्रार्थना की है। हे अश्वशत्रु! तेरे वध के लिए ही, तुझे मारकर मैं अटल स्थिर रहूँगी।"

श्लोक 25 (devibhagavatam.5.18.25)

तस्माद्युध्यस्व वा गच्छ पातालमसुरालयम् । सर्वथा त्वां हनिष्यामि सत्यमेतद् ब्रवीम्यहम्

tasmādyudhyasva vā gaccha pātālamasurālayam | sarvathā tvāṁ haniṣyāmi satyametad bravīmyaham

"इसलिए या तो युद्ध कर, अथवा असुरों के निवास पाताल चला जा। मैं हर हाल में तुझे मार डालूँगी — यह मैं सत्य कहती हूँ।"

श्लोक 26 (devibhagavatam.5.18.26)

व्यास उवाच । इत्युक्तः स तया देव्या धनुरादाय दानवः । युद्धकामः स्थितस्तत्र सङ्ग्रामाङ्गणभूमिषु

vyāsa uvāca | ityuktaḥ sa tayā devyā dhanurādāya dānavaḥ | yuddhakāmaḥ sthitastatra saṅgrāmāṅgaṇabhūmiṣu

व्यास जी ने कहा — देवी द्वारा इस प्रकार कहे जाने पर वह दानव धनुष उठाकर युद्ध की इच्छा से युद्धभूमि में खड़ा हो गया।

श्लोक 27 (devibhagavatam.5.18.27)

मुमोच तरसा बाणान्कर्णाकृष्टाञ्छिलाशितान् । देवी चिच्छेद तान्बाणैः क्रोधान्मुक्तैरयोमुखैः

mumoca tarasā bāṇānkarṇākṛṣṭāñchilāśitān | devī ciccheda tānbāṇaiḥ krodhānmuktairayomukhaiḥ

उसने कान तक खींचे गए, शिला पर तीक्ष्ण किए बाणों को शीघ्रता से छोड़ा; देवी ने क्रोधपूर्वक अपने लौह-मुख बाणों से उन्हें काट डाला।

श्लोक 28 (devibhagavatam.5.18.28)

तयोः परस्परं युद्धं सम्बभूव भयप्रदम् । देवानां दानवानाञ्च परस्परजयैषिणाम्

tayoḥ parasparaṁ yuddhaṁ sambabhūva bhayapradam | devānāṁ dānavānāñca parasparajayaiṣiṇām

उन दोनों के बीच एक भयंकर युद्ध हुआ, जो देवताओं और दानवों दोनों के लिए भयकारी था, दोनों ही एक-दूसरे की विजय चाहते हुए।

श्लोक 29 (devibhagavatam.5.18.29)

मध्ये दुर्धर आगत्य मुमोच च शिलीमुखान् । देवीं प्रति विषासक्तान्कोपयन्नतिदारुणान्

madhye durdhara āgatya mumoca ca śilīmukhān | devīṁ prati viṣāsaktānkopayannatidāruṇān

इसी बीच दुर्धर आगे आकर, देवी पर विष-लिप्त, अत्यंत भयंकर बाण छोड़ने लगा, उसे और क्रोधित करते हुए।

श्लोक 30 (devibhagavatam.5.18.30)

ततो भगवती क्रुद्धा तं जघान शितैः शरैः । दुर्धरस्तु पपातोर्व्यां गतासुर्गिरिशृङ्गवत्

tato bhagavatī kruddhā taṁ jaghāna śitaiḥ śaraiḥ | durdharastu papātorvyāṁ gatāsurgiriśṛṅgavat

तब क्रुद्ध भगवती ने तीक्ष्ण बाणों से उसे मार दिया; दुर्धर पर्वत-शिखर के समान प्राणहीन होकर पृथ्वी पर गिर पड़ा।

श्लोक 31 (devibhagavatam.5.18.31)

तं तथा निहतं दृष्ट्वा त्रिनेत्रः परमास्त्रवित् । आगत्य सप्तभिर्बाणैर्जघान परमेश्वरीम्

taṁ tathā nihataṁ dṛṣṭvā trinetraḥ paramāstravit | āgatya saptabhirbāṇairjaghāna parameśvarīm

उसे इस प्रकार मारा गया देखकर, परम अस्त्रवेत्ता त्रिनेत्र आगे आकर सात बाणों से परमेश्वरी पर प्रहार करने लगा।

श्लोक 32 (devibhagavatam.5.18.32)

अनागतांस्तु चिच्छेद देवी तान्विशिखैः शरान् । त्रिशूलेन त्रिनेत्रं तु जघान जगदम्बिका

anāgatāṁstu ciccheda devī tānviśikhaiḥ śarān | triśūlena trinetraṁ tu jaghāna jagadambikā

देवी ने उन बाणों को अपने पास पहुँचने से पहले ही अपने तीक्ष्ण बाणों से काट डाला; और जगदंबिका ने त्रिशूल से त्रिनेत्र को मारा।

श्लोक 33 (devibhagavatam.5.18.33)

अन्धकस्त्वाजगामाशु हतं दृष्ट्वा त्रिलोचनम् । गदया लोहमय्याऽऽशु सिंहं विव्याध मस्तके

andhakastvājagāmāśu hataṁ dṛṣṭvā trilocanam | gadayā lohamayyā''śu siṁhaṁ vivyādha mastake

त्रिलोचन को मारा गया देखकर अंधक शीघ्र ही आगे आया, और लौह-गदा से शीघ्रता से सिंह के सिर पर प्रहार किया।

श्लोक 34 (devibhagavatam.5.18.34)

सिंहस्तु नखघातेन तं हत्वा बलवत्तरम् । चखाद तरसा मांसमन्धकस्य रुषान्वितः

siṁhastu nakhaghātena taṁ hatvā balavattaram | cakhāda tarasā māṁsamandhakasya ruṣānvitaḥ

अत्यंत बलशाली सिंह ने अपने नखों के आघात से उसे मार डाला, और क्रोधित होकर तुरंत अंधक के मांस को खा लिया।

श्लोक 35 (devibhagavatam.5.18.35)

तान् रणे निहतान्वीक्ष्य दानवो विस्मयं गतः । चिक्षेप तरसा बाणानतितीक्ष्णाञ्छिलाशितान्

tān raṇe nihatānvīkṣya dānavo vismayaṁ gataḥ | cikṣepa tarasā bāṇānatitīkṣṇāñchilāśitān

उन्हें युद्ध में मारा गया देखकर वह दानव आश्चर्यचकित हो गया, और शीघ्रता से शिला पर तीक्ष्ण किए अत्यंत तेज बाण फेंकने लगा।

श्लोक 36 (devibhagavatam.5.18.36)

द्विधा चक्रे शरान्देवी तानप्राप्ताञ्छिलीमुखैः । गदया ताडयामास दैत्यं वक्षसि चाम्बिका

dvidhā cakre śarāndevī tānaprāptāñchilīmukhaiḥ | gadayā tāḍayāmāsa daityaṁ vakṣasi cāmbikā

देवी ने उन बाणों को अपने पास पहुँचने से पहले ही अपने बाणों से दो भागों में काट डाला; और अंबिका ने उस दैत्य की छाती पर गदा से प्रहार किया।

श्लोक 37 (devibhagavatam.5.18.37)

स गदाभिहतो मूर्च्छामवापामरबाधकः । विषह्य पीडां पापात्मा पुनरागत्य सत्वरः

sa gadābhihato mūrcchāmavāpāmarabādhakaḥ | viṣahya pīḍāṁ pāpātmā punarāgatya satvaraḥ

गदा के आघात से आहत होकर वह देवताओं को सताने वाला मूर्च्छित हो गया; परंतु उस पापात्मा ने पीड़ा सहकर शीघ्र ही पुनः लौटकर —

श्लोक 38 (devibhagavatam.5.18.38)

जघान गदया सिंहं मूर्ध्नि क्रोधसमन्वितः । सिंहोऽपि नखघातेन तं ददार महासुरम्

jaghāna gadayā siṁhaṁ mūrdhni krodhasamanvitaḥ | siṁho'pi nakhaghātena taṁ dadāra mahāsuram

— क्रोध से भरकर सिंह के सिर पर गदा से प्रहार किया। सिंह ने भी उस महासुर को अपने नखों के आघात से चीर डाला।

श्लोक 39 (devibhagavatam.5.18.39)

विहाय पौरुषं रूपं सोऽपि सिंहो बभूव ह । नखैर्विदारयामास देवीसिंहं मदोत्कटम्

vihāya pauruṣaṁ rūpaṁ so'pi siṁho babhūva ha | nakhairvidārayāmāsa devīsiṁhaṁ madotkaṭam

अपना मानव-रूप त्यागकर वह भी सिंह बन गया, और अपने नखों से देवी के मदमत्त सिंह को चीरने लगा।

श्लोक 40 (devibhagavatam.5.18.40)

तञ्च केसरिणं वीक्ष्य देवी क्रुद्धा ह्ययोमुखैः । शरैरवाकिरत्तीक्ष्णैः क्रूरैराशीविषैरिव

tañca kesariṇaṁ vīkṣya devī kruddhā hyayomukhaiḥ | śarairavākirattīkṣṇaiḥ krūrairāśīviṣairiva

उस सिंह को देखकर क्रुद्ध देवी ने लौह-मुख, तीक्ष्ण, क्रूर बाणों से, मानो विषधर सर्पों से, उसे ढक दिया।

श्लोक 41 (devibhagavatam.5.18.41)

त्यक्त्वा स हरिरूपं तु गजो भूत्वा मदस्रवः । शैलशृङ्गं करे कृत्वा चिक्षेप चण्डिकां प्रति

tyaktvā sa harirūpaṁ tu gajo bhūtvā madasravaḥ | śailaśṛṅgaṁ kare kṛtvā cikṣepa caṇḍikāṁ prati

अपना सिंह-रूप त्यागकर वह मद-स्रावी गजराज बन गया, और सूँड़ में पर्वत-शिखर लेकर चण्डिका पर फेंकने लगा।

श्लोक 42 (devibhagavatam.5.18.42)

आगच्छन्तं गिरेः शृङ्गं देवी बाणैः शिलाशितैः । चकार तिलशः खण्डाञ्जहास जगदम्बिका

āgacchantaṁ gireḥ śṛṅgaṁ devī bāṇaiḥ śilāśitaiḥ | cakāra tilaśaḥ khaṇḍāñjahāsa jagadambikā

आते हुए उस पर्वत-शिखर को देवी ने शिला पर तीक्ष्ण किए बाणों से तिल-तिल कर काट डाला; और जगदंबिका हँस पड़ी।

श्लोक 43 (devibhagavatam.5.18.43)

उत्पत्य च तदा सिंहस्तस्य मूर्ध्नि व्यवस्थितः । नखैर्विदारयामास महिषं गजरूपिणम्

utpatya ca tadā siṁhastasya mūrdhni vyavasthitaḥ | nakhairvidārayāmāsa mahiṣaṁ gajarūpiṇam

तब उनका सिंह उछलकर उसके सिर पर जा बैठा, और अपने नखों से गज-रूपधारी महिष को चीरने लगा।

श्लोक 44 (devibhagavatam.5.18.44)

विहाय गजरूपं च बभूवाष्टापदी तथा । हन्तुकामो हरिं कोपाद्दारुणो बलवत्तरः

vihāya gajarūpaṁ ca babhūvāṣṭāpadī tathā | hantukāmo hariṁ kopāddāruṇo balavattaraḥ

गज-रूप त्यागकर वह भयंकर और अधिक बलशाली अष्टपाद शरभ बन गया, क्रोधवश सिंह को मारने की इच्छा से।

श्लोक 45 (devibhagavatam.5.18.45)

तं वीक्ष्य शरभं देवी खड्गेन सा रुषान्विता । उत्तमाङ्गे जघानाशु सोऽपि तां प्राहरत्तदा

taṁ vīkṣya śarabhaṁ devī khaḍgena sā ruṣānvitā | uttamāṅge jaghānāśu so'pi tāṁ prāharattadā

उसे शरभ-रूप में देखकर क्रोधित देवी ने तलवार से शीघ्र उसके सिर पर प्रहार किया; उसने भी तब उस पर प्रहार किया।

श्लोक 46 (devibhagavatam.5.18.46)

तयोः परस्परं युद्धं बभूवातिभयप्रदम् । माहिषं रूपमास्थाय शृङ्गाभ्यां प्राहरत्तदा

tayoḥ parasparaṁ yuddhaṁ babhūvātibhayapradam | māhiṣaṁ rūpamāsthāya śṛṅgābhyāṁ prāharattadā

उन दोनों के बीच अत्यंत भयंकर युद्ध हुआ; तब पुनः महिष-रूप धारण करके उसने अपने सींगों से प्रहार किया।

श्लोक 47 (devibhagavatam.5.18.47)

पुच्छप्रभ्रमणेनाशु शृङ्गाघातैर्महासुरः । ताडयामास तन्वङ्गीं घोररूपो भयानकः

pucchaprabhramaṇenāśu śṛṅgāghātairmahāsuraḥ | tāḍayāmāsa tanvaṅgīṁ ghorarūpo bhayānakaḥ

अपनी पूँछ को शीघ्रता से घुमाते हुए और सींगों के आघातों से, वह भयंकर, डरावने रूप वाला महासुर उस कोमलांगी देवी पर प्रहार करने लगा।

श्लोक 48 (devibhagavatam.5.18.48)

पुच्छेन पर्वताञ्छृङ्गे गृहीत्वा भ्रामयन्बलात् । प्रेषयामास पापात्मा प्रहसन्परया मुदा

pucchena parvatāñchṛṅge gṛhītvā bhrāmayanbalāt | preṣayāmāsa pāpātmā prahasanparayā mudā

पूँछ से पर्वतों को अपने सींगों में पकड़कर बलपूर्वक घुमाते हुए, वह पापात्मा अत्यंत हर्षपूर्वक हँसते हुए उन्हें देवी पर फेंकने लगा।

श्लोक 49 (devibhagavatam.5.18.49)

तामुवाच बलोन्मत्तस्तिष्ठ देवि रणाङ्गणे । अद्याहं त्वां हनिष्यामि रूपयौवनभूषिताम्

tāmuvāca balonmattastiṣṭha devi raṇāṅgaṇe | adyāhaṁ tvāṁ haniṣyāmi rūpayauvanabhūṣitām

बल से उन्मत्त होकर वह देवी से बोला — "हे देवी! युद्धभूमि में ठहर! आज मैं रूप और यौवन से सुसज्जित तुझे मार डालूँगा।"

श्लोक 50 (devibhagavatam.5.18.50)

मूर्खासि मदमत्ताद्य यन्मया सह सङ्गरम् । करोषि मोहितातीव मृषा बलवती खरा

mūrkhāsi madamattādya yanmayā saha saṅgaram | karoṣi mohitātīva mṛṣā balavatī kharā

"तू मूर्ख है, आज अपने मद में चूर होकर मुझसे युद्ध कर रही है, अत्यंत मोहित होकर, झूठे ही अपने को बलवती और तीक्ष्ण समझ रही है।"

श्लोक 51 (devibhagavatam.5.18.51)

हत्वा त्वां निहनिष्यामि देवान्कपटपण्डितान् । ये नारीं पुरतः कृत्वा जेतुमिच्छन्ति मां शठाः

hatvā tvāṁ nihaniṣyāmi devānkapaṭapaṇḍitān | ye nārīṁ purataḥ kṛtvā jetumicchanti māṁ śaṭhāḥ

"तुझे मारकर मैं उन कपटी, चतुर देवताओं को भी मार डालूँगा, जो एक स्त्री को आगे कर मुझे जीतना चाहते हैं, वे धूर्त!"

श्लोक 52 (devibhagavatam.5.18.52)

देव्युवाच । मा गर्वं कुरु मन्दात्मंस्तिष्ठ तिष्ठ रणाङ्गणे । करिष्यामि निरातङ्कान्हत्वा त्वां सुरसत्तमान्

devyuvāca | mā garvaṁ kuru mandātmaṁstiṣṭha tiṣṭha raṇāṅgaṇe | kariṣyāmi nirātaṅkānhatvā tvāṁ surasattamān

देवी ने कहा — "हे मंदबुद्धे! घमंड मत कर, ठहर, युद्धभूमि में ठहर! तुझे मारकर मैं देवश्रेष्ठों को सर्वथा निर्भय कर दूँगी।"

श्लोक 53 (devibhagavatam.5.18.53)

पीत्वाद्य माधवीं मिष्टां शातयामि रणेऽधम । देवानां दुःखदं पापं मुनीनां भयकारकम्

pītvādya mādhavīṁ miṣṭāṁ śātayāmi raṇe'dhama | devānāṁ duḥkhadaṁ pāpaṁ munīnāṁ bhayakārakam

"हे अधम! आज मधुर मदिरा पीकर मैं तुझे युद्ध में काट डालूँगी — तू देवताओं को दुख देने वाला पापी और मुनियों को भयभीत करने वाला है।"

श्लोक 54 (devibhagavatam.5.18.54)

व्यास उवाच । इत्युक्त्वा चषकं हैमं गहीत्वा सुरया युतम् । पपौ पुनः पुनः क्रोधाद्धन्तुकामा महासुरम्

vyāsa uvāca | ityuktvā caṣakaṁ haimaṁ gahītvā surayā yutam | papau punaḥ punaḥ krodhāddhantukāmā mahāsuram

व्यास जी ने कहा — ऐसा कहकर सुरा से भरा सुवर्ण-पात्र उठाकर, उस महासुर को मारने की इच्छा से क्रोधपूर्वक वह बार-बार पीने लगी।

श्लोक 55 (devibhagavatam.5.18.55)

पीत्वा द्राक्षासवं मिष्टं शूलमादाय सत्वरा । दुद्राव दानवं देवी हर्षयन्देवतागणान्

pītvā drākṣāsavaṁ miṣṭaṁ śūlamādāya satvarā | dudrāva dānavaṁ devī harṣayandevatāgaṇān

मीठी द्राक्षासव पीकर, शीघ्रता से त्रिशूल उठाकर, देवगणों को हर्षित करती हुई देवी उस दानव की ओर दौड़ी।

श्लोक 56 (devibhagavatam.5.18.56)

देवास्तां तुष्टुवुः प्रेष्णा चक्रुः कुसुमवर्षणम् । जय जीवेति ते प्रोचुर्दुन्दुभीनाञ्च निःस्वनैः

devāstāṁ tuṣṭuvuḥ preṣṇā cakruḥ kusumavarṣaṇam | jaya jīveti te procurdundubhīnāñca niḥsvanaiḥ

देवताओं ने प्रेमपूर्वक उसकी स्तुति की और पुष्पवर्षा की; वे "जय हो, जय हो" पुकारने लगे, नगाड़ों की गूँज के साथ।

श्लोक 57 (devibhagavatam.5.18.57)

ऋषयः सिद्धगन्धर्वाः पिशाचोरगचारणाः । किन्नराः प्रेक्ष्य सङ्ग्रामं मुदिता गगने स्थिताः

ṛṣayaḥ siddhagandharvāḥ piśācoragacāraṇāḥ | kinnarāḥ prekṣya saṅgrāmaṁ muditā gagane sthitāḥ

ऋषि, सिद्ध, गंधर्व, पिशाच, नाग, चारण और किन्नर — सब युद्ध को देखते हुए हर्षित होकर आकाश में खड़े रहे।

श्लोक 58 (devibhagavatam.5.18.58)

सोऽपि नानाविधान्देहान्कृत्वा कृत्वा पुनः पुनः । मायामयाञ्जघानाजौ देवीं कपटपण्डितः

so'pi nānāvidhāndehānkṛtvā kṛtvā punaḥ punaḥ | māyāmayāñjaghānājau devīṁ kapaṭapaṇḍitaḥ

वह भी बार-बार अनेक प्रकार के मायामय शरीर धारण करके, उस कपट-निपुण ने युद्ध में देवी पर प्रहार करने का प्रयत्न किया।

श्लोक 59 (devibhagavatam.5.18.59)

चण्डिकापि च तं पापं त्रिशूलेन बलाद्धृदि । ताडयामास तीक्ष्णेन क्रोधादरुणलोचना

caṇḍikāpi ca taṁ pāpaṁ triśūlena balāddhṛdi | tāḍayāmāsa tīkṣṇena krodhādaruṇalocanā

परंतु क्रोध से लाल नेत्रों वाली चण्डिका ने बलपूर्वक अपने तीक्ष्ण त्रिशूल से उस पापी को हृदय में मारा।

श्लोक 60 (devibhagavatam.5.18.60)

ताडितोऽसौ पपातोर्व्यां मूर्च्छामाप मुहूर्तकम् । पुनरुत्थाय चामुण्डां पद्भ्यां वेगादताडयत्

tāḍito'sau papātorvyāṁ mūrcchāmāpa muhūrtakam | punarutthāya cāmuṇḍāṁ padbhyāṁ vegādatāḍayat

आहत होकर वह पृथ्वी पर गिर पड़ा और क्षणभर मूर्च्छित रहा; फिर उठकर उसने चामुंडा पर तेजी से खुरों से प्रहार किया।

श्लोक 61 (devibhagavatam.5.18.61)

विनिहत्य पदाघातैर्जहास च मुहुर्मुहुः । रुराव दारुणं शब्दं देवानां भयकारकम्

vinihatya padāghātairjahāsa ca muhurmuhuḥ | rurāva dāruṇaṁ śabdaṁ devānāṁ bhayakārakam

खुरों के आघात से उसे मारकर वह बार-बार हँसने लगा, और देवताओं को भयभीत करने वाली भयंकर गर्जना करने लगा।

श्लोक 62 (devibhagavatam.5.18.62)

ततो देवी सहस्रारं सुनाभं चक्रमुत्तमम् । करे कृत्वा जगादोच्चैः संस्थितं महिषासुरम्

tato devī sahasrāraṁ sunābhaṁ cakramuttamam | kare kṛtvā jagādoccaiḥ saṁsthitaṁ mahiṣāsuram

तब देवी ने सहस्र आरों वाला, सुंदर नाभि वाला उत्तम चक्र हाथ में लेकर, वहाँ खड़े महिषासुर से ऊँचे स्वर में कहा —

श्लोक 63 (devibhagavatam.5.18.63)

पश्य चक्रं मदान्धाद्य तव कण्ठनिकृन्तनम् । क्षणमात्रं स्थिरो भूत्वा यमलोकं व्रजाधुना

paśya cakraṁ madāndhādya tava kaṇṭhanikṛntanam | kṣaṇamātraṁ sthiro bhūtvā yamalokaṁ vrajādhunā

"हे मदांध! देख यह चक्र — आज यह तेरा कंठ काट देगा! क्षणभर स्थिर हो जा, अब यमलोक जा!"

श्लोक 64 (devibhagavatam.5.18.64)

इत्युक्त्वा दारुणं चक्रं मुमोच जगदम्बिका । शिरश्छिन्नं रथाङ्गेन दानवस्य तदा रणे

ityuktvā dāruṇaṁ cakraṁ mumoca jagadambikā | śiraśchinnaṁ rathāṅgena dānavasya tadā raṇe

ऐसा कहकर जगदंबिका ने वह भयंकर चक्र छोड़ दिया; उस रथांग (चक्र) से युद्धभूमि में उस दानव का सिर काट दिया गया।

श्लोक 65 (devibhagavatam.5.18.65)

सुस्राव रुधिरं चोष्णं कण्ठनालाद् गिरेर्यथा । गैरिकाद्यरुणं प्रौढं प्रवाहमिव नैर्झरम्

susrāva rudhiraṁ coṣṇaṁ kaṇṭhanālād gireryathā | gairikādyaruṇaṁ prauḍhaṁ pravāhamiva nairjharam

उसके कटे हुए कंठ से उष्ण रक्त उसी प्रकार बह निकला जैसे गैरिक-वर्ण के पर्वत से लाल जलधारा प्रबल झरने के समान बहती है।

श्लोक 66 (devibhagavatam.5.18.66)

कबन्धस्तस्य दैत्यस्य भ्रमन्वै पतितः क्षितौ । जयशब्दश्च देवानां बभूव सुखवर्धनः

kabandhastasya daityasya bhramanvai patitaḥ kṣitau | jayaśabdaśca devānāṁ babhūva sukhavardhanaḥ

उस दैत्य का धड़ भ्रमण करता हुआ पृथ्वी पर गिर पड़ा; और देवताओं का जय-घोष उनके सुख को बढ़ाने वाला हुआ।

श्लोक 67 (devibhagavatam.5.18.67)

सिंहस्त्वतिबलस्तत्र पलायनपरानथ । दानवान्भक्षयामास क्षुधार्त इव सङ्गरे

siṁhastvatibalastatra palāyanaparānatha | dānavānbhakṣayāmāsa kṣudhārta iva saṅgare

वहाँ अत्यंत बलशाली सिंह ने भागते हुए दानवों को, मानो भूख से पीड़ित होकर, युद्धभूमि में खा डाला।

श्लोक 68 (devibhagavatam.5.18.68)

मृते च महिषे क्रूरे दानवा भयपीडिताः । मृतशेषाश्च ये केचित्पातालं ते ययुर्नृप

mṛte ca mahiṣe krūre dānavā bhayapīḍitāḥ | mṛtaśeṣāśca ye kecitpātālaṁ te yayurnṛpa

उस क्रूर महिष के मारे जाने पर, भयपीड़ित दानव, और जो कोई थोड़े-बहुत जीवित बचे थे, हे राजन्, वे पाताल चले गए।

श्लोक 69 (devibhagavatam.5.18.69)

आनन्दं परमं जग्मुर्देवास्तस्मिन्निपातिते । मुनयो मानवाश्चैव ये चान्ये साधवः क्षितौ

ānandaṁ paramaṁ jagmurdevāstasminnipātite | munayo mānavāścaiva ye cānye sādhavaḥ kṣitau

उसके गिरने पर देवताओं को परम आनंद प्राप्त हुआ; और मुनियों, मनुष्यों तथा पृथ्वी पर के अन्य साधुजनों को भी।

श्लोक 70 (devibhagavatam.5.18.70)

चण्डिकापि रणं त्यक्त्वा शुभे देशेऽथ संस्थिता । देवास्तत्राययुः शीघ्रं स्तोतुकामाः सुखप्रदाम्

caṇḍikāpi raṇaṁ tyaktvā śubhe deśe'tha saṁsthitā | devāstatrāyayuḥ śīghraṁ stotukāmāḥ sukhapradām

चण्डिका भी युद्धभूमि छोड़कर एक शुभ स्थान में जा विराजी; और देवगण वहाँ शीघ्र ही उस सुखदायिनी की स्तुति करने की इच्छा से आ पहुँचे।