शताक्षी का चरित्र

श्लोक 1 (devibhagavatam.7.28.1)

जनमेजय उवाच । विचित्रमिदमाख्यानं हरिश्चन्द्रस्य कीर्तितम् । शताक्षीपादभक्तस्य राजर्षेर्धार्मिकस्य च

janamejaya uvāca vicitramidamākhyānaṁ hariścandrasya kīrtitam śatākṣīpādabhaktasya rājarṣerdhārmikasya ca

जनमेजय ने कहा — यह हरिश्चन्द्र का, शताक्षी के चरणों के भक्त, धर्मात्मा राजर्षि का अद्भुत आख्यान आपने सुनाया।

श्लोक 2 (devibhagavatam.7.28.2)

शताक्षी सा कुतो जाता देवी भगवती शिवा । तत्कारणं वद मुने सार्थकं जन्म मे कुरु

śatākṣī sā kuto jātā devī bhagavatī śivā tatkāraṇaṁ vada mune sārthakaṁ janma me kuru

वह देवी भगवती शिवा शताक्षी कहाँ से उत्पन्न हुईं? हे मुने! उसका कारण बताइए, और मेरे इस जन्म को सार्थक कीजिए।

श्लोक 3 (devibhagavatam.7.28.3)

को हि देव्या गुणाञ्छृण्वंस्तृप्तिं यास्यति शुद्धधीः । पदे पदेऽश्वमेधस्य फलमक्षय्यमश्नुते

ko hi devyā guṇāñchṛṇvaṁstṛptiṁ yāsyati śuddhadhīḥ pade pade'śvamedhasya phalamakṣayyamaśnute

भला कौन शुद्ध बुद्धि वाला व्यक्ति देवी के गुणों को सुनते हुए तृप्ति को प्राप्त होगा? पद-पद पर वह अश्वमेध यज्ञ के अक्षय फल को प्राप्त करता है।

श्लोक 4 (devibhagavatam.7.28.4)

व्यास उवाच । शृणु राजन् प्रवक्ष्यामि शताक्षीसम्भवं शुभम् । तवावाच्यं न मे किञ्चिद्देवीभक्तस्य विद्यते

vyāsa uvāca śṛṇu rājan pravakṣyāmi śatākṣīsambhavaṁ śubham tavāvācyaṁ na me kiñciddevībhaktasya vidyate

व्यास जी ने कहा — सुनो, हे राजन्! मैं शताक्षी की शुभ उत्पत्ति का वर्णन करूँगा; देवी के भक्त के लिए मेरे पास कुछ भी अकथनीय नहीं है।

श्लोक 5 (devibhagavatam.7.28.5)

दुर्गमाख्यो महादैत्यः पूर्वं परमदारुणः । हिरण्याक्षान्वये जातो रुरुपुत्रो महाखलः

durgamākhyo mahādaityaḥ pūrvaṁ paramadāruṇaḥ hiraṇyākṣānvaye jāto ruruputro mahākhalaḥ

पूर्वकाल में दुर्गम नाम का एक अत्यन्त भयंकर महादैत्य था, जो हिरण्याक्ष के वंश में उत्पन्न, रुरु का पुत्र, महाखल था।

श्लोक 6 (devibhagavatam.7.28.6)

देवानां तु बलं वेदो नाशे तस्य सुरा अपि नङ्क्ष्यन्त्येव न सन्देहो विधेयं तावदेव तत्

devānāṁ tu balaṁ vedo nāśe tasya surā api naṅkṣyantyeva na sandeho vidheyaṁ tāvadeva tat

उसने विचार किया — देवताओं का बल तो वेद ही है; उसके नाश से देवता भी अवश्य ही नष्ट हो जाएँगे, इसमें कोई सन्देह नहीं — इसलिए वही किया जाना चाहिए।

श्लोक 7 (devibhagavatam.7.28.7)

विमृश्यैतत्तपश्चर्यां गतः कर्तुं हिमालये । ब्रह्माणं मनसा ध्यात्वा वायुभक्षो व्यतिष्ठत

vimṛśyaitattapaścaryāṁ gataḥ kartuṁ himālaye brahmāṇaṁ manasā dhyātvā vāyubhakṣo vyatiṣṭhata

यह विचार कर वह हिमालय पर तपस्या करने चला गया; मन में ब्रह्मा का ध्यान करते हुए, केवल वायु का भक्षण करते हुए वह वहाँ खड़ा रहा।

श्लोक 8 (devibhagavatam.7.28.8)

सहस्रवर्षपर्यन्तं चकार परमं तपः । तेजसा तस्य लोकास्तु सन्तप्ताः ससुरासुराः

sahasravarṣaparyantaṁ cakāra paramaṁ tapaḥ tejasā tasya lokāstu santaptāḥ sasurāsurāḥ

उसने एक हजार वर्षों तक परम तपस्या की; उसके तेज से सारे लोक, देवताओं और असुरों सहित, संतप्त हो उठे।

श्लोक 9 (devibhagavatam.7.28.9)

ततः प्रसन्नो भगवान् हंसारूढश्चतुर्मुखः । ययौ तस्मै वरं दातुं प्रसन्नमुखपङ्कजः

tataḥ prasanno bhagavān haṁsārūḍhaścaturmukhaḥ yayau tasmai varaṁ dātuṁ prasannamukhapaṅkajaḥ

तब प्रसन्न होकर, हंस पर आरूढ़, चार मुख वाले भगवान् ब्रह्मा, अपने प्रसन्न कमल-मुख के साथ, उसे वर देने के लिए गए।

श्लोक 10 (devibhagavatam.7.28.10)

समाधिस्थं मीलिताक्षं स्फुटमाह चतुर्मुखः । वरं वरय भद्रं ते यस्ते मनसि वर्तते

samādhisthaṁ mīlitākṣaṁ sphuṭamāha caturmukhaḥ varaṁ varaya bhadraṁ te yaste manasi vartate

समाधि में लीन, आँखें मूँदे हुए उस दैत्य से चतुर्मुख ब्रह्मा ने स्पष्ट वाणी में कहा — वर माँगो, तुम्हारा कल्याण हो, जो भी तुम्हारे मन में हो,

श्लोक 11 (devibhagavatam.7.28.11)

तवाद्य तपसा तुष्टो वरदेशोऽहमागतः । श्रुत्वा ब्रह्ममुखाद्वाणीं व्युत्थितः स समाधितः

tavādya tapasā tuṣṭo varadeśo'hamāgataḥ śrutvā brahmamukhādvāṇīṁ vyutthitaḥ sa samādhitaḥ

मैं तुम्हारी इस तपस्या से आज सन्तुष्ट होकर वर देने के लिए आया हूँ। ब्रह्मा के मुख से यह वाणी सुनकर, वह अपनी समाधि से उठ खड़ा हुआ,

श्लोक 12 (devibhagavatam.7.28.12)

पूजयित्वा वरं वव्रे वेदान्देहि सुरेश्वर । त्रिषु लोकेषु ये मन्त्रा ब्राह्मणेषु सुरेष्वपि

pūjayitvā varaṁ vavre vedāndehi sureśvara triṣu lokeṣu ye mantrā brāhmaṇeṣu sureṣvapi

पूजा करके उसने यह वर माँगा — हे देवेश्वर! मुझे वेद दे दीजिए; तीनों लोकों में, ब्राह्मणों और देवताओं में भी जो मन्त्र विद्यमान हैं,

श्लोक 13 (devibhagavatam.7.28.13)

विद्यन्ते ते तु सान्निध्ये मम सन्तु महेश्वर । बलं च देहि येन स्याद्देवानां च पराजयः

vidyante te tu sānnidhye mama santu maheśvara balaṁ ca dehi yena syāddevānāṁ ca parājayaḥ

हे महेश्वर! वे सब मेरे ही अधिकार में हो जाएँ; और मुझे वह बल भी दीजिए, जिससे देवताओं की पराजय हो सके।

श्लोक 14 (devibhagavatam.7.28.14)

इति तस्य वचः श्रुत्वा तथास्त्विति वचो वदन् । जगाम सत्यलोकं तु चतुर्वेदेश्वरः परः

iti tasya vacaḥ śrutvā tathāstviti vaco vadan jagāma satyalokaṁ tu caturvedeśvaraḥ paraḥ

उसका यह वचन सुनकर, 'ऐसा ही हो' कहते हुए, चारों वेदों के परम स्वामी ब्रह्मा सत्यलोक को लौट गए।

श्लोक 15 (devibhagavatam.7.28.15)

ततः प्रभृति विप्रैस्तु विस्मृता वेदराशयः । स्नानसन्ध्यानित्यहोमश्राद्धयज्ञजपादयः

tataḥ prabhṛti vipraistu vismṛtā vedarāśayaḥ snānasandhyānityahomaśrāddhayajñajapādayaḥ

तब से ब्राह्मणों को वेदों की समस्त राशियाँ विस्मृत हो गईं — स्नान, सन्ध्या, नित्य-होम, श्राद्ध, यज्ञ, जप आदि सब,

श्लोक 16 (devibhagavatam.7.28.16)

विलुप्ता धरणीपृष्ठे हाहाकारो महानभूत् । किमिदं किमिदं चेति विप्रा ऊचुः परस्परम्

viluptā dharaṇīpṛṣṭhe hāhākāro mahānabhūt kimidaṁ kimidaṁ ceti viprā ūcuḥ parasparam

यह सब भूतल से लुप्त हो गया, और एक महान् हाहाकार मच गया; 'यह क्या हुआ, यह क्या हुआ' कहते हुए ब्राह्मण आपस में कहने लगे —

श्लोक 17 (devibhagavatam.7.28.17)

वेदाभावात्तदस्माभिः कर्तव्यं किमतः परम् । इति भूमौ महानर्थे जाते परमदारुणे

vedābhāvāttadasmābhiḥ kartavyaṁ kimataḥ param iti bhūmau mahānarthe jāte paramadāruṇe

वेद के अभाव में अब हमें और क्या करना चाहिए? इस प्रकार पृथ्वी पर यह अत्यन्त भयंकर महान् अनर्थ उत्पन्न होने पर,

श्लोक 18 (devibhagavatam.7.28.18)

निर्जराः सजरा जाता हविर्भागाद्यभावतः । रुरोध स तदा दैत्यो नगरीममरावतीम्

nirjarāḥ sajarā jātā havirbhāgādyabhāvataḥ rurodha sa tadā daityo nagarīmamarāvatīm

हविष्य के भाग आदि के अभाव के कारण देवता, जरा-रहित होते हुए भी, जरा से युक्त हो गए; और उस समय उस दैत्य ने अमरावती नगरी को घेर लिया।

श्लोक 19 (devibhagavatam.7.28.19)

अशक्तास्तेन ते योद्धुं वज्रदेहासुरेण च । पलायनं तदा कृत्वा निर्गता निर्जराः क्वचित्

aśaktāstena te yoddhuṁ vajradehāsureṇa ca palāyanaṁ tadā kṛtvā nirgatā nirjarāḥ kvacit

उस वज्र-शरीर वाले असुर से युद्ध करने में असमर्थ होकर, वे जरा-रहित देवता वहाँ से भागकर कहीं और चले गए,

श्लोक 20 (devibhagavatam.7.28.20)

निलयं गिरिदुर्गेषु रत्नसानुगुहासु च । संस्थिताः परमां शक्तिं ध्यायन्तस्ते पराम्बिकाम्

nilayaṁ giridurgeṣu ratnasānuguhāsu ca saṁsthitāḥ paramāṁ śaktiṁ dhyāyantaste parāmbikām

पर्वतों के दुर्गों और रत्नमय पर्वत-शिखरों की गुफाओं में शरण लेकर, वे परा अम्बिका, उस परम शक्ति का ध्यान करते हुए वहाँ बस गए।

श्लोक 21 (devibhagavatam.7.28.21)

अग्नौ होमाद्यभावात्तु वृष्ट्यभावोऽप्यभून्नृप । वृष्टेरभावे संशुष्कं निर्जलं चापि भूतलम्

agnau homādyabhāvāttu vṛṣṭyabhāvo'pyabhūnnṛpa vṛṣṭerabhāve saṁśuṣkaṁ nirjalaṁ cāpi bhūtalam

अग्नि में हवन आदि के अभाव के कारण, हे राजन्! वर्षा का भी अभाव हो गया; वर्षा के अभाव से यह पूरी पृथ्वी सूखी और जलहीन हो गई।

श्लोक 22 (devibhagavatam.7.28.22)

कूपवापीतडागाश्च सरितः शुष्कतां गताः । अनावृष्टिरियं राजन्नभूच्च शतवार्षिकी

kūpavāpītaḍāgāśca saritaḥ śuṣkatāṁ gatāḥ anāvṛṣṭiriyaṁ rājannabhūcca śatavārṣikī

कुएँ, बावड़ियाँ, तालाब और नदियाँ भी सूख गईं; हे राजन्! यह अनावृष्टि सौ वर्षों तक चली।

श्लोक 23 (devibhagavatam.7.28.23)

मृताः प्रजाश्च बहुधा गोमहिष्यादयस्तथा । गृहे गृहे मनुष्याणामभवच्छवसङ्ग्रहः

mṛtāḥ prajāśca bahudhā gomahiṣyādayastathā gṛhe gṛhe manuṣyāṇāmabhavacchavasaṅgrahaḥ

प्रजा बहुत संख्या में मर गई, और गायों-भैंसों आदि पशु भी उसी प्रकार मर गए; मनुष्यों के प्रत्येक घर में शवों के ढेर लग गए।

श्लोक 24 (devibhagavatam.7.28.24)

अनर्थे त्वेवमुद्भूते ब्राह्मणाः शान्तचेतसः । गत्वा हिमवतः पार्श्वे रिराधयिषवः शिवम्

anarthe tvevamudbhūte brāhmaṇāḥ śāntacetasaḥ gatvā himavataḥ pārśve rirādhayiṣavaḥ śivam

इस प्रकार यह विपत्ति उत्पन्न होने पर, शान्तचित्त ब्राह्मण, शिवा (देवी) को प्रसन्न करने की इच्छा से हिमालय के निकट जाकर,

श्लोक 25 (devibhagavatam.7.28.25)

समाधिध्यानपूजाभिर्देवीं तुष्टुवुरन्वहम् । निराहारास्तदासक्तास्तामेव शरणं ययुः

samādhidhyānapūjābhirdevīṁ tuṣṭuvuranvaham nirāhārāstadāsaktāstāmeva śaraṇaṁ yayuḥ

समाधि, ध्यान और पूजा के द्वारा प्रतिदिन देवी की स्तुति करने लगे; बिना अन्न ग्रहण किए, उसी में लीन होकर, उन्होंने उसी की शरण ग्रहण की।

श्लोक 26 (devibhagavatam.7.28.26)

दयां कुरु महेशानि पामरेषु जनेषु हि । सर्वापराधयुक्तेषु नैतच्छ्लाघ्यं तवाम्बिके

dayāṁ kuru maheśāni pāmareṣu janeṣu hi sarvāparādhayukteṣu naitacchlāghyaṁ tavāmbike

हे महेश्वरी! इन दीन प्राणियों पर दया कीजिए; हे अम्बिके! ये सब अपराधों से युक्त हैं, फिर भी यह (उन्हें दंड देना) आपके लिए सराहनीय नहीं है।

श्लोक 27 (devibhagavatam.7.28.27)

कोपं संहर देवेशि सर्वान्तर्यामिरूपिणि । त्वया यथा प्रेर्यतेऽयं करोति स तथा जनः

kopaṁ saṁhara deveśi sarvāntaryāmirūpiṇi tvayā yathā preryate'yaṁ karoti sa tathā janaḥ

हे देवेशी! अपने कोप को शान्त कीजिए, हे सबके अन्तर्यामी रूप! जिस प्रकार आपके द्वारा प्रेरित होकर यह जन कार्य करता है, वैसे ही वह करता है।

श्लोक 28 (devibhagavatam.7.28.28)

नान्या गतिर्जनस्यास्य किं पश्यसि पुनः पुनः । यथेच्छसि तथा कर्तुं समर्थासि महेश्वरि

nānyā gatirjanasyāsya kiṁ paśyasi punaḥ punaḥ yathecchasi tathā kartuṁ samarthāsi maheśvari

इन प्राणियों की और कोई गति नहीं है; आप बार-बार क्या देख रही हैं? आप जैसा चाहें वैसा करने में समर्थ हैं, हे महेश्वरी!

श्लोक 29 (devibhagavatam.7.28.29)

समुद्धर महेशानि सङ्कटात्परमोत्थितात् । जीवनेन विनास्माकं कथं स्यात्स्थितिरम्बिके

samuddhara maheśāni saṅkaṭātparamotthitāt jīvanena vināsmākaṁ kathaṁ syātsthitirambike

हे महेशानी! इस परम संकट से हमें उबार लीजिए; अम्बिके! जीवन के बिना हमारी स्थिति कैसे बनी रह सकती है?

श्लोक 30 (devibhagavatam.7.28.30)

प्रसीद त्वं महेशानि प्रसीद जगदम्बिके । अनन्तकोटिब्रह्माण्डनायिके ते नमो नमः

prasīda tvaṁ maheśāni prasīda jagadambike anantakoṭibrahmāṇḍanāyike te namo namaḥ

हे महेशानी! प्रसन्न होइए, हे जगदम्बिके! प्रसन्न होइए; हे अनन्त कोटि ब्रह्माण्डों की स्वामिनी! आपको बार-बार नमस्कार है।

श्लोक 31 (devibhagavatam.7.28.31)

नमः कूटस्थरूपायै चिद्रूपायै नमो नमः । नमो वेदान्तवेद्यायै भुवनेश्यै नमो नमः

namaḥ kūṭastharūpāyai cidrūpāyai namo namaḥ namo vedāntavedyāyai bhuvaneśyai namo namaḥ

कूटस्थ स्वरूपा को नमस्कार, चिद्रूपा को बार-बार नमस्कार; वेदान्त द्वारा जानी जाने वाली भुवनेश्वरी को बार-बार नमस्कार।

श्लोक 32 (devibhagavatam.7.28.32)

नेति नेतीति वाक्यैर्या बोध्यते सकलागमैः । तां सर्वकारणां देवीं सर्वभावेन सन्नताः

neti netīti vākyairyā bodhyate sakalāgamaiḥ tāṁ sarvakāraṇāṁ devīṁ sarvabhāvena sannatāḥ

जिन्हें समस्त शास्त्र 'नेति नेति' (यह नहीं, यह नहीं) — इन्हीं वाक्यों से समझाते हैं, उस सबकी कारणस्वरूपा देवी को हमने सम्पूर्ण भाव से प्रणाम किया।

श्लोक 33 (devibhagavatam.7.28.33)

इति सम्प्रार्थिता देवी भुवनेशी महेश्वरी । अनन्ताक्षिमयं रूपं दर्शयामास पार्वती

iti samprārthitā devī bhuvaneśī maheśvarī anantākṣimayaṁ rūpaṁ darśayāmāsa pārvatī

इस प्रकार प्रार्थना किए जाने पर, भुवनेशी महेश्वरी पार्वती देवी ने अनन्त नेत्रों से युक्त अपना रूप प्रकट किया।

श्लोक 34 (devibhagavatam.7.28.34)

नीलाञ्जनसमप्रख्यं नीलपद्मायतेक्षणम् । सुकर्कशसमोत्तुङ्गवृत्तपीनघनस्तनम्

nīlāñjanasamaprakhyaṁ nīlapadmāyatekṣaṇam sukarkaśasamottuṅgavṛttapīnaghanastanam

काले काजल के समान कान्ति वाला, नीले कमल के समान विशाल नेत्रों वाला, अत्यन्त सुदृढ़, ऊँचे, गोल, स्थूल और सघन स्तनों वाला —

श्लोक 35 (devibhagavatam.7.28.35)

बाणमुष्टिं च कमलं पुष्पपल्लवमूलकान् । शाकादीन्फलसंयुक्ताननन्तरससंयुतान्

bāṇamuṣṭiṁ ca kamalaṁ puṣpapallavamūlakān śākādīnphalasaṁyuktānanantarasasaṁyutān

बाण-मुट्ठी और कमल, फूल और अंकुर, तथा जड़ों, शाकों आदि को फलों सहित, अनन्त रसों से युक्त,

श्लोक 36 (devibhagavatam.7.28.36)

क्षुत्तृड्जरापहान् हस्तैर्बिभ्रती च महाधनुः । सर्वसौन्दर्यसारं तद्रूपं लावण्यशोभितम्

kṣuttṛḍjarāpahān hastairbibhratī ca mahādhanuḥ sarvasaundaryasāraṁ tadrūpaṁ lāvaṇyaśobhitam

भूख, प्यास और वृद्धावस्था को दूर करने वाले पदार्थों को हाथों में धारण किए हुए, तथा एक विशाल धनुष भी; उस रूप में सम्पूर्ण सौन्दर्य का सार था, वह लावण्य से सुशोभित था,

श्लोक 37 (devibhagavatam.7.28.37)

कोटिसूर्यप्रतीकाशं करुणारससागरम् । दर्शयित्वा जगद्धात्री सानन्तनयनोद्भवा

koṭisūryapratīkāśaṁ karuṇārasasāgaram darśayitvā jagaddhātrī sānantanayanodbhavā

करोड़ों सूर्यों के समान तेजस्वी, करुणा-रस का सागर — इस रूप को दिखाते हुए, जगत् की उस धारिणी देवी के, अपने अनन्त नेत्रों से उत्पन्न होकर,

श्लोक 38 (devibhagavatam.7.28.38)

मोचयामास लोकेषु वारिधारां सहस्रशः । नवरात्रं महावृष्टिरभून्नेत्रोद्भवैर्जलैः

mocayāmāsa lokeṣu vāridhārāṁ sahasraśaḥ navarātraṁ mahāvṛṣṭirabhūnnetrodbhavairjalaiḥ

सहस्रों जल-धाराएँ लोकों में मुक्त हो गईं; नौ रात्रियों तक उसके नेत्रों से उत्पन्न जल से एक महान् वर्षा हुई।

श्लोक 39 (devibhagavatam.7.28.39)

दुःखितान्वीक्ष्य सकलान्नेत्राश्रूणि विमुञ्चती । तर्पितास्तेन ते लोका ओषध्यः सकला अपि

duḥkhitānvīkṣya sakalānnetrāśrūṇi vimuñcatī tarpitāstena te lokā oṣadhyaḥ sakalā api

सब दुःखी प्राणियों को देखकर, अपने नेत्रों से आँसू बहाती हुई, उससे वे सब लोक तृप्त हो गए, और सारी औषधियाँ भी।

श्लोक 40 (devibhagavatam.7.28.40)

नदीनदप्रवाहास्तैर्जलैः समभवन्नृप । निलीय संस्थिताः पूर्वं सुरास्ते निर्गता बहिः

nadīnadapravāhāstairjalaiḥ samabhavannṛpa nilīya saṁsthitāḥ pūrvaṁ surāste nirgatā bahiḥ

हे राजन्! उन जलों से नदियों और नदों के प्रवाह उत्पन्न हो गए; जो देवता पहले छिपे हुए थे, वे बाहर निकल आए।

श्लोक 41 (devibhagavatam.7.28.41)

मिलित्वा ससुरा विप्रा देवीं समभितुष्टुवुः । नमो वेदान्तवेद्ये ते नमो ब्रह्मस्वरूपिणि

militvā sasurā viprā devīṁ samabhituṣṭuvuḥ namo vedāntavedye te namo brahmasvarūpiṇi

देवताओं सहित ब्राह्मण एकत्र होकर देवी की भलीभाँति स्तुति करने लगे — हे वेदान्त द्वारा जानी जाने वाली! आपको नमस्कार, हे ब्रह्म-स्वरूपिणी! आपको नमस्कार।

श्लोक 42 (devibhagavatam.7.28.42)

स्वमायया सर्वजगद्विधात्र्यै ते नमो नमः । भक्तकल्पद्रुमे देवि भक्तार्थं देहधारिणि

svamāyayā sarvajagadvidhātryai te namo namaḥ bhaktakalpadrume devi bhaktārthaṁ dehadhāriṇi

अपनी ही माया से सम्पूर्ण जगत् की विधात्री, आपको बार-बार नमस्कार; हे देवी! भक्तों के लिए कल्पवृक्ष के समान, भक्तों के हेतु देह धारण करने वाली,

श्लोक 43 (devibhagavatam.7.28.43)

नित्यतृप्ते निरुपमे भुवनेश्वरि ते नमः । अस्मच्छान्त्यर्थमतुलं लोचनानां सहस्रकम्

nityatṛpte nirupame bhuvaneśvari te namaḥ asmacchāntyarthamatulaṁ locanānāṁ sahasrakam

सदा तृप्त, अनुपम, हे भुवनेश्वरी! आपको नमस्कार; हमारी शान्ति के लिए आपने अपनी नेत्रों की अतुल्य सहस्र संख्या धारण की है,

श्लोक 44 (devibhagavatam.7.28.44)

त्वया यतो धृतं देवि शताक्षी त्वं ततो भव । क्षुधया पीडिता मातः स्तोतुं शक्तिर्न चास्ति नः

tvayā yato dhṛtaṁ devi śatākṣī tvaṁ tato bhava kṣudhayā pīḍitā mātaḥ stotuṁ śaktirna cāsti naḥ

हे देवी! इसलिए ही आप शताक्षी बनें (हुई)। हे माता! हम भूख से पीड़ित हैं, स्तुति करने की शक्ति भी हममें नहीं रह गई है।

श्लोक 45 (devibhagavatam.7.28.45)

कृपां कुरु महेशानि वेदानप्याहराम्बिके । व्यास उवाच । इति तेषां वचः श्रुत्वा शाकान्स्वकरसंस्थितान्

kṛpāṁ kuru maheśāni vedānapyāharāmbike vyāsa uvāca iti teṣāṁ vacaḥ śrutvā śākānsvakarasaṁsthitān

हे महेशानी! कृपा कीजिए, हे अम्बिके! हमें वेद भी लौटा दीजिए। व्यास जी ने कहा — उनका यह वचन सुनकर, अपने ही हाथों में स्थित शाक,

श्लोक 46 (devibhagavatam.7.28.46)

स्वादूनि फलमूलानि भक्षणार्थं ददौ शिवा । नानाविधानि चान्नानि पशुभोज्यानि यानि च

svādūni phalamūlāni bhakṣaṇārthaṁ dadau śivā nānāvidhāni cānnāni paśubhojyāni yāni ca

मीठे फल और मूल भी, उन्हें खाने के लिए शिवा (देवी) ने दे दिए — और नाना प्रकार के अन्न, जो पशुओं के भी भोज्य हैं,

श्लोक 47 (devibhagavatam.7.28.47)

काम्यानन्तरसैर्युक्तान्यानवीनोद्भवं ददौ । शाकम्भरीति नामापि तद्दिनात्समभून्नृप

kāmyānantarasairyuktānyānavīnodbhavaṁ dadau śākambharīti nāmāpi taddinātsamabhūnnṛpa

जो अनन्त रसों से युक्त और मनोवांछित थे, उन्हें भी उसने नए सिरे से उत्पन्न करके दिया। हे राजन्! उसी दिन से देवी का नाम 'शाकम्भरी' भी हुआ।

श्लोक 48 (devibhagavatam.7.28.48)

ततः कोलाहले जाते दूतवाक्येन बोधितः । ससैन्यः सायुधो योद्धुं दुर्गमाख्योऽसुरो ययौ

tataḥ kolāhale jāte dūtavākyena bodhitaḥ sasainyaḥ sāyudho yoddhuṁ durgamākhyo'suro yayau

तत्पश्चात्, दूत के वचन से यह कोलाहल जानकर, उस दुर्गम नामक असुर ने अपनी सेना और शस्त्र सहित युद्ध के लिए प्रस्थान किया।

श्लोक 49 (devibhagavatam.7.28.49)

सहस्राक्षौहिणीयुक्तः शरान्मुञ्चंस्त्वरान्वितः । रुरोध देवसैन्यं तद्यद्देव्यग्रे स्थितं पुरा

sahasrākṣauhiṇīyuktaḥ śarānmuñcaṁstvarānvitaḥ rurodha devasainyaṁ tadyaddevyagre sthitaṁ purā

सहस्र अक्षौहिणी सेना से युक्त होकर, बाण छोड़ते हुए, वह अत्यन्त शीघ्रता से वहाँ पहुँचा, जहाँ पहले देवी के सम्मुख देवताओं की सेना खड़ी थी, और उसे घेर लिया,

श्लोक 50 (devibhagavatam.7.28.50)

तथा विप्रगणं चैव रोधयामास सर्वतः । ततः किलकिला शब्दः समभूद्देवमण्डले

tathā vipragaṇaṁ caiva rodhayāmāsa sarvataḥ tataḥ kilakilā śabdaḥ samabhūddevamaṇḍale

और उसी प्रकार ब्राह्मणों के समूह को भी उसने चारों ओर से घेर लिया। तब देवताओं के मण्डल में एक महान् कोलाहल उठ खड़ा हुआ,

श्लोक 51 (devibhagavatam.7.28.51)

त्राहि त्राहीति वाक्यानि प्रोचुः सर्वे द्विजामराः । ततस्तेजोमयं चक्रं देवानां परितः शिवा

trāhi trāhīti vākyāni procuḥ sarve dvijāmarāḥ tatastejomayaṁ cakraṁ devānāṁ paritaḥ śivā

'रक्षा कीजिए, रक्षा कीजिए' — यह सब देवता और ब्राह्मण एक साथ पुकार उठे। तब शिवा (देवी) ने देवताओं के चारों ओर एक तेजोमय चक्र की रचना की,

श्लोक 52 (devibhagavatam.7.28.52)

चकार रक्षणार्थाय स्वयं तस्माद् बहिः स्थिता । ततः समभवद्युद्धं देव्या दैत्यस्य चोभयोः

cakāra rakṣaṇārthāya svayaṁ tasmād bahiḥ sthitā tataḥ samabhavadyuddhaṁ devyā daityasya cobhayoḥ

उनकी रक्षा के लिए, और वह स्वयं उससे बाहर आ खड़ी हुई। तत्पश्चात् देवी और उस दैत्य के बीच घोर युद्ध छिड़ गया।

श्लोक 53 (devibhagavatam.7.28.53)

शरवर्षसमाच्छन्नं सूर्यमण्डलमद्भुतम् । परस्परशरोद्घर्षसमुद्भूताग्निसुप्रभम्

śaravarṣasamācchannaṁ sūryamaṇḍalamadbhutam parasparaśarodgharṣasamudbhūtāgnisuprabham

बाणों की वर्षा से वह अद्भुत सूर्यमण्डल भी ढँक गया, और परस्पर बाणों के टकराने से उत्पन्न अग्नि से वह प्रकाशित हो उठा,

श्लोक 54 (devibhagavatam.7.28.54)

कठोरज्याटणत्कारबधिरीकृतदिक्तटम् । ततो देवीशरीरात्तु निर्गतास्तीव्रशक्तयः

kaṭhorajyāṭaṇatkārabadhirīkṛtadiktaṭam tato devīśarīrāttu nirgatāstīvraśaktayaḥ

कठोर धनुष-टंकार से दिशाओं के छोर बहरे हो गए। तब देवी के शरीर से अत्यन्त तीव्र शक्तियाँ प्रकट हुईं —

श्लोक 55 (devibhagavatam.7.28.55)

कालिका तारिणी बाला त्रिपुरा भैरवी रमा । बगला चैव मातङ्गी तथा त्रिपुरसुन्दरी

kālikā tāriṇī bālā tripurā bhairavī ramā bagalā caiva mātaṅgī tathā tripurasundarī

कालिका, तारिणी, बाला, त्रिपुरा, भैरवी, रमा, बगला, मातंगी, और वैसे ही त्रिपुरसुन्दरी,

श्लोक 56 (devibhagavatam.7.28.56)

कामाक्षी तुलजा देवी जम्भिनी मोहिनी तथा । छिन्नमस्ता गुह्यकाली दशसाहस्रबाहुका

kāmākṣī tulajā devī jambhinī mohinī tathā chinnamastā guhyakālī daśasāhasrabāhukā

कामाक्षी, तुलजा देवी, जम्भिनी, तथा मोहिनी, छिन्नमस्ता, गुह्यकाली, दस हजार भुजाओं वाली —

श्लोक 57 (devibhagavatam.7.28.57)

द्वात्रिंशच्छक्तयश्चान्याश्चतुष्षष्टिमिताः पराः । असङ्ख्यातास्ततो देव्यः समुद्भूतास्तु सायुधाः

dvātriṁśacchaktayaścānyāścatuṣṣaṣṭimitāḥ parāḥ asaṅkhyātāstato devyaḥ samudbhūtāstu sāyudhāḥ

बत्तीस अन्य शक्तियाँ, तथा चौंसठ और भी परम शक्तियाँ; और उनसे भी असंख्य देवियाँ प्रकट हुईं, सब अपने-अपने अस्त्रों से युक्त,

श्लोक 58 (devibhagavatam.7.28.58)

मृदङ्गशङ्खवीणादिनादितं सङ्गरस्थलम् । शक्तिभिर्दैत्यसैन्ये तु नाशितेऽक्षौहिणीशते

mṛdaṅgaśaṅkhavīṇādināditaṁ saṅgarasthalam śaktibhirdaityasainye tu nāśite'kṣauhiṇīśate

युद्ध का वह मैदान मृदंग, शंख, वीणा आदि की ध्वनि से गूँज उठा; उन शक्तियों के द्वारा दैत्य की सेना की सैकड़ों अक्षौहिणियाँ नष्ट कर दी गईं,

श्लोक 59 (devibhagavatam.7.28.59)

अग्रेसरः समभवद्दुर्गमो वाहिनीपतिः । शक्तिभिः सह युद्धं च चकार प्रथमं रिपुः

agresaraḥ samabhavaddurgamo vāhinīpatiḥ śaktibhiḥ saha yuddhaṁ ca cakāra prathamaṁ ripuḥ

तब वह सेनापति दुर्गम स्वयं आगे बढ़कर आया। सर्वप्रथम उस शत्रु ने उन शक्तियों के साथ ही युद्ध किया,

श्लोक 60 (devibhagavatam.7.28.60)

महद्युद्धं समभवद्यत्राभूद्रक्तवाहिनी । अक्षौहिण्यस्तु ताः सर्वा विनष्टा दशभिर्दिनैः

mahadyuddhaṁ samabhavadyatrābhūdraktavāhinī akṣauhiṇyastu tāḥ sarvā vinaṣṭā daśabhirdinaiḥ

वह महायुद्ध ऐसा हुआ कि वहाँ रक्त की धाराएँ बह चलीं; उसकी वे सभी अक्षौहिणी सेनाएँ दस दिनों के भीतर पूरी तरह नष्ट हो गईं।

श्लोक 61 (devibhagavatam.7.28.61)

तत एकादशे प्राप्ते दिने परमदारुणे । रक्तमाल्याम्बरधरो रक्तगन्धानुलेपनः

tata ekādaśe prāpte dine paramadāruṇe raktamālyāmbaradharo raktagandhānulepanaḥ

तत्पश्चात्, ग्यारहवें दिन आने पर, वह परम भयंकर, रक्त-रंग की माला और वस्त्र धारण किए, रक्त-चन्दन का अनुलेप किए हुए,

श्लोक 62 (devibhagavatam.7.28.62)

कृत्वोत्सवं महान्तं तु युद्धाय रथसंस्थितः । संरम्भेणैव महता शक्तीः सर्वा विजित्य च

kṛtvotsavaṁ mahāntaṁ tu yuddhāya rathasaṁsthitaḥ saṁrambheṇaiva mahatā śaktīḥ sarvā vijitya ca

एक महान् उत्सव मनाकर, रथ पर सवार होकर युद्ध के लिए आया; अत्यन्त आवेश के साथ उसने उन सारी शक्तियों को परास्त कर,

श्लोक 63 (devibhagavatam.7.28.63)

महादेवीरथाग्रे तु स्वरथं संन्यवेशयत् । ततोऽभवन्महद्युद्धं देव्या दैत्यस्य चोभयोः

mahādevīrathāgre tu svarathaṁ saṁnyaveśayat tato'bhavanmahadyuddhaṁ devyā daityasya cobhayoḥ

अपने रथ को महादेवी के रथ के सामने खड़ा कर दिया। तत्पश्चात् देवी और उस दैत्य के बीच एक महायुद्ध हुआ,

श्लोक 64 (devibhagavatam.7.28.64)

प्रहरद्वयपर्यन्तं हृदयत्रासकारकम् । ततः पञ्चदशात्युग्रबाणान्देवी मुमोच ह

praharadvayaparyantaṁ hṛdayatrāsakārakam tataḥ pañcadaśātyugrabāṇāndevī mumoca ha

जो दो पहरों तक चला और हृदय को कँपा देने वाला था। तब देवी ने पन्द्रह अत्यन्त उग्र बाण छोड़े,

श्लोक 65 (devibhagavatam.7.28.65)

चतुर्भिश्चतुरो वाहान्बाणेनैकेन सारथिम् । द्वाभ्यां नेत्रे भुजौ द्वाभ्यां ध्वजमेकेन पत्रिणा

caturbhiścaturo vāhānbāṇenaikena sārathim dvābhyāṁ netre bhujau dvābhyāṁ dhvajamekena patriṇā

चार से उसके चार घोड़ों को, एक बाण से उसके सारथि को, दो से उसकी दोनों आँखों को, दो से उसकी दोनों भुजाओं को, एक पंखयुक्त बाण से उसकी ध्वजा को,

श्लोक 66 (devibhagavatam.7.28.66)

पञ्चभिर्हृदयं तस्य विव्याध जगदम्बिका । ततो वमन् स रुधिरं ममार पुर ईशितुः

pañcabhirhṛdayaṁ tasya vivyādha jagadambikā tato vaman sa rudhiraṁ mamāra pura īśituḥ

और पाँच बाणों से जगदम्बिका ने उसके हृदय को बींध डाला। तब वह रक्त वमन करता हुआ, उस नगरी के स्वामी की मृत्यु हो गई।

श्लोक 67 (devibhagavatam.7.28.67)

तस्य तेजस्तु निर्गत्य देवीरूपे विवेश ह । हते तस्मिन्महावीर्ये शान्तमासीज्जगत्त्रयम्

tasya tejastu nirgatya devīrūpe viveśa ha hate tasminmahāvīrye śāntamāsījjagattrayam

उसका तेज उसके शरीर से निकलकर देवी के ही रूप में समा गया; उस महाबलशाली के मारे जाने पर, तीनों लोक शान्त हो गए।

श्लोक 68 (devibhagavatam.7.28.68)

ततो ब्रह्मादयः सर्वे तुष्टुवुर्जगदम्बिकाम् । पुरस्कृत्य हरीशानौ भक्त्या गद्गदया गिरा

tato brahmādayaḥ sarve tuṣṭuvurjagadambikām puraskṛtya harīśānau bhaktyā gadgadayā girā

तत्पश्चात् ब्रह्मा आदि सभी देवताओं ने, हरि और ईश (विष्णु और शिव) को आगे करके, भक्तिपूर्वक, गद्गद स्वर में जगदम्बिका की स्तुति की।

श्लोक 69 (devibhagavatam.7.28.69)

देवा ऊचुः । जगद्भ्रमविवर्तैककारणे परमेश्वरि । नमः शाकम्भरि शिवे नमस्ते शतलोचने

devā ūcuḥ jagadbhramavivartaikakāraṇe parameśvari namaḥ śākambhari śive namaste śatalocane

देवताओं ने कहा — हे परमेश्वरी! हे जगत् के भ्रमपूर्ण आवर्तन के एकमात्र कारण! हे शाकम्भरी! हे शिवे! आपको नमस्कार, हे शतलोचने! आपको नमस्कार।

श्लोक 70 (devibhagavatam.7.28.70)

सर्वोपनिषदुद्घुष्टे दुर्गमासुरनाशिनि । नमो मायेश्वरि शिवे पञ्चकोशान्तरस्थिते

sarvopaniṣadudghuṣṭe durgamāsuranāśini namo māyeśvari śive pañcakośāntarasthite

हे सम्पूर्ण उपनिषदों में घोषित! हे दुर्गम-असुर की नाशिनी! हे मायेश्वरी! हे शिवे! जो पाँच कोशों के भीतर विराजमान हैं, आपको नमस्कार।

श्लोक 71 (devibhagavatam.7.28.71)

चेतसा निर्विकल्पेन यां ध्यायन्ति मुनीश्वराः । प्रणवार्थस्वरूपां तां भजामो भुवनेश्वरीम्

cetasā nirvikalpena yāṁ dhyāyanti munīśvarāḥ praṇavārthasvarūpāṁ tāṁ bhajāmo bhuvaneśvarīm

जिनका ध्यान मुनिश्रेष्ठ निर्विकल्प चित्त से करते हैं, उन प्रणव के अर्थस्वरूपा भुवनेश्वरी की हम उपासना करते हैं।

श्लोक 72 (devibhagavatam.7.28.72)

अनन्तकोटिब्रह्माण्डजननीं दिव्यविग्रहाम् । ब्रह्मविष्ण्वादिजननीं सर्वभावैर्नता वयम्

anantakoṭibrahmāṇḍajananīṁ divyavigrahām brahmaviṣṇvādijananīṁ sarvabhāvairnatā vayam

अनन्त कोटि ब्रह्माण्डों की जननी, दिव्य शरीर धारण करने वाली, ब्रह्मा-विष्णु आदि की भी जननी — हमने सम्पूर्ण भाव से आपको प्रणाम किया है।

श्लोक 73 (devibhagavatam.7.28.73)

कः कुर्यात्पामरान्दृष्ट्वा रोदनं सकलेश्वरः । सदयां परमेशानीं शताक्षीं मातरं विना

kaḥ kuryātpāmarāndṛṣṭvā rodanaṁ sakaleśvaraḥ sadayāṁ parameśānīṁ śatākṣīṁ mātaraṁ vinā

दीन प्राणियों को देखकर भला कौन सर्वेश्वर उनके लिए रोदन नहीं करेगा — केवल दयालु परमेश्वरी माता शताक्षी को छोड़कर?

श्लोक 74 (devibhagavatam.7.28.74)

व्यास उवाच । इति स्तुता सुरैर्देवी ब्रह्मविष्ण्वादिभिर्वरैः । पूजिता विविधैर्द्रव्यैः सन्तुष्टाभूच्च तत्क्षणे

vyāsa uvāca iti stutā surairdevī brahmaviṣṇvādibhirvaraiḥ pūjitā vividhairdravyaiḥ santuṣṭābhūcca tatkṣaṇe

व्यास जी ने कहा — इस प्रकार ब्रह्मा-विष्णु आदि श्रेष्ठ देवताओं द्वारा स्तुति की गई देवी, नाना प्रकार की सामग्रियों से पूजित होकर, उसी क्षण सन्तुष्ट हो गईं।

श्लोक 75 (devibhagavatam.7.28.75)

प्रसन्ना सा तदा देवी वेदानाहृत्य सा ददौ । ब्राह्मणेभ्यो विशेषेण प्रोवाच पिकभाषिणी

prasannā sā tadā devī vedānāhṛtya sā dadau brāhmaṇebhyo viśeṣeṇa provāca pikabhāṣiṇī

तब प्रसन्न होकर उस देवी ने वेदों को पुनः लाकर उन्हें, विशेष रूप से ब्राह्मणों को, दे दिया; और कोकिल-स्वर बोलने वाली उस देवी ने यह कहा —

श्लोक 76 (devibhagavatam.7.28.76)

ममेयं तनुरुत्कृष्टा पालनीया विशेषतः । यया विनानर्थ एष जातो दृष्टोऽधुनैव हि

mameyaṁ tanurutkṛṣṭā pālanīyā viśeṣataḥ yayā vinānartha eṣa jāto dṛṣṭo'dhunaiva hi

मेरा यह उत्कृष्ट शरीर विशेष रूप से पालनीय है (अर्थात् इसकी उपासना बनी रहनी चाहिए); जिसके बिना यह अनर्थ, जैसा अभी-अभी देखा गया, उत्पन्न हुआ था।

श्लोक 77 (devibhagavatam.7.28.77)

पूज्याहं सर्वदा सेव्या युष्माभिः सर्वदैव हि । नातः परतरं किञ्चित्कल्याणायोपदिश्यते

pūjyāhaṁ sarvadā sevyā yuṣmābhiḥ sarvadaiva hi nātaḥ parataraṁ kiñcitkalyāṇāyopadiśyate

मैं सदा पूज्य हूँ, सदा ही तुम सबके द्वारा सेवा किए जाने योग्य हूँ; इससे बढ़कर कोई अन्य वस्तु कल्याण के लिए नहीं बताई जाती।

श्लोक 78 (devibhagavatam.7.28.78)

पठनीयं ममैतद्धि माहात्म्यं सर्वदोत्तमम् । तेन तुष्टा भविष्यामि हरिष्यामि तथापदः

paṭhanīyaṁ mamaitaddhi māhātmyaṁ sarvadottamam tena tuṣṭā bhaviṣyāmi hariṣyāmi tathāpadaḥ

मेरी यह महिमा सदा ही सर्वोत्तम रूप से पढ़ी जानी चाहिए; उससे मैं सन्तुष्ट होकर सारी विपत्तियों को हर लूँगी।

श्लोक 79 (devibhagavatam.7.28.79)

दुर्गमासुरहन्त्रीत्वाद्दुर्गेति मम नाम यः । गृह्णाति च शताक्षीति मायां भित्त्वा व्रजत्यसौ

durgamāsurahantrītvāddurgeti mama nāma yaḥ gṛhṇāti ca śatākṣīti māyāṁ bhittvā vrajatyasau

दुर्गम असुर के वध के कारण मेरा नाम 'दुर्गा' भी हुआ; जो कोई 'शताक्षी' नाम का जप करता है, वह माया को भेदकर उससे परे चला जाता है।

श्लोक 80 (devibhagavatam.7.28.80)

किमुक्तेनात्र बहुना सारं वक्ष्यामि तत्त्वतः । संसेव्याहं सदा देवाः सर्वैरपि सुरासुरैः

kimuktenātra bahunā sāraṁ vakṣyāmi tattvataḥ saṁsevyāhaṁ sadā devāḥ sarvairapi surāsuraiḥ

इस विषय में अधिक कहने से क्या लाभ? मैं इसका सार यथार्थ रूप से बता दूँगी — मेरी सेवा सदा सभी देवताओं और असुरों द्वारा भी की जानी चाहिए।

श्लोक 81 (devibhagavatam.7.28.81)

इत्युक्त्वान्तर्हिता देवी देवानां चैव पश्यताम् । सन्तोषं जनयन्त्येवं सच्चिदनन्दरूपिणी

ityuktvāntarhitā devī devānāṁ caiva paśyatām santoṣaṁ janayantyevaṁ saccidanandarūpiṇī

यह कहकर देवताओं के देखते-देखते ही वह देवी अन्तर्धान हो गईं — सत्, चित् और आनन्द स्वरूपा वह देवी इस प्रकार सन्तोष उत्पन्न करती हुई अदृश्य हो गईं।

श्लोक 82 (devibhagavatam.7.28.82)

एतत्ते सर्वमाख्यातं रहस्यं परमं महत् । गोपनीयं प्रयत्नेन सर्वकल्याणकारकम्

etatte sarvamākhyātaṁ rahasyaṁ paramaṁ mahat gopanīyaṁ prayatnena sarvakalyāṇakārakam

यह वह सम्पूर्ण, परम गुह्य, महान् रहस्य तुम्हें बता दिया गया; यत्नपूर्वक इसे गुप्त रखना चाहिए, यह सबका कल्याण करने वाला है।

श्लोक 83 (devibhagavatam.7.28.83)

य इमं शृणुयान्नित्यमध्यायं भक्तितत्परः । सर्वान्कामानवाप्नोति देवीलोके महीयते

ya imaṁ śṛṇuyānnityamadhyāyaṁ bhaktitatparaḥ sarvānkāmānavāpnoti devīloke mahīyate

जो कोई भी इस अध्याय को नित्य भक्तिपूर्वक सुनता है, वह अपनी सारी कामनाओं को प्राप्त करता है, और देवी के लोक में सम्मानित होता है।