चाण्डाल की आज्ञा से हरिश्चन्द्र का खड्ग-ग्रहण

श्लोक 1 (devibhagavatam.7.25.1)

सूत उवाच । एकदा तु गतो रन्तुं बालकैः सहितो बहिः । वाराणस्या नातिदूरे रोहिताख्यः कुमारकः

sūta uvāca ekadā tu gato rantuṁ bālakaiḥ sahito bahiḥ vārāṇasyā nātidūre rohitākhyaḥ kumārakaḥ

सूत जी ने कहा — एक बार रोहित नामक वह कुमार अन्य बालकों के साथ खेलने के लिए वाराणसी से न बहुत दूर बाहर निकला।

श्लोक 2 (devibhagavatam.7.25.2)

क्रीडां कृत्वा ततो दर्भान् ग्रहीतुमुपचक्रमे । कोमलानल्पमूलांश्च साग्राञ्छक्त्यनुसारतः

krīḍāṁ kṛtvā tato darbhān grahītumupacakrame komalānalpamūlāṁśca sāgrāñchaktyanusārataḥ

खेल खेलने के बाद वह अपनी शक्ति के अनुसार कोमल, मोटी जड़ों वाली और अग्रभाग सहित दर्भ (कुश) घास इकट्ठा करने लगा।

श्लोक 3 (devibhagavatam.7.25.3)

आर्यप्रीत्यर्थमित्युक्त्वा हस्तयुग्मेन यत्नतः । सलक्षणाश्च समिधो बर्हिरिध्मं सलक्षणम्

āryaprītyarthamityuktvā hastayugmena yatnataḥ salakṣaṇāśca samidho barhiridhmaṁ salakṣaṇam

'यह आर्य (अपने पिता) की प्रसन्नता के लिए है' — यह कहते हुए, दोनों हाथों से यत्नपूर्वक, शुभ लक्षण वाली समिधाएँ, कुश और शुभ ईंधन भी इकट्ठा किया,

श्लोक 4 (devibhagavatam.7.25.4)

पलाशकाष्ठान्यादाय त्वग्निहोमार्थमादरात् । मस्तके भारकं कृत्वा खिद्यमानः पदे पदे

palāśakāṣṭhānyādāya tvagnihomārthamādarāt mastake bhārakaṁ kṛtvā khidyamānaḥ pade pade

और अग्निहोम के लिए पलाश की लकड़ियाँ भी आदरपूर्वक लीं; उन्हें सिर पर बोझ के रूप में रखकर, कदम-कदम पर थकते हुए,

श्लोक 5 (devibhagavatam.7.25.5)

उदकस्थानमासाद्य तदा बालस्तृषान्वितः । भुवि भारं विनिक्षिप्य जलस्थाने तदा शिशुः

udakasthānamāsādya tadā bālastṛṣānvitaḥ bhuvi bhāraṁ vinikṣipya jalasthāne tadā śiśuḥ

तब वह प्यासा बालक एक जल-स्थान पर पहुँचा, और अपना बोझ भूमि पर उतारकर, उस जलाशय के पास —

श्लोक 6 (devibhagavatam.7.25.6)

कामतः सलिलं पीत्वा विश्रम्य च मुहूर्तकम् । वल्मीकोपरि विन्यस्तभारो हर्तुं प्रचक्रमे

kāmataḥ salilaṁ pītvā viśramya ca muhūrtakam valmīkopari vinyastabhāro hartuṁ pracakrame

अपनी इच्छा से जल पीकर और थोड़ी देर विश्राम करके, उस शिशु ने अपना बोझ एक बाँबी के ऊपर रखकर उसे उठाने लगा।

श्लोक 7 (devibhagavatam.7.25.7)

विश्वामित्राज्ञया तावत्कृष्णसर्पो भयावहः । महाविषो महाघोरो वल्मीकान्निर्गतस्तदा

viśvāmitrājñayā tāvatkṛṣṇasarpo bhayāvahaḥ mahāviṣo mahāghoro valmīkānnirgatastadā

तभी विश्वामित्र की ही आज्ञा से, उस बाँबी से एक अत्यन्त भयावह, महाविषैला, महाभयानक काला सर्प निकल आया।

श्लोक 8 (devibhagavatam.7.25.8)

तेनासौ बालको दष्टस्तदैव च पपात ह । रोहिताख्यं मृतं दृष्ट्वा ययुर्बाला द्विजालयम्

tenāsau bālako daṣṭastadaiva ca papāta ha rohitākhyaṁ mṛtaṁ dṛṣṭvā yayurbālā dvijālayam

उसी क्षण वह बालक उसके द्वारा डस लिया गया, और वहीं गिर पड़ा; रोहित को मृत देखकर, उसके साथी बालक ब्राह्मण के घर की ओर दौड़े।

श्लोक 9 (devibhagavatam.7.25.9)

त्वरिता भयसंविग्नाः प्रोचुस्तन्मातुरग्रतः । हे विप्रदासि ते पुत्रः क्रीडां कर्तुं बहिर्गतः

tvaritā bhayasaṁvignāḥ procustanmāturagrataḥ he vipradāsi te putraḥ krīḍāṁ kartuṁ bahirgataḥ

भय से व्याकुल होकर, शीघ्रता से उन्होंने उसकी माता के सामने यह कहा — हे ब्राह्मण-दासी! तुम्हारा पुत्र खेलने के लिए बाहर गया था,

श्लोक 10 (devibhagavatam.7.25.10)

अस्माभिः सहितस्तत्र सर्पदष्टो मृतस्ततः । इति सा तद्वचः श्रुत्वा वज्रपातोपमं तदा

asmābhiḥ sahitastatra sarpadaṣṭo mṛtastataḥ iti sā tadvacaḥ śrutvā vajrapātopamaṁ tadā

वह हमारे साथ ही था, तभी वहाँ सर्प ने उसे डस लिया और वह मर गया। यह वचन सुनते ही, मानो वज्रपात हो गया हो,

श्लोक 11 (devibhagavatam.7.25.11)

पपात मूर्च्छिता भूमौ छिन्नेव कदली यथा । अथ तां ब्राह्मणो रुष्टः पानीयेनाभ्यषिञ्चत

papāta mūrcchitā bhūmau chinneva kadalī yathā atha tāṁ brāhmaṇo ruṣṭaḥ pānīyenābhyaṣiñcata

वह मूर्च्छित होकर भूमि पर गिर पड़ी, जैसे कोई कटा हुआ केले का वृक्ष गिरता है; तब क्रोधित उस ब्राह्मण ने उस पर जल छिड़का।

श्लोक 12 (devibhagavatam.7.25.12)

मुहूर्ताच्चेतनां प्राप्ता ब्राह्मणस्तामथाब्रवीत् । ब्राह्मण उवाच । अलक्ष्मीकारकं निन्द्यं जानती त्वं निशामुखे

muhūrtāccetanāṁ prāptā brāhmaṇastāmathābravīt brāhmaṇa uvāca alakṣmīkārakaṁ nindyaṁ jānatī tvaṁ niśāmukhe

एक मुहूर्त बाद चेतना पाने पर, उस ब्राह्मण ने उससे यह कहा। ब्राह्मण ने कहा — दुर्भाग्य लाने वाली, निन्दनीय यह बात, आधी रात के समय जानकर भी

श्लोक 13 (devibhagavatam.7.25.13)

रोदनं कुरुषे दुष्टे लज्जा ते हृदये न किम् । ब्राह्मणेनैवमुक्ता सा न किञ्चिद्वाक्यमब्रवीत्

rodanaṁ kuruṣe duṣṭe lajjā te hṛdaye na kim brāhmaṇenaivamuktā sā na kiñcidvākyamabravīt

हे दुष्ट! तू रो रही है — क्या तेरे हृदय में कोई लज्जा भी नहीं है? इस प्रकार ब्राह्मण द्वारा कहे जाने पर, उसने कुछ भी उत्तर नहीं दिया,

श्लोक 14 (devibhagavatam.7.25.14)

रुरोद करुणं दीना पुत्रशोकेन पीडिता । अश्रुपूर्णमुखी दीना धूसरा मुक्तमूर्धजा

ruroda karuṇaṁ dīnā putraśokena pīḍitā aśrupūrṇamukhī dīnā dhūsarā muktamūrdhajā

बल्कि पुत्र-शोक से पीड़ित, दीन होकर, अत्यन्त करुण स्वर में रोने लगी; आँसुओं से भरा मुख लिए, दीन, धूल-धूसरित और बिखरे केशों वाली।

श्लोक 15 (devibhagavatam.7.25.15)

अथ तां कुपितो विप्रो राजपत्नीमभाषत । धिक्त्वां दुष्टे क्रयं गृह्य मम कार्यं विलुम्पसि

atha tāṁ kupito vipro rājapatnīmabhāṣata dhiktvāṁ duṣṭe krayaṁ gṛhya mama kāryaṁ vilumpasi

तब क्रोधित ब्राह्मण ने उस राजपत्नी से कहा — तुझे धिक्कार है, दुष्ट! मूल्य लेकर तू मेरे कार्य में विघ्न डाल रही है।

श्लोक 16 (devibhagavatam.7.25.16)

अशक्ता चेत्कथं तर्हि गृहीतं मम तद्धनम् । एवं निर्भर्त्सिता तेन क्रूरवाक्यैः पुनः पुनः

aśaktā cetkathaṁ tarhi gṛhītaṁ mama taddhanam evaṁ nirbhartsitā tena krūravākyaiḥ punaḥ punaḥ

यदि तू इसमें असमर्थ है, तो फिर मेरा वह धन क्यों लिया था? इस प्रकार बार-बार कठोर वचनों से फटकारे जाने पर,

श्लोक 17 (devibhagavatam.7.25.17)

रुदिता कारणं प्राह विप्रं गद्गदया गिरा । स्वामिन् मम सुतो बालः सर्पदष्टो मृतो बहिः

ruditā kāraṇaṁ prāha vipraṁ gadgadayā girā svāmin mama suto bālaḥ sarpadaṣṭo mṛto bahiḥ

रोती हुई उसने रुँधे स्वर में ब्राह्मण को इसका कारण बताया — हे स्वामिन्! मेरा बालक पुत्र बाहर सर्प के डसने से मर गया है।

श्लोक 18 (devibhagavatam.7.25.18)

अनुज्ञां मे प्रयच्छस्व द्रष्टुं यास्यामि बालकम् । दुर्लभं दर्शनं तेन सञ्जातं मम सुव्रत

anujñāṁ me prayacchasva draṣṭuṁ yāsyāmi bālakam durlabhaṁ darśanaṁ tena sañjātaṁ mama suvrata

मुझे अनुमति दीजिए, मैं जाकर अपने बालक को देखना चाहती हूँ; हे सुव्रत! उसका दर्शन अब मेरे लिए दुर्लभ हो गया है।

श्लोक 19 (devibhagavatam.7.25.19)

इत्युक्त्वा करुणं बाला पुनरेव रुरोद ह । पुनस्तां कुपितो विप्रो राजपत्नीमभाषत

ityuktvā karuṇaṁ bālā punareva ruroda ha punastāṁ kupito vipro rājapatnīmabhāṣata

यह कहकर वह बालिका फिर से करुण स्वर में रोने लगी। फिर क्रोधित ब्राह्मण ने उस राजपत्नी से पुनः कहा —

श्लोक 20 (devibhagavatam.7.25.20)

ब्राह्मण उवाच । शठे दुष्टसमाचारे किं न जानासि पातकम् । यः स्वामिवेतनं गृह्य तस्य कार्यं विलुम्पति

brāhmaṇa uvāca śaṭhe duṣṭasamācāre kiṁ na jānāsi pātakam yaḥ svāmivetanaṁ gṛhya tasya kāryaṁ vilumpati

ब्राह्मण ने कहा — हे मूर्ख, दुष्ट आचरण वाली! क्या तू यह पाप नहीं जानती — जो स्वामी का वेतन लेकर उसी के कार्य में विघ्न डालता है,

श्लोक 21 (devibhagavatam.7.25.21)

नरके पच्यते सोऽथ महारौरवपूर्वके । उषित्वा नरके कल्पं ततोऽसौ कुक्कुटो भवेत्

narake pacyate so'tha mahārauravapūrvake uṣitvā narake kalpaṁ tato'sau kukkuṭo bhavet

वह महारौरव आदि नरकों में पकाया जाता है, और नरक में एक कल्प बिताने के बाद वह मुर्गा बनता है।

श्लोक 22 (devibhagavatam.7.25.22)

किमनेनाथवा कार्यं धर्मसङ्कीर्तनेन मे । यस्तु पापरतो मूर्खः क्रूरो नीचोऽनृतः शठः

kimanenāthavā kāryaṁ dharmasaṅkīrtanena me yastu pāparato mūrkhaḥ krūro nīco'nṛtaḥ śaṭhaḥ

अथवा मुझे धर्म का यह उपदेश देने से क्या प्रयोजन है? जो कोई पाप में रत, मूर्ख, क्रूर, नीच, असत्यवादी, दुष्ट है,

श्लोक 23 (devibhagavatam.7.25.23)

तद्वाक्यं निष्फलं तस्मिन्भवेद् बीजमिवोषरे । एहि ते विद्यते किञ्चित्परलोकभयं यदि

tadvākyaṁ niṣphalaṁ tasminbhaved bījamivoṣare ehi te vidyate kiñcitparalokabhayaṁ yadi

उसके लिए यह वचन उतना ही निष्फल होता है, जितना बंजर भूमि में बोया गया बीज। चल, यदि तुझे परलोक का थोड़ा भी भय हो तो।

श्लोक 24 (devibhagavatam.7.25.24)

एवमुक्ताथ सा विप्रं वेपमानाब्रवीद्वचः । कारुण्यं कुरु मे नाथ प्रसीद सुमुखो भव

evamuktātha sā vipraṁ vepamānābravīdvacaḥ kāruṇyaṁ kuru me nātha prasīda sumukho bhava

इस प्रकार कहे जाने पर वह काँपती हुई ब्राह्मण से यह वचन बोली — हे नाथ! मुझ पर दया कीजिए, प्रसन्न हो जाइए, कृपालु बनिए,

श्लोक 25 (devibhagavatam.7.25.25)

प्रस्थापय मुहूर्तं मां यावद् द्रक्ष्यामि बालकम् । एवमुक्त्वाथ सा मूर्ध्ना निपत्य द्विजपादयोः

prasthāpaya muhūrtaṁ māṁ yāvad drakṣyāmi bālakam evamuktvātha sā mūrdhnā nipatya dvijapādayoḥ

मुझे एक मुहूर्त के लिए भेज दीजिए, जब तक मैं अपने बालक को देख न लूँ। यह कहकर, उस बालिका ने अपना सिर उस ब्राह्मण के चरणों पर रखकर,

श्लोक 26 (devibhagavatam.7.25.26)

रुरोद करुणं बाला पुत्रशोकेन पीडिता । अथाह कुपितो विप्रः क्रोधसंरक्तलोचनः

ruroda karuṇaṁ bālā putraśokena pīḍitā athāha kupito vipraḥ krodhasaṁraktalocanaḥ

पुत्र-शोक से पीड़ित होकर करुण स्वर में रोने लगी। तब क्रोध से आँखें लाल किए हुए उस ब्राह्मण ने कहा —

श्लोक 27 (devibhagavatam.7.25.27)

विप्र उवाच । किं ते पुत्रेण मे कार्यं गृहकर्म कुरुष्व मे । किं न जानासि मे क्रोधं कशाघातफलप्रदम्

vipra uvāca kiṁ te putreṇa me kāryaṁ gṛhakarma kuruṣva me kiṁ na jānāsi me krodhaṁ kaśāghātaphalapradam

ब्राह्मण ने कहा — तुझे अपने पुत्र से क्या काम है? जा और मेरा घर का काम कर; क्या तू नहीं जानती कि मेरा क्रोध कोड़ों की मार का फल देने वाला है?

श्लोक 28 (devibhagavatam.7.25.28)

एवमुक्ता स्थिता धैर्याद् गृहकर्म चकार ह । अर्धरात्रो गतस्तस्याः पादाभ्यङ्गादिकर्मणा

evamuktā sthitā dhairyād gṛhakarma cakāra ha ardharātro gatastasyāḥ pādābhyaṅgādikarmaṇā

इस प्रकार कहे जाने पर वह धैर्यपूर्वक वहीं रुक गई और घर का काम करने लगी; उसके पैर दबाने आदि के कार्यों में आधी रात बीत गई।

श्लोक 29 (devibhagavatam.7.25.29)

ब्राह्मणेनाथ सा प्रोक्ता पुत्रपार्श्वं व्रजाधुना । तस्य दाहादिकं कृत्वा पुनरागच्छ सत्वरम्

brāhmaṇenātha sā proktā putrapārśvaṁ vrajādhunā tasya dāhādikaṁ kṛtvā punarāgaccha satvaram

तब उस ब्राह्मण ने उससे कहा — अब अपने पुत्र के पास जाओ, उसका दाह-संस्कार आदि करके, शीघ्र ही फिर लौट आओ,

श्लोक 30 (devibhagavatam.7.25.30)

न लुप्येत यथा प्रातर्गृहकर्म ममेति च । ततस्त्वेकाकिनी रात्रौ विलपन्ती जगाम ह

na lupyeta yathā prātargṛhakarma mameti ca tatastvekākinī rātrau vilapantī jagāma ha

जिससे कि सुबह मेरा घर का काम छूट न जाए। तत्पश्चात् वह अकेली ही, रात में विलाप करती हुई, वहाँ चल पड़ी।

श्लोक 31 (devibhagavatam.7.25.31)

दृष्ट्वा मृतं निजं पुत्रं भृशं शोकेन पीडिता । यूथभ्रष्टा कुरङ्गीव विवत्सा सौरभी यथा

dṛṣṭvā mṛtaṁ nijaṁ putraṁ bhṛśaṁ śokena pīḍitā yūthabhraṣṭā kuraṅgīva vivatsā saurabhī yathā

अपने मृत पुत्र को देखकर अत्यन्त शोक से पीड़ित, जैसे झुंड से बिछड़ी हरिणी हो, या जैसे अपने बछड़े से बिछड़ी गाय हो —

श्लोक 32 (devibhagavatam.7.25.32)

वाराणस्या बहिर्गत्वा क्षणाद् दृष्ट्वा निजं सुतम् । शयानं रङ्कवद्भूमौ काष्ठदर्भतृणोपरि

vārāṇasyā bahirgatvā kṣaṇād dṛṣṭvā nijaṁ sutam śayānaṁ raṅkavadbhūmau kāṣṭhadarbhatṛṇopari

वाराणसी के बाहर जाकर, एक क्षण में ही अपने पुत्र को, काठ, कुश और घास के ऊपर एक कंगाल की भाँति भूमि पर पड़ा हुआ देखकर,

श्लोक 33 (devibhagavatam.7.25.33)

विललापातिदुःखार्ता शब्दं कृत्वा सुनिष्ठुरम् । एहि मे सम्मुखं कस्माद्रोषितोऽसि वदाधुना

vilalāpātiduḥkhārtā śabdaṁ kṛtvā suniṣṭhuram ehi me sammukhaṁ kasmādroṣito'si vadādhunā

वह अत्यन्त दुःख से पीड़ित होकर अत्यन्त कठोर स्वर में विलाप करने लगी — मेरे सम्मुख आओ, तुम क्यों रुष्ट हो, अभी बताओ।

श्लोक 34 (devibhagavatam.7.25.34)

आयास्यभिमुखो नित्यमम्बेत्युक्त्वा पुनः पुनः । गत्वा स्खलत्पदा तस्य पपातोपरि मूर्छिता

āyāsyabhimukho nityamambetyuktvā punaḥ punaḥ gatvā skhalatpadā tasya papātopari mūrchitā

'माँ, माँ' कहते हुए तुम सदा मेरी ओर दौड़े आते थे; इस प्रकार बार-बार कहते हुए, वह लड़खड़ाते कदमों से उसके ऊपर जाकर मूर्च्छित होकर गिर पड़ी।

श्लोक 35 (devibhagavatam.7.25.35)

पुनः सा चेतनां प्राप्य दोर्भ्यामालिङ्ग्य बालकम् । तन्मुखे वदनं न्यस्य रुरोदार्तस्वनैस्तदा

punaḥ sā cetanāṁ prāpya dorbhyāmāliṅgya bālakam tanmukhe vadanaṁ nyasya rurodārtasvanaistadā

फिर चेतना पाकर, अपनी दोनों भुजाओं से उस बालक को आलिंगन कर, अपना मुख उसके मुख पर रखकर, वह अत्यन्त पीड़ा भरे स्वरों में रोने लगी।

श्लोक 36 (devibhagavatam.7.25.36)

कराभ्यां ताडनं चक्रे मस्तकस्योदरस्य च । हा बाल हा शिशो वत्स हा कुमारक सुन्दर

karābhyāṁ tāḍanaṁ cakre mastakasyodarasya ca hā bāla hā śiśo vatsa hā kumāraka sundara

अपने हाथों से वह उसके सिर और पेट पर आघात करने लगी — हाय बालक! हाय शिशु! हे वत्स! हाय मेरे सुन्दर कुमार!

श्लोक 37 (devibhagavatam.7.25.37)

हा राजन् क्व गतोऽसि त्वं पश्येमं बालकं निजम् । प्राणेभ्योऽपि गरीयांसं भूतले पतितं मृतम्

hā rājan kva gato'si tvaṁ paśyemaṁ bālakaṁ nijam prāṇebhyo'pi garīyāṁsaṁ bhūtale patitaṁ mṛtam

हाय राजन्! तुम कहाँ चले गए हो? देखो, इस अपने ही बालक को, जो अपने प्राणों से भी अधिक प्रिय है, इस भूतल पर मृत पड़ा हुआ।

श्लोक 38 (devibhagavatam.7.25.38)

तथापश्यन्मुखं तस्य भूयो जीवितशङ्कया । निर्जीववदनं ज्ञात्वा मूर्छिता निपपात ह

tathāpaśyanmukhaṁ tasya bhūyo jīvitaśaṅkayā nirjīvavadanaṁ jñātvā mūrchitā nipapāta ha

फिर भी वह उसका मुख देखती रही, यह सोचकर कि शायद वह जीवित हो; उसके मुख को निष्प्राण जानकर, वह मूर्च्छित होकर गिर पड़ी।

श्लोक 39 (devibhagavatam.7.25.39)

हस्तेन वदनं गृह्य पुनरेवमभाषत । शयनं त्यज हे बाल शीघ्रं जागृहि भीषणम्

hastena vadanaṁ gṛhya punarevamabhāṣata śayanaṁ tyaja he bāla śīghraṁ jāgṛhi bhīṣaṇam

उसका मुख हाथ में लेकर, वह फिर से इस प्रकार बोली — हे बालक! अपनी यह सुप्तावस्था त्याग दो, शीघ्र जाग जाओ, यह स्थान भयंकर है।

श्लोक 40 (devibhagavatam.7.25.40)

निशार्धं वर्धते चेदं शिवाशतनिनादितम् । भूतप्रेतपिशाचादिडाकिनीयूथनादितम्

niśārdhaṁ vardhate cedaṁ śivāśatanināditam bhūtapretapiśācādiḍākinīyūthanāditam

आधी रात अब आगे बढ़ रही है, सैकड़ों गीदड़ों की चीत्कारों से गूँजती हुई, भूत, प्रेत, पिशाच और डाकिनियों के झुंडों के शब्दों से भरी हुई।

श्लोक 41 (devibhagavatam.7.25.41)

मित्राणि ते गतान्यस्तात्त्वमेकस्तु कुतः स्थितः । सूत उवाच । एवमुक्त्वा पुनस्तन्वी करुणं प्ररुरोद ह

mitrāṇi te gatānyastāttvamekastu kutaḥ sthitaḥ sūta uvāca evamuktvā punastanvī karuṇaṁ praruroda ha

हे तात! तुम्हारे मित्र सब चले गए हैं, तुम अकेले यहाँ क्यों रुके हो? सूत जी ने कहा — ऐसा कहकर वह कृशकाया फिर से करुणापूर्वक रोने लगी।

श्लोक 42 (devibhagavatam.7.25.42)

हा शिशो बाल हा वत्स रोहिताख्य कुमारक । रे पुत्र प्रतिशब्दं मे कस्मात्त्वं न प्रयच्छसि

hā śiśo bāla hā vatsa rohitākhya kumāraka re putra pratiśabdaṁ me kasmāttvaṁ na prayacchasi

हाय शिशु! हाय बालक! हाय वत्स! हे रोहित कुमार! हे पुत्र! तुम मुझे उत्तर क्यों नहीं दे रहे हो?

श्लोक 43 (devibhagavatam.7.25.43)

तवाहं जननी वत्स किं न जानासि पश्य माम् । देशत्यागाद्राज्यनाशात्पुत्र भर्त्रा स्वविक्रयात्

tavāhaṁ jananī vatsa kiṁ na jānāsi paśya mām deśatyāgādrājyanāśātputra bhartrā svavikrayāt

हे वत्स! मैं तुम्हारी जननी हूँ, क्या तुम मुझे नहीं पहचानते? मुझे देखो — देश-त्याग से, राज्य-नाश से, हे पुत्र! अपने पति द्वारा अपने विक्रय से,

श्लोक 44 (devibhagavatam.7.25.44)

यद्दासीत्वाच्च जीवामि त्वां दृष्ट्वा पुत्र केवलम् । ते जन्मसमये विप्रैरादिष्टं यत्त्वनागतम्

yaddāsītvācca jīvāmi tvāṁ dṛṣṭvā putra kevalam te janmasamaye viprairādiṣṭaṁ yattvanāgatam

और दासीत्व से भी, केवल तुम्हें देखकर ही मैं जीवित हूँ, हे पुत्र! तुम्हारे जन्म के समय ब्राह्मणों ने जो भविष्यवाणी की थी, वह सब अब पूरी नहीं हुई —

श्लोक 45 (devibhagavatam.7.25.45)

दीर्घायुः पृथिवीराजः पुत्रपौत्रसमन्वितः । शौर्यदानरतिः सत्त्वो गुरुदेवद्विजार्चकः

dīrghāyuḥ pṛthivīrājaḥ putrapautrasamanvitaḥ śauryadānaratiḥ sattvo gurudevadvijārcakaḥ

कि तुम दीर्घायु होगे, पृथ्वी के राजा बनोगे, पुत्र-पौत्रों से सम्पन्न होगे, शौर्य और दान में रत, सत्त्वगुणी, गुरु, देव और ब्राह्मणों के पूजक होगे।

श्लोक 46 (devibhagavatam.7.25.46)

मातापित्रोस्तु प्रियकृत्सत्यवादी जितेन्द्रियः । इत्यादि सकलं जातमसत्यमधुना सुत

mātāpitrostu priyakṛtsatyavādī jitendriyaḥ ityādi sakalaṁ jātamasatyamadhunā suta

माता-पिता की प्रिय सेवा करने वाले, सत्यवादी, जितेन्द्रिय होगे — हे पुत्र! यह सब अब असत्य ही सिद्ध हुआ।

श्लोक 47 (devibhagavatam.7.25.47)

चक्रमत्स्यावातपत्रश्रीवत्सस्वस्तिकध्वजाः । तव पाणितले पुत्र कलशश्चामरं तथा

cakramatsyāvātapatraśrīvatsasvastikadhvajāḥ tava pāṇitale putra kalaśaścāmaraṁ tathā

चक्र, मत्स्य, छत्र, श्रीवत्स और स्वस्तिक के चिह्न, हे पुत्र! तुम्हारी हथेली में थे, और कलश तथा चँवर के चिह्न भी थे,

श्लोक 48 (devibhagavatam.7.25.48)

लक्षणानि तथान्यानि त्वद्धस्ते यानि सन्ति च । तानि सर्वाणि मोघानि सञ्जातान्यधुना सुत

lakṣaṇāni tathānyāni tvaddhaste yāni santi ca tāni sarvāṇi moghāni sañjātānyadhunā suta

तथा तुम्हारे हाथ में जो अन्य शुभ लक्षण थे — हे पुत्र! वे सब अब व्यर्थ सिद्ध हुए हैं।

श्लोक 49 (devibhagavatam.7.25.49)

हा राजन्पृथिवीनाथ क्व ते राज्यं क्व मन्त्रिणः । क्व ते सिंहासनं छत्रं क्व ते खड्गः क्व तद्धनम्

hā rājanpṛthivīnātha kva te rājyaṁ kva mantriṇaḥ kva te siṁhāsanaṁ chatraṁ kva te khaḍgaḥ kva taddhanam

हाय राजन्! हे पृथ्वीनाथ! कहाँ है अब तुम्हारा राज्य, कहाँ हैं तुम्हारे मन्त्री? कहाँ है तुम्हारा सिंहासन, तुम्हारा छत्र, कहाँ है तुम्हारी तलवार, कहाँ है वह सब धन?

श्लोक 50 (devibhagavatam.7.25.50)

क्व सायोध्या क्व हर्म्याणि क्व गजाश्वरथप्रजाः । सर्वमेतत्तथा पुत्र मां त्यक्त्वा क्व गतोऽसि रे

kva sāyodhyā kva harmyāṇi kva gajāśvarathaprajāḥ sarvametattathā putra māṁ tyaktvā kva gato'si re

कहाँ है अयोध्या नगरी, कहाँ हैं वे भवन, कहाँ हैं हाथी, घोड़े, रथ और प्रजाएँ? यह सब कुछ, हे पुत्र! मुझे त्यागकर तुम कहाँ चले गए हो?

श्लोक 51 (devibhagavatam.7.25.51)

हा कान्त हा नृपागच्छ पश्येमं स्वसुतं प्रियम् । येन ते रिङ्गता वक्षः कुङ्कुमेनावलेपितम्

hā kānta hā nṛpāgaccha paśyemaṁ svasutaṁ priyam yena te riṅgatā vakṣaḥ kuṅkumenāvalepitam

हाय प्रिय! हाय राजन्! आओ, देखो अपने इस प्रिय पुत्र को, जिसकी छाती को तुम कुमकुम से रँगते हुए, रेंगते हुए, स्पर्श करते थे।

श्लोक 52 (devibhagavatam.7.25.52)

स्वशरीररजःपङ्कैर्विशालं मलिनीकृतम् । येन ते बालभावेन मृगनाभिविलेपितः

svaśarīrarajaḥpaṅkairviśālaṁ malinīkṛtam yena te bālabhāvena mṛganābhivilepitaḥ

तुम्हारे अपने ही शरीर की धूल-मिट्टी से जिसका विशाल शरीर मलिन हो जाता था, जिसे बचपन में तुम कस्तूरी से लेप किया करते थे,

श्लोक 53 (devibhagavatam.7.25.53)

भ्रंशितो भालतिलकस्तवाङ्कस्थेन भूपते । यस्य वक्त्रं मृदा लिप्तं स्नेहाद्वै चुम्बितं मया

bhraṁśito bhālatilakastavāṅkasthena bhūpate yasya vaktraṁ mṛdā liptaṁ snehādvai cumbitaṁ mayā

हे भूपते! जो तुम्हारी गोद में बैठा, जिसका ललाट-तिलक मिट जाया करता था, जिसका मुँह मिट्टी से सना हुआ, मैंने स्नेह से चूमा था —

श्लोक 54 (devibhagavatam.7.25.54)

तन्मुखं मक्षिकालिङ्ग्यं पश्ये कीटैर्विदूषितम् । हा राजन् पश्य तं पुत्रं भुविस्थं रङ्कवन्मृतम्

tanmukhaṁ makṣikāliṅgyaṁ paśye kīṭairvidūṣitam hā rājan paśya taṁ putraṁ bhuvisthaṁ raṅkavanmṛtam

वही मुख आज मक्खियों से घिरा, कीड़ों से दूषित हुआ मैं देख रही हूँ। हाय राजन्! देखो अपने इस पुत्र को, एक कंगाल की भाँति भूमि पर मृत पड़ा हुआ।

श्लोक 55 (devibhagavatam.7.25.55)

हा देव किं मया कृत्यं कृतं पूर्वभवान्तरे । तस्य कर्मफलस्येह न पारमुपलक्षये

hā deva kiṁ mayā kṛtyaṁ kṛtaṁ pūrvabhavāntare tasya karmaphalasyeha na pāramupalakṣaye

हाय देव! मैंने पूर्वजन्म में ऐसा कौन-सा कर्म किया था? इस कर्म के फल का अन्त अब मुझे कहीं दिखाई नहीं देता।

श्लोक 56 (devibhagavatam.7.25.56)

हा पुत्र हा शिशो वत्स का कुमारक सुन्दर । एवं तस्या विलापं ते श्रुत्वा नगरपालकाः

hā putra hā śiśo vatsa kā kumāraka sundara evaṁ tasyā vilāpaṁ te śrutvā nagarapālakāḥ

हाय पुत्र! हाय शिशु! हे वत्स! हे सुन्दर कुमार! इस प्रकार उसके इस विलाप को सुनकर, नगर के प्रहरी —

श्लोक 57 (devibhagavatam.7.25.57)

जागृतास्त्वरितास्तस्याः पार्श्वमीयुः सुविस्मिताः । जना ऊचुः । का त्वं बालस्य कस्यायं पतिस्ते कुत्र तिष्ठति

jāgṛtāstvaritāstasyāḥ pārśvamīyuḥ suvismitāḥ janā ūcuḥ kā tvaṁ bālasya kasyāyaṁ patiste kutra tiṣṭhati

जागते हुए, चकित होकर, शीघ्रता से उसके पास पहुँचे। लोगों ने कहा — तुम कौन हो, यह किसका बालक है, तुम्हारा पति कहाँ है?

श्लोक 58 (devibhagavatam.7.25.58)

एकैव निर्भया रात्रौ कस्मात्त्वमिह रोदिषि । एवमुक्ताथ सा तन्वी न किञ्चिद्वाक्यमब्रवीत्

ekaiva nirbhayā rātrau kasmāttvamiha rodiṣi evamuktātha sā tanvī na kiñcidvākyamabravīt

रात में अकेली, निर्भय, तुम यहाँ क्यों रो रही हो? यह कहे जाने पर वह कृशकाया कुछ भी नहीं बोली।

श्लोक 59 (devibhagavatam.7.25.59)

भूयोऽपि पृष्टा सा तूष्णीं स्तब्धीभूता बभूव ह । विललापातिदुःखार्ता शोकाश्रुप्लुतलोचना

bhūyo'pi pṛṣṭā sā tūṣṇīṁ stabdhībhūtā babhūva ha vilalāpātiduḥkhārtā śokāśruplutalocanā

फिर से पूछे जाने पर भी वह चुप ही रही, मानो स्तब्ध हो गई हो; वह अत्यन्त दुःख से पीड़ित होकर विलाप करती रही, उसकी आँखें शोक के आँसुओं से भीगी हुई थीं।

श्लोक 60 (devibhagavatam.7.25.60)

अथ ते शङ्कितास्तस्यां रोमाञ्चिततनूरुहाः । सन्त्रस्ताः प्राहुरन्योन्यमुद्धृतायुधपाणयः

atha te śaṅkitāstasyāṁ romāñcitatanūruhāḥ santrastāḥ prāhuranyonyamuddhṛtāyudhapāṇayaḥ

तब उसे देखकर वे संशयग्रस्त हो गए, उनके शरीर के रोंगटे खड़े हो गए; भयभीत होकर, हथियार उठाए हुए वे आपस में कहने लगे —

श्लोक 61 (devibhagavatam.7.25.61)

नूनं स्त्री न भवत्येषा यतः किञ्चिन्न भाषते । तस्माद्वध्या भवेदेषा यत्नतो बालघातिनी

nūnaṁ strī na bhavatyeṣā yataḥ kiñcinna bhāṣate tasmādvadhyā bhavedeṣā yatnato bālaghātinī

निश्चय ही यह कोई स्त्री नहीं है, क्योंकि यह कुछ भी नहीं बोलती; इसलिए बालकों को मारने वाली इस डायन को यत्नपूर्वक मार डालना चाहिए।

श्लोक 62 (devibhagavatam.7.25.62)

शुभा चेत्तर्हि किं ह्यत्र निशार्धे तिष्ठते बहिः । भक्षार्थमनया नूनमानीतः कस्यचिच्छिशुः

śubhā cettarhi kiṁ hyatra niśārdhe tiṣṭhate bahiḥ bhakṣārthamanayā nūnamānītaḥ kasyacicchiśuḥ

यदि यह शुभ (सामान्य) है, तो यह आधी रात में यहाँ बाहर क्यों खड़ी है? निश्चय ही यह किसी का बालक भक्षण के लिए यहाँ लाई है।

श्लोक 63 (devibhagavatam.7.25.63)

इत्युक्त्वा तैर्गृहिता सा गाढं केशेषु सत्वरम् । भुजयोरपरैश्चैव कैश्चापि गलके तथा

ityuktvā tairgṛhitā sā gāḍhaṁ keśeṣu satvaram bhujayoraparaiścaiva kaiścāpi galake tathā

यह कहकर उन्होंने उसे तुरन्त कसकर पकड़ लिया, किन्हीं ने उसके केश पकड़े, किन्हीं ने उसकी दोनों भुजाएँ, और कुछ ने उसका गला भी।

श्लोक 64 (devibhagavatam.7.25.64)

खेचरी यास्यतीत्युक्तं बहुभिः शस्त्रपाणिभिः । आकृष्य पक्कणे नीता चाण्डालाय समर्पिता

khecarī yāsyatītyuktaṁ bahubhiḥ śastrapāṇibhiḥ ākṛṣya pakkaṇe nītā cāṇḍālāya samarpitā

बहुत-से हथियारबन्द लोगों ने कहा कि 'यह अभी आकाश में उड़ जाएगी'; इस प्रकार उसे घसीटकर बस्ती में ले जाया गया और चाण्डाल को सौंप दिया गया।

श्लोक 65 (devibhagavatam.7.25.65)

हे चाण्डाल बहिर्दृष्टा ह्यस्माभिर्बालघातिनी । वध्यतां वध्यतामेष शीघ्रं नीत्वा बहिःस्थले

he cāṇḍāla bahirdṛṣṭā hyasmābhirbālaghātinī vadhyatāṁ vadhyatāmeṣa śīghraṁ nītvā bahiḥsthale

हे चाण्डाल! यह हमने बाहर देखी, यह बालक-घातिनी है — इसे मार डालो, इसे मार डालो, शीघ्र इसे बाहर के स्थान पर ले जाओ।

श्लोक 66 (devibhagavatam.7.25.66)

चाण्डालः प्राह तां दृष्ट्वा ज्ञातेयं लोकविश्रुता । न दृष्टपूर्वा केनापि लोकडिम्भान्यनेकधा

cāṇḍālaḥ prāha tāṁ dṛṣṭvā jñāteyaṁ lokaviśrutā na dṛṣṭapūrvā kenāpi lokaḍimbhānyanekadhā

चाण्डाल ने उसे देखकर कहा — यह तो जानी-पहचानी और लोक-विख्यात है; इसने अनगिनत लोगों के बालकों को खा डाला है, ऐसा किसी ने पहले कभी नहीं देखा।

श्लोक 67 (devibhagavatam.7.25.67)

भक्षितान्यनया भूरि भवद्भिः पुण्यमार्जितम् । ख्यातिर्वः शाश्वती लोके गच्छध्वं च यथासुखम्

bhakṣitānyanayā bhūri bhavadbhiḥ puṇyamārjitam khyātirvaḥ śāśvatī loke gacchadhvaṁ ca yathāsukham

तुमने इसे पकड़कर बड़ा पुण्य अर्जित किया है; आपकी यह कीर्ति संसार में सदा बनी रहेगी, अब सुखपूर्वक जाओ।

श्लोक 68 (devibhagavatam.7.25.68)

द्विजस्त्रीबालगोघाती स्वर्णस्तेयी च यो नरः । अग्निदो वर्त्मघाती च मद्यपो गुरुतल्पगः

dvijastrībālagoghātī svarṇasteyī ca yo naraḥ agnido vartmaghātī ca madyapo gurutalpagaḥ

जो पुरुष ब्राह्मण, स्त्री, बालक या गाय की हत्या करता है, जो सोना चुराता है, जो अग्नि लगाता है, जो मार्ग में लूटता है, जो मद्यपान करता है, जो गुरु की पत्नी से समागम करता है,

श्लोक 69 (devibhagavatam.7.25.69)

महाजनविरोधी च तस्य पुण्यप्रदो वधः । द्विजस्यापि स्त्रियो वापि न दोषो विद्यते वधे

mahājanavirodhī ca tasya puṇyaprado vadhaḥ dvijasyāpi striyo vāpi na doṣo vidyate vadhe

और जो समाज का विरोध करता है — उसका वध पुण्यदायी होता है; चाहे वह ब्राह्मण हो या स्त्री, ऐसे किसी के वध में कोई दोष नहीं होता।

श्लोक 70 (devibhagavatam.7.25.70)

अस्या वधश्च मे योग्य इत्युक्त्वा गाडबन्धनैः । बद्ध्वा केशेष्वथाकृष्य रज्जुभिस्तामताडयत्

asyā vadhaśca me yogya ityuktvā gāḍabandhanaiḥ baddhvā keśeṣvathākṛṣya rajjubhistāmatāḍayat

इसका वध ही मेरे लिए उचित है — यह कहकर, उसे केशों से पकड़कर, दृढ़ बन्धनों में बाँधकर, रस्सियों से घसीटकर, उसने उसे पीटा।

श्लोक 71 (devibhagavatam.7.25.71)

हरिश्चन्द्रमथोवाच वाचा परुषया तदा । रे दास वध्यतामेषा दुष्टात्मा मा विचारय

hariścandramathovāca vācā paruṣayā tadā re dāsa vadhyatāmeṣā duṣṭātmā mā vicāraya

तब उसने हरिश्चन्द्र से कठोर वाणी में यह कहा — रे दास! इस दुष्टात्मा का वध कर दो, कुछ विचार मत करो।

श्लोक 72 (devibhagavatam.7.25.72)

तद्वाक्यं भूपतिः श्रुत्वा वज्रपातोपमं तदा । वेपमानोऽथ चाण्डालं प्राह स्त्रीवधशङ्कितः

tadvākyaṁ bhūpatiḥ śrutvā vajrapātopamaṁ tadā vepamāno'tha cāṇḍālaṁ prāha strīvadhaśaṅkitaḥ

भूपति ने उसका यह वचन सुनकर, मानो वज्रपात हुआ हो, काँपने लगा; और स्त्री के वध की आशंका से भयभीत होकर उसने चाण्डाल से कहा —

श्लोक 73 (devibhagavatam.7.25.73)

न शक्तोऽहमिदं कर्तुं प्रेष्यं देहि ममापरम् । असाध्यमपि यत्कर्म तत्करिष्ये त्वयोदितम्

na śakto'hamidaṁ kartuṁ preṣyaṁ dehi mamāparam asādhyamapi yatkarma tatkariṣye tvayoditam

मैं यह कर पाने में समर्थ नहीं हूँ, मुझे कोई और सेवा-कार्य दे दो; जो भी कार्य असाध्य हो, तुम्हारे कहने पर मैं उसे भी कर दूँगा।

श्लोक 74 (devibhagavatam.7.25.74)

श्रुत्वा तदुक्तं वचनं श्वपचो वाक्यमब्रवीत् । मा भैषीस्त्वं गृहाणासिं वधोऽस्याः पुण्यदो मतः

śrutvā taduktaṁ vacanaṁ śvapaco vākyamabravīt mā bhaiṣīstvaṁ gṛhāṇāsiṁ vadho'syāḥ puṇyado mataḥ

उसका यह वचन सुनकर, उस चाण्डाल ने यह कहा — डरो मत, तलवार ग्रहण करो; इसका वध पुण्यकारी माना गया है।

श्लोक 75 (devibhagavatam.7.25.75)

बालानामेव भयदा नेयं रक्ष्या कदाचन । तच्छ्रुत्वा वचनं तस्य राजा वचनमब्रवीत्

bālānāmeva bhayadā neyaṁ rakṣyā kadācana tacchrutvā vacanaṁ tasya rājā vacanamabravīt

यह बालकों के लिए ही भय उत्पन्न करने वाली है, इसे कभी भी संरक्षण नहीं देना चाहिए। यह वचन सुनकर, राजा ने यह उत्तर दिया —

श्लोक 76 (devibhagavatam.7.25.76)

स्त्रियो रक्ष्याः प्रयत्नेन न हन्तव्याः कदाचन । स्त्रीवधे कीर्तितः पापं मुनिभिर्धर्मतत्परैः

striyo rakṣyāḥ prayatnena na hantavyāḥ kadācana strīvadhe kīrtitaḥ pāpaṁ munibhirdharmatatparaiḥ

स्त्रियों की तो सदा यत्नपूर्वक रक्षा की जानी चाहिए, उनका वध कभी नहीं करना चाहिए; स्त्री-वध को धर्मपरायण मुनियों ने पाप कहा है।

श्लोक 77 (devibhagavatam.7.25.77)

पुरुषो यः स्त्रियं हन्याज्ज्ञानतोऽज्ञानतोऽपि वा । नरके पच्यते सोऽथ महारौरवपूर्वके

puruṣo yaḥ striyaṁ hanyājjñānato'jñānato'pi vā narake pacyate so'tha mahārauravapūrvake

जो पुरुष जानते हुए या अनजाने में भी किसी स्त्री का वध करता है, वह महारौरव आदि नरकों में पकाया जाता है।

श्लोक 78 (devibhagavatam.7.25.78)

चाण्डाल उवाच । मा वदासिं गृहाणैनं तीक्ष्णं विद्युत्समप्रभम् । यत्रैकस्मिन्वधं नीते बहूनां तु सुखं भवेत्

cāṇḍāla uvāca mā vadāsiṁ gṛhāṇainaṁ tīkṣṇaṁ vidyutsamaprabham yatraikasminvadhaṁ nīte bahūnāṁ tu sukhaṁ bhavet

चाण्डाल ने कहा — बोलो मत, तलवार ग्रहण करो, इसे बिजली के समान तीक्ष्ण बनाओ; जहाँ एक के वध से बहुतों का सुख होता है,

श्लोक 79 (devibhagavatam.7.25.79)

तस्य हिंसा कृतं नूनं बहुपुण्यप्रदा भवेत् । भक्षितान्यनया भूरि लोके डिम्भानि दुष्टया

tasya hiṁsā kṛtaṁ nūnaṁ bahupuṇyapradā bhavet bhakṣitānyanayā bhūri loke ḍimbhāni duṣṭayā

वहाँ उसकी हिंसा निश्चय ही अत्यन्त पुण्यदायी होती है; इस दुष्ट स्त्री ने संसार में अनगिनत बालकों को खा डाला है।

श्लोक 80 (devibhagavatam.7.25.80)

तत्क्षिप्रं वध्यतामेषा लोकः स्वस्थो भविष्यति । राजोवाच । चाण्डालाधिपते तीव्रं व्रतं स्त्रीवधवर्जनम्

tatkṣipraṁ vadhyatāmeṣā lokaḥ svastho bhaviṣyati rājovāca cāṇḍālādhipate tīvraṁ vrataṁ strīvadhavarjanam

इसलिए इसे शीघ्र मार डालो, तब संसार को शान्ति मिलेगी। राजा ने कहा — हे चाण्डाल-प्रमुख! स्त्री-वध का त्याग मेरा अत्यन्त कठोर व्रत है,

श्लोक 81 (devibhagavatam.7.25.81)

आजन्मतस्ततो यत्नं न कुर्यां स्त्रीवधे तव । चाण्डाल उवाच । स्वामिकार्यं विना दुष्ट किं कार्यं विद्यतेऽपरम्

ājanmatastato yatnaṁ na kuryāṁ strīvadhe tava cāṇḍāla uvāca svāmikāryaṁ vinā duṣṭa kiṁ kāryaṁ vidyate'param

जन्म से लेकर आज तक मैंने कोई भी ऐसा प्रयत्न नहीं किया कि तुम्हारे कहने पर मैं किसी स्त्री का वध करूँ। चाण्डाल ने कहा — हे दुष्ट! स्वामी के कार्य के अतिरिक्त और कौन-सा कार्य तुम्हारे लिए है?

श्लोक 82 (devibhagavatam.7.25.82)

गृहीत्वा वेतनं मेऽद्य कस्मात्कार्यं विलुम्पसि । यः स्वामिवेतनं गृह्य स्वामिकार्यं विलुम्पति

gṛhītvā vetanaṁ me'dya kasmātkāryaṁ vilumpasi yaḥ svāmivetanaṁ gṛhya svāmikāryaṁ vilumpati

आज मेरा वेतन ग्रहण करके तुम मेरे कार्य में विघ्न क्यों डाल रहे हो? जो स्वामी का वेतन लेकर उसी के कार्य में बाधा डालता है,

श्लोक 83 (devibhagavatam.7.25.83)

नरकान्निष्कृतिस्तस्य नास्ति कल्पायुतैरपि । राजोवाच । चाण्डालनाथ मे देहि प्राप्यमन्यत्सुदारुणम्

narakānniṣkṛtistasya nāsti kalpāyutairapi rājovāca cāṇḍālanātha me dehi prāpyamanyatsudāruṇam

दस हजार कल्पों से भी उसका नरक से छुटकारा नहीं होता। राजा ने कहा — हे चाण्डाल-नाथ! मुझे और कोई भी अत्यन्त कठिन कार्य दे दो,

श्लोक 84 (devibhagavatam.7.25.84)

स्वशत्रुं ब्रूहि तं क्षिप्रं घातयिष्याम्यसंशयम् । घातयित्वा तु तं शत्रुं तव दास्यामि मेदिनीम्

svaśatruṁ brūhi taṁ kṣipraṁ ghātayiṣyāmyasaṁśayam ghātayitvā tu taṁ śatruṁ tava dāsyāmi medinīm

अपने किसी शत्रु के बारे में मुझे बताओ, मैं उसे निश्चय ही शीघ्र मार डालूँगा; उस शत्रु का वध करके ही मैं तुम्हें यह सारी पृथ्वी दे दूँगा।

श्लोक 85 (devibhagavatam.7.25.85)

देव देवोरगैः सिद्धैर्गन्धर्वैरपि संयुतम् । देवेन्द्रमपि जेष्यामि निहत्य निशितैः शरैः

deva devoragaiḥ siddhairgandharvairapi saṁyutam devendramapi jeṣyāmi nihatya niśitaiḥ śaraiḥ

देवताओं, देवताओं के समान, सर्पों, सिद्धों और गन्धर्वों से युक्त सेना वाले, देवराज इन्द्र को भी मैं तीक्ष्ण बाणों से मारकर जीत लूँगा।

श्लोक 86 (devibhagavatam.7.25.86)

एतच्छ्रुत्वा ततो वाक्यं हरिश्चन्द्रस्य भूपतेः । चाण्डालः कुपितः प्राह वेपमानं महीपतिम्

etacchrutvā tato vākyaṁ hariścandrasya bhūpateḥ cāṇḍālaḥ kupitaḥ prāha vepamānaṁ mahīpatim

राजा हरिश्चन्द्र का यह वचन सुनकर, क्रोधित चाण्डाल ने काँपते हुए उस भूपति से कहा —

श्लोक 87 (devibhagavatam.7.25.87)

चाण्डाल उवाच । (नैतद्वाक्यं सुघटितं यद्वाक्यं दासकीर्तितम्) चाण्डालदासतां कृत्वा सुराणां भाषसे वचः । दास किं बहुना नूनं शृणु मे गदतो वचः

cāṇḍāla uvāca (naitadvākyaṁ sughaṭitaṁ yadvākyaṁ dāsakīrtitam) cāṇḍāladāsatāṁ kṛtvā surāṇāṁ bhāṣase vacaḥ dāsa kiṁ bahunā nūnaṁ śṛṇu me gadato vacaḥ

चाण्डाल ने कहा — (यह वचन तुझ जैसे दास के मुँह से शोभा नहीं पाता) — चाण्डाल की दासता को प्राप्त होकर भी तू देवताओं जैसी बातें बोलता है! हे दास! अब बहुत हो चुका, मेरा कहा वचन सुन।

श्लोक 88 (devibhagavatam.7.25.88)

निर्लज्ज तव चेदस्ति किञ्चित्पापभयं हृदि । किमर्थं दासतां यातश्चाण्डालस्य तु वेश्मनि

nirlajja tava cedasti kiñcitpāpabhayaṁ hṛdi kimarthaṁ dāsatāṁ yātaścāṇḍālasya tu veśmani

हे निर्लज्ज! यदि तेरे हृदय में पाप का थोड़ा भी भय शेष है, तो फिर तू चाण्डाल के इस घर में दासता को क्यों प्राप्त हुआ है?

श्लोक 89 (devibhagavatam.7.25.89)

गृहाणैनं ततः खड्गमस्याश्छिन्धि शिरोऽम्बुजम् । एवमुक्त्वाथ चाण्डालो राज्ञे खड्गं न्यवेदयत्

gṛhāṇainaṁ tataḥ khaḍgamasyāśchindhi śiro'mbujam evamuktvātha cāṇḍālo rājñe khaḍgaṁ nyavedayat

यह तलवार ग्रहण कर और इसका कमल-सा सिर काट डाल। यह कहकर चाण्डाल ने राजा को वह तलवार सौंप दी।