ब्रह्मा-विष्णु-महेश्वर आदि देवताओं की उत्पत्ति

श्लोक 1 (devibhagavatam.9.3.1)

श्रीनारायण उवाच । अथ डिम्भो जले तिष्ठन्यावद्वै ब्रह्मणो वयः । ततः स काले सहसा द्विधाभूतो बभूव ह

śrīnārāyaṇa uvāca | atha ḍimbho jale tiṣṭhanyāvadvai brahmaṇo vayaḥ | tataḥ sa kāle sahasā dvidhābhūto babhūva ha

श्री नारायण ने कहा — वह शिशु ब्रह्मा की आयु के बराबर काल तक जल में पड़ा रहा; फिर कालक्रम से सहसा वह दो रूपों में विभक्त हो गया।

श्लोक 2 (devibhagavatam.9.3.2)

तन्मध्ये शिशुरेकश्च शतकोटिरविप्रभः । क्षणं रोरूयमाणश्च स्तनान्धः पीडितः क्षुधा

tanmadhye śiśurekaśca śatakoṭiraviprabhaḥ | kṣaṇaṁ rorūyamāṇaśca stanāndhaḥ pīḍitaḥ kṣudhā

उनमें से एक शिशु सौ करोड़ सूर्यों के समान तेजस्वी था; वह क्षुधा से पीड़ित तथा स्तनपान के लिए व्याकुल होकर क्षणभर रोने लगा।

श्लोक 3 (devibhagavatam.9.3.3)

पित्रा मात्रा परित्यक्तो जलमध्ये निराश्रयः । ब्रह्माण्डासङ्ख्यनाथो यो ददर्शोर्ध्वमनाथवत्

pitrā mātrā parityakto jalamadhye nirāśrayaḥ | brahmāṇḍāsaṅkhyanātho yo dadarśordhvamanāthavat

पिता-माता दोनों द्वारा त्यागा गया, जल के मध्य निराश्रय, वह असंख्य ब्रह्माण्डों का स्वामी होते हुए भी अनाथ के समान ऊपर की ओर देखने लगा।

श्लोक 4 (devibhagavatam.9.3.4)

स्थूलास्थूलतमः सोऽपि नाम्ना देवो महाविराट् । परमाणुर्यथा सूक्ष्मात्परः स्थूलात्तथाप्यसौ

sthūlāsthūlatamaḥ so'pi nāmnā devo mahāvirāṭ | paramāṇuryathā sūkṣmātparaḥ sthūlāttathāpyasau

वह देव स्थूल से भी स्थूलतम था, नाम से महाविराट् कहलाया; जैसे परमाणु सूक्ष्म से भी परे सूक्ष्मतम है, वैसे ही वह स्थूल से भी परे स्थूलतम था।

श्लोक 5 (devibhagavatam.9.3.5)

तेजसा षोडशांशोऽयं कृष्णस्य परमात्मनः । आधारः सर्वविश्वानां महाविष्णुश्च प्राकृतः

tejasā ṣoḍaśāṁśo'yaṁ kṛṣṇasya paramātmanaḥ | ādhāraḥ sarvaviśvānāṁ mahāviṣṇuśca prākṛtaḥ

तेज में यह परमात्मा कृष्ण का सोलहवाँ अंश था; वह समस्त विश्वों का आधार तथा प्राकृत महाविष्णु कहलाया।

श्लोक 6 (devibhagavatam.9.3.6)

प्रत्येकं लोमकूपेषु विश्वानि निखिलानि च । अस्यापि तेषां सङ्ख्यां च कृष्णो वक्तुं न हि क्षमः

pratyekaṁ lomakūpeṣu viśvāni nikhilāni ca | asyāpi teṣāṁ saṅkhyāṁ ca kṛṣṇo vaktuṁ na hi kṣamaḥ

उसके प्रत्येक रोम-छिद्र में सम्पूर्ण विश्व स्थित हैं; उनकी संख्या को कहने में स्वयं कृष्ण भी समर्थ नहीं हैं।

श्लोक 7 (devibhagavatam.9.3.7)

सङ्ख्या चेद्रजसामस्ति विश्वानां न कदाचन । ब्रह्मविष्णुशिवादीनां तथा सङ्ख्या न विद्यते

saṅkhyā cedrajasāmasti viśvānāṁ na kadācana | brahmaviṣṇuśivādīnāṁ tathā saṅkhyā na vidyate

धूलिकणों की संख्या कभी हो सकती है, किन्तु विश्वों की संख्या कभी नहीं हो सकती; इसी प्रकार ब्रह्मा-विष्णु-शिव आदि की भी कोई संख्या नहीं है।

श्लोक 8 (devibhagavatam.9.3.8)

प्रतिविश्वेषु सन्त्येवं ब्रह्मविष्णुशिवादयः । पातालाद् ब्रह्मलोकान्तं ब्रह्माण्डं परिकीर्तितम्

prativiśveṣu santyevaṁ brahmaviṣṇuśivādayaḥ | pātālād brahmalokāntaṁ brahmāṇḍaṁ parikīrtitam

प्रत्येक विश्व में इसी प्रकार ब्रह्मा-विष्णु-शिव आदि विद्यमान हैं; पाताल से लेकर ब्रह्मलोक तक को ब्रह्माण्ड कहा गया है।

श्लोक 9 (devibhagavatam.9.3.9)

तत ऊर्ध्वं च वैकुण्ठो ब्रह्माण्डाद् बहिरेव सः । तत ऊर्ध्वं च गोलोकः पञ्चाशत्कोटियोजनः

tata ūrdhvaṁ ca vaikuṇṭho brahmāṇḍād bahireva saḥ | tata ūrdhvaṁ ca golokaḥ pañcāśatkoṭiyojanaḥ

उसके ऊपर वैकुण्ठ है, जो ब्रह्माण्ड के बाहर ही स्थित है; उसके भी ऊपर पचास करोड़ योजन विस्तार वाला गोलोक है।

श्लोक 10 (devibhagavatam.9.3.10)

नित्यः सत्यस्वरूपश्च यथा कृष्णस्तथाप्ययम् । सप्तद्वीपमिता पृध्वी सप्तसागरसंयुता

nityaḥ satyasvarūpaśca yathā kṛṣṇastathāpyayam | saptadvīpamitā pṛdhvī saptasāgarasaṁyutā

वह जैसे कृष्ण नित्य और सत्यस्वरूप हैं, वैसे ही यह भी है; पृथ्वी सात द्वीपों से विभक्त तथा सात सागरों से युक्त है।

श्लोक 11 (devibhagavatam.9.3.11)

ऊनपञ्चाशदुपद्वीपासङ्ख्यशैलवनान्विता । ऊर्ध्वं सप्त स्वर्गलोका ब्रह्यलोकसमन्विताः

ūnapañcāśadupadvīpāsaṅkhyaśailavanānvitā | ūrdhvaṁ sapta svargalokā brahyalokasamanvitāḥ

यह उनचास उपद्वीपों तथा असंख्य पर्वतों-वनों से युक्त है; ऊपर की ओर ब्रह्मलोक सहित सात स्वर्गलोक हैं।

श्लोक 12 (devibhagavatam.9.3.12)

पातालानि च सप्ताधश्चैवं ब्रह्माण्डमेव च । ऊर्ध्वं धराया भूर्लोको भुवर्लोकस्ततः परम्

pātālāni ca saptādhaścaivaṁ brahmāṇḍameva ca | ūrdhvaṁ dharāyā bhūrloko bhuvarlokastataḥ param

नीचे की ओर सात पाताल हैं, इस प्रकार यह सम्पूर्ण ब्रह्माण्ड है; पृथ्वी के ऊपर भूर्लोक है, उससे परे भुवर्लोक है।

श्लोक 13 (devibhagavatam.9.3.13)

ततः परश्च स्वर्लोको जनलोकस्तथा परः । ततः परस्तपोलोकः सत्यलोकस्ततः परः

tataḥ paraśca svarloko janalokastathā paraḥ | tataḥ parastapolokaḥ satyalokastataḥ paraḥ

उससे परे स्वर्लोक है, फिर उससे परे जनलोक है; उससे परे तपोलोक है, फिर उससे परे सत्यलोक है।

श्लोक 14 (devibhagavatam.9.3.14)

ततः परं ब्रह्मलोकस्तप्तकाञ्चनसन्निभः । एवं सर्वं कृत्रिमं च बाह्याभ्यन्तरमेव च

tataḥ paraṁ brahmalokastaptakāñcanasannibhaḥ | evaṁ sarvaṁ kṛtrimaṁ ca bāhyābhyantarameva ca

उससे भी परे ब्रह्मलोक है, जो तपाए हुए स्वर्ण के समान है; इस प्रकार यह सब — बाह्य और आभ्यन्तर दोनों — अनित्य है।

श्लोक 15 (devibhagavatam.9.3.15)

तद्विनाशे विनाशश्च सर्वेषामेव नारद । जलबुद्बुदवत्सर्वं विश्वसङ्घमनित्यकम्

tadvināśe vināśaśca sarveṣāmeva nārada | jalabudbudavatsarvaṁ viśvasaṅghamanityakam

हे नारद! उसके विनाश होने पर सबका ही विनाश हो जाता है; यह सम्पूर्ण विश्व-समूह जल के बुलबुले के समान अनित्य है।

श्लोक 16 (devibhagavatam.9.3.16)

नित्यौ गोलोकवैकुण्ठौ प्रोक्तौ शश्वदकृत्रिमौ । प्रत्येकं लोमकूपेषु ब्रह्माण्डं परिनिश्चितम्

nityau golokavaikuṇṭhau proktau śaśvadakṛtrimau | pratyekaṁ lomakūpeṣu brahmāṇḍaṁ pariniścitam

गोलोक और वैकुण्ठ दोनों नित्य तथा सदा अकृत्रिम कहे गए हैं; उनके प्रत्येक रोम-छिद्र में एक-एक ब्रह्माण्ड निश्चित रूप से स्थित है।

श्लोक 17 (devibhagavatam.9.3.17)

एषां सङ्ख्यां न जानाति कृष्णोऽन्यस्यापि का कथा । प्रत्येकं प्रतिब्रह्माण्डं ब्रह्मविष्णुशिवादयः

eṣāṁ saṅkhyāṁ na jānāti kṛṣṇo'nyasyāpi kā kathā | pratyekaṁ pratibrahmāṇḍaṁ brahmaviṣṇuśivādayaḥ

इनकी संख्या को स्वयं कृष्ण भी नहीं जानते, फिर औरों की तो बात ही क्या; प्रत्येक ब्रह्माण्ड में अलग-अलग ब्रह्मा-विष्णु-शिव आदि हैं।

श्लोक 18 (devibhagavatam.9.3.18)

तिस्रः कोट्यः सुराणां च सङ्ख्या सर्वत्र पुत्रक । दिगीशाश्चैव दिक्पाला नक्षत्राणि ग्रहादयः

tisraḥ koṭyaḥ surāṇāṁ ca saṅkhyā sarvatra putraka | digīśāścaiva dikpālā nakṣatrāṇi grahādayaḥ

हे पुत्र! सर्वत्र देवताओं की संख्या तैंतीस करोड़ है; दिशाओं के स्वामी, दिक्पाल, नक्षत्र तथा ग्रह आदि भी हर जगह हैं।

श्लोक 19 (devibhagavatam.9.3.19)

भुवि वर्णाश्च चत्वारोऽप्यधो नागाश्चराचराः । अथ कालेऽत्र स विराडूर्ध्वं दृष्ट्वा पुनः पुनः

bhuvi varṇāśca catvāro'pyadho nāgāścarācarāḥ | atha kāle'tra sa virāḍūrdhvaṁ dṛṣṭvā punaḥ punaḥ

पृथ्वी पर चारों वर्ण तथा नीचे चराचर नाग हैं; इसी काल में वह विराट् बार-बार ऊपर की ओर देखता रहा।

श्लोक 20 (devibhagavatam.9.3.20)

डिम्भान्तरे च शून्यं च न द्वितीयं च किञ्चन । चिन्तामवाप क्षुद्युक्तो रुरोद च पुनः पुनः

ḍimbhāntare ca śūnyaṁ ca na dvitīyaṁ ca kiñcana | cintāmavāpa kṣudyukto ruroda ca punaḥ punaḥ

शिशु के इर्द-गिर्द केवल शून्य था, कहीं भी दूसरा कोई न था; क्षुधा से युक्त वह चिन्तामग्न हो गया तथा बार-बार रोने लगा।

श्लोक 21 (devibhagavatam.9.3.21)

ज्ञानं प्राप्य तदा दध्यौ कृष्णं परमपूरुषम् । ततो ददर्श तत्रैव ब्रह्मज्योतिः सनातनम्

jñānaṁ prāpya tadā dadhyau kṛṣṇaṁ paramapūruṣam | tato dadarśa tatraiva brahmajyotiḥ sanātanam

तब उसे ज्ञान प्राप्त हुआ और उसने परम पुरुष कृष्ण का ध्यान किया; उसी क्षण उसने वहीं सनातन ब्रह्मज्योति का दर्शन किया।

श्लोक 22 (devibhagavatam.9.3.22)

नवीनजलदश्यामं द्विभुजं पीतवाससम् । सस्मितं मुरलीहस्तं भक्तानुग्रहकातरम्

navīnajaladaśyāmaṁ dvibhujaṁ pītavāsasam | sasmitaṁ muralīhastaṁ bhaktānugrahakātaram

वह नवीन मेघ के समान श्याम, दो भुजाओं वाला, पीताम्बरधारी, मुस्कुराता हुआ, हाथ में मुरली लिए तथा भक्तों पर अनुग्रह करने के लिए उत्सुक था।

श्लोक 23 (devibhagavatam.9.3.23)

जहास बालकस्तुष्टो दृष्ट्वा जनकमीश्वरम् । वरं तदा ददौ तस्मै वरेशः समयोचितम्

jahāsa bālakastuṣṭo dṛṣṭvā janakamīśvaram | varaṁ tadā dadau tasmai vareśaḥ samayocitam

उस बालक को अपने पितारूप ईश्वर को देखकर हर्ष हुआ और वह हँस पड़ा; तब वरदाता ने उसे उस समय के अनुकूल वर दिया।

श्लोक 24 (devibhagavatam.9.3.24)

मत्समो ज्ञानयुक्तश्च क्षुत्पिपासादिवर्जितः । ब्रह्माण्डासङ्ख्यनिलयो भव वत्स लयावधि

matsamo jñānayuktaśca kṣutpipāsādivarjitaḥ | brahmāṇḍāsaṅkhyanilayo bhava vatsa layāvadhi

हे वत्स! तुम मेरे समान ज्ञानयुक्त तथा भूख-प्यास आदि से रहित होकर प्रलयपर्यन्त असंख्य ब्रह्माण्डों के निवासस्थान बनो।

श्लोक 25 (devibhagavatam.9.3.25)

निष्कामो निर्भयश्चैव सर्वेषां वरदो भव । जरामृत्युरोगशोकपीडादिवर्जितो भव

niṣkāmo nirbhayaścaiva sarveṣāṁ varado bhava | jarāmṛtyurogaśokapīḍādivarjito bhava

निष्काम और निर्भय होकर तुम सबको वर देने वाले बनो; जरा, मृत्यु, रोग, शोक तथा पीड़ा आदि से रहित हो जाओ।

श्लोक 26 (devibhagavatam.9.3.26)

इत्युक्त्वा तस्य कर्णे स महामन्त्रं षडक्षरम् । त्रिःकृत्वश्च प्रजजाप वेदाङ्गप्रवरं परम्

ityuktvā tasya karṇe sa mahāmantraṁ ṣaḍakṣaram | triḥkṛtvaśca prajajāpa vedāṅgapravaraṁ param

ऐसा कहकर उसने उसके कान में छह अक्षरों वाला वह महामन्त्र, जो वेदांगों में सर्वश्रेष्ठ है, तीन बार जपा।

श्लोक 27 (devibhagavatam.9.3.27)

प्रणवादिचतुर्थ्यन्तं कृष्ण इत्यक्षरद्वयम् । वह्निजायान्तमिष्टं च सर्वविघ्नहरं परम्

praṇavādicaturthyantaṁ kṛṣṇa ityakṣaradvayam | vahnijāyāntamiṣṭaṁ ca sarvavighnaharaṁ param

प्रणव से आरम्भ होकर चतुर्थी विभक्ति में समाप्त होने वाला, "कृष्ण" इन दो अक्षरों से युक्त, अग्नि की पत्नी पर समाप्त होने वाला वह इष्ट मन्त्र सभी विघ्नों का नाश करने वाला है।

श्लोक 28 (devibhagavatam.9.3.28)

मन्त्रं दत्त्वा तदाहारं कल्पयामास वै विभुः । श्रूयतां तद् ब्रह्मपुत्र निबोध कथयामि ते

mantraṁ dattvā tadāhāraṁ kalpayāmāsa vai vibhuḥ | śrūyatāṁ tad brahmaputra nibodha kathayāmi te

मन्त्र देकर उस विभु ने उसके आहार की व्यवस्था भी कर दी; हे ब्रह्मपुत्र! उसे सुनो, मैं तुम्हें बताता हूँ।

श्लोक 29 (devibhagavatam.9.3.29)

प्रतिविश्वं यन्नैवेद्यं ददाति वैष्णवो जनः । तत्षोडशांशो विषयिणो विष्णोः पज्वदशास्य वै

prativiśvaṁ yannaivedyaṁ dadāti vaiṣṇavo janaḥ | tatṣoḍaśāṁśo viṣayiṇo viṣṇoḥ pajvadaśāsya vai

प्रत्येक विश्व में वैष्णव जन जो नैवेद्य अर्पित करते हैं, उसका सोलहवाँ अंश उस विषयी विष्णु के लिए, तथा शेष पन्द्रह अंश —

श्लोक 30 (devibhagavatam.9.3.30)

निर्गुणस्यात्मनश्चैव परिपूर्णतमस्य च । नैवेद्ये चैव कृष्णस्य न हि किञ्चित्प्रयोजनम्

nirguṇasyātmanaścaiva paripūrṇatamasya ca | naivedye caiva kṛṣṇasya na hi kiñcitprayojanam

निर्गुण, परिपूर्णतम आत्मा कृष्ण को स्वयं नैवेद्य से वस्तुतः कोई प्रयोजन नहीं है।

श्लोक 31 (devibhagavatam.9.3.31)

यद्यद्ददाति नैवेद्यं तस्मै देवाय यो जनः । स च खादति तत्सर्वं लक्ष्मीनाथो विराट् तथा

yadyaddadāti naivedyaṁ tasmai devāya yo janaḥ | sa ca khādati tatsarvaṁ lakṣmīnātho virāṭ tathā

जो-जो नैवेद्य कोई भक्त उस देव को अर्पित करता है, वह सब लक्ष्मीनाथ विष्णु तथा विराट् ही ग्रहण करते हैं।

श्लोक 32 (devibhagavatam.9.3.32)

तं च मन्त्रवरं दत्त्वा तमुवाच पुनर्विभुः । वरमन्यं किमिष्टं ते तन्मे ब्रूहि ददामि च

taṁ ca mantravaraṁ dattvā tamuvāca punarvibhuḥ | varamanyaṁ kimiṣṭaṁ te tanme brūhi dadāmi ca

वह श्रेष्ठ मन्त्र देकर उस विभु ने फिर उससे कहा — तुम्हें और कौन-सा वर अभीष्ट है? वह मुझे बताओ, मैं दूँगा।

श्लोक 33 (devibhagavatam.9.3.33)

कृष्णस्य वचनं श्रुत्वा तमुवाच विराड् विभुः । कृष्णं तं बालकस्तावद्वचनं समयोचितम्

kṛṣṇasya vacanaṁ śrutvā tamuvāca virāḍ vibhuḥ | kṛṣṇaṁ taṁ bālakastāvadvacanaṁ samayocitam

कृष्ण के इस वचन को सुनकर उस विराट् विभु ने, अभी बालक ही होते हुए, कृष्ण से समय के अनुकूल यह वचन कहा।

श्लोक 34 (devibhagavatam.9.3.34)

बालक उवाच । वरो मे त्वत्पदाम्भोजे भक्तिर्भवतु निश्चला । सततं यावदायुर्मे क्षणं वा सुचिरं च वा

bālaka uvāca | varo me tvatpadāmbhoje bhaktirbhavatu niścalā | satataṁ yāvadāyurme kṣaṇaṁ vā suciraṁ ca vā

बालक ने कहा — मुझे यही वर चाहिए कि आपके चरणकमल में मेरी भक्ति सदा अचल रहे, चाहे मेरी आयु क्षणभर की हो या दीर्घकाल की।

श्लोक 35 (devibhagavatam.9.3.35)

त्वद्भक्तियुक्तलोकेऽस्मिञ्जीवन्मुक्तश्च सन्ततम् । त्वद्भक्तिहीनो मूर्खश्च जीवन्नपि मृतो हि सः

tvadbhaktiyuktaloke'smiñjīvanmuktaśca santatam | tvadbhaktihīno mūrkhaśca jīvannapi mṛto hi saḥ

इस लोक में जो आपकी भक्ति से युक्त है, वह सदा जीवन्मुक्त है; किन्तु जो आपकी भक्ति से रहित मूर्ख है, वह जीवित रहते हुए भी मृतक ही है।

श्लोक 36 (devibhagavatam.9.3.36)

किं तज्जपेन तपसा यज्ञेन पूजनेन च । व्रतेन चोपवासेन पुण्येन तीर्थसेवया

kiṁ tajjapena tapasā yajñena pūjanena ca | vratena copavāsena puṇyena tīrthasevayā

उस जप, तप, यज्ञ, पूजन, व्रत, उपवास, पुण्य तथा तीर्थसेवा से भी क्या लाभ —

श्लोक 37 (devibhagavatam.9.3.37)

कृष्णभक्तिविहीनस्य मूर्खस्य जीवनं वृथा । येनात्मना जीवितश्च तमेव न हि मन्यते

kṛṣṇabhaktivihīnasya mūrkhasya jīvanaṁ vṛthā | yenātmanā jīvitaśca tameva na hi manyate

कृष्णभक्ति से रहित मूर्ख का जीवन ही व्यर्थ है, जो उसी आत्मा को नहीं मानता जिसके द्वारा वह जीवित है।

श्लोक 38 (devibhagavatam.9.3.38)

यावदात्मा शरीरेऽस्ति तावत्स शक्तिसंयुतः । पश्चाद्यान्ति गते तस्मिन्स्वतन्त्राः सर्वशक्तयः

yāvadātmā śarīre'sti tāvatsa śaktisaṁyutaḥ | paścādyānti gate tasminsvatantrāḥ sarvaśaktayaḥ

जब तक शरीर में आत्मा है, तभी तक वह शक्ति से युक्त रहता है; उसके चले जाने पर सभी शक्तियाँ स्वतन्त्र होकर चली जाती हैं।

श्लोक 39 (devibhagavatam.9.3.39)

स च त्वं च महाभाग सर्वात्मा प्रकृतेः परः । स्वेच्छामयश्च सर्वाद्यो ब्रह्मज्योतिः सनातनः

sa ca tvaṁ ca mahābhāga sarvātmā prakṛteḥ paraḥ | svecchāmayaśca sarvādyo brahmajyotiḥ sanātanaḥ

हे महाभाग! वे और आप — दोनों ही सर्वात्मा, प्रकृति से परे, स्वेच्छामय, सबके आदि तथा सनातन ब्रह्मज्योति हैं।

श्लोक 40 (devibhagavatam.9.3.40)

इत्युक्त्वा बालकस्तत्र विरराम च नारद । उवाच कृष्णः प्रत्युक्तिं मधुरां श्रुतिसुन्दरीम्

ityuktvā bālakastatra virarāma ca nārada | uvāca kṛṣṇaḥ pratyuktiṁ madhurāṁ śrutisundarīm

हे नारद! ऐसा कहकर वह बालक चुप हो गया; तब कृष्ण ने मधुर तथा सुनने में सुन्दर उत्तर दिया।

श्लोक 41 (devibhagavatam.9.3.41)

श्रीकृष्ण उवाच । सुचिरं सुस्थिरं तिष्ठ यथाहं त्वं तथा भव । ब्रह्मणोऽसङ्ख्यपाते च पातस्ते न भविष्यति

śrīkṛṣṇa uvāca | suciraṁ susthiraṁ tiṣṭha yathāhaṁ tvaṁ tathā bhava | brahmaṇo'saṅkhyapāte ca pātaste na bhaviṣyati

श्रीकृष्ण ने कहा — तुम चिरकाल तक सुस्थिर रहो, जैसा मैं हूँ वैसे ही तुम भी बनो; असंख्य ब्रह्माओं के पतन होने पर भी तुम्हारा पतन नहीं होगा।

श्लोक 42 (devibhagavatam.9.3.42)

अंशेन प्रतिब्रह्माण्डे त्वं च क्षुद्रविराड् भव । त्वन्नाभिपद्माद् ब्रह्मा च विश्वस्रष्टा भविष्यति

aṁśena pratibrahmāṇḍe tvaṁ ca kṣudravirāḍ bhava | tvannābhipadmād brahmā ca viśvasraṣṭā bhaviṣyati

अपने अंश से प्रत्येक ब्रह्माण्ड में तुम क्षुद्रविराट् बनो; तुम्हारे नाभिकमल से विश्व का स्रष्टा ब्रह्मा उत्पन्न होगा।

श्लोक 43 (devibhagavatam.9.3.43)

ललाटे ब्रह्मणश्चैव रुद्राश्चैकादशैव ते । शिवांशेन भविष्यन्ति सृष्टिसंहरणाय वै

lalāṭe brahmaṇaścaiva rudrāścaikādaśaiva te | śivāṁśena bhaviṣyanti sṛṣṭisaṁharaṇāya vai

ब्रह्मा के ललाट से ही ग्यारह रुद्र, शिव के अंश से, सृष्टि के संहार के लिए उत्पन्न होंगे।

श्लोक 44 (devibhagavatam.9.3.44)

कालाग्निरुद्रस्तेष्वेको विश्वसंहारकारकः । पाता विष्णुश्च विषयी रुद्रांशेन भविष्यति

kālāgnirudrasteṣveko viśvasaṁhārakārakaḥ | pātā viṣṇuśca viṣayī rudrāṁśena bhaviṣyati

उनमें से एक कालाग्निरुद्र विश्व का संहार करने वाला होगा; रुद्र के अंश से ही विषयभोक्ता पालक विष्णु भी उत्पन्न होगा।

श्लोक 45 (devibhagavatam.9.3.45)

मद्भक्तियुक्तः सततं भविष्यसि वरेण मे । ध्यानेन कमनीयं मां नित्यं द्रक्ष्यसि निश्चितम्

madbhaktiyuktaḥ satataṁ bhaviṣyasi vareṇa me | dhyānena kamanīyaṁ māṁ nityaṁ drakṣyasi niścitam

मेरे वर से तुम सदा मेरी भक्ति से युक्त रहोगे; ध्यान के द्वारा तुम मुझ मनोहर को निश्चित रूप से नित्य देखते रहोगे।

श्लोक 46 (devibhagavatam.9.3.46)

मातरं कमनीयां च मम वक्षःस्थलस्थिताम् । यामि लोकं तिष्ठ वत्सेत्युक्त्वा सोऽन्तरधीयत

mātaraṁ kamanīyāṁ ca mama vakṣaḥsthalasthitām | yāmi lokaṁ tiṣṭha vatsetyuktvā so'ntaradhīyata

तथा मेरे वक्षःस्थल पर स्थित मनोहर माता को भी देखते रहोगे; मैं अपने लोक जा रहा हूँ, तुम यहीं रहो — ऐसा कहकर वे अन्तर्धान हो गए।

श्लोक 47 (devibhagavatam.9.3.47)

गत्वा स्वलोकं ब्रह्माणं शङ्करं समुवाच ह । स्रष्टारं स्रष्टुमीशं च संहर्तुं चैव तत्क्षणम्

gatvā svalokaṁ brahmāṇaṁ śaṅkaraṁ samuvāca ha | sraṣṭāraṁ sraṣṭumīśaṁ ca saṁhartuṁ caiva tatkṣaṇam

अपने लोक जाकर उन्होंने उसी क्षण ब्रह्मा को सृष्टि रचने का तथा शंकर को उसका संहार करने का ईश्वर बनने के लिए कहा।

श्लोक 48 (devibhagavatam.9.3.48)

श्रीभगवानुवाच । सृष्टिं स्रष्टुं गच्छ वत्स नाभिपद्मोद्भवो भव । महाविराड् लोमकूपे क्षुद्रस्य च विधे शृणु

śrībhagavānuvāca | sṛṣṭiṁ sraṣṭuṁ gaccha vatsa nābhipadmodbhavo bhava | mahāvirāḍ lomakūpe kṣudrasya ca vidhe śṛṇu

श्रीभगवान ने कहा — हे वत्स! सृष्टि रचने जाओ, नाभिकमल से उत्पन्न बनो; हे विधे! सुनो, महाविराट् के रोम-छिद्र में क्षुद्रविराट् है।

श्लोक 49 (devibhagavatam.9.3.49)

गच्छ वत्स महादेव ब्रह्मभालोद्भवो भव । अंशेन च महाभाग स्वयं च सुचिरं तप

gaccha vatsa mahādeva brahmabhālodbhavo bhava | aṁśena ca mahābhāga svayaṁ ca suciraṁ tapa

हे मेरे प्रिय, हे महादेव! जाओ, ब्रह्मा के ललाट से उत्पन्न बनो; हे महाभाग! अपने अंश से तथा स्वयं भी दीर्घकाल तक तप करो।

श्लोक 50 (devibhagavatam.9.3.50)

इत्युक्त्वा जगतां नाथो विरराम विधेः सुत । जगाम ब्रह्मा तं नत्वा शिवश्च शिवदायकः

ityuktvā jagatāṁ nātho virarāma vidheḥ suta | jagāma brahmā taṁ natvā śivaśca śivadāyakaḥ

हे विधिपुत्र! ऐसा कहकर जगत्पति चुप हो गए; उन्हें प्रणाम करके ब्रह्मा तथा कल्याणदायक शिव अपने-अपने कार्य को चले गए।

श्लोक 51 (devibhagavatam.9.3.51)

महाविराड् लोमकूपे ब्रह्माण्डगोलके जले । बभूव च विराट् क्षुद्रो विराडंशेन साम्प्रतम्

mahāvirāḍ lomakūpe brahmāṇḍagolake jale | babhūva ca virāṭ kṣudro virāḍaṁśena sāmpratam

महाविराट् के रोम-छिद्र में स्थित ब्रह्माण्ड-गोलक के जल में विराट् के अंश से क्षुद्रविराट् प्रकट हुआ।

श्लोक 52 (devibhagavatam.9.3.52)

श्यामो युवा पीतवासाः शयानो जलतल्पके । ईषद्धास्यः प्रसन्नास्यो विश्वव्यापी जनार्दनः

śyāmo yuvā pītavāsāḥ śayāno jalatalpake | īṣaddhāsyaḥ prasannāsyo viśvavyāpī janārdanaḥ

वह श्याम, युवा, पीताम्बरधारी, जल-शय्या पर लेटे हुए, मन्द मुस्कान वाले, प्रसन्न मुख वाले तथा विश्वव्यापी जनार्दन थे।

श्लोक 53 (devibhagavatam.9.3.53)

तन्नाभिकमले ब्रह्मा बभूव कमलोद्भवः । सम्भूय पद्मदण्डे च बभ्राम युगलक्षकम्

tannābhikamale brahmā babhūva kamalodbhavaḥ | sambhūya padmadaṇḍe ca babhrāma yugalakṣakam

उनके नाभिकमल में कमल से उत्पन्न ब्रह्मा प्रकट हुए; प्रकट होकर वे कमल-नाल में दो लाख वर्षों तक भ्रमण करते रहे।

श्लोक 54 (devibhagavatam.9.3.54)

नान्तं जगाम दण्डस्य पद्मनालस्य पद्मजः । नाभिजस्य च पद्मस्य चिन्तामाप पिता तव

nāntaṁ jagāma daṇḍasya padmanālasya padmajaḥ | nābhijasya ca padmasya cintāmāpa pitā tava

वह कमलज उस नाभि से उत्पन्न कमल की नाल का अन्त न पा सका और तुम्हारे पिता चिन्तामग्न हो गए।

श्लोक 55 (devibhagavatam.9.3.55)

स्वस्थानं पुनरागम्य दध्यौ कृष्णपदाम्बुजम् । ततो ददर्श क्षुद्रं तं ध्यानेन दिव्यचक्षुषा

svasthānaṁ punarāgamya dadhyau kṛṣṇapadāmbujam | tato dadarśa kṣudraṁ taṁ dhyānena divyacakṣuṣā

फिर अपने स्थान पर लौटकर उन्होंने कृष्ण के चरणकमल का ध्यान किया; तब उन्होंने ध्यान द्वारा दिव्य दृष्टि से उस क्षुद्रविराट् को देखा।

श्लोक 56 (devibhagavatam.9.3.56)

शयानं जलतल्पे च ब्रह्माण्डगोलकाप्लुते । यल्लोमकूपे ब्रह्माण्डं तं च तत्परमीश्वरम्

śayānaṁ jalatalpe ca brahmāṇḍagolakāplute | yallomakūpe brahmāṇḍaṁ taṁ ca tatparamīśvaram

वह जल-शय्या पर लेटा हुआ था, ब्रह्माण्ड-गोलक के जल में डूबा हुआ; जिनके रोम-छिद्र में यह ब्रह्माण्ड है, उन परमेश्वर को भी उन्होंने देखा।

श्लोक 57 (devibhagavatam.9.3.57)

श्रीकृष्णं चापि गोलोकं गोपगोपीसमन्वितम् । तं संस्तूय वरं प्राप ततः सृष्टिं चकार सः

śrīkṛṣṇaṁ cāpi golokaṁ gopagopīsamanvitam | taṁ saṁstūya varaṁ prāpa tataḥ sṛṣṭiṁ cakāra saḥ

और श्रीकृष्ण को भी, गोपों तथा गोपियों सहित गोलोक में देखा; उनकी स्तुति करके उन्होंने वर प्राप्त किया और तत्पश्चात् सृष्टि रचना आरम्भ की।

श्लोक 58 (devibhagavatam.9.3.58)

बभूवुर्ब्रह्मणः पुत्रा मानसाः सनकादयः । ततो रुद्रकलाश्चापि शिवस्यैकादश स्मृताः

babhūvurbrahmaṇaḥ putrā mānasāḥ sanakādayaḥ | tato rudrakalāścāpi śivasyaikādaśa smṛtāḥ

ब्रह्मा के मानस पुत्र सनकादि उत्पन्न हुए; तत्पश्चात् शिव की ग्यारह रुद्र-कलाएँ भी स्मरण की गईं।

श्लोक 59 (devibhagavatam.9.3.59)

बभूव पाता विष्णुश्च क्षुद्रस्य वामपार्श्वतः । चतुर्भुजश्च भगवान् श्वेतद्वीपे स चावसत्

babhūva pātā viṣṇuśca kṣudrasya vāmapārśvataḥ | caturbhujaśca bhagavān śvetadvīpe sa cāvasat

क्षुद्रविराट् के बाएँ पार्श्व से पालनकर्ता विष्णु भी उत्पन्न हुए; वे चतुर्भुज भगवान श्वेतद्वीप में निवास करने लगे।

श्लोक 60 (devibhagavatam.9.3.60)

क्षुद्रस्य नाभिपद्मे च ब्रह्मा विश्वं ससर्ज ह । स्वर्गं मर्त्यं च पातालं त्रिलोकीं सचराचराम्

kṣudrasya nābhipadme ca brahmā viśvaṁ sasarja ha | svargaṁ martyaṁ ca pātālaṁ trilokīṁ sacarācarām

क्षुद्रविराट् के नाभिकमल में स्थित ब्रह्मा ने स्वर्ग, मृत्युलोक तथा पाताल — चराचरयुक्त तीनों लोकों की सृष्टि की।

श्लोक 61 (devibhagavatam.9.3.61)

एवं सर्वं लोमकूपे विश्वं प्रत्येकमेव च । प्रतिविश्वे क्षुद्रविराड् ब्रह्मविष्णुशिवादयः

evaṁ sarvaṁ lomakūpe viśvaṁ pratyekameva ca | prativiśve kṣudravirāḍ brahmaviṣṇuśivādayaḥ

इस प्रकार प्रत्येक रोम-छिद्र में एक-एक सम्पूर्ण विश्व है; और प्रत्येक विश्व में क्षुद्रविराट्, ब्रह्मा, विष्णु, शिव आदि सब हैं।

श्लोक 62 (devibhagavatam.9.3.62)

इत्येवं कथितं ब्रह्मन् कृष्णसङ्कीर्तनं शुभम् । सुखदं मोक्षदं ब्रह्मन्किं भूयः श्रोतुमिच्छसि

ityevaṁ kathitaṁ brahman kṛṣṇasaṅkīrtanaṁ śubham | sukhadaṁ mokṣadaṁ brahmankiṁ bhūyaḥ śrotumicchasi

हे ब्राह्मण! इस प्रकार यह कृष्ण का शुभ, सुखदायक तथा मोक्षदायक संकीर्तन कहा गया; अब और क्या सुनना चाहते हो?