रक्तबीज का देवी-संवाद तथा शुम्भ-निशुम्भ का विचार

श्लोक 1 (devibhagavatam.5.27.1)

व्यास उवाच । हतौ तौ दानवौ दृष्ट्वा हतशेषाश्च सैनिकाः । पलायनं ततः कृत्वा जग्मुः सर्वे नृपं प्रति

vyāsa uvāca | hatau tau dānavau dṛṣṭvā hataśeṣāśca sainikāḥ | palāyanaṁ tataḥ kṛtvā jagmuḥ sarve nṛpaṁ prati

व्यास जी ने कहा — उन दोनों दानवों को मारा गया देखकर बचे हुए सैनिक भागकर राजा के पास गए।

श्लोक 2 (devibhagavatam.5.27.2)

भिन्नाङ्गा विशिखैः केचित्केचिच्छिन्नकरास्तथा । रुधिरस्रावदेहाश्च रुदन्तोऽभिययुः पुरे

bhinnāṅgā viśikhaiḥ kecitkecicchinnakarāstathā | rudhirasrāvadehāśca rudanto'bhiyayuḥ pure

कुछ के अंग बाणों से छिन्न थे, कुछ के हाथ कटे हुए थे, रक्त बहते हुए शरीरों के साथ वे रोते हुए नगर में पहुँचे।

श्लोक 3 (devibhagavatam.5.27.3)

गत्वा दैत्यपतिं सर्वे चक्रुर्बुम्बारवं मुहुः । रक्ष रक्ष महाराज भक्षयत्यद्य कालिका

gatvā daityapatiṁ sarve cakrurbumbāravaṁ muhuḥ | rakṣa rakṣa mahārāja bhakṣayatyadya kālikā

सब दैत्यराज के पास जाकर बार-बार आर्तनाद करने लगे — "रक्षा करो, रक्षा करो महाराज! आज कालिका सबको खा रही है।"

श्लोक 4 (devibhagavatam.5.27.4)

तया हतौ महावीरौ चण्डमुण्डौ सुरार्दनौ । भक्षिताः सैनिकाः सर्वे वयं भग्ना भयातुराः

tayā hatau mahāvīrau caṇḍamuṇḍau surārdanau | bhakṣitāḥ sainikāḥ sarve vayaṁ bhagnā bhayāturāḥ

"उसने महावीर चण्ड-मुण्ड को, जो देवताओं को पीड़ा देने वाले थे, मार डाला। हमारे सभी सैनिक खा लिए गए, हम भयभीत होकर भाग आए हैं।"

श्लोक 5 (devibhagavatam.5.27.5)

भीतिदञ्च रणस्थानं कृतं कालिकया प्रभो । पातितैर्गजवीराश्वैर्दासेरकपदातिभिः

bhītidañca raṇasthānaṁ kṛtaṁ kālikayā prabho | pātitairgajavīrāśvairdāserakapadātibhiḥ

"हे प्रभो! कालिका ने रणस्थल को भयंकर बना दिया है — गिरे हुए हाथी, वीर, घोड़े, ऊँट और पैदल सैनिकों से।"

श्लोक 6 (devibhagavatam.5.27.6)

शोणितौघवहा कुल्या कृता मांसातिकर्दमा । केशशैवलिनी भग्नरथचक्रविराजिता

śoṇitaughavahā kulyā kṛtā māṁsātikardamā | keśaśaivalinī bhagnarathacakravirājitā

"वहाँ रक्त की धाराओं से बनी नदी है, मांस से कीचड़युक्त, बाल ही जिसकी काई है, टूटे रथों के पहियों से सुशोभित —"

श्लोक 7 (devibhagavatam.5.27.7)

छिन्नबाह्वादिमत्स्याढ्या शीर्षतुम्बीफलान्विता । भयदा कातराणां वै सुराणां मोदवर्धिनी

chinnabāhvādimatsyāḍhyā śīrṣatumbīphalānvitā | bhayadā kātarāṇāṁ vai surāṇāṁ modavardhinī

"— कटी हुई भुजाओं रूपी मछलियों से भरी, सिरों रूपी कुम्हड़ों से युक्त, कायरों को भयभीत करने वाली, किंतु देवताओं को हर्षित करने वाली।"

श्लोक 8 (devibhagavatam.5.27.8)

कुलं रक्ष महाराज पातालं गच्छ सत्वरम् । क्रुद्धा देवी क्षयं सद्यः करिष्यति न संशयः

kulaṁ rakṣa mahārāja pātālaṁ gaccha satvaram | kruddhā devī kṣayaṁ sadyaḥ kariṣyati na saṁśayaḥ

"हे महाराज! अपने कुल की रक्षा करो, तुरंत पाताल चले जाओ। क्रुद्ध देवी शीघ्र ही सर्वनाश कर देगी, इसमें संशय नहीं।"

श्लोक 9 (devibhagavatam.5.27.9)

सिंहोऽपि भक्षयत्याजौ दानवान्दनुजेश्वर । तथैव कालिका देवी हन्ति बाणैरनेकधा

siṁho'pi bhakṣayatyājau dānavāndanujeśvara | tathaiva kālikā devī hanti bāṇairanekadhā

"हे दनुजेश्वर! उनका सिंह भी युद्ध में दानवों को खा रहा है, और देवी कालिका भी अनेक प्रकार से बाणों से मार रही हैं।"

श्लोक 10 (devibhagavatam.5.27.10)

तस्मात्त्वमपि राजेन्द्र मरणाय मृषा मतिम् । करोषि सहितो भ्रात्रा शुम्भेन कुपिताशयः

tasmāttvamapi rājendra maraṇāya mṛṣā matim | karoṣi sahito bhrātrā śumbhena kupitāśayaḥ

"इसलिए हे राजेंद्र! आप भी अपने क्रोधित भाई शुम्भ के साथ व्यर्थ ही मृत्यु की ओर बढ़ने वाला निश्चय कर रहे हैं।"

श्लोक 11 (devibhagavatam.5.27.11)

किं करिष्यति नार्येषा क्रूरा कुलविनाशिनी । यस्या हेतोर्महाराज हन्तुमिच्छसि बान्धवान्

kiṁ kariṣyati nāryeṣā krūrā kulavināśinī | yasyā hetormahārāja hantumicchasi bāndhavān

"यह क्रूर, कुलनाशिनी स्त्री आखिर क्या कर सकती है, जिसके कारण हे महाराज! आप अपने ही बांधवों को मरवाना चाहते हैं?"

श्लोक 12 (devibhagavatam.5.27.12)

दैवाधीनौ महाराज लोके जयपराजयौ । अल्पार्थाय महद्दुःखं बुद्धिमान्न प्रकल्पयेत्

daivādhīnau mahārāja loke jayaparājayau | alpārthāya mahadduḥkhaṁ buddhimānna prakalpayet

"हे महाराज! संसार में जय-पराजय दैव के अधीन है। बुद्धिमान व्यक्ति तुच्छ प्रयोजन के लिए इतना बड़ा दुःख मोल नहीं लेता।"

श्लोक 13 (devibhagavatam.5.27.13)

चित्रं पश्य विधेः कर्म यदधीनं जगत् प्रभो । निहता राक्षसाः सर्वे स्त्रिया पश्यैकयानया

citraṁ paśya vidheḥ karma yadadhīnaṁ jagat prabho | nihatā rākṣasāḥ sarve striyā paśyaikayānayā

"हे प्रभो! विधि की इस विचित्र लीला को देखिए, जिसके अधीन यह सारा जगत है — देखिए, एक अकेली स्त्री ने ही सभी राक्षसों को मार डाला है।"

श्लोक 14 (devibhagavatam.5.27.14)

जेता त्वं लोकपालानां सैन्ययुक्तो हि साम्प्रतम् । एका प्रार्थयते बाला युद्धायेति सुसम्भ्रमः

jetā tvaṁ lokapālānāṁ sainyayukto hi sāmpratam | ekā prārthayate bālā yuddhāyeti susambhramaḥ

"आप लोकपालों के भी विजेता हैं, वह भी सेना सहित; और आज एक अकेली बाला युद्ध की याचना कर रही है, यह देखकर हम अत्यंत भ्रमित हैं।"

श्लोक 15 (devibhagavatam.5.27.15)

पुरा त्वया तपस्तप्तं पुष्करे देवतायने । वरदानाय सम्प्राप्तो ब्रह्मा लोकपितामहः

purā tvayā tapastaptaṁ puṣkare devatāyane | varadānāya samprāpto brahmā lokapitāmahaḥ

"पूर्वकाल में आपने पुष्कर में, देवताओं के उस पावन स्थल में, कठोर तप किया था, जिससे प्रसन्न होकर लोकपितामह ब्रह्मा वर देने आए थे।"

श्लोक 16 (devibhagavatam.5.27.16)

धात्रोक्तस्त्वं महाराज वरं वरय सुव्रत । तदा त्वयामरत्वं च प्रार्थितं ब्रह्मणः किल

dhātroktastvaṁ mahārāja varaṁ varaya suvrata | tadā tvayāmaratvaṁ ca prārthitaṁ brahmaṇaḥ kila

"हे महाराज, हे सुव्रत! ब्रह्मा ने कहा था — 'वर माँगो' — तब आपने ब्रह्मा से अमरत्व की याचना की थी।"

श्लोक 17 (devibhagavatam.5.27.17)

देवदैत्यमनुष्येभ्यो न भवेन्मरणं मम । सर्पकिन्नरयक्षेभ्यः पुंल्लिङ्गवाचकादपि

devadaityamanuṣyebhyo na bhavenmaraṇaṁ mama | sarpakinnarayakṣebhyaḥ puṁlliṅgavācakādapi

"'देव, दैत्य, मनुष्य से मेरी मृत्यु न हो; सर्प, किन्नर, यक्ष से भी नहीं, और न ही किसी पुल्लिंगवाचक से' — ऐसा आपने कहा था।"

श्लोक 18 (devibhagavatam.5.27.18)

तस्मात्त्वां हन्तुकामैषा प्राप्ता योषिद्वरा प्रभो । युद्धं मा कुरु राजेन्द्र विचार्यैवं धियाधुना

tasmāttvāṁ hantukāmaiṣā prāptā yoṣidvarā prabho | yuddhaṁ mā kuru rājendra vicāryaivaṁ dhiyādhunā

"इसीलिए, हे प्रभो! यह श्रेष्ठ स्त्री आपको मारने आई है। हे राजेंद्र! अब इस बात पर विचार करके युद्ध न कीजिए।"

श्लोक 19 (devibhagavatam.5.27.19)

देवी ह्येषा महामाया प्रकृतिः परमा मता । कल्पान्तकाले राजेन्द्र सर्वसंहारकारिणी

devī hyeṣā mahāmāyā prakṛtiḥ paramā matā | kalpāntakāle rājendra sarvasaṁhārakāriṇī

"यह देवी साक्षात् महामाया है, परम प्रकृति मानी जाती है, जो हे राजेंद्र! कल्पांत के समय समस्त संहार करने वाली है।"

श्लोक 20 (devibhagavatam.5.27.20)

उत्पादयित्री लोकानां देवानामीश्वरी शुभा । त्रिगुणा तामसी देवी सर्वशक्तिसमन्विता

utpādayitrī lokānāṁ devānāmīśvarī śubhā | triguṇā tāmasī devī sarvaśaktisamanvitā

"यह लोकों को उत्पन्न करने वाली, देवताओं की शुभ ईश्वरी है; त्रिगुणा, तामसी देवी, सर्वशक्तिसंपन्न है।"

श्लोक 21 (devibhagavatam.5.27.21)

अजय्या चाक्षया नित्या सर्वज्ञा च सदोदिता । वेदमाता च गायत्री सन्ध्या सर्वसुरालया

ajayyā cākṣayā nityā sarvajñā ca sadoditā | vedamātā ca gāyatrī sandhyā sarvasurālayā

"अजेय, अक्षय, नित्य, सर्वज्ञा, सदा उदित, वेदमाता, गायत्री, संध्या और समस्त देवताओं का आश्रय है।"

श्लोक 22 (devibhagavatam.5.27.22)

निर्गुणा सगुणा सिद्धा सर्वसिद्धिप्रदाव्यया । आनन्दानन्ददा गौरी देवानामभयप्रदा

nirguṇā saguṇā siddhā sarvasiddhipradāvyayā | ānandānandadā gaurī devānāmabhayapradā

"निर्गुणा भी, सगुणा भी, सिद्धा, सर्वसिद्धि देने वाली, अव्यया, आनंदस्वरूपा, आनंददायिनी, गौरी और देवताओं को अभय देने वाली है।"

श्लोक 23 (devibhagavatam.5.27.23)

एवं ज्ञात्वा महाराज वैरभावं त्यजानया । शरणं व्रज राजेन्द्र देवी त्वां पालयिष्यति

evaṁ jñātvā mahārāja vairabhāvaṁ tyajānayā | śaraṇaṁ vraja rājendra devī tvāṁ pālayiṣyati

"हे महाराज! यह जानकर इसके प्रति वैरभाव त्याग दीजिए। हे राजेंद्र! इसकी शरण में जाइए — देवी आपकी रक्षा करेंगी।"

श्लोक 24 (devibhagavatam.5.27.24)

आज्ञाकरो भवैतस्याः सञ्जीवय निजं कुलम् । हतशेषाश्च ये दैत्यास्ते भवन्तु चिरायुषः

ājñākaro bhavaitasyāḥ sañjīvaya nijaṁ kulam | hataśeṣāśca ye daityāste bhavantu cirāyuṣaḥ

"इनकी आज्ञा का पालन कीजिए, अपने कुल को पुनर्जीवित कीजिए। और जो दैत्य वध से शेष बचे हैं, वे दीर्घायु हों।"

श्लोक 25 (devibhagavatam.5.27.25)

व्यास उवाच । इति तेषां वचः श्रुत्वा शुम्भः सुरबलार्दनः । उवाच वचनं तथ्यं वीरवर्यगुणान्वितम्

vyāsa uvāca | iti teṣāṁ vacaḥ śrutvā śumbhaḥ surabalārdanaḥ | uvāca vacanaṁ tathyaṁ vīravaryaguṇānvitam

व्यास जी ने कहा — देवताओं की सेना को कुचलने वाले शुम्भ ने उनकी ये बातें सुनकर श्रेष्ठ वीरों के गुणों से युक्त सत्य वचन कहे।

श्लोक 26 (devibhagavatam.5.27.26)

शुम्भ उवाच । मौनं कुर्वन्तु भो मन्दा यूयं भग्ना रणाजिरात् । शीघ्रं गच्छत पातालं जीविताशा बलीयसी

śumbha uvāca | maunaṁ kurvantu bho mandā yūyaṁ bhagnā raṇājirāt | śīghraṁ gacchata pātālaṁ jīvitāśā balīyasī

शुम्भ ने कहा — "अरे मूर्खो, चुप रहो! तुम रणभूमि से भागे हुए हो। शीघ्र पाताल चले जाओ, तुम्हें जीने की तीव्र इच्छा है।"

श्लोक 27 (devibhagavatam.5.27.27)

दैवाधीनं जगत्सर्वं का चिन्तात्र जये मम । देवास्तथैव ब्रह्माद्या दैवाधीना वयं यथा

daivādhīnaṁ jagatsarvaṁ kā cintātra jaye mama | devāstathaiva brahmādyā daivādhīnā vayaṁ yathā

"यह सारा जगत दैव के अधीन है, मेरी विजय की चिंता क्यों? ब्रह्मा आदि देवता भी वैसे ही दैव के अधीन हैं जैसे हम।"

श्लोक 28 (devibhagavatam.5.27.28)

ब्रह्मा विष्णुश्च रुद्रोऽयं यमोऽग्निर्वरुणस्तथा । सूर्यश्चन्द्रस्तथा शक्रः सर्वे दैववशाः किल

brahmā viṣṇuśca rudro'yaṁ yamo'gnirvaruṇastathā | sūryaścandrastathā śakraḥ sarve daivavaśāḥ kila

"ब्रह्मा, विष्णु, यह रुद्र, यम, अग्नि, वरुण, सूर्य, चंद्र और इंद्र भी — सभी निश्चय ही दैव के वशीभूत हैं।"

श्लोक 29 (devibhagavatam.5.27.29)

का चिन्ता तर्हि मे मन्दा यद्भावि तद्भविष्यति । उद्यमस्तादृशो भूयाद्यादृशी भवितव्यता

kā cintā tarhi me mandā yadbhāvi tadbhaviṣyati | udyamastādṛśo bhūyādyādṛśī bhavitavyatā

"तो फिर मुझे क्या चिंता, हे मूर्खो? जो होना है वह होकर रहेगा। मेरा उद्यम भी वैसा ही हो जैसी होनहार हो।"

श्लोक 30 (devibhagavatam.5.27.30)

सर्वथैव विचार्यैव न शोचन्ति बुधाः क्वचित् । स्वधर्मं न त्यजन्तीह ज्ञानिनो मरणाद्भयात्

sarvathaiva vicāryaiva na śocanti budhāḥ kvacit | svadharmaṁ na tyajantīha jñānino maraṇādbhayāt

"सर्वथा विचार करके ही बुद्धिमान कभी शोक नहीं करते; ज्ञानी मृत्यु के भय से अपने धर्म का त्याग नहीं करते।"

श्लोक 31 (devibhagavatam.5.27.31)

सुखं दुःखं तथैवायुर्जीवितं मरणं नृणाम् । काले भवति सम्प्राप्ते सर्वथा दैवनिर्मितम्

sukhaṁ duḥkhaṁ tathaivāyurjīvitaṁ maraṇaṁ nṛṇām | kāle bhavati samprāpte sarvathā daivanirmitam

"मनुष्यों का सुख-दुःख, आयु, जीवन और मृत्यु — समय आने पर सर्वथा दैव द्वारा ही निर्मित होते हैं।"

श्लोक 32 (devibhagavatam.5.27.32)

ब्रह्मा पतति काले स्वे विष्णुश्च पार्वतीपतिः । नाशं गच्छन्त्यायुषोऽन्ते सर्वे देवाः सवासवाः

brahmā patati kāle sve viṣṇuśca pārvatīpatiḥ | nāśaṁ gacchantyāyuṣo'nte sarve devāḥ savāsavāḥ

"अपने समय पर ब्रह्मा भी पतित होते हैं, और पार्वतीपति विष्णु भी; आयु के अंत में सभी देवता, इंद्र सहित, नाश को प्राप्त होते हैं।"

श्लोक 33 (devibhagavatam.5.27.33)

तथाहमपि कालस्य वशगः सर्वथाधुना । नाशं जयं वा गन्तास्मि स्वधर्मपरिपालनात्

tathāhamapi kālasya vaśagaḥ sarvathādhunā | nāśaṁ jayaṁ vā gantāsmi svadharmaparipālanāt

"इसी प्रकार मैं भी अब सर्वथा काल के वश में हूँ। नाश हो या विजय, मैं अपने धर्म का पालन करते हुए ही उसे प्राप्त करूँगा।"

श्लोक 34 (devibhagavatam.5.27.34)

आहूतोऽप्यनया कामं युद्धायाबलया किल । कथं पलायनपरो जीवेयं शरदां शतम्

āhūto'pyanayā kāmaṁ yuddhāyābalayā kila | kathaṁ palāyanaparo jīveyaṁ śaradāṁ śatam

"इस निर्बल स्त्री द्वारा युद्ध के लिए बुलाए जाने पर भी, यदि मैं भाग खड़ा होऊँ, तो सौ वर्षों तक कैसे जी सकूँगा?"

श्लोक 35 (devibhagavatam.5.27.35)

करिष्याम्यद्य सङ्ग्रामं यद्भावि तद्भवत्विह । जयो वा मरणं वापि स्वीकरोमि यथा तथा

kariṣyāmyadya saṅgrāmaṁ yadbhāvi tadbhavatviha | jayo vā maraṇaṁ vāpi svīkaromi yathā tathā

"मैं आज युद्ध करूँगा, जो होना है वह हो। जय हो या मृत्यु, जैसा भी हो, मैं उसे स्वीकार करूँगा।"

श्लोक 36 (devibhagavatam.5.27.36)

दैवं मिथ्येति विद्वांसो वदन्त्युद्यमवादिनः । युक्तियुक्तं वचस्तेषां ये जानन्त्यभिभाषितम्

daivaṁ mithyeti vidvāṁso vadantyudyamavādinaḥ | yuktiyuktaṁ vacasteṣāṁ ye jānantyabhibhāṣitam

"उद्यमवादी विद्वान कहते हैं कि दैव मिथ्या है; जो लोग उनके कथन को समझते हैं, उनका यह वचन युक्तियुक्त प्रतीत होता है।"

श्लोक 37 (devibhagavatam.5.27.37)

उद्यमेन विना कामं न सिध्यन्ति मनोरथाः । कातरा एव जल्पन्ति यद्भाव्यं तद्भविष्यति

udyamena vinā kāmaṁ na sidhyanti manorathāḥ | kātarā eva jalpanti yadbhāvyaṁ tadbhaviṣyati

"उद्यम के बिना मनोरथ कभी सिद्ध नहीं होते। केवल कायर ही कहते हैं कि जो होना है वह होगा।"

श्लोक 38 (devibhagavatam.5.27.38)

अदृष्टं बलवन्मूढाः प्रवदन्ति न पण्डिताः । प्रमाणं तस्य सत्त्वे किमदृश्यं दृश्यते कथम्

adṛṣṭaṁ balavanmūḍhāḥ pravadanti na paṇḍitāḥ | pramāṇaṁ tasya sattve kimadṛśyaṁ dṛśyate katham

"अदृष्ट को बलवान मूर्ख ही कहते हैं, विद्वान नहीं। उसके अस्तित्व का क्या प्रमाण है? जो अदृश्य है वह कैसे दिखे?"

श्लोक 39 (devibhagavatam.5.27.39)

अदृष्टं क्त्वापि दृष्टं स्यादेषा मूर्खविभीषिका । अवलम्बं विनैवैषा दुःखे चित्तस्य धारणा

adṛṣṭaṁ ktvāpi dṛṣṭaṁ syādeṣā mūrkhavibhīṣikā | avalambaṁ vinaivaiṣā duḥkhe cittasya dhāraṇā

"अदृष्ट कभी दृष्ट हो सकता है — यह तो केवल मूर्खों को डराने वाली बात है; बिना किसी आधार के यह केवल दुःख में मन का सहारा है।"

श्लोक 40 (devibhagavatam.5.27.40)

चक्रीसमीपे संविष्टा संस्थिता पिष्टकारिणी । उद्यमेन विना पिष्टं न भवत्येव सर्वथा

cakrīsamīpe saṁviṣṭā saṁsthitā piṣṭakāriṇī | udyamena vinā piṣṭaṁ na bhavatyeva sarvathā

"चक्की के पास बैठी पिसनहारी तब तक आटा नहीं बना पाती जब तक वह स्वयं उद्यम न करे — उद्यम के बिना पिसाई कभी नहीं होती।"

श्लोक 41 (devibhagavatam.5.27.41)

उद्यमे च कृते कार्यं सिद्धिं यात्येव सर्वथा । कदाचित्तस्य न्यूनत्वे कार्यं नैव भवेदपि

udyame ca kṛte kāryaṁ siddhiṁ yātyeva sarvathā | kadācittasya nyūnatve kāryaṁ naiva bhavedapi

"उद्यम करने पर कार्य सर्वथा सिद्धि को प्राप्त होता है; कभी-कभी उद्यम की न्यूनता से ही कार्य सिद्ध नहीं हो पाता।"

श्लोक 42 (devibhagavatam.5.27.42)

देशं कालञ्च विज्ञाय स्वबलं शत्रुजं बलम् । कृतं कार्यं भवत्येव बृहस्पतिवचो यथा

deśaṁ kālañca vijñāya svabalaṁ śatrujaṁ balam | kṛtaṁ kāryaṁ bhavatyeva bṛhaspativaco yathā

"देश और काल को जानकर, अपने और शत्रु के बल को समझकर किया गया कार्य सफल होता है — यही बृहस्पति का वचन है।"

श्लोक 43 (devibhagavatam.5.27.43)

व्यास उवाच । इति निश्चित्य दैत्येन्द्रो रक्तबीजं महासुरम् । प्रेषयामास सङ्ग्रामे सैन्येन महताऽऽवृतम्

vyāsa uvāca | iti niścitya daityendro raktabījaṁ mahāsuram | preṣayāmāsa saṅgrāme sainyena mahatā''vṛtam

व्यास जी ने कहा — यह निश्चय करके दैत्येंद्र ने महान सेना से घिरे महादानव रक्तबीज को युद्ध में भेजा।

श्लोक 44 (devibhagavatam.5.27.44)

शुम्भ उवाच । रक्तबीज महाबाहो गच्छ त्वं समराङ्गणे । कुरु युद्धं महाभाग यथा ते बलमाहितम्

śumbha uvāca | raktabīja mahābāho gaccha tvaṁ samarāṅgaṇe | kuru yuddhaṁ mahābhāga yathā te balamāhitam

शुम्भ ने कहा — "हे महाबाहो रक्तबीज! तुम रणभूमि में जाओ। हे महाभाग! अपने बल के अनुरूप युद्ध करो।"

श्लोक 45 (devibhagavatam.5.27.45)

रक्तबीज उवाच । महाराज न ते कार्या चिन्ता स्वल्पतरापि वा । अहमेनां हनिष्यामि करिष्यामि वशे तव

raktabīja uvāca | mahārāja na te kāryā cintā svalpatarāpi vā | ahamenāṁ haniṣyāmi kariṣyāmi vaśe tava

रक्तबीज ने कहा — "हे महाराज! आपको तनिक भी चिंता करने की आवश्यकता नहीं। मैं ही इसे मार डालूँगा और आपके वश में कर दूँगा।"

श्लोक 46 (devibhagavatam.5.27.46)

पश्य मे युद्धचातुर्यं क्वेयं बाला सुरप्रिया । दासीं तेऽहं करिष्यामि जित्वेमां समरे बलात्

paśya me yuddhacāturyaṁ kveyaṁ bālā surapriyā | dāsīṁ te'haṁ kariṣyāmi jitvemāṁ samare balāt

"मेरा युद्धकौशल देखिए — यह देवताओं की प्रिय बाला भला क्या करेगी! युद्ध में बलपूर्वक जीतकर मैं इसे आपकी दासी बना दूँगा।"

श्लोक 47 (devibhagavatam.5.27.47)

व्यास उवाच । इत्याभाष्य कुरुश्रेष्ठ रक्तबीजो महासुरः । जगाम रथमारुह्य स्वसैन्यपरिवारितः

vyāsa uvāca | ityābhāṣya kuruśreṣṭha raktabījo mahāsuraḥ | jagāma rathamāruhya svasainyaparivāritaḥ

व्यास जी ने कहा — हे कुरुश्रेष्ठ! ऐसा कहकर महादानव रक्तबीज अपनी सेना से घिरा हुआ रथ पर चढ़कर चल पड़ा।

श्लोक 48 (devibhagavatam.5.27.48)

हस्त्यश्वरथपादातवृन्दैश्च परिवेष्टितः । निर्जगाम रथारूढो देवीं शैलोपरिस्थिताम्

hastyaśvarathapādātavṛndaiśca pariveṣṭitaḥ | nirjagāma rathārūḍho devīṁ śailoparisthitām

हाथी, घोड़े, रथ और पैदल सैनिकों के समूहों से घिरा, रथारूढ़ होकर वह पर्वत पर स्थित देवी की ओर निकल पड़ा।

श्लोक 49 (devibhagavatam.5.27.49)

तमागतं समालोक्य देवी शङ्खमवादयत् । भयदं सर्वदैत्यानां देवानां मोदवर्धनम्

tamāgataṁ samālokya devī śaṅkhamavādayat | bhayadaṁ sarvadaityānāṁ devānāṁ modavardhanam

उसे आता देखकर देवी ने शंख बजाया, जो समस्त दैत्यों के लिए भयदायक और देवताओं के हर्ष को बढ़ाने वाला था।

श्लोक 50 (devibhagavatam.5.27.50)

श्रुत्वा शङ्खस्वनं चोग्रं रक्तबीजोऽतिवेगवान् । गत्वा समीपे चामुण्डां बभाषे वचनं मृदु

śrutvā śaṅkhasvanaṁ cograṁ raktabījo'tivegavān | gatvā samīpe cāmuṇḍāṁ babhāṣe vacanaṁ mṛdu

उस उग्र शंखनाद को सुनकर अत्यंत वेगवान रक्तबीज देवी के समीप जाकर चामुंडा से मृदु वचन बोला।

श्लोक 51 (devibhagavatam.5.27.51)

रक्तबीज उवाच । बाले किं मां भीषयसि मत्वा त्वं कातरं किल । शङ्खनादेन तन्वङ्गि वेत्सि किं धूम्रलोचनम्

raktabīja uvāca | bāle kiṁ māṁ bhīṣayasi matvā tvaṁ kātaraṁ kila | śaṅkhanādena tanvaṅgi vetsi kiṁ dhūmralocanam

रक्तबीज ने कहा — "हे बाले! क्या तू मुझे कातर समझकर डरा रही है? हे तन्वंगि! शंखनाद से क्या तू मुझे धूम्रलोचन समझती है?"

श्लोक 52 (devibhagavatam.5.27.52)

रक्तबीजोऽस्मि नाम्नाहं त्वत्सकाशमिहागतः । युद्धेच्छा चेत्पिकालापे सज्जा भव भयं न मे

raktabījo'smi nāmnāhaṁ tvatsakāśamihāgataḥ | yuddhecchā cetpikālāpe sajjā bhava bhayaṁ na me

"मेरा नाम रक्तबीज है, मैं तेरे पास ही आया हूँ। हे पिकालापे! यदि युद्ध की इच्छा है तो तैयार हो जा, मुझे कोई भय नहीं है।"

श्लोक 53 (devibhagavatam.5.27.53)

पश्याद्य मे बलं कान्ते दृष्टा ये कातरास्त्वया । नाहं पङ्क्तिगतस्तेषां कुरु युद्धं यथेच्छसि

paśyādya me balaṁ kānte dṛṣṭā ye kātarāstvayā | nāhaṁ paṅktigatasteṣāṁ kuru yuddhaṁ yathecchasi

"हे कांते! आज मेरा बल देख — मैं उन कायरों में से नहीं हूँ जिन्हें तूने अब तक देखा है। जैसी इच्छा हो वैसा युद्ध कर।"

श्लोक 54 (devibhagavatam.5.27.54)

वृद्धाश्च सेविताः पूर्वं नीतिशास्त्रं श्रुतं त्वया । पतितं चार्थविज्ञानं विद्वद्गोष्ठी कृताथ वा

vṛddhāśca sevitāḥ pūrvaṁ nītiśāstraṁ śrutaṁ tvayā | patitaṁ cārthavijñānaṁ vidvadgoṣṭhī kṛtātha vā

"क्या तूने पहले वृद्धों की सेवा की है, नीतिशास्त्र सुना है? क्या तुझे अर्थविज्ञान प्राप्त है, या विद्वानों की सभा में समय बिताया है?"

श्लोक 55 (devibhagavatam.5.27.55)

साहित्यतन्त्रविज्ञानं चेदस्ति तव सुन्दरि । शृणु मे वचनं पथ्यं तथ्यं प्रमितिबृंहितम्

sāhityatantravijñānaṁ cedasti tava sundari | śṛṇu me vacanaṁ pathyaṁ tathyaṁ pramitibṛṁhitam

"हे सुंदरी! यदि तुझे साहित्य-तंत्र का ज्ञान है, तो मेरे ये हितकर, सत्य और प्रमाणों से पुष्ट वचन सुन।"

श्लोक 56 (devibhagavatam.5.27.56)

रसानाञ्च नवानां वै द्वावेव मुख्यतां गतौ । शृङ्गारकः शान्तिरसो विद्वज्जनसभासु च

rasānāñca navānāṁ vai dvāveva mukhyatāṁ gatau | śṛṅgārakaḥ śāntiraso vidvajjanasabhāsu ca

"नवों रसों में से केवल दो ही विद्वानों की सभाओं में मुख्यता को प्राप्त हैं — शृंगार रस और शांत रस।"

श्लोक 57 (devibhagavatam.5.27.57)

तयोः शृङ्गार एवादौ नृपभावे प्रतिष्ठितः । विष्णुर्लक्ष्म्या सहास्ते वै सावित्र्या चतुराननः

tayoḥ śṛṅgāra evādau nṛpabhāve pratiṣṭhitaḥ | viṣṇurlakṣmyā sahāste vai sāvitryā caturānanaḥ

"इनमें से शृंगार ही पहले, राजाओं की प्रकृति में भी प्रतिष्ठित है — विष्णु लक्ष्मी के साथ रहते हैं, चतुरानन ब्रह्मा सावित्री के साथ।"

श्लोक 58 (devibhagavatam.5.27.58)

शच्येन्द्रः शैलसुतया शङ्करः सह शेरते । वल्ल्या वृक्षो मृगो मृग्या कपोत्या च कपोतकः

śacyendraḥ śailasutayā śaṅkaraḥ saha śerate | vallyā vṛkṣo mṛgo mṛgyā kapotyā ca kapotakaḥ

"शची के साथ इंद्र, पार्वती के साथ शंकर शयन करते हैं; लता वृक्ष से, हिरण हिरणी से, कबूतर कबूतरी से लिपटा रहता है।"

श्लोक 59 (devibhagavatam.5.27.59)

एवं सर्वे प्राणभृतः संयोगरसिका भृशम् । अप्राप्तभोगविभवा ये चान्ये कातरा नराः

evaṁ sarve prāṇabhṛtaḥ saṁyogarasikā bhṛśam | aprāptabhogavibhavā ye cānye kātarā narāḥ

"इस प्रकार सभी प्राणी संयोग के रस में अत्यंत रत रहते हैं; और जो अन्य मनुष्य इस भोग-वैभव को प्राप्त नहीं कर पाते, वे कायर कहलाते हैं —"

श्लोक 60 (devibhagavatam.5.27.60)

भवन्ति यतयस्ते वै मूढा दैवेन वञ्चिताः । असंसाररसज्ञास्ते वञ्चिता वञ्चनापरैः

bhavanti yatayaste vai mūḍhā daivena vañcitāḥ | asaṁsārarasajñāste vañcitā vañcanāparaiḥ

"— वे ही मूर्ख होकर संन्यासी बन जाते हैं, दैव द्वारा ठगे हुए; संसार के रस को न जानने वाले वे छलियों द्वारा छले जाते हैं।"

श्लोक 61 (devibhagavatam.5.27.61)

मधुरालापनिपुणै रताः शान्तिरसे हि ते । क्व ज्ञानं क्व च वैराग्यं वर्तमाने मनोभवे

madhurālāpanipuṇai ratāḥ śāntirase hi te | kva jñānaṁ kva ca vairāgyaṁ vartamāne manobhave

"मधुर बातें बनाने में निपुण वे लोग शांत रस में रत रहते हैं — पर जहाँ कामदेव विद्यमान हो, वहाँ ज्ञान कहाँ, वैराग्य कहाँ?"

श्लोक 62 (devibhagavatam.5.27.62)

लोभे क्रोधे च दुर्धर्षे मोहे मतिविनाशके । तस्मात्त्वमपि कल्याणि कुरु कान्तं मनोहरम्

lobhe krodhe ca durdharṣe mohe mativināśake | tasmāttvamapi kalyāṇi kuru kāntaṁ manoharam

"लोभ, दुर्धर्ष क्रोध और बुद्धि नष्ट करने वाले मोह में ही वे फँसे रहते हैं। इसलिए हे कल्याणी! तू भी किसी सुंदर, मनोहर वर को स्वीकार कर —"

श्लोक 63 (devibhagavatam.5.27.63)

शुम्भं सुराणां जेतारं निशुम्भं वा महाबलम् । व्यास उवाच । इत्युक्त्वा रक्तबीजोऽसौ विरराम पुरःस्थितः । श्रुत्वा जहास चामुण्डा कालिका चाम्बिका तथा

śumbhaṁ surāṇāṁ jetāraṁ niśumbhaṁ vā mahābalam | vyāsa uvāca | ityuktvā raktabījo'sau virarāma puraḥsthitaḥ | śrutvā jahāsa cāmuṇḍā kālikā cāmbikā tathā

"— देवताओं के विजेता शुम्भ को, अथवा महाबली निशुम्भ को।" व्यास जी ने कहा — ऐसा कहकर सामने खड़ा रक्तबीज चुप हो गया; यह सुनकर चामुंडा, कालिका और अंबिका तीनों हँस पड़ीं।