रेवती के वर हेतु रेवत का ब्रह्मलोक-गमन

श्लोक 1 (devibhagavatam.7.7.1)

व्यास उवाच । दत्ते ग्रहे तु राजेन्द्र वासवः कुपितौ भृशम् । प्रोवाच च्यवनं तत्र दर्शयन्बलमात्मनः

vyāsa uvāca datte grahe tu rājendra vāsavaḥ kupitau bhṛśam provāca cyavanaṁ tatra darśayanbalamātmanaḥ

व्यास जी ने कहा — हे राजेन्द्र! सोम-पात्र दे दिए जाने पर इन्द्र अत्यंत क्रुद्ध होकर अपना बल दिखाते हुए वहाँ च्यवन से बोले।

श्लोक 2 (devibhagavatam.7.7.2)

मा ब्रह्मबन्धो मर्यादामिमां त्वं कर्त्तुमर्हसि । वधिष्यामि द्विषन्तं त्वां विश्वरूपमिवाऽपरम्

mā brahmabandho maryādāmimāṁ tvaṁ karttumarhasi vadhiṣyāmi dviṣantaṁ tvāṁ viśvarūpamivā'param

"हे ब्रह्मबन्धो! तू इस मर्यादा को भंग करने का साहस मत कर; मैं तुझ शत्रु को मार डालूँगा, जैसे मैंने अन्य विश्वरूप को मारा था।"

श्लोक 3 (devibhagavatam.7.7.3)

च्यवन उवाच । मावमंस्था महात्मानौ रूपद्रविणवर्चसा । यौ चक्रतुर्मां मघवन् वृन्दारकमिवापरम्

cyavana uvāca māvamaṁsthā mahātmānau rūpadraviṇavarcasā yau cakraturmāṁ maghavan vṛndārakamivāparam

च्यवन ने कहा — "हे मघवन्! उन दोनों महात्माओं का, जिन्होंने मुझे रूप, वैभव और तेज से अन्य देवता के समान बना दिया, अपमान मत कीजिए।

श्लोक 4 (devibhagavatam.7.7.4)

ऋते त्वां विबुधाश्चान्ये कथं वाददते ग्रहम् । अश्विनावपि देवेन्द्र देवौ विद्धि परन्तपौ

ṛte tvāṁ vibudhāścānye kathaṁ vādadate graham aśvināvapi devendra devau viddhi parantapau

आपके सिवा अन्य देवता सोम-ग्रहण के विरुद्ध कुछ क्यों नहीं कहते? हे देवेन्द्र! अश्विनीकुमार भी परन्तप देवता ही हैं, जान लीजिए।"

श्लोक 5 (devibhagavatam.7.7.5)

इन्द्र उवाच । भिषजौ नार्हतः कामं ग्रहं यज्ञे कथञ्चन । यदि दित्ससि मन्दात्मन् शिरश्छेत्स्यामि साम्प्रतम्

indra uvāca bhiṣajau nārhataḥ kāmaṁ grahaṁ yajñe kathañcana yadi ditsasi mandātman śiraśchetsyāmi sāmpratam

इन्द्र ने कहा — "वैद्य होने के कारण वे दोनों किसी भी दशा में इस यज्ञ में सोम-पात्र के अधिकारी नहीं हैं। हे मंदबुद्धे! यदि तू फिर भी उन्हें देगा, तो मैं अभी तेरा सिर काट दूँगा।"

श्लोक 6 (devibhagavatam.7.7.6)

व्यास उवाच । अनादृत्य तु तद्वाक्यं वासवस्य च भार्गवः । ग्रहं तु ग्राहयामास भर्त्सयन्निव तं भृशम्

vyāsa uvāca anādṛtya tu tadvākyaṁ vāsavasya ca bhārgavaḥ grahaṁ tu grāhayāmāsa bhartsayanniva taṁ bhṛśam

व्यास जी ने कहा — इन्द्र के इस वचन की अवहेलना करके भार्गव ने मानो उन्हें कठोर उपालम्भ देते हुए सोम-पात्र ग्रहण करा ही दिया।

श्लोक 7 (devibhagavatam.7.7.7)

सोमपात्रं यदा ताभ्यां गृहीतं तु पिपासया । समीक्ष्य बलभिद्देव इदं वचनमब्रवीत्

somapātraṁ yadā tābhyāṁ gṛhītaṁ tu pipāsayā samīkṣya balabhiddeva idaṁ vacanamabravīt

जब उन दोनों ने प्यास से व्याकुल होकर सोम-पात्र ग्रहण कर लिया, तब यह देखकर बलभेदी देव (इन्द्र) ने यह वचन कहा।

श्लोक 8 (devibhagavatam.7.7.8)

आभ्यमर्थाय सोमं त्वं ग्राहयिष्यसि चेत्स्वयम् । वज्रं तु प्रहरिष्यामि विश्वरूपमिवापरम्

ābhyamarthāya somaṁ tvaṁ grāhayiṣyasi cetsvayam vajraṁ tu prahariṣyāmi viśvarūpamivāparam

"यदि तू स्वयं इन दोनों के लिए सोम ग्रहण करवाएगा, तो मैं अपना वज्र चलाऊँगा, जैसे मैंने अन्य विश्वरूप पर चलाया था।"

श्लोक 9 (devibhagavatam.7.7.9)

वासवेनैवमुक्तस्तु भार्गवश्चातिगर्वितः । जग्राह विधिवत्सोममश्विभ्यामतिमन्युमान्

vāsavenaivamuktastu bhārgavaścātigarvitaḥ jagrāha vidhivatsomamaśvibhyāmatimanyumān

इन्द्र द्वारा इस प्रकार कहे जाने पर अत्यंत गर्वित और क्रोधित भार्गव ने विधिपूर्वक अश्विनीकुमारों के लिए सोम ग्रहण कर ही लिया।

श्लोक 10 (devibhagavatam.7.7.10)

इन्द्रोऽपि प्राक्षिपत्कोपाद्वज्रमस्मै स्वमायुधम् । पश्यतां सर्वदेवानां सूर्यकोटिसमप्रभम्

indro'pi prākṣipatkopādvajramasmai svamāyudham paśyatāṁ sarvadevānāṁ sūryakoṭisamaprabham

इन्द्र ने भी क्रोध में आकर करोड़ों सूर्यों के समान तेजस्वी अपने आयुध वज्र को सभी देवताओं के देखते हुए उन पर फेंक दिया।

श्लोक 11 (devibhagavatam.7.7.11)

प्रेरितं चाशनिं प्रेक्ष्य च्यवनस्तपसा ततः । स्तम्भयामास वज्रं स शक्रस्यामिततेजसः

preritaṁ cāśaniṁ prekṣya cyavanastapasā tataḥ stambhayāmāsa vajraṁ sa śakrasyāmitatejasaḥ

उस चलाए गए वज्र को देखकर च्यवन ने अपनी तपस्या से इन्द्र के उस असीम तेजस्वी वज्र को स्तंभित कर दिया।

श्लोक 12 (devibhagavatam.7.7.12)

कृत्यया स महाबाहुरिन्द्रं हन्तुमिहोद्यतः । जुहावाग्नौ श्रुतं हव्यं मन्त्रेण मुनिसत्तमः

kṛtyayā sa mahābāhurindraṁ hantumihodyataḥ juhāvāgnau śrutaṁ havyaṁ mantreṇa munisattamaḥ

उस महाबाहु मुनिश्रेष्ठ ने इन्द्र को मारने के लिए यहाँ एक कृत्या (अभिचार-शक्ति) की सिद्धि हेतु मंत्रोच्चार सहित अग्नि में सुनी हुई आहुति दी।

श्लोक 13 (devibhagavatam.7.7.13)

तत्र कृत्या समुत्पन्ना च्यवनस्य तपोबलात् । प्रबलः पुरुषः क्रूरो बृहत्कायो महासुरः

tatra kṛtyā samutpannā cyavanasya tapobalāt prabalaḥ puruṣaḥ krūro bṛhatkāyo mahāsuraḥ

तब च्यवन के तपोबल से वहाँ एक कृत्या उत्पन्न हुई — अत्यंत बलवान, क्रूर, विशाल शरीर वाला एक महान असुर।

श्लोक 14 (devibhagavatam.7.7.14)

मदो नाम महाघोरो भयदः प्राणिनामिह । शरीरे पर्वताकारस्तीक्ष्णदंष्ट्रो मयानकः

mado nāma mahāghoro bhayadaḥ prāṇināmiha śarīre parvatākārastīkṣṇadaṁṣṭro mayānakaḥ

मद नाम का वह अत्यंत भयंकर, समस्त प्राणियों को भयभीत करने वाला दैत्य पर्वताकार शरीर, तीक्ष्ण दाढ़ों वाला और उग्र था।

श्लोक 15 (devibhagavatam.7.7.15)

चतस्रश्चायता दंष्ट्रा योजनानां शतं शतम् । इतरे त्वस्य दशना बभूवुर्दशयोजनाः

catasraścāyatā daṁṣṭrā yojanānāṁ śataṁ śatam itare tvasya daśanā babhūvurdaśayojanāḥ

उसकी चार लम्बी दाढ़ें प्रत्येक सौ-सौ योजन लम्बी थीं; उसके अन्य दाँत दस-दस योजन लम्बे थे।

श्लोक 16 (devibhagavatam.7.7.16)

बाहू पर्वतसङ्काशावायतौ क्रूरदर्शनौ । जिह्वा तु भीषणा क्रूरा लेलिहाना नभस्तलम्

bāhū parvatasaṅkāśāvāyatau krūradarśanau jihvā tu bhīṣaṇā krūrā lelihānā nabhastalam

उसकी दोनों भुजाएँ पर्वत के समान लम्बी और भयंकर दिखने वाली थीं; उसकी जीभ भयानक और क्रूर, आकाश-तल को चाटती हुई थी।

श्लोक 17 (devibhagavatam.7.7.17)

ग्रीवा तु गिरिशृङ्गाभा कठिना भीषणा भृशम् । नखा व्याघ्रनखप्रख्याः केशाश्चातीवभीषणाः

grīvā tu giriśṛṅgābhā kaṭhinā bhīṣaṇā bhṛśam nakhā vyāghranakhaprakhyāḥ keśāścātīvabhīṣaṇāḥ

उसकी गर्दन पर्वत-शिखर के समान कठोर और अत्यंत भयंकर थी; उसके नाखून बाघ के नखों के समान और बाल अत्यंत भयावह थे।

श्लोक 18 (devibhagavatam.7.7.18)

शरीरं कज्जलाभं च तस्य चास्यं भयानकम् । नेत्रे दावानलप्रख्ये भीषणेऽतिभयानके

śarīraṁ kajjalābhaṁ ca tasya cāsyaṁ bhayānakam netre dāvānalaprakhye bhīṣaṇe'tibhayānake

उसका शरीर काजल के समान काला और मुख भयानक था; उसके दोनों नेत्र दावानल के समान भयंकर और अत्यंत डरावने थे।

श्लोक 19 (devibhagavatam.7.7.19)

हनुरेका स्थिता तस्य भूमावेका दिवं गता । एवंविधः समुत्पन्नो मदो नाम बृहत्तनुः

hanurekā sthitā tasya bhūmāvekā divaṁ gatā evaṁvidhaḥ samutpanno mado nāma bṛhattanuḥ

उसका एक जबड़ा भूमि पर टिका था, दूसरा आकाश तक पहुँच गया था। इस प्रकार का विशालकाय मद नाम का असुर उत्पन्न हुआ।

श्लोक 20 (devibhagavatam.7.7.20)

तं विलोक्य सुराः सर्वे भयमाजग्मुरंहसा । इन्द्रोऽपि भयसन्त्रस्तो युद्धाय न मनो दधे

taṁ vilokya surāḥ sarve bhayamājagmuraṁhasā indro'pi bhayasantrasto yuddhāya na mano dadhe

उसे देखकर सभी देवता तत्काल भयभीत हो गए; इन्द्र भी भय से त्रस्त होकर युद्ध में मन न लगा सके।

श्लोक 21 (devibhagavatam.7.7.21)

दैत्योऽपि वदने कामं वज्रमादाय संस्थितः । व्याप्तं नभो घोरदृष्टिर्ग्रसन्निव जगत्त्रयम्

daityo'pi vadane kāmaṁ vajramādāya saṁsthitaḥ vyāptaṁ nabho ghoradṛṣṭirgrasanniva jagattrayam

वह दैत्य इन्द्र के वज्र को अपने मुख में इच्छानुसार लेकर खड़ा था, उसकी भयंकर दृष्टि आकाश में व्याप्त थी मानो तीनों लोकों को निगल रहा हो।

श्लोक 22 (devibhagavatam.7.7.22)

स भक्ष्ययिष्यन्सङ्क्रुद्धः शतक्रतुमुपाद्रवत् । चक्रुशुश्च सुराः सर्वे हा हताः स्मेति संस्थिताः

sa bhakṣyayiṣyansaṅkruddhaḥ śatakratumupādravat cakruśuśca surāḥ sarve hā hatāḥ smeti saṁsthitāḥ

उसे निगलने की इच्छा से क्रुद्ध होकर वह सौ-यज्ञों वाले इन्द्र की ओर दौड़ा, और सभी देवता "हाय! हम मारे गए" कहते हुए असहाय खड़े रह गए।

श्लोक 23 (devibhagavatam.7.7.23)

इन्द्रः स्तम्भितबाहुस्तु मुमुक्षुर्वज्रमन्तिकात् । न शशाक पविं तस्मिन्प्रहर्तुं पाकशासनः

indraḥ stambhitabāhustu mumukṣurvajramantikāt na śaśāka paviṁ tasminprahartuṁ pākaśāsanaḥ

इन्द्र, जिनकी भुजा स्तंभित हो गई थी, पास से ही वज्र चलाना चाहते थे, परन्तु वे पाकशासन उस पर आयुध का प्रहार न कर सके।

श्लोक 24 (devibhagavatam.7.7.24)

वज्रहस्तः सुरेशानस्तं वीक्ष्य कालसन्निभम् । सस्मार मनसा तत्र गुरुं समयकोविदम्

vajrahastaḥ sureśānastaṁ vīkṣya kālasannibham sasmāra manasā tatra guruṁ samayakovidam

वज्र हाथ में लिए देवताओं के स्वामी इन्द्र ने काल के समान उस दैत्य को देखकर मन में अपने गुरु, जो शास्त्रोक्त विधि के ज्ञाता थे, का स्मरण किया।

श्लोक 25 (devibhagavatam.7.7.25)

स्मरणादाजगामाशु बृहस्पतिरुदारधीः । गुरुस्तत्समयं दृष्ट्वा विपत्तिसदृशं महत्

smaraṇādājagāmāśu bṛhaspatirudāradhīḥ gurustatsamayaṁ dṛṣṭvā vipattisadṛśaṁ mahat

स्मरण करते ही उदार बुद्धि वाले बृहस्पति तुरन्त वहाँ आ पहुँचे; उस महान विपत्ति के समान अवसर को देखकर गुरु ने —

श्लोक 26 (devibhagavatam.7.7.26)

विचार्य मनसा कृत्यं तमुवाच शचीपतिम् । दुःसाध्योऽयं महामन्त्रैस्त्वयं वज्रेण वासव

vicārya manasā kṛtyaṁ tamuvāca śacīpatim duḥsādhyo'yaṁ mahāmantraistvayaṁ vajreṇa vāsava

— मन में विचार करके इन्द्र से कहा — "हे वासव! यह महामंत्रों से या वज्र से भी वश में करना कठिन है।

श्लोक 27 (devibhagavatam.7.7.27)

असुरो मदसंज्ञस्तु यज्ञकुण्डात्समुत्थितः । तपोबलमृषेः सम्यक् च्यवनस्य महाबलः

asuro madasaṁjñastu yajñakuṇḍātsamutthitaḥ tapobalamṛṣeḥ samyak cyavanasya mahābalaḥ

यह मद नामक असुर यज्ञकुण्ड से उत्पन्न हुआ है, यह वास्तव में महातपस्वी मुनि च्यवन के तपोबल से उत्पन्न महाबलशाली है।

श्लोक 28 (devibhagavatam.7.7.28)

अनिवार्यो ह्ययं शत्रुस्त्वया देवैस्तथा मया । शरणं याहि देवेश च्यवनस्य महात्मनः

anivāryo hyayaṁ śatrustvayā devaistathā mayā śaraṇaṁ yāhi deveśa cyavanasya mahātmanaḥ

यह शत्रु न आपसे, न देवताओं से, और न मुझसे भी रोका जा सकता है। हे देवेश! उस महात्मा च्यवन की ही शरण में जाइए।

श्लोक 29 (devibhagavatam.7.7.29)

स निवारयिता नूनं कृत्यामात्मकृतां किल । न निवारयितुं शक्ताः शक्तिभक्तरुषं क्वचित्

sa nivārayitā nūnaṁ kṛtyāmātmakṛtāṁ kila na nivārayituṁ śaktāḥ śaktibhaktaruṣaṁ kvacit

वही अपनी बनाई हुई कृत्या को अवश्य रोक सकते हैं; क्योंकि शक्तिशाली भक्त के क्रोध को कोई कभी नहीं रोक सकता।"

श्लोक 30 (devibhagavatam.7.7.30)

व्यास उवाच । इत्युक्तो गुरुणा शक्रस्तदागच्छन्मुनिं प्रति । प्रणम्य शिरसा नम्रः तमुवाच भयान्वितः

vyāsa uvāca ityukto guruṇā śakrastadāgacchanmuniṁ prati praṇamya śirasā namraḥ tamuvāca bhayānvitaḥ

व्यास जी ने कहा — गुरु द्वारा ऐसा कहे जाने पर इन्द्र तब मुनि के पास गए, और भयभीत होकर सिर झुकाकर प्रणाम करते हुए उनसे बोले।

श्लोक 31 (devibhagavatam.7.7.31)

क्षमस्व मुनिशार्दूल शमयासुरमुद्यतम् । प्रसन्नो भव सर्वज्ञ वचनं ते करोम्यहम्

kṣamasva muniśārdūla śamayāsuramudyatam prasanno bhava sarvajña vacanaṁ te karomyaham

"हे मुनिशार्दूल! क्षमा कीजिए, इस उठे हुए असुर को शांत कीजिए। हे सर्वज्ञ! प्रसन्न होइए, मैं अब आपकी बात मानता हूँ।

श्लोक 32 (devibhagavatam.7.7.32)

सोमार्हावश्विनावेतावद्यप्रभृति भार्गव । भविष्यतः सत्यमेतद्वचो विप्र प्रसीद मे

somārhāvaśvināvetāvadyaprabhṛti bhārgava bhaviṣyataḥ satyametadvaco vipra prasīda me

हे भार्गव! आज से ये दोनों अश्विनीकुमार सोम के अधिकारी होंगे — यह मेरा सत्य वचन है। हे विप्र! मुझ पर प्रसन्न होइए।

श्लोक 33 (devibhagavatam.7.7.33)

मिथ्या ते नोद्यमो ह्येष भवत्येव तपोधन । जाने त्वमपि धर्मज्ञ मिथ्या नैव करिष्यसि

mithyā te nodyamo hyeṣa bhavatyeva tapodhana jāne tvamapi dharmajña mithyā naiva kariṣyasi

हे तपोधन! आपका यह प्रयास व्यर्थ नहीं गया है। हे धर्मज्ञ! मैं जानता हूँ कि आप भी इसे कभी व्यर्थ नहीं जाने देंगे।

श्लोक 34 (devibhagavatam.7.7.34)

सोमपावश्विनावेतौ त्वत्कृतौ च सदैवे हि । भविष्यतश्च शर्यातेः कीर्तिस्तु विपुला भवेत्

somapāvaśvināvetau tvatkṛtau ca sadaive hi bhaviṣyataśca śaryāteḥ kīrtistu vipulā bhavet

आपके द्वारा बनाए गए ये दोनों अश्विनीकुमार अब सदा देवताओं में सोमपायी होंगे; और शर्याति की कीर्ति विशाल होगी।

श्लोक 35 (devibhagavatam.7.7.35)

मया यद्धि कृतं कर्म सर्वथा मुनिसत्तम । परीक्षार्थं तु विज्ञेयं तव वीर्यप्रकाशनम्

mayā yaddhi kṛtaṁ karma sarvathā munisattama parīkṣārthaṁ tu vijñeyaṁ tava vīryaprakāśanam

हे मुनिसत्तम! मैंने जो भी यह कार्य किया, वह सर्वथा केवल आपके पराक्रम को प्रकट करने की परीक्षा हेतु ही किया गया समझिए।

श्लोक 36 (devibhagavatam.7.7.36)

प्रसादं कुरु मे ब्रह्मन् मदं संहर चोत्थितम् । कल्याणं सर्वदेवानां तथा भूयो विधीयताम्

prasādaṁ kuru me brahman madaṁ saṁhara cotthitam kalyāṇaṁ sarvadevānāṁ tathā bhūyo vidhīyatām

हे ब्रह्मन्! मुझ पर कृपा कीजिए, इस उत्पन्न मद को समेट लीजिए, और सभी देवताओं का पुनः कल्याण कीजिए।"

श्लोक 37 (devibhagavatam.7.7.37)

एवमुक्तस्तु शक्रेण च्यवनः परमार्थवित् । सञ्जहार तपः कोपं समुत्पन्नं विरोधजम्

evamuktastu śakreṇa cyavanaḥ paramārthavit sañjahāra tapaḥ kopaṁ samutpannaṁ virodhajam

इन्द्र द्वारा इस प्रकार कहे जाने पर परमार्थवेत्ता च्यवन ने इस विरोध से उत्पन्न अपने तप के क्रोध को समेट लिया।

श्लोक 38 (devibhagavatam.7.7.38)

देवमाश्वास्य संविग्नं भार्गवस्तु मदं ततः । व्यभजत्स्त्रीषु पानेषु द्यूतेषु मृगयासु च

devamāśvāsya saṁvignaṁ bhārgavastu madaṁ tataḥ vyabhajatstrīṣu pāneṣu dyūteṣu mṛgayāsu ca

व्याकुल देवता (इन्द्र) को आश्वस्त करके उस भार्गव ने फिर मद को स्त्री, मद्यपान, जुआ और मृगया (शिकार) में बाँट दिया।

श्लोक 39 (devibhagavatam.7.7.39)

मदं विभज्य देवेन्द्रमाश्वास्य चकितं भिया । संस्थाप्य च सुरान्सर्वान्मखं तस्य न्यवर्तयत्

madaṁ vibhajya devendramāśvāsya cakitaṁ bhiyā saṁsthāpya ca surānsarvānmakhaṁ tasya nyavartayat

मद को इस प्रकार विभाजित करके, भय से काँपते इन्द्र को आश्वस्त करके, और सभी देवताओं को पुनः स्थापित करके, उन्होंने राजा के उस यज्ञ को पूर्ण किया।

श्लोक 40 (devibhagavatam.7.7.40)

ततस्तु संस्कृतं सोमं वासवाय महात्मने । अश्विभ्यां सर्वधर्मात्मा पाययामास भार्गवः

tatastu saṁskṛtaṁ somaṁ vāsavāya mahātmane aśvibhyāṁ sarvadharmātmā pāyayāmāsa bhārgavaḥ

तब उस सर्वधर्मात्मा भार्गव ने संस्कारित सोम महात्मा इन्द्र को तथा अश्विनीकुमारों को पिलाया।

श्लोक 41 (devibhagavatam.7.7.41)

एवं तौ च्यवनेनार्यावश्विनौ रविपुत्रकौ । विहितौ सोमपौ राजन् सर्वथा तपसो बलात्

evaṁ tau cyavanenāryāvaśvinau raviputrakau vihitau somapau rājan sarvathā tapaso balāt

हे राजन्! इस प्रकार च्यवन ने अपने तप के बल से ही सर्वथा उन दोनों आर्य सूर्यपुत्रों अश्विनीकुमारों को सोमपायी बना दिया।

श्लोक 42 (devibhagavatam.7.7.42)

सरस्तदपि विख्यातं जातं यूपविमण्डितम् । आश्रमस्तु मुनेः सम्यक् पृथिव्यां विश्रुतोऽभवत्

sarastadapi vikhyātaṁ jātaṁ yūpavimaṇḍitam āśramastu muneḥ samyak pṛthivyāṁ viśruto'bhavat

वह सरोवर भी यूप (यज्ञ-स्तंभ) से सुशोभित होकर विख्यात हुआ; और मुनि का आश्रम भी पृथ्वी पर सम्यक् रूप से विश्रुत हुआ।

श्लोक 43 (devibhagavatam.7.7.43)

शर्यातिरपि सन्तुष्टो ह्यभवत्तेन कर्मणा । यज्ञं समाप्य नगरे जगाम सचिवैर्वृतः

śaryātirapi santuṣṭo hyabhavattena karmaṇā yajñaṁ samāpya nagare jagāma sacivairvṛtaḥ

शर्याति भी उस कार्य से संतुष्ट हुए; यज्ञ समाप्त करके वे मंत्रियों से घिरे हुए नगर को लौट गए।

श्लोक 44 (devibhagavatam.7.7.44)

राज्यं चकार धर्मज्ञो मनुपुत्रः प्रतापवान् । आनर्तस्तस्य पुत्रोऽभूदानर्ताद्रेवतोऽभवत्

rājyaṁ cakāra dharmajño manuputraḥ pratāpavān ānartastasya putro'bhūdānartādrevato'bhavat

उस धर्मज्ञ, प्रतापी मनुपुत्र ने राज्य किया; उनका पुत्र आनर्त हुआ, और आनर्त से रेवत उत्पन्न हुए।

श्लोक 45 (devibhagavatam.7.7.45)

सोऽन्तःसमुद्रे नगरीं विनिर्माय कुशस्थलीम् । आस्थितोऽभुङ्क्त विषयानानर्तादीनरिन्दमः

so'ntaḥsamudre nagarīṁ vinirmāya kuśasthalīm āsthito'bhuṅkta viṣayānānartādīnarindamaḥ

उस शत्रुदमन ने समुद्र के भीतर कुशस्थली नामक नगरी बनवाई, और वहाँ बसकर आनर्त आदि विषयों को भोगा।

श्लोक 46 (devibhagavatam.7.7.46)

तस्य पुत्रशतं जज्ञे ककुद्मिज्येष्ठमुत्तमम् । पुत्री च रेवती नाम्ना सुन्दरी शुभलक्षणा

tasya putraśataṁ jajñe kakudmijyeṣṭhamuttamam putrī ca revatī nāmnā sundarī śubhalakṣaṇā

उनके सौ पुत्र उत्पन्न हुए, जिनमें ककुद्मि ज्येष्ठ और श्रेष्ठ थे; और रेवती नाम की एक सुन्दर, शुभलक्षणा पुत्री भी थी।

श्लोक 47 (devibhagavatam.7.7.47)

वरयोग्या यदा जाता तदा राजा च रेवतः । चिन्तयामास राजेन्द्रो राजपुत्रान्कुलोद्भवान्

varayogyā yadā jātā tadā rājā ca revataḥ cintayāmāsa rājendro rājaputrānkulodbhavān

जब वह विवाह-योग्य हुई, तब राजा रेवत, वह राजेन्द्र, कुलीन राजकुमारों के विषय में विचार करने लगे।

श्लोक 48 (devibhagavatam.7.7.48)

रैवतं नाम च गिरिमाश्रितः पृथिवीपतिः । चकार राज्यं बलवानानर्तेषु नराधिपः

raivataṁ nāma ca girimāśritaḥ pṛthivīpatiḥ cakāra rājyaṁ balavānānarteṣu narādhipaḥ

रैवत नामक पर्वत का आश्रय लेकर वह बलवान पृथ्वीपति आनर्त प्रदेश में राज्य करता था।

श्लोक 49 (devibhagavatam.7.7.49)

विचिन्त्य मनसा राजा कस्मै देया मया सुता । गत्वा पृच्छामि ब्रह्माणं सर्वज्ञं सुरपूजितम्

vicintya manasā rājā kasmai deyā mayā sutā gatvā pṛcchāmi brahmāṇaṁ sarvajñaṁ surapūjitam

राजा ने मन में विचार किया — "अपनी पुत्री किसे दूँ? चलकर सर्वज्ञ, देवपूजित ब्रह्मा जी से ही पूछता हूँ।"

श्लोक 50 (devibhagavatam.7.7.50)

इति सञ्चिन्त्य भूपालः सुतामादाय रेवतीम् । ब्रह्मलोकं जगामाशु प्रष्टुकामः पितामहम्

iti sañcintya bhūpālaḥ sutāmādāya revatīm brahmalokaṁ jagāmāśu praṣṭukāmaḥ pitāmaham

ऐसा सोचकर वह राजा अपनी पुत्री रेवती को लेकर पितामह ब्रह्मा से पूछने की इच्छा से तुरन्त ब्रह्मलोक चल पड़े।

श्लोक 51 (devibhagavatam.7.7.51)

यत्र देवाश्च यज्ञाश्च छन्दांसि पर्वतास्तथा । अब्धयः सिद्धगन्धर्वाः दिव्यरूपधराः स्थिताः

yatra devāśca yajñāśca chandāṁsi parvatāstathā abdhayaḥ siddhagandharvāḥ divyarūpadharāḥ sthitāḥ

जहाँ देवता, यज्ञ, वेदछन्द, पर्वत तथा समुद्र, और दिव्यरूपधारी सिद्ध-गन्धर्व सभी विराजमान रहते हैं —

श्लोक 52 (devibhagavatam.7.7.52)

ऋषयः सिद्धगन्धर्वाः पन्नगाश्चारणास्तथा । तस्थुः प्राञ्जलयः सर्वे स्तुवन्तश्च पुरातनाः

ṛṣayaḥ siddhagandharvāḥ pannagāścāraṇāstathā tasthuḥ prāñjalayaḥ sarve stuvantaśca purātanāḥ

— जहाँ ऋषि, सिद्ध-गन्धर्व, नाग तथा चारण, वे सभी पुरातन जन हाथ जोड़े हुए स्तुति करते हुए खड़े रहते हैं —