राजकुमारी एकावली की कथा

श्लोक 1 (devibhagavatam.6.21.1)

व्यास उवाच । जातकर्मादिसंस्कारांश्चकार नृपतिस्तदा । दिने दिने जगामाशु वृद्धिं बालः सुलालितः

vyāsa uvāca | jātakarmādisaṁskārāṁścakāra nṛpatistadā | dine dine jagāmāśu vṛddhiṁ bālaḥ sulālitaḥ

व्यास जी ने कहा — राजा ने तब जातकर्म आदि संस्कार किए; वह अत्यंत लाड़-प्यार से पाला गया बालक दिन-प्रतिदिन शीघ्र बढ़ने लगा।

श्लोक 2 (devibhagavatam.6.21.2)

नृपः संसारजं प्राप्य सुखं पुत्रसभुद्भवम् । ऋणत्रयविमोक्षं च मेने तेन महात्मना

nṛpaḥ saṁsārajaṁ prāpya sukhaṁ putrasabhudbhavam | ṛṇatrayavimokṣaṁ ca mene tena mahātmanā

राजा ने पुत्र से उत्पन्न सांसारिक सुख प्राप्त कर, उस महात्मा पुत्र के द्वारा स्वयं को तीनों ऋणों से मुक्त माना।

श्लोक 3 (devibhagavatam.6.21.3)

षष्ठेऽन्नप्राशनं तस्य कृत्वा मासि यथाविधि । तृतीयेऽथ तथा वर्षे चूडाकरणमुत्तमम्

ṣaṣṭhe'nnaprāśanaṁ tasya kṛtvā māsi yathāvidhi | tṛtīye'tha tathā varṣe cūḍākaraṇamuttamam

उसने छठे मास में विधिपूर्वक अन्नप्राशन संस्कार किया, और तीसरे वर्ष में उत्तम चूड़ाकरण संस्कार किया।

श्लोक 4 (devibhagavatam.6.21.4)

चकार ब्राह्मणान् द्रव्यैः सम्पूज्य विविधैर्धनैः । गोभिश्च विविधैर्दानैर्याचकानितरानपि

cakāra brāhmaṇān dravyaiḥ sampūjya vividhairdhanaiḥ | gobhiśca vividhairdānairyācakānitarānapi

उसने ब्राह्मणों को विविध धनों से सम्मानित किया, गौओं और विविध दानों से याचकों तथा अन्य लोगों को भी संतुष्ट किया।

श्लोक 5 (devibhagavatam.6.21.5)

वर्षे चैकादशे तस्य मौञ्जीबन्धनकर्म वै । कारयित्वा धनुर्वेदमध्यापयत पार्थिवः

varṣe caikādaśe tasya mauñjībandhanakarma vai | kārayitvā dhanurvedamadhyāpayata pārthivaḥ

उसके ग्यारहवें वर्ष में मौंजीबंधन (यज्ञोपवीत) संस्कार करवाकर, राजा ने उसे धनुर्वेद पढ़ाया।

श्लोक 6 (devibhagavatam.6.21.6)

अधीतवेदं पुत्रं तं राजधर्मविशारदम् । दृष्ट्वा तस्याभिषेकाय मतिं चक्रे जनाधिपः

adhītavedaṁ putraṁ taṁ rājadharmaviśāradam | dṛṣṭvā tasyābhiṣekāya matiṁ cakre janādhipaḥ

वेदाध्ययन किए, राजधर्म में निपुण उस पुत्र को देखकर, प्रजापालक राजा ने उसके अभिषेक का विचार किया।

श्लोक 7 (devibhagavatam.6.21.7)

पुष्यार्कयोगसंयुक्ते दिवसे नृपसत्तमः । कारयामास सम्भारानभिषेकार्थमादरात्

puṣyārkayogasaṁyukte divase nṛpasattamaḥ | kārayāmāsa sambhārānabhiṣekārthamādarāt

पुष्य-आर्क योग से युक्त दिन पर, उस नृपश्रेष्ठ ने आदरपूर्वक अभिषेक की सामग्री तैयार करवाई।

श्लोक 8 (devibhagavatam.6.21.8)

द्विजानाहूय वेदज्ञान् सर्वशास्त्रविचक्षणान् । अभिषेकं चकारासौ विधिवत् स्वात्मजस्य ह

dvijānāhūya vedajñān sarvaśāstravicakṣaṇān | abhiṣekaṁ cakārāsau vidhivat svātmajasya ha

वेदज्ञ, सर्वशास्त्र-निपुण ब्राह्मणों को बुलाकर, उसने विधिपूर्वक अपने पुत्र का अभिषेक किया।

श्लोक 9 (devibhagavatam.6.21.9)

जलमानीय तीर्थेभ्यः सागरेभ्यश्च पार्थिवः । स्वयं चकार विथिवदभिषेकं शुभे दिने

jalamānīya tīrthebhyaḥ sāgarebhyaśca pārthivaḥ | svayaṁ cakāra vithivadabhiṣekaṁ śubhe dine

राजा ने तीर्थों और समुद्रों से जल मंगवाकर, उस शुभ दिन पर स्वयं विधिपूर्वक अभिषेक किया।

श्लोक 10 (devibhagavatam.6.21.10)

धनं दत्त्वाथ विप्रेभ्यो राज्यं पुत्रे निवेश्य सः । जगाम वनमेवाशु स्वर्गकामः स भूपतिः

dhanaṁ dattvātha viprebhyo rājyaṁ putre niveśya saḥ | jagāma vanamevāśu svargakāmaḥ sa bhūpatiḥ

ब्राह्मणों को धन देकर, पुत्र को राज्य में स्थापित कर, वह राजा स्वर्ग-कामना से शीघ्र वन को चला गया।

श्लोक 11 (devibhagavatam.6.21.11)

एकवीरं नृपं कृत्वा सम्मान्य सचिवानथ । भार्यया सह भूपालः प्रविवेश वनं वशी

ekavīraṁ nṛpaṁ kṛtvā sammānya sacivānatha | bhāryayā saha bhūpālaḥ praviveśa vanaṁ vaśī

एकवीर को राजा बनाकर, मंत्रियों को सम्मानित कर, वह संयमी राजा अपनी पत्नी के साथ वन में प्रविष्ट हुआ।

श्लोक 12 (devibhagavatam.6.21.12)

मैनाकशिखरे राजा कृत्वा तार्तीयमाश्रमम् । नित्यं पत्रफलाहारश्चिन्तयामास पार्वतीम्

mainākaśikhare rājā kṛtvā tārtīyamāśramam | nityaṁ patraphalāhāraścintayāmāsa pārvatīm

मैनाक पर्वत के शिखर पर तीसरे आश्रम (वानप्रस्थ) में रहते हुए, नित्य पत्र-फल का आहार करते हुए, राजा पार्वती का ध्यान करने लगा।

श्लोक 13 (devibhagavatam.6.21.13)

एवं स नृपतिः कृत्वा दिष्टान्ते सह भार्यया । मृतोऽसौ वासवं लोकं गतः पुण्येन कर्मणा

evaṁ sa nṛpatiḥ kṛtvā diṣṭānte saha bhāryayā | mṛto'sau vāsavaṁ lokaṁ gataḥ puṇyena karmaṇā

इस प्रकार वह राजा, अपनी आयु के अंत में पत्नी सहित, अपने पुण्यकर्मों के फलस्वरूप मृत्यु को प्राप्त होकर वासव-लोक (इंद्रलोक) को गया।

श्लोक 14 (devibhagavatam.6.21.14)

इन्द्रलोकं पिता प्राप्त इति श्रुत्वाथ हैहयः । चकार वेदनिर्दिष्टं कर्म चैवौर्ध्वदैहिकम्

indralokaṁ pitā prāpta iti śrutvātha haihayaḥ | cakāra vedanirdiṣṭaṁ karma caivaurdhvadaihikam

पिता को इंद्रलोक प्राप्त हुआ है — यह सुनकर हैहय (एकवीर) ने वेद-निर्दिष्ट ऊर्ध्वदैहिक (अंत्येष्टि) कर्म किए।

श्लोक 15 (devibhagavatam.6.21.15)

कृत्वोत्तराः क्रियाः सर्वाः पितुः पार्थिवनन्दनः । राज्यं चकार मेधावी पित्रा दत्तं सुसम्मतम्

kṛtvottarāḥ kriyāḥ sarvāḥ pituḥ pārthivanandanaḥ | rājyaṁ cakāra medhāvī pitrā dattaṁ susammatam

पिता की सभी उत्तर-क्रियाएँ संपन्न करके, वह मेधावी राजपुत्र, पिता द्वारा दिए गए सुसम्मत राज्य का शासन करने लगा।

श्लोक 16 (devibhagavatam.6.21.16)

एकवीरोऽथ धर्मज्ञः प्राप्य राज्यमनुत्तमम् । बुभुजे विविधान् भोगान्सचिवैश्च सुमानितः

ekavīro'tha dharmajñaḥ prāpya rājyamanuttamam | bubhuje vividhān bhogānsacivaiśca sumānitaḥ

धर्मज्ञ एकवीर, अनुपम राज्य प्राप्त कर, मंत्रियों द्वारा सम्मानित होकर विविध भोगों का उपभोग करने लगा।

श्लोक 17 (devibhagavatam.6.21.17)

एकस्मिन् दिवसे राजा मन्त्रिपुत्रैः समन्वितः । जगाम जाह्नवीतीरे हयारूढः प्रतापवान्

ekasmin divase rājā mantriputraiḥ samanvitaḥ | jagāma jāhnavītīre hayārūḍhaḥ pratāpavān

एक दिन राजा, मंत्रि-पुत्रों सहित, घोड़े पर सवार होकर, प्रतापपूर्वक गंगा-तट को गया।

श्लोक 18 (devibhagavatam.6.21.18)

सम्पश्यन् पादपान् रम्यान् कोकिलालापसंयुतान् । पुष्पितान् फलसंयुक्तान् षट्पदालिविराजितान्

sampaśyan pādapān ramyān kokilālāpasaṁyutān | puṣpitān phalasaṁyuktān ṣaṭpadālivirājitān

रमणीय, कोकिल-ध्वनि से युक्त, पुष्पित, फलों से युक्त, भ्रमरों की पंक्तियों से सुशोभित वृक्षों को देखते हुए,

श्लोक 19 (devibhagavatam.6.21.19)

मुनीनामाश्रमान्दिव्यान् वेदध्वनिनिनादितान् । होमधूमावृताकाशान् मृगशावसमावृतान्

munīnāmāśramāndivyān vedadhvaninināditān | homadhūmāvṛtākāśān mṛgaśāvasamāvṛtān

वेद-ध्वनि से गूँजते, हवन-धूम से आच्छादित आकाश वाले, मृगशावकों से घिरे मुनियों के दिव्य आश्रमों को देखते हुए,

श्लोक 20 (devibhagavatam.6.21.20)

केदाराञ्छालिसम्पक्वान् गोपिकाभिः सुरक्षितान् । प्रफुल्लपङ्कजारामान्निकुञ्जांश्च मनोरमान्

kedārāñchālisampakvān gopikābhiḥ surakṣitān | praphullapaṅkajārāmānnikuñjāṁśca manoramān

पके हुए धान से भरे खेतों को, गोपिकाओं द्वारा सुरक्षित, विकसित कमलों वाले उद्यानों और मनोहर निकुंजों को देखते हुए,

श्लोक 21 (devibhagavatam.6.21.21)

प्रेक्षमाणः प्रियालांस्तु चम्पकान् पनसद्रुमान् । बकुलांस्तिलकान्नीपान्मन्दारांश्च प्रफुल्लितान्

prekṣamāṇaḥ priyālāṁstu campakān panasadrumān | bakulāṁstilakānnīpānmandārāṁśca praphullitān

प्रियाल, चंपक, कटहल के वृक्षों को, बकुल, तिलक, नीप और खिले हुए मंदार वृक्षों को देखते हुए,

श्लोक 22 (devibhagavatam.6.21.22)

शालांस्तालांस्तमालांश्च जम्बूचूतकदम्बकान् । स गच्छञ्जाह्नवीतोये प्रफुल्लं शतपत्रकम्

śālāṁstālāṁstamālāṁśca jambūcūtakadambakān | sa gacchañjāhnavītoye praphullaṁ śatapatrakam

साल, ताल और तमाल वृक्षों को, जामुन-आम-कदंब के समूहों को देखते हुए, गंगा-जल में चलते हुए उसने एक विकसित सौ-पंखुड़ियों वाला कमल देखा —

श्लोक 23 (devibhagavatam.6.21.23)

पङ्कजं चातिगन्धाढ्यमपश्यदवनीपतिः । दक्षिणे जलजस्याथ पार्श्वे कमललोचनाम्

paṅkajaṁ cātigandhāḍhyamapaśyadavanīpatiḥ | dakṣiṇe jalajasyātha pārśve kamalalocanām

अत्यंत सुगंधित उस कमल को उस राजा ने देखा, और उस कमल के दक्षिण भाग में एक कमल-नयना कन्या को —

श्लोक 24 (devibhagavatam.6.21.24)

कनकाभां सुकेशीं च कम्बुग्रीवां कृशोदरीम् । बिम्बोष्ठी सुन्दरीं किञ्चित्समुद्यत्सुपयोधराम्

kanakābhāṁ sukeśīṁ ca kambugrīvāṁ kṛśodarīm | bimboṣṭhī sundarīṁ kiñcitsamudyatsupayodharām

स्वर्ण-कांति वाली, सुंदर केशों वाली, शंख-जैसी ग्रीवा वाली, कृशोदरी, बिंब-फल जैसे ओठों वाली, कुछ उन्नत उरोजों वाली सुंदरी,

श्लोक 25 (devibhagavatam.6.21.25)

सुनासां चारुसर्वाङ्गीमपश्यत् कन्यकां नृपः । रुदतीं तां सखीं त्यक्त्वा विह्वलां दुःखपीडिताम्

sunāsāṁ cārusarvāṅgīmapaśyat kanyakāṁ nṛpaḥ | rudatīṁ tāṁ sakhīṁ tyaktvā vihvalāṁ duḥkhapīḍitām

सुनासिका, चारु-अंगी उस कन्या को राजा ने देखा — वह रोती हुई, अपनी सखी को खोकर विह्वल, दुःख से पीड़ित —

श्लोक 26 (devibhagavatam.6.21.26)

साश्रुनेत्रां क्रन्दमानां विजने कुररीमिव । संवीक्ष्य राजा पप्रच्छ कन्यकां शोककारणम्

sāśrunetrāṁ krandamānāṁ vijane kurarīmiva | saṁvīkṣya rājā papraccha kanyakāṁ śokakāraṇam

अश्रुपूर्ण नेत्रों से, निर्जन स्थान में कुररी पक्षी के समान विलाप करती हुई। उसे देखकर राजा ने कन्या से शोक का कारण पूछा —

श्लोक 27 (devibhagavatam.6.21.27)

सुनसे ब्रूहि कासि त्वं कस्य पुत्री शुभानने । गन्धर्वी देवकन्याथ कथं रोदिषि सुन्दरि

sunase brūhi kāsi tvaṁ kasya putrī śubhānane | gandharvī devakanyātha kathaṁ rodiṣi sundari

'हे सुनासे! बताओ, तुम कौन हो, हे शुभानने! किसकी पुत्री हो? गंधर्वी हो या देवकन्या? हे सुंदरी! तुम क्यों रो रही हो?'

श्लोक 28 (devibhagavatam.6.21.28)

कथमेकाकिनी बाले त्यक्ता केन पिकस्वरे । पतिस्ते क्व गतः कान्ते पिता वा ब्रूहि साम्प्रतम्

kathamekākinī bāle tyaktā kena pikasvare | patiste kva gataḥ kānte pitā vā brūhi sāmpratam

'हे कोकिलस्वरे बाला! तुम अकेली कैसे और किसके द्वारा त्यागी गई हो? हे कांते! तुम्हारा पति कहाँ गया, या पिता — अभी बताओ।'

श्लोक 29 (devibhagavatam.6.21.29)

किं ते दुःखमरालभ्रु कथयाद्य ममान्तिके । करोमि दुःखनाशं ते सर्वथैव कृशोदरि

kiṁ te duḥkhamarālabhru kathayādya mamāntike | karomi duḥkhanāśaṁ te sarvathaiva kṛśodari

'हे अराल-भ्रू! तुम्हारा क्या दुःख है? अभी मेरे सामने बताओ। हे कृशोदरी! मैं तुम्हारे दुःख का सर्वथा नाश करूँगा।'

श्लोक 30 (devibhagavatam.6.21.30)

न राज्ये मम तन्वङ्गि पीडां कोऽपि करोत्यलम् । न भयं चौरजं कान्ते न राक्षसभयं तथा

na rājye mama tanvaṅgi pīḍāṁ ko'pi karotyalam | na bhayaṁ caurajaṁ kānte na rākṣasabhayaṁ tathā

'हे तन्वंगि! मेरे राज्य में कोई भी तुम्हें तनिक भी पीड़ा नहीं दे सकता; न चोर का भय है, हे कांते! न राक्षस का भय है।'

श्लोक 31 (devibhagavatam.6.21.31)

मयि शासति भूपाले नोत्पाता दारुणा भुवि । भयं न व्याघ्रसिंहेभ्यो न भयं कस्यचिद्भवेत्

mayi śāsati bhūpāle notpātā dāruṇā bhuvi | bhayaṁ na vyāghrasiṁhebhyo na bhayaṁ kasyacidbhavet

'मेरे शासन में पृथ्वी पर कोई भयंकर उत्पात नहीं होते; न व्याघ्र-सिंह का भय है, न किसी और का भय होता है।'

श्लोक 32 (devibhagavatam.6.21.32)

वद वामोरु कस्मात्त्वं विलापं जाह्नवीतटे । करोषि त्राणहीनात्र किं ते दुःखं वदस्व मे

vada vāmoru kasmāttvaṁ vilāpaṁ jāhnavītaṭe | karoṣi trāṇahīnātra kiṁ te duḥkhaṁ vadasva me

'हे वामोरु! बताओ, तुम गंगा-तट पर, बिना किसी रक्षा के, यह विलाप क्यों कर रही हो? तुम्हारा दुःख क्या है, मुझे बताओ।'

श्लोक 33 (devibhagavatam.6.21.33)

हन्म्यहं दुःखमत्युग्रं प्राणिनां पृथिवीतले । दैवं च मानुषं कान्ते व्रतमेतन्ममाद्भुतम्

hanmyahaṁ duḥkhamatyugraṁ prāṇināṁ pṛthivītale | daivaṁ ca mānuṣaṁ kānte vratametanmamādbhutam

'मैं पृथ्वी पर प्राणियों के अत्यंत उग्र दुःख को नष्ट कर देता हूँ, चाहे वह दैवी हो या मानवी — हे कांते! यह मेरा अद्भुत व्रत है।'

श्लोक 34 (devibhagavatam.6.21.34)

विशाललोचने ब्रूहि करोमि तव चिन्तितम् । इत्युक्ते वचने राज्ञा श्रुत्वोवाच मृदुस्वना

viśālalocane brūhi karomi tava cintitam | ityukte vacane rājñā śrutvovāca mṛdusvanā

'हे विशाललोचने! कहो, मैं तुम्हारा चिंतित कार्य पूर्ण करूँगा।' राजा का यह वचन सुनकर, वह मृदु स्वर में बोली —

श्लोक 35 (devibhagavatam.6.21.35)

शृणु राजेन्द्र वक्ष्यामि मम शोकस्य कारणम् । विपत्तिरहितः प्राणी कथं रुदति भूपते

śṛṇu rājendra vakṣyāmi mama śokasya kāraṇam | vipattirahitaḥ prāṇī kathaṁ rudati bhūpate

'हे राजेंद्र! सुनो, मैं अपने शोक का कारण बताती हूँ। विपत्तिरहित प्राणी भला कैसे रोता है, हे भूपते?'

श्लोक 36 (devibhagavatam.6.21.36)

प्रब्रवीमि महाबाहो यदर्थं रुदती त्वहम् । तव राज्यादन्यदेशे राजा परमधार्मिकः

prabravīmi mahābāho yadarthaṁ rudatī tvaham | tava rājyādanyadeśe rājā paramadhārmikaḥ

'हे महाबाहो! मैं बताती हूँ, मैं किस कारण रो रही हूँ। तुम्हारे राज्य से अन्य किसी देश में एक अत्यंत धार्मिक राजा है —'

श्लोक 37 (devibhagavatam.6.21.37)

रैभ्यो नाम महाराजः सन्तानरहितो भृशम् । तस्य भार्या सुविख्याता रुक्मरेखेति नामतः

raibhyo nāma mahārājaḥ santānarahito bhṛśam | tasya bhāryā suvikhyātā rukmarekheti nāmataḥ

'रैभ्य नामक महाराज, जो पूर्णतः संतानरहित हैं। उनकी सुविख्यात पत्नी रुक्मरेखा नाम से जानी जाती हैं।'

श्लोक 38 (devibhagavatam.6.21.38)

सुरूपा चतुरा साध्वी सर्वलक्षणसंयुता । अपुत्रा दुःखिता कान्तमित्युवाच पुनः पुनः

surūpā caturā sādhvī sarvalakṣaṇasaṁyutā | aputrā duḥkhitā kāntamityuvāca punaḥ punaḥ

'रूपवती, चतुर, साध्वी, सर्वलक्षणसंपन्न, पुत्रहीन और दुःखी होकर वह अपने पति से बार-बार कहती थीं —'

श्लोक 39 (devibhagavatam.6.21.39)

किं जीवितेन मे नाथ धिग्वृथा जीवितं मम । वन्ध्यायाः सुखहीनाया ह्यपुत्राया धरातले

kiṁ jīvitena me nātha dhigvṛthā jīvitaṁ mama | vandhyāyāḥ sukhahīnāyā hyaputrāyā dharātale

'"हे नाथ! मेरे जीवन से क्या लाभ? धिक्कार है मेरे इस व्यर्थ जीवन को — पृथ्वी पर बंध्या, सुखहीन, पुत्रहीन जो हूँ।"'

श्लोक 40 (devibhagavatam.6.21.40)

इत्येवं भार्यया भूपः प्रेरितो मखमुत्तमम् । चकार ब्राह्मणांस्तज्ज्ञानाहूय विधिवत्तदा

ityevaṁ bhāryayā bhūpaḥ prerito makhamuttamam | cakāra brāhmaṇāṁstajjñānāhūya vidhivattadā

'इस प्रकार पत्नी द्वारा प्रेरित होकर राजा ने उस विषय के ज्ञाता ब्राह्मणों को बुलाकर विधिपूर्वक एक उत्तम यज्ञ किया।'

श्लोक 41 (devibhagavatam.6.21.41)

पुत्रकामो धनं भूरि ददावथ यथोदितम् । हूयमाने घृतेऽत्यर्थं पावकादतिसुप्रभात्

putrakāmo dhanaṁ bhūri dadāvatha yathoditam | hūyamāne ghṛte'tyarthaṁ pāvakādatisuprabhāt

'पुत्र की कामना से उसने यथोक्त प्रचुर धन दान दिया; और घृत की आहुति देते समय, अत्यंत तेजस्वी अग्नि से —'

श्लोक 42 (devibhagavatam.6.21.42)

आविर्बभूव चार्वङ्गी कन्यका शुभलक्षणा । बिम्बोष्ठी सुदती सुभ्रूः पूर्णचन्द्रनिभानना

āvirbabhūva cārvaṅgī kanyakā śubhalakṣaṇā | bimboṣṭhī sudatī subhrūḥ pūrṇacandranibhānanā

'शुभलक्षणा, चारु-अंगी एक कन्या प्रकट हुई — बिंबोष्ठी, सुदंती, सुभ्रू, पूर्णचंद्र-सम मुख वाली,'

श्लोक 43 (devibhagavatam.6.21.43)

कनकाभा सुकेशान्ता रक्तपाणितला मृदुः । सुरक्तनयना तन्वी रक्तपादतला भृशम्

kanakābhā sukeśāntā raktapāṇitalā mṛduḥ | suraktanayanā tanvī raktapādatalā bhṛśam

'स्वर्णकांति वाली, सुंदर केशों वाली, लाल हथेलियों वाली, कोमल, अत्यंत लाल नेत्रों वाली, कृशांगी, लाल तलवों वाली।'

श्लोक 44 (devibhagavatam.6.21.44)

हुताशनात्समुद्भूता होत्रा सा स्वीकृता तदा । होता प्रोवाच राजानं गृहीत्वा तां सुमध्यमाम्

hutāśanātsamudbhūtā hotrā sā svīkṛtā tadā | hotā provāca rājānaṁ gṛhītvā tāṁ sumadhyamām

'अग्नि से उत्पन्न वह कन्या तब होता (यज्ञकर्ता ब्राह्मण) द्वारा ग्रहण की गई; होता ने उस सुमध्यमा को लेकर राजा से कहा —'

श्लोक 45 (devibhagavatam.6.21.45)

राजन् पुत्रीं गृहाणेमां सर्वलक्षणसंयुताम् । एकावलीव सम्भूता हूयमानाद्धुताशनात्

rājan putrīṁ gṛhāṇemāṁ sarvalakṣaṇasaṁyutām | ekāvalīva sambhūtā hūyamānāddhutāśanāt

'"हे राजन्! इस सर्वलक्षणसंपन्न पुत्री को ग्रहण करो; यह आहुति दी जा रही अग्नि से एक-लड़ी (एकावली) माला के समान उत्पन्न हुई है।"'

श्लोक 46 (devibhagavatam.6.21.46)

नाम्ना चैकावली लोके ख्याता पुत्री भविष्यति । सुखितो भव भूपाल पुत्र्या पुत्रसमानया

nāmnā caikāvalī loke khyātā putrī bhaviṣyati | sukhito bhava bhūpāla putryā putrasamānayā

'"यह पुत्री संसार में एकावली नाम से विख्यात होगी। हे भूपाल! पुत्र-समान इस पुत्री को पाकर सुखी हो जाओ।"'

श्लोक 47 (devibhagavatam.6.21.47)

सन्तोषं कुरु राजेन्द्र दत्ता देवेन विष्णुना । होतुर्वाक्यं नृपः श्रुत्वा दृष्ट्वा तां कन्यकां शुभाम्

santoṣaṁ kuru rājendra dattā devena viṣṇunā | hoturvākyaṁ nṛpaḥ śrutvā dṛṣṭvā tāṁ kanyakāṁ śubhām

'"हे राजेंद्र! संतोष करो, यह देव विष्णु द्वारा दी गई है।" होता के इस वचन को सुनकर, और उस शुभ कन्या को देखकर राजा ने —'

श्लोक 48 (devibhagavatam.6.21.48)

जग्राह परमप्रीतो होत्रा दत्तां सुसम्मताम् । गृहीत्वा नृपतिस्तां तु ददौ पत्न्यै वराननाम्

jagrāha paramaprīto hotrā dattāṁ susammatām | gṛhītvā nṛpatistāṁ tu dadau patnyai varānanām

'अत्यंत प्रसन्न होकर, होता द्वारा दी गई, भलीभाँति स्वीकृत उस कन्या को ग्रहण किया; ग्रहण कर राजा ने उस वरानना कन्या को अपनी पत्नी को दे दिया —'

श्लोक 49 (devibhagavatam.6.21.49)

आभाष्य रुक्मरेखायै गृहाण सुभगे सुताम् । सा तां कमलपत्राक्षीं प्राप्य कन्यां मनोरमाम्

ābhāṣya rukmarekhāyai gṛhāṇa subhage sutām | sā tāṁ kamalapatrākṣīṁ prāpya kanyāṁ manoramām

'रुक्मरेखा से कहते हुए — "हे सुभगे! इस पुत्री को ग्रहण करो।" वह उस कमल-दल-नयना, मनोरम कन्या को पाकर —'

श्लोक 50 (devibhagavatam.6.21.50)

जहर्ष मुदिता राज्ञी पुत्रं प्राप्य यथासुखम् । चकार मङ्गलं कर्म जातकर्मादिकं शुभम्

jaharṣa muditā rājñī putraṁ prāpya yathāsukham | cakāra maṅgalaṁ karma jātakarmādikaṁ śubham

'हर्षित हुई; रानी ऐसे प्रसन्न हुई मानो सुखपूर्वक पुत्र ही प्राप्त हुआ हो; उसने जातकर्म आदि शुभ मांगलिक कर्म किए।'

श्लोक 51 (devibhagavatam.6.21.51)

पुत्रजन्मसमुत्थं यत्तत्सर्वं विधिवत्ततः । समाप्य च मखं राजा द्विजेभ्यो दक्षिणां शुभाम्

putrajanmasamutthaṁ yattatsarvaṁ vidhivattataḥ | samāpya ca makhaṁ rājā dvijebhyo dakṣiṇāṁ śubhām

'पुत्र-जन्म पर जो भी कर्म होते हैं, वे सभी विधिपूर्वक संपन्न किए गए। और राजा ने यज्ञ की समाप्ति पर ब्राह्मणों को शुभ दक्षिणा —'

श्लोक 52 (devibhagavatam.6.21.52)

दत्त्वा विसृज्य विप्रेन्द्रान् मुदं प्राप महीपतिः । दिने दिनेऽसितापाङ्गी पुत्रवृद्।ह्ध्या भृशं बभौ

dattvā visṛjya viprendrān mudaṁ prāpa mahīpatiḥ | dine dine'sitāpāṅgī putravṛd|hdhyā bhṛśaṁ babhau

'देकर, श्रेष्ठ ब्राह्मणों को विदा कर, राजा हर्षित हुआ। वह श्यामनयना कन्या दिन-प्रतिदिन बढ़ते हुए अत्यंत सुशोभित होने लगी।'

श्लोक 53 (devibhagavatam.6.21.53)

मुदं च परमां प्राप नृपभार्या सुतान्विता । उत्सवस्तद्दिने तस्य प्रवृत्तः सुतजन्मजः

mudaṁ ca paramāṁ prāpa nṛpabhāryā sutānvitā | utsavastaddine tasya pravṛttaḥ sutajanmajaḥ

'राजा की पत्नी उस पुत्री को पाकर परम हर्ष को प्राप्त हुई; उस दिन उसका उत्सव, मानो पुत्र-जन्म का हो, संपन्न हुआ।'

श्लोक 54 (devibhagavatam.6.21.54)

पुत्री पुत्रसमात्यर्थं बभूव वल्लभा किल । राज्ञो मन्त्रिसुता चाहं सुबुद्धे मन्मथाकृते

putrī putrasamātyarthaṁ babhūva vallabhā kila | rājño mantrisutā cāhaṁ subuddhe manmathākṛte

'यह पुत्री सचमुच पुत्र के समान अत्यंत प्रिय बन गई। हे सुबुद्धे! मैं राजा के मंत्री की पुत्री हूँ, मानो मन्मथ द्वारा ही रची गई हो —'

श्लोक 55 (devibhagavatam.6.21.55)

यशोवती च मे नाम समानं वय आवयोः । वयस्याहं कृता राज्ञा क्रीडनाय तया सह

yaśovatī ca me nāma samānaṁ vaya āvayoḥ | vayasyāhaṁ kṛtā rājñā krīḍanāya tayā saha

'और मेरा नाम यशोवती है; हम दोनों की आयु समान है। राजा ने मुझे उसके साथ खेलने के लिए सखी बनाया।'

श्लोक 56 (devibhagavatam.6.21.56)

सदा सहचरी जाता प्रेमयुक्ता दिवानिशम् । एकावली गन्धवन्ति यत्र पद्मानि पश्यति

sadā sahacarī jātā premayuktā divāniśam | ekāvalī gandhavanti yatra padmāni paśyati

'मैं सदा उसकी सहचरी बनी, दिन-रात प्रेमयुक्त। जहाँ भी एकावली सुगंधित कमल देखती है —'

श्लोक 57 (devibhagavatam.6.21.57)

तत्र सा रमते बाला नान्यत्र सुखमाप्नुयात् । सुदूरे जाह्नवीतीरे भवन्ति कमलान्यपि

tatra sā ramate bālā nānyatra sukhamāpnuyāt | sudūre jāhnavītīre bhavanti kamalānyapi

'वहीं वह बाला रमण करती है, अन्यत्र उसे सुख नहीं मिलता। बहुत दूर, गंगा-तट पर भी कमल हैं —'

श्लोक 58 (devibhagavatam.6.21.58)

रममाणा तत्र याता मत्समेता सखीयुता । मया निवेदितं राजन् पुत्री ते कमलाकरान्

ramamāṇā tatra yātā matsametā sakhīyutā | mayā niveditaṁ rājan putrī te kamalākarān

'उनमें रमण करने के लिए वह मेरे साथ, सखी सहित, वहाँ गई। मैंने राजा (उसके पिता) से निवेदन किया था कि आपकी पुत्री कमल-सरोवरों की ओर जाती है —'

श्लोक 59 (devibhagavatam.6.21.59)

प्रेक्षमाणातिदूरे सा प्रयाति निर्जने वने । निषेधिताथ पित्रासौ गृहे कृत्वा जलाशयान्

prekṣamāṇātidūre sā prayāti nirjane vane | niṣedhitātha pitrāsau gṛhe kṛtvā jalāśayān

'बहुत दूर से देखते हुए वह निर्जन वन में चली जाती है।' तब पिता द्वारा मना किए जाने पर, उन्होंने घर में ही जलाशय बनवा दिए —

श्लोक 60 (devibhagavatam.6.21.60)

कमलान् वापयित्वाथ पुष्पितान् भ्रमरावृतान् । तथापि निर्ययौ बाला कमलासक्तचेतना

kamalān vāpayitvātha puṣpitān bhramarāvṛtān | tathāpi niryayau bālā kamalāsaktacetanā

'खिले हुए, भ्रमरों से घिरे कमल लगवाकर भी, फिर भी वह बाला, कमलों में आसक्तचित्त होकर बाहर निकल जाती।'

श्लोक 61 (devibhagavatam.6.21.61)

तदा राज्ञा रक्षपालाः प्रेरिताः शस्त्रपाणयः । एवं रक्षायुता तन्वी मत्समेता सखीयुता । क्रीडार्थं जाह्नवीतोये नित्यमायाति याति च

tadā rājñā rakṣapālāḥ preritāḥ śastrapāṇayaḥ | evaṁ rakṣāyutā tanvī matsametā sakhīyutā | krīḍārthaṁ jāhnavītoye nityamāyāti yāti ca

'तब राजा ने शस्त्रधारी रक्षक भेज दिए। इस प्रकार रक्षा से युक्त वह तन्वंगी, मेरे साथ, सखी सहित, क्रीड़ा के लिए नित्य गंगा-जल में आती-जाती है।'