च्यवन द्वारा अश्विनीकुमारों हेतु सोमपान की प्रतिज्ञा

श्लोक 1 (devibhagavatam.7.5.1)

व्यास उवाच । तयोस्तद्भाषितं श्रुत्वा वेपमाना नृपात्मजा । धैर्यमालम्ब्य तौ तत्र बभाषे मितभाषिणी

vyāsa uvāca tayostadbhāṣitaṁ śrutvā vepamānā nṛpātmajā dhairyamālambya tau tatra babhāṣe mitabhāṣiṇī

व्यास जी ने कहा — उन दोनों के इस वचन को सुनकर काँपती हुई राजकुमारी ने धैर्य धारण कर मितभाषिणी होकर उनसे कहा।

श्लोक 2 (devibhagavatam.7.5.2)

देवौ वां रविपुत्रौ च सर्वज्ञौ सुरसम्मतौ । सतीं मां धर्मशीलां च नैवं वदितुमर्हथः

devau vāṁ raviputrau ca sarvajñau surasammatau satīṁ māṁ dharmaśīlāṁ ca naivaṁ vaditumarhathaḥ

"आप दोनों सूर्यपुत्र, सर्वज्ञ और देवताओं में सम्मानित हैं; मुझ धर्मशील सती से ऐसा कहना आपको शोभा नहीं देता।

श्लोक 3 (devibhagavatam.7.5.3)

पित्रा दत्ता सुरश्रेष्ठौ मुनये योगधर्मिणे । कथं गच्छामि तं मार्गं पुंश्चलीगणसेवितम्

pitrā dattā suraśreṣṭhau munaye yogadharmiṇe kathaṁ gacchāmi taṁ mārgaṁ puṁścalīgaṇasevitam

हे देवश्रेष्ठ! मैं पिता द्वारा योगधर्मपरायण मुनि को दी गई हूँ — मैं उस मार्ग पर कैसे जा सकती हूँ जो केवल कुलटाओं द्वारा अनुसरित है?

श्लोक 4 (devibhagavatam.7.5.4)

द्रष्टायं सर्वलोकस्य कर्मसाक्षी दिवाकरः । कश्यपाच्चैव सम्भूतो नैवं भाषितुमर्हथः

draṣṭāyaṁ sarvalokasya karmasākṣī divākaraḥ kaśyapāccaiva sambhūto naivaṁ bhāṣitumarhathaḥ

समस्त लोकों के कर्मों का साक्षी सूर्य देख रहा है; कश्यप के पुत्र होकर भी आप दोनों को ऐसा कहना उचित नहीं है।

श्लोक 5 (devibhagavatam.7.5.5)

कुलकन्या पतिं त्यक्त्वा कथमन्यं भजेन्नरम् । असारेऽस्मिन्हि संसारे जानन्तौ धर्मनिर्णयम्

kulakanyā patiṁ tyaktvā kathamanyaṁ bhajennaram asāre'sminhi saṁsāre jānantau dharmanirṇayam

कुल की कन्या पति को त्यागकर दूसरे पुरुष को कैसे अपना सकती है, इस असार संसार में — जबकि आप धर्म का निर्णय जानते हैं?

श्लोक 6 (devibhagavatam.7.5.6)

यथेच्छं गच्छतं देवौ शापं दास्यामि वानघौ । सुकन्याहं च शर्यातेः पतिभक्तिपरायणा

yathecchaṁ gacchataṁ devau śāpaṁ dāsyāmi vānaghau sukanyāhaṁ ca śaryāteḥ patibhaktiparāyaṇā

आप दोनों जहाँ चाहें जाएँ, हे देवो; अन्यथा, हे निष्पाप! मैं आपको शाप दूँगी। मैं शर्याति की पुत्री सुकन्या हूँ, पतिभक्ति में तत्पर।"

श्लोक 7 (devibhagavatam.7.5.7)

व्यास उवाच । इत्याकर्ण्य वचस्तस्या नासत्यौ विस्मितौ भृशम् । तावब्रूतां पुनस्त्वेनां शङ्कमानौ भयं मुनेः

vyāsa uvāca ityākarṇya vacastasyā nāsatyau vismitau bhṛśam tāvabrūtāṁ punastvenāṁ śaṅkamānau bhayaṁ muneḥ

व्यास जी ने कहा — उसके यह वचन सुनकर दोनों नासत्य अत्यंत विस्मित हुए; और मुनि के भय से आशंकित होकर वे उससे पुनः बोले।

श्लोक 8 (devibhagavatam.7.5.8)

राजपुत्रि प्रसन्नौ ते धर्मेण वरवर्णिनि । वरं वरय सुश्रोणि दास्यावः श्रेयसे तव

rājaputri prasannau te dharmeṇa varavarṇini varaṁ varaya suśroṇi dāsyāvaḥ śreyase tava

"हे राजपुत्रि! हे वरवर्णिनि! तुम्हारे धर्म से हम प्रसन्न हैं। हे सुश्रोणि! वर माँगो, हम तुम्हारे कल्याण हेतु उसे देंगे।

श्लोक 9 (devibhagavatam.7.5.9)

जानीहि प्रमदे नूनमावां देवभिषग्वरौ । युवानं रूपसम्पन्नं प्रकुर्यावः पतिं तव

jānīhi pramade nūnamāvāṁ devabhiṣagvarau yuvānaṁ rūpasampannaṁ prakuryāvaḥ patiṁ tava

हे प्रमदे! जान लो, हम दोनों देवताओं के श्रेष्ठ वैद्य हैं; हम तुम्हारे पति को युवा और रूपसम्पन्न बना देंगे।

श्लोक 10 (devibhagavatam.7.5.10)

ततस्त्रयाणामस्माकं पतिमेकतमं वृणु । समानरूपदेहानां मध्ये चातुर्यपण्डिते

tatastrayāṇāmasmākaṁ patimekatamaṁ vṛṇu samānarūpadehānāṁ madhye cāturyapaṇḍite

फिर, हे चातुर्यपण्डिते! तुम हम तीनों में से — जो समान रूप और देह वाले होंगे — एक को अपने पति के रूप में चुन लेना।"

श्लोक 11 (devibhagavatam.7.5.11)

सा तर्योवचनं श्रुत्वा विस्मिता स्वपतिं तदा । गत्वोवाच तयोर्वाक्यं ताभ्यामुक्तं यदद्भुतम्

sā taryovacanaṁ śrutvā vismitā svapatiṁ tadā gatvovāca tayorvākyaṁ tābhyāmuktaṁ yadadbhutam

उन दोनों का यह वचन सुनकर विस्मित होकर वह तब अपने पति के पास जाकर उन दोनों के कहे इस अद्भुत वचन को सुनाने लगी।

श्लोक 12 (devibhagavatam.7.5.12)

सुकन्योवाच - स्वामिन् सूर्यसुतौ देवौ सम्प्राप्तौ च्यवनाश्रमे । दृष्टौ मया दिव्यदेहौ नासत्यौ भृगुनन्दन

sukanyovāca - svāmin sūryasutau devau samprāptau cyavanāśrame dṛṣṭau mayā divyadehau nāsatyau bhṛgunandana

सुकन्या ने कहा — "हे स्वामिन्! सूर्यपुत्र दोनों देव च्यवन के आश्रम में आए हैं। हे भृगुनन्दन! मैंने उन दिव्यदेह नासत्यों को देखा है।

श्लोक 13 (devibhagavatam.7.5.13)

वीक्ष्य मां चारुसर्वाङ्गीं जातौ कामातुरावुभौ । कथितं वचनं स्वामिन् पतिं ते नवयौवनम्

vīkṣya māṁ cārusarvāṅgīṁ jātau kāmāturāvubhau kathitaṁ vacanaṁ svāmin patiṁ te navayauvanam

मुझे सर्वांगसुन्दरी देखकर दोनों काम से आतुर हो उठे। हे स्वामिन्! उन्होंने कहा है कि वे आपको नवयौवन देंगे —

श्लोक 14 (devibhagavatam.7.5.14)

दिव्यदेहं करिष्यावश्चक्षुष्मन्तं मुनिं किल । एतेन समयेनाद्य तं शृणु त्वं मयोदितम्

divyadehaṁ kariṣyāvaścakṣuṣmantaṁ muniṁ kila etena samayenādya taṁ śṛṇu tvaṁ mayoditam

— दिव्य शरीर और नेत्रों की ज्योति सहित मुनि को बनाएँगे — इस शर्त पर; अब सुनिए जो मुझसे कहा गया —

श्लोक 15 (devibhagavatam.7.5.15)

समावयवरूपं च करिष्यावः पतिं तव । तत्र त्रयाणामस्माकं पतिमेकतमं वृणु

samāvayavarūpaṁ ca kariṣyāvaḥ patiṁ tava tatra trayāṇāmasmākaṁ patimekatamaṁ vṛṇu

— तुम्हारे पति को हमारे समान अवयव और रूप वाला बना देंगे; फिर हम तीनों में से एक को अपना पति चुन लेना।

श्लोक 16 (devibhagavatam.7.5.16)

तच्छ्रुत्वाहमिहायाता प्रष्टुं त्वां कार्यमद्भुतम् । किं कर्तव्यमतः साधो ब्रूह्यस्मिन्कार्यसङ्कटे

tacchrutvāhamihāyātā praṣṭuṁ tvāṁ kāryamadbhutam kiṁ kartavyamataḥ sādho brūhyasminkāryasaṅkaṭe

यह सुनकर मैं आपसे यह अद्भुत विषय पूछने आई हूँ। हे साधो! अब क्या करना चाहिए? इस संकट में मुझे बताइए।

श्लोक 17 (devibhagavatam.7.5.17)

देवमायापि दुर्ज्ञेया न जाने कपटं तयोः । यदाज्ञापय सर्वज्ञ तत्करोमि तवेप्सितम्

devamāyāpi durjñeyā na jāne kapaṭaṁ tayoḥ yadājñāpaya sarvajña tatkaromi tavepsitam

देवताओं की माया भी समझना कठिन है, मुझे नहीं पता उनमें कोई छल है या नहीं। हे सर्वज्ञ! जो आज्ञा दें, वही आपकी इच्छानुसार करूँगी।"

श्लोक 18 (devibhagavatam.7.5.18)

च्यवन उवाच । गच्छ कान्तेऽद्य नासत्यौ वचनान्मम सुव्रते । आनयस्व समीपं मे शीघ्रं देवभिषग्वरौ

cyavana uvāca gaccha kānte'dya nāsatyau vacanānmama suvrate ānayasva samīpaṁ me śīghraṁ devabhiṣagvarau

च्यवन ने कहा — "हे कान्ते! हे सुव्रते! आज मेरे कहने से जाओ और उन दोनों श्रेष्ठ देव-वैद्य नासत्यों को शीघ्र मेरे समीप ले आओ।

श्लोक 19 (devibhagavatam.7.5.19)

क्रियतामाशु तद्वाक्यं नात्र कार्या विचारणा व्यास उवाच । एवं सा समनुज्ञाता तत्र गत्वा वचोऽब्रवीत्

kriyatāmāśu tadvākyaṁ nātra kāryā vicāraṇā vyāsa uvāca evaṁ sā samanujñātā tatra gatvā vaco'bravīt

उनकी बात तुरन्त मान ली जाए, इसमें विचार करने की आवश्यकता नहीं है।" व्यास जी ने कहा — इस प्रकार अनुमति पाकर वह वहाँ जाकर बोली।

श्लोक 20 (devibhagavatam.7.5.20)

क्रियतामाशु नासत्यौ समयेन सुरोत्तमौ । तच्छ्रुत्वा चाश्विनौ वाक्यं तस्यास्तौ तत्र चागतौ

kriyatāmāśu nāsatyau samayena surottamau tacchrutvā cāśvinau vākyaṁ tasyāstau tatra cāgatau

"हे नासत्यो! हे सुरोत्तमो! शर्त के अनुसार तुरन्त वह किया जाए।" उसका यह वचन सुनकर दोनों अश्विनीकुमार वहाँ आ पहुँचे।

श्लोक 21 (devibhagavatam.7.5.21)

ऊचतू राजपुत्रीं तां पतिस्तव विशत्वपः । रूपार्थं च्यवनस्तूर्णं ततोऽम्भः प्रविवेश ह

ūcatū rājaputrīṁ tāṁ patistava viśatvapaḥ rūpārthaṁ cyavanastūrṇaṁ tato'mbhaḥ praviveśa ha

उन्होंने राजकुमारी से कहा — "तुम्हारे पति जल में प्रवेश करें।" रूप पाने हेतु च्यवन तुरन्त जल में प्रविष्ट हो गए।

श्लोक 22 (devibhagavatam.7.5.22)

अश्विनावपि पश्चात्तत्प्रविष्टौ सर उत्तमम् । ततस्ते निःसृतास्तस्मात्सरसस्तत्क्षणात्त्रयः ।

aśvināvapi paścāttatpraviṣṭau sara uttamam tataste niḥsṛtāstasmātsarasastatkṣaṇāttrayaḥ

दोनों अश्विनीकुमार भी उसके पश्चात् उस उत्तम सरोवर में प्रविष्ट हुए; फिर उसी क्षण उस सरोवर से तीन व्यक्ति निकले —

श्लोक 23 (devibhagavatam.7.5.23)

तुल्यरूपा दिव्य देहा युवानः सदृशाः किल । दिव्यकुण्डलभूषाढ्याः समानावयवास्तथा

tulyarūpā divya dehā yuvānaḥ sadṛśāḥ kila divyakuṇḍalabhūṣāḍhyāḥ samānāvayavāstathā

— समान रूप वाले, दिव्य देह वाले, युवा, बिल्कुल एक समान, दिव्य कुण्डलों और आभूषणों से युक्त, तथा समान अंगों वाले।

श्लोक 24 (devibhagavatam.7.5.24)

तेऽब्रुवन्सहिताः सर्वे वृणीष्व वरवर्णिनि । अस्माकमीप्सितं भद्रे पतिं त्वममलानने

te'bruvansahitāḥ sarve vṛṇīṣva varavarṇini asmākamīpsitaṁ bhadre patiṁ tvamamalānane

वे तीनों एक साथ बोले — "हे वरवर्णिनि! हे भद्रे! हे निर्मल मुख वाली! चुन लो, तीनों में से किसे तुम पति के रूप में चाहती हो।

श्लोक 25 (devibhagavatam.7.5.25)

यस्मिन्वाप्यधिका प्रीतिस्तं वृणुष्व वरानने । व्यास उवाच । सा दृष्ट्वा तुल्यरूपांस्तान्समानवयसस्तथा

yasminvāpyadhikā prītistaṁ vṛṇuṣva varānane vyāsa uvāca sā dṛṣṭvā tulyarūpāṁstānsamānavayasastathā

हे वरानने! जिसके प्रति तुम्हारा अधिक प्रेम हो, उसे चुन लो।" व्यास जी ने कहा — उन्हें समान रूप और समान अवस्था वाले देखकर —

श्लोक 26 (devibhagavatam.7.5.26)

एकस्वरांस्तुल्यवेषांस्त्रीन्वै देवसुतोपमान् । सा तु संशयमापन्ना वीक्ष्य तान्सदृशाकृतीन्

ekasvarāṁstulyaveṣāṁstrīnvai devasutopamān sā tu saṁśayamāpannā vīkṣya tānsadṛśākṛtīn

— एक समान स्वर वाले, एक समान वेष वाले, देवपुत्रों के समान उन तीनों को देखकर वह संशय में पड़ गई, क्योंकि उन सबकी आकृतियाँ एक जैसी थीं।

श्लोक 27 (devibhagavatam.7.5.27)

अजानन्ती पतिं सम्यग्व्याकुला समचिन्तयत् । किं करोमि त्रयस्तुल्याः कं वृणोमि न वेद्म्यहम्

ajānantī patiṁ samyagvyākulā samacintayat kiṁ karomi trayastulyāḥ kaṁ vṛṇomi na vedmyaham

अपने पति को पहचान न पाकर व्याकुल होकर उसने सोचा — "मैं क्या करूँ? तीनों एक समान हैं, किसे चुनूँ, मुझे कुछ समझ नहीं आ रहा।

श्लोक 28 (devibhagavatam.7.5.28)

पतिं देवसुता ह्येते संशये पतितास्म्यहम् । इन्द्रजालमिदं सम्यग्देवाभ्यामिह कल्पितम्

patiṁ devasutā hyete saṁśaye patitāsmyaham indrajālamidaṁ samyagdevābhyāmiha kalpitam

पति और ये देवपुत्र — मैं संशय में पड़ गई हूँ। यह अवश्य ही दोनों देवताओं द्वारा रचा गया कोई इन्द्रजाल है।

श्लोक 29 (devibhagavatam.7.5.29)

कर्तव्यं किं मया चात्र मरणं समुपागतम् । न मया पतिमुत्सृज्य वरणीयः कथञ्चन

kartavyaṁ kiṁ mayā cātra maraṇaṁ samupāgatam na mayā patimutsṛjya varaṇīyaḥ kathañcana

अब मुझे क्या करना चाहिए? मानो मृत्यु ही मेरे सामने आ गई हो; परन्तु मैं किसी भी दशा में अपने पति को छोड़कर किसी अन्य को नहीं चुनूँगी।

श्लोक 30 (devibhagavatam.7.5.30)

देवस्त्वाधुनिकः कश्चिदित्येषा मम धारणा । इति सञ्चिन्त्य मनसा परां विश्वेश्वरीं शिवाम्

devastvādhunikaḥ kaścidityeṣā mama dhāraṇā iti sañcintya manasā parāṁ viśveśvarīṁ śivām

यह अवश्य ही किसी नई देवशक्ति की लीला है, ऐसा मेरा दृढ़ विश्वास है।" ऐसा मन में सोचकर उस परम विश्वेश्वरी कल्याणी देवी का —

श्लोक 31 (devibhagavatam.7.5.31)

दध्यौ भगवतीं देवीं तुष्टाव च कृशोदरी । सुकन्योवाच - शरणं त्वां जगन्मातः प्राप्तास्मि भृशदुःखिता

dadhyau bhagavatīṁ devīṁ tuṣṭāva ca kṛśodarī sukanyovāca - śaraṇaṁ tvāṁ jaganmātaḥ prāptāsmi bhṛśaduḥkhitā

— उस कृशांगी ने ध्यान किया और स्तुति की। सुकन्या ने कहा — "हे जगन्मातः! मैं अत्यंत दुःखी होकर तुम्हारी शरण में आई हूँ।

श्लोक 32 (devibhagavatam.7.5.32)

रक्ष मेऽद्य सतीधर्मं नमामि चरणौ तव । नमः पद्मोद्भवे देवि नमः शङ्करवल्लभे

rakṣa me'dya satīdharmaṁ namāmi caraṇau tava namaḥ padmodbhave devi namaḥ śaṅkaravallabhe

आज मेरे सतीधर्म की रक्षा कीजिए, मैं आपके चरणों में प्रणाम करती हूँ। हे देवी! कमल से उत्पन्न होने वाली को नमस्कार, शंकर की प्रिया को नमस्कार।

श्लोक 33 (devibhagavatam.7.5.33)

विष्णुप्रिये नमो लक्ष्मि वेदमातः सरस्वति । इदं जगत्त्वया सृष्टं सर्वं स्थावरजङ्गमम्

viṣṇupriye namo lakṣmi vedamātaḥ sarasvati idaṁ jagattvayā sṛṣṭaṁ sarvaṁ sthāvarajaṅgamam

विष्णु की प्रिया, लक्ष्मी को नमस्कार; हे वेदमाता सरस्वती! यह चराचर समस्त जगत् आपके ही द्वारा रचा गया है।

श्लोक 34 (devibhagavatam.7.5.34)

पासि त्वमिदमव्यग्रा तथात्सि लोकशान्तये । ब्रह्मविष्णुमहेशानां जननी त्वं सुसम्मता

pāsi tvamidamavyagrā tathātsi lokaśāntaye brahmaviṣṇumaheśānāṁ jananī tvaṁ susammatā

आप अविचल होकर इसकी रक्षा करती हैं, और लोकों की शांति हेतु इसे समेट भी लेती हैं; आप ब्रह्मा-विष्णु-महेश की सम्मानित जननी हैं।

श्लोक 35 (devibhagavatam.7.5.35)

बुद्धिदासि त्वमज्ञानां ज्ञानिनां मोक्षदा सदा । आज्ञा त्वं प्रकृतिः पूर्णा पुरुषप्रियदर्शना

buddhidāsi tvamajñānāṁ jñānināṁ mokṣadā sadā ājñā tvaṁ prakṛtiḥ pūrṇā puruṣapriyadarśanā

आप अज्ञानियों को बुद्धि देती हैं, ज्ञानियों को सदा मोक्ष देती हैं; आप ही आज्ञा हैं, पूर्ण प्रकृति हैं, परम पुरुष को प्रिय दर्शन देने वाली।

श्लोक 36 (devibhagavatam.7.5.36)

भुक्तिमुक्तिप्रदासि त्वं प्राणिनां विशदात्मनाम् । अज्ञानां दुःखदा कामं सत्त्वानां सुखसाधना

bhuktimuktipradāsi tvaṁ prāṇināṁ viśadātmanām ajñānāṁ duḥkhadā kāmaṁ sattvānāṁ sukhasādhanā

आप विशुद्ध आत्मा वाले प्राणियों को भोग और मोक्ष दोनों देती हैं; अज्ञानियों को दुःख देने वाली, सत्त्वगुणी प्राणियों के सुख का साधन।

श्लोक 37 (devibhagavatam.7.5.37)

सिद्धिदा योगिनामम्ब जयदा कीर्तिदा पुनः । शरणं त्वां प्रपन्नास्मि विस्मयं परमं गता

siddhidā yogināmamba jayadā kīrtidā punaḥ śaraṇaṁ tvāṁ prapannāsmi vismayaṁ paramaṁ gatā

हे अम्ब! योगियों को सिद्धि, विजय तथा कीर्ति देने वाली; परम आश्चर्य को प्राप्त होकर मैं आपकी शरण में आई हूँ।

श्लोक 38 (devibhagavatam.7.5.38)

पतिं दर्शय मे मातर्मग्नास्मि शोकसागरे । देवाभ्यां चरितं कूटं कं वृणोमि विमोहिता

patiṁ darśaya me mātarmagnāsmi śokasāgare devābhyāṁ caritaṁ kūṭaṁ kaṁ vṛṇomi vimohitā

हे माता! मुझे मेरे पति दिखाइए, मैं शोक-सागर में डूबी हूँ; दोनों देवों की इस चालाकी से मोहित होकर किसे चुनूँ, यह नहीं जानती।

श्लोक 39 (devibhagavatam.7.5.39)

पतिं दर्शय सर्वज्ञे विदित्वा मे सतीव्रतम् । व्यास उवाच । एवं स्तुता तदा देवा तथा त्रिपुरसुन्दरी

patiṁ darśaya sarvajñe viditvā me satīvratam vyāsa uvāca evaṁ stutā tadā devā tathā tripurasundarī

हे सर्वज्ञे! मेरे सतीव्रत को जानकर मुझे मेरे पति दिखाइए।" व्यास जी ने कहा — इस प्रकार स्तुति किए जाने पर उन त्रिपुरसुन्दरी देवी ने —

श्लोक 40 (devibhagavatam.7.5.40)

हृदयेऽस्यास्तदा ज्ञानं ददावाशु सुखोदयम् । निश्चित्य मनसा तुल्यवयोरूपधरान्सती

hṛdaye'syāstadā jñānaṁ dadāvāśu sukhodayam niścitya manasā tulyavayorūpadharānsatī

— उसके हृदय में सुख उत्पन्न करने वाला ज्ञान तत्काल प्रदान कर दिया। मन से निश्चय करके, वह सती —

श्लोक 41 (devibhagavatam.7.5.41)

प्रसमीक्ष्य तु तान् सर्वान्वव्रे बाला स्वकं पतिम् । वृतेऽथ च्यवने देवौ सन्तुष्टौ तौ बभूवतुः

prasamīkṣya tu tān sarvānvavre bālā svakaṁ patim vṛte'tha cyavane devau santuṣṭau tau babhūvatuḥ

— समान अवस्था और रूप धारण किए उन सबको भलीभाँति देखकर उस बालिका ने अपने पति को चुन लिया। च्यवन के चुने जाने पर दोनों देव संतुष्ट हो गए।

श्लोक 42 (devibhagavatam.7.5.42)

सतीधर्मं समालोक्य सम्प्रीतौ ददतुर्वरम् । भगवत्याः प्रसादेन प्रसन्नौ तौ सुरौत्तमौ

satīdharmaṁ samālokya samprītau dadaturvaram bhagavatyāḥ prasādena prasannau tau surauttamau

उसके सतीधर्म को देखकर प्रसन्न होकर उन्होंने वर दिया; देवी की कृपा से वे दोनों श्रेष्ठ देव प्रसन्न हो गए।

श्लोक 43 (devibhagavatam.7.5.43)

मुनिमामन्त्र्य तरसा गमनायोद्यतावुभौ । लब्ध्वा तु च्यवनो रूपं नेत्रे भार्यां च यौवनम्

munimāmantrya tarasā gamanāyodyatāvubhau labdhvā tu cyavano rūpaṁ netre bhāryāṁ ca yauvanam

मुनि से विदा लेकर वे दोनों शीघ्र जाने को उद्यत हुए। च्यवन ने रूप, नेत्र, पत्नी तथा यौवन पाकर —

श्लोक 44 (devibhagavatam.7.5.44)

हृष्टोऽब्रवीन्महातेजास्तौ नासत्याविदं वचः । उपकारः कृतोऽयं मे युवाभ्यां सुरसत्तमौ

hṛṣṭo'bravīnmahātejāstau nāsatyāvidaṁ vacaḥ upakāraḥ kṛto'yaṁ me yuvābhyāṁ surasattamau

— प्रसन्न होकर उन महातेजस्वी नासत्यों से यह वचन कहा — "हे सुरसत्तमो! आप दोनों ने मुझ पर यह उपकार किया है।

श्लोक 45 (devibhagavatam.7.5.45)

किं ब्रवीमि सुखं प्राप्तं संसारेऽस्मिन्ननुत्तमे । प्राप्य भार्यां सुकेशान्तां दुःखं मेऽभवदन्वहम्

kiṁ bravīmi sukhaṁ prāptaṁ saṁsāre'sminnanuttame prāpya bhāryāṁ sukeśāntāṁ duḥkhaṁ me'bhavadanvaham

क्या कहूँ, मुझे इस अनुपम संसार में सर्वोत्तम सुख प्राप्त हुआ है। सुन्दर केश वाली पत्नी को पाकर भी मुझे प्रतिदिन दुःख होता था —

श्लोक 46 (devibhagavatam.7.5.46)

अन्धस्य चातिवृद्धस्य भोगहीनस्य कानने । युवाभ्यां नयने दत्ते यौवनं रूपमद्भुतम्

andhasya cātivṛddhasya bhogahīnasya kānane yuvābhyāṁ nayane datte yauvanaṁ rūpamadbhutam

— क्योंकि वन में अंधा, अति वृद्ध और भोगहीन था। आप दोनों ने मुझे नेत्र, यौवन और अद्भुत रूप प्रदान किया है।

श्लोक 47 (devibhagavatam.7.5.47)

सम्पादितं ततं किञ्चिदुपकर्तुमहं ब्रुवे । उपकारिणि मित्रे यो नोपकुर्यात्कथञ्चन

sampāditaṁ tataṁ kiñcidupakartumahaṁ bruve upakāriṇi mitre yo nopakuryātkathañcana

आपने मेरे लिए बहुत कुछ किया है, मैं भी कुछ प्रत्युपकार करना चाहता हूँ। जो उपकारी मित्र का किसी प्रकार भी प्रत्युपकार नहीं करता —

श्लोक 48 (devibhagavatam.7.5.48)

तं धिगस्तु नरं देवौ भवेच्च ऋणवान्भुवि । तस्माद्वां वाञ्छितं किञ्चिद्दातुमिच्छामि साम्प्रतम्

taṁ dhigastu naraṁ devau bhavecca ṛṇavānbhuvi tasmādvāṁ vāñchitaṁ kiñciddātumicchāmi sāmpratam

— उस मनुष्य को धिक्कार है, हे देवो, वह इस पृथ्वी पर ऋणी ही रहता है। अतः मैं अभी आप दोनों को जो चाहें, वह देना चाहता हूँ।

श्लोक 49 (devibhagavatam.7.5.49)

आत्मनो ऋणमोक्षाय देवेशौ नूतनस्य च । प्रार्थितं वां प्रदास्यामि यदलभ्यं सुरासुरैः

ātmano ṛṇamokṣāya deveśau nūtanasya ca prārthitaṁ vāṁ pradāsyāmi yadalabhyaṁ surāsuraiḥ

हे देवेशो! अपने और इस नए स्वरूप के ऋण से मुक्त होने के लिए, आपने जो भी माँगा वह मैं दूँगा — भले ही वह देवताओं और असुरों के लिए भी अप्राप्य क्यों न हो।

श्लोक 50 (devibhagavatam.7.5.50)

ब्रुवाथां वां मनोद्दिष्टं प्रीतोऽस्मि सुकृतेन वाम् । श्रुत्वा तौ तु मुनेर्वाक्यमभिमन्त्र्य परस्परम्

bruvāthāṁ vāṁ manoddiṣṭaṁ prīto'smi sukṛtena vām śrutvā tau tu munervākyamabhimantrya parasparam

अपने मन की बात कहिए, मैं आपके सुकृत्य से प्रसन्न हूँ।" मुनि का यह वचन सुनकर वे दोनों आपस में विचार-विमर्श करके —

श्लोक 51 (devibhagavatam.7.5.51)

तमूचतुर्मुनिश्रेष्ठं सुकन्यासहितं स्थितम् । मुने पितुः प्रसादेन सर्वं नो मनसेप्सितम्

tamūcaturmuniśreṣṭhaṁ sukanyāsahitaṁ sthitam mune pituḥ prasādena sarvaṁ no manasepsitam

— सुकन्या के साथ खड़े उस मुनिश्रेष्ठ से बोले — "हे मुने! आपकी कृपा से हमारे मन की सभी इच्छाएँ पूर्ण हो गई हैं।

श्लोक 52 (devibhagavatam.7.5.52)

उत्कण्ठा सोमपानस्य वर्तते नौ सुरैः सह । भिषजाविति देवेन निषिद्धौ चमसग्रहे

utkaṇṭhā somapānasya vartate nau suraiḥ saha bhiṣajāviti devena niṣiddhau camasagrahe

हमें देवताओं के साथ सोमपान की उत्कण्ठा है; परन्तु वैद्य होने के कारण इन्द्र द्वारा हमें चमस-पात्र (सोम-ग्रहण) से वंचित रखा गया है —

श्लोक 53 (devibhagavatam.7.5.53)

शक्रेण वितते यज्ञे ब्रह्मणः कनकाचले । तस्मात्त्वमपि धर्मज्ञ यदि शक्तोऽसि तापस

śakreṇa vitate yajñe brahmaṇaḥ kanakācale tasmāttvamapi dharmajña yadi śakto'si tāpasa

— सुवर्ण पर्वत पर इन्द्र द्वारा किए गए ब्रह्मा के विस्तृत यज्ञ में। अतः हे धर्मज्ञ तपस्वी! यदि आप समर्थ हों —

श्लोक 54 (devibhagavatam.7.5.54)

कार्यमेतद्धि कर्तव्यं वाञ्छितं नौ सुसम्मतम् । एतद्विज्ञाय वा ब्रह्मन्कुरु वां सोमपायिनौ

kāryametaddhi kartavyaṁ vāñchitaṁ nau susammatam etadvijñāya vā brahmankuru vāṁ somapāyinau

— तो हमारी यह अत्यंत सम्मानित इच्छा अवश्य पूरी करें। हे ब्रह्मन्! इसे जानकर हमें सोमपान करने वाला बना दीजिए।

श्लोक 55 (devibhagavatam.7.5.55)

पिपासास्ति सुदुष्प्रापपा त्वत्तः समुपयास्यति । च्यवनस्तु तयोः प्राह तच्छ्रुत्वा वचनं मृदु

pipāsāsti suduṣprāpapā tvattaḥ samupayāsyati cyavanastu tayoḥ prāha tacchrutvā vacanaṁ mṛdu

यह दुर्लभ प्यास आप ही से बुझेगी।" यह सुनकर च्यवन ने उन दोनों से कोमल वचन कहा।

श्लोक 56 (devibhagavatam.7.5.56)

यदहं रूपसम्पन्नो वयसा च समन्वितः । कृतो भवद्भ्यां वृद्धः सन्भार्यां च प्राप्तवानिति

yadahaṁ rūpasampanno vayasā ca samanvitaḥ kṛto bhavadbhyāṁ vṛddhaḥ sanbhāryāṁ ca prāptavāniti

"जिस प्रकार वृद्ध होते हुए भी मुझे आप दोनों ने रूपसम्पन्न और युवा बना दिया, और मैंने अपनी पत्नी को पुनः प्राप्त किया —

श्लोक 57 (devibhagavatam.7.5.57)

तस्माद्युवां करिष्यामि प्रीत्याहं सोमपायिनौ । मिषतो देवराजस्य सत्यमेतद्ब्रवीम्यहम्

tasmādyuvāṁ kariṣyāmi prītyāhaṁ somapāyinau miṣato devarājasya satyametadbravīmyaham

— अतः मैं प्रसन्नतापूर्वक आप दोनों को सोमपान करने वाला बनाऊँगा; यह मैं देवराज के सामने, उनके देखते हुए ही सत्य कहता हूँ —

श्लोक 58 (devibhagavatam.7.5.58)

राज्ञस्तु वितते यज्ञे शर्यातेरमितद्युतेः । इत्याकर्ण्य वचो हृष्टौ तौ दिवं प्रतिजग्मतुः

rājñastu vitate yajñe śaryāteramitadyuteḥ ityākarṇya vaco hṛṣṭau tau divaṁ pratijagmatuḥ

— असीम तेजस्वी राजा शर्याति के विस्तृत यज्ञ में।" यह वचन सुनकर हर्षित होकर वे दोनों स्वर्ग को लौट गए।

श्लोक 59 (devibhagavatam.7.5.59)

च्यवनस्तां गृहीत्वा तु जगामाश्रममण्डलम्

cyavanastāṁ gṛhītvā tu jagāmāśramamaṇḍalam

और च्यवन उसे (सुकन्या को) लेकर अपने आश्रम-मण्डल की ओर चले गए।