यम द्वारा कर्मविपाक का कथन

श्लोक 1 (devibhagavatam.9.30.1)

सावित्र्युवाच । प्रयान्ति स्वर्गमन्यं च येनैव कर्मणा यम । मानवाः पुण्यवन्तश्च तन्मे व्याख्यातुमर्हसि

sāvitryuvāca | prayānti svargamanyaṁ ca yenaiva karmaṇā yama | mānavāḥ puṇyavantaśca tanme vyākhyātumarhasi

सावित्री ने कहा — हे यम! जिस कर्म से पुण्यवान मनुष्य स्वर्ग और अन्य लोकों को प्राप्त होते हैं, वह मुझे समझाइए।

श्लोक 2 (devibhagavatam.9.30.2)

धर्मराज उवाच । अन्नदानं च विप्राय यः करोति च भारते । अन्नप्रमाणवर्षं च शिवलोके महीयते

dharmarāja uvāca | annadānaṁ ca viprāya yaḥ karoti ca bhārate | annapramāṇavarṣaṁ ca śivaloke mahīyate

धर्मराज ने कहा — जो भारतवर्ष में ब्राह्मण को अन्नदान करता है, वह अन्न के कणों की संख्या के बराबर वर्षों तक शिवलोक में सम्मानित होता है।

श्लोक 3 (devibhagavatam.9.30.3)

अन्नदानं महादानमन्येभ्योऽपि करोति यः । अन्नदानप्रमाणं च शिवलोके महीयते

annadānaṁ mahādānamanyebhyo'pi karoti yaḥ | annadānapramāṇaṁ ca śivaloke mahīyate

जो अन्नदान रूपी महादान अन्य लोगों को भी करता है, वह भी उस अन्नदान के प्रमाण के अनुसार शिवलोक में सम्मानित होता है।

श्लोक 4 (devibhagavatam.9.30.4)

अन्नदानात्परं दानं न भूतं न भविष्यति । नात्र पात्रपरीक्षा स्यान्न कालनियमः क्वचित्

annadānātparaṁ dānaṁ na bhūtaṁ na bhaviṣyati | nātra pātraparīkṣā syānna kālaniyamaḥ kvacit

अन्नदान से बढ़कर कोई दान न हुआ है, न होगा। इसमें न तो पात्र की परीक्षा आवश्यक है और न ही समय का कोई नियम।

श्लोक 5 (devibhagavatam.9.30.5)

देवेभ्यो ब्राह्मणेभ्यो वा ददाति चासनं यदि । महीयते विष्णुलोके वर्षाणामयुतं सति

devebhyo brāhmaṇebhyo vā dadāti cāsanaṁ yadi | mahīyate viṣṇuloke varṣāṇāmayutaṁ sati

यदि कोई देवताओं या ब्राह्मणों को आसन अर्पित करता है, तो वह दस हजार वर्षों तक विष्णुलोक में सम्मानित होता है।

श्लोक 6 (devibhagavatam.9.30.6)

यो ददाति च विप्राय दिव्यां धेनुं पयस्विनीम् । तल्लोममानवर्षं च विष्णुलोके महीयते

yo dadāti ca viprāya divyāṁ dhenuṁ payasvinīm | tallomamānavarṣaṁ ca viṣṇuloke mahīyate

जो ब्राह्मण को दिव्य दुधारू गाय दान करता है, वह उस गाय के रोमों की संख्या के बराबर वर्षों तक विष्णुलोक में सम्मानित होता है।

श्लोक 7 (devibhagavatam.9.30.7)

चतुर्गुणं पुण्यदिने तीर्थे शतगुणं फलम् । दानं नारायणक्षेत्रं फलं कोटिगुणं भवेत्

caturguṇaṁ puṇyadine tīrthe śataguṇaṁ phalam | dānaṁ nārāyaṇakṣetraṁ phalaṁ koṭiguṇaṁ bhavet

पुण्य तिथि पर दान का फल चौगुना होता है, तीर्थ में सौ गुना होता है। नारायण-क्षेत्र में दिया गया दान करोड़ गुना फलदायी होता है।

श्लोक 8 (devibhagavatam.9.30.8)

गां यो ददाति विप्राय भारते भक्तिपूर्वकम् । वर्षाणामयुतं चैव चन्द्रलोके महीयते

gāṁ yo dadāti viprāya bhārate bhaktipūrvakam | varṣāṇāmayutaṁ caiva candraloke mahīyate

जो भारतवर्ष में भक्तिपूर्वक ब्राह्मण को गाय दान करता है, वह दस हजार वर्षों तक चंद्रलोक में सम्मानित होता है।

श्लोक 9 (devibhagavatam.9.30.9)

यश्चोभयमुखीदानं करोति ब्राह्मणाय च । तल्लोममानवर्षं च विष्णुलोके महीयते

yaścobhayamukhīdānaṁ karoti brāhmaṇāya ca | tallomamānavarṣaṁ ca viṣṇuloke mahīyate

जो ब्राह्मण को उभयमुखी गाय (विशेष दान की गाय) दान करता है, वह उसके रोमों के बराबर वर्षों तक विष्णुलोक में सम्मानित होता है।

श्लोक 10 (devibhagavatam.9.30.10)

यो ददाति ब्राह्मणाय श्वेतच्छत्रं मनोहरम् । वर्षाणामयुतं सोऽपि मोदते वरुणालये

yo dadāti brāhmaṇāya śvetacchatraṁ manoharam | varṣāṇāmayutaṁ so'pi modate varuṇālaye

जो ब्राह्मण को मनोहर श्वेत छत्र अर्पित करता है, वह भी दस हजार वर्षों तक वरुणलोक में आनंदित रहता है।

श्लोक 11 (devibhagavatam.9.30.11)

विप्राय पीडिताङ्गाय वस्त्रयुग्मं ददाति च । महीयते वायुलोके वर्षाणामयुतं सति

viprāya pīḍitāṅgāya vastrayugmaṁ dadāti ca | mahīyate vāyuloke varṣāṇāmayutaṁ sati

जो पीड़ित शरीर वाले ब्राह्मण को वस्त्र-युगल दान करता है, वह दस हजार वर्षों तक वायुलोक में सम्मानित होता है।

श्लोक 12 (devibhagavatam.9.30.12)

यो ददाति ब्राह्मणाय शालग्रामं सवस्त्रकम् । महीयते स वैकुण्ठे यावच्चन्द्रदिवाकरौ

yo dadāti brāhmaṇāya śālagrāmaṁ savastrakam | mahīyate sa vaikuṇṭhe yāvaccandradivākarau

जो ब्राह्मण को वस्त्र सहित शालग्राम अर्पित करता है, वह वैकुंठ में तब तक सम्मानित रहता है जब तक सूर्य और चंद्रमा रहते हैं।

श्लोक 13 (devibhagavatam.9.30.13)

यो ददाति ब्राह्मणाय दिव्यां शय्यां मनोहराम् । महीयते चन्द्रलोके यावच्चन्द्रदिवाकरौ

yo dadāti brāhmaṇāya divyāṁ śayyāṁ manoharām | mahīyate candraloke yāvaccandradivākarau

जो ब्राह्मण को दिव्य मनोहर शय्या अर्पित करता है, वह चंद्रलोक में तब तक सम्मानित रहता है जब तक सूर्य और चंद्रमा रहते हैं।

श्लोक 14 (devibhagavatam.9.30.14)

यो ददाति प्रदीपं च देवेभ्यो ब्राह्मणाय च । यावन्मन्वन्तरं सोऽपि वह्निलोके महीयते

yo dadāti pradīpaṁ ca devebhyo brāhmaṇāya ca | yāvanmanvantaraṁ so'pi vahniloke mahīyate

जो देवताओं अथवा ब्राह्मण को दीपक अर्पित करता है, वह एक मन्वंतर तक अग्निलोक में सम्मानित होता है।

श्लोक 15 (devibhagavatam.9.30.15)

करोति गजदानं च यदि विप्राय भारते । यावदिन्द्रो नरस्तावदिन्द्रस्यार्धासने वसेत्

karoti gajadānaṁ ca yadi viprāya bhārate | yāvadindro narastāvadindrasyārdhāsane vaset

यदि भारतवर्ष में कोई ब्राह्मण को हाथी का दान करता है, तो जब तक वह इंद्र रहता है, तब तक वह मनुष्य इंद्र के आधे आसन पर विराजमान रहता है।

श्लोक 16 (devibhagavatam.9.30.16)

भारते योऽश्वदानं च करोति ब्राह्मणाय च । मोदते वारुणे लोके यावदिन्द्राश्चतुर्दश

bhārate yo'śvadānaṁ ca karoti brāhmaṇāya ca | modate vāruṇe loke yāvadindrāścaturdaśa

जो भारतवर्ष में ब्राह्मण को अश्व-दान करता है, वह चौदह इंद्रों के काल तक वरुणलोक में आनंदित रहता है।

श्लोक 17 (devibhagavatam.9.30.17)

प्रकृष्टां शिबिकां यो हि ददाति ब्राह्मणाय च । मोदते वारुणे लोके यावदिन्द्राश्चतुर्दश

prakṛṣṭāṁ śibikāṁ yo hi dadāti brāhmaṇāya ca | modate vāruṇe loke yāvadindrāścaturdaśa

जो ब्राह्मण को उत्तम पालकी अर्पित करता है, वह चौदह इंद्रों के काल तक वरुणलोक में आनंदित रहता है।

श्लोक 18 (devibhagavatam.9.30.18)

प्रकृष्टां वाटिका यो हि ददाति ब्राह्मणाय च । महीयते वायुलोके यावन्मन्वन्तरं सति

prakṛṣṭāṁ vāṭikā yo hi dadāti brāhmaṇāya ca | mahīyate vāyuloke yāvanmanvantaraṁ sati

जो ब्राह्मण को उत्तम बगीचा अर्पित करता है, वह एक मन्वंतर तक वायुलोक में सम्मानित होता है।

श्लोक 19 (devibhagavatam.9.30.19)

यो ददाति च विप्राय व्यजनं श्वेतचामरम् । महीयते वायुलोके वर्षाणामयुतं ध्रुवम्

yo dadāti ca viprāya vyajanaṁ śvetacāmaram | mahīyate vāyuloke varṣāṇāmayutaṁ dhruvam

जो ब्राह्मण को पंखा अथवा श्वेत चामर अर्पित करता है, वह निश्चय ही दस हजार वर्षों तक वायुलोक में सम्मानित होता है।

श्लोक 20 (devibhagavatam.9.30.20)

धान्यं रत्नं यो ददाति चिरञ्जीवी भवेत्सुधीः । दाता ग्रहीता तौ द्वौ च ध्रुवं वैकुण्ठगामिनौ

dhānyaṁ ratnaṁ yo dadāti cirañjīvī bhavetsudhīḥ | dātā grahītā tau dvau ca dhruvaṁ vaikuṇṭhagāminau

जो अन्न या रत्न दान करता है, वह बुद्धिमान और दीर्घजीवी होता है; दाता और ग्रहीता दोनों ही निश्चय ही वैकुंठ को जाते हैं।

श्लोक 21 (devibhagavatam.9.30.21)

सततं श्रीहरेर्नाम भारते यो जपेन्नरः । स एव चिरजीवी च ततो मृत्युः पलायते

satataṁ śrīharernāma bhārate yo japennaraḥ | sa eva cirajīvī ca tato mṛtyuḥ palāyate

जो मनुष्य भारतवर्ष में निरंतर श्रीहरि के नाम का जप करता है, वह ही दीर्घजीवी होता है, और मृत्यु उससे भाग जाती है।

श्लोक 22 (devibhagavatam.9.30.22)

यो नरो भारते वर्षे दोलनं कारयेत्सुधीः । पूर्णिमारजनीशेषे जीवन्मुक्तो भवेन्नरः

yo naro bhārate varṣe dolanaṁ kārayetsudhīḥ | pūrṇimārajanīśeṣe jīvanmukto bhavennaraḥ

भारतवर्ष में जो बुद्धिमान मनुष्य झूला-उत्सव कराता है और पूर्णिमा की रात्रि जागरण करता है, वह जीवन्मुक्त हो जाता है।

श्लोक 23 (devibhagavatam.9.30.23)

इहलोके सुखं भुक्त्वा यात्यन्ते विष्णुमन्दिरम् । निश्चितं निवसेत्तत्र शतमन्वन्तरावधि

ihaloke sukhaṁ bhuktvā yātyante viṣṇumandiram | niścitaṁ nivasettatra śatamanvantarāvadhi

इस लोक में सुख भोगकर वह अंत में विष्णु के धाम को जाता है; वहाँ वह निश्चय ही सौ मन्वंतरों तक निवास करता है।

श्लोक 24 (devibhagavatam.9.30.24)

फलमुत्तरफल्गुन्यां ततोऽपि द्विगुणं भवेत् । कल्पान्तजीवी स भवेदित्याह कमलोद्भवः

phalamuttaraphalgunyāṁ tato'pi dviguṇaṁ bhavet | kalpāntajīvī sa bhavedityāha kamalodbhavaḥ

उत्तरा फाल्गुनी नक्षत्र में किए जाने पर यह फल और भी दुगुना हो जाता है; वह कल्प के अंत तक जीवित रहने वाला बनता है — ऐसा कमलोद्भव ब्रह्मा जी ने कहा है।

श्लोक 25 (devibhagavatam.9.30.25)

तिलदानं ब्राह्मणाय यः करोति च भारते । तिलप्रमाणवर्षं च मोदते शिवमन्दिरे

tiladānaṁ brāhmaṇāya yaḥ karoti ca bhārate | tilapramāṇavarṣaṁ ca modate śivamandire

जो भारतवर्ष में ब्राह्मण को तिल दान करता है, वह तिल के दानों की संख्या के बराबर वर्षों तक शिवलोक में आनंदित रहता है।

श्लोक 26 (devibhagavatam.9.30.26)

ततः सुयोनिं सम्प्राप्य चिरञ्जीवी भवेत्सुखी । ताम्रपात्रस्य दानेन द्विगुणं च फलं लभेत्

tataḥ suyoniṁ samprāpya cirañjīvī bhavetsukhī | tāmrapātrasya dānena dviguṇaṁ ca phalaṁ labhet

तत्पश्चात् उत्तम योनि प्राप्त करके वह दीर्घजीवी और सुखी होता है। ताम्रपात्र के दान से दुगुना फल प्राप्त होता है।

श्लोक 27 (devibhagavatam.9.30.27)

सालङ्कृतां च भोग्यां च सवस्त्रां सुन्दरीं प्रियाम् । यो ददाति ब्राह्मणाय भारते च पतिव्रताम्

sālaṅkṛtāṁ ca bhogyāṁ ca savastrāṁ sundarīṁ priyām | yo dadāti brāhmaṇāya bhārate ca pativratām

जो भारतवर्ष में ब्राह्मण को अलंकृत, वस्त्रयुक्त, सुंदर, प्रिय, पतिव्रता पत्नी अर्पित करता है —

श्लोक 28 (devibhagavatam.9.30.28)

महीयते चन्द्रलोके यावदिन्द्राश्चतुर्दश । तत्र स्वर्वेश्यया सार्धं मोदते च दिवानिशम्

mahīyate candraloke yāvadindrāścaturdaśa | tatra svarveśyayā sārdhaṁ modate ca divāniśam

— वह चौदह इंद्रों के काल तक चंद्रलोक में सम्मानित होता है। वहाँ वह दिव्य अप्सरा के साथ दिन-रात आनंदित रहता है।

श्लोक 29 (devibhagavatam.9.30.29)

ततो गन्धर्वलोके च वर्षाणामयुतं ध्रुवम् । दिवानिशं कौतुकेन चोर्वश्या सह मोदते

tato gandharvaloke ca varṣāṇāmayutaṁ dhruvam | divāniśaṁ kautukena corvaśyā saha modate

तत्पश्चात् गंधर्वलोक में दस हजार वर्षों तक वह उर्वशी के साथ दिन-रात कौतुकपूर्वक आनंदित रहता है।

श्लोक 30 (devibhagavatam.9.30.30)

ततो जन्मसहस्रं च प्राप्नोति सुन्दरीं प्रियाम् । सतीं सौभाग्ययुक्तां च कोमलां प्रियवादिनीम्

tato janmasahasraṁ ca prāpnoti sundarīṁ priyām | satīṁ saubhāgyayuktāṁ ca komalāṁ priyavādinīm

तत्पश्चात् सहस्र जन्मों तक उसे सुंदर, प्रिय, सती, सौभाग्ययुक्त, कोमल और मधुरभाषिणी पत्नी प्राप्त होती है।

श्लोक 31 (devibhagavatam.9.30.31)

प्रददाति फलं चारु ब्राह्मणाय च यो नरः । फलप्रमाणवर्षं च शक्रलोके महीयते

pradadāti phalaṁ cāru brāhmaṇāya ca yo naraḥ | phalapramāṇavarṣaṁ ca śakraloke mahīyate

जो मनुष्य ब्राह्मण को सुंदर फल अर्पित करता है, वह उस फल के प्रमाण के बराबर वर्षों तक इंद्रलोक में सम्मानित होता है।

श्लोक 32 (devibhagavatam.9.30.32)

पुनः सुयोनिं सम्प्राप्य लभते सुतमुत्तमम् । सफलानां च वृक्षाणां सहस्रं च प्रशंसितम्

punaḥ suyoniṁ samprāpya labhate sutamuttamam | saphalānāṁ ca vṛkṣāṇāṁ sahasraṁ ca praśaṁsitam

पुनः उत्तम योनि प्राप्त करके वह उत्तम पुत्र प्राप्त करता है। हजार फलदार वृक्षों का दान अत्यंत प्रशंसनीय कहा गया है।

श्लोक 33 (devibhagavatam.9.30.33)

केवलं फलदानं वा ब्राह्मणाय ददाति च । सुचिरं स्वर्गवासं च कृत्वा याति च भारते

kevalaṁ phaladānaṁ vā brāhmaṇāya dadāti ca | suciraṁ svargavāsaṁ ca kṛtvā yāti ca bhārate

अथवा केवल फल का दान ब्राह्मण को करने से भी वह दीर्घ काल तक स्वर्ग में निवास करके पुनः भारतवर्ष में लौट आता है।

श्लोक 34 (devibhagavatam.9.30.34)

नानाद्रव्यसमायुक्तं नानासस्यसमन्वितम् । ददाति यश्च विप्राय भारते विपुलं गृहम्

nānādravyasamāyuktaṁ nānāsasyasamanvitam | dadāti yaśca viprāya bhārate vipulaṁ gṛham

जो भारतवर्ष में ब्राह्मण को नाना वस्तुओं से युक्त, नाना अन्नों से सम्पन्न विशाल घर अर्पित करता है —

श्लोक 35 (devibhagavatam.9.30.35)

सुरलोके वसेत्सोऽपि यावन्मन्वन्तरं शतम् । ततः सुयोनिं सम्प्राप्य स महाधनवान्भवेत्

suraloke vasetso'pi yāvanmanvantaraṁ śatam | tataḥ suyoniṁ samprāpya sa mahādhanavānbhavet

— वह सौ मन्वंतरों तक देवलोक में निवास करता है। तत्पश्चात् उत्तम योनि प्राप्त करके वह महाधनवान होता है।

श्लोक 36 (devibhagavatam.9.30.36)

यो नरः सस्यसंयुक्तां भूमिं च रुचिरां सति । ददाति भक्त्या विप्राय पुण्यक्षेत्रे च भारते

yo naraḥ sasyasaṁyuktāṁ bhūmiṁ ca rucirāṁ sati | dadāti bhaktyā viprāya puṇyakṣetre ca bhārate

जो मनुष्य भारतवर्ष के पुण्यक्षेत्र में भक्तिपूर्वक ब्राह्मण को सुंदर, फसल से युक्त भूमि दान करता है —

श्लोक 37 (devibhagavatam.9.30.37)

महीयते च वैकुण्ठे मन्वन्तरशतं ध्रुवम् । पुनः सुयोनिं सम्प्राप्य महांश्च भूमिपो भवेत्

mahīyate ca vaikuṇṭhe manvantaraśataṁ dhruvam | punaḥ suyoniṁ samprāpya mahāṁśca bhūmipo bhavet

— वह निश्चय ही सौ मन्वंतरों तक वैकुंठ में सम्मानित होता है। पुनः उत्तम योनि प्राप्त करके वह महान भूपति बनता है।

श्लोक 38 (devibhagavatam.9.30.38)

तं न त्यजति भूमिश्च जन्मनां शतकं परम् । श्रीमांश्च धनवांश्चैव पुत्रवांश्च प्रजेश्वरः

taṁ na tyajati bhūmiśca janmanāṁ śatakaṁ param | śrīmāṁśca dhanavāṁścaiva putravāṁśca prajeśvaraḥ

सौ जन्मों तक पृथ्वी उसका त्याग नहीं करती; वह श्रीमान, धनवान, पुत्रवान और प्रजा का स्वामी होता है।

श्लोक 39 (devibhagavatam.9.30.39)

यो व्रजं च प्रकृष्टं च ग्रामं दद्याद् द्विजाय च । लक्षमन्वन्तरं चैव वैकुण्ठे स महीयते

yo vrajaṁ ca prakṛṣṭaṁ ca grāmaṁ dadyād dvijāya ca | lakṣamanvantaraṁ caiva vaikuṇṭhe sa mahīyate

जो उत्तम व्रज (गोचर-भूमि) या ग्राम द्विज को अर्पित करता है, वह एक लाख मन्वंतरों तक वैकुंठ में सम्मानित होता है।

श्लोक 40 (devibhagavatam.9.30.40)

पुनः सुयोनिं सम्प्राप्य ग्रामलक्षसमन्वितम् । न जहाति च तं पृथ्वी जन्मनां लक्षमेव च

punaḥ suyoniṁ samprāpya grāmalakṣasamanvitam | na jahāti ca taṁ pṛthvī janmanāṁ lakṣameva ca

पुनः उत्तम योनि प्राप्त करके वह लाख ग्रामों का स्वामी बनता है; और पृथ्वी लाख जन्मों तक उसका त्याग नहीं करती।

श्लोक 41 (devibhagavatam.9.30.41)

सुप्रजं च प्रकृष्टं च पक्वसस्यसमन्वितम् । नानापुष्करिणीवृक्षफलवल्लीसमन्वितम्

suprajaṁ ca prakṛṣṭaṁ ca pakvasasyasamanvitam | nānāpuṣkariṇīvṛkṣaphalavallīsamanvitam

सुप्रजायुक्त, उत्तम, पक्व फसलों से युक्त, नाना जलाशयों, वृक्षों, फलों और लताओं से सम्पन्न —

श्लोक 42 (devibhagavatam.9.30.42)

नगरं यश्च विप्राय ददाति भारते भुवि । महीयते स कैलासे दशलक्षेन्द्रकालकम्

nagaraṁ yaśca viprāya dadāti bhārate bhuvi | mahīyate sa kailāse daśalakṣendrakālakam

— जो ऐसा नगर भारतवर्ष में ब्राह्मण को अर्पित करता है, वह दस लाख इंद्रों के काल तक कैलास में सम्मानित होता है।

श्लोक 43 (devibhagavatam.9.30.43)

पुनः सुयोनिं सम्प्राप्य राजेन्द्रो भारते भवेत् । नगराणां च नियुतं स लभेन्नात्र संशयः

punaḥ suyoniṁ samprāpya rājendro bhārate bhavet | nagarāṇāṁ ca niyutaṁ sa labhennātra saṁśayaḥ

पुनः उत्तम योनि प्राप्त करके वह भारतवर्ष में राजेन्द्र बनता है; वह निश्चय ही दस लाख नगरों का स्वामी होता है।

श्लोक 44 (devibhagavatam.9.30.44)

धरा तं न जहात्येव जन्मनामयुतं ध्रुवम् । परमैश्वर्यनियुतो भवेदेव महीतले

dharā taṁ na jahātyeva janmanāmayutaṁ dhruvam | paramaiśvaryaniyuto bhavedeva mahītale

पृथ्वी निश्चय ही दस हजार जन्मों तक उसका त्याग नहीं करती; वह पृथ्वी पर परम ऐश्वर्य से युक्त होता है।

श्लोक 45 (devibhagavatam.9.30.45)

नगराणां च शतकं देशं यो हि द्विजातये । सुप्रकृष्टं मध्यकृष्टं प्रजायुक्तं ददाति च

nagarāṇāṁ ca śatakaṁ deśaṁ yo hi dvijātaye | suprakṛṣṭaṁ madhyakṛṣṭaṁ prajāyuktaṁ dadāti ca

जो द्विज को सौ नगर अथवा एक सम्पूर्ण देश — उत्तम अथवा मध्यम श्रेणी का, प्रजा से युक्त — अर्पित करता है —

श्लोक 46 (devibhagavatam.9.30.46)

वापीतडागसंयुक्तं नानावृक्षसमन्वितम् । महीयते स वैकुण्ठे कोटिमन्वन्तरावधि

vāpītaḍāgasaṁyuktaṁ nānāvṛkṣasamanvitam | mahīyate sa vaikuṇṭhe koṭimanvantarāvadhi

— बावड़ियों और तालाबों से युक्त, नाना वृक्षों से सम्पन्न, वह करोड़ मन्वंतरों तक वैकुंठ में सम्मानित होता है।

श्लोक 47 (devibhagavatam.9.30.47)

पुनः सुयोनिं सम्प्राप्य जम्बुद्वीपपतिर्भवेत् । परमैश्वर्यसंयुक्तो यथा शक्रस्तथा भुवि

punaḥ suyoniṁ samprāpya jambudvīpapatirbhavet | paramaiśvaryasaṁyukto yathā śakrastathā bhuvi

पुनः उत्तम योनि प्राप्त करके वह जम्बूद्वीप का स्वामी बनता है, परम ऐश्वर्य से युक्त, पृथ्वी पर इंद्र के समान।

श्लोक 48 (devibhagavatam.9.30.48)

मही तं न जहात्येव जन्मनां कोटिमेव च । कल्पान्तजीवी स भवेद्राजराजेश्वरो महान्

mahī taṁ na jahātyeva janmanāṁ koṭimeva ca | kalpāntajīvī sa bhavedrājarājeśvaro mahān

पृथ्वी निश्चय ही करोड़ जन्मों तक उसका त्याग नहीं करती; वह कल्प के अंत तक जीवित रहने वाला, राजाओं का महान अधीश्वर बनता है।

श्लोक 49 (devibhagavatam.9.30.49)

स्वाधिकारं समग्रं च यो ददाति द्विजातये । चतुर्गुणं फलं चान्ते भवेत्तस्य न संशयः

svādhikāraṁ samagraṁ ca yo dadāti dvijātaye | caturguṇaṁ phalaṁ cānte bhavettasya na saṁśayaḥ

जो अपना सम्पूर्ण अधिकार द्विज को अर्पित करता है, अंत में निश्चय ही उसका फल चौगुना हो जाता है।

श्लोक 50 (devibhagavatam.9.30.50)

जम्बुद्वीपं यो ददाति ब्राह्मणाय तपस्विने । फलं शतगुणं चान्ते भवेत्तस्य न संशयः

jambudvīpaṁ yo dadāti brāhmaṇāya tapasvine | phalaṁ śataguṇaṁ cānte bhavettasya na saṁśayaḥ

जो सम्पूर्ण जम्बूद्वीप तपस्वी ब्राह्मण को अर्पित करता है, अंत में निश्चय ही उसका फल सौ गुना हो जाता है।

श्लोक 51 (devibhagavatam.9.30.51)

जम्बुद्वीपमहीदातुः सर्वतीर्थानि सेवितुः । सर्वेषां तपसां कर्तुः सर्वेषां वासकारिणः

jambudvīpamahīdātuḥ sarvatīrthāni sevituḥ | sarveṣāṁ tapasāṁ kartuḥ sarveṣāṁ vāsakāriṇaḥ

जम्बूद्वीप की भूमि दान करने वाले, सभी तीर्थों की सेवा करने वाले, सभी तपस्याओं के कर्ता, सभी को आवास देने वाले —

श्लोक 52 (devibhagavatam.9.30.52)

सर्वदानप्रदातुश्च सर्वसिद्धेश्वरस्य च । अस्त्येव पुनरावृत्तिर्न भक्तस्य महेशितुः

sarvadānapradātuśca sarvasiddheśvarasya ca | astyeva punarāvṛttirna bhaktasya maheśituḥ

— सर्वप्रकार के दान देने वाले और समस्त सिद्धियों के स्वामी के लिए भी पुनरावृत्ति (पुनर्जन्म) होती ही है; परन्तु महेश्वरी (आदि शक्ति) के भक्त के लिए नहीं।

श्लोक 53 (devibhagavatam.9.30.53)

असङ्ख्यब्रह्मणां पातं पश्यन्ति भुवनेशितुः । निवसन्ति मणिद्वीपे श्रीदेव्याः परमे पदे

asaṅkhyabrahmaṇāṁ pātaṁ paśyanti bhuvaneśituḥ | nivasanti maṇidvīpe śrīdevyāḥ parame pade

वे भुवनेश्वरी के भक्त असंख्य ब्रह्माओं के पतन को देखते हैं; वे मणिद्वीप में, श्री देवी के परम पद में, निवास करते हैं।

श्लोक 54 (devibhagavatam.9.30.54)

देवीमन्त्रोपासकाश्च विहाय मानवीं तनुम् । विभूतिं दिव्यरूपं च जन्ममृत्युजराहरम्

devīmantropāsakāśca vihāya mānavīṁ tanum | vibhūtiṁ divyarūpaṁ ca janmamṛtyujarāharam

देवी-मंत्र के उपासक मानवी देह को त्यागकर, विभूति और दिव्य रूप प्राप्त करते हैं, जो जन्म, मृत्यु और जरा को हरने वाला है।

श्लोक 55 (devibhagavatam.9.30.55)

लब्ध्वा देव्याश्च सारूप्यं देवीसेवां च कुर्वते । पश्यन्ति ते मणिद्वीपे सखण्डं लोकसङ्क्षयम्

labdhvā devyāśca sārūpyaṁ devīsevāṁ ca kurvate | paśyanti te maṇidvīpe sakhaṇḍaṁ lokasaṅkṣayam

देवी के साथ सारूप्य प्राप्त करके वे देवी की सेवा करते हैं। मणिद्वीप में रहकर वे संपूर्ण लोकों के विनाश को उनके सभी खंडों सहित देखते हैं।

श्लोक 56 (devibhagavatam.9.30.56)

नश्यन्ति देवाः सिद्धाश्च विश्वानि निखिलानि च । देवीभक्ता न नश्यन्ति जन्ममृत्युजराहराः

naśyanti devāḥ siddhāśca viśvāni nikhilāni ca | devībhaktā na naśyanti janmamṛtyujarāharāḥ

देवता, सिद्ध और सम्पूर्ण विश्व नष्ट हो जाते हैं; परन्तु देवी के भक्त नष्ट नहीं होते, क्योंकि उनसे जन्म, मृत्यु और जरा दूर हो चुके हैं।

श्लोक 57 (devibhagavatam.9.30.57)

कार्तिके तुलसीदानं करोति हरये च यः । युगत्रयप्रमाणं च मोदते हरिमन्दिरे

kārtike tulasīdānaṁ karoti haraye ca yaḥ | yugatrayapramāṇaṁ ca modate harimandire

जो कार्तिक मास में हरि को तुलसी का दान करता है, वह त्रियुग के काल तक हरि के धाम में आनंदित रहता है।

श्लोक 58 (devibhagavatam.9.30.58)

पुनः सुयोनिं सम्प्राप्य हरिभक्तिं लभेद् ध्रुवम् । जितेन्द्रियाणां प्रवरः स भवेद्भारते भुवि

punaḥ suyoniṁ samprāpya haribhaktiṁ labhed dhruvam | jitendriyāṇāṁ pravaraḥ sa bhavedbhārate bhuvi

पुनः उत्तम योनि प्राप्त करके वह निश्चय ही हरि-भक्ति प्राप्त करता है; वह भारतवर्ष में जितेन्द्रियों में श्रेष्ठ बनता है।

श्लोक 59 (devibhagavatam.9.30.59)

मध्ये यः स्नाति गङ्गायामरुणोदयकालतः । युगषष्टिसहस्राणि मोदते हरिमन्दिरे

madhye yaḥ snāti gaṅgāyāmaruṇodayakālataḥ | yugaṣaṣṭisahasrāṇi modate harimandire

जो अरुणोदय काल में गंगा के मध्य में स्नान करता है, वह साठ हजार युगों तक हरि के धाम में आनंदित रहता है।

श्लोक 60 (devibhagavatam.9.30.60)

पुनः सुयोनिं सम्प्राप्य विष्णुमन्त्रं लभेद् ध्रुवम् । त्यक्त्वा च मानुषं देहं पुनर्याति हरेः पदम्

punaḥ suyoniṁ samprāpya viṣṇumantraṁ labhed dhruvam | tyaktvā ca mānuṣaṁ dehaṁ punaryāti hareḥ padam

पुनः उत्तम योनि प्राप्त करके वह निश्चय ही विष्णु-मंत्र प्राप्त करता है; और मानवी देह त्यागकर वह पुनः हरि के धाम को जाता है।

श्लोक 61 (devibhagavatam.9.30.61)

नास्ति तत्पुनरावृत्तिर्वैकुण्ठाच्च महीतले । करोति हरिदास्यं च तथा सारूप्यमेव च

nāsti tatpunarāvṛttirvaikuṇṭhācca mahītale | karoti haridāsyaṁ ca tathā sārūpyameva ca

उस वैकुंठ से पृथ्वी पर पुनरागमन नहीं होता; वह हरि की सेवा करता है और उन्हीं के समान रूप को भी प्राप्त करता है।

श्लोक 62 (devibhagavatam.9.30.62)

नित्यस्नायी च गङ्गायां स पूतः सूर्यवद्भुवि । पदे पदेऽश्वमेधस्य लभते निश्चितं फलम्

nityasnāyī ca gaṅgāyāṁ sa pūtaḥ sūryavadbhuvi | pade pade'śvamedhasya labhate niścitaṁ phalam

जो प्रतिदिन गंगा में स्नान करता है, वह पृथ्वी पर सूर्य के समान पवित्र होता है; उसे प्रत्येक कदम पर निश्चय ही अश्वमेध यज्ञ का फल प्राप्त होता है।

श्लोक 63 (devibhagavatam.9.30.63)

तस्यैव पादरजसा सद्यःपूता वसुन्धरा । मोदते स च वैकुण्ठे यावच्चन्द्रदिवाकरौ

tasyaiva pādarajasā sadyaḥpūtā vasundharā | modate sa ca vaikuṇṭhe yāvaccandradivākarau

उसके ही चरण-रज से पृथ्वी तत्क्षण पवित्र हो जाती है। वह तब तक वैकुंठ में आनंदित रहता है जब तक सूर्य और चंद्रमा रहते हैं।

श्लोक 64 (devibhagavatam.9.30.64)

पुनः सुयोनिं सम्प्राप्य हरिभक्तिं लभेद् ध्रुवम् । जीवन्मुक्तोऽतितेजस्वी तपस्विप्रवरो भवेत्

punaḥ suyoniṁ samprāpya haribhaktiṁ labhed dhruvam | jīvanmukto'titejasvī tapasvipravaro bhavet

पुनः उत्तम योनि प्राप्त करके वह निश्चय ही हरि-भक्ति प्राप्त करता है; वह जीवन्मुक्त, अत्यंत तेजस्वी और तपस्वियों में श्रेष्ठ बनता है।

श्लोक 65 (devibhagavatam.9.30.65)

स्वधर्मनिरतः शुद्धो विद्वांश्च स जितेन्द्रियः । मीनकर्कटयोर्मध्ये गाढं तपति भास्करः

svadharmanirataḥ śuddho vidvāṁśca sa jitendriyaḥ | mīnakarkaṭayormadhye gāḍhaṁ tapati bhāskaraḥ

वह अपने धर्म में निरत, शुद्ध, विद्वान और जितेन्द्रिय होता है। मीन और कर्क राशि के मध्य सूर्य अत्यंत प्रचण्ड तपता है।

श्लोक 66 (devibhagavatam.9.30.66)

भारते यो ददात्येव जलमेव सुवासितम् । स मोदते च कैलासे यावदिन्द्राश्चतुर्दश

bhārate yo dadātyeva jalameva suvāsitam | sa modate ca kailāse yāvadindrāścaturdaśa

जो भारतवर्ष में उस प्रचण्ड ग्रीष्म काल में सुगंधित जल दान करता है, वह चौदह इंद्रों के काल तक कैलास में आनंदित रहता है।

श्लोक 67 (devibhagavatam.9.30.67)

पुनः सुयोनिं सम्प्राप्य रूपवांश्च सुखी भवेत् । शिवभक्तश्च तेजस्वी वेदवेदाङ्गपारगः

punaḥ suyoniṁ samprāpya rūpavāṁśca sukhī bhavet | śivabhaktaśca tejasvī vedavedāṅgapāragaḥ

पुनः उत्तम योनि प्राप्त करके वह रूपवान और सुखी होता है, शिव का भक्त, तेजस्वी और वेद-वेदांगों में पारंगत होता है।

श्लोक 68 (devibhagavatam.9.30.68)

वैशाखे सक्तुदानं च यः करोति द्विजातये । सक्तुरेणुप्रमाणाब्दं मोदते शिवमन्दिरे

vaiśākhe saktudānaṁ ca yaḥ karoti dvijātaye | saktureṇupramāṇābdaṁ modate śivamandire

जो वैशाख मास में द्विज को सत्तू का दान करता है, वह सत्तू के कणों के बराबर वर्षों तक शिवलोक में आनंदित रहता है।

श्लोक 69 (devibhagavatam.9.30.69)

करोति भारते यो हि कृष्णजन्माष्टमीव्रतम् । शतजन्मकृतं पापं मुच्यते नात्र संशयः

karoti bhārate yo hi kṛṣṇajanmāṣṭamīvratam | śatajanmakṛtaṁ pāpaṁ mucyate nātra saṁśayaḥ

जो भारतवर्ष में कृष्ण जन्माष्टमी का व्रत करता है, वह सौ जन्मों के संचित पाप से निश्चय ही मुक्त हो जाता है।

श्लोक 70 (devibhagavatam.9.30.70)

वैकुण्ठे मोदते सोऽपि यावदिन्द्राश्चतुर्दश । पुनः सुयोनिं सम्प्राप्य कृष्णे भक्तिंलभेद् ध्रुवम्

vaikuṇṭhe modate so'pi yāvadindrāścaturdaśa | punaḥ suyoniṁ samprāpya kṛṣṇe bhaktiṁlabhed dhruvam

वह भी चौदह इंद्रों के काल तक वैकुंठ में आनंदित रहता है। पुनः उत्तम योनि प्राप्त करके वह निश्चय ही कृष्ण-भक्ति प्राप्त करता है।

श्लोक 71 (devibhagavatam.9.30.71)

इहैव भारते वर्षे शिवरात्रिं करोति यः । मोदते शिवलोके स सप्तमन्वन्तरावधि

ihaiva bhārate varṣe śivarātriṁ karoti yaḥ | modate śivaloke sa saptamanvantarāvadhi

जो इसी भारतवर्ष में शिवरात्रि का व्रत करता है, वह सात मन्वंतरों तक शिवलोक में आनंदित रहता है।

श्लोक 72 (devibhagavatam.9.30.72)

शिवाय शिवरात्रौ च बिल्वपत्रं ददाति यः । पत्रमानयुगं तत्र मोदते शिवमन्दिरे

śivāya śivarātrau ca bilvapatraṁ dadāti yaḥ | patramānayugaṁ tatra modate śivamandire

जो शिवरात्रि को शिव को बिल्वपत्र अर्पित करता है, वह उस पत्र के प्रमाण के दो युगों तक शिवलोक में आनंदित रहता है।

श्लोक 73 (devibhagavatam.9.30.73)

पुनः सुयोनिं सम्प्राप्य शिवभक्तिं लभेद्ध्रुवम् । विद्यावान्पुत्रवाञ्छ्रीमान् प्रजावान्भूमिमान्भवेत्

punaḥ suyoniṁ samprāpya śivabhaktiṁ labheddhruvam | vidyāvānputravāñchrīmān prajāvānbhūmimānbhavet

पुनः उत्तम योनि प्राप्त करके वह निश्चय ही शिव-भक्ति प्राप्त करता है; वह विद्वान, पुत्रवान, श्रीमान, प्रजावान और भूमिवान होता है।

श्लोक 74 (devibhagavatam.9.30.74)

चैत्रमासेऽथवा माघे शङ्करं योऽर्चयेद्व्रती । करोति नर्तनं भक्त्या वेत्रपाणिर्दिवानिशम्

caitramāse'thavā māghe śaṅkaraṁ yo'rcayedvratī | karoti nartanaṁ bhaktyā vetrapāṇirdivāniśam

जो व्रती चैत्र अथवा माघ मास में शंकर की पूजा करता है, और भक्तिपूर्वक हाथ में वेत्र लेकर दिन-रात नृत्य करता है —

श्लोक 75 (devibhagavatam.9.30.75)

मासं वाप्यर्धमासं वा दश सप्त दिनानि च । दिनमानयुगं सोऽपि शिवलोके महीयते

māsaṁ vāpyardhamāsaṁ vā daśa sapta dināni ca | dinamānayugaṁ so'pi śivaloke mahīyate

— एक मास, अथवा आधे मास, अथवा दस या सात दिनों तक ऐसा करने वाला भी उन दिनों की संख्या के दो युगों तक शिवलोक में सम्मानित होता है।

श्लोक 76 (devibhagavatam.9.30.76)

श्रीरामनवमीं यो हि करोति भारते पुमान् । सप्तमन्वन्तरं यावन्मोदते विष्णुमन्दिरे

śrīrāmanavamīṁ yo hi karoti bhārate pumān | saptamanvantaraṁ yāvanmodate viṣṇumandire

जो पुरुष भारतवर्ष में श्रीरामनवमी का व्रत करता है, वह सात मन्वंतरों तक विष्णु के धाम में आनंदित रहता है।

श्लोक 77 (devibhagavatam.9.30.77)

पुनः सुयोनिं सम्प्राप्य रामभक्तिं लभेद्ध्रुवम् । जितेन्द्रियाणां प्रवरो महांश्च धनवान्भवेत्

punaḥ suyoniṁ samprāpya rāmabhaktiṁ labheddhruvam | jitendriyāṇāṁ pravaro mahāṁśca dhanavānbhavet

पुनः उत्तम योनि प्राप्त करके वह निश्चय ही राम-भक्ति प्राप्त करता है; वह जितेन्द्रियों में श्रेष्ठ, महान और धनवान होता है।

श्लोक 78 (devibhagavatam.9.30.78)

शारदीयां महापूजां प्रकृतेर्यः करोति च । महिषैश्छागलैर्मेषैः खड्गैर्भेकादिभिः सति

śāradīyāṁ mahāpūjāṁ prakṛteryaḥ karoti ca | mahiṣaiśchāgalairmeṣaiḥ khaḍgairbhekādibhiḥ sati

जो शारदीय महापूजा प्रकृति (देवी) की करता है — महिष, बकरे, मेष, खड्ग, मेंढक आदि के साथ —

श्लोक 79 (devibhagavatam.9.30.79)

नैवेद्यैरुपहारैश्च धूपदीपादिभिस्तथा । नृत्यगीतादिभिर्वाद्यैर्नानाकौतुकमङ्गलम्

naivedyairupahāraiśca dhūpadīpādibhistathā | nṛtyagītādibhirvādyairnānākautukamaṅgalam

— नैवेद्यों, उपहारों, धूप-दीप आदि के साथ, नृत्य-गीत आदि वाद्यों के साथ, नाना कौतुकपूर्ण मंगल उत्सवों के साथ —

श्लोक 80 (devibhagavatam.9.30.80)

शिवलोके वसेत्सोऽपि सप्तमन्वन्तरावधि । पुनः सुयोनिं सम्प्राप्य नरो बुद्धिं च निर्मलाम्

śivaloke vasetso'pi saptamanvantarāvadhi | punaḥ suyoniṁ samprāpya naro buddhiṁ ca nirmalām

— वह सात मन्वंतरों तक शिवलोक में निवास करता है। पुनः उत्तम योनि प्राप्त करके वह मनुष्य निर्मल बुद्धि,

श्लोक 81 (devibhagavatam.9.30.81)

अतुलां श्रियमाप्नोति पुत्रपौत्रविवर्धनीम् । महाप्रभावयुक्तश्च गजवाजिसमन्वितः

atulāṁ śriyamāpnoti putrapautravivardhanīm | mahāprabhāvayuktaśca gajavājisamanvitaḥ

— अतुल श्री प्राप्त करता है, जो पुत्र-पौत्रों से बढ़ती है; महाप्रभावशाली, हाथी-घोड़ों से सम्पन्न,

श्लोक 82 (devibhagavatam.9.30.82)

राजराजेश्वरः सोऽपि भवेदेव न संशयः । ततः शुक्लाष्टमीं प्राप्य महालक्ष्मीं च योऽर्चयेत्

rājarājeśvaraḥ so'pi bhavedeva na saṁśayaḥ | tataḥ śuklāṣṭamīṁ prāpya mahālakṣmīṁ ca yo'rcayet

— वह निश्चय ही राजाओं का अधीश्वर बनता है। जो शुक्ल अष्टमी को महालक्ष्मी की पूजा करता है —

श्लोक 83 (devibhagavatam.9.30.83)

नित्यं भक्त्या पक्षमेकं पुण्यक्षेत्रे च भारते । दत्त्वा तस्यै प्रकृष्टानि चोपचाराणि षोडश

nityaṁ bhaktyā pakṣamekaṁ puṇyakṣetre ca bhārate | dattvā tasyai prakṛṣṭāni copacārāṇi ṣoḍaśa

— भारतवर्ष के पुण्यक्षेत्र में प्रतिदिन एक पक्ष तक भक्तिपूर्वक उन्हें उत्तम सोलह उपचार अर्पित करके —

श्लोक 84 (devibhagavatam.9.30.84)

गोलोके च वसेत्सोऽपि यावदिन्द्राश्चतुर्दश । पुनः सुयोनिं सम्प्राप्य राजराजेश्वरो भवेत्

goloke ca vasetso'pi yāvadindrāścaturdaśa | punaḥ suyoniṁ samprāpya rājarājeśvaro bhavet

— वह गोलोक में चौदह इंद्रों के काल तक निवास करता है। पुनः उत्तम योनि प्राप्त करके वह राजाओं का अधीश्वर बनता है।

श्लोक 85 (devibhagavatam.9.30.85)

कार्तिकीपूर्णिमायां च कृत्वा तु रासमण्डलम् । गोपानां शतकं कृत्वा गोपीनां शतकं तथा

kārtikīpūrṇimāyāṁ ca kṛtvā tu rāsamaṇḍalam | gopānāṁ śatakaṁ kṛtvā gopīnāṁ śatakaṁ tathā

कार्तिक पूर्णिमा को रासमंडल की रचना करके, सौ गोपों और सौ गोपियों की स्थापना करके —

श्लोक 86 (devibhagavatam.9.30.86)

शिलायां प्रतिमायां च श्रीकृष्णं राधया सह । भारते पूजयेद्भक्त्या चोपचाराणि षोडश

śilāyāṁ pratimāyāṁ ca śrīkṛṣṇaṁ rādhayā saha | bhārate pūjayedbhaktyā copacārāṇi ṣoḍaśa

— और शिला अथवा प्रतिमा में श्रीकृष्ण को राधा के साथ भारतवर्ष में भक्तिपूर्वक सोलह उपचारों से पूजकर —

श्लोक 87 (devibhagavatam.9.30.87)

गोलोके वसते सोऽपि यावद्वै ब्रह्मणो वयः । भारतं पुनरागत्य कृष्णे भक्तिं लभेद्दृढाम्

goloke vasate so'pi yāvadvai brahmaṇo vayaḥ | bhārataṁ punarāgatya kṛṣṇe bhaktiṁ labheddṛḍhām

— वह गोलोक में ब्रह्मा जी की सम्पूर्ण आयु तक निवास करता है। पुनः भारतवर्ष में लौटकर वह कृष्ण में दृढ़ भक्ति प्राप्त करता है।

श्लोक 88 (devibhagavatam.9.30.88)

क्रमेण सुदृढां भक्तिं लब्ध्वा मन्त्रं हरेरहो । देहं त्यक्त्वा च गोलोकं पुनरेव प्रयाति सः

krameṇa sudṛḍhāṁ bhaktiṁ labdhvā mantraṁ hareraho | dehaṁ tyaktvā ca golokaṁ punareva prayāti saḥ

क्रमशः दृढ़ भक्ति और हरि के मंत्र को प्राप्त कर, देह त्यागकर वह पुनः गोलोक को चला जाता है।

श्लोक 89 (devibhagavatam.9.30.89)

ततः कृष्णस्य सारूप्यं पार्षदप्रवरो भवेत् । पुनस्तत्पतनं नास्ति जरामृत्युहरो भवेत्

tataḥ kṛṣṇasya sārūpyaṁ pārṣadapravaro bhavet | punastatpatanaṁ nāsti jarāmṛtyuharo bhavet

वहाँ वह कृष्ण के सारूप्य को प्राप्त कर उनके श्रेष्ठ पार्षद बनता है; वहाँ से उसका पतन नहीं होता, और जरा-मृत्यु उससे दूर हो जाती हैं।

श्लोक 90 (devibhagavatam.9.30.90)

शुक्लां वाप्यथवा कृष्णां करोत्येकादशीं च यः । वैकुण्ठे मोदते सोऽपि यावद्वै ब्रह्मणो वयः

śuklāṁ vāpyathavā kṛṣṇāṁ karotyekādaśīṁ ca yaḥ | vaikuṇṭhe modate so'pi yāvadvai brahmaṇo vayaḥ

जो शुक्ल अथवा कृष्ण एकादशी का व्रत करता है, वह भी ब्रह्मा जी की सम्पूर्ण आयु तक वैकुंठ में आनंदित रहता है।

श्लोक 91 (devibhagavatam.9.30.91)

भारते पुनरागत्य कृष्णभक्तिं लभेद्ध्रुवम् । क्रमेण भक्तिं सुदृढां करोत्येकां हरेरहो

bhārate punarāgatya kṛṣṇabhaktiṁ labheddhruvam | krameṇa bhaktiṁ sudṛḍhāṁ karotyekāṁ hareraho

पुनः भारतवर्ष में लौटकर वह निश्चय ही कृष्ण-भक्ति प्राप्त करता है। क्रमशः वह हरि में एकनिष्ठ, दृढ़ भक्ति प्राप्त कर लेता है।

श्लोक 92 (devibhagavatam.9.30.92)

देहं त्यक्त्वा च गोलोकं पुनरेव प्रयाति सः । ततः कृष्णस्य सारूप्यं सम्प्राप्य पार्षदो भवेत्

dehaṁ tyaktvā ca golokaṁ punareva prayāti saḥ | tataḥ kṛṣṇasya sārūpyaṁ samprāpya pārṣado bhavet

देह त्यागकर वह पुनः गोलोक को जाता है। वहाँ कृष्ण के सारूप्य को प्राप्त कर वह उनका पार्षद बनता है।

श्लोक 93 (devibhagavatam.9.30.93)

पुनस्तत्पतनं नास्ति जरामृत्युहरो भवेत् । भाद्रे च शुक्लद्वादश्यां यः शक्रं पूजयेन्नरः

punastatpatanaṁ nāsti jarāmṛtyuharo bhavet | bhādre ca śukladvādaśyāṁ yaḥ śakraṁ pūjayennaraḥ

वहाँ से उसका पुनः पतन नहीं होता, और जरा-मृत्यु उससे दूर हो जाती हैं। जो मनुष्य भाद्रपद की शुक्ल द्वादशी को इंद्र की पूजा करता है —

श्लोक 94 (devibhagavatam.9.30.94)

षष्टिवर्षसहस्राणि शक्रलोके महीयते । रविवारे च सङ्क्रान्त्यां सप्तम्यां शुक्लपक्षके

ṣaṣṭivarṣasahasrāṇi śakraloke mahīyate | ravivāre ca saṅkrāntyāṁ saptamyāṁ śuklapakṣake

— वह साठ हजार वर्षों तक इंद्रलोक में सम्मानित होता है। रविवार को, संक्रांति में, अथवा शुक्ल पक्ष की सप्तमी को —

श्लोक 95 (devibhagavatam.9.30.95)

सम्पूज्यार्कं हविष्यान्नं यः करोति च भारते । महीयते सोऽर्कलोके यावदिन्द्राश्चतुर्दश

sampūjyārkaṁ haviṣyānnaṁ yaḥ karoti ca bhārate | mahīyate so'rkaloke yāvadindrāścaturdaśa

— जो भारतवर्ष में सूर्य की पूजा करके हविष्यान्न बनाता है, वह चौदह इंद्रों के काल तक सूर्यलोक में सम्मानित होता है।

श्लोक 96 (devibhagavatam.9.30.96)

भारतं पुनरागत्य चारोगी श्रीयुतो भवेत् । ज्येष्ठकृष्णचतुर्दश्यां सावित्रीं यो हि पूजयेत्

bhārataṁ punarāgatya cārogī śrīyuto bhavet | jyeṣṭhakṛṣṇacaturdaśyāṁ sāvitrīṁ yo hi pūjayet

पुनः भारतवर्ष में लौटकर वह नीरोग और श्रीसम्पन्न होता है। जो ज्येष्ठ मास की कृष्ण चतुर्दशी को सावित्री की पूजा करता है —

श्लोक 97 (devibhagavatam.9.30.97)

महीयते ब्रह्मलोके सप्तमन्वन्तरावधि । पुनर्महीं समागत्य श्रीमानतुलविक्रमः

mahīyate brahmaloke saptamanvantarāvadhi | punarmahīṁ samāgatya śrīmānatulavikramaḥ

— वह सात मन्वंतरों तक ब्रह्मलोक में सम्मानित होता है। पुनः पृथ्वी पर आकर वह श्रीमान और अतुल पराक्रमी होता है,

श्लोक 98 (devibhagavatam.9.30.98)

चिरजीवी भवेत्सोऽपि ज्ञानवान्सम्पदा युतः । माघस्य शुक्लपञ्चम्यां पूजयेद्यः सरस्वतीम्

cirajīvī bhavetso'pi jñānavānsampadā yutaḥ | māghasya śuklapañcamyāṁ pūjayedyaḥ sarasvatīm

— और दीर्घजीवी, ज्ञानवान तथा सम्पदा से युक्त होता है। जो माघ मास की शुक्ल पंचमी को सरस्वती की पूजा करता है —

श्लोक 99 (devibhagavatam.9.30.99)

संयतो भक्तितो दत्त्वा चोपचाराणि षोडश । महीयते मणिद्वीपे यावद्ब्रह्म दिवानिशम्

saṁyato bhaktito dattvā copacārāṇi ṣoḍaśa | mahīyate maṇidvīpe yāvadbrahma divāniśam

— संयमपूर्वक भक्तिभाव से सोलह उपचार अर्पित करके, वह ब्रह्मा जी के एक दिन-रात्रि (कल्प) के बराबर काल तक मणिद्वीप में सम्मानित होता है।

श्लोक 100 (devibhagavatam.9.30.100)

सम्प्राप्य च पुनर्जन्म स भवेत्कविपण्डितः । गां सुवर्णादिकं यो हि ब्राह्मणाय ददाति च

samprāpya ca punarjanma sa bhavetkavipaṇḍitaḥ | gāṁ suvarṇādikaṁ yo hi brāhmaṇāya dadāti ca

पुनर्जन्म प्राप्त करके वह कवि और पंडित बनता है। जो ब्राह्मण को गौ, स्वर्ण आदि दान करता है —

श्लोक 101 (devibhagavatam.9.30.101)

नित्यं जीवनपर्यन्तं भक्तियुक्तश्च भारते । गवां लोमप्रमाणाब्दं द्विगुणं विष्णुमन्दिरे

nityaṁ jīvanaparyantaṁ bhaktiyuktaśca bhārate | gavāṁ lomapramāṇābdaṁ dviguṇaṁ viṣṇumandire

— प्रतिदिन जीवनपर्यंत भक्तिपूर्वक भारतवर्ष में — गौओं के रोमों की संख्या के दुगुने वर्षों तक विष्णु के धाम में,

श्लोक 102 (devibhagavatam.9.30.102)

मोदते हरिणा सार्धं क्रीडाकौतुकमङ्गलैः । तदन्ते पुनरागत्य राजराजेश्वरो भवेत्

modate hariṇā sārdhaṁ krīḍākautukamaṅgalaiḥ | tadante punarāgatya rājarājeśvaro bhavet

— वह हरि के साथ क्रीडा और मंगलपूर्ण कौतुकों में आनंदित रहता है। उसके अंत में पुनः लौटकर वह राजाओं का अधीश्वर बनता है,

श्लोक 103 (devibhagavatam.9.30.103)

श्रीमांश्च पुत्रवान्विद्वांज्ञानवान्सर्वतः सुखी । भोजयेद्योऽपि मिष्टान्नं ब्राह्मणेभ्यश्च भारते

śrīmāṁśca putravānvidvāṁjñānavānsarvataḥ sukhī | bhojayedyo'pi miṣṭānnaṁ brāhmaṇebhyaśca bhārate

— श्रीमान, पुत्रवान, विद्वान, ज्ञानवान और सब प्रकार से सुखी होता है। जो भारतवर्ष में ब्राह्मणों को मिष्टान्न भोजन कराता है —

श्लोक 104 (devibhagavatam.9.30.104)

विप्रलोमप्रमाणाब्दं मोदते विष्णुमन्दिरे । ततः पुनरिहागत्य सुखी च धनवान्भवेत्

vipralomapramāṇābdaṁ modate viṣṇumandire | tataḥ punarihāgatya sukhī ca dhanavānbhavet

— वह उन ब्राह्मणों के शरीर के रोमों की संख्या के बराबर वर्षों तक विष्णु के धाम में आनंदित रहता है। तत्पश्चात् पुनः इस लोक में आकर वह सुखी और धनवान होता है,

श्लोक 105 (devibhagavatam.9.30.105)

विद्वान्सुचिरजीवी च श्रीमानतुलविक्रमः । यो वक्ति वा ददात्येव हरेर्नामानि भारते

vidvānsucirajīvī ca śrīmānatulavikramaḥ | yo vakti vā dadātyeva harernāmāni bhārate

— विद्वान, अत्यंत दीर्घजीवी, श्रीमान और अतुल पराक्रमी होता है। जो भारतवर्ष में हरि के नामों को कहता है अथवा दूसरों को सिखाता है —

श्लोक 106 (devibhagavatam.9.30.106)

युगं नाम प्रमाणं च विष्णुलोके महीयते । ततः पुनरिहागत्य स सुखी धनवान्भवेत्

yugaṁ nāma pramāṇaṁ ca viṣṇuloke mahīyate | tataḥ punarihāgatya sa sukhī dhanavānbhavet

— वह प्रत्येक नाम के प्रमाण से एक युग तक विष्णुलोक में सम्मानित होता है। तत्पश्चात् पुनः इस लोक में आकर वह सुखी और धनवान होता है।

श्लोक 107 (devibhagavatam.9.30.107)

यदि नारायणक्षेत्रे फलं कोटिगुणं भवेत् । नाम्ना कोटिं हरेर्यो हि क्षेत्रे नारायणे जपेत्

yadi nārāyaṇakṣetre phalaṁ koṭiguṇaṁ bhavet | nāmnā koṭiṁ hareryo hi kṣetre nārāyaṇe japet

यदि यह नारायण-क्षेत्र में किया जाए तो फल करोड़ गुना हो जाता है। जो नारायण-क्षेत्र में हरि के नाम का करोड़ बार जप करता है —

श्लोक 108 (devibhagavatam.9.30.108)

सर्वपापविनिर्मुक्तो जीवन्मुक्तो भवेद्ध्रुवम् । न लभेत्स पुनर्जन्म वैकुण्ठे स महीयते

sarvapāpavinirmukto jīvanmukto bhaveddhruvam | na labhetsa punarjanma vaikuṇṭhe sa mahīyate

— वह समस्त पापों से मुक्त होकर निश्चय ही जीवन्मुक्त हो जाता है; उसे पुनर्जन्म प्राप्त नहीं होता, और वह वैकुंठ में सम्मानित होता है।

श्लोक 109 (devibhagavatam.9.30.109)

लभेद्विष्णोश्च सारूप्यं न तस्य पतनं भवेत् । विष्णुभक्तिं लभेत्सोऽपि विष्णुसारूप्यमाप्नुयात्

labhedviṣṇośca sārūpyaṁ na tasya patanaṁ bhavet | viṣṇubhaktiṁ labhetso'pi viṣṇusārūpyamāpnuyāt

वह विष्णु के सारूप्य को प्राप्त करता है; उसका पतन नहीं होता। वह विष्णु-भक्ति प्राप्त करके विष्णु के सारूप्य को भी प्राप्त करता है।

श्लोक 110 (devibhagavatam.9.30.110)

शिवं यः पूजयेन्नित्यं कृत्वा लिङ्गं च पार्थिवम् । यावज्जीवनपर्यन्तं स याति शिवमन्दिरम्

śivaṁ yaḥ pūjayennityaṁ kṛtvā liṅgaṁ ca pārthivam | yāvajjīvanaparyantaṁ sa yāti śivamandiram

जो प्रतिदिन मिट्टी का लिंग बनाकर जीवनपर्यंत शिव की पूजा करता है, वह शिव के धाम को जाता है।

श्लोक 111 (devibhagavatam.9.30.111)

मृदो रेणुप्रमाणाब्दं शिवलोके महीयते । ततः पुनरिहागत्य राजेन्द्रो भारते भवेत्

mṛdo reṇupramāṇābdaṁ śivaloke mahīyate | tataḥ punarihāgatya rājendro bhārate bhavet

वह उस मिट्टी के कणों की संख्या के बराबर वर्षों तक शिवलोक में सम्मानित होता है। तत्पश्चात् पुनः इस लोक में आकर वह भारतवर्ष में राजेन्द्र बनता है।

श्लोक 112 (devibhagavatam.9.30.112)

शिलां च पूजयेन्नित्यं शिलातोयं च भक्षति । महीयते च वैकुण्ठे यावद्वै ब्रह्मणः शतम्

śilāṁ ca pūjayennityaṁ śilātoyaṁ ca bhakṣati | mahīyate ca vaikuṇṭhe yāvadvai brahmaṇaḥ śatam

जो प्रतिदिन शिला की पूजा करता है और शिला-तीर्थ जल ग्रहण करता है, वह ब्रह्मा जी की सौ आयु के बराबर काल तक वैकुंठ में सम्मानित होता है।

श्लोक 113 (devibhagavatam.9.30.113)

ततो लब्ध्वा पुनर्जन्म हरिभक्तिं च दुर्लभाम् । महीयते विष्णुलोके न तस्य पतनं भवेत्

tato labdhvā punarjanma haribhaktiṁ ca durlabhām | mahīyate viṣṇuloke na tasya patanaṁ bhavet

तत्पश्चात् पुनर्जन्म प्राप्त कर वह दुर्लभ हरि-भक्ति प्राप्त करता है; वह विष्णुलोक में सम्मानित होता है और उसका पतन नहीं होता।

श्लोक 114 (devibhagavatam.9.30.114)

तपांसि चैव सर्वाणि व्रतानि निखिलानि च । कृत्वा तिष्ठति वैकुण्ठे यावदिन्द्राश्चतुर्दश

tapāṁsi caiva sarvāṇi vratāni nikhilāni ca | kṛtvā tiṣṭhati vaikuṇṭhe yāvadindrāścaturdaśa

जो समस्त तप और समस्त व्रतों का आचरण करता है, वह चौदह इंद्रों के काल तक वैकुंठ में निवास करता है।

श्लोक 115 (devibhagavatam.9.30.115)

ततो लब्ध्वा पुनर्जन्म राजेन्द्रो भारते भवेत् । ततो मुक्तो भवेत्पश्चात्पुनर्जन्म न विद्यते

tato labdhvā punarjanma rājendro bhārate bhavet | tato mukto bhavetpaścātpunarjanma na vidyate

तत्पश्चात् पुनर्जन्म प्राप्त कर वह भारतवर्ष में राजेन्द्र बनता है। उसके पश्चात् वह मुक्त हो जाता है, और फिर उसका पुनर्जन्म नहीं होता।

श्लोक 116 (devibhagavatam.9.30.116)

यः स्नात्वा सर्वतीर्थेषु भुवः कृत्वा प्रदक्षिणाम् । स तु निर्वाणतां याति न च जन्म भवेद्भुवि

yaḥ snātvā sarvatīrtheṣu bhuvaḥ kṛtvā pradakṣiṇām | sa tu nirvāṇatāṁ yāti na ca janma bhavedbhuvi

जो समस्त तीर्थों में स्नान करके पृथ्वी की परिक्रमा करता है, वह निर्वाण को प्राप्त होता है, और पृथ्वी पर उसका पुनर्जन्म नहीं होता।

श्लोक 117 (devibhagavatam.9.30.117)

पुण्यक्षेत्रे भारते च योऽश्वमेधं करोति च । अश्वलोममिताब्दं च शक्रस्यार्धासनं भजेत्

puṇyakṣetre bhārate ca yo'śvamedhaṁ karoti ca | aśvalomamitābdaṁ ca śakrasyārdhāsanaṁ bhajet

जो भारतवर्ष के पुण्यक्षेत्र में अश्वमेध यज्ञ करता है, वह अश्व के रोमों की संख्या के बराबर वर्षों तक इंद्र के आधे आसन का भोग करता है।

श्लोक 118 (devibhagavatam.9.30.118)

चतुर्गुणं राजसूये फलमाप्नोति मानवः । सर्वेभ्योऽपि मखेभ्यो हि परो देवीमखः स्मृतः

caturguṇaṁ rājasūye phalamāpnoti mānavaḥ | sarvebhyo'pi makhebhyo hi paro devīmakhaḥ smṛtaḥ

राजसूय यज्ञ से मनुष्य को चौगुना फल प्राप्त होता है। किंतु समस्त यज्ञों में देवी-यज्ञ को सबसे श्रेष्ठ कहा गया है।

श्लोक 119 (devibhagavatam.9.30.119)

विष्णुना च कृतः पूर्वं ब्रह्मणा च वरानने । शङ्करेण महेशेन त्रिपुरासुरनाशने

viṣṇunā ca kṛtaḥ pūrvaṁ brahmaṇā ca varānane | śaṅkareṇa maheśena tripurāsuranāśane

हे वरानने! यह पूर्वकाल में विष्णु ने, ब्रह्मा ने, और त्रिपुरासुर का नाश करने वाले महेश्वर शंकर ने भी किया था।

श्लोक 120 (devibhagavatam.9.30.120)

शक्तियज्ञः प्रधानश्च सर्वयज्ञेषु सुन्दरि । नानेन सदृशो यज्ञस्त्रिषु लोकेषु विद्यते

śaktiyajñaḥ pradhānaśca sarvayajñeṣu sundari | nānena sadṛśo yajñastriṣu lokeṣu vidyate

हे सुंदरी! शक्ति-यज्ञ ही समस्त यज्ञों में प्रधान है; इसके समान कोई यज्ञ तीनों लोकों में नहीं है।

श्लोक 121 (devibhagavatam.9.30.121)

दक्षेण च कृतः पूर्वं महान्संवादसंयुतः । बभूव कलहो यत्र दक्षशङ्करयोः सति

dakṣeṇa ca kṛtaḥ pūrvaṁ mahānsaṁvādasaṁyutaḥ | babhūva kalaho yatra dakṣaśaṅkarayoḥ sati

यह पूर्वकाल में दक्ष प्रजापति ने भी किया था, जिसमें एक महान विवाद जुड़ा था — जहाँ दक्ष और शंकर के बीच कलह उत्पन्न हुआ।

श्लोक 122 (devibhagavatam.9.30.122)

शेपुश्च नन्दिनं विप्रा नन्दी विप्रांश्च कोपतः । यद्धेतोर्दक्षयज्ञं च बभञ्ज चन्द्रशेखरः

śepuśca nandinaṁ viprā nandī viprāṁśca kopataḥ | yaddhetordakṣayajñaṁ ca babhañja candraśekharaḥ

ब्राह्मणों ने नंदी को शाप दिया, और क्रोधित होकर नंदी ने भी ब्राह्मणों को शाप दिया; इसी कारण चन्द्रशेखर (शिव) ने दक्ष के यज्ञ को विध्वंस कर दिया।

श्लोक 123 (devibhagavatam.9.30.123)

चकार देवीयज्ञं स पुरा दक्षः प्रजापतिः । धर्मश्च कश्यपश्चैव शेषश्चापि च कर्दमः

cakāra devīyajñaṁ sa purā dakṣaḥ prajāpatiḥ | dharmaśca kaśyapaścaiva śeṣaścāpi ca kardamaḥ

पूर्वकाल में प्रजापति दक्ष ने देवी-यज्ञ किया; और धर्म, कश्यप, शेष तथा कर्दम ने भी किया;

श्लोक 124 (devibhagavatam.9.30.124)

स्वायम्भुवो मनुश्चैव तत्पुत्रश्च प्रियव्रतः । शिवः सनत्कुमारश्च कपिलश्च ध्रुवस्तथा

svāyambhuvo manuścaiva tatputraśca priyavrataḥ | śivaḥ sanatkumāraśca kapilaśca dhruvastathā

— स्वायम्भुव मनु और उनके पुत्र प्रियव्रत ने; शिव, सनत्कुमार, कपिल और ध्रुव ने भी —

श्लोक 125 (devibhagavatam.9.30.125)

राजसूयसहस्राणां फलमाप्नोति निश्चितम् । देवीयज्ञात्परो यज्ञो नास्ति वेदे फलप्रदः

rājasūyasahasrāṇāṁ phalamāpnoti niścitam | devīyajñātparo yajño nāsti vede phalapradaḥ

— प्रत्येक ने इसके करने से निश्चय ही सहस्र राजसूय यज्ञों का फल प्राप्त किया। वेद में देवी-यज्ञ से बढ़कर फलदायक कोई यज्ञ नहीं है।

श्लोक 126 (devibhagavatam.9.30.126)

वर्षाणां शतजीवी च जीवन्मुक्तो भवेद्ध्रुवम् । ज्ञानेन तेजसा चैव विष्णुतुल्यो भवेदिह

varṣāṇāṁ śatajīvī ca jīvanmukto bhaveddhruvam | jñānena tejasā caiva viṣṇutulyo bhavediha

वह सौ वर्षों तक जीवित रहकर निश्चय ही जीवन्मुक्त हो जाता है; ज्ञान और तेज में वह यहाँ विष्णु के तुल्य हो जाता है।

श्लोक 127 (devibhagavatam.9.30.127)

देवानां च यथा विष्णुर्वैष्णवानां च नारद । शास्त्राणां च यथा वेदा वर्णानां ब्राह्मणो यथा

devānāṁ ca yathā viṣṇurvaiṣṇavānāṁ ca nārada | śāstrāṇāṁ ca yathā vedā varṇānāṁ brāhmaṇo yathā

हे नारद! जैसे देवताओं में विष्णु और वैष्णवों में विष्णु ही श्रेष्ठ हैं; जैसे शास्त्रों में वेद और वर्णों में ब्राह्मण श्रेष्ठ हैं;

श्लोक 128 (devibhagavatam.9.30.128)

तीर्थानां च यथा गङ्गा पवित्राणां शिवो यथा । एकादशी व्रतानां च पुष्पाणां तुलसी यथा

tīrthānāṁ ca yathā gaṅgā pavitrāṇāṁ śivo yathā | ekādaśī vratānāṁ ca puṣpāṇāṁ tulasī yathā

जैसे तीर्थों में गंगा और पवित्र वस्तुओं में शिव श्रेष्ठ हैं; जैसे व्रतों में एकादशी और पुष्पों में तुलसी श्रेष्ठ हैं;

श्लोक 129 (devibhagavatam.9.30.129)

नक्षत्राणां यथा चन्द्रः पक्षिणां गरुडो यथा । यथा स्त्रीणां च प्रकृती राधा वाणी वसुन्धरा

nakṣatrāṇāṁ yathā candraḥ pakṣiṇāṁ garuḍo yathā | yathā strīṇāṁ ca prakṛtī rādhā vāṇī vasundharā

जैसे नक्षत्रों में चंद्रमा और पक्षियों में गरुड़ श्रेष्ठ हैं; जैसे स्त्रियों में प्रकृति, राधा, वाणी और वसुंधरा श्रेष्ठ हैं;

श्लोक 130 (devibhagavatam.9.30.130)

शीघ्राणां चेन्द्रियाणां च चञ्चलानां मनो यथा । प्रजापतीनां ब्रह्मा च प्रजानां च प्रजापतिः

śīghrāṇāṁ cendriyāṇāṁ ca cañcalānāṁ mano yathā | prajāpatīnāṁ brahmā ca prajānāṁ ca prajāpatiḥ

जैसे शीघ्रगामी और चंचल इंद्रियों में मन श्रेष्ठ है; जैसे प्रजापतियों में ब्रह्मा और प्रजा में प्रजापति श्रेष्ठ हैं;

श्लोक 131 (devibhagavatam.9.30.131)

वृन्दावनं वनानां च वर्षाणां भारतं यथा । श्रीमतां च यथा श्रीश्च विदुषां च सरस्वती

vṛndāvanaṁ vanānāṁ ca varṣāṇāṁ bhārataṁ yathā | śrīmatāṁ ca yathā śrīśca viduṣāṁ ca sarasvatī

जैसे वनों में वृंदावन और भूमियों में भारतवर्ष श्रेष्ठ हैं; जैसे श्रीमानों में श्री और विद्वानों में सरस्वती श्रेष्ठ हैं;

श्लोक 132 (devibhagavatam.9.30.132)

पतिव्रतानां दुर्गा च सौभाग्यानां च राधिका । देवीयज्ञस्तथा वत्से सर्वयज्ञेषु भामिनि

pativratānāṁ durgā ca saubhāgyānāṁ ca rādhikā | devīyajñastathā vatse sarvayajñeṣu bhāmini

जैसे पतिव्रताओं में दुर्गा और सौभाग्यवतियों में राधिका श्रेष्ठ हैं — हे वत्से, हे भामिनी! उसी प्रकार समस्त यज्ञों में देवी-यज्ञ श्रेष्ठ है।

श्लोक 133 (devibhagavatam.9.30.133)

अश्वमेधशतेनैव शक्रत्वं च लभेद्ध्रुवम् । सहस्रेण विष्णुपदं सम्प्राप्तः पृथुरेव च

aśvamedhaśatenaiva śakratvaṁ ca labheddhruvam | sahasreṇa viṣṇupadaṁ samprāptaḥ pṛthureva ca

सौ अश्वमेध यज्ञों से निश्चय ही इंद्रत्व प्राप्त होता है; सहस्र अश्वमेधों से विष्णु-पद प्राप्त होता है, जैसा कि राजा पृथु ने प्राप्त किया था।

श्लोक 134 (devibhagavatam.9.30.134)

स्नानं च सर्वतीर्थानां सर्वयज्ञेषु दीक्षणम् । सर्वेषां च व्रतानां च तपसां फलमेव च

snānaṁ ca sarvatīrthānāṁ sarvayajñeṣu dīkṣaṇam | sarveṣāṁ ca vratānāṁ ca tapasāṁ phalameva ca

समस्त तीर्थों में स्नान, समस्त यज्ञों में दीक्षा, समस्त व्रतों और तपस्याओं का जो फल है —

श्लोक 135 (devibhagavatam.9.30.135)

पाठे चतुर्णां वेदानां प्रादक्षिण्यं भुवस्तथा । फलभूतमिदं सर्वं मुक्तिदं शक्तिसेवनम्

pāṭhe caturṇāṁ vedānāṁ prādakṣiṇyaṁ bhuvastathā | phalabhūtamidaṁ sarvaṁ muktidaṁ śaktisevanam

— चारों वेदों के पाठ का, और पृथ्वी की परिक्रमा का जो फल है — यह सब फल शक्ति की सेवा (देवी की उपासना) में ही समाहित है, जो मुक्ति प्रदान करने वाली है।

श्लोक 136 (devibhagavatam.9.30.136)

पुराणेषु च वेदेषु चेतिहासेषु सर्वतः । निरूपितं सारभूतं देवीपादाम्बुजार्चनम्

purāṇeṣu ca vedeṣu cetihāseṣu sarvataḥ | nirūpitaṁ sārabhūtaṁ devīpādāmbujārcanam

पुराणों में, वेदों में और इतिहासों में सर्वत्र यह प्रतिपादित है कि देवी के चरणकमलों की पूजा ही सारभूत है।

श्लोक 137 (devibhagavatam.9.30.137)

तद्वर्णनं च तद्ध्यानं तन्नामगुणकीर्तनम् । तत्स्तोत्रस्मरणं चैव वन्दनं जपमेव च

tadvarṇanaṁ ca taddhyānaṁ tannāmaguṇakīrtanam | tatstotrasmaraṇaṁ caiva vandanaṁ japameva ca

उनका वर्णन, उनका ध्यान, उनके नाम और गुणों का कीर्तन; उनके स्तोत्रों का स्मरण, वंदन और जप —

श्लोक 138 (devibhagavatam.9.30.138)

तत्पादोदकनैवेद्यं भक्षणं नित्यमेव च । सर्वसम्मतमित्येवं सर्वेप्सितमिदं सति

tatpādodakanaivedyaṁ bhakṣaṇaṁ nityameva ca | sarvasammatamityevaṁ sarvepsitamidaṁ sati

— उनके चरणोदक और नैवेद्य का नित्य ग्रहण करना — यह सब, हे सती, सर्वसम्मत और सबकी अभिलषित वस्तु है।

श्लोक 139 (devibhagavatam.9.30.139)

भज नित्यं परं ब्रह्म निर्गुणं प्रकृतिं पराम् । गृहाण स्वामिनं वत्से सुखं वस च मन्दिरे

bhaja nityaṁ paraṁ brahma nirguṇaṁ prakṛtiṁ parām | gṛhāṇa svāminaṁ vatse sukhaṁ vasa ca mandire

सदा परब्रह्म, निर्गुण, परा प्रकृति की उपासना करो। हे वत्से! अपने स्वामी को ग्रहण करो और घर में सुखपूर्वक निवास करो।

श्लोक 140 (devibhagavatam.9.30.140)

अयं ते कथितः कर्मविपाको मङ्गलो नृणाम् । सर्वेप्सितः सर्वमतस्तत्त्वज्ञानप्रदः परः

ayaṁ te kathitaḥ karmavipāko maṅgalo nṛṇām | sarvepsitaḥ sarvamatastattvajñānapradaḥ paraḥ

यह मैंने तुम्हें मनुष्यों के मंगलकारी कर्मविपाक का वर्णन सुनाया — जो सबकी अभिलषित वस्तु है, सभी मतों में मान्य है, और तत्त्वज्ञान का परम प्रदाता है।