पापों के अनुसार नरक

श्लोक 1 (devibhagavatam.8.22.1)

नारद उवाच । कर्मभेदाः कतिविधाः सनातनमुने मम । श्रोतव्याः सर्वथैवैते यातनाप्राप्तिभूमयः

nārada uvāca | karmabhedāḥ katividhāḥ sanātanamune mama | śrotavyāḥ sarvathaivaite yātanāprāptibhūmayaḥ

नारद ने कहा — हे सनातन मुने! मुझे कर्मों के कितने प्रकार के भेद, और उनसे प्राप्त होने वाली इन यातना-भूमियों को, सर्वथा सुनना है।

श्लोक 2 (devibhagavatam.8.22.2)

श्रीनारायण उवाच । यो वै परस्य वित्तानि दारापत्यानि चैव हि । हरते स हि दुष्टात्मा यमानुचरगोचरः

śrīnārāyaṇa uvāca | yo vai parasya vittāni dārāpatyāni caiva hi | harate sa hi duṣṭātmā yamānucaragocaraḥ

श्रीनारायण ने कहा — जो व्यक्ति दूसरे के धन, पत्नी तथा सन्तान का हरण करता है, वह दुष्टात्मा यमदूतों की दृष्टि में आ जाता है,

श्लोक 3 (devibhagavatam.8.22.3)

कालपाशेन सम्बद्धो याम्यैरतिभयानकैः । तामिस्रनामनरके पात्यते यातनास्पदे

kālapāśena sambaddho yāmyairatibhayānakaiḥ | tāmisranāmanarake pātyate yātanāspade

— काल-पाश से बँधकर, अत्यन्त भयानक यमदूतों द्वारा, तामिस्र नामक नरक में, जो यातना का स्थान है, गिरा दिया जाता है,

श्लोक 4 (devibhagavatam.8.22.4)

ताडनं दण्डनं चैव सन्तर्जनमतः परम् । याम्याः कुर्वन्ति पाशाढ्याः कश्मलं याति चैव हि

tāḍanaṁ daṇḍanaṁ caiva santarjanamataḥ param | yāmyāḥ kurvanti pāśāḍhyāḥ kaśmalaṁ yāti caiva hi

— जहाँ पाशधारी यमदूत उसे पीटते हैं, दण्ड देते हैं, तथा भयंकर धमकाते हैं; और वह घोर संताप को प्राप्त होता है,

श्लोक 5 (devibhagavatam.8.22.5)

मूर्च्छामायाति विवशो नारकी पद्मभूसुत । यः पतिं वञ्चयित्वा तु दारादीनुपभुज्यति

mūrcchāmāyāti vivaśo nārakī padmabhūsuta | yaḥ patiṁ vañcayitvā tu dārādīnupabhujyati

— हे पद्मभूसुत! वह विवश नारकी मूर्च्छित हो जाता है। जो व्यक्ति किसी पति को धोखा देकर उसकी पत्नी आदि का उपभोग करता है,

श्लोक 6 (devibhagavatam.8.22.6)

अन्धतामिस्रनरके पात्यते यमकिङ्करैः । पात्यमानो यत्र जन्तुर्वेदनापरवान्भवेत्

andhatāmisranarake pātyate yamakiṅkaraiḥ | pātyamāno yatra janturvedanāparavānbhavet

— उसे यमदूतों द्वारा अन्धतामिस्र नामक नरक में गिरा दिया जाता है, जहाँ गिरता हुआ वह प्राणी वेदना से अभिभूत हो जाता है,

श्लोक 7 (devibhagavatam.8.22.7)

नष्टदृष्टिर्नष्टमतिर्भवत्येवाविलम्बतः । वनस्पतिर्भज्यमानमूलो यद्वद्भवेदिह

naṣṭadṛṣṭirnaṣṭamatirbhavatyevāvilambataḥ | vanaspatirbhajyamānamūlo yadvadbhavediha

— तत्काल ही उसकी दृष्टि और बुद्धि दोनों नष्ट हो जाती हैं, जैसे यहाँ जड़ के टूट जाने पर वृक्ष हो जाता है।

श्लोक 8 (devibhagavatam.8.22.8)

तस्मादप्यन्धतामिस्रनाम्ना प्रोक्तः पुरातनैः । एतन्ममाहमिति यो भूतद्रोहेण केवलम्

tasmādapyandhatāmisranāmnā proktaḥ purātanaiḥ | etanmamāhamiti yo bhūtadroheṇa kevalam

इसी कारण प्राचीन ऋषियों ने इसे 'अन्धतामिस्र' नाम से कहा है। जो व्यक्ति केवल "यह मेरा है, मैं यह हूँ" ऐसा सोचकर, प्राणियों को पीड़ा पहुँचाकर,

श्लोक 9 (devibhagavatam.8.22.9)

पुष्णाति प्रत्यहं स्वीयं कुटुम्बं कार्यलम्पटः । एतद्विहाय चात्रैव स्वाशुभेन पतेदिह

puṣṇāti pratyahaṁ svīyaṁ kuṭumbaṁ kāryalampaṭaḥ | etadvihāya cātraiva svāśubhena patediha

— प्रतिदिन अपने ही कुटुम्ब का पोषण करता है, कार्यों में लिप्त रहता है, और इस धर्म को त्याग देता है — वह अपने ही अशुभ कर्मों से यहीं गिर जाता है,

श्लोक 10 (devibhagavatam.8.22.10)

रौरवे नाम नरके सर्वसत्त्वभयावहे । इह लोकेऽमुना ये तु हिंसिता जन्तवः पुरा

raurave nāma narake sarvasattvabhayāvahe | iha loke'munā ye tu hiṁsitā jantavaḥ purā

— रौरव नामक नरक में, जो समस्त प्राणियों को भयभीत करने वाला है। इस लोक में उसके द्वारा पूर्व में जो प्राणी हिंसित किये गये थे,

श्लोक 11 (devibhagavatam.8.22.11)

त एव रुरवो भूत्वा परत्र पीडयन्ति तम् । तस्माद्रौरवमित्याहुः पुराणज्ञा मनीषिणः

ta eva ruravo bhūtvā paratra pīḍayanti tam | tasmādrauravamityāhuḥ purāṇajñā manīṣiṇaḥ

— वे ही प्राणी 'रुरु' नामक जीव बनकर परलोक में उसे पीड़ित करते हैं; इसीलिए पुराणज्ञ विद्वान् इसे रौरव कहते हैं।

श्लोक 12 (devibhagavatam.8.22.12)

रुरुः सर्पादतिक्रूरो जन्तुरुक्तः पुरातनैः । एवं महारौरवाख्यो नरको यत्र पूरुषः

ruruḥ sarpādatikrūro janturuktaḥ purātanaiḥ | evaṁ mahārauravākhyo narako yatra pūruṣaḥ

रुरु सर्प से भी अधिक क्रूर जीव कहा गया है, ऐसा प्राचीन ऋषियों ने बताया है। इसी प्रकार महारौरव नामक नरक है, जहाँ पुरुष,

श्लोक 13 (devibhagavatam.8.22.13)

यातनां प्राप्यमाणो हि यः परं देहसम्भवः । क्रव्यादा नाम रुरवस्तं क्रव्ये घातयन्ति च

yātanāṁ prāpyamāṇo hi yaḥ paraṁ dehasambhavaḥ | kravyādā nāma ruravastaṁ kravye ghātayanti ca

— जिन प्राणियों को उसने अपने शरीर-पोषण के लिए मारा था, वे ही यातना प्राप्त करता हुआ उसे प्राप्त होते हैं; क्रव्याद नामक रुरु उसे मांस में मारते हैं।

श्लोक 14 (devibhagavatam.8.22.14)

य उग्रः पुरुषः क्रूरः पशुपक्षिगणानपि । उपरन्धयते मूढो याम्यास्तं रन्धयन्ति च

ya ugraḥ puruṣaḥ krūraḥ paśupakṣigaṇānapi | uparandhayate mūḍho yāmyāstaṁ randhayanti ca

जो उग्र, क्रूर तथा मूर्ख पुरुष पशु-पक्षियों के समूहों को भी जीवित पका देता है, यमदूत उसे भी उसी प्रकार पकाते हैं,

श्लोक 15 (devibhagavatam.8.22.15)

कुम्भीपाके तप्ततैले उपर्यपि च नारद । यावन्ति पशुरोमाणि तावद्वर्षसहस्रकम्

kumbhīpāke taptataile uparyapi ca nārada | yāvanti paśuromāṇi tāvadvarṣasahasrakam

— हे नारद! कुम्भीपाक नामक नरक में उबलते तेल में, आग के ऊपर, उस पशु के जितने रोम थे, उतने ही हज़ार वर्षों तक।

श्लोक 16 (devibhagavatam.8.22.16)

पितृविप्रब्राह्मणध्रुक्कालसूत्रे स नारके । अग्न्यर्काभ्यां तप्यमाने नारकी विनिवेशितः

pitṛviprabrāhmaṇadhrukkālasūtre sa nārake | agnyarkābhyāṁ tapyamāne nārakī viniveśitaḥ

जो पितृ, विद्वान् या ब्राह्मण के प्रति द्रोह करता है, उसे कालसूत्र नामक नरक में, जो अग्नि और सूर्य दोनों से तप्त है, नारकी के रूप में डाला जाता है,

श्लोक 17 (devibhagavatam.8.22.17)

क्षुत्पिपासादह्यमानोऽन्तःशरीरस्तथा बहिः । आस्ते शेते चेष्टते चावतिष्ठति च धावति

kṣutpipāsādahyamāno'ntaḥśarīrastathā bahiḥ | āste śete ceṣṭate cāvatiṣṭhati ca dhāvati

— भूख-प्यास से शरीर के भीतर और बाहर दोनों ओर से जलता हुआ, वह वहाँ बैठता है, लेटता है, चेष्टा करता है, खड़ा होता है और दौड़ता है।

श्लोक 18 (devibhagavatam.8.22.18)

निजवेदपथाद्यो वै पाखण्डं चोपयाति च । अनापद्यपि देवर्षे तं पापं पुरुषं भटाः

nijavedapathādyo vai pākhaṇḍaṁ copayāti ca | anāpadyapi devarṣe taṁ pāpaṁ puruṣaṁ bhaṭāḥ

हे देवर्षे! जो व्यक्ति बिना किसी आपत्ति के भी अपने वैदिक मार्ग को छोड़कर पाखण्ड का आश्रय लेता है, उस पापी पुरुष को यमदूत —

श्लोक 19 (devibhagavatam.8.22.19)

असिपत्रवनं नाम नरकं वेशयन्ति च । कशया प्रहरन्त्येव नारकी तद्गतस्तदा

asipatravanaṁ nāma narakaṁ veśayanti ca | kaśayā praharantyeva nārakī tadgatastadā

— असिपत्रवन नामक नरक में डाल देते हैं। वहाँ पहुँचा हुआ वह नारकी कोड़ों से पीटा जाता है,

श्लोक 20 (devibhagavatam.8.22.20)

इतस्ततो धावमान उत्तालमतिवेगतः । असिपत्रैश्छिद्यमान उभयत्र च धारभिः

itastato dhāvamāna uttālamativegataḥ | asipatraiśchidyamāna ubhayatra ca dhārabhiḥ

— इधर-उधर अत्यन्त वेग से भागता हुआ, वह दोनों ओर से तलवार जैसी पत्तियों और उनकी धारों से कटता है,

श्लोक 21 (devibhagavatam.8.22.21)

सञ्छिद्यमानसर्वाङ्गो हाहतोऽस्मीति मूर्च्छितः । वेदनां परमां प्राप्तः पतत्येव पदे पदे

sañchidyamānasarvāṅgo hāhato'smīti mūrcchitaḥ | vedanāṁ paramāṁ prāptaḥ patatyeva pade pade

— उसके सारे अंग कट जाते हैं, वह "हाय, मैं मारा गया" कहते हुए मूर्च्छित हो जाता है, परम वेदना को प्राप्त होकर वह पग-पग पर गिरता है।

श्लोक 22 (devibhagavatam.8.22.22)

स्वधर्मानुगतं भुङ्क्ते पाखण्डफलमल्पधीः । यो राजा राजपुरुषो दण्डयेद्वै त्वधर्मतः

svadharmānugataṁ bhuṅkte pākhaṇḍaphalamalpadhīḥ | yo rājā rājapuruṣo daṇḍayedvai tvadharmataḥ

वह अल्पबुद्धि पुरुष अपने धर्म के विरुद्ध जाने के कारण पाखण्ड के इस फल को भोगता है। जो राजा या राजपुरुष अधर्मपूर्वक दण्ड देता है,

श्लोक 23 (devibhagavatam.8.22.23)

द्विजे शरीरदण्डं च पापीयान्नारकी च सः । नरके सूकरमुखे पात्यते यमकिङ्करैः

dvije śarīradaṇḍaṁ ca pāpīyānnārakī ca saḥ | narake sūkaramukhe pātyate yamakiṅkaraiḥ

— तथा द्विज को शारीरिक दण्ड देता है, वह अत्यन्त पापी नारकी बनता है, और यमदूतों द्वारा सूकरमुख नामक नरक में गिराया जाता है,

श्लोक 24 (devibhagavatam.8.22.24)

विनिष्यिष्टावयवको बलवद्भिस्तथेक्षुवत् । आर्तस्वरेण स्वनयन्मूर्च्छितः कश्मलङ्गतः

viniṣyiṣṭāvayavako balavadbhistathekṣuvat | ārtasvareṇa svanayanmūrcchitaḥ kaśmalaṅgataḥ

— बलवान् प्राणियों द्वारा गन्ने की तरह उसके अंग कुचल दिये जाते हैं, वह पीड़ा भरे स्वर में चिल्लाता, मूर्च्छित होकर संताप को प्राप्त होता है,

श्लोक 25 (devibhagavatam.8.22.25)

स पीड्यमानो बहुधा वेदनां यात्यतीव हि । विविक्तपरपीडो योऽप्यविविक्तपरव्यथाम्

sa pīḍyamāno bahudhā vedanāṁ yātyatīva hi | viviktaparapīḍo yo'pyaviviktaparavyathām

— वह विविध प्रकार से पीड़ित होकर अत्यन्त वेदना को प्राप्त होता है। तथा जो व्यक्ति स्वयं दूसरों को विवेकपूर्वक पीड़ा देकर भी उनकी अविवेकपूर्ण व्यथा की परवाह नहीं करता,

श्लोक 26 (devibhagavatam.8.22.26)

ईश्वराङ्कितवृत्तीनां व्यथामाचरते स्वयम् । स चान्धकूपे पतति तदभिद्रोहयन्त्रिते

īśvarāṅkitavṛttīnāṁ vyathāmācarate svayam | sa cāndhakūpe patati tadabhidrohayantrite

— जो प्राणी ईश्वर द्वारा नियत वृत्ति वाले हैं, उन्हें स्वयं पीड़ा पहुँचाता है — वह उसी द्रोह-कर्म से बँधकर अन्धकूप नामक नरक में गिरता है,

श्लोक 27 (devibhagavatam.8.22.27)

तत्रासौ जन्तुभिः क्रूरैः पशुभिर्मृगपक्षिभिः । सरीसृपैश्च मशकैर्यूकामत्कुणजातिभिः

tatrāsau jantubhiḥ krūraiḥ paśubhirmṛgapakṣibhiḥ | sarīsṛpaiśca maśakairyūkāmatkuṇajātibhiḥ

— वहाँ क्रूर जन्तुओं, पशुओं, मृगों, पक्षियों, सरीसृपों, मच्छरों, जूँओं तथा खटमलों की जातियों द्वारा,

श्लोक 28 (devibhagavatam.8.22.28)

मक्षिकाभिश्च तमसि दन्दशूकैश्च पीड्यते । परिक्रामति चैवात्र कुशरीरे च जन्तुवत्

makṣikābhiśca tamasi dandaśūkaiśca pīḍyate | parikrāmati caivātra kuśarīre ca jantuvat

— तथा मक्खियों और दंशकारी जीवों द्वारा उस अन्धकार में पीड़ित होता है। तथा वह वहाँ एक कीड़े के समान दयनीय शरीर में इधर-उधर घूमता रहता है।

श्लोक 29 (devibhagavatam.8.22.29)

यस्तु संविहितैः पञ्चयज्ञैः काकैश्च संस्तुतः । अश्नाति चासंविभज्य यत्किंञ्चिदुपपद्यते

yastu saṁvihitaiḥ pañcayajñaiḥ kākaiśca saṁstutaḥ | aśnāti cāsaṁvibhajya yatkiṁñcidupapadyate

किन्तु जो व्यक्ति विहित पंचयज्ञों के बिना, तथा कौओं को अर्पित किये बिना, जो कुछ भी भोजन उसे प्राप्त होता है, उसे बिना बाँटे स्वयं खा लेता है,

श्लोक 30 (devibhagavatam.8.22.30)

स पापपुरुषः क्रूरैर्याम्यैश्च कृमिभोजने । नरकाधमके दुष्टकर्मणा परिपात्यते

sa pāpapuruṣaḥ krūrairyāmyaiśca kṛmibhojane | narakādhamake duṣṭakarmaṇā paripātyate

— वह पापी पुरुष अपने दुष्ट कर्मों के कारण क्रूर यमदूतों द्वारा कृमिभोजन नामक अधम नरक में गिरा दिया जाता है,

श्लोक 31 (devibhagavatam.8.22.31)

लक्षयोजनविस्तीर्णे कृमिकुण्डे भयङ्करे । कृमिरूपं समासाद्य भक्ष्यमाणश्च तैः स्वयम्

lakṣayojanavistīrṇe kṛmikuṇḍe bhayaṅkare | kṛmirūpaṁ samāsādya bhakṣyamāṇaśca taiḥ svayam

— जो लाख योजन विस्तृत, भयंकर कृमि-कुण्ड है, जहाँ स्वयं कृमि का रूप धारण करके वह उन्हीं कृमियों द्वारा खाया जाता है,

श्लोक 32 (devibhagavatam.8.22.32)

अप्रत्ताप्रहुतादो यः पातमाप्नोति तत्र वै । यस्तु स्तेयेन च बलाद्धिरण्यं रत्नमेव च

aprattāprahutādo yaḥ pātamāpnoti tatra vai | yastu steyena ca balāddhiraṇyaṁ ratnameva ca

— जो व्यक्ति बिना दान किये और बिना हवन किये भोजन करता है, वह वहीं यह पतन प्राप्त करता है। तथा जो चोरी से या बलपूर्वक स्वर्ण और रत्न,

श्लोक 33 (devibhagavatam.8.22.33)

ब्राह्मणस्यापहरति अन्यस्यापि च कस्यचित् । अनापदि च देवर्षे तममुत्र यमानुगाः

brāhmaṇasyāpaharati anyasyāpi ca kasyacit | anāpadi ca devarṣe tamamutra yamānugāḥ

— किसी ब्राह्मण का, या अन्य किसी का भी हरण कर लेता है, बिना किसी आपत्ति के, हे देवर्षे! उसे परलोक में यमानुचर —

श्लोक 34 (devibhagavatam.8.22.34)

अयस्मयैरग्निपिण्डैः सदृशैर्नित्कुषन्ति च । योऽगम्यां योषितं गच्छेदगम्यं पुरुषं च या

ayasmayairagnipiṇḍaiḥ sadṛśairnitkuṣanti ca | yo'gamyāṁ yoṣitaṁ gacchedagamyaṁ puruṣaṁ ca yā

— अग्नि के समान तपाये हुए लौह-पिण्डों से बींधते हैं। जो पुरुष अगम्य स्त्री के पास जाता है, या जो स्त्री अगम्य पुरुष के पास जाती है,

श्लोक 35 (devibhagavatam.8.22.35)

तावमुत्रापि कशया ताडयन्तो यमानुगाः । तिग्मया लोहमय्या च सूर्म्याप्यालिङ्गयन्ति तम्

tāvamutrāpi kaśayā tāḍayanto yamānugāḥ | tigmayā lohamayyā ca sūrmyāpyāliṅgayanti tam

— उन दोनों को वहाँ भी यमानुचर कोड़ों से पीटते हैं, और उस पुरुष को तेज़, लोहमय, तपायी हुई पुतली का आलिंगन कराते हैं,

श्लोक 36 (devibhagavatam.8.22.36)

तां चापि योषितं सूर्म्यालिङ्गयन्ति यमानुगाः । यस्तु सर्वाभिगमनः पुरुषः पापसञ्चयी

tāṁ cāpi yoṣitaṁ sūrmyāliṅgayanti yamānugāḥ | yastu sarvābhigamanaḥ puruṣaḥ pāpasañcayī

— तथा उस स्त्री को भी यमानुचर तपायी हुई पुतली का आलिंगन कराते हैं। तथा जो पुरुष सबके साथ ही समागम करता है, पापों का संचय करता हुआ,

श्लोक 37 (devibhagavatam.8.22.37)

निरयेऽमुत्र तं याम्याः शाल्मलीं रोपयन्ति तम् । वज्रकण्टकसंयुक्तां शाल्मलीं तामयस्मयीम्

niraye'mutra taṁ yāmyāḥ śālmalīṁ ropayanti tam | vajrakaṇṭakasaṁyuktāṁ śālmalīṁ tāmayasmayīm

— उस नरक में यमदूत उसे शाल्मली वृक्ष पर चढ़ाते हैं, वह वज्र के समान काँटों से युक्त, लोहमयी शाल्मली,

श्लोक 38 (devibhagavatam.8.22.38)

राजन्या राजपुरुषा ये वा पाखण्डवर्तिनः । धर्मसेतुं विभिन्दन्ति ते परेत्य गता नराः

rājanyā rājapuruṣā ye vā pākhaṇḍavartinaḥ | dharmasetuṁ vibhindanti te paretya gatā narāḥ

क्षत्रिय, राजपुरुष अथवा पाखण्डी लोग, जो धर्म-सेतु को तोड़ते हैं, वे मनुष्य मृत्यु के बाद वहाँ जाकर,

श्लोक 39 (devibhagavatam.8.22.39)

वैतरण्यां पतन्त्येव भिन्नमर्यादपातकाः । नद्यां निरयदुर्गस्य परिखायां च नारद

vaitaraṇyāṁ patantyeva bhinnamaryādapātakāḥ | nadyāṁ nirayadurgasya parikhāyāṁ ca nārada

— मर्यादा भंग करने वाले वे पापी वैतरणी नदी में गिरते हैं, हे नारद! जो नरक-दुर्ग की परिखा है,

श्लोक 40 (devibhagavatam.8.22.40)

यादोगणैः समन्तात्तु भक्ष्यमाणा इतस्ततः । नात्मना वियुजन्त्येव नासुभिश्चापि नारद

yādogaṇaiḥ samantāttu bhakṣyamāṇā itastataḥ | nātmanā viyujantyeva nāsubhiścāpi nārada

— जहाँ चारों ओर से जलचर प्राणियों के समूहों द्वारा वे खाये जाते हैं, फिर भी वे न तो अपने शरीर से पृथक् होते हैं और न प्राणों से, हे नारद!

श्लोक 41 (devibhagavatam.8.22.41)

स्वीयेन कर्मपाकेनोपतपन्ति च सर्वतः । विण्मूत्रपूयरक्तैश्च केशास्थिनखमांसकैः

svīyena karmapākenopatapanti ca sarvataḥ | viṇmūtrapūyaraktaiśca keśāsthinakhamāṁsakaiḥ

— तथा अपने ही कर्मफल से सब ओर से संतप्त होते रहते हैं। वे विष्ठा, मूत्र, पीव, रक्त, बाल, अस्थि, नख तथा मांस से युक्त,

श्लोक 42 (devibhagavatam.8.22.42)

मेदोवसासंयुतायां नद्यामुपपतन्ति ते । वृषलीपतयो ये च नष्टशौचा गतत्रपाः

medovasāsaṁyutāyāṁ nadyāmupapatanti te | vṛṣalīpatayo ye ca naṣṭaśaucā gatatrapāḥ

— तथा मेद और वसा से युक्त उस नदी में गिरते हैं। तथा जो शूद्र-स्त्री के पति, शौच-रहित तथा निर्लज्ज होकर,

श्लोक 43 (devibhagavatam.8.22.43)

आचारनियमैस्त्यक्ताः पशुचर्यापरायणाः । तेऽत्रानुकष्टगतयो विण्मूत्रश्लेष्मरक्तकैः

ācāraniyamaistyaktāḥ paśucaryāparāyaṇāḥ | te'trānukaṣṭagatayo viṇmūtraśleṣmaraktakaiḥ

— आचार-नियमों को त्यागकर, पशुवत् आचरण में लीन रहते हैं, वे यहाँ अत्यन्त कष्टप्रद गति को प्राप्त होकर, विष्ठा, मूत्र, कफ तथा रक्त से,

श्लोक 44 (devibhagavatam.8.22.44)

श्लेष्ममलसमापूर्णे निपतन्ति दुराग्रहाः । तदेव खादयन्त्येतान्यमानुचरवर्गकाः

śleṣmamalasamāpūrṇe nipatanti durāgrahāḥ | tadeva khādayantyetānyamānucaravargakāḥ

— कफ और मल से पूर्ण उस नदी में गिरते हैं, वे हठी लोग। यमानुचरों के समूह उन्हें वही खिलाते हैं।

श्लोक 45 (devibhagavatam.8.22.45)

ये श्वानगर्दभादीनां पतयो वै द्विजातयः । मृगयारसिका नित्यमतीर्थे मृगघातकाः

ye śvānagardabhādīnāṁ patayo vai dvijātayaḥ | mṛgayārasikā nityamatīrthe mṛgaghātakāḥ

जो द्विजगण कुत्तों और गधों के स्वामी के समान पतित हो जाते हैं, जो सदा शिकार में रस लेते हैं, तथा अतीर्थ में मृगों का वध करते हैं,

श्लोक 46 (devibhagavatam.8.22.46)

परेतांस्तान्यमभटा लक्षीभूतान्नराधमान् । इषुभिश्च विभिन्दन्ति तांस्तान्दुर्नयमागतान्

paretāṁstānyamabhaṭā lakṣībhūtānnarādhamān | iṣubhiśca vibhindanti tāṁstāndurnayamāgatān

— वे नराधम मृत्यु के बाद लक्ष्य बनाये जाते हैं, और यमभट उन कुनीति में लिप्त रहे लोगों को बाणों से बींधते हैं।

श्लोक 47 (devibhagavatam.8.22.47)

ये दम्भा दम्भयज्ञेषु पशून्घ्नन्ति नराधमाः । तानमुष्मिन्यमभटा नरके वैशसे तदा

ye dambhā dambhayajñeṣu paśūnghnanti narādhamāḥ | tānamuṣminyamabhaṭā narake vaiśase tadā

जो पाखण्डी नराधम आडम्बरपूर्ण यज्ञों में पशुओं की हत्या करते हैं, उन्हें उस वैशस नामक नरक में यमभट,

श्लोक 48 (devibhagavatam.8.22.48)

निपात्य पीडयन्त्येव कशाघातैर्दुरासदैः । यो भार्यां च सवर्णां वै द्विजो मदनमोहितः

nipātya pīḍayantyeva kaśāghātairdurāsadaiḥ | yo bhāryāṁ ca savarṇāṁ vai dvijo madanamohitaḥ

— गिराकर, असह्य कोड़ों से पीड़ित करते हैं। जो द्विज, काम से मोहित होकर, अपनी सवर्ण पत्नी को,

श्लोक 49 (devibhagavatam.8.22.49)

रेतः पाययति मूढोऽमुत्र तं यमकिङ्कराः । रेतःकुण्डे पातयन्ति रेतः सम्पाययन्ति च

retaḥ pāyayati mūḍho'mutra taṁ yamakiṅkarāḥ | retaḥkuṇḍe pātayanti retaḥ sampāyayanti ca

— वीर्य-पान कराता है, वह मूढ़ — उसे वहाँ यमकिंकर वीर्य-कुण्ड में गिराते हैं, और उसे भी वीर्य-पान कराते हैं।

श्लोक 50 (devibhagavatam.8.22.50)

ये दस्यवोऽग्निदाश्चैव गरदा सार्थघातकाः । ग्रामान्सार्थान्विलुम्पन्ति राजानो राजपूरुषाः

ye dasyavo'gnidāścaiva garadā sārthaghātakāḥ | grāmānsārthānvilumpanti rājāno rājapūruṣāḥ

जो डाकू, आग लगाने वाले, विष देने वाले, सार्थ के हत्यारे हैं, जो गाँवों और सार्थों को लूटते हैं, तथा वैसे ही राजा और राजपुरुष —

श्लोक 51 (devibhagavatam.8.22.51)

तान्परेतान्यमभटा नयन्ति श्वानकादनम् । विंशत्यथिकसङ्ख्याताः सारमेया महाद्भुताः

tānparetānyamabhaṭā nayanti śvānakādanam | viṁśatyathikasaṅkhyātāḥ sārameyā mahādbhutāḥ

— उन्हें मृत्यु के बाद यमभट सारमेयादन नामक नरक में ले जाते हैं। बीस से अधिक संख्या में गिने गये, अत्यन्त विचित्र सारमेय,

श्लोक 52 (devibhagavatam.8.22.52)

सप्तशत्या समाख्याता रभसं खादयन्ति ते । सारमेयादनं नाम नरकं दारुणं मुने । अतः परं प्रवक्ष्यामि अवीचिप्रभुखान्मुने

saptaśatyā samākhyātā rabhasaṁ khādayanti te | sārameyādanaṁ nāma narakaṁ dāruṇaṁ mune | ataḥ paraṁ pravakṣyāmi avīciprabhukhānmune

— कुछ मत में सात सौ की संख्या में गिने गये, वे उन्हें उग्रतापूर्वक खा जाते हैं। हे मुने! यह सारमेयादन नामक भयंकर नरक है। इससे आगे, हे मुने! मैं अवीचि आदि नरकों का वर्णन करूँगा।