महिष-वध के पश्चात् पृथ्वी का सुख

श्लोक 1 (devibhagavatam.5.20.1)

जनमेजय उवाच अथाद्भुतं वीक्ष्य मुने प्रभावं देव्या जगच्छान्तिकरं परञ्च । न तृप्तिरस्ति द्विजवर्य शृण्वतः कथामृतं ते मुखपद्मजातम्

janamejaya uvāca athādbhutaṁ vīkṣya mune prabhāvaṁ devyā jagacchāntikaraṁ parañca | na tṛptirasti dvijavarya śṛṇvataḥ kathāmṛtaṁ te mukhapadmajātam

जनमेजय ने कहा — "हे मुनि! देवी के इस अद्भुत, जगत को शांति देने वाले परम प्रभाव को देखकर — हे द्विजश्रेष्ठ! आपके मुखकमल से उत्पन्न इस कथामृत को सुनते हुए मुझे तृप्ति नहीं हो रही।"

श्लोक 2 (devibhagavatam.5.20.2)

अन्तर्हितायां च तदा भवान्या चक्रुश्च किं देवपुरोगमास्ते । देव्याश्चरित्र परमं पवित्रं दुरापमेवाल्पपुण्यैर्नराणाम्

antarhitāyāṁ ca tadā bhavānyā cakruśca kiṁ devapurogamāste | devyāścaritra paramaṁ pavitraṁ durāpamevālpapuṇyairnarāṇām

"भवानी के अंतर्धान हो जाने पर, इंद्र आदि देवताओं ने फिर क्या किया? देवी का यह परम पवित्र चरित्र अल्प-पुण्यशाली मनुष्यों को दुर्लभ ही है।"

श्लोक 3 (devibhagavatam.5.20.3)

कस्तृप्तिमाप्नोति कथामृतेन भिन्नोऽल्पभाग्यात्पटुकर्णरन्ध्रः । पीतेन येनामरतां प्रयाति धिक्तान्नरान् ये न पिबन्ति सादरम्

kastṛptimāpnoti kathāmṛtena bhinno'lpabhāgyātpaṭukarṇarandhraḥ | pītena yenāmaratāṁ prayāti dhiktānnarān ye na pibanti sādaram

"इस कथामृत से कौन तृप्त होता है, जिसके कान अल्प-भाग्य से खुल गए — जिसे पीकर मनुष्य अमरता को प्राप्त होता है? उन मनुष्यों को धिक्कार है, जो इसे आदरपूर्वक नहीं पीते!"

श्लोक 4 (devibhagavatam.5.20.4)

लीलाचरित्रं जगदम्बिकाया रक्षान्वितं देवमहामुनीनाम् । संसारवार्धेस्तरणं नराणां कथं कृतज्ञा हि परित्यजेयुः

līlācaritraṁ jagadambikāyā rakṣānvitaṁ devamahāmunīnām | saṁsāravārdhestaraṇaṁ narāṇāṁ kathaṁ kṛtajñā hi parityajeyuḥ

"जगदंबिका का यह लीला-चरित्र, जो देवताओं और महामुनियों की रक्षा करने वाला है, और मनुष्यों को संसार-सागर से पार उतारने वाला है — कृतज्ञ लोग इसे कैसे त्याग सकते हैं?"

श्लोक 5 (devibhagavatam.5.20.5)

मुक्ताश्च ये चैव मुमुक्षवश्च संसारिणो रोगयुताश्च केचित् । तेषां सदा श्रोत्रपुटैश्च पेयं सर्वार्थदं वेदविदो वदन्ति

muktāśca ye caiva mumukṣavaśca saṁsāriṇo rogayutāśca kecit | teṣāṁ sadā śrotrapuṭaiśca peyaṁ sarvārthadaṁ vedavido vadanti

"वेदज्ञ कहते हैं कि यह सर्वार्थदायी कथा मुक्तों, मुमुक्षुओं, संसारी जनों तथा रोगियों — सभी के लिए सदा कानों के पात्रों से पीने योग्य है।"

श्लोक 6 (devibhagavatam.5.20.6)

तथा विशेषेण मुने नृपाणां धर्मार्थकामेषु सदा रतानाम् । मुक्ताश्च यस्मात्खलु तत्पिबन्ति कथं न पेयं रहितैश्च तेभ्यः

tathā viśeṣeṇa mune nṛpāṇāṁ dharmārthakāmeṣu sadā ratānām | muktāśca yasmātkhalu tatpibanti kathaṁ na peyaṁ rahitaiśca tebhyaḥ

"और हे मुनि! विशेषकर उन राजाओं के लिए, जो सदा धर्म, अर्थ और काम में तत्पर रहते हैं; जब मुक्त पुरुष भी इसे पीते हैं, तो जिनमें वह प्राप्ति नहीं है, उनके लिए यह क्यों न पिया जाए?"

श्लोक 7 (devibhagavatam.5.20.7)

यैः पूजिता पूर्वभवे भवानी सत्कुन्दपुष्पैरथ चम्पकैश्च । बैल्वैर्दलैस्ते भुवि भोगयुक्ता नृपा भवन्तीत्यनुमेयमेवम्

yaiḥ pūjitā pūrvabhave bhavānī satkundapuṣpairatha campakaiśca | bailvairdalaiste bhuvi bhogayuktā nṛpā bhavantītyanumeyamevam

"जिन्होंने पूर्वजन्म में भवानी की कुंद और चंपा के सुंदर फूलों तथा बिल्वपत्रों से पूजा की, वे ही इस पृथ्वी पर भोगयुक्त राजा बनते हैं — ऐसा अनुमान किया जा सकता है।"

श्लोक 8 (devibhagavatam.5.20.8)

ये भक्तिहीना समवाप्य देहं तं मानुषं भारतभूमिभागे । यैर्नार्चिता ते धनधान्यहीना रोगान्विताः सन्ततिवर्जिताश्च

ye bhaktihīnā samavāpya dehaṁ taṁ mānuṣaṁ bhāratabhūmibhāge | yairnārcitā te dhanadhānyahīnā rogānvitāḥ santativarjitāśca

"जो भारत-भूमि में यह मानव-देह पाकर भी भक्ति-रहित होकर उसकी पूजा नहीं करते, वे धन-धान्य से रहित, रोगग्रस्त और संतान-रहित हो जाते हैं।"

श्लोक 9 (devibhagavatam.5.20.9)

भ्रमन्ति नित्यं किल दासभूता आज्ञाकराः केवलभारवाहाः । दिवानिशं स्वार्थपराः कदापि नैवाप्नुवन्त्यौदरपूर्तिमात्रम्

bhramanti nityaṁ kila dāsabhūtā ājñākarāḥ kevalabhāravāhāḥ | divāniśaṁ svārthaparāḥ kadāpi naivāpnuvantyaudarapūrtimātram

"वे सदा दास बनकर, दूसरों की आज्ञा का पालन करते हुए, मात्र भार ढोते हुए भटकते रहते हैं; दिन-रात केवल अपने स्वार्थ में लगे रहकर भी वे कभी अपने पेट भर भोजन तक नहीं पाते।"

श्लोक 10 (devibhagavatam.5.20.10)

अन्धाश्च मूका बधिराश्च खञ्जाः कुष्ठान्विता ये भुवि दुःखभाजः । तत्रानुमानं कविभिर्विधेयं नाराधिता तैः सततं भवानी

andhāśca mūkā badhirāśca khañjāḥ kuṣṭhānvitā ye bhuvi duḥkhabhājaḥ | tatrānumānaṁ kavibhirvidheyaṁ nārādhitā taiḥ satataṁ bhavānī

"अंधे, गूँगे, बहरे, लंगड़े और कुष्ठरोगी, जो इस पृथ्वी पर दुख के पात्र बनते हैं — कवियों को इसका भी यही अनुमान करना चाहिए कि उन्होंने सदा भवानी की आराधना नहीं की।"

श्लोक 11 (devibhagavatam.5.20.11)

ये राजभोगान्वितऋद्धिपूर्णाः संसेव्यमाना बहुभिर्मनुष्यैः । दृश्यन्ति ये वा विभवैः समेता स्तैः पूजिताम्बेत्यनुमेयमेव

ye rājabhogānvitaṛddhipūrṇāḥ saṁsevyamānā bahubhirmanuṣyaiḥ | dṛśyanti ye vā vibhavaiḥ sametā staiḥ pūjitāmbetyanumeyameva

"जो राज-भोगों से युक्त, समृद्धि से भरपूर, अनेक मनुष्यों द्वारा सेवित दिखाई देते हैं, अथवा जो ऐश्वर्य से संपन्न दिखते हैं — उनके विषय में भी यही अनुमान करना चाहिए कि उन्होंने माता की पूजा की है।"

श्लोक 12 (devibhagavatam.5.20.12)

तस्मात्सत्यवतीसूनो देव्याश्चरितमुत्तमम् । कथयस्व कृपां कृत्वा दयावानसि साम्प्रतम्

tasmātsatyavatīsūno devyāścaritamuttamam | kathayasva kṛpāṁ kṛtvā dayāvānasi sāmpratam

"इसलिए, हे सत्यवती-पुत्र! कृपा करके, तुम अत्यंत दयालु हो, अब देवी की इस उत्तम कथा को मुझे सुनाओ।"

श्लोक 13 (devibhagavatam.5.20.13)

हत्वा तं महिषं पापं स्तुता सम्पूजिता सुरैः । क्व गता सा महालक्ष्मीः सर्वतेजःसमुद्भवा

hatvā taṁ mahiṣaṁ pāpaṁ stutā sampūjitā suraiḥ | kva gatā sā mahālakṣmīḥ sarvatejaḥsamudbhavā

"उस पापी महिष को मारकर और देवताओं द्वारा स्तुति व पूजा पाकर, वह महालक्ष्मी, जो समस्त देवताओं के तेज से उत्पन्न हुई थी, कहाँ चली गई?"

श्लोक 14 (devibhagavatam.5.20.14)

कथितं ते महाभाग गतान्तर्धानमाशु सा । स्वर्गे वा मृत्युलोके वा संस्थिता भुवनेश्वरी

kathitaṁ te mahābhāga gatāntardhānamāśu sā | svarge vā mṛtyuloke vā saṁsthitā bhuvaneśvarī

"हे महाभाग! आपने बताया कि वह शीघ्र ही अदृश्य हो गई — अब मुझे बताइए, क्या वह भुवनेश्वरी स्वर्ग में स्थित है, अथवा मृत्युलोक में?"

श्लोक 15 (devibhagavatam.5.20.15)

लयं गता वा तत्रैव वैकुण्ठे वा समाश्रिता । अथवा हेमशैले सा तत्त्वतो मे वदाधुना

layaṁ gatā vā tatraiva vaikuṇṭhe vā samāśritā | athavā hemaśaile sā tattvato me vadādhunā

"क्या वह वहीं लय को प्राप्त हो गई, अथवा वैकुंठ में आश्रित हुई? अथवा हेमशैल (सुमेरु) पर? अब मुझे इसका यथार्थ बताइए।"

श्लोक 16 (devibhagavatam.5.20.16)

व्यास उवाच । पूर्वं मया ते कथितं मणिद्वीपं मनोहरम् । क्रीडास्थानं सदा देव्या वल्लभं परमं स्मृतम्

vyāsa uvāca | pūrvaṁ mayā te kathitaṁ maṇidvīpaṁ manoharam | krīḍāsthānaṁ sadā devyā vallabhaṁ paramaṁ smṛtam

व्यास जी ने कहा — "मैंने पहले तुम्हें मनोहर मणिद्वीप के विषय में बताया था, जो देवी का सदा प्रिय, परम श्रेष्ठ क्रीड़ा-स्थान माना गया है।"

श्लोक 17 (devibhagavatam.5.20.17)

यत्र ब्रह्मा हरिः स्थाणुः स्त्रीभावं ते प्रपेदिरे । पुरुषत्वं पुनः प्राप्य स्वानि कार्याणि चक्रिरे

yatra brahmā hariḥ sthāṇuḥ strībhāvaṁ te prapedire | puruṣatvaṁ punaḥ prāpya svāni kāryāṇi cakrire

"जहाँ ब्रह्मा, हरि और स्थाणु (शिव) ने भी स्त्री-रूप धारण किया था, और फिर पुरुषत्व पुनः प्राप्त करके अपने-अपने कार्य किए।"

श्लोक 18 (devibhagavatam.5.20.18)

यः सुधासिन्धुमध्येऽस्ति द्वीपः परमशोभनः । नानारूपैः सदा तत्र विहारं कुरुतेऽम्बिका

yaḥ sudhāsindhumadhye'sti dvīpaḥ paramaśobhanaḥ | nānārūpaiḥ sadā tatra vihāraṁ kurute'mbikā

"वह परम सुंदर द्वीप अमृत-सागर के मध्य में स्थित है; वहाँ अंबिका सदा अनेक रूपों में विहार करती हैं।"

श्लोक 19 (devibhagavatam.5.20.19)

स्तुता सम्पूजिता देवैः सा तत्रैव गता शिवा । यत्र सङ्क्रीडते नित्यं मायाशक्तिः सनातनी

stutā sampūjitā devaiḥ sā tatraiva gatā śivā | yatra saṅkrīḍate nityaṁ māyāśaktiḥ sanātanī

"देवताओं द्वारा स्तुति और पूजा पाकर वह कल्याणकारी देवी वहीं चली गईं, जहाँ सनातन माया-शक्ति सदा क्रीड़ा करती रहती है।"

श्लोक 20 (devibhagavatam.5.20.20)

देवास्तां निर्गतां वीक्ष्य देवीं सर्वेश्वरीं तथा । रविवंशोद्भवं चक्रुर्भूमिपालं महाबलम्

devāstāṁ nirgatāṁ vīkṣya devīṁ sarveśvarīṁ tathā | ravivaṁśodbhavaṁ cakrurbhūmipālaṁ mahābalam

उस सर्वेश्वरी देवी को इस प्रकार अंतर्धान होते देखकर देवताओं ने सूर्यवंश में उत्पन्न एक महाबली भूपाल को —

श्लोक 21 (devibhagavatam.5.20.21)

अयोध्याधिपतिं वीरं शत्रुघ्नं नाम पार्थिवम् । सर्वलक्षणसम्पन्नं महिषस्यासने शुभे

ayodhyādhipatiṁ vīraṁ śatrughnaṁ nāma pārthivam | sarvalakṣaṇasampannaṁ mahiṣasyāsane śubhe

अयोध्या के अधिपति, शत्रुघ्न नामक वीर राजा को, जो समस्त शुभ लक्षणों से संपन्न था, महिष के ही शुभ सिंहासन पर —

श्लोक 22 (devibhagavatam.5.20.22)

दत्त्वा राज्यं तदा तस्मै देवा इन्द्रपुरोगमाः । स्वकीयैर्वाहनैः सर्वे जग्मुः स्वान्यालयानि ते

dattvā rājyaṁ tadā tasmai devā indrapurogamāḥ | svakīyairvāhanaiḥ sarve jagmuḥ svānyālayāni te

— राज्य प्रदान करके, तब इंद्र आदि देवगण सभी अपने-अपने वाहनों से अपने-अपने लोकों को चले गए।

श्लोक 23 (devibhagavatam.5.20.23)

गतेषु तेषु देवेषु पृथिव्यां पृथिवीपते । धर्मराज्यं बभूवाथ प्रजाश्च सुखितास्तथा

gateṣu teṣu deveṣu pṛthivyāṁ pṛthivīpate | dharmarājyaṁ babhūvātha prajāśca sukhitāstathā

हे पृथ्वीपते! उन देवताओं के चले जाने पर, पृथ्वी पर धर्म-राज्य स्थापित हुआ और प्रजा भी सुखी हो गई।

श्लोक 24 (devibhagavatam.5.20.24)

पर्जन्यः कालवर्षी च धरा धान्यगुणावृता । पादपाः फलपुष्पाढ्या बभूवुः सुखदाः सदा

parjanyaḥ kālavarṣī ca dharā dhānyaguṇāvṛtā | pādapāḥ phalapuṣpāḍhyā babhūvuḥ sukhadāḥ sadā

मेघ समय पर वर्षा करने लगे, पृथ्वी धान्य-समृद्धि से आवृत हो गई, वृक्ष फल-फूलों से भरपूर होकर सदा सुखदायी बन गए।

श्लोक 25 (devibhagavatam.5.20.25)

गावश्च क्षीरसम्पना घटोध्न्यः कामदा नृणाम् । नद्यः सुमार्गगाः स्वच्छाः शीतोदाः खगसंयुताः

gāvaśca kṣīrasampanā ghaṭodhnyaḥ kāmadā nṛṇām | nadyaḥ sumārgagāḥ svacchāḥ śītodāḥ khagasaṁyutāḥ

गायें दूध से समृद्ध, घड़े के समान थनों वाली, मनुष्यों की सभी इच्छाएँ पूर्ण करने वाली हो गईं; नदियाँ सुंदर मार्गों में बहतीं, स्वच्छ, शीतल जल वाली और पक्षियों से युक्त थीं।

श्लोक 26 (devibhagavatam.5.20.26)

ब्राह्मणा वेदतत्त्वाश्च यज्ञकर्मरतास्तथा । क्षत्रिया धर्मसंयुक्ता दानाध्ययनतत्पराः

brāhmaṇā vedatattvāśca yajñakarmaratāstathā | kṣatriyā dharmasaṁyuktā dānādhyayanatatparāḥ

ब्राह्मण वेद के तत्त्वज्ञ और यज्ञ-कर्म में रत हो गए; क्षत्रिय धर्म से युक्त, दान और अध्ययन में तत्पर हो गए।

श्लोक 27 (devibhagavatam.5.20.27)

शस्त्रविद्यारता नित्यं प्रजारक्षणतत्पराः । न्यायदण्डधराः सर्वे राजानः शमसंयुताः

śastravidyāratā nityaṁ prajārakṣaṇatatparāḥ | nyāyadaṇḍadharāḥ sarve rājānaḥ śamasaṁyutāḥ

शस्त्र-विद्या में सदा रत, प्रजा-रक्षण में तत्पर, समस्त राजा न्याय-दंड धारण करने वाले और शांति से युक्त हो गए।

श्लोक 28 (devibhagavatam.5.20.28)

अविरोधस्तु भूतानां सर्वेषां सम्बभूव ह । आकरा धनदा नृणां व्रजा गोयूथसंयुताः

avirodhastu bhūtānāṁ sarveṣāṁ sambabhūva ha | ākarā dhanadā nṛṇāṁ vrajā goyūthasaṁyutāḥ

समस्त प्राणियों में परस्पर अविरोध हो गया; खानें मनुष्यों को धन देने लगीं, और गोशालाएँ गायों के झुंडों से भर गईं।

श्लोक 29 (devibhagavatam.5.20.29)

ब्राह्मणाः क्षत्रिया वैश्याः शूद्राश्च नृपसत्तम । देवीभक्तिपराः सर्वे सम्बभूवुर्धरातले

brāhmaṇāḥ kṣatriyā vaiśyāḥ śūdrāśca nṛpasattama | devībhaktiparāḥ sarve sambabhūvurdharātale

हे राजाओं में श्रेष्ठ! ब्राह्मण, क्षत्रिय, वैश्य और शूद्र — सभी इस भूतल पर देवी-भक्ति में तत्पर हो गए।

श्लोक 30 (devibhagavatam.5.20.30)

सर्वत्र यज्ञयूपाश्च मण्डपाश्च मनोहराः । मखैः पूर्णा धराश्चासन् ब्राह्मणैः क्षत्रियैः कृतैः

sarvatra yajñayūpāśca maṇḍapāśca manoharāḥ | makhaiḥ pūrṇā dharāścāsan brāhmaṇaiḥ kṣatriyaiḥ kṛtaiḥ

सर्वत्र यज्ञ-स्तंभ और मनोहर मंडप बन गए; ब्राह्मणों और क्षत्रियों द्वारा किए गए यज्ञों से पृथ्वी परिपूर्ण हो गई।

श्लोक 31 (devibhagavatam.5.20.31)

पतिव्रतधरा नार्यः सुशीलाः सत्यसंयुताः । पितृभक्तिपराः पुत्रा आसन्धर्मपरायणाः

pativratadharā nāryaḥ suśīlāḥ satyasaṁyutāḥ | pitṛbhaktiparāḥ putrā āsandharmaparāyaṇāḥ

स्त्रियाँ पतिव्रत-धर्म धारण करने वाली, सुशील और सत्यनिष्ठ बन गईं; पुत्र पिता की भक्ति में तत्पर और धर्मपरायण हो गए।

श्लोक 32 (devibhagavatam.5.20.32)

न पाखण्डं न वाधर्मः कुत्रापि पृथिवीतले । वेदवादा शास्त्रवादा नान्ये वादास्तथाभवन्

na pākhaṇḍaṁ na vādharmaḥ kutrāpi pṛthivītale | vedavādā śāstravādā nānye vādāstathābhavan

पृथ्वी पर कहीं भी पाखंड या अधर्म नहीं रहा; केवल वेद-वाद और शास्त्र-वाद ही रहे, अन्य कोई वाद नहीं हुआ।

श्लोक 33 (devibhagavatam.5.20.33)

कलहो नैव केषाञ्चिन्न दैन्यं नाशुभा मतिः । सर्वत्र सुखिनो लोकाः काले च मरणं तथा

kalaho naiva keṣāñcinna dainyaṁ nāśubhā matiḥ | sarvatra sukhino lokāḥ kāle ca maraṇaṁ tathā

किसी में भी कलह नहीं रहा, न दीनता, न अशुभ बुद्धि; सर्वत्र लोग सुखी थे, और मृत्यु भी अपने काल पर ही होती थी।

श्लोक 34 (devibhagavatam.5.20.34)

सुहृदां न वियोगश्च नापदश्च कदाचन । नानावृष्टिर्न दुर्भिक्षं न मारी दुःखदा नृणाम्

suhṛdāṁ na viyogaśca nāpadaśca kadācana | nānāvṛṣṭirna durbhikṣaṁ na mārī duḥkhadā nṛṇām

मित्रों का वियोग कभी नहीं होता था, न ही कोई विपत्ति आती थी; न अतिवृष्टि, न अकाल, न महामारी — मनुष्यों को कोई दुख नहीं होता था।

श्लोक 35 (devibhagavatam.5.20.35)

न रोगो न च मात्सर्यं न विरोधः परस्परम् । सर्वत्र सुखसम्पन्ना नरा नार्यः सुखान्विताः

na rogo na ca mātsaryaṁ na virodhaḥ parasparam | sarvatra sukhasampannā narā nāryaḥ sukhānvitāḥ

न रोग था, न ईर्ष्या, न परस्पर विरोध; सर्वत्र पुरुष और स्त्रियाँ सुख-संपन्न और आनंदयुक्त थे।

श्लोक 36 (devibhagavatam.5.20.36)

क्रीडन्ति मानवाः सर्वे स्वर्गे देवगणा इव । न चौरा न च पाखण्डा वञ्चका दम्भकास्तथा

krīḍanti mānavāḥ sarve svarge devagaṇā iva | na caurā na ca pākhaṇḍā vañcakā dambhakāstathā

समस्त मनुष्य स्वर्ग में देवताओं के समान क्रीड़ा करते थे; न चोर थे, न पाखंडी, न ठग और न ढोंगी।

श्लोक 37 (devibhagavatam.5.20.37)

पिशुना लम्पटाः स्तब्धा न बभूवुस्तदा नृप । न वेदद्वेषिणः पापा मानवाः पृथिवीपते

piśunā lampaṭāḥ stabdhā na babhūvustadā nṛpa | na vedadveṣiṇaḥ pāpā mānavāḥ pṛthivīpate

हे राजन्! तब न कोई चुगलखोर था, न लंपट, न घमंडी; हे पृथ्वीपते! न ही वेद-द्वेषी पापी मनुष्य थे।

श्लोक 38 (devibhagavatam.5.20.38)

सर्वधर्मरता नित्यं द्विजसेवापरायणाः । त्रिधात्वात्सृष्टिधर्मस्य त्रिविधा ब्राह्मणास्ततः

sarvadharmaratā nityaṁ dvijasevāparāyaṇāḥ | tridhātvātsṛṣṭidharmasya trividhā brāhmaṇāstataḥ

सभी सदा धर्म में रत, द्विजों की सेवा में तत्पर रहते थे; और सृष्टि-धर्म की त्रिविधता के कारण ब्राह्मण भी तीन प्रकार के हो गए —

श्लोक 39 (devibhagavatam.5.20.39)

सात्त्विका राजसाश्चैव तामसाश्च तथापरे । सर्वे वेदविदो दक्षाः सात्त्विकाः सत्त्ववृत्तयः

sāttvikā rājasāścaiva tāmasāśca tathāpare | sarve vedavido dakṣāḥ sāttvikāḥ sattvavṛttayaḥ

— सात्त्विक, राजसिक और तामसिक। सभी वेदज्ञ और दक्ष थे; सात्त्विक ब्राह्मण सत्त्व-वृत्ति वाले थे।

श्लोक 40 (devibhagavatam.5.20.40)

प्रतिग्रहविहीनाश्च दयादमपरायणाः । यज्ञास्ते सात्त्विकैरन्नैः कुर्वाणा धर्मतत्पराः

pratigrahavihīnāśca dayādamaparāyaṇāḥ | yajñāste sāttvikairannaiḥ kurvāṇā dharmatatparāḥ

वे दान-ग्रहण से रहित, दया और संयम में तत्पर थे, और सात्त्विक अन्न से धर्मपरायण होकर यज्ञ करते थे —

श्लोक 41 (devibhagavatam.5.20.41)

पुरोडाशविधानैश्च पशुभिर्न कदाचन । दानमध्ययनञ्चैव यजनं तु तृतीयकम्

puroḍāśavidhānaiśca paśubhirna kadācana | dānamadhyayanañcaiva yajanaṁ tu tṛtīyakam

— पुरोडाश (हवि) की विधियों से, कभी पशुओं से नहीं। दान, अध्ययन और यज्ञ — यह तीसरा उनका कर्तव्य था।

श्लोक 42 (devibhagavatam.5.20.42)

त्रिकर्मरसिकास्ते वै सात्त्विका ब्राह्मणा नृप । राजसा वेदविद्वांसः क्षत्रियाणां पुरोहिताः

trikarmarasikāste vai sāttvikā brāhmaṇā nṛpa | rājasā vedavidvāṁsaḥ kṣatriyāṇāṁ purohitāḥ

इन तीन कर्मों में रुचि रखने वाले, हे राजन्, ये सात्त्विक ब्राह्मण थे। राजसिक ब्राह्मण वेदज्ञ, क्षत्रियों के पुरोहित थे।

श्लोक 43 (devibhagavatam.5.20.43)

षट्कर्मनिरता सर्वे विधिवन्मांसभक्षकाः । यजनं याजनं दानं तथैव च प्रतिग्रहः

ṣaṭkarmaniratā sarve vidhivanmāṁsabhakṣakāḥ | yajanaṁ yājanaṁ dānaṁ tathaiva ca pratigrahaḥ

सभी छह कर्मों में रत, विधिपूर्वक मांस का भक्षण करने वाले थे। यजन, याजन, दान और प्रतिग्रहण —

श्लोक 44 (devibhagavatam.5.20.44)

अध्ययनं तु वेदानां तथैवाध्यापनं तु षट् । तामसाः क्रोधसंयुक्ता रागद्वेषपराः पुनः

adhyayanaṁ tu vedānāṁ tathaivādhyāpanaṁ tu ṣaṭ | tāmasāḥ krodhasaṁyuktā rāgadveṣaparāḥ punaḥ

— वेदों का अध्ययन और अध्यापन — ये छह कर्तव्य थे। तामसिक ब्राह्मण क्रोध से युक्त, राग-द्वेष में परायण थे,

श्लोक 45 (devibhagavatam.5.20.45)

राज्ञां कर्मकरा नित्यं किञ्चिदध्ययने रताः । महिषे निहते सर्वे सुखिनो वेदतत्पराः

rājñāṁ karmakarā nityaṁ kiñcidadhyayane ratāḥ | mahiṣe nihate sarve sukhino vedatatparāḥ

सदा राजाओं के कर्मचारी बनकर, अध्ययन में थोड़ा-सा ही रत रहते थे। महिष के मारे जाने पर सभी सुखी और वेद-परायण हो गए।

श्लोक 46 (devibhagavatam.5.20.46)

बभूवुर्व्रतनिष्णाता दानधर्मपरास्तथा । क्षत्रियाः पालने युक्ता वैश्या वणिजवृत्तयः

babhūvurvrataniṣṇātā dānadharmaparāstathā | kṣatriyāḥ pālane yuktā vaiśyā vaṇijavṛttayaḥ

वे व्रतों में निष्णात, दान-धर्म में तत्पर हो गए; क्षत्रिय शासन में लगे रहे, वैश्य व्यापार-वृत्ति में लगे रहे।

श्लोक 47 (devibhagavatam.5.20.47)

कृषिवाणिज्यगोरक्षाकुसीदवृत्तयः परे । एवं प्रमुदितो लोको महिषे विनिपातिते

kṛṣivāṇijyagorakṣākusīdavṛttayaḥ pare | evaṁ pramudito loko mahiṣe vinipātite

अन्य लोग कृषि, वाणिज्य, गोरक्षा और सूदखोरी की वृत्तियों में लगे रहे। इस प्रकार महिष के गिरने पर सारा संसार अत्यंत हर्षित हो उठा।

श्लोक 48 (devibhagavatam.5.20.48)

अनुद्वेगः प्रजानां वै सम्बभूव धनागमः । बहुक्षीरा शुभा गावो नद्यश्चैव बहूदकाः

anudvegaḥ prajānāṁ vai sambabhūva dhanāgamaḥ | bahukṣīrā śubhā gāvo nadyaścaiva bahūdakāḥ

प्रजा चिंता-रहित हो गई, और धन का आगमन हुआ; गायें शुभ और दूध से भरपूर हो गईं, नदियाँ प्रचुर जल के साथ बहने लगीं।

श्लोक 49 (devibhagavatam.5.20.49)

वृक्षा बहुफलाश्चासन्मानवा रोगवर्जिताः । नाधयो नेतयः क्वापि प्रजानां दुःखदायकाः

vṛkṣā bahuphalāścāsanmānavā rogavarjitāḥ | nādhayo netayaḥ kvāpi prajānāṁ duḥkhadāyakāḥ

वृक्ष प्रचुर फलों से युक्त हो गए, मनुष्य रोग-रहित हो गए; प्रजा को कहीं भी न मानसिक व्याधि थी, न शारीरिक कष्ट देने वाली कोई पीड़ा।

श्लोक 50 (devibhagavatam.5.20.50)

न निधनमुपयान्ति प्राणिनस्तेऽप्यकाले सकलविभवयुक्ता रोगहीनाः सदैव । निगमविहितधर्मे तत्पराश्चण्डिकाया श्चरणसरसिजानां सेवने दत्तचित्ताः

na nidhanamupayānti prāṇinaste'pyakāle sakalavibhavayuktā rogahīnāḥ sadaiva | nigamavihitadharme tatparāścaṇḍikāyā ścaraṇasarasijānāṁ sevane dattacittāḥ

प्राणी असमय में मृत्यु को प्राप्त नहीं होते थे; सदा समस्त ऐश्वर्य से युक्त, रोग-रहित रहते हुए, वे शास्त्र-विहित धर्म में तत्पर, चण्डिका के चरण-कमलों की सेवा में मन लगाए रहते थे।