हरिश्चन्द्र की पत्नी-पुत्र का विक्रय

श्लोक 1 (devibhagavatam.7.22.1)

व्यास उवाच । स तया नोद्यमानस्तु राजा पत्न्या पुनः पुनः । प्राह भद्रे करोम्येष विक्रयं ते सुनिर्घृणः

vyāsa uvāca sa tayā nodyamānastu rājā patnyā punaḥ punaḥ prāha bhadre karomyeṣa vikrayaṁ te sunirghṛṇaḥ

व्यास जी ने कहा — पत्नी के द्वारा बार-बार इस प्रकार प्रेरित किया गया राजा बोला — हे भद्रे! मैं यह अत्यन्त निर्दयतापूर्वक तुम्हारा विक्रय करता हूँ।

श्लोक 2 (devibhagavatam.7.22.2)

नृशंसैरपि यत्कर्तुं न शक्यं तत्करोम्यहम् । यदि ते भ्राजते वाणी वक्तुमीदृक्सुनिष्ठुरम्

nṛśaṁsairapi yatkartuṁ na śakyaṁ tatkaromyaham yadi te bhrājate vāṇī vaktumīdṛksuniṣṭhuram

जो कठोर से कठोर व्यक्ति भी नहीं कर सकते, वह मैं कर रहा हूँ — यदि तुम्हारी वाणी ऐसा अत्यन्त कठोर कहने में शोभा पाती है।

श्लोक 3 (devibhagavatam.7.22.3)

एवमुक्त्वा ततो राजा गत्वा नगरमातुरः । अवतार्य तदा रङ्गे तां भार्यां नृपसत्तमः ।

evamuktvā tato rājā gatvā nagaramāturaḥ avatārya tadā raṅge tāṁ bhāryāṁ nṛpasattamaḥ

यह कहकर, अत्यन्त व्याकुल राजश्रेष्ठ नगर की ओर गए, और वहाँ बाजार के चौक में उन्होंने अपनी उस पत्नी को उतारा।

श्लोक 4 (devibhagavatam.7.22.4)

बाष्पगद्गदकण्ठस्तु ततो वचनमब्रवीत् । भो भो नागरिकाः सर्वे शृणुध्वं वचनं मम

bāṣpagadgadakaṇṭhastu tato vacanamabravīt bho bho nāgarikāḥ sarve śṛṇudhvaṁ vacanaṁ mama

आँसुओं से रुँधे गले से उन्होंने यह वचन कहा — हे नगरवासियो! सब लोग सुनो, मेरा यह वचन।

श्लोक 5 (devibhagavatam.7.22.5)

कस्यचिद्यदि कार्यं स्याद्दास्या प्राणेष्टया मम । स ब्रवीतु त्वरायुक्तो यावत्स्वं धारयाम्यहम्

kasyacidyadi kāryaṁ syāddāsyā prāṇeṣṭayā mama sa bravītu tvarāyukto yāvatsvaṁ dhārayāmyaham

यदि किसी को अपने प्राणों के समान प्रिय दासी की आवश्यकता हो, तो वह शीघ्र आकर कहे, जब तक मैं इसे अपने पास रखे हुए हूँ।

श्लोक 6 (devibhagavatam.7.22.6)

तेऽब्रुवन्पण्डिताः कस्त्वं पत्नीं विक्रेतुमागतः । राजोवाच । किं मां पृच्छथ कस्त्वं भो नृशंसोऽहममानुषः

te'bruvanpaṇḍitāḥ kastvaṁ patnīṁ vikretumāgataḥ rājovāca kiṁ māṁ pṛcchatha kastvaṁ bho nṛśaṁso'hamamānuṣaḥ

वे पंडित लोग बोले — तुम कौन हो, जो अपनी पत्नी को बेचने आए हो? राजा ने कहा — तुम मुझसे क्यों पूछते हो, मैं एक क्रूर, अमानवीय व्यक्ति हूँ,

श्लोक 7 (devibhagavatam.7.22.7)

राक्षसो वास्मि कठिनस्ततः पापं करोम्यहम् । व्यास उवाच । तं शब्दं सहसा श्रुत्वा कौशिको विप्ररूपधृक्

rākṣaso vāsmi kaṭhinastataḥ pāpaṁ karomyaham vyāsa uvāca taṁ śabdaṁ sahasā śrutvā kauśiko viprarūpadhṛk

मैं राक्षस हूँ, कठोर हूँ, इसीलिए यह पाप कर रहा हूँ। व्यास जी ने कहा — उस वचन को सहसा सुनकर, ब्राह्मण का रूप धारण किए हुए कौशिक ने,

श्लोक 8 (devibhagavatam.7.22.8)

वृद्धरूपं समास्थाय हरिश्चन्द्रमभाषत । समर्पयस्व मे दासीमहं क्रेता धनप्रदः

vṛddharūpaṁ samāsthāya hariścandramabhāṣata samarpayasva me dāsīmahaṁ kretā dhanapradaḥ

वृद्ध का रूप धारण करके, हरिश्चन्द्र से कहा — मुझे यह दासी सौंप दो, मैं इसे मोल देकर खरीदने वाला हूँ।

श्लोक 9 (devibhagavatam.7.22.9)

अस्ति मे वित्तमतुलं सुकुमारी च मे प्रिया । गृहकर्म न शक्नोति कर्तुमस्मात्प्रयच्छ मे

asti me vittamatulaṁ sukumārī ca me priyā gṛhakarma na śaknoti kartumasmātprayaccha me

मेरे पास असीम सम्पत्ति है, और मेरी प्रिय पत्नी अत्यन्त कोमल शरीर वाली है, वह घर के काम-काज नहीं कर पाती, इसलिए इसे मुझे दे दो।

श्लोक 10 (devibhagavatam.7.22.10)

अहं गृह्णामि दासीं तु कति दास्यामि ते धनम् । एवमुक्ते तु विप्रेण हरिश्चन्द्रस्य भूपतेः

ahaṁ gṛhṇāmi dāsīṁ tu kati dāsyāmi te dhanam evamukte tu vipreṇa hariścandrasya bhūpateḥ

मैं इस दासी को ग्रहण करता हूँ, बताओ मैं तुम्हें कितना धन दूँ। इस प्रकार उस ब्राह्मण के कहने पर, राजा हरिश्चन्द्र का

श्लोक 11 (devibhagavatam.7.22.11)

विदीर्णं तु मनो दुःखान्न चैनं किञ्चिदब्रवीत् । विप्र उवाच । कर्मणश्च वयोरूपशीलानां तव योषितः

vidīrṇaṁ tu mano duḥkhānna cainaṁ kiñcidabravīt vipra uvāca karmaṇaśca vayorūpaśīlānāṁ tava yoṣitaḥ

मन दुःख से विदीर्ण हो गया, फिर भी उसने उससे कुछ नहीं कहा। ब्राह्मण ने कहा — तुम्हारी इस स्त्री की उम्र, रूप और शील के अनुरूप ही

श्लोक 12 (devibhagavatam.7.22.12)

अनुरूपमिदं वित्तं गृहाणार्पय मेऽबलाम् । धर्मशास्त्रेषु यद् दृष्टं स्त्रियो मौल्यं नरस्य च

anurūpamidaṁ vittaṁ gṛhāṇārpaya me'balām dharmaśāstreṣu yad dṛṣṭaṁ striyo maulyaṁ narasya ca

यह धन है, इसे ग्रहण करो और इस अबला को मुझे सौंप दो; धर्मशास्त्रों में जो स्त्री और पुरुष का मूल्य निर्धारित देखा गया है —

श्लोक 13 (devibhagavatam.7.22.13)

द्वात्रिंशल्लक्षणोपेता दक्षा शीलगुणान्विता । कोटिमौल्यं सुवर्णस्य स्त्रियः पुंसस्तथार्बुदम्

dvātriṁśallakṣaṇopetā dakṣā śīlaguṇānvitā koṭimaulyaṁ suvarṇasya striyaḥ puṁsastathārbudam

बत्तीस शुभ लक्षणों से युक्त, कुशल और शील-गुण से सम्पन्न स्त्री का मूल्य एक करोड़ स्वर्ण-मुद्रा है, और वैसे ही पुरुष का मूल्य दस करोड़ है।

श्लोक 14 (devibhagavatam.7.22.14)

इत्याकर्ण वचस्तस्य हरिश्चन्द्रो महीपतिः । दुःखेन महताऽऽविष्टो न चैनं किञ्चिदब्रवीत्

ityākarṇa vacastasya hariścandro mahīpatiḥ duḥkhena mahatā''viṣṭo na cainaṁ kiñcidabravīt

उसका यह वचन सुनकर, राजा हरिश्चन्द्र महान् दुःख से अभिभूत होकर, उससे कुछ भी नहीं बोले।

श्लोक 15 (devibhagavatam.7.22.15)

ततः स विप्रो नृपतेः पुरतो वल्कलोपरि । धनं निधाय केशेषु धृत्वा राज्ञीमकर्षयत्

tataḥ sa vipro nṛpateḥ purato valkalopari dhanaṁ nidhāya keśeṣu dhṛtvā rājñīmakarṣayat

तब उस ब्राह्मण ने राजा के सामने ही, उस वल्कल वस्त्र के ऊपर धन रखकर, रानी को उसके केश पकड़कर घसीटना शुरू कर दिया।

श्लोक 16 (devibhagavatam.7.22.16)

राज्ञ्युवाच । मुञ्च मुञ्चार्य मां सद्यो यावत्पश्याम्यहं सुतम् । दुर्लभं दर्शनं विप्र पुनरस्य भविष्यति

rājñyuvāca muñca muñcārya māṁ sadyo yāvatpaśyāmyahaṁ sutam durlabhaṁ darśanaṁ vipra punarasya bhaviṣyati

रानी ने कहा — मुझे छोड़ दो, हे आर्य! मुझे तुरन्त छोड़ दो, जब तक मैं एक बार अपने पुत्र को देख लूँ; हे ब्राह्मण! इसके बाद इसका दर्शन फिर दुर्लभ ही होगा।

श्लोक 17 (devibhagavatam.7.22.17)

पश्येह पुत्र मामेवं मातरं दास्यतां गताम् । मां मास्प्राक्षी राजपुत्र न स्पृश्याहं त्वयाधुना

paśyeha putra māmevaṁ mātaraṁ dāsyatāṁ gatām māṁ māsprākṣī rājaputra na spṛśyāhaṁ tvayādhunā

हे पुत्र! मुझे इस प्रकार देखो, अपनी माता को, जो दासीभाव को प्राप्त हो चुकी है; हे राजपुत्र! मुझे मत छूना, अब मुझे छूने का तुम्हें अधिकार नहीं रहा।

श्लोक 18 (devibhagavatam.7.22.18)

ततः स बालः सहसा दृष्ट्वाऽऽकृष्टां तु मातरम् । समभ्यधावदम्बेति वदन्साश्रुविलोचनः

tataḥ sa bālaḥ sahasā dṛṣṭvā''kṛṣṭāṁ tu mātaram samabhyadhāvadambeti vadansāśruvilocanaḥ

तब उस बालक ने सहसा अपनी माता को इस प्रकार घसीटे जाते देखकर, आँसुओं से भरी आँखों से 'माँ, माँ' कहते हुए दौड़कर उसके पास आ गया।

श्लोक 19 (devibhagavatam.7.22.19)

हस्ते वस्त्रं समाकर्षन् काकपक्षधरः स्खलन् । तमागतं द्विजः क्रोधाद् बालमप्याहनत्तदा

haste vastraṁ samākarṣan kākapakṣadharaḥ skhalan tamāgataṁ dvijaḥ krodhād bālamapyāhanattadā

उसके वस्त्र को हाथ से खींचता हुआ, अपनी काकपक्ष चोटी लिए, लड़खड़ाता हुआ वह आया; उस ब्राह्मण ने क्रोध में आकर उस बालक को भी मार दिया।

श्लोक 20 (devibhagavatam.7.22.20)

वदंस्तथापि सोऽम्बेति नैव मुञ्चति मातरम् । राज्ञ्युवाच । प्रसादं कुरु मे नाथ क्रीणीष्वेमं हि बालकम्

vadaṁstathāpi so'mbeti naiva muñcati mātaram rājñyuvāca prasādaṁ kuru me nātha krīṇīṣvemaṁ hi bālakam

फिर भी वह 'माँ, माँ' कहता रहा, अपनी माता को किसी भी प्रकार नहीं छोड़ता था। रानी ने कहा — हे स्वामिन्! मुझ पर कृपा कीजिए, इस बालक को भी मोल ले लीजिए।

श्लोक 21 (devibhagavatam.7.22.21)

क्रीतापि नाहं भविता विनैनं कार्यसाधिका । इत्थं ममाल्पभाग्यायाः प्रसादं कुरु मे प्रभो

krītāpi nāhaṁ bhavitā vinainaṁ kāryasādhikā itthaṁ mamālpabhāgyāyāḥ prasādaṁ kuru me prabho

इसके बिना, बिक जाने पर भी, मैं अपना कार्य पूर्ण नहीं कर पाऊँगी; इस प्रकार मुझ अभागिनी पर, हे प्रभो! कृपा कीजिए।

श्लोक 22 (devibhagavatam.7.22.22)

ब्राह्मण उवाच । गृह्यतां वित्तमेतत्ते दीयतां मम बालकः । स्त्रीपुंसोर्धर्मशास्त्रज्ञैः कृतमेव हि वेतनम्

brāhmaṇa uvāca gṛhyatāṁ vittametatte dīyatāṁ mama bālakaḥ strīpuṁsordharmaśāstrajñaiḥ kṛtameva hi vetanam

ब्राह्मण ने कहा — यह धन ले लो, और यह बालक भी मुझे दे दो; स्त्री और पुरुष दोनों का मूल्य धर्मशास्त्र के ज्ञाताओं ने निर्धारित ही कर रखा है —

श्लोक 23 (devibhagavatam.7.22.23)

शतं सहस्रं लक्षं च कोटिमौल्यं तथापरैः । द्वात्रिंशल्लक्षणोपेता दक्षा शीलगुणान्विता

śataṁ sahasraṁ lakṣaṁ ca koṭimaulyaṁ tathāparaiḥ dvātriṁśallakṣaṇopetā dakṣā śīlaguṇānvitā

किसी के अनुसार सौ, हजार, लाख, या करोड़ मूल्य; बत्तीस शुभ लक्षणों से युक्त, कुशल और शील-गुण से सम्पन्न

श्लोक 24 (devibhagavatam.7.22.24)

कोटिमौल्यं स्त्रियः प्रोक्तं पुरुषस्य तथार्बुदम् । सूत उवाच । तथैव तस्य तद्वित्तं पुरः क्षिप्तं पटे पुनः

koṭimaulyaṁ striyaḥ proktaṁ puruṣasya tathārbudam sūta uvāca tathaiva tasya tadvittaṁ puraḥ kṣiptaṁ paṭe punaḥ

स्त्री का मूल्य एक करोड़ कहा गया है, और पुरुष का दस करोड़। सूत जी ने कहा — इसी प्रकार उस बालक का भी धन उनके सामने कपड़े पर रख दिया गया,

श्लोक 25 (devibhagavatam.7.22.25)

प्रगृह्य बालकं मात्रा सहैकस्थमबन्धयत् । प्रतस्थे स गृहं क्षिप्रं तया सह मुदान्वितः

pragṛhya bālakaṁ mātrā sahaikasthamabandhayat pratasthe sa gṛhaṁ kṣipraṁ tayā saha mudānvitaḥ

और उस बालक को उसकी माता के साथ ही, एक ही रस्सी में, ब्राह्मण ने बाँध दिया; फिर वह प्रसन्न होकर, उन्हें साथ लेकर शीघ्र ही अपने घर की ओर चल पड़ा।

श्लोक 26 (devibhagavatam.7.22.26)

प्रदक्षिणां तु सा कृत्वा जानुभ्यां प्रणता स्थिता । बाष्पपर्याकुला दीना त्विदं वचनमब्रवीत्

pradakṣiṇāṁ tu sā kṛtvā jānubhyāṁ praṇatā sthitā bāṣpaparyākulā dīnā tvidaṁ vacanamabravīt

वह रानी परिक्रमा करके, दोनों घुटनों के बल झुककर, आँसुओं से व्याकुल, दीन होकर यह वचन बोली —

श्लोक 27 (devibhagavatam.7.22.27)

यदि दत्तं यदि हुतं ब्राह्मणास्तर्पिता यदि । तेन पुण्येन मे भर्ता हरिश्चन्द्रोऽस्तु वै पुनः

yadi dattaṁ yadi hutaṁ brāhmaṇāstarpitā yadi tena puṇyena me bhartā hariścandro'stu vai punaḥ

यदि मैंने कभी कोई दान दिया हो, कोई हवन किया हो, ब्राह्मणों को तृप्त किया हो, तो उसी पुण्य के प्रभाव से मेरे पति हरिश्चन्द्र फिर से मुझे प्राप्त हों।

श्लोक 28 (devibhagavatam.7.22.28)

पादयोः पतितां दृष्ट्वा प्राणेभ्योऽपि गरीयसीम् । हाहेति च वदन् राजा विललापाकुलेन्द्रियः

pādayoḥ patitāṁ dṛṣṭvā prāṇebhyo'pi garīyasīm hāheti ca vadan rājā vilalāpākulendriyaḥ

अपने प्राणों से भी अधिक प्रिय उस रानी को अपने चरणों में गिरी देखकर, राजा 'हाय, हाय' कहते हुए, इन्द्रियाँ व्याकुल होकर विलाप करने लगे।

श्लोक 29 (devibhagavatam.7.22.29)

वियुक्तेयं कथं जाता सत्यशीलगुणान्विता । वृक्षच्छायापि वृक्षं तं न जहाति कदाचन

viyukteyaṁ kathaṁ jātā satyaśīlaguṇānvitā vṛkṣacchāyāpi vṛkṣaṁ taṁ na jahāti kadācana

सत्य और शील-गुण से सम्पन्न वह कैसे मुझसे बिछड़ गई? वृक्ष की छाया भी कभी उस वृक्ष को नहीं छोड़ती —

श्लोक 30 (devibhagavatam.7.22.30)

एवं भार्यां वदित्वाथ सुसम्बद्धं परस्परम् । पुत्रं च तमुवाचेदं मां त्वं हित्वा क्व यास्यसि

evaṁ bhāryāṁ vaditvātha susambaddhaṁ parasparam putraṁ ca tamuvācedaṁ māṁ tvaṁ hitvā kva yāsyasi

इस प्रकार आपस में इतनी घनिष्ठता से बँधी अपनी पत्नी से यह कहकर, उन्होंने उस पुत्र से भी कहा — मुझे छोड़कर तुम कहाँ जाओगे?

श्लोक 31 (devibhagavatam.7.22.31)

कां दिशं प्रति यास्यामि को मे दुःखं निवारयेत् । राज्यत्यागे न मे दुःखं वनवासे न मे द्विज

kāṁ diśaṁ prati yāsyāmi ko me duḥkhaṁ nivārayet rājyatyāge na me duḥkhaṁ vanavāse na me dvija

मैं किस दिशा की ओर जाऊँगा, कौन मेरे इस दुःख का निवारण करेगा? हे द्विज! राज्य त्यागने में मुझे दुःख नहीं है, वनवास में भी मुझे कोई दुःख नहीं है,

श्लोक 32 (devibhagavatam.7.22.32)

यत्पुत्रेण वियोगो मे एवमाह स भूपतिः । सद्भर्तृभोग्या हि सदा लोके भार्या भवन्ति हि

yatputreṇa viyogo me evamāha sa bhūpatiḥ sadbhartṛbhogyā hi sadā loke bhāryā bhavanti hi

जो दुःख मुझे अपने पुत्र से वियोग का है, वैसा दुःख कोई नहीं है — ऐसा उस राजा ने कहा। इस संसार में एक अच्छे पति की पत्नी सदा उसी की भोग्या होती है,

श्लोक 33 (devibhagavatam.7.22.33)

मया त्यक्तासि कल्याणि दुःखेन विनियोजिता । इक्ष्वाकुवंशसम्भूतं सर्वराज्यसुखोचितम्

mayā tyaktāsi kalyāṇi duḥkhena viniyojitā ikṣvākuvaṁśasambhūtaṁ sarvarājyasukhocitam

हे कल्याणी! मैंने ही तुम्हें त्याग दिया है, और तुम्हें दुःख के साथ जोड़ दिया है; तुम, जो इक्ष्वाकु वंश में उत्पन्न हुई, और समस्त राज्य-सुख के योग्य थीं,

श्लोक 34 (devibhagavatam.7.22.34)

मामीदृशां पतिं प्राप्य दासीभावं गता ह्यसि । ईदृशे मज्जमानं मां सुमहच्छोकसागरे

māmīdṛśāṁ patiṁ prāpya dāsībhāvaṁ gatā hyasi īdṛśe majjamānaṁ māṁ sumahacchokasāgare

मेरे जैसे पति को पाकर, दासीभाव को प्राप्त हो गई हो! ऐसे इस अत्यन्त विशाल शोक-सागर में डूबते हुए मुझे —

श्लोक 35 (devibhagavatam.7.22.35)

को मामुद्धरते देवि पौराणाख्यानविस्तरैः । सूत उवाच । पश्यतस्तस्य राजर्षेः कशाघातैः सुदारुणैः

ko māmuddharate devi paurāṇākhyānavistaraiḥ sūta uvāca paśyatastasya rājarṣeḥ kaśāghātaiḥ sudāruṇaiḥ

हे देवी! पुराणों की अनेक कथाओं से भी मुझे कौन उबार सकता है? सूत जी ने कहा — उस राजर्षि के देखते-देखते, अत्यन्त कठोर कोड़ों की मार से

श्लोक 36 (devibhagavatam.7.22.36)

घातयित्वा तु विप्रेशो नेतुं समुपचक्रमे । नीयमानौ तु तौ दृष्ट्वा भार्यापुत्रौ स पार्थिवः

ghātayitvā tu vipreśo netuṁ samupacakrame nīyamānau tu tau dṛṣṭvā bhāryāputrau sa pārthivaḥ

उस ब्राह्मणश्रेष्ठ ने उन दोनों को पीटते हुए ले जाना शुरू किया; अपनी पत्नी और पुत्र को इस प्रकार ले जाया जाता देखकर, वह राजा

श्लोक 37 (devibhagavatam.7.22.37)

विललापातिदुःखार्तो निःश्वस्योष्णं पुनः पुनः । यां न वायुर्न वाऽऽदित्यो न चन्द्रो न पृथ्ग्जनाः

vilalāpātiduḥkhārto niḥśvasyoṣṇaṁ punaḥ punaḥ yāṁ na vāyurna vā''dityo na candro na pṛthgjanāḥ

अत्यन्त दुःख से पीड़ित होकर, बार-बार गर्म साँसें भरते हुए विलाप करने लगे — जिस पत्नी को कभी न वायु, न सूर्य, न चन्द्रमा, न ही किसी सामान्य जन ने

श्लोक 38 (devibhagavatam.7.22.38)

दृष्टवन्तः पुरा पत्नीं सेयं दासीत्वमागता । सूर्यवंशप्रसूतोऽयं सुकुमारकराङ्गुलिः

dṛṣṭavantaḥ purā patnīṁ seyaṁ dāsītvamāgatā sūryavaṁśaprasūto'yaṁ sukumārakarāṅguliḥ

पहले देखा था, वही आज दासीत्व को प्राप्त हो गई है। सूर्यवंश में उत्पन्न, अत्यन्त कोमल हाथ-अंगुलियों वाला यह बालक,

श्लोक 39 (devibhagavatam.7.22.39)

सम्प्राप्तो विक्रयं बालो धिङ्मामस्तु सुदुर्मतिम् । हा प्रिये हा शिशो वत्स ममानार्यस्य दुर्नयः

samprāpto vikrayaṁ bālo dhiṅmāmastu sudurmatim hā priye hā śiśo vatsa mamānāryasya durnayaḥ

बिक्री को प्राप्त हो गया — धिक्कार है मुझ अत्यन्त दुर्बुद्धि को! हाय प्रिये, हाय बच्चे, हाय पुत्र! यह सब मेरी, इस अनार्य की, दुर्नीति का ही परिणाम है।

श्लोक 40 (devibhagavatam.7.22.40)

दैवाधीनदशां प्राप्तो न मृतोऽस्मि तथापि धिक् । व्यास उवाच । एवं विलपितो राज्ञोऽग्रे विप्रोऽन्तरधीयत

daivādhīnadaśāṁ prāpto na mṛto'smi tathāpi dhik vyāsa uvāca evaṁ vilapito rājño'gre vipro'ntaradhīyata

दैव के अधीन इस दशा को प्राप्त होकर भी मैं मरा नहीं — धिक्कार है मुझ पर! व्यास जी ने कहा — इस प्रकार राजा के विलाप करते-करते, उनके सामने से ही वह ब्राह्मण अन्तर्धान हो गया।

श्लोक 41 (devibhagavatam.7.22.41)

वृक्षगेहादिभिस्तुङ्गैस्तावादाय त्वरान्वितः । अत्रान्तरे मुनिश्रेष्ठस्त्वाजगाम महातपाः

vṛkṣagehādibhistuṅgaistāvādāya tvarānvitaḥ atrāntare muniśreṣṭhastvājagāma mahātapāḥ

ऊँचे वृक्षों और भवनों के सहारे उन दोनों को शीघ्रता से ले जाकर; इसी बीच महातपस्वी मुनिश्रेष्ठ,

श्लोक 42 (devibhagavatam.7.22.42)

सशिष्यः कौशिकेन्द्रोऽसौ निष्ठुरः क्रूरदर्शनः । विश्वामित्र उवाच । या त्वयोक्ता पुरा राजन् राजसूयस्य दक्षिणा

saśiṣyaḥ kauśikendro'sau niṣṭhuraḥ krūradarśanaḥ viśvāmitra uvāca yā tvayoktā purā rājan rājasūyasya dakṣiṇā

शिष्यों के साथ वह कठोर, क्रूर-दृष्टि वाला कौशिकेन्द्र आ पहुँचा। विश्वामित्र ने कहा — हे राजन्! पहले जो राजसूय यज्ञ की दक्षिणा तुमने कही थी,

श्लोक 43 (devibhagavatam.7.22.43)

तां ददस्व महाबाहो यदि सत्यं पुरस्कृतम् । हरिश्चन्द्र उवाच । नमस्करोमि राजर्षे गृहाणेमां स्वदक्षिणाम्

tāṁ dadasva mahābāho yadi satyaṁ puraskṛtam hariścandra uvāca namaskaromi rājarṣe gṛhāṇemāṁ svadakṣiṇām

हे महाबाहो! वह अब मुझे दे दो, यदि सत्य को ही प्रधान मानते हो। हरिश्चन्द्र ने कहा — हे राजर्षे! मैं आपको नमस्कार करता हूँ, यह अपनी दक्षिणा ग्रहण कीजिए,

श्लोक 44 (devibhagavatam.7.22.44)

राजसूयस्य यागस्य या मयोक्ता पुरानघ । विश्वामित्र उवाच । कुतो लब्धमिदं द्रव्यं दक्षिणार्थे प्रदीयते

rājasūyasya yāgasya yā mayoktā purānagha viśvāmitra uvāca kuto labdhamidaṁ dravyaṁ dakṣiṇārthe pradīyate

हे निष्पाप! जो राजसूय यज्ञ की मैंने पहले प्रतिज्ञा की थी। विश्वामित्र ने कहा — यह धन तुम्हें कहाँ से प्राप्त हुआ, जो दक्षिणा के लिए दिया जा रहा है?

श्लोक 45 (devibhagavatam.7.22.45)

एतदाचक्ष्व राजेन्द्र यथा द्रव्यं त्वयार्जितम् । राजोवाच । किमनेन महाभाग कथितेन तवानघ

etadācakṣva rājendra yathā dravyaṁ tvayārjitam rājovāca kimanena mahābhāga kathitena tavānagha

हे राजेन्द्र! यह मुझे बताओ, कि तुमने यह धन कैसे अर्जित किया। राजा ने कहा — हे महाभाग! हे निष्पाप! तुम्हें यह बताने से क्या लाभ है?

श्लोक 46 (devibhagavatam.7.22.46)

शोकस्तु वर्धते विप्र श्रुतेनानेन सुव्रत । ऋषिरुवाच । अशस्तं नैव गृह्णामि शस्तमेव प्रयच्छ मे

śokastu vardhate vipra śrutenānena suvrata ṛṣiruvāca aśastaṁ naiva gṛhṇāmi śastameva prayaccha me

यह सुनकर, हे मुने! हे सुव्रत! शोक ही और अधिक बढ़ेगा। ऋषि ने कहा — मैं अनुचित वस्तु कभी नहीं लेता, मुझे केवल उचित वस्तु ही दो।

श्लोक 47 (devibhagavatam.7.22.47)

द्रव्यस्यागमनं राजन् कथयस्व यथातथम् ।

dravyasyāgamanaṁ rājan kathayasva yathātatham

हे राजन्! तुमने यह धन कैसे प्राप्त किया, यह मुझे यथार्थ रूप से बताओ।

श्लोक 48 (devibhagavatam.7.22.48)

राजोवाच । मया देवी तु सा भार्या विक्रीता कोटिसम्मितैः । निष्कैः पुत्रो रोहिताख्यो विक्रीतोऽर्बुदसङ्ख्यया । विप्रैकादशकोट्यस्त्वं सुवर्णस्य गृहाण मे

rājovāca mayā devī tu sā bhāryā vikrītā koṭisammitaiḥ niṣkaiḥ putro rohitākhyo vikrīto'rbudasaṅkhyayā vipraikādaśakoṭyastvaṁ suvarṇasya gṛhāṇa me

राजा ने कहा — हे देवी! मैंने अपनी उस पत्नी को करोड़ों स्वर्ण-मुद्राओं में बेच दिया, अपने पुत्र रोहित को अरबुद (दस करोड़) की गिनती में बेचा —

श्लोक 49 (devibhagavatam.7.22.49)

सूत उवाच । तद्वित्तं स्वप्लमालक्ष्य दारविक्रयसम्भवम् । शोकाभिभूतं राजानं कुपितः कौशिकोऽब्रवीत्

sūta uvāca tadvittaṁ svaplamālakṣya dāravikrayasambhavam śokābhibhūtaṁ rājānaṁ kupitaḥ kauśiko'bravīt

हे ब्राह्मण! ये ग्यारह करोड़ सुवर्ण-मुद्राएँ, इन्हें ग्रहण कीजिए। सूत जी ने कहा — उस धन को स्त्री और पुत्र को बेचने से प्राप्त हुआ अत्यन्त अल्प देखकर,

श्लोक 50 (devibhagavatam.7.22.50)

ऋषिरुवाच । राजसूयस्य यज्ञस्य नैषा भवति दक्षिणा । अन्यदुत्पादय क्षिप्रं सम्पूर्णा येन सा भवेत्

ṛṣiruvāca rājasūyasya yajñasya naiṣā bhavati dakṣiṇā anyadutpādaya kṣipraṁ sampūrṇā yena sā bhavet

क्रोधित कौशिक ने शोक से अभिभूत राजा से यह कहा। ऋषि ने कहा — यह राजसूय यज्ञ की दक्षिणा नहीं है;

श्लोक 51 (devibhagavatam.7.22.51)

क्षत्रबन्धो ममेमां त्वं सदृशीं यदि दक्षिणाम् । मन्यसे तर्हि तत्क्षिप्रं पश्य त्वं मे परं बलम्

kṣatrabandho mamemāṁ tvaṁ sadṛśīṁ yadi dakṣiṇām manyase tarhi tatkṣipraṁ paśya tvaṁ me paraṁ balam

शीघ्र और कुछ उत्पन्न करो, जिससे वह पूर्ण हो सके। हे क्षत्रिय-कुल के अधम! यदि तुम इसी को मेरे योग्य दक्षिणा मानते हो,

श्लोक 52 (devibhagavatam.7.22.52)

तपसोऽस्य सुतप्तस्य ब्राह्मणस्यामलस्य च । मत्प्रभावस्य चोग्रस्य शुद्धस्याध्ययनस्य च

tapaso'sya sutaptasya brāhmaṇasyāmalasya ca matprabhāvasya cograsya śuddhasyādhyayanasya ca

तो शीघ्र देखो मेरा परम बल — मेरे अत्यन्त प्रज्वलित तप का, इस निर्मल ब्राह्मण के, मेरे उग्र प्रभाव का और मेरे शुद्ध अध्ययन का बल!

श्लोक 53 (devibhagavatam.7.22.53)

राजोवाच । अन्यद्दास्यामि भगवन् कालः कश्चित्प्रतीक्ष्यताम् । अधुनैवास्ति विक्रीता पत्नी पुत्रश्च बालकः

rājovāca anyaddāsyāmi bhagavan kālaḥ kaścitpratīkṣyatām adhunaivāsti vikrītā patnī putraśca bālakaḥ

राजा ने कहा — हे भगवन्! मैं और अधिक दूँगा, कुछ समय की प्रतीक्षा कीजिए; अभी-अभी तो मैंने अपनी पत्नी और पुत्र, इस बालक तक को, बेच दिया है।

श्लोक 54 (devibhagavatam.7.22.54)

विश्वामित्र उवाच । चतुर्भागः स्थितो योऽयं दिवसस्य नराधिप । एष एव प्रतीक्ष्यो मे वक्तव्यं नोत्तरं त्वया

viśvāmitra uvāca caturbhāgaḥ sthito yo'yaṁ divasasya narādhipa eṣa eva pratīkṣyo me vaktavyaṁ nottaraṁ tvayā

विश्वामित्र ने कहा — हे राजन्! जो दिन का चौथाई भाग अभी शेष रह गया है, उतनी ही मुझे प्रतीक्षा करनी है; इसके बाद तुम्हें कोई और उत्तर नहीं देना है।