देवी के विरुद्ध चण्ड-मुण्ड का प्रेषण

श्लोक 1 (devibhagavatam.5.25.1)

व्यास उवाच । इत्युक्त्वा विररामासौ वचनं धूम्रलोचनः । प्रत्युवाच तदा काली प्रहस्य ललितं वचः

vyāsa uvāca | ityuktvā virarāmāsau vacanaṁ dhūmralocanaḥ | pratyuvāca tadā kālī prahasya lalitaṁ vacaḥ

व्यास जी ने कहा — ऐसा कहकर धूम्रलोचन चुप हो गया; तब काली हँसते हुए मधुर वचन बोली।

श्लोक 2 (devibhagavatam.5.25.2)

विदूषकोऽसि जाल्म त्वं शैलूष इव भाषसे । वृथा मनोरथांश्चित्ते करोषि मधुरं वदन्

vidūṣako'si jālma tvaṁ śailūṣa iva bhāṣase | vṛthā manorathāṁścitte karoṣi madhuraṁ vadan

"अरे मूर्ख, तू विदूषक के समान है, नट के समान बोलता है। व्यर्थ ही मीठी बातें कहकर मन में मनोरथ संजो रहा है।"

श्लोक 3 (devibhagavatam.5.25.3)

बलवान्बलसंयुक्तः प्रेषितोऽसि दुरात्मना । कुरु युद्धं वृथा वादं मुञ्च मूढमतेऽधुना

balavānbalasaṁyuktaḥ preṣito'si durātmanā | kuru yuddhaṁ vṛthā vādaṁ muñca mūḍhamate'dhunā

"तू बलवान और सेना सहित उस दुरात्मा द्वारा भेजा गया है। अब युद्ध कर, व्यर्थ की बातें छोड़ दे, हे मूढ़मते!"

श्लोक 4 (devibhagavatam.5.25.4)

हत्वा शुम्भं निशुम्भञ्च त्वदन्यान्वा बलाधिकान् । देवी क्रुद्धा शराघातैर्व्रजिष्यति निजालयम्

hatvā śumbhaṁ niśumbhañca tvadanyānvā balādhikān | devī kruddhā śarāghātairvrajiṣyati nijālayam

"शुम्भ और निशुम्भ को, या तुझसे भी अधिक बलवान अन्य किसी को मारकर, देवी क्रोध शांत होते ही बाणों के प्रहार से अपने धाम को लौट जाएँगी।"

श्लोक 5 (devibhagavatam.5.25.5)

क्वासौ मन्दमतिः शुम्भः क्व वा विश्वविमोहिनी । अयुक्तः खलु संसारे विवाहविधिरेतयोः

kvāsau mandamatiḥ śumbhaḥ kva vā viśvavimohinī | ayuktaḥ khalu saṁsāre vivāhavidhiretayoḥ

"कहाँ वह मंदबुद्धि शुम्भ, और कहाँ विश्व को मोहित करने वाली यह देवी? इन दोनों का विवाह-विधान संसार में सर्वथा अनुचित है।"

श्लोक 6 (devibhagavatam.5.25.6)

सिंही किं त्वतिकामार्ता जम्बुकं कुरुते पतिम् । करिणी गर्दभं वापि गवयं सुरभिः किमु

siṁhī kiṁ tvatikāmārtā jambukaṁ kurute patim | kariṇī gardabhaṁ vāpi gavayaṁ surabhiḥ kimu

"क्या सिंहनी, चाहे कितनी भी कामातुर हो, गीदड़ को अपना पति बनाती है? क्या हथिनी गधे को, या सुरभि गाय वन-वृषभ को अपनाती है?"

श्लोक 7 (devibhagavatam.5.25.7)

गच्छ शुम्भं निशुम्भं च वद सत्यं वचो मम । कुरु युद्धं न चेद्याहि पातालं तरसाधुना

gaccha śumbhaṁ niśumbhaṁ ca vada satyaṁ vaco mama | kuru yuddhaṁ na cedyāhi pātālaṁ tarasādhunā

"जा, शुम्भ और निशुम्भ से जाकर मेरा यह सत्य वचन कह — या तो युद्ध करें, अन्यथा अभी तुरंत पाताल को चले जाएँ।"

श्लोक 8 (devibhagavatam.5.25.8)

व्यास उवाच । कालिकायावचः श्रुत्वा स दैत्यो धूम्रलोचनः । तामुवाच महाभाग क्रोधसंरक्तलोचनः

vyāsa uvāca | kālikāyāvacaḥ śrutvā sa daityo dhūmralocanaḥ | tāmuvāca mahābhāga krodhasaṁraktalocanaḥ

व्यास जी ने कहा — कालिका के ये वचन सुनकर वह दैत्य धूम्रलोचन, क्रोध से लाल नेत्र किए, हे महाभाग, उससे बोला।

श्लोक 9 (devibhagavatam.5.25.9)

दुर्दर्शे त्वां निहत्याजौ सिंहञ्च मदगर्वितम् । गृहीत्वैनां गमिष्यामि राजानं प्रत्यहं किल

durdarśe tvāṁ nihatyājau siṁhañca madagarvitam | gṛhītvaināṁ gamiṣyāmi rājānaṁ pratyahaṁ kila

"हे कुरूपे! युद्ध में तुझे और तेरे मदमत्त सिंह को मारकर मैं तुझे पकड़कर आज ही राजा के पास ले जाऊँगा।"

श्लोक 10 (devibhagavatam.5.25.10)

रसभङ्गभयात्कालि बिभेमि त्विह साम्प्रतम् । नोचेत्त्वां निशितैर्बाणैर्हन्म्यद्य कलहप्रिये

rasabhaṅgabhayātkāli bibhemi tviha sāmpratam | nocettvāṁ niśitairbāṇairhanmyadya kalahapriye

"हे काली, इस समय मैं केवल अपयश के भय से रुका हूँ — नहीं तो, हे कलहप्रिये, मैं तुझे अभी तीक्ष्ण बाणों से मार डालता।"

श्लोक 11 (devibhagavatam.5.25.11)

कालिकोवाच । किं विकत्थसि मन्दात्मन्नायं धर्मो धनुष्मताम् । स्वशक्त्या मुञ्च विशिखान्गन्तासि यमसंसदि

kālikovāca | kiṁ vikatthasi mandātmannāyaṁ dharmo dhanuṣmatām | svaśaktyā muñca viśikhāngantāsi yamasaṁsadi

कालिका ने कहा — "हे मंदबुद्धे! क्यों डींग हाँकता है? धनुर्धरों का यह धर्म नहीं है। अपनी शक्ति भर बाण छोड़, अब तू यमसभा में जाने वाला है।"

श्लोक 12 (devibhagavatam.5.25.12)

व्यास उवाच । तच्छ्रुत्वा वचनं दैत्यः सङ्गृह्य कार्मुकं दृढम् । कालिकां तां शरासारैर्ववर्षातिशिलाशितैः

vyāsa uvāca | tacchrutvā vacanaṁ daityaḥ saṅgṛhya kārmukaṁ dṛḍham | kālikāṁ tāṁ śarāsārairvavarṣātiśilāśitaiḥ

व्यास जी ने कहा — यह सुनकर उस दैत्य ने अपना दृढ़ धनुष उठाया और कालिका पर पत्थर पर तीक्ष्ण किए हुए बाणों की वर्षा कर दी।

श्लोक 13 (devibhagavatam.5.25.13)

देवास्तु प्रेक्षकास्तत्र विमानवरसंस्थिताः । तां स्तुवन्तो जयेत्यूचुर्देवीं शक्रपुरोगमाः

devāstu prekṣakāstatra vimānavarasaṁsthitāḥ | tāṁ stuvanto jayetyūcurdevīṁ śakrapurogamāḥ

वहाँ देवगण उत्तम विमानों में बैठे दर्शक बने हुए थे; इंद्र के नेतृत्व में वे देवी की स्तुति करते हुए "जय हो" कहने लगे।

श्लोक 14 (devibhagavatam.5.25.14)

तयोः परस्परं युद्धं प्रवृत्तं चातिदारुणम् । बाणखड्गगदाशक्तिमुसलादिभिरुत्कटम्

tayoḥ parasparaṁ yuddhaṁ pravṛttaṁ cātidāruṇam | bāṇakhaḍgagadāśaktimusalādibhirutkaṭam

उन दोनों में बाण, खड्ग, गदा, शक्ति, मूसल आदि से अत्यंत भयंकर एवं उग्र युद्ध होने लगा।

श्लोक 15 (devibhagavatam.5.25.15)

कालिका बाणपातैस्तु हत्वा पूर्वं खरानथ । बभञ्ज तद्रथं व्यूढं जहास च मुहुर्मुहुः

kālikā bāṇapātaistu hatvā pūrvaṁ kharānatha | babhañja tadrathaṁ vyūḍhaṁ jahāsa ca muhurmuhuḥ

कालिका ने पहले बाणों से उसके गधों को मारकर उसका विशाल रथ तोड़ डाला और बार-बार हँसने लगी।

श्लोक 16 (devibhagavatam.5.25.16)

स चान्यं रथमारूढः कोपेन प्रज्वलन्निव । बाणवृष्टिं चकारोग्रां कालिकोपरि भारत

sa cānyaṁ rathamārūḍhaḥ kopena prajvalanniva | bāṇavṛṣṭiṁ cakārogrāṁ kālikopari bhārata

वह दूसरे रथ पर चढ़कर, क्रोध से जलता हुआ, हे भारत, कालिका पर घोर बाण-वर्षा करने लगा।

श्लोक 17 (devibhagavatam.5.25.17)

सापि चिच्छेद तरसा तस्य बाणानसङ्गतान् । मुमोचान्यानुग्रवेगान्दानवोपरि कालिका

sāpi ciccheda tarasā tasya bāṇānasaṅgatān | mumocānyānugravegāndānavopari kālikā

उसने भी तत्परता से उसके आते हुए बाणों को काट डाला और कालिका ने भी उस दानव पर अत्यंत वेगशाली अन्य बाण छोड़े।

श्लोक 18 (devibhagavatam.5.25.18)

तैर्बाणैर्निहतास्तस्य पार्ष्णिग्राहा सहस्रशः । बभञ्ज च रथं वेगात्सूतं हत्वा खरानपि

tairbāṇairnihatāstasya pārṣṇigrāhā sahasraśaḥ | babhañja ca rathaṁ vegātsūtaṁ hatvā kharānapi

उन बाणों से उसके सहस्रों पार्ष्णिग्राहक मारे गए; उसने वेगपूर्वक उसका रथ भी तोड़ डाला और सारथी तथा गधों को भी मार डाला।

श्लोक 19 (devibhagavatam.5.25.19)

चिच्छेद तद्धनुः सद्यो बाणैरुरगसन्निभैः । मुदं चक्रे सुराणां सा शङ्खनादं तथाकरोत्

ciccheda taddhanuḥ sadyo bāṇairuragasannibhaiḥ | mudaṁ cakre surāṇāṁ sā śaṅkhanādaṁ tathākarot

उसने सर्प के समान बाणों से उसका धनुष तत्काल काट डाला, देवताओं को हर्षित किया और शंख बजाया।

श्लोक 20 (devibhagavatam.5.25.20)

विरथः परिघं गृह्य सर्वलोहमयं दृढम् । आजगाम रथोपस्थं कुपितो धूम्रलोचनः

virathaḥ parighaṁ gṛhya sarvalohamayaṁ dṛḍham | ājagāma rathopasthaṁ kupito dhūmralocanaḥ

रथहीन होकर, क्रुद्ध धूम्रलोचन सर्वलौहमय दृढ़ परिघ लेकर उसके रथ के समीप आ गया।

श्लोक 21 (devibhagavatam.5.25.21)

वाचा निर्भर्त्सयन्कालीं करालः कालसन्निभः । अद्यैव त्वां हनिष्यामि कुरूपे पिङ्गलोचने

vācā nirbhartsayankālīṁ karālaḥ kālasannibhaḥ | adyaiva tvāṁ haniṣyāmi kurūpe piṅgalocane

काल के समान भयंकर वह वाणी से काली को धिक्कारता हुआ बोला — "हे कुरूपे, पिंगलोचने! आज ही मैं तुझे मार डालूँगा।"

श्लोक 22 (devibhagavatam.5.25.22)

इत्युक्त्वा सहसाऽऽगत्य परिघं क्षिपते यदा । हुङ्कारेणैव तं भस्म चकार तरसाम्बिका

ityuktvā sahasā''gatya parighaṁ kṣipate yadā | huṅkāreṇaiva taṁ bhasma cakāra tarasāmbikā

ऐसा कहकर सहसा आकर जब उसने परिघ फेंका, तभी अंबिका ने केवल हुंकार से ही उसे तत्काल भस्म कर डाला।

श्लोक 23 (devibhagavatam.5.25.23)

दृष्ट्वा भस्मीकृतं दैत्यं सैनिका भयविह्वलाः । चक्रुः पलायनं सद्यो हा तातेत्यब्रुवन्पथि

dṛṣṭvā bhasmīkṛtaṁ daityaṁ sainikā bhayavihvalāḥ | cakruḥ palāyanaṁ sadyo hā tātetyabruvanpathi

उस दैत्य को भस्म हुआ देखकर भयविह्वल सैनिक तुरंत भाग खड़े हुए, मार्ग में "हे तात!" पुकारते हुए।

श्लोक 24 (devibhagavatam.5.25.24)

देवास्तं निहतं दृष्ट्वा दानवं धूम्रलोचनम् । मुमुचुः पुष्पवृष्टिं ते मुदिता गगने स्थिताः

devāstaṁ nihataṁ dṛṣṭvā dānavaṁ dhūmralocanam | mumucuḥ puṣpavṛṣṭiṁ te muditā gagane sthitāḥ

उस दानव धूम्रलोचन को मरा हुआ देखकर आकाश में स्थित देवगण प्रसन्न होकर पुष्पवर्षा करने लगे।

श्लोक 25 (devibhagavatam.5.25.25)

रणभूमिस्तदा राजन् दारुणा समपद्यत । निहतैर्दानवैरश्वैः खरैश्च वारणैस्तथा

raṇabhūmistadā rājan dāruṇā samapadyata | nihatairdānavairaśvaiḥ kharaiśca vāraṇaistathā

हे राजन्! तब मारे गए दानवों, घोड़ों, गधों तथा हाथियों से रणभूमि अत्यंत भयंकर हो गई।

श्लोक 26 (devibhagavatam.5.25.26)

गृध्राः काका वटाः श्येना वरफा जम्बुकास्तथा । ननृतुश्चुक्रुशुः प्रेतान्पतितान् रणभूमिषु

gṛdhrāḥ kākā vaṭāḥ śyenā varaphā jambukāstathā | nanṛtuścukruśuḥ pretānpatitān raṇabhūmiṣu

गिद्ध, कौवे, बगुले, बाज, गिद्ध-विशेष तथा गीदड़ रणभूमि में गिरे हुए मृत शरीरों पर नाचने और चीखने लगे।

श्लोक 27 (devibhagavatam.5.25.27)

अम्बिका तद्रणस्थानं त्यक्त्वा दूरं स्थलान्तरे । गत्वा चकार चाप्युग्रं शङ्खनादं भयप्रदम्

ambikā tadraṇasthānaṁ tyaktvā dūraṁ sthalāntare | gatvā cakāra cāpyugraṁ śaṅkhanādaṁ bhayapradam

अंबिका उस रणस्थल को छोड़कर दूर किसी अन्य स्थान पर गईं और वहाँ भी भयदायक भीषण शंखनाद किया।

श्लोक 28 (devibhagavatam.5.25.28)

तं श्रुत्वा दरशब्दं तु शुम्भः सद्मनि संस्थितः । दृष्ट्वाथ दानवान्भग्नानागतान् रुधिरोक्षितान्

taṁ śrutvā daraśabdaṁ tu śumbhaḥ sadmani saṁsthitaḥ | dṛṣṭvātha dānavānbhagnānāgatān rudhirokṣitān

उस शंख की ध्वनि सुनकर, अपने भवन में बैठा शुम्भ, रक्त से लथपथ, टूटे हुए दानवों को लौटते देखकर —

श्लोक 29 (devibhagavatam.5.25.29)

छिन्नपादकराक्षांश्च मञ्चकारोपितानपि । भग्नपृष्ठकटिग्रीवान्क्रन्दमानाननेकशः

chinnapādakarākṣāṁśca mañcakāropitānapi | bhagnapṛṣṭhakaṭigrīvānkrandamānānanekaśaḥ

जिनके पैर, हाथ, आँखें कटे हुए थे, कुछ पालकियों पर लिटाए गए, कुछ की पीठ, कमर, गर्दन टूटी हुई थी और अनेक विलाप कर रहे थे —

श्लोक 30 (devibhagavatam.5.25.30)

वीक्ष्य शुम्भो निशुम्भश्च क्व गतो धूम्रलोचनः । कथं भग्नाः समायाता नानीता किं वरानना

vīkṣya śumbho niśumbhaśca kva gato dhūmralocanaḥ | kathaṁ bhagnāḥ samāyātā nānītā kiṁ varānanā

यह देखकर शुम्भ और निशुम्भ ने पूछा — "धूम्रलोचन कहाँ गया? तुम टूटकर क्यों लौटे? क्या उस सुंदरी को नहीं लाया गया?"

श्लोक 31 (devibhagavatam.5.25.31)

सैन्यं कुत्र गतं मन्दाः कथयन्तु यथोचितम् । कस्यायं शङ्खनादोऽद्य श्रूयते भयवर्धनः

sainyaṁ kutra gataṁ mandāḥ kathayantu yathocitam | kasyāyaṁ śaṅkhanādo'dya śrūyate bhayavardhanaḥ

"हे मूर्खो! सेना कहाँ गई? जैसा हुआ वैसा ही बताओ। यह कैसा भय बढ़ाने वाला शंखनाद अभी सुनाई दे रहा है?"

श्लोक 32 (devibhagavatam.5.25.32)

गणा ऊचुः । बलञ्च पातितं सर्वं निहतो धूम्रलोचनः । कृतं कालिकया कर्म रणभूमावमानुषम्

gaṇā ūcuḥ | balañca pātitaṁ sarvaṁ nihato dhūmralocanaḥ | kṛtaṁ kālikayā karma raṇabhūmāvamānuṣam

गणों ने कहा — "हमारी सारी सेना गिरा दी गई है, धूम्रलोचन मारा गया है। रणभूमि में यह अलौकिक कार्य कालिका ने किया है।"

श्लोक 33 (devibhagavatam.5.25.33)

शङ्खनादोऽम्बिकायास्तु गगनं व्याप्य राजते । हर्षदः सुरसङ्घानां दानवानाञ्च शोककृत्

śaṅkhanādo'mbikāyāstu gaganaṁ vyāpya rājate | harṣadaḥ surasaṅghānāṁ dānavānāñca śokakṛt

"अंबिका का यह शंखनाद ही आकाश में व्याप्त होकर गूँज रहा है, जो देवसमूहों को हर्ष और दानवों को शोक देने वाला है।"

श्लोक 34 (devibhagavatam.5.25.34)

यदा निपातिताः सर्वे तेन केसरिणा विभो । रथा भग्ना हयाश्चैव बाणपातैर्विनाशिताः

yadā nipātitāḥ sarve tena kesariṇā vibho | rathā bhagnā hayāścaiva bāṇapātairvināśitāḥ

"हे प्रभो! जब उस सिंह ने सबको गिरा दिया, तब बाणों की मार से हमारे रथ टूट गए और घोड़े भी नष्ट हो गए।"

श्लोक 35 (devibhagavatam.5.25.35)

गगनस्थाः सुराश्चक्रुः पुष्पवृष्टिं मुदान्विताः । दृष्ट्वा भग्नं बलं सर्वं पातितं धूम्रलोचनम्

gaganasthāḥ surāścakruḥ puṣpavṛṣṭiṁ mudānvitāḥ | dṛṣṭvā bhagnaṁ balaṁ sarvaṁ pātitaṁ dhūmralocanam

"हमारी पूरी सेना टूटी हुई और धूम्रलोचन गिरा हुआ देखकर आकाश में स्थित देवताओं ने हर्षित होकर पुष्पवर्षा की।"

श्लोक 36 (devibhagavatam.5.25.36)

निश्चयस्तु कृतोऽस्माभिर्जयो नैव भवेदिति । विचारं कुरु राजेन्द्र मन्त्रिभिर्मन्त्रवित्तमैः

niścayastu kṛto'smābhirjayo naiva bhavediti | vicāraṁ kuru rājendra mantribhirmantravittamaiḥ

"हमने यह निश्चय कर लिया है कि विजय संभव नहीं है। हे राजेंद्र, मंत्रविद् मंत्रियों के साथ विचार कीजिए।"

श्लोक 37 (devibhagavatam.5.25.37)

विस्मयोऽयं महाराज यदेका जगदम्बिका । भवद्भिः सह युद्धाय संस्थिता सैन्यवर्जिता

vismayo'yaṁ mahārāja yadekā jagadambikā | bhavadbhiḥ saha yuddhāya saṁsthitā sainyavarjitā

"हे महाराज, यह आश्चर्य है कि वह अकेली जगदंबिका, सेना रहित होकर भी, आपके साथ युद्ध के लिए खड़ी है।"

श्लोक 38 (devibhagavatam.5.25.38)

निर्भयैकाकिनी बाला सिंहारूढा मदोत्कटा । चित्रमेतन्महाराज भासतेऽद्भुतमञ्जसा

nirbhayaikākinī bālā siṁhārūḍhā madotkaṭā | citrametanmahārāja bhāsate'dbhutamañjasā

"निर्भय, अकेली वह बाला, मदोन्मत्त सिंह पर सवार — हे महाराज, यह दृश्य वस्तुतः अद्भुत और विचित्र प्रतीत होता है।"

श्लोक 39 (devibhagavatam.5.25.39)

सन्धिर्वा विग्रहो वाद्य स्थानं निर्याणमेव च । मन्त्रयित्वा महाराज कुरु कार्यं यथारुचि

sandhirvā vigraho vādya sthānaṁ niryāṇameva ca | mantrayitvā mahārāja kuru kāryaṁ yathāruci

"संधि करें, युद्ध करें, यहीं रुकें अथवा प्रस्थान करें — हे महाराज, मंत्रणा करके जैसी इच्छा हो वैसा कीजिए।"

श्लोक 40 (devibhagavatam.5.25.40)

तत्सन्निधौ बलं नास्ति तथापि शत्रुतापन । पार्ष्णिग्राहा सुराः सर्वे भविष्यन्ति किलापदि

tatsannidhau balaṁ nāsti tathāpi śatrutāpana | pārṣṇigrāhā surāḥ sarve bhaviṣyanti kilāpadi

"हे शत्रुतापन! उसके पास कोई सेना नहीं है, फिर भी संकट के समय सभी देवता उसके रक्षक बन जाएँगे।"

श्लोक 41 (devibhagavatam.5.25.41)

समये तत्समीपस्थौ ज्ञातौ च हरिशङ्करौ । लोकपालाः समीपेऽद्य वर्तन्ते गगने स्थिताः

samaye tatsamīpasthau jñātau ca hariśaṅkarau | lokapālāḥ samīpe'dya vartante gagane sthitāḥ

"संकट के समय हरि और शंकर भी उसके निकट रहते जाने जाते हैं; आज लोकपाल भी आकाश में उसके निकट स्थित हैं।"

श्लोक 42 (devibhagavatam.5.25.42)

रक्षोगणाश्च गन्धर्वाः किन्नरा मानुषास्तथा । तत्सहायाश्च मन्तव्याः समये सुरतापन

rakṣogaṇāśca gandharvāḥ kinnarā mānuṣāstathā | tatsahāyāśca mantavyāḥ samaye suratāpana

"हे सुरतापन! राक्षसगण, गंधर्व, किन्नर तथा मनुष्य भी संकट के समय उसके सहायक माने जाने चाहिए।"

श्लोक 43 (devibhagavatam.5.25.43)

अस्माकं मतिमानेन ज्ञायते सर्वथेदृशम् । अम्बिकायाः सहायाशा तत्कार्याशा न काचन

asmākaṁ matimānena jñāyate sarvathedṛśam | ambikāyāḥ sahāyāśā tatkāryāśā na kācana

"हमारी बुद्धि से हमें यह सर्वथा ज्ञात होता है कि अंबिका को अपने कार्य के लिए किसी सहायता की कोई आशा नहीं है।"

श्लोक 44 (devibhagavatam.5.25.44)

एका नाशयितुं शक्ता जगत्सर्वं चराचरम् । का कथा दानवानां तु सर्वेषामिति निश्चयः

ekā nāśayituṁ śaktā jagatsarvaṁ carācaram | kā kathā dānavānāṁ tu sarveṣāmiti niścayaḥ

"वह अकेली ही इस संपूर्ण चराचर जगत को नष्ट करने में समर्थ है — फिर समस्त दानवों की तो बात ही क्या! यही हमारा निश्चय है।"

श्लोक 45 (devibhagavatam.5.25.45)

इति ज्ञात्वा महाभाग यथारुचि तथा कुरु । हितं सत्यं मितं वाक्यं वक्तव्यमनुयायिभिः

iti jñātvā mahābhāga yathāruci tathā kuru | hitaṁ satyaṁ mitaṁ vākyaṁ vaktavyamanuyāyibhiḥ

"यह जानकर, हे महाभाग, जैसी इच्छा हो वैसा कीजिए। अनुयायियों को केवल हितकर, सत्य और परिमित वचन ही कहना चाहिए।"

श्लोक 46 (devibhagavatam.5.25.46)

व्यास उवाच । तच्छ्रुत्वा वचनं तेषां शुम्भः परबलार्दनः । कनीयांसं समानीय पप्रच्छ रहसि स्थितः

vyāsa uvāca | tacchrutvā vacanaṁ teṣāṁ śumbhaḥ parabalārdanaḥ | kanīyāṁsaṁ samānīya papraccha rahasi sthitaḥ

व्यास जी ने कहा — शत्रुसेना का नाश करने वाले शुम्भ ने उनकी ये बातें सुनकर अपने छोटे भाई को बुलाकर एकांत में पूछा।

श्लोक 47 (devibhagavatam.5.25.47)

भ्रातः कालिकयाद्यैव निहतो धूम्रलोचनः । बलञ्च शातितं सर्वं गणा भग्नाः समागताः

bhrātaḥ kālikayādyaiva nihato dhūmralocanaḥ | balañca śātitaṁ sarvaṁ gaṇā bhagnāḥ samāgatāḥ

"हे भाई! आज ही कालिका ने धूम्रलोचन को मार डाला, हमारी सारी सेना कट गई और गण टूटकर लौट आए हैं।"

श्लोक 48 (devibhagavatam.5.25.48)

अम्बिका शङ्खनादं वै करोति मदगर्विता । ज्ञानिनां चैव दुर्ज्ञेया गतिः कालस्य सर्वथा

ambikā śaṅkhanādaṁ vai karoti madagarvitā | jñānināṁ caiva durjñeyā gatiḥ kālasya sarvathā

"अंबिका मदगर्विता होकर शंखनाद कर रही है। सच में, ज्ञानियों के लिए भी काल की गति सर्वथा दुर्ज्ञेय है।"

श्लोक 49 (devibhagavatam.5.25.49)

तृणं वज्रायते नूनं वज्रं चैव तृणायते । बलवान्बलहीनः स्याद्दैवस्य गतिरीदृशी

tṛṇaṁ vajrāyate nūnaṁ vajraṁ caiva tṛṇāyate | balavānbalahīnaḥ syāddaivasya gatirīdṛśī

"तिनका वज्र के समान हो जाता है, और वज्र तिनके के समान हो जाता है — बलवान बलहीन हो जाता है — दैव की गति ऐसी ही है।"

श्लोक 50 (devibhagavatam.5.25.50)

पृच्छामि त्वां महाभाग किं कर्तव्यमितः परम् । अभोग्या चाम्बिका नूनं कारणादत्र चागता

pṛcchāmi tvāṁ mahābhāga kiṁ kartavyamitaḥ param | abhogyā cāmbikā nūnaṁ kāraṇādatra cāgatā

"हे महाभाग! मैं तुमसे पूछता हूँ, अब क्या करना चाहिए? निश्चय ही अंबिका भोग्य नहीं है, वह किसी कारणवश ही यहाँ आई है।"

श्लोक 51 (devibhagavatam.5.25.51)

युक्तं पलायनं वीर युद्धं वा वद सत्वरम् । लघुं ज्येष्ठं विजानामि त्वामहं कार्यसङ्कटे

yuktaṁ palāyanaṁ vīra yuddhaṁ vā vada satvaram | laghuṁ jyeṣṭhaṁ vijānāmi tvāmahaṁ kāryasaṅkaṭe

"हे वीर! शीघ्र बताओ, पलायन उचित है या युद्ध। इस संकट के समय मैं तुम्हें अपने से बड़ा मानता हूँ, छोटा नहीं।"

श्लोक 52 (devibhagavatam.5.25.52)

निशुम्भ उवाच । न वा पलायनं युक्तं न दुर्गग्रहणं तथा । युद्धमेव परं श्रेयः सर्वथैवानयानघ

niśumbha uvāca | na vā palāyanaṁ yuktaṁ na durgagrahaṇaṁ tathā | yuddhameva paraṁ śreyaḥ sarvathaivānayānagha

निशुम्भ ने कहा — "न तो पलायन उचित है, न दुर्ग में शरण लेना। हे अनघ! सब प्रकार से युद्ध ही सबसे उत्तम है।"

श्लोक 53 (devibhagavatam.5.25.53)

ससैन्योऽहं गमिष्यामि रणे तु प्रवराश्रितः । हत्वा तामागमिष्यामि तरसा त्वबलामिमाम्

sasainyo'haṁ gamiṣyāmi raṇe tu pravarāśritaḥ | hatvā tāmāgamiṣyāmi tarasā tvabalāmimām

"मैं स्वयं सेना सहित जाऊँगा, अपने पराक्रम पर भरोसा रखते हुए युद्ध में। इस निर्बल स्त्री को शीघ्र मारकर लौट आऊँगा।"

श्लोक 54 (devibhagavatam.5.25.54)

अथवा बलवद्दैवादन्यथा चेद्भविष्यति । मृते मयि त्वया कार्यं विमृश्य च पुनः पुनः

athavā balavaddaivādanyathā cedbhaviṣyati | mṛte mayi tvayā kāryaṁ vimṛśya ca punaḥ punaḥ

"अथवा यदि प्रबल दैव के कारण कुछ अन्यथा हो जाए, तो मेरे मरने पर तुम बार-बार विचार करके ही कार्य करना।"

श्लोक 55 (devibhagavatam.5.25.55)

इति तस्य वचः श्रुत्वा शुम्भः प्रोवाच चानुजम् । तिष्ठ त्वं चण्डमुण्डौ द्वौ गच्छेतां बलसंयुतौ

iti tasya vacaḥ śrutvā śumbhaḥ provāca cānujam | tiṣṭha tvaṁ caṇḍamuṇḍau dvau gacchetāṁ balasaṁyutau

उसके ये वचन सुनकर शुम्भ ने अपने अनुज से कहा — "तुम यहीं रहो। चंड और मुंड दोनों सेना सहित जाएँ।"

श्लोक 56 (devibhagavatam.5.25.56)

शशकग्रहणायात्र न युक्तं गजमोचनम् । चण्डमुण्डौ महावीरौ तां हन्तुं सर्वथा क्षमौ

śaśakagrahaṇāyātra na yuktaṁ gajamocanam | caṇḍamuṇḍau mahāvīrau tāṁ hantuṁ sarvathā kṣamau

"यहाँ खरगोश पकड़ने के लिए हाथी छोड़ना उचित नहीं है। महावीर चंड और मुंड उसे मारने में सर्वथा समर्थ हैं।"

श्लोक 57 (devibhagavatam.5.25.57)

इत्युक्त्वा भ्रातरं शुम्भः सम्भाष्य च महाबलौ । उवाच वचनं राजा चण्डमुण्डौ पुरःस्थितौ

ityuktvā bhrātaraṁ śumbhaḥ sambhāṣya ca mahābalau | uvāca vacanaṁ rājā caṇḍamuṇḍau puraḥsthitau

ऐसा कहकर शुम्भ ने अपने भाई से बात की और फिर उन दोनों महाबली चंड-मुंड को, जो सामने खड़े थे, यह वचन कहा —

श्लोक 58 (devibhagavatam.5.25.58)

गच्छतं चण्डमुण्डौ द्वौ स्वसैन्यपरिवारितौ । हन्तुं तामबलां शीघ्रं निर्लज्जां मदगर्विताम्

gacchataṁ caṇḍamuṇḍau dvau svasainyaparivāritau | hantuṁ tāmabalāṁ śīghraṁ nirlajjāṁ madagarvitām

"चंड और मुंड, तुम दोनों अपनी सेना सहित जाओ और उस निर्लज्ज, मदगर्विता निर्बला को शीघ्र मार डालो।"

श्लोक 59 (devibhagavatam.5.25.59)

गृहीत्वाथ निहत्याजौ कालिकां पिङ्गलोचनाम् । आगम्यतां महाभागौ कृत्वा कार्यं महत्तरम्

gṛhītvātha nihatyājau kālikāṁ piṅgalocanām | āgamyatāṁ mahābhāgau kṛtvā kāryaṁ mahattaram

"उस पिंगलोचना कालिका को पकड़कर या युद्ध में मारकर, हे महाभागो, यह महान कार्य पूर्ण करके लौट आओ।"

श्लोक 60 (devibhagavatam.5.25.60)

सा नायाति गृहीतापि गर्विता चाम्बिका यदि । तदा बाणैर्महातीक्ष्णैर्हन्तव्याहवमण्डिता

sā nāyāti gṛhītāpi garvitā cāmbikā yadi | tadā bāṇairmahātīkṣṇairhantavyāhavamaṇḍitā

"यदि पकड़ी जाकर भी वह गर्विता अंबिका न आए, तो युद्ध के लिए सुसज्जित होकर उसे अत्यंत तीक्ष्ण बाणों से मार डालना चाहिए।"