सूर्यरथ और नक्षत्र-वीथियाँ

श्लोक 1 (devibhagavatam.8.15.1)

श्रीनारायण उवाच । अतः परं प्रवक्ष्यामि भानोर्गमनमुत्तमम् । शीघ्रमन्दादिगतिभिस्त्रिविधं गमनं रवेः

śrīnārāyaṇa uvāca | ataḥ paraṁ pravakṣyāmi bhānorgamanamuttamam | śīghramandādigatibhistrividhaṁ gamanaṁ raveḥ

श्रीनारायण ने कहा — अब इसके आगे मैं सूर्य की उत्तम गति का वर्णन करूँगा — शीघ्र, मन्द आदि गतियों से सूर्य की त्रिविध गति होती है।

श्लोक 2 (devibhagavatam.8.15.2)

सर्वग्रहाणां त्रीण्येव स्थानानि सुरसत्तम । स्थानं जारद्गवं मध्यं तथैरावतमुत्तरम्

sarvagrahāṇāṁ trīṇyeva sthānāni surasattama | sthānaṁ jāradgavaṁ madhyaṁ tathairāvatamuttaram

हे सुरश्रेष्ठ! समस्त ग्रहों के तीन ही स्थान (मार्ग) हैं — मध्य स्थान जारद्गव तथा उत्तर स्थान ऐरावत,

श्लोक 3 (devibhagavatam.8.15.3)

वैश्वानरं दक्षिणतो निर्दिष्टमिति तत्त्वतः । अश्विनी कृत्तिका याम्या नागवीथीति शब्दिता

vaiśvānaraṁ dakṣiṇato nirdiṣṭamiti tattvataḥ | aśvinī kṛttikā yāmyā nāgavīthīti śabditā

और दक्षिण स्थान को वास्तव में वैश्वानर कहा गया है। अश्विनी, कृत्तिका तथा याम्या (भरणी) — ये नागवीथी कहलाती हैं,

श्लोक 4 (devibhagavatam.8.15.4)

रोहिण्यार्द्रा मृगशिरो गजवीथ्यभिधीयते । पुष्याश्लेषा तथाऽऽदित्या वीथी चैरावती स्मृता

rohiṇyārdrā mṛgaśiro gajavīthyabhidhīyate | puṣyāśleṣā tathā''dityā vīthī cairāvatī smṛtā

रोहिणी, आर्द्रा और मृगशिरा — ये गजवीथी कहलाती हैं। पुष्य, आश्लेषा तथा आदित्या (पुनर्वसु) — ये ऐरावती वीथी स्मृत हैं।

श्लोक 5 (devibhagavatam.8.15.5)

एतास्तु वीथयस्तिस्र उत्तरो मार्ग उच्यते । तथा द्वे चापि फल्गुन्यौ मघा चैवार्षभी मता

etāstu vīthayastisra uttaro mārga ucyate | tathā dve cāpi phalgunyau maghā caivārṣabhī matā

ये तीनों वीथियाँ मिलकर उत्तर मार्ग कहलाती हैं। इसी प्रकार दोनों फाल्गुनी और मघा — ये आर्षभी (वृषभ) वीथी मानी गयी हैं।

श्लोक 6 (devibhagavatam.8.15.6)

हस्तश्चित्रा तथा स्वाती गोवीथीति तु शब्दिता । ज्येष्ठा विशाखानुराधा वीथी जारद्गवी मता

hastaścitrā tathā svātī govīthīti tu śabditā | jyeṣṭhā viśākhānurādhā vīthī jāradgavī matā

हस्त, चित्रा और स्वाती — ये गोवीथी कहलाती हैं। ज्येष्ठा, विशाखा और अनुराधा — यह जारद्गवी वीथी मानी गयी है।

श्लोक 7 (devibhagavatam.8.15.7)

एतास्तु वीथयस्तिस्रो मध्यमो मार्ग उच्यते । मूलाषाढोत्तराषाढा अजवीथ्यभिशब्दिता

etāstu vīthayastisro madhyamo mārga ucyate | mūlāṣāḍhottarāṣāḍhā ajavīthyabhiśabditā

ये तीनों वीथियाँ मध्यम मार्ग कहलाती हैं। मूल, पूर्वाषाढ़ा और उत्तराषाढ़ा — ये अजवीथी कही जाती हैं।

श्लोक 8 (devibhagavatam.8.15.8)

श्रवणं च धनिष्ठा च मार्गी शतभिषक् तथा । वैश्वानरी भाद्रपदे रेवती चैव कीर्तिता

śravaṇaṁ ca dhaniṣṭhā ca mārgī śatabhiṣak tathā | vaiśvānarī bhādrapade revatī caiva kīrtitā

श्रवण, धनिष्ठा और शतभिषक् — यह मार्गी वीथी है। दोनों भाद्रपद तथा रेवती — ये वैश्वानरी कही गयी हैं।

श्लोक 9 (devibhagavatam.8.15.9)

एतास्तु वीथयस्तिस्रो दक्षिणो मार्ग उच्यते । उत्तरायणमासाद्य युगाक्षान्तर्निबद्धयोः

etāstu vīthayastisro dakṣiṇo mārga ucyate | uttarāyaṇamāsādya yugākṣāntarnibaddhayoḥ

ये तीनों वीथियाँ दक्षिण मार्ग कहलाती हैं। उत्तरायण को प्राप्त होकर, युग (जुए) के अक्ष के भीतर बँधे हुए,

श्लोक 10 (devibhagavatam.8.15.10)

कर्षणं पाशयोर्वायुबद्धयो रोहणं स्मृतम् । तदाभ्यन्तरगान्मण्डलाद्रथस्य गतेर्भवेत्

karṣaṇaṁ pāśayorvāyubaddhayo rohaṇaṁ smṛtam | tadābhyantaragānmaṇḍalādrathasya gaterbhavet

वायु से बँधी दोनों रश्मियों के खिंचने को आरोहण कहा गया है। तब भीतरी मण्डल से रथ की गति होती है,

श्लोक 11 (devibhagavatam.8.15.11)

मान्द्यं दिवसवृद्धिश्च जायते सुरसत्तम । रात्रिह्रासश्च भवति सौम्यायनक्रमो ह्ययम्

māndyaṁ divasavṛddhiśca jāyate surasattama | rātrihrāsaśca bhavati saumyāyanakramo hyayam

— मन्द हो जाती है, हे सुरश्रेष्ठ! तथा दिन की वृद्धि होती है, और रात्रि का ह्रास होता है — यही सौम्यायन (उत्तरायण) का क्रम है।

श्लोक 12 (devibhagavatam.8.15.12)

दक्षिणायनके पाशे प्रेरणादवरोहणम् । बहिर्मण्डलवेशेन गतिशैघ्र्यं तदा भवेत्

dakṣiṇāyanake pāśe preraṇādavarohaṇam | bahirmaṇḍalaveśena gatiśaighryaṁ tadā bhavet

दक्षिणायन में रश्मियों के प्रेरण से अवरोहण होता है। बाहरी मण्डल में प्रवेश करने से तब गति की शीघ्रता होती है,

श्लोक 13 (devibhagavatam.8.15.13)

तदा दिनाल्पता रात्रिवृद्धिश्च परिकीर्तिता । वैषुवे पाशसाम्यात्तु समावस्थानतो रवेः

tadā dinālpatā rātrivṛddhiśca parikīrtitā | vaiṣuve pāśasāmyāttu samāvasthānato raveḥ

— तब दिन की न्यूनता और रात्रि की वृद्धि कही गयी है। विषुव के समय रश्मियों की समानता से, सूर्य की सम अवस्था के कारण,

श्लोक 14 (devibhagavatam.8.15.14)

मध्यमण्डलवेशश्च साम्यं रात्रिदिनादिके । आकृष्येते यदा तौ तु ध्रुवेण समधिष्ठितौ

madhyamaṇḍalaveśaśca sāmyaṁ rātridinādike | ākṛṣyete yadā tau tu dhruveṇa samadhiṣṭhitau

— मध्यमण्डल में प्रवेश होता है, और रात्रि-दिन आदि में समानता होती है। जब वे दोनों रश्मियाँ ध्रुव द्वारा समान रूप से अधिष्ठित होकर खींची जाती हैं,

श्लोक 15 (devibhagavatam.8.15.15)

तदाभ्यन्तरतः सूर्यो भ्रमते मण्डलानि च । ध्रुवेण मुच्यमानेन पुना रश्मियुगेन तु

tadābhyantarataḥ sūryo bhramate maṇḍalāni ca | dhruveṇa mucyamānena punā raśmiyugena tu

— तब सूर्य भीतरी मण्डलों में भ्रमण करते हैं। और ध्रुव द्वारा छोड़ी गयी रश्मि-युगल के द्वारा पुनः,

श्लोक 16 (devibhagavatam.8.15.16)

तथैव बाह्यतः सूर्यो भ्रमते मण्डलानि च । तस्मिन्मेरौ पूर्वभागे पुर्यैन्द्री देवधानिका

tathaiva bāhyataḥ sūryo bhramate maṇḍalāni ca | tasminmerau pūrvabhāge puryaindrī devadhānikā

— सूर्य उसी प्रकार बाहरी मण्डलों में भी भ्रमण करते हैं। उस मेरु के पूर्व भाग में इन्द्र की देवधानिका नामक पुरी है,

श्लोक 17 (devibhagavatam.8.15.17)

दक्षिणे वै संयमनी नाम याम्या महापुरी । पश्चान्निम्लोचनी नाम वारुणी वै महापुरी

dakṣiṇe vai saṁyamanī nāma yāmyā mahāpurī | paścānnimlocanī nāma vāruṇī vai mahāpurī

दक्षिण में यम की संयमनी नामक महापुरी है, पश्चिम में वरुण की निम्लोचनी नामक महापुरी है,

श्लोक 18 (devibhagavatam.8.15.18)

तदुत्तरे पुरी सौम्या प्रोक्ता नाम विभावरी । ऐन्द्रपुर्यां रवेः प्रोक्त उदयो ब्रह्मवादिभिः

taduttare purī saumyā proktā nāma vibhāvarī | aindrapuryāṁ raveḥ prokta udayo brahmavādibhiḥ

तथा उसके उत्तर में सोम की विभावरी नामक पुरी कही गयी है। इन्द्रपुरी में सूर्य का उदय ब्रह्मवादियों द्वारा कहा गया है,

श्लोक 19 (devibhagavatam.8.15.19)

संयमन्यां च मध्याह्ने निम्लोचन्यां निमीलनम् । विभावर्यां निशीथः स्यात्तिग्मांशोः सुरपूजितः

saṁyamanyāṁ ca madhyāhne nimlocanyāṁ nimīlanam | vibhāvaryāṁ niśīthaḥ syāttigmāṁśoḥ surapūjitaḥ

संयमनी में मध्याह्न होता है, निम्लोचनी में अस्त होता है, और विभावरी में मध्यरात्रि होती है — देवपूजित तीक्ष्णांशु सूर्य के सम्बन्ध में यह क्रम है।

श्लोक 20 (devibhagavatam.8.15.20)

प्रवृत्तेश्च निमित्तानि भूतानां तानि सर्वशः । मेरोश्चतुर्दिशं भानोः कीर्तितानि मया मुने

pravṛtteśca nimittāni bhūtānāṁ tāni sarvaśaḥ | meroścaturdiśaṁ bhānoḥ kīrtitāni mayā mune

समस्त प्राणियों की प्रवृत्ति के कारण — मेरु से चारों दिशाओं में सूर्य की ये स्थितियाँ — हे मुने! मेरे द्वारा कही गयीं।

श्लोक 21 (devibhagavatam.8.15.21)

मेरुस्थानां सदा मध्यं गत एव विभाति हि । सव्यं गच्छन्दक्षिणेन करोति स्वर्णपर्वतम्

merusthānāṁ sadā madhyaṁ gata eva vibhāti hi | savyaṁ gacchandakṣiṇena karoti svarṇaparvatam

मेरुवासियों के लिए सूर्य सदा मध्याह्न (शिखर) में गया हुआ ही प्रतीत होता है। बाईं ओर गमन करते हुए वे स्वर्णपर्वत को दाहिनी ओर रखते हैं,

श्लोक 22 (devibhagavatam.8.15.22)

उदयास्तमये चैव सर्वकालं तु सम्मुखे । दिशास्वशेषासु तथा सुरर्षे विदिशासु च

udayāstamaye caiva sarvakālaṁ tu sammukhe | diśāsvaśeṣāsu tathā surarṣe vidiśāsu ca

— तथा उदय और अस्त, दोनों में सदैव सम्मुख रहता है; तथा हे सुरर्षे! समस्त दिशाओं और विदिशाओं में भी,

श्लोक 23 (devibhagavatam.8.15.23)

यैर्यत्र दृश्यते भास्वान्स तेषामुदयः स्मृतः । तिरोभावं च यत्रैति तत्रैवास्तमनं रवेः

yairyatra dṛśyate bhāsvānsa teṣāmudayaḥ smṛtaḥ | tirobhāvaṁ ca yatraiti tatraivāstamanaṁ raveḥ

जिनके द्वारा जहाँ सूर्य दिखायी देते हैं, वहीं उनके लिए उनका उदय माना जाता है; और जहाँ वे ओझल हो जाते हैं, वहीं सूर्य का अस्त होना कहा जाता है।

श्लोक 24 (devibhagavatam.8.15.24)

नैवास्तमनमर्कस्य नोदयः सर्वदा सतः । उदयास्तमनाख्यं हि दर्शनादर्शनं रवेः

naivāstamanamarkasya nodayaḥ sarvadā sataḥ | udayāstamanākhyaṁ hi darśanādarśanaṁ raveḥ

वस्तुतः सदा विद्यमान सूर्य का न तो अस्त होता है और न उदय होता है। सूर्य के उदय और अस्त कहलाने वाली घटना वस्तुतः उसका दिखायी देना और न दिखायी देना ही है।

श्लोक 25 (devibhagavatam.8.15.25)

शक्रादीनां पुरे तिष्ठन्स्पृशत्येष पुरत्रयम् । विकर्णौ द्वौ विकर्णस्थस्त्रीन्कोणान्द्वे पुरे तथा

śakrādīnāṁ pure tiṣṭhanspṛśatyeṣa puratrayam | vikarṇau dvau vikarṇasthastrīnkoṇāndve pure tathā

इन्द्र आदि की पुरी में स्थित सूर्य इस प्रकार तीन पुरियों का स्पर्श करते हैं; कोण पर स्थित होने पर दो विकर्ण पुरियों के तीन कोणों को, तथा दो पुरियों को भी वे स्पर्श करते हैं,

श्लोक 26 (devibhagavatam.8.15.26)

सर्वेषां द्वीपवर्षाणां मेरुरुत्तरतः स्थितः । यैर्यत्र दृश्यते भानुः सैव प्राचीति चोच्यते

sarveṣāṁ dvīpavarṣāṇāṁ meruruttarataḥ sthitaḥ | yairyatra dṛśyate bhānuḥ saiva prācīti cocyate

समस्त द्वीपों और वर्षों के लिए मेरु उत्तर दिशा में स्थित है। जहाँ-जहाँ जिनके द्वारा सूर्य देखा जाता है, वही दिशा उनके लिए 'पूर्व' कही जाती है,

श्लोक 27 (devibhagavatam.8.15.27)

तद्वामभागतो मेरुर्वर्ततेति विनिर्णयः । यदि चैन्द्र्याः प्रचलते घटिका दशपञ्चभिः

tadvāmabhāgato merurvartateti vinirṇayaḥ | yadi caindryāḥ pracalate ghaṭikā daśapañcabhiḥ

— और उस दृष्टि से मेरु उनके बायीं ओर स्थित माना जाता है। यदि इन्द्रपुरी से सूर्य पन्द्रह घटिका चलें,

श्लोक 28 (devibhagavatam.8.15.28)

याम्यां तदा योजनानां सपादं कोटियुग्मकम् । सार्धद्वादशलक्षाणि पञ्चनेत्रसहस्रकम्

yāmyāṁ tadā yojanānāṁ sapādaṁ koṭiyugmakam | sārdhadvādaśalakṣāṇi pañcanetrasahasrakam

तब यम की पुरी तक कोटियुग्म (दो करोड़) सपाद, साढ़े बारह लाख, तथा पाँच हज़ार योजन —

श्लोक 29 (devibhagavatam.8.15.29)

प्रक्रामति सहस्रांशुः कालमार्गप्रदर्शकः । एवं ततो वारुणीं च सौम्यामैन्द्रीं सहस्रदृक्

prakrāmati sahasrāṁśuḥ kālamārgapradarśakaḥ | evaṁ tato vāruṇīṁ ca saumyāmaindrīṁ sahasradṛk

— यह मार्ग सहस्रांशु (सूर्य) चलते हैं, जो काल-मार्ग के प्रदर्शक हैं। इसी प्रकार वहाँ से वारुणी नगरी, सौम्या नगरी तथा पुनः ऐन्द्री नगरी तक सहस्रदृक् सूर्य —

श्लोक 30 (devibhagavatam.8.15.30)

पर्येति कालचक्रात्मा द्युमणिः कालबुद्धये । तथा चान्ये ग्रहाः सोमादयो ये दिग्विचारिणः

paryeti kālacakrātmā dyumaṇiḥ kālabuddhaye | tathā cānye grahāḥ somādayo ye digvicāriṇaḥ

— काल-चक्र-स्वरूप सूर्य काल की गणना के लिए भ्रमण करते हैं। तथा दिशाओं में विचरण करने वाले सोम आदि अन्य ग्रह भी —

श्लोक 31 (devibhagavatam.8.15.31)

नक्षत्रैः सह चोद्यन्ति सह चास्तं व्रजन्ति ते । एवं मुहूर्तेन रथो भानोरष्टशताधिकम्

nakṣatraiḥ saha codyanti saha cāstaṁ vrajanti te | evaṁ muhūrtena ratho bhānoraṣṭaśatādhikam

— नक्षत्रों के साथ उदित होते हैं और उन्हीं के साथ अस्त होते हैं। इस प्रकार एक मुहूर्त में सूर्य का रथ आठ सौ से अधिक —

श्लोक 32 (devibhagavatam.8.15.32)

योजनानां चतुस्त्रिंशल्लक्षाणि भ्रमति प्रभुः । त्रयीमयश्चतुर्दिक्षु पुरीषु च समीरणात्

yojanānāṁ catustriṁśallakṣāṇi bhramati prabhuḥ | trayīmayaścaturdikṣu purīṣu ca samīraṇāt

— चौंतीस लाख योजन प्रभु सूर्य भ्रमण करते हैं। वेदत्रयीमय सूर्य वायु की सहायता से चारों दिशाओं की पुरियों में —

श्लोक 33 (devibhagavatam.8.15.33)

प्रवहाख्यात्सदा कालचक्रं पर्येति भानुमान् । यस्य चक्रं रथस्यैकं द्वादशारं त्रिनाभिकम्

pravahākhyātsadā kālacakraṁ paryeti bhānumān | yasya cakraṁ rathasyaikaṁ dvādaśāraṁ trinābhikam

— प्रवह नामक वायु के द्वारा, सूर्य सदा काल-चक्र का भ्रमण करते हैं। उनके रथ का एक ही चक्र है, जिसमें बारह अरे और तीन नाभियाँ हैं,

श्लोक 34 (devibhagavatam.8.15.34)

षण्नेमि कवयस्तं च वत्सरात्मकमूचिरे । मेरुमूर्धनि तस्याक्षो मानसोत्तरपर्वते

ṣaṇnemi kavayastaṁ ca vatsarātmakamūcire | merumūrdhani tasyākṣo mānasottaraparvate

— छह नेमियों वाला है; विद्वानों ने इसे वर्ष-स्वरूप कहा है। उसका अक्ष मेरु के शिखर पर और मानसोत्तर पर्वत पर टिका है,

श्लोक 35 (devibhagavatam.8.15.35)

कृतेतरविभागो यः प्रोतं तत्र रथाङ्गकम् । तैलकारकयन्त्रेण चक्रसाम्यं परिभ्रमन्

kṛtetaravibhāgo yaḥ protaṁ tatra rathāṅgakam | tailakārakayantreṇa cakrasāmyaṁ paribhraman

— जिसके दोनों छोर पृथक्-पृथक् बने हुए हैं, जिन पर रथ का पहिया गुँथा हुआ है। तेल के कोल्हू के यन्त्र के समान चक्र-सादृश्य से भ्रमण करता हुआ,

श्लोक 36 (devibhagavatam.8.15.36)

मानसोत्तरनाम्नीह गिरौ पर्येति चांशुमान् । तस्मिन्नक्षे कृतं मूलं द्वितीयोऽक्षो ध्रुवे कृतः

mānasottaranāmnīha girau paryeti cāṁśumān | tasminnakṣe kṛtaṁ mūlaṁ dvitīyo'kṣo dhruve kṛtaḥ

— सूर्य मानसोत्तर नामक पर्वत पर भ्रमण करते हैं। उस अक्ष का एक सिरा वहाँ स्थिर किया गया है, तथा दूसरा सिरा ध्रुव पर स्थिर किया गया है,

श्लोक 37 (devibhagavatam.8.15.37)

तुर्यमानेन तैलस्य यन्त्राक्षवदितीरितः । कृतोपरितनो भागः सूर्यस्य जगतां पतेः

turyamānena tailasya yantrākṣavaditīritaḥ | kṛtoparitano bhāgaḥ sūryasya jagatāṁ pateḥ

— तेल के यन्त्र के अक्ष के समान चौथाई माप से घूमता हुआ कहा गया है। जगत्पति सूर्य का ऊपरी भाग इस प्रकार बना है,

श्लोक 38 (devibhagavatam.8.15.38)

रथनीडस्तु षट्त्रिंशल्लक्षयोजनमायतः । तत्तुर्यभागतः सोऽयं परिणाहेन कीर्तितः

rathanīḍastu ṣaṭtriṁśallakṣayojanamāyataḥ | tatturyabhāgataḥ so'yaṁ pariṇāhena kīrtitaḥ

— रथ का घोंसला (आसन) छत्तीस लाख योजन लम्बा है; और इसकी परिधि उसका चौथाई भाग कही गयी है,

श्लोक 39 (devibhagavatam.8.15.39)

तावानर्करथस्यात्र युगस्तस्मिन्हयाः शुभाः । सप्तच्छन्दोऽभिधानाश्च सूरसूतेन योजिताः

tāvānarkarathasyātra yugastasminhayāḥ śubhāḥ | saptacchando'bhidhānāśca sūrasūtena yojitāḥ

उतना ही सूर्य के रथ का जुआ है, जिस पर सात शुभ अश्व, छन्दों के नाम वाले, सूर्य के सारथी द्वारा जोते गये हैं,

श्लोक 40 (devibhagavatam.8.15.40)

वहन्ति देवमादित्यं लोकानां सुखहेतवे । पुरस्तात्सवितुः सूतोऽरुणः पश्चान्नियोजितः

vahanti devamādityaṁ lokānāṁ sukhahetave | purastātsavituḥ sūto'ruṇaḥ paścānniyojitaḥ

— जो देवता आदित्य को लोकों के सुख के लिए वहन करते हैं। सूर्य के आगे, पीछे की ओर मुख किये हुए, उनके सारथी अरुण नियुक्त हैं,

श्लोक 41 (devibhagavatam.8.15.41)

सौत्ये कर्मणि संयुक्तो वर्तते गरुडाग्रजः । तथैव बालखिल्याख्या ऋषयोऽङ्गुष्ठपर्वकाः

sautye karmaṇi saṁyukto vartate garuḍāgrajaḥ | tathaiva bālakhilyākhyā ṛṣayo'ṅguṣṭhaparvakāḥ

— रथ-संचालन के कार्य में संलग्न गरुड़ के अग्रज अरुण। इसी प्रकार अंगूठे के पर्व के बराबर आकार वाले बालखिल्य नामक ऋषिगण भी,

श्लोक 42 (devibhagavatam.8.15.42)

प्रमाणेन परिख्याताः षष्टिसाहस्रसङ्ख्यकाः । स्तुवन्ति पुरतः सूर्यं सूक्तवाक्यैः सुशोभनैः

pramāṇena parikhyātāḥ ṣaṣṭisāhasrasaṅkhyakāḥ | stuvanti purataḥ sūryaṁ sūktavākyaiḥ suśobhanaiḥ

— जो प्रमाण से प्रसिद्ध, साठ हज़ार की संख्या में हैं, सूर्य के आगे सुन्दर सूक्तों के वचनों से स्तुति करते हैं।

श्लोक 43 (devibhagavatam.8.15.43)

तथा चान्ये च ऋषयो गन्धर्वा अप्सरोरगाः । ग्रामण्यो यातुधानाश्च देवाः सर्वे परेश्वरम्

tathā cānye ca ṛṣayo gandharvā apsaroragāḥ | grāmaṇyo yātudhānāśca devāḥ sarve pareśvaram

तथा अन्य ऋषिगण, गन्धर्व, अप्सराएँ, नाग, ग्रामणी, यातुधान तथा समस्त देवगण उस परमेश्वर की —

श्लोक 44 (devibhagavatam.8.15.44)

एकैकशः सप्त सप्त मासि मासि विरोचनम् । सार्धलक्षोत्तरं कोटिनवकं भूमिमण्डलम्

ekaikaśaḥ sapta sapta māsi māsi virocanam | sārdhalakṣottaraṁ koṭinavakaṁ bhūmimaṇḍalam

— प्रत्येक मास में सात-सात के समूह में विरोचन (सूर्य) की सेवा करते हैं। भूमण्डल को साढ़े लाख अधिक नौ करोड़ योजन,

श्लोक 45 (devibhagavatam.8.15.45)

द्विसहस्रं योजनानां स गव्यूत्युत्तरं क्षणात् । पर्येति देवदेवेशो विश्वव्यापी निरन्तरम्

dvisahasraṁ yojanānāṁ sa gavyūtyuttaraṁ kṣaṇāt | paryeti devadeveśo viśvavyāpī nirantaram

— दो हज़ार योजन तथा एक गव्यूति अधिक, वह देवदेवेश, विश्वव्यापी सूर्य, क्षणमात्र में निरन्तर भ्रमण करते हैं।