नमि की पुनर्प्राप्ति और देवी-महिमा के विविध भाव

श्लोक 1 (devibhagavatam.6.15.1)

जनमेजय उवाच । देहप्राप्तिर्वसिष्ठस्य कथिता भवता किल । निमिः कथं पुनर्देहं प्राप्तवानिति मे वद

janamejaya uvāca | dehaprāptirvasiṣṭhasya kathitā bhavatā kila | nimiḥ kathaṁ punardehaṁ prāptavāniti me vada

जनमेजय ने कहा — आपने वसिष्ठ की देह-प्राप्ति की कथा कही। अब मुझे बताइए कि नमि ने पुनः देह कैसे प्राप्त की।

श्लोक 2 (devibhagavatam.6.15.2)

व्यास उवाच । वसिष्ठेन च सम्प्राप्तः पुनर्देहो नराधिप । निमिना न तथा प्राप्तो देहः शापादनन्तरम्

vyāsa uvāca | vasiṣṭhena ca samprāptaḥ punardeho narādhipa | niminā na tathā prāpto dehaḥ śāpādanantaram

व्यास जी ने कहा — हे नराधिप! वसिष्ठ ने तो पुनः देह प्राप्त कर ली, परंतु नमि को शाप के तुरंत बाद उस प्रकार देह प्राप्त नहीं हुई।

श्लोक 3 (devibhagavatam.6.15.3)

यदा शप्तो वसिष्ठेन तदा ते ब्राह्मणाः क्रतौ ऋत्विजो ये वृता राज्ञा ते सर्वे समचिन्तयन्

yadā śapto vasiṣṭhena tadā te brāhmaṇāḥ kratau ṛtvijo ye vṛtā rājñā te sarve samacintayan

जब वसिष्ठ द्वारा वह शापित हुआ, तब राजा द्वारा वरण किए गए वे ऋत्विज ब्राह्मण सभी विचार करने लगे —

श्लोक 4 (devibhagavatam.6.15.4)

किं कर्तव्यमहोऽस्माभिः शापदग्धो महीपतिः । अस्मिन्यज्ञे त्वसम्पूर्णे दीक्षायुक्तश्च धार्मिकः

kiṁ kartavyamaho'smābhiḥ śāpadagdho mahīpatiḥ | asminyajñe tvasampūrṇe dīkṣāyuktaśca dhārmikaḥ

'हाय! हम क्या करें? धर्मात्मा राजा, जो इस अपूर्ण यज्ञ में दीक्षायुक्त है, शाप से भस्म हो गया!'

श्लोक 5 (devibhagavatam.6.15.5)

किं कर्तव्यं कार्यमेतद्विपरीतमभूत्किल । अवश्यम्भाविभावत्वादशक्ताः स्म निवारणे

kiṁ kartavyaṁ kāryametadviparītamabhūtkila | avaśyambhāvibhāvatvādaśaktāḥ sma nivāraṇe

'क्या किया जाए? यह कार्य विपरीत हो गया है; क्योंकि जो होनहार था वह हुआ, हम रोकने में असमर्थ थे।'

श्लोक 6 (devibhagavatam.6.15.6)

मन्त्रैर्बहुविधैर्देहं तदा तस्य महात्मनः । रक्षितं धारयामासुः किञ्चिच्छ्वसनसंयुतम्

mantrairbahuvidhairdehaṁ tadā tasya mahātmanaḥ | rakṣitaṁ dhārayāmāsuḥ kiñcicchvasanasaṁyutam

तब उन महात्माओं ने अनेक प्रकार के मंत्रों से उस राजा की देह को कुछ श्वास-सहित सुरक्षित रखा।

श्लोक 7 (devibhagavatam.6.15.7)

गन्धैर्माल्यैश्च विविधैः पूज्यमानं मुहुर्मुहुः । मन्त्रशक्त्या प्रतिष्टभ्य निर्विकारं सुपूजितम्

gandhairmālyaiśca vividhaiḥ pūjyamānaṁ muhurmuhuḥ | mantraśaktyā pratiṣṭabhya nirvikāraṁ supūjitam

विविध सुगंधों और मालाओं से बार-बार पूजित, मंत्रशक्ति से स्थिर की गई वह देह विकाररहित और भलीभाँति पूजित रही।

श्लोक 8 (devibhagavatam.6.15.8)

समाप्ते च क्रतौ तत्र देवाः सर्वे समागताः । ऋत्विग्भिस्तु स्तुताः सर्वे सुप्रीताश्चाभवन्नृप

samāpte ca kratau tatra devāḥ sarve samāgatāḥ | ṛtvigbhistu stutāḥ sarve suprītāścābhavannṛpa

जब वहाँ यज्ञ पूर्ण हुआ, तब सभी देवता वहाँ एकत्रित हुए; ऋत्विजों द्वारा स्तुति किए जाने पर, हे राजन्! सभी अत्यंत प्रसन्न हुए।

श्लोक 9 (devibhagavatam.6.15.9)

विज्ञप्ता मुनिभिः स्तोत्रैर्निर्विण्णात्मानमब्रुवन् । प्रसन्नाः स्म महीपाल वरं वरय सुव्रत

vijñaptā munibhiḥ stotrairnirviṇṇātmānamabruvan | prasannāḥ sma mahīpāla varaṁ varaya suvrata

मुनियों द्वारा स्तोत्रों से विज्ञप्त होकर, उन्होंने उस खिन्न आत्मा से कहा — 'हे सुव्रत! हम प्रसन्न हैं, वर माँगो, हे भूपाल!'

श्लोक 10 (devibhagavatam.6.15.10)

यज्ञेनानेन राजर्षे वरं जन्म विधीयते । देवदेहं नृदेहं वा यत्ते मनसि वाञ्छितम्

yajñenānena rājarṣe varaṁ janma vidhīyate | devadehaṁ nṛdehaṁ vā yatte manasi vāñchitam

'हे राजर्षे! इस यज्ञ से उत्तम जन्म का विधान है — देव-देह हो या मनुष्य-देह, जो तुम्हारे मन को इच्छित हो।'

श्लोक 11 (devibhagavatam.6.15.11)

दृप्तः कामं पुरोधास्ते मृत्युलोके यथासुखम् । एवमुक्तो निमेरात्मा सन्तुष्टस्तानुवाच ह

dṛptaḥ kāmaṁ purodhāste mṛtyuloke yathāsukham | evamukto nimerātmā santuṣṭastānuvāca ha

'तुम गर्वित होकर मृत्युलोक में सुखपूर्वक जैसे चाहो रह सकते हो।' ऐसा कहे जाने पर संतुष्ट हुई नमि की आत्मा ने उनसे कहा —

श्लोक 12 (devibhagavatam.6.15.12)

न देहे मम वाञ्छास्ति सर्वदैव विनश्वरे । वासो मे सर्वसत्त्वानां दृष्टावस्तु सुरोत्तमाः

na dehe mama vāñchāsti sarvadaiva vinaśvare | vāso me sarvasattvānāṁ dṛṣṭāvastu surottamāḥ

'मुझे सदा नाशवान् इस देह की कोई इच्छा नहीं है। हे सुरश्रेष्ठो! मेरा निवास सभी प्राणियों की दृष्टि में हो —'

श्लोक 13 (devibhagavatam.6.15.13)

नेत्रेषु सर्वभूतानां वायुभूतश्चराम्यहम् । एवमुक्ताः सुरास्तत्र निमेरात्मानमब्रुवन्

netreṣu sarvabhūtānāṁ vāyubhūtaścarāmyaham | evamuktāḥ surāstatra nimerātmānamabruvan

'मैं सब भूतों के नेत्रों में वायुरूप होकर विचरण करूँ।' ऐसा कहे जाने पर देवताओं ने वहाँ नमि की आत्मा से कहा —

श्लोक 14 (devibhagavatam.6.15.14)

प्रार्थय त्वं महाराज देवीं सर्वेश्वरीं शिवाम् । मखेनानेन सन्तुष्टा सा तेऽभीष्टं विधास्यति

prārthaya tvaṁ mahārāja devīṁ sarveśvarīṁ śivām | makhenānena santuṣṭā sā te'bhīṣṭaṁ vidhāsyati

'हे महाराज! तुम सर्वेश्वरी कल्याणी देवी की प्रार्थना करो; इस यज्ञ से संतुष्ट होकर वे तुम्हारा अभीष्ट पूर्ण करेंगी।'

श्लोक 15 (devibhagavatam.6.15.15)

स देवैरेवमुक्तस्तु प्रार्थयामास देवताम् । स्तोत्रैर्नानाविधैर्दिव्यैर्भक्त्या गद्गदया गिरा

sa devairevamuktastu prārthayāmāsa devatām | stotrairnānāvidhairdivyairbhaktyā gadgadayā girā

देवताओं द्वारा इस प्रकार कहे जाने पर, उसने भक्ति से गद्गद वाणी में विविध दिव्य स्तोत्रों से देवी की प्रार्थना की।

श्लोक 16 (devibhagavatam.6.15.16)

प्रसन्ना सा तदा देवी प्रत्यक्षं दर्शनं ददौ । कोटिसूर्यप्रतीकाशं रूपं लावण्यदीपितं

prasannā sā tadā devī pratyakṣaṁ darśanaṁ dadau | koṭisūryapratīkāśaṁ rūpaṁ lāvaṇyadīpitaṁ

तब वह देवी प्रसन्न होकर, कोटि सूर्यों के समान लावण्य से दीप्त रूप में साक्षात् दर्शन देती हैं।

श्लोक 17 (devibhagavatam.6.15.17)

दृष्ट्वा प्रमुदिताः सर्वे कृतकृत्याश्च चेतसि । प्रसन्नायां देवतायां राजा वव्रे वरं नृप

dṛṣṭvā pramuditāḥ sarve kṛtakṛtyāśca cetasi | prasannāyāṁ devatāyāṁ rājā vavre varaṁ nṛpa

उसे देखकर सभी अत्यंत हर्षित हुए और मन में कृतकृत्य हुए। देवी के प्रसन्न होने पर राजा ने वर माँगा —

श्लोक 18 (devibhagavatam.6.15.18)

ज्ञानं तद्विमलं देहि येन मोक्षो भवेदपि । नेत्रेषु सर्वभूतानां निवासो मे भवेदिति

jñānaṁ tadvimalaṁ dehi yena mokṣo bhavedapi | netreṣu sarvabhūtānāṁ nivāso me bhavediti

'मुझे वह निर्मल ज्ञान दीजिए, जिससे मोक्ष भी प्राप्त हो; और मेरा निवास सभी प्राणियों के नेत्रों में हो।'

श्लोक 19 (devibhagavatam.6.15.19)

ततः प्रसन्ना देवेशी प्रोवाच जगदम्बिका । ज्ञानं ते विमलं भूयात्प्रारब्धस्यावशेषतः

tataḥ prasannā deveśī provāca jagadambikā | jñānaṁ te vimalaṁ bhūyātprārabdhasyāvaśeṣataḥ

तब प्रसन्न हुई देवेशी जगदंबिका ने कहा — 'प्रारब्ध के शेष रहने के बाद तुम्हें निर्मल ज्ञान प्राप्त होगा।'

श्लोक 20 (devibhagavatam.6.15.20)

नेत्रेषु सर्वभूतानां निवासोऽपि भविष्यति । निमिषं यान्ति चक्षूंषि त्वत्कृतेनैव देहिनाम्

netreṣu sarvabhūtānāṁ nivāso'pi bhaviṣyati | nimiṣaṁ yānti cakṣūṁṣi tvatkṛtenaiva dehinām

'तुम्हारा निवास सभी प्राणियों के नेत्रों में भी होगा; तुम्हारे ही कारण देहधारियों के नेत्र निमेष (झपकना) को प्राप्त होंगे।'

श्लोक 21 (devibhagavatam.6.15.21)

तव वासात्सनिमिषा मानवाः पशवस्तथा । पतङ्गाश्च भविष्यन्ति पुनश्चानिमिषाः सुराः

tava vāsātsanimiṣā mānavāḥ paśavastathā | pataṅgāśca bhaviṣyanti punaścānimiṣāḥ surāḥ

'तुम्हारे निवास से मनुष्य और पशु सनिमेष (पलक झपकाने वाले) होंगे, तथा पतंग (कीट-पक्षी) भी; परंतु देवता पुनः अनिमेष ही रहेंगे।'

श्लोक 22 (devibhagavatam.6.15.22)

इति दत्त्वा वरं तस्मै तदा श्रीवरदेवता । आमन्त्र्य च मुनीन्सर्वांस्तत्रैवान्तर्हिताभवत्

iti dattvā varaṁ tasmai tadā śrīvaradevatā | āmantrya ca munīnsarvāṁstatraivāntarhitābhavat

इस प्रकार उसे वर देकर, वह श्रीवरदा देवी सभी मुनियों से विदा लेकर वहीं अंतर्धान हो गईं।

श्लोक 23 (devibhagavatam.6.15.23)

अन्तर्हितायां देव्यां तु मुनयस्तत्र संस्थिताः । विचिन्त्य विथिवत्सर्वे निमेर्देहं समाहरन्

antarhitāyāṁ devyāṁ tu munayastatra saṁsthitāḥ | vicintya vithivatsarve nimerdehaṁ samāharan

देवी के अंतर्धान हो जाने पर, वहाँ स्थित मुनियों ने विधिवत विचार कर नमि की देह को एकत्र किया।

श्लोक 24 (devibhagavatam.6.15.24)

अरणिं तत्र संस्थाप्य ममन्धुर्मन्त्रवत्तदा । मन्त्रहोमैर्महात्मानः पुत्रहेतोर्निमेरथ

araṇiṁ tatra saṁsthāpya mamandhurmantravattadā | mantrahomairmahātmānaḥ putrahetornimeratha

वहाँ अरणि स्थापित कर, उन महात्माओं ने मंत्रपूर्वक और मंत्र-होम से नमि के पुत्र की प्राप्ति हेतु उसे मथा।

श्लोक 25 (devibhagavatam.6.15.25)

अरण्यां मथ्यमानायां पुत्रः प्रादुरभूत्तदा । सर्वलक्षणसम्पन्नः साक्षान्निमिरिवापरः

araṇyāṁ mathyamānāyāṁ putraḥ prādurabhūttadā | sarvalakṣaṇasampannaḥ sākṣānnimirivāparaḥ

अरणि के मथे जाने पर, तब सर्वलक्षणसंपन्न एक पुत्र प्रकट हुआ, मानो साक्षात् दूसरा नमि हो।

श्लोक 26 (devibhagavatam.6.15.26)

अरण्या मथनाज्जातस्तस्मान्मिथिरिति स्मृतः । येनायं जनकाज्जातस्तेनासौ जनकोऽभवत्

araṇyā mathanājjātastasmānmithiriti smṛtaḥ | yenāyaṁ janakājjātastenāsau janako'bhavat

अरणि के मंथन से जन्म लेने के कारण वह 'मिथि' नाम से स्मृत हुआ; और जनक से जन्म लेने के कारण वह 'जनक' कहलाया।

श्लोक 27 (devibhagavatam.6.15.27)

विदेहस्तु निमिर्जातो यस्मात्तस्मात्तदन्वये । समुद्भूतास्तु राजानो विदेहा इति कीर्तिताः

videhastu nimirjāto yasmāttasmāttadanvaye | samudbhūtāstu rājāno videhā iti kīrtitāḥ

चूँकि नमि विदेह (देहरहित) होकर जन्मा था, इसलिए उस वंश में उत्पन्न राजा 'विदेह' कहलाए।

श्लोक 28 (devibhagavatam.6.15.28)

एवं निमिसुतो राजा प्रथितो जनकोऽभवत् । नगरी निर्मिता तेन गङ्गातीरे मनोहरा

evaṁ nimisuto rājā prathito janako'bhavat | nagarī nirmitā tena gaṅgātīre manoharā

इस प्रकार नमि का पुत्र राजा 'जनक' नाम से विख्यात हुआ। उसने गंगा-तट पर एक मनोहर नगरी बनवाई,

श्लोक 29 (devibhagavatam.6.15.29)

मिथिलेति सुविख्याता गोपुराट्टालसंयुता । धनधान्यसमायुक्ता हट्टशालाविराजिता

mithileti suvikhyātā gopurāṭṭālasaṁyutā | dhanadhānyasamāyuktā haṭṭaśālāvirājitā

जो 'मिथिला' नाम से सुविख्यात हुई — गोपुर और अट्टालिकाओं से युक्त, धन-धान्य से संपन्न, हाट-शालाओं से सुशोभित।

श्लोक 30 (devibhagavatam.6.15.30)

वंशेऽस्मिन्येऽपि राजानस्ते सर्वे जनकास्तथा । विख्याता ज्ञानिनः सर्वे विदेहाः परिकीर्तिताः

vaṁśe'sminye'pi rājānaste sarve janakāstathā | vikhyātā jñāninaḥ sarve videhāḥ parikīrtitāḥ

इस वंश में जो भी राजा हुए, वे सभी 'जनक' कहलाए; सभी ज्ञानी विख्यात हुए और 'विदेह' कहलाए।

श्लोक 31 (devibhagavatam.6.15.31)

एतत्ते कथितं राजन्निमेराख्यानमुत्तमम् । शापाद्यस्य विदेहत्वं विस्तरादुदितं मया

etatte kathitaṁ rājannimerākhyānamuttamam | śāpādyasya videhatvaṁ vistarāduditaṁ mayā

हे राजन्! यह तुम्हें नमि की उत्तम कथा कही गई — उसका शाप से विदेहत्व कैसे हुआ, यह मैंने विस्तार से बताया।

श्लोक 32 (devibhagavatam.6.15.32)

राजोवाच । भगवन्भवता प्रोक्तं निमिशापस्य कारणम् । श्रुत्वा सन्देहमापन्नं मनो मेऽतीव चञ्चलम्

rājovāca | bhagavanbhavatā proktaṁ nimiśāpasya kāraṇam | śrutvā sandehamāpannaṁ mano me'tīva cañcalam

राजा ने कहा — हे भगवन्! आपने नमि के शाप का कारण कहा। यह सुनकर मेरा मन संदेह में पड़कर अत्यंत चंचल हो गया है।

श्लोक 33 (devibhagavatam.6.15.33)

वसिष्ठो ब्राह्मणः श्रेष्ठो राज्ञश्चैव पुरोहितः । पुत्रः पङ्कजयोनेस्तु राज्ञा शप्तः कथं मुनिः

vasiṣṭho brāhmaṇaḥ śreṣṭho rājñaścaiva purohitaḥ | putraḥ paṅkajayonestu rājñā śaptaḥ kathaṁ muniḥ

वसिष्ठ ब्राह्मणों में श्रेष्ठ, राजा के पुरोहित और स्वयं पंकजयोनि (ब्रह्मा) के पुत्र थे — ऐसे मुनि को राजा ने कैसे शाप दिया?

श्लोक 34 (devibhagavatam.6.15.34)

गुरुं च ब्राह्मणं ज्ञात्वा निमिना न कृता क्षमा । यज्ञकर्म शुभं कृत्वा कथं क्रोधमुपागतः

guruṁ ca brāhmaṇaṁ jñātvā niminā na kṛtā kṣamā | yajñakarma śubhaṁ kṛtvā kathaṁ krodhamupāgataḥ

गुरु और ब्राह्मण जानते हुए भी नमि ने क्षमा क्यों नहीं की? और शुभ यज्ञकर्म करते हुए वह क्रोध को कैसे प्राप्त हुआ?

श्लोक 35 (devibhagavatam.6.15.35)

ज्ञात्वा धर्मस्य विज्ञानं कथमिक्ष्वाकुसम्भवः । क्रोधस्य वशमापन्तः शप्तवान्ब्राह्मणं गुरुम्

jñātvā dharmasya vijñānaṁ kathamikṣvākusambhavaḥ | krodhasya vaśamāpantaḥ śaptavānbrāhmaṇaṁ gurum

धर्म का ज्ञान जानते हुए भी इक्ष्वाकु-वंशोत्पन्न वह क्रोध के वश में होकर अपने गुरु ब्राह्मण को कैसे शाप दे बैठा?

श्लोक 36 (devibhagavatam.6.15.36)

व्यास उवाच । क्षमातिदुर्लभा राजन्प्राणिभिरजितात्मभिः । क्षमावान्दुर्लभो लोके सुसमर्थो विशेषतः

vyāsa uvāca | kṣamātidurlabhā rājanprāṇibhirajitātmabhiḥ | kṣamāvāndurlabho loke susamartho viśeṣataḥ

व्यास जी ने कहा — हे राजन्! अजितात्मा प्राणियों में क्षमा अत्यंत दुर्लभ है; क्षमावान् व्यक्ति, विशेषकर सामर्थ्यवान् होते हुए भी, संसार में दुर्लभ है।

श्लोक 37 (devibhagavatam.6.15.37)

सर्वसङ्गपरित्यागी मुनिर्भवतु तापसः । निद्राक्षुधोर्विजेता च योगाभ्यासे सुनिष्ठितः

sarvasaṅgaparityāgī munirbhavatu tāpasaḥ | nidrākṣudhorvijetā ca yogābhyāse suniṣṭhitaḥ

मुनि सब आसक्तियों का त्याग करे, तपस्वी बने, निद्रा-क्षुधा का विजेता हो, योगाभ्यास में सुनिष्ठित हो —

श्लोक 38 (devibhagavatam.6.15.38)

कामः क्रोधस्तथा लोभो ह्यहङ्कारश्चतुर्थकः । दुर्ज्ञेया देहमध्यस्था रिपवस्तेन सर्वथा

kāmaḥ krodhastathā lobho hyahaṅkāraścaturthakaḥ | durjñeyā dehamadhyasthā ripavastena sarvathā

फिर भी काम, क्रोध, लोभ और चौथा अहंकार — ये शत्रु देह के भीतर स्थित, हर प्रकार से पहचानना कठिन हैं।

श्लोक 39 (devibhagavatam.6.15.39)

न भूतपूर्वः संसारे न चैव वर्ततेऽधुना । भविता न पुमान्कश्चिद्यो जयेत रिपूनिमान्

na bhūtapūrvaḥ saṁsāre na caiva vartate'dhunā | bhavitā na pumānkaścidyo jayeta ripūnimān

संसार में न पहले कोई ऐसा हुआ, न अब है, और न कभी कोई पुरुष होगा जो इन शत्रुओं को निश्चितरूप से जीत सके।

श्लोक 40 (devibhagavatam.6.15.40)

न स्वर्गे न च भूलोके ब्रह्मलोके हरेः पदे । कैलासे नेदृशः कश्चिद्यो जयेत रिपूनिमान्

na svarge na ca bhūloke brahmaloke hareḥ pade | kailāse nedṛśaḥ kaścidyo jayeta ripūnimān

न स्वर्ग में, न भूलोक में, न ब्रह्मलोक में, न हरि के पद में, न कैलास में — कहीं भी कोई ऐसा नहीं जो इन शत्रुओं को जीत सके।

श्लोक 41 (devibhagavatam.6.15.41)

मुनयो ब्रह्मपुत्राश्च तथान्ये तापसोत्तमाः । तेऽपि गुणत्रयाविद्धाः किं पुनर्मानवा भुवि

munayo brahmaputrāśca tathānye tāpasottamāḥ | te'pi guṇatrayāviddhāḥ kiṁ punarmānavā bhuvi

मुनि, ब्रह्मा के पुत्र, तथा अन्य श्रेष्ठ तपस्वी भी — वे भी तीनों गुणों से बिंधे हुए हैं; फिर भूतल के मनुष्यों की तो बात ही क्या!

श्लोक 42 (devibhagavatam.6.15.42)

कपिलः साङ्ख्यवेत्ता च योगाभ्यासरतः शुचिः । तेनापि दैवयोगाद्धि प्रदग्धाः सगरात्मजाः

kapilaḥ sāṅkhyavettā ca yogābhyāsarataḥ śuciḥ | tenāpi daivayogāddhi pradagdhāḥ sagarātmajāḥ

सांख्यज्ञ, शुद्ध और योगाभ्यासरत कपिल मुनि — दैवयोग से उनके द्वारा भी सगर के पुत्र भस्म कर दिए गए।

श्लोक 43 (devibhagavatam.6.15.43)

तस्माद्राजन्नहङ्कारात्सञ्जातं भुवनत्रयम् । कार्यकारणभावात्तु तद्वियुक्तं कथं भवेत्

tasmādrājannahaṅkārātsañjātaṁ bhuvanatrayam | kāryakāraṇabhāvāttu tadviyuktaṁ kathaṁ bhavet

इसलिए हे राजन्! त्रिभुवन अहंकार से ही उत्पन्न हुआ है; कार्य-कारण भाव के कारण वह उससे मुक्त कैसे हो सकता है?

श्लोक 44 (devibhagavatam.6.15.44)

ब्रह्मा गुणत्रयाविष्टो विष्णुश्चैवाथ शङ्करः । प्रभवन्ति शरीरेषु तेषां भावाः पृथक्पृथक्

brahmā guṇatrayāviṣṭo viṣṇuścaivātha śaṅkaraḥ | prabhavanti śarīreṣu teṣāṁ bhāvāḥ pṛthakpṛthak

ब्रह्मा, विष्णु और शंकर भी तीनों गुणों से आविष्ट हैं; उनकी देहों में उनके भाव भी पृथक्-पृथक् प्रकट होते हैं।

श्लोक 45 (devibhagavatam.6.15.45)

मानवानां च का वार्ता सत्त्वैकान्तव्यवस्थितौ । गुणानां सङ्करो राजन्सर्वत्र समवस्थितः

mānavānāṁ ca kā vārtā sattvaikāntavyavasthitau | guṇānāṁ saṅkaro rājansarvatra samavasthitaḥ

फिर मनुष्यों की तो बात ही क्या, जब वे सत्त्वगुण में एकांततः स्थित रहें! हे राजन्! गुणों का मिश्रण सर्वत्र समान रूप से विद्यमान है।

श्लोक 46 (devibhagavatam.6.15.46)

कदाचित्सत्त्ववृद्धिः स्यात्कदाचिद्रजसः किल । कदाचित्तमसो वृद्धिः समभावः कदाचन

kadācitsattvavṛddhiḥ syātkadācidrajasaḥ kila | kadācittamaso vṛddhiḥ samabhāvaḥ kadācana

कभी सत्त्व की वृद्धि होती है, कभी रजस् की; कभी तमस् की वृद्धि होती है, और कभी सम-भाव भी।

श्लोक 47 (devibhagavatam.6.15.47)

निर्गुणः परमात्मासौ निर्लेपः परमोऽव्ययः । अलक्ष्यः सर्वसत्त्वानामप्रमेयः सनातनः

nirguṇaḥ paramātmāsau nirlepaḥ paramo'vyayaḥ | alakṣyaḥ sarvasattvānāmaprameyaḥ sanātanaḥ

वह परमात्मा निर्गुण, निर्लेप, परम, अव्यय है — सभी प्राणियों के लिए अलक्ष्य, अप्रमेय और सनातन है।

श्लोक 48 (devibhagavatam.6.15.48)

तथैव परमा शक्तिर्निर्गुणा ब्रह्मसंस्थिता । दुर्ज्ञेया चाल्पमतिभिः सर्वभूतव्यवस्थितिः

tathaiva paramā śaktirnirguṇā brahmasaṁsthitā | durjñeyā cālpamatibhiḥ sarvabhūtavyavasthitiḥ

इसी प्रकार परा शक्ति भी निर्गुण, ब्रह्म में स्थित है — अल्पबुद्धि वालों के लिए दुर्ज्ञेय, सभी भूतों की स्थिति की आधार।

श्लोक 49 (devibhagavatam.6.15.49)

परात्मनस्तथा शक्तेस्तयोरैक्यं सदैव हि । अभिन्नं तद्वपुर्ज्ञात्वा मुच्यते सर्वदोषतः

parātmanastathā śaktestayoraikyaṁ sadaiva hi | abhinnaṁ tadvapurjñātvā mucyate sarvadoṣataḥ

परमात्मा और उस शक्ति में सदा ही एकत्व है; उनके अभिन्न स्वरूप को जानकर मनुष्य सभी दोषों से मुक्त हो जाता है।

श्लोक 50 (devibhagavatam.6.15.50)

तज्ज्ञानादेव मोक्षः स्यादिति वेदान्तडिण्डिमः । यो वेद स विमुक्तोऽस्मिन्संसारे त्रिगुणात्मके

tajjñānādeva mokṣaḥ syāditi vedāntaḍiṇḍimaḥ | yo veda sa vimukto'sminsaṁsāre triguṇātmake

उस ज्ञान से ही मोक्ष होता है — यही वेदांत का उद्घोष है; जो इसे जानता है, वह इस त्रिगुणात्मक संसार में भी विमुक्त है।

श्लोक 51 (devibhagavatam.6.15.51)

ज्ञानं तु द्विविधं प्रोक्तं शाब्दिकं प्रथमं स्मृतम् । वेदशास्त्रार्थविज्ञानात्तद्भवेद्बुद्धियोगतः

jñānaṁ tu dvividhaṁ proktaṁ śābdikaṁ prathamaṁ smṛtam | vedaśāstrārthavijñānāttadbhavedbuddhiyogataḥ

ज्ञान दो प्रकार का कहा गया है — पहला शाब्दिक ज्ञान स्मृत है, जो वेद-शास्त्रों के अर्थ के विज्ञान से बुद्धियोग द्वारा प्राप्त होता है।

श्लोक 52 (devibhagavatam.6.15.52)

विकल्पास्तत्र बहवो भवन्ति मतिकल्पिताः । (कुतर्ककल्पिताः केचित्सतर्ककल्पिताः परे । वितर्कैर्विभ्रमोत्पत्तिर्विभ्रमाद्बुद्धिभ्रंशता । बुद्धिभ्रंशाज्ज्ञाननाशः प्राणिनां परिकीर्तितः । ) अनुभवाख्यं द्वितीयं तु ज्ञानं तद्दुर्लभं नृप

vikalpāstatra bahavo bhavanti matikalpitāḥ | (kutarkakalpitāḥ kecitsatarkakalpitāḥ pare | vitarkairvibhramotpattirvibhramādbuddhibhraṁśatā | buddhibhraṁśājjñānanāśaḥ prāṇināṁ parikīrtitaḥ | ) anubhavākhyaṁ dvitīyaṁ tu jñānaṁ taddurlabhaṁ nṛpa

उसमें बुद्धि द्वारा कल्पित अनेक विकल्प होते हैं — (कुछ कुतर्क से कल्पित, कुछ सुतर्क से कल्पित; अतिशय तर्क से भ्रम उत्पन्न होता है, भ्रम से बुद्धि का नाश होता है, और बुद्धिनाश से प्राणियों के ज्ञान का नाश कहा गया है।) — दूसरा 'अनुभव' नामक ज्ञान है, जो हे राजन्! अत्यंत दुर्लभ है।

श्लोक 53 (devibhagavatam.6.15.53)

तत्तदा प्राप्यते तस्य वेत्तुः सङ्गो यदा भवेत् । शब्दज्ञानान्न कार्यस्य सिद्धिर्भवति भारत

tattadā prāpyate tasya vettuḥ saṅgo yadā bhavet | śabdajñānānna kāryasya siddhirbhavati bhārata

वह तभी प्राप्त होता है, जब उसके ज्ञाता का संग प्राप्त हो; हे भारत! केवल शब्द-ज्ञान से कार्य की सिद्धि नहीं होती।

श्लोक 54 (devibhagavatam.6.15.54)

तस्मान्नानुभवज्ञानं सम्भवत्यतिमानुषम् । अन्तर्गतं तमश्छेत्तुं शाब्दबोधो हि न क्षमः

tasmānnānubhavajñānaṁ sambhavatyatimānuṣam | antargataṁ tamaśchettuṁ śābdabodho hi na kṣamaḥ

इसलिए अनुभव-ज्ञान के बिना अतिमानुष लक्ष्य संभव नहीं होता; क्योंकि भीतर स्थित अंधकार को काटने में केवल शाब्दिक बोध समर्थ नहीं है।

श्लोक 55 (devibhagavatam.6.15.55)

यथा न नश्यति तमः कृतया दीपवार्तया । तत्कर्म यन्न बन्धाय सा विद्या या विमुक्तये

yathā na naśyati tamaḥ kṛtayā dīpavārtayā | tatkarma yanna bandhāya sā vidyā yā vimuktaye

जैसे दीपक की केवल बात करने से अंधकार नष्ट नहीं होता, वैसे ही केवल शब्दज्ञान से अज्ञान नष्ट नहीं होता। वही कर्म है जो बंधन के लिए नहीं है, और वही विद्या है जो मुक्ति के लिए है।

श्लोक 56 (devibhagavatam.6.15.56)

आयासायापरं कर्म विद्यान्या शिल्पनैपुणम् । शीलं परहितत्वं च कोपाभावः क्षमा धृतिः

āyāsāyāparaṁ karma vidyānyā śilpanaipuṇam | śīlaṁ parahitatvaṁ ca kopābhāvaḥ kṣamā dhṛtiḥ

शेष सभी कर्म केवल श्रम के लिए हैं, और अन्य विद्या केवल शिल्प-कौशल है। सुशीलता, परहित, क्रोध का अभाव, क्षमा, धृति —

श्लोक 57 (devibhagavatam.6.15.57)

सन्तोषश्चेति विद्यायाः परिपाकोज्ज्वलं फलम् । विद्यया तपसा वापि योगाभ्यासेन भूपते

santoṣaśceti vidyāyāḥ paripākojjvalaṁ phalam | vidyayā tapasā vāpi yogābhyāsena bhūpate

और संतोष — यही विद्या के परिपक्व और उज्ज्वल फल हैं। हे राजन्! विद्या से, तप से, अथवा योगाभ्यास से भी,

श्लोक 58 (devibhagavatam.6.15.58)

विना कामादिशत्रूणां नैव नाशः कदाचन । (मनस्तु चञ्चलं रास्वभावादतिदुर्ग्रहम् । तद्वशः सर्वथा प्राणी त्रिविधो भुवनत्रये । ) कामक्रोधादयो भावाश्चित्तजाः परिकीर्तिताः

vinā kāmādiśatrūṇāṁ naiva nāśaḥ kadācana | (manastu cañcalaṁ rāsvabhāvādatidurgraham | tadvaśaḥ sarvathā prāṇī trividho bhuvanatraye | ) kāmakrodhādayo bhāvāścittajāḥ parikīrtitāḥ

काम आदि शत्रुओं का नाश कृपा के बिना कभी नहीं होता — (मन तो अपने रजोगुण-स्वभाव से अत्यंत चंचल और दुर्ग्रह है; त्रिभुवन का प्रत्येक प्राणी सर्वथा उसी के वश में है।) — काम-क्रोध आदि भाव चित्त से उत्पन्न कहे गए हैं।

श्लोक 59 (devibhagavatam.6.15.59)

ते तदा न भवन्त्येव यदा वै निर्जितं मनः । तस्मात्तु निमिना राजन्न क्षमा विहिता मुनौ

te tadā na bhavantyeva yadā vai nirjitaṁ manaḥ | tasmāttu niminā rājanna kṣamā vihitā munau

वे तभी नहीं रहते, जब मन को पूर्णतः जीत लिया जाए। इसीलिए हे राजन्! नमि ने मुनि के प्रति क्षमा नहीं की —

श्लोक 60 (devibhagavatam.6.15.60)

यथा ययातिना पूर्वं कृता शुक्रे कृतागसि । भृगुपुत्रेण शप्तोऽपि ययातिर्नृपसत्तमः

yathā yayātinā pūrvaṁ kṛtā śukre kṛtāgasi | bhṛguputreṇa śapto'pi yayātirnṛpasattamaḥ

जैसे पहले ययाति ने, स्वयं अपराधी होते हुए भी, शुक्राचार्य के प्रति क्षमा नहीं की; भृगुपुत्र द्वारा शापित होकर भी नृपश्रेष्ठ ययाति ने —

श्लोक 61 (devibhagavatam.6.15.61)

न शशाप मुनिं क्रोधाज्जरां राजा गृहीतवान् । कश्चित्सौम्यो भवेत्कश्चित्क्रूरो भवति पार्थिवः

na śaśāpa muniṁ krodhājjarāṁ rājā gṛhītavān | kaścitsaumyo bhavetkaścitkrūro bhavati pārthivaḥ

क्रोधवश मुनि को शाप नहीं दिया, बल्कि जरा (वृद्धावस्था) को स्वीकार कर लिया। कोई राजा सौम्य होता है, कोई क्रूर होता है —

श्लोक 62 (devibhagavatam.6.15.62)

स्वभावभेदान्नृपते कस्य दोषोऽत्र कल्प्यते । हैहया भार्गवान्पूर्वं धनलोभात्पुरोहितान्

svabhāvabhedānnṛpate kasya doṣo'tra kalpyate | haihayā bhārgavānpūrvaṁ dhanalobhātpurohitān

हे नृपते! स्वभाव-भेद के कारण, इसमें किसका दोष माना जाए? पहले हैहयों ने धन-लोभ से भार्गव पुरोहितों के —

श्लोक 63 (devibhagavatam.6.15.63)

ब्राह्मणान्मूलतः सर्वांश्चिच्छिदुः क्रोधमूर्च्छिताः । पातकं पृष्ठतः कृत्वा ब्रह्महत्यासमुद्भवम्

brāhmaṇānmūlataḥ sarvāṁścicchiduḥ krodhamūrcchitāḥ | pātakaṁ pṛṣṭhataḥ kṛtvā brahmahatyāsamudbhavam

सभी ब्राह्मणों को क्रोध से मूर्च्छित होकर जड़ से काट डाला, ब्रह्महत्या से उत्पन्न पाप को पीछे छोड़ते हुए।