धर्मध्वज की पुत्री तुलसी का आख्यान

श्लोक 1 (devibhagavatam.9.17.1)

श्रीनारायण उवाच । धर्मध्वजस्य पत्नी माधवीति च विश्रुता । नृपेण सार्धं सारामे रेमे च गन्धमादने

śrīnārāyaṇa uvāca | dharmadhvajasya patnī mādhavīti ca viśrutā | nṛpeṇa sārdhaṁ sārāme reme ca gandhamādane

श्री नारायण ने कहा — धर्मध्वज की पत्नी, जो माधवी नाम से विख्यात थीं, राजा के साथ गन्धमादन पर्वत पर आनन्दपूर्वक रमण करती थीं।

श्लोक 2 (devibhagavatam.9.17.2)

शय्यां रतिकरीं कृत्वा पुष्पचन्दनचर्चिताम् । चन्दनालिप्तसर्वाङ्गीं पुष्पचन्दनवायुना

śayyāṁ ratikarīṁ kṛtvā puṣpacandanacarcitām | candanāliptasarvāṅgīṁ puṣpacandanavāyunā

फूलों और चन्दन से सुवासित प्रेम-शय्या बनाकर, अपने सम्पूर्ण अंग को चन्दन से लेपकर, पुष्प-चन्दन की सुगंधित वायु में —

श्लोक 3 (devibhagavatam.9.17.3)

स्त्रीरत्नमतिचार्वङ्गी रत्नभूषणभूषिता । कामुकी रसिका सृष्टा रसिकेन च संयुता

strīratnamaticārvaṅgī ratnabhūṣaṇabhūṣitā | kāmukī rasikā sṛṣṭā rasikena ca saṁyutā

— स्त्रियों में रत्नस्वरूपा, अत्यंत सुन्दर अंगोंवाली, रत्नाभूषणों से सुसज्जित, कामुकी और रसिका वह अपने रसिक पति से युक्त हुईं।

श्लोक 4 (devibhagavatam.9.17.4)

सुरते विरतिर्नास्ति तयोः सुरतिविज्ञयोः । गतं देववर्षशतं न ज्ञातं च दिवानिशम्

surate viratirnāsti tayoḥ surativijñayoḥ | gataṁ devavarṣaśataṁ na jñātaṁ ca divāniśam

प्रेम-कला में निपुण उन दोनों के रतिक्रीड़ा का कोई विराम न हुआ; देवताओं के सौ वर्ष बीत गए, परन्तु उन्हें दिन-रात का भान तक न रहा।

श्लोक 5 (devibhagavatam.9.17.5)

ततो राजा मतिं प्राप्य सुरताद्विरराम च । कामुकी सुन्दरी किञ्चिन्न च तृप्तिं जगाम सा

tato rājā matiṁ prāpya suratādvirarāma ca | kāmukī sundarī kiñcinna ca tṛptiṁ jagāma sā

तब राजा को सुधि आई और वे रति से विरत हो गए; परन्तु वह कामुकी सुन्दरी किंचित् भी तृप्ति को प्राप्त न हुई।

श्लोक 6 (devibhagavatam.9.17.6)

दधार गर्भं सा सद्यो दैवादब्दशतं सती । श्रीगर्भा श्रीयुता सा च सम्बभूव दिने दिने

dadhāra garbhaṁ sā sadyo daivādabdaśataṁ satī | śrīgarbhā śrīyutā sā ca sambabhūva dine dine

उस सती ने दैवयोग से तत्काल गर्भ धारण किया और सौ वर्षों तक उसे धारण किया; श्रीयुक्त गर्भ धारण करती हुई वह दिन-प्रतिदिन अधिकाधिक शोभायमान होती गईं।

श्लोक 7 (devibhagavatam.9.17.7)

शुभे क्षणे शुभदिने शुभयोगे च संयुते । शुभलग्ने शुभांशे च शुभस्वामिग्रहान्विते

śubhe kṣaṇe śubhadine śubhayoge ca saṁyute | śubhalagne śubhāṁśe ca śubhasvāmigrahānvite

शुभ क्षण में, शुभ दिन में, शुभ योग से युक्त, शुभ लग्न और शुभ अंश में, शुभ स्वामी-ग्रह से युक्त —

श्लोक 8 (devibhagavatam.9.17.8)

कार्तिकीपूर्णिमायां तु सितवारे च पाद्मज । सुषाव सा च पद्मांशां पद्मिनीं तां मनोहराम्

kārtikīpūrṇimāyāṁ tu sitavāre ca pādmaja | suṣāva sā ca padmāṁśāṁ padminīṁ tāṁ manoharām

— कार्तिक पूर्णिमा को, शुक्रवार के दिन, हे पद्मज! उसने कमला के अंश से उत्पन्न उस मनोहर पद्मिनी को जन्म दिया।

श्लोक 9 (devibhagavatam.9.17.9)

शरत्पार्वणचन्द्रास्यां शरत्पङ्कजलोचनाम् । पक्वबिम्बाधरोष्ठीं च पश्यन्तीं सस्मितां गृहम्

śaratpārvaṇacandrāsyāṁ śaratpaṅkajalocanām | pakvabimbādharoṣṭhīṁ ca paśyantīṁ sasmitāṁ gṛham

उसका मुख शरद् की पूर्ण चन्द्रमा जैसा, नेत्र शरद्-कमल के समान, अधरोष्ठ पके बिम्बफल जैसा लाल, मुस्कुराते हुए घर को देखती हुई —

श्लोक 10 (devibhagavatam.9.17.10)

हस्तपादतलारक्तां निम्ननाभिं मनोरमाम् । तदधस्त्रिवलीयुक्तां नितम्बयुगवर्तुलाम्

hastapādatalāraktāṁ nimnanābhiṁ manoramām | tadadhastrivalīyuktāṁ nitambayugavartulām

— हाथ-पैरों के तलवे लाल, नाभि गहरी और मनोहर, उसके नीचे त्रिवली से युक्त, दोनों नितम्ब गोल और पूर्ण —

श्लोक 11 (devibhagavatam.9.17.11)

शीते सुखोष्णसर्वाङ्गीं ग्रीष्मे च सुखशीतलाम् । श्यामां सुकेशीं रुचिरां न्यग्रोधपरिमण्डलाम्

śīte sukhoṣṇasarvāṅgīṁ grīṣme ca sukhaśītalām | śyāmāṁ sukeśīṁ rucirāṁ nyagrodhaparimaṇḍalām

— जिनका सम्पूर्ण अंग शीत में सुखद उष्ण और ग्रीष्म में सुखद शीतल रहता, श्यामवर्णा, सुन्दर केशोंवाली, रुचिर, न्यग्रोध वृक्ष के समान सुडौल —

श्लोक 12 (devibhagavatam.9.17.12)

पीतचम्पकवर्णाभां सुन्दरीष्वेव सुन्दरीम् । नरा नार्यश्च तां दृष्ट्वा तुलनां दातुमक्षमाः

pītacampakavarṇābhāṁ sundarīṣveva sundarīm | narā nāryaśca tāṁ dṛṣṭvā tulanāṁ dātumakṣamāḥ

— पीले चम्पक-पुष्प के वर्ण की, सुन्दरियों में भी सुन्दरतम; उसे देखकर स्त्री-पुरुष कोई भी उसकी तुलना करने में असमर्थ हो गए।

श्लोक 13 (devibhagavatam.9.17.13)

तेन नाम्ना च तुलसीं तां वदन्ति मनीषिणः । सा च भूयिष्ठमानेन योग्या स्त्री प्रकृतिर्यथा

tena nāmnā ca tulasīṁ tāṁ vadanti manīṣiṇaḥ | sā ca bhūyiṣṭhamānena yogyā strī prakṛtiryathā

इसी कारण विद्वज्जन उन्हें 'तुलसी' (जिसकी तुलना न हो सके) नाम से पुकारते हैं; अपने अतुलनीय गुणों से वह प्रकृति के समान ही योग्य स्त्री थीं।

श्लोक 14 (devibhagavatam.9.17.14)

सर्वैर्निषिद्धा तपसे जगाम बदरीवनम् । तत्र देवाब्दलक्षं च चकार परमं तपः

sarvairniṣiddhā tapase jagāma badarīvanam | tatra devābdalakṣaṁ ca cakāra paramaṁ tapaḥ

सबके द्वारा रोके जाने पर भी वह तपस्या के लिए बदरीवन को चली गईं; वहाँ उन्होंने एक लाख दिव्य वर्षों तक परम तप किया।

श्लोक 15 (devibhagavatam.9.17.15)

मनसा नारायणः स्वामी भवितेति च निश्चिता । ग्रीष्मे पञ्चतपाः शीते तोयवस्त्रा च प्रावृषि

manasā nārāyaṇaḥ svāmī bhaviteti ca niścitā | grīṣme pañcatapāḥ śīte toyavastrā ca prāvṛṣi

मन में यह निश्चय कर कि नारायण ही उनके स्वामी होंगे, ग्रीष्म में उन्होंने पंचाग्नि तप किया, शीत में जलसिक्त वस्त्र धारण किया, और वर्षाऋतु में —

श्लोक 16 (devibhagavatam.9.17.16)

आसनस्था वृष्टिधाराः सहन्तीति दिवानिशम् । विंशत्सहस्रवर्षं च फलतोयाशना च सा

āsanasthā vṛṣṭidhārāḥ sahantīti divāniśam | viṁśatsahasravarṣaṁ ca phalatoyāśanā ca sā

— आसन पर स्थिर बैठकर दिन-रात वर्षाधारा सहन करती रहीं; बीस सहस्र वर्षों तक वह केवल फल और जल पर निर्वाह करती रहीं।

श्लोक 17 (devibhagavatam.9.17.17)

त्रिंशत्सहस्रवर्षं च पत्राहारा तपस्विनी । चत्वारिंशत्सहस्राब्दं वाय्वाहारा कृशोदरी

triṁśatsahasravarṣaṁ ca patrāhārā tapasvinī | catvāriṁśatsahasrābdaṁ vāyvāhārā kṛśodarī

तीस सहस्र वर्षों तक वह तपस्विनी केवल पत्तों पर निर्वाह करती रहीं; चालीस सहस्र वर्षों तक कृशोदरी होकर वे केवल वायु पर निर्वाह करती रहीं।

श्लोक 18 (devibhagavatam.9.17.18)

ततो दशसहस्राब्दं निराहारा बभूव सा । निर्लक्ष्यां चैकपादस्थां दृष्ट्वा तां कमलोद्भवः

tato daśasahasrābdaṁ nirāhārā babhūva sā | nirlakṣyāṁ caikapādasthāṁ dṛṣṭvā tāṁ kamalodbhavaḥ

तत्पश्चात् दस सहस्र वर्षों तक वे पूर्णतया निराहार रहीं; इस प्रकार लगभग अदृश्य, एक पैर पर खड़ी उन्हें देखकर कमलजन्मा ब्रह्मा —

श्लोक 19 (devibhagavatam.9.17.19)

समाययौ वरं दातुं परं बदरिकाश्रमम् । चतुर्मुखं च सा दृष्ट्वा ननाम हंसवाहनम्

samāyayau varaṁ dātuṁ paraṁ badarikāśramam | caturmukhaṁ ca sā dṛṣṭvā nanāma haṁsavāhanam

— उसे वर देने के लिए उस परम बदरिकाश्रम में पधारे; और चतुर्मुख, हंसवाहन ब्रह्मा को देखकर उसने उन्हें प्रणाम किया।

श्लोक 20 (devibhagavatam.9.17.20)

तामुवाच जगत्कर्ता विधाता जगतामपि । ब्रह्मोवाच । वरं वृणीष्व तुलसि यत्ते मनसि वाच्छितम्

tāmuvāca jagatkartā vidhātā jagatāmapi | brahmovāca | varaṁ vṛṇīṣva tulasi yatte manasi vācchitam

जगत् के कर्ता और विधाता ब्रह्मा ने उनसे कहा — ब्रह्मा ने कहा — "हे तुलसी! तुम्हारे मन में जो अभीष्ट हो, वह वर माँग लो —

श्लोक 21 (devibhagavatam.9.17.21)

हरिभक्तिं हरेर्दास्यमजरामरतामपि । तुलस्युवाच । शृणु तात प्रवक्ष्यामि यन्मे मनसि वाञ्छितम्

haribhaktiṁ harerdāsyamajarāmaratāmapi | tulasyuvāca | śṛṇu tāta pravakṣyāmi yanme manasi vāñchitam

— हरि-भक्ति, हरि की दासता और अजरामरता भी।" तुलसी ने कहा — "हे तात! सुनिए, मैं अपने मन की अभिलाषा कहती हूँ।

श्लोक 22 (devibhagavatam.9.17.22)

सर्वज्ञस्यापि पुरतः का लज्जा मम साम्प्रतम् । अहं तु तुलसी गोपी गोलोकेऽहं स्थिता पुरा

sarvajñasyāpi purataḥ kā lajjā mama sāmpratam | ahaṁ tu tulasī gopī goloke'haṁ sthitā purā

सर्वज्ञ के समक्ष अब मुझे किस बात की लज्जा! मैं तुलसी पूर्वकाल में गोलोक में निवास करने वाली एक गोपी थी।

श्लोक 23 (devibhagavatam.9.17.23)

कृष्णप्रिया किङ्करी च तदंशा तत्सखी प्रिया । गोविन्दरतिसम्भुक्तामतृप्तां मां च मूर्च्छिताम्

kṛṣṇapriyā kiṅkarī ca tadaṁśā tatsakhī priyā | govindaratisambhuktāmatṛptāṁ māṁ ca mūrcchitām

कृष्ण की प्रिया, उनकी दासी, उन्हीं के अंशरूपा और उनकी प्रिय सखी; गोविन्द के साथ रति का भोग करते हुए भी अतृप्त और मूर्च्छित-सी मुझे —

श्लोक 24 (devibhagavatam.9.17.24)

रासेश्वरी समागत्य ददर्श रासमण्डले । गोविन्दं भर्त्सयामास मां शशाप रुषान्विता

rāseśvarī samāgatya dadarśa rāsamaṇḍale | govindaṁ bhartsayāmāsa māṁ śaśāpa ruṣānvitā

— रासेश्वरी (राधा) ने वहाँ आकर रासमण्डल में देख लिया; उन्होंने गोविन्द को भला-बुरा कहा और क्रोधित होकर मुझे शाप दे दिया।

श्लोक 25 (devibhagavatam.9.17.25)

याहि त्वं मानवीं योनिमित्येवं च शशाप ह । मामुवाच स गोविन्दो मदंशं च चतुर्भुजम्

yāhi tvaṁ mānavīṁ yonimityevaṁ ca śaśāpa ha | māmuvāca sa govindo madaṁśaṁ ca caturbhujam

"तू मानव-योनि में जन्म ले" — इस प्रकार उन्होंने शाप दिया; तब गोविन्द ने मुझसे कहा — "तुम मेरे ही अंश, चतुर्भुज रूप को —

श्लोक 26 (devibhagavatam.9.17.26)

लभिष्यसि तपस्तप्त्वा भारते ब्रह्मणो वरात् । इत्येवमुक्त्वा देवेशोऽप्यन्तर्धानं चकार सः

labhiṣyasi tapastaptvā bhārate brahmaṇo varāt | ityevamuktvā deveśo'pyantardhānaṁ cakāra saḥ

— भारतवर्ष में तप कर, ब्रह्मा के वरदान से प्राप्त करोगी।" ऐसा कहकर वे देवेश अन्तर्धान हो गए।

श्लोक 27 (devibhagavatam.9.17.27)

देव्या भिया तनुं त्यक्त्वा प्राप्तं जन्म गुरो भुवि । अहं नारायणं कान्तं शान्तं सुन्दरविग्रहम्

devyā bhiyā tanuṁ tyaktvā prāptaṁ janma guro bhuvi | ahaṁ nārāyaṇaṁ kāntaṁ śāntaṁ sundaravigraham

देवी (राधा) के भय से मैंने उस शरीर को त्याग दिया और हे गुरो! इस पृथ्वी पर जन्म प्राप्त किया; अब मैं उन शान्त, सुन्दरविग्रह, प्रिय नारायण को —

श्लोक 28 (devibhagavatam.9.17.28)

साम्प्रतं तं पतिं लब्धुं वरये त्वं च देहि मे । ब्रह्मदेव उवाच । सुदामा नाम गोपश्च श्रीकृष्णाङ्गसमुद्भवः

sāmprataṁ taṁ patiṁ labdhuṁ varaye tvaṁ ca dehi me | brahmadeva uvāca | sudāmā nāma gopaśca śrīkṛṣṇāṅgasamudbhavaḥ

— अब पति रूप में प्राप्त करना चाहती हूँ; आप मुझे यह वर दीजिए।" ब्रह्मदेव ने कहा — "सुदामा नामक एक गोप था, जो श्रीकृष्ण के ही अंग से उत्पन्न हुआ था —

श्लोक 29 (devibhagavatam.9.17.29)

तदंशश्चातितेजस्वी लेभे जन्म च भारते । साम्प्रतं राधिकाशापाद्दनुवंशसमुद्भवः

tadaṁśaścātitejasvī lebhe janma ca bhārate | sāmprataṁ rādhikāśāpāddanuvaṁśasamudbhavaḥ

— उसका वह अत्यंत तेजस्वी अंश अब भारतवर्ष में जन्म ले चुका है; राधिका के ही शाप से वह अब दानव-वंश में उत्पन्न हुआ है —

श्लोक 30 (devibhagavatam.9.17.30)

शङ्खचूडेति विख्यातस्त्रैलोक्ये न च तत्समः । गोलोके त्वां पुरा दृष्ट्वा कामोन्मथितमानसः

śaṅkhacūḍeti vikhyātastrailokye na ca tatsamaḥ | goloke tvāṁ purā dṛṣṭvā kāmonmathitamānasaḥ

— वह शंखचूड नाम से विख्यात है, त्रिलोक में उसके समान कोई नहीं; पूर्वकाल में गोलोक में तुम्हें देखकर उसका मन काम से उद्वेलित हो गया था —

श्लोक 31 (devibhagavatam.9.17.31)

विलम्भितुं न शशाक राधिकायाः प्रभावतः । स च जातिस्मरस्तस्मात्सदामाभूच्च सागरे

vilambhituṁ na śaśāka rādhikāyāḥ prabhāvataḥ | sa ca jātismarastasmātsadāmābhūcca sāgare

— किन्तु राधिका के प्रभाव के कारण वह कुछ कर नहीं सका; और जातिस्मर होकर वही सुदामा सागर से सम्बद्ध होकर उत्पन्न हुआ।

श्लोक 32 (devibhagavatam.9.17.32)

जातिस्मरा त्वमपि सा सर्वं जानासि सुन्दरि । अधुना तस्य पत्नी त्वं सम्भविष्यसि शोभने

jātismarā tvamapi sā sarvaṁ jānāsi sundari | adhunā tasya patnī tvaṁ sambhaviṣyasi śobhane

"तुम भी जातिस्मरा हो और यह सब जानती हो, हे सुन्दरी! अब हे शोभने! तुम पहले उसकी पत्नी बनोगी —

श्लोक 33 (devibhagavatam.9.17.33)

पश्चान्नारायणं शान्तं कान्तमेव वरिष्यसि । शापान्नारायणस्यैव कलया दैवयोगतः

paścānnārāyaṇaṁ śāntaṁ kāntameva variṣyasi | śāpānnārāyaṇasyaiva kalayā daivayogataḥ

— और उसके पश्चात् तुम शान्त, प्रिय नारायण को ही वरण करोगी; नारायण के ही शाप से, उन्हीं की कला के रूप में, दैवयोगवश —

श्लोक 34 (devibhagavatam.9.17.34)

भविष्यसि वृक्षरूपा त्वं पूता विश्वपावनी । प्रधाना सर्वपुष्पेषु विष्णुप्राणाधिका भवेः

bhaviṣyasi vṛkṣarūpā tvaṁ pūtā viśvapāvanī | pradhānā sarvapuṣpeṣu viṣṇuprāṇādhikā bhaveḥ

— तुम वृक्ष-रूपा, पवित्र, विश्व को पावन करने वाली बनोगी; समस्त पुष्पों में प्रधान, विष्णु को प्राणों से भी अधिक प्रिय होगी —

श्लोक 35 (devibhagavatam.9.17.35)

त्वया विना च सर्वेषां पूजा च विफला भवेत् । वृन्दावने वृक्षरूपा नाम्ना वृन्दावनीति च

tvayā vinā ca sarveṣāṁ pūjā ca viphalā bhavet | vṛndāvane vṛkṣarūpā nāmnā vṛndāvanīti ca

— तुम्हारे बिना सबकी पूजा निष्फल हो जाएगी; वृन्दावन में वृक्ष-रूप में तुम वृन्दावनी नाम से जानी जाओगी —

श्लोक 36 (devibhagavatam.9.17.36)

त्वत्पत्रैर्गोपिगोपाश्च पूजयिष्यन्ति माधवम् । वृक्षाधिदेवीरूपेण सार्धं कृष्णेन सन्ततम्

tvatpatrairgopigopāśca pūjayiṣyanti mādhavam | vṛkṣādhidevīrūpeṇa sārdhaṁ kṛṣṇena santatam

— तुम्हारे पत्तों से गोप-गोपियाँ माधव की पूजा करेंगे; वृक्ष की अधिष्ठात्री देवी के रूप में तुम सदा कृष्ण के साथ रहोगी —

श्लोक 37 (devibhagavatam.9.17.37)

विहरिष्यसि गोपेन स्वच्छन्दं मद्वरेण च । इत्येवं वचनं श्रुत्वा सस्मिता हृष्टमानसा

vihariṣyasi gopena svacchandaṁ madvareṇa ca | ityevaṁ vacanaṁ śrutvā sasmitā hṛṣṭamānasā

— और मेरे वरदान से तुम गोप (कृष्ण) के साथ स्वच्छन्द विहार करोगी।" यह वचन सुनकर, मुस्कुराती हुई, हर्षित मन से —

श्लोक 38 (devibhagavatam.9.17.38)

प्रणनाम च ब्रह्माणं तं च किञ्चिदुवाच सा । तुलस्युवाच । यथा मे द्विभुजे कृष्णे वाञ्छा च श्यामसुन्दरे

praṇanāma ca brahmāṇaṁ taṁ ca kiñciduvāca sā | tulasyuvāca | yathā me dvibhuje kṛṣṇe vāñchā ca śyāmasundare

— उसने ब्रह्मा को प्रणाम कर उनसे कुछ कहा। तुलसी ने कहा — "जैसी मेरी चाह द्विभुज श्यामसुन्दर कृष्ण के प्रति है —

श्लोक 39 (devibhagavatam.9.17.39)

सत्यं ब्रवीमि हे तात न तथा च चतुर्भुजे । अतृप्ताहं च गोविन्दे दैवाच्छृङ्गारभङ्गतः

satyaṁ bravīmi he tāta na tathā ca caturbhuje | atṛptāhaṁ ca govinde daivācchṛṅgārabhaṅgataḥ

— सच कहती हूँ, हे तात! चतुर्भुज के प्रति वैसी नहीं है; दैववश हमारा शृंगार भंग हो जाने से मैं गोविन्द के प्रति अतृप्त ही रह गई —

श्लोक 40 (devibhagavatam.9.17.40)

गोविन्दस्यैव वचनात्प्रार्थयामि चतुर्भुजम् । त्वत्प्रसादेन गोविन्दं पुनरेव सुदुर्लभम्

govindasyaiva vacanātprārthayāmi caturbhujam | tvatprasādena govindaṁ punareva sudurlabham

— गोविन्द के ही वचन से मैं चतुर्भुज की प्रार्थना करती हूँ; आपकी कृपा से मुझे वह अत्यंत दुर्लभ गोविन्द पुनः प्राप्त हों —

श्लोक 41 (devibhagavatam.9.17.41)

ध्रुवमेव लभिष्यामि राधाभीतिं प्रमोचय । ब्रह्यदेव उवाच । गृहाण राधिकामन्त्रं ददामि षोडशाक्षरम्

dhruvameva labhiṣyāmi rādhābhītiṁ pramocaya | brahyadeva uvāca | gṛhāṇa rādhikāmantraṁ dadāmi ṣoḍaśākṣaram

— यही निश्चित रूप से प्राप्त हो, और मुझे राधा के भय से मुक्त कीजिए।" ब्रह्मदेव ने कहा — "राधिका-मंत्र ग्रहण करो, मैं तुम्हें षोडशाक्षर मंत्र देता हूँ —

श्लोक 42 (devibhagavatam.9.17.42)

तस्याश्च प्राणतुल्या त्वं मद्वरेण भविष्यसि । शृङ्गारं युवयोर्गोप्यं न ज्ञास्यति च राधिका

tasyāśca prāṇatulyā tvaṁ madvareṇa bhaviṣyasi | śṛṅgāraṁ yuvayorgopyaṁ na jñāsyati ca rādhikā

— मेरे वरदान से तुम उनके (राधा के) प्राणों के समान हो जाओगी; तुम दोनों का शृंगार गुप्त रहेगा, राधिका को इसका पता नहीं चलेगा —

श्लोक 43 (devibhagavatam.9.17.43)

राधासमा त्वं सुभगे गोविन्दस्य भविष्यसि । इत्येवमुक्त्वा दत्त्वा च देव्या वै षोडशाक्षरम्

rādhāsamā tvaṁ subhage govindasya bhaviṣyasi | ityevamuktvā dattvā ca devyā vai ṣoḍaśākṣaram

— हे सुभगे! तुम गोविन्द के लिए राधा के समान हो जाओगी।" ऐसा कहकर, उस देवी को षोडशाक्षर मंत्र प्रदान कर —

श्लोक 44 (devibhagavatam.9.17.44)

मन्त्रं चैव जगद्धाता स्तोत्रं च कवचं परम् । सर्वं पूजाविधानं च पुरश्चर्याविधिक्रमम्

mantraṁ caiva jagaddhātā stotraṁ ca kavacaṁ param | sarvaṁ pūjāvidhānaṁ ca puraścaryāvidhikramam

— जगद्धाता ब्रह्मा ने मंत्र, स्तोत्र, परम कवच, सम्पूर्ण पूजा-विधान और पुरश्चरण-विधि का क्रम भी प्रदान किया —

श्लोक 45 (devibhagavatam.9.17.45)

परां शुभाशिषं चैव पूजां चैव चकार सा । बभूव सिद्धा सा देवी तत्प्रसादाद्रमा यथा

parāṁ śubhāśiṣaṁ caiva pūjāṁ caiva cakāra sā | babhūva siddhā sā devī tatprasādādramā yathā

— तथा एक परम शुभ आशीर्वाद भी दिया; उसने पूजा सम्पन्न की, और उनकी कृपा से वह देवी रमा के समान सिद्ध हो गईं।

श्लोक 46 (devibhagavatam.9.17.46)

सिद्धं मन्त्रेण तुलसी वरं प्राप यथोदितम् । बुभुजे च महाभोगं यद्विश्वेषु च दुर्लभम्

siddhaṁ mantreṇa tulasī varaṁ prāpa yathoditam | bubhuje ca mahābhogaṁ yadviśveṣu ca durlabham

सिद्ध मंत्र के प्रभाव से तुलसी ने ठीक वैसा ही वर प्राप्त किया जैसा कहा गया था; और उन्होंने वह महान् भोग प्राप्त किया, जो सम्पूर्ण विश्व में दुर्लभ है।

श्लोक 47 (devibhagavatam.9.17.47)

प्रसन्नमनसा देवी तत्याज तपसः क्लमम् । सिद्धे फले नराणां च दुःखं च सुखमुत्तमम्

prasannamanasā devī tatyāja tapasaḥ klamam | siddhe phale narāṇāṁ ca duḥkhaṁ ca sukhamuttamam

प्रसन्नचित्त होकर उस देवी ने तप के क्लेश को त्याग दिया; क्योंकि फल की सिद्धि होने पर मनुष्यों का दुःख भी परम सुख बन जाता है।

श्लोक 48 (devibhagavatam.9.17.48)

भुक्त्या पीत्वा च सन्तुष्टा शयनं च चकार सा । तल्पे मनोरमे तत्र पुष्पचन्दनचर्चिते

bhuktyā pītvā ca santuṣṭā śayanaṁ ca cakāra sā | talpe manorame tatra puṣpacandanacarcite

भोजन और पान कर, संतुष्ट होकर, वह वहाँ पुष्प और चन्दन से सुवासित मनोरम शय्या पर विश्राम करने लगीं।