राजा सुरथ एवं वैश्य समाधि का मुनि के पास गमन

श्लोक 1 (devibhagavatam.5.32.1)

जनमेजय उवाच । महिमा वर्णितः सम्यक्चण्डिकायास्त्वया मुने । केन चाराधिता पूर्वं चरित्रत्रययोगतः

janamejaya uvāca | mahimā varṇitaḥ samyakcaṇḍikāyāstvayā mune | kena cārādhitā pūrvaṁ caritratrayayogataḥ

जनमेजय ने कहा — हे मुने! आपने चंडिका की महिमा का सम्यक् वर्णन किया। अब बताइए, इन तीनों चरित्रों के अनुसार पहले उनकी आराधना किसने की थी?

श्लोक 2 (devibhagavatam.5.32.2)

प्रसन्ना कस्य वरदा केन प्राप्तं फलं महत् । आराध्य कामदां देवीं कथयस्व कृपानिधे

prasannā kasya varadā kena prāptaṁ phalaṁ mahat | ārādhya kāmadāṁ devīṁ kathayasva kṛpānidhe

"वे किस पर प्रसन्न होकर वरदायिनी हुईं, किसे किस महान फल की प्राप्ति हुई? हे कृपानिधे! उस कामदायिनी देवी की आराधना का वृत्तांत कहिए।"

श्लोक 3 (devibhagavatam.5.32.3)

उपासनाविधिं ब्रह्मंस्तथा पूजाविधिं वद । विस्तरेण महाभाग होमस्य च विधिं पुनः

upāsanāvidhiṁ brahmaṁstathā pūjāvidhiṁ vada | vistareṇa mahābhāga homasya ca vidhiṁ punaḥ

"हे ब्रह्मन्! उनकी उपासना-विधि तथा पूजा-विधि भी बताइए, और हे महाभाग! विस्तारपूर्वक हवन की विधि भी पुनः कहिए।"

श्लोक 4 (devibhagavatam.5.32.4)

सूत उवाच । इति भूपवचः श्रुत्वा प्रीतः सत्यवतीसुतः । प्रत्युवाच नृपं कृष्णो महामायाप्रपूजनम्

sūta uvāca | iti bhūpavacaḥ śrutvā prītaḥ satyavatīsutaḥ | pratyuvāca nṛpaṁ kṛṣṇo mahāmāyāprapūjanam

सूत जी ने कहा — राजा की यह बात सुनकर प्रसन्न होकर सत्यवती-पुत्र कृष्ण द्वैपायन ने राजा को महामाया की पूजा के बारे में उत्तर दिया।

श्लोक 5 (devibhagavatam.5.32.5)

व्यास उवाच । स्वारोचिषेऽन्तरे पूर्वं सुरथो नाम पार्थिवः । बभूव परमोदारः प्रजापालनतत्परः

vyāsa uvāca | svārociṣe'ntare pūrvaṁ suratho nāma pārthivaḥ | babhūva paramodāraḥ prajāpālanatatparaḥ

व्यास जी ने कहा — पूर्वकाल में स्वारोचिष मन्वंतर में सुरथ नामक एक राजा हुए, जो अत्यंत उदार और प्रजा-पालन में तत्पर थे।

श्लोक 6 (devibhagavatam.5.32.6)

सत्यवादी कर्मपरो ब्राह्मणानाञ्च पूजकः । गुरुभक्तिरतो नित्यं स्वदारगमने रतः

satyavādī karmaparo brāhmaṇānāñca pūjakaḥ | gurubhaktirato nityaṁ svadāragamane rataḥ

सत्यवादी, कर्मपरायण, ब्राह्मणों के पूजक, सदा गुरुभक्ति में रत, और अपनी ही पत्नी में अनुरक्त रहने वाले —

श्लोक 7 (devibhagavatam.5.32.7)

दानशीलोऽविरोधी च धनुर्वेदैकपारगः । एवं पालयतो राज्यं म्लेच्छाः पर्वतवासिनः

dānaśīlo'virodhī ca dhanurvedaikapāragaḥ | evaṁ pālayato rājyaṁ mlecchāḥ parvatavāsinaḥ

— दानशील, अविरोधी, और धनुर्वेद में अद्वितीय पारंगत। इस प्रकार वे राज्य का पालन करते थे, तब पर्वतवासी म्लेच्छ —

श्लोक 8 (devibhagavatam.5.32.8)

बलाच्छत्रुत्वमापन्नाः सैन्यं कृत्वा चतुर्विधम् । हस्त्यश्वरथपादातिसहितास्ते मदोत्कटाः

balācchatrutvamāpannāḥ sainyaṁ kṛtvā caturvidham | hastyaśvarathapādātisahitāste madotkaṭāḥ

— बलपूर्वक शत्रुता को प्राप्त होकर, हाथी-घोड़े-रथ-पैदल सैनिकों से युक्त, चार प्रकार की मदोन्मत्त सेना बनाकर —

श्लोक 9 (devibhagavatam.5.32.9)

कोलाविध्वंसिनः प्राप्ताः पृथ्वीग्रहणतत्पराः । सुरथः सैन्यमादाय सम्मुखः समपद्यत

kolāvidhvaṁsinaḥ prāptāḥ pṛthvīgrahaṇatatparāḥ | surathaḥ sainyamādāya sammukhaḥ samapadyata

— कोल जाति के विध्वंसक, पृथ्वी हड़पने के लिए तत्पर होकर आ पहुँचे। सुरथ ने सेना लेकर उनका सामना किया।

श्लोक 10 (devibhagavatam.5.32.10)

युद्धं समभवद्घोरं तस्य तैरतिदारुणैः । म्लेच्छानां तु बलं स्वल्पं राज्ञस्द्बलमद्भुतम्

yuddhaṁ samabhavadghoraṁ tasya tairatidāruṇaiḥ | mlecchānāṁ tu balaṁ svalpaṁ rājñasdbalamadbhutam

उनके साथ अत्यंत भयंकर युद्ध हुआ। म्लेच्छों की सेना अल्प थी, राजा की सेना अद्भुत रूप से विशाल थी।

श्लोक 11 (devibhagavatam.5.32.11)

तथापि तैर्जितो युद्धे दैवाद्राजा पराजितः । भग्नश्च स्वपुरं प्राप्तः सुरक्षं दुर्गमण्डितम्

tathāpi tairjito yuddhe daivādrājā parājitaḥ | bhagnaśca svapuraṁ prāptaḥ surakṣaṁ durgamaṇḍitam

फिर भी दैव से पराजित होकर राजा उस युद्ध में उनसे हार गए, और भग्न होकर सुरक्षित, दुर्ग से सुसज्जित अपने नगर में पहुँचे।

श्लोक 12 (devibhagavatam.5.32.12)

चिन्तयामास मेधावी राजा नीतिविचक्षणः । प्रधानान्विमना दृष्ट्वा शत्रुपक्षसमाश्रितान्

cintayāmāsa medhāvī rājā nītivicakṣaṇaḥ | pradhānānvimanā dṛṣṭvā śatrupakṣasamāśritān

नीति में निपुण, बुद्धिमान राजा ने अपने प्रधान मंत्रियों को शत्रुपक्ष का आश्रय लिए हुए देखकर व्याकुल मन से विचार किया।

श्लोक 13 (devibhagavatam.5.32.13)

स्थानं गृहीत्वा विपुलं परिखादुर्गमण्डितम् । कालप्रतीक्षा कर्तव्या किं वा युद्धं वरं मतम्

sthānaṁ gṛhītvā vipulaṁ parikhādurgamaṇḍitam | kālapratīkṣā kartavyā kiṁ vā yuddhaṁ varaṁ matam

"क्या इस विशाल, खाई और दुर्ग से युक्त स्थान में रहकर उचित समय की प्रतीक्षा करूँ, या युद्ध करना ही श्रेयस्कर है?"

श्लोक 14 (devibhagavatam.5.32.14)

मन्त्रिणः शत्रुवशगा मन्त्रयोग्या न ते किल । किं करोमीति मनसा भूपतिः समचिन्तयत्

mantriṇaḥ śatruvaśagā mantrayogyā na te kila | kiṁ karomīti manasā bhūpatiḥ samacintayat

"मेरे मंत्री शत्रु के वश में हो गए हैं, वे अब सलाह देने योग्य नहीं रहे। अब क्या करूँ?" — राजा मन में ऐसा विचार करने लगे।

श्लोक 15 (devibhagavatam.5.32.15)

कदाचित्ते गहीत्वा मां पापाचाराः पराश्रिताः । शत्रुभ्योऽथ प्रदास्यन्ति तदा किं वा भविष्यति

kadācitte gahītvā māṁ pāpācārāḥ parāśritāḥ | śatrubhyo'tha pradāsyanti tadā kiṁ vā bhaviṣyati

"कदाचित् ये पापाचारी, अन्यत्र आश्रय लिए हुए, मुझे पकड़कर शत्रुओं को सौंप देंगे — तब मेरा क्या होगा?"

श्लोक 16 (devibhagavatam.5.32.16)

पापबुद्धिषु विश्वासो न कर्तव्यः कदाचन । किन्न ते वै प्रकुर्वन्ति ये लोभवशगा नराः

pāpabuddhiṣu viśvāso na kartavyaḥ kadācana | kinna te vai prakurvanti ye lobhavaśagā narāḥ

"पापबुद्धि वालों पर कभी विश्वास नहीं करना चाहिए। लोभ के वशीभूत मनुष्य क्या नहीं कर डालते?"

श्लोक 17 (devibhagavatam.5.32.17)

भ्रातरं पितरं मित्रं सुहृदं बान्धवं तथा । गुरुं पूज्यं द्विजं द्वेष्टि लोभाविष्टः सदा नरः

bhrātaraṁ pitaraṁ mitraṁ suhṛdaṁ bāndhavaṁ tathā | guruṁ pūjyaṁ dvijaṁ dveṣṭi lobhāviṣṭaḥ sadā naraḥ

"लोभ से ग्रस्त मनुष्य सदा अपने भाई, पिता, मित्र, सुहृद, बांधव, गुरु और पूज्य द्विज से भी द्वेष करने लगता है।"

श्लोक 18 (devibhagavatam.5.32.18)

तस्मान्मया न कर्तव्यो विश्वासः सर्वथाधुना । मन्त्रिवर्गेऽतिपापिष्ठे शत्रुपक्षसमाश्रिते

tasmānmayā na kartavyo viśvāsaḥ sarvathādhunā | mantrivarge'tipāpiṣṭhe śatrupakṣasamāśrite

"इसलिए मुझे अब इस अत्यंत पापी, शत्रुपक्ष का आश्रय लिए हुए मंत्रिवर्ग पर सर्वथा विश्वास नहीं करना चाहिए।"

श्लोक 19 (devibhagavatam.5.32.19)

इति सञ्चिन्त्य मनसा राजा परमदुर्मनाः । एकाकी हयमारुह्य निर्जगाम पुरात्ततः

iti sañcintya manasā rājā paramadurmanāḥ | ekākī hayamāruhya nirjagāma purāttataḥ

मन में ऐसा विचार करके अत्यंत दुखी मन वाले राजा घोड़े पर चढ़कर अकेले ही नगर से निकल पड़े।

श्लोक 20 (devibhagavatam.5.32.20)

असहायोऽथ निर्गत्य गहनं वनमाश्रितः । चिन्तयामास मेधावी क्व गन्तव्यं मया पुनः

asahāyo'tha nirgatya gahanaṁ vanamāśritaḥ | cintayāmāsa medhāvī kva gantavyaṁ mayā punaḥ

निःसहाय होकर, नगर से निकलकर घने वन में जा पहुँचे, और वह बुद्धिमान सोचने लगे — "अब मुझे कहाँ जाना चाहिए?"

श्लोक 21 (devibhagavatam.5.32.21)

योजनत्रयमात्रे तु मुनेराश्रममुत्तमम् । ज्ञात्वा जगाम भूपालस्तापसस्य सुमेधसः

yojanatrayamātre tu munerāśramamuttamam | jñātvā jagāma bhūpālastāpasasya sumedhasaḥ

लगभग तीन योजन की दूरी पर एक सुमेधा नामक तपस्वी मुनि के उत्तम आश्रम का पता लगाकर राजा वहाँ पहुँचे —

श्लोक 22 (devibhagavatam.5.32.22)

बहुवृक्षसमायुक्तं नदीपुलिनसंश्रितम् । निर्वैरश्वापदाकीर्णं कोकिलारावमण्डितम्

bahuvṛkṣasamāyuktaṁ nadīpulinasaṁśritam | nirvairaśvāpadākīrṇaṁ kokilārāvamaṇḍitam

— अनेक वृक्षों से युक्त, नदी के तट पर स्थित, वैर-भाव रहित वन्य-पशुओं से भरा, कोयल की कूक से सुशोभित —

श्लोक 23 (devibhagavatam.5.32.23)

शिष्याध्ययनशब्दाढ्यं मृगयूथशतावृतम् । नीवारान्नसुपक्वाढ्यं सुपुष्पफलपादपम्

śiṣyādhyayanaśabdāḍhyaṁ mṛgayūthaśatāvṛtam | nīvārānnasupakvāḍhyaṁ supuṣpaphalapādapam

— शिष्यों के अध्ययन की ध्वनि से गुंजित, सैकड़ों मृगों के झुंडों से घिरा, नीवार अन्न से समृद्ध, सुंदर फल-फूलों वाले वृक्षों से युक्त —

श्लोक 24 (devibhagavatam.5.32.24)

होमधूमसुगन्धेन प्रीतिदं प्राणिनां सदा । वेदध्वनिसमाक्रान्तं स्वर्गादपि मनोहरम्

homadhūmasugandhena prītidaṁ prāṇināṁ sadā | vedadhvanisamākrāntaṁ svargādapi manoharam

— यज्ञ के धूम की सुगंध से सदा प्राणियों को प्रसन्न करने वाला, वेद-ध्वनि से व्याप्त, स्वर्ग से भी अधिक मनोहर आश्रम को —

श्लोक 25 (devibhagavatam.5.32.25)

दृष्ट्वा तमाश्रमं राजा बभूवासौ मुदान्वितः । भयं त्यक्त्वा मतिं चक्रे विश्रामाय द्विजाश्रमे

dṛṣṭvā tamāśramaṁ rājā babhūvāsau mudānvitaḥ | bhayaṁ tyaktvā matiṁ cakre viśrāmāya dvijāśrame

— देखकर राजा अत्यंत प्रसन्न हुए। भय त्यागकर उन्होंने उस द्विजाश्रम में विश्राम करने का निश्चय किया।

श्लोक 26 (devibhagavatam.5.32.26)

आसज्य पादपेऽश्वं तु जगाम विनयान्वितः । दृष्ट्वा तं मुनिमासीनं सालच्छायासु संश्रितम्

āsajya pādape'śvaṁ tu jagāma vinayānvitaḥ | dṛṣṭvā taṁ munimāsīnaṁ sālacchāyāsu saṁśritam

अपने घोड़े को एक वृक्ष से बांधकर वे विनयपूर्वक आगे बढ़े, और शाल-वृक्ष की छाया में बैठे उस मुनि को देखा —

श्लोक 27 (devibhagavatam.5.32.27)

मृगाजिनासनं शान्तं तपसातिकृशं ऋजुम् । अध्यापयन्तं शिष्यांश्च वेदशास्त्रार्थदर्शिनम्

mṛgājināsanaṁ śāntaṁ tapasātikṛśaṁ ṛjum | adhyāpayantaṁ śiṣyāṁśca vedaśāstrārthadarśinam

— मृगचर्म के आसन पर शांत, तप से अत्यंत कृश, सरल स्वभाव वाले, शिष्यों को पढ़ाते हुए, वेद-शास्त्रों के अर्थ के द्रष्टा —

श्लोक 28 (devibhagavatam.5.32.28)

रहितं क्रोधलोभाद्यैर्द्वन्द्वातीतं विमत्सरम् । आत्मज्ञानरतं सत्यवादिनं शमसंयुतम्

rahitaṁ krodhalobhādyairdvandvātītaṁ vimatsaram | ātmajñānarataṁ satyavādinaṁ śamasaṁyutam

— क्रोध-लोभ आदि से रहित, द्वंद्वातीत, ईर्ष्यारहित, आत्मज्ञान में रत, सत्यवादी, शमसंपन्न उन मुनि को देखकर —

श्लोक 29 (devibhagavatam.5.32.29)

तं वीक्ष्य भूपतिर्भूमौ पपात दण्डवत्तदा । तदग्रेऽश्रुजलापूर्णनयनः प्रेमसंयुतः

taṁ vīkṣya bhūpatirbhūmau papāta daṇḍavattadā | tadagre'śrujalāpūrṇanayanaḥ premasaṁyutaḥ

— राजा उनके सामने भूमि पर दंडवत गिर पड़े, अश्रुपूरित नेत्रों से, प्रेम से पूर्ण होकर।

श्लोक 30 (devibhagavatam.5.32.30)

उत्तिष्ठोत्तिष्ठ भद्रं ते तमुवाच तदा मुनिः । शिष्यो ददौ बृसीं तस्मै गुरुणा नोदितस्तदा

uttiṣṭhottiṣṭha bhadraṁ te tamuvāca tadā muniḥ | śiṣyo dadau bṛsīṁ tasmai guruṇā noditastadā

"उठो, उठो, तुम्हारा कल्याण हो," मुनि ने उनसे तब कहा; और गुरु की प्रेरणा से एक शिष्य ने उन्हें बैठने के लिए आसन दिया।

श्लोक 31 (devibhagavatam.5.32.31)

उत्थाय नृपतिस्तस्यां समासीनस्तदाज्ञया । अर्ध्यपाद्यार्हणं चक्रे सुमेधा विधिपूर्वकम्

utthāya nṛpatistasyāṁ samāsīnastadājñayā | ardhyapādyārhaṇaṁ cakre sumedhā vidhipūrvakam

राजा उठकर मुनि की आज्ञा से उस आसन पर बैठ गए; सुमेधा मुनि ने उन्हें विधिपूर्वक अर्घ्य-पाद्य आदि से पूजा।

श्लोक 32 (devibhagavatam.5.32.32)

पप्रच्छात्र कुतः प्राप्तः कस्त्वं चिन्तापरः कथम् । कथयस्व यथाकामं संवृतं कारणं त्विह

papracchātra kutaḥ prāptaḥ kastvaṁ cintāparaḥ katham | kathayasva yathākāmaṁ saṁvṛtaṁ kāraṇaṁ tviha

उन्होंने पूछा — "तुम कहाँ से आए हो? तुम कौन हो? इतने चिंतातुर क्यों हो? यहाँ आने का जो भी छिपा हुआ कारण है, वह इच्छानुसार बताओ।"

श्लोक 33 (devibhagavatam.5.32.33)

किमागमनकृत्यं ते ब्रूहि कार्यं मनोगतम् । करिष्ये वाञ्छितं काममसाध्यमपि यत्तव

kimāgamanakṛtyaṁ te brūhi kāryaṁ manogatam | kariṣye vāñchitaṁ kāmamasādhyamapi yattava

"तुम्हारे आगमन का प्रयोजन क्या है? अपने मन का कार्य बताओ। मैं तुम्हारी वांछित कामना पूर्ण करूँगा, चाहे वह असाध्य भी हो।"

श्लोक 34 (devibhagavatam.5.32.34)

राजोवाच । सुरथो नाम राजाहं शत्रुभिश्च पराजितः । त्यक्त्वा राज्यं गृहं भार्यामहं ते शरणं गतः

rājovāca | suratho nāma rājāhaṁ śatrubhiśca parājitaḥ | tyaktvā rājyaṁ gṛhaṁ bhāryāmahaṁ te śaraṇaṁ gataḥ

राजा ने कहा — "मैं सुरथ नामक राजा हूँ, शत्रुओं से पराजित हुआ हूँ। राज्य, घर, पत्नी सब त्यागकर मैं आपकी शरण में आया हूँ।"

श्लोक 35 (devibhagavatam.5.32.35)

यदाज्ञापयसे ब्रह्मंस्तदहं भक्तितत्परः । करिष्यामि न मे त्राता त्वदन्यः पृथिवीतले

yadājñāpayase brahmaṁstadahaṁ bhaktitatparaḥ | kariṣyāmi na me trātā tvadanyaḥ pṛthivītale

"हे ब्रह्मन्! आप जो आज्ञा दें, मैं भक्तिपूर्वक वही करूँगा। इस पृथ्वी पर आपके अतिरिक्त मेरा कोई रक्षक नहीं है।"

श्लोक 36 (devibhagavatam.5.32.36)

शत्रुभ्यो मे भयं घोरं प्राप्तोऽस्म्यद्य तवान्तिकम् । त्रायस्व मुनिशार्दूल शरणागतवत्सल

śatrubhyo me bhayaṁ ghoraṁ prāpto'smyadya tavāntikam | trāyasva muniśārdūla śaraṇāgatavatsala

"शत्रुओं से भीषण भय के कारण मैं आज आपके पास आया हूँ। हे मुनिश्रेष्ठ, शरणागतवत्सल! मेरी रक्षा कीजिए।"

श्लोक 37 (devibhagavatam.5.32.37)

ऋषिरुवाच । निर्भयं वस राजेन्द्र नात्र ते शत्रवः किल । आगमिष्यन्ति बलिनो निश्चयं तपसो बलात्

ṛṣiruvāca | nirbhayaṁ vasa rājendra nātra te śatravaḥ kila | āgamiṣyanti balino niścayaṁ tapaso balāt

ऋषि ने कहा — "हे राजेंद्र! निर्भय होकर यहाँ रहो। यहाँ तुम्हारे शत्रु नहीं आ सकते — मेरी तपस्या के बल से यह निश्चित है।"

श्लोक 38 (devibhagavatam.5.32.38)

नात्र हिंसा प्रकर्तव्या वनवृत्त्वा नृपोत्तम । कर्तव्यं जीवनं शस्तैर्नीवारफलमूलकैः

nātra hiṁsā prakartavyā vanavṛttvā nṛpottama | kartavyaṁ jīvanaṁ śastairnīvāraphalamūlakaiḥ

"हे नृपोत्तम! यहाँ वनवासी बनकर किसी भी प्रकार की हिंसा नहीं करनी चाहिए। नीवार, फल-मूल से ही जीवन-निर्वाह करना चाहिए।"

श्लोक 39 (devibhagavatam.5.32.39)

व्यास उवाच । इति तस्य वचः श्रुत्वा निर्भयः स नृपस्तदा । उवासाश्रम एवासौ फलमूलाशनः शुचिः

vyāsa uvāca | iti tasya vacaḥ śrutvā nirbhayaḥ sa nṛpastadā | uvāsāśrama evāsau phalamūlāśanaḥ śuciḥ

व्यास जी ने कहा — उनके ये वचन सुनकर निर्भय हुए वे राजा तब आश्रम में ही फल-मूल खाकर पवित्र जीवन बिताने लगे।

श्लोक 40 (devibhagavatam.5.32.40)

कदाचित्स नृपस्तत्र वृक्षच्छायां समाश्रितः । चिन्तयामास चिन्तार्तो गृह एव गताशयः

kadācitsa nṛpastatra vṛkṣacchāyāṁ samāśritaḥ | cintayāmāsa cintārto gṛha eva gatāśayaḥ

एक बार वे राजा वहाँ वृक्ष की छाया में बैठे हुए, चिंता से आर्त होकर, मन ही मन घर की ओर आकृष्ट होकर सोचने लगे —

श्लोक 41 (devibhagavatam.5.32.41)

राज्यं मे शत्रुभिः प्राप्तं म्लेच्छैः पापरतैः सदा । सम्पीडिताः स्युर्लोकास्तैर्दुराचारैर्गतत्रपैः

rājyaṁ me śatrubhiḥ prāptaṁ mlecchaiḥ pāparataiḥ sadā | sampīḍitāḥ syurlokāstairdurācārairgatatrapaiḥ

"मेरा राज्य पापरत, सदा दुष्ट म्लेच्छ शत्रुओं के हाथ में चला गया है। वे दुराचारी, निर्लज्ज लोग प्रजा को अवश्य पीड़ित कर रहे होंगे।"

श्लोक 42 (devibhagavatam.5.32.42)

गजाश्च तुरगाः सर्वे दुर्बला भक्ष्यवर्जिताः । जाताः स्युर्नात्र सन्देहः शत्रुणा परिपीडिताः

gajāśca turagāḥ sarve durbalā bhakṣyavarjitāḥ | jātāḥ syurnātra sandehaḥ śatruṇā paripīḍitāḥ

"मेरे सभी हाथी और घोड़े भोजन से वंचित होकर दुर्बल हो गए होंगे, इसमें कोई संदेह नहीं, शत्रु द्वारा पीड़ित होकर।"

श्लोक 43 (devibhagavatam.5.32.43)

सेवका मम सर्वे ते शत्रूणां वशवर्तिनः । दुःखिता एव जाताः स्युः पालिता ये मया पुरा

sevakā mama sarve te śatrūṇāṁ vaśavartinaḥ | duḥkhitā eva jātāḥ syuḥ pālitā ye mayā purā

"मेरे सभी सेवक, जिनका मैंने पहले पालन-पोषण किया, अब शत्रुओं के वश में होकर दुखी हो गए होंगे।"

श्लोक 44 (devibhagavatam.5.32.44)

धनं मे सुदुराचारैरसद्व्ययपरैः परैः । द्यूतासवभुजिष्यादिस्थाने स्यात्प्रापितं किल

dhanaṁ me sudurācārairasadvyayaparaiḥ paraiḥ | dyūtāsavabhujiṣyādisthāne syātprāpitaṁ kila

"मेरा धन उन अत्यंत दुराचारी, कुव्ययशील शत्रुओं द्वारा जुआ, मदिरा, वेश्या आदि में लगाया जा रहा होगा।"

श्लोक 45 (devibhagavatam.5.32.45)

कोशक्षयं करिष्यन्ति व्यसनैः पापबुद्धयः । न पात्रदाननिपुणा म्लेच्छास्ते मन्त्रिणोऽपि मे

kośakṣayaṁ kariṣyanti vyasanaiḥ pāpabuddhayaḥ | na pātradānanipuṇā mlecchāste mantriṇo'pi me

"वे पापबुद्धि लोग अपने व्यसनों से कोष को नष्ट कर देंगे; और वे म्लेच्छ मंत्री सुपात्र को दान देने में भी निपुण नहीं हैं।"

श्लोक 46 (devibhagavatam.5.32.46)

इति चिन्तापरो राजा वृक्षमूलस्थितो यदा । तदाऽऽजगाम वैश्यस्तु कश्चिदार्तिपरस्तथा

iti cintāparo rājā vṛkṣamūlasthito yadā | tadā''jagāma vaiśyastu kaścidārtiparastathā

जब राजा वृक्ष के मूल में बैठे हुए इस प्रकार चिंतित थे, तभी वहाँ एक व्याकुल वैश्य भी आ पहुँचा।

श्लोक 47 (devibhagavatam.5.32.47)

नृपेण पुरतो दृष्टः पार्श्वे तत्रोपवेशितः । पप्रच्छ तं नृपः कोऽसि कुत एवागतो वनम्

nṛpeṇa purato dṛṣṭaḥ pārśve tatropaveśitaḥ | papraccha taṁ nṛpaḥ ko'si kuta evāgato vanam

राजा ने उसे सामने देखकर अपने पास बिठाया और पूछा — "तुम कौन हो, वन में कहाँ से आए हो?"

श्लोक 48 (devibhagavatam.5.32.48)

कोऽसि कस्माच्च दीनोऽसि हरिणः शोकपीडितः । ब्रूहि सत्यं महाभाग मैत्री साप्तपदी मता

ko'si kasmācca dīno'si hariṇaḥ śokapīḍitaḥ | brūhi satyaṁ mahābhāga maitrī sāptapadī matā

"तुम कौन हो, और शोक से पीड़ित हिरण के समान इतने दीन क्यों हो? हे महाभाग! सत्य बताओ — मित्रता सात पगों में ही सिद्ध मानी जाती है।"

श्लोक 49 (devibhagavatam.5.32.49)

व्यास उवाच । तच्छ्रुत्वा वचनं राज्ञस्तमुवाच विशोत्तमः । उपविश्य स्थिरो भूत्वा मत्वा साधुसमागमम्

vyāsa uvāca | tacchrutvā vacanaṁ rājñastamuvāca viśottamaḥ | upaviśya sthiro bhūtvā matvā sādhusamāgamam

व्यास जी ने कहा — राजा का यह वचन सुनकर वह श्रेष्ठ वैश्य, संतजन से मिलन जानकर, स्थिर होकर बैठकर बोला।

श्लोक 50 (devibhagavatam.5.32.50)

वैश्य उवाच । मित्राहं वैश्यजातीयः समाधिर्नाम विश्रुतः । धनवान्धर्मनिपुणः सत्यवागनसूयकः

vaiśya uvāca | mitrāhaṁ vaiśyajātīyaḥ samādhirnāma viśrutaḥ | dhanavāndharmanipuṇaḥ satyavāganasūyakaḥ

वैश्य ने कहा — "हे मित्र! मैं वैश्य जाति का हूँ, समाधि नाम से विख्यात हूँ — धनवान, धर्मनिपुण, सत्यवादी और अनसूयक।"

श्लोक 51 (devibhagavatam.5.32.51)

पुत्रदारैर्निरस्तोऽहं धनलुब्धैरसाधुभिः । (कृपणेति मिषं कृत्वा त्यक्त्वा मायां सुदुस्त्यजां ।) स्वजनेन च सन्त्यक्तः प्राप्तोऽस्मि वनमाशु वै

putradārairnirasto'haṁ dhanalubdhairasādhubhiḥ | (kṛpaṇeti miṣaṁ kṛtvā tyaktvā māyāṁ sudustyajāṁ |) svajanena ca santyaktaḥ prāpto'smi vanamāśu vai

"किंतु धन के लोभी दुष्ट पुत्रों और पत्नी ने मुझे बाहर निकाल दिया — (कृपण का बहाना बनाकर, इस अत्यंत दुस्त्याज्य मोह को त्यागकर) — अपने ही स्वजनों द्वारा त्यागा हुआ मैं शीघ्र इस वन में आ पहुँचा हूँ।"

श्लोक 52 (devibhagavatam.5.32.52)

कोऽसि त्वं भाग्यवान्भासि कथयस्व प्रियाधुना । राजोवाच । सुरथो नाम राजाहं दस्युभिः पीडितोऽभवम्

ko'si tvaṁ bhāgyavānbhāsi kathayasva priyādhunā | rājovāca | suratho nāma rājāhaṁ dasyubhiḥ pīḍito'bhavam

"तुम कौन हो? तुम भाग्यशाली प्रतीत होते हो — अब स्नेहपूर्वक बताओ।" राजा ने कहा — "मैं सुरथ नामक राजा हूँ, डाकुओं से पीड़ित हुआ था —"

श्लोक 53 (devibhagavatam.5.32.53)

प्राप्तोऽस्मि गतराज्योऽत्र मन्त्रिभिः परिवञ्चितः । दिष्ट्या त्वमत्र मित्रं मे मिलितोऽसि विशोत्तम

prāpto'smi gatarājyo'tra mantribhiḥ parivañcitaḥ | diṣṭyā tvamatra mitraṁ me milito'si viśottama

"— राज्यहीन होकर, मंत्रियों द्वारा ठगा गया मैं यहाँ आ पहुँचा हूँ। हे विशोत्तम! सौभाग्य से यहाँ तुम मुझे मित्र के रूप में मिले हो।"

श्लोक 54 (devibhagavatam.5.32.54)

सुखेन विहरिष्यावो वनेऽत्र शुभपादपे । शोकं त्यज महाबुद्धे स्वस्थो भव विशोत्तम

sukhena vihariṣyāvo vane'tra śubhapādape | śokaṁ tyaja mahābuddhe svastho bhava viśottama

"इस वन में, इन शुभ वृक्षों के बीच, हम सुखपूर्वक विचरण करेंगे। हे महाबुद्धे! शोक त्याग दो, हे विशोत्तम! स्वस्थ हो जाओ —"

श्लोक 55 (devibhagavatam.5.32.55)

(अत्रैव च यथाकामं सुखं तिष्ठ मया सह ।) वैश्य उवाच । कुटुम्बं मे निरालम्बं मया हीनं सुदुःखितम् । भविष्यति च चिन्ताऽऽर्तं व्याधिशोकोपतापितम्

(atraiva ca yathākāmaṁ sukhaṁ tiṣṭha mayā saha |) vaiśya uvāca | kuṭumbaṁ me nirālambaṁ mayā hīnaṁ suduḥkhitam | bhaviṣyati ca cintā''rtaṁ vyādhiśokopatāpitam

"— यहीं मेरे साथ इच्छानुसार सुखपूर्वक रहो।" वैश्य ने कहा — "मेरा परिवार अब निराधार, मुझसे रहित, अत्यंत दुखी होगा; चिंता से पीड़ित, व्याधि और शोक से संतप्त होगा —"

श्लोक 56 (devibhagavatam.5.32.56)

भार्यादेहे सुखं नो वा पुत्रदेहे न वा सुखम् । इति चिन्तातुरं चेतो न मे शाम्यति भूमिप

bhāryādehe sukhaṁ no vā putradehe na vā sukham | iti cintāturaṁ ceto na me śāmyati bhūmipa

"— मेरी पत्नी के शरीर को सुख है या नहीं, पुत्रों के शरीर को सुख है या नहीं — इसी चिंता से व्याकुल मेरा मन, हे भूमिप! शांत नहीं होता।"

श्लोक 57 (devibhagavatam.5.32.57)

कदा द्रक्ष्ये सुतं भार्यां गृहं स्वजनमेव च । स्वस्थं न मन्मनो राजन् गृहचिन्ताकुलं भृशम्

kadā drakṣye sutaṁ bhāryāṁ gṛhaṁ svajanameva ca | svasthaṁ na manmano rājan gṛhacintākulaṁ bhṛśam

"मैं कब अपने पुत्र, पत्नी, घर और स्वजनों को देख पाऊँगा? हे राजन्! मेरा मन स्वस्थ नहीं है, घर की चिंता से अत्यंत व्याकुल है।"

श्लोक 58 (devibhagavatam.5.32.58)

राजोवाच यैर्निरस्तोऽसि पुत्राद्यैरसद्वृत्तैः सुबालिशैः । तान्दृष्ट्वा किं सुखं तेऽद्य भविष्यति महामते

rājovāca yairnirasto'si putrādyairasadvṛttaiḥ subāliśaiḥ | tāndṛṣṭvā kiṁ sukhaṁ te'dya bhaviṣyati mahāmate

राजा ने कहा — "जिन दुर्वृत्त, अत्यंत मूर्ख पुत्रों आदि ने तुम्हें निकाला, हे महामते! उन्हें देखकर आज तुम्हें भला क्या सुख मिलेगा?"

श्लोक 59 (devibhagavatam.5.32.59)

हितकारी वरः शत्रुर्दुःखदाः सुहृदः कुतः । तस्मात्स्थिरं मनः कृत्वा विहरस्व मया सह

hitakārī varaḥ śatrurduḥkhadāḥ suhṛdaḥ kutaḥ | tasmātsthiraṁ manaḥ kṛtvā viharasva mayā saha

"हितकारी शत्रु श्रेष्ठ है, दुःखदायी मित्रों से क्या लाभ? इसलिए मन को स्थिर करके मेरे साथ विचरण करो।"

श्लोक 60 (devibhagavatam.5.32.60)

वैश्य उवाच । मनो मे न स्थिरं राजन् भवत्यद्य सुदुःखितम् । चिन्तयात्र कुटुम्बस्य दुस्त्यजस्य दुरात्मभिः

vaiśya uvāca | mano me na sthiraṁ rājan bhavatyadya suduḥkhitam | cintayātra kuṭumbasya dustyajasya durātmabhiḥ

वैश्य ने कहा — "हे राजन्! मेरा मन आज स्थिर नहीं हो पा रहा, अत्यंत दुखी है — उस दुस्त्याज्य परिवार की चिंता से, जो दुष्ट होते हुए भी छोड़ना कठिन है।"

श्लोक 61 (devibhagavatam.5.32.61)

राजोवाच । ममापि राज्यजं दुःखं दुनोति किल मानसम् । पृच्छावोऽद्य मुनिं शान्तं शोकनाशनमौषधम्

rājovāca | mamāpi rājyajaṁ duḥkhaṁ dunoti kila mānasam | pṛcchāvo'dya muniṁ śāntaṁ śokanāśanamauṣadham

राजा ने कहा — "मेरा मन भी राज्य-वियोग के दुःख से पीड़ित है। आज हम उस शांत मुनि से शोक नाशक कोई उपाय पूछें।"

श्लोक 62 (devibhagavatam.5.32.62)

व्यास उवाच । इति कृत्वा मतिं तौ तु राजा वैश्यश्च जग्मतुः । मुनिं तौ विनयोपेतौ प्रष्टुं शोकस्य कारणम्

vyāsa uvāca | iti kṛtvā matiṁ tau tu rājā vaiśyaśca jagmatuḥ | muniṁ tau vinayopetau praṣṭuṁ śokasya kāraṇam

व्यास जी ने कहा — ऐसा निश्चय करके राजा और वैश्य दोनों विनयपूर्वक उस मुनि के पास शोक का कारण पूछने गए।

श्लोक 63 (devibhagavatam.5.32.63)

गत्वा तं प्रणिपत्याह राजा ऋषिमनुत्तमम् । आसीनं सम्यगासीनः शान्तं शान्तिमुपागतः

gatvā taṁ praṇipatyāha rājā ṛṣimanuttamam | āsīnaṁ samyagāsīnaḥ śāntaṁ śāntimupāgataḥ

उनके पास जाकर, प्रणाम करके, उस श्रेष्ठ ऋषि से, जो शांत भाव से बैठे थे और शांति को प्राप्त थे, राजा ने भलीभाँति बैठकर यह कहा।