नारायण-नारद संवाद में शक्ति का प्रादुर्भाव

श्लोक 1 (devibhagavatam.9.15.1)

नारद उवाच । नारायणप्रिया साध्वी कथं सा च बभूव ह । तुलसी कुत्र सम्भूता का वा सा पूर्वजन्मनि

nārada uvāca | nārāyaṇapriyā sādhvī kathaṁ sā ca babhūva ha | tulasī kutra sambhūtā kā vā sā pūrvajanmani

नारद ने कहा — वह साध्वी नारायण की प्रिया कैसे बनीं? तुलसी कहाँ उत्पन्न हुईं, और अपने पूर्वजन्म में वे कौन थीं?

श्लोक 2 (devibhagavatam.9.15.2)

कस्य वा सा कुले जाता कस्य कन्या कुले सती । केन वा तपसा सा च सम्प्राप्ता प्रकृतेः परम्

kasya vā sā kule jātā kasya kanyā kule satī | kena vā tapasā sā ca samprāptā prakṛteḥ param

वे किस कुल में उत्पन्न हुईं, वह सती किसकी कन्या थीं? और किस तप से उन्होंने प्रकृति से परे पद प्राप्त किया?

श्लोक 3 (devibhagavatam.9.15.3)

निर्विकारं निरीहं च सर्वविश्वस्वरूपकम् । नारायणं परं ब्रह्म परमेश्वरमीश्वरम्

nirvikāraṁ nirīhaṁ ca sarvaviśvasvarūpakam | nārāyaṇaṁ paraṁ brahma parameśvaramīśvaram

निर्विकार, निरीह, संपूर्ण विश्व के स्वरूप, परब्रह्म नारायण, परमेश्वर, ईश्वर —

श्लोक 4 (devibhagavatam.9.15.4)

सर्वाराध्यं च सर्वेशं सर्वज्ञं सर्वकारणम् । सर्वाधारं सर्वरूपं सर्वेषां परिपालकम्

sarvārādhyaṁ ca sarveśaṁ sarvajñaṁ sarvakāraṇam | sarvādhāraṁ sarvarūpaṁ sarveṣāṁ paripālakam

सबके द्वारा आराध्य, सबके स्वामी, सर्वज्ञ, सबके कारण, सबके आधार, सर्वरूप और सबके पालक —

श्लोक 5 (devibhagavatam.9.15.5)

कथमेतादृशी देवी वृक्षत्वं समवाप ह । कथं साप्यसुरग्रस्ता सम्बभूव तपस्विनी

kathametādṛśī devī vṛkṣatvaṁ samavāpa ha | kathaṁ sāpyasuragrastā sambabhūva tapasvinī

ऐसी देवी वृक्ष-रूप को कैसे प्राप्त हुईं? और वह तपस्विनी असुर के वश में कैसे पड़ गईं?

श्लोक 6 (devibhagavatam.9.15.6)

सुस्निग्धं मे मनो लोलं प्रेरयन्मां मुहुर्मुहुः । छेत्तुमर्हसि सन्देहं सर्वं सन्देहभञ्जन

susnigdhaṁ me mano lolaṁ prerayanmāṁ muhurmuhuḥ | chettumarhasi sandehaṁ sarvaṁ sandehabhañjana

मेरा स्नेहसिक्त, चंचल मन मुझे बार-बार प्रेरित कर रहा है; हे संदेहभंजन! आप मेरे इस समस्त संदेह को दूर करें।

श्लोक 7 (devibhagavatam.9.15.7)

श्रीनारायण उवाच । मनुश्च दक्षसावर्णिः पुण्यवान् वैष्णवः शुचिः । यशस्वी कीर्तिमांश्चैव विष्णोरंशसमुद्भवः

śrīnārāyaṇa uvāca | manuśca dakṣasāvarṇiḥ puṇyavān vaiṣṇavaḥ śuciḥ | yaśasvī kīrtimāṁścaiva viṣṇoraṁśasamudbhavaḥ

श्री नारायण ने कहा — दक्षसावर्णि नामक मनु हुए, जो पुण्यवान्, वैष्णव, पवित्र, यशस्वी और कीर्तिमान् थे, तथा विष्णु के अंश से उत्पन्न थे।

श्लोक 8 (devibhagavatam.9.15.8)

तत्पुत्रो ब्रह्मसावर्णिर्धर्मिष्ठो वैष्णवः शुचिः । तत्पुत्रो धर्मसावर्णिर्वैष्णवश्च जितेन्द्रियः

tatputro brahmasāvarṇirdharmiṣṭho vaiṣṇavaḥ śuciḥ | tatputro dharmasāvarṇirvaiṣṇavaśca jitendriyaḥ

उनके पुत्र ब्रह्मसावर्णि हुए, जो धर्मिष्ठ, वैष्णव और पवित्र थे; उनके पुत्र धर्मसावर्णि हुए, जो वैष्णव और जितेन्द्रिय थे।

श्लोक 9 (devibhagavatam.9.15.9)

तत्पुत्रो रुद्रसावर्णिर्भक्तिमान्विजितेन्द्रियः । तत्पुत्रो देवसावर्णिर्विष्णुव्रतपरायणः

tatputro rudrasāvarṇirbhaktimānvijitendriyaḥ | tatputro devasāvarṇirviṣṇuvrataparāyaṇaḥ

उनके पुत्र रुद्रसावर्णि हुए, जो भक्तिमान् और विजितेन्द्रिय थे; उनके पुत्र देवसावर्णि हुए, जो विष्णु-व्रत में परायण थे।

श्लोक 10 (devibhagavatam.9.15.10)

तत्पुत्र इन्द्रसावर्णिर्महाविष्णुपरायणः । वृषध्वजश्च तत्पुत्रो वृषध्वजपरायणः

tatputra indrasāvarṇirmahāviṣṇuparāyaṇaḥ | vṛṣadhvajaśca tatputro vṛṣadhvajaparāyaṇaḥ

उनके पुत्र इन्द्रसावर्णि हुए, जो महाविष्णु में परायण थे; उनके पुत्र वृषध्वज हुए, जो वृषध्वज (भगवान् शिव) की भक्ति में परायण थे।

श्लोक 11 (devibhagavatam.9.15.11)

यस्याश्रमे स्वयं शम्भुरासीद्देवयुगत्रयम् । पुत्रादपि परः स्नेहो नृपे तस्मिञ्छिवस्य च

yasyāśrame svayaṁ śambhurāsīddevayugatrayam | putrādapi paraḥ sneho nṛpe tasmiñchivasya ca

जिनके आश्रम में स्वयं शम्भु तीन देवयुगों तक निवास करते रहे; उस राजा के प्रति शिव का स्नेह पुत्र से भी बढ़कर था।

श्लोक 12 (devibhagavatam.9.15.12)

न च नारायणं मेने न लक्ष्मीं न सरस्वतीम् । पूजां च सर्वदेवानां दूरीभूता चकार सः

na ca nārāyaṇaṁ mene na lakṣmīṁ na sarasvatīm | pūjāṁ ca sarvadevānāṁ dūrībhūtā cakāra saḥ

वे नारायण को महत्त्व नहीं देते थे, न लक्ष्मी को, न सरस्वती को; उन्होंने समस्त अन्य देवताओं की पूजा को भी दूर छोड़ दिया था।

श्लोक 13 (devibhagavatam.9.15.13)

भाद्रे मासि महालक्ष्मीपूजां मत्तो बभञ्ज ह । तथा माघीयपञ्चम्यां विस्मृता सर्वदैवतैः

bhādre māsi mahālakṣmīpūjāṁ matto babhañja ha | tathā māghīyapañcamyāṁ vismṛtā sarvadaivataiḥ

भाद्रपद मास में उन्होंने मुझसे संबंधित महालक्ष्मी-पूजा को भंग कर दिया, तथा माघ मास की पंचमी को भी वे सब देवताओं की पूजा भूल गए।

श्लोक 14 (devibhagavatam.9.15.14)

पापः सरस्वतीपूजां दूरीभूता चकार सः । यज्ञं च विष्णुपूजां च निन्दन्तं तं दिवाकरः

pāpaḥ sarasvatīpūjāṁ dūrībhūtā cakāra saḥ | yajñaṁ ca viṣṇupūjāṁ ca nindantaṁ taṁ divākaraḥ

उस पापी ने सरस्वती-पूजा को भी दूर त्याग दिया, और यज्ञ तथा विष्णु-पूजा की निंदा करते हुए उसे सूर्यदेव ने देखा।

श्लोक 15 (devibhagavatam.9.15.15)

चुकोप देवो भूपेन्द्रं शशाप शिवकारणात् । भ्रष्टश्रीस्त्वञ्च भवेति तं शशाप दिवाकरः

cukopa devo bhūpendraṁ śaśāpa śivakāraṇāt | bhraṣṭaśrīstvañca bhaveti taṁ śaśāpa divākaraḥ

सूर्यदेव क्रुद्ध हो गए और शिव के प्रति एकांगी आग्रह के कारण उस राजा को शाप दे दिया — "तुम श्रीहीन हो जाओगे" — इस प्रकार सूर्य ने उसे शाप दिया।

श्लोक 16 (devibhagavatam.9.15.16)

शूलं गृहीत्वा तं सूर्यमधावच्छङ्करः स्वयम् । पित्रा सार्धं दिनेशश्च ब्रह्माणं शरणं ययौ

śūlaṁ gṛhītvā taṁ sūryamadhāvacchaṅkaraḥ svayam | pitrā sārdhaṁ dineśaśca brahmāṇaṁ śaraṇaṁ yayau

त्रिशूल लेकर स्वयं शंकर उस सूर्य की ओर दौड़ पड़े; और सूर्यदेव अपने पिता के साथ ब्रह्मा की शरण में गए।

श्लोक 17 (devibhagavatam.9.15.17)

शिवस्त्रिशूलहस्तश्च ब्रह्मलोकं ययौ क्रुधा । ब्रह्मा सूर्यं पुरस्कृत्य वैकुण्ठं च ययौ भिया

śivastriśūlahastaśca brahmalokaṁ yayau krudhā | brahmā sūryaṁ puraskṛtya vaikuṇṭhaṁ ca yayau bhiyā

त्रिशूलधारी शिव क्रोधवश ब्रह्मलोक को गए; ब्रह्मा सूर्य को आगे कर भयभीत होकर वैकुण्ठ को गए।

श्लोक 18 (devibhagavatam.9.15.18)

ब्रह्मकश्यपमार्तण्डाः सन्त्रस्ताः शुष्कतालुकाः । नारायणं च सर्वेशं ते ययुः शरणं भिया

brahmakaśyapamārtaṇḍāḥ santrastāḥ śuṣkatālukāḥ | nārāyaṇaṁ ca sarveśaṁ te yayuḥ śaraṇaṁ bhiyā

ब्रह्मा, कश्यप और सूर्य, भयभीत और भय से तालु सूखे हुए, सर्वेश्वर नारायण की शरण में गए।

श्लोक 19 (devibhagavatam.9.15.19)

मूर्छा प्रणेमुस्ते गत्वा तुष्टुवुश्च पुनः पुनः । सर्वं निवेदनं चक्रुर्भयस्य कारणं हरौ

mūrchā praṇemuste gatvā tuṣṭuvuśca punaḥ punaḥ | sarvaṁ nivedanaṁ cakrurbhayasya kāraṇaṁ harau

वहाँ जाकर वे मूर्छित-से होकर प्रणाम करने लगे और बार-बार स्तुति करने लगे; उन्होंने हरि को अपने भय का सारा कारण निवेदित किया।

श्लोक 20 (devibhagavatam.9.15.20)

नारायणश्च कृपया तेभ्यश्च ह्यभयं ददौ । स्थिरा भवत हे भीता भयं किञ्च मयि स्थिते

nārāyaṇaśca kṛpayā tebhyaśca hyabhayaṁ dadau | sthirā bhavata he bhītā bhayaṁ kiñca mayi sthite

नारायण ने कृपापूर्वक उन्हें अभय प्रदान किया — "हे भयभीतो! स्थिर हो जाओ, मेरे रहते तुम्हें भला क्या भय!"

श्लोक 21 (devibhagavatam.9.15.21)

स्मरन्ति ये यत्र तत्र मां विपत्तौ भयान्विताः । तांस्तत्र गत्वा रक्षामि चक्रहस्तस्त्वरान्वितः

smaranti ye yatra tatra māṁ vipattau bhayānvitāḥ | tāṁstatra gatvā rakṣāmi cakrahastastvarānvitaḥ

जो भी विपत्ति में भयभीत होकर मुझे कहीं भी स्मरण करते हैं, वहाँ मैं शीघ्रतापूर्वक चक्र हाथ में लिए जाकर उनकी रक्षा करता हूँ।

श्लोक 22 (devibhagavatam.9.15.22)

पाताहं जगतां देवाः कर्ता च सततं सदा । स्रष्टा च ब्रह्मरूपेण संहर्ता शिवरूपतः

pātāhaṁ jagatāṁ devāḥ kartā ca satataṁ sadā | sraṣṭā ca brahmarūpeṇa saṁhartā śivarūpataḥ

हे देवगण! मैं ही सदा-सर्वदा जगत् का पालक और कर्ता हूँ; ब्रह्मारूप से सृष्टि करता हूँ और शिवरूप से संहार करता हूँ।

श्लोक 23 (devibhagavatam.9.15.23)

शिवोऽहं त्वमहं चापि सूर्योऽहं त्रिगुणात्मकः । विधाय नानारूपं च करोमि सृष्टिपालनम्

śivo'haṁ tvamahaṁ cāpi sūryo'haṁ triguṇātmakaḥ | vidhāya nānārūpaṁ ca karomi sṛṣṭipālanam

मैं ही शिव हूँ, मैं ही तुम (ब्रह्मा) भी हूँ, और मैं ही सूर्य हूँ; त्रिगुणात्मक होकर विविध रूप धारण कर मैं सृष्टि और पालन करता हूँ।

श्लोक 24 (devibhagavatam.9.15.24)

यूयं गच्छत भद्रं वो भविष्यति भयं कुतः । अद्यप्रभृति मद्वरेण भयं वो नास्ति शङ्करात्

yūyaṁ gacchata bhadraṁ vo bhaviṣyati bhayaṁ kutaḥ | adyaprabhṛti madvareṇa bhayaṁ vo nāsti śaṅkarāt

तुम सब जाओ, तुम्हारा कल्याण होगा — भय किस बात का? आज से मेरे वरदान से तुम्हें शंकर से कोई भय नहीं रहेगा।

श्लोक 25 (devibhagavatam.9.15.25)

सर्वेशो वै स भगवाच्छङ्करश्च सतां पतिः । भक्ताधीनश्च भक्तानां भक्तात्मा भक्तवत्सलः

sarveśo vai sa bhagavācchaṅkaraśca satāṁ patiḥ | bhaktādhīnaśca bhaktānāṁ bhaktātmā bhaktavatsalaḥ

वह भगवान् शंकर ही सबके स्वामी हैं, सत्पुरुषों के अधिपति हैं; भक्तों के अधीन, भक्तों की आत्मा-स्वरूप और भक्तवत्सल हैं।

श्लोक 26 (devibhagavatam.9.15.26)

सुदर्शनः शिवश्चैव मम प्राणाधिकः प्रियः । ब्रह्माण्डेषु न तेजस्वी हे ब्रह्मन्ननयोः परः

sudarśanaḥ śivaścaiva mama prāṇādhikaḥ priyaḥ | brahmāṇḍeṣu na tejasvī he brahmannanayoḥ paraḥ

मेरा सुदर्शन चक्र और शिव — ये दोनों मुझे प्राणों से भी अधिक प्रिय हैं; हे ब्रह्मन्! ब्रह्माण्डों में इन दोनों से बढ़कर तेजस्वी और कोई नहीं।

श्लोक 27 (devibhagavatam.9.15.27)

शक्तः स्रष्टुं महादेवः सूर्यकोटिं च लीलया । कोटिं च ब्रह्मणामेवं नासाध्यं शूलिनः प्रभोः

śaktaḥ sraṣṭuṁ mahādevaḥ sūryakoṭiṁ ca līlayā | koṭiṁ ca brahmaṇāmevaṁ nāsādhyaṁ śūlinaḥ prabhoḥ

महादेव क्रीड़ामात्र से करोड़ों सूर्यों की और करोड़ों ब्रह्माओं की भी सृष्टि कर सकते हैं; उस त्रिशूलधारी प्रभु के लिए कुछ भी असाध्य नहीं है।

श्लोक 28 (devibhagavatam.9.15.28)

बाह्यज्ञानं नैव किञ्चिद्ध्यायते मां दिवानिशम् । मन्मन्त्रान्मद्गुणान्भक्त्या पञ्चवक्त्रेण गायति

bāhyajñānaṁ naiva kiñciddhyāyate māṁ divāniśam | manmantrānmadguṇānbhaktyā pañcavaktreṇa gāyati

उन्हें बाह्य ज्ञान कुछ भी नहीं रहता, वे दिन-रात मेरा ही ध्यान करते रहते हैं; भक्तिपूर्वक अपने पाँचों मुखों से मेरे मंत्रों और गुणों का गायन करते हैं।

श्लोक 29 (devibhagavatam.9.15.29)

अहमेवं चिन्तयामि तत्कल्याणं दिवानिशम् । ये यथा मां प्रपद्यन्ते तांस्तथैव भजाम्यहम्

ahamevaṁ cintayāmi tatkalyāṇaṁ divāniśam | ye yathā māṁ prapadyante tāṁstathaiva bhajāmyaham

मैं भी दिन-रात उनके ही कल्याण का चिंतन करता हूँ; जो जिस प्रकार मेरी शरण लेते हैं, मैं उनका भजन उसी प्रकार करता हूँ।

श्लोक 30 (devibhagavatam.9.15.30)

शिवस्वरूपो भगवाञ्छिवाधिष्ठातृदेवता । शिवं भवति तस्माच्च शिवं तेन विदुर्बुधाः

śivasvarūpo bhagavāñchivādhiṣṭhātṛdevatā | śivaṁ bhavati tasmācca śivaṁ tena vidurbudhāḥ

भगवान् शिव-स्वरूप हैं, शिव अर्थात् मंगल के अधिष्ठाता देवता हैं; उनसे जो कुछ होता है वह शिव (मंगलमय) होता है, इसीलिए ज्ञानीजन उन्हें शिव जानते हैं।

श्लोक 31 (devibhagavatam.9.15.31)

एतस्मिन्नन्तरे तत्र जगाम शङ्करः स्थितः । शूलहस्तो वृषारूढो रक्तपङ्कजलोचनः

etasminnantare tatra jagāma śaṅkaraḥ sthitaḥ | śūlahasto vṛṣārūḍho raktapaṅkajalocanaḥ

इसी बीच स्वयं शंकर वहाँ आ पहुँचे, हाथ में त्रिशूल लिए, वृषभ पर आरूढ़, उनके नेत्र रक्तकमल के समान लाल थे।

श्लोक 32 (devibhagavatam.9.15.32)

अवरुह्य वृषात्तूर्णं भक्तिनम्रात्मकन्धरः । ननाम भक्त्या तं शान्तं लक्ष्मीकान्तं परात्परम्

avaruhya vṛṣāttūrṇaṁ bhaktinamrātmakandharaḥ | nanāma bhaktyā taṁ śāntaṁ lakṣmīkāntaṁ parātparam

वृषभ से शीघ्र उतरकर, भक्तिवश नम्रग्रीव होकर, उन्होंने उस शान्त, लक्ष्मीकान्त, परात्पर विष्णु को भक्तिपूर्वक प्रणाम किया।

श्लोक 33 (devibhagavatam.9.15.33)

रत्नसिंहासनस्थं च रत्नालङ्कारभूषितम् । किरीटिनं कुण्डलिनं चक्रिणं वनमालिनम्

ratnasiṁhāsanasthaṁ ca ratnālaṅkārabhūṣitam | kirīṭinaṁ kuṇḍalinaṁ cakriṇaṁ vanamālinam

वे विष्णु रत्नजड़ित सिंहासन पर विराजमान, रत्नाभूषणों से सुशोभित, मुकुटधारी, कुण्डलधारी, चक्रधारी और वनमाला पहने हुए थे —

श्लोक 34 (devibhagavatam.9.15.34)

नवीननीरदश्यामं सुन्दरं च चतुर्भुजम् । चतुर्भुजैः सेवितं च श्वेतचामरवायुना

navīnanīradaśyāmaṁ sundaraṁ ca caturbhujam | caturbhujaiḥ sevitaṁ ca śvetacāmaravāyunā

— नवीन मेघ के समान श्याम वर्ण, सुंदर, चतुर्भुज, और चतुर्भुज पार्षदों द्वारा श्वेत चँवर की वायु से सेवित।

श्लोक 35 (devibhagavatam.9.15.35)

चन्दनोक्षितसर्वाङ्गं भूषितं पीतवाससम् । लक्ष्मीप्रदत्तताम्बूलं भुक्तवन्तं च नारद

candanokṣitasarvāṅgaṁ bhūṣitaṁ pītavāsasam | lakṣmīpradattatāmbūlaṁ bhuktavantaṁ ca nārada

— उनका सम्पूर्ण अंग चन्दन से लिप्त, सुशोभित, पीताम्बरधारी; और हे नारद! वे लक्ष्मी द्वारा दिया गया ताम्बूल ग्रहण कर रहे थे।

श्लोक 36 (devibhagavatam.9.15.36)

विद्याधरीनृत्यगीतं पश्यन्तं सस्मितं सदा । ईश्वरं परमात्मानं भक्तानुग्रहविग्रहम्

vidyādharīnṛtyagītaṁ paśyantaṁ sasmitaṁ sadā | īśvaraṁ paramātmānaṁ bhaktānugrahavigraham

— विद्याधरियों के नृत्य और गीत को सदा मुस्कुराते हुए देखते हुए, वे ईश्वर, परमात्मा, भक्तों पर अनुग्रह के मूर्तिमान् स्वरूप थे।

श्लोक 37 (devibhagavatam.9.15.37)

तं ननाम महादेवो ब्रह्मणा नमितश्च सः । ननाम सूर्यो भक्त्या च सन्त्रस्तश्चन्द्रशेखरम्

taṁ nanāma mahādevo brahmaṇā namitaśca saḥ | nanāma sūryo bhaktyā ca santrastaścandraśekharam

महादेव ने उन्हें प्रणाम किया, और ब्रह्मा ने भी उन्हें प्रणाम किया; भयभीत सूर्य ने भी भक्तिपूर्वक चन्द्रशेखर (शिव) को प्रणाम किया।

श्लोक 38 (devibhagavatam.9.15.38)

कश्यपश्च महाभक्त्या तुष्टाव च ननाम च । शिवः संस्तूय सर्वेशं समुवास सुखासने

kaśyapaśca mahābhaktyā tuṣṭāva ca nanāma ca | śivaḥ saṁstūya sarveśaṁ samuvāsa sukhāsane

कश्यप ने भी महाभक्ति से स्तुति करके प्रणाम किया; शिव ने भी सर्वेश्वर की स्तुति कर सुखासन पर आसन ग्रहण किया।

श्लोक 39 (devibhagavatam.9.15.39)

सुखासने सुखासीनं विश्रान्तं चन्द्रशेखरम् । श्वेतचामरवातेन सेवितं विष्णुपार्षदैः

sukhāsane sukhāsīnaṁ viśrāntaṁ candraśekharam | śvetacāmaravātena sevitaṁ viṣṇupārṣadaiḥ

सुखासन पर सुखपूर्वक विराजमान, विश्राम करते हुए चन्द्रशेखर को विष्णु के पार्षद श्वेत चँवर की वायु से सेवा कर रहे थे।

श्लोक 40 (devibhagavatam.9.15.40)

पीयूषतुल्यमधुरं वचनं सुमनोहरम् । विष्णुरुवाच । आगतोऽसि कथं चात्र वद कोपस्य कारणम्

pīyūṣatulyamadhuraṁ vacanaṁ sumanoharam | viṣṇuruvāca | āgato'si kathaṁ cātra vada kopasya kāraṇam

— तब मधुर, अमृततुल्य और अत्यंत मनोहर वचनों में विष्णु ने कहा — "आप यहाँ क्यों आए हैं? अपने कोप का कारण बताइए।"

श्लोक 41 (devibhagavatam.9.15.41)

महादेव उवाच । वृषध्वजं च मद्भक्तं मम प्राणाधिकं प्रियम् । सूर्यः शशाप इति मे प्रकोपस्य तु कारणम्

mahādeva uvāca | vṛṣadhvajaṁ ca madbhaktaṁ mama prāṇādhikaṁ priyam | sūryaḥ śaśāpa iti me prakopasya tu kāraṇam

महादेव ने कहा — "वृषध्वज, जो मेरा भक्त है और मुझे प्राणों से भी अधिक प्रिय है, उसे सूर्य ने शाप दे दिया है — यही मेरे कोप का कारण है।"

श्लोक 42 (devibhagavatam.9.15.42)

पुत्रवत्सलशोकेन सूर्यं हन्तुं समुद्यतः । स ब्रह्माणं प्रपन्नश्च सूर्यश्च स विधिस्त्वयि

putravatsalaśokena sūryaṁ hantuṁ samudyataḥ | sa brahmāṇaṁ prapannaśca sūryaśca sa vidhistvayi

पुत्र के समान स्नेह के शोक से मैं सूर्य का वध करने को उद्यत हुआ; वह ब्रह्मा की शरण में गया, और ब्रह्मा सूर्य को लेकर आपके पास आए।

श्लोक 43 (devibhagavatam.9.15.43)

त्वयि ये शरणापन्ना ध्यानेन वचसापि वा । निरापदो विशङ्कास्ते जरा मृत्युश्च तैर्जितः

tvayi ye śaraṇāpannā dhyānena vacasāpi vā | nirāpado viśaṅkāste jarā mṛtyuśca tairjitaḥ

जो भी आपकी शरण लेते हैं, चाहे ध्यान से या केवल वाणी से भी, वे आपत्ति-रहित और निःशंक हो जाते हैं; उनके द्वारा जरा और मृत्यु भी जीत ली जाती है।

श्लोक 44 (devibhagavatam.9.15.44)

प्रत्यक्षं शरणापन्नास्तत्फलं किं वदामि भोः । हरिस्मृतिश्चाभयदा सर्वमङ्गलदा सदा

pratyakṣaṁ śaraṇāpannāstatphalaṁ kiṁ vadāmi bhoḥ | harismṛtiścābhayadā sarvamaṅgaladā sadā

ये तो प्रत्यक्ष ही आपकी शरण में आए हैं, इसका फल मैं क्या कहूँ, हे प्रभो! हरि का स्मरण ही अभयदायक और सदा सर्वमंगलदायक है।

श्लोक 45 (devibhagavatam.9.15.45)

किं मे भक्तस्य भविता तन्मे ब्रूहि जगत्प्रभो । श्रीहतस्यास्य मूढस्य सूर्यशापेन हेतुना

kiṁ me bhaktasya bhavitā tanme brūhi jagatprabho | śrīhatasyāsya mūḍhasya sūryaśāpena hetunā

हे जगत्प्रभो! अब मेरे इस भक्त का, जो सूर्य के शाप के कारण श्रीहीन और मोहग्रस्त हो गया है, क्या होगा — यह मुझे बताइए।

श्लोक 46 (devibhagavatam.9.15.46)

विष्णुरुवाच । कालोऽतियातो दैवेन युगानामेकविंशतिः । वैकुण्ठं घटिकार्धेन शीघ्रं गच्छ त्वमालयम्

viṣṇuruvāca | kālo'tiyāto daivena yugānāmekaviṁśatiḥ | vaikuṇṭhaṁ ghaṭikārdhena śīghraṁ gaccha tvamālayam

विष्णु ने कहा — दैवयोग से वहाँ इक्कीस युग बीत चुके हैं, यद्यपि यहाँ वैकुण्ठ में केवल आधी घड़ी ही बीती है; अब तुम शीघ्र अपने धाम को जाओ।

श्लोक 47 (devibhagavatam.9.15.47)

वृषध्वजो मृतः कालाद्दुर्निवार्यात्सुदारुणात् । रथध्वजश्च तत्पुत्रो मृतः सोऽपि श्रिया हतः

vṛṣadhvajo mṛtaḥ kālāddurnivāryātsudāruṇāt | rathadhvajaśca tatputro mṛtaḥ so'pi śriyā hataḥ

वृषध्वज उस दुर्निवार्य, अत्यंत भीषण काल के प्रभाव से मृत्यु को प्राप्त हो चुके हैं; उनके पुत्र रथध्वज भी, वे भी श्रीहीन होकर मृत्यु को प्राप्त हुए।

श्लोक 48 (devibhagavatam.9.15.48)

तत्पुत्रौ च महाभागौ धर्मध्वजकुशध्वजौ । हृतश्रियौ सूर्यशापात्स्मृतौ परमवैष्णवौ

tatputrau ca mahābhāgau dharmadhvajakuśadhvajau | hṛtaśriyau sūryaśāpātsmṛtau paramavaiṣṇavau

उनके (रथध्वज के) दोनों पुत्र, महाभाग्यशाली धर्मध्वज और कुशध्वज, सूर्य के शाप से श्रीहीन हुए हैं, फिर भी वे परम वैष्णव कहे जाते हैं।

श्लोक 49 (devibhagavatam.9.15.49)

राज्यभ्रष्टौ श्रिया भ्रष्टौ कमलातपसा रतौ । तयोश्च भार्ययोर्लक्ष्मीः कलया च भविष्यति

rājyabhraṣṭau śriyā bhraṣṭau kamalātapasā ratau | tayośca bhāryayorlakṣmīḥ kalayā ca bhaviṣyati

वे राज्य से भ्रष्ट और श्रीहीन हो चुके हैं, और अब कमला (लक्ष्मी) की प्राप्ति हेतु तपस्या में लीन हैं; उन दोनों की पत्नियों के यहाँ लक्ष्मी अपनी कला से अवतरित होंगी।

श्लोक 50 (devibhagavatam.9.15.50)

सम्पद्युक्तौ तदा तौ च नृपश्रेष्ठौ भविष्यतः । मृतस्ते सेवकः शम्भो गच्छ यूयं च गच्छत

sampadyuktau tadā tau ca nṛpaśreṣṭhau bhaviṣyataḥ | mṛtaste sevakaḥ śambho gaccha yūyaṁ ca gacchata

तब वे दोनों पुनः सम्पत्तिसम्पन्न श्रेष्ठ राजा बनेंगे; परन्तु हे शम्भो! आपका वह भक्त तो मृत्यु को प्राप्त हो चुका है — अब आप सब जाइए।

श्लोक 51 (devibhagavatam.9.15.51)

इत्युक्त्वा च सलक्ष्मीकः सभातोऽभ्यन्तरङ्गतः । देवा जग्मुः सम्प्रहृष्टाः स्वाश्रमं परया मुदा । शिवश्च तपसे शीघ्रं परिपूर्णतमो ययौ

ityuktvā ca salakṣmīkaḥ sabhāto'bhyantaraṅgataḥ | devā jagmuḥ samprahṛṣṭāḥ svāśramaṁ parayā mudā | śivaśca tapase śīghraṁ paripūrṇatamo yayau

यह कहकर विष्णु लक्ष्मी सहित सभा से अपने अन्तःपुर में चले गए; देवगण अत्यंत प्रसन्न होकर परम हर्ष के साथ अपने-अपने आश्रम को गए; और शिव भी पूर्णतः संतुष्ट होकर शीघ्र ही तपस्या के लिए चले गए।