युगधर्म-व्यवस्था का वर्णन

श्लोक 1 (devibhagavatam.6.11.1)

जनमेजय उवाच । भारावतारणार्थाय कथितं जन्म कृष्णयोः । संशयोऽयं द्विजश्रेष्ठ हृदये मम तिष्ठति

janamejaya uvāca | bhārāvatāraṇārthāya kathitaṁ janma kṛṣṇayoḥ | saṁśayo'yaṁ dvijaśreṣṭha hṛdaye mama tiṣṭhati

जनमेजय ने कहा — 'आपने पृथ्वी के भार-हरण के लिए दोनों कृष्णों (कृष्ण-अर्जुन) के जन्म का वर्णन किया; परन्तु हे द्विजश्रेष्ठ! यह संदेह मेरे हृदय में बना हुआ है।'

श्लोक 2 (devibhagavatam.6.11.2)

पृथिवी गोस्वरूपेण ब्रह्माणं शरणं गता । द्वापरान्तेऽतिदीनार्ता गुरुभारप्रपीडिता

pṛthivī gosvarūpeṇa brahmāṇaṁ śaraṇaṁ gatā | dvāparānte'tidīnārtā gurubhāraprapīḍitā

'द्वापर के अंत में, अत्यंत दीन और पीड़ित, भारी बोझ से त्रस्त पृथ्वी गौ का रूप धारण कर ब्रह्मा की शरण में गई थी।'

श्लोक 3 (devibhagavatam.6.11.3)

वेधसा प्रार्थितो विष्णुः कमलापतिरीश्वरः । भूभारोत्तारणार्थाय साधूनां रक्षणाय च

vedhasā prārthito viṣṇuḥ kamalāpatirīśvaraḥ | bhūbhārottāraṇārthāya sādhūnāṁ rakṣaṇāya ca

'विधाता ने कमलापति ईश्वर विष्णु से पृथ्वी का भार उतारने और साधुओं की रक्षा के लिए प्रार्थना की थी।'

श्लोक 4 (devibhagavatam.6.11.4)

भगवन् भारते खण्डे देवैः सह जनार्दन । अवतारं गृहाणाशु वसुदेवगृहे विभो

bhagavan bhārate khaṇḍe devaiḥ saha janārdana | avatāraṁ gṛhāṇāśu vasudevagṛhe vibho

'हे भगवन्! हे जनार्दन! देवताओं सहित भारतखण्ड में शीघ्र अवतार लीजिए, हे विभो! वसुदेव के घर में।'

श्लोक 5 (devibhagavatam.6.11.5)

एवं सम्प्रार्थितो धात्रा भगवान्देवकीसुतः । बभूव सह रामेण भूभारोत्तारणाय वै

evaṁ samprārthito dhātrā bhagavāndevakīsutaḥ | babhūva saha rāmeṇa bhūbhārottāraṇāya vai

इस प्रकार विधाता द्वारा प्रार्थना किए जाने पर भगवान् बलराम सहित देवकी-पुत्र बने, पृथ्वी का भार उतारने के लिए ही।

श्लोक 6 (devibhagavatam.6.11.6)

कियानुत्तारितो भारो हत्वा दुष्टाननेकशः । ज्ञात्वा सर्वान्दुराचारान्पापबुद्धिनृपानिह

kiyānuttārito bhāro hatvā duṣṭānanekaśaḥ | jñātvā sarvāndurācārānpāpabuddhinṛpāniha

'दुष्टों को अनेक बार मारकर, यहाँ के सभी दुराचारी और पापबुद्धि राजाओं को जानकर, कितना भार उतारा गया?'

श्लोक 7 (devibhagavatam.6.11.7)

हतो भीष्मो हतो द्रोणो विराटो द्रुपदस्तथा । बाह्लीकः सोमदत्तश्च कर्णो वैकर्तनस्तथा

hato bhīṣmo hato droṇo virāṭo drupadastathā | bāhlīkaḥ somadattaśca karṇo vaikartanastathā

'— भीष्म मारे गए, द्रोण मारे गए, तथा विराट और द्रुपद भी; बाह्लीक, सोमदत्त और वैकर्तन कर्ण भी —'

श्लोक 8 (devibhagavatam.6.11.8)

यैर्लुण्ठितं धनं सर्वं हृताश्च हरियोषितः । कथं न नाशिता दुष्टा ये स्थिताः पृथिवीतले

yairluṇṭhitaṁ dhanaṁ sarvaṁ hṛtāśca hariyoṣitaḥ | kathaṁ na nāśitā duṣṭā ye sthitāḥ pṛthivītale

'— जिनके द्वारा सारा धन लूटा गया और हरि की स्त्रियाँ हरी गईं — पृथ्वी पर शेष रहे वे दुष्ट क्यों नष्ट नहीं किए गए?'

श्लोक 9 (devibhagavatam.6.11.9)

आभीराश्च शका म्लेच्छा निषादाः कोटिशस्तथा । भारावतरणं किं तत्कृतं कृष्णेन धीमता

ābhīrāśca śakā mlecchā niṣādāḥ koṭiśastathā | bhārāvataraṇaṁ kiṁ tatkṛtaṁ kṛṣṇena dhīmatā

'आभीर, शक, म्लेच्छ और निषाद करोड़ों की संख्या में शेष रहे — क्या बुद्धिमान् कृष्ण द्वारा वास्तव में भार-हरण किया गया?'

श्लोक 10 (devibhagavatam.6.11.10)

सन्देहोऽयं महाभाग न निवर्तति चित्ततः । कलावस्मिन्मजाः सर्वाः पश्यतः पापनिश्चयाः

sandeho'yaṁ mahābhāga na nivartati cittataḥ | kalāvasminmajāḥ sarvāḥ paśyataḥ pāpaniścayāḥ

'हे महाभाग! यह संदेह मेरे चित्त से दूर नहीं होता, इस कलियुग में जन्मे सभी प्राणियों को पापनिश्चयी देखकर।'

श्लोक 11 (devibhagavatam.6.11.11)

व्यास उवाच । राजन् यस्मिन्युगे यादृक्प्रजा भवति कालतः । नान्यथा तद्भवेन्नूनं युगधर्मोऽत्र कारणम्

vyāsa uvāca | rājan yasminyuge yādṛkprajā bhavati kālataḥ | nānyathā tadbhavennūnaṁ yugadharmo'tra kāraṇam

व्यास ने कहा — 'हे राजन्! जिस युग में जैसी प्रजा काल के प्रभाव से होती है, वह अन्यथा निश्चय ही नहीं हो सकती — इसमें युगधर्म ही कारण है।'

श्लोक 12 (devibhagavatam.6.11.12)

ये धर्मरसिका जीवास्ते वै सत्ययुगेऽभवन् । धर्मार्थरसिका ये तु ते वै त्रेतायुगेऽभवन्

ye dharmarasikā jīvāste vai satyayuge'bhavan | dharmārtharasikā ye tu te vai tretāyuge'bhavan

'जो जीव केवल धर्म-रसिक थे, वे सत्ययुग में हुए; जो धर्म और अर्थ दोनों में रसिक थे, वे त्रेतायुग में हुए।'

श्लोक 13 (devibhagavatam.6.11.13)

धर्मार्थकामरसिका द्वापरे चाभवन्युगे । अर्थकामपराः सर्वे कलावस्मिन्भवन्ति हि

dharmārthakāmarasikā dvāpare cābhavanyuge | arthakāmaparāḥ sarve kalāvasminbhavanti hi

'जो धर्म, अर्थ और काम तीनों में रसिक थे, वे द्वापरयुग में हुए; और जो केवल अर्थ और काम में लगे हैं, वे इस कलियुग में होते हैं।'

श्लोक 14 (devibhagavatam.6.11.14)

युगधर्मस्तु राजेन्द्र न याति व्यत्ययं पुनः । कालः कर्तास्ति धर्मस्य ह्यधर्मस्य च वै पुनः

yugadharmastu rājendra na yāti vyatyayaṁ punaḥ | kālaḥ kartāsti dharmasya hyadharmasya ca vai punaḥ

'हे राजेन्द्र! युगधर्म कभी विपरीत नहीं होता; काल ही धर्म का और अधर्म का भी कर्ता है।'

श्लोक 15 (devibhagavatam.6.11.15)

राजोवाच । ये तु सत्ययुगे जीवा भवन्ति धर्मतत्पराः । कुत्र तेऽद्य महाभाग तिष्ठन्ति पुण्यभागिनः

rājovāca | ye tu satyayuge jīvā bhavanti dharmatatparāḥ | kutra te'dya mahābhāga tiṣṭhanti puṇyabhāginaḥ

राजा ने कहा — 'सत्ययुग में जो जीव धर्मपरायण हुए, हे महाभाग! वे पुण्यभागी अब कहाँ स्थित हैं?'

श्लोक 16 (devibhagavatam.6.11.16)

त्रेतायुगे द्वापरे वा ये दानव्रतकारकाः । वर्तन्ते मुनयः श्रेष्ठाः कुत्र ब्रूहि पितामह

tretāyuge dvāpare vā ye dānavratakārakāḥ | vartante munayaḥ śreṣṭhāḥ kutra brūhi pitāmaha

'त्रेता अथवा द्वापर में जिन्होंने दान और व्रत किए, वे श्रेष्ठ मुनिगण अब कहाँ हैं? हे पितामह! मुझे बताइए।'

श्लोक 17 (devibhagavatam.6.11.17)

कलावद्य दुराचारा येऽत्र सन्ति गतत्रपाः । आद्ये युगे क्व यास्यन्ति पापिष्ठा देवनिन्दकाः

kalāvadya durācārā ye'tra santi gatatrapāḥ | ādye yuge kva yāsyanti pāpiṣṭhā devanindakāḥ

'और आज कलियुग में जो दुराचारी, निर्लज्ज लोग हैं, वे अत्यंत पापी, देवनिंदक, आद्ययुग (सत्ययुग) में कहाँ जाएँगे?'

श्लोक 18 (devibhagavatam.6.11.18)

एतत्सर्वं समाचक्ष्व विस्तरेण महामते । सर्वथा श्रोतुकामोऽस्मि यदेतद्धर्मनिर्णयम्

etatsarvaṁ samācakṣva vistareṇa mahāmate | sarvathā śrotukāmo'smi yadetaddharmanirṇayam

'हे महामते! यह सब मुझे विस्तार से बताइए; मैं इस धर्मनिर्णय को सुनने का सर्वथा इच्छुक हूँ।'

श्लोक 19 (devibhagavatam.6.11.19)

व्यास उवाच । ये वै कृतयुगे राजन् सम्भवन्तीह मानवाः । कृत्वा ते पुण्यकर्माणि देवलोकान्व्रजन्ति वै

vyāsa uvāca | ye vai kṛtayuge rājan sambhavantīha mānavāḥ | kṛtvā te puṇyakarmāṇi devalokānvrajanti vai

व्यास ने कहा — 'हे राजन्! जो मनुष्य कृतयुग में यहाँ जन्म लेते हैं, वे पुण्यकर्म करके देवलोकों को जाते हैं।'

श्लोक 20 (devibhagavatam.6.11.20)

ब्राह्मणाः क्षत्रिया वैश्याः शूद्राश्च नृपसत्तम । स्वधर्मनिरता यान्ति लोकान्कर्मजितान्किल

brāhmaṇāḥ kṣatriyā vaiśyāḥ śūdrāśca nṛpasattama | svadharmaniratā yānti lokānkarmajitānkila

'हे नृपसत्तम! ब्राह्मण, क्षत्रिय, वैश्य और शूद्र, स्वधर्मपरायण होकर, अपने कर्मों से जीते हुए लोकों को प्राप्त होते हैं।'

श्लोक 21 (devibhagavatam.6.11.21)

सत्यं दया तथा दानं स्वदारगमनं तथा । अद्रोहः सर्वभूतेषु समता सर्वजन्तुषु

satyaṁ dayā tathā dānaṁ svadāragamanaṁ tathā | adrohaḥ sarvabhūteṣu samatā sarvajantuṣu

'सत्य, दया, दान, तथा स्वदार-गमन (केवल अपनी पत्नी के प्रति निष्ठा); समस्त प्राणियों के प्रति अद्रोह, सब जीवों के प्रति समता —'

श्लोक 22 (devibhagavatam.6.11.22)

एतत्साधारणं धर्मं कृत्वा सत्ययुगे पुनः । स्वर्गं यान्तीतरे वर्णा धर्मतो रजकादयः

etatsādhāraṇaṁ dharmaṁ kṛtvā satyayuge punaḥ | svargaṁ yāntītare varṇā dharmato rajakādayaḥ

'— यह सामान्य धर्म पालन कर, सत्ययुग में अन्य वर्ण भी, धोबी आदि भी, धर्म के कारण स्वर्ग को जाते हैं।'

श्लोक 23 (devibhagavatam.6.11.23)

तथा त्रेतायुगे राजन् द्वापरेऽथ युगे तथा । कलावस्मिन्युगे पापा नरकं यान्ति मानवाः

tathā tretāyuge rājan dvāpare'tha yuge tathā | kalāvasminyuge pāpā narakaṁ yānti mānavāḥ

'हे राजन्! उसी प्रकार त्रेतायुग में, द्वापरयुग में, और इस कलियुग में भी, पापी मनुष्य नरक को जाते हैं।'

श्लोक 24 (devibhagavatam.6.11.24)

तावत्तिष्ठन्ति ते तत्र यावत्स्याद्युगपर्ययः । पुनश्च मानुषे लोके भवन्ति भुवि मानवाः

tāvattiṣṭhanti te tatra yāvatsyādyugaparyayaḥ | punaśca mānuṣe loke bhavanti bhuvi mānavāḥ

'वे वहाँ तब तक रहते हैं, जब तक युग-परिवर्तन नहीं होता; उसके पश्चात् वे पुनः पृथ्वी पर मानव-लोक में जन्म लेते हैं।'

श्लोक 25 (devibhagavatam.6.11.25)

यदा सत्ययुगस्यादिः कलेरन्तश्च पार्थिव । तदा स्वर्गात्पुण्यकृतो जायन्ते किल मानवाः

yadā satyayugasyādiḥ kalerantaśca pārthiva | tadā svargātpuṇyakṛto jāyante kila mānavāḥ

'हे पार्थिव! जब सत्ययुग का आरम्भ और कलियुग का अंत होता है, तब स्वर्ग से पुण्यकर्मी मनुष्य जन्म लेते हैं।'

श्लोक 26 (devibhagavatam.6.11.26)

यदा कलियुगस्यादिर्द्वापरस्य क्षयस्तथा । नरकात्पापिनः सर्वे भवन्ति भुवि मानवाः

yadā kaliyugasyādirdvāparasya kṣayastathā | narakātpāpinaḥ sarve bhavanti bhuvi mānavāḥ

'जब कलियुग का आरंभ और द्वापर का अंत होता है, तब सभी पापी नरक से पृथ्वी पर मनुष्य बनकर जन्म लेते हैं।'

श्लोक 27 (devibhagavatam.6.11.27)

एवं कालसमाचारो नान्यथाभूत्कदाचन । तस्मात्कलिरसत्कर्ता तस्मिंस्तु तादृशी प्रजा

evaṁ kālasamācāro nānyathābhūtkadācana | tasmātkalirasatkartā tasmiṁstu tādṛśī prajā

'इसी प्रकार काल का सामान्य क्रम है; यह कभी अन्यथा नहीं हुआ। अतः कलि असत् का कर्ता है, और उसमें वैसी ही प्रजा होती है।'

श्लोक 28 (devibhagavatam.6.11.28)

कदाचिद्दैवयोगात्तु प्राणिनां व्यत्ययो भवेत् । कलौ ये साधवः केचिद्द्वापरे सम्भवन्ति ते

kadāciddaivayogāttu prāṇināṁ vyatyayo bhavet | kalau ye sādhavaḥ keciddvāpare sambhavanti te

'कभी-कभी दैवयोग से प्राणियों में अपवाद भी होता है; कलियुग में जो कुछ साधुजन होते हैं, वे द्वापर से आए हुए होते हैं।'

श्लोक 29 (devibhagavatam.6.11.29)

तथा त्रेतायुगे केचित्केचित्सत्ययुगे तथा । दुष्टाः सत्ययुगे ये तु ते भवन्ति कलावपि

tathā tretāyuge kecitkecitsatyayuge tathā | duṣṭāḥ satyayuge ye tu te bhavanti kalāvapi

'उसी प्रकार कुछ त्रेतायुग से, और कुछ सत्ययुग से भी आए होते हैं; और सत्ययुग में भी जो दुष्ट थे, वे कलियुग में भी होते हैं।'

श्लोक 30 (devibhagavatam.6.11.30)

कृतकर्मप्रभावेण प्राप्नुवन्त्यसुखानि च । पुनश्च तादृशं कर्म कुर्वन्ति युगभावतः

kṛtakarmaprabhāveṇa prāpnuvantyasukhāni ca | punaśca tādṛśaṁ karma kurvanti yugabhāvataḥ

'अपने पूर्वकृत कर्मों के प्रभाव से वे दुःख प्राप्त करते हैं; और युग के स्वभाव के वश में होकर पुनः वैसे ही कर्म करते हैं।'

श्लोक 31 (devibhagavatam.6.11.31)

जनमेजय उवाच । युगधर्मान्महाभाग ब्रूहि सर्वानशेषतः । यस्मिन्वै यादृशो धर्मो ज्ञातुमिच्छामि तं तथा

janamejaya uvāca | yugadharmānmahābhāga brūhi sarvānaśeṣataḥ | yasminvai yādṛśo dharmo jñātumicchāmi taṁ tathā

जनमेजय ने कहा — 'हे महाभाग! युगधर्मों को सम्पूर्णता से मुझे बताइए; जिस युग में जैसा धर्म हो, मैं उसे उसी प्रकार जानना चाहता हूँ।'

श्लोक 32 (devibhagavatam.6.11.32)

व्यास उवाच । निबोध नृपशार्दूल दृष्टान्तं ते ब्रवीम्यहम् । साधूनामपि चेतांसि युगभावाद्भ्रमन्ति हि

vyāsa uvāca | nibodha nṛpaśārdūla dṛṣṭāntaṁ te bravīmyaham | sādhūnāmapi cetāṁsi yugabhāvādbhramanti hi

व्यास ने कहा — 'हे नृपशार्दूल! समझो, मैं तुम्हें एक दृष्टान्त बताता हूँ। साधुओं का चित्त भी युग के स्वभाव से भ्रमित हो जाता है।'

श्लोक 33 (devibhagavatam.6.11.33)

पितुर्यथा ते राजेन्द्र वुद्धिर्विप्रावहेलने । कृता वै कलिना राजन् धर्मज्ञस्य महात्मनः

pituryathā te rājendra vuddhirviprāvahelane | kṛtā vai kalinā rājan dharmajñasya mahātmanaḥ

'हे राजेन्द्र! जिस प्रकार तुम्हारे पिता की बुद्धि ब्राह्मण की अवहेलना में लगी — हे राजन्! यह कलि ने ही उस धर्मज्ञ महात्मा में कराया।'

श्लोक 34 (devibhagavatam.6.11.34)

अन्यथा क्षत्रियो राजा ययातिकुलसम्भवः । तापसस्य गले सर्पं मृतं कस्मादयोजयत्

anyathā kṣatriyo rājā yayātikulasambhavaḥ | tāpasasya gale sarpaṁ mṛtaṁ kasmādayojayat

'अन्यथा, ययाति-कुल में उत्पन्न वह क्षत्रिय राजा किसी तपस्वी के गले में मृत सर्प क्यों डालता?'

श्लोक 35 (devibhagavatam.6.11.35)

सर्वं युगबलं राजन्वेदितव्यं विजानता । प्रयत्नेन हि कर्तव्यं धर्मकर्म विशेषतः

sarvaṁ yugabalaṁ rājanveditavyaṁ vijānatā | prayatnena hi kartavyaṁ dharmakarma viśeṣataḥ

'हे राजन्! यह सब युग का बल ही समझना चाहिए, जो जानता हो; अतः धर्मकर्म को विशेष प्रयत्न से ही करना चाहिए।'

श्लोक 36 (devibhagavatam.6.11.36)

नूनं सत्ययुगे राजन् ब्राह्मणा वेदपारगाः । पराशक्त्यर्चनरता देवीदर्शनलालसाः

nūnaṁ satyayuge rājan brāhmaṇā vedapāragāḥ | parāśaktyarcanaratā devīdarśanalālasāḥ

'हे राजन्! निश्चय ही सत्ययुग में ब्राह्मण वेदपारंगत थे, परा शक्ति की अर्चना में रत, देवी-दर्शन के लालायित।'

श्लोक 37 (devibhagavatam.6.11.37)

गायत्रीप्रणवासक्ता गायत्रीध्यानकारिणः । गायत्रीजपसंसक्ता मायाबीजैकजापिनः

gāyatrīpraṇavāsaktā gāyatrīdhyānakāriṇaḥ | gāyatrījapasaṁsaktā māyābījaikajāpinaḥ

'गायत्री और प्रणव में आसक्त, गायत्री का ध्यान करने वाले, गायत्री-जप में लगे हुए, माया-बीज मंत्र के एकनिष्ठ जापक —'

श्लोक 38 (devibhagavatam.6.11.38)

ग्रामे ग्रामे पराम्बायाः प्रासादकरणोत्सुकाः । स्वकर्मनिरताः सर्वे सत्यशौचदयान्विताः

grāme grāme parāmbāyāḥ prāsādakaraṇotsukāḥ | svakarmaniratāḥ sarve satyaśaucadayānvitāḥ

'— हर गाँव-गाँव में परमाम्बा के मंदिर बनवाने के उत्सुक; सभी अपने-अपने कर्मों में रत, सत्य, शुचिता और दया से युक्त।'

श्लोक 39 (devibhagavatam.6.11.39)

त्रय्युक्तकर्मनिरतास्तत्त्वज्ञानविशारदाः । अभवन्क्षत्रियास्तत्र प्रजाभरणतत्पराः

trayyuktakarmaniratāstattvajñānaviśāradāḥ | abhavankṣatriyāstatra prajābharaṇatatparāḥ

'त्रयी-विहित कर्मों में रत, तत्त्वज्ञान में निपुण; वहाँ क्षत्रिय प्रजापालन में तत्पर थे।'

श्लोक 40 (devibhagavatam.6.11.40)

वैश्यास्तु कृषिवाणिज्यगोसेवानिरतास्तथा । शूद्राः सेवापरास्तत्र पुण्ये सत्ययुगे नृप

vaiśyāstu kṛṣivāṇijyagosevāniratāstathā | śūdrāḥ sevāparāstatra puṇye satyayuge nṛpa

'वैश्य कृषि, वाणिज्य और गोसेवा में रत थे; और हे राजन्! उस पुण्यमय सत्ययुग में शूद्र सेवापरायण थे।'

श्लोक 41 (devibhagavatam.6.11.41)

पराम्बापूजनासक्ताः सर्वे वर्णाः परे युगे । तथा त्रेतायुगे किञ्चिन्न्यूना धर्मस्य संस्थितिः

parāmbāpūjanāsaktāḥ sarve varṇāḥ pare yuge | tathā tretāyuge kiñcinnyūnā dharmasya saṁsthitiḥ

'उस प्रथम युग में सभी वर्ण परमाम्बा की पूजा में आसक्त थे। त्रेतायुग में धर्म की स्थिति कुछ न्यून हो गई।'

श्लोक 42 (devibhagavatam.6.11.42)

द्वापरे च विशेषेण न्यूना सत्ययुगस्थितिः । पूर्वं ये राक्षसा राजन् ते कलौ ब्राह्मणाः स्मृताः

dvāpare ca viśeṣeṇa nyūnā satyayugasthitiḥ | pūrvaṁ ye rākṣasā rājan te kalau brāhmaṇāḥ smṛtāḥ

'और द्वापर में सत्ययुग की स्थिति विशेष रूप से न्यून हो गई; हे राजन्! जो पूर्व में राक्षस थे, वे ही कलियुग में ब्राह्मण कहलाते हैं।'

श्लोक 43 (devibhagavatam.6.11.43)

पाखण्डनिरताः प्रायो भवन्ति जनवञ्चकाः । असत्यवादिनः सर्वे वेदधर्मविवर्जिताः

pākhaṇḍaniratāḥ prāyo bhavanti janavañcakāḥ | asatyavādinaḥ sarve vedadharmavivarjitāḥ

'वे प्रायः पाखण्ड में रत, जनता को छलने वाले होते हैं; सभी असत्यभाषी, वेद-धर्म से रहित।'

श्लोक 44 (devibhagavatam.6.11.44)

दाम्भिका लोकचतुरा मानिनो वेदवर्जिताः । शूद्रसेवापराः केचिन्नानाधर्मप्रवर्तकाः

dāmbhikā lokacaturā mānino vedavarjitāḥ | śūdrasevāparāḥ kecinnānādharmapravartakāḥ

'दंभी, लोक-चतुर, अभिमानी, वेदविहीन; कुछ शूद्र-सेवा में रत, नाना प्रकार के अधर्म-प्रवर्तक।'

श्लोक 45 (devibhagavatam.6.11.45)

वेदनिन्दाकराः क्रूरा धर्मभ्रष्टातिवादुकाः । यथा यथा कलिर्वृद्धिं याति राजंस्तथा तथा

vedanindākarāḥ krūrā dharmabhraṣṭātivādukāḥ | yathā yathā kalirvṛddhiṁ yāti rājaṁstathā tathā

'वेद-निंदा करने वाले, क्रूर, धर्मभ्रष्ट, अत्यंत विवादी; हे राजन्! जैसे-जैसे कलि की वृद्धि होती है, वैसे-वैसे यह और बढ़ता जाता है।'

श्लोक 46 (devibhagavatam.6.11.46)

धर्मस्य सत्यमूलस्य क्षयः सर्वात्मना भवेत् । तथैव क्षत्रिया वैश्याः शूद्राश्च धर्मवर्जिताः

dharmasya satyamūlasya kṣayaḥ sarvātmanā bhavet | tathaiva kṣatriyā vaiśyāḥ śūdrāśca dharmavarjitāḥ

'सत्यमूलक धर्म का क्षय सर्वात्मना हो जाता है; उसी प्रकार क्षत्रिय, वैश्य और शूद्र भी धर्मरहित हो जाते हैं।'

श्लोक 47 (devibhagavatam.6.11.47)

असत्यवादिनः पापास्तथा वर्णेतराः कलौ । शूद्रधर्मरता विप्राः प्रतिग्रहपरायणाः

asatyavādinaḥ pāpāstathā varṇetarāḥ kalau | śūdradharmaratā viprāḥ pratigrahaparāyaṇāḥ

'असत्यभाषी, पापी, तथा वर्णबाह्य लोग भी कलियुग में; ब्राह्मण शूद्रधर्म में रत, केवल दान ग्रहण करने में तत्पर।'

श्लोक 48 (devibhagavatam.6.11.48)

भविष्यन्ति कलौ राजन् युगे वृद्धिं गताः किल । कामचाराः स्त्रियः कामलोभमोहसमन्विताः

bhaviṣyanti kalau rājan yuge vṛddhiṁ gatāḥ kila | kāmacārāḥ striyaḥ kāmalobhamohasamanvitāḥ

'हे राजन्! कलियुग की वृद्धि होने पर ये सब होंगे; स्त्रियाँ स्वच्छन्दाचारिणी होंगी, काम-लोभ-मोह से युक्त।'

श्लोक 49 (devibhagavatam.6.11.49)

पापा मिथ्याभिवादिन्यः सदा क्लेशरता नृप । स्वभर्तृवञ्जका नित्यं धर्मभाषणपण्डिताः

pāpā mithyābhivādinyaḥ sadā kleśaratā nṛpa | svabhartṛvañjakā nityaṁ dharmabhāṣaṇapaṇḍitāḥ

'हे राजन्! पापिनी, मिथ्याभाषिणी, सदा क्लेशरत; अपने पति को नित्य छलने वाली, परन्तु धर्म की बातें कहने में पंडित।'

श्लोक 50 (devibhagavatam.6.11.50)

भवन्त्येवंविधा नार्यः पापिष्ठाश्च कलौ युगे । आहारशुद्।ह्ध्या नृपते चित्तशुद्धिस्तु जायते

bhavantyevaṁvidhā nāryaḥ pāpiṣṭhāśca kalau yuge | āhāraśud|hdhyā nṛpate cittaśuddhistu jāyate

'ऐसी ही स्त्रियाँ, अत्यंत पापिष्ठा, कलियुग में होंगी। हे नृपते! आहार-शुद्धि से ही चित्त-शुद्धि उत्पन्न होती है।'

श्लोक 51 (devibhagavatam.6.11.51)

शुद्धे चित्ते प्रकाशः स्याद्धर्मस्य नृपसत्तम । वृत्तसङ्करदोषेण जायते धर्मसङ्करः

śuddhe citte prakāśaḥ syāddharmasya nṛpasattama | vṛttasaṅkaradoṣeṇa jāyate dharmasaṅkaraḥ

'हे नृपसत्तम! शुद्ध चित्त में ही धर्म का प्रकाश होता है; आचार-संकर के दोष से धर्म-संकर उत्पन्न होता है।'

श्लोक 52 (devibhagavatam.6.11.52)

धर्मस्य सङ्करे जाते नूनं स्याद्वर्णसङ्करः । एवं कलियुगे भूप सर्वधर्मविवर्जिते

dharmasya saṅkare jāte nūnaṁ syādvarṇasaṅkaraḥ | evaṁ kaliyuge bhūpa sarvadharmavivarjite

'धर्म का संकर होने पर निश्चय ही वर्णसंकर उत्पन्न होता है। हे भूप! इस प्रकार समस्त धर्म से रहित कलियुग में —'

श्लोक 53 (devibhagavatam.6.11.53)

स्ववर्णधर्मवार्तैषा न कुत्राप्युपलभ्यते । महान्तोऽपि च धर्मज्ञा अधर्मं कुर्वते नृप

svavarṇadharmavārtaiṣā na kutrāpyupalabhyate | mahānto'pi ca dharmajñā adharmaṁ kurvate nṛpa

'— अपने वर्ण-धर्म का यह ज्ञान कहीं भी उपलब्ध नहीं होता; हे राजन्! महान् धर्मज्ञ भी अधर्म करते हैं।'

श्लोक 54 (devibhagavatam.6.11.54)

कलिस्वभाव एवैष परिहार्यो न केनचित् । तस्मादत्र मनुष्याणां स्वभावात्पापकारिणाम्

kalisvabhāva evaiṣa parihāryo na kenacit | tasmādatra manuṣyāṇāṁ svabhāvātpāpakāriṇām

'यह तो कलि का स्वभाव ही है, जिसे कोई भी टाल नहीं सकता; अतः यहाँ स्वभावतः पाप करने वाले मनुष्यों के लिए —'

श्लोक 55 (devibhagavatam.6.11.55)

निष्कृतिर्न हि राजेन्द्र सामान्योपायतो भवेत् । जनमेजय उवाच । भगवन्सर्वधर्मज्ञ सर्वशास्त्रविशारद

niṣkṛtirna hi rājendra sāmānyopāyato bhavet | janamejaya uvāca | bhagavansarvadharmajña sarvaśāstraviśārada

'— हे राजेन्द्र! सामान्य उपाय से कोई प्रायश्चित्त नहीं होता।' जनमेजय ने कहा — 'हे भगवन्! हे सर्वधर्मज्ञ! हे सर्वशास्त्रविशारद!'

श्लोक 56 (devibhagavatam.6.11.56)

कलावधर्मबहुले नराणां का गतिर्भवेत् । यद्यस्ति तदुपायश्चेद्दयया तं वदस्व मे

kalāvadharmabahule narāṇāṁ kā gatirbhavet | yadyasti tadupāyaśceddayayā taṁ vadasva me

'— इस अधर्म-बहुल कलियुग में मनुष्यों की क्या गति होगी? यदि कोई उपाय हो, तो दया करके मुझे बताइए।'

श्लोक 57 (devibhagavatam.6.11.57)

व्यास उवाच । एक एव महाराज तत्रोपायोऽस्ति नापरः । सर्वदोषनिरासार्थं ध्यायेद्देवीपदाम्बुजम्

vyāsa uvāca | eka eva mahārāja tatropāyo'sti nāparaḥ | sarvadoṣanirāsārthaṁ dhyāyeddevīpadāmbujam

व्यास ने कहा — 'हे महाराज! इसका एक ही उपाय है, दूसरा नहीं; समस्त दोषों के निवारण के लिए देवी के चरणकमल का ध्यान करना चाहिए।'

श्लोक 58 (devibhagavatam.6.11.58)

न सन्त्यघानि तावन्ति यावती शक्तिरस्ति हि । नास्ति देव्याः पापदाहे तस्माद्भीतिः कुतो नृप

na santyaghāni tāvanti yāvatī śaktirasti hi | nāsti devyāḥ pāpadāhe tasmādbhītiḥ kuto nṛpa

'पाप उतने नहीं हैं, जितनी शक्ति विद्यमान है; देवी को पाप जलाने में कोई भय नहीं है, अतः हे राजन्! भय कहाँ से हो?'

श्लोक 59 (devibhagavatam.6.11.59)

अवशेनापि यन्नाम लीलयोच्चारितं यदि । किं किं ददाति तज्ज्ञातुं समर्था न हरादयः

avaśenāpi yannāma līlayoccāritaṁ yadi | kiṁ kiṁ dadāti tajjñātuṁ samarthā na harādayaḥ

'यदि उनका नाम अनजाने में भी, लीलामात्र से भी उच्चारित हो जाए, तो वह क्या-क्या फल देता है — यह जानने में हर आदि देवता भी समर्थ नहीं हैं।'

श्लोक 60 (devibhagavatam.6.11.60)

प्रायश्चित्तं तु पापानां श्रीदेवीनामसंस्मृतिः । तस्मात्कलिभयाद्राजन् पुण्यक्षेत्रे वसेन्नरः

prāyaścittaṁ tu pāpānāṁ śrīdevīnāmasaṁsmṛtiḥ | tasmātkalibhayādrājan puṇyakṣetre vasennaraḥ

'पापों का प्रायश्चित्त श्रीदेवी के नाम का स्मरण ही है; अतः हे राजन्! कलि के भय से मनुष्य को पुण्यक्षेत्र में निवास करना चाहिए।'

श्लोक 61 (devibhagavatam.6.11.61)

निरन्तरं पराम्बाया नामसंस्मरणं चरेत् । छित्त्वा भित्त्वा च भूतानि हत्वा सर्वमिदं जगत्

nirantaraṁ parāmbāyā nāmasaṁsmaraṇaṁ caret | chittvā bhittvā ca bhūtāni hatvā sarvamidaṁ jagat

'निरंतर परमाम्बा के नाम का स्मरण करना चाहिए; इस समस्त जगत् को काटकर, तोड़कर और मारकर भी —'

श्लोक 62 (devibhagavatam.6.11.62)

देवीं नमति भक्त्या यो न स पापैर्विलिप्यते । रहस्यं सर्वशास्त्राणां मया राजन्नुदीरितम्

devīṁ namati bhaktyā yo na sa pāpairvilipyate | rahasyaṁ sarvaśāstrāṇāṁ mayā rājannudīritam

'— यदि वह भक्तिपूर्वक देवी को नमन करे, तो वह पापों से लिप्त नहीं होता। हे राजन्! समस्त शास्त्रों का यह रहस्य मेरे द्वारा कहा गया।'

श्लोक 63 (devibhagavatam.6.11.63)

विमृश्यैतदशेषेण भज देवीपदाम्बुजम् । अजपां नाम गायत्रीं जपन्ति निखिला जनाः

vimṛśyaitadaśeṣeṇa bhaja devīpadāmbujam | ajapāṁ nāma gāyatrīṁ japanti nikhilā janāḥ

'इसे पूर्णतः विचार कर देवी के चरणकमल का भजन करो। समस्त लोग अजपा नामक गायत्री का जप करते हैं —'

श्लोक 64 (devibhagavatam.6.11.64)

महिमानं न जानन्ति मायाया वैभवं महत् । गायत्रीं ब्राह्मणाः सर्वे जपन्ति हृदयान्तरे

mahimānaṁ na jānanti māyāyā vaibhavaṁ mahat | gāyatrīṁ brāhmaṇāḥ sarve japanti hṛdayāntare

'— फिर भी वे उसकी महिमा, माया के महान् वैभव को नहीं जानते। सभी ब्राह्मण हृदय के भीतर गायत्री का जप करते हैं —'

श्लोक 65 (devibhagavatam.6.11.65)

महिमानं न जानन्ति मायाया वैभवं महत् । एतत्सर्वं समाख्यातं यत्पृष्टं तत्त्वया नृप । युगधर्मव्यवस्थायां किं भूयः श्रोतुमिच्छसि

mahimānaṁ na jānanti māyāyā vaibhavaṁ mahat | etatsarvaṁ samākhyātaṁ yatpṛṣṭaṁ tattvayā nṛpa | yugadharmavyavasthāyāṁ kiṁ bhūyaḥ śrotumicchasi

'— फिर भी उसकी महिमा, माया के महान् वैभव को नहीं जानते। हे राजन्! जो कुछ आपने मुझसे पूछा था, वह सब कह दिया गया; युगधर्म-व्यवस्था के विषय में और क्या सुनना चाहते हैं?'