पुत्र-जन्म के पश्चात् स्वरूप में वैकुंठ-गमन

श्लोक 1 (devibhagavatam.6.19.1)

व्यास उवाच । तस्यै दत्त्वा वरं शम्भुः कैलासं त्वरितो ययौ । रम्यं देवगणैर्जुष्टमप्सरोभिश्च मण्डितम्

vyāsa uvāca | tasyai dattvā varaṁ śambhuḥ kailāsaṁ tvarito yayau | ramyaṁ devagaṇairjuṣṭamapsarobhiśca maṇḍitam

व्यास जी ने कहा — उसे वर देकर शंभु शीघ्र कैलास को चले गए, वह रमणीय स्थान, देवगणों से सेवित और अप्सराओं से सुशोभित।

श्लोक 2 (devibhagavatam.6.19.2)

तत्र गत्वा चित्ररूपं गणं कार्यविशारदम् । प्रेषयामास वैकुण्ठे लक्ष्मीकार्यार्थसिद्धये

tatra gatvā citrarūpaṁ gaṇaṁ kāryaviśāradam | preṣayāmāsa vaikuṇṭhe lakṣmīkāryārthasiddhaye

वहाँ जाकर उन्होंने कार्यनिपुण चित्ररूप नामक गण को, लक्ष्मी के कार्य की सिद्धि हेतु वैकुंठ भेजा।

श्लोक 3 (devibhagavatam.6.19.3)

शिव उवाच । चित्ररूप हरिं गत्वा ब्रूहि त्वं वचनान्मम । यथासौ दुःखितां पत्नीं विशोकां च करिष्यति

śiva uvāca | citrarūpa hariṁ gatvā brūhi tvaṁ vacanānmama | yathāsau duḥkhitāṁ patnīṁ viśokāṁ ca kariṣyati

शिव ने कहा — 'हे चित्ररूप! हरि के पास जाकर मेरे वचन से कहो, जिससे वे अपनी दुःखी पत्नी को शोकरहित करें।'

श्लोक 4 (devibhagavatam.6.19.4)

इत्युक्तश्चित्ररूपोऽथ निर्जगाम त्वरान्वितः । वैकुण्ठं परमं स्थानं वैष्णवैश्च गणैर्वृतम्

ityuktaścitrarūpo'tha nirjagāma tvarānvitaḥ | vaikuṇṭhaṁ paramaṁ sthānaṁ vaiṣṇavaiśca gaṇairvṛtam

ऐसा कहे जाने पर चित्ररूप तुरंत वैकुंठ, उस परम स्थान, जो वैष्णव गणों से घिरा हुआ था, की ओर चल पड़े —

श्लोक 5 (devibhagavatam.6.19.5)

नानाद्रुमगणाकीर्णं वापीशतविराजितम् । सञ्जुष्टं हंसकारण्डमयूरशुककोकिलैः

nānādrumagaṇākīrṇaṁ vāpīśatavirājitam | sañjuṣṭaṁ haṁsakāraṇḍamayūraśukakokilaiḥ

नाना वृक्षों से भरा, सैकड़ों बावड़ियों से सुशोभित, हंस-कारण्डव-मयूर-शुक-कोकिल पक्षियों से सेवित,

श्लोक 6 (devibhagavatam.6.19.6)

उच्चप्रासादसंयुक्तं पताकाभिरलङ्कृतम् । नृत्यगीतकलापूर्णं मन्दारद्रुमसंयुतम्

uccaprāsādasaṁyuktaṁ patākābhiralaṅkṛtam | nṛtyagītakalāpūrṇaṁ mandāradrumasaṁyutam

ऊँचे प्रासादों से युक्त, पताकाओं से अलंकृत, नृत्य-गीत-कला से पूर्ण, मंदार वृक्षों से युक्त,

श्लोक 7 (devibhagavatam.6.19.7)

बकुलाशोकतिलकचम्पकालिविमण्डितम् । कूजितैर्विहगानां तु कर्णाह्लादकरैर्युतम्

bakulāśokatilakacampakālivimaṇḍitam | kūjitairvihagānāṁ tu karṇāhlādakarairyutam

बकुल-अशोक-तिलक-चंपक की पंक्तियों से सुसज्जित, कर्णप्रिय पक्षियों की मधुर ध्वनियों से युक्त, उस वैकुंठ को।

श्लोक 8 (devibhagavatam.6.19.8)

संवीक्ष्य भवनं विष्णोर्द्वास्थौ प्राह प्रणम्य च । जयविजयनामानौ वेत्रपाणी स्थितावुभौ

saṁvīkṣya bhavanaṁ viṣṇordvāsthau prāha praṇamya ca | jayavijayanāmānau vetrapāṇī sthitāvubhau

विष्णु के उस भवन को देखकर, उन्होंने प्रणाम करके, हाथों में छड़ी लिए खड़े जय-विजय नामक दोनों द्वारपालों से कहा —

श्लोक 9 (devibhagavatam.6.19.9)

चित्ररूप उवाच । भो निवेदयत शीघ्रं हरये परमात्मने । दूतं प्राप्यं हरस्यात्र प्रेरितं शूलपाणिना

citrarūpa uvāca | bho nivedayata śīghraṁ haraye paramātmane | dūtaṁ prāpyaṁ harasyātra preritaṁ śūlapāṇinā

चित्ररूप ने कहा — 'हे भद्रजनो! शीघ्र परमात्मा हरि को निवेदित करो कि शूलपाणि (शिव) द्वारा भेजा गया हर का दूत यहाँ आया है।'

श्लोक 10 (devibhagavatam.6.19.10)

तच्छ्रुत्वा वचनं तस्य जयः परमबुद्धिमान् । गत्वा हरिं प्रणम्याह कृताञ्जलिपुटः पुरः

tacchrutvā vacanaṁ tasya jayaḥ paramabuddhimān | gatvā hariṁ praṇamyāha kṛtāñjalipuṭaḥ puraḥ

उसकी यह बात सुनकर, परमबुद्धिमान जय ने जाकर, हाथ जोड़े हरि के सामने प्रणाम कर कहा —

श्लोक 11 (devibhagavatam.6.19.11)

देवदेव रमाकान्त करुणाकर केशव । द्वारि तिष्ठति दूतोऽत्र शङ्करस्य समागतः

devadeva ramākānta karuṇākara keśava | dvāri tiṣṭhati dūto'tra śaṅkarasya samāgataḥ

'हे देवदेव! रमाकांत! करुणाकर! केशव! द्वार पर शंकर का एक दूत आकर खड़ा है।'

श्लोक 12 (devibhagavatam.6.19.12)

आज्ञापय प्रवेष्टव्यो न वेति गरुडध्वज । चित्ररूपधरोऽप्यस्ति न जाने कार्यगौरवम्

ājñāpaya praveṣṭavyo na veti garuḍadhvaja | citrarūpadharo'pyasti na jāne kāryagauravam

'हे गरुड़ध्वज! आज्ञा दीजिए, उसे प्रवेश दिया जाए या नहीं। वह चित्ररूप धारण किए है, मुझे उसके कार्य की गंभीरता ज्ञात नहीं।'

श्लोक 13 (devibhagavatam.6.19.13)

इत्याकर्ण्य हरिः प्राह जयं प्रज्ञातकारणः । प्रवेशयात्र रुद्रस्य भृत्यं समयसंस्थितम्

ityākarṇya hariḥ prāha jayaṁ prajñātakāraṇaḥ | praveśayātra rudrasya bhṛtyaṁ samayasaṁsthitam

यह सुनकर, पहले से ही कारण जानने वाले हरि ने जय से कहा — 'रुद्र के इस समयनिष्ठ सेवक को प्रवेश दो।'

श्लोक 14 (devibhagavatam.6.19.14)

इत्याकर्ण्य जयस्तूर्णं गत्वा तं परमाद्भुतम् । एहीत्याकारयामास जयः शङ्करसेवकम्

ityākarṇya jayastūrṇaṁ gatvā taṁ paramādbhutam | ehītyākārayāmāsa jayaḥ śaṅkarasevakam

यह सुनकर जय शीघ्र ही उस परम अद्भुत व्यक्ति के पास जाकर 'आइए' कहते हुए शंकर के उस सेवक को बुला लाए।

श्लोक 15 (devibhagavatam.6.19.15)

प्रवेशितो जयेनाथ चित्ररूपस्तथाकृतिः । प्रणम्य दण्डवद्विष्णुं कृताञ्जलिपुटः स्थितः

praveśito jayenātha citrarūpastathākṛtiḥ | praṇamya daṇḍavadviṣṇuṁ kṛtāñjalipuṭaḥ sthitaḥ

जय द्वारा प्रवेश दिए जाने पर, वही रूप धारण किए चित्ररूप ने विष्णु को साष्टांग प्रणाम कर, हाथ जोड़कर खड़े हुए।

श्लोक 16 (devibhagavatam.6.19.16)

दृष्ट्वा तं विस्मयं प्राप भगवान् गरुडध्वजः । चित्ररूपधरं शम्भोः सेवकं विनयान्वितम्

dṛṣṭvā taṁ vismayaṁ prāpa bhagavān garuḍadhvajaḥ | citrarūpadharaṁ śambhoḥ sevakaṁ vinayānvitam

उसे देखकर भगवान गरुड़ध्वज विस्मित हो गए — शंभु के उस विनम्र, चित्ररूपधारी सेवक को देखकर।

श्लोक 17 (devibhagavatam.6.19.17)

पप्रच्छ तं स्मितं कृत्वा चित्ररूपं रमापतिः । कुशलं देवदेवस्य सकुटुम्बस्य चानघ

papraccha taṁ smitaṁ kṛtvā citrarūpaṁ ramāpatiḥ | kuśalaṁ devadevasya sakuṭumbasya cānagha

मुस्कुराते हुए रमापति ने चित्ररूप से पूछा — 'हे अनघ! देवदेव और उनके परिवार की कुशलता तो है न?'

श्लोक 18 (devibhagavatam.6.19.18)

कस्मात्त्वं प्रेषितोऽस्यत्र ब्रूहिकार्यं हरस्य किम् । अथवा देवतानां च किञ्चित्कार्यं समुत्थितम्

kasmāttvaṁ preṣito'syatra brūhikāryaṁ harasya kim | athavā devatānāṁ ca kiñcitkāryaṁ samutthitam

'तुम यहाँ किस कारण भेजे गए हो? बताओ, हर का क्या प्रयोजन है? अथवा देवताओं में कोई कार्य उत्पन्न हुआ है?'

श्लोक 19 (devibhagavatam.6.19.19)

दूत उवाच । किमज्ञातं तवास्तीह संसारे गरुडध्वज । वर्तमानं त्रिकालज्ञ यदहं प्रब्रवीमि वै

dūta uvāca | kimajñātaṁ tavāstīha saṁsāre garuḍadhvaja | vartamānaṁ trikālajña yadahaṁ prabravīmi vai

दूत ने कहा — 'हे गरुड़ध्वज! त्रिकालज्ञ आपसे इस संसार में क्या अज्ञात है, कि मैं वर्तमान की बात आपसे कहूँ?'

श्लोक 20 (devibhagavatam.6.19.20)

प्रेषितोऽस्मि भवेनात्र विज्ञस्तु त्वां जनार्दन । हरस्य वचनाद्वाक्यं प्रब्रवीमि त्वयि प्रभो

preṣito'smi bhavenātra vijñastu tvāṁ janārdana | harasya vacanādvākyaṁ prabravīmi tvayi prabho

'मुझे भव (शिव) द्वारा यहाँ भेजा गया है; हे जनार्दन! आप तो सर्वज्ञ हैं, फिर भी हर के वचन से मैं आपसे कहता हूँ, हे प्रभो —'

श्लोक 21 (devibhagavatam.6.19.21)

तेनोक्तमेतद्देवेश भार्या ते कमलालया । तपस्तपति कालिन्दीतमसासङ्गमे विभो

tenoktametaddeveśa bhāryā te kamalālayā | tapastapati kālindītamasāsaṅgame vibho

'उन्होंने कहा है — हे देवेश! आपकी पत्नी, कमलालया, हे विभो! कालिंदी-तमसा के संगम पर तप कर रही हैं —'

श्लोक 22 (devibhagavatam.6.19.22)

हयीरूपधरा देवी सर्वार्थसिद्धिदायिनी । ध्यातुं योग्यामरगणैर्मानवैर्यक्षकिन्नरैः

hayīrūpadharā devī sarvārthasiddhidāyinī | dhyātuṁ yogyāmaragaṇairmānavairyakṣakinnaraiḥ

'घोड़ी का रूप धारण किए वह देवी, सर्वार्थ-सिद्धिदायिनी, देवगणों, मनुष्यों, यक्षों और किन्नरों द्वारा ध्यान करने योग्य —'

श्लोक 23 (devibhagavatam.6.19.23)

विना तया नरः कोऽपिसुखभागी भवेन्न हि । तां त्यक्त्वा पुण्डरीकाक्ष प्राप्नोषि किं सुखं हरे

vinā tayā naraḥ ko'pisukhabhāgī bhavenna hi | tāṁ tyaktvā puṇḍarīkākṣa prāpnoṣi kiṁ sukhaṁ hare

'उनके बिना कोई भी मनुष्य सुखभागी नहीं हो सकता। हे पुण्डरीकाक्ष! उन्हें त्यागकर आप स्वयं कैसा सुख प्राप्त कर रहे हैं, हे हरे?'

श्लोक 24 (devibhagavatam.6.19.24)

दुर्बलोऽपि स्त्रियं पाति निर्धनोऽपि जगत्पते । विनापराधं च विभो किं त्यक्ता जगदीश्वरी

durbalo'pi striyaṁ pāti nirdhano'pi jagatpate | vināparādhaṁ ca vibho kiṁ tyaktā jagadīśvarī

'निर्बल भी अपनी पत्नी की रक्षा करता है, निर्धन भी, हे जगत्पते! फिर बिना किसी अपराध के, हे विभो! जगदीश्वरी को क्यों त्याग दिया?'

श्लोक 25 (devibhagavatam.6.19.25)

दुःखं प्राप्नोति संसारे यस्य भार्या जगद्गुरो । धिक्तस्य जीवितं लोके निन्दितं त्वरिमण्डले

duḥkhaṁ prāpnoti saṁsāre yasya bhāryā jagadguro | dhiktasya jīvitaṁ loke ninditaṁ tvarimaṇḍale

'जिसकी पत्नी संसार में दुःख पाती है, हे जगद्गुरो! उसका जीवन धिक्कार-योग्य है, संसार में निंदित है।'

श्लोक 26 (devibhagavatam.6.19.26)

सकामा रिपवस्तेऽद्य दृष्ट्वा तां दुःखिता भृशम् । त्वां वियुक्तं च रमया हसिष्यन्ति दिवानिशम्

sakāmā ripavaste'dya dṛṣṭvā tāṁ duḥkhitā bhṛśam | tvāṁ viyuktaṁ ca ramayā hasiṣyanti divāniśam

'आपके शत्रु आज उसे इतना दुःखी देखकर सकाम हो रहे हैं, और रमा से आपके वियोग को देखकर वे दिन-रात हँसेंगे।'

श्लोक 27 (devibhagavatam.6.19.27)

रमां रमय देवेश त्वदुत्सङ्गगतां कुरु । सर्वलक्षणसम्पन्नां सुशीलां च सुरूपिणीम्

ramāṁ ramaya deveśa tvadutsaṅgagatāṁ kuru | sarvalakṣaṇasampannāṁ suśīlāṁ ca surūpiṇīm

'हे देवेश! रमा को प्रसन्न कीजिए, उन्हें अपनी गोद में स्थान दीजिए — जो सर्वलक्षणसंपन्न, सुशील और सुंदर हैं।'

श्लोक 28 (devibhagavatam.6.19.28)

सुखितो भव तां प्राप्य वल्लभां चारुहासिनीम् । कान्ताविरहजं दुःखं स्मराम्यहमनातुरः

sukhito bhava tāṁ prāpya vallabhāṁ cāruhāsinīm | kāntāvirahajaṁ duḥkhaṁ smarāmyahamanāturaḥ

'उस मधुर-हास्य वाली प्रियतमा को पाकर सुखी हो जाइए। प्रिया के विरह से उत्पन्न दुःख को मैं, यद्यपि अभी संतप्त नहीं, फिर भी स्मरण करता हूँ।'

श्लोक 29 (devibhagavatam.6.19.29)

मम भार्या मृता विष्णो दक्षयज्ञे सती यदा । तदाहं दुःसहं दुःखं भुक्तवानम्बुजेक्षण

mama bhāryā mṛtā viṣṇo dakṣayajñe satī yadā | tadāhaṁ duḥsahaṁ duḥkhaṁ bhuktavānambujekṣaṇa

'हे विष्णो! जब दक्ष के यज्ञ में मेरी पत्नी सती का देहांत हुआ, तब मैंने, हे कमलनयन! असह्य दुःख भोगा था।'

श्लोक 30 (devibhagavatam.6.19.30)

संसारेऽस्मिन्नरः कोऽपि माभून्मत्सदृशोऽपरः । मनसाकरवं शोकं तस्या विरहपीडितः

saṁsāre'sminnaraḥ ko'pi mābhūnmatsadṛśo'paraḥ | manasākaravaṁ śokaṁ tasyā virahapīḍitaḥ

'इस संसार में मेरे समान कोई अन्य पुरुष कभी न हो! उनके विरह से पीड़ित होकर मैंने मन में शोक धारण किया।'

श्लोक 31 (devibhagavatam.6.19.31)

कालेन महता प्राप्ता मया गिरिसुता पुनः । तपस्तप्त्वातिदुःसाध्यं या दग्धा तु रुषाध्वरे

kālena mahatā prāptā mayā girisutā punaḥ | tapastaptvātiduḥsādhyaṁ yā dagdhā tu ruṣādhvare

'बहुत काल बाद मैंने फिर से गिरिजा को प्राप्त किया — जिन्होंने अत्यंत दुष्कर तप किया, जो क्रोधवश यज्ञ की अग्नि में भस्म हो गई थीं।'

श्लोक 32 (devibhagavatam.6.19.32)

हरे किं सुखमापन्नं त्वया सन्त्यज्य कामिनीम् । एकाकी तिष्ठता कालं सहस्रवत्सरात्मकम्

hare kiṁ sukhamāpannaṁ tvayā santyajya kāminīm | ekākī tiṣṭhatā kālaṁ sahasravatsarātmakam

'हे हरे! प्रियतमा को त्यागकर, सहस्र वर्षों तक अकेले रहकर, आपको क्या सुख प्राप्त हुआ?'

श्लोक 33 (devibhagavatam.6.19.33)

गत्वाश्वास्य महाभागां समानय निजालयम् । माभूत्कोऽपीह संसारे विमुक्तो रमया तया

gatvāśvāsya mahābhāgāṁ samānaya nijālayam | mābhūtko'pīha saṁsāre vimukto ramayā tayā

'जाकर उस महाभागा को सांत्वना देकर अपने घर लाइए। इस संसार में कोई भी अपनी रमा से सदा वियुक्त न रहे।'

श्लोक 34 (devibhagavatam.6.19.34)

कृत्वा तुरगरूपं त्वं भज तां कमलालयाम् । उत्पाद्य पुत्रमायुष्मंस्तामानय शुचिस्मिताम्

kṛtvā turagarūpaṁ tvaṁ bhaja tāṁ kamalālayām | utpādya putramāyuṣmaṁstāmānaya śucismitām

'घोड़े का रूप धारण कर उस कमलालया से मिलिए; पुत्र को उत्पन्न कर, हे आयुष्मन्! उस सुहासिनी को वापस लाइए।'

श्लोक 35 (devibhagavatam.6.19.35)

व्यास उवाच । हरिराकर्ण्य तद्वाक्यं चित्ररूपस्य भारत । तथेत्युक्त्वा तु तं दूतं प्रेषयामास शङ्करम्

vyāsa uvāca | harirākarṇya tadvākyaṁ citrarūpasya bhārata | tathetyuktvā tu taṁ dūtaṁ preṣayāmāsa śaṅkaram

व्यास जी ने कहा — हे भारत! चित्ररूप के इस वचन को सुनकर हरि ने 'ऐसा ही होगा' कहकर उस दूत को शंकर के पास वापस भेज दिया।

श्लोक 36 (devibhagavatam.6.19.36)

गते दूतेऽथ भगवान्वैकुण्ठात्कामसंयुतः । जगाम धृत्वा तत्राशु वाजिरूपं मनोहरम्

gate dūte'tha bhagavānvaikuṇṭhātkāmasaṁyutaḥ | jagāma dhṛtvā tatrāśu vājirūpaṁ manoharam

दूत के जाने पर, भगवान वैकुंठ से कामातुर होकर, वहाँ शीघ्र मनोहर घोड़े का रूप धारण कर चल पड़े।

श्लोक 37 (devibhagavatam.6.19.37)

यत्र सा वडवारूपं कृत्वा तपति सिन्धुजा । विष्णुस्तं देशमासाद्य तामपश्यद्धयीं स्थिताम्

yatra sā vaḍavārūpaṁ kṛtvā tapati sindhujā | viṣṇustaṁ deśamāsādya tāmapaśyaddhayīṁ sthitām

जहाँ वह समुद्रजा घोड़ी का रूप धारण कर तप कर रही थीं, विष्णु उस स्थान पर पहुँचकर उन्हें घोड़ी के रूप में स्थित देखा।

श्लोक 38 (devibhagavatam.6.19.38)

सापि तं वीक्ष्य गोविन्दं हयरूपधरं पतिम् । ज्ञात्वा वीक्ष्य स्थिता साध्वी विस्मिता साश्रुलोचना

sāpi taṁ vīkṣya govindaṁ hayarūpadharaṁ patim | jñātvā vīkṣya sthitā sādhvī vismitā sāśrulocanā

वह भी उस अश्वरूपधारी पति गोविंद को देखकर, पहचानकर, अश्रुपूरित नेत्रों से विस्मित होकर वहीं खड़ी रह गई, वह साध्वी।

श्लोक 39 (devibhagavatam.6.19.39)

तयोस्तु सङ्गमस्तत्र प्रवृत्तो मन्मथार्तयोः । कालिन्दीतमसासङ्गे पावने लोकविश्रुते

tayostu saṅgamastatra pravṛtto manmathārtayoḥ | kālindītamasāsaṅge pāvane lokaviśrute

उन दोनों का मिलन वहीं, कालिंदी-तमसा के पावन, लोकविख्यात संगम पर, कामातुर होकर हुआ।

श्लोक 40 (devibhagavatam.6.19.40)

सगर्भा सा तदा जाता वडवा हरिवल्लभा । सुषुवे सुन्दरं बालं तत्रैव सुगुणोत्तरम्

sagarbhā sā tadā jātā vaḍavā harivallabhā | suṣuve sundaraṁ bālaṁ tatraiva suguṇottaram

वह घोड़ी, हरि की प्रियतमा, तब गर्भवती हुई और वहीं एक सुंदर, सद्गुणसंपन्न बालक को जन्म दिया।

श्लोक 41 (devibhagavatam.6.19.41)

तामाह भगवान्वाक्यं प्रहस्य समयाश्रितम् । त्यजाद्य वाडवं देहं पूर्वदेहा भवाधुना

tāmāha bhagavānvākyaṁ prahasya samayāśritam | tyajādya vāḍavaṁ dehaṁ pūrvadehā bhavādhunā

भगवान ने मुस्कुराते हुए उससे समयोचित वचन कहा — 'अब यह घोड़ी की देह त्याग दो, अभी अपने पूर्व रूप में आ जाओ।'

श्लोक 42 (devibhagavatam.6.19.42)

गमिष्यावः स्ववैकुण्ठमावां कृत्वा निजं वपुः । तिष्ठत्वत्र कुमारोऽयं त्वया जातः सुलोचने

gamiṣyāvaḥ svavaikuṇṭhamāvāṁ kṛtvā nijaṁ vapuḥ | tiṣṭhatvatra kumāro'yaṁ tvayā jātaḥ sulocane

'हम दोनों अपने वास्तविक रूप धारण कर अपने वैकुंठ को जाएँगे; हे सुलोचने! यहाँ तुमसे उत्पन्न यह कुमार रहने दो।'

श्लोक 43 (devibhagavatam.6.19.43)

लक्ष्मीरुवाच । स्वदेहसम्भवं पुत्रं कथं हित्वा व्रजाम्यहम् । स्नेहः सुदुस्त्यजः कामं स्वात्मजस्य सुरर्षभ

lakṣmīruvāca | svadehasambhavaṁ putraṁ kathaṁ hitvā vrajāmyaham | snehaḥ sudustyajaḥ kāmaṁ svātmajasya surarṣabha

लक्ष्मी ने कहा — 'अपनी ही देह से उत्पन्न पुत्र को छोड़कर मैं कैसे जाऊँ? हे सुरश्रेष्ठ! अपने पुत्र का स्नेह त्यागना अत्यंत कठिन है।'

श्लोक 44 (devibhagavatam.6.19.44)

का गतिः स्यादमेयात्मन् बालस्यास्य नदीतटे । अनाथस्यासमर्थस्य विजनेऽल्पतनोरिह

kā gatiḥ syādameyātman bālasyāsya nadītaṭe | anāthasyāsamarthasya vijane'lpatanoriha

'हे अपार आत्मन्! इस निर्जन नदी-तट पर, अनाथ, असमर्थ, इस छोटे-से बालक की क्या गति होगी?'

श्लोक 45 (devibhagavatam.6.19.45)

अनाश्रयं सुतं त्यक्त्वा कथं गन्तुं मनो मम । समर्थं सदयं स्वामिन् भवेदम्बुजलोचन

anāśrayaṁ sutaṁ tyaktvā kathaṁ gantuṁ mano mama | samarthaṁ sadayaṁ svāmin bhavedambujalocana

'निराश्रय पुत्र को छोड़कर जाने को मेरा मन कैसे तैयार हो? हे स्वामिन्! हे कमलनयन! आप ही समर्थ और दयालु बनें।'

श्लोक 46 (devibhagavatam.6.19.46)

दिव्यदेहौ ततो जातौ लक्ष्मीनारायणावुभौ । विमानवरसंविष्टौ स्तूयमानौ सुरैर्दिवि

divyadehau tato jātau lakṣmīnārāyaṇāvubhau | vimānavarasaṁviṣṭau stūyamānau surairdivi

तब लक्ष्मी और नारायण, दोनों ने अपने दिव्य शरीर धारण किए, और श्रेष्ठ विमान पर बैठकर आकाश में देवताओं द्वारा स्तुति किए गए।

श्लोक 47 (devibhagavatam.6.19.47)

गन्तुकामं पतिं प्राह कमला कमलापतिम् । गृहाणेमं सुतं नाथ नाहं शक्तास्मि हापितुम्

gantukāmaṁ patiṁ prāha kamalā kamalāpatim | gṛhāṇemaṁ sutaṁ nātha nāhaṁ śaktāsmi hāpitum

जाने को उद्यत पति से कमला ने कमलापति से कहा — 'हे नाथ! इस पुत्र को ले लीजिए, मैं इसे त्यागने में समर्थ नहीं हूँ।'

श्लोक 48 (devibhagavatam.6.19.48)

प्राणप्रियोऽस्ति मे पुत्रः कान्त्या त्वत्सदृशः प्रभो । गृहीत्वैनं गमिष्यावो वैकुण्ठं मधुसूदन

prāṇapriyo'sti me putraḥ kāntyā tvatsadṛśaḥ prabho | gṛhītvainaṁ gamiṣyāvo vaikuṇṭhaṁ madhusūdana

'यह पुत्र मुझे प्राणों के समान प्रिय है, हे प्रभो! कांति में आपके ही समान। इसे लेकर हम वैकुंठ चलें, हे मधुसूदन।'

श्लोक 49 (devibhagavatam.6.19.49)

हरिरुवाच । मा विषादं प्रिये कर्तुं त्वमर्हसि वरानने । तिष्ठत्वयं सुखेनात्र रक्षा मे विहिता त्विह

hariruvāca | mā viṣādaṁ priye kartuṁ tvamarhasi varānane | tiṣṭhatvayaṁ sukhenātra rakṣā me vihitā tviha

हरि ने कहा — 'हे प्रिये! हे वरानने! विषाद मत करो। यह यहाँ सुखपूर्वक रहे, इसकी रक्षा का प्रबंध मैंने यहीं कर दिया है।'

श्लोक 50 (devibhagavatam.6.19.50)

कार्यं किमपि वामोरु वर्तते महदद्भुतम् । निबोध कथयाम्यद्य सुतस्यात्र विमोचने

kāryaṁ kimapi vāmoru vartate mahadadbhutam | nibodha kathayāmyadya sutasyātra vimocane

'हे वामोरु! यहाँ एक महान अद्भुत कार्य चल रहा है। समझो, मैं आज इस पुत्र के यहाँ ठहरने का कारण बताता हूँ।'

श्लोक 51 (devibhagavatam.6.19.51)

तुर्वसुर्नाम विख्यातो ययातितनुजो भुवि । हरिवर्मेति पित्रास्य कृतं नाम सुविश्रुतम्

turvasurnāma vikhyāto yayātitanujo bhuvi | harivarmeti pitrāsya kṛtaṁ nāma suviśrutam

'तुर्वसु नामक विख्यात राजा, यायाति का पुत्र, पृथ्वी पर है, जिसका नाम पिता ने हरिवर्मा रखा था, जो अत्यंत प्रसिद्ध है।'

श्लोक 52 (devibhagavatam.6.19.52)

स राजा पुत्रकामोऽद्य तपस्तपति पावने । तीर्थे वर्षशतं जातं तस्य वै कुर्वतस्तपः

sa rājā putrakāmo'dya tapastapati pāvane | tīrthe varṣaśataṁ jātaṁ tasya vai kurvatastapaḥ

'वह राजा पुत्र की कामना से आज एक पावन तीर्थ में तप कर रहा है; उसे तप करते हुए सौ वर्ष बीत चुके हैं।'

श्लोक 53 (devibhagavatam.6.19.53)

तस्यार्थे निर्मितः पुत्रो मयायं कमलालये । तत्र गत्वा नृपं सुभ्रु प्रेरयिष्यामि साम्प्रतम्

tasyārthe nirmitaḥ putro mayāyaṁ kamalālaye | tatra gatvā nṛpaṁ subhru prerayiṣyāmi sāmpratam

'हे कमलालये! उसी के लिए यह पुत्र मेरे द्वारा रचा गया है। वहाँ जाकर, हे सुभ्रु! मैं अभी उस राजा को प्रेरित करूँगा।'

श्लोक 54 (devibhagavatam.6.19.54)

तस्मै दास्याम्यहं पुत्रं पुत्रकामाय कामिनि । गृहीत्वा स्वगृहं राजा प्रापयिष्यति बालकम्

tasmai dāsyāmyahaṁ putraṁ putrakāmāya kāmini | gṛhītvā svagṛhaṁ rājā prāpayiṣyati bālakam

'हे कामिनी! मैं यह पुत्र उस पुत्रकामी राजा को दूँगा; राजा इसे लेकर अपने घर ले जाएगा, इस बालक को प्राप्त करेगा।'

श्लोक 55 (devibhagavatam.6.19.55)

व्यास उवाच । इत्याश्वास्य प्रियां पद्मां कृत्वा रक्षां च बालके । विमानवरमारुह्य प्रययौ प्रियया सह

vyāsa uvāca | ityāśvāsya priyāṁ padmāṁ kṛtvā rakṣāṁ ca bālake | vimānavaramāruhya prayayau priyayā saha

व्यास जी ने कहा — इस प्रकार प्रिया पद्मा (लक्ष्मी) को सांत्वना देकर, बालक की रक्षा का प्रबंध कर, वे श्रेष्ठ विमान पर सवार होकर प्रिया-सहित चले गए।