वसिष्ठ के मैत्रावरुणि नाम की कथा

श्लोक 1 (devibhagavatam.6.14.1)

जनमेजय उवाच । मैत्रावरुणिरित्युक्तं नाम तस्य मुनेः कथम् । वसिष्ठस्य महाभाग ब्रह्मणस्तनुजस्य ह

janamejaya uvāca | maitrāvaruṇirityuktaṁ nāma tasya muneḥ katham | vasiṣṭhasya mahābhāga brahmaṇastanujasya ha

जनमेजय ने कहा — हे महाभाग! ब्रह्मा के पुत्र उन मुनि वसिष्ठ का नाम मैत्रावरुणि कैसे पड़ा?

श्लोक 2 (devibhagavatam.6.14.2)

किमसौ कर्मतो नाम प्राप्तवान् गुणतस्तथा । ब्रूहि मे वदतांश्रेष्ठ कारणं तस्य नामजम्

kimasau karmato nāma prāptavān guṇatastathā | brūhi me vadatāṁśreṣṭha kāraṇaṁ tasya nāmajam

क्या उन्हें यह नाम किसी कर्म से मिला, या किसी गुण से? हे वक्ताओं में श्रेष्ठ! मुझसे उनके नाम का कारण कहिए।

श्लोक 3 (devibhagavatam.6.14.3)

व्यास उवाच । निबोध नृपतिश्रेष्ठ वसिष्ठो ब्रह्मणः सुतः । निमिशापात्तनुं त्यक्त्वा पुनर्जातो महाद्युतिः

vyāsa uvāca | nibodha nṛpatiśreṣṭha vasiṣṭho brahmaṇaḥ sutaḥ | nimiśāpāttanuṁ tyaktvā punarjāto mahādyutiḥ

व्यास जी ने कहा — हे राजश्रेष्ठ! सुनो, ब्रह्मा के पुत्र वसिष्ठ, नमि के शाप से देह त्यागकर, महातेजस्वी होकर पुनः जन्मे।

श्लोक 4 (devibhagavatam.6.14.4)

मित्रावरुणयोर्यस्मात्तस्मात्तन्नाम विश्रुतम् । मैत्रावरुणिरित्यस्मिँल्लोके सर्वत्र पार्थिव

mitrāvaruṇayoryasmāttasmāttannāma viśrutam | maitrāvaruṇirityasmi~lloke sarvatra pārthiva

चूँकि वे मित्र और वरुण से (उत्पन्न हुए), इसलिए हे राजन्! वह नाम — मैत्रावरुणि — सर्वत्र संसार में विख्यात हुआ।

श्लोक 5 (devibhagavatam.6.14.5)

राजोवाच । कस्माच्छप्तः स धर्मात्मा राज्ञा ब्रह्मात्मजो मुनिः । चित्रमेतन्मुनिं लग्नो राज्ञः शापोऽतिदारुणः

rājovāca | kasmācchaptaḥ sa dharmātmā rājñā brahmātmajo muniḥ | citrametanmuniṁ lagno rājñaḥ śāpo'tidāruṇaḥ

राजा ने कहा — वह धर्मात्मा, ब्रह्मा के पुत्र मुनि, राजा द्वारा किस कारण शापित हुए? यह आश्चर्य है कि मुनि पर राजा का इतना भयंकर शाप लगा।

श्लोक 6 (devibhagavatam.6.14.6)

अनागसं मुनिं राजा किमसौ शप्तवान्मुने । कारणं वद धर्मज्ञ तस्य शापस्य मूलतः

anāgasaṁ muniṁ rājā kimasau śaptavānmune | kāraṇaṁ vada dharmajña tasya śāpasya mūlataḥ

हे मुने! निरपराध मुनि को राजा ने क्यों शाप दिया? हे धर्मज्ञ! उस शाप का मूल कारण बताइए।

श्लोक 7 (devibhagavatam.6.14.7)

व्यास उवाच । कारणं तु मया प्रोक्तं तव पूर्वं विनिश्चितम् । संसारोऽयं त्रिभिर्व्याप्तो राजन्मायागुणैः किल

vyāsa uvāca | kāraṇaṁ tu mayā proktaṁ tava pūrvaṁ viniścitam | saṁsāro'yaṁ tribhirvyāpto rājanmāyāguṇaiḥ kila

व्यास जी ने कहा — यह कारण मैंने तुम्हें पहले ही निश्चितरूप से कह दिया है। हे राजन्! यह संसार तीन मायागुणों से व्याप्त है।

श्लोक 8 (devibhagavatam.6.14.8)

धर्मं करोतु भूपालश्चरन्तु तापसास्तपः । सर्वेषां तु गुणैर्विद्धं नोज्ज्वलं तद्भवेदिह

dharmaṁ karotu bhūpālaścarantu tāpasāstapaḥ | sarveṣāṁ tu guṇairviddhaṁ nojjvalaṁ tadbhavediha

राजा धर्म करे, तपस्वी तप करें — सभी में गुणों की व्याप्ति है, इसलिए यहाँ वह उज्ज्वल नहीं हो पाता।

श्लोक 9 (devibhagavatam.6.14.9)

कामक्रोधाभिभूताश्च राजानो मुनयस्तथा । लोभाहङ्कारसंयुक्ताश्चरन्ति दुश्चरं तपः

kāmakrodhābhibhūtāśca rājāno munayastathā | lobhāhaṅkārasaṁyuktāścaranti duścaraṁ tapaḥ

काम-क्रोध से अभिभूत राजा और मुनि भी, लोभ-अहंकार से युक्त होकर दुष्कर तप करते हैं।

श्लोक 10 (devibhagavatam.6.14.10)

यजन्ति क्षत्रिया राजन् रजोगुणसमावृताः । ब्राह्मणास्तु तथा राजन् न कोऽपि सत्त्वसंयुतः

yajanti kṣatriyā rājan rajoguṇasamāvṛtāḥ | brāhmaṇāstu tathā rājan na ko'pi sattvasaṁyutaḥ

हे राजन्! क्षत्रिय रजोगुण से आवृत होकर यज्ञ करते हैं; और हे राजन्! ब्राह्मणों में भी शायद ही कोई सत्त्वगुण से युक्त हो।

श्लोक 11 (devibhagavatam.6.14.11)

ऋषिणासौ निमिः शप्तस्तेन शप्तो मुनिः पुनः । दुःखाद्दुःखतरं प्राप्तावुभावपि विधेर्बलात्

ṛṣiṇāsau nimiḥ śaptastena śapto muniḥ punaḥ | duḥkhādduḥkhataraṁ prāptāvubhāvapi vidherbalāt

उस ऋषि ने नमि को शाप दिया, और नमि ने भी मुनि को शाप दिया; विधि के बल से दोनों को ही दुःख पर दुःख प्राप्त हुआ।

श्लोक 12 (devibhagavatam.6.14.12)

द्रव्यशुद्धिः क्रियाशुद्धिर्मनसः शुद्धिरुज्ज्वला । दुर्लभा प्राणिनां भूप संसारे त्रिगुणात्मके

dravyaśuddhiḥ kriyāśuddhirmanasaḥ śuddhirujjvalā | durlabhā prāṇināṁ bhūpa saṁsāre triguṇātmake

द्रव्य-शुद्धि, क्रिया-शुद्धि हो सकती है, परंतु मन की उज्ज्वल शुद्धि, हे राजन्! त्रिगुणात्मक संसार में प्राणियों के लिए दुर्लभ है।

श्लोक 13 (devibhagavatam.6.14.13)

पराशक्तिप्रभावोऽयं नोल्लङ्घ्यः केनचित्क्वचित् । यस्यानुगृहमिच्छेत्सा मोचयत्येव तं क्षणात्

parāśaktiprabhāvo'yaṁ nollaṅghyaḥ kenacitkvacit | yasyānugṛhamicchetsā mocayatyeva taṁ kṣaṇāt

यह परा शक्ति का प्रभाव है, जिसे कोई कहीं भी नहीं लांघ सकता; जिस पर वह अनुग्रह करना चाहे, उसे वह क्षणभर में ही मुक्त कर देती है।

श्लोक 14 (devibhagavatam.6.14.14)

महान्तोऽपि न मुच्यन्ते हरिब्रह्महरादयः । पामरा अपि मुच्यन्ते यथा सत्यव्रतादयः

mahānto'pi na mucyante haribrahmaharādayaḥ | pāmarā api mucyante yathā satyavratādayaḥ

महान् हरि, ब्रह्मा, हर आदि भी उनकी कृपा बिना मुक्त नहीं होते; जबकि सत्यव्रत जैसे पामर भी मुक्त हो जाते हैं।

श्लोक 15 (devibhagavatam.6.14.15)

तस्यास्तु हृदयं कोऽपि न वेत्ति भुवनत्रये । तथापि भक्तवश्येयं भवत्येव सुनिश्चितम्

tasyāstu hṛdayaṁ ko'pi na vetti bhuvanatraye | tathāpi bhaktavaśyeyaṁ bhavatyeva suniścitam

त्रिलोक में कोई भी उनके हृदय को नहीं जानता; फिर भी यह पूर्णतः निश्चित है कि वे भक्तों के वश में रहती हैं।

श्लोक 16 (devibhagavatam.6.14.16)

तस्मात्तद्भक्तिरास्थेया दोषनिर्भूलनाय च । रागदम्भादियुक्ता चेत्सा भक्तिर्नाशिनी भवेत्

tasmāttadbhaktirāstheyā doṣanirbhūlanāya ca | rāgadambhādiyuktā cetsā bhaktirnāśinī bhavet

इसलिए दोषों को दूर करने के लिए उनकी भक्ति करनी चाहिए; परंतु यदि वह भक्ति राग-दंभ आदि से युक्त हो, तो वह भक्ति ही फल का नाश करने वाली बन जाती है।

श्लोक 17 (devibhagavatam.6.14.17)

इक्ष्याकुकुलसम्भूतो निमिर्नाम नराधिपः । रूपवान् गुणसम्पन्नो धर्मज्ञो लोकरञ्जकः

ikṣyākukulasambhūto nimirnāma narādhipaḥ | rūpavān guṇasampanno dharmajño lokarañjakaḥ

इक्ष्वाकु वंश में उत्पन्न नमि नामक एक राजा था — रूपवान, गुणसंपन्न, धर्मज्ञ और लोगों को प्रिय।

श्लोक 18 (devibhagavatam.6.14.18)

सत्यवादी दानपरो याजको ज्ञानवाच्छुचिः । द्वादशस्तनयो धीमान्प्रजापालनतत्परः

satyavādī dānaparo yājako jñānavācchuciḥ | dvādaśastanayo dhīmānprajāpālanatatparaḥ

वह सत्यवादी, दानपरायण, यज्ञकर्ता, ज्ञान से पवित्र, बुद्धिमान, बारहवें क्रम का पुत्र, और प्रजापालन में तत्पर था।

श्लोक 19 (devibhagavatam.6.14.19)

पुरं निवेशयामास गौतमाश्रमसन्निधौ । जयन्तपुरसंज्ञं तु ब्राह्मणानां हिताय सः

puraṁ niveśayāmāsa gautamāśramasannidhau | jayantapurasaṁjñaṁ tu brāhmaṇānāṁ hitāya saḥ

उसने ब्राह्मणों के हित के लिए गौतम-आश्रम के निकट जयंतपुर नामक नगर बसाया।

श्लोक 20 (devibhagavatam.6.14.20)

बुद्धिस्तस्य समुत्पन्ना यजेयमिति राजसी । यज्ञेन बहुकालेन दक्षिणासंयुतेन च

buddhistasya samutpannā yajeyamiti rājasī | yajñena bahukālena dakṣiṇāsaṁyutena ca

उसके मन में यह रजोगुणी विचार उत्पन्न हुआ — 'मैं यज्ञ करूँ' — दीर्घकालीन और अनेक दक्षिणाओं से युक्त यज्ञ।

श्लोक 21 (devibhagavatam.6.14.21)

इस्वाकुं पितरं पृष्ट्वा यज्ञकार्याय पार्थिवः । कारयामास सम्भारं यथोद्दिष्टं महात्मभिः

isvākuṁ pitaraṁ pṛṣṭvā yajñakāryāya pārthivaḥ | kārayāmāsa sambhāraṁ yathoddiṣṭaṁ mahātmabhiḥ

राजा ने अपने पिता इक्ष्वाकु से पूछकर, यज्ञ-कार्य के लिए महात्माओं द्वारा बताई गई सामग्री तैयार करवाई।

श्लोक 22 (devibhagavatam.6.14.22)

भृगुमङ्गिरसं चैव वामदेवं च गौतमम् । वसिष्ठं च पुलस्त्यं च ऋचीकं पुलहं क्रतुम्

bhṛgumaṅgirasaṁ caiva vāmadevaṁ ca gautamam | vasiṣṭhaṁ ca pulastyaṁ ca ṛcīkaṁ pulahaṁ kratum

भृगु, अंगिरा, वामदेव, गौतम, वसिष्ठ, पुलस्त्य, ऋचीक, पुलह और क्रतु —

श्लोक 23 (devibhagavatam.6.14.23)

मुनीनामन्त्रयामास सर्वज्ञान्वेदपारगान् । यज्ञविद्याप्रवीणांश्च तापसान्वेदवित्तमान्

munīnāmantrayāmāsa sarvajñānvedapāragān | yajñavidyāpravīṇāṁśca tāpasānvedavittamān

— इन सर्वज्ञ, वेदपारंगत, यज्ञविद्या-निपुण, वेदज्ञ मुनियों को उसने आमंत्रित किया।

श्लोक 24 (devibhagavatam.6.14.24)

राजा सम्भृतसम्भारः सम्पूज्य गुरुमात्मनः । वसिष्ठं प्राह धर्मज्ञो विनयेन समन्वितः

rājā sambhṛtasambhāraḥ sampūjya gurumātmanaḥ | vasiṣṭhaṁ prāha dharmajño vinayena samanvitaḥ

सामग्री एकत्र कर, अपने गुरु का सत्कार करके, धर्मज्ञ राजा ने विनयपूर्वक वसिष्ठ से कहा —

श्लोक 25 (devibhagavatam.6.14.25)

यजेयं मुनिशार्दूल याजयस्व कृपानिधे । गुरुस्त्वं सर्ववेत्तासि कार्यं मे कुरु साम्प्रतम्

yajeyaṁ muniśārdūla yājayasva kṛpānidhe | gurustvaṁ sarvavettāsi kāryaṁ me kuru sāmpratam

'हे मुनिश्रेष्ठ! मैं यज्ञ करना चाहता हूँ, हे कृपानिधे! आप यज्ञ संपन्न कराइए। आप मेरे गुरु हैं, सर्वज्ञ हैं; अभी मेरा कार्य कीजिए।'

श्लोक 26 (devibhagavatam.6.14.26)

यज्ञोपकरणं सर्वं समानीतं सुसंस्कृतम् । पञ्चवर्षसहस्रं तु दीक्षां कर्तुं मतिश्च मे

yajñopakaraṇaṁ sarvaṁ samānītaṁ susaṁskṛtam | pañcavarṣasahasraṁ tu dīkṣāṁ kartuṁ matiśca me

'यज्ञ की सारी सामग्री भलीभाँति तैयार कर लाई गई है; और पाँच हज़ार वर्षों तक दीक्षा लेने का मेरा विचार है।'

श्लोक 27 (devibhagavatam.6.14.27)

यस्मिन्यज्ञे समाराध्या देवी श्रीजगदम्बिका । तत्प्रीत्यर्थमहं यज्ञं करोमि विधिपूर्वकम्

yasminyajñe samārādhyā devī śrījagadambikā | tatprītyarthamahaṁ yajñaṁ karomi vidhipūrvakam

'जिस यज्ञ में देवी श्री जगदंबा की आराधना करनी है, उनकी प्रसन्नता के लिए मैं विधिपूर्वक यह यज्ञ कर रहा हूँ।'

श्लोक 28 (devibhagavatam.6.14.28)

तच्छ्रुत्वासौ निमेर्वाक्यं वसिष्ठः प्राह भूपतिम् । इन्द्रेणाहं वृतः पूर्वं यज्ञार्थं नृपसत्तम

tacchrutvāsau nimervākyaṁ vasiṣṭhaḥ prāha bhūpatim | indreṇāhaṁ vṛtaḥ pūrvaṁ yajñārthaṁ nṛpasattama

नमि की यह बात सुनकर वसिष्ठ ने राजा से कहा — 'हे नृपश्रेष्ठ! मैं पहले ही इन्द्र द्वारा यज्ञ के लिए वरण किया गया हूँ।'

श्लोक 29 (devibhagavatam.6.14.29)

पराशक्तिमखं कर्तुमुद्युक्तः पाकशासनः । स दीक्षां गमितो देवः पञ्चवर्षशतात्मिकाम्

parāśaktimakhaṁ kartumudyuktaḥ pākaśāsanaḥ | sa dīkṣāṁ gamito devaḥ pañcavarṣaśatātmikām

'परा शक्ति का यज्ञ करने को उद्यत इन्द्र देव ने पाँच सौ वर्षों की दीक्षा ग्रहण की है।'

श्लोक 30 (devibhagavatam.6.14.30)

तस्मात्त्वमन्तरं तावत्प्रतिपालय पार्थिव । इन्द्रयज्ञे समाप्तेऽत्र कृत्वा कार्यं दिवस्पतेः

tasmāttvamantaraṁ tāvatpratipālaya pārthiva | indrayajñe samāpte'tra kṛtvā kāryaṁ divaspateḥ

'इसलिए हे राजन्! तब तक प्रतीक्षा करो, जब तक इंद्र का यज्ञ पूर्ण न हो जाए और स्वर्गपति का कार्य समाप्त न हो —'

श्लोक 31 (devibhagavatam.6.14.31)

आगमिष्याम्यहं राजंस्तावत्त्वं प्रतिपालय । राजोवाच । मया निमन्त्रिताश्चान्ये मुनयो यज्ञकारणात्

āgamiṣyāmyahaṁ rājaṁstāvattvaṁ pratipālaya | rājovāca | mayā nimantritāścānye munayo yajñakāraṇāt

'तब मैं आऊँगा, हे राजन्! तब तक प्रतीक्षा करो।' राजा ने कहा — 'मैंने यज्ञ के लिए अन्य मुनियों को भी आमंत्रित किया है,'

श्लोक 32 (devibhagavatam.6.14.32)

सम्भाराः सम्भृताः सर्वे पालयामि कथं गुरो । इक्ष्वाकूणां कुले ब्रह्मन्गुरुस्त्वं वेदवित्तमः

sambhārāḥ sambhṛtāḥ sarve pālayāmi kathaṁ guro | ikṣvākūṇāṁ kule brahmangurustvaṁ vedavittamaḥ

'सारी सामग्री एकत्र कर ली गई है — हे गुरो! मैं कैसे प्रतीक्षा करूँ? हे ब्रह्मन्! इक्ष्वाकु-कुल में आप ही गुरु हैं, वेदज्ञों में श्रेष्ठ हैं।'

श्लोक 33 (devibhagavatam.6.14.33)

कथं त्यक्त्वाद्य मे कार्यमुद्यतो गन्तुमाशु वै । न ते युक्तं द्विजश्रेष्ठ यदुत्सृज्य मखं मम

kathaṁ tyaktvādya me kāryamudyato gantumāśu vai | na te yuktaṁ dvijaśreṣṭha yadutsṛjya makhaṁ mama

'आज मेरा कार्य छोड़कर आप शीघ्र जाने को उद्यत क्यों हैं? हे द्विजश्रेष्ठ! मेरे यज्ञ को त्यागकर जाना आपको शोभा नहीं देता।'

श्लोक 34 (devibhagavatam.6.14.34)

गन्तासि धनलोभेन लोभाकुलितचेतनः । निवारितोऽपि राज्ञा स जगामेन्द्रमखं गुरुः

gantāsi dhanalobhena lobhākulitacetanaḥ | nivārito'pi rājñā sa jagāmendramakhaṁ guruḥ

'आप धन के लोभ से जा रहे हैं, लोभ से व्याकुल चित्त होकर!' राजा द्वारा रोके जाने पर भी वह गुरु इंद्र के यज्ञ को चला गया।

श्लोक 35 (devibhagavatam.6.14.35)

राजापि विमना भूत्वा गौतमं प्रत्यपूजयत् । इयाज हिमवत्पार्श्वे सागरस्य समीपतः

rājāpi vimanā bhūtvā gautamaṁ pratyapūjayat | iyāja himavatpārśve sāgarasya samīpataḥ

उदास होकर राजा ने भी गौतम का सत्कार किया, और हिमालय के निकट, समुद्र के पास यज्ञ किया।

श्लोक 36 (devibhagavatam.6.14.36)

दक्षिणा बहुला दत्ता विप्रेभ्यो मखकर्मणि । निमिना पञ्चसाहस्री दीक्षा तत्र कृता नृप

dakṣiṇā bahulā dattā viprebhyo makhakarmaṇi | niminā pañcasāhasrī dīkṣā tatra kṛtā nṛpa

यज्ञकर्म में ब्राह्मणों को प्रचुर दक्षिणा दी गई; और हे राजन्! नमि ने वहाँ पाँच हज़ार वर्षों की दीक्षा ग्रहण की।

श्लोक 37 (devibhagavatam.6.14.37)

ऋत्विजः पूजिताः कामं धनैर्गोभिर्मुदा युताः । शक्रयज्ञसमाप्ते तु पञ्चवर्षशतात्मके

ṛtvijaḥ pūjitāḥ kāmaṁ dhanairgobhirmudā yutāḥ | śakrayajñasamāpte tu pañcavarṣaśatātmake

ऋत्विजों का धन-गौओं से यथेष्ट सत्कार हर्षपूर्वक किया गया। जब पाँच सौ वर्षों वाला इंद्र-यज्ञ पूर्ण हुआ, तब —

श्लोक 38 (devibhagavatam.6.14.38)

आजगाम वसिष्ठस्तु राज्ञः सत्रदिदृक्षया । आगत्य संस्थितस्तत्र दर्शनार्थं नृपस्य च

ājagāma vasiṣṭhastu rājñaḥ satradidṛkṣayā | āgatya saṁsthitastatra darśanārthaṁ nṛpasya ca

वसिष्ठ राजा के सत्र को देखने की इच्छा से आए; आकर वे वहाँ राजा के दर्शन हेतु ठहर गए।

श्लोक 39 (devibhagavatam.6.14.39)

तदा राजा प्रसुप्तस्तु निद्रयापहृतो भृशम् । नासौ प्रबोधितो भृत्यैर्नागतस्तु मुनिं नृपः

tadā rājā prasuptastu nidrayāpahṛto bhṛśam | nāsau prabodhito bhṛtyairnāgatastu muniṁ nṛpaḥ

उस समय राजा गहरी निद्रा में अत्यंत सोया हुआ था; सेवकों ने उसे नहीं जगाया, इसलिए राजा मुनि के पास नहीं आया।

श्लोक 40 (devibhagavatam.6.14.40)

वसिष्ठस्य ततो मन्युः प्रादुर्भूतोऽवमानतः । अदर्शनान्निमेस्तत्र चुकोप मुनिसत्तमः

vasiṣṭhasya tato manyuḥ prādurbhūto'vamānataḥ | adarśanānnimestatra cukopa munisattamaḥ

इस अपमान से वसिष्ठ में क्रोध उत्पन्न हुआ; नमि द्वारा दर्शन न किए जाने पर वह मुनिश्रेष्ठ अत्यंत कुपित हो गए।

श्लोक 41 (devibhagavatam.6.14.41)

शापं च दत्तवांस्तस्मै राज्ञे मन्युवशं गतः । यस्मात्त्वं मां गुरुं त्यक्त्वा कृत्वान्यं गुरुमात्मनः

śāpaṁ ca dattavāṁstasmai rājñe manyuvaśaṁ gataḥ | yasmāttvaṁ māṁ guruṁ tyaktvā kṛtvānyaṁ gurumātmanaḥ

क्रोध के वशीभूत होकर उन्होंने उस राजा को शाप दे दिया — 'चूँकि तूने मुझ गुरु को त्यागकर किसी और को अपना गुरु बनाया,'

श्लोक 42 (devibhagavatam.6.14.42)

दीक्षितोऽसि बलान्मन्द मामवज्ञाय पार्थिव । वारितोऽपि मया तस्माद्विदेहस्त्वं भविष्यसि

dīkṣito'si balānmanda māmavajñāya pārthiva | vārito'pi mayā tasmādvidehastvaṁ bhaviṣyasi

'हे मंदबुद्धि राजन्! मेरे मना करने पर भी बलपूर्वक मेरा अनादर करके तूने दीक्षा ले ली — इसलिए तू विदेह हो जाएगा।'

श्लोक 43 (devibhagavatam.6.14.43)

पतत्विदं शरीरं ते विदेहो भव भूपते । व्यास उवाच । इति तद्व्याहृतं श्रुत्वा राज्ञस्तु परिचारकाः

patatvidaṁ śarīraṁ te videho bhava bhūpate | vyāsa uvāca | iti tadvyāhṛtaṁ śrutvā rājñastu paricārakāḥ

'हे भूपते! तेरी यह देह गिर जाए, तू विदेह हो जा!' व्यास जी ने कहा — यह वचन सुनकर राजा के सेवकों ने —

श्लोक 44 (devibhagavatam.6.14.44)

सद्यः प्रबोधयामासुर्मुनिमाहुः प्रकोपितम् । कुपितं तं समागत्य राजा विगतकल्मषः

sadyaḥ prabodhayāmāsurmunimāhuḥ prakopitam | kupitaṁ taṁ samāgatya rājā vigatakalmaṣaḥ

तुरंत राजा को जगाया और कुपित मुनि की बात बताई। निष्कलंक चित्त वाला राजा कुपित मुनि के पास जाकर —

श्लोक 45 (devibhagavatam.6.14.45)

उवाच वचनं श्लक्ष्णं हेतुगर्भं च युक्तिमत् । । मम दोषो न धर्मज्ञ गतस्त्वं तृष्णयाऽऽकुलः

uvāca vacanaṁ ślakṣṇaṁ hetugarbhaṁ ca yuktimat | | mama doṣo na dharmajña gatastvaṁ tṛṣṇayā''kulaḥ

मृदु, तर्कयुक्त और युक्तिसंगत वचन बोला — 'हे धर्मज्ञ! मेरा दोष नहीं है, आप तो तृष्णा से व्याकुल होकर चले गए थे,'

श्लोक 46 (devibhagavatam.6.14.46)

हित्वा मां यजमानं वै प्रार्थितोऽपि मया भृशम् । न लज्जसे द्विजश्रेष्ठ कृत्वा कर्म जुगुप्सितम्

hitvā māṁ yajamānaṁ vai prārthito'pi mayā bhṛśam | na lajjase dvijaśreṣṭha kṛtvā karma jugupsitam

'मुझ यजमान को छोड़कर, बार-बार मेरी प्रार्थना करने पर भी। हे द्विजश्रेष्ठ! ऐसा निंदनीय कर्म करके भी आपको लज्जा नहीं आती!'

श्लोक 47 (devibhagavatam.6.14.47)

सन्तोषे ब्राह्मणश्रेष्ठ जानन्धर्मस्य निश्चयम् । पुत्रोऽसि ब्रह्मणः साक्षाद्वेदवेदाङ्गवित्तमः

santoṣe brāhmaṇaśreṣṭha jānandharmasya niścayam | putro'si brahmaṇaḥ sākṣādvedavedāṅgavittamaḥ

'हे ब्राह्मणश्रेष्ठ! धर्म का निश्चय जानकर संतोष करना चाहिए था। आप साक्षात् ब्रह्मा के पुत्र हैं, वेद-वेदांगों में सर्वश्रेष्ठ हैं —'

श्लोक 48 (devibhagavatam.6.14.48)

न वेत्सि विप्रधर्मस्य गतिं सूक्ष्मां दुरत्ययाम् । आत्मदोषं मयि ज्ञात्वा मृषा मां शस्तुमिच्छसि

na vetsi vipradharmasya gatiṁ sūkṣmāṁ duratyayām | ātmadoṣaṁ mayi jñātvā mṛṣā māṁ śastumicchasi

'फिर भी आप ब्राह्मण-धर्म की सूक्ष्म और दुरत्यय गति नहीं जानते। मुझमें अपना ही दोष जानकर, आप झूठा मुझे शाप देना चाहते हैं।'

श्लोक 49 (devibhagavatam.6.14.49)

त्याज्यस्तु सुजनैः क्रोधश्चण्डालादधिको यतः । वृथा क्रोधपरीतेन मयि शापः प्रपातितः

tyājyastu sujanaiḥ krodhaścaṇḍālādadhiko yataḥ | vṛthā krodhaparītena mayi śāpaḥ prapātitaḥ

'सज्जनों को तो क्रोध त्याग देना चाहिए, क्योंकि वह चंडाल से भी बढ़कर है; व्यर्थ ही क्रोध के वशीभूत होकर आपने मुझ पर शाप डाल दिया।'

श्लोक 50 (devibhagavatam.6.14.50)

तवापि च पतत्वद्य देहोऽयं क्रोधसंयुतः । एवं शप्तो मुनी राज्ञा राजा च मुनिना तथा

tavāpi ca patatvadya deho'yaṁ krodhasaṁyutaḥ | evaṁ śapto munī rājñā rājā ca muninā tathā

'आपकी भी यह देह, क्रोध-सहित, आज गिर जाए!' इस प्रकार मुनि राजा द्वारा शापित हुए, और राजा भी मुनि द्वारा —

श्लोक 51 (devibhagavatam.6.14.51)

परस्परं प्राप्य शापं दुःखितौ तौ बभूवतुः । वसिष्ठस्त्वतिचिन्तार्तो ब्रह्माणं शरणं गतः

parasparaṁ prāpya śāpaṁ duḥkhitau tau babhūvatuḥ | vasiṣṭhastvaticintārto brahmāṇaṁ śaraṇaṁ gataḥ

परस्पर शाप पाकर दोनों दुःखी हो गए। अत्यंत चिंताग्रस्त वसिष्ठ ब्रह्मा की शरण में गए,

श्लोक 52 (devibhagavatam.6.14.52)

निवेदयामास तथा शापं भूपकृतं महत् । वसिष्ट उवाच । राज्ञा शप्तोऽस्मि देहोऽयं पतत्वद्य तवेति वै

nivedayāmāsa tathā śāpaṁ bhūpakṛtaṁ mahat | vasiṣṭa uvāca | rājñā śapto'smi deho'yaṁ patatvadya taveti vai

और उन्हें राजा द्वारा दिया गया वह महान शाप बताया। वसिष्ठ ने कहा — 'मुझे राजा ने शाप दिया है — "आज तेरी यह देह गिर जाए" —'

श्लोक 53 (devibhagavatam.6.14.53)

किं करोमि पितः प्राप्यं कष्टं कायप्रपातजम् । अन्यदेहसमुत्पत्तौ जनकं वद साम्प्रतम्

kiṁ karomi pitaḥ prāpyaṁ kaṣṭaṁ kāyaprapātajam | anyadehasamutpattau janakaṁ vada sāmpratam

'हे पिता! मैं क्या करूँ? काय-पतन से उत्पन्न यह कष्ट मुझे प्राप्त हुआ है। अब दूसरी देह प्राप्त करने के लिए मुझे पिता बताइए।'

श्लोक 54 (devibhagavatam.6.14.54)

तथा मे देहसंयोगः पूर्ववत्समपद्यताम् । यादृशं ज्ञानमेतस्मिन्देहे तत्रास्तु तत्पितः

tathā me dehasaṁyogaḥ pūrvavatsamapadyatām | yādṛśaṁ jñānametasmindehe tatrāstu tatpitaḥ

'और मेरा देह-संयोग पूर्ववत् ही हो; इस देह में जैसा ज्ञान है, वैसा ही ज्ञान, हे पिता! उस देह में भी रहे।'

श्लोक 55 (devibhagavatam.6.14.55)

समर्थोऽसि महाराज प्रसादं कर्तुमर्हसि । वसिष्ठस्य वचः श्रुत्वा ब्रह्मा प्रोवाच तं सुतम्

samartho'si mahārāja prasādaṁ kartumarhasi | vasiṣṭhasya vacaḥ śrutvā brahmā provāca taṁ sutam

'हे महाराज! आप समर्थ हैं, कृपा करना आपको उचित है।' वसिष्ठ की बात सुनकर ब्रह्मा ने अपने पुत्र से कहा —

श्लोक 56 (devibhagavatam.6.14.56)

मित्रावरुणयोस्तेजस्त्वं प्रविश्य स्थिरो भव । तस्मादयोनिजः काले भविता त्वं न संशयः

mitrāvaruṇayostejastvaṁ praviśya sthiro bhava | tasmādayonijaḥ kāle bhavitā tvaṁ na saṁśayaḥ

'मित्र और वरुण के तेज में प्रवेश करके स्थिर हो जाओ। तब समय आने पर तुम अयोनिज उत्पन्न होगे, इसमें कोई संशय नहीं।'

श्लोक 57 (devibhagavatam.6.14.57)

पुनर्देहं समासाद्य धर्मयुक्तो भविष्यसि । भूतात्मा वेदवित्कामं सर्वज्ञः सर्वपूजितः

punardehaṁ samāsādya dharmayukto bhaviṣyasi | bhūtātmā vedavitkāmaṁ sarvajñaḥ sarvapūjitaḥ

'पुनः देह प्राप्त कर तुम धर्मयुक्त होगे — भूतात्मा, वेदज्ञ, सर्वज्ञ और सर्वपूजित।'

श्लोक 58 (devibhagavatam.6.14.58)

एवमुक्तस्तदा पित्रा प्रययौ वरुणालयम् । कृत्वा प्रदक्षिणं प्रीत्या प्रणम्य च पितामहम्

evamuktastadā pitrā prayayau varuṇālayam | kṛtvā pradakṣiṇaṁ prītyā praṇamya ca pitāmaham

पिता द्वारा इस प्रकार कहे जाने पर वसिष्ठ वरुण के धाम को गए, प्रेमपूर्वक प्रदक्षिणा करके और पितामह को प्रणाम करके।

श्लोक 59 (devibhagavatam.6.14.59)

विवेश स तयोर्देहे मित्रावरुणयोः किल । जीवांशेन वसिष्ठोऽथ त्यक्त्वा देहमनुत्तमम्

viveśa sa tayordehe mitrāvaruṇayoḥ kila | jīvāṁśena vasiṣṭho'tha tyaktvā dehamanuttamam

वे मित्र और वरुण, दोनों की देहों में जीवांश से प्रवेश कर गए, अपनी अनुपम पूर्व देह त्यागकर।

श्लोक 60 (devibhagavatam.6.14.60)

कदाचित्तूर्वशी राजन्नागता वरुणालयम् । यदृच्छया वरारोहा सखीगणसमावृता

kadācittūrvaśī rājannāgatā varuṇālayam | yadṛcchayā varārohā sakhīgaṇasamāvṛtā

हे राजन्! एक बार उर्वशी संयोगवश, सखियों से घिरी हुई, वरुण के धाम में आ पहुँची।

श्लोक 61 (devibhagavatam.6.14.61)

दृष्ट्वा तामप्सरां दिव्यां रूपयौवनसंयुताम् । जातौ कामातुरौ देवौ तदा तामूचतुर्नृप

dṛṣṭvā tāmapsarāṁ divyāṁ rūpayauvanasaṁyutām | jātau kāmāturau devau tadā tāmūcaturnṛpa

रूप-यौवन से युक्त उस दिव्य अप्सरा को देखकर वे दोनों देव कामातुर हो उठे, और हे राजन्! उससे कहने लगे —

श्लोक 62 (devibhagavatam.6.14.62)

विवशौ चारुसर्वाङ्गीं देवकन्यां मनोरमाम् । आवां त्वमनवद्याङ्गि वरयस्व समाकुलौ

vivaśau cārusarvāṅgīṁ devakanyāṁ manoramām | āvāṁ tvamanavadyāṅgi varayasva samākulau

— विवश होकर, सर्वांग-सुंदरी, मनोरम उस देवकन्या से — 'हे निर्दोष-अंगी! हम दोनों व्याकुल हैं, तुम हमें वरण करो।'

श्लोक 63 (devibhagavatam.6.14.63)

विहरस्व यथाकामं स्थानेऽस्मिन्वरवर्णिनि । तथोक्ता सा ततो देवी ताभ्यां तत्र स्थितावशा

viharasva yathākāmaṁ sthāne'sminvaravarṇini | tathoktā sā tato devī tābhyāṁ tatra sthitāvaśā

'हे वरवर्णिनी! इस स्थान में यथेच्छ विहार करो।' ऐसा कहे जाने पर वह देवी तब वहाँ उन दोनों के वश में स्थित रहीं।

श्लोक 64 (devibhagavatam.6.14.64)

कृत्वा भावं स्थिरं देवी मित्रावरुणयोर्गृहे । सा गृहीत्वा तयोर्भावं संस्थिता चारुदर्शना

kṛtvā bhāvaṁ sthiraṁ devī mitrāvaruṇayorgṛhe | sā gṛhītvā tayorbhāvaṁ saṁsthitā cārudarśanā

मित्र-वरुण के घर में स्थिर भाव बनाकर, वह सुंदर देवी उन दोनों का भाव ग्रहण करके वहीं स्थित रहीं।

श्लोक 65 (devibhagavatam.6.14.65)

तयोस्तु पतितं वीर्यं कुम्भे दैवादनावृते । तस्माज्जातौ मुनी राजन्द्वावेवातिमनोहरौ

tayostu patitaṁ vīryaṁ kumbhe daivādanāvṛte | tasmājjātau munī rājandvāvevātimanoharau

उन दोनों का वीर्य दैवयोग से एक खुले घड़े में गिरा; हे राजन्! उससे दो अत्यंत मनोहर मुनि उत्पन्न हुए।

श्लोक 66 (devibhagavatam.6.14.66)

अगस्तिः प्रथमस्तत्र वसिष्ठश्चापरस्तथा । मित्रावरुणयोर्वीर्यात्तापसावृषिसत्तमौ

agastiḥ prathamastatra vasiṣṭhaścāparastathā | mitrāvaruṇayorvīryāttāpasāvṛṣisattamau

वहाँ पहले अगस्त्य, और दूसरे वसिष्ठ — मित्र और वरुण के वीर्य से उत्पन्न, ऋषियों में श्रेष्ठ दो तपस्वी।

श्लोक 67 (devibhagavatam.6.14.67)

प्रथमस्तु वनं प्राप्तो बाल एव महातपाः । इक्ष्वाकुस्तु वसिष्ठं तं बालं वव्रे पुरोहितम्

prathamastu vanaṁ prāpto bāla eva mahātapāḥ | ikṣvākustu vasiṣṭhaṁ taṁ bālaṁ vavre purohitam

पहला (अगस्त्य) बालक अवस्था में ही महातपस्वी होकर वन को चला गया; और इक्ष्वाकु ने उस बालक वसिष्ठ को अपना पुरोहित चुन लिया।

श्लोक 68 (devibhagavatam.6.14.68)

वंशस्यास्य सुखार्थं ते पालयामास पार्थिव । विशेषेण मुनिं ज्ञात्वा प्रीत्या युक्तो बभूव ह

vaṁśasyāsya sukhārthaṁ te pālayāmāsa pārthiva | viśeṣeṇa muniṁ jñātvā prītyā yukto babhūva ha

हे राजन्! अपने वंश के सुख के लिए उन्होंने उनका पालन किया, और मुनि को विशेष रूप से पहचानकर प्रेमपूर्वक उनसे जुड़ गए।

श्लोक 69 (devibhagavatam.6.14.69)

एतत्ते सर्वमाख्यातं वसिष्ठस्य च कारणम् । शापाद्देहान्तरप्राप्तिर्मित्रावरुणयोः कुले

etatte sarvamākhyātaṁ vasiṣṭhasya ca kāraṇam | śāpāddehāntaraprāptirmitrāvaruṇayoḥ kule

यह सब तुम्हें बताया गया — वसिष्ठ का कारण, और मित्र-वरुण के वंश में शाप से उन्हें दूसरी देह की प्राप्ति कैसे हुई।