देवी का स्वप्न: राजा एकवीर हेतु एकावली-मुक्ति की भविष्यवाणी

श्लोक 1 (devibhagavatam.6.22.1)

यशोवत्युवाच । प्रातरुत्थाय तन्वङ्गी चलिता च सखीयुता । चामरैर्वीज्यमाना सा रक्षिता बहुरक्षिभिः

yaśovatyuvāca | prātarutthāya tanvaṅgī calitā ca sakhīyutā | cāmarairvījyamānā sā rakṣitā bahurakṣibhiḥ

प्रातःकाल उठकर वह कृशांगी अपनी सखियों सहित चली; चँवर से हवा की जाती हुई वह अनेक रक्षकों द्वारा सुरक्षित थी।

श्लोक 2 (devibhagavatam.6.22.2)

सायुधैश्चातिसन्नद्धैः सहिता वरवर्णिनी । क्रीडार्थमत्र राजेन्द्र सम्प्राप्ता नलिनीं शुभाम्

sāyudhaiścātisannaddhaiḥ sahitā varavarṇinī | krīḍārthamatra rājendra samprāptā nalinīṁ śubhām

शस्त्रधारी अत्यंत सुसज्जित रक्षकों के साथ वह सुंदरी, हे राजेन्द्र, क्रीड़ा के लिए उस मनोहर कमल-सरोवर पर पहुँची।

श्लोक 3 (devibhagavatam.6.22.3)

अहमप्यनया सार्धं गङ्गातीरे समागता । अप्सरोभिः समेता च कमलैः क्रीडमानया

ahamapyanayā sārdhaṁ gaṅgātīre samāgatā | apsarobhiḥ sametā ca kamalaiḥ krīḍamānayā

मैं भी उसके साथ गंगा-तट पर आई, अप्सराओं सहित, जब वह कमलों से क्रीड़ा कर रही थी।

श्लोक 4 (devibhagavatam.6.22.4)

एकावली तथा चाहं जाते क्रीडापरे यदा । सहसैव तदायातो दानवो बलसंयुतः

ekāvalī tathā cāhaṁ jāte krīḍāpare yadā | sahasaiva tadāyāto dānavo balasaṁyutaḥ

जब एकावली और मैं इस प्रकार क्रीड़ा में मग्न थीं, तभी अपनी सेना सहित एक दानव सहसा आ पहुँचा।

श्लोक 5 (devibhagavatam.6.22.5)

कालकेतुरिति ख्यातो राक्षसैर्बहुभिर्युतः । परिघासिगदाचापबाणतोमरपाणिभिः

kālaketuriti khyāto rākṣasairbahubhiryutaḥ | parighāsigadācāpabāṇatomarapāṇibhiḥ

कालकेतु नामक वह राक्षस अनेक राक्षसों से घिरा था, जिनके हाथों में परिघ, खड्ग, गदा, धनुष-बाण और तोमर थे।

श्लोक 6 (devibhagavatam.6.22.6)

दृष्टा चैकावली तेन रूपयौवनशालिनी । द्वितीया कामपत्नीव क्रीडमाना सुपङ्कजैः

dṛṣṭā caikāvalī tena rūpayauvanaśālinī | dvitīyā kāmapatnīva krīḍamānā supaṅkajaiḥ

उसने रूप और यौवन से सुशोभित एकावली को कमलों के बीच क्रीड़ा करते देखा, मानो वह कामदेव की दूसरी पत्नी हो।

श्लोक 7 (devibhagavatam.6.22.7)

मयोक्तैकावली राजन् कोऽयं दैत्यः समागतः । गच्छावो रक्षपालानां मध्ये पङ्कजलोचने

mayoktaikāvalī rājan ko'yaṁ daityaḥ samāgataḥ | gacchāvo rakṣapālānāṁ madhye paṅkajalocane

मैंने एकावली से कहा — यह कौन दैत्य आया है, हे राजन्? हे कमललोचने! चलो, हम रक्षकों के मध्य चलें।

श्लोक 8 (devibhagavatam.6.22.8)

विमृश्यैव सखी चाहं त्वरयैव गते भयात् । मध्ये वै सैनिकानां तु सायुधानां नृपात्मज

vimṛśyaiva sakhī cāhaṁ tvarayaiva gate bhayāt | madhye vai sainikānāṁ tu sāyudhānāṁ nṛpātmaja

क्षणभर विचारकर, भय के कारण मैं और सखी शीघ्र ही, हे राजपुत्र, शस्त्रधारी सैनिकों के बीच चली गईं।

श्लोक 9 (devibhagavatam.6.22.9)

कालकेतुस्तु तां दृष्ट्वा मोहिनीं मदनातुरः । गदां गुर्वी गृहीत्वा तु धावमानः समागतः

kālaketustu tāṁ dṛṣṭvā mohinīṁ madanāturaḥ | gadāṁ gurvī gṛhītvā tu dhāvamānaḥ samāgataḥ

उस मोहिनी को देखकर कालकेतु कामातुर हो उठा, और भारी गदा उठाकर दौड़ता हुआ आया।

श्लोक 10 (devibhagavatam.6.22.10)

रक्षकान्दूरतः कृत्वा जग्राहाम्बुजलोचनाम् । त्रस्तां वेपथुसंयुक्तां क्रन्दमानां कृशोदरीम्

rakṣakāndūrataḥ kṛtvā jagrāhāmbujalocanām | trastāṁ vepathusaṁyuktāṁ krandamānāṁ kṛśodarīm

रक्षकों को दूर हटाकर उसने उस कमलनयना, कृशोदरी को पकड़ लिया, जो भयभीत, काँपती और रोती हुई थी।

श्लोक 11 (devibhagavatam.6.22.11)

त्यजैनां मां गृहाणेति मया चोक्तोऽपि दानवः । न मां जग्राह कामार्तस्तां गृहीत्वा विनिःसृतः

tyajaināṁ māṁ gṛhāṇeti mayā cokto'pi dānavaḥ | na māṁ jagrāha kāmārtastāṁ gṛhītvā viniḥsṛtaḥ

मैंने उस दानव से कहा — इसे छोड़ो, मुझे पकड़ो! परन्तु कामपीड़ित वह मुझे न पकड़कर, उसी को लेकर निकल गया।

श्लोक 12 (devibhagavatam.6.22.12)

तिष्ठ तिष्ठेति भाषन्तो रक्षकास्तं महाबलम् । प्रतिषिध्य तु सङ्ग्रामं चक्रुर्विस्मयकारकम्

tiṣṭha tiṣṭheti bhāṣanto rakṣakāstaṁ mahābalam | pratiṣidhya tu saṅgrāmaṁ cakrurvismayakārakam

ठहरो, ठहरो, ऐसा कहते हुए रक्षकों ने उस महाबली को रोकना चाहा, और एक विस्मयकारी युद्ध हुआ।

श्लोक 13 (devibhagavatam.6.22.13)

तस्यापि राक्षसाः क्रूराः सर्वतः शस्त्रपाणयः । युयुधू रक्षकैः सार्धं स्वामिकार्ये कृतोद्यमाः

tasyāpi rākṣasāḥ krūrāḥ sarvataḥ śastrapāṇayaḥ | yuyudhū rakṣakaiḥ sārdhaṁ svāmikārye kṛtodyamāḥ

उसके क्रूर राक्षस भी चारों ओर से शस्त्रधारी होकर, स्वामी के कार्य में तत्पर, रक्षकों के साथ युद्ध करने लगे।

श्लोक 14 (devibhagavatam.6.22.14)

सङ्ग्रामस्तु तदा जातः कालकेतोस्तथा रणे । निहत्य रक्षकान्सर्वान्गृहीत्वैनां महाबलः

saṅgrāmastu tadā jātaḥ kālaketostathā raṇe | nihatya rakṣakānsarvāngṛhītvaināṁ mahābalaḥ

तब उस युद्ध में कालकेतु का घोर संग्राम हुआ; उस महाबली ने समस्त रक्षकों को मारकर उसे पकड़ लिया।

श्लोक 15 (devibhagavatam.6.22.15)

युक्तो राक्षससैन्येन निर्जगाम पुरं प्रति । वीक्ष्य तां रुदतीं बालां गृहीता दानवेन तु

yukto rākṣasasainyena nirjagāma puraṁ prati | vīkṣya tāṁ rudatīṁ bālāṁ gṛhītā dānavena tu

राक्षससेना सहित वह अपनी नगरी की ओर चल पड़ा — रोती हुई वह बाला दानव द्वारा पकड़ी जा चुकी थी।

श्लोक 16 (devibhagavatam.6.22.16)

पृष्ठतोऽहं गता तत्र यत्र नीता सखी मम । विक्रोशन्ती यथा सा मां पश्येदिति पदानुगा

pṛṣṭhato'haṁ gatā tatra yatra nītā sakhī mama | vikrośantī yathā sā māṁ paśyediti padānugā

मैं पीछे-पीछे वहाँ गई जहाँ मेरी सखी ले जाई जा रही थी, ताकि रोती हुई वह मुझे पैदल अनुगमन करते देख सके।

श्लोक 17 (devibhagavatam.6.22.17)

सापि मामागतां वीक्ष्य किञ्चित्स्वस्थाभवत्तदा । गताहं तत्समीपे तु तामाभाष्य पुनः पुनः

sāpi māmāgatāṁ vīkṣya kiñcitsvasthābhavattadā | gatāhaṁ tatsamīpe tu tāmābhāṣya punaḥ punaḥ

मुझे आते देखकर वह भी कुछ स्वस्थ हुई; मैं उसके निकट जाकर बार-बार उससे बोली।

श्लोक 18 (devibhagavatam.6.22.18)

सा मां प्राप्यातिदुःखार्ता स्तम्भस्वेदसमाकुला । कण्ठे गृहीत्वा मां भूप रुरोद भृशदुःखिता

sā māṁ prāpyātiduḥkhārtā stambhasvedasamākulā | kaṇṭhe gṛhītvā māṁ bhūpa ruroda bhṛśaduḥkhitā

अत्यंत दुःखार्त, स्तंभित और पसीने से व्याकुल वह, हे भूप, मुझे पाकर गले लगाकर अत्यंत दुःख से रो पड़ी।

श्लोक 19 (devibhagavatam.6.22.19)

स मामाह कालकेतुः प्रीतिपूर्वमिदं वचः । समाश्वासय भीतां त्वं सखीं चञ्चललोचनाम्

sa māmāha kālaketuḥ prītipūrvamidaṁ vacaḥ | samāśvāsaya bhītāṁ tvaṁ sakhīṁ cañcalalocanām

कालकेतु ने प्रेमपूर्वक मुझसे यह वचन कहा — अपनी भयभीत, चंचल-नयना सखी को समझाओ।

श्लोक 20 (devibhagavatam.6.22.20)

प्राप्तं ममाद्य नगरं देवलोकसमं प्रिये । दासोऽस्मि तव रत्या हि कस्मात्क्रन्दसि कातरा

prāptaṁ mamādya nagaraṁ devalokasamaṁ priye | dāso'smi tava ratyā hi kasmātkrandasi kātarā

हे प्रिये! आज मेरी नगरी देवलोक के समान प्राप्त हुई है; मैं तुम्हारे प्रेम का दास हूँ — यह भयभीत होकर तुम क्यों रोती हो?

श्लोक 21 (devibhagavatam.6.22.21)

कथयैनां सखीं तेऽद्य स्वस्था भव सुलोचने । इत्युक्त्वा मां सखीपार्श्वे समारोप्य रथोत्तमे

kathayaināṁ sakhīṁ te'dya svasthā bhava sulocane | ityuktvā māṁ sakhīpārśve samāropya rathottame

आज ही अपनी सखी से कह दो, हे सुलोचने, स्वस्थ हो जाओ — ऐसा कहकर उसने मुझे अपने श्रेष्ठ रथ में सखी के पास बिठाया।

श्लोक 22 (devibhagavatam.6.22.22)

जगाम तरसा दुष्टः पुरे स्वस्य मनोहरे । सैन्येन महता युक्तः प्रफुल्लवदनाम्बुजः

jagāma tarasā duṣṭaḥ pure svasya manohare | sainyena mahatā yuktaḥ praphullavadanāmbujaḥ

वह दुष्ट अपनी विशाल सेना सहित, प्रफुल्लित कमल-मुख लिए, वेग से अपनी मनोहर नगरी की ओर चला गया।

श्लोक 23 (devibhagavatam.6.22.23)

एकावली तथा मां च संस्थाप्य धवले गृहे । राक्षसान् गृहरक्षार्थं कल्पयामास कोटिशः

ekāvalī tathā māṁ ca saṁsthāpya dhavale gṛhe | rākṣasān gṛharakṣārthaṁ kalpayāmāsa koṭiśaḥ

एकावली और मुझे उसने एक श्वेत भवन में ठहराया, और घर की रक्षा हेतु करोड़ों राक्षस नियुक्त कर दिए।

श्लोक 24 (devibhagavatam.6.22.24)

द्वितीये दिवसे सोऽथ मामुवाच रहो नृप । प्रबोधय सखीं बालां शोचन्तीं विरहातुराम्

dvitīye divase so'tha māmuvāca raho nṛpa | prabodhaya sakhīṁ bālāṁ śocantīṁ virahāturām

दूसरे दिन उसने एकांत में मुझसे कहा, हे राजन् — विरह से शोकाकुल अपनी बाल सखी को समझाओ।

श्लोक 25 (devibhagavatam.6.22.25)

पत्नी मे भव सुश्रोणि सुखं भुङ्क्षव यथेप्सितम् । राज्यं त्वदीयं चन्द्रास्ये सेवकोऽहं सदा तव

patnī me bhava suśroṇi sukhaṁ bhuṅkṣava yathepsitam | rājyaṁ tvadīyaṁ candrāsye sevako'haṁ sadā tava

हे सुश्रोणि! मेरी पत्नी बनो, इच्छानुसार सुख भोगो; हे चंद्रमुखी! यह राज्य तुम्हारा है, मैं सदा तुम्हारा सेवक हूँ।

श्लोक 26 (devibhagavatam.6.22.26)

पुनरुक्तं मया वाक्यं श्रुत्वा तद्भाषितं खरम् । नाहं क्षमाप्रियं वक्तुं त्वमेनां कथय प्रभो

punaruktaṁ mayā vākyaṁ śrutvā tadbhāṣitaṁ kharam | nāhaṁ kṣamāpriyaṁ vaktuṁ tvamenāṁ kathaya prabho

उसके इस कठोर वचन को बार-बार सुनकर मैंने कहा — इसे प्रिय बनाकर कहने में मैं समर्थ नहीं हूँ; हे प्रभो! तुम स्वयं ही उससे कहो।

श्लोक 27 (devibhagavatam.6.22.27)

इत्युक्ते वचने दुष्टो मदनक्षतमानसः । उवाच विनयादेनां सखीं क्षामोदरीं प्रियाम्

ityukte vacane duṣṭo madanakṣatamānasaḥ | uvāca vinayādenāṁ sakhīṁ kṣāmodarīṁ priyām

यह वचन सुनकर, काम से आहत मन वाला वह दुष्ट, विनयपूर्वक अपनी उस प्रिय कृशोदरी सखी से बोला —

श्लोक 28 (devibhagavatam.6.22.28)

कृशोदरि त्वया मन्त्रो निक्षिप्तोऽस्ति ममोपरि । तेन मे हृदयं कान्ते हृतं ते वशतां गतम्

kṛśodari tvayā mantro nikṣipto'sti mamopari | tena me hṛdayaṁ kānte hṛtaṁ te vaśatāṁ gatam

हे कृशोदरी! तुमने मुझ पर कोई मंत्र डाल दिया है; उससे, हे प्रिये, मेरा हृदय हरकर तुम्हारे वश में चला गया है।

श्लोक 29 (devibhagavatam.6.22.29)

तेनाहं तव दासोऽद्य कृतोऽस्मीति विनिश्चयः । भज मां कामबाणेन पीडितं विवशं भृशम्

tenāhaṁ tava dāso'dya kṛto'smīti viniścayaḥ | bhaja māṁ kāmabāṇena pīḍitaṁ vivaśaṁ bhṛśam

इसलिए आज मैं तुम्हारा दास बन चुका हूँ — यह निश्चित है; कामबाण से अत्यंत पीड़ित, विवश मुझे स्वीकार करो।

श्लोक 30 (devibhagavatam.6.22.30)

यौवनं याति रम्भोरु चञ्चलं दुर्लभं तदा । सफलं कुरु कल्याणि पतिं मां परिरभ्य च

yauvanaṁ yāti rambhoru cañcalaṁ durlabhaṁ tadā | saphalaṁ kuru kalyāṇi patiṁ māṁ parirabhya ca

हे रम्भोरु! यौवन चंचल है और चला जाने पर दुर्लभ है; हे कल्याणी! मुझे पति के रूप में आलिंगन कर इसे सफल बनाओ।

श्लोक 31 (devibhagavatam.6.22.31)

एकावल्युवाच । पित्राहं कल्पिता पूर्वं दातुं राजसुताय वै । हैहयस्तु महाभाग स मया मनसा वृतः

ekāvalyuvāca | pitrāhaṁ kalpitā pūrvaṁ dātuṁ rājasutāya vai | haihayastu mahābhāga sa mayā manasā vṛtaḥ

एकावली ने कहा — पिता ने पहले ही मुझे किसी राजपुत्र को देने का संकल्प किया था; हे महाभाग! उस हैहय को मैंने मन से वरण कर लिया है।

श्लोक 32 (devibhagavatam.6.22.32)

कथमन्यं भजे कान्तं त्यक्त्वा धर्मं सनातनम् । कन्याधर्मं विहायाद्य वेत्सि शास्त्रविनिश्चयम्

kathamanyaṁ bhaje kāntaṁ tyaktvā dharmaṁ sanātanam | kanyādharmaṁ vihāyādya vetsi śāstraviniścayam

सनातन धर्म को त्यागकर मैं किसी अन्य को कैसे प्रेम करूँ? क्या तुम शास्त्रों का निर्णय नहीं जानते कि आज मैं कन्या-धर्म त्याग रही हूँ?

श्लोक 33 (devibhagavatam.6.22.33)

यस्मै दद्यात्पिता कामं कन्या तं पतिमाप्नुयात् । परतन्त्रा सदा कन्या न स्वातन्त्र्यं कदाचन

yasmai dadyātpitā kāmaṁ kanyā taṁ patimāpnuyāt | paratantrā sadā kanyā na svātantryaṁ kadācana

पिता जिसे इच्छापूर्वक कन्या देता है, वही उसका पति होता है; कन्या सदा पराधीन होती है, कभी स्वतंत्र नहीं।

श्लोक 34 (devibhagavatam.6.22.34)

इत्युक्तोऽपि तया पापी विरराम न मोहितः । न मुमोच विशालाक्षीं मां च पार्श्वस्थितां तथा

ityukto'pi tayā pāpī virarāma na mohitaḥ | na mumoca viśālākṣīṁ māṁ ca pārśvasthitāṁ tathā

ऐसा कहे जाने पर भी वह पापी, मोहग्रस्त, विरत न हुआ; उसने न तो उस विशाललोचना को छोड़ा और न मुझे, जो उसके पास खड़ी थी।

श्लोक 35 (devibhagavatam.6.22.35)

पातालविवरे तस्य पुरं परमसङ्कटे । राक्षसै रक्षितं दुर्गं मण्डितं परिखावृतम्

pātālavivare tasya puraṁ paramasaṅkaṭe | rākṣasai rakṣitaṁ durgaṁ maṇḍitaṁ parikhāvṛtam

उसकी नगरी पाताल की एक गुफा में, अत्यंत दुर्गम स्थान में है — राक्षसों से रक्षित, दुर्ग से सुसज्जित, खाई से घिरी हुई।

श्लोक 36 (devibhagavatam.6.22.36)

तत्र तिष्ठति दुःखार्ता सखी मे प्राणवल्लभा । तेनाहं विरहेणात्र रारटीमि सुदुःखिता

tatra tiṣṭhati duḥkhārtā sakhī me prāṇavallabhā | tenāhaṁ viraheṇātra rāraṭīmi suduḥkhitā

वहाँ मेरी प्राणप्रिय सखी दुःखार्त होकर रहती है; इसीलिए मैं यहाँ वियोग से अत्यंत दुःखी होकर विलाप करती हूँ।

श्लोक 37 (devibhagavatam.6.22.37)

एकवीर उवाच । कथं त्वमत्र सम्प्राप्ता पुरात्तस्य दुरात्मनः । विस्मयो मे महानत्र तत्त्वं ब्रूहि वरानने

ekavīra uvāca | kathaṁ tvamatra samprāptā purāttasya durātmanaḥ | vismayo me mahānatra tattvaṁ brūhi varānane

एकवीर ने कहा — तुम उस दुरात्मा की नगरी से यहाँ कैसे पहुँचीं? मुझे इसका महान् आश्चर्य है; हे वरानने! सत्य बताओ।

श्लोक 38 (devibhagavatam.6.22.38)

त्वया च कथितं वाक्यं सन्दिग्धं भाति भामिनि । हैहयार्थे कल्पिता सा पित्रेति मम साम्प्रतम्

tvayā ca kathitaṁ vākyaṁ sandigdhaṁ bhāti bhāmini | haihayārthe kalpitā sā pitreti mama sāmpratam

तुमने जो वचन कहा, वह मुझे संदिग्ध प्रतीत होता है, हे भामिनि — कि पिता ने उसे किसी हैहय के लिए निश्चित किया था।

श्लोक 39 (devibhagavatam.6.22.39)

हैहयो नाम राजाहं नान्योऽस्ति पृथिवीपतिः । मदर्थे कथिता सा किं सखी तव सुलोचना

haihayo nāma rājāhaṁ nānyo'sti pṛthivīpatiḥ | madarthe kathitā sā kiṁ sakhī tava sulocanā

मैं ही हैहय नामक राजा हूँ, कोई अन्य पृथ्वीपति नहीं है; क्या तुम्हारी सखी, हे सुलोचने, मेरे लिए ही निश्चित की गई थी?

श्लोक 40 (devibhagavatam.6.22.40)

एतन्मे संशयं सुभ्रु छेत्तुमर्हसि भामिनि । अहं तामानयिष्यामि तं हत्वा राक्षसाधमम्

etanme saṁśayaṁ subhru chettumarhasi bhāmini | ahaṁ tāmānayiṣyāmi taṁ hatvā rākṣasādhamam

हे सुभ्रु! मेरी इस शंका को दूर करो, हे भामिनि; मैं उस नीच राक्षस को मारकर उसे ले आऊँगा।

श्लोक 41 (devibhagavatam.6.22.41)

स्थानं दर्शय मे तस्य यदि जानासि सुव्रते । राज्ञे निवेदितं किं वा तत्पित्रे चातिदुःखिता

sthānaṁ darśaya me tasya yadi jānāsi suvrate | rājñe niveditaṁ kiṁ vā tatpitre cātiduḥkhitā

यदि जानती हो तो, हे सुव्रते, मुझे उसका स्थान बताओ; क्या यह बात राजा को और उसके अत्यंत दुःखी पिता को ज्ञात है?

श्लोक 42 (devibhagavatam.6.22.42)

यस्यैषा वल्लभा पुत्री न किं जानाति तां हृताम् । नोद्यमः किं कृतस्तेन ततो मोचनहेतवे

yasyaiṣā vallabhā putrī na kiṁ jānāti tāṁ hṛtām | nodyamaḥ kiṁ kṛtastena tato mocanahetave

जिसकी वह प्रिय पुत्री है, क्या वह नहीं जानता कि वह हर ली गई है? क्या उसने उसे छुड़ाने का कोई प्रयत्न नहीं किया?

श्लोक 43 (devibhagavatam.6.22.43)

बन्दीकृतां सुतां ज्ञात्वा कथं तिष्ठति सुस्थिरः । असमर्थो नृपः किं वा कारणं ब्रूहि सत्वरम्

bandīkṛtāṁ sutāṁ jñātvā kathaṁ tiṣṭhati susthiraḥ | asamartho nṛpaḥ kiṁ vā kāraṇaṁ brūhi satvaram

अपनी पुत्री को बंदी जानकर वह कैसे स्थिर बैठा है? क्या राजा असमर्थ है, या क्या कारण है — शीघ्र बताओ।

श्लोक 44 (devibhagavatam.6.22.44)

त्वया मेऽपहृतं चेतो गुणानुक्त्वा ह्यमानुषान् । सख्याः पङ्कजपत्राक्षि कृतः कामवशो भृशम्

tvayā me'pahṛtaṁ ceto guṇānuktvā hyamānuṣān | sakhyāḥ paṅkajapatrākṣi kṛtaḥ kāmavaśo bhṛśam

तुमने अपनी सखी के अलौकिक गुणों का वर्णन कर मेरा चित्त हर लिया है, हे कमलपत्राक्षि! मैं अत्यंत काम-वश हो गया हूँ।

श्लोक 45 (devibhagavatam.6.22.45)

कदा पश्यामि तां कान्तां मोचयित्वातिसङ्कटात् । इति मे हृदयं चाद्य करोत्यतिमनोरथम्

kadā paśyāmi tāṁ kāntāṁ mocayitvātisaṅkaṭāt | iti me hṛdayaṁ cādya karotyatimanoratham

उस अत्यंत संकट से मुक्त कर उस प्रिया को मैं कब देखूँगा — ऐसा सोचकर आज मेरा हृदय अत्यंत उत्कंठित हो रहा है।

श्लोक 46 (devibhagavatam.6.22.46)

ब्रूहि मे गमनोपायं पुरे तस्यातिदुर्गमे । कथं त्वमागता तस्मात्सङ्कटादत्र तद्वद

brūhi me gamanopāyaṁ pure tasyātidurgame | kathaṁ tvamāgatā tasmātsaṅkaṭādatra tadvada

उसकी अत्यंत दुर्गम नगरी में जाने का उपाय मुझे बताओ; और यह भी बताओ कि तुम उस संकट से यहाँ कैसे आईं।

श्लोक 47 (devibhagavatam.6.22.47)

यशोवत्युवाच । बालभावान्मया मन्त्रो भगवत्या विशाम्पते । प्राप्तोऽस्ति ब्राह्मणात्सिद्धात्सबीजध्यानपूर्वकः

yaśovatyuvāca | bālabhāvānmayā mantro bhagavatyā viśāmpate | prāpto'sti brāhmaṇātsiddhātsabījadhyānapūrvakaḥ

यशोवती ने कहा — हे विशांपते! बाल्यावस्था से ही मुझे एक सिद्ध ब्राह्मण से बीज और ध्यान-विधि सहित भगवती का मंत्र प्राप्त हुआ था।

श्लोक 48 (devibhagavatam.6.22.48)

तत्रावस्थितया राजन् मया चित्ते विचारितम् । आराधयामि सततं चण्डिकां चण्डविक्रमाम्

tatrāvasthitayā rājan mayā citte vicāritam | ārādhayāmi satataṁ caṇḍikāṁ caṇḍavikramām

वहाँ रहते हुए, हे राजन्, मैंने मन में विचार किया कि मैं सतत उग्र-पराक्रमी चण्डिका की आराधना करूँ।

श्लोक 49 (devibhagavatam.6.22.49)

सा देवी सेविता कामं बन्धमोक्षं करिष्यति । भक्तानुकम्पिनी शक्तिः समर्था सर्वसाधने

sā devī sevitā kāmaṁ bandhamokṣaṁ kariṣyati | bhaktānukampinī śaktiḥ samarthā sarvasādhane

वह देवी, भलीभाँति सेवित होने पर, बंधन से मुक्ति देती हैं; भक्तों पर दया करने वाली वह शक्ति सब कुछ सिद्ध करने में समर्थ हैं।

श्लोक 50 (devibhagavatam.6.22.50)

या विश्वं सृजते शक्त्या पालयत्येव सा पुनः । कल्पान्ते संहरत्येव निराकारा निराश्रया

yā viśvaṁ sṛjate śaktyā pālayatyeva sā punaḥ | kalpānte saṁharatyeva nirākārā nirāśrayā

जो अपनी शक्ति से विश्व की सृष्टि करती हैं, उसका पालन भी वही करती हैं, और कल्प के अंत में उसका संहार भी वही करती हैं — वह निराकार, निराश्रय हैं।

श्लोक 51 (devibhagavatam.6.22.51)

इति सञ्चिन्त्य मनसा देवीं विश्वेश्वरीं शिवाम् । ध्यात्वा रक्ताम्बरां सौम्यां सुरक्तनयनां हृदि

iti sañcintya manasā devīṁ viśveśvarīṁ śivām | dhyātvā raktāmbarāṁ saumyāṁ suraktanayanāṁ hṛdi

ऐसा मन में सोचकर मैंने विश्वेश्वरी, मंगलमयी देवी का हृदय में ध्यान किया — रक्तवस्त्रधारिणी, सौम्य, अत्यंत लाल नेत्रों वाली।

श्लोक 52 (devibhagavatam.6.22.52)

संस्मृत्य मनसा रूपं मन्त्रजाप्यपराभवम् । उपासिता मया देवी मासमेकं समाधिना

saṁsmṛtya manasā rūpaṁ mantrajāpyaparābhavam | upāsitā mayā devī māsamekaṁ samādhinā

उनके रूप का मन में स्मरण करते हुए, मंत्र-जप में तत्पर होकर, मैंने एक मास तक समाधि द्वारा देवी की उपासना की।

श्लोक 53 (devibhagavatam.6.22.53)

स्वप्ने मम समायाता भक्तिभावेन तोषिता । मामाहामृतया वाचा किं सुप्तासीति चण्डिका

svapne mama samāyātā bhaktibhāvena toṣitā | māmāhāmṛtayā vācā kiṁ suptāsīti caṇḍikā

भक्तिभाव से संतुष्ट होकर वह मेरे स्वप्न में आईं, और चण्डिका ने अमृतमयी वाणी से मुझसे कहा — क्या तू सोई है?

श्लोक 54 (devibhagavatam.6.22.54)

उत्तिष्ठ याहि तरसा गङ्गातीरं मनोहरम् । आगमिष्यति तत्रासौ हैहयो नृपपुङ्गवः

uttiṣṭha yāhi tarasā gaṅgātīraṁ manoharam | āgamiṣyati tatrāsau haihayo nṛpapuṅgavaḥ

उठ, शीघ्र गंगा के मनोहर तट पर जा; वहाँ श्रेष्ठ राजा हैहय आएगा।

श्लोक 55 (devibhagavatam.6.22.55)

एकवीरो महाबाहुः सर्वशत्रुविमर्दनः । दत्तात्रेयेण मन्मन्त्रो महाविद्याभिधः परः

ekavīro mahābāhuḥ sarvaśatruvimardanaḥ | dattātreyeṇa manmantro mahāvidyābhidhaḥ paraḥ

महाबाहु एकवीर, समस्त शत्रुओं का विनाशक — उसे दत्तात्रेय ने महाविद्या नामक मेरा परम मंत्र दिया है।

श्लोक 56 (devibhagavatam.6.22.56)

दत्तोऽस्मै सोऽपि सततं मामुपास्तेऽतिभक्तितः । मय्यासक्तमतिर्नित्यं मम पूजापरायणः

datto'smai so'pi satataṁ māmupāste'tibhaktitaḥ | mayyāsaktamatirnityaṁ mama pūjāparāyaṇaḥ

वह मंत्र उसे दिया गया है, और वह भी सतत अत्यंत भक्तिपूर्वक मेरी उपासना करता है, मुझमें आसक्तचित्त, सदा मेरी पूजा में तत्पर है।

श्लोक 57 (devibhagavatam.6.22.57)

मामेव सर्वभूतेषु ध्यायन्नास्ते च मत्परः । स ते दुःखविनाशं वै करिष्यति महामतिः

māmeva sarvabhūteṣu dhyāyannāste ca matparaḥ | sa te duḥkhavināśaṁ vai kariṣyati mahāmatiḥ

वह सब भूतों में मुझे ही ध्याता हुआ, मुझमें ही परायण रहता है; वह महामति तुम्हारे दुःख का नाश करेगा।

श्लोक 58 (devibhagavatam.6.22.58)

मासुतो विहरंस्तत्र तव त्राता भविष्यति । हत्वा तं राक्षसं घोरं मोचयिष्यति मानिनीम्

māsuto viharaṁstatra tava trātā bhaviṣyati | hatvā taṁ rākṣasaṁ ghoraṁ mocayiṣyati māninīm

मेरा पुत्र-सम वह वहाँ विचरण करता हुआ तुम्हारा रक्षक बनेगा; उस घोर राक्षस को मारकर वह मानिनी को मुक्त कराएगा।

श्लोक 59 (devibhagavatam.6.22.59)

एकावलीमेकवीरः सर्वशास्त्रविशारदः । पश्चात्सैव पतिः कार्यस्त्वया राजसुतः शुभः

ekāvalīmekavīraḥ sarvaśāstraviśāradaḥ | paścātsaiva patiḥ kāryastvayā rājasutaḥ śubhaḥ

एकवीर, समस्त शास्त्रों में निपुण, वह मंगलमय राजपुत्र — बाद में एकावली का पति बनाया जाए।

श्लोक 60 (devibhagavatam.6.22.60)

इत्युक्त्वान्तर्दधे देवी प्रबुद्धाहं तदैव हि । कथितं स्वप्नवृत्तान्तं देव्याश्चाराधनं तथा

ityuktvāntardadhe devī prabuddhāhaṁ tadaiva hi | kathitaṁ svapnavṛttāntaṁ devyāścārādhanaṁ tathā

ऐसा कहकर देवी अंतर्धान हो गईं, और मैं उसी क्षण जाग गई; मैंने अपनी सखी को स्वप्न-वृत्तान्त और देवी की आराधना का समाचार सुनाया।

श्लोक 61 (devibhagavatam.6.22.61)

प्रसन्नवदना जाता श्रुत्वा सा कमलेक्षणा । विशेषेण च सन्तुष्टा मामुवाच शुचिस्मिता

prasannavadanā jātā śrutvā sā kamalekṣaṇā | viśeṣeṇa ca santuṣṭā māmuvāca śucismitā

सुनकर उस कमललोचना का मुख प्रसन्न हो उठा; अत्यंत संतुष्ट होकर वह पवित्र-मुसकान वाली मुझसे बोली —

श्लोक 62 (devibhagavatam.6.22.62)

गच्छ तत्र त्वरायुक्ता कुरु कार्यं मम प्रिये । सत्यवाक्या भगवती सावां मोक्षं विधास्यति

gaccha tatra tvarāyuktā kuru kāryaṁ mama priye | satyavākyā bhagavatī sāvāṁ mokṣaṁ vidhāsyati

वहाँ शीघ्र जाओ, हे प्रिये, और मेरा कार्य करो; भगवती सत्यवादिनी हैं, वे हम दोनों को मुक्ति देंगी।

श्लोक 63 (devibhagavatam.6.22.63)

इत्याज्ञप्ता तया चाहं सख्या वै प्रेमयुक्तया । मत्वोपसरणं युक्तं तस्मात्स्थानात्तदा नृप

ityājñaptā tayā cāhaṁ sakhyā vai premayuktayā | matvopasaraṇaṁ yuktaṁ tasmātsthānāttadā nṛpa

अपनी स्नेहमयी सखी द्वारा इस प्रकार आज्ञप्त होकर, हे राजन्, मैंने प्रस्थान करना ही उचित समझा और उस स्थान से चल पड़ी।

श्लोक 64 (devibhagavatam.6.22.64)

चालिताहं ततः शीघ्रं महादेवीप्रसादतः । मार्गज्ञानं शीघ्रगतिर्मया प्राप्ता नृपात्मज

cālitāhaṁ tataḥ śīghraṁ mahādevīprasādataḥ | mārgajñānaṁ śīghragatirmayā prāptā nṛpātmaja

महादेवी की कृपा से मैं शीघ्र ही आगे बढ़ी; मुझे मार्ग का ज्ञान और वेगवती गति प्राप्त हुई, हे राजपुत्र।

श्लोक 65 (devibhagavatam.6.22.65)

इत्येतत्कथितं सर्वं कारणं मम दुःखजम् । कस्त्वं कस्य सुतश्चेति वद वीर यथा तथा

ityetatkathitaṁ sarvaṁ kāraṇaṁ mama duḥkhajam | kastvaṁ kasya sutaśceti vada vīra yathā tathā

इस प्रकार मैंने अपने दुःख का सारा कारण तुम्हें बता दिया — अब, हे वीर, यथार्थ बताओ कि तुम कौन हो और किसके पुत्र हो।