श्रीदेवी के विराट रूप का दर्शन तथा देवताओं की स्तुति

श्लोक 1 (devibhagavatam.7.33.1)

देव्युवाच । मन्मायाशक्तिसङ्क्लृप्तं जगत्सर्वं चराचरम् । सापि मत्तः पृथङ्माया नास्त्येव परमार्थतः

devyuvāca | manmāyāśaktisaṅklṛptaṁ jagatsarvaṁ carācaram | sāpi mattaḥ pṛthaṅmāyā nāstyeva paramārthataḥ

देवी ने कहा — यह सम्पूर्ण चराचर जगत् मेरी माया-शक्ति से रचा गया है; वह माया भी मुझसे भिन्न वस्तु नहीं है — परमार्थ दृष्टि से वह वस्तुतः है ही नहीं।

श्लोक 2 (devibhagavatam.7.33.2)

व्यवहारदृशा सेयं विद्या मायेति विश्रुता । तत्त्वदृष्ट्या तु नास्त्येव तत्त्वमेवास्ति केवलम्

vyavahāradṛśā seyaṁ vidyā māyeti viśrutā | tattvadṛṣṭyā tu nāstyeva tattvamevāsti kevalam

व्यवहार की दृष्टि से यही 'विद्या' अथवा 'माया' के नाम से विख्यात है; परन्तु तत्त्व-दृष्टि से यह है ही नहीं — केवल तत्त्व ही है।

श्लोक 3 (devibhagavatam.7.33.3)

साहं सर्वं जगत्सृष्ट्वा तदन्तः प्रविशाम्यहम् । मायाकर्मादिसहिता गिरे प्राणपुरःसरा

sāhaṁ sarvaṁ jagatsṛṣṭvā tadantaḥ praviśāmyaham | māyākarmādisahitā gire prāṇapuraḥsarā

हे पर्वत, मैं ही सम्पूर्ण जगत् की सृष्टि करके, माया, कर्म आदि सहित, प्राण को आगे रखकर उसमें प्रवेश करती हूँ।

श्लोक 4 (devibhagavatam.7.33.4)

लोकान्तरगतिर्नोचेत्कथं स्यादिति हेतुना । यथा यथा भवन्त्येव मायाभेदास्तथा तथा

lokāntaragatirnocetkathaṁ syāditi hetunā | yathā yathā bhavantyeva māyābhedāstathā tathā

यदि ऐसा न हो, तो लोकान्तर-गति कैसे सम्भव होगी? इसी कारण जैसे-जैसे माया के भेद होते हैं, वैसे-वैसे जीव-भेद प्रकट होते हैं।

श्लोक 5 (devibhagavatam.7.33.5)

उपाधिभेदाद्भिन्नाहं घटाकाशादयो यथा । उच्चनीचादिवस्तूनि भासयन्भास्करः सदा

upādhibhedādbhinnāhaṁ ghaṭākāśādayo yathā | uccanīcādivastūni bhāsayanbhāskaraḥ sadā

जैसे घट-आकाश आदि उपाधि-भेद से भिन्न प्रतीत होते हैं, वैसे ही मैं भी उपाधि-भेद से भिन्न प्रतीत होती हूँ। जैसे सूर्य ऊँची-नीची सभी वस्तुओं को सदा समान रूप से प्रकाशित करता है —

श्लोक 6 (devibhagavatam.7.33.6)

न दुष्यति तथैवाहं दोषैर्लिप्ता कदापि न । मयि बुद्।ह्ध्यादिकर्तृत्वमध्यस्यैवापरे जनाः

na duṣyati tathaivāhaṁ doṣairliptā kadāpi na | mayi bud|hdhyādikartṛtvamadhyasyaivāpare janāḥ

और फिर भी दोषों से लिप्त नहीं होता, वैसे ही मैं भी कभी किसी दोष से लिप्त नहीं होती। अन्य लोग तो केवल बुद्धि आदि की कर्तृत्व-शक्ति को ही मुझ पर आरोपित कर देते हैं।

श्लोक 7 (devibhagavatam.7.33.7)

वदन्ति चात्मा कर्मेति विमूढा न सुबुद्धयः । अज्ञानभेदतस्तद्वन्मायाया भेदतस्तथा

vadanti cātmā karmeti vimūḍhā na subuddhayaḥ | ajñānabhedatastadvanmāyāyā bhedatastathā

और मूढ़ लोग ही 'आत्मा कर्ता है' — ऐसा कहते हैं, बुद्धिमान लोग नहीं। जैसे अज्ञान के भेद से यह आभास होता है, वैसे ही माया के भेद से भी होता है।

श्लोक 8 (devibhagavatam.7.33.8)

जीवेश्वरविभागश्च कल्पितो माययैव तु । घटाकाशमहाकाशविभागः कल्पितो यथा

jīveśvaravibhāgaśca kalpito māyayaiva tu | ghaṭākāśamahākāśavibhāgaḥ kalpito yathā

जीव और ईश्वर का विभाजन भी माया द्वारा ही कल्पित है, जैसे घट-आकाश और महाकाश का विभाजन कल्पित है।

श्लोक 9 (devibhagavatam.7.33.9)

तथैव कल्पितो भेदो जीवात्मपरमात्मनोः । यथा जीवबहूत्वं च माययैव न च स्वतः

tathaiva kalpito bhedo jīvātmaparamātmanoḥ | yathā jīvabahūtvaṁ ca māyayaiva na ca svataḥ

उसी प्रकार जीवात्मा और परमात्मा का भेद भी कल्पित है। जैसे जीवों की बहुसंख्यकता केवल माया के कारण है, स्वतः नहीं —

श्लोक 10 (devibhagavatam.7.33.10)

तथेश्वरबहुत्वं च मायया न स्वभावतः । देहेन्द्रियादिसङ्घातवासनाभेदभेदिता

tatheśvarabahutvaṁ ca māyayā na svabhāvataḥ | dehendriyādisaṅghātavāsanābhedabheditā

वैसे ही ईश्वर की बहुसंख्यकता भी माया के कारण है, स्वभावतः नहीं। शरीर-इन्द्रिय आदि के समूह की वासनाओं के भेद से ही यह भेद उत्पन्न हुआ है।

श्लोक 11 (devibhagavatam.7.33.11)

अविद्या जीवभेदस्य हेतुर्नान्यः प्रकीर्तितः । गुणानां वासनाभेदभेदिता या धराधर

avidyā jīvabhedasya heturnānyaḥ prakīrtitaḥ | guṇānāṁ vāsanābhedabheditā yā dharādhara

अविद्या ही जीव-भेद का कारण कही गई है, अन्य कोई नहीं। हे धरणीधर, गुणों की वासनाओं के भेद से जो भेद उत्पन्न होता है —

श्लोक 12 (devibhagavatam.7.33.12)

माया सा परभेदस्य हेतुर्नान्यः कदाचन । मयि सर्वमिदं प्रोतमोतं च धरणीधर

māyā sā parabhedasya heturnānyaḥ kadācana | mayi sarvamidaṁ protamotaṁ ca dharaṇīdhara

वही माया परमात्मा में भेद उत्पन्न होने का कारण है, अन्य कभी नहीं। हे धरणीधर, यह सम्पूर्ण जगत् मुझमें ही ओत-प्रोत है।

श्लोक 13 (devibhagavatam.7.33.13)

ईश्वरोऽहं च सूत्रात्मा विराडात्माहमस्मि च । ब्रह्माहं विष्णुरुद्रौ च गौरी ब्राह्मी च वैष्णावी

īśvaro'haṁ ca sūtrātmā virāḍātmāhamasmi ca | brahmāhaṁ viṣṇurudrau ca gaurī brāhmī ca vaiṣṇāvī

मैं ही ईश्वर हूँ, मैं ही सूत्रात्मा हूँ, मैं ही विराट्-स्वरूप हूँ; मैं ही ब्रह्मा, विष्णु और रुद्र हूँ, और मैं ही गौरी, ब्राह्मी और वैष्णवी हूँ।

श्लोक 14 (devibhagavatam.7.33.14)

सूर्योऽहं तारकाश्चाहं तारकेशस्तथास्म्यहम् । पशुपक्षिस्वरूपाहं चाण्डालोऽहं च तस्करः

sūryo'haṁ tārakāścāhaṁ tārakeśastathāsmyaham | paśupakṣisvarūpāhaṁ cāṇḍālo'haṁ ca taskaraḥ

मैं ही सूर्य हूँ, मैं ही तारागण हूँ, मैं ही तारकों का स्वामी हूँ; मैं ही पशु-पक्षी-स्वरूपा हूँ, मैं ही चाण्डाल हूँ और मैं ही चोर हूँ।

श्लोक 15 (devibhagavatam.7.33.15)

व्याधोऽहं क्रूरकर्माहं सत्कर्माहं महाजनः । स्त्रीपुन्नपुंसकाकारोऽप्यहमेव न संशयः

vyādho'haṁ krūrakarmāhaṁ satkarmāhaṁ mahājanaḥ | strīpunnapuṁsakākāro'pyahameva na saṁśayaḥ

मैं ही व्याध हूँ, मैं ही क्रूर-कर्मा हूँ, मैं ही सत्कर्मा महाजन हूँ; स्त्री, पुरुष अथवा नपुंसक का रूप भी मैं ही हूँ, इसमें कोई सन्देह नहीं।

श्लोक 16 (devibhagavatam.7.33.16)

यच्च किञ्चित्क्वचिद्वस्तु दृश्यते श्रूयतेऽपि वा । अन्तर्बहिश्च तत्सर्वं व्याप्याहं सर्वदा स्थिता

yacca kiñcitkvacidvastu dṛśyate śrūyate'pi vā | antarbahiśca tatsarvaṁ vyāpyāhaṁ sarvadā sthitā

जो कुछ भी, कहीं भी, कोई भी वस्तु देखी अथवा सुनी जाती है, भीतर और बाहर — उस सबमें व्याप्त होकर मैं सदा विद्यमान रहती हूँ।

श्लोक 17 (devibhagavatam.7.33.17)

न तदस्ति मया त्यक्तं वस्तु किञ्चिच्चराचरम् । यद्यस्ति चेत्तच्छून्यं स्याद्वन्ध्यापुत्रोपमं हि तत्

na tadasti mayā tyaktaṁ vastu kiñciccarācaram | yadyasti cettacchūnyaṁ syādvandhyāputropamaṁ hi tat

चराचर जगत् में ऐसी कोई वस्तु नहीं है, जो मुझसे रहित हो; यदि हो, तो वह शून्य ही होगी — बाँझ के पुत्र के समान असत्य।

श्लोक 18 (devibhagavatam.7.33.18)

रज्जुर्यथा सर्पमालाभेदैरेका विभाति हि । तथैवेशादिरूपेण भाम्यहं नात्र संशयः

rajjuryathā sarpamālābhedairekā vibhāti hi | tathaiveśādirūpeṇa bhāmyahaṁ nātra saṁśayaḥ

जैसे एक ही रज्जु सर्प और माला के भेद से भिन्न-भिन्न प्रतीत होती है, वैसे ही मैं भी ईश्वर आदि विभिन्न रूपों में प्रतीत होती हूँ, इसमें कोई सन्देह नहीं।

श्लोक 19 (devibhagavatam.7.33.19)

अधिष्ठानातिरेकेण कल्पितं तन्न भासते । तस्मान्मत्सत्तयैवैतत्सत्तावान्नान्यथा भवेत्

adhiṣṭhānātirekeṇa kalpitaṁ tanna bhāsate | tasmānmatsattayaivaitatsattāvānnānyathā bhavet

अपने आधार से पृथक् हुई कल्पित वस्तु कभी प्रतीत नहीं होती। इसलिए यह जगत् मेरी सत्ता से ही सत्तावान् है, अन्यथा नहीं हो सकता।

श्लोक 20 (devibhagavatam.7.33.20)

हिमालय उवाच । यथा वदसि देवेशि समष्ट्याऽऽत्मवपुस्त्विदम् । तथैव द्रष्टुमिच्छामि यदि देवि कृपा मयि

himālaya uvāca | yathā vadasi deveśi samaṣṭyā''tmavapustvidam | tathaiva draṣṭumicchāmi yadi devi kṛpā mayi

हिमालय ने कहा — हे देवेशि, जैसा आप कहती हैं कि यह सम्पूर्ण जगत् आपका ही समष्टि-स्वरूप शरीर है, हे देवि, यदि मुझ पर आपकी कृपा हो, तो मैं उसे वैसा ही प्रत्यक्ष देखना चाहता हूँ।

श्लोक 21 (devibhagavatam.7.33.21)

व्यास उवाच । इति तस्य वचः श्रुत्वा सर्वे देवाः सविष्णवः । ननन्दुर्मुदितात्मानः पूजयन्तश्च तद्वचः

vyāsa uvāca | iti tasya vacaḥ śrutvā sarve devāḥ saviṣṇavaḥ | nanandurmuditātmānaḥ pūjayantaśca tadvacaḥ

व्यास जी ने कहा — उसकी यह बात सुनकर विष्णु सहित सभी देवता प्रसन्नचित्त होकर आनन्दित हुए और उस वचन की सराहना करने लगे।

श्लोक 22 (devibhagavatam.7.33.22)

अथ देवमतं ज्ञात्वा भक्तकामदुघा शिवा । अदर्शयन्निजं रूपं भक्तकामप्रपूरिणी

atha devamataṁ jñātvā bhaktakāmadughā śivā | adarśayannijaṁ rūpaṁ bhaktakāmaprapūriṇī

तब देवताओं का भाव जानकर, भक्तों की कामनाओं को दुहने वाली, उन्हें पूर्ण करने वाली कल्याणमयी देवी ने अपना विराट् रूप दिखाया।

श्लोक 23 (devibhagavatam.7.33.23)

अपश्यंस्ते महादेव्या विराड्रूपं परात्परम् । द्यौर्मस्तकं भवेद्यस्य चन्द्रसूर्यौ च चक्षुषी

apaśyaṁste mahādevyā virāḍrūpaṁ parātparam | dyaurmastakaṁ bhavedyasya candrasūryau ca cakṣuṣī

उन्होंने महादेवी के उस परात्पर विराट्-रूप को देखा, जिसका मस्तक द्युलोक था और चन्द्रमा-सूर्य जिसके दोनों नेत्र थे।

श्लोक 24 (devibhagavatam.7.33.24)

दिशः श्रोत्रे वचो देवाः प्राणो वायुः प्रकीर्तितः । विश्वं हृदयमित्याहुः पृथिवी जघनं स्मृतम्

diśaḥ śrotre vaco devāḥ prāṇo vāyuḥ prakīrtitaḥ | viśvaṁ hṛdayamityāhuḥ pṛthivī jaghanaṁ smṛtam

जिसके कान दिशाएँ थीं, वाणी देवता थे, प्राण को वायु कहा गया, समस्त विश्व को उसका हृदय कहा गया, और पृथ्वी उसका कटि-प्रदेश मानी गई।

श्लोक 25 (devibhagavatam.7.33.25)

नभस्तलं नाभिसरो ज्योतिश्चक्रमुरःस्थलम् । महर्लोकस्तु ग्रीवा स्याज्जनोलोको मुखं स्मृतम्

nabhastalaṁ nābhisaro jyotiścakramuraḥsthalam | maharlokastu grīvā syājjanoloko mukhaṁ smṛtam

आकाश-तल उसकी नाभि था, ज्योतिश्चक्र उसका वक्षःस्थल था; महर्लोक उसकी ग्रीवा थी, और जनलोक उसका मुख माना गया।

श्लोक 26 (devibhagavatam.7.33.26)

तपोलोको रराटिस्तु सत्यलोकादधः स्थितः । इन्द्रादयो बाहवः स्युः शब्दः श्रोत्रं महेशितुः

tapoloko rarāṭistu satyalokādadhaḥ sthitaḥ | indrādayo bāhavaḥ syuḥ śabdaḥ śrotraṁ maheśituḥ

सत्यलोक से नीचे स्थित तपोलोक उसका उर्ध्व-ललाट था; इन्द्र आदि देवता उस महेश्वरी की भुजाएँ थीं, और शब्द उसका श्रवण था।

श्लोक 27 (devibhagavatam.7.33.27)

नासत्यदस्रौ नासे स्तो गन्धो घ्राणं स्मृतो बुधैः । मुखमग्निः समाख्यातो दिवारात्री च पक्ष्मणी

nāsatyadasrau nāse sto gandho ghrāṇaṁ smṛto budhaiḥ | mukhamagniḥ samākhyāto divārātrī ca pakṣmaṇī

अश्विनीकुमार उसकी दोनों नासिकाएँ थीं, गन्ध को विद्वानों ने उसका घ्राण कहा; अग्नि उसका मुख कहलाया, और दिन-रात उसकी दोनों पलकें थीं।

श्लोक 28 (devibhagavatam.7.33.28)

ब्रह्मस्थानं भ्रूविजृम्भोऽप्यापस्तालुः प्र्कीर्तिताः । रसो जिह्वा समाख्याता यमो दंष्ट्राः प्रकीर्तिताः

brahmasthānaṁ bhrūvijṛmbho'pyāpastāluḥ prkīrtitāḥ | raso jihvā samākhyātā yamo daṁṣṭrāḥ prakīrtitāḥ

ब्रह्मलोक उसके भ्रू-विलास का स्थान था, जल उसका तालु कहलाया; रस उसकी जिह्वा कही गई, और यम उसकी दाढ़ें कहलाए।

श्लोक 29 (devibhagavatam.7.33.29)

दन्ताः स्नेहकला यस्य हासो माया प्रकीर्तिता । सर्गस्त्वपाङ्गमोक्षः स्याद् व्रीडोर्ध्वोष्ठो महेशितुः

dantāḥ snehakalā yasya hāso māyā prakīrtitā | sargastvapāṅgamokṣaḥ syād vrīḍordhvoṣṭho maheśituḥ

स्नेह-कला उसके दाँत थे, माया उसकी मुस्कान कही गई; सृष्टि उस महेश्वरी की चितवन का विलास थी, और लज्जा उसका ऊपरी अधर थी।

श्लोक 30 (devibhagavatam.7.33.30)

लोभः स्यादधरोष्ठोऽस्याधर्ममार्गस्तु पृष्ठभूः । प्रजापतिश्च मेढ्रं स्याद्यः स्रष्टा जगतीतले

lobhaḥ syādadharoṣṭho'syādharmamārgastu pṛṣṭhabhūḥ | prajāpatiśca meḍhraṁ syādyaḥ sraṣṭā jagatītale

लोभ उसका निचला अधर था, अधर्म का मार्ग उसकी पीठ थी; प्रजापति, जो इस जगत् के स्रष्टा हैं, उसका जननेन्द्रिय-स्थान था।

श्लोक 31 (devibhagavatam.7.33.31)

कुक्षिः समुद्रा गिरयोऽस्थीनि देव्या महेशितुः । नद्यो नाड्यः समाख्याता वृक्षाः केशाः प्रकीर्तिताः

kukṣiḥ samudrā girayo'sthīni devyā maheśituḥ | nadyo nāḍyaḥ samākhyātā vṛkṣāḥ keśāḥ prakīrtitāḥ

समुद्र उस महेश्वरी देवी का उदर था, पर्वत उसकी अस्थियाँ थीं; नदियाँ उसकी नाड़ियाँ कहलाईं, और वृक्ष उसके केश कहलाए।

श्लोक 32 (devibhagavatam.7.33.32)

कौमारयौवनजरा वयोऽस्य गतिरुत्तमा । बलाहकास्तु केशाः स्युः सन्ध्ये ते वाससी विभो

kaumārayauvanajarā vayo'sya gatiruttamā | balāhakāstu keśāḥ syuḥ sandhye te vāsasī vibho

बाल्यावस्था, यौवन और वृद्धावस्था उसकी गति थी; हे विभो, बादल उसके केश थे, और संध्या-काल उसके दोनों वस्त्र थे।

श्लोक 33 (devibhagavatam.7.33.33)

राजञ्छ्रीजगदम्बायाश्चन्द्रमास्तु मनः स्मृतः । विज्ञानशक्तिस्तु हरी रुद्रोऽन्तःकरणं स्मृतम्

rājañchrījagadambāyāścandramāstu manaḥ smṛtaḥ | vijñānaśaktistu harī rudro'ntaḥkaraṇaṁ smṛtam

हे राजन्, श्रीजगदम्बा का चन्द्रमा उनका मन माना गया; विज्ञान-शक्ति विष्णु उनकी बुद्धि थी, और रुद्र उनका अन्तःकरण माने गए।

श्लोक 34 (devibhagavatam.7.33.34)

अश्वा हि जातयः सर्वाः श्रोणिदेशे स्थिता विभोः । अतलादिमहालोकाः कट्यधोभागतां गताः

aśvā hi jātayaḥ sarvāḥ śroṇideśe sthitā vibhoḥ | atalādimahālokāḥ kaṭyadhobhāgatāṁ gatāḥ

हे विभो, समस्त अश्व-जातियाँ उसके श्रोणि-प्रदेश में स्थित थीं; अतल आदि पाताल-लोक उसके कटि से नीचे के भाग में स्थित थे।

श्लोक 35 (devibhagavatam.7.33.35)

एतादृशं महारूपं ददृशुः सुरपुङ्गवाः । ज्वालामालासहस्राढ्यं लेलिहानं च जिह्वया

etādṛśaṁ mahārūpaṁ dadṛśuḥ surapuṅgavāḥ | jvālāmālāsahasrāḍhyaṁ lelihānaṁ ca jihvayā

श्रेष्ठ देवताओं ने ऐसे विराट्-रूप को देखा, जो सहस्रों ज्वाला-मालाओं से सम्पन्न था, और जिह्वाओं से लपलपा रहा था।

श्लोक 36 (devibhagavatam.7.33.36)

दंष्ट्राकटकटारावं वमन्तं वह्निमक्षिभिः । नानायुधधरं वीरं ब्रह्मक्षत्रौदनं च यत्

daṁṣṭrākaṭakaṭārāvaṁ vamantaṁ vahnimakṣibhiḥ | nānāyudhadharaṁ vīraṁ brahmakṣatraudanaṁ ca yat

जिसकी दाढ़ें कटकट शब्द कर रही थीं, जिसकी आँखों से अग्नि निकल रही थी; जो नाना अस्त्र-शस्त्र धारण किए वीरतापूर्ण था, और ब्राह्मण-क्षत्रिय जिसके ग्रास थे।

श्लोक 37 (devibhagavatam.7.33.37)

सहस्रशीर्षनयनं सहस्रचरणं तथा । कोटिसूर्यप्रतीकाशं विद्युत्कोटिसमप्रभम्

sahasraśīrṣanayanaṁ sahasracaraṇaṁ tathā | koṭisūryapratīkāśaṁ vidyutkoṭisamaprabham

उसके सहस्र सिर, सहस्र नेत्र, और सहस्र चरण थे; वह करोड़ों सूर्यों के समान तेजस्वी और करोड़ों बिजलियों के समान कान्तिमान था।

श्लोक 38 (devibhagavatam.7.33.38)

भयङ्करं महाघोरं हृदक्ष्णोस्त्रासकारकम् । ददृशुस्ते सुराः सर्वे हाहाकारं च चक्रिरे

bhayaṅkaraṁ mahāghoraṁ hṛdakṣṇostrāsakārakam | dadṛśuste surāḥ sarve hāhākāraṁ ca cakrire

वह अत्यन्त भयंकर, महाघोर, हृदय और नेत्रों में त्रास उत्पन्न करने वाला था। उसे देखकर सभी देवताओं ने हाहाकार मचा दिया।

श्लोक 39 (devibhagavatam.7.33.39)

विकम्पमानहृदया मूर्च्छामापुर्दुरत्ययाम् । स्मरणं च गतं तेषां जगदम्बेयमित्यपि

vikampamānahṛdayā mūrcchāmāpurduratyayām | smaraṇaṁ ca gataṁ teṣāṁ jagadambeyamityapi

उनके हृदय काँपने लगे और वे गहरी मूर्च्छा को प्राप्त हो गए; उन्हें यह स्मरण भी नहीं रहा कि यह तो जगदम्बा ही हैं।

श्लोक 40 (devibhagavatam.7.33.40)

अथ ते ये स्थिता वेदाश्चतुर्दिक्षु महाविभोः । बोधयामासुरत्युग्रं मूर्छातो मूर्च्छितान्सुरान्

atha te ye sthitā vedāścaturdikṣu mahāvibhoḥ | bodhayāmāsuratyugraṁ mūrchāto mūrcchitānsurān

तब उस महाविभु के चारों ओर स्थित वेदों ने, उस अत्यन्त उग्र मूर्च्छा से मूर्च्छित देवताओं को सचेत किया।

श्लोक 41 (devibhagavatam.7.33.41)

अथ ते धैर्यमालम्ब्य लब्ध्वा च श्रुतिमुत्तमाम् । प्रेमाश्रुपूर्णनयना रुद्धकण्ठास्तु निर्जराः

atha te dhairyamālambya labdhvā ca śrutimuttamām | premāśrupūrṇanayanā ruddhakaṇṭhāstu nirjarāḥ

तब उन उत्तम श्रुति-वचनों को पाकर तथा धैर्य धारण करके, प्रेमाश्रुओं से भरे नेत्रों वाले और अवरुद्ध कण्ठ वाले देवता —

श्लोक 42 (devibhagavatam.7.33.42)

बाष्पगद्गदया वाचा स्तोतुं समुपचक्रिरे । देवा ऊचुः । अपराधं क्षमस्वाम्ब पाहि दीनांस्त्वदुद्भवान्

bāṣpagadgadayā vācā stotuṁ samupacakrire | devā ūcuḥ | aparādhaṁ kṣamasvāmba pāhi dīnāṁstvadudbhavān

अश्रुओं से गद्गद वाणी में उनकी स्तुति करने लगे। देवताओं ने कहा — हे माता, हमारा अपराध क्षमा करें, अपने ही से उत्पन्न इन दीनों की रक्षा करें।

श्लोक 43 (devibhagavatam.7.33.43)

कोपं संहर देवेशि सभया रूपदर्शनात् । का ते स्तुतिः प्रकर्तव्या पामरैर्निर्जरैरिह

kopaṁ saṁhara deveśi sabhayā rūpadarśanāt | kā te stutiḥ prakartavyā pāmarairnirjarairiha

हे देवेशि, अपने क्रोध को शान्त करें — हम आपके इस रूप को देखकर भयभीत हो गए हैं। हम तुच्छ देवता यहाँ आपकी कैसी स्तुति कर सकते हैं?

श्लोक 44 (devibhagavatam.7.33.44)

स्वस्याप्यज्ञेय एवासौ यावान्यश्च स्वविक्रमः । तदर्वाग्जायमानानां कथं स विषयो भवेत्

svasyāpyajñeya evāsau yāvānyaśca svavikramaḥ | tadarvāgjāyamānānāṁ kathaṁ sa viṣayo bhavet

आपका जो पराक्रम है, वह स्वयं आपके लिए भी अज्ञेय है; तो फिर उसके बाद उत्पन्न होने वाले हम प्राणियों के लिए वह कैसे जानने योग्य विषय हो सकता है?

श्लोक 45 (devibhagavatam.7.33.45)

नमस्ते भुवनेशानि नमस्ते प्रणवात्मिके । सर्ववेदान्तसंसिद्धे नमो ह्रीङ्कारमूर्तये

namaste bhuvaneśāni namaste praṇavātmike | sarvavedāntasaṁsiddhe namo hrīṅkāramūrtaye

हे भुवनेश्वरि, आपको नमस्कार है; हे प्रणव-स्वरूपे, आपको नमस्कार है; हे समस्त वेदान्त द्वारा सिद्ध, ह्रींकार-मूर्ति, आपको नमस्कार है।

श्लोक 46 (devibhagavatam.7.33.46)

यस्मादग्निः समुत्पन्नो यस्मात्सूर्यश्च चन्द्रमाः । यस्मादोषधयः सर्वास्तस्मै सर्वात्मने नमः

yasmādagniḥ samutpanno yasmātsūryaśca candramāḥ | yasmādoṣadhayaḥ sarvāstasmai sarvātmane namaḥ

जिससे अग्नि उत्पन्न हुई, जिससे सूर्य और चन्द्रमा उत्पन्न हुए, जिससे समस्त औषधियाँ उत्पन्न हुईं, उस सर्वात्मा को नमस्कार है।

श्लोक 47 (devibhagavatam.7.33.47)

यस्माच्च देवाः सम्भूताः साध्याः पक्षिण एव च । पशवश्च मनुष्याश्च तस्मै सर्वात्मने नमः

yasmācca devāḥ sambhūtāḥ sādhyāḥ pakṣiṇa eva ca | paśavaśca manuṣyāśca tasmai sarvātmane namaḥ

जिससे देवता, साध्यगण, पक्षी, पशु और मनुष्य — सब उत्पन्न हुए, उस सर्वात्मा को नमस्कार है।

श्लोक 48 (devibhagavatam.7.33.48)

प्राणापानौ व्रीहियवौ तपः श्रद्धा ऋतं तथा । ब्रह्मचर्यं विधिश्चैव यस्मात्तस्मै नमो नमः

prāṇāpānau vrīhiyavau tapaḥ śraddhā ṛtaṁ tathā | brahmacaryaṁ vidhiścaiva yasmāttasmai namo namaḥ

प्राण-अपान, चावल-जौ, तप, श्रद्धा, ऋत, ब्रह्मचर्य और विधि — जिससे उत्पन्न हुए, उसे बार-बार नमस्कार है।

श्लोक 49 (devibhagavatam.7.33.49)

सप्त प्राणार्चिषो यस्मात्समिधः सप्त एव च । होमाः सप्त तथा लोकास्तस्मै सर्वात्मने नमः

sapta prāṇārciṣo yasmātsamidhaḥ sapta eva ca | homāḥ sapta tathā lokāstasmai sarvātmane namaḥ

जिससे सात प्राण-ज्वालाएँ, सात समिधाएँ, सात हवन और सात लोक उत्पन्न हुए, उस सर्वात्मा को नमस्कार है।

श्लोक 50 (devibhagavatam.7.33.50)

यस्मात्समुद्रा गिरयः सिन्धवः प्रचरन्ति च । यस्मादोषधयः सर्वा रसास्तस्मै नमो नमः

yasmātsamudrā girayaḥ sindhavaḥ pracaranti ca | yasmādoṣadhayaḥ sarvā rasāstasmai namo namaḥ

जिससे समुद्र, पर्वत, नदियाँ प्रवाहित होती हैं, जिससे समस्त औषधियाँ और उनके रस उत्पन्न होते हैं, उसे बार-बार नमस्कार है।

श्लोक 51 (devibhagavatam.7.33.51)

यस्माद्यज्ञः समुद्भूतो दीक्षा यूपश्च दक्षिणाः । ऋचो यजूंषि सामानि तस्मै सर्वात्मने नमः

yasmādyajñaḥ samudbhūto dīkṣā yūpaśca dakṣiṇāḥ | ṛco yajūṁṣi sāmāni tasmai sarvātmane namaḥ

जिससे यज्ञ, दीक्षा, यूप और दक्षिणाएँ उत्पन्न हुईं, जिससे ऋचाएँ, यजुष् और सामवेद उत्पन्न हुए, उस सर्वात्मा को नमस्कार है।

श्लोक 52 (devibhagavatam.7.33.52)

नमः पुरस्तात्पृष्ठे च नमस्ते पार्श्वयोर्द्वयोः । अध ऊर्ध्वं चतुर्दिक्षु मातर्भूयो नमो नमः

namaḥ purastātpṛṣṭhe ca namaste pārśvayordvayoḥ | adha ūrdhvaṁ caturdikṣu mātarbhūyo namo namaḥ

आगे और पीछे नमस्कार है, दोनों ओर नमस्कार है; नीचे, ऊपर और चारों दिशाओं में, हे माता, आपको बार-बार नमस्कार है।

श्लोक 53 (devibhagavatam.7.33.53)

उपसंहर देवेशि रूपमेतदलौकिकम् । तदेव दर्शयास्माकं रूपं सुन्दरसुन्दरम्

upasaṁhara deveśi rūpametadalaukikam | tadeva darśayāsmākaṁ rūpaṁ sundarasundaram

हे देवेशि, अपने इस अलौकिक रूप को समेट लें; और हमें अपना वही अत्यन्त सुन्दर रूप दिखाएँ।

श्लोक 54 (devibhagavatam.7.33.54)

व्यास उवाच । इति भीतान्सुरान्दृष्ट्वा जगदम्बा कृपार्णवा । संहृत्य रूपं घोरं तद्दर्शयामास सुन्दरम्

vyāsa uvāca | iti bhītānsurāndṛṣṭvā jagadambā kṛpārṇavā | saṁhṛtya rūpaṁ ghoraṁ taddarśayāmāsa sundaram

व्यास जी ने कहा — भयभीत देवताओं को देखकर करुणा-सागर जगदम्बा ने उस भयंकर रूप को समेटकर अपना सुन्दर रूप दिखाया।

श्लोक 55 (devibhagavatam.7.33.55)

पाशाङ्कुशवराभीतिधरं सर्वाङ्गकोमलम् । करुणापूर्णनयनं मन्दस्मितमुखाम्बुजम्

pāśāṅkuśavarābhītidharaṁ sarvāṅgakomalam | karuṇāpūrṇanayanaṁ mandasmitamukhāmbujam

वह रूप पाश, अंकुश, वर और अभय-मुद्रा धारण किए था, समस्त अंगों में कोमल था; उसके नेत्र करुणा से पूर्ण थे और मुखकमल पर मन्द मुस्कान थी।

श्लोक 56 (devibhagavatam.7.33.56)

दृष्ट्वा तत्सुन्दरं रूपं तदा भीतिविवर्जिताः । शान्तचित्ताः प्रणेमुस्ते हर्षगद्गदनिःस्वनाः

dṛṣṭvā tatsundaraṁ rūpaṁ tadā bhītivivarjitāḥ | śāntacittāḥ praṇemuste harṣagadgadaniḥsvanāḥ

उस सुन्दर रूप को देखकर देवता तत्काल भयरहित हो गए, शान्तचित्त होकर उन्होंने प्रणाम किया, और हर्ष से गद्गद वाणी में स्तुति करने लगे।