वसिष्ठ-विश्वामित्र की शर्त

श्लोक 1 (devibhagavatam.7.17.1)

व्यास उवाच । रुदन्तं बालकं वीक्ष्य विश्वामित्रो दयातुरः । शुनःशेपमुवाचेदं गत्वा पार्श्वेऽतिदुःखितम्

vyāsa uvāca rudantaṁ bālakaṁ vīkṣya viśvāmitro dayāturaḥ śunaḥśepamuvācedaṁ gatvā pārśve'tiduḥkhitam

व्यास जी ने कहा — रोते हुए उस बालक को देखकर दया से आतुर विश्वामित्र ने पास जाकर उस अत्यन्त दुःखी शुनःशेप से यह कहा —

श्लोक 2 (devibhagavatam.7.17.2)

मन्त्रं प्रचेतसः पुत्र मयोक्तं मनसा स्मरन् । जपतस्तव कल्याणं भविष्यति ममाज्ञया

mantraṁ pracetasaḥ putra mayoktaṁ manasā smaran japatastava kalyāṇaṁ bhaviṣyati mamājñayā

हे पुत्र! मेरे द्वारा कहा गया वरुण-सम्बन्धी मन्त्र मन में स्मरण करते हुए उसका जप करने से मेरी आज्ञा से तुम्हारा कल्याण होगा।

श्लोक 3 (devibhagavatam.7.17.3)

विश्वामित्रवचः श्रुत्वा शुनःशेपः शुचाऽऽकुलः । मन्त्रं जजाप मनसा कौशिकोक्तं स्फुटाक्षरम्

viśvāmitravacaḥ śrutvā śunaḥśepaḥ śucā''kulaḥ mantraṁ jajāpa manasā kauśikoktaṁ sphuṭākṣaram

विश्वामित्र के वचन को सुनकर, शोक से व्याकुल शुनःशेप ने मन में स्पष्ट अक्षरों में कौशिक द्वारा कहे गए मन्त्र का जप किया।

श्लोक 4 (devibhagavatam.7.17.4)

जपतस्तत्र तस्याशु प्रचेतास्तु कृपाकरः । प्रादुर्बभूव सहसा प्रसन्नो नृप बालके

japatastatra tasyāśu pracetāstu kṛpākaraḥ prādurbabhūva sahasā prasanno nṛpa bālake

उसके जप करते ही वहाँ शीघ्र ही कृपा के आगार प्रचेता (वरुण) हे राजन्! सहसा प्रसन्न होकर उस बालक के समक्ष प्रकट हो गए।

श्लोक 5 (devibhagavatam.7.17.5)

दृष्ट्वा तमागतं सर्वे विस्मयं परमं गताः । तुष्टुवुर्वरुणं देवं मुदिता दर्शनेन ते

dṛṣṭvā tamāgataṁ sarve vismayaṁ paramaṁ gatāḥ tuṣṭuvurvaruṇaṁ devaṁ muditā darśanena te

उन्हें आया हुआ देखकर सब लोग परम विस्मय को प्राप्त हुए; और वे सब प्रसन्न होकर देवता वरुण के दर्शन से उनकी स्तुति करने लगे।

श्लोक 6 (devibhagavatam.7.17.6)

राजातिविस्मितः पादौ प्रणनाम रुजातुरः । बद्धाञ्जलिपुटो देवं तुष्टाव पुरतः स्थितम्

rājātivismitaḥ pādau praṇanāma rujāturaḥ baddhāñjalipuṭo devaṁ tuṣṭāva purataḥ sthitam

रोग से पीड़ित राजा भी अत्यन्त विस्मित होकर उनके चरणों में प्रणाम करने लगा; हाथ जोड़कर, अपने सामने खड़े देवता की उसने स्तुति की।

श्लोक 7 (devibhagavatam.7.17.7)

हरिश्चन्द्र उवाच । देवदेव कृपासिन्धो पापात्माहं सुमन्दधीः । कृतापराधः कृपणः पावितः परमेष्ठिना

hariścandra uvāca devadeva kṛpāsindho pāpātmāhaṁ sumandadhīḥ kṛtāparādhaḥ kṛpaṇaḥ pāvitaḥ parameṣṭhinā

हरिश्चन्द्र ने कहा — हे देवों के देव! हे कृपासागर! मैं पापात्मा, मन्दबुद्धि, अपराधी और दीन हूँ, फिर भी परमेश्वर द्वारा पवित्र किया गया हूँ।

श्लोक 8 (devibhagavatam.7.17.8)

मया ते पुत्रकामेन दुःखसंस्थेन हेलनम् । कृतं क्षमाप्यं प्रभुणा कोऽपराधः सुदुर्मतेः

mayā te putrakāmena duḥkhasaṁsthena helanam kṛtaṁ kṣamāpyaṁ prabhuṇā ko'parādhaḥ sudurmateḥ

पुत्र की कामना करते हुए, दुःख में डूबे मैंने आपकी अवहेलना की; प्रभु के द्वारा वह क्षमा किए जाने योग्य है — भला दुर्बुद्धि व्यक्ति का क्या अपराध होता है?

श्लोक 9 (devibhagavatam.7.17.9)

अर्थी दोषं न जानाति तस्मात्पुत्रार्थिना मया । वञ्चितस्त्वं देवदेव भीतेन नरकाद्विभो

arthī doṣaṁ na jānāti tasmātputrārthinā mayā vañcitastvaṁ devadeva bhītena narakādvibho

याचक अपनी त्रुटि को नहीं जानता; इसीलिए, पुत्र की कामना से, हे देवों के देव! हे प्रभो! नरक के भय से डरे हुए मैंने आपको ठग लिया।

श्लोक 10 (devibhagavatam.7.17.10)

अपुत्रस्य गतिर्नास्ति स्वर्गो नैव च नैव च । भीतोऽहं तेन वाक्येन तस्मात्ते हेलनं कृतम्

aputrasya gatirnāsti svargo naiva ca naiva ca bhīto'haṁ tena vākyena tasmātte helanaṁ kṛtam

पुत्रहीन की कोई गति नहीं होती, स्वर्ग भी कदापि नहीं मिलता — इसी वचन से भयभीत होकर मैंने आपकी अवहेलना की थी।

श्लोक 11 (devibhagavatam.7.17.11)

नाज्ञस्य दूषणं चिन्त्यं नूनं ज्ञानवता विभो । दुःखितोऽहं रुजाक्रान्तो वञ्चितः स्वसुतेन ह

nājñasya dūṣaṇaṁ cintyaṁ nūnaṁ jñānavatā vibho duḥkhito'haṁ rujākrānto vañcitaḥ svasutena ha

हे प्रभो! ज्ञानवान् को अज्ञानी के दोष पर विचार नहीं करना चाहिए; मैं रोग से आक्रान्त, दुःखी और अपने ही पुत्र से ठगा हुआ हूँ।

श्लोक 12 (devibhagavatam.7.17.12)

न जानेऽहं महाराज पुत्रो मे क्व गतः प्रभो । वञ्चयित्वा वने भीतो मरणान्मां कृपानिधे

na jāne'haṁ mahārāja putro me kva gataḥ prabho vañcayitvā vane bhīto maraṇānmāṁ kṛpānidhe

हे महाराज! हे प्रभो! मुझे नहीं पता कि मेरा पुत्र कहाँ चला गया; हे कृपानिधे! मृत्यु के भय से डरकर वह मुझे वन में छलकर चला गया।

श्लोक 13 (devibhagavatam.7.17.13)

प्रययौ द्रविणं दत्वा गृहीतो द्विजबालकः । यज्ञोऽयं क्रीतपुत्रेण प्रारब्धस्तव तुष्टये

prayayau draviṇaṁ datvā gṛhīto dvijabālakaḥ yajño'yaṁ krītaputreṇa prārabdhastava tuṣṭaye

धन देकर एक ब्राह्मण-बालक को ग्रहण करके यह यज्ञ प्रारम्भ किया गया, ताकि मोल लिए गए पुत्र से आपको प्रसन्न किया जा सके।

श्लोक 14 (devibhagavatam.7.17.14)

दर्शनं तव सम्प्राप्य गतं दुःखं ममाद्भुतम् । जलोदरकृतं सर्वं प्रसन्ने त्वयि साम्प्रतम्

darśanaṁ tava samprāpya gataṁ duḥkhaṁ mamādbhutam jalodarakṛtaṁ sarvaṁ prasanne tvayi sāmpratam

आपके दर्शन को पाकर मेरा वह अद्भुत दुःख अब चला गया है; जलोदर से उत्पन्न सब कष्ट अब, आपके प्रसन्न होने पर, समाप्त हो गया है।

श्लोक 15 (devibhagavatam.7.17.15)

व्यास उवाच । इति तस्य वचः श्रुत्वा राज्ञो रोगातुरस्य च । दयावान्देवदेवेशः प्रत्युवाच नृपोत्तमम्

vyāsa uvāca iti tasya vacaḥ śrutvā rājño rogāturasya ca dayāvāndevadeveśaḥ pratyuvāca nṛpottamam

व्यास जी ने कहा — रोग से पीड़ित उस राजा के इस वचन को सुनकर, देवों के स्वामी, दयावान वरुण ने राजश्रेष्ठ को उत्तर दिया।

श्लोक 16 (devibhagavatam.7.17.16)

वरुण उवाच । मुञ्च राजञ्छुनःशेपं स्तुवन्तं मां भृशातुरम् । यज्ञोऽयं परिपूर्णस्ते रोगमुक्तो भवात्मना

varuṇa uvāca muñca rājañchunaḥśepaṁ stuvantaṁ māṁ bhṛśāturam yajño'yaṁ paripūrṇaste rogamukto bhavātmanā

वरुण ने कहा — हे राजन्! मेरी अत्यन्त उत्कट स्तुति करने वाले इस शुनःशेप को मुक्त कर दो; तुम्हारा यह यज्ञ अब पूर्ण हो गया है, अपने आप ही रोग से मुक्त हो जाओ।

श्लोक 17 (devibhagavatam.7.17.17)

इत्युक्त्वा वरुणस्तूर्णं राजानं विरुजं तथा । चकार पश्यतां तत्र सदस्यानां सुसंस्थितम्

ityuktvā varuṇastūrṇaṁ rājānaṁ virujaṁ tathā cakāra paśyatāṁ tatra sadasyānāṁ susaṁsthitam

ऐसा कहकर वरुण ने वहाँ बैठे सभासदों के देखते-देखते तत्काल ही राजा को रोगमुक्त और अत्यन्त स्वस्थ बना दिया।

श्लोक 18 (devibhagavatam.7.17.18)

विमुक्तोऽसौ द्विजः पाशाद्वरुणेन महात्मना । जयशब्दस्ततस्तत्र सञ्जातो मखमण्डपे

vimukto'sau dvijaḥ pāśādvaruṇena mahātmanā jayaśabdastatastatra sañjāto makhamaṇḍape

महात्मा वरुण द्वारा उस ब्राह्मण-बालक को बन्धन से मुक्त कर दिया गया; और तब वहाँ यज्ञमण्डप में जय-जयकार की ध्वनि गूँज उठी।

श्लोक 19 (devibhagavatam.7.17.19)

राजा प्रमुदितः सद्यो रोगान्मुक्तः सुदारुणात् । यूपान्मुक्तः शुनःशेपो बभूवातीव संस्थितः

rājā pramuditaḥ sadyo rogānmuktaḥ sudāruṇāt yūpānmuktaḥ śunaḥśepo babhūvātīva saṁsthitaḥ

राजा उस अत्यन्त भयंकर रोग से तत्काल ही मुक्त होकर अत्यन्त हर्षित हुआ; यूप-स्तम्भ से मुक्त हुआ शुनःशेप भी अत्यन्त स्वस्थ हो गया।

श्लोक 20 (devibhagavatam.7.17.20)

राजा त्विमं मखं पूर्णं चकार विनयान्वितः । शुनःशेपस्तदा सभ्यानित्युवाच कृताञ्जलिः

rājā tvimaṁ makhaṁ pūrṇaṁ cakāra vinayānvitaḥ śunaḥśepastadā sabhyānityuvāca kṛtāñjaliḥ

राजा ने विनम्रतापूर्वक इस यज्ञ को पूर्ण किया; तब शुनःशेप ने हाथ जोड़कर सभासदों से यह कहा —

श्लोक 21 (devibhagavatam.7.17.21)

भो भोः सभ्या सुधर्मज्ञाः ब्रुवन्तु धर्मनिर्णयम् । वेदशास्त्रानुसारेण यथार्थवादिनः किल

bho bhoḥ sabhyā sudharmajñāḥ bruvantu dharmanirṇayam vedaśāstrānusāreṇa yathārthavādinaḥ kila

हे सभासदो! हे धर्म के सुज्ञाताओ! वेद-शास्त्र के अनुसार सत्यवादी होकर आप सब धर्म का निर्णय कीजिए।

श्लोक 22 (devibhagavatam.7.17.22)

पुत्रोऽहं कस्य सर्वज्ञाः पिता के कोऽग्रतः परम् । भवतां वचनात्तस्य शरणं प्रव्रजाम्यहम्

putro'haṁ kasya sarvajñāḥ pitā ke ko'grataḥ param bhavatāṁ vacanāttasya śaraṇaṁ pravrajāmyaham

हे सर्वज्ञो! मैं किसका पुत्र हूँ, कौन मेरा पिता है, इसके आगे और कौन? आप लोगों के वचन से जिसके भी हों, मैं उसकी ही शरण में जाऊँगा।

श्लोक 23 (devibhagavatam.7.17.23)

इत्युक्ते वचने तत्र सभ्याः प्रोचुः परस्परम् । सभ्या ऊचूः । अजीगर्तस्य पुत्रोऽयं कस्यान्यस्य भवेदसौ

ityukte vacane tatra sabhyāḥ procuḥ parasparam sabhyā ūcūḥ ajīgartasya putro'yaṁ kasyānyasya bhavedasau

ऐसा वचन कहे जाने पर वहाँ सभासद आपस में विचार करने लगे। सभासदों ने कहा — यह अजीगर्त का पुत्र है, यह और किसका हो सकता है?

श्लोक 24 (devibhagavatam.7.17.24)

अङ्गादङ्गात्समुद्भूतः पालितस्तेन भक्तितः । अन्यस्य कस्य पुत्रोऽसौ प्रभवेदिति निश्चयः

aṅgādaṅgātsamudbhūtaḥ pālitastena bhaktitaḥ anyasya kasya putro'sau prabhavediti niścayaḥ

अंग-अंग से उत्पन्न हुआ और उसी के द्वारा भक्तिपूर्वक पालित हुआ — भला यह किसी और का पुत्र कैसे हो सकता है? यही निश्चय है।

श्लोक 25 (devibhagavatam.7.17.25)

तच्छ्रुत्वा वामदेवस्तु तानुवाच सभासदः । विक्रीतस्तेन तातेन द्रव्यलोभात्सुतः किल

tacchrutvā vāmadevastu tānuvāca sabhāsadaḥ vikrītastena tātena dravyalobhātsutaḥ kila

यह सुनकर वामदेव ने उन सभासदों से कहा — इसके पिता ने ही तो धन के लोभ से इस पुत्र को बेच डाला था।

श्लोक 26 (devibhagavatam.7.17.26)

पुत्रोऽयं धनदातुश्च राज्ञस्तत्र न संशयः । अथवा वरुणस्यैष पाशान्मुक्तोऽस्त्यनेन वै

putro'yaṁ dhanadātuśca rājñastatra na saṁśayaḥ athavā varuṇasyaiṣa pāśānmukto'styanena vai

इसमें सन्देह नहीं कि अब यह धन देने वाले राजा का ही पुत्र है — अथवा यह वरुण के बन्धन से इसी (शुनःशेप के मन्त्रजप) के द्वारा मुक्त हुआ है, इसलिए वरुण का ही पुत्र है।

श्लोक 27 (devibhagavatam.7.17.27)

अन्नदाता भयत्राता तथा विद्याप्रदश्च यः । तथा वित्तप्रदश्चैव पञ्चैते पितरः स्मृताः

annadātā bhayatrātā tathā vidyāpradaśca yaḥ tathā vittapradaścaiva pañcaite pitaraḥ smṛtāḥ

जो अन्न देने वाला हो, भय से रक्षा करने वाला हो, विद्या देने वाला हो, तथा जो धन देने वाला हो — ये पाँच 'पिता' कहलाते हैं।

श्लोक 28 (devibhagavatam.7.17.28)

तदा केचित्पितुः प्राहुः केचिद्राज्ञस्तथापरे । वरुणस्येति संवादे निर्णयं न ययुश्च ते

tadā kecitpituḥ prāhuḥ kecidrājñastathāpare varuṇasyeti saṁvāde nirṇayaṁ na yayuśca te

तब कुछ लोगों ने कहा कि वह जन्मदाता पिता का है, कुछ ने कहा कि राजा का, और कुछ ने कहा कि वरुण का है — इस विवाद में वे किसी निर्णय पर नहीं पहुँच सके।

श्लोक 29 (devibhagavatam.7.17.29)

इत्थं सन्देहमापन्ने वसिष्ठो वाक्यमब्रवीत् । सभ्यान्विवदतस्तत्र सर्वज्ञः सर्वपूजितः

itthaṁ sandehamāpanne vasiṣṭho vākyamabravīt sabhyānvivadatastatra sarvajñaḥ sarvapūjitaḥ

इस प्रकार सन्देह में पड़ जाने पर, वहाँ विवाद करते हुए सभासदों के बीच, सर्वज्ञ और सर्वपूजित वसिष्ठ जी ने यह वचन कहा।

श्लोक 30 (devibhagavatam.7.17.30)

शृणुध्वं भो महाभागा निर्णयं श्रुतिसम्मतम् । निःस्नेहेन यदा पित्रा विक्रीतोऽयं सुतः शिशुः

śṛṇudhvaṁ bho mahābhāgā nirṇayaṁ śrutisammatam niḥsnehena yadā pitrā vikrīto'yaṁ sutaḥ śiśuḥ

उन्होंने कहा — हे महाभागो! सुनो, मैं वेद-सम्मत निर्णय कहता हूँ — जब इस शिशु-पुत्र को उसके पिता ने बिना किसी स्नेह के बेच डाला,

श्लोक 31 (devibhagavatam.7.17.31)

सम्बन्धस्तु गतस्तस्य तदैव धनसङ्ग्रहात् । हरिश्चन्द्रस्य सञ्जातः पुत्रोऽसौ क्रीत एव च

sambandhastu gatastasya tadaiva dhanasaṅgrahāt hariścandrasya sañjātaḥ putro'sau krīta eva ca

तभी उसका सम्बन्ध उससे टूट गया, क्योंकि तभी धन के लेन-देन के द्वारा वह हरिश्चन्द्र का पुत्र बन गया, और वह मोल लिया गया पुत्र ही है।

श्लोक 32 (devibhagavatam.7.17.32)

यूपे बद्धो यदा राज्ञा तदा तस्य न वै सुतः । वरुणस्तु स्तुतोऽनेन तेन तुष्टेन मोचितः

yūpe baddho yadā rājñā tadā tasya na vai sutaḥ varuṇastu stuto'nena tena tuṣṭena mocitaḥ

जब राजा ने उसे यूप में बाँध दिया, तभी वह उसका पुत्र भी नहीं रहा; तब इसी के द्वारा स्तुति किए जाने पर वरुण प्रसन्न होकर उसे मुक्त कर गए।

श्लोक 33 (devibhagavatam.7.17.33)

तस्मान्नायं महाभागा ह्यसौ पुत्रः प्रचेतसः । यो यं स्तौति महामन्त्रैः सोऽपि तुष्टो ददाति च

tasmānnāyaṁ mahābhāgā hyasau putraḥ pracetasaḥ yo yaṁ stauti mahāmantraiḥ so'pi tuṣṭo dadāti ca

इसलिए, हे महाभागो! यह वरुण के पुत्र के समान भी नहीं है; जो जिसकी महामन्त्रों से स्तुति करता है, वह भी प्रसन्न होकर देता है —

श्लोक 34 (devibhagavatam.7.17.34)

धनं प्राणान्पशून् राज्यं तथा मोक्षं किलेप्सितम् । कौशिकस्य सुतश्चायमरिष्टे येन रक्षितः

dhanaṁ prāṇānpaśūn rājyaṁ tathā mokṣaṁ kilepsitam kauśikasya sutaścāyamariṣṭe yena rakṣitaḥ

धन, प्राण, पशु, राज्य और यहाँ तक कि इच्छित मोक्ष भी। यह कौशिक (विश्वामित्र) का ही पुत्र है, जिन्होंने संकट में इसकी रक्षा की,

श्लोक 35 (devibhagavatam.7.17.35)

मन्त्रं दत्त्वा महावीर्यं वरुणस्यातिसङ्कटे । व्यास उवाच । श्रुत्वा वाक्यं वसिष्ठस्य बाढमूचुः सभासदः

mantraṁ dattvā mahāvīryaṁ varuṇasyātisaṅkaṭe vyāsa uvāca śrutvā vākyaṁ vasiṣṭhasya bāḍhamūcuḥ sabhāsadaḥ

वरुण के अत्यन्त कठिन संकट में महाशक्तिशाली मन्त्र देकर। व्यास जी ने कहा — वसिष्ठ के इस वचन को सुनकर सभासदों ने 'बहुत ठीक' कहा,

श्लोक 36 (devibhagavatam.7.17.36)

विश्वामित्रस्तु जग्राह तं करे दक्षिणे तदा । एहि पुत्र गृहं मे त्वमित्युक्त्वा प्रेमपूरितः

viśvāmitrastu jagrāha taṁ kare dakṣiṇe tadā ehi putra gṛhaṁ me tvamityuktvā premapūritaḥ

और तब विश्वामित्र ने प्रेम से भरकर उसका दाहिना हाथ अपने हाथ में लेते हुए कहा — आओ पुत्र, मेरे घर चलो।

श्लोक 37 (devibhagavatam.7.17.37)

शुनःशेपो जगामाशु तेनैव सह सत्वरः । वरुणस्तु प्रसन्नात्मा जगाम च स्वमालयम्

śunaḥśepo jagāmāśu tenaiva saha satvaraḥ varuṇastu prasannātmā jagāma ca svamālayam

शुनःशेप शीघ्र ही उनके साथ चला गया; और वरुण भी प्रसन्नचित्त होकर अपने निवास को चले गए।

श्लोक 38 (devibhagavatam.7.17.38)

ऋत्विजश्च तथा सभ्याः स्वगृहान्निर्ययुस्तदा । राजापि रोगनिर्मुक्तो बभूवातिमुदान्वितः

ṛtvijaśca tathā sabhyāḥ svagṛhānniryayustadā rājāpi roganirmukto babhūvātimudānvitaḥ

तब ऋत्विज और सभासद भी अपने-अपने घर चले गए; राजा भी रोग से मुक्त होकर अत्यन्त हर्षित हो गया,

श्लोक 39 (devibhagavatam.7.17.39)

प्रजास्तु पालयामास सुप्रसन्नेन चेतसा । रोहिताख्यस्तु तच्छ्रुत्वा वृत्तान्तं वरुणस्य ह

prajāstu pālayāmāsa suprasannena cetasā rohitākhyastu tacchrutvā vṛttāntaṁ varuṇasya ha

और अत्यन्त प्रसन्न चित्त से प्रजा का पालन करने लगा। इधर रोहित नामक पुत्र वरुण के इस वृत्तान्त को सुनकर,

श्लोक 40 (devibhagavatam.7.17.40)

आजगाम गृहं प्रीतो दुर्गमाद्वनपर्वतात् । दूता राजानमभ्येत्य प्रोचुः पुत्रं समागतम्

ājagāma gṛhaṁ prīto durgamādvanaparvatāt dūtā rājānamabhyetya procuḥ putraṁ samāgatam

दुर्गम वन-पर्वत से प्रसन्न होकर घर की ओर आया; दूतों ने राजा के पास जाकर उन्हें पुत्र के आगमन की सूचना दी।

श्लोक 41 (devibhagavatam.7.17.41)

मुदितोऽसौ जगामाशु सम्मुखः कोसलाधिपः । दृष्ट्वा पितरमायान्तं प्रेमोद्रिक्तः सुसम्भ्रमः

mudito'sau jagāmāśu sammukhaḥ kosalādhipaḥ dṛṣṭvā pitaramāyāntaṁ premodriktaḥ susambhramaḥ

हर्षित कोसलाधिपति (हरिश्चन्द्र) तुरन्त ही उसके स्वागत को गए; अपने पिता को आता देखकर, प्रेम से अभिभूत, अत्यन्त उत्सुक हुआ वह पुत्र

श्लोक 42 (devibhagavatam.7.17.42)

दण्डवत्पतितो भूमावश्रुपूर्णमुखः शुचा । राजापि तं समुत्थाप्य परिरभ्य मुदान्वितः

daṇḍavatpatito bhūmāvaśrupūrṇamukhaḥ śucā rājāpi taṁ samutthāpya parirabhya mudānvitaḥ

दण्ड की भाँति भूमि पर गिर पड़ा, शोक से मुख आँसुओं से भर गया। राजा ने भी उसे उठाकर, प्रसन्न होकर उसे गले लगा लिया,

श्लोक 43 (devibhagavatam.7.17.43)

तमाघ्राय सुतं मूर्ध्नि पप्रच्छ कुशलं पुनः । उत्सङ्गे तं समारोप्य मुदितो मेदिनीपतिः

tamāghrāya sutaṁ mūrdhni papraccha kuśalaṁ punaḥ utsaṅge taṁ samāropya mudito medinīpatiḥ

उस पुत्र को सिर पर सूँघकर उसने पुनः कुशल पूछा; उसे अपनी गोद में बिठाकर, वह हर्षित राजा

श्लोक 44 (devibhagavatam.7.17.44)

उष्णैर्नेत्रजलैः शीर्षण्यभिषेकमथाकरोत् । राज्यं शशास तेनासौ पुत्रेणातिप्रियेण च

uṣṇairnetrajalaiḥ śīrṣaṇyabhiṣekamathākarot rājyaṁ śaśāsa tenāsau putreṇātipriyeṇa ca

अपने गर्म आँसुओं से उसके सिर का मानो अभिषेक करने लगा; और उस अत्यन्त प्रिय पुत्र के साथ उसने राज्य का शासन किया।

श्लोक 45 (devibhagavatam.7.17.45)

वृत्तान्तं नरमेधस्य कथयामास विस्तरात् । राजसूयं क्रतुवरं चकार नृपसत्तमः

vṛttāntaṁ naramedhasya kathayāmāsa vistarāt rājasūyaṁ kratuvaraṁ cakāra nṛpasattamaḥ

उसने नरमेध-यज्ञ का पूरा वृत्तान्त विस्तार से सुनाया; और उस श्रेष्ठ राजा ने राजसूय नामक उत्तम यज्ञ का सम्पादन किया।

श्लोक 46 (devibhagavatam.7.17.46)

वसिष्ठं पूजयित्वाथ होतारमकरोद्विभुः । समाप्ते त्वथ यज्ञेशे वसिष्ठोऽतीव पूजितः

vasiṣṭhaṁ pūjayitvātha hotāramakarodvibhuḥ samāpte tvatha yajñeśe vasiṣṭho'tīva pūjitaḥ

उस प्रभावशाली राजा ने वसिष्ठ का सम्मान करते हुए उन्हें होता नियुक्त किया; और जब वह यज्ञराज सम्पन्न हुआ, तब वसिष्ठ का अत्यन्त सम्मान हुआ।

श्लोक 47 (devibhagavatam.7.17.47)

शक्रस्य सदनं रम्यं जगाम मुनिरादरात् । विश्वामित्रोऽपि तत्रैव वसिष्ठेन च सङ्गतः

śakrasya sadanaṁ ramyaṁ jagāma munirādarāt viśvāmitro'pi tatraiva vasiṣṭhena ca saṅgataḥ

वह मुनि आदरपूर्वक इन्द्र के रमणीय भवन में गए; वहीं विश्वामित्र भी वसिष्ठ से मिल गए।

श्लोक 48 (devibhagavatam.7.17.48)

मिलित्वा तौ स्थितौ देवसदने मुनिसत्तम । विश्वामित्रोऽपि पप्रच्छ वसिष्ठं प्रतिपूजितम्

militvā tau sthitau devasadane munisattama viśvāmitro'pi papraccha vasiṣṭhaṁ pratipūjitam

वे दोनों, हे मुनिश्रेष्ठ! मिलकर देव-सभा में खड़े हुए; तब विश्वामित्र ने भी अत्यन्त सम्मानित वसिष्ठ से पूछा,

श्लोक 49 (devibhagavatam.7.17.49)

वीक्ष्य विस्मयचित्तस्तं सभायां तु शचीपतेः । विश्वामित्र उवाच । क्वेयं पूजा त्वया प्राप्ता महती मुनिसत्तम

vīkṣya vismayacittastaṁ sabhāyāṁ tu śacīpateḥ viśvāmitra uvāca kveyaṁ pūjā tvayā prāptā mahatī munisattama

इन्द्र की सभा में उन्हें (उतना सम्मान) देखकर विस्मित मन से — विश्वामित्र ने कहा — हे मुनिश्रेष्ठ! यह इतनी बड़ी पूजा तुम्हें कहाँ से प्राप्त हुई?

श्लोक 50 (devibhagavatam.7.17.50)

कृता केन महाभाग सत्यं ब्रूहि ममान्तिके । वसिष्ठ उवाच । यजमानोऽस्ति मे राजा हरिश्चन्द्रः प्रतापवान्

kṛtā kena mahābhāga satyaṁ brūhi mamāntike vasiṣṭha uvāca yajamāno'sti me rājā hariścandraḥ pratāpavān

हे महाभाग! यह किसके द्वारा की गई है, मेरे समक्ष सच-सच बताओ। वसिष्ठ ने कहा — मेरा यजमान राजा हरिश्चन्द्र है, जो अत्यन्त प्रतापी है,

श्लोक 51 (devibhagavatam.7.17.51)

राजसूयः कृतस्तेन राज्ञा प्रवरदक्षिणः । नेदृशोऽस्ति नृपश्चान्यः सत्यवादी धृतव्रतः

rājasūyaḥ kṛtastena rājñā pravaradakṣiṇaḥ nedṛśo'sti nṛpaścānyaḥ satyavādī dhṛtavrataḥ

उसी राजा ने उत्तम दक्षिणाओं वाला राजसूय यज्ञ किया है। उसके समान सत्यवादी और व्रतधारी और कोई राजा नहीं है,

श्लोक 52 (devibhagavatam.7.17.52)

दाता च धर्मशीलश्च प्रजारञ्जनतत्परः । तस्य यज्ञे मया पूजा प्राप्ता कौशिकनन्दन

dātā ca dharmaśīlaśca prajārañjanatatparaḥ tasya yajñe mayā pūjā prāptā kauśikanandana

दानी, धर्मशील और प्रजा को प्रसन्न रखने में तत्पर। हे कुशिकनन्दन! उसी के यज्ञ में मुझे यह सम्मान प्राप्त हुआ है।

श्लोक 53 (devibhagavatam.7.17.53)

[ किं पृच्छसि पुनः सत्यं ब्रवीम्यकृत्रिमं द्विज ] हरिश्चन्द्रसमो राजा न भूतो न भविष्यति । सत्यवादी तथा दाता शूरः परमधार्मिकः

[ kiṁ pṛcchasi punaḥ satyaṁ bravīmyakṛtrimaṁ dvija ] hariścandrasamo rājā na bhūto na bhaviṣyati satyavādī tathā dātā śūraḥ paramadhārmikaḥ

[तुम पुनः-पुनः क्यों पूछ रहे हो? हे ब्राह्मण! मैं तुम्हें बिना किसी बनावट के सत्य ही कहता हूँ।] हरिश्चन्द्र के समान राजा न कभी हुआ है, न होगा — सत्यवादी, दानी, शूरवीर और परम धार्मिक।

श्लोक 54 (devibhagavatam.7.17.54)

व्यास उवाच । इति तस्य वचः श्रुत्वा विश्वामित्रोऽतिकोपनः । बभूव क्रोधसंरक्तलोचनोऽप्यब्रवीच्च तम्

vyāsa uvāca iti tasya vacaḥ śrutvā viśvāmitro'tikopanaḥ babhūva krodhasaṁraktalocano'pyabravīcca tam

व्यास जी ने कहा — उसका यह वचन सुनकर विश्वामित्र अत्यन्त क्रोधित हो गए; क्रोध से उनकी आँखें लाल हो गईं, और वे उससे बोले —

श्लोक 55 (devibhagavatam.7.17.55)

विश्वामित्र उवाच । एवं स्तौषि नृपं मिथ्यावादिनं कपटप्रियम् । वञ्चितो वरुणो येन प्रतिश्रुत्य वरं पुनः

viśvāmitra uvāca evaṁ stauṣi nṛpaṁ mithyāvādinaṁ kapaṭapriyam vañcito varuṇo yena pratiśrutya varaṁ punaḥ

विश्वामित्र ने कहा — इस प्रकार तुम एक झूठ बोलने वाले, कपट में रुचि रखने वाले राजा की प्रशंसा करते हो, जिसने वरुण को वर देने का वचन देकर भी ठग लिया!

श्लोक 56 (devibhagavatam.7.17.56)

मम जन्मार्जितं पुण्यं तपसः पठितस्य च । त्वदीयं वातितपसो ग्लहं कुरु महामते

mama janmārjitaṁ puṇyaṁ tapasaḥ paṭhitasya ca tvadīyaṁ vātitapaso glahaṁ kuru mahāmate

मेरे जन्मभर के अर्जित पुण्य और अध्ययन किए हुए तप की शर्त लगाता हूँ, हे महामते! तुम भी अपने तप की शर्त लगाओ।

श्लोक 57 (devibhagavatam.7.17.57)

अहं चेत्तं नृपं सद्यो न करोम्यतिसंस्तुतम् । असत्यवादिनं काममदातारं महाखलम्

ahaṁ cettaṁ nṛpaṁ sadyo na karomyatisaṁstutam asatyavādinaṁ kāmamadātāraṁ mahākhalam

यदि मैं शीघ्र ही इस अत्यन्त प्रशंसित राजा को, इस असत्यवादी, कंजूस, महाखल को —

श्लोक 58 (devibhagavatam.7.17.58)

आजन्मसञ्चितं सर्वं पुण्यं मम विनश्यतु । अन्यथा त्वत्कृतं सर्वं पुण्यं त्विति पणावहे

ājanmasañcitaṁ sarvaṁ puṇyaṁ mama vinaśyatu anyathā tvatkṛtaṁ sarvaṁ puṇyaṁ tviti paṇāvahe

न कर दूँ (अर्थात् उसे झूठा और कंजूस सिद्ध न कर दूँ), तो जन्म से संचित मेरा सम्पूर्ण पुण्य नष्ट हो जाए; अन्यथा, हे वसिष्ठ, तुम्हारा सारा पुण्य — इस प्रकार हम दोनों शर्त लगाते हैं।

श्लोक 59 (devibhagavatam.7.17.59)

ग्लहं कृत्वा ततस्तौ तु विवदन्तौ मुनी तदा । स्वाश्रमं स्वर्गलोकाच्च गतौ परमकोपनौ

glahaṁ kṛtvā tatastau tu vivadantau munī tadā svāśramaṁ svargalokācca gatau paramakopanau

इस प्रकार शर्त लगाकर, विवाद करते हुए वे दोनों मुनि, अत्यन्त क्रोधित होकर, स्वर्गलोक से अपने-अपने आश्रम को चले गए।