राहु और पाताल-लोक

श्लोक 1 (devibhagavatam.8.18.1)

श्रीनारायण उवाच । अधस्तात्सवितुः प्रोक्तमयुतं राहुमण्डलम् । नक्षत्रवच्चरति च सैंहिकेयोऽतदर्हणः

śrīnārāyaṇa uvāca | adhastātsavituḥ proktamayutaṁ rāhumaṇḍalam | nakṣatravaccarati ca saiṁhikeyo'tadarhaṇaḥ

श्रीनारायण ने कहा — सूर्य से नीचे दस हज़ार योजन पर राहु का मण्डल कहा गया है। सिंहिका-पुत्र राहु, यद्यपि इस सम्मान के योग्य नहीं है, फिर भी नक्षत्र के समान गति करता है,

श्लोक 2 (devibhagavatam.8.18.2)

सूर्याचन्द्रमसोरेव मर्दनः सिंहिकासुतः । अमरत्वं च खेटत्वं लेभे यो विष्ण्वनुग्रहात्

sūryācandramasoreva mardanaḥ siṁhikāsutaḥ | amaratvaṁ ca kheṭatvaṁ lebhe yo viṣṇvanugrahāt

— जो सूर्य और चन्द्रमा को ही पीड़ित करने वाला है, सिंहिका-पुत्र, जिसने विष्णु की कृपा से अमरत्व और ग्रह-पद प्राप्त किया।

श्लोक 3 (devibhagavatam.8.18.3)

यददस्तरणेर्बिम्बं तपतो योजनायुतम् । तच्छादकोऽसुरो ज्ञेयोऽप्यर्कसाहस्रविस्तरम्

yadadastaraṇerbimbaṁ tapato yojanāyutam | tacchādako'suro jñeyo'pyarkasāhasravistaram

जलते हुए सूर्य का जो बिम्ब दस हज़ार योजन का है, उसे ढकने वाला वह असुर (राहु) एक हज़ार योजन विस्तार वाला जानना चाहिए,

श्लोक 4 (devibhagavatam.8.18.4)

त्रयोदशसहस्रं तु सोमस्याच्छादको ग्रहः । यः पर्वसमये वैरानुबन्धी छादकोऽभवत्

trayodaśasahasraṁ tu somasyācchādako grahaḥ | yaḥ parvasamaye vairānubandhī chādako'bhavat

किन्तु चन्द्रमा को ढकने वाला ग्रह तेरह हज़ार योजन का है — जो पर्व के समय, वैर के बन्धन से, ढकने वाला बनता है।

श्लोक 5 (devibhagavatam.8.18.5)

सूर्याचन्द्रमसोर्दूराद्भवेच्छादनकारकः । तन्निशम्योभयत्रापि विष्णुना प्रेरितं स्वकम्

sūryācandramasordūrādbhavecchādanakārakaḥ | tanniśamyobhayatrāpi viṣṇunā preritaṁ svakam

वह सूर्य और चन्द्रमा से दूर रहकर ही आच्छादन का कारण बनता है। दोनों ही अवसरों पर इसे जानकर, विष्णु द्वारा प्रेरित अपना —

श्लोक 6 (devibhagavatam.8.18.6)

चक्रं सुदर्शनं नाम ज्वालामालातिभीषणम् । तत्तेजसा दुःसहेन समन्तात्परिवारितम्

cakraṁ sudarśanaṁ nāma jvālāmālātibhīṣaṇam | tattejasā duḥsahena samantātparivāritam

— सुदर्शन नामक चक्र, जो ज्वालाओं की माला से अत्यन्त भयंकर है, अपने असहनीय तेज से चारों ओर से घिरा हुआ है,

श्लोक 7 (devibhagavatam.8.18.7)

मुहूर्तो द्विजमानस्तु दूराच्चकितमानसः । आरान्निवर्तते सोऽयमुपराग इतीव ह

muhūrto dvijamānastu dūrāccakitamānasaḥ | ārānnivartate so'yamuparāga itīva ha

— के द्वारा वह राहु मुहूर्तभर के लिए ही सूर्य-चन्द्र को ग्रसे हुए प्रतीत होता है, फिर दूर से ही भयभीत मन से समीप से ही लौट जाता है — यही उपराग (ग्रहण) कहलाता है,

श्लोक 8 (devibhagavatam.8.18.8)

उच्यते लोकमध्ये तु देवर्षे अवबुध्यताम् । ततोऽधस्तात्समाख्याता लोकाः परमपावनाः

ucyate lokamadhye tu devarṣe avabudhyatām | tato'dhastātsamākhyātā lokāḥ paramapāvanāḥ

— जो संसार में इस नाम से कहलाता है; हे देवर्षे! इसे समझें। उससे नीचे परम पवित्र लोक कहे गये हैं,

श्लोक 9 (devibhagavatam.8.18.9)

सिद्धानां चारणानां च विद्याध्राणां च सत्तम । योजनायुतविख्याता लोकाः पुण्यनिषेविताः

siddhānāṁ cāraṇānāṁ ca vidyādhrāṇāṁ ca sattama | yojanāyutavikhyātā lokāḥ puṇyaniṣevitāḥ

— हे सत्तम! सिद्धों, चारणों तथा विद्याधरों के, जो दस हज़ार योजन विस्तार में विख्यात हैं, पुण्यात्माओं द्वारा सेवित लोक हैं,

श्लोक 10 (devibhagavatam.8.18.10)

ततोऽप्यधस्ताद्देवर्षे यक्षाणां च सरक्षसाम् । पिशाचप्रेतभूतानां विहाराजिरमुत्तमम्

tato'pyadhastāddevarṣe yakṣāṇāṁ ca sarakṣasām | piśācapretabhūtānāṁ vihārājiramuttamam

— और उससे भी नीचे, हे देवर्षे! यक्षों तथा राक्षसों का, तथा पिशाच, प्रेत और भूतों का उत्तम विहार-स्थल है,

श्लोक 11 (devibhagavatam.8.18.11)

अन्तरिक्षं च तत्प्रोक्तं यावद्वायुः प्रवाति हि । यावन्मेघास्ततोद्यन्ति तत्प्रोक्तं ज्ञानकोविदैः

antarikṣaṁ ca tatproktaṁ yāvadvāyuḥ pravāti hi | yāvanmeghāstatodyanti tatproktaṁ jñānakovidaiḥ

— तथा जहाँ तक वायु बहती है, वहाँ तक अन्तरिक्ष कहा गया है; और जहाँ तक बादल उठते हैं, ज्ञान के ज्ञाताओं द्वारा उतना ही अन्तरिक्ष कहा गया है।

श्लोक 12 (devibhagavatam.8.18.12)

ततोऽधस्ताद्योजनानां शतं यावद् द्विजोत्तम । पृथिवी परिसङ्ख्याता सुपर्णश्येनसारसाः

tato'dhastādyojanānāṁ śataṁ yāvad dvijottama | pṛthivī parisaṅkhyātā suparṇaśyenasārasāḥ

उससे नीचे, हे द्विजोत्तम! सौ योजन तक पृथ्वी की गणना की गयी है, जहाँ सुपर्ण, बाज, सारस,

श्लोक 13 (devibhagavatam.8.18.13)

हंसादयः प्रोत्पतन्ति पार्थिवाः पृथिवीभवाः । भूसन्निवेशावस्थानं यथावदुपवर्णितम्

haṁsādayaḥ protpatanti pārthivāḥ pṛthivībhavāḥ | bhūsanniveśāvasthānaṁ yathāvadupavarṇitam

— हंस आदि पार्थिव पक्षी, जो पृथ्वी से उत्पन्न हैं, उड़ान भरते हैं। इस प्रकार भूमि की संरचना और स्थिति यथावत् वर्णित की गयी।

श्लोक 14 (devibhagavatam.8.18.14)

अधस्तादवनेः सप्त देवर्षे विवराः स्मृताः । एकैकशो योजनानामायामोच्छ्रायतः पुनः

adhastādavaneḥ sapta devarṣe vivarāḥ smṛtāḥ | ekaikaśo yojanānāmāyāmocchrāyataḥ punaḥ

पृथ्वी के नीचे, हे देवर्षे! सात विवर (नीचे के लोक) स्मृत हैं, प्रत्येक की लम्बाई और ऊँचाई पुनः योजनों में —

श्लोक 15 (devibhagavatam.8.18.15)

अयुतान्तरविख्याताः सर्वर्तुसुखदायकाः । अतलं प्रथमं प्रोक्तं द्वितीयं वितलं तथा

ayutāntaravikhyātāḥ sarvartusukhadāyakāḥ | atalaṁ prathamaṁ proktaṁ dvitīyaṁ vitalaṁ tathā

— दस-दस हज़ार योजन के अन्तर पर विख्यात हैं, जो सभी ऋतुओं का सुख देने वाले हैं। पहला अतल कहा गया है, दूसरा वितल है,

श्लोक 16 (devibhagavatam.8.18.16)

तृतीयं सुतलं प्रोक्तं चतुर्थं वै तलातलम् । महातलं पञ्चमं च षष्ठं प्रोक्तं रसातलम्

tṛtīyaṁ sutalaṁ proktaṁ caturthaṁ vai talātalam | mahātalaṁ pañcamaṁ ca ṣaṣṭhaṁ proktaṁ rasātalam

तीसरा सुतल कहा गया है, चौथा तलातल है; पाँचवाँ महातल है, और छठा रसातल कहा गया है;

श्लोक 17 (devibhagavatam.8.18.17)

सप्तमं विप्र पातालं सप्तैते विवराः स्मृताः । एतेषु बिलस्वर्गेषु दिवोऽप्यधिकमेव च

saptamaṁ vipra pātālaṁ saptaite vivarāḥ smṛtāḥ | eteṣu bilasvargeṣu divo'pyadhikameva ca

— तथा हे विप्र! सातवाँ पाताल है — ये सात विवर स्मृत हैं। इन बिल-स्वर्गों में स्वर्ग से भी अधिक ही —

श्लोक 18 (devibhagavatam.8.18.18)

कामभोगैश्वर्यसुखसमृद्धभुवनेषु च । नित्योद्यानविहारेषु सुखास्वादः प्रवर्तते

kāmabhogaiśvaryasukhasamṛddhabhuvaneṣu ca | nityodyānavihāreṣu sukhāsvādaḥ pravartate

— काम-भोग-ऐश्वर्य के सुख से समृद्ध ये लोक हैं। इनके नित्य उद्यानों और विहार-स्थलों में सुख का आस्वादन होता है,

श्लोक 19 (devibhagavatam.8.18.19)

दैत्याश्च काद्रवेयाश्च दानवा बलशालिनः । नित्यप्रमुदिता रक्ताः कलत्रापत्यबन्धुभिः

daityāśca kādraveyāśca dānavā balaśālinaḥ | nityapramuditā raktāḥ kalatrāpatyabandhubhiḥ

— जहाँ दैत्य, कद्रु-पुत्र (नाग) तथा बलशाली दानव, अपनी पत्नियों, सन्तानों और बन्धुओं में सदा अनुरक्त, सदैव आनन्दित रहते हैं,

श्लोक 20 (devibhagavatam.8.18.20)

सुहृद्भिरनुजीवाद्यैः संयुताश्च गृहेश्वराः । ईश्वरादप्रतिहतकामा मायाविनश्च ते

suhṛdbhiranujīvādyaiḥ saṁyutāśca gṛheśvarāḥ | īśvarādapratihatakāmā māyāvinaśca te

— मित्रों, आश्रितों आदि के साथ ये गृहस्वामी, अपने ईश्वर से भी अबाधित कामनाओं वाले तथा मायावी,

श्लोक 21 (devibhagavatam.8.18.21)

निवसन्ति सदा हृष्टाः सर्वर्तुसुखसंयुताः । मयेन मायाविभुना येषु येषु च निर्मिताः

nivasanti sadā hṛṣṭāḥ sarvartusukhasaṁyutāḥ | mayena māyāvibhunā yeṣu yeṣu ca nirmitāḥ

— सदा प्रसन्न होकर, सभी ऋतुओं के सुख से युक्त होकर वहाँ निवास करते हैं। मायाविभु मय ने जिन-जिन स्थानों में —

श्लोक 22 (devibhagavatam.8.18.22)

पुरः प्रकामशो भक्ता मणिप्रवरशालिनः । विचित्रभवनाट्टालगोपुराद्याः सहस्रशः

puraḥ prakāmaśo bhaktā maṇipravaraśālinaḥ | vicitrabhavanāṭṭālagopurādyāḥ sahasraśaḥ

— इच्छानुसार नगर रचे हैं, जो उत्तम मणियों से सुशोभित हैं, विचित्र भवनों, अट्टालिकाओं, गोपुरों आदि से सहस्रों की संख्या में युक्त हैं,

श्लोक 23 (devibhagavatam.8.18.23)

सभाचत्वरचैत्यादिशोभाढ्याः सुरदुर्लभाः । नागासुराणां मिथुनैः सपारावतसारिकैः

sabhācatvaracaityādiśobhāḍhyāḥ suradurlabhāḥ | nāgāsurāṇāṁ mithunaiḥ sapārāvatasārikaiḥ

— सभाओं, चौकों, चैत्यों आदि की शोभा से समृद्ध, जो देवताओं को भी दुर्लभ हैं; नाग और असुर युगलों से, कबूतरों तथा मैनाओं सहित,

श्लोक 24 (devibhagavatam.8.18.24)

कीर्णकृत्रिमभूमिश्च विवरेशगृहोत्तमैः । अलङ्कृताश्चकासन्ति उद्यानानि महान्ति च

kīrṇakṛtrimabhūmiśca vivareśagṛhottamaiḥ | alaṅkṛtāścakāsanti udyānāni mahānti ca

— इन नगरों की कृत्रिम भूमि इन सबसे व्याप्त है, तथा विवरेशों (पाताल-स्वामियों) के उत्तम गृहों से सुशोभित होकर वे देदीप्यमान हैं; तथा महान् उद्यान भी हैं,

श्लोक 25 (devibhagavatam.8.18.25)

मनःप्रसन्नकारीणि फलपुष्पविशालिभिः । ललनानां विलासार्हस्थानैः शोभितभाञ्जि च

manaḥprasannakārīṇi phalapuṣpaviśālibhiḥ | lalanānāṁ vilāsārhasthānaiḥ śobhitabhāñji ca

— जो मन को प्रसन्न करने वाले, फलों और फूलों से समृद्ध हैं, तथा जो स्त्रियों के विलास योग्य स्थानों से सुशोभित हैं,

श्लोक 26 (devibhagavatam.8.18.26)

नानाविहङ्गमव्रातसंयुक्तजलराशिभिः । स्वच्छार्णपूरितह्रदैः पाठीनसमलङ्कृतैः

nānāvihaṅgamavrātasaṁyuktajalarāśibhiḥ | svacchārṇapūritahradaiḥ pāṭhīnasamalaṅkṛtaiḥ

— विविध पक्षी-समूहों से युक्त जलाशयों से, स्वच्छ जल से भरे सरोवरों से, जो पाठीन मछलियों से सुशोभित हैं,

श्लोक 27 (devibhagavatam.8.18.27)

जलजन्तुक्षुब्धनीरनीरजातैरनेकशः । कुमुदोत्पलकह्लारनीलरक्तोत्पलैस्तथा

jalajantukṣubdhanīranīrajātairanekaśaḥ | kumudotpalakahlāranīlaraktotpalaistathā

— जिनका जल जलचरों से क्षुब्ध रहता है, तथा जो अनेक प्रकार के कुमुद, उत्पल, कह्लार, नील और लाल कमलों से युक्त हैं,

श्लोक 28 (devibhagavatam.8.18.28)

तेषु कृतनिकेतानां विहारैः सङ्कुलानि च । इन्द्रियोत्सवकारैश्च तथैव विविधैः स्वरैः

teṣu kṛtaniketānāṁ vihāraiḥ saṅkulāni ca | indriyotsavakāraiśca tathaiva vividhaiḥ svaraiḥ

— वहाँ निवास करने वालों की क्रीड़ाओं से तथा इन्द्रियों को उत्सवमय करने वाले विविध स्वरों से भी वे परिपूर्ण हैं,

श्लोक 29 (devibhagavatam.8.18.29)

अमराणां च परमां श्रियं चातिशयन्ति च । यत्र नैव भयं क्वापि कालाङ्गैर्दिनरात्रिभिः

amarāṇāṁ ca paramāṁ śriyaṁ cātiśayanti ca | yatra naiva bhayaṁ kvāpi kālāṅgairdinarātribhiḥ

— और वे देवताओं की परम शोभा को भी अतिक्रम कर जाते हैं। वहाँ काल के अंगस्वरूप दिन-रात्रि से कहीं भी कोई भय नहीं है,

श्लोक 30 (devibhagavatam.8.18.30)

यत्राहिप्रवराणां च शिरःस्थैर्मणिरश्मिभिः । नित्यं तमः प्रबाध्येत सदा प्रस्फुटकान्तिभिः

yatrāhipravarāṇāṁ ca śiraḥsthairmaṇiraśmibhiḥ | nityaṁ tamaḥ prabādhyeta sadā prasphuṭakāntibhiḥ

— जहाँ श्रेष्ठ नागों के मस्तक पर स्थित मणियों की किरणों से, जो सदा प्रकाशमान रहती हैं, अन्धकार सदैव दूर होता रहता है,

श्लोक 31 (devibhagavatam.8.18.31)

न वा एतेषु वसतां दिव्यौषधिरसायनैः । रसान्नपानस्नानाद्यैर्नाधयो न च व्याधयः

na vā eteṣu vasatāṁ divyauṣadhirasāyanaiḥ | rasānnapānasnānādyairnādhayo na ca vyādhayaḥ

— तथा वहाँ निवास करने वालों को दिव्य औषधियों और रसायनों से, तथा रसमय अन्न-पान-स्नान आदि से, न कोई मानसिक व्याधि होती है और न शारीरिक रोग,

श्लोक 32 (devibhagavatam.8.18.32)

वलीपलितजीर्णत्ववैवर्ण्यस्वेदगन्धताः । अनुत्साहवयोऽवस्था न बाधन्ते कदाचन

valīpalitajīrṇatvavaivarṇyasvedagandhatāḥ | anutsāhavayo'vasthā na bādhante kadācana

— झुर्रियाँ, बाल पकना, जीर्णता, विवर्णता, पसीना, दुर्गन्ध, उत्साहहीनता तथा वृद्धावस्था की स्थितियाँ उन्हें कभी नहीं सताती हैं।

श्लोक 33 (devibhagavatam.8.18.33)

कल्याणानां सदा तेषां न च मृत्युभयं कुतः । भगवत्तेजसोऽन्यत्र चक्राच्चैव सुदर्शनात्

kalyāṇānāṁ sadā teṣāṁ na ca mṛtyubhayaṁ kutaḥ | bhagavattejaso'nyatra cakrāccaiva sudarśanāt

उन सदा कल्याणमय प्राणियों को मृत्यु का भय भी कहाँ से हो, सिवाय भगवान् के तेज और सुदर्शन चक्र के?

श्लोक 34 (devibhagavatam.8.18.34)

यस्मिन्प्रविष्टे दैतेयवधूनां गर्भराशयः । प्रायो भयात्पतन्त्येव स्रवन्ति ब्रह्मपुत्रक

yasminpraviṣṭe daiteyavadhūnāṁ garbharāśayaḥ | prāyo bhayātpatantyeva sravanti brahmaputraka

हे ब्रह्मपुत्र! जब वह चक्र वहाँ प्रवेश करता है, तब भय के कारण दैत्य-पत्नियों के गर्भ प्रायः गिर जाते हैं और स्रवित हो जाते हैं।