देवी की आराधना हेतु देवताओं का तपः

श्लोक 1 (devibhagavatam.7.29.1)

व्यास उवाच । इत्येवं सूर्यवंश्यानां राज्ञां चरितमुत्तमम् । सोमवंशोद्भवानां च वर्णनीयं मया कियत्

vyāsa uvāca ityevaṁ sūryavaṁśyānāṁ rājñāṁ caritamuttamam somavaṁśodbhavānāṁ ca varṇanīyaṁ mayā kiyat

व्यास जी ने कहा — इस प्रकार सूर्यवंशी राजाओं का यह उत्तम चरित्र, और सोमवंश में उत्पन्न राजाओं का चरित्र भी, मुझे और कितना वर्णन करना चाहिए?

श्लोक 2 (devibhagavatam.7.29.2)

पराशक्तिप्रसादेन महत्त्वं प्रतिपेदिरे । राजन् सुनिश्चितं विद्धि पराशक्तिप्रसादतः

parāśaktiprasādena mahattvaṁ pratipedire rājan suniścitaṁ viddhi parāśaktiprasādataḥ

परा शक्ति की ही कृपा से उन्होंने महानता प्राप्त की; हे राजन्! यह भलीभाँति निश्चित जान लो कि यह सब परा शक्ति की ही कृपा से हुआ है।

श्लोक 3 (devibhagavatam.7.29.3)

यद्यद्विभूतिमत्सत्त्वं श्रीमदूर्जितमेव वा । तत्तदेवावगच्छ त्वं पराशक्त्यंशसम्भवम्

yadyadvibhūtimatsattvaṁ śrīmadūrjitameva vā tattadevāvagaccha tvaṁ parāśaktyaṁśasambhavam

जो कुछ भी विभूतिशाली, श्रीयुक्त अथवा बलशाली सत्त्व है, उस सबको तुम परा शक्ति के ही अंश से उत्पन्न जानो।

श्लोक 4 (devibhagavatam.7.29.4)

एते चान्ये च राजानः पराशक्तेरुपासकाः । संसारतरुमूलस्य कुठारा अभवन्नृप

ete cānye ca rājānaḥ parāśakterupāsakāḥ saṁsāratarumūlasya kuṭhārā abhavannṛpa

ये और अन्य भी जो राजा परा शक्ति के उपासक हुए, हे राजन्! वे इस संसार-वृक्ष की जड़ को काटने वाली कुल्हाड़ियों के समान बन गए।

श्लोक 5 (devibhagavatam.7.29.5)

तस्मात्सर्वप्रयत्नेन संसेव्या भुवनेश्वरी । पलालमिव धान्यार्थी त्यजेदन्यमशेषतः

tasmātsarvaprayatnena saṁsevyā bhuvaneśvarī palālamiva dhānyārthī tyajedanyamaśeṣataḥ

इसलिए हर प्रकार से यत्नपूर्वक भुवनेश्वरी की ही सेवा करनी चाहिए; जैसे धान्य चाहने वाला भूसे को सर्वथा त्याग देता है, वैसे ही और सब कुछ त्याग देना चाहिए।

श्लोक 6 (devibhagavatam.7.29.6)

आमथ्य वेददुग्धाब्धिं प्राप्तं रत्नं मया नृप । पराशक्तिपदाम्भोजं कृतकृत्योऽस्म्यहं ततः

āmathya vedadugdhābdhiṁ prāptaṁ ratnaṁ mayā nṛpa parāśaktipadāmbhojaṁ kṛtakṛtyo'smyahaṁ tataḥ

वेद-रूपी दूध के सागर का मन्थन करके, हे राजन्! मैंने जो रत्न प्राप्त किया है, वह परा शक्ति के चरण-कमल ही हैं — उन्हें पाकर मैं कृतकृत्य हो गया हूँ।

श्लोक 7 (devibhagavatam.7.29.7)

पञ्चब्रह्मासनारूढा नास्त्यन्या कापि देवता । तत एव महादेव्या पञ्चब्रह्मासनं कृतम्

pañcabrahmāsanārūḍhā nāstyanyā kāpi devatā tata eva mahādevyā pañcabrahmāsanaṁ kṛtam

पाँच ब्रह्मों (शिव, विष्णु, ब्रह्मा आदि) के आसन पर विराजमान वे ही हैं, उनसे भिन्न और कोई देवता नहीं है; इसीलिए महादेवी को 'पञ्च-ब्रह्मासना' कहा गया है।

श्लोक 8 (devibhagavatam.7.29.8)

पञ्चभ्यस्त्वधिकं वस्तु वेदेऽव्यक्तमितीर्यते । यस्मिन्नोतं च प्रोतं च सैव श्रीभुवनेश्वरी

pañcabhyastvadhikaṁ vastu vede'vyaktamitīryate yasminnotaṁ ca protaṁ ca saiva śrībhuvaneśvarī

पाँचों से भी बढ़कर जो अव्यक्त तत्त्व है, वह वेद में ही कहा गया है; जिसमें यह सब ताना-बाना बुना हुआ है, वह श्री भुवनेश्वरी ही हैं।

श्लोक 9 (devibhagavatam.7.29.9)

तामविज्ञाय राजेन्द्र नैव मुक्तो भवेन्नरः । यदा चर्मवदाकाशं वेष्टयिष्यन्ति मानवाः

tāmavijñāya rājendra naiva mukto bhavennaraḥ yadā carmavadākāśaṁ veṣṭayiṣyanti mānavāḥ

हे राजेन्द्र! उसे जाने बिना मनुष्य कभी मुक्त नहीं हो सकता; जब मनुष्य आकाश को चमड़े की भाँति लपेट लेंगे,

श्लोक 10 (devibhagavatam.7.29.10)

तदा शिवामविज्ञाय दुःखस्यान्तो भविष्यति । अत एव श्रुतौ प्राहुः श्वेताश्वतरशाखिनः

tadā śivāmavijñāya duḥkhasyānto bhaviṣyati ata eva śrutau prāhuḥ śvetāśvataraśākhinaḥ

तब ही, शिवा को जाने बिना, दुःख का अन्त हो सकेगा — तभी, अन्यथा नहीं। इसीलिए श्वेताश्वतर शाखा के वेद में कहा गया है —

श्लोक 11 (devibhagavatam.7.29.11)

ते ध्यानयोगानुगता अपश्यन्देवात्मशक्तिं स्वगुणैर्निगूढाम्

te dhyānayogānugatā apaśyandevātmaśaktiṁ svaguṇairnigūḍhām

वे ध्यान-योग में लीन मुनि उस देवात्म-शक्ति को देखते हैं, जो अपने ही गुणों से गूढ़ हुई है।

श्लोक 12 (devibhagavatam.7.29.12)

तस्मात् सर्वप्रयत्नेन जन्मसाफल्यहेतवे । लज्जया वा भयेनापि भक्त्या वा प्रेमयुक्तया । सर्वसङ्गं परित्यज्य मनो हृदि निरुध्य च

tasmāt sarvaprayatnena janmasāphalyahetave lajjayā vā bhayenāpi bhaktyā vā premayuktayā sarvasaṅgaṁ parityajya mano hṛdi nirudhya ca

इसलिए, जन्म को सफल बनाने के हेतु, हर प्रकार से यत्नपूर्वक — चाहे लज्जा से, चाहे भय से, अथवा प्रेमयुक्त भक्ति से — सम्पूर्ण आसक्ति का त्याग करके, मन को हृदय में स्थिर करके,

श्लोक 13 (devibhagavatam.7.29.13)

तन्निष्ठस्तत्परो भूयादिति वेदान्तडिण्डिमः । येन केन मिषेणापि स्वपंस्तिष्ठन्व्रजन्नपि

tanniṣṭhastatparo bhūyāditi vedāntaḍiṇḍimaḥ yena kena miṣeṇāpi svapaṁstiṣṭhanvrajannapi

उसी में निष्ठावान् और तत्पर हो जाना चाहिए — यही वेदान्त का उद्घोष है। किसी भी बहाने से, चाहे सोते हुए, बैठे हुए या चलते हुए भी,

श्लोक 14 (devibhagavatam.7.29.14)

कीर्तयेत्सततं देवीं स वै मुच्येत बन्धनात् । तस्मात्सर्वप्रयत्नेन भज राजन् महेश्वरीम्

kīrtayetsatataṁ devīṁ sa vai mucyeta bandhanāt tasmātsarvaprayatnena bhaja rājan maheśvarīm

जो व्यक्ति सतत देवी का ही कीर्तन करता रहता है, वह निश्चय ही बन्धन से मुक्त हो जाता है; इसलिए, हे राजन्! हर प्रकार से यत्नपूर्वक महेश्वरी की भक्ति करो —

श्लोक 15 (devibhagavatam.7.29.15)

विराड्रूपां सूत्ररूपां तथान्तर्यामिरूपिणीम् । सोपानक्रमतः पूर्वं ततः शुद्धे तु चेतसि

virāḍrūpāṁ sūtrarūpāṁ tathāntaryāmirūpiṇīm sopānakramataḥ pūrvaṁ tataḥ śuddhe tu cetasi

जो विराट-रूपा हैं, सूत्र-रूपा हैं, और साथ ही अन्तर्यामी-रूपा भी हैं; सीढ़ी-दर-सीढ़ी क्रमपूर्वक पहले इस मार्ग पर चलकर, फिर चित्त के शुद्ध हो जाने पर,

श्लोक 16 (devibhagavatam.7.29.16)

सच्चिदानन्दलक्ष्यार्थरूपां तां ब्रह्मरूपिणीम् । आराधय परां शक्तिं प्रपञ्चोल्लासवर्जिताम्

saccidānandalakṣyārtharūpāṁ tāṁ brahmarūpiṇīm ārādhaya parāṁ śaktiṁ prapañcollāsavarjitām

सत्-चित्-आनन्द ही जिनका लक्ष्य और अर्थ है, उस ब्रह्म-स्वरूपा परम शक्ति की, प्रपंच के समस्त विलास से रहित रूप में, आराधना करो।

श्लोक 17 (devibhagavatam.7.29.17)

तस्यां चित्तलयो यः स तस्या आराधनं स्मृतम् । राजन् राज्ञां पराशक्तिभक्तानां चरितं मया

tasyāṁ cittalayo yaḥ sa tasyā ārādhanaṁ smṛtam rājan rājñāṁ parāśaktibhaktānāṁ caritaṁ mayā

उसी में चित्त का लय होना ही उसकी सच्ची आराधना कहा गया है। हे राजन्! मैंने तुम्हें राजाओं का, परा शक्ति के भक्तों का,

श्लोक 18 (devibhagavatam.7.29.18)

धार्मिकाणां सूर्यसोमवंशजानां मनस्विनाम् । पावनं कीर्तिदं धर्मबुद्धिदं सद्गतिप्रदम्

dhārmikāṇāṁ sūryasomavaṁśajānāṁ manasvinām pāvanaṁ kīrtidaṁ dharmabuddhidaṁ sadgatipradam

धर्मात्मा, सूर्य और सोम दोनों वंशों में उत्पन्न, विवेकशील पुरुषों का यह पावन, कीर्तिदायक, धर्म-बुद्धि देने वाला, सद्गति देने वाला चरित्र सुनाया है।

श्लोक 19 (devibhagavatam.7.29.19)

कथितं पुण्यदं पश्चात्किमन्यच्छ्रोतुमिच्छसि । जनमेजय उवाच । गौरीलक्ष्मीसरस्वत्यो दत्ताः पूर्वं पराम्बया

kathitaṁ puṇyadaṁ paścātkimanyacchrotumicchasi janamejaya uvāca gaurīlakṣmīsarasvatyo dattāḥ pūrvaṁ parāmbayā

यह पुण्यदायी कथा सुनाई जा चुकी है; अब आगे और क्या सुनना चाहते हो? जनमेजय ने कहा — गौरी, लक्ष्मी और सरस्वती — इन्हें पहले परा अम्बिका ने ही,

श्लोक 20 (devibhagavatam.7.29.20)

हराय हरये तद्वन्नाभिपद्मोद्भवाय च । तुषाराद्रेश्च दक्षस्य गौरी कन्येति विश्रुतम्

harāya haraye tadvannābhipadmodbhavāya ca tuṣārādreśca dakṣasya gaurī kanyeti viśrutam

हर (शिव), हरि (विष्णु) और उसी प्रकार नाभि-कमल से उत्पन्न (ब्रह्मा) को दिया था; हिमालय की कन्या गौरी और दक्ष की कन्या के रूप में विख्यात है,

श्लोक 21 (devibhagavatam.7.29.21)

क्षीरोदधेश्च कन्येति महालक्ष्मीरिति स्मृतम् । मूलदेव्युद्भवानां च कथं कन्यात्वमन्ययोः

kṣīrodadheśca kanyeti mahālakṣmīriti smṛtam mūladevyudbhavānāṁ ca kathaṁ kanyātvamanyayoḥ

और क्षीरसागर की कन्या के रूप में महालक्ष्मी विख्यात हैं — तो फिर मूल देवी से उत्पन्न इन दोनों की, अन्य पिताओं की, कन्या होने की बात कैसे सम्भव है?

श्लोक 22 (devibhagavatam.7.29.22)

असम्भाव्यमिदं भाति संशयोऽत्र महामुने । छिन्धि ज्ञानासिना तं त्वं संशयच्छेदतत्परः

asambhāvyamidaṁ bhāti saṁśayo'tra mahāmune chindhi jñānāsinā taṁ tvaṁ saṁśayacchedatatparaḥ

यह असम्भव-सा प्रतीत होता है, हे महामुने! इसमें मुझे संशय है — संशय को काटने में तत्पर आप ज्ञान की तलवार से इसे काट दीजिए।

श्लोक 23 (devibhagavatam.7.29.23)

व्यास उवाच । शृणु राजन् प्रवक्ष्यामि रहस्यं परमाद्भुतम् । देवीभक्तस्य ते किञ्चिदवाच्यं न हि विद्यते

vyāsa uvāca śṛṇu rājan pravakṣyāmi rahasyaṁ paramādbhutam devībhaktasya te kiñcidavācyaṁ na hi vidyate

व्यास जी ने कहा — सुनो, हे राजन्! मैं यह परम अद्भुत रहस्य बताऊँगा; देवी के भक्त तुम्हारे लिए मेरे पास कुछ भी अकथनीय नहीं है।

श्लोक 24 (devibhagavatam.7.29.24)

देवीत्रयं यदा देवत्रयायादात्पराम्बिका । तदाप्रभृति ते देवाः सृष्टिकार्याणि चक्रिरे

devītrayaṁ yadā devatrayāyādātparāmbikā tadāprabhṛti te devāḥ sṛṣṭikāryāṇi cakrire

जब परा अम्बिका ने तीनों देवियों को तीनों देवताओं को सौंपा, तब से लेकर वे देवता सृष्टि के कार्यों में लग गए।

श्लोक 25 (devibhagavatam.7.29.25)

कस्मिंश्चित्समये राजन् दैत्या हालाहलाभिधाः । महापराक्रमा जातास्त्रैलोक्यं तैर्जितं क्षणात्

kasmiṁścitsamaye rājan daityā hālāhalābhidhāḥ mahāparākramā jātāstrailokyaṁ tairjitaṁ kṣaṇāt

हे राजन्! किसी समय हालाहल नामक दैत्य उत्पन्न हुए, जो अत्यन्त पराक्रमी थे, और उन्होंने एक ही क्षण में तीनों लोकों को जीत लिया।

श्लोक 26 (devibhagavatam.7.29.26)

ब्रह्मणो वरदानेन दर्पिता रजताचलम् । रुरुधुर्निजसेनाभिस्तथा वैकुण्ठमेव च

brahmaṇo varadānena darpitā rajatācalam rurudhurnijasenābhistathā vaikuṇṭhameva ca

ब्रह्मा के वरदान से गर्वित होकर, उन्होंने अपनी सेनाओं से रजत-पर्वत (कैलास) को घेर लिया, और उसी प्रकार वैकुण्ठ को भी घेर लिया।

श्लोक 27 (devibhagavatam.7.29.27)

कामारिः कैटभारिश्च युद्धोद्योगं च चक्रतुः । षष्टिवर्षसहस्राणामभूद्युद्धं महोत्कटम्

kāmāriḥ kaiṭabhāriśca yuddhodyogaṁ ca cakratuḥ ṣaṣṭivarṣasahasrāṇāmabhūdyuddhaṁ mahotkaṭam

तब कामारि (शिव) और कैटभारि (विष्णु) ने युद्ध का उद्योग किया; साठ हजार वर्षों तक वह अत्यन्त भीषण युद्ध चलता रहा।

श्लोक 28 (devibhagavatam.7.29.28)

हाहाकारो महानासीद्देवदानवसेनयोः । महताथ प्रयत्नेन ताभ्यां ते दानवा हताः

hāhākāro mahānāsīddevadānavasenayoḥ mahatātha prayatnena tābhyāṁ te dānavā hatāḥ

देवताओं और दानवों की सेनाओं में महान् हाहाकार मच गया; तत्पश्चात्, उन दोनों (शिव-विष्णु) के महान् प्रयास से वे दानव मारे गए।

श्लोक 29 (devibhagavatam.7.29.29)

स्वस्वस्थानेषु गत्वा तावभिमानं च चक्रतुः । स्वशक्त्योर्निकटे राजन् यद्वशादेव ते हताः

svasvasthāneṣu gatvā tāvabhimānaṁ ca cakratuḥ svaśaktyornikaṭe rājan yadvaśādeva te hatāḥ

अपने-अपने स्थानों पर लौटकर उन दोनों ने अभिमान किया — हे राजन्! जिनकी अपनी शक्तियों के प्रभाव से ही वे दानव वास्तव में मारे गए थे,

श्लोक 30 (devibhagavatam.7.29.30)

अभिमानं तयोर्ज्ञात्वा छलहास्यं च चक्रतुः । महालक्ष्मीश्च गौरी च हास्यं दृष्ट्वा तयोस्तु तौ

abhimānaṁ tayorjñātvā chalahāsyaṁ ca cakratuḥ mahālakṣmīśca gaurī ca hāsyaṁ dṛṣṭvā tayostu tau

उन दोनों शक्तियों के निकट (उपस्थित) रहते हुए ही उन्होंने यह अभिमान किया। उन दोनों देवताओं के इस अभिमान को जानकर, उनकी शक्तियों — महालक्ष्मी और गौरी — ने उन दोनों पर छल भरी हँसी की।

श्लोक 31 (devibhagavatam.7.29.31)

देवावतीव सङ्कृद्धौ मोहितावादिमायया । दुरुत्तरं च ददतुरवमानपुरःसरम्

devāvatīva saṅkṛddhau mohitāvādimāyayā duruttaraṁ ca dadaturavamānapuraḥsaram

उस हँसी को देखकर, वे दोनों देवता अत्यन्त क्रोधित हो गए — आदिमाया (परा शक्ति) से ही मोहित होकर, उन्होंने अपमानपूर्वक कठोर, दुर्वचन कह डाले।

श्लोक 32 (devibhagavatam.7.29.32)

ततस्ते देवते तस्मिन्क्षणे त्यक्त्वा तु तौ पुनः । अन्तर्हिते चाभवतां हाहाकारस्तदा ह्यभूत्

tataste devate tasminkṣaṇe tyaktvā tu tau punaḥ antarhite cābhavatāṁ hāhākārastadā hyabhūt

तत्पश्चात् उन दोनों देवियों ने, उसी क्षण, उन दोनों देवताओं को त्यागकर, अन्तर्धान हो गईं — और तब वहाँ एक महान् हाहाकार मच गया।

श्लोक 33 (devibhagavatam.7.29.33)

निस्तेजस्कौ च निःशक्ती विक्षिप्तौ च विचेतनौ । अवमानात्तयोः शक्त्योर्जातौ हरिहरौ तदा

nistejaskau ca niḥśaktī vikṣiptau ca vicetanau avamānāttayoḥ śaktyorjātau hariharau tadā

तेजोहीन और शक्तिहीन होकर, विक्षिप्त और चेतनाहीन होकर — उन दोनों की अपनी-अपनी शक्तियों के अपमान के कारण ही हरि और हर (शिव) उस समय उस दशा को प्राप्त हुए।

श्लोक 34 (devibhagavatam.7.29.34)

ब्रह्मा चिन्तातुरो जातः किमेतत्समुपस्थितम् । प्रधानौ देवतामध्ये कथं कार्याक्षमावमू

brahmā cintāturo jātaḥ kimetatsamupasthitam pradhānau devatāmadhye kathaṁ kāryākṣamāvamū

ब्रह्मा भी चिन्ता में पड़ गए — यह क्या हो गया? देवताओं में जो प्रधान (दो) थे, वे कार्य करने में असमर्थ कैसे हो गए?

श्लोक 35 (devibhagavatam.7.29.35)

अकाण्डे किं निमित्तेन सङ्कटं समुपस्थितम् । प्रलयो भविता किं वा जगतोऽस्य निरागसः

akāṇḍe kiṁ nimittena saṅkaṭaṁ samupasthitam pralayo bhavitā kiṁ vā jagato'sya nirāgasaḥ

अकाल में ही यह विपत्ति किस कारण से उत्पन्न हुई? क्या इस निर्दोष जगत् का प्रलय ही होने वाला है?

श्लोक 36 (devibhagavatam.7.29.36)

निमित्तं नैव जानेऽहं कथं कार्या प्रतिक्रिया । इति चिन्तातुरोऽत्यर्थं दध्यौ मीलितलोचनः

nimittaṁ naiva jāne'haṁ kathaṁ kāryā pratikriyā iti cintāturo'tyarthaṁ dadhyau mīlitalocanaḥ

मैं इसका कारण नहीं जान पा रहा, इसका प्रतिकार कैसे किया जाए? इस प्रकार अत्यन्त चिन्तित होकर, आँखें मूँदे हुए वे ध्यानमग्न हो गए।

श्लोक 37 (devibhagavatam.7.29.37)

पराशक्तिप्रकोपात्तु जातमेतदिति स्म ह । जानंस्तदा सावधानः पद्मजोऽभून्नृपोत्तम

parāśaktiprakopāttu jātametaditi sma ha jānaṁstadā sāvadhānaḥ padmajo'bhūnnṛpottama

तब उन्होंने जान लिया कि यह सब परा शक्ति के प्रकोप से ही उत्पन्न हुआ है — हे राजश्रेष्ठ! यह जानकर, कमल से उत्पन्न ब्रह्मा सावधान हो गए।

श्लोक 38 (devibhagavatam.7.29.38)

ततस्तयोश्च यत्कार्यं स्वयमेवाऽकरोत्तदा । स्वशक्तेश्च प्रभावेण कियत्कालं तपोनिधिः

tatastayośca yatkāryaṁ svayamevā'karottadā svaśakteśca prabhāveṇa kiyatkālaṁ taponidhiḥ

तत्पश्चात्, कुछ काल के लिए, उन दोनों का जो भी कार्य था, उसे तपोनिधि ब्रह्मा ने स्वयं ही, अपनी शक्ति के प्रभाव से पूरा किया।

श्लोक 39 (devibhagavatam.7.29.39)

ततस्तयोस्तु स्वस्त्यर्थं मन्वादीन्स्वसुतानथ । आह्वयामास धर्मात्मा सनकादींश्च सत्वरः

tatastayostu svastyarthaṁ manvādīnsvasutānatha āhvayāmāsa dharmātmā sanakādīṁśca satvaraḥ

फिर, उन दोनों (शिव-विष्णु) के कल्याण के लिए, धर्मात्मा ब्रह्मा ने मनु आदि अपने पुत्रों को, और शीघ्रता से सनक आदि को भी, बुलाया।

श्लोक 40 (devibhagavatam.7.29.40)

उवाच वचनं तेभ्यः सन्नतेभ्यस्तपोनिधिः । कार्यासक्तोऽहमधुना तपः कर्तुं न च क्षमः

uvāca vacanaṁ tebhyaḥ sannatebhyastaponidhiḥ kāryāsakto'hamadhunā tapaḥ kartuṁ na ca kṣamaḥ

उनके सामने झुके हुए उन सबसे तपोनिधि ने यह वचन कहा — मैं अभी कार्यों में व्यस्त हूँ, तपस्या करने में समर्थ नहीं हूँ।

श्लोक 41 (devibhagavatam.7.29.41)

पराशक्तेस्तु तोषार्थं जगद्भारयुतोऽस्म्यहम् । शिवविष्णू च विक्षिप्तौ पराशक्तिप्रकोपतः

parāśaktestu toṣārthaṁ jagadbhārayuto'smyaham śivaviṣṇū ca vikṣiptau parāśaktiprakopataḥ

परा शक्ति की सन्तुष्टि के लिए ही मैं संसार का यह भार वहन कर रहा हूँ; शिव और विष्णु दोनों परा शक्ति के प्रकोप के कारण ही विक्षिप्त हो गए हैं।

श्लोक 42 (devibhagavatam.7.29.42)

तस्मात्तां परमां शक्तिं यूयं सन्तोषयन्त्वथ । अत्यद्भुतं तपः कृत्वा भक्त्या परमया युताः

tasmāttāṁ paramāṁ śaktiṁ yūyaṁ santoṣayantvatha atyadbhutaṁ tapaḥ kṛtvā bhaktyā paramayā yutāḥ

इसलिए तुम सब उस परम शक्ति को सन्तुष्ट करो — अत्यन्त अद्भुत तपस्या करते हुए, परम भक्ति से युक्त होकर।

श्लोक 43 (devibhagavatam.7.29.43)

यथा तौ पूर्ववृत्तौ च स्यात शक्तियुतावपि । तथा कुरुत मत्पुत्रा यशोवृद्धिर्भवेद्धि वः

yathā tau pūrvavṛttau ca syāta śaktiyutāvapi tathā kuruta matputrā yaśovṛddhirbhaveddhi vaḥ

जिस प्रकार वे दोनों (शिव-विष्णु) पुनः पूर्व अवस्था को, अपनी-अपनी शक्तियों सहित, प्राप्त हो जाएँ — मेरे पुत्रो! वैसा ही करो, तुम सबकी कीर्ति की वृद्धि हो।

श्लोक 44 (devibhagavatam.7.29.44)

कुले यस्य भवेज्जन्म तयोः शक्त्योस्तु तत्कुलम् । पावयेज्जगतीं सर्वां कृतकृत्यं स्वयं भवेत्

kule yasya bhavejjanma tayoḥ śaktyostu tatkulam pāvayejjagatīṁ sarvāṁ kṛtakṛtyaṁ svayaṁ bhavet

जिस कुल में उन दोनों शक्तियों का जन्म हो, वह कुल सम्पूर्ण पृथ्वी को पवित्र कर देगा, और वह स्वयं भी कृतकृत्य हो जाएगा।

श्लोक 45 (devibhagavatam.7.29.45)

व्यास उवाच । पितामहवचः श्रुत्वा गताः सर्वे वनान्तरे । रिराधयिषवः सर्वे दक्षाद्या विमलान्तराः

vyāsa uvāca pitāmahavacaḥ śrutvā gatāḥ sarve vanāntare rirādhayiṣavaḥ sarve dakṣādyā vimalāntarāḥ

व्यास जी ने कहा — पितामह (ब्रह्मा) के इस वचन को सुनकर, दक्ष आदि सभी निर्मल-हृदय ऋषि, आराधना करने की इच्छा से, वन के भीतर चले गए।