निशुम्भ-वध एवं मंत्रियों का शुम्भ को परामर्श

श्लोक 1 (devibhagavatam.5.30.1)

व्यास उवाच । निशुम्भो निश्चयं कृत्वा मरणाय जयाय वा । सोद्यमः सबलः शूरो रणे देवीमुपाययौ

vyāsa uvāca | niśumbho niścayaṁ kṛtvā maraṇāya jayāya vā | sodyamaḥ sabalaḥ śūro raṇe devīmupāyayau

व्यास जी ने कहा — निशुम्भ ने मरने या जीतने का निश्चय करके, उद्यमपूर्वक, सेना सहित वह वीर युद्ध में देवी की ओर बढ़ा।

श्लोक 2 (devibhagavatam.5.30.2)

तमाजगाम शुम्भोऽपि स्वबलेन समावृतः । प्रेक्षकोऽभूद्रणे राजा सङ्ग्रामरसपण्डितः

tamājagāma śumbho'pi svabalena samāvṛtaḥ | prekṣako'bhūdraṇe rājā saṅgrāmarasapaṇḍitaḥ

शुम्भ भी अपनी सेना सहित उसके साथ आया; परंतु युद्धकला में निपुण वह राजा युद्ध का केवल दर्शक बना रहा।

श्लोक 3 (devibhagavatam.5.30.3)

गगने संस्थिता देवास्तदाभ्रपटलावृताः । दिदृक्षवस्तु सङ्ग्रामे सेन्द्रा यक्षगणास्तथा

gagane saṁsthitā devāstadābhrapaṭalāvṛtāḥ | didṛkṣavastu saṅgrāme sendrā yakṣagaṇāstathā

आकाश में मेघों की परतों में छिपे हुए इंद्र सहित देवगण और यक्षगण युद्ध देखने की इच्छा से खड़े थे।

श्लोक 4 (devibhagavatam.5.30.4)

निशुम्भोऽथ रणे गत्वा धनुरादाय शार्ङ्गकम् । चकार शरवृष्टिं स भीषयञ्जगदम्बिकाम्

niśumbho'tha raṇe gatvā dhanurādāya śārṅgakam | cakāra śaravṛṣṭiṁ sa bhīṣayañjagadambikām

निशुम्भ ने युद्ध में जाकर अपना उत्तम धनुष उठाया और जगदंबिका को भयभीत करने के लिए बाणों की वर्षा कर दी।

श्लोक 5 (devibhagavatam.5.30.5)

मुञ्चन्तं शरजालानि निशुम्भं चण्डिका रणे । वीक्ष्यादाय धनुः श्रेष्ठं जहास सुस्वरं मुहुः

muñcantaṁ śarajālāni niśumbhaṁ caṇḍikā raṇe | vīkṣyādāya dhanuḥ śreṣṭhaṁ jahāsa susvaraṁ muhuḥ

युद्ध में बाणजाल छोड़ते हुए निशुम्भ को देखकर चंडिका ने अपना श्रेष्ठ धनुष उठाकर मधुर स्वर में बार-बार हँसी की।

श्लोक 6 (devibhagavatam.5.30.6)

उवाच कालिकां देवी पश्य मूर्खत्वमेतयोः । मरणायागतौ कालि मत्समीपमिहाधुना

uvāca kālikāṁ devī paśya mūrkhatvametayoḥ | maraṇāyāgatau kāli matsamīpamihādhunā

देवी ने कालिका से कहा — "देख इन दोनों की मूर्खता! हे काली, ये दोनों अब मेरे पास मरने के लिए ही आए हैं।"

श्लोक 7 (devibhagavatam.5.30.7)

दृष्ट्वा दैत्यवधं घोरं रक्तबीजात्ययं तथा । जयाशां कुरुतस्त्वेतौ मोहितौ मम मायया

dṛṣṭvā daityavadhaṁ ghoraṁ raktabījātyayaṁ tathā | jayāśāṁ kurutastvetau mohitau mama māyayā

"दैत्यों का भीषण वध और रक्तबीज का अंत देखने के बाद भी ये दोनों मेरी माया से मोहित होकर विजय की आशा कर रहे हैं।"

श्लोक 8 (devibhagavatam.5.30.8)

आशा बलवती ह्येषा न जहाति नरं क्वचित् । भग्नं हृतबलं नष्टं गतपक्षं विचेतनम्

āśā balavatī hyeṣā na jahāti naraṁ kvacit | bhagnaṁ hṛtabalaṁ naṣṭaṁ gatapakṣaṁ vicetanam

"आशा वास्तव में बड़ी बलवती वस्तु है — यह टूटे हुए, बलहीन, नष्ट हुए, साथियों से रहित, चेतनाशून्य मनुष्य को भी कभी नहीं छोड़ती।"

श्लोक 9 (devibhagavatam.5.30.9)

आशापाशनिबद्धौ द्वौ युद्धाय समुपागतौ । निहन्तव्यौ मया कालि रणे शुम्भनिशुम्भकौ

āśāpāśanibaddhau dvau yuddhāya samupāgatau | nihantavyau mayā kāli raṇe śumbhaniśumbhakau

"आशा के पाश में बंधे ये दोनों, शुम्भ और निशुम्भ, युद्ध के लिए आए हैं — हे काली! इन्हें युद्ध में मुझे ही मारना होगा।"

श्लोक 10 (devibhagavatam.5.30.10)

आसन्नमरणावेतौ सम्प्राप्तौ दैवमोहितौ । पश्यतां सर्वदेवानां हनिष्याम्यहमद्य तौ

āsannamaraṇāvetau samprāptau daivamohitau | paśyatāṁ sarvadevānāṁ haniṣyāmyahamadya tau

"दैव से मोहित ये दोनों अपनी मृत्यु के निकट आ पहुँचे हैं। सभी देवताओं के देखते-देखते मैं आज इन दोनों को मार डालूँगी।"

श्लोक 11 (devibhagavatam.5.30.11)

व्यास उवाच । इत्युक्त्वा कालिकां चण्डी कर्णाकृष्टशरोत्करैः । छादयामास तरसा निशुम्भं पुरतः स्थितम्

vyāsa uvāca | ityuktvā kālikāṁ caṇḍī karṇākṛṣṭaśarotkaraiḥ | chādayāmāsa tarasā niśumbhaṁ purataḥ sthitam

व्यास जी ने कहा — कालिका से यह कहकर चंडी ने कान तक खींचे गए बाणों के समूह से सामने खड़े निशुम्भ को तुरंत ढँक दिया।

श्लोक 12 (devibhagavatam.5.30.12)

दानवोऽपि शरांस्तस्याश्चिच्छेद निशितैः शरैः । तयोः परस्परं युद्धं बभूवातिभयानकम्

dānavo'pi śarāṁstasyāściccheda niśitaiḥ śaraiḥ | tayoḥ parasparaṁ yuddhaṁ babhūvātibhayānakam

दानव ने भी उसके बाणों को अपने तीक्ष्ण बाणों से काट डाला, और उन दोनों में अत्यंत भयंकर युद्ध होने लगा।

श्लोक 13 (devibhagavatam.5.30.13)

केसरी केशजालानि धुन्वानः सैन्यसागरम् । गाहयामास बलवान्सरसीं वारणो यथा

kesarī keśajālāni dhunvānaḥ sainyasāgaram | gāhayāmāsa balavānsarasīṁ vāraṇo yathā

उनका सिंह अपनी अयाल फैलाकर, बलपूर्वक सेना-सागर में वैसे ही घुस गया जैसे हाथी सरोवर में उतरता है।

श्लोक 14 (devibhagavatam.5.30.14)

नखैर्दन्तप्रहारैस्तु दानवान्पुरतः स्थितान् । चखाद च विशीर्णाङ्गान् गजानिव मदोत्कटान्

nakhairdantaprahāraistu dānavānpurataḥ sthitān | cakhāda ca viśīrṇāṅgān gajāniva madotkaṭān

उसने नखों और दाँतों के प्रहारों से सामने खड़े दानवों को, मानो मदमत्त हाथियों को, अंग-भंग करके खा डाला।

श्लोक 15 (devibhagavatam.5.30.15)

एवं विमथ्यमाने तु सैन्ये केसरिणा तदा । अभ्यधावन्निशुम्भोऽथ विकृष्टवरकार्मुकः

evaṁ vimathyamāne tu sainye kesariṇā tadā | abhyadhāvanniśumbho'tha vikṛṣṭavarakārmukaḥ

इस प्रकार सिंह द्वारा सेना मथी जा रही थी, तभी निशुम्भ अपना उत्तम धनुष खींचे हुए दौड़ पड़ा।

श्लोक 16 (devibhagavatam.5.30.16)

अन्येऽपि क्रुद्धा दैत्येन्द्रा देवीं हन्तुमुपाययुः । सन्दष्टदन्तरसना रक्तनेत्रा ह्यनेकशः

anye'pi kruddhā daityendrā devīṁ hantumupāyayuḥ | sandaṣṭadantarasanā raktanetrā hyanekaśaḥ

अन्य क्रुद्ध दैत्येंद्र भी दाँतों से जीभ काटते, लाल नेत्रों वाले, अनेक की संख्या में देवी को मारने के लिए आगे बढ़े।

श्लोक 17 (devibhagavatam.5.30.17)

तत्राजगाम तरसा शुम्भः सैन्यसमावृतः । निहत्य कालिकां कोपाद्ग्रहीतुं जगदम्बिकाम्

tatrājagāma tarasā śumbhaḥ sainyasamāvṛtaḥ | nihatya kālikāṁ kopādgrahītuṁ jagadambikām

वहाँ शुम्भ भी अपनी सेना सहित तेजी से आ पहुँचा, क्रोधवश कालिका को मारकर जगदंबिका को पकड़ने की इच्छा से।

श्लोक 18 (devibhagavatam.5.30.18)

तत्रागत्य ददर्शाजावम्बिकाञ्च पुरःस्थिताम् । रौद्ररसयुतां कान्तां शृङ्गाररससंयुताम्

tatrāgatya dadarśājāvambikāñca puraḥsthitām | raudrarasayutāṁ kāntāṁ śṛṅgārarasasaṁyutām

वहाँ आकर उसने युद्ध में सामने खड़ी अंबिका को देखा, जो एक साथ रौद्र रस और शृंगार रस से युक्त थीं।

श्लोक 19 (devibhagavatam.5.30.19)

तां वीक्ष्य विपुलापाङ्गीं त्रैलोक्यवरसुन्दरीम् । सुरक्तनयनां रम्यां क्रोधरक्तेक्षणां तथा

tāṁ vīkṣya vipulāpāṅgīṁ trailokyavarasundarīm | suraktanayanāṁ ramyāṁ krodharaktekṣaṇāṁ tathā

विशाल नेत्रों वाली, त्रिलोक की श्रेष्ठ सुंदरी, अत्यंत लाल नयनों वाली उस रमणीय, क्रोध से रक्त-नेत्रों वाली देवी को देखकर —

श्लोक 20 (devibhagavatam.5.30.20)

विवाहेच्छां परित्यज्य जयाशां दूरतस्तथा । मरणे निश्चयं कृत्वा तस्थावाहितकार्मुकः

vivāhecchāṁ parityajya jayāśāṁ dūratastathā | maraṇe niścayaṁ kṛtvā tasthāvāhitakārmukaḥ

— विवाह की इच्छा त्यागकर, और विजय की आशा को भी दूर छोड़कर, मृत्यु का निश्चय करके वह धनुष साधे खड़ा हो गया।

श्लोक 21 (devibhagavatam.5.30.21)

तं तथा दानवं देवी स्मितपूर्वमिदं वचः । बभाषे शृण्वतां तेषां दैत्यानां रणमस्तके

taṁ tathā dānavaṁ devī smitapūrvamidaṁ vacaḥ | babhāṣe śṛṇvatāṁ teṣāṁ daityānāṁ raṇamastake

उस दानव से देवी ने मुस्कुराते हुए यह वचन कहा, जिसे युद्ध के अग्रभाग में खड़े वे दैत्य भी सुन रहे थे।

श्लोक 22 (devibhagavatam.5.30.22)

गच्छध्वं पामरा यूयं पातालं वा जलार्णवम् । जीविताशां स्थिरां कृत्वा त्यक्त्वात्रैवायुधानि च

gacchadhvaṁ pāmarā yūyaṁ pātālaṁ vā jalārṇavam | jīvitāśāṁ sthirāṁ kṛtvā tyaktvātraivāyudhāni ca

"हे पामरो! तुम सब पाताल को या समुद्र के जल में चले जाओ, यदि जीवन की आशा दृढ़ रखते हो, तो यहीं शस्त्र त्यागकर।"

श्लोक 23 (devibhagavatam.5.30.23)

अथवा मच्छराघातहतप्राणा रणाजिरे । प्राप्य स्वर्गसुखं सर्वे क्रीडन्तु विगतज्वराः

athavā maccharāghātahataprāṇā raṇājire | prāpya svargasukhaṁ sarve krīḍantu vigatajvarāḥ

"अथवा मेरे बाणों के प्रहार से इस युद्धभूमि में प्राण त्यागकर, स्वर्ग-सुख प्राप्त करके तुम सब निश्चिंत होकर क्रीड़ा करो।"

श्लोक 24 (devibhagavatam.5.30.24)

कातरत्वं च शूरत्वं न भवत्येव सर्वथा । ददाम्यभयदानं वै यान्तु सर्वे यथासुखम्

kātaratvaṁ ca śūratvaṁ na bhavatyeva sarvathā | dadāmyabhayadānaṁ vai yāntu sarve yathāsukham

"कायरता और शूरता दोनों एक साथ कभी नहीं हो सकतीं। मैं तुम्हें अभयदान देती हूँ — जैसी इच्छा हो वैसे चले जाओ।"

श्लोक 25 (devibhagavatam.5.30.25)

व्यास उवाच । इत्याकर्ण्य वचस्तस्या निशुम्भो मदगर्वितः । निशितं खड्गमादाय चर्म चैवाष्टचन्द्रकम्

vyāsa uvāca | ityākarṇya vacastasyā niśumbho madagarvitaḥ | niśitaṁ khaḍgamādāya carma caivāṣṭacandrakam

व्यास जी ने कहा — उसके ये वचन सुनकर मद से गर्वित निशुम्भ ने तीक्ष्ण खड्ग और आठ चंद्राकार चिह्नों वाली ढाल उठा ली।

श्लोक 26 (devibhagavatam.5.30.26)

धावमानस्तु तरसासिना सिंहं मदोत्कटम् । जघानातिबलान्मूर्ध्नि भ्रामयञ्जगदम्बिकाम्

dhāvamānastu tarasāsinā siṁhaṁ madotkaṭam | jaghānātibalānmūrdhni bhrāmayañjagadambikām

दौड़ते हुए तलवार से उसने मदमत्त सिंह के सिर पर बलपूर्वक प्रहार किया, और जगदंबिका के चारों ओर घूमते हुए —

श्लोक 27 (devibhagavatam.5.30.27)

ततो देवी स्वगदया वञ्चयित्वासिपातनम् । ताडयामास तं बाहोर्मूले परशुना तदा

tato devī svagadayā vañcayitvāsipātanam | tāḍayāmāsa taṁ bāhormūle paraśunā tadā

— तब देवी ने अपनी गदा से उसके खड्ग के प्रहार को टाल दिया और परशु से उसकी भुजा के मूल में प्रहार किया।

श्लोक 28 (devibhagavatam.5.30.28)

खड्गेन निहतः सोऽपि बाहुमूले महामदः । संस्तभ्य वेदनां भूयो जघान चण्डिकां तदा

khaḍgena nihataḥ so'pi bāhumūle mahāmadaḥ | saṁstabhya vedanāṁ bhūyo jaghāna caṇḍikāṁ tadā

भुजा के मूल में खड्ग से आहत होकर भी वह अत्यंत मदोन्मत्त, पीड़ा को सहते हुए, पुनः चंडिका पर प्रहार करने लगा।

श्लोक 29 (devibhagavatam.5.30.29)

सापि घण्टास्वनं घोरं चकार भयदं नृणाम् । पपौ पुनः पुनः पानं निशुम्भं हन्तुमिच्छती

sāpi ghaṇṭāsvanaṁ ghoraṁ cakāra bhayadaṁ nṛṇām | papau punaḥ punaḥ pānaṁ niśumbhaṁ hantumicchatī

देवी ने भी मनुष्यों को भयभीत करने वाला भीषण घंटानाद किया और निशुम्भ को मारने की इच्छा से बार-बार पान करती रहीं।

श्लोक 30 (devibhagavatam.5.30.30)

एवं परस्परं युद्धं बभूवातिभयप्रदम् । देवानां दानवानाञ्च परस्परजयैषिणाम्

evaṁ parasparaṁ yuddhaṁ babhūvātibhayapradam | devānāṁ dānavānāñca parasparajayaiṣiṇām

इस प्रकार देवताओं और दानवों में, एक-दूसरे की विजय चाहते हुए, अत्यंत भयंकर युद्ध होने लगा।

श्लोक 31 (devibhagavatam.5.30.31)

पलादाः पक्षिणः क्रूराः सारमेयाश्च जम्बुकाः । ननृतुश्चातिसन्तुष्टा गृध्राः कङ्काश्च वायसाः

palādāḥ pakṣiṇaḥ krūrāḥ sārameyāśca jambukāḥ | nanṛtuścātisantuṣṭā gṛdhrāḥ kaṅkāśca vāyasāḥ

मांसाहारी क्रूर पक्षी, कुत्ते, गीदड़, गिद्ध, कंक और कौवे अत्यंत प्रसन्न होकर नाचने लगे।

श्लोक 32 (devibhagavatam.5.30.32)

रणभूर्भाति भूयिष्ठपतितासुरवर्ष्मकैः । रुधिरस्रावसंयुक्तैर्गजाश्वदेहसङ्कुला

raṇabhūrbhāti bhūyiṣṭhapatitāsuravarṣmakaiḥ | rudhirasrāvasaṁyuktairgajāśvadehasaṅkulā

रणभूमि गिरे हुए असुरों के विशाल शरीरों से, बहते रक्त से, और हाथी-घोड़ों के शवों से भरी हुई सुशोभित हो रही थी।

श्लोक 33 (devibhagavatam.5.30.33)

पतितान्दानवान्दृष्ट्वा निशुम्भोऽतिरुषान्वितः । प्रययौ चण्डिकां तूर्णं गदामादाय दारुणाम्

patitāndānavāndṛṣṭvā niśumbho'tiruṣānvitaḥ | prayayau caṇḍikāṁ tūrṇaṁ gadāmādāya dāruṇām

गिरे हुए दानवों को देखकर अत्यंत क्रोधित निशुम्भ भयंकर गदा लेकर तुरंत चंडिका की ओर बढ़ा।

श्लोक 34 (devibhagavatam.5.30.34)

सिंहं जघान गदया मस्तके मदगर्वितः । प्रहृत्य च स्मितं कृत्वा पुनर्देवीमताडयत्

siṁhaṁ jaghāna gadayā mastake madagarvitaḥ | prahṛtya ca smitaṁ kṛtvā punardevīmatāḍayat

मद से गर्वित उसने गदा से सिंह के सिर पर प्रहार किया, और वह वार करके, मुस्कुराते हुए, पुनः देवी पर प्रहार करने लगा।

श्लोक 35 (devibhagavatam.5.30.35)

सापि तं कुपितातीव निशुम्भं पुरतः स्थितम् । प्रहरन्तं समीक्ष्याथ देवी वचनमब्रवीत्

sāpi taṁ kupitātīva niśumbhaṁ purataḥ sthitam | praharantaṁ samīkṣyātha devī vacanamabravīt

सामने खड़े, वार करते हुए उस निशुम्भ को देखकर अत्यंत क्रुद्ध होकर देवी ने यह वचन कहा।

श्लोक 36 (devibhagavatam.5.30.36)

देव्युवाच । तिष्ठ मन्दमते तावद्यावत्खड्गमिदं तव । ग्रीवायां प्रेरयाम्यस्माद् गन्तासि यमसादनम्

devyuvāca | tiṣṭha mandamate tāvadyāvatkhaḍgamidaṁ tava | grīvāyāṁ prerayāmyasmād gantāsi yamasādanam

देवी ने कहा — "हे मंदमते! तब तक ठहर जब तक यह मेरा खड्ग तेरी गर्दन पर न पड़े — इसके बाद तू यमलोक चला जाएगा।"

श्लोक 37 (devibhagavatam.5.30.37)

व्यास उवाच । इत्युक्त्वा तरसा देवी कृपाणेन समाहिता । चिच्छेद मस्तकं तस्य निशुम्भस्याथ चण्डिका

vyāsa uvāca | ityuktvā tarasā devī kṛpāṇena samāhitā | ciccheda mastakaṁ tasya niśumbhasyātha caṇḍikā

व्यास जी ने कहा — ऐसा कहकर देवी ने तुरंत, सावधानी से लक्ष्य साधकर, अपनी तलवार से निशुम्भ का सिर काट डाला।

श्लोक 38 (devibhagavatam.5.30.38)

सच्छिन्नमस्तको देव्या कबन्धोऽतीव दारुणः । बभ्राम च गदापाणिस्त्रासयन्देवतागणान्

sacchinnamastako devyā kabandho'tīva dāruṇaḥ | babhrāma ca gadāpāṇistrāsayandevatāgaṇān

देवी द्वारा कटे हुए सिर के बिना भी वह अत्यंत भयंकर धड़ गदा हाथ में लिए घूमता रहा, देवताओं को भयभीत करता हुआ।

श्लोक 39 (devibhagavatam.5.30.39)

देवी तस्य शितैर्बाणैश्चिच्छेद चरणौ करौ । पपातोर्व्यां ततः पापी गतासुः पर्वतोपमः

devī tasya śitairbāṇaiściccheda caraṇau karau | papātorvyāṁ tataḥ pāpī gatāsuḥ parvatopamaḥ

देवी ने अपने तीक्ष्ण बाणों से उसके पैर और हाथ भी काट डाले, तब वह पापी पर्वत के समान भूमि पर गिर पड़ा, प्राणहीन होकर।

श्लोक 40 (devibhagavatam.5.30.40)

तस्मिन्निपतिते दैत्ये निशुम्भे भीमविक्रमे । हाहाकारो महानासीत्तत्सैन्ये भयकम्पिते

tasminnipatite daitye niśumbhe bhīmavikrame | hāhākāro mahānāsīttatsainye bhayakampite

उस भीषण पराक्रमी दैत्य निशुम्भ के गिरते ही उसकी भयकंपित सेना में महान हाहाकार मच गया।

श्लोक 41 (devibhagavatam.5.30.41)

त्यक्त्वाऽऽयुधानि सर्वाणि सैनिकाः क्षतजाप्लुताः । जग्मुर्बुम्बारवं सर्वे कुर्वाणा राजमन्दिरम्

tyaktvā''yudhāni sarvāṇi sainikāḥ kṣatajāplutāḥ | jagmurbumbāravaṁ sarve kurvāṇā rājamandiram

सभी शस्त्र त्यागकर, रक्त से लथपथ सैनिक कोलाहल करते हुए राजमहल की ओर भाग खड़े हुए।

श्लोक 42 (devibhagavatam.5.30.42)

तानागतान्सुसम्प्रेक्ष्य शुम्भः शत्रुनिषूदनः । पप्रच्छ क्व निशुम्भोऽसौ कथं भग्नाः पलायिताः

tānāgatānsusamprekṣya śumbhaḥ śatruniṣūdanaḥ | papraccha kva niśumbho'sau kathaṁ bhagnāḥ palāyitāḥ

उन्हें आया देखकर शत्रुनाशक शुम्भ ने पूछा — "वह निशुम्भ कहाँ है? तुम टूटकर क्यों भाग आए हो?"

श्लोक 43 (devibhagavatam.5.30.43)

तच्छ्रुत्वा वचनं राज्ञस्ते प्रोचुः प्रणता भृशम् । राजंस्ते निहतो भ्राता शेते समरमूर्धनि

tacchrutvā vacanaṁ rājñaste procuḥ praṇatā bhṛśam | rājaṁste nihato bhrātā śete samaramūrdhani

राजा के इस प्रश्न को सुनकर उन्होंने अत्यंत झुककर कहा — "हे राजन्! आपका भाई मारा जाकर युद्धभूमि में सोया हुआ है।"

श्लोक 44 (devibhagavatam.5.30.44)

तया निपातिताः शूरा ये च तेऽप्यनुजानुगाः । वयं त्वां कथितुं सर्वं वृत्तान्तं समुपागताः

tayā nipātitāḥ śūrā ye ca te'pyanujānugāḥ | vayaṁ tvāṁ kathituṁ sarvaṁ vṛttāntaṁ samupāgatāḥ

"उसके द्वारा जो शूरवीर मारे गए, और जो उसके छोटे अनुयायी थे, वे भी — हम यह पूरा वृत्तांत आपको बताने आए हैं।"

श्लोक 45 (devibhagavatam.5.30.45)

निशुम्भो निहतस्तत्र तया चण्डिकयाधुना । न हि युद्धस्य कालोऽद्य तव राजन् रणाङ्गणे

niśumbho nihatastatra tayā caṇḍikayādhunā | na hi yuddhasya kālo'dya tava rājan raṇāṅgaṇe

"उस चंडिका द्वारा अभी निशुम्भ मार डाला गया है। हे राजन्! अभी आपके युद्धभूमि में जाने का समय नहीं है।"

श्लोक 46 (devibhagavatam.5.30.46)

देवकार्यं समुद्दिश्य कापीयं परमाङ्गना । हन्तुं दैत्यकुलं नूनं प्राप्तेति परिचिन्तय

devakāryaṁ samuddiśya kāpīyaṁ paramāṅganā | hantuṁ daityakulaṁ nūnaṁ prāpteti paricintaya

"देवताओं के कार्य के उद्देश्य से ही यह श्रेष्ठ स्त्री आई है — निश्चय ही दैत्यकुल का नाश करने के लिए ही आई है, ऐसा विचार कीजिए।"

श्लोक 47 (devibhagavatam.5.30.47)

नैषा प्राकृतयोषैव देवी शक्तिरनुत्तमा । अचिन्त्यचरिता क्वापि दुर्ज्ञेया दैवतैरपि

naiṣā prākṛtayoṣaiva devī śaktiranuttamā | acintyacaritā kvāpi durjñeyā daivatairapi

"यह कोई साधारण स्त्री नहीं, यह अनुपम देवी-शक्ति है, जिसका चरित्र अचिंत्य है, जिसे देवता भी नहीं समझ पाते।"

श्लोक 48 (devibhagavatam.5.30.48)

नानारूपधरातीव मायामूलविशारदा । विचित्रभूषणा देवी सर्वायुधधरा शुभा

nānārūpadharātīva māyāmūlaviśāradā | vicitrabhūṣaṇā devī sarvāyudhadharā śubhā

"अनेक रूप धारण करने वाली, माया के मूल में अत्यंत निपुण, विचित्र आभूषणों वाली, सभी शस्त्रों को धारण करने वाली, शुभ देवी —"

श्लोक 49 (devibhagavatam.5.30.49)

गहना गूढचरिता कालरात्रिरिवापरा । अपारपारगा पूर्णा सर्वलक्षणसंयुता

gahanā gūḍhacaritā kālarātririvāparā | apārapāragā pūrṇā sarvalakṣaṇasaṁyutā

"— गहन, गूढ़ चरित्र वाली, दूसरी कालरात्रि के समान, अपार के भी पार पहुँचने वाली, पूर्ण, समस्त शुभ लक्षणों से युक्त हैं।"

श्लोक 50 (devibhagavatam.5.30.50)

अन्तरिक्षस्थिता देवास्तां स्तुवन्त्यकुतोभयाः । देवकार्यञ्च कुर्वाणां श्रीदेवीं परमाद्भुताम्

antarikṣasthitā devāstāṁ stuvantyakutobhayāḥ | devakāryañca kurvāṇāṁ śrīdevīṁ paramādbhutām

"आकाश में स्थित निर्भय देवता उस देवताओं का कार्य करने वाली, परम अद्भुत श्रीदेवी की स्तुति कर रहे हैं।"

श्लोक 51 (devibhagavatam.5.30.51)

पलायनं परो धर्मः सर्वथा देहरक्षणम् । रक्षिते किल देहेस्मिन्कालेऽस्मत्सुखताङ्गते

palāyanaṁ paro dharmaḥ sarvathā deharakṣaṇam | rakṣite kila dehesminkāle'smatsukhatāṅgate

"सर्वथा पलायन ही सर्वोत्तम धर्म है — शरीर की रक्षा करना ही मुख्य है। इस शरीर के सुरक्षित रहने पर उचित समय आने पर सुख भी प्राप्त होगा।"

श्लोक 52 (devibhagavatam.5.30.52)

सङ्ग्रामे विजयो राजन् भविता ते न संशयः । कालः करोति बलिनं समये निर्बलं क्वचित्

saṅgrāme vijayo rājan bhavitā te na saṁśayaḥ | kālaḥ karoti balinaṁ samaye nirbalaṁ kvacit

"हे राजन्! युद्ध में आपकी विजय निश्चित होगी, संशय नहीं। काल कभी-कभी बलवान को भी निर्बल बना देता है —"

श्लोक 53 (devibhagavatam.5.30.53)

तं पुनः सबलं कृत्वा जयायोपदधाति हि । दातारं याचकं कालः करोति समये क्वचित्

taṁ punaḥ sabalaṁ kṛtvā jayāyopadadhāti hi | dātāraṁ yācakaṁ kālaḥ karoti samaye kvacit

"— और फिर उसी को पुनः बलवान बनाकर विजय दिलाता है। काल कभी दाता को याचक भी बना देता है —"

श्लोक 54 (devibhagavatam.5.30.54)

भिक्षुकं धनदातारं करोति समयान्तरे । विष्णुः कालवशे नूनं ब्रह्मा वा पार्वतीपतिः

bhikṣukaṁ dhanadātāraṁ karoti samayāntare | viṣṇuḥ kālavaśe nūnaṁ brahmā vā pārvatīpatiḥ

"— और कभी याचक को धनदाता बना देता है। विष्णु भी निश्चय ही काल के वश में हैं, ब्रह्मा भी, पार्वतीपति शिव भी —"

श्लोक 55 (devibhagavatam.5.30.55)

इन्द्राद्या निर्जराः सर्वे काल एव प्रभुः स्वयम् । तस्मात्कालं प्रतीक्षस्व विपरीतं तवाधुना

indrādyā nirjarāḥ sarve kāla eva prabhuḥ svayam | tasmātkālaṁ pratīkṣasva viparītaṁ tavādhunā

"— इंद्र आदि सभी अजर-अमर देवता भी। काल स्वयं ही सबका प्रभु है। इसलिए अभी आपके प्रतिकूल इस काल की प्रतीक्षा कीजिए —"

श्लोक 56 (devibhagavatam.5.30.56)

सम्मुखो देवतानाञ्च दैत्यानां नाशहेतुकः । एकैव च गतिर्नास्ति कालस्य किल भूपते

sammukho devatānāñca daityānāṁ nāśahetukaḥ | ekaiva ca gatirnāsti kālasya kila bhūpate

"— यह काल अभी देवताओं के अनुकूल और दैत्यों के विनाश का कारण बना है। हे भूपते! काल की गति एक जैसी नहीं होती।"

श्लोक 57 (devibhagavatam.5.30.57)

नानारूपधराप्यस्ति ज्ञातव्यं तस्य चेष्टितम् । कदाचित्सम्भवो नॄणां कदाचित्प्रलयस्तथा

nānārūpadharāpyasti jñātavyaṁ tasya ceṣṭitam | kadācitsambhavo nṝṇāṁ kadācitpralayastathā

"यह भी अनेक रूप धारण करता है, इसकी चेष्टा को समझना चाहिए — कभी यह मनुष्यों की उत्पत्ति करता है, कभी संहार।"

श्लोक 58 (devibhagavatam.5.30.58)

उत्पत्तिहेतुः कालोऽन्यः क्षयहेतुस्तथापरः । प्रत्यक्षं ते महाराज देवाः सर्वे सवासवाः

utpattihetuḥ kālo'nyaḥ kṣayahetustathāparaḥ | pratyakṣaṁ te mahārāja devāḥ sarve savāsavāḥ

"उत्पत्ति का कारण एक काल है, और क्षय का कारण दूसरा। हे महाराज! आपने स्वयं ही इंद्र सहित सभी देवताओं को प्रत्यक्ष देखा है —"

श्लोक 59 (devibhagavatam.5.30.59)

करदास्ते कृताः पूर्वं कालेन सम्मुखेन च । तेनैव विमुखेनाद्य बलिनोऽबलयासुराः

karadāste kṛtāḥ pūrvaṁ kālena sammukhena ca | tenaiva vimukhenādya balino'balayāsurāḥ

"— जो पहले अनुकूल काल में आपके करद (अधीन) बनाए गए थे, उसी काल के प्रतिकूल होने पर आज बलवान दानव निर्बल हो गए हैं —"

श्लोक 60 (devibhagavatam.5.30.60)

निहता नितरां कालः करोति च शुभाशुभम् । नैवात्र कारणं काली नैव देवाः सनातनाः

nihatā nitarāṁ kālaḥ karoti ca śubhāśubham | naivātra kāraṇaṁ kālī naiva devāḥ sanātanāḥ

"— और मार डाले गए। शुभ और अशुभ दोनों काल ही करता है; इसमें न काली कारण है, न सनातन देवता।"

श्लोक 61 (devibhagavatam.5.30.61)

यथा ते रोचते राजंस्तथा कुरु विमृश्य च । कालोऽयं नात्र हेतुस्ते दानवानां तथा पुनः

yathā te rocate rājaṁstathā kuru vimṛśya ca | kālo'yaṁ nātra hetuste dānavānāṁ tathā punaḥ

"हे राजन्! जैसा आपको उचित लगे, विचारकर वैसा ही कीजिए। यह काल ही आपके और दानवों के इस पतन का कारण है, अन्य कोई नहीं।"

श्लोक 62 (devibhagavatam.5.30.62)

त्वदग्रतो गतः शक्रो भग्नः सङ्ख्ये निरायुधः । तथा विष्णुस्तथा रुद्रो वरुणो धनदो यमः

tvadagrato gataḥ śakro bhagnaḥ saṅkhye nirāyudhaḥ | tathā viṣṇustathā rudro varuṇo dhanado yamaḥ

"आपके सामने ही इंद्र युद्ध में हारकर शस्त्रहीन होकर भागा था; वैसे ही विष्णु, रुद्र, वरुण, कुबेर और यम भी।"

श्लोक 63 (devibhagavatam.5.30.63)

तथा त्वमपि राजेन्द्र वीक्ष्य कालवशं जगत् । पातालं गच्छ तरसा जीवन्भद्रमवाप्स्यसि

tathā tvamapi rājendra vīkṣya kālavaśaṁ jagat | pātālaṁ gaccha tarasā jīvanbhadramavāpsyasi

"उसी प्रकार, हे राजेंद्र! इस संपूर्ण जगत को काल के अधीन देखकर, आप भी शीघ्र पाताल चले जाइए — जीवित रहकर आप कल्याण प्राप्त करेंगे।"

श्लोक 64 (devibhagavatam.5.30.64)

मृते त्वयि महाराज शत्रवस्ते मुदान्विताः । मङ्गलानि प्रगायन्तो विचरिष्यन्ति सर्वतः

mṛte tvayi mahārāja śatravaste mudānvitāḥ | maṅgalāni pragāyanto vicariṣyanti sarvataḥ

"किंतु हे महाराज! यदि आपकी मृत्यु हो गई, तो आपके शत्रु प्रसन्न होकर सर्वत्र मंगल-गीत गाते हुए विचरण करेंगे।"