देवी-माहात्म्य वर्णन: माया का स्वरूप

श्लोक 1 (devibhagavatam.5.33.1)

राजोवाच मुने वैश्योऽयमधुना वने मे मित्रतां गतः । पुत्रदारैर्निरस्तोऽयं प्राप्तोऽत्र मम सङ्गमम्

rājovāca mune vaiśyo'yamadhunā vane me mitratāṁ gataḥ | putradārairnirasto'yaṁ prāpto'tra mama saṅgamam

राजा ने कहा — "हे मुने! यह वैश्य अब वन में मेरा मित्र बन गया है। पुत्र और पत्नी द्वारा निकाला गया यह यहाँ आकर मुझसे मिला।"

श्लोक 2 (devibhagavatam.5.33.2)

(कुटुम्बविरहेणासौ दुःखितोऽतीव दुर्मनाः । न शान्तिमुपयात्येष तथापि मम साम्प्रतम् । गतराज्यस्य दुःखेन शोकार्तोऽस्मि महामते ।) निष्कारणञ्च मे चिन्ता हृदयान्न निवर्तते । हया मे दुर्बलाः स्युः किं गजाः शत्रुवशं गताः

(kuṭumbaviraheṇāsau duḥkhito'tīva durmanāḥ | na śāntimupayātyeṣa tathāpi mama sāmpratam | gatarājyasya duḥkhena śokārto'smi mahāmate |) niṣkāraṇañca me cintā hṛdayānna nivartate | hayā me durbalāḥ syuḥ kiṁ gajāḥ śatruvaśaṁ gatāḥ

"(अपने परिवार के वियोग से यह अत्यंत दुखी और उद्विग्न मन वाला है, फिर भी शांत नहीं हो रहा; और हे महामते! मैं भी राज्य-नाश के दुःख से शोकार्त हूँ।) बिना किसी कारण मेरी चिंता हृदय से दूर नहीं होती — क्या मेरे घोड़े दुर्बल हो गए होंगे, क्या हाथी शत्रु के वश में चले गए होंगे?"

श्लोक 3 (devibhagavatam.5.33.3)

भृत्यवर्गस्तथा दुःखी जातः स्यात्तु मया विना । कोशक्षयं करिष्यन्ति रिपवोऽतिबलात्क्षणात्

bhṛtyavargastathā duḥkhī jātaḥ syāttu mayā vinā | kośakṣayaṁ kariṣyanti ripavo'tibalātkṣaṇāt

"मेरे बिना मेरे सेवक भी दुखी हो गए होंगे; शत्रु अत्यंत बलपूर्वक क्षणभर में मेरे कोष को नष्ट कर देंगे।"

श्लोक 4 (devibhagavatam.5.33.4)

इत्येवं चिन्तयानस्य न मे निद्रा तनौ सुखम् । जानामीदं जगन्मिथ्या स्वप्नवत्सर्वमेव हि

ityevaṁ cintayānasya na me nidrā tanau sukham | jānāmīdaṁ jaganmithyā svapnavatsarvameva hi

"इस प्रकार चिंता करते हुए मुझे शरीर में न नींद आती है, न सुख। मैं यह जानता हूँ कि यह जगत मिथ्या है, सब कुछ स्वप्न के समान —"

श्लोक 5 (devibhagavatam.5.33.5)

जानतोऽपि मनो भ्रान्तं न स्थिरं भवति प्रभो । कोऽहं केऽश्वा गजाः केऽमी न ते मे च सहोदराः

jānato'pi mano bhrāntaṁ na sthiraṁ bhavati prabho | ko'haṁ ke'śvā gajāḥ ke'mī na te me ca sahodarāḥ

"— फिर भी, हे प्रभो! जानते हुए भी मेरा मन भ्रमित रहता है, स्थिर नहीं होता। मैं कौन हूँ? ये घोड़े, हाथी कौन हैं? ये मेरे सहोदर तक नहीं हैं —"

श्लोक 6 (devibhagavatam.5.33.6)

न पुत्रा न च मित्राणि येषां दुःखं दुनोति माम् । भ्रमोऽयमिति जानामि तथापि मम मानसः

na putrā na ca mitrāṇi yeṣāṁ duḥkhaṁ dunoti mām | bhramo'yamiti jānāmi tathāpi mama mānasaḥ

"— न ही ये मेरे पुत्र या मित्र हैं, जिनके दुःख से मुझे इतनी पीड़ा होती है। मैं जानता हूँ कि यह भ्रम मात्र है, फिर भी मेरा मन —"

श्लोक 7 (devibhagavatam.5.33.7)

मोहो नैवापसरति किं तत्कारणमद्भुतम् । स्वामिंस्त्वमसि सर्वज्ञः सर्वसंशयनाशकृत्

moho naivāpasarati kiṁ tatkāraṇamadbhutam | svāmiṁstvamasi sarvajñaḥ sarvasaṁśayanāśakṛt

"— यह मोह किसी प्रकार दूर नहीं होता। इसका क्या अद्भुत कारण है? हे स्वामी! आप सर्वज्ञ हैं, समस्त संशयों के नाशक हैं।"

श्लोक 8 (devibhagavatam.5.33.8)

कारणं ब्रूहि मोहस्य ममास्य च दयानिधे । व्यास उवाच । इति पृष्टस्तदा राज्ञा सुमेधा मुनिसत्तमः

kāraṇaṁ brūhi mohasya mamāsya ca dayānidhe | vyāsa uvāca | iti pṛṣṭastadā rājñā sumedhā munisattamaḥ

"हे दयानिधे! मुझे और इसे भी हुए इस मोह का कारण बताइए।" व्यास जी ने कहा — राजा द्वारा इस प्रकार पूछे जाने पर मुनिश्रेष्ठ सुमेधा ने —

श्लोक 9 (devibhagavatam.5.33.9)

तमुवाच परं ज्ञानं शोकमोहविनाशनम् । ऋषिरुवाच । शृणु राजन् प्रवक्ष्यामि कारणं बन्धमोक्षयोः

tamuvāca paraṁ jñānaṁ śokamohavināśanam | ṛṣiruvāca | śṛṇu rājan pravakṣyāmi kāraṇaṁ bandhamokṣayoḥ

— उन्हें शोक और मोह का नाश करने वाला परम ज्ञान बताया। ऋषि ने कहा — "हे राजन्! सुनो, मैं बंधन और मोक्ष का कारण बताता हूँ।"

श्लोक 10 (devibhagavatam.5.33.10)

महामायेति विख्याता सर्वेषां प्राणिनामिह । ब्रह्मा विष्णुस्तथेशानस्तुराषाड् वरुणोऽनिलः

mahāmāyeti vikhyātā sarveṣāṁ prāṇināmiha | brahmā viṣṇustatheśānasturāṣāḍ varuṇo'nilaḥ

"यहाँ समस्त प्राणियों की मूल स्रोत महामाया नाम से विख्यात है — ब्रह्मा, विष्णु, ईशान, इंद्र, वरुण, वायु —"

श्लोक 11 (devibhagavatam.5.33.11)

सर्वे देवा मनुष्याश्च गन्धर्वोरगराक्षसाः । वृक्षाश्च विविधा वल्ल्यः पशवो मृगपक्षिणः

sarve devā manuṣyāśca gandharvoragarākṣasāḥ | vṛkṣāśca vividhā vallyaḥ paśavo mṛgapakṣiṇaḥ

"— सभी देवता, मनुष्य, गंधर्व, नाग-राक्षस; अनेक प्रकार के वृक्ष-लताएँ, पशु, मृग-पक्षी —"

श्लोक 12 (devibhagavatam.5.33.12)

मायाधीनाश्च ते सर्वे भाजनं बन्धमोक्षयोः । तया सृष्टमिदं सर्वं जगत्स्थावरजङ्गमम्

māyādhīnāśca te sarve bhājanaṁ bandhamokṣayoḥ | tayā sṛṣṭamidaṁ sarvaṁ jagatsthāvarajaṅgamam

"— ये सभी माया के अधीन हैं, बंधन और मोक्ष दोनों के पात्र हैं। उन्हीं के द्वारा यह संपूर्ण चराचर जगत रचा गया है।"

श्लोक 13 (devibhagavatam.5.33.13)

तद्वशे वर्तते नूनं मोहजालेन यन्त्रितम् । त्वं कियान्मानुषेष्वेकः क्षत्रियो रजसाविलः

tadvaśe vartate nūnaṁ mohajālena yantritam | tvaṁ kiyānmānuṣeṣvekaḥ kṣatriyo rajasāvilaḥ

"यह निश्चय ही मोह के जाल में बंधकर उसके वश में रहता है। हे राजन्! तुम मनुष्यों में एक अकेले, रजोगुण से आच्छादित क्षत्रिय मात्र क्या हो?"

श्लोक 14 (devibhagavatam.5.33.14)

ज्ञानिनामपि चेतांसि मोहयत्यनिशं हि सा । ब्रह्मेशवासुदेवाद्या ज्ञाने सत्यपि शेषतः

jñānināmapi cetāṁsi mohayatyaniśaṁ hi sā | brahmeśavāsudevādyā jñāne satyapi śeṣataḥ

"वह ज्ञानियों के चित्त को भी निरंतर मोहित करती है — ब्रह्मा, ईश, वासुदेव आदि को भी, यद्यपि उनमें ज्ञान शेष रूप से विद्यमान है।"

श्लोक 15 (devibhagavatam.5.33.15)

तेऽपि रागवशाल्लोके भ्रमन्ति परिमोहिताः । पुरा सत्ययुगे राजन् विष्णुर्नारायणः स्वयम्

te'pi rāgavaśālloke bhramanti parimohitāḥ | purā satyayuge rājan viṣṇurnārāyaṇaḥ svayam

"वे भी राग के वशीभूत होकर मोहित होकर संसार में भ्रमण करते हैं। पूर्वकाल में सत्ययुग में, हे राजन्! स्वयं नारायण विष्णु ने —"

श्लोक 16 (devibhagavatam.5.33.16)

श्वेतद्वीपं समासाद्य चकार विपुलं तपः । वर्षाणामयुतं यावद् ब्रह्मविद्याप्रसक्तये

śvetadvīpaṁ samāsādya cakāra vipulaṁ tapaḥ | varṣāṇāmayutaṁ yāvad brahmavidyāprasaktaye

"— श्वेतद्वीप जाकर दस हजार वर्षों तक ब्रह्मविद्या की प्राप्ति के लिए विशाल तप किया।"

श्लोक 17 (devibhagavatam.5.33.17)

अनश्वरसुखायासौ चिन्तयानस्ततः परम् । एकस्मिन्निर्जने देशे ब्रह्मापि परमाद्भुते

anaśvarasukhāyāsau cintayānastataḥ param | ekasminnirjane deśe brahmāpi paramādbhute

"उस अविनाशी सुख के लिए चिंतन करते हुए, एक एकांत, अत्यंत अद्भुत स्थान में स्वयं ब्रह्मा भी —"

श्लोक 18 (devibhagavatam.5.33.18)

स्थितस्तपसि राजेन्द्र मोहस्य विनिवृत्तये । कदाचिद्वासुदेवोऽसौ स्थलान्तरमतिर्हरिः

sthitastapasi rājendra mohasya vinivṛttaye | kadācidvāsudevo'sau sthalāntaramatirhariḥ

"— हे राजेंद्र! मोह की निवृत्ति के लिए तप में स्थित थे। एक बार वे वासुदेव हरि, अन्यत्र देखने की इच्छा से —"

श्लोक 19 (devibhagavatam.5.33.19)

तस्माद्देशात्समुत्थाय जगामान्यद्दिदृक्षया । चतुर्मुखोऽपि राजेन्द्र तथैव निःसृतः स्थलात्

tasmāddeśātsamutthāya jagāmānyaddidṛkṣayā | caturmukho'pi rājendra tathaiva niḥsṛtaḥ sthalāt

"— उस स्थान से उठकर अन्य कुछ देखने की इच्छा से चल पड़े; और हे राजेंद्र! चतुर्मुख ब्रह्मा भी उसी प्रकार अपने स्थान से निकले।"

श्लोक 20 (devibhagavatam.5.33.20)

मिलितौ मार्गमध्ये तु चतुर्मुखचतुर्भुजौ । अन्योन्यं पृष्टवन्तौ तौ कस्त्वं कस्त्वमिति स्म ह

militau mārgamadhye tu caturmukhacaturbhujau | anyonyaṁ pṛṣṭavantau tau kastvaṁ kastvamiti sma ha

मार्ग के मध्य में वे चतुर्मुख और चतुर्भुज दोनों मिले, और एक-दूसरे से पूछने लगे — "तुम कौन हो? तुम कौन हो?"

श्लोक 21 (devibhagavatam.5.33.21)

ब्रह्मा प्रोवाच तं देवं कर्ताहं जगतः किल । विष्णस्तमाह भो मूर्ख जगत्कर्ताहमच्युतः

brahmā provāca taṁ devaṁ kartāhaṁ jagataḥ kila | viṣṇastamāha bho mūrkha jagatkartāhamacyutaḥ

ब्रह्मा ने उस देव से कहा — "मैं ही जगत का रचयिता हूँ।" विष्णु ने उससे कहा — "अरे मूर्ख! मैं अच्युत ही जगत का रचयिता हूँ।"

श्लोक 22 (devibhagavatam.5.33.22)

त्वं कियान्बलहीनोऽसि रजोगुणसमाश्रितः । सत्त्वाश्रितं हि मां विद्धि वासुदेवं सनातनम्

tvaṁ kiyānbalahīno'si rajoguṇasamāśritaḥ | sattvāśritaṁ hi māṁ viddhi vāsudevaṁ sanātanam

"तुम कितने बलहीन हो, रजोगुण के आश्रित! सत्त्वगुण के आश्रित मुझे ही सनातन वासुदेव जानो।"

श्लोक 23 (devibhagavatam.5.33.23)

मया त्वं रक्षितोऽद्यैव कृत्वा युद्धं सुदारुणम् । शरणं मे समायातो दानवाभ्यां प्रपीडितः

mayā tvaṁ rakṣito'dyaiva kṛtvā yuddhaṁ sudāruṇam | śaraṇaṁ me samāyāto dānavābhyāṁ prapīḍitaḥ

"जिस दिन तुम दो दानवों से पीड़ित होकर मेरी शरण में आए थे, उस दिन अत्यंत भीषण युद्ध करके मैंने ही तुम्हारी रक्षा की थी —"

श्लोक 24 (devibhagavatam.5.33.24)

मया तौ निहतौ कामं दानवौ मधुकैटभौ । कथं गर्वायसे मन्द मोहोऽयं त्यज साम्प्रतम्

mayā tau nihatau kāmaṁ dānavau madhukaiṭabhau | kathaṁ garvāyase manda moho'yaṁ tyaja sāmpratam

"— मैंने ही मधु और कैटभ नामक उन दानवों को इच्छानुसार मार डाला था। हे मूर्ख! तुम इतना अभिमान क्यों कर रहे हो? अभी यह मोह त्याग दो।"

श्लोक 25 (devibhagavatam.5.33.25)

न मत्तोऽप्यधिकः कश्चित्संसारेऽस्मिन्प्रसारिते । ऋषिरुवाच । एवं प्रवदमानौ तौ ब्रह्मविष्णू परस्परम्

na matto'pyadhikaḥ kaścitsaṁsāre'sminprasārite | ṛṣiruvāca | evaṁ pravadamānau tau brahmaviṣṇū parasparam

"इस विस्तृत संसार में मुझसे बढ़कर कोई नहीं है।" ऋषि ने कहा — इस प्रकार परस्पर विवाद करते हुए ब्रह्मा-विष्णु —

श्लोक 26 (devibhagavatam.5.33.26)

स्फुरदोष्ठौ वेपमानौ लोहिताक्षौ बभूवतुः । प्रादुर्बभूव सहसा तयोर्विवदमानयोः

sphuradoṣṭhau vepamānau lohitākṣau babhūvatuḥ | prādurbabhūva sahasā tayorvivadamānayoḥ

— काँपते होंठों, थरथराते शरीर, लाल नेत्रों वाले हो गए। उनके इस तरह विवाद करते समय अचानक वहाँ —

श्लोक 27 (devibhagavatam.5.33.27)

मध्ये लिङ्गं सुधाश्वेतं विपुलं दीर्घमद्भुतम् । आकाशे तरसा तत्र वागुवाचाशरीरिणी

madhye liṅgaṁ sudhāśvetaṁ vipulaṁ dīrghamadbhutam | ākāśe tarasā tatra vāguvācāśarīriṇī

— उनके मध्य में अमृत के समान श्वेत, विशाल, दीर्घ, अद्भुत एक लिंग प्रकट हुआ, और तत्काल आकाश में एक अशरीरी वाणी बोली।

श्लोक 28 (devibhagavatam.5.33.28)

तौ सम्बोध्य महाभागौ विवदन्तौ परस्परम् । ब्रह्मन् विष्णो विवादं मा कुरुतां वां परस्परम्

tau sambodhya mahābhāgau vivadantau parasparam | brahman viṣṇo vivādaṁ mā kurutāṁ vāṁ parasparam

उन दोनों महाभागों को, जो परस्पर विवाद कर रहे थे, संबोधित करके — "हे ब्रह्मन्, हे विष्णो! तुम दोनों परस्पर विवाद मत करो।"

श्लोक 29 (devibhagavatam.5.33.29)

लिङ्गस्यास्य परं पारमधस्तादुपरि धुवम् । यो याति युवयोर्मध्ये स श्रेष्ठो वां सदैव हि

liṅgasyāsya paraṁ pāramadhastādupari dhuvam | yo yāti yuvayormadhye sa śreṣṭho vāṁ sadaiva hi

"इस लिंग के परम पार को — नीचे और ऊपर, दोनों दृढ़ छोरों को — तुम दोनों में से जो पहले पा लेगा, वही सदा तुम दोनों में श्रेष्ठ होगा।"

श्लोक 30 (devibhagavatam.5.33.30)

एकः प्रयातु पातालमाकाशमपरोऽधुना । प्रमाणं मे वचः कार्यं त्यक्त्वा वादं निरर्थकम्

ekaḥ prayātu pātālamākāśamaparo'dhunā | pramāṇaṁ me vacaḥ kāryaṁ tyaktvā vādaṁ nirarthakam

"एक अभी पाताल की ओर जाए और दूसरा आकाश की ओर। मेरा वचन ही प्रमाण मानो, व्यर्थ के विवाद को त्यागकर।"

श्लोक 31 (devibhagavatam.5.33.31)

मध्यस्थः सर्वदा कार्यो विवादेऽस्मिन्द्वयोरिह । ऋषिरुवाच । तच्छ्रुत्वा वचनं दिव्यं सज्जीभूतौ कृतोद्यमौ

madhyasthaḥ sarvadā kāryo vivāde'smindvayoriha | ṛṣiruvāca | tacchrutvā vacanaṁ divyaṁ sajjībhūtau kṛtodyamau

"इस विवाद में सदा दोनों के बीच मध्यस्थ होना ही उचित है।" ऋषि ने कहा — उस दिव्य वाणी को सुनकर वे दोनों तैयार होकर, उद्यम करके —

श्लोक 32 (devibhagavatam.5.33.32)

जग्मतुर्मातुमग्रस्थं लिङ्गमद्भुतदर्शनम् । पातालमगमद्विष्णुर्ब्रह्माप्याकाशमेव च

jagmaturmātumagrasthaṁ liṅgamadbhutadarśanam | pātālamagamadviṣṇurbrahmāpyākāśameva ca

— उस अद्भुत दिखने वाले सामने खड़े लिंग को नापने के लिए चल पड़े। विष्णु पाताल की ओर गए, ब्रह्मा भी आकाश की ओर —

श्लोक 33 (devibhagavatam.5.33.33)

परिमातुं महालिङ्गं स्वमहत्त्वविवृद्धये । विष्णुर्गत्वा कियद्देशं श्रान्तः सर्वात्मना यतः

parimātuṁ mahāliṅgaṁ svamahattvavivṛddhaye | viṣṇurgatvā kiyaddeśaṁ śrāntaḥ sarvātmanā yataḥ

— उस महालिंग को नापने, अपनी-अपनी महत्ता बढ़ाने के लिए। विष्णु कुछ दूरी तक जाकर, पूरे मन से प्रयास करते हुए थक गए —

श्लोक 34 (devibhagavatam.5.33.34)

न प्रापान्तं स लिङ्गस्य परिवृत्य ययौ स्थलम् । ब्रह्मागच्छत्ततश्चोर्ध्वं पतितं केतकीदलम्

na prāpāntaṁ sa liṅgasya parivṛtya yayau sthalam | brahmāgacchattataścordhvaṁ patitaṁ ketakīdalam

— वे लिंग का अंत नहीं पा सके, और लौटकर अपने स्थान को चले गए। ब्रह्मा ऊपर जाते हुए, वहाँ एक गिरता हुआ केतकी का फूल पाया —

श्लोक 35 (devibhagavatam.5.33.35)

शिवस्य मस्तकात्प्राप्य परावृत्तो मुदावृतः । आगत्य तरसा ब्रह्मा विष्णवे केतकीदलम्

śivasya mastakātprāpya parāvṛtto mudāvṛtaḥ | āgatya tarasā brahmā viṣṇave ketakīdalam

— जो साक्षात् शिव के मस्तक से आया था, वे प्रसन्न होकर लौट आए। शीघ्रता से आकर ब्रह्मा ने विष्णु को वह केतकी-पुष्प —

श्लोक 36 (devibhagavatam.5.33.36)

दर्शयित्वा च वितथमुवाच मदमोहितः । लिङ्गस्य मस्तकादेतद् गृहीतं केतकीदलम्

darśayitvā ca vitathamuvāca madamohitaḥ | liṅgasya mastakādetad gṛhītaṁ ketakīdalam

— दिखाकर, मद से मोहित होकर, असत्य बोला — "यह लिंग के शीर्ष से लिया गया केतकी-पत्र है —"

श्लोक 37 (devibhagavatam.5.33.37)

अभिज्ञानाय चानीतं तव चित्तप्रशान्तये । श्रुत्वा तद्ब्रह्मणोवाक्यं दृष्ट्वा च केतकीदलम्

abhijñānāya cānītaṁ tava cittapraśāntaye | śrutvā tadbrahmaṇovākyaṁ dṛṣṭvā ca ketakīdalam

"— तुम्हारी शंका के निवारण और मन की शांति के लिए मैं इसे लाया हूँ।" ब्रह्मा का यह वचन सुनकर और केतकी-पत्र को देखकर —

श्लोक 38 (devibhagavatam.5.33.38)

हरिस्तं प्रत्युवाचेदं साक्षी कः कथयाधुना । यथार्थवादी मेधावी सदाचारः शुचि समः

haristaṁ pratyuvācedaṁ sākṣī kaḥ kathayādhunā | yathārthavādī medhāvī sadācāraḥ śuci samaḥ

— हरि ने उससे कहा — "इसका साक्षी अभी कौन बताएगा? मुझे यथार्थवादी, बुद्धिमान, सदाचारी, शुद्ध और निष्पक्ष साक्षी चाहिए —"

श्लोक 39 (devibhagavatam.5.33.39)

साक्षी भवति सर्वत्र विवादे समुपस्थिते । ब्रह्मोवाच । दूरदेशात्समायाति साक्षी कः समयेऽधुना

sākṣī bhavati sarvatra vivāde samupasthite | brahmovāca | dūradeśātsamāyāti sākṣī kaḥ samaye'dhunā

"— जो इस उपस्थित विवाद में साक्षी बने।" ब्रह्मा ने कहा — "इतनी दूर से इस समय अभी साक्षी कहाँ से आएगा?"

श्लोक 40 (devibhagavatam.5.33.40)

यत्सत्यं तद्वचः सेयं केतकी कथयिष्यति । इत्युक्त्वा प्रेरिता तत्र ब्रह्मणा केतकी स्फुटम्

yatsatyaṁ tadvacaḥ seyaṁ ketakī kathayiṣyati | ityuktvā preritā tatra brahmaṇā ketakī sphuṭam

"जो सत्य है, वही यह केतकी बताएगी।" ऐसा कहकर ब्रह्मा ने वहाँ केतकी को स्पष्ट रूप से —

श्लोक 41 (devibhagavatam.5.33.41)

वचनं प्राह तरसा शार्ङ्गिणं प्रत्यबोधयत् । शिवमूर्ध्नि स्थितां ब्रह्मा गहीत्वा मां समागतः

vacanaṁ prāha tarasā śārṅgiṇaṁ pratyabodhayat | śivamūrdhni sthitāṁ brahmā gahītvā māṁ samāgataḥ

— वचन बोलने के लिए प्रेरित किया; तब उसने शार्ङ्गधारी विष्णु को शीघ्रता से यह वचन कहा — "मैं शिव के मस्तक पर स्थित थी, और ब्रह्मा मुझे लेकर आए हैं —"

श्लोक 42 (devibhagavatam.5.33.42)

सन्देहोऽत्र न कर्तव्यस्त्वया विष्णो कदाचन । मम वाक्यं प्रमाणं हि ब्रह्मा पारङ्गतोऽस्य ह

sandeho'tra na kartavyastvayā viṣṇo kadācana | mama vākyaṁ pramāṇaṁ hi brahmā pāraṅgato'sya ha

"— इसमें तुम्हें, हे विष्णो! कभी कोई संदेह नहीं करना चाहिए। मेरा वचन ही प्रमाण है — ब्रह्मा निश्चय ही उसके पार पहुँच चुके थे।"

श्लोक 43 (devibhagavatam.5.33.43)

गृहीत्वा मां समायातः शिवभक्तैः समर्पिताम् । केतक्या वचनं श्रुत्वा हरिराह स्मयन्निव

gṛhītvā māṁ samāyātaḥ śivabhaktaiḥ samarpitām | ketakyā vacanaṁ śrutvā harirāha smayanniva

"— मुझे लेकर वे यहाँ आए हैं, शिवभक्तों द्वारा अर्पित।" केतकी के इस वचन को सुनकर हरि ने मानो मुस्कुराते हुए कहा —

श्लोक 44 (devibhagavatam.5.33.44)

महादेवः प्रमाणं मे यद्यसौ वचनं वदेत् । ऋषिरुवाच । तदाकर्ण्य हरेर्वाक्यं महादेवः सनातनः

mahādevaḥ pramāṇaṁ me yadyasau vacanaṁ vadet | ṛṣiruvāca | tadākarṇya harervākyaṁ mahādevaḥ sanātanaḥ

"यदि साक्षात् महादेव यह बात कहें, तो ही मेरे लिए वह प्रमाण होगी।" ऋषि ने कहा — हरि का यह वचन सुनकर सनातन महादेव —

श्लोक 45 (devibhagavatam.5.33.45)

कुपितः केतकीं प्राह मिथ्यावादिनि मा वद । गच्छतो मध्यतः प्राप्ता पतिता मस्तकान्मम

kupitaḥ ketakīṁ prāha mithyāvādini mā vada | gacchato madhyataḥ prāptā patitā mastakānmama

— क्रुद्ध होकर केतकी से बोले — "झूठ मत बोल! तू तो मार्ग के मध्य में ही प्राप्त हुई थी, मेरे मस्तक से गिरकर —"

श्लोक 46 (devibhagavatam.5.33.46)

मिथ्याभिभाषिणी त्यक्ता मया त्वं सर्वदैव हि । ब्रह्मा लज्जापरो भूत्वा ननाम मधुसूदनम्

mithyābhibhāṣiṇī tyaktā mayā tvaṁ sarvadaiva hi | brahmā lajjāparo bhūtvā nanāma madhusūdanam

"— झूठ बोलने वाली तुझे मैं सदा के लिए त्याग देता हूँ।" ब्रह्मा लज्जित होकर मधुसूदन विष्णु के आगे झुक गए।

श्लोक 47 (devibhagavatam.5.33.47)

शिवेन केतकी त्यक्ता तद्दिनात्कुसुमेषु वै । एवं मायाबलं विद्धि ज्ञानिनामपि मोहदम्

śivena ketakī tyaktā taddinātkusumeṣu vai | evaṁ māyābalaṁ viddhi jñānināmapi mohadam

उसी दिन से शिव द्वारा त्यागी गई केतकी पुष्पों में अलग रखी जाती है। इस प्रकार जान लो — माया का बल ज्ञानियों को भी मोहित कर देता है।

श्लोक 48 (devibhagavatam.5.33.48)

अन्येषां प्राणिनां राजन् का वार्ता विभ्रमं प्रति । देवानां कार्यसिद्ध्यर्थं सर्वदैव रमापतिः

anyeṣāṁ prāṇināṁ rājan kā vārtā vibhramaṁ prati | devānāṁ kāryasiddhyarthaṁ sarvadaiva ramāpatiḥ

"हे राजन्! अन्य प्राणियों के भ्रम की तो बात ही क्या — देवताओं के कार्य की सिद्धि के लिए स्वयं रमापति विष्णु सदा ही —"

श्लोक 49 (devibhagavatam.5.33.49)

दैत्यान्वञ्चयते चाशु त्यक्त्वा पापभयं हरिः । अवतारकरो देवो नानायोनिषु माधवः

daityānvañcayate cāśu tyaktvā pāpabhayaṁ hariḥ | avatārakaro devo nānāyoniṣu mādhavaḥ

"— पाप का भय त्यागकर दैत्यों को शीघ्र छल लेते हैं; अनेक योनियों में अवतार लेने वाले देव माधव —"

श्लोक 50 (devibhagavatam.5.33.50)

त्यक्त्वानन्दसुखं दैत्यैर्युद्धं चैवाकरोद्विभुः । नूनं मायाबलं चैतन्माधवेऽपि जगद्गुरौ

tyaktvānandasukhaṁ daityairyuddhaṁ caivākarodvibhuḥ | nūnaṁ māyābalaṁ caitanmādhave'pi jagadgurau

"— आनंद-सुख त्यागकर दैत्यों से युद्ध भी करते हैं। यह निश्चय ही जगद्गुरु माधव में भी माया का ही बल है।"

श्लोक 51 (devibhagavatam.5.33.51)

सर्वज्ञे देवकार्यांशे का वार्तान्यस्य भूपते । ज्ञानिनामपि चेतांसि परमा प्रकृतिः किल

sarvajñe devakāryāṁśe kā vārtānyasya bhūpate | jñānināmapi cetāṁsi paramā prakṛtiḥ kila

"हे भूपते! जब सर्वज्ञ भी देवकार्य के अंश में बंध जाते हैं, तो अन्य की क्या बात! ज्ञानियों के चित्त को भी परम प्रकृति ही —"

श्लोक 52 (devibhagavatam.5.33.52)

बलादाकृष्य मोहाय प्रयच्छति महीपते । यया व्याप्तमिदं सर्वं भगवत्या चराचरम्

balādākṛṣya mohāya prayacchati mahīpate | yayā vyāptamidaṁ sarvaṁ bhagavatyā carācaram

"— बलपूर्वक खींचकर मोह में डाल देती है, हे महीपते! जिस भगवती से यह संपूर्ण चराचर व्याप्त है —"

श्लोक 53 (devibhagavatam.5.33.53)

मोहदा ज्ञानदा सैव बन्धमोक्षप्रदा सदा । राजोवाच । भगवन्ब्रूहि मे तस्याः स्वरूपं बलमुत्तमम्

mohadā jñānadā saiva bandhamokṣapradā sadā | rājovāca | bhagavanbrūhi me tasyāḥ svarūpaṁ balamuttamam

"— वही मोहदायिनी और ज्ञानदायिनी है, वही सदा बंधन और मोक्ष दोनों देने वाली है।" राजा ने कहा — "हे भगवन्! मुझे उसका स्वरूप और परम बल बताइए —"

श्लोक 54 (devibhagavatam.5.33.54)

उत्पत्तिकारणं वापि स्थानं परमकं च यत् । ऋषिरुवाच । न चोत्पत्तिरनादित्वान्नृप तस्याः कदाचन

utpattikāraṇaṁ vāpi sthānaṁ paramakaṁ ca yat | ṛṣiruvāca | na cotpattiranāditvānnṛpa tasyāḥ kadācana

"— और उसकी उत्पत्ति का कारण, तथा उसका जो सर्वोच्च स्थान है, वह भी।" ऋषि ने कहा — "हे राजन्! वह अनादि होने से उसकी उत्पत्ति कभी नहीं हुई —"

श्लोक 55 (devibhagavatam.5.33.55)

नित्यैव सा परा देवी कारणानां च कारणम् । वर्तते सर्वभूतेषु शक्तिः सर्वात्मना नृप

nityaiva sā parā devī kāraṇānāṁ ca kāraṇam | vartate sarvabhūteṣu śaktiḥ sarvātmanā nṛpa

"— वह परा देवी नित्य ही है, कारणों का भी कारण है। हे राजन्! शक्ति के रूप में वह सभी प्राणियों में सर्वात्मना विद्यमान रहती है।"

श्लोक 56 (devibhagavatam.5.33.56)

शववच्छक्तिहीनस्तु प्राणी भवति सर्वथा । चिच्छक्तिः सर्वभूतेषु रूपं तस्यास्तदेव हि

śavavacchaktihīnastu prāṇī bhavati sarvathā | cicchaktiḥ sarvabhūteṣu rūpaṁ tasyāstadeva hi

"उससे रहित प्राणी सर्वथा शव के समान शक्तिहीन हो जाता है। सभी प्राणियों में विद्यमान चित्-शक्ति ही उसका स्वरूप है।"

श्लोक 57 (devibhagavatam.5.33.57)

आविर्भावतिरोभावौ देवानां कार्यसिद्धये । यदा स्तुवन्ति तां देवा मनुजाश्च विशाम्पते

āvirbhāvatirobhāvau devānāṁ kāryasiddhaye | yadā stuvanti tāṁ devā manujāśca viśāmpate

"उसका आविर्भाव और तिरोभाव देवताओं के कार्य की सिद्धि के लिए ही होता है। हे विशांपते! जब देवता और मनुष्य उसकी स्तुति करते हैं —"

श्लोक 58 (devibhagavatam.5.33.58)

प्रादुर्भवति भूतानां दुःखनाशाय चाम्बिका । नानारूपधरा देवी नानाशक्तिसमन्विता

prādurbhavati bhūtānāṁ duḥkhanāśāya cāmbikā | nānārūpadharā devī nānāśaktisamanvitā

"— तब प्राणियों के दुःख का नाश करने के लिए अंबिका प्रकट होती हैं — अनेक रूप धारण करने वाली, अनेक शक्तियों से युक्त देवी।"

श्लोक 59 (devibhagavatam.5.33.59)

आविर्भवति कार्यार्थं स्वेच्छया परमेश्वरी । दैवाधीना न सा देवी यथा सर्वे सुरा नृप

āvirbhavati kāryārthaṁ svecchayā parameśvarī | daivādhīnā na sā devī yathā sarve surā nṛpa

"वह परमेश्वरी अपनी इच्छा से ही कार्य के लिए प्रकट होती है — हे राजन्! अन्य सभी देवताओं की भाँति वह देवी दैव के अधीन नहीं है।"

श्लोक 60 (devibhagavatam.5.33.60)

न कालवशगा नित्यं पुरुषार्थप्रवर्तिनी । अकर्ता पुरुषो द्रष्टा दृश्यं सर्वमिदं जगत्

na kālavaśagā nityaṁ puruṣārthapravartinī | akartā puruṣo draṣṭā dṛśyaṁ sarvamidaṁ jagat

"वह काल के वश में नहीं है, वह नित्य ही पुरुषार्थ को प्रवृत्त करने वाली है। पुरुष अकर्ता, केवल द्रष्टा है; यह संपूर्ण जगत केवल दृश्य मात्र है —"

श्लोक 61 (devibhagavatam.5.33.61)

दृश्यस्य जननी सैव देवी सदसदात्मिका । पुरुषं रञ्जयत्येका कृत्वा ब्रह्माण्डनाटकम्

dṛśyasya jananī saiva devī sadasadātmikā | puruṣaṁ rañjayatyekā kṛtvā brahmāṇḍanāṭakam

"— और उस दृश्य की जननी वही देवी है, सत्-असत् दोनों के स्वरूप वाली। वह अकेली ही इस ब्रह्मांड-नाटक को रचकर पुरुष को रंजित करती है।"

श्लोक 62 (devibhagavatam.5.33.62)

रञ्जिते पुरुषे सर्वं संहरत्यतिरंहसा । तया निमित्तभूतास्ते ब्रह्मविष्णुमहेश्वराः

rañjite puruṣe sarvaṁ saṁharatyatiraṁhasā | tayā nimittabhūtāste brahmaviṣṇumaheśvarāḥ

"पुरुष को रंजित करके फिर वह अत्यंत वेग से सब कुछ समेट लेती है। उसी के द्वारा ब्रह्मा, विष्णु और महेश्वर निमित्तमात्र बनाए गए —"

श्लोक 63 (devibhagavatam.5.33.63)

कल्पिताः स्वस्वकार्येषु प्रेरिता लीलया त्वमी । स्वांशं तेषु समारोप्य कृतास्ते बलवत्तराः

kalpitāḥ svasvakāryeṣu preritā līlayā tvamī | svāṁśaṁ teṣu samāropya kṛtāste balavattarāḥ

"— अपने-अपने कार्यों में नियुक्त, उसकी लीला से प्रेरित। उनमें अपना अंश स्थापित करके उसने उन्हें अत्यंत बलवान बनाया।"

श्लोक 64 (devibhagavatam.5.33.64)

दत्ताश्च शक्तयस्तेभ्यो गीर्लक्ष्मीर्गिरिजा तथा । ते तां ध्यायन्ति देवेशा पूजयन्ति परां मुदा

dattāśca śaktayastebhyo gīrlakṣmīrgirijā tathā | te tāṁ dhyāyanti deveśā pūjayanti parāṁ mudā

"उन्हें उसने अपनी-अपनी शक्तियाँ भी दीं — वाणी (सरस्वती), लक्ष्मी और गिरिजा। वे देवेश उसी का ध्यान करते हैं, परम हर्ष से उसकी पूजा करते हैं।"

श्लोक 65 (devibhagavatam.5.33.65)

ज्ञात्वा सर्वेश्वरीं शक्तिं सृष्टिस्थितिविनाशिनीम् । एतत्ते सर्वमाख्यातं देवीमाहात्म्यमुत्तमम् । मम बुद्ध्यनुसारेण नान्तं जानामि भूपते

jñātvā sarveśvarīṁ śaktiṁ sṛṣṭisthitivināśinīm | etatte sarvamākhyātaṁ devīmāhātmyamuttamam | mama buddhyanusāreṇa nāntaṁ jānāmi bhūpate

"इस प्रकार सृष्टि, स्थिति और संहार करने वाली उस सर्वेश्वरी शक्ति को जानकर, यह देवी का सर्वोत्तम माहात्म्य मैंने तुम्हें पूर्णतः बताया। हे भूपते! अपनी बुद्धि के अनुसार भी मैं इसका अंत नहीं जानता।"