तुलसी-पूजा-विधि

श्लोक 1 (devibhagavatam.9.25.1)

नारद उवाच । तुलसी च यदा पूज्या कृता नारायणप्रिया । अस्याः पूजाविधानं च स्तोत्रं च वद साम्प्रतम्

nārada uvāca | tulasī ca yadā pūjyā kṛtā nārāyaṇapriyā | asyāḥ pūjāvidhānaṁ ca stotraṁ ca vada sāmpratam

नारद ने कहा — जब नारायण की प्रिया तुलसी पूज्य बनाई गई हैं, तो अब आप मुझे उनकी पूजा-विधि तथा स्तोत्र बताइए।

श्लोक 2 (devibhagavatam.9.25.2)

केन पूजा कृता केन स्तुता प्रथमतो मुने । तत्र पूज्या सा बभूव केन वा वद मामहो

kena pūjā kṛtā kena stutā prathamato mune | tatra pūjyā sā babhūva kena vā vada māmaho

हे मुने! उनकी पूजा सबसे पहले किसने की, स्तुति किसने की? और वे पूज्य किसके द्वारा बनीं — यह मुझे बताइए, हे अद्भुत!

श्लोक 3 (devibhagavatam.9.25.3)

सूत उवाच । नारदस्य वचः श्रुत्वा प्रहस्य मुनिपुङ्गवः । कथां कथितुमारेभे पुण्यां पापहरां पराम्

sūta uvāca | nāradasya vacaḥ śrutvā prahasya munipuṅgavaḥ | kathāṁ kathitumārebhe puṇyāṁ pāpaharāṁ parām

सूत ने कहा — नारद के वचन सुनकर मुनिपुंगव हँस पड़े, और उस पुण्यमयी, परम पापहारिणी कथा को कहना आरंभ किया।

श्लोक 4 (devibhagavatam.9.25.4)

श्रीनारायण उवाच । हरिः सम्पूज्य तुलसीं रेमे च रमया सह । रमासमानसौभाग्यां चकार गौरवेण च

śrīnārāyaṇa uvāca | hariḥ sampūjya tulasīṁ reme ca ramayā saha | ramāsamānasaubhāgyāṁ cakāra gauraveṇa ca

श्री नारायण ने कहा — हरि ने तुलसी की पूजा कर रमा के साथ रमण किया; और गौरवपूर्वक उन्होंने तुलसी को रमा के समान सौभाग्यशालिनी बना दिया।

श्लोक 5 (devibhagavatam.9.25.5)

सेहे च लक्ष्मीर्गङ्गा च तस्याश्च नवसङ्गमम् । सौभाग्यगौरवं कोपात्ते न सेहे सरस्वती

sehe ca lakṣmīrgaṅgā ca tasyāśca navasaṅgamam | saubhāgyagauravaṁ kopātte na sehe sarasvatī

लक्ष्मी और गंगा ने उनके नए संगम को सह लिया; किन्तु सरस्वती क्रोधवश उनके इस सौभाग्य-गौरव को सहन न कर सकीं।

श्लोक 6 (devibhagavatam.9.25.6)

सा तां जघान कलहे मानिनी हरिसन्निधौ । व्रीडया चापमानेन सान्तर्धानं चकार ह

sā tāṁ jaghāna kalahe māninī harisannidhau | vrīḍayā cāpamānena sāntardhānaṁ cakāra ha

उन मानिनी सरस्वती ने हरि के समक्ष ही कलह में तुलसी को आघात पहुँचाया; और लज्जा तथा अपमान के कारण तुलसी अन्तर्धान हो गईं।

श्लोक 7 (devibhagavatam.9.25.7)

सर्वसिद्धेश्वरी देवी ज्ञानिनां सिद्धियोगिनी । जगामादर्शनं कोपात्सर्वत्र च हरेरहो

sarvasiddheśvarī devī jñānināṁ siddhiyoginī | jagāmādarśanaṁ kopātsarvatra ca hareraho

वह सर्वसिद्धेश्वरी देवी, ज्ञानियों की सिद्धियोगिनी, क्रोधवश हरि से सर्वत्र ओझल हो गईं, हाय!

श्लोक 8 (devibhagavatam.9.25.8)

हरिर्न दृष्ट्वा तुलसीं बोधयित्वा सरस्वतीम् । तदनुज्ञां गहीत्वा च जगाम तुलसीवनम्

harirna dṛṣṭvā tulasīṁ bodhayitvā sarasvatīm | tadanujñāṁ gahītvā ca jagāma tulasīvanam

तुलसी को न देखकर, हरि ने सरस्वती को समझाया, और उनकी अनुमति लेकर तुलसी-वन को गए।

श्लोक 9 (devibhagavatam.9.25.9)

तत्र गत्वा च सुस्नातो हरिः स तुलसीं सतीम् । पूजयामास तां ध्यात्वा स्तोत्रं भक्त्या चकार ह

tatra gatvā ca susnāto hariḥ sa tulasīṁ satīm | pūjayāmāsa tāṁ dhyātvā stotraṁ bhaktyā cakāra ha

वहाँ जाकर, भली-भाँति स्नान कर, हरि ने उस सती तुलसी का ध्यान कर उनकी पूजा की, और भक्तिपूर्वक उनकी स्तुति की।

श्लोक 10 (devibhagavatam.9.25.10)

लक्ष्मीमायाकामवाणीबीजपूर्वं दशाक्षरम् । वृन्दावनीति ङेऽन्तं च वह्निजायान्तमेव च

lakṣmīmāyākāmavāṇībījapūrvaṁ daśākṣaram | vṛndāvanīti ṅe'ntaṁ ca vahnijāyāntameva ca

लक्ष्मी, माया, काम और वाणी के बीजाक्षरों से पूर्वित दस अक्षरों वाला मंत्र, "वृन्दावनी" शब्द के साथ "ङे" अंत से युक्त, तथा अग्नि-जाया (स्वाहा) के बीजाक्षर से समाप्त होने वाला —

श्लोक 11 (devibhagavatam.9.25.11)

अनेन कल्पतरुणा मन्त्रराजेन नारद । पूजयेद्यो विधानेन सर्वसिद्धिं लभेद् ध्रुवम्

anena kalpataruṇā mantrarājena nārada | pūjayedyo vidhānena sarvasiddhiṁ labhed dhruvam

— इस कल्पतरु-सम मंत्रराज से, हे नारद! जो भी विधिपूर्वक पूजा करता है, वह निश्चय ही सर्वसिद्धि प्राप्त करता है।

श्लोक 12 (devibhagavatam.9.25.12)

घृतदीपेन धूपेन सिन्दूरचन्दनेन च । नैवेद्येन च पुष्पेण चोपचारेण नारद

ghṛtadīpena dhūpena sindūracandanena ca | naivedyena ca puṣpeṇa copacāreṇa nārada

— घृत-दीप से, धूप से, सिन्दूर और चन्दन से, नैवेद्य और पुष्प से, तथा उपचारों से, हे नारद! —

श्लोक 13 (devibhagavatam.9.25.13)

हरिस्तोत्रेण तुष्टा सा चाविर्भूता महीरुहात् । प्रसन्ना चरणाम्भोजे जगाम शरणं शुभा

haristotreṇa tuṣṭā sā cāvirbhūtā mahīruhāt | prasannā caraṇāmbhoje jagāma śaraṇaṁ śubhā

हरि की स्तुति से प्रसन्न होकर वे उस वृक्ष से प्रकट हुईं; और वह शुभा देवी प्रसन्न होकर उनके चरणकमलों की शरण में आ गईं।

श्लोक 14 (devibhagavatam.9.25.14)

वरं तस्यै ददौ विष्णुः सर्वपूज्या भवेरिति । अहं त्वां धारयिष्यामि सुरूपां मूर्ध्नि वक्षसि

varaṁ tasyai dadau viṣṇuḥ sarvapūjyā bhaveriti | ahaṁ tvāṁ dhārayiṣyāmi surūpāṁ mūrdhni vakṣasi

विष्णु ने उन्हें वर दिया — "तुम सबके द्वारा पूज्य बनो"; और "हे सुरूपा! मैं स्वयं तुम्हें अपने मस्तक और वक्षस्थल पर धारण करूँगा।"

श्लोक 15 (devibhagavatam.9.25.15)

सर्वे त्वां धारयिष्यन्ति स्वमूर्ध्नि च सुरादयः । इत्युक्त्वा तां गृहीत्वा च प्रययौ स्वालयं विभुः

sarve tvāṁ dhārayiṣyanti svamūrdhni ca surādayaḥ | ityuktvā tāṁ gṛhītvā ca prayayau svālayaṁ vibhuḥ

"समस्त देवगण आदि तुम्हें अपने-अपने मस्तक पर धारण करेंगे।" ऐसा कहकर, उन्हें साथ लेकर विभु अपने धाम को चले गए।

श्लोक 16 (devibhagavatam.9.25.16)

नारद उवाच । किं ध्यानं स्तवनं किं वा किं वा पूजाविधानकम् । तुलस्याश्च महाभाग तन्मे व्याख्यातुमर्हसि

nārada uvāca | kiṁ dhyānaṁ stavanaṁ kiṁ vā kiṁ vā pūjāvidhānakam | tulasyāśca mahābhāga tanme vyākhyātumarhasi

नारद ने कहा — हे महाभाग! तुलसी का ध्यान क्या है, स्तवन क्या है, और पूजा-विधान क्या है? यह मुझे बताइए।

श्लोक 17 (devibhagavatam.9.25.17)

श्रीनारायण उवाच । अन्तर्हितायां तस्यां च हरिर्वृन्दावने तदा । तस्याश्चक्रे स्तुतिं गत्वा तुलसीं विरहातुरः

śrīnārāyaṇa uvāca | antarhitāyāṁ tasyāṁ ca harirvṛndāvane tadā | tasyāścakre stutiṁ gatvā tulasīṁ virahāturaḥ

श्री नारायण ने कहा — जब वे अन्तर्धान हो गईं, तब वृन्दावन में हरि ने, विरह से व्याकुल होकर, तुलसी के पास जाकर उनकी स्तुति की।

श्लोक 18 (devibhagavatam.9.25.18)

श्रीभगवानुवाच । वृन्दरूपाश्च वृक्षाश्च यदैकत्र भवन्ति च । विदुर्बुधास्तेन वृन्दां मत्प्रियां तां भजाम्यहम्

śrībhagavānuvāca | vṛndarūpāśca vṛkṣāśca yadaikatra bhavanti ca | vidurbudhāstena vṛndāṁ matpriyāṁ tāṁ bhajāmyaham

श्रीभगवान् ने कहा — "जब वृन्द (समूह) रूप में वृक्ष एक साथ एकत्र होते हैं, तो विद्वज्जन इसी कारण उन्हें वृन्दा जानते हैं; मैं अपनी उन प्रिया की उपासना करता हूँ।

श्लोक 19 (devibhagavatam.9.25.19)

पुरा बभूव या देवी त्वादौ वृन्दावने वने । तेन वृन्दावनी ख्याता सौभाग्या तां भजाम्यहम्

purā babhūva yā devī tvādau vṛndāvane vane | tena vṛndāvanī khyātā saubhāgyā tāṁ bhajāmyaham

"पूर्वकाल में जो देवी सबसे पहले वृन्दावन वन में प्रकट हुईं, उसी कारण वे वृन्दावनी नाम से विख्यात हैं; मैं उन सौभाग्यशालिनी की उपासना करता हूँ।

श्लोक 20 (devibhagavatam.9.25.20)

असङ्ख्येषु च विश्वेषु पूजिता या निरन्तरम् । तेन विश्वपूजिताऽऽख्यां पूजितां च भजाम्यहम्

asaṅkhyeṣu ca viśveṣu pūjitā yā nirantaram | tena viśvapūjitā''khyāṁ pūjitāṁ ca bhajāmyaham

"जो असंख्य विश्वों में निरंतर पूजित हैं, उसी कारण वे विश्वपूजिता नाम धारण करती हैं; मैं उन पूजित देवी की उपासना करता हूँ।

श्लोक 21 (devibhagavatam.9.25.21)

असङ्ख्यानि च विश्वानि पवित्राणि त्वया सदा । तां विश्वपावनीं देवीं विरहेण स्मराम्यहम्

asaṅkhyāni ca viśvāni pavitrāṇi tvayā sadā | tāṁ viśvapāvanīṁ devīṁ viraheṇa smarāmyaham

"तुमसे असंख्य विश्व सदा पवित्र होते हैं; इस विरह में मैं उन विश्वपावनी देवी का स्मरण करता हूँ।

श्लोक 22 (devibhagavatam.9.25.22)

देवा न तुष्टाः पुष्पाणां समूहेन यया विना । तां पुष्पसारां शुद्धां च द्रष्टुमिच्छामि शोकतः

devā na tuṣṭāḥ puṣpāṇāṁ samūhena yayā vinā | tāṁ puṣpasārāṁ śuddhāṁ ca draṣṭumicchāmi śokataḥ

"जिसके बिना देवता पुष्पों के समूह से भी संतुष्ट नहीं होते, उन शुद्ध पुष्पसारा को मैं शोकवश देखने की इच्छा करता हूँ।

श्लोक 23 (devibhagavatam.9.25.23)

विश्वे यत्प्राप्तिमात्रेण भक्तानन्दो भवेद् ध्रुवम् । नन्दिनी तेन विख्याता सा प्रीता भवतादिह

viśve yatprāptimātreṇa bhaktānando bhaved dhruvam | nandinī tena vikhyātā sā prītā bhavatādiha

"जिसकी प्राप्ति मात्र से इस विश्व में भक्त का आनन्द निश्चय ही उत्पन्न होता है, उसी कारण वे नन्दिनी नाम से विख्यात हैं; वे यहाँ प्रसन्न हों।

श्लोक 24 (devibhagavatam.9.25.24)

यस्या देव्यास्तुला नास्ति विश्वेषु निखिलेषु च । तुलसी तेन विख्याता तां यामि शरणं प्रियाम्

yasyā devyāstulā nāsti viśveṣu nikhileṣu ca | tulasī tena vikhyātā tāṁ yāmi śaraṇaṁ priyām

"जिस देवी की समस्त विश्वों में कोई तुलना नहीं है, उसी कारण वे तुलसी नाम से विख्यात हैं; मैं अपनी उन प्रिया की शरण में जाता हूँ।

श्लोक 25 (devibhagavatam.9.25.25)

कृष्णजीवनरूपा सा शश्वत्प्रियतमा सती । तेन कृष्णजीवनी सा सा मे रक्षतु जीवनम्

kṛṣṇajīvanarūpā sā śaśvatpriyatamā satī | tena kṛṣṇajīvanī sā sā me rakṣatu jīvanam

"वे कृष्ण के जीवनस्वरूपा हैं, सदा अत्यंत प्रिय और सती हैं; इसी कारण वे कृष्णजीवनी हैं; वे मेरे जीवन की रक्षा करें।"

श्लोक 26 (devibhagavatam.9.25.26)

इत्येवं स्तवनं कृत्वा तस्थौ तत्र रमापतिः । ददर्श तुलसीं साक्षात्पादपद्मनतां सतीम्

ityevaṁ stavanaṁ kṛtvā tasthau tatra ramāpatiḥ | dadarśa tulasīṁ sākṣātpādapadmanatāṁ satīm

इस प्रकार स्तवन कर रमापति वहीं ठहरे रहे; और उन्होंने साक्षात् तुलसी को, उस सती को, अपने चरणकमलों में नत देखा।

श्लोक 27 (devibhagavatam.9.25.27)

रुदतीमवमानेन मानिनीं मानपूजिताम् । प्रियां दृष्ट्वा प्रियः शीघ्रं वासयामास वक्षसि

rudatīmavamānena māninīṁ mānapūjitām | priyāṁ dṛṣṭvā priyaḥ śīghraṁ vāsayāmāsa vakṣasi

— अपमान से रोती हुई, मानिनी, फिर भी सम्मानित; अपनी प्रिया को देखकर प्रियतम ने उन्हें शीघ्र ही अपने वक्षस्थल पर बिठाया।

श्लोक 28 (devibhagavatam.9.25.28)

भारत्याज्ञां गहीत्वा च स्वालयं च ययौ हरिः । भारत्या सह तत्प्रीतिं कारयामास सत्वरम्

bhāratyājñāṁ gahītvā ca svālayaṁ ca yayau hariḥ | bhāratyā saha tatprītiṁ kārayāmāsa satvaram

भारती (सरस्वती) की अनुमति लेकर हरि अपने धाम को गए; और उन्होंने शीघ्र ही सरस्वती के साथ तुलसी का प्रीति-मिलन करवाया।

श्लोक 29 (devibhagavatam.9.25.29)

वरं विष्णुर्ददौ तस्यै सर्वपूज्या भवेरिति । शिरोधार्या च सर्वेषां वन्द्या मान्या ममेति च

varaṁ viṣṇurdadau tasyai sarvapūjyā bhaveriti | śirodhāryā ca sarveṣāṁ vandyā mānyā mameti ca

विष्णु ने उन्हें वर दिया — "तुम सबके द्वारा पूज्य बनो, सबके मस्तक पर धारण करने योग्य, वन्दनीय और मेरे द्वारा मान्य बनो।"

श्लोक 30 (devibhagavatam.9.25.30)

विष्णोर्वरेण सा देवी परितुष्टा बभूव च । सरस्वती तामाकृष्य वासयामास सन्निधौ

viṣṇorvareṇa sā devī parituṣṭā babhūva ca | sarasvatī tāmākṛṣya vāsayāmāsa sannidhau

विष्णु के वरदान से वह देवी पूर्ण संतुष्ट हो गईं; और सरस्वती ने उन्हें अपने पास खींचकर बिठा लिया।

श्लोक 31 (devibhagavatam.9.25.31)

लक्ष्मीर्गङ्गा सस्मिता च तां समाकृष्य नारद । गृहं प्रवेशयामास विनयेन सतीं तदा

lakṣmīrgaṅgā sasmitā ca tāṁ samākṛṣya nārada | gṛhaṁ praveśayāmāsa vinayena satīṁ tadā

लक्ष्मी और गंगा भी मुस्कुराते हुए, हे नारद! उन्हें अपने पास खींचकर, विनयपूर्वक उस सती को अपने गृह में प्रविष्ट कराया।

श्लोक 32 (devibhagavatam.9.25.32)

वृन्दा वृन्दावनी विश्वपूजिता विश्वपावनी । पुष्पसारा नन्दनी च तुलसी कृष्णजीवनी

vṛndā vṛndāvanī viśvapūjitā viśvapāvanī | puṣpasārā nandanī ca tulasī kṛṣṇajīvanī

वृन्दा, वृन्दावनी, विश्वपूजिता, विश्वपावनी; पुष्पसारा, नन्दिनी, तुलसी और कृष्णजीवनी —

श्लोक 33 (devibhagavatam.9.25.33)

एतन्नामाष्टकञ्चैव स्तोत्रं नामार्थसंयुतम् । यः पठेत्तां च सम्पूज्य सोऽश्वमेधफलं लभेत्

etannāmāṣṭakañcaiva stotraṁ nāmārthasaṁyutam | yaḥ paṭhettāṁ ca sampūjya so'śvamedhaphalaṁ labhet

— ये आठ नाम ही, अपने-अपने अर्थ सहित, यह स्तोत्र हैं; जो इसका पाठ कर उनकी विधिवत् पूजा करता है, वह अश्वमेध यज्ञ का फल प्राप्त करता है।

श्लोक 34 (devibhagavatam.9.25.34)

कार्तिक्यां पूर्णिमायां च तुलस्या जन्म मङ्गलम् । तत्र तस्याश्च पूजा च विहिता हरिणा पुरा

kārtikyāṁ pūrṇimāyāṁ ca tulasyā janma maṅgalam | tatra tasyāśca pūjā ca vihitā hariṇā purā

कार्तिक पूर्णिमा को तुलसी का मंगलमय जन्म हुआ था; उसी दिन उनकी पूजा हरि द्वारा पूर्वकाल में विहित की गई।

श्लोक 35 (devibhagavatam.9.25.35)

तस्यां यः पूजयेत्तां च भक्त्या वै विश्वपावनीम् । सर्वपापाद्विनिर्मुक्तो विष्णुलोकं स गच्छति

tasyāṁ yaḥ pūjayettāṁ ca bhaktyā vai viśvapāvanīm | sarvapāpādvinirmukto viṣṇulokaṁ sa gacchati

जो उस दिन भक्तिपूर्वक उन विश्वपावनी की पूजा करता है, वह समस्त पापों से मुक्त होकर विष्णुलोक को जाता है।

श्लोक 36 (devibhagavatam.9.25.36)

कार्तिके तुलसीपत्रं यो ददाति च विष्णुवे । गवामयुतदानस्य फलं प्राप्नोति निश्चितम्

kārtike tulasīpatraṁ yo dadāti ca viṣṇuve | gavāmayutadānasya phalaṁ prāpnoti niścitam

जो कार्तिक मास में विष्णु को तुलसीपत्र अर्पित करता है, वह निश्चय ही दस हजार गौओं के दान का फल प्राप्त करता है।

श्लोक 37 (devibhagavatam.9.25.37)

अपुत्रो लभते पुत्रं प्रियाहीनो लभेत्प्रियाम् । बन्धुहीनो लभेद् बन्धून् स्तोत्रश्रवणमात्रतः

aputro labhate putraṁ priyāhīno labhetpriyām | bandhuhīno labhed bandhūn stotraśravaṇamātrataḥ

पुत्रहीन पुत्र पाता है, प्रियाहीन प्रिया पाता है, और बन्धुहीन बन्धु पाता है — केवल इस स्तोत्र के श्रवण-मात्र से।

श्लोक 38 (devibhagavatam.9.25.38)

रोगी प्रमुच्यते रोगाद् बद्धो मुच्येत बन्धनात् । भयान्मुच्येत भीतस्तु पापान्मुच्येत पातकी

rogī pramucyate rogād baddho mucyeta bandhanāt | bhayānmucyeta bhītastu pāpānmucyeta pātakī

रोगी रोग से मुक्त होता है, बन्दी बन्धन से मुक्त होता है, भयभीत भय से मुक्त होता है, और पापी पाप से मुक्त होता है।

श्लोक 39 (devibhagavatam.9.25.39)

इत्येवं कथितं स्तोत्रं ध्यानं पूजाविधिं शृणु । त्वमेव वेदे जानासि कण्वशाखोक्तमेव च

ityevaṁ kathitaṁ stotraṁ dhyānaṁ pūjāvidhiṁ śṛṇu | tvameva vede jānāsi kaṇvaśākhoktameva ca

इस प्रकार स्तोत्र कहा गया; अब ध्यान और पूजा-विधि सुनो। तुम स्वयं वेद में, कण्व-शाखा में कहे गए विधान को भी जानते हो।

श्लोक 40 (devibhagavatam.9.25.40)

तद्वृक्षे पूजयेत्तां च भक्त्या चावाहनं विना । तां ध्यात्वा चोपचारेण ध्यानं पातकनाशनम्

tadvṛkṣe pūjayettāṁ ca bhaktyā cāvāhanaṁ vinā | tāṁ dhyātvā copacāreṇa dhyānaṁ pātakanāśanam

उस वृक्ष में ही भक्तिपूर्वक, बिना आवाहन के, उनकी पूजा करनी चाहिए; उपचारपूर्वक उनका ध्यान करना — यह ध्यान पापनाशक है।

श्लोक 41 (devibhagavatam.9.25.41)

तुलसीं पुष्पसारां च सतीं पूतां मनोहराम् । कृतपापेध्मदाहाय ज्वलदग्निशिखोपमाम्

tulasīṁ puṣpasārāṁ ca satīṁ pūtāṁ manoharām | kṛtapāpedhmadāhāya jvaladagniśikhopamām

[ध्यान करना चाहिए] तुलसी का, जो पुष्पों का सार, सती, पवित्र और मनोहर हैं — जो किए गए पापों की लकड़ी को जलाने के लिए प्रज्वलित अग्निशिखा के समान हैं —

श्लोक 42 (devibhagavatam.9.25.42)

पुष्पेषु तुलना यस्या नास्ति वेदेषु भाषितम् । पवित्ररूपा सर्वासु तुलसी सा च कीर्तिता

puṣpeṣu tulanā yasyā nāsti vedeṣu bhāṣitam | pavitrarūpā sarvāsu tulasī sā ca kīrtitā

— जिसकी तुलना किसी पुष्प से नहीं है, ऐसा वेदों में कहा गया है; सबमें पवित्ररूपा वही तुलसी कही गई हैं।

श्लोक 43 (devibhagavatam.9.25.43)

शिरोधार्या च सर्वेषामीप्सिता विश्वपावनी । जीवन्मुक्तां मुक्तिदां च भजे तां हरिभक्तिदाम्

śirodhāryā ca sarveṣāmīpsitā viśvapāvanī | jīvanmuktāṁ muktidāṁ ca bhaje tāṁ haribhaktidām

— सबके मस्तक पर धारण करने योग्य, सबकी अभिलषित, विश्वपावनी — मैं उन जीवन्मुक्ता, मुक्तिदायिनी, हरिभक्तिदायिनी की उपासना करता हूँ।

श्लोक 44 (devibhagavatam.9.25.44)

इति ध्यात्वा च सम्पूज्य स्तुत्वा च प्रणमेत्सुधीः । उक्तं तुलस्युपाख्यानं किं भूयः श्रोतुमिच्छसि

iti dhyātvā ca sampūjya stutvā ca praṇametsudhīḥ | uktaṁ tulasyupākhyānaṁ kiṁ bhūyaḥ śrotumicchasi

इस प्रकार ध्यान कर, पूजा और स्तुति कर, बुद्धिमान् पुरुष को प्रणाम करना चाहिए। तुलसी का यह उपाख्यान कह दिया गया — अब और क्या सुनना चाहते हो?