हरिश्चन्द्र द्वारा वृद्ध ब्राह्मण को धन देने की प्रतिज्ञा

श्लोक 1 (devibhagavatam.7.18.1)

व्यास उवाच । कदाचित्तु हरिश्चन्द्रो मृगयार्थं वनं ययौ । अपश्यद्रुदतीं बालां सुन्दरीं चारुलोचनाम्

vyāsa uvāca kadācittu hariścandro mṛgayārthaṁ vanaṁ yayau apaśyadrudatīṁ bālāṁ sundarīṁ cārulocanām

व्यास जी ने कहा — एक बार हरिश्चन्द्र मृगया के लिए वन में गए; वहाँ उन्होंने रोती हुई एक सुन्दर, सुनयना बालिका को देखा।

श्लोक 2 (devibhagavatam.7.18.2)

तामपृच्छन्महाराजः कामिनीं करुणापरः । पद्मपत्रविशालाक्षि किं रोदिषि वरानने

tāmapṛcchanmahārājaḥ kāminīṁ karuṇāparaḥ padmapatraviśālākṣi kiṁ rodiṣi varānane

करुणा से भरे उस महाराज ने उस सुन्दरी से पूछा — हे कमल-पत्र जैसी विशाल आँखों वाली, हे सुमुखि! तुम क्यों रो रही हो?

श्लोक 3 (devibhagavatam.7.18.3)

केनासि पीडितात्यर्थं किं ते दुःखं वदाशु मे । का च त्वं विजने घोरे कस्ते भर्ता पिताथवा

kenāsi pīḍitātyarthaṁ kiṁ te duḥkhaṁ vadāśu me kā ca tvaṁ vijane ghore kaste bhartā pitāthavā

किसके द्वारा तुम इतनी अत्यन्त पीड़ित हो, तुम्हारा दुःख क्या है, शीघ्र मुझे बताओ; इस निर्जन भयानक स्थान में तुम कौन हो, तुम्हारा पति है या पिता?

श्लोक 4 (devibhagavatam.7.18.4)

न बाधते च राज्ये मे राक्षसोऽपि पराङ्गनाम् । तं हन्मि तरसा कान्ते यस्त्वां सुन्दरि बाधते

na bādhate ca rājye me rākṣaso'pi parāṅganām taṁ hanmi tarasā kānte yastvāṁ sundari bādhate

मेरे राज्य में राक्षस भी किसी दूसरे की स्त्री को नहीं सताता; हे सुन्दरी! जो भी तुम्हें सताता है, हे प्रिये, मैं उसे तुरन्त मार डालूँगा।

श्लोक 5 (devibhagavatam.7.18.5)

ब्रूहि दुःखं वरारोहे स्वस्था भव कृशोदरि । विषये मम पापात्मा न तिष्ठति सुमध्यमे

brūhi duḥkhaṁ varārohe svasthā bhava kṛśodari viṣaye mama pāpātmā na tiṣṭhati sumadhyame

हे सुन्दर जंघाओं वाली! अपना दुःख कहो, स्वस्थ हो जाओ, हे कृशोदरी! हे सुमध्यमे! मेरे राज्य में कोई पापी टिक नहीं सकता।

श्लोक 6 (devibhagavatam.7.18.6)

इति तस्य वचः श्रुत्वा नारी तमब्रवीन्नृपम् । प्रमृज्याश्रूणि वदनाद्धरिश्चन्द्रं नृपोत्तमम्

iti tasya vacaḥ śrutvā nārī tamabravīnnṛpam pramṛjyāśrūṇi vadanāddhariścandraṁ nṛpottamam

राजा का यह वचन सुनकर, अपने मुख के आँसू पोंछते हुए, उस स्त्री ने राजश्रेष्ठ हरिश्चन्द्र से यह कहा।

श्लोक 7 (devibhagavatam.7.18.7)

नार्युवाच । राजन् मां बाधतेऽत्यर्थं विश्वामित्रो महामुनिः । तपः करोति यद्घोरं मदर्थं कौशिको वने

nāryuvāca rājan māṁ bādhate'tyarthaṁ viśvāmitro mahāmuniḥ tapaḥ karoti yadghoraṁ madarthaṁ kauśiko vane

उस स्त्री ने कहा — हे राजन्! महामुनि विश्वामित्र मुझे अत्यन्त पीड़ा दे रहे हैं; कौशिक वन में मेरे ही कारण घोर तपस्या कर रहे हैं।

श्लोक 8 (devibhagavatam.7.18.8)

तेनाहं दुःखिता राजन् विषये तव सुव्रत । विद्धि मां कमनां कान्तां पीडितां मुनिना भृशम्

tenāhaṁ duḥkhitā rājan viṣaye tava suvrata viddhi māṁ kamanāṁ kāntāṁ pīḍitāṁ muninā bhṛśam

हे राजन्! हे सुव्रत! इसी कारण मैं आपके राज्य में दुःखी हूँ; मुझे जानिए, इस सुन्दरी प्रियतमा को, जो उस मुनि द्वारा अत्यन्त पीड़ित है।

श्लोक 9 (devibhagavatam.7.18.9)

राजोवाच । स्वस्था भव विशालाक्षि न ते दुःखं भविष्यति । तमहं वारयिष्यामि मुनिं तापपरायणम्

rājovāca svasthā bhava viśālākṣi na te duḥkhaṁ bhaviṣyati tamahaṁ vārayiṣyāmi muniṁ tāpaparāyaṇam

राजा ने कहा — हे विशाल-नयना! स्वस्थ हो जाओ, तुम्हें अब कोई दुःख नहीं होगा; मैं तप में लीन उस मुनि को रोक दूँगा।

श्लोक 10 (devibhagavatam.7.18.10)

इत्याश्वास्य स्त्रियं राजा तरसा मुनिसन्निधौ । नत्वा प्रणम्य शिरसा तमुवाच महीपतिः

ityāśvāsya striyaṁ rājā tarasā munisannidhau natvā praṇamya śirasā tamuvāca mahīpatiḥ

इस प्रकार उस स्त्री को आश्वासन देकर राजा तुरन्त मुनि के पास गए; सिर झुकाकर प्रणाम करते हुए उस भूपति ने उनसे यह कहा —

श्लोक 11 (devibhagavatam.7.18.11)

स्वामिन्किं क्रियतेऽत्यर्थं तपसा देहपीडनम् । किमर्थं ते समारम्भो ब्रूहि सत्यं महामते

svāminkiṁ kriyate'tyarthaṁ tapasā dehapīḍanam kimarthaṁ te samārambho brūhi satyaṁ mahāmate

हे स्वामिन्! इतनी अत्यधिक तपस्या से शरीर को कष्ट क्यों दिया जा रहा है? यह उद्यम किसलिए है, हे महामते! सच-सच बताइए।

श्लोक 12 (devibhagavatam.7.18.12)

वाञ्छितं तव गाधेय करोमि सफलं किल । उत्तिष्ठोत्तिष्ठ तरसा तपसालमतः परम्

vāñchitaṁ tava gādheya karomi saphalaṁ kila uttiṣṭhottiṣṭha tarasā tapasālamataḥ param

हे गाधि-पुत्र! आपकी जो भी इच्छा हो, मैं उसे पूर्ण करता हूँ, निश्चय ही; उठिए, उठिए शीघ्र, अब इस तपस्या से क्या प्रयोजन?

श्लोक 13 (devibhagavatam.7.18.13)

विषये मम सर्वज्ञ न कर्तव्यं सुदारुणम् । लोकपीडाकरं घोरं तपः केनापि कर्हिचित्

viṣaye mama sarvajña na kartavyaṁ sudāruṇam lokapīḍākaraṁ ghoraṁ tapaḥ kenāpi karhicit

हे सर्वज्ञ! मेरे राज्य में लोगों को पीड़ा देने वाला ऐसा घोर तप किसी के द्वारा भी कभी नहीं किया जाना चाहिए।

श्लोक 14 (devibhagavatam.7.18.14)

इत्थं निषिध्य तं राजा विश्वामित्रं गृहं ययौ । मनसा क्रोधमाधाय गतोऽसौ कौशिको मुनिः

itthaṁ niṣidhya taṁ rājā viśvāmitraṁ gṛhaṁ yayau manasā krodhamādhāya gato'sau kauśiko muniḥ

इस प्रकार विश्वामित्र को मना करके राजा अपने घर लौट गए; मन में क्रोध धारण करके कौशिक मुनि भी वहाँ से चले गए।

श्लोक 15 (devibhagavatam.7.18.15)

स गत्वा चिन्तयामास नृपकृत्यमसाम्प्रतम् । वसिष्ठस्य च संवादं तपसः प्रतिषेधनम्

sa gatvā cintayāmāsa nṛpakṛtyamasāmpratam vasiṣṭhasya ca saṁvādaṁ tapasaḥ pratiṣedhanam

वहाँ जाकर उन्होंने राजा के इस अनुचित कृत्य पर विचार किया, और वसिष्ठ के साथ हुए उस संवाद और तप के निषेध पर भी विचार किया।

श्लोक 16 (devibhagavatam.7.18.16)

कोपाविष्टेन मनसा प्रतीकारमथाकरोत् । विचिन्त्य बहुधा चित्ते दानवं घोरविग्रहम्

kopāviṣṭena manasā pratīkāramathākarot vicintya bahudhā citte dānavaṁ ghoravigraham

क्रोध से भरे मन से उन्होंने प्रतिकार का उपाय सोचा; मन में बहुत विचार करके उन्होंने भयानक शरीर वाला एक दानव (निर्मित करने का) विचार किया।

श्लोक 17 (devibhagavatam.7.18.17)

प्रेषयामास तद्देशं विधाय सूकराकृतिम् । सोऽतिकायो महाकालः कुर्वन्नादं सुदारुणम्

preṣayāmāsa taddeśaṁ vidhāya sūkarākṛtim so'tikāyo mahākālaḥ kurvannādaṁ sudāruṇam

उन्होंने सूकर का रूप धारण कराकर उसे उस देश (हरिश्चन्द्र के राज्य) में भेज दिया; वह अत्यन्त विशालकाय, महाकाल जैसा, अत्यन्त भयानक गर्जना करता हुआ

श्लोक 18 (devibhagavatam.7.18.18)

राज्ञश्चोपवने प्राप्तस्त्रासयन् रक्षकांस्तदा । मालतीनां च खण्डानि कदम्बानां तथैव च

rājñaścopavane prāptastrāsayan rakṣakāṁstadā mālatīnāṁ ca khaṇḍāni kadambānāṁ tathaiva ca

राजा के उपवन में जा पहुँचा और रखवालों को त्रस्त करने लगा; उसने मालती की झाड़ियों और उसी प्रकार कदम्ब के वृक्षों को भी

श्लोक 19 (devibhagavatam.7.18.19)

यूथिकानां च वृन्दानि कम्पयंश्च मुहुर्मुहुः । दन्तेन विलिखन्भूमिं समुन्मूलयते द्रुमान्

yūthikānāṁ ca vṛndāni kampayaṁśca muhurmuhuḥ dantena vilikhanbhūmiṁ samunmūlayate drumān

तथा यूथिका (जूही) के झुरमुटों को बार-बार हिला डाला; दाँतों से भूमि को खोदते हुए उसने वृक्षों को जड़ों से उखाड़ डाला।

श्लोक 20 (devibhagavatam.7.18.20)

चम्पकान्केतकीखण्डान्मल्लिकानां च पादपान् । करवीरानुशीरांश्च निचखान शुभान्मृदून्

campakānketakīkhaṇḍānmallikānāṁ ca pādapān karavīrānuśīrāṁśca nicakhāna śubhānmṛdūn

चम्पा, केतकी के झुरमुट, मल्लिका के वृक्ष, तथा कोमल और सुन्दर करवीर और खस के पौधों को भी उसने खोद डाला।

श्लोक 21 (devibhagavatam.7.18.21)

मुचुकुन्दानशोकांश्च बकुलांस्तिलकांस्तथा । उन्मूल्य कदनं तत्र चकार सूकरो वने

mucukundānaśokāṁśca bakulāṁstilakāṁstathā unmūlya kadanaṁ tatra cakāra sūkaro vane

मुचुकुन्द, अशोक, बकुल और तिलक के वृक्षों को भी उखाड़कर उस सूकर ने वन में भारी विनाश मचा दिया।

श्लोक 22 (devibhagavatam.7.18.22)

वाटिकारक्षकाः सर्वे दुद्रुवुः शस्त्रपाणयः । हाहेति चुक्रुशुस्तत्र मालाकारा भृशातुराः

vāṭikārakṣakāḥ sarve dudruvuḥ śastrapāṇayaḥ hāheti cukruśustatra mālākārā bhṛśāturāḥ

सब वाटिका-रक्षक अस्त्र-शस्त्र लिए भागने लगे; माली लोग वहाँ अत्यन्त व्याकुल होकर 'हाय-हाय' चिल्लाने लगे।

श्लोक 23 (devibhagavatam.7.18.23)

बाणैः सन्ताड्यमानोऽपि यदा त्रस्तो न वै मृगः । रक्षकान्पीडयामास कोलः कालसमद्युतिः

bāṇaiḥ santāḍyamāno'pi yadā trasto na vai mṛgaḥ rakṣakānpīḍayāmāsa kolaḥ kālasamadyutiḥ

बाणों से बार-बार बींधे जाने पर भी जब वह सूकर, काल के समान तेजस्वी, तनिक भी भयभीत नहीं हुआ, तब उसने रक्षकों को ही पीड़ित करना शुरू कर दिया।

श्लोक 24 (devibhagavatam.7.18.24)

ते तदातिभयाक्रान्ता राजानं शरणं ययुः । तमूचुस्त्राहि त्राहीति वेपमाना भयाकुलाः

te tadātibhayākrāntā rājānaṁ śaraṇaṁ yayuḥ tamūcustrāhi trāhīti vepamānā bhayākulāḥ

तब अत्यन्त भय से आक्रान्त वे लोग राजा की शरण में गए; काँपते और भय से व्याकुल होकर उन्होंने उनसे कहा — रक्षा कीजिए, रक्षा कीजिए!

श्लोक 25 (devibhagavatam.7.18.25)

तानागतान्समालोक्य भयार्तान्भूपतिस्तदा । पप्रच्छ किं भयं कस्मान्मां ब्रुवन्तु समागताः

tānāgatānsamālokya bhayārtānbhūpatistadā papraccha kiṁ bhayaṁ kasmānmāṁ bruvantu samāgatāḥ

उन भयभीत, आए हुए लोगों को देखकर राजा ने पूछा — किस बात का भय है, किससे है? आकर मुझे बताओ।

श्लोक 26 (devibhagavatam.7.18.26)

नाहं बिभेमि देवेभ्यो राक्षसेभ्यश्च रक्षकाः । कस्माद्भयं समुत्पन्नं तद् ब्रुवन्तु ममाग्रतः

nāhaṁ bibhemi devebhyo rākṣasebhyaśca rakṣakāḥ kasmādbhayaṁ samutpannaṁ tad bruvantu mamāgrataḥ

हे रक्षको! मैं न देवताओं से डरता हूँ, न राक्षसों से; तो यह भय कहाँ से उत्पन्न हुआ, मुझे यह मेरे सामने ही बताओ।

श्लोक 27 (devibhagavatam.7.18.27)

हन्मि चैकेन बाणेन तं शत्रुं दुर्भगं किल । यो मेऽरातिः समुत्पन्नो लोके पापमतिः खलः

hanmi caikena bāṇena taṁ śatruṁ durbhagaṁ kila yo me'rātiḥ samutpanno loke pāpamatiḥ khalaḥ

जो कोई भी मेरा शत्रु उत्पन्न हुआ है, वह दुर्भाग्यशाली, पापबुद्धि, दुष्ट — उसे मैं एक ही बाण से मार डालूँगा।

श्लोक 28 (devibhagavatam.7.18.28)

देवो वा दानवो वापि तं निहन्मि शरैः शितैः । क्व तिष्ठति कियद्रूपः कियद्बलसमन्वितः

devo vā dānavo vāpi taṁ nihanmi śaraiḥ śitaiḥ kva tiṣṭhati kiyadrūpaḥ kiyadbalasamanvitaḥ

वह देवता हो या दानव, मैं उसे तीक्ष्ण बाणों से मार डालूँगा — वह कहाँ है, उसका कैसा रूप है, वह कितना बलवान् है?

श्लोक 29 (devibhagavatam.7.18.29)

मालाकारा ऊचुः । न देवो न च दैत्योऽस्ति न यक्षो न च किन्नरः । कश्चित्कोलो महाकायो राजंस्तिष्ठति कानने

mālākārā ūcuḥ na devo na ca daityo'sti na yakṣo na ca kinnaraḥ kaścitkolo mahākāyo rājaṁstiṣṭhati kānane

मालियों ने कहा — हे राजन्! न वह कोई देवता है, न दैत्य, न यक्ष और न ही किन्नर; वह वन में विशाल शरीर वाला एक सूकर है,

श्लोक 30 (devibhagavatam.7.18.30)

पुष्पवृक्षानतिमृदून्दन्तेनोन्मूलयत्यसौ । विदीर्णं तद्वनं सर्वं सूकरेणातिरंहसा

puṣpavṛkṣānatimṛdūndantenonmūlayatyasau vidīrṇaṁ tadvanaṁ sarvaṁ sūkareṇātiraṁhasā

जो अपने दाँतों से अत्यन्त कोमल फूलों के वृक्षों को उखाड़ डालता है; उस सूकर के भयानक वेग से वह सम्पूर्ण वन उजड़ गया है।

श्लोक 31 (devibhagavatam.7.18.31)

विशिखैस्ताडितोऽस्माभिर्दृषद्भिर्लकुटैस्तथा । न बिभेति महाराज हन्तुमस्मानुपाद्रवत्

viśikhaistāḍito'smābhirdṛṣadbhirlakuṭaistathā na bibheti mahārāja hantumasmānupādravat

हमने उसे बाणों से, पत्थरों से और डंडों से भी मारा, पर वह महाराज! भय नहीं खाता और उलटे हमें ही मारने के लिए हम पर टूट पड़ा।

श्लोक 32 (devibhagavatam.7.18.32)

व्यास उवाच । इत्याकर्ण्य वचस्तेषां राजा कोपसमाकुलः । अश्वमारुह्य तरसा जगामोपवनं प्रति

vyāsa uvāca ityākarṇya vacasteṣāṁ rājā kopasamākulaḥ aśvamāruhya tarasā jagāmopavanaṁ prati

व्यास जी ने कहा — उनका यह वचन सुनकर, क्रोध से व्याकुल राजा तुरन्त घोड़े पर सवार होकर उपवन की ओर चल पड़े।

श्लोक 33 (devibhagavatam.7.18.33)

सैन्येन महता युक्तो गजाश्वरथसंयुतः । पदातिवृन्दसहितः प्रययौ वनमुत्तमम्

sainyena mahatā yukto gajāśvarathasaṁyutaḥ padātivṛndasahitaḥ prayayau vanamuttamam

वे हाथी, घोड़े और रथों से युक्त विशाल सेना के साथ, तथा पैदल सैनिकों के समूह के साथ, उस उत्तम वन की ओर चले।

श्लोक 34 (devibhagavatam.7.18.34)

तत्रापश्यन्महाकोलं घुर्घुरन्तं भयानकम् । वनं भग्नं च संवीक्ष्य राजा क्रोधयुतोऽभवत्

tatrāpaśyanmahākolaṁ ghurghurantaṁ bhayānakam vanaṁ bhagnaṁ ca saṁvīkṣya rājā krodhayuto'bhavat

वहाँ उन्होंने घुर्रघुर्र करते हुए उस भयानक विशाल सूकर को देखा; और उस उजड़े हुए वन को देखकर राजा क्रोध से भर गए।

श्लोक 35 (devibhagavatam.7.18.35)

चापे बाणं समारोप्य विकृष्य च शरासनम् । तं हन्तुं सूकरं पापं तरसा समुपाक्रमत्

cāpe bāṇaṁ samāropya vikṛṣya ca śarāsanam taṁ hantuṁ sūkaraṁ pāpaṁ tarasā samupākramat

धनुष पर बाण चढ़ाकर और प्रत्यंचा खींचकर, उस पापी सूकर को मारने के लिए वे तुरन्त आगे बढ़े।

श्लोक 36 (devibhagavatam.7.18.36)

समालोक्य च राजानं चापहस्तं रुषाकुलम् । सम्मुखोऽभ्यद्रवत्तूर्णं कुर्वञ्छब्दं सुदारुणम्

samālokya ca rājānaṁ cāpahastaṁ ruṣākulam sammukho'bhyadravattūrṇaṁ kurvañchabdaṁ sudāruṇam

धनुष हाथ में लिए, क्रोध से भरे राजा को देखकर, वह भयानक शब्द करता हुआ तुरन्त उनकी ओर दौड़ पड़ा।

श्लोक 37 (devibhagavatam.7.18.37)

तमायान्तं समालोक्य वराहं विकृताननम् । मुमोच विशिखं तस्मिन्हन्तुकामो महीपतिः

tamāyāntaṁ samālokya varāhaṁ vikṛtānanam mumoca viśikhaṁ tasminhantukāmo mahīpatiḥ

उसे विकराल मुख वाला वह वराह अपनी ओर आता देखकर, उसे मारने की इच्छा से राजा ने उस पर एक बाण छोड़ा।

श्लोक 38 (devibhagavatam.7.18.38)

वञ्चयित्वाथ तद्बाणं सूकरस्तरसा बलात् । निर्जगाम महावेगात्तमुल्लङ्घ्य नृपं तदा

vañcayitvātha tadbāṇaṁ sūkarastarasā balāt nirjagāma mahāvegāttamullaṅghya nṛpaṁ tadā

परन्तु सूकर ने अत्यन्त वेग से बलपूर्वक उस बाण को चकमा दिया, और महान वेग से राजा को लाँघकर वह वहाँ से निकल भागा।

श्लोक 39 (devibhagavatam.7.18.39)

गच्छन्तं तं समालोक्य राजा कोपसमन्वितः । मुमोच विशिखांस्तीक्ष्णांश्चापमाकृष्य यत्नतः

gacchantaṁ taṁ samālokya rājā kopasamanvitaḥ mumoca viśikhāṁstīkṣṇāṁścāpamākṛṣya yatnataḥ

उसे भागते हुए देखकर क्रोध से भरे राजा ने यत्नपूर्वक धनुष खींचकर तीक्ष्ण बाणों की झड़ी लगा दी।

श्लोक 40 (devibhagavatam.7.18.40)

क्षणं दृष्टिपथं राज्ञः क्षणं चादर्शनं गतः । कुर्वन्बहुविधारावं सूकरं समुपाद्रवत्

kṣaṇaṁ dṛṣṭipathaṁ rājñaḥ kṣaṇaṁ cādarśanaṁ gataḥ kurvanbahuvidhārāvaṁ sūkaraṁ samupādravat

वह पल भर राजा की दृष्टि के मार्ग में रहता, तो पल भर के लिए अदृश्य हो जाता; तरह-तरह की गर्जना करता हुआ वह सूकर आगे भागता रहा।

श्लोक 41 (devibhagavatam.7.18.41)

हरिश्चन्द्रोऽतिकुपितो मृगस्यानुजगाम ह । अश्वेन वायुवेगेन विकृष्य च शरासनम्

hariścandro'tikupito mṛgasyānujagāma ha aśvena vāyuvegena vikṛṣya ca śarāsanam

अत्यन्त क्रोधित हरिश्चन्द्र उस मृग के पीछे-पीछे चल पड़े, अपने वायु-वेग वाले घोड़े पर, धनुष खींचे हुए।

श्लोक 42 (devibhagavatam.7.18.42)

इतस्ततस्ततः सैन्यमगमच्च वनान्तरम् । एकाकी नृपतिः कोलं व्रजन्तं समुपाद्रवत्

itastatastataḥ sainyamagamacca vanāntaram ekākī nṛpatiḥ kolaṁ vrajantaṁ samupādravat

इधर-उधर घूमते हुए उनकी सेना वन के भीतर बिखर गई; और अकेला राजा ही उस भागते हुए सूकर के पीछे दौड़ता रहा।

श्लोक 43 (devibhagavatam.7.18.43)

मध्याह्नसमये राजा सम्प्राप्तो विजने वने । तृषितः क्षुधितोऽत्यर्थं बभूव श्रान्तवाहनः

madhyāhnasamaye rājā samprāpto vijane vane tṛṣitaḥ kṣudhito'tyarthaṁ babhūva śrāntavāhanaḥ

मध्याह्न के समय राजा एक निर्जन वन में जा पहुँचे, अत्यन्त प्यासे और भूखे, उनका घोड़ा भी थक चुका था।

श्लोक 44 (devibhagavatam.7.18.44)

सूकरोऽदर्शनं प्राप्तो राजा चिन्तातुरोऽभवत् । मार्गभ्रष्टोऽतिविपिने दारुणे दीनवत्स्थितः

sūkaro'darśanaṁ prāpto rājā cintāturo'bhavat mārgabhraṣṭo'tivipine dāruṇe dīnavatsthitaḥ

सूकर उनकी दृष्टि से ओझल हो गया, और राजा चिन्ता से व्याकुल हो उठे; मार्ग से भटककर, उस भयानक सघन वन में वे दीन की भाँति खड़े रहे।

श्लोक 45 (devibhagavatam.7.18.45)

किं करोमि क्व गच्छामि न सहायोऽस्ति मे वने । अज्ञातस्वपथः कुत्र व्रजामीति व्यचिन्तयत्

kiṁ karomi kva gacchāmi na sahāyo'sti me vane ajñātasvapathaḥ kutra vrajāmīti vyacintayat

क्या करूँ, कहाँ जाऊँ — वन में मेरा कोई सहायक नहीं है; अपना मार्ग न जानते हुए, कहाँ जाऊँ — इस प्रकार वे चिन्ता करने लगे।

श्लोक 46 (devibhagavatam.7.18.46)

एवं चिन्तयतस्तत्र विपिने जनवर्जिते । राज्ञा चिन्तातुरोऽपश्यन्नदीं सुविमलोदकाम्

evaṁ cintayatastatra vipine janavarjite rājñā cintāturo'paśyannadīṁ suvimalodakām

उस जनहीन वन में इस प्रकार चिन्ता करते हुए, चिन्ता से व्याकुल राजा को एक अत्यन्त निर्मल जल वाली नदी दिखाई दी।

श्लोक 47 (devibhagavatam.7.18.47)

वीक्ष्य तां मुदितो राजा पाययित्वा तुरङ्गकम् । अश्वादुत्तेर्य विमलं पपौ पानीयमुत्तमम्

vīkṣya tāṁ mudito rājā pāyayitvā turaṅgakam aśvādutterya vimalaṁ papau pānīyamuttamam

उसे देखकर हर्षित राजा ने अपने घोड़े को पानी पिलाकर, स्वयं घोड़े से उतरकर, उस निर्मल जल का उत्तम पान किया।

श्लोक 48 (devibhagavatam.7.18.48)

जलं पीत्वा नृपस्तत्र सुखमाप महीपतिः । इत्येष नगरं गन्तुं दिग्भ्रमेणातिमोहितः

jalaṁ pītvā nṛpastatra sukhamāpa mahīpatiḥ ityeṣa nagaraṁ gantuṁ digbhrameṇātimohitaḥ

वह जल-पान करके राजा को वहाँ सुख मिला; और अब, दिशाओं में अत्यन्त मोहित होकर, वे नगर की ओर जाने का उपाय सोचने लगे।

श्लोक 49 (devibhagavatam.7.18.49)

विश्वामित्रस्तु सम्प्राप्तो वृद्धब्राह्मणरूपधृक् । ननाम वीक्ष्य राजा तं प्रीतिपूर्वं द्विजोत्तमम्

viśvāmitrastu samprāpto vṛddhabrāhmaṇarūpadhṛk nanāma vīkṣya rājā taṁ prītipūrvaṁ dvijottamam

तभी वृद्ध ब्राह्मण का रूप धारण किए विश्वामित्र वहाँ आ पहुँचे; उन्हें देखकर राजा ने उस श्रेष्ठ ब्राह्मण को प्रेमपूर्वक प्रणाम किया।

श्लोक 50 (devibhagavatam.7.18.50)

तमुवाच गाधिराजः प्रणमन्तं नृपोत्तमम् । स्वस्ति तेऽस्तु महाराज किमर्थमिह चागतः

tamuvāca gādhirājaḥ praṇamantaṁ nṛpottamam svasti te'stu mahārāja kimarthamiha cāgataḥ

प्रणाम करते हुए उस राजश्रेष्ठ से गाधि के पुत्र (विश्वामित्र) ने कहा — हे महाराज! तुम्हारा कल्याण हो, तुम यहाँ किसलिए आए हो?

श्लोक 51 (devibhagavatam.7.18.51)

एकाकी विजने राजन् किं चिकीर्षितमत्र ते । ब्रूहि सर्वं स्थिरो भूत्वा कारणं नृपसत्तम

ekākī vijane rājan kiṁ cikīrṣitamatra te brūhi sarvaṁ sthiro bhūtvā kāraṇaṁ nṛpasattama

हे राजन्! तुम इस निर्जन स्थान में अकेले क्या करना चाहते हो? स्थिर होकर सब कुछ बताओ, हे राजश्रेष्ठ! क्या कारण है इसका?

श्लोक 52 (devibhagavatam.7.18.52)

राजोवाच । सूकरोऽतिमहाकायो बलवान्पुष्पकाननम् । समुपेत्य ममर्दाशु कोमलान्पुष्पपादपान्

rājovāca sūkaro'timahākāyo balavānpuṣpakānanam samupetya mamardāśu komalānpuṣpapādapān

राजा ने कहा — एक अत्यन्त विशालकाय, बलवान् सूकर उस पुष्प-वाटिका में आकर, उसके कोमल फूल वाले वृक्षों को तुरन्त रौंद डाला।

श्लोक 53 (devibhagavatam.7.18.53)

तं निवारयितुं दुष्टं करे कृत्वा च कार्मुकम् । ससैन्योऽहं स्वनगरान्निर्गतो मुनिसत्तम

taṁ nivārayituṁ duṣṭaṁ kare kṛtvā ca kārmukam sasainyo'haṁ svanagarānnirgato munisattama

उस दुष्ट को रोकने के लिए, हाथ में धनुष लेकर, हे मुनिश्रेष्ठ, मैं अपनी सेना के साथ अपने नगर से निकल पड़ा।

श्लोक 54 (devibhagavatam.7.18.54)

गतोऽसौ दृक्पथात्पापो मायावी क्वापि वेगवान् । पृष्ठतोऽहमपि प्राप्तः सैन्यं क्वापि गतं मम

gato'sau dṛkpathātpāpo māyāvī kvāpi vegavān pṛṣṭhato'hamapi prāptaḥ sainyaṁ kvāpi gataṁ mama

वह पापी, मायावी, अत्यन्त वेगवान् मेरी दृष्टि से कहीं ओझल हो गया; मैं भी उसके पीछे-पीछे आ गया, और मेरी सेना कहीं पीछे रह गई।

श्लोक 55 (devibhagavatam.7.18.55)

क्षुधितस्तृषितश्चाहं सैन्यभ्रष्टस्त्विहागतः । न जाने पुरमार्गं च तथा सैन्यगतिं मुने

kṣudhitastṛṣitaścāhaṁ sainyabhraṣṭastvihāgataḥ na jāne puramārgaṁ ca tathā sainyagatiṁ mune

भूखा-प्यासा और सेना से बिछड़ा हुआ मैं यहाँ आ पहुँचा हूँ; हे मुने! मुझे न तो नगर का मार्ग पता है, न ही अपनी सेना का पता।

श्लोक 56 (devibhagavatam.7.18.56)

पन्थानं दर्शय विभो व्रजामि नगरं प्रति । ममात्र भाग्ययोगेन प्राप्तस्त्वं विजने वने

panthānaṁ darśaya vibho vrajāmi nagaraṁ prati mamātra bhāgyayogena prāptastvaṁ vijane vane

हे प्रभो! मुझे मार्ग दिखाइए, मुझे नगर की ओर जाना है; मेरे सौभाग्य से ही आप इस निर्जन वन में मुझे मिल गए हैं।

श्लोक 57 (devibhagavatam.7.18.57)

अयोध्यादिपतिश्चाहं हरिश्चन्द्रोऽतिविश्रुतः । राजसूयस्य कर्ता च वाञ्छितार्थप्रदः सदा

ayodhyādipatiścāhaṁ hariścandro'tiviśrutaḥ rājasūyasya kartā ca vāñchitārthapradaḥ sadā

मैं अयोध्या का स्वामी हूँ, अत्यन्त विख्यात हरिश्चन्द्र, राजसूय यज्ञ का कर्ता, और सदा इच्छित पदार्थ देने वाला हूँ।

श्लोक 58 (devibhagavatam.7.18.58)

धनेच्छा यदि ते ब्रह्मन् यज्ञार्थं द्विजसत्तम । आगन्तव्यमयोध्यायां दास्यामि विपुलं धनम्

dhanecchā yadi te brahman yajñārthaṁ dvijasattama āgantavyamayodhyāyāṁ dāsyāmi vipulaṁ dhanam

हे ब्रह्मन्! हे द्विजश्रेष्ठ! यदि आपको यज्ञ के लिए धन की इच्छा हो, तो अयोध्या पधारिए, मैं आपको विपुल धन दूँगा।