एकवीर की कथा

श्लोक 1 (devibhagavatam.6.20.1)

जनमेजय उवाच । संशयोऽयं महानत्र जातमात्रः शिशुस्तथा । मुक्तः केन गृहीतोऽसावेकाकी विजने वने

janamejaya uvāca | saṁśayo'yaṁ mahānatra jātamātraḥ śiśustathā | muktaḥ kena gṛhīto'sāvekākī vijane vane

जनमेजय ने कहा — यहाँ मुझे महान संदेह है — नवजात शिशु, निर्जन वन में अकेला छोड़ा गया, उसे किसने ग्रहण किया?

श्लोक 2 (devibhagavatam.6.20.2)

का गतिस्तस्य बालस्य जाता सत्यवतीसुत । व्याघ्रसिंहादिभिर्हिंस्रैर्गृहीतो नातिबालकः

kā gatistasya bālasya jātā satyavatīsuta | vyāghrasiṁhādibhirhiṁsrairgṛhīto nātibālakaḥ

हे सत्यवती-पुत्र! उस बालक की क्या गति हुई? क्या इतना छोटा शिशु व्याघ्र-सिंह आदि हिंसक जीवों द्वारा पकड़ लिया गया?

श्लोक 3 (devibhagavatam.6.20.3)

व्यास उवाच । लक्ष्मीनारायणौ तस्मात्स्थानाच्च चलितौ यदा । तदैव तत्र चम्पाख्यः प्राप्तो विद्याधरः किल

vyāsa uvāca | lakṣmīnārāyaṇau tasmātsthānācca calitau yadā | tadaiva tatra campākhyaḥ prāpto vidyādharaḥ kila

व्यास जी ने कहा — जब लक्ष्मी और नारायण उस स्थान से चले गए, ठीक उसी समय वहाँ चंपा नामक विद्याधर वहाँ आ पहुँचा।

श्लोक 4 (devibhagavatam.6.20.4)

विमानवरमारूढः कामिन्या सहितो नृप । मदनालसया कामं क्रीडमानो यदृच्छया

vimānavaramārūḍhaḥ kāminyā sahito nṛpa | madanālasayā kāmaṁ krīḍamāno yadṛcchayā

हे राजन्! श्रेष्ठ विमान पर सवार होकर, अपनी प्रिया मदनालसा के साथ, यथेच्छ विचरण करते हुए, वह वहाँ आया।

श्लोक 5 (devibhagavatam.6.20.5)

विलोक्य तं शिशुं भूमावेकाकिनमनुत्तमम् । देवपुत्रप्रतीकाशं रममाणं यथासुखम्

vilokya taṁ śiśuṁ bhūmāvekākinamanuttamam | devaputrapratīkāśaṁ ramamāṇaṁ yathāsukham

भूमि पर उस अकेले, अनुपम, देवपुत्र-सदृश, सुखपूर्वक क्रीड़ा करते हुए उस शिशु को देखकर —

श्लोक 6 (devibhagavatam.6.20.6)

विमानात्तरसोत्तीर्य चम्पकस्तं शिशु जवात् । जग्राह च मुदं प्राप निधिं प्राप्य यथाधनः

vimānāttarasottīrya campakastaṁ śiśu javāt | jagrāha ca mudaṁ prāpa nidhiṁ prāpya yathādhanaḥ

चंपक विमान से शीघ्र उतरकर उस शिशु को त्वरा से उठा लाया, और निर्धन को निधि प्राप्त होने के समान हर्षित हुआ।

श्लोक 7 (devibhagavatam.6.20.7)

गृहीत्वा चम्पकः प्रादाद्देव्यै तं मदनोपमम् । मदनालसायै तं बालं जातमात्रं मनोहरम्

gṛhītvā campakaḥ prādāddevyai taṁ madanopamam | madanālasāyai taṁ bālaṁ jātamātraṁ manoharam

उस कामदेव-सदृश, अभी-अभी जन्मे, मनोहर शिशु को लेकर चंपक ने उसे अपनी देवी मदनालसा को दे दिया।

श्लोक 8 (devibhagavatam.6.20.8)

सा गृहीत्वा शिशुं प्रेम्णा सरोमाञ्चा सविस्मया । मुखं चुचुम्ब बालस्य कृत्वा तु हृदये भृशम्

sā gṛhītvā śiśuṁ premṇā saromāñcā savismayā | mukhaṁ cucumba bālasya kṛtvā tu hṛdaye bhṛśam

उसने प्रेम से रोमांचित और विस्मित होकर उस शिशु को लेकर, उसे हृदय से लगाकर, उसका मुख बार-बार चूमा।

श्लोक 9 (devibhagavatam.6.20.9)

आलिङ्गितश्चुम्बितश्च तयासौ प्रीतिपूर्वकम् । उत्सङ्गे च कृतस्तन्व्या पुत्रभावेन भारत

āliṅgitaścumbitaśca tayāsau prītipūrvakam | utsaṅge ca kṛtastanvyā putrabhāvena bhārata

हे भारत! उस पतली स्त्री द्वारा प्रेमपूर्वक आलिंगित और चुम्बित होकर, वह पुत्रभाव से उसकी गोद में रखा गया।

श्लोक 10 (devibhagavatam.6.20.10)

कृत्वाङ्के तौ समारूढौ विमानं दम्पती मुदा । पतिं पप्रच्छ चार्वङ्गी प्रहस्य मदनालसा

kṛtvāṅke tau samārūḍhau vimānaṁ dampatī mudā | patiṁ papraccha cārvaṅgī prahasya madanālasā

उसे गोद में लेकर, वह दंपती हर्षपूर्वक विमान पर सवार हुए; चारु-अंगी मदनालसा ने मुस्कुराते हुए अपने पति से पूछा —

श्लोक 11 (devibhagavatam.6.20.11)

कस्यायं बालकः कान्त त्यक्तः केन च कानने । पुत्रोऽयं मम देवेन दत्तस्त्र्यम्बकपाणिना

kasyāyaṁ bālakaḥ kānta tyaktaḥ kena ca kānane | putro'yaṁ mama devena dattastryambakapāṇinā

'हे कांत! यह किसका बालक है, और वन में किसने इसे त्यागा? यह बालक त्रिनेत्रधारी देव द्वारा दिया गया मेरा ही पुत्र हो।'

श्लोक 12 (devibhagavatam.6.20.12)

चम्पक उवाच । प्रिये गत्वाद्य पृच्छेयं शक्रं सर्वज्ञमाशु वै । देवो वा दानवो वापि गन्धर्वो वा शिशुः किल

campaka uvāca | priye gatvādya pṛccheyaṁ śakraṁ sarvajñamāśu vai | devo vā dānavo vāpi gandharvo vā śiśuḥ kila

चंपक ने कहा — 'हे प्रिये! जाकर अभी सर्वज्ञ शक्र से शीघ्र पूछता हूँ, कि यह शिशु देवता का है, दानव का है, या गंधर्व का।'

श्लोक 13 (devibhagavatam.6.20.13)

तेनाज्ञप्तः करिष्यामि पुत्रं प्राप्तं वनादमुम् । अपृष्ट्वा नैव कर्तव्यं कार्यं किञ्चिन्मया ध्रुवम्

tenājñaptaḥ kariṣyāmi putraṁ prāptaṁ vanādamum | apṛṣṭvā naiva kartavyaṁ kāryaṁ kiñcinmayā dhruvam

'उनकी आज्ञा से ही मैं इस वन से प्राप्त बालक को पुत्र बनाऊँगा; बिना पूछे मुझे निश्चय ही कुछ भी नहीं करना चाहिए।'

श्लोक 14 (devibhagavatam.6.20.14)

इत्युक्त्वा तां गृहीत्वा तं विमानेनाथ चम्पकः । ययौ शक्रपुरं तूर्णं हर्षेणोत्फुल्ललोचनः

ityuktvā tāṁ gṛhītvā taṁ vimānenātha campakaḥ | yayau śakrapuraṁ tūrṇaṁ harṣeṇotphullalocanaḥ

यह कहकर चंपक उसे और उस बालक को लेकर विमान से हर्षोल्लसित नेत्रों सहित शीघ्र शक्रपुरी को गया।

श्लोक 15 (devibhagavatam.6.20.15)

प्रणम्य पादयोः प्रीत्या चम्पकस्तु शचीपतिम् । निवेद्य बालकं प्राह कृताञ्जलिपुटः स्थितः

praṇamya pādayoḥ prītyā campakastu śacīpatim | nivedya bālakaṁ prāha kṛtāñjalipuṭaḥ sthitaḥ

चंपक ने प्रेमपूर्वक शचीपति (इंद्र) के चरणों में प्रणाम कर, बालक को निवेदित करते हुए हाथ जोड़कर खड़े होकर कहा —

श्लोक 16 (devibhagavatam.6.20.16)

देवदेव मया लब्धस्तीर्थे परमपावने । कालिन्दीतमसासङ्गे बालकोऽयं स्मरप्रभः

devadeva mayā labdhastīrthe paramapāvane | kālindītamasāsaṅge bālako'yaṁ smaraprabhaḥ

'हे देवदेव! यह कामदेव-सा तेजस्वी बालक मुझे परम पावन तीर्थ में, कालिंदी-तमसा के संगम पर प्राप्त हुआ है।'

श्लोक 17 (devibhagavatam.6.20.17)

कस्यायं बालकः कान्तः कथं त्यक्तः शचीपते । आज्ञा चेत्तव देवेश कुर्वेऽहं बालकं सुतम्

kasyāyaṁ bālakaḥ kāntaḥ kathaṁ tyaktaḥ śacīpate | ājñā cettava deveśa kurve'haṁ bālakaṁ sutam

'हे शचीपते! यह सुंदर बालक किसका है, और क्यों त्यागा गया? हे देवेश! यदि आपकी आज्ञा हो, तो मैं इसे अपना पुत्र बना लूँ।'

श्लोक 18 (devibhagavatam.6.20.18)

अतीव सुन्दरो बालः प्रियाया वल्लभः सुतः । कृत्रिमस्तु सुतः प्रोक्तो धर्मशास्त्रेषु सर्वथा

atīva sundaro bālaḥ priyāyā vallabhaḥ sutaḥ | kṛtrimastu sutaḥ prokto dharmaśāstreṣu sarvathā

'यह बालक अत्यंत सुंदर है, मेरी प्रिया को पुत्र के समान प्रिय है; धर्मशास्त्रों में ऐसे पुत्र को सर्वथा "कृत्रिम पुत्र" कहा गया है।'

श्लोक 19 (devibhagavatam.6.20.19)

इन्द्र उवाच । पुत्रोऽयं वासुदेवस्य वाजिरूपधरस्य ह । हैहयोऽयं महाभाग लक्ष्म्यां जातः परन्तपः

indra uvāca | putro'yaṁ vāsudevasya vājirūpadharasya ha | haihayo'yaṁ mahābhāga lakṣmyāṁ jātaḥ parantapaḥ

इंद्र ने कहा — 'हे महाभाग! यह वाजिरूपधारी वासुदेव का पुत्र है — यह परंतप हैहय-वंशी लक्ष्मी से जन्मा है।'

श्लोक 20 (devibhagavatam.6.20.20)

उत्पादितो भगवता कार्यार्थं किल बालकः । दातुं नृपतये नूनं ययातितनयाय च

utpādito bhagavatā kāryārthaṁ kila bālakaḥ | dātuṁ nṛpataye nūnaṁ yayātitanayāya ca

'यह बालक भगवान द्वारा किसी विशेष कार्य के लिए उत्पन्न किया गया है — निश्चय ही इसे यायाति-पुत्र राजा को देने के लिए।'

श्लोक 21 (devibhagavatam.6.20.21)

हरिणा प्रेरितः सोऽद्य राजा परमधार्मिकः । आगमिष्यति पुत्रार्थं तीर्थे तस्मिन्मनोरमे

hariṇā preritaḥ so'dya rājā paramadhārmikaḥ | āgamiṣyati putrārthaṁ tīrthe tasminmanorame

'हरि द्वारा प्रेरित होकर वह परम धार्मिक राजा आज ही पुत्र-प्राप्ति के लिए उस मनोरम तीर्थ में आएगा।'

श्लोक 22 (devibhagavatam.6.20.22)

तावत्त्वं गच्छ तत्रैव गृहीत्वा बालकं शुभम् । यावन्न याति नृपतिर्ग्रहीतुं हरिणेरितः

tāvattvaṁ gaccha tatraiva gṛhītvā bālakaṁ śubham | yāvanna yāti nṛpatirgrahītuṁ hariṇeritaḥ

'तब तक तुम स्वयं शुभ बालक को लेकर वहीं जाओ, इससे पहले कि हरि द्वारा प्रेरित वह राजा उसे ग्रहण करने आए।'

श्लोक 23 (devibhagavatam.6.20.23)

गत्वा तत्र विमुञ्चैनं विलम्बं मा कृथा वर । अदृष्ट्वा बालकं राजा दुःखितश्च भविष्यति

gatvā tatra vimuñcainaṁ vilambaṁ mā kṛthā vara | adṛṣṭvā bālakaṁ rājā duḥkhitaśca bhaviṣyati

'वहाँ जाकर इसे छोड़ दो, हे वर! विलंब मत करो। बालक को न पाकर राजा दुःखी होगा।'

श्लोक 24 (devibhagavatam.6.20.24)

तस्माच्चम्पक मुञ्चैनं राजा प्राप्नोतु पुत्रकम् । एकवीरेति नाम्नायं ख्यातः स्यात् पृथिवीतले

tasmāccampaka muñcainaṁ rājā prāpnotu putrakam | ekavīreti nāmnāyaṁ khyātaḥ syāt pṛthivītale

'इसलिए, हे चंपक! इसे छोड़ दो, ताकि राजा अपना पुत्र प्राप्त कर सके; यह पृथ्वी पर "एकवीर" नाम से विख्यात हो।'

श्लोक 25 (devibhagavatam.6.20.25)

व्यास उवाच । इति तस्य वचः श्रुत्वा चम्पकस्त्वरयान्वितः । जगाम पुत्रमादाय स्थले तस्मिन्महीपते

vyāsa uvāca | iti tasya vacaḥ śrutvā campakastvarayānvitaḥ | jagāma putramādāya sthale tasminmahīpate

व्यास जी ने कहा — उनकी यह बात सुनकर, हे भूपते! चंपक शीघ्रतापूर्वक उस बालक को लेकर उसी स्थान पर गया।

श्लोक 26 (devibhagavatam.6.20.26)

मुमोच बालकं तत्र यत्र पूर्वं स्थितो ह्यभूत् । आरुह्य स्वविमानं तु ययौ स्वाश्रममण्डलम्

mumoca bālakaṁ tatra yatra pūrvaṁ sthito hyabhūt | āruhya svavimānaṁ tu yayau svāśramamaṇḍalam

उसने बालक को वहीं छोड़ दिया, जहाँ वह पहले स्थित था; और अपने विमान पर सवार होकर अपने आश्रम-मंडल को चला गया।

श्लोक 27 (devibhagavatam.6.20.27)

तदैव कमलाकान्तो लक्ष्म्या सह जगद्गुरुः । विमानवरमारूढो जगाम नृपतिं प्रति

tadaiva kamalākānto lakṣmyā saha jagadguruḥ | vimānavaramārūḍho jagāma nṛpatiṁ prati

ठीक उसी समय कमलाकांत (विष्णु), लक्ष्मी सहित, जगद्गुरु, श्रेष्ठ विमान पर सवार होकर राजा की ओर गए।

श्लोक 28 (devibhagavatam.6.20.28)

दृष्टस्तदा तेन नृपेण विष्णुः समुत्तरंस्तत्र विमानमुख्यात् । जहर्ष राजा हरिदर्शनेन पपात भूमौ खलु दण्डवच्च

dṛṣṭastadā tena nṛpeṇa viṣṇuḥ samuttaraṁstatra vimānamukhyāt | jaharṣa rājā haridarśanena papāta bhūmau khalu daṇḍavacca

तब उस राजा ने विष्णु को श्रेष्ठ विमान से उतरते हुए देखा; हरि-दर्शन से राजा हर्षित हुआ और साक्षात् दंडवत् भूमि पर गिर पड़ा।

श्लोक 29 (devibhagavatam.6.20.29)

उत्तिष्ठ वत्सेति हरिः पतन्तमाश्वासयद्भूमिगतं स्वभक्तम् । सोऽप्युत्सुको वासुदेवं पुरःस्थं तुष्टाव भक्त्या मुखरीकृतोऽथ

uttiṣṭha vatseti hariḥ patantamāśvāsayadbhūmigataṁ svabhaktam | so'pyutsuko vāsudevaṁ puraḥsthaṁ tuṣṭāva bhaktyā mukharīkṛto'tha

'उठो वत्स!' कहकर हरि ने भूमि पर गिरे अपने भक्त को उठते हुए सांत्वना दी; और वह भी उत्सुक होकर, सामने खड़े वासुदेव की भक्तिपूर्वक, गद्गद वाणी से स्तुति करने लगा।

श्लोक 30 (devibhagavatam.6.20.30)

देवाधिदेवाखिललोकनाथ कृपानिधे लोकगुरो रमेश । मन्दस्य मे ते किल दर्शनं यत्सुदुर्लभं योगिजनैरलभ्यम्

devādhidevākhilalokanātha kṛpānidhe lokaguro rameśa | mandasya me te kila darśanaṁ yatsudurlabhaṁ yogijanairalabhyam

'हे देवाधिदेव! अखिल लोकों के स्वामी! कृपानिधे! लोकगुरो! रमेश! मुझ मंद बुद्धि को आपका यह दर्शन मिला, जो योगीजनों को भी अत्यंत दुर्लभ है, अप्राप्य है —'

श्लोक 31 (devibhagavatam.6.20.31)

ये निःस्पृहास्ते विषयैरपेतास्तेषां त्वदीयं खलु दर्शनं स्यात् । आशापरोऽहं भगवन्ननन्त योग्यो न ते दर्शने देवदेव

ye niḥspṛhāste viṣayairapetāsteṣāṁ tvadīyaṁ khalu darśanaṁ syāt | āśāparo'haṁ bhagavannananta yogyo na te darśane devadeva

'जो विषयों से विरत, निःस्पृह हैं, उन्हीं को निश्चय ही आपका दर्शन प्राप्त होता है। हे भगवन्! हे अनंत! मैं तो आशापरायण हूँ, हे देवदेव! आपके दर्शन के योग्य नहीं हूँ।'

श्लोक 32 (devibhagavatam.6.20.32)

इति स्तुतस्तेन नृपेण विष्णुस्तमाह वाक्येन सुधामयेन । वृणीष्व राजन् मनसेप्सितं ते ददामि तुष्टस्तपसा तवेति

iti stutastena nṛpeṇa viṣṇustamāha vākyena sudhāmayena | vṛṇīṣva rājan manasepsitaṁ te dadāmi tuṣṭastapasā taveti

इस प्रकार उस राजा द्वारा स्तुति किए जाने पर, विष्णु ने उससे सुधामय वचन में कहा — 'हे राजन्! जो तुम्हारे मन में इच्छित हो, वह माँगो; तुम्हारे तप से प्रसन्न होकर मैं देता हूँ।'

श्लोक 33 (devibhagavatam.6.20.33)

ततो नृपस्तं प्रणिपत्य पादयोः प्रोवाच विष्णुं पुरतः स्थितं च । तपस्तु तप्तं हि मया सुतार्थे पुत्रं ददस्वात्मसमं मुरारे

tato nṛpastaṁ praṇipatya pādayoḥ provāca viṣṇuṁ purataḥ sthitaṁ ca | tapastu taptaṁ hi mayā sutārthe putraṁ dadasvātmasamaṁ murāre

तब राजा ने उनके चरणों में प्रणिपात कर, सामने खड़े विष्णु से कहा — 'हे मुरारे! मैंने पुत्र की कामना से यह तप किया है; मुझे अपने समान पुत्र दीजिए।'

श्लोक 34 (devibhagavatam.6.20.34)

श्रुत्वा नृपप्रार्थितमादिदेवस्तमाह राजानममोघवाक्यम् । ययातिसूनो व्रज तत्र तीर्थे कलिन्दकन्यातमसाप्रसङ्गे

śrutvā nṛpaprārthitamādidevastamāha rājānamamoghavākyam | yayātisūno vraja tatra tīrthe kalindakanyātamasāprasaṅge

राजा की यह प्रार्थना सुनकर, आदिदेव ने उस राजा से अमोघ वचन कहा — 'हे यायातिपुत्र! कालिंदी-तमसा के उस संगम-तीर्थ में जाओ —'

श्लोक 35 (devibhagavatam.6.20.35)

मयाद्य पुत्रस्तु यथेप्सितस्ते तत्रैव मुक्तोऽस्त्यमितप्रभावः । लक्ष्म्याः प्रसूतो मम वीर्यजश्च कृतस्तवार्थेऽथ गृहाण राजन्

mayādya putrastu yathepsitaste tatraiva mukto'styamitaprabhāvaḥ | lakṣmyāḥ prasūto mama vīryajaśca kṛtastavārthe'tha gṛhāṇa rājan

'तुम्हारी इच्छा के अनुरूप पुत्र, अपार प्रभावशाली, वहीं मेरे द्वारा आज छोड़ा गया है — लक्ष्मी से जन्मा, मेरे ही वीर्य से उत्पन्न, तुम्हारे लिए ही रचा हुआ; हे राजन्! उसे ग्रहण करो।'

श्लोक 36 (devibhagavatam.6.20.36)

श्रुत्वा हरेर्वाक्यमतीव मृष्टं सन्तुष्टचित्तः प्रबभूव राजा । हरिस्तु दत्त्वेति वरं जगाम वैकुण्ठलोकं रमया युतश्च

śrutvā harervākyamatīva mṛṣṭaṁ santuṣṭacittaḥ prababhūva rājā | haristu dattveti varaṁ jagāma vaikuṇṭhalokaṁ ramayā yutaśca

हरि का यह अत्यंत मधुर वचन सुनकर राजा का हृदय अत्यंत संतुष्ट हो गया; और हरि, यह वर देकर, रमा-सहित वैकुंठलोक को चले गए।

श्लोक 37 (devibhagavatam.6.20.37)

गते हरौ सोऽथ ययातिसूनुर्ययावनुद्धातरथेन राजा । प्रेमान्वितस्तत्र सुतोऽस्ति यत्र वचो निशम्येति जनार्दनस्य

gate harau so'tha yayātisūnuryayāvanuddhātarathena rājā | premānvitastatra suto'sti yatra vaco niśamyeti janārdanasya

हरि के जाने पर, वह यायाति-पुत्र राजा, जनार्दन के वचन सुनकर, प्रेमपूर्वक तुरंत, अबाधित रथ पर सवार होकर, उस स्थान को गया जहाँ पुत्र था।

श्लोक 38 (devibhagavatam.6.20.38)

स तत्र गत्वातिमनोहरं तं ददर्श बालं भुवि खेलमानम् । मुखे निवेश्यैककरेण कृत्वा श्लक्ष्णं पदाङ्गुष्ठमनन्यसत्त्वः

sa tatra gatvātimanoharaṁ taṁ dadarśa bālaṁ bhuvi khelamānam | mukhe niveśyaikakareṇa kṛtvā ślakṣṇaṁ padāṅguṣṭhamananyasattvaḥ

वहाँ जाकर उसने उस अत्यंत मनोहर बालक को भूमि पर खेलते देखा — एक हाथ से अपने पैर के कोमल अंगूठे को मुख में डाले, अनन्यचित्त होकर।

श्लोक 39 (devibhagavatam.6.20.39)

तं वीक्ष्य पुत्रं मदनस्वरूपं नारायणांशं कमलाप्रसूतम् । हरिप्रभावं हरिवर्मनामा हर्षप्रफुल्लाननपङ्कजोऽभूत्

taṁ vīkṣya putraṁ madanasvarūpaṁ nārāyaṇāṁśaṁ kamalāprasūtam | hariprabhāvaṁ harivarmanāmā harṣapraphullānanapaṅkajo'bhūt

उस पुत्र को, जो मन्मथ के समान रूप वाला, नारायण का अंश, कमला से जन्मा, हरि के प्रभाव से युक्त था, देखकर हरिवर्मा का मुखकमल हर्ष से खिल उठा।

श्लोक 40 (devibhagavatam.6.20.40)

गृह्णन् सुवेगात् करपङ्कजाभ्यां बभूव प्रेमार्णवमग्नदेहः । मूर्धन्युपाघ्राय मुदान्वितोऽसौ ननन्द राजा सुतमालिलिङ्ग

gṛhṇan suvegāt karapaṅkajābhyāṁ babhūva premārṇavamagnadehaḥ | mūrdhanyupāghrāya mudānvito'sau nananda rājā sutamāliliṅga

उसे अपने दोनों करकमलों से शीघ्रता से उठाते हुए, वह प्रेम-सागर में डूब गया; उसके मस्तक को सूँघकर, हर्षित होकर, राजा ने अपने पुत्र को गले लगाया और आनंदित हुआ।

श्लोक 41 (devibhagavatam.6.20.41)

मुखं समीक्ष्यातिमनोहरं तमुवाच नेत्राम्बुनिरुद्धकण्ठः । दत्तोऽसि देवेन जनार्दनेन मात्रा हि पुत्रावमदुःखभीतेः

mukhaṁ samīkṣyātimanoharaṁ tamuvāca netrāmbuniruddhakaṇṭhaḥ | datto'si devena janārdanena mātrā hi putrāvamaduḥkhabhīteḥ

उस अत्यंत मनोहर मुख को देखकर, नेत्रों के आँसुओं से गला रुँधकर, उसने उससे कहा — 'तुम्हें देव जनार्दन ने दिया है, और तुम्हारी माता ने भी, पुत्रहीनता के दुःख के भय से।'

श्लोक 42 (devibhagavatam.6.20.42)

तप्तं मया पुत्र तपस्तवार्थे सुदुष्करं वर्षशतं च पूर्णम् । तेनैव तुष्टेन रमाप्रियेण दत्तोऽसि संसारसुखोदयाय

taptaṁ mayā putra tapastavārthe suduṣkaraṁ varṣaśataṁ ca pūrṇam | tenaiva tuṣṭena ramāpriyeṇa datto'si saṁsārasukhodayāya

'हे पुत्र! मैंने तुम्हारे लिए अत्यंत दुष्कर तप, पूरे सौ वर्षों तक किया; उन्हीं प्रसन्न, रमाप्रिय (विष्णु) द्वारा तुम, सांसारिक सुख की उत्पत्ति के लिए दिए गए हो।'

श्लोक 43 (devibhagavatam.6.20.43)

माता रमा त्वां तनुजं मदर्थे त्यक्त्वा गता सा हरिणा समेता । धन्या तु सा या प्रहसन्तमङ्के कृत्वा सुतं त्वां मुदितानना स्यात्

mātā ramā tvāṁ tanujaṁ madarthe tyaktvā gatā sā hariṇā sametā | dhanyā tu sā yā prahasantamaṅke kṛtvā sutaṁ tvāṁ muditānanā syāt

'माता रमा तुम्हें, अपने ही पुत्र को, मेरे लिए त्यागकर, हरि के साथ चली गईं। धन्य है वह, जो तुम्हें अपनी गोद में हँसते हुए पुत्र बनाकर आनंदित मुख वाली होगी।'

श्लोक 44 (devibhagavatam.6.20.44)

त्वमेव संसारसमुद्रनौकारूपः कृतः पुत्र लक्ष्मीधरेण । इत्येवमुक्त्वा नृपतिः सुतं तं मुदा समादाय ययौ गृहाय

tvameva saṁsārasamudranaukārūpaḥ kṛtaḥ putra lakṣmīdhareṇa | ityevamuktvā nṛpatiḥ sutaṁ taṁ mudā samādāya yayau gṛhāya

'हे पुत्र! तुम स्वयं लक्ष्मीधर (विष्णु) द्वारा संसार-सागर पार करने वाली नौका के रूप में बनाए गए हो।' ऐसा कहकर राजा उस पुत्र को हर्षपूर्वक लेकर घर की ओर चल पड़ा।

श्लोक 45 (devibhagavatam.6.20.45)

पुरीसमीपे नृपमागतं तमाकर्ण्य सर्वे सचिवास्तु राज्ञः । ययुः समीपं नृपतेश्च लोकाः सोपायनास्ते सपुरोहिताश्च

purīsamīpe nṛpamāgataṁ tamākarṇya sarve sacivāstu rājñaḥ | yayuḥ samīpaṁ nṛpateśca lokāḥ sopāyanāste sapurohitāśca

राजा के नगरी के निकट आने का समाचार सुनकर, राजा के सभी मंत्री, तथा पुरोहित-सहित प्रजाजन, भेंट-सामग्री लेकर राजा के समीप गए।

श्लोक 46 (devibhagavatam.6.20.46)

बन्दीजना गायनकाश्च सूताः समाययुः सम्मुखमाशु राज्ञः । नृपः पुरं प्राप्य पुरः समागतं जनं समाश्वास्य वाक्यैश्च दृष्ट्या

bandījanā gāyanakāśca sūtāḥ samāyayuḥ sammukhamāśu rājñaḥ | nṛpaḥ puraṁ prāpya puraḥ samāgataṁ janaṁ samāśvāsya vākyaiśca dṛṣṭyā

भाट, गायक और सूत भी राजा के सम्मुख शीघ्र आ पहुँचे; राजा ने नगर पहुँचकर, सामने आए हुए लोगों को वचनों और दृष्टि से सांत्वना दी।

श्लोक 47 (devibhagavatam.6.20.47)

सम्पूजितः पौरजनेन राजा विवेश पुत्रेण युतो नगर्याम् । मार्गेषु लाजैः कुसुमैः समन्ताद्विकीर्यमाणो नृपतिर्जगाम

sampūjitaḥ paurajanena rājā viveśa putreṇa yuto nagaryām | mārgeṣu lājaiḥ kusumaiḥ samantādvikīryamāṇo nṛpatirjagāma

नगरवासियों द्वारा सम्मानित होकर, राजा अपने पुत्र सहित नगरी में प्रविष्ट हुआ; मार्गों में सर्वत्र लावा और पुष्प बिखेरे जाते हुए, राजा आगे बढ़ा।

श्लोक 48 (devibhagavatam.6.20.48)

गृहं समृद्धं सचिवैः समेतः सुतं समादाय मुदा कराभ्याम् । राज्ये ददौ चाथ सुतं मनोज्ञं सद्यःप्रसूतं च मनोभवाभम्

gṛhaṁ samṛddhaṁ sacivaiḥ sametaḥ sutaṁ samādāya mudā karābhyām | rājye dadau cātha sutaṁ manojñaṁ sadyaḥprasūtaṁ ca manobhavābham

मंत्रियों के साथ, पुत्र को दोनों हाथों में हर्षपूर्वक लिए हुए, वह समृद्ध राजभवन पहुँचा; और अपने मनोहर, अभी-अभी जन्मे, कामदेव-सम पुत्र को राज्य में प्रस्तुत किया।

श्लोक 49 (devibhagavatam.6.20.49)

राज्ञी गृहीत्वाभिनवं तनूजं पप्रच्छ राजानमनिन्दिता सा । राजन् कुतश्चैव सुतः सुजन्मा प्राप्तस्त्वया मन्मथतुल्यरूपः

rājñī gṛhītvābhinavaṁ tanūjaṁ papraccha rājānamaninditā sā | rājan kutaścaiva sutaḥ sujanmā prāptastvayā manmathatulyarūpaḥ

रानी ने उस नवीन पुत्र को लेकर, वह निर्दोष रानी राजा से पूछा — 'हे राजन्! मन्मथ-तुल्य रूप वाला यह सुजात पुत्र आपको कहाँ से प्राप्त हुआ?'

श्लोक 50 (devibhagavatam.6.20.50)

केनैष दत्तः कथयाशु कान्त चेतो मदीयं प्रहृतं सुतेन । नृपस्तदोवाच मुदान्वितोऽसौ प्रिये रमेशेन सुतो हि मह्यम्

kenaiṣa dattaḥ kathayāśu kānta ceto madīyaṁ prahṛtaṁ sutena | nṛpastadovāca mudānvito'sau priye rameśena suto hi mahyam

'यह किसने दिया, हे कांत! शीघ्र बताइए; इस पुत्र ने मेरा चित्त हर लिया है।' राजा ने हर्षपूर्वक उससे कहा — 'हे प्रिये! यह पुत्र मुझे रमेश (विष्णु) ने दिया है।'

श्लोक 51 (devibhagavatam.6.20.51)

लोलाक्षि दत्तः कमलासमुत्थो जनार्दनांशोऽयमहीनसत्त्वः । सा तं गृहीत्वा मुदमाप राज्ञी राजा चकारोत्सवमद्भुतं च

lolākṣi dattaḥ kamalāsamuttho janārdanāṁśo'yamahīnasattvaḥ | sā taṁ gṛhītvā mudamāpa rājñī rājā cakārotsavamadbhutaṁ ca

'हे चंचल-नयने! यह अक्षय-सत्त्व, कमला से उत्पन्न, जनार्दन का अंश मुझे दिया गया है।' उसे लेकर रानी हर्षित हुई, और राजा ने अद्भुत उत्सव मनाया।

श्लोक 52 (devibhagavatam.6.20.52)

ददौ च दानं किल याचकेभ्यो गीतानि वाद्यानि बहूनि नेदुः । कृत्वोत्सवं भूपतिरात्मजस्य नामैकवीरेति चकार विश्रुतम्

dadau ca dānaṁ kila yācakebhyo gītāni vādyāni bahūni neduḥ | kṛtvotsavaṁ bhūpatirātmajasya nāmaikavīreti cakāra viśrutam

उसने याचकों को दान भी दिया; अनेक गीत-वाद्य बजने लगे। पुत्र का उत्सव मनाकर राजा ने उसका नाम 'एकवीर' रखा, जो विख्यात हुआ।

श्लोक 53 (devibhagavatam.6.20.53)

सुखं च सम्प्राप्य मुदान्वितोऽसौ ननन्द देवाधिपतुल्यवीर्यः । पुत्रं हरे रूपगुणानुरूपं सम्प्राप्य वंशस्य ऋणाच्च मुक्तः

sukhaṁ ca samprāpya mudānvito'sau nananda devādhipatulyavīryaḥ | putraṁ hare rūpaguṇānurūpaṁ samprāpya vaṁśasya ṛṇācca muktaḥ

सुख प्राप्त कर, हर्षित होकर, देवाधिपति-तुल्य पराक्रमी वह राजा आनंदित हुआ; हरि के रूप-गुणों के अनुरूप पुत्र प्राप्त कर वह वंश के ऋण से मुक्त हो गया।

श्लोक 54 (devibhagavatam.6.20.54)

इति सकलसुराणामीश्वरेणार्पितं तं सकलगुणगणाढ्यं पुत्रमासाद्य राजा । विविधसुखविनोदैर्भार्यया सेव्यमानो व्यहरत निजगेहे शक्रतुल्यप्रतापः

iti sakalasurāṇāmīśvareṇārpitaṁ taṁ sakalaguṇagaṇāḍhyaṁ putramāsādya rājā | vividhasukhavinodairbhāryayā sevyamāno vyaharata nijagehe śakratulyapratāpaḥ

इस प्रकार सकल देवताओं के ईश्वर द्वारा दिए गए, समस्त गुण-समूहों से समृद्ध उस पुत्र को प्राप्त कर, राजा, इंद्र-तुल्य प्रतापी, अपनी पत्नी द्वारा सेवित होकर, विविध सुख-विनोदों के साथ अपने घर में समय बिताने लगा।