चण्ड-मुण्ड वध एवं चामुण्डा नामकरण

श्लोक 1 (devibhagavatam.5.26.1)

व्यास उवाच । इत्याज्ञप्तौ तदा वीरौ चण्डमुण्डौ महाबलौ । जग्मतुस्तरसैवाजौ सैन्येन महतान्वितौ

vyāsa uvāca | ityājñaptau tadā vīrau caṇḍamuṇḍau mahābalau | jagmatustarasaivājau sainyena mahatānvitau

व्यास जी ने कहा — इस प्रकार आज्ञा पाकर वे दोनों महाबली वीर चण्ड-मुण्ड विशाल सेना सहित तुरंत युद्ध के लिए चल पड़े।

श्लोक 2 (devibhagavatam.5.26.2)

दृष्ट्वा तत्र स्थितां देवीं देवानां हितकारिणीम् । ऊचतुस्तौ महावीर्यौ तदा सामान्वितं वचः

dṛṣṭvā tatra sthitāṁ devīṁ devānāṁ hitakāriṇīm | ūcatustau mahāvīryau tadā sāmānvitaṁ vacaḥ

वहाँ देवताओं की हितकारिणी देवी को खड़ी देखकर उन दोनों महापराक्रमी वीरों ने तब सामनीतिपूर्ण वचन कहे।

श्लोक 3 (devibhagavatam.5.26.3)

बाले त्वं किं न जानासि शुम्भं सुरबलार्दनम् । निशुम्भञ्च महावीर्यं तुराषाड्विजयोद्धतम्

bāle tvaṁ kiṁ na jānāsi śumbhaṁ surabalārdanam | niśumbhañca mahāvīryaṁ turāṣāḍvijayoddhatam

"हे बाले! क्या तू नहीं जानती देवसेना का नाश करने वाले शुम्भ को, और इंद्र को भी जीतकर उद्धत हुए महापराक्रमी निशुम्भ को?"

श्लोक 4 (devibhagavatam.5.26.4)

त्वमेकासि वरारोहे कालिकासिंहसंयुता । जेतुमिच्छसि दुर्बुद्धे शुम्भं सर्वबलान्वितम्

tvamekāsi varārohe kālikāsiṁhasaṁyutā | jetumicchasi durbuddhe śumbhaṁ sarvabalānvitam

"हे वरारोहे! तू अकेली है, केवल कालिका और अपने सिंह सहित। हे दुर्बुद्धे! तू सर्वबलसंपन्न शुम्भ को जीतना चाहती है!"

श्लोक 5 (devibhagavatam.5.26.5)

मतिदः कोऽपि ते नास्ति नारी वापि नरोऽपि वा । देवास्त्वां प्रेरयन्त्येव विनाशाय तवैव ते

matidaḥ ko'pi te nāsti nārī vāpi naro'pi vā | devāstvāṁ prerayantyeva vināśāya tavaiva te

"तुझे कोई सुबुद्धि देने वाला नहीं है, न कोई स्त्री न पुरुष — देवता तो तुझे केवल तेरे ही विनाश के लिए यहाँ भेज रहे हैं।"

श्लोक 6 (devibhagavatam.5.26.6)

विमृश्य कुरु तन्वङ्गि कार्यं स्वपरयोर्बलम् । अष्टादशभुजत्वात्त्वं गर्वञ्च कुरुषे मृषा

vimṛśya kuru tanvaṅgi kāryaṁ svaparayorbalam | aṣṭādaśabhujatvāttvaṁ garvañca kuruṣe mṛṣā

"हे तन्वंगि! सोच-समझकर अपने और शत्रु के बल का विचार करके कार्य कर। अठारह भुजाओं के कारण तू व्यर्थ ही अभिमान कर रही है।"

श्लोक 7 (devibhagavatam.5.26.7)

किं भुजैर्बहुभिर्व्यर्थैरायुधैः किं श्रमप्रदैः । शुम्भस्याग्रे सुराणां वै जेतुः समरशालिनः

kiṁ bhujairbahubhirvyarthairāyudhaiḥ kiṁ śramapradaiḥ | śumbhasyāgre surāṇāṁ vai jetuḥ samaraśālinaḥ

"व्यर्थ बहुत सी भुजाओं से क्या लाभ, और परिश्रम देने वाले शस्त्रों से क्या? देवताओं के भी विजेता, युद्धकुशल शुम्भ के सामने!"

श्लोक 8 (devibhagavatam.5.26.8)

ऐरावतकरच्छेत्तुर्दन्तिदारणकारिणः । जयिनः सुरसङ्घानां कार्यं कुरु मनोगतम्

airāvatakaracchetturdantidāraṇakāriṇaḥ | jayinaḥ surasaṅghānāṁ kāryaṁ kuru manogatam

"उसी ने ऐरावत की सूंड काट डाली, वही हाथियों को चीर डालने वाला, देवसमूहों का विजेता है — जो तेरे मन को भाए वही कर।"

श्लोक 9 (devibhagavatam.5.26.9)

वृथा गर्वायसे कान्ते कुरु मे वचनं प्रियम् । हितं तव विशालाक्षि सुखदं दुःखनाशनम्

vṛthā garvāyase kānte kuru me vacanaṁ priyam | hitaṁ tava viśālākṣi sukhadaṁ duḥkhanāśanam

"हे कांते! व्यर्थ ही अभिमान करती है, मेरा प्रिय वचन मान ले। हे विशालाक्षि! यह तेरे हित का, सुखदायक और दुःखनाशक है।"

श्लोक 10 (devibhagavatam.5.26.10)

दुःखदानि च कार्याणि त्याज्यानि दूरतो बुधैः । सुखदानि च सेव्यानि शास्त्रतत्त्वविशारदैः

duḥkhadāni ca kāryāṇi tyājyāni dūrato budhaiḥ | sukhadāni ca sevyāni śāstratattvaviśāradaiḥ

"बुद्धिमान लोग दुःखदायी कार्यों को दूर से ही त्याग देते हैं, और शास्त्रतत्त्व में निपुण लोग सुखदायी कार्यों का ही सेवन करते हैं।"

श्लोक 11 (devibhagavatam.5.26.11)

चतुरासि पिकालापे पश्य शुम्भबलं महत् । प्रत्यक्षं सुरसङ्घानां मर्दनेन महोदयम्

caturāsi pikālāpe paśya śumbhabalaṁ mahat | pratyakṣaṁ surasaṅghānāṁ mardanena mahodayam

"हे मधुरभाषिणी! तू चतुर है — शुम्भ के महान बल को देख, जो प्रत्यक्ष ही देवसमूहों के मर्दन से प्रकट हो चुका है।"

श्लोक 12 (devibhagavatam.5.26.12)

प्रत्यक्षञ्च परित्यज्य वृथैवानुमितिः किल । सन्देहसहिते कार्ये न विपश्चित्प्रवर्तते

pratyakṣañca parityajya vṛthaivānumitiḥ kila | sandehasahite kārye na vipaścitpravartate

"प्रत्यक्ष को त्यागकर व्यर्थ अनुमान करना ठीक नहीं। संदेहयुक्त कार्य में बुद्धिमान व्यक्ति कभी प्रवृत्त नहीं होता।"

श्लोक 13 (devibhagavatam.5.26.13)

शत्रुः सुराणां परमः शुम्भः समरदुर्जयः । तस्मात्त्वां प्रेरयन्त्यत्र देवा दैत्येशपीडिताः

śatruḥ surāṇāṁ paramaḥ śumbhaḥ samaradurjayaḥ | tasmāttvāṁ prerayantyatra devā daityeśapīḍitāḥ

"शुम्भ देवताओं का सबसे बड़ा शत्रु है, युद्ध में दुर्जय है। इसी कारण दैत्येश से पीड़ित देवता तुझे यहाँ भेज रहे हैं।"

श्लोक 14 (devibhagavatam.5.26.14)

तस्मात्तद्वचनैः स्निग्धैर्वञ्चितासि शुचिस्मिते । दुःखाय तव देवानां शिक्षा स्वार्थस्य साधिका

tasmāttadvacanaiḥ snigdhairvañcitāsi śucismite | duḥkhāya tava devānāṁ śikṣā svārthasya sādhikā

"इसलिए, हे शुचिस्मिते! उनकी स्नेहभरी बातों से तू ठगी जा रही है। देवताओं की यह शिक्षा तेरे दुःख के लिए और उनके स्वार्थ की साधक है।"

श्लोक 15 (devibhagavatam.5.26.15)

कार्यमित्रं परिक्षिप्य धर्ममित्रं समाश्रयेत् । देवाः स्वार्थपराः कामं त्वामहं सत्यमब्रुवम्

kāryamitraṁ parikṣipya dharmamitraṁ samāśrayet | devāḥ svārthaparāḥ kāmaṁ tvāmahaṁ satyamabruvam

"कार्य-मित्र को छोड़कर धर्म-मित्र का आश्रय लेना चाहिए। देवता तो सर्वथा स्वार्थपरायण हैं — मैं तुझे सत्य कह रहा हूँ।"

श्लोक 16 (devibhagavatam.5.26.16)

भज शुम्भं सुरेशानं जेतारं भुवनेश्वरम् । चतुरं सुन्दरं शूरं कामशास्त्रविशारदम्

bhaja śumbhaṁ sureśānaṁ jetāraṁ bhuvaneśvaram | caturaṁ sundaraṁ śūraṁ kāmaśāstraviśāradam

"देवताओं के स्वामी, विश्व के जेता, त्रिभुवनेश्वर शुम्भ को अपना पति बना — जो चतुर, सुंदर, शूरवीर और कामशास्त्र में निपुण है।"

श्लोक 17 (devibhagavatam.5.26.17)

ऐश्वर्यं सर्वलोकानां प्राप्स्यसे शुम्भशासनात् । निश्चयं परमं कृत्वा भर्तारं भज शोभनम्

aiśvaryaṁ sarvalokānāṁ prāpsyase śumbhaśāsanāt | niścayaṁ paramaṁ kṛtvā bhartāraṁ bhaja śobhanam

"शुम्भ के शासन से तुझे सभी लोकों का ऐश्वर्य प्राप्त होगा। दृढ़ निश्चय करके उस सुंदर वर को पति के रूप में स्वीकार कर।"

श्लोक 18 (devibhagavatam.5.26.18)

व्यास उवाच । इति तस्य वचः श्रुत्वा चण्डस्य जगदम्बिका । मेघगम्भीरनिनदं जगर्ज पुनरब्रवीत्

vyāsa uvāca | iti tasya vacaḥ śrutvā caṇḍasya jagadambikā | meghagambhīraninadaṁ jagarja punarabravīt

व्यास जी ने कहा — चण्ड के इन वचनों को सुनकर जगदंबिका मेघ के समान गंभीर गर्जना करके पुनः बोलीं।

श्लोक 19 (devibhagavatam.5.26.19)

गच्छ जाल्म मृषा किं त्वं भाषसे वञ्चकं वचः । त्यक्त्वा हरिहरादींश्च शुम्भं कस्माद्भजे पतिम्

gaccha jālma mṛṣā kiṁ tvaṁ bhāṣase vañcakaṁ vacaḥ | tyaktvā hariharādīṁśca śumbhaṁ kasmādbhaje patim

"जा, मूर्ख! तू क्यों झूठे, छलपूर्ण वचन बोल रहा है? हरि-हर आदि को छोड़कर मैं शुम्भ को पति क्यों बनाऊँ?"

श्लोक 20 (devibhagavatam.5.26.20)

न मे कश्चित्पतिः कार्यो न कार्यं पतिना सह । स्वामिनी सर्वभूतानामहमेव निशामय

na me kaścitpatiḥ kāryo na kāryaṁ patinā saha | svāminī sarvabhūtānāmahameva niśāmaya

"मुझे किसी पति की आवश्यकता नहीं, न पति के साथ कोई प्रयोजन है। जान ले — मैं ही समस्त प्राणियों की स्वामिनी हूँ।"

श्लोक 21 (devibhagavatam.5.26.21)

शुम्भा मे बहवो दृष्टा निशुम्भाश्च सहस्रशः । घातिताश्च मया पूर्वं शतशो दैत्यदानवाः

śumbhā me bahavo dṛṣṭā niśumbhāśca sahasraśaḥ | ghātitāśca mayā pūrvaṁ śataśo daityadānavāḥ

"मैंने बहुत से शुम्भों को देखा है, और सहस्रों निशुम्भों को भी। इससे पहले भी मैंने सैकड़ों दैत्य-दानवों का वध किया है।"

श्लोक 22 (devibhagavatam.5.26.22)

ममाग्रे देववृन्दानि विनष्टानि युगे युगे । नाशं यास्यन्ति दैत्यानां यूथानि पुनरद्य वै

mamāgre devavṛndāni vinaṣṭāni yuge yuge | nāśaṁ yāsyanti daityānāṁ yūthāni punaradya vai

"मेरे सामने युग-युग में देवसमूह भी नष्ट हुए हैं; आज पुनः दैत्यों के समूह विनाश को प्राप्त होंगे।"

श्लोक 23 (devibhagavatam.5.26.23)

काल एवागतोऽस्त्यत्र दैत्यसंहारकारकः । वृथा त्वं कुरुषे यत्नं रक्षणायात्मसन्ततेः

kāla evāgato'styatra daityasaṁhārakārakaḥ | vṛthā tvaṁ kuruṣe yatnaṁ rakṣaṇāyātmasantateḥ

"यहाँ दैत्यों का संहार करने वाला काल ही आ पहुँचा है। तू अपने कुल की रक्षा का व्यर्थ प्रयास कर रहा है।"

श्लोक 24 (devibhagavatam.5.26.24)

कुरु युद्धं वीरधर्मरक्षायै त्वं महामते । मरणं भावि दुस्त्याज्यं यशो रक्ष्यं महात्मभिः

kuru yuddhaṁ vīradharmarakṣāyai tvaṁ mahāmate | maraṇaṁ bhāvi dustyājyaṁ yaśo rakṣyaṁ mahātmabhiḥ

"हे महामते! वीरधर्म की रक्षा के लिए युद्ध कर। मृत्यु अवश्यंभावी और अटल है, यश की ही महात्माओं को रक्षा करनी चाहिए।"

श्लोक 25 (devibhagavatam.5.26.25)

किं ते कार्यं निशुम्भेन शुम्भेन च दुरात्मना । वीरधर्मं परं प्राप्य गच्छ स्वर्गं सुरालयम्

kiṁ te kāryaṁ niśumbhena śumbhena ca durātmanā | vīradharmaṁ paraṁ prāpya gaccha svargaṁ surālayam

"तुझे उस दुरात्मा शुम्भ और निशुम्भ से क्या प्रयोजन? श्रेष्ठ वीरधर्म को प्राप्त करके देवलोक स्वर्ग को चला जा।"

श्लोक 26 (devibhagavatam.5.26.26)

शुम्भो निशुम्भश्चैवान्ये ये चात्र तव बान्धवाः । सर्वे तवानुगाः पश्चादागमिष्यन्ति साम्प्रतम्

śumbho niśumbhaścaivānye ye cātra tava bāndhavāḥ | sarve tavānugāḥ paścādāgamiṣyanti sāmpratam

"शुम्भ, निशुम्भ और तेरे अन्य जितने भी बांधव यहाँ हैं, वे सब भी शीघ्र ही तेरे पीछे-पीछे आ जाएँगे।"

श्लोक 27 (devibhagavatam.5.26.27)

क्रमशः सर्वदैत्यानां करिष्याम्यद्य सङ्क्षयम् । विषादं त्यज मन्दात्मन् कुरु युद्धं विशाम्पते

kramaśaḥ sarvadaityānāṁ kariṣyāmyadya saṅkṣayam | viṣādaṁ tyaja mandātman kuru yuddhaṁ viśāmpate

"मैं आज क्रमशः सभी दैत्यों का संहार करूँगी। हे मंदात्मन्! विषाद त्याग और युद्ध कर, हे विशांपते!"

श्लोक 28 (devibhagavatam.5.26.28)

त्वामहं निहनिष्यामि भ्रातरं तव साम्प्रतम् । ततः शुम्भं निशुम्भं च रक्तबीजं मदोत्कटम्

tvāmahaṁ nihaniṣyāmi bhrātaraṁ tava sāmpratam | tataḥ śumbhaṁ niśumbhaṁ ca raktabījaṁ madotkaṭam

"मैं अभी तुझे और तेरे भाई को मार डालूँगी। उसके बाद शुम्भ, निशुम्भ और मदोन्मत्त रक्तबीज को भी —"

श्लोक 29 (devibhagavatam.5.26.29)

अन्यांश्च दानवान्सर्वान्हत्वाहं समराङ्गणे । गमिष्यामि यथास्थानं तिष्ठ वा गच्छ वा द्रुतम्

anyāṁśca dānavānsarvānhatvāhaṁ samarāṅgaṇe | gamiṣyāmi yathāsthānaṁ tiṣṭha vā gaccha vā drutam

"— और अन्य समस्त दानवों को भी युद्ध के मैदान में मारकर मैं अपने स्थान को लौट जाऊँगी। अब खड़ा रह या शीघ्र भाग जा।"

श्लोक 30 (devibhagavatam.5.26.30)

गृहाणास्त्रं वृथापुष्ट कुरु युद्धं मयाधुना । किं जल्पसि मृषा वाक्यं सर्वथा कातरप्रियम्

gṛhāṇāstraṁ vṛthāpuṣṭa kuru yuddhaṁ mayādhunā | kiṁ jalpasi mṛṣā vākyaṁ sarvathā kātarapriyam

"अस्त्र उठा, व्यर्थ ही पला हुआ! अब मुझसे युद्ध कर। कायरों को प्रिय ऐसी मिथ्या बातें क्यों बकता है?"

श्लोक 31 (devibhagavatam.5.26.31)

व्यास उवाच । तयेत्थं प्रेरितौ दैत्यौ चण्डमुण्डौ क्रुधान्वितौ । ज्याशब्दं तरसा घोरं चक्रतुर्बलदर्पितौ

vyāsa uvāca | tayetthaṁ preritau daityau caṇḍamuṇḍau krudhānvitau | jyāśabdaṁ tarasā ghoraṁ cakraturbaladarpitau

व्यास जी ने कहा — इस प्रकार उसके द्वारा उत्तेजित किए गए, क्रोध से भरे और बल के अभिमान से युक्त दैत्य चण्ड-मुण्ड ने तुरंत भयंकर टंकार की।

श्लोक 32 (devibhagavatam.5.26.32)

सापि शङ्खस्वनं चक्रे पूरयन्ती दिशो दश । सिंहोऽपि कुपितस्तावन्नादं समकरोद्बली

sāpi śaṅkhasvanaṁ cakre pūrayantī diśo daśa | siṁho'pi kupitastāvannādaṁ samakarodbalī

देवी ने भी दसों दिशाओं को भरने वाला शंखनाद किया, और उनका बलवान सिंह भी क्रुद्ध होकर गर्जना करने लगा।

श्लोक 33 (devibhagavatam.5.26.33)

तेन नादेन शक्राद्या जहर्षुरमरास्तदा । मुनयो यक्षगन्धर्वाः सिद्धाः साध्याश्च किन्नराः

tena nādena śakrādyā jaharṣuramarāstadā | munayo yakṣagandharvāḥ siddhāḥ sādhyāśca kinnarāḥ

उस गर्जना से इंद्र आदि देवता प्रसन्न हुए, तथा मुनि, यक्ष-गंधर्व, सिद्ध और साध्य-किन्नर भी हर्षित हुए।

श्लोक 34 (devibhagavatam.5.26.34)

युद्धं परस्परं तत्र जातं कातरभीतिदम् । चण्डिकाचण्डयोस्तीव्रं बाणखड्गगदादिभिः

yuddhaṁ parasparaṁ tatra jātaṁ kātarabhītidam | caṇḍikācaṇḍayostīvraṁ bāṇakhaḍgagadādibhiḥ

वहाँ चंडिका और चंड में बाण, खड्ग, गदा आदि से अत्यंत भयंकर और कायरों को भय देने वाला घोर युद्ध हुआ।

श्लोक 35 (devibhagavatam.5.26.35)

चण्डमुक्ताञ्छरान्देवी चिच्छेद निशितैः शरैः । मुमोच पुनरुग्रान्सा बाणांश्च पन्नगानिव

caṇḍamuktāñcharāndevī ciccheda niśitaiḥ śaraiḥ | mumoca punarugrānsā bāṇāṁśca pannagāniva

देवी ने चण्ड द्वारा छोड़े गए बाणों को अपने तीक्ष्ण बाणों से काट डाला और फिर सर्प के समान भयंकर बाण छोड़े।

श्लोक 36 (devibhagavatam.5.26.36)

गगनं छादितं तत्र सङ्ग्रामे विशिखैस्तदा । शलभैरिव मेघान्ते कर्षकाणां भयप्रदैः

gaganaṁ chāditaṁ tatra saṅgrāme viśikhaistadā | śalabhairiva meghānte karṣakāṇāṁ bhayapradaiḥ

उस युद्ध में उनके बाणों से आकाश ऐसे ढँक गया जैसे वर्षा-ऋतु के अंत में टिड्डियाँ किसानों को भयभीत कर देती हैं।

श्लोक 37 (devibhagavatam.5.26.37)

मुण्डोऽपि सैनिकैः सार्धं पपात तरसा रणे । मुमोच बाणवृष्टिं वै क्रुद्धः परमदारुणः

muṇḍo'pi sainikaiḥ sārdhaṁ papāta tarasā raṇe | mumoca bāṇavṛṣṭiṁ vai kruddhaḥ paramadāruṇaḥ

मुंड भी अपने सैनिकों सहित शीघ्र युद्ध में उतरा और क्रुद्ध होकर अत्यंत भयंकर बाण-वर्षा करने लगा।

श्लोक 38 (devibhagavatam.5.26.38)

बाणजालं महद् दृष्ट्वा कुद्धा तत्राम्बिका भृशम् । कोपेन वदनं तस्या बभूव घनसन्निभम्

bāṇajālaṁ mahad dṛṣṭvā kuddhā tatrāmbikā bhṛśam | kopena vadanaṁ tasyā babhūva ghanasannibham

उस विशाल बाणजाल को देखकर अंबिका अत्यंत क्रुद्ध हो गईं, और क्रोध से उनका मुख मेघ के समान काला हो गया।

श्लोक 39 (devibhagavatam.5.26.39)

कदलीपुष्पनेत्रञ्च भृकुटीकुटिलं तदा । निष्क्रान्ता च तदा काली ललाटफलकाद्द्रुतम्

kadalīpuṣpanetrañca bhṛkuṭīkuṭilaṁ tadā | niṣkrāntā ca tadā kālī lalāṭaphalakāddrutam

उनकी आँखें केले के फूल-सी हो गईं, भौंहें टेढ़ी हो गईं, और उसी क्षण काली उनके ललाट-फलक से तुरंत प्रकट हो गईं।

श्लोक 40 (devibhagavatam.5.26.40)

व्याघ्रचर्माम्बरा क्रूरा गजचर्मोत्तरीयका । मुण्डमालाधरा घोरा शुष्कवापीसमोदरा

vyāghracarmāmbarā krūrā gajacarmottarīyakā | muṇḍamālādharā ghorā śuṣkavāpīsamodarā

वे व्याघ्रचर्म पहने, क्रूर, गजचर्म को उत्तरीय बनाए, मुंडों की माला धारण किए, भयंकर, सूखे तालाब जैसे धँसे उदर वाली थीं।

श्लोक 41 (devibhagavatam.5.26.41)

खड्गपाशधरातीव भीषणा भयदायिनी । खट्वाङ्गधारिणी रौद्रा कालरात्रिरिवापरा

khaḍgapāśadharātīva bhīṣaṇā bhayadāyinī | khaṭvāṅgadhāriṇī raudrā kālarātririvāparā

खड्ग और पाश धारण किए, अत्यंत भीषण, भय उत्पन्न करने वाली, खट्वांग धारण किए, रौद्र — मानो साक्षात् दूसरी कालरात्रि हों।

श्लोक 42 (devibhagavatam.5.26.42)

विस्तीर्णवदना जिह्वां चालयन्ती मुहुर्मुहुः । विस्तारजघना वेगाज्जघानासुरसैनिकान्

vistīrṇavadanā jihvāṁ cālayantī muhurmuhuḥ | vistārajaghanā vegājjaghānāsurasainikān

उनका मुख अत्यंत चौड़ा था, वे बार-बार अपनी जीभ हिलाती थीं, विशाल नितंबों वाली वे तेजी से दानव-सैनिकों का संहार करने लगीं।

श्लोक 43 (devibhagavatam.5.26.43)

करे कृत्वा महावीरांस्तरसा सा रुषान्विता । मुखे चिक्षेप दैतेयान्पिपेष दशनैः शनैः

kare kṛtvā mahāvīrāṁstarasā sā ruṣānvitā | mukhe cikṣepa daiteyānpipeṣa daśanaiḥ śanaiḥ

वे क्रोधित होकर महावीरों को हाथ में पकड़कर तेजी से मुख में डालतीं और उन्हें अपने दाँतों से धीरे-धीरे चबातीं।

श्लोक 44 (devibhagavatam.5.26.44)

गजान्घण्टान्वितान्हस्ते गृहीत्वा निदधौ मुखे । सारोहान्भक्षयित्वाजौ साट्टहासं चकार ह

gajānghaṇṭānvitānhaste gṛhītvā nidadhau mukhe | sārohānbhakṣayitvājau sāṭṭahāsaṁ cakāra ha

वे घंटियों सहित हाथियों को हाथ में पकड़कर मुख में रख लेतीं, सवारों सहित उन्हें खा जातीं और युद्ध में जोर से अट्टहास करतीं।

श्लोक 45 (devibhagavatam.5.26.45)

तथैव तुरगानुष्ट्रांस्तथा सारथिभिः सह । निक्षिप्य वक्त्त्रे दशनैश्चर्वयत्यतिभैरवम्

tathaiva turagānuṣṭrāṁstathā sārathibhiḥ saha | nikṣipya vakttre daśanaiścarvayatyatibhairavam

इसी प्रकार वे घोड़ों और ऊँटों को उनके सारथियों सहित मुख में डालकर अत्यंत भयंकर रूप से दाँतों से चबा जातीं।

श्लोक 46 (devibhagavatam.5.26.46)

हन्यमानं बलं प्रेक्ष्य चण्डमुण्डौ महासुरौ । छादयामासतुर्देवीं बाणासारैरनन्तरैः

hanyamānaṁ balaṁ prekṣya caṇḍamuṇḍau mahāsurau | chādayāmāsaturdevīṁ bāṇāsārairanantaraiḥ

अपनी सेना को इस प्रकार नष्ट होते देखकर महादानव चण्ड-मुण्ड ने देवी को लगातार बाणों की वर्षा से ढँक दिया।

श्लोक 47 (devibhagavatam.5.26.47)

चण्डश्चण्डकरच्छायं चक्रं चक्रधरायुधम् । चिक्षेप तरसा देवीं ननाद च मुहुर्मुहुः

caṇḍaścaṇḍakaracchāyaṁ cakraṁ cakradharāyudham | cikṣepa tarasā devīṁ nanāda ca muhurmuhuḥ

चण्ड ने अपनी उग्र किरणों जैसा, चक्रधर (विष्णु) के आयुध जैसा चक्र देवी पर तेजी से फेंका और बार-बार गर्जना की।

श्लोक 48 (devibhagavatam.5.26.48)

नदन्तं वीक्ष्य तं काली रथाङ्गञ्च रविप्रभम् । बाणेनैकेन चिच्छेद सुप्रभं तत्सुदर्शनम्

nadantaṁ vīkṣya taṁ kālī rathāṅgañca raviprabham | bāṇenaikena ciccheda suprabhaṁ tatsudarśanam

उसे गर्जते हुए और सूर्य के समान प्रकाशमान उस रथांग-चक्र को देखकर काली ने एक ही बाण से उस तेजस्वी सुदर्शन को काट डाला।

श्लोक 49 (devibhagavatam.5.26.49)

तं जघान शरैस्तीक्ष्णैश्चण्डं चण्डी शिलाशितैः । मूर्च्छितोऽसौ पपातोर्व्यां देवीबाणार्दितो भृशम्

taṁ jaghāna śaraistīkṣṇaiścaṇḍaṁ caṇḍī śilāśitaiḥ | mūrcchito'sau papātorvyāṁ devībāṇārdito bhṛśam

फिर चंडी ने पत्थर पर तीक्ष्ण किए हुए बाणों से चण्ड पर प्रहार किया; देवी के बाणों से अत्यंत आहत होकर वह मूर्च्छित होकर भूमि पर गिर पड़ा।

श्लोक 50 (devibhagavatam.5.26.50)

पतितं भ्रातरं वीक्ष्य मुण्डो दुःखार्दितस्तदा । चकार शरवृष्टिञ्च कालिकोपरि कोपतः

patitaṁ bhrātaraṁ vīkṣya muṇḍo duḥkhārditastadā | cakāra śaravṛṣṭiñca kālikopari kopataḥ

अपने भाई को गिरा देखकर दुःखी हुआ मुंड क्रोधित होकर कालिका पर बाणों की वर्षा करने लगा।

श्लोक 51 (devibhagavatam.5.26.51)

चण्डिका मुण्डनिर्मुक्तां शरवृष्टिं सुदारुणाम् । ईषिकास्त्रैर्बलान्मुक्तैश्चकार तिलशः क्षणात्

caṇḍikā muṇḍanirmuktāṁ śaravṛṣṭiṁ sudāruṇām | īṣikāstrairbalānmuktaiścakāra tilaśaḥ kṣaṇāt

चंडिका ने बलपूर्वक छोड़े गए ईषिका-अस्त्रों से मुंड की उस भयंकर बाण-वर्षा को क्षणभर में तिलों के समान चूर-चूर कर दिया।

श्लोक 52 (devibhagavatam.5.26.52)

अर्धचन्द्रेण बाणेन ताडयामास तं पुनः । पतितोऽसौ महावीर्यो मेदिन्यां मदवर्जितः

ardhacandreṇa bāṇena tāḍayāmāsa taṁ punaḥ | patito'sau mahāvīryo medinyāṁ madavarjitaḥ

फिर उसने अर्धचंद्र बाण से उसे प्रहार किया; वह महापराक्रमी मुंड सारा मद खोकर पृथ्वी पर गिर पड़ा।

श्लोक 53 (devibhagavatam.5.26.53)

हाहाकारो महानासीद्दानवानां बले तदा । जहर्षुरमराः सर्वे गगनस्था गतव्यथाः

hāhākāro mahānāsīddānavānāṁ bale tadā | jaharṣuramarāḥ sarve gaganasthā gatavyathāḥ

उस समय दानव-सेना में महान हाहाकार मच गया, और आकाश में स्थित सभी देवता अपनी व्यथा छोड़कर हर्षित हो गए।

श्लोक 54 (devibhagavatam.5.26.54)

विहाय मूर्च्छां चण्डस्तु सङ्गृह्य महतीं गदाम् । तरसा ताडयामास कालिकां दक्षिणे भुजे

vihāya mūrcchāṁ caṇḍastu saṅgṛhya mahatīṁ gadām | tarasā tāḍayāmāsa kālikāṁ dakṣiṇe bhuje

मूर्च्छा से जागकर चण्ड ने विशाल गदा उठाकर तुरंत कालिका की दाहिनी भुजा पर प्रहार किया।

श्लोक 55 (devibhagavatam.5.26.55)

वञ्चयित्वा गदाघातं तं बबन्ध महासुरम् । तरसा बाणपाशेन मन्त्रमुक्तेन कालिका

vañcayitvā gadāghātaṁ taṁ babandha mahāsuram | tarasā bāṇapāśena mantramuktena kālikā

गदा के प्रहार को टालकर कालिका ने मंत्र से चलाए गए बाण-पाश से उस महादानव को तुरंत बांध लिया।

श्लोक 56 (devibhagavatam.5.26.56)

उत्थितस्तु तदा मुण्डो बद्धं दृष्ट्वानुजं बलात् । आजगाम सुसन्नद्धः शक्तिं कृत्वा करे दृढाम्

utthitastu tadā muṇḍo baddhaṁ dṛṣṭvānujaṁ balāt | ājagāma susannaddhaḥ śaktiṁ kṛtvā kare dṛḍhām

तब मुंड, अपने भाई को बलपूर्वक बंधा देखकर उठा और सुसज्जित होकर, हाथ में दृढ़ शक्ति लेकर आगे बढ़ा।

श्लोक 57 (devibhagavatam.5.26.57)

आगच्छन्तं तदा काली दानवं वीक्ष्य सत्वरम् । बबन्ध तरसा तं तु द्वितीयं भ्रातरं भृशम्

āgacchantaṁ tadā kālī dānavaṁ vīkṣya satvaram | babandha tarasā taṁ tu dvitīyaṁ bhrātaraṁ bhṛśam

आते हुए उस दानव को देखकर काली ने तुरंत उस दूसरे भाई को भी दृढ़तापूर्वक बांध लिया।

श्लोक 58 (devibhagavatam.5.26.58)

गृहीत्वा तौ महावीर्यौ चण्डमुण्डौ शशाविव । कुर्वती विपुलं हासमाजगामाम्बिकां प्रति

gṛhītvā tau mahāvīryau caṇḍamuṇḍau śaśāviva | kurvatī vipulaṁ hāsamājagāmāmbikāṁ prati

उन दोनों महापराक्रमी चण्ड-मुण्ड को खरगोश के समान पकड़कर, जोर से हँसती हुई वे अंबिका के पास आईं।

श्लोक 59 (devibhagavatam.5.26.59)

आगत्य तामथोवाच गृहाणेमौ पशू प्रिये । रणयज्ञार्थमानीतौ दानवौ रणदुर्जयौ

āgatya tāmathovāca gṛhāṇemau paśū priye | raṇayajñārthamānītau dānavau raṇadurjayau

आकर उन्होंने देवी से कहा — "हे प्रिये! इन दोनों पशुओं को ग्रहण करो — युद्ध-यज्ञ के लिए इन दुर्जय दानवों को मैं लाई हूँ।"

श्लोक 60 (devibhagavatam.5.26.60)

तावानीतौ तदा वीक्ष्य चण्डिका तौ वृकाविव । अम्बिका कालिकां प्राह माधुरीसंयुतं वचः

tāvānītau tadā vīkṣya caṇḍikā tau vṛkāviva | ambikā kālikāṁ prāha mādhurīsaṁyutaṁ vacaḥ

उन दोनों को भेड़ियों के समान लाया देखकर चंडिका अंबिका ने कालिका से मधुरतापूर्ण वचन कहे।

श्लोक 61 (devibhagavatam.5.26.61)

वधं मा कुरु मा मुञ्च चतुरासि रणप्रिये । देवानां कार्यसंसिद्धिः कर्तव्या तरसा त्वया

vadhaṁ mā kuru mā muñca caturāsi raṇapriye | devānāṁ kāryasaṁsiddhiḥ kartavyā tarasā tvayā

"इनका वध मत कर, इन्हें छोड़ भी मत — तू तो चतुर है, हे युद्धप्रिये! देवताओं का कार्य तुझे शीघ्र सिद्ध करना है।"

श्लोक 62 (devibhagavatam.5.26.62)

व्यास उवाच । इति तस्या वचः श्रुत्वा कालिका प्राह तां पुनः । युद्धयज्ञेऽतिविख्याते खड्गयूपे प्रतिष्ठिते

vyāsa uvāca | iti tasyā vacaḥ śrutvā kālikā prāha tāṁ punaḥ | yuddhayajñe'tivikhyāte khaḍgayūpe pratiṣṭhite

व्यास जी ने कहा — उनके ये वचन सुनकर कालिका ने पुनः उनसे कहा — "इस अत्यंत विख्यात युद्ध-यज्ञ में, जहाँ खड्ग ही यूप-स्तंभ के रूप में स्थापित है —

श्लोक 63 (devibhagavatam.5.26.63)

आलम्भञ्च करिष्यामि यथा हिंसा न जायते । इत्युक्त्वा सा तदा देवी खड्गेन शिरसी तयोः

ālambhañca kariṣyāmi yathā hiṁsā na jāyate | ityuktvā sā tadā devī khaḍgena śirasī tayoḥ

— मैं इस प्रकार बलिदान करूँगी कि आगे कोई हिंसा न हो।" ऐसा कहकर उस देवी ने उन दोनों के सिर खड्ग से —

श्लोक 64 (devibhagavatam.5.26.64)

चकर्त तरसा काली पपौ च रुधिरं मुदा । एवं दैत्यौ हतौ दृष्ट्वा मुदितोवाच चाम्बिका

cakarta tarasā kālī papau ca rudhiraṁ mudā | evaṁ daityau hatau dṛṣṭvā muditovāca cāmbikā

— तुरंत काट डाले, और काली ने प्रसन्नतापूर्वक उनका रक्त पी लिया। इस प्रकार दोनों दैत्यों को मरा हुआ देखकर अंबिका प्रसन्नतापूर्वक बोलीं —

श्लोक 65 (devibhagavatam.5.26.65)

कृतं कार्यं सुराणां ते ददाम्यद्य वरं शुभम् । चण्डमुण्डौ हतौ यस्मात्तस्मात्ते नाम कालिके । चामुण्डेति सुविख्यातं भविष्यति धरातले

kṛtaṁ kāryaṁ surāṇāṁ te dadāmyadya varaṁ śubham | caṇḍamuṇḍau hatau yasmāttasmātte nāma kālike | cāmuṇḍeti suvikhyātaṁ bhaviṣyati dharātale

"देवताओं का कार्य पूर्ण हुआ; आज मैं तुझे शुभ वर देती हूँ। चूँकि तूने चण्ड और मुंड का वध किया है, इसलिए हे कालिके! तेरा नाम 'चामुंडा' के रूप में इस पृथ्वी पर सुविख्यात होगा।"