रक्तबीज का युद्ध एवं मातृगण का आगमन

श्लोक 1 (devibhagavatam.5.28.1)

व्यास उवाच । कृत्वा हास्यं ततो देवी तमुवाच विशाम्पते । मेघगम्भीरया वाचा युक्तियुक्तमिदं वचः

vyāsa uvāca | kṛtvā hāsyaṁ tato devī tamuvāca viśāmpate | meghagambhīrayā vācā yuktiyuktamidaṁ vacaḥ

व्यास जी ने कहा — तब देवी ने हँसकर, हे विशांपते! मेघ के समान गंभीर वाणी में उससे यह युक्तियुक्त वचन कहा।

श्लोक 2 (devibhagavatam.5.28.2)

पूर्वमेव मया प्रोक्तं मन्दात्मन् किं विकत्थसे । दूतस्याग्रे यथायोग्यं वचनं हितसंयुतम्

pūrvameva mayā proktaṁ mandātman kiṁ vikatthase | dūtasyāgre yathāyogyaṁ vacanaṁ hitasaṁyutam

"हे मंदात्मन्! मैं पहले ही यह कह चुकी हूँ, तू क्यों डींग हाँक रहा है? दूत के सामने जो उचित और हितकारी वचन था, वही मैंने कहा था।"

श्लोक 3 (devibhagavatam.5.28.3)

सदृशो मम रूपेण बलेन विभवेन च । त्रिलोक्यां यदि कोऽपि स्यात्तं पतिं प्रवृणोम्यहम्

sadṛśo mama rūpeṇa balena vibhavena ca | trilokyāṁ yadi ko'pi syāttaṁ patiṁ pravṛṇomyaham

"यदि त्रिलोक में मेरे समान रूप, बल और वैभव वाला कोई हो, तो उसी को मैं पति के रूप में वरण करूँगी।"

श्लोक 4 (devibhagavatam.5.28.4)

ब्रूहि शुम्भं निशुम्भञ्च प्रतिज्ञा मे पुरा कृता । तस्माद्युध्यस्व जित्वा मां विवाहं विधिवत्कुरु

brūhi śumbhaṁ niśumbhañca pratijñā me purā kṛtā | tasmādyudhyasva jitvā māṁ vivāhaṁ vidhivatkuru

"शुम्भ और निशुम्भ से कह — यह मेरी पूर्व की गई प्रतिज्ञा है। इसलिए युद्ध कर, और मुझे जीतकर विधिवत विवाह कर।"

श्लोक 5 (devibhagavatam.5.28.5)

त्वं वै तदाज्ञया प्राप्तस्तस्य कार्यार्थसिद्धये । सङ्ग्रामं कुरु पातालं गच्छ वा पतिना सह

tvaṁ vai tadājñayā prāptastasya kāryārthasiddhaye | saṅgrāmaṁ kuru pātālaṁ gaccha vā patinā saha

"तू उसकी आज्ञा से उसके कार्य की सिद्धि के लिए ही यहाँ आया है। या तो युद्ध कर, या फिर अपने पति के साथ पाताल चला जा।"

श्लोक 6 (devibhagavatam.5.28.6)

व्यास उवाच । तच्छ्रुत्वा वचनं देव्याः स दैत्योऽमर्षपूरितः । मुमोच तरसा बाणान्सिंहस्योपरि दारुणान्

vyāsa uvāca | tacchrutvā vacanaṁ devyāḥ sa daityo'marṣapūritaḥ | mumoca tarasā bāṇānsiṁhasyopari dāruṇān

व्यास जी ने कहा — देवी के इन वचनों को सुनकर वह दैत्य क्रोध से भर गया और तुरंत सिंह पर भयंकर बाणों की वर्षा कर दी।

श्लोक 7 (devibhagavatam.5.28.7)

अम्बिका ताच्छरान्वीक्ष्य गगने पन्नगोपमान् । चिच्छेद सायकैस्तीक्ष्णैर्लघुहस्ततया क्षणात्

ambikā tāccharānvīkṣya gagane pannagopamān | ciccheda sāyakaistīkṣṇairlaghuhastatayā kṣaṇāt

अंबिका ने आकाश में उन सर्प के समान बाणों को देखकर अपने तीक्ष्ण बाणों से हल्के हाथों से क्षणभर में काट डाला।

श्लोक 8 (devibhagavatam.5.28.8)

अन्यैर्जघान विशिखै रक्तबीजं महासुरम् । अम्बिकाचापनिर्मुक्तैः कर्णाकृष्टैः शिलाशितैः

anyairjaghāna viśikhai raktabījaṁ mahāsuram | ambikācāpanirmuktaiḥ karṇākṛṣṭaiḥ śilāśitaiḥ

फिर अंबिका के धनुष से छोड़े गए, कान तक खींचे गए, पत्थर पर तीक्ष्ण किए हुए अन्य बाणों से उन्होंने महादानव रक्तबीज पर प्रहार किया।

श्लोक 9 (devibhagavatam.5.28.9)

देवीबाणहतः पापो मूर्च्छामाप रथोपरि । पतिते रक्तबीजे तु हाहाकारो महानभूत्

devībāṇahataḥ pāpo mūrcchāmāpa rathopari | patite raktabīje tu hāhākāro mahānabhūt

देवी के बाणों से आहत वह पापी रथ पर ही मूर्च्छित हो गया; रक्तबीज के गिरते ही महान हाहाकार मच गया।

श्लोक 10 (devibhagavatam.5.28.10)

सैनिकाश्चुक्रुशुः सर्वे हताः स्म इति चाब्रुवन् । ततो बुम्बारवं श्रुत्वा शुम्भः परमदारुणम्

sainikāścukruśuḥ sarve hatāḥ sma iti cābruvan | tato bumbāravaṁ śrutvā śumbhaḥ paramadāruṇam

सभी सैनिक चिल्लाकर कहने लगे "हम मारे गए!" तब वह अत्यंत भयंकर कोलाहल सुनकर शुम्भ ने —

श्लोक 11 (devibhagavatam.5.28.11)

उद्योगं सर्वसैन्यानां दैत्यानामादिदेश ह । शुम्भ उवाच । निर्यान्तु दानवाः सर्वे काम्बोजाः स्वबलैर्वृताः

udyogaṁ sarvasainyānāṁ daityānāmādideśa ha | śumbha uvāca | niryāntu dānavāḥ sarve kāmbojāḥ svabalairvṛtāḥ

समस्त दैत्य-सेनाओं को कूच करने की आज्ञा दी। शुम्भ ने कहा — "समस्त दानव अपनी-अपनी सेना सहित निकलें, कांबोज भी —"

श्लोक 12 (devibhagavatam.5.28.12)

अन्येऽप्यतिबलाः शूराः कालकेया विशेषतः । व्यास उवाच । इत्याज्ञप्तं बलं सर्वं शुम्भेन च चतुर्विधम्

anye'pyatibalāḥ śūrāḥ kālakeyā viśeṣataḥ | vyāsa uvāca | ityājñaptaṁ balaṁ sarvaṁ śumbhena ca caturvidham

"— और अन्य अतिबलवान शूरवीर, विशेष रूप से कालकेय भी।" व्यास जी ने कहा — इस प्रकार शुम्भ की आज्ञा से चारों प्रकार की सेना —

श्लोक 13 (devibhagavatam.5.28.13)

निर्जगाम मदाऽऽविष्टं देवीसमरमण्डले । तमागतं समालोक्य चण्डिका दानवं बलम्

nirjagāma madā''viṣṭaṁ devīsamaramaṇḍale | tamāgataṁ samālokya caṇḍikā dānavaṁ balam

— मद से भरी हुई देवी के युद्धस्थल की ओर निकल पड़ी। उस आती हुई दानव-सेना को देखकर चंडिका ने —

श्लोक 14 (devibhagavatam.5.28.14)

घण्टानादं चकाराशु भीषणं भयदं मुहुः । ज्यास्वनं शङ्खनादञ्च चकार जगदम्बिका

ghaṇṭānādaṁ cakārāśu bhīṣaṇaṁ bhayadaṁ muhuḥ | jyāsvanaṁ śaṅkhanādañca cakāra jagadambikā

— तुरंत भीषण और भयदायक घंटा-नाद बार-बार किया। जगदंबिका ने भी टंकार और शंखनाद किया।

श्लोक 15 (devibhagavatam.5.28.15)

तेन नादेन सा जाता काली विस्तारितानना । श्रुत्वा तन्निनदं घोरं सिंहो देव्याश्च वाहनम्

tena nādena sā jātā kālī vistāritānanā | śrutvā tanninadaṁ ghoraṁ siṁho devyāśca vāhanam

उस ध्वनि से ही काली प्रकट हुईं, जिनका मुख विस्तृत था; उस भीषण गर्जना को सुनकर देवी का वाहन सिंह भी —

श्लोक 16 (devibhagavatam.5.28.16)

जगर्ज सोऽपि बलवाञ्जनयन्भयमद्भुतम् । तन्निनादमुपश्रुत्य दानवाः क्रोधमूर्च्छिताः

jagarja so'pi balavāñjanayanbhayamadbhutam | tanninādamupaśrutya dānavāḥ krodhamūrcchitāḥ

— बलवान होकर गरजा, अद्भुत भय उत्पन्न करते हुए। उस गर्जना को सुनकर क्रोध से मूर्च्छित हुए दानवों ने —

श्लोक 17 (devibhagavatam.5.28.17)

सर्वे चिक्षिपुरस्त्राणि देवीं प्रति महाबलाः । तस्मिन्नेवायते युद्धे दारुणे लोमहर्षणे

sarve cikṣipurastrāṇi devīṁ prati mahābalāḥ | tasminnevāyate yuddhe dāruṇe lomaharṣaṇe

— सभी महाबलियों ने देवी पर अस्त्र फेंके। उसी अत्यंत भयंकर, रोमांचकारी युद्ध के आरंभ होते ही —

श्लोक 18 (devibhagavatam.5.28.18)

ब्रह्मादीनाञ्च देवानां शक्तयश्चण्डिकां ययुः । यस्य देवस्य यद्रूपं यथा भूषणवाहनम्

brahmādīnāñca devānāṁ śaktayaścaṇḍikāṁ yayuḥ | yasya devasya yadrūpaṁ yathā bhūṣaṇavāhanam

— ब्रह्मा आदि देवताओं की शक्तियाँ चंडिका के पास आईं, प्रत्येक देवता के जैसे रूप, आभूषण और वाहन थे —

श्लोक 19 (devibhagavatam.5.28.19)

तादृग्रूपास्तदा देव्यः प्रययुः समराङ्गणे । ब्रह्माणी वरटारूढा साक्षसूत्रकमण्डलुः

tādṛgrūpāstadā devyaḥ prayayuḥ samarāṅgaṇe | brahmāṇī varaṭārūḍhā sākṣasūtrakamaṇḍaluḥ

— वैसे ही रूप में वे देवियाँ युद्धभूमि में आईं। ब्रह्माणी हंस पर आरूढ़, अक्षमाला और कमंडल धारण किए —

श्लोक 20 (devibhagavatam.5.28.20)

आगता ब्रह्मणः शक्तिर्ब्रह्माणीति प्रतिश्रुता । वैष्णवी गरुडारूढा शङ्खचक्रगदाधरा

āgatā brahmaṇaḥ śaktirbrahmāṇīti pratiśrutā | vaiṣṇavī garuḍārūḍhā śaṅkhacakragadādharā

— ब्रह्मा की शक्ति ब्रह्माणी नाम से विख्यात होकर आईं। वैष्णवी गरुड़ पर आरूढ़, शंख-चक्र-गदा धारण किए —

श्लोक 21 (devibhagavatam.5.28.21)

पद्महस्ता समायाता पीताम्बरविभूषिता । शाङ्करी तु वृषारूढा त्रिशूलवरधारिणी

padmahastā samāyātā pītāmbaravibhūṣitā | śāṅkarī tu vṛṣārūḍhā triśūlavaradhāriṇī

— पद्महस्ता, पीताम्बर से सुशोभित होकर आईं। शांकरी वृषभ पर आरूढ़, वरद त्रिशूल धारण किए —

श्लोक 22 (devibhagavatam.5.28.22)

अर्धचन्द्रधरा देवी तथाहिवलया शिवा । कौमारी शिखिसंरूढा शक्तिहस्ता वरानना

ardhacandradharā devī tathāhivalayā śivā | kaumārī śikhisaṁrūḍhā śaktihastā varānanā

— अर्धचंद्र धारण करने वाली, सर्प का कंगन पहने शिवा देवी आईं। कौमारी मयूर पर विराजमान, शक्ति हाथ में लिए, सुंदर मुख वाली —

श्लोक 23 (devibhagavatam.5.28.23)

युद्धकामा समायाता कार्तिकेयस्वरूपिणी । इन्द्राणी सुष्ठुवदना सुश्वेतगजवाहना

yuddhakāmā samāyātā kārtikeyasvarūpiṇī | indrāṇī suṣṭhuvadanā suśvetagajavāhanā

— युद्ध की इच्छा से कार्तिकेय के ही स्वरूप में आईं। इंद्राणी सुंदर मुख वाली, श्वेत हाथी पर सवार —

श्लोक 24 (devibhagavatam.5.28.24)

वज्रहस्तातिरोषाढ्या सङ्ग्रामाभिमुखी ययौ । वाराही शूकराकारा प्रौढप्रेतासना मता

vajrahastātiroṣāḍhyā saṅgrāmābhimukhī yayau | vārāhī śūkarākārā prauḍhapretāsanā matā

— वज्र हाथ में लिए, अत्यंत क्रोध से भरी हुई युद्ध की ओर चलीं। वाराही शूकर के मुख वाली, विशाल प्रेत पर आसीन मानी जाती हैं —

श्लोक 25 (devibhagavatam.5.28.25)

नारसिंही नृसिंहस्य बिभ्रती सदृशं वपुः । याम्या च महिषारूढा दण्डहस्ता भयप्रदा

nārasiṁhī nṛsiṁhasya bibhratī sadṛśaṁ vapuḥ | yāmyā ca mahiṣārūḍhā daṇḍahastā bhayapradā

— नारसिंही नृसिंह के समान शरीर धारण किए, और यामी महिष पर आरूढ़, दंड हाथ में लिए, भय उत्पन्न करने वाली —

श्लोक 26 (devibhagavatam.5.28.26)

समायाताथ सङ्ग्रामे यमरूपा शुचिस्मिता । तथैव वारुणी शक्तिः कौबेरी च मदोत्कटा

samāyātātha saṅgrāme yamarūpā śucismitā | tathaiva vāruṇī śaktiḥ kauberī ca madotkaṭā

— शुचिस्मिता यमरूपिणी बनकर युद्ध में आईं। इसी प्रकार वारुणी शक्ति और मदोन्मत्त कौबेरी भी —

श्लोक 27 (devibhagavatam.5.28.27)

एवंविधास्तथाऽऽकारा ययुः स्वस्वबलैर्वृताः । आगतास्ताः समालोक्य देवी मुदमवाप च

evaṁvidhāstathā''kārā yayuḥ svasvabalairvṛtāḥ | āgatāstāḥ samālokya devī mudamavāpa ca

— ऐसे ही रूपों में अपनी-अपनी सेनाओं सहित आईं। उन्हें आया हुआ देखकर देवी को अत्यंत हर्ष हुआ।

श्लोक 28 (devibhagavatam.5.28.28)

स्वस्था मुमुदिरे देवा दैत्याश्च भयमाययुः । ताभिः परिवृतस्तत्र शङ्करो लोकशङ्करः

svasthā mumudire devā daityāśca bhayamāyayuḥ | tābhiḥ parivṛtastatra śaṅkaro lokaśaṅkaraḥ

देवगण निश्चिंत होकर प्रसन्न हुए और दैत्य भयभीत हो गए। उनसे घिरे हुए लोकों को शांति देने वाले शंकर ने वहाँ —

श्लोक 29 (devibhagavatam.5.28.29)

समागम्य च सङ्ग्रामे चण्डिकामित्युवाच ह । हन्यन्तामसुराः शीघ्रं देवानां कार्यसिद्धये

samāgamya ca saṅgrāme caṇḍikāmityuvāca ha | hanyantāmasurāḥ śīghraṁ devānāṁ kāryasiddhaye

— युद्धभूमि में आकर चंडिका से यह कहा — "देवताओं के कार्य की सिद्धि के लिए शीघ्र ही असुरों का वध किया जाए —

श्लोक 30 (devibhagavatam.5.28.30)

निशुम्भं चैव शुम्भं च ये चान्ये दानवाः स्थिताः । हत्वा दैत्यबलं सर्वं कृत्वा च निर्भयं जगत्

niśumbhaṁ caiva śumbhaṁ ca ye cānye dānavāḥ sthitāḥ | hatvā daityabalaṁ sarvaṁ kṛtvā ca nirbhayaṁ jagat

"— निशुम्भ, शुम्भ और जो अन्य दानव स्थित हैं। समस्त दैत्य-सेना का वध करके, जगत को निर्भय बनाकर —

श्लोक 31 (devibhagavatam.5.28.31)

स्वानि स्वानि च धिष्ण्यानि समागच्छन्तु शक्तयः । देवा यज्ञभुजः सन्तु ब्राह्मणा यजने रताः

svāni svāni ca dhiṣṇyāni samāgacchantu śaktayaḥ | devā yajñabhujaḥ santu brāhmaṇā yajane ratāḥ

"— सभी शक्तियाँ अपने-अपने स्थानों को लौट जाएँ। देवता यज्ञभाग के भोक्ता बनें, ब्राह्मण यज्ञ में रत रहें,

श्लोक 32 (devibhagavatam.5.28.32)

प्राणिनः सन्तु सन्तुष्टाः सर्वे स्थावरजङ्गमाः । शमं यान्तु तथोत्पाता ईतयश्च तथा पुनः

prāṇinaḥ santu santuṣṭāḥ sarve sthāvarajaṅgamāḥ | śamaṁ yāntu tathotpātā ītayaśca tathā punaḥ

"— सभी स्थावर-जंगम प्राणी संतुष्ट रहें, उत्पात और ईतियाँ (आपदाएँ) पुनः शांत हो जाएँ,

श्लोक 33 (devibhagavatam.5.28.33)

घनाः काले प्रवर्षन्तु कृषिर्बहुफला तथा । व्यास उवाच । एवं ब्रुवति देवेशे शङ्करे लोकशङ्करे

ghanāḥ kāle pravarṣantu kṛṣirbahuphalā tathā | vyāsa uvāca | evaṁ bruvati deveśe śaṅkare lokaśaṅkare

"— समय पर मेघ बरसें, खेती अत्यंत फलदायी हो।" व्यास जी ने कहा — इस प्रकार लोकों को शांति देने वाले देवेश शंकर के कहते ही —

श्लोक 34 (devibhagavatam.5.28.34)

चण्डिकाया शरीरात्तु निर्गता शक्तिरद्भुता । भीषणातिप्रचण्डा च शिवाशतनिनादिनी

caṇḍikāyā śarīrāttu nirgatā śaktiradbhutā | bhīṣaṇātipracaṇḍā ca śivāśataninādinī

— चंडिका के शरीर से एक अद्भुत शक्ति प्रकट हुई, भीषण, अत्यंत प्रचंड, सैकड़ों सियारों जैसी ध्वनि करने वाली।

श्लोक 35 (devibhagavatam.5.28.35)

घोररूपाथ पञ्चास्यमित्युवाच स्मितानना । देवदेव व्रजाशु त्वं दैत्यानामधिपं प्रति

ghorarūpātha pañcāsyamityuvāca smitānanā | devadeva vrajāśu tvaṁ daityānāmadhipaṁ prati

वह घोर रूप वाली मुस्कुराते हुए मुख से पंचानन शिव से बोली — "हे देवदेव! तुम शीघ्र दैत्यों के स्वामी के पास जाओ —

श्लोक 36 (devibhagavatam.5.28.36)

दूतत्वं कुरु कामारे ब्रूहि शुम्भं स्मराकुलम् । निशुम्भञ्च मदोत्सिक्तं वचनान्मम शङ्कर

dūtatvaṁ kuru kāmāre brūhi śumbhaṁ smarākulam | niśumbhañca madotsiktaṁ vacanānmama śaṅkara

"— हे कामारि! दूत का कार्य करो, कामाकुल शुम्भ से और मद से उन्मत्त निशुम्भ से, हे शंकर, मेरे इन वचनों को कहो —

श्लोक 37 (devibhagavatam.5.28.37)

मुक्त्वा त्रिविष्टपं यात यूयं पातालमाशु वै । देवाः स्वर्गे सुखं यान्तु तुराषाट् स्वासनं शभम्

muktvā triviṣṭapaṁ yāta yūyaṁ pātālamāśu vai | devāḥ svarge sukhaṁ yāntu turāṣāṭ svāsanaṁ śabham

"— 'त्रिविष्टप (स्वर्ग) छोड़कर तुम शीघ्र पाताल को चले जाओ। देवता स्वर्ग में सुखपूर्वक निवास करें, इंद्र अपने शुभ आसन पर बैठें —

श्लोक 38 (devibhagavatam.5.28.38)

प्राप्नोतु त्रिदिवं स्थानं यज्ञभागांश्च देवताः । जीवितेच्छा च युष्माकं यदि स्यात्तु महत्तरा

prāpnotu tridivaṁ sthānaṁ yajñabhāgāṁśca devatāḥ | jīvitecchā ca yuṣmākaṁ yadi syāttu mahattarā

"'— देवता त्रिलोक और यज्ञभाग को प्राप्त करें। यदि तुम्हारी जीने की इच्छा अत्यंत प्रबल हो,

श्लोक 39 (devibhagavatam.5.28.39)

तर्हि गच्छत पातालं तरसा यत्र दानवाः । अथवा बलमास्थाय युद्धेच्छा मरणाय चेत्

tarhi gacchata pātālaṁ tarasā yatra dānavāḥ | athavā balamāsthāya yuddhecchā maraṇāya cet

"'— तो शीघ्र उस पाताल को चले जाओ जहाँ अन्य दानव रहते हैं। अथवा यदि अपने बल के भरोसे मृत्यु तक युद्ध की इच्छा हो,

श्लोक 40 (devibhagavatam.5.28.40)

तदाऽऽगच्छन्तु तृप्यन्तु मच्छिवाः पिशितेन वः । व्यास उवाच । तच्छ्रुत्वा वचनं तस्याः शूलपाणिस्त्वरान्वितः

tadā''gacchantu tṛpyantu macchivāḥ piśitena vaḥ | vyāsa uvāca | tacchrutvā vacanaṁ tasyāḥ śūlapāṇistvarānvitaḥ

"'— तो आ जाओ, मेरे सियार तुम्हारे मांस से तृप्त हों।'" व्यास जी ने कहा — उसका यह वचन सुनकर शूलधारी शीघ्रता से —

श्लोक 41 (devibhagavatam.5.28.41)

गत्वाऽऽह दैत्यराजानं शुम्भं सदसि संस्थितम् । शिव उवाच । राजन् दूतोऽहमम्बायास्त्रिपुरान्तकरो हरः

gatvā''ha daityarājānaṁ śumbhaṁ sadasi saṁsthitam | śiva uvāca | rājan dūto'hamambāyāstripurāntakaro haraḥ

— जाकर सभा में बैठे दैत्यराज शुम्भ से बोले। शिव जी ने कहा — "हे राजन्! मैं त्रिपुरांतक हर, अंबा का दूत बनकर —

श्लोक 42 (devibhagavatam.5.28.42)

त्वत्सकाशमिहायातो हितं कर्तुं तवाखिलम् । त्यक्त्वा स्वर्गं तथा भूमिं यूयं गच्छत सत्वरम्

tvatsakāśamihāyāto hitaṁ kartuṁ tavākhilam | tyaktvā svargaṁ tathā bhūmiṁ yūyaṁ gacchata satvaram

"— तुम्हारे पास तुम्हारे ही हित के लिए आया हूँ। स्वर्ग और पृथ्वी दोनों को त्यागकर तुम शीघ्र —

श्लोक 43 (devibhagavatam.5.28.43)

पातालं यत्र प्रह्लादो बलिश्च बलिनां वरः । अथवा मरणेच्छा चेत्तर्ह्यागच्छत सत्वरम्

pātālaṁ yatra prahlādo baliśca balināṁ varaḥ | athavā maraṇecchā cettarhyāgacchata satvaram

"— उस पाताल को चले जाओ जहाँ प्रह्लाद और बलियों में श्रेष्ठ बलि रहते हैं। अथवा यदि मृत्यु की इच्छा हो, तो शीघ्र —

श्लोक 44 (devibhagavatam.5.28.44)

सङ्ग्रामे वो हनिष्यामि सर्वानेवाहमाशु वै । इत्युवाच महाराज्ञी युष्मत्कल्याणहेतवे

saṅgrāme vo haniṣyāmi sarvānevāhamāśu vai | ityuvāca mahārājñī yuṣmatkalyāṇahetave

"— युद्ध में आ जाओ; मैं तुम सबको शीघ्र ही मार डालूँगी।" यह महारानी ने तुम्हारे कल्याण के लिए ही कहा है।

श्लोक 45 (devibhagavatam.5.28.45)

व्यास उवाच । इति दैत्यवरान्देवीवाक्यं पीयूषसन्निभम् । हितकृच्छ्रावयित्वा स प्रत्यायातश्च शूलभृत्

vyāsa uvāca | iti daityavarāndevīvākyaṁ pīyūṣasannibham | hitakṛcchrāvayitvā sa pratyāyātaśca śūlabhṛt

व्यास जी ने कहा — इस प्रकार अमृत के समान हितकर देवी-वचन दैत्यश्रेष्ठों को सुनाकर वे शूलधारी लौट आए।

श्लोक 46 (devibhagavatam.5.28.46)

ययासौ प्रेरितः शम्भुर्दूतत्वे दानवान्प्रति । शिवदूतीति विख्याता जाता त्रिभुवनेऽखिले

yayāsau preritaḥ śambhurdūtatve dānavānprati | śivadūtīti vikhyātā jātā tribhuvane'khile

जिस कारण उन्हें शंभु ने दानवों के प्रति दूत बनाकर भेजा था, वे संपूर्ण त्रिभुवन में शिवदूती के नाम से विख्यात हुईं।

श्लोक 47 (devibhagavatam.5.28.47)

तेऽपि श्रुत्वा वचो देव्याः शङ्करोक्तं तुदुष्करम् । युद्धाय निर्ययुः शीघ्रं दंशिताः शस्त्रपाणयः

te'pi śrutvā vaco devyāḥ śaṅkaroktaṁ tuduṣkaram | yuddhāya niryayuḥ śīghraṁ daṁśitāḥ śastrapāṇayaḥ

देवी के उन कठोर, शंकर द्वारा कहे गए वचनों को सुनकर वे भी सहन न कर सके और शीघ्र ही कवच पहन, शस्त्र लेकर युद्ध के लिए निकल पड़े।

श्लोक 48 (devibhagavatam.5.28.48)

तरसा रणमागत्य चण्डिकां प्रति दानवाः । निर्जघ्नुश्च शरैस्तीक्ष्णैः कर्णाकृष्टैः शिलाशितैः

tarasā raṇamāgatya caṇḍikāṁ prati dānavāḥ | nirjaghnuśca śaraistīkṣṇaiḥ karṇākṛṣṭaiḥ śilāśitaiḥ

दानवों ने तेजी से युद्धभूमि में आकर चंडिका पर कान तक खींचे गए, पत्थर पर तीक्ष्ण किए हुए बाणों से प्रहार किया।

श्लोक 49 (devibhagavatam.5.28.49)

कालिका शूलपातैस्तान् गदाशक्तिविदारितान् । कुर्वन्ती व्यचरत्तत्र भक्षयन्ती च दानवान्

kālikā śūlapātaistān gadāśaktividāritān | kurvantī vyacarattatra bhakṣayantī ca dānavān

कालिका त्रिशूल, गदा और शक्ति के प्रहारों से उन्हें चीरती हुई वहाँ विचरण करती रहीं और दानवों को खाती रहीं।

श्लोक 50 (devibhagavatam.5.28.50)

कमण्डलुजलाक्षेपगतप्राणान् महाबलान् । ब्रह्माणी चाकरोत्तत्र दानवान्समराङ्गणे

kamaṇḍalujalākṣepagataprāṇān mahābalān | brahmāṇī cākarottatra dānavānsamarāṅgaṇe

ब्रह्माणी ने अपने कमंडल के जल के छिड़काव मात्र से युद्धभूमि में महाबली दानवों के प्राण हर लिए।

श्लोक 51 (devibhagavatam.5.28.51)

माहेश्वरी वृषारूढा त्रिशूलेनातिरंहसा । जघान दानवान्सङ्ख्ये पातयामास भूतले

māheśvarī vṛṣārūḍhā triśūlenātiraṁhasā | jaghāna dānavānsaṅkhye pātayāmāsa bhūtale

वृषभ पर आरूढ़ माहेश्वरी ने अत्यंत वेग से त्रिशूल द्वारा दानवों को युद्ध में मारकर भूमि पर गिरा दिया।

श्लोक 52 (devibhagavatam.5.28.52)

वैष्णवी चक्रपातेन गदापातेन दानवान् । गतप्राणांश्चकाराशु चोत्तमाङ्गविवर्जितान्

vaiṣṇavī cakrapātena gadāpātena dānavān | gataprāṇāṁścakārāśu cottamāṅgavivarjitān

वैष्णवी ने चक्र और गदा के प्रहारों से दानवों को तुरंत प्राणहीन कर दिया और उनके सिर काट दिए।

श्लोक 53 (devibhagavatam.5.28.53)

ऐन्द्री वज्रप्रहारेण पातयामास भूतले । ऐरावतकराघातपीडितान्दैत्यपुङ्गवान्

aindrī vajraprahāreṇa pātayāmāsa bhūtale | airāvatakarāghātapīḍitāndaityapuṅgavān

ऐंद्री ने वज्र के प्रहार से, और ऐरावत की सूंड की चोटों से पीड़ित करके दैत्यश्रेष्ठों को भूमि पर गिरा दिया।

श्लोक 54 (devibhagavatam.5.28.54)

वाराही तुण्डघातेन दंष्ट्राग्रपातनेन च । जघान क्रोधसंयुक्ता शतशो दैत्यदानवान्

vārāhī tuṇḍaghātena daṁṣṭrāgrapātanena ca | jaghāna krodhasaṁyuktā śataśo daityadānavān

वाराही ने क्रोधित होकर अपने थूथन के प्रहारों और दाढ़ों की चोट से सैकड़ों दैत्य-दानवों को मार डाला।

श्लोक 55 (devibhagavatam.5.28.55)

नारसिंही नखैस्तीव्रैर्दारितान्दैत्यपुङ्गवान् । भक्षयन्ती चचाराजौ ननाद च मुहुर्मुहुः

nārasiṁhī nakhaistīvrairdāritāndaityapuṅgavān | bhakṣayantī cacārājau nanāda ca muhurmuhuḥ

नारसिंही अपने तीव्र नखों से दैत्यश्रेष्ठों को चीरती हुई युद्ध में विचरण करती रहीं, उन्हें खाती हुईं और बार-बार गर्जना करती रहीं।

श्लोक 56 (devibhagavatam.5.28.56)

शिवदूती अट्टहासैः पातयामास भूतले । तांश्चखादाथ चामुण्डा कालिका च त्वरान्विता

śivadūtī aṭṭahāsaiḥ pātayāmāsa bhūtale | tāṁścakhādātha cāmuṇḍā kālikā ca tvarānvitā

शिवदूती ने केवल अपने अट्टहास से ही दानवों को भूमि पर गिरा दिया, और चामुंडा तथा कालिका ने शीघ्रता से उन्हें खा लिया।

श्लोक 57 (devibhagavatam.5.28.57)

शिखिसंस्था च कौमारी कर्णाकृष्टैः शिलाशितैः । निजघान रणे शत्रून्देवानां च हिताय वै

śikhisaṁsthā ca kaumārī karṇākṛṣṭaiḥ śilāśitaiḥ | nijaghāna raṇe śatrūndevānāṁ ca hitāya vai

मयूर पर विराजमान कौमारी ने कान तक खींचे गए, पत्थर पर तीक्ष्ण किए हुए बाणों से देवताओं के हित के लिए युद्ध में शत्रुओं का वध किया।

श्लोक 58 (devibhagavatam.5.28.58)

वारुणी पाशसम्बद्धान्दैत्यान्समरमस्तके । पातयामास तत्पृष्ठे मूर्च्छितान्गतचेतनान्

vāruṇī pāśasambaddhāndaityānsamaramastake | pātayāmāsa tatpṛṣṭhe mūrcchitāngatacetanān

वारुणी ने युद्ध के अग्रभाग में पाश से बांधे हुए दानवों को मूर्च्छित और चेतनाशून्य करके अपने वाहन की पीठ पर डाल दिया।

श्लोक 59 (devibhagavatam.5.28.59)

एवं मातृगणेनाजावतिवीर्यपराक्रमम् । मर्दितं दानवं सैन्यं पलायनपरं ह्यभूत्

evaṁ mātṛgaṇenājāvativīryaparākramam | marditaṁ dānavaṁ sainyaṁ palāyanaparaṁ hyabhūt

इस प्रकार अत्यंत पराक्रमी दानव-सेना युद्ध में मातृगण द्वारा कुचल दी गई और भागने लगी।

श्लोक 60 (devibhagavatam.5.28.60)

बुम्बारवस्तु सुमहानभूत्तत्र बलार्णवे । पुष्पवृष्टिं तदा देवाश्चक्रुर्देव्या गणोपरि

bumbāravastu sumahānabhūttatra balārṇave | puṣpavṛṣṭiṁ tadā devāścakrurdevyā gaṇopari

उस सेना-सागर में अत्यंत महान कोलाहल हुआ; तब देवताओं ने देवी की सेना पर पुष्पवर्षा की।

श्लोक 61 (devibhagavatam.5.28.61)

तच्छ्रुत्वा निनदं घोरं जयशब्दं च दानवाः । रक्तबीजश्चुकोपाशु दृष्ट्वा दैत्यान्पलायितान्

tacchrutvā ninadaṁ ghoraṁ jayaśabdaṁ ca dānavāḥ | raktabījaścukopāśu dṛṣṭvā daityānpalāyitān

उस भीषण ध्वनि और जय-जयकार को सुनकर, तथा दैत्यों को भागते देखकर, रक्तबीज तुरंत क्रोधित हो उठा।

श्लोक 62 (devibhagavatam.5.28.62)

गर्जमानांस्तथा देवान्वीक्ष्य दैत्यो महाबलः । रक्तबीजस्तु तेजस्वी रणमभ्याययौ तदा

garjamānāṁstathā devānvīkṣya daityo mahābalaḥ | raktabījastu tejasvī raṇamabhyāyayau tadā

देवताओं को इस प्रकार गरजते देखकर वह महाबली, तेजस्वी दैत्य रक्तबीज पुनः युद्ध की ओर बढ़ा।

श्लोक 63 (devibhagavatam.5.28.63)

सायुधो रथसंविष्टः कुर्वञ्ज्याशब्दमद्भुतम् । आजगाम तदा देवीं क्रोधरक्तेक्षणोद्यतः

sāyudho rathasaṁviṣṭaḥ kurvañjyāśabdamadbhutam | ājagāma tadā devīṁ krodharaktekṣaṇodyataḥ

शस्त्र लेकर रथ पर बैठा, अद्भुत टंकार करता हुआ, क्रोध से लाल नेत्रों वाला वह तब देवी की ओर बढ़ चला।