यम-सावित्री संवाद, आगे

श्लोक 1 (devibhagavatam.9.28.1)

श्रीनारायण उवाच । यमस्य वचनं श्रुत्वा सावित्री च पतिव्रता । तुष्टाव परया भक्त्या तमुवाच मनस्विनी

śrīnārāyaṇa uvāca | yamasya vacanaṁ śrutvā sāvitrī ca pativratā | tuṣṭāva parayā bhaktyā tamuvāca manasvinī

श्री नारायण ने कहा — यमराज के वचन सुनकर पतिव्रता सावित्री ने परम भक्ति से उनकी स्तुति की और दृढ़चित्त होकर उनसे कहा।

श्लोक 2 (devibhagavatam.9.28.2)

सावित्र्युवाच । किं कर्म तद्भवेत्केन को वा तद्धेतुरेव च । को वा देही च देहः कः को वात्र कर्मकारकः

sāvitryuvāca | kiṁ karma tadbhavetkena ko vā taddhetureva ca | ko vā dehī ca dehaḥ kaḥ ko vātra karmakārakaḥ

सावित्री ने कहा — कर्म क्या है, वह किससे उत्पन्न होता है, और उसका कारण क्या है? देही (जीवात्मा) कौन है, देह क्या है, और यहाँ कर्म का कर्ता कौन है?

श्लोक 3 (devibhagavatam.9.28.3)

किं वा ज्ञानं च बुद्धिः का को वा प्राणः शरीरिणाम् । कानीन्द्रियाणि किं तेषां लक्षणं देवताश्च काः

kiṁ vā jñānaṁ ca buddhiḥ kā ko vā prāṇaḥ śarīriṇām | kānīndriyāṇi kiṁ teṣāṁ lakṣaṇaṁ devatāśca kāḥ

ज्ञान क्या है, बुद्धि क्या है? देहधारियों का प्राण क्या है? इंद्रियाँ कौन-सी हैं, उनका लक्षण क्या है, और उनकी अधिष्ठातृ देवताएँ कौन हैं?

श्लोक 4 (devibhagavatam.9.28.4)

भोक्ता भोजयिता को वा को वा भोगश्च निष्कृतिः । को जीवः परमात्मा कस्तन्मे व्याख्यातुमर्हसि

bhoktā bhojayitā ko vā ko vā bhogaśca niṣkṛtiḥ | ko jīvaḥ paramātmā kastanme vyākhyātumarhasi

भोक्ता कौन है और भोग कराने वाला कौन है? भोग क्या है और उसकी निष्कृति (मुक्ति) क्या है? जीव कौन है और परमात्मा कौन हैं? यह सब मुझे समझाने की कृपा करें।

श्लोक 5 (devibhagavatam.9.28.5)

धर्म उवाच । वेदप्रणिहितो धर्मः कर्म यन्मङ्गलं परम् । अवैदिकं तु यत्कर्म तदेवाशुभमेव च

dharma uvāca | vedapraṇihito dharmaḥ karma yanmaṅgalaṁ param | avaidikaṁ tu yatkarma tadevāśubhameva ca

धर्म ने कहा — वेद द्वारा विहित कर्म ही धर्म है, जो परम मंगलकारी है। किंतु जो कर्म अवैदिक है, वही अशुभ है।

श्लोक 6 (devibhagavatam.9.28.6)

अहैतुकी देवसेवा सङ्कल्परहिता सती । कर्मनिर्मूलरूपा च सा एव परभक्तिदा

ahaitukī devasevā saṅkalparahitā satī | karmanirmūlarūpā ca sā eva parabhaktidā

जो देव-सेवा निष्काम है, संकल्प से रहित है, और कर्म को समूल नष्ट करने वाली है, वही परम भक्ति प्रदान करने वाली है।

श्लोक 7 (devibhagavatam.9.28.7)

को वा कर्मफलं भुङ्क्ते को वा निर्लिप्त एव च । ब्रह्मभक्तो यो नरश्च स च मुक्तः श्रुतः श्रुतौ

ko vā karmaphalaṁ bhuṅkte ko vā nirlipta eva ca | brahmabhakto yo naraśca sa ca muktaḥ śrutaḥ śrutau

कर्मफल का भोग कौन करता है और कौन उससे निर्लिप्त रहता है? जो मनुष्य ब्रह्मभक्त है, वह श्रुति में मुक्त कहा गया है।

श्लोक 8 (devibhagavatam.9.28.8)

जन्ममृत्युजराव्याधिशोकभीतिविवर्जितः । भक्तिश्च द्विविधा साध्वि श्रुत्युक्ता सर्वसम्मता

janmamṛtyujarāvyādhiśokabhītivivarjitaḥ | bhaktiśca dvividhā sādhvi śrutyuktā sarvasammatā

वह जन्म, मृत्यु, जरा, व्याधि, शोक और भय से रहित हो जाता है। हे साध्वी! भक्ति दो प्रकार की है, जो श्रुति में कही गई है और सर्वमान्य है।

श्लोक 9 (devibhagavatam.9.28.9)

निर्वाणपददात्री च हरिरूपप्रदा नृणाम् । हरिरूपस्वरूपां च भक्तिं वाञ्छन्ति वैष्णवाः

nirvāṇapadadātrī ca harirūpapradā nṛṇām | harirūpasvarūpāṁ ca bhaktiṁ vāñchanti vaiṣṇavāḥ

एक भक्ति निर्वाण-पद देने वाली है, और दूसरी मनुष्यों को हरि का रूप प्रदान करने वाली है। वैष्णव उस भक्ति की कामना करते हैं जिसका स्वरूप ही हरि का रूप है।

श्लोक 10 (devibhagavatam.9.28.10)

अन्ये निर्वाणमिच्छन्ति योगिनो ब्रह्मवित्तमाः । कर्मणो बीजरूपश्च सततं तत्फलप्रदः

anye nirvāṇamicchanti yogino brahmavittamāḥ | karmaṇo bījarūpaśca satataṁ tatphalapradaḥ

अन्य योगीजन, जो ब्रह्मवेत्ताओं में श्रेष्ठ हैं, केवल निर्वाण की इच्छा करते हैं। कर्म स्वयं बीज-स्वरूप है और सदा अपने फल को देने वाला है।

श्लोक 11 (devibhagavatam.9.28.11)

कर्मरूपश्च भगवान्परात्मा प्रकृतिः परा । सोऽपि तद्धेतुरूपश्च देहो नश्वर एव च

karmarūpaśca bhagavānparātmā prakṛtiḥ parā | so'pi taddheturūpaśca deho naśvara eva ca

भगवान् परमात्मा और परा प्रकृति स्वयं ही कर्म-रूप हैं; वे ही उसके कारण-स्वरूप भी हैं, जबकि देह सदा नश्वर ही है।

श्लोक 12 (devibhagavatam.9.28.12)

पृथिवी वायुराकाशो जलं तेजस्तथैव च । एतानि सूत्ररूपाणि सृष्टिरूपविधौ सतः

pṛthivī vāyurākāśo jalaṁ tejastathaiva ca | etāni sūtrarūpāṇi sṛṣṭirūpavidhau sataḥ

पृथ्वी, वायु, आकाश, जल और तेज — ये सृष्टि-रचना की विधि में सूत्र-रूप (आधारभूत) तत्त्व हैं।

श्लोक 13 (devibhagavatam.9.28.13)

कर्मकर्ता च देही च आत्मा भोजयिता सदा । भोगो विभवभेदश्च नित्कृतिर्मुक्तिरेव च

karmakartā ca dehī ca ātmā bhojayitā sadā | bhogo vibhavabhedaśca nitkṛtirmuktireva ca

कर्म का कर्ता जीवात्मा है, और आत्मा ही सदा भोग कराने वाला है। भोग वैभव के भेद का परिणाम है, और उसकी अंतिम परिणति मुक्ति ही है।

श्लोक 14 (devibhagavatam.9.28.14)

सदसद्भेदबीजं च ज्ञानं नानाविधं भवेत् । विषयाणां विभागानां भेदि बीजं च कीर्तितम्

sadasadbhedabījaṁ ca jñānaṁ nānāvidhaṁ bhavet | viṣayāṇāṁ vibhāgānāṁ bhedi bījaṁ ca kīrtitam

ज्ञान सत्-असत् के भेद का बीज है और वह अनेक प्रकार का होता है; वह विषयों के विभागों को भेद करने वाला बीज कहा गया है।

श्लोक 15 (devibhagavatam.9.28.15)

बुद्धिर्विवेचना सा च ज्ञानबीजं श्रुतौ श्रुतम् । वायुभेदाश्च प्राणाश्च बलरूपाश्च देहिनाम्

buddhirvivecanā sā ca jñānabījaṁ śrutau śrutam | vāyubhedāśca prāṇāśca balarūpāśca dehinām

वह विवेचना-शक्ति ही बुद्धि है, जिसे श्रुति में ज्ञान का बीज कहा गया है। वायु के विभिन्न भेद ही प्राण हैं, जो देहधारियों के बल-स्वरूप हैं।

श्लोक 16 (devibhagavatam.9.28.16)

इन्द्रियाणां च प्रवरमीश्वरांशमनूहकम् । प्रेरकं कर्मणां चैव दुर्निवार्यं च देहिनाम्

indriyāṇāṁ ca pravaramīśvarāṁśamanūhakam | prerakaṁ karmaṇāṁ caiva durnivāryaṁ ca dehinām

इंद्रियों में श्रेष्ठ मन है, जो ईश्वर का अंश है और चिंतन करने वाला है — वह कर्मों का प्रेरक है और देहधारियों के लिए दुर्निवार्य है।

श्लोक 17 (devibhagavatam.9.28.17)

अनिरूप्यमदृश्यं च ज्ञानभेदो मनः स्मृतम् । लोचनं श्रवणं घ्राणं त्वक्च रसनमिन्द्रियम्

anirūpyamadṛśyaṁ ca jñānabhedo manaḥ smṛtam | locanaṁ śravaṇaṁ ghrāṇaṁ tvakca rasanamindriyam

वह अनिरूप्य और अदृश्य है; मन ज्ञान का एक पृथक् भेद माना गया है। नेत्र, श्रवण, घ्राण, त्वचा और रसना — ये इंद्रियाँ हैं।

श्लोक 18 (devibhagavatam.9.28.18)

अङ्गिनामङ्गरूपं च प्रेरकं सर्वकर्मणाम् । रिपुरूपं मित्ररूपं सुखरूपं च दुःखदम्

aṅgināmaṅgarūpaṁ ca prerakaṁ sarvakarmaṇām | ripurūpaṁ mitrarūpaṁ sukharūpaṁ ca duḥkhadam

मन देहधारियों का एक अंग-स्वरूप है और सभी कर्मों का प्रेरक है; वह शत्रु का रूप, मित्र का रूप, सुख का रूप भी धारण करता है और दुःख भी देता है।

श्लोक 19 (devibhagavatam.9.28.19)

सूर्यो वायुश्च पृथिवी ब्रह्माद्या देवताः स्मृताः । प्राणदेहादिभृद्यो हि स जीवः परिकीर्तितः

sūryo vāyuśca pṛthivī brahmādyā devatāḥ smṛtāḥ | prāṇadehādibhṛdyo hi sa jīvaḥ parikīrtitaḥ

सूर्य, वायु, पृथ्वी और ब्रह्मा आदि देवता (इंद्रियों के अधिष्ठाता) माने गए हैं। जो प्राण, देह आदि को धारण करता है, वही जीव कहा गया है।

श्लोक 20 (devibhagavatam.9.28.20)

परमं व्यापकं ब्रह्म निर्गुणः प्रकृतेः परः । कारणं कारणानां च परमात्मा स उच्यते

paramaṁ vyāpakaṁ brahma nirguṇaḥ prakṛteḥ paraḥ | kāraṇaṁ kāraṇānāṁ ca paramātmā sa ucyate

जो परम, सर्वव्यापी ब्रह्म है, निर्गुण है, प्रकृति से परे है, कारणों का भी कारण है — वही परमात्मा कहलाता है।

श्लोक 21 (devibhagavatam.9.28.21)

इत्येवं कथितं सर्वं त्वया पृष्टं यथागमम् । ज्ञानिनां ज्ञानरूपं च गच्छ वत्से यथासुखम्

ityevaṁ kathitaṁ sarvaṁ tvayā pṛṣṭaṁ yathāgamam | jñānināṁ jñānarūpaṁ ca gaccha vatse yathāsukham

इस प्रकार तुमने जो कुछ पूछा, वह सब शास्त्रानुसार बता दिया गया — यह ज्ञानियों के लिए ज्ञान-स्वरूप है। हे वत्से! अब तुम अपनी इच्छानुसार जाओ।

श्लोक 22 (devibhagavatam.9.28.22)

सावित्र्युवाच । त्यक्त्वा क्व यामि कान्तं वा त्वां वा ज्ञानार्णवं ध्रुवम् । यद्यत्करोमि प्रश्नं च तद्भवान्वक्तुमर्हति

sāvitryuvāca | tyaktvā kva yāmi kāntaṁ vā tvāṁ vā jñānārṇavaṁ dhruvam | yadyatkaromi praśnaṁ ca tadbhavānvaktumarhati

सावित्री ने कहा — मैं किसे छोड़कर जाऊँ — अपने प्रियतम को, या आप ज्ञान के निश्चित सागर को? मैं जो-जो प्रश्न करूँ, आप कृपा करके उसका उत्तर दें।

श्लोक 23 (devibhagavatam.9.28.23)

कां कां योनिं याति जीवः कर्मणा केन वा पुनः । केन वा कर्मणा स्वर्गं केन वा नरकं पितः

kāṁ kāṁ yoniṁ yāti jīvaḥ karmaṇā kena vā punaḥ | kena vā karmaṇā svargaṁ kena vā narakaṁ pitaḥ

हे पिता! जीव किस-किस योनि को प्राप्त होता है और किस कर्म से पुनः जन्म लेता है? किस कर्म से स्वर्ग और किस कर्म से नरक प्राप्त होता है?

श्लोक 24 (devibhagavatam.9.28.24)

केन वा कर्मणा मुक्तिः केन भक्तिर्भवेद् गुरौ । केन वा कर्मणा योगी रोगी वा केन कर्मणा

kena vā karmaṇā muktiḥ kena bhaktirbhaved gurau | kena vā karmaṇā yogī rogī vā kena karmaṇā

किस कर्म से मुक्ति मिलती है और किस कर्म से गुरु में भक्ति होती है? किस कर्म से मनुष्य योगी बनता है और किस कर्म से रोगी?

श्लोक 25 (devibhagavatam.9.28.25)

केन वा दीर्घजीवी च केनाल्पायुश्च कर्मणा । केन वा कर्मणा दुःखी सुखी वा केन कर्मणा

kena vā dīrghajīvī ca kenālpāyuśca karmaṇā | kena vā karmaṇā duḥkhī sukhī vā kena karmaṇā

किस कर्म से दीर्घजीवी और किस कर्म से अल्पायु होता है? किस कर्म से दुःखी और किस कर्म से सुखी होता है?

श्लोक 26 (devibhagavatam.9.28.26)

अङ्गहीनश्च काणश्च बधिरः केन कर्मणा । अन्धो वा पङ्गुरपि वा प्रमत्तः केन कर्मणा

aṅgahīnaśca kāṇaśca badhiraḥ kena karmaṇā | andho vā paṅgurapi vā pramattaḥ kena karmaṇā

किस कर्म से अंगहीन, काना और बहरा होता है? किस कर्म से अंधा, लंगड़ा अथवा उन्मत्त होता है?

श्लोक 27 (devibhagavatam.9.28.27)

क्षिप्तोऽतिलुब्धकश्चौरः केन वा कर्मणा भवेत् । केन सिद्धिमवाप्नोति सालोक्यादिचतुष्टयम्

kṣipto'tilubdhakaścauraḥ kena vā karmaṇā bhavet | kena siddhimavāpnoti sālokyādicatuṣṭayam

किस कर्म से मनुष्य विक्षिप्त, अत्यंत लोभी अथवा चोर बनता है? किस कर्म से सालोक्य आदि चार प्रकार की सिद्धि प्राप्त होती है?

श्लोक 28 (devibhagavatam.9.28.28)

केन वा ब्राह्मणत्वं च तपस्वित्वं च केन वा । स्वर्गभोगादिकं केन वैकुण्ठं केन कर्मणा

kena vā brāhmaṇatvaṁ ca tapasvitvaṁ ca kena vā | svargabhogādikaṁ kena vaikuṇṭhaṁ kena karmaṇā

किस कर्म से ब्राह्मणत्व और किस कर्म से तपस्वित्व प्राप्त होता है? किस कर्म से स्वर्गभोग आदि और किस कर्म से वैकुंठ प्राप्त होता है?

श्लोक 29 (devibhagavatam.9.28.29)

गोलोकं केन वा ब्रह्मन् सर्वोत्कृष्टं निरामयम् । नरको वा कतिविधः किंसङ्ख्यो नाम किं च वा

golokaṁ kena vā brahman sarvotkṛṣṭaṁ nirāmayam | narako vā katividhaḥ kiṁsaṅkhyo nāma kiṁ ca vā

हे ब्रह्मन्! किस कर्म से सबसे उत्कृष्ट, रोगरहित गोलोक प्राप्त होता है? और नरक कितने प्रकार के हैं, उनकी संख्या क्या है, और उनके नाम क्या हैं?

श्लोक 30 (devibhagavatam.9.28.30)

को वा कं नरकं याति कियन्तं तेषु तिष्ठति । पापिनां कर्मणा केन को वा व्याधिः प्रजायते । यद्यत्प्रियं मया पृष्टं तन्मे व्याख्यातुमर्हसि

ko vā kaṁ narakaṁ yāti kiyantaṁ teṣu tiṣṭhati | pāpināṁ karmaṇā kena ko vā vyādhiḥ prajāyate | yadyatpriyaṁ mayā pṛṣṭaṁ tanme vyākhyātumarhasi

कौन किस नरक में जाता है और वहाँ कितने समय तक रहता है? पापियों के किस कर्म से कौन-सा रोग उत्पन्न होता है? मैंने जो-जो प्रिय प्रश्न पूछे हैं, उन सबको मुझे समझाने की कृपा करें।