राजा का अग्नि-प्रवेश हेतु उद्योग

श्लोक 1 (devibhagavatam.7.26.1)

सूत उवाच । ततोऽथ भूपतिः प्राह राज्ञीं स्थित्वा ह्यधोमुखः । अत्रोपविश्यतां बाले पापस्य पुरतो मम

sūta uvāca tato'tha bhūpatiḥ prāha rājñīṁ sthitvā hyadhomukhaḥ atropaviśyatāṁ bāle pāpasya purato mama

सूत जी ने कहा — तब वह राजा, सिर झुकाए हुए, उस रानी से बोला — हे बाला! मेरे इस पाप के सामने यहाँ बैठ जाओ।

श्लोक 2 (devibhagavatam.7.26.2)

शिरस्ते छेदयिष्यामि हन्तुं शक्नोति चेत्करः । एवमुक्त्वा समुद्यम्य खड्गं हन्तुं गतो नृपः

śiraste chedayiṣyāmi hantuṁ śaknoti cetkaraḥ evamuktvā samudyamya khaḍgaṁ hantuṁ gato nṛpaḥ

मैं तुम्हारा सिर काट दूँगा, यदि मेरा हाथ मारने में समर्थ हो सके। यह कहकर, तलवार उठाकर, राजा उसे मारने के लिए आगे बढ़ा।

श्लोक 3 (devibhagavatam.7.26.3)

न जानाति नृपः पत्नीं सा न जानाति भूपतिम् । अब्रवीद् भृशदुःखार्ता स्वमृत्युमभिकाङ्क्षति

na jānāti nṛpaḥ patnīṁ sā na jānāti bhūpatim abravīd bhṛśaduḥkhārtā svamṛtyumabhikāṅkṣati

राजा अपनी पत्नी को नहीं पहचानता, और वह भी अपने पति को नहीं पहचानती; अत्यन्त दुःख से पीड़ित होकर वह बोली, अपनी ही मृत्यु की कामना करते हुए —

श्लोक 4 (devibhagavatam.7.26.4)

स्त्र्युवाच । चाण्डाल शृणु मे वाक्यं किञ्चित्त्वं यदि मन्यसे । मृतस्तिष्ठति मे पुत्रो नातिदूरे बहिः पुरात्

stryuvāca cāṇḍāla śṛṇu me vākyaṁ kiñcittvaṁ yadi manyase mṛtastiṣṭhati me putro nātidūre bahiḥ purāt

स्त्री ने कहा — हे चाण्डाल! मेरी बात सुनो, यदि तुम कुछ भी मानते हो; मेरा पुत्र नगर से बाहर, अधिक दूर नहीं, मृत पड़ा है।

श्लोक 5 (devibhagavatam.7.26.5)

तं दहामि हतं यावदानयित्वा तवान्तिकम् । तावत्प्रतीक्ष्यतां पश्चादसिना घातयस्व माम्

taṁ dahāmi hataṁ yāvadānayitvā tavāntikam tāvatpratīkṣyatāṁ paścādasinā ghātayasva mām

जब तक मैं जाकर उसे यहाँ ले आकर, मरे हुए उसका दाह-संस्कार कर दूँ, तब तक प्रतीक्षा कीजिए — उसके बाद तलवार से मुझे मार डालना।

श्लोक 6 (devibhagavatam.7.26.6)

तेनाथ बाढमित्युक्त्वा प्रेषिता बालकं प्रति । सा जगामातिदुःखार्ता विपलन्ती सुदारुणम्

tenātha bāḍhamityuktvā preṣitā bālakaṁ prati sā jagāmātiduḥkhārtā vipalantī sudāruṇam

तब उसने 'ठीक है' कहकर उसे उस बालक की ओर भेज दिया; वह अत्यन्त दुःख से पीड़ित होकर, अत्यन्त भयानक ढंग से विलाप करती हुई वहाँ गई।

श्लोक 7 (devibhagavatam.7.26.7)

भार्या तस्य नरेन्द्रस्य सर्पदष्टं हि बालकम् । हा पुत्र हा वत्स शिशो इत्येवं वदती मुहुः

bhāryā tasya narendrasya sarpadaṣṭaṁ hi bālakam hā putra hā vatsa śiśo ityevaṁ vadatī muhuḥ

उस राजा की पत्नी सर्पदंश से मृत उस बालक के पास पहुँची — 'हाय पुत्र! हाय वत्स, शिशु!' — इस प्रकार वह बार-बार कहती रही।

श्लोक 8 (devibhagavatam.7.26.8)

कृशा विवर्णा मलिना पांसुध्वस्तशिरोरुहा । श्मशानभूमिमागत्य बालं स्थाप्याविशद्भुवि

kṛśā vivarṇā malinā pāṁsudhvastaśiroruhā śmaśānabhūmimāgatya bālaṁ sthāpyāviśadbhuvi

कृशकाया, विवर्ण, मलिन, धूल से बिखरे केश वाली वह श्मशान-भूमि में पहुँची, और अपने बालक के पास जाकर वहीं भूमि पर बैठ गई।

श्लोक 9 (devibhagavatam.7.26.9)

(राजन्नद्य स्वबालं तं पश्यसीह महीतले । रममाणं स्वसखिभिर्दष्टं दुष्टाहिना मृतम् ॥) तस्या विलापशब्दं तमाकर्ण्य स नराधिपः । शवसन्निधिमागत्य वस्त्रमस्याक्षिपत्तदा

(rājannadya svabālaṁ taṁ paśyasīha mahītale ramamāṇaṁ svasakhibhirdaṣṭaṁ duṣṭāhinā mṛtam ) tasyā vilāpaśabdaṁ tamākarṇya sa narādhipaḥ śavasannidhimāgatya vastramasyākṣipattadā

(हे राजन्! आज तुम अपने ही उस बालक को इस भूतल पर देख रहे हो, जो अपने साथियों के साथ खेलते हुए एक दुष्ट सर्प द्वारा डसकर मारा गया है।) उसके इस विलाप-शब्द को सुनकर, वह राजा भी शव के पास पहुँचा और उसका वस्त्र उठाकर हटाने लगा।

श्लोक 10 (devibhagavatam.7.26.10)

तां तथा रुदतीं भार्यां नाभिजानाति भूमिपः । चिरप्रवाससन्तप्तां पुनर्जातामिवाबलाम्

tāṁ tathā rudatīṁ bhāryāṁ nābhijānāti bhūmipaḥ cirapravāsasantaptāṁ punarjātāmivābalām

इस प्रकार रोती हुई अपनी पत्नी को भी वह राजा नहीं पहचान सका — उस दीर्घकालिक वियोग से सन्तप्त, मानो नये रूप में जन्मी हुई उस असहाय स्त्री को।

श्लोक 11 (devibhagavatam.7.26.11)

सापि तं चारुकेशान्तं पुरो दृष्ट्वा जटालकम् । नाभ्यजानान्नृपवरं शुष्कवृक्षत्वचोपमम्

sāpi taṁ cārukeśāntaṁ puro dṛṣṭvā jaṭālakam nābhyajānānnṛpavaraṁ śuṣkavṛkṣatvacopamam

वह भी उस सामने खड़े, जटा-जूट वाले, सूखे वृक्ष की छाल के समान उस श्रेष्ठ राजा को, उसके सुन्दर केशों वाले पूर्व रूप से न पहचान सकी।

श्लोक 12 (devibhagavatam.7.26.12)

भूमौ निपतितं बालं दृष्ट्वाशीविषपीडितम् । नरेन्द्रलक्षणोपेतमचिन्तयदसौ नृपः

bhūmau nipatitaṁ bālaṁ dṛṣṭvāśīviṣapīḍitam narendralakṣaṇopetamacintayadasau nṛpaḥ

भूमि पर पड़े, सर्प-विष से पीड़ित, राजोचित लक्षणों से युक्त उस बालक को देखकर, राजा ने विचार किया —

श्लोक 13 (devibhagavatam.7.26.13)

अस्य पूर्णेन्दुवद्वक्त्रं शुभमुन्नसमव्रणम् । दर्पणप्रतिमोत्तुङ्गकपोलयुगशोभितम्

asya pūrṇenduvadvaktraṁ śubhamunnasamavraṇam darpaṇapratimottuṅgakapolayugaśobhitam

इसका मुख पूर्णचन्द्र के समान है, शुभ, ऊँची नाक वाला, बिना किसी दोष के, दर्पण के समान चमकते ऊँचे कपोलों की जोड़ी से सुशोभित —

श्लोक 14 (devibhagavatam.7.26.14)

नीलान्केशान्कुञ्चिताग्रान् सान्द्रान्दीर्घांस्तरङ्गिणः । राजीवसदृशे नेत्रे ओष्ठौ बिम्बफलोपमौ

nīlānkeśānkuñcitāgrān sāndrāndīrghāṁstaraṅgiṇaḥ rājīvasadṛśe netre oṣṭhau bimbaphalopamau

घुँघराले सिरों वाले, घने, लम्बे, लहराते काले केश, कमल जैसे नेत्र, बिम्ब-फल के समान लाल होंठ —

श्लोक 15 (devibhagavatam.7.26.15)

विशालवक्षा दीर्घाक्षो दीर्घबाहून्नतांसकः । विशालपादो गम्भीरःसूक्ष्माङ्गुल्यवनीधरः

viśālavakṣā dīrghākṣo dīrghabāhūnnatāṁsakaḥ viśālapādo gambhīraḥsūkṣmāṅgulyavanīdharaḥ

विशाल वक्षस्थल, दीर्घ नेत्र, लम्बी भुजाएँ, ऊँचे कंधे, विशाल चरण, गहरी नाभि, सूक्ष्म अंगुलियाँ, धरती को धारण करने योग्य —

श्लोक 16 (devibhagavatam.7.26.16)

मृणालपादो गम्भीरनाभिरुद्धतकन्धरः । अहो कष्टं नरेन्द्रस्य कस्याप्येष कुले शिशुः

mṛṇālapādo gambhīranābhiruddhatakandharaḥ aho kaṣṭaṁ narendrasya kasyāpyeṣa kule śiśuḥ

कमल के डंठल जैसे कोमल पैर, गहरी नाभि, ऊँची उठी हुई गर्दन — हाय, कैसा कष्ट! यह किसी राजा के कुल का ही बालक होगा,

श्लोक 17 (devibhagavatam.7.26.17)

जातो नीतः कृतान्तेन कालपाशाद्दुरात्मना । सूत उवाच । एवं दृष्ट्वाथ तं बालं मातुरङ्के प्रसारितम्

jāto nītaḥ kṛtāntena kālapāśāddurātmanā sūta uvāca evaṁ dṛṣṭvātha taṁ bālaṁ māturaṅke prasāritam

जिसे उस दुरात्मा यमराज ने काल के फंदे से यहाँ ला डाला है। सूत जी ने कहा — इस प्रकार, अपनी माता की गोद में फैले हुए उस बालक को देखकर,

श्लोक 18 (devibhagavatam.7.26.18)

स्मृतिमभ्यागतो राजा हाहेत्यश्रूण्यपातयत् । सोऽप्युवाच च वत्सो मे दशामेतामुपागतः

smṛtimabhyāgato rājā hāhetyaśrūṇyapātayat so'pyuvāca ca vatso me daśāmetāmupāgataḥ

राजा को स्मृति आ गई, और वह 'हाय, हाय' कहकर आँसू बहाने लगा; उसने भी कहा — मेरा भी पुत्र इसी दशा को प्राप्त हो चुका है,

श्लोक 19 (devibhagavatam.7.26.19)

नीतो यदि च घोरेण कृतान्तेनात्मनो वशम् । विचारयित्वा राजासौ हरिश्चन्द्रस्तथा स्थितः

nīto yadi ca ghoreṇa kṛtāntenātmano vaśam vicārayitvā rājāsau hariścandrastathā sthitaḥ

यदि इस भयानक यमराज के द्वारा वह भी अपने वश में ले लिया गया हो — इस प्रकार विचार करता हुआ राजा हरिश्चन्द्र वहीं खड़ा रह गया।

श्लोक 20 (devibhagavatam.7.26.20)

ततो राज्ञी महादुःखावेशादिदमभाषत । राज्ञ्युवाच । हा वत्स कस्य पापस्य त्वपध्यानादिदं महत्

tato rājñī mahāduḥkhāveśādidamabhāṣata rājñyuvāca hā vatsa kasya pāpasya tvapadhyānādidaṁ mahat

तब वह रानी भी महान् दुःख से अभिभूत होकर यह बोली। रानी ने कहा — हाय वत्स! किस पापी की दृष्टि-दोष से यह इतना बड़ा

श्लोक 21 (devibhagavatam.7.26.21)

दुःखमापतितं घोरं तद्रूपं नोपलभ्यते । हा नाथ राजन् भवता मामपास्य सुदुःखिताम्

duḥkhamāpatitaṁ ghoraṁ tadrūpaṁ nopalabhyate hā nātha rājan bhavatā māmapāsya suduḥkhitām

भयानक दुःख आ पड़ा, इसका कोई रूप ही समझ में नहीं आता। हाय नाथ, हे राजन्! आपने मुझे इस प्रकार त्यागकर, मुझ अत्यन्त दुःखी को —

श्लोक 22 (devibhagavatam.7.26.22)

कस्मिन्संस्थीयते स्थाने विश्रब्धं केन हेतुना । राज्यनाशं सुहृत्त्यागो भार्यातनयविक्रयः

kasminsaṁsthīyate sthāne viśrabdhaṁ kena hetunā rājyanāśaṁ suhṛttyāgo bhāryātanayavikrayaḥ

किस स्थान में और किस निश्चय से रहने को छोड़ दिया है? राज्य का नाश, मित्रों का त्याग, पत्नी और पुत्र का विक्रय —

श्लोक 23 (devibhagavatam.7.26.23)

हरिश्चन्द्रस्य राजर्षेः किं विधातः कृतं त्वया । इति तस्या वचः श्रुत्वा राजा स्थानच्युतस्तदा

hariścandrasya rājarṣeḥ kiṁ vidhātaḥ kṛtaṁ tvayā iti tasyā vacaḥ śrutvā rājā sthānacyutastadā

हे विधाता! तुमने राजर्षि हरिश्चन्द्र के साथ यह क्या किया? यह उसका वचन सुनकर, वहीं स्थिर खड़ा राजा,

श्लोक 24 (devibhagavatam.7.26.24)

प्रत्यभिज्ञाय देवीं तां पुत्रं च निधनं गतम् । कष्टं ममैव पत्नीयं बालकश्चापि मे सुतः

pratyabhijñāya devīṁ tāṁ putraṁ ca nidhanaṁ gatam kaṣṭaṁ mamaiva patnīyaṁ bālakaścāpi me sutaḥ

उस देवी (रानी) और उसके मृत पुत्र को पहचान गया — हाय, यह तो मेरी ही पत्नी है, और यह बालक भी मेरा ही पुत्र है,

श्लोक 25 (devibhagavatam.7.26.25)

ज्ञात्वा पपात सन्तप्तो मूर्च्छामतिजगाम ह । सा च तं प्रत्यभिज्ञाय तामवस्थामुपागतम्

jñātvā papāta santapto mūrcchāmatijagāma ha sā ca taṁ pratyabhijñāya tāmavasthāmupāgatam

यह जानकर वह अत्यन्त सन्तप्त होकर गिर पड़ा, और मूर्च्छित हो गया। वह रानी भी, उसे उस दशा में पहचानकर,

श्लोक 26 (devibhagavatam.7.26.26)

मूर्च्छिता निपपातार्ता निश्चेष्टा धरणीतले । चेतनां प्राप्य राजेन्द्रो राजपत्नी च तौ समम्

mūrcchitā nipapātārtā niśceṣṭā dharaṇītale cetanāṁ prāpya rājendro rājapatnī ca tau samam

दुःख से मूर्च्छित होकर भूमि पर निश्चेष्ट गिर पड़ी। चेतना पाकर, राजा और रानी दोनों एक साथ,

श्लोक 27 (devibhagavatam.7.26.27)

विलेपतुः सुसन्तप्तौ शोकभारेण पीडितौ । राजोवाच । हा वत्स सुकुमारं ते वदनं कुञ्चितालकम्

vilepatuḥ susantaptau śokabhāreṇa pīḍitau rājovāca hā vatsa sukumāraṁ te vadanaṁ kuñcitālakam

अत्यन्त सन्तप्त होकर, शोक के भार से पीड़ित होकर, विलाप करने लगे। राजा ने कहा — हाय वत्स! तुम्हारे घुँघराले बालों वाले उस सुकुमार मुख को —

श्लोक 28 (devibhagavatam.7.26.28)

पश्यतो मे मुखं दीनं हृदयं किं न दीर्यते । तात तातेति मधुरं ब्रुवाणं स्वयमागतम्

paśyato me mukhaṁ dīnaṁ hṛdayaṁ kiṁ na dīryate tāta tāteti madhuraṁ bruvāṇaṁ svayamāgatam

देखते हुए भी मेरा यह दीन हृदय क्यों नहीं फट जाता? 'तात, तात' कहते हुए, स्वयं मीठी वाणी में आते हुए तुम्हें —

श्लोक 29 (devibhagavatam.7.26.29)

उपगुह्य कदा वक्ष्ये वत्सवत्सेति सौहृदात् । कस्य जानुप्रणीतेन पिङ्गेन क्षितिरेणुना

upaguhya kadā vakṣye vatsavatseti sauhṛdāt kasya jānupraṇītena piṅgena kṣitireṇunā

गले लगाकर, स्नेह से 'वत्स, वत्स' कब कहूँगा? किसके घुटनों की धूल-मिट्टी से लिपटे हुए —

श्लोक 30 (devibhagavatam.7.26.30)

ममोत्तरीयमुत्सङ्गं तथाङ्गं मलमेष्यति । न वालं मम सम्भूतं मनो हृदयनन्दन

mamottarīyamutsaṅgaṁ tathāṅgaṁ malameṣyati na vālaṁ mama sambhūtaṁ mano hṛdayanandana

मेरा उत्तरीय वस्त्र और मेरा अंग अब मलिन नहीं होगा; हे मेरे हृदय को आनन्द देने वाले! अब मेरे बाल किसी से नहीं बनेंगे।

श्लोक 31 (devibhagavatam.7.26.31)

(मयासि पितृमान्पित्रा विक्रीतो येन वस्तुवत् ।) गतं राज्यमशेषं मे सबान्धवधनं महत् । (हीनदैवान्नृशंसेन दृष्टो मे तनयस्ततः ।) अहं महाहिदष्टस्य पुत्रस्याननपङ्कजम्

(mayāsi pitṛmānpitrā vikrīto yena vastuvat ) gataṁ rājyamaśeṣaṁ me sabāndhavadhanaṁ mahat (hīnadaivānnṛśaṁsena dṛṣṭo me tanayastataḥ ) ahaṁ mahāhidaṣṭasya putrasyānanapaṅkajam

(मुझे, अपने पिता को प्राप्त होकर भी, उसी पिता के द्वारा वस्तु के समान बेच दिया गया।) मेरा सम्पूर्ण राज्य, बन्धुओं और महान् धन सहित, चला गया — (दुर्भाग्य से मैंने अपने पुत्र को उस निर्मम व्यक्ति के हाथों में सौंपा हुआ देखा) — मैं इस महासर्प द्वारा डसे गए अपने पुत्र के इस कमल-मुख को,

श्लोक 32 (devibhagavatam.7.26.32)

निरीक्षन्नद्य घोरेण विषेणाधिकृतोऽधुना । एवमुक्त्वा तमादाय बालकं बाष्पगद्गदः

nirīkṣannadya ghoreṇa viṣeṇādhikṛto'dhunā evamuktvā tamādāya bālakaṁ bāṣpagadgadaḥ

आज इस भयानक विष से अभिभूत, विवश होकर देख रहा हूँ। यह कहकर, उस बालक को उठाकर, आँसुओं से गद्गद स्वर में,

श्लोक 33 (devibhagavatam.7.26.33)

परिष्वज्य च निश्चेष्टो मूर्च्छया निपपात ह । ततस्तं पतितं दृष्ट्वा शैव्या चैवमचिन्तयत्

pariṣvajya ca niśceṣṭo mūrcchayā nipapāta ha tatastaṁ patitaṁ dṛṣṭvā śaivyā caivamacintayat

उसे गले लगाकर, चेष्टाहीन होकर मूर्च्छा से गिर पड़ा। तब, उसे इस प्रकार गिरा देखकर, शैव्या ने यह विचार किया —

श्लोक 34 (devibhagavatam.7.26.34)

अयं स पुरुषव्याघ्रः स्वरेणैवोपलक्ष्यते । विद्वज्जनमनश्चन्द्रो हरिश्चन्द्रो न संशयः

ayaṁ sa puruṣavyāghraḥ svareṇaivopalakṣyate vidvajjanamanaścandro hariścandro na saṁśayaḥ

यह पुरुषश्रेष्ठ अपने ही स्वर से पहचाना जाता है — विद्वानों के मन को चन्द्रमा के समान आह्लादित करने वाले हरिश्चन्द्र ही यह हैं, इसमें कोई सन्देह नहीं।

श्लोक 35 (devibhagavatam.7.26.35)

तथास्य नासिका तुङ्गा तिलपुष्पोपमा शुभा । दन्ताश्च मुकुलप्रख्याः ख्यातकीर्तेर्महात्मनः

tathāsya nāsikā tuṅgā tilapuṣpopamā śubhā dantāśca mukulaprakhyāḥ khyātakīrtermahātmanaḥ

वैसे ही इसकी ऊँची, तिल के फूल जैसी शुभ नासिका है, और इसके दाँत, उस विख्यात-कीर्ति महात्मा के, कली के समान हैं।

श्लोक 36 (devibhagavatam.7.26.36)

श्मशानमागतः कस्माद्यद्येवं स नरेश्वरः । विहाय पुत्रशोकं सा पश्यन्ती पतितं पतिम्

śmaśānamāgataḥ kasmādyadyevaṁ sa nareśvaraḥ vihāya putraśokaṁ sā paśyantī patitaṁ patim

यदि वह राजा वास्तव में यही है, तो यह श्मशान में क्यों आया? पुत्र-शोक को त्यागकर, अपने पति को इस प्रकार गिरा हुआ देखती हुई वह,

श्लोक 37 (devibhagavatam.7.26.37)

प्रहृष्टा विस्मिता दीना भर्तृपुत्रार्तिपीडिता । वीक्षती सा तदापतन्मूर्च्छया धरणीतले

prahṛṣṭā vismitā dīnā bhartṛputrārtipīḍitā vīkṣatī sā tadāpatanmūrcchayā dharaṇītale

प्रसन्नता, विस्मय और दीनता से भरी, पति और पुत्र दोनों के दुःख से पीड़ित होकर, उन्हें देखते ही वह भी मूर्च्छित होकर भूमि पर गिर पड़ी।

श्लोक 38 (devibhagavatam.7.26.38)

प्राप्य चेतश्च शनकैः सा गद्गदमभाषत । धिक्त्वां दैव ह्यकरुण निर्मर्याद जुगुप्सित

prāpya cetaśca śanakaiḥ sā gadgadamabhāṣata dhiktvāṁ daiva hyakaruṇa nirmaryāda jugupsita

धीरे-धीरे चेतना पाकर, वह रुँधे हुए स्वर में बोली — तुझे धिक्कार है, हे निर्दय, मर्यादाहीन, घृणित दैव!

श्लोक 39 (devibhagavatam.7.26.39)

येनायममरप्रख्यो नीतो राजा श्वपाकताम् । राज्यनाशं सुहृत्त्यागं भार्यातनयविक्रयम्

yenāyamamaraprakhyo nīto rājā śvapākatām rājyanāśaṁ suhṛttyāgaṁ bhāryātanayavikrayam

जिसने देवता के समान इस राजा को चाण्डाल की दशा में ला दिया; राज्य का नाश, मित्रों का त्याग, पत्नी-पुत्र का विक्रय —

श्लोक 40 (devibhagavatam.7.26.40)

प्रापयित्वापि येनाद्य चाण्डालोऽयं कृतो नृपः । नाद्य पश्यामि ते छत्रं सिंहासनमथापि वा

prāpayitvāpi yenādya cāṇḍālo'yaṁ kṛto nṛpaḥ nādya paśyāmi te chatraṁ siṁhāsanamathāpi vā

इन सबको पहुँचाकर भी, आज इस राजा को तुमने चाण्डाल ही बना डाला! मुझे आज तुम्हारा छत्र भी नहीं दिखाई देता, न ही सिंहासन,

श्लोक 41 (devibhagavatam.7.26.41)

चामरव्यजने वापि कोऽयं विधिविपर्ययः । यस्यास्य व्रजतः पूर्वं राजानो भृत्यतां गताः

cāmaravyajane vāpi ko'yaṁ vidhiviparyayaḥ yasyāsya vrajataḥ pūrvaṁ rājāno bhṛtyatāṁ gatāḥ

न चँवर, न पंखा — यह कैसा भाग्य का उलटफेर है? जिस राजा के आगे चलने पर पहले अन्य राजा भी सेवक बन जाते थे,

श्लोक 42 (devibhagavatam.7.26.42)

स्वोत्तरीयैः प्रकुर्वन्ति विरजस्कं महीतलम् । सोऽयं कपालसंलग्ने घटीपटनिरन्तरे

svottarīyaiḥ prakurvanti virajaskaṁ mahītalam so'yaṁ kapālasaṁlagne ghaṭīpaṭanirantare

और अपने ही उत्तरीय वस्त्रों से भूमि की धूल साफ करते थे — वही यह राजा आज खोपड़ी में लगे, घड़े के टुकड़ों से भरे —

श्लोक 43 (devibhagavatam.7.26.43)

मृतनिर्माल्यसूत्रान्तर्लग्नकेशसुदारुणे । वसानिष्पन्दसंशुष्कमहापटलमण्डिते

mṛtanirmālyasūtrāntarlagnakeśasudāruṇe vasāniṣpandasaṁśuṣkamahāpaṭalamaṇḍite

मृत-मालाओं के धागों में उलझे केशों वाले, भयानक, सूखे, स्थिर महावस्त्र से सज्जित,

श्लोक 44 (devibhagavatam.7.26.44)

भस्माङ्गारार्धदग्धास्थिमज्जासङ्घट्टभीषणे । गृध्रगोमायुनादार्ते पुष्टक्षुद्रविहङ्गमे

bhasmāṅgārārdhadagdhāsthimajjāsaṅghaṭṭabhīṣaṇe gṛdhragomāyunādārte puṣṭakṣudravihaṅgame

राख और अंगारों से भरे, आधे जले हड्डी और मज्जा के ढेरों से भयावह, गिद्धों और सियारों की चीत्कारों से पीड़ित, मोटे-मोटे तुच्छ पक्षियों से भरे,

श्लोक 45 (devibhagavatam.7.26.45)

चिताधूमायतपटे नीलीकृतदिगन्तरे । कुणपास्वादनमुदा सम्प्रकृष्टनिशाचरे

citādhūmāyatapaṭe nīlīkṛtadigantare kuṇapāsvādanamudā samprakṛṣṭaniśācare

चिता के धुएँ से फैले हुए वस्त्र वाले, जिसकी दिशाएँ नीली पड़ गई हैं, शवों के भक्षण में आनन्दित निशाचरों से भरे —

श्लोक 46 (devibhagavatam.7.26.46)

चरत्यमेध्ये राजेन्द्रः श्मशाने दुःखपीडितः । एवमुक्त्वाथ संश्लिष्य कण्ठे राज्ञो नृपात्मजा

caratyamedhye rājendraḥ śmaśāne duḥkhapīḍitaḥ evamuktvātha saṁśliṣya kaṇṭhe rājño nṛpātmajā

इस अपवित्र श्मशान में यह राजश्रेष्ठ दुःख से पीड़ित होकर घूमता है। यह कहकर, राजा के गले से लिपटकर, उस राजपुत्री ने,

श्लोक 47 (devibhagavatam.7.26.47)

कष्टं शोकसमाविष्टा विललापार्तया गिरा । राजन् स्वप्नोऽथ तथ्यं वा यदेतन्मन्यते भवान्

kaṣṭaṁ śokasamāviṣṭā vilalāpārtayā girā rājan svapno'tha tathyaṁ vā yadetanmanyate bhavān

अत्यन्त शोक से भरकर, अत्यन्त पीड़ित स्वर में विलाप किया — हे राजन्! यह जो कुछ भी है, आप इसे स्वप्न मानते हैं या सत्य,

श्लोक 48 (devibhagavatam.7.26.48)

तत्कथ्यतां महाभाग मनो वै मुह्यते मम । यद्येतदेव धर्मज्ञ नास्ति धर्मे सहायता

tatkathyatāṁ mahābhāga mano vai muhyate mama yadyetadeva dharmajña nāsti dharme sahāyatā

वह मुझे बताइए, हे महाभाग! मेरा मन तो पूर्णतः मोहित हो चुका है। हे धर्मज्ञ! यदि यह सब सत्य है ही, तो धर्म में सहायता कहीं भी नहीं है,

श्लोक 49 (devibhagavatam.7.26.49)

तथैव विप्रदेवादिपूजने सत्यपालने । नास्ति धर्मः कुतः सत्यं नार्जवं नानृशंसता

tathaiva vipradevādipūjane satyapālane nāsti dharmaḥ kutaḥ satyaṁ nārjavaṁ nānṛśaṁsatā

और वैसे ही ब्राह्मणों-देवताओं आदि की पूजा में और सत्य के पालन में भी कोई सहायता नहीं है; तब धर्म कहाँ है, कहाँ है सत्य, कहाँ है सरलता, कहाँ है करुणा,

श्लोक 50 (devibhagavatam.7.26.50)

यत्र त्वं धर्मपरमः स्वराज्यादवरोपितः । सूत उवाच । इति तस्या वचः श्रुत्वा निःश्वस्योष्णं सगद्गदः

yatra tvaṁ dharmaparamaḥ svarājyādavaropitaḥ sūta uvāca iti tasyā vacaḥ śrutvā niḥśvasyoṣṇaṁ sagadgadaḥ

यदि आप जैसे धर्म-परायण व्यक्ति को अपने राज्य से भी उखाड़ फेंका जाता है? सूत जी ने कहा — उसका यह वचन सुनकर, गर्म साँस लेते हुए, रुँधे स्वर में,

श्लोक 51 (devibhagavatam.7.26.51)

कथयामास तन्वङ्ग्यै यथा प्राप्तः श्वपाकताम् । रुदित्वा सा तु सुचिरं निःश्वस्योष्णं सुदुःखिता

kathayāmāsa tanvaṅgyai yathā prāptaḥ śvapākatām ruditvā sā tu suciraṁ niḥśvasyoṣṇaṁ suduḥkhitā

राजा ने उस कोमलांगी को बताया कि किस प्रकार वह चाण्डालत्व को प्राप्त हुआ। बहुत देर तक रोकर, गर्म साँसें भरकर, अत्यन्त दुःखी होकर,

श्लोक 52 (devibhagavatam.7.26.52)

स्वपुत्रमरणं भीरुर्यथावत्तं न्यवेदयत् । श्रुत्वा राजा तथा वाक्यं निपपात महीतले

svaputramaraṇaṁ bhīruryathāvattaṁ nyavedayat śrutvā rājā tathā vākyaṁ nipapāta mahītale

वह भयभीत रानी भी अपने पुत्र की मृत्यु का सारा वृत्तान्त उसे यथावत् बताने लगी। यह वचन सुनकर राजा भूमि पर गिर पड़ा,

श्लोक 53 (devibhagavatam.7.26.53)

मृतपुत्रं समानीय जिह्वया विलिहन्मुहुः । हरिश्चन्द्रमथो प्राह शैव्या गद्गदया गिरा

mṛtaputraṁ samānīya jihvayā vilihanmuhuḥ hariścandramatho prāha śaivyā gadgadayā girā

मृत पुत्र को अपने पास लाकर, बार-बार अपनी जीभ से उसे सहलाने लगा। तब शैव्या ने रुँधे हुए स्वर में हरिश्चन्द्र से यह कहा —

श्लोक 54 (devibhagavatam.7.26.54)

कुरुष्व स्वामिनः प्रेष्यं छेदयित्वा शिरो मम । स्वामिद्रोहो न तेऽस्त्वद्य मासत्यो भव भूपते

kuruṣva svāminaḥ preṣyaṁ chedayitvā śiro mama svāmidroho na te'stvadya māsatyo bhava bhūpate

अपने स्वामी की आज्ञा का पालन कीजिए, मेरा सिर काट डालिए; इससे आपके स्वामी के प्रति आज कोई द्रोह नहीं होगा — हे भूपते! मिथ्या मत बनिए, सत्य ही बने रहिए,

श्लोक 55 (devibhagavatam.7.26.55)

मासत्यं तव राजेन्द्र परद्रोहस्तु पातकम् । एतदाकर्ण्य राजा तु पपात भुवि मूर्च्छितः

māsatyaṁ tava rājendra paradrohastu pātakam etadākarṇya rājā tu papāta bhuvi mūrcchitaḥ

हे राजेन्द्र! मिथ्या बनना ही आपके लिए पाप है, दूसरे का अहित करना तो केवल एक पातक है। यह सुनकर राजा फिर से मूर्च्छित होकर भूमि पर गिर पड़ा।

श्लोक 56 (devibhagavatam.7.26.56)

क्षणेन चेतनां प्राप्य विललापातिदुःखितः । राजोवाच । कथं प्रिये त्वया प्रोक्तं वचनं त्वतिनिष्ठुरम्

kṣaṇena cetanāṁ prāpya vilalāpātiduḥkhitaḥ rājovāca kathaṁ priye tvayā proktaṁ vacanaṁ tvatiniṣṭhuram

एक क्षण में चेतना पाकर, वह अत्यन्त दुःखी होकर विलाप करने लगा। राजा ने कहा — हे प्रिये! तुमने ऐसा अत्यन्त कठोर वचन क्यों कहा?

श्लोक 57 (devibhagavatam.7.26.57)

यदशक्यं भवेद्वक्तुं तत्कर्म क्रियते कथम् । पत्न्युवाच । मया च पूजिता गौरी देवा विप्रास्तथैव च

yadaśakyaṁ bhavedvaktuṁ tatkarma kriyate katham patnyuvāca mayā ca pūjitā gaurī devā viprāstathaiva ca

जो कहा भी नहीं जा सकता, वह कार्य भला कैसे किया जा सकता है? पत्नी ने कहा — मैंने ही गौरी की, देवताओं की और ब्राह्मणों की भी पूजा की है,

श्लोक 58 (devibhagavatam.7.26.58)

भविष्यसि पतिस्त्वं मे ह्यन्यस्मिञ्जन्मनि प्रभो । श्रुत्वा राजा तदा वाक्यं निपपात महीतले

bhaviṣyasi patistvaṁ me hyanyasmiñjanmani prabho śrutvā rājā tadā vākyaṁ nipapāta mahītale

हे प्रभो! आप किसी अन्य जन्म में मेरे ही पति बनें। यह वचन सुनकर राजा फिर से भूमि पर गिर पड़ा,

श्लोक 59 (devibhagavatam.7.26.59)

मृतस्य पुत्रस्य तदा चुचुम्ब दुःखितो मुखम् । राजोवाच । प्रिये न रोचते दीर्घं कालं क्लेशं मयाशितुम्

mṛtasya putrasya tadā cucumba duḥkhito mukham rājovāca priye na rocate dīrghaṁ kālaṁ kleśaṁ mayāśitum

और दुःख से भरकर उसने अपने मृत पुत्र के मुख को चूमा। राजा ने कहा — हे प्रिये! मुझे यह लम्बे समय तक कष्ट सहते रहना अच्छा नहीं लगता,

श्लोक 60 (devibhagavatam.7.26.60)

नात्मायत्तोऽहं तन्वङ्गि पश्य मे मन्दभाग्यताम् । चाण्डालेनाननुज्ञातः प्रवेक्ष्ये ज्वलनं यदि

nātmāyatto'haṁ tanvaṅgi paśya me mandabhāgyatām cāṇḍālenānanujñātaḥ pravekṣye jvalanaṁ yadi

हे कोमलांगी! मैं अपने वश में नहीं हूँ, देखो मेरे इस दुर्भाग्य को; यदि चाण्डाल की अनुमति के बिना मैं अग्नि में प्रवेश कर जाऊँ,

श्लोक 61 (devibhagavatam.7.26.61)

चाण्डालदासतां यास्ये पुनरप्यन्यजन्मनि । नरकं च वरं प्राप्य खेदं प्राप्स्यामि दारुणम्

cāṇḍāladāsatāṁ yāsye punarapyanyajanmani narakaṁ ca varaṁ prāpya khedaṁ prāpsyāmi dāruṇam

तो अगले जन्म में भी मुझे चाण्डाल की दासता ही प्राप्त होगी; उससे तो नरक पाना ही अच्छा होगा, चाहे मुझे कितना ही भयंकर क्लेश क्यों न सहना पड़े।

श्लोक 62 (devibhagavatam.7.26.62)

तापं प्राप्स्यामि सम्प्राप्य महारौरवरौरवे । मग्नस्य दुःखजलधौ वरं प्राणैर्वियोजनम्

tāpaṁ prāpsyāmi samprāpya mahārauravaraurave magnasya duḥkhajaladhau varaṁ prāṇairviyojanam

महारौरव और रौरव में पहुँचकर मुझे कैसा भी संताप प्राप्त हो — इस दुःख के सागर में डूबे हुए मेरे लिए तो अपने प्राणों का त्याग ही श्रेयस्कर है।

श्लोक 63 (devibhagavatam.7.26.63)

एकोऽपि बालको योऽयमासीद्वंशकरः सुतः । मम दैवानुयोगेन मृतो सोऽपि बलीयसा

eko'pi bālako yo'yamāsīdvaṁśakaraḥ sutaḥ mama daivānuyogena mṛto so'pi balīyasā

जो एक ही बालक हमारा था, जो हमारे वंश को आगे बढ़ाने वाला पुत्र था, वह भी दैव के प्रबल संयोग से मर गया —

श्लोक 64 (devibhagavatam.7.26.64)

कथं प्राणान्विमुञ्चामि परायत्तोऽस्मि दुर्गतः । तथापि दुःखबाहुल्यात्त्यक्ष्यामि तु निजां तनुम्

kathaṁ prāṇānvimuñcāmi parāyatto'smi durgataḥ tathāpi duḥkhabāhulyāttyakṣyāmi tu nijāṁ tanum

तो मैं अपने प्राणों को कैसे त्यागूँ, जबकि मैं दूसरे के अधीन, इस दुर्दशा को प्राप्त हूँ? फिर भी, इस अत्यधिक दुःख के कारण, मैं अपने इस शरीर को अवश्य त्याग दूँगा।

श्लोक 65 (devibhagavatam.7.26.65)

त्रैलोक्ये नास्ति तद्दुःखं नासिपत्रवने तथा । वैतरण्यां कुतस्तद्वद्यादृशं पुत्रविप्लवे

trailokye nāsti tadduḥkhaṁ nāsipatravane tathā vaitaraṇyāṁ kutastadvadyādṛśaṁ putraviplave

त्रैलोक्य में ऐसा कोई दुःख नहीं है, न असिपत्र-वन में भी वैसा है, तो फिर वैतरणी में भी ऐसा दुःख कहाँ से हो, जैसा पुत्र के नाश में होता है।

श्लोक 66 (devibhagavatam.7.26.66)

सोऽहं सुतशरीरेण दीप्यमाने हुताशने । निपतिष्यामि तन्वङ्गि क्षन्तव्यं तन्ममाधुना

so'haṁ sutaśarīreṇa dīpyamāne hutāśane nipatiṣyāmi tanvaṅgi kṣantavyaṁ tanmamādhunā

इसलिए, हे कोमलांगी, मैं अपने पुत्र के शरीर के साथ ही, प्रज्वलित अग्नि में गिर पड़ूँगा; अब यह मुझे क्षमा करना।

श्लोक 67 (devibhagavatam.7.26.67)

न वक्तव्य त्वया किञ्चिदतः कमललोचने । मम वाक्यं च तन्वङ्गि निबोधाहतमानसा

na vaktavya tvayā kiñcidataḥ kamalalocane mama vākyaṁ ca tanvaṅgi nibodhāhatamānasā

इसमें तुम्हें कुछ भी कहने की आवश्यकता नहीं है, हे कमल-नयनी! हे कोमलांगी! मेरा यह वचन ध्यान से सुनो, हृदय को शान्त रखते हुए।

श्लोक 68 (devibhagavatam.7.26.68)

अनुज्ञाताथ गच्छ त्वं विप्रवेश्म शुचिस्मिते । यदि दत्तं यदि हुतं गुरवो यदि तोषिताः

anujñātātha gaccha tvaṁ vipraveśma śucismite yadi dattaṁ yadi hutaṁ guravo yadi toṣitāḥ

मेरी अनुमति से तुम जाओ, हे पवित्र स्मित वाली, उस ब्राह्मण के घर को; यदि मैंने कभी दान दिया हो, हवन किया हो, गुरुजनों को सन्तुष्ट किया हो,

श्लोक 69 (devibhagavatam.7.26.69)

सङ्गमः परलोके मे निजपुत्रेण चेत्त्वया । इहलोके कुतस्त्वेतद्भविष्यति समीप्सितम्

saṅgamaḥ paraloke me nijaputreṇa cettvayā ihaloke kutastvetadbhaviṣyati samīpsitam

तो परलोक में मेरा तुमसे और अपने ही पुत्र से पुनर्मिलन हो। इस लोक में तो अब यह इच्छित मिलन कहाँ सम्भव है?

श्लोक 70 (devibhagavatam.7.26.70)

यन्मया हसता किञ्चिद्रहसि त्वां शुचिस्मिते । अशेषमुक्तं तत्सर्वं क्षन्तव्यं मम यास्यतः

yanmayā hasatā kiñcidrahasi tvāṁ śucismite aśeṣamuktaṁ tatsarvaṁ kṣantavyaṁ mama yāsyataḥ

हे पवित्र स्मित वाली! जो कुछ भी मैंने हँसते हुए, एकान्त में तुमसे कभी कहा हो, वह सब, अब तुम्हें छोड़कर जाते हुए मुझे क्षमा कर देना।

श्लोक 71 (devibhagavatam.7.26.71)

राजपत्नीति गर्वेण नावज्ञेयः स मे द्विजः । सर्वयत्नेन तोष्यं स्यात्स्वामी दैवतवच्छुभे

rājapatnīti garveṇa nāvajñeyaḥ sa me dvijaḥ sarvayatnena toṣyaṁ syātsvāmī daivatavacchubhe

अपने को राजपत्नी मानकर अभिमान से तुम इस ब्राह्मण का अनादर मत करना; हे कल्याणी! स्वामी को देवता के समान मानकर, सब प्रकार से उसे सन्तुष्ट रखना।

श्लोक 72 (devibhagavatam.7.26.72)

राज्ञ्युवाच । अहमप्यत्र राजर्षे निपतिष्ये हुताशने । दुःखभारासहा देव सह यास्यामि वै त्वया

rājñyuvāca ahamapyatra rājarṣe nipatiṣye hutāśane duḥkhabhārāsahā deva saha yāsyāmi vai tvayā

रानी ने कहा — हे राजर्षे! मैं भी यहीं, इसी प्रज्वलित अग्नि में गिर पड़ूँगी; हे देव! इस दुःख का भार मेरे लिए भी असह्य है, मैं भी आपके साथ ही चलूँगी।

श्लोक 73 (devibhagavatam.7.26.73)

त्वया सह मम श्रेयो गमनं नान्यथा भवेत् । सह स्वर्गं च नरकं त्वया भोक्ष्यामि मानद । श्रुत्वा राजा तदोवाच एवमस्तु पतिव्रते

tvayā saha mama śreyo gamanaṁ nānyathā bhavet saha svargaṁ ca narakaṁ tvayā bhokṣyāmi mānada śrutvā rājā tadovāca evamastu pativrate

आपके साथ जाना ही मेरे लिए कल्याणकारी है, अन्यथा नहीं; हे मानद! स्वर्ग हो या नरक, मैं आपके साथ ही उसका भोग करूँगी। यह सुनकर राजा ने तब कहा — हे पतिव्रते! ऐसा ही हो।