नाना नरक-कुण्डों का वर्णन

श्लोक 1 (devibhagavatam.9.37.1)

धर्मराज उवाच । पूर्णेन्दुमण्डलाकारं सर्वं कुण्डं च वर्तुलम् । निम्नं पाषाणभेदैश्च पाचितं बहुभिः सति

dharmarāja uvāca | pūrṇendumaṇḍalākāraṁ sarvaṁ kuṇḍaṁ ca vartulam | nimnaṁ pāṣāṇabhedaiśca pācitaṁ bahubhiḥ sati

धर्मराज ने कहा — हे सती! प्रत्येक कुण्ड पूर्ण चंद्रमंडल के समान गोलाकार है; गहरा है, और विभिन्न प्रकार के पत्थरों से निर्मित है।

श्लोक 2 (devibhagavatam.9.37.2)

न नश्वरं चाप्रलयं निर्मितं चेश्वरेच्छया । क्लेशदं पातकानां च नानारूपं तदालयम्

na naśvaraṁ cāpralayaṁ nirmitaṁ ceśvarecchayā | kleśadaṁ pātakānāṁ ca nānārūpaṁ tadālayam

वह अविनाशी है, प्रलय से भी अप्रभावित है, ईश्वर की इच्छा से निर्मित है; वह पापियों को क्लेश देने वाला है, और वह धाम नाना रूपों वाला है।

श्लोक 3 (devibhagavatam.9.37.3)

ज्वलदङ्गाररूपं च शतहस्तशिखान्वितम् । परितः क्रोशमानं च वह्निकुण्डं प्रकीर्तितम्

jvaladaṅgārarūpaṁ ca śatahastaśikhānvitam | paritaḥ krośamānaṁ ca vahnikuṇḍaṁ prakīrtitam

जलते अंगारों के रूप में, सौ हाथ ऊँची लपटों से युक्त, चारों ओर चीत्कारों से गूँजता हुआ — वह अग्निकुण्ड कहा गया है।

श्लोक 4 (devibhagavatam.9.37.4)

महाशब्दं प्रकुर्वद्भिः पापिभिः परिपूरितम् । रक्षितं मम दूतैश्च ताडितैश्चापि सन्ततम्

mahāśabdaṁ prakurvadbhiḥ pāpibhiḥ paripūritam | rakṣitaṁ mama dūtaiśca tāḍitaiścāpi santatam

वह ऊँची चीत्कार करने वाले पापियों से भरा हुआ है, मेरे दूतों द्वारा रक्षित है, और निरंतर उनके द्वारा पीटा जाता है।

श्लोक 5 (devibhagavatam.9.37.5)

प्रतप्तोदकपूर्णं च हिंस्रजन्तुसमन्वितम् । महाघोरं काकुशब्दं प्रहारेण दृढेन च

prataptodakapūrṇaṁ ca hiṁsrajantusamanvitam | mahāghoraṁ kākuśabdaṁ prahāreṇa dṛḍhena ca

तप्तकुण्ड उबलते जल से भरा हुआ, हिंसक जीवों से युक्त, अत्यंत घोर, चीत्कारों से भरा हुआ, कठोर प्रहारों से युक्त है;

श्लोक 6 (devibhagavatam.9.37.6)

क्रोशार्धमानं तद्दूतैस्ताडितैर्मम पार्षदैः । तप्तक्षारोदकैः पूर्णं पुनः काकैश्च सङ्कुलम्

krośārdhamānaṁ taddūtaistāḍitairmama pārṣadaiḥ | taptakṣārodakaiḥ pūrṇaṁ punaḥ kākaiśca saṅkulam

— आधा क्रोश के प्रमाण का, मेरे सेवक दूतों द्वारा पीटा जाता हुआ। क्षारकुण्ड उबलते कसैले जल से भरा हुआ है, और कौओं से भी भरा हुआ है;

श्लोक 7 (devibhagavatam.9.37.7)

सङ्कुलं पापिभिश्चैव क्रोशमानं भयानकम् । त्राहीति शब्दं कुर्वद्भिर्मम दूतैश्च ताडितैः

saṅkulaṁ pāpibhiścaiva krośamānaṁ bhayānakam | trāhīti śabdaṁ kurvadbhirmama dūtaiśca tāḍitaiḥ

— पापियों से भी भरा हुआ, एक क्रोश के प्रमाण का, भयंकर, "बचाओ!" चिल्लाते हुए, मेरे दूतों द्वारा पीटा जाता हुआ।

श्लोक 8 (devibhagavatam.9.37.8)

प्रचलद्भिरनाहारैः शुष्ककण्ठोष्ठतालुकैः । विड्भिरेव कृतं पूर्णं क्रोशमानं च कुत्सितम्

pracaladbhiranāhāraiḥ śuṣkakaṇṭhoṣṭhatālukaiḥ | viḍbhireva kṛtaṁ pūrṇaṁ krośamānaṁ ca kutsitam

विष्ठाकुण्ड पूर्णतः विष्ठा से भरा हुआ, उसके निवासी बेचैन, बिना भोजन के, सूखे कंठ-होंठ-तालु वाले, चीत्कार करते हुए, अत्यंत घृणित है।

श्लोक 9 (devibhagavatam.9.37.9)

अतिदुर्गन्धिसंसक्तं व्याप्तं पापिभिरन्वहम् । ताडितैर्मम दूतैश्च तदाहारैः सुदारुणैः

atidurgandhisaṁsaktaṁ vyāptaṁ pāpibhiranvaham | tāḍitairmama dūtaiśca tadāhāraiḥ sudāruṇaiḥ

वह अत्यंत दुर्गंध से युक्त है, प्रतिदिन उन पापियों से भरा रहता है जो मेरे दूतों द्वारा पीटे जाकर उस मल को खाने पर विवश किए जाते हैं, अत्यंत भीषण।

श्लोक 10 (devibhagavatam.9.37.10)

रक्षेति शब्दं कुर्वद्भिस्तत्कीटैरेव भक्षितैः । तप्तमूत्रद्रवैः पूर्णं मूत्रकीटैश्च सङ्कुलम्

rakṣeti śabdaṁ kurvadbhistatkīṭaireva bhakṣitaiḥ | taptamūtradravaiḥ pūrṇaṁ mūtrakīṭaiśca saṅkulam

— "रक्षा करो!" चिल्लाते हुए, वहीं कीड़ों द्वारा खाए जाकर। मूत्रकुण्ड उबलते मूत्र-द्रव से भरा हुआ, मूत्र-कीड़ों से भरा हुआ है;

श्लोक 11 (devibhagavatam.9.37.11)

युक्तं महापातकिभिस्तत्कीटैर्भक्षितैः सदा । गव्यूतिमानं ध्वान्ताक्तं शब्दकृद्भिश्च सन्ततम्

yuktaṁ mahāpātakibhistatkīṭairbhakṣitaiḥ sadā | gavyūtimānaṁ dhvāntāktaṁ śabdakṛdbhiśca santatam

— महापापियों से युक्त, सदा उन कीड़ों द्वारा खाए जाते हुए; एक गव्यूति के प्रमाण का, अंधकार से युक्त, निरंतर चीत्कारों से भरा हुआ।

श्लोक 12 (devibhagavatam.9.37.12)

मद्दूतैस्ताडितैर्घोरैः शुष्ककण्ठोष्ठतालुकैः । श्लेष्मपूर्णं प्रशमितं तत्कीटैः पूरितं सदा

maddūtaistāḍitairghoraiḥ śuṣkakaṇṭhoṣṭhatālukaiḥ | śleṣmapūrṇaṁ praśamitaṁ tatkīṭaiḥ pūritaṁ sadā

— मेरे भयंकर दूतों द्वारा पीटे जाकर, सूखे कंठ-होंठ-तालु वाले। श्लेष्मकुण्ड कफ से भरा हुआ, शांत, सदा उसी के कीड़ों से भरा हुआ है;

श्लोक 13 (devibhagavatam.9.37.13)

तद्भोजिभिः पापिभिश्च वेष्टितं वेष्टितैः सदा । क्रोशार्धं गरकुण्डं च गरभोजिभिरन्वितम्

tadbhojibhiḥ pāpibhiśca veṣṭitaṁ veṣṭitaiḥ sadā | krośārdhaṁ garakuṇḍaṁ ca garabhojibhiranvitam

— सदा उन पापियों से घिरा हुआ जो उसे खाते हैं और स्वयं भी घिरे रहते हैं। आधे क्रोश का गरकुण्ड है, जो विष खाने वालों से युक्त है;

श्लोक 14 (devibhagavatam.9.37.14)

गरकीटैर्भक्षितैश्च पापिभिः पूर्णमेव च । ताडितैर्मम दूतैश्च शब्दकृद्भिश्च कम्पितैः

garakīṭairbhakṣitaiśca pāpibhiḥ pūrṇameva ca | tāḍitairmama dūtaiśca śabdakṛdbhiśca kampitaiḥ

— विष के कीड़ों से खाए जाने वाले पापियों से पूर्णतः भरा हुआ, मेरे दूतों द्वारा पीटा जाकर, चीत्कार करते हुए, काँपते हुए —

श्लोक 15 (devibhagavatam.9.37.15)

सर्पाकारेर्वज्रदंष्ट्रै शुष्ककण्ठैः सुदारुणैः । नेत्रयोर्मलपूर्णं च क्रोशार्धं कीटसंयुतम्

sarpākārervajradaṁṣṭrai śuṣkakaṇṭhaiḥ sudāruṇaiḥ | netrayormalapūrṇaṁ ca krośārdhaṁ kīṭasaṁyutam

— सर्पाकार, वज्र-दाढ़ों वाले, सूखे कंठ वाले, अत्यंत भीषण जीवों द्वारा आक्रांत। दूषिकाकुण्ड आधे क्रोश का, नेत्रमल से भरा और कीड़ों से युक्त है;

श्लोक 16 (devibhagavatam.9.37.16)

पापिभिः सङ्कुलं शश्वद्भ्रमद्भिः कीटभक्षितैः । वसारसेन सम्पूर्णं क्रोशतुर्यं सुदुःसहम्

pāpibhiḥ saṅkulaṁ śaśvadbhramadbhiḥ kīṭabhakṣitaiḥ | vasārasena sampūrṇaṁ krośaturyaṁ suduḥsaham

— वहाँ भटकते हुए, कीड़ों द्वारा खाए जाते हुए, सदा पापियों से भरा हुआ। वसाकुण्ड एक चतुर्थांश क्रोश का, अत्यंत असह्य, वसा-रस से भरा हुआ है;

श्लोक 17 (devibhagavatam.9.37.17)

तद्भोजिभिः पातकिभिर्मम दूतैश्च ताडितैः । शुक्रकुण्डं क्रोशमितं शुक्रकीटैश्च संयुतम्

tadbhojibhiḥ pātakibhirmama dūtaiśca tāḍitaiḥ | śukrakuṇḍaṁ krośamitaṁ śukrakīṭaiśca saṁyutam

— उसे खाने वाले पापियों से भरा हुआ, मेरे दूतों द्वारा पीटा जाकर। शुक्रकुण्ड, एक क्रोश के प्रमाण का, शुक्र-कीड़ों से युक्त है;

श्लोक 18 (devibhagavatam.9.37.18)

पापिभिः सङ्कुलं शश्वद् द्रवद्भिः कीटभक्षितैः । दुर्गन्धिरक्तपूर्णं च वापीमानं गभीरकम्

pāpibhiḥ saṅkulaṁ śaśvad dravadbhiḥ kīṭabhakṣitaiḥ | durgandhiraktapūrṇaṁ ca vāpīmānaṁ gabhīrakam

— वहाँ भागते हुए, कीड़ों द्वारा खाए जाते हुए, सदा पापियों से भरा हुआ। रक्तकुण्ड बावड़ी के प्रमाण का, गहरा, दुर्गंधयुक्त रक्त से भरा हुआ है;

श्लोक 19 (devibhagavatam.9.37.19)

तद्भोजिभिः पापिभिश्च सङ्कुलं कीटभक्षितम् । पूर्णं नेत्राश्रुभिस्तप्तं बहुपापिभिरन्वितम्

tadbhojibhiḥ pāpibhiśca saṅkulaṁ kīṭabhakṣitam | pūrṇaṁ netrāśrubhistaptaṁ bahupāpibhiranvitam

— उसे खाने वाले पापियों से भरा हुआ, कीड़ों द्वारा खाया जाता हुआ। अश्रुकुण्ड तप्त नेत्र-अश्रुओं से भरा हुआ, अनेक पापियों से युक्त है;

श्लोक 20 (devibhagavatam.9.37.20)

वापीतुर्यप्रमाणं च रुदद्भिः कीटभक्षितैः । नृणां गात्रमलैर्युक्तं तद्भक्षैः पापिभिर्युतम्

vāpīturyapramāṇaṁ ca rudadbhiḥ kīṭabhakṣitaiḥ | nṛṇāṁ gātramalairyuktaṁ tadbhakṣaiḥ pāpibhiryutam

— बावड़ी के एक चतुर्थांश प्रमाण का, रोते हुए और कीड़ों द्वारा खाए जाते हुए। शरीर-मल कुण्ड मनुष्यों के शरीर-मल से युक्त, उसे खाने वाले पापियों से युक्त है;

श्लोक 21 (devibhagavatam.9.37.21)

ताडितैर्मम दूतैश्च व्यग्रैश्च कीटभक्षितैः । कर्णविट्परिपूर्णं च तद्भक्षैः पापिभिर्वृतम्

tāḍitairmama dūtaiśca vyagraiśca kīṭabhakṣitaiḥ | karṇaviṭparipūrṇaṁ ca tadbhakṣaiḥ pāpibhirvṛtam

— मेरे दूतों द्वारा पीटे जाकर, व्याकुल, कीड़ों द्वारा खाए जाते हुए। कर्णमल-कुण्ड कर्णमल से पूर्ण, उसे खाने वाले पापियों से घिरा हुआ है;

श्लोक 22 (devibhagavatam.9.37.22)

वापीतुर्यप्रमाणं च ब्रुवद्भिः कीटभक्षितैः । मज्जापूर्णं नराणां च महादुर्गन्धिसंयुतम्

vāpīturyapramāṇaṁ ca bruvadbhiḥ kīṭabhakṣitaiḥ | majjāpūrṇaṁ narāṇāṁ ca mahādurgandhisaṁyutam

— बावड़ी के एक चतुर्थांश प्रमाण का, चीत्कार करते हुए और कीड़ों द्वारा खाए जाते हुए। मज्जाकुण्ड मनुष्यों की मज्जा से भरा हुआ, अत्यंत दुर्गंधयुक्त है;

श्लोक 23 (devibhagavatam.9.37.23)

महापातकिभिर्युक्तं वापीतुर्यप्रमाणकम् । परिपूर्णं सिग्धमांसैर्मम दूतैश्च ताडितैः

mahāpātakibhiryuktaṁ vāpīturyapramāṇakam | paripūrṇaṁ sigdhamāṁsairmama dūtaiśca tāḍitaiḥ

— महापापियों से युक्त, बावड़ी के एक चतुर्थांश प्रमाण का। मांसकुण्ड चिकने मांस से पूर्ण, मेरे दूतों द्वारा पीटा जाता हुआ,

श्लोक 24 (devibhagavatam.9.37.24)

पापिभिः सङ्कुलं चैव वापीमानं भयानकम् । कन्याविक्रयिभिश्चैव तद्भक्ष्यैः कीटभक्षितैः

pāpibhiḥ saṅkulaṁ caiva vāpīmānaṁ bhayānakam | kanyāvikrayibhiścaiva tadbhakṣyaiḥ kīṭabhakṣitaiḥ

— पापियों से भरा हुआ, बावड़ी के प्रमाण का, भयंकर, कन्या बेचने वालों से युक्त, उन्हें उसे खाने पर विवश किया जाता है, कीड़ों द्वारा खाए जाते हुए —

श्लोक 25 (devibhagavatam.9.37.25)

पाहीति शब्दं कुर्वद्भिस्त्रासितैश्च भयानकैः । वापीतुर्यप्रमाणं च नखादिकचतुष्टयम्

pāhīti śabdaṁ kurvadbhistrāsitaiśca bhayānakaiḥ | vāpīturyapramāṇaṁ ca nakhādikacatuṣṭayam

— "बचाओ!" चिल्लाते हुए, भयभीत, भयंकर। नाखून आदि के चार कुण्ड बावड़ी के एक चतुर्थांश प्रमाण के हैं;

श्लोक 26 (devibhagavatam.9.37.26)

पापिभिः संयुतं शश्वन्मम दूतैश्च ताडितैः । प्रतप्तताम्रकुण्डं च ताम्रोपर्युल्मुकान्वितम्

pāpibhiḥ saṁyutaṁ śaśvanmama dūtaiśca tāḍitaiḥ | prataptatāmrakuṇḍaṁ ca tāmroparyulmukānvitam

— सदा पापियों से युक्त, मेरे दूतों द्वारा पीटा जाता हुआ। तप्त ताम्रकुण्ड ताँबे के ऊपर जलती हुई मशालों से युक्त है;

श्लोक 27 (devibhagavatam.9.37.27)

ताम्राणां प्रतिमालक्षैः प्रतप्तैर्व्यापृतं सदा । प्रत्येकं प्रतिमाश्लिष्टैः रुदद्भिः पापिभिर्युतम्

tāmrāṇāṁ pratimālakṣaiḥ prataptairvyāpṛtaṁ sadā | pratyekaṁ pratimāśliṣṭaiḥ rudadbhiḥ pāpibhiryutam

— वह सदा एक लाख तपाई हुई ताम्र-प्रतिमाओं से भरा रहता है, जिनमें से प्रत्येक को कोई रोता हुआ पापी आलिंगन किए रहता है;

श्लोक 28 (devibhagavatam.9.37.28)

गव्यूतिमानं विस्तीर्णं मम दूतैश्च ताडितैः । प्रतप्तलोहधारं च ज्ववलदङ्गारसंयुतम्

gavyūtimānaṁ vistīrṇaṁ mama dūtaiśca tāḍitaiḥ | prataptalohadhāraṁ ca jvavaladaṅgārasaṁyutam

— एक गव्यूति विस्तार का, मेरे दूतों द्वारा पीटा जाता हुआ। तप्त लोहकुण्ड पिघली हुई लोह-धारा से युक्त, जलते अंगारों से मिश्रित है;

श्लोक 29 (devibhagavatam.9.37.29)

लोहानां प्रतिमाश्लिष्टैः रुदद्भिः पापिभिर्युतम् । प्रत्येकं प्रतिमाश्लिष्टैः शश्वत्प्रज्वलितैर्भिया

lohānāṁ pratimāśliṣṭaiḥ rudadbhiḥ pāpibhiryutam | pratyekaṁ pratimāśliṣṭaiḥ śaśvatprajvalitairbhiyā

— लोहे की प्रतिमाओं का आलिंगन करते रोते हुए पापियों से युक्त; प्रत्येक भय के मारे सदा जलती हुई प्रतिमा से चिपका हुआ,

श्लोक 30 (devibhagavatam.9.37.30)

रक्ष रक्षेति शब्दं च कुर्वद्भिर्दूतताडितैः । महापातकिभिर्युक्तं द्विगव्यूतिप्रमाणकम्

rakṣa rakṣeti śabdaṁ ca kurvadbhirdūtatāḍitaiḥ | mahāpātakibhiryuktaṁ dvigavyūtipramāṇakam

— "रक्षा करो, रक्षा करो!" चिल्लाते हुए, दूतों द्वारा पीटे जाते हुए, महापापियों से युक्त, दो गव्यूति के प्रमाण का —

श्लोक 31 (devibhagavatam.9.37.31)

भयानकं ध्वान्तयुक्तं लोहकुण्डं प्रकीर्तितम् । चर्मकुण्डं तप्तसुराकुण्डं वाप्यर्धमेव च

bhayānakaṁ dhvāntayuktaṁ lohakuṇḍaṁ prakīrtitam | carmakuṇḍaṁ taptasurākuṇḍaṁ vāpyardhameva ca

— भयानक और अंधकारमय — इस प्रकार लोहकुण्ड का वर्णन है। चर्मकुण्ड और तप्त सुराकुण्ड बावड़ी के आधे प्रमाण के हैं,

श्लोक 32 (devibhagavatam.9.37.32)

तद्भोजिपापिभिर्व्याप्तं मम दूतैश्च ताडितैः । अतः शाल्मलिकुण्डं च वृक्षकण्टकशोभितम्

tadbhojipāpibhirvyāptaṁ mama dūtaiśca tāḍitaiḥ | ataḥ śālmalikuṇḍaṁ ca vṛkṣakaṇṭakaśobhitam

— उसे खाने वाले पापियों से भरा हुआ, मेरे दूतों द्वारा पीटा जाता हुआ। इसके बाद शाल्मलिकुण्ड है, जो वृक्ष के कंटकों से सुशोभित है;

श्लोक 33 (devibhagavatam.9.37.33)

लक्षपौरुषमानं च क्रोशमानं च दुःखदम् । धनुर्मानैः कण्टकैश्च सुतीक्ष्णैः परिवेष्टितम्

lakṣapauruṣamānaṁ ca krośamānaṁ ca duḥkhadam | dhanurmānaiḥ kaṇṭakaiśca sutīkṣṇaiḥ pariveṣṭitam

— एक लाख पुरुष-प्रमाण ऊँचा, एक क्रोश के प्रमाण का, दुःखदायी, धनुष-प्रमाण लंबे अत्यंत तीक्ष्ण कंटकों से घिरा हुआ;

श्लोक 34 (devibhagavatam.9.37.34)

प्रत्येकं विद्धगात्रैश्च महापातकिभिर्युतम् । वृक्षाग्रान्निपतद्भिश्च मम दूतैश्च पातितैः

pratyekaṁ viddhagātraiśca mahāpātakibhiryutam | vṛkṣāgrānnipatadbhiśca mama dūtaiśca pātitaiḥ

— प्रत्येक कंटक किसी महापापी के शरीर में बींधा हुआ, वृक्ष की चोटी से मेरे दूतों द्वारा गिराया जाकर,

श्लोक 35 (devibhagavatam.9.37.35)

जलं देहीति शब्दं च कुर्वद्भिः शुष्कतालुकैः । महाभियातिव्यग्रैश्च दण्डैः सम्भग्नमस्तकैः

jalaṁ dehīti śabdaṁ ca kurvadbhiḥ śuṣkatālukaiḥ | mahābhiyātivyagraiśca daṇḍaiḥ sambhagnamastakaiḥ

— "जल दो!" चिल्लाते हुए, सूखे तालु वाले, अत्यंत भय से व्याकुल, दण्डों से टूटे हुए सिर वाले,

श्लोक 36 (devibhagavatam.9.37.36)

प्रचलद्भिर्यथा तप्ततैलजीविभिरेव च । विषोदैस्तक्षकाणां च पूर्वं च क्रोशमानकम्

pracaladbhiryathā taptatailajīvibhireva ca | viṣodaistakṣakāṇāṁ ca pūrvaṁ ca krośamānakam

— व्याकुल, मानो उबलते तेल में जी रहे हों; इसके निकट सर्प-विष-जल का कुण्ड है, पूर्ववत् चीत्कारों से गूँजता हुआ —

श्लोक 37 (devibhagavatam.9.37.37)

तद्भक्षैः पापिभिर्युक्तं मम दूतैश्च ताडिते । प्रतप्ततैलपूर्णं च कीटादिपरिवर्जितम्

tadbhakṣaiḥ pāpibhiryuktaṁ mama dūtaiśca tāḍite | prataptatailapūrṇaṁ ca kīṭādiparivarjitam

— उसे खाने वाले पापियों से युक्त, मेरे दूतों द्वारा पीटा जाता हुआ। तैलकुण्ड उबलते तेल से भरा हुआ, कीड़ों आदि से रहित,

श्लोक 38 (devibhagavatam.9.37.38)

महापातकिभिर्युक्तं दग्धाङ्गारैश्च वेष्टितम् । काकुशब्दं प्रकुर्वद्भिश्चलद्भिर्दूतपीडितैः

mahāpātakibhiryuktaṁ dagdhāṅgāraiśca veṣṭitam | kākuśabdaṁ prakurvadbhiścaladbhirdūtapīḍitaiḥ

— महापापियों से युक्त, जलते अंगारों से घिरा हुआ, चीत्कार करते हुए, व्याकुल, दूतों द्वारा पीड़ित निवासियों से युक्त;

श्लोक 39 (devibhagavatam.9.37.39)

ध्वान्तयुक्तं क्रोशमानं क्लेशदं च भयानकम् । शूलाकारैः सुतीक्ष्णाग्रैर्लोहशस्त्रैश्च वेष्टितम्

dhvāntayuktaṁ krośamānaṁ kleśadaṁ ca bhayānakam | śūlākāraiḥ sutīkṣṇāgrairlohaśastraiśca veṣṭitam

— अंधकारमय, चीत्कारों से गूँजता, पीड़ादायक और भयंकर। कुन्तकुण्ड शूलाकार, अत्यंत तीक्ष्ण अग्रभाग वाले लोह-शस्त्रों से घिरा हुआ है;

श्लोक 40 (devibhagavatam.9.37.40)

शस्त्रतल्पस्वरूपञ्च कोशतुर्यप्रमाणकम् । वेष्टितं तत्पातकिभिः कुन्तविद्धैश्च वेष्टितैः

śastratalpasvarūpañca kośaturyapramāṇakam | veṣṭitaṁ tatpātakibhiḥ kuntaviddhaiśca veṣṭitaiḥ

— शस्त्रों की शय्या के समान, एक चतुर्थांश क्रोश के प्रमाण का; उन पापियों से घिरा हुआ, जो स्वयं भालों से बींधे हुए हैं;

श्लोक 41 (devibhagavatam.9.37.41)

ताडितैर्मम दूतैश्च शुष्ककण्ठोष्ठतालुकैः । कीटैश्च शङ्कुप्रमितैः सर्पमानैर्भयङ्करैः

tāḍitairmama dūtaiśca śuṣkakaṇṭhoṣṭhatālukaiḥ | kīṭaiśca śaṅkupramitaiḥ sarpamānairbhayaṅkaraiḥ

— मेरे दूतों द्वारा पीटे जाकर, सूखे कंठ-होंठ-तालु वाले। कृमिकुण्ड शंकु के प्रमाण वाले, सर्प के समान विशाल, भयंकर कीड़ों से युक्त है,

श्लोक 42 (devibhagavatam.9.37.42)

तीक्ष्णदन्तैश्च विकृतैर्व्याप्तं ध्वान्तयुतं सति । महापातकिभिर्युक्तं मम दूतैश्च ताडिते

tīkṣṇadantaiśca vikṛtairvyāptaṁ dhvāntayutaṁ sati | mahāpātakibhiryuktaṁ mama dūtaiśca tāḍite

— तीक्ष्ण दाँतों वाले और विकृत, अंधकार से युक्त, महापापियों से युक्त, मेरे दूतों द्वारा पीटा जाता हुआ।

श्लोक 43 (devibhagavatam.9.37.43)

द्विगव्यूतिप्रमाणं च पूयकुण्डं प्रचक्षते । तद्भक्ष्यैः प्राणिभिर्युक्तं मम दूतैश्च ताडितैः

dvigavyūtipramāṇaṁ ca pūyakuṇḍaṁ pracakṣate | tadbhakṣyaiḥ prāṇibhiryuktaṁ mama dūtaiśca tāḍitaiḥ

पूयकुण्ड दो गव्यूति के प्रमाण का कहा गया है, उन जीवों से युक्त जिन्हें उसे खाने पर विवश किया जाता है, मेरे दूतों द्वारा पीटा जाता हुआ।

श्लोक 44 (devibhagavatam.9.37.44)

तालवृक्षप्रमाणैश्च सर्पकोटिभिरावृतम् । सर्पवेष्टितगात्रैश्च पापिभिः सर्पभक्षितैः

tālavṛkṣapramāṇaiśca sarpakoṭibhirāvṛtam | sarpaveṣṭitagātraiśca pāpibhiḥ sarpabhakṣitaiḥ

सर्पकुण्ड ताड़ वृक्ष के प्रमाण वाले करोड़ों सर्पों से आच्छादित है; उसके पापी सर्पों से लिपटे हुए, उनके द्वारा खाए जाते हुए,

श्लोक 45 (devibhagavatam.9.37.45)

सङ्कुलं शब्दकृद्भिश्च मम दूतैश्च ताडितैः । कुण्डत्रयं मशादीनां पूर्णं च मशकादिभिः

saṅkulaṁ śabdakṛdbhiśca mama dūtaiśca tāḍitaiḥ | kuṇḍatrayaṁ maśādīnāṁ pūrṇaṁ ca maśakādibhiḥ

— भीड़ से भरा हुआ, चीत्कार करते हुए, मेरे दूतों द्वारा पीटा जाता हुआ। मशक आदि के तीन कुण्ड मच्छरों और ऐसे ही कीड़ों से भरे हैं,

श्लोक 46 (devibhagavatam.9.37.46)

सर्वं कोशार्धमानं च महापातकिभिर्युतम् । हस्तपादादिबद्धैश्च क्षतजौघेन लोहितैः

sarvaṁ kośārdhamānaṁ ca mahāpātakibhiryutam | hastapādādibaddhaiśca kṣatajaughena lohitaiḥ

— प्रत्येक आधे क्रोश के प्रमाण का, महापापियों से युक्त, जिनके हाथ-पैर बंधे हैं, रक्तधारा से लाल हुए,

श्लोक 47 (devibhagavatam.9.37.47)

हाहेति शब्दं कुर्वद्भिस्ताडितैर्मम पार्षदैः । वज्रवृश्चिकयोः कुण्डं ताभ्यां च परिपूरितम्

hāheti śabdaṁ kurvadbhistāḍitairmama pārṣadaiḥ | vajravṛścikayoḥ kuṇḍaṁ tābhyāṁ ca paripūritam

— "हाय! हाय!" पुकारते हुए, मेरे सेवकों द्वारा पीटे जाते हुए। वज्रदंष्ट्र और बिच्छुओं का कुण्ड उन्हीं से पूर्णतः भरा हुआ है,

श्लोक 48 (devibhagavatam.9.37.48)

वाप्यर्धं पापिभिर्युक्तं वज्रवृश्चिकदंशितैः । कुण्डत्रयं शरादीनां तैरेव परिपूरितम्

vāpyardhaṁ pāpibhiryuktaṁ vajravṛścikadaṁśitaiḥ | kuṇḍatrayaṁ śarādīnāṁ taireva paripūritam

— बावड़ी के आधे प्रमाण का, वज्रदंष्ट्रों और बिच्छुओं द्वारा डसे गए पापियों से युक्त। शर आदि के तीन कुण्ड उन्हीं से पूर्णतः भरे हैं;

श्लोक 49 (devibhagavatam.9.37.49)

तैर्विद्धैः पापिभिर्युक्तं वाप्यर्धं रक्तलोहितैः । तप्ततोयोदकैः पूर्णं सध्वान्तं गोलकुण्डकम्

tairviddhaiḥ pāpibhiryuktaṁ vāpyardhaṁ raktalohitaiḥ | taptatoyodakaiḥ pūrṇaṁ sadhvāntaṁ golakuṇḍakam

— बावड़ी के आधे प्रमाण का, उनसे बींधे गए, रक्त से लाल हुए पापियों से युक्त। गोलकुण्ड उबलते जल से भरा और अंधकार से युक्त है,

श्लोक 50 (devibhagavatam.9.37.50)

कीटैः शङ्कुसमानैश्च भक्षितैः पापिभिर्युतम् । वाप्यर्थमानं भीतैश्च पापिभिः कीटभक्षितैः

kīṭaiḥ śaṅkusamānaiśca bhakṣitaiḥ pāpibhiryutam | vāpyarthamānaṁ bhītaiśca pāpibhiḥ kīṭabhakṣitaiḥ

— शंकु के समान कीड़ों द्वारा खाए जाते हुए पापियों से युक्त, बावड़ी के प्रमाण का, भयभीत, कीड़ों द्वारा खाए जाते हुए पापियों से युक्त,

श्लोक 51 (devibhagavatam.9.37.51)

रुदद्भिः क्रोशमानैश्च मम दूतैश्च ताडितैः । अतिदुर्गन्धिसंयुक्तं दुःखदं पापिनां सदा

rudadbhiḥ krośamānaiśca mama dūtaiśca tāḍitaiḥ | atidurgandhisaṁyuktaṁ duḥkhadaṁ pāpināṁ sadā

— रोते हुए, चीत्कार करते हुए, मेरे दूतों द्वारा पीटे जाते हुए; अत्यंत दुर्गंधयुक्त, पापियों के लिए सदा दुःखदायी।

श्लोक 52 (devibhagavatam.9.37.52)

दारुणैर्विकृताकारैर्भक्षितं पापिभिर्युतम् । वाप्यर्धं परिपूर्णं च जलस्थैर्नक्रकोटिभिः

dāruṇairvikṛtākārairbhakṣitaṁ pāpibhiryutam | vāpyardhaṁ paripūrṇaṁ ca jalasthairnakrakoṭibhiḥ

— भीषण, विकृत आकार वाले जीवों द्वारा खाए जाते हुए, पापियों से युक्त। नक्रकुण्ड बावड़ी के आधे प्रमाण का, जल में रहने वाले करोड़ों मगरमच्छों से पूर्णतः भरा हुआ है,

श्लोक 53 (devibhagavatam.9.37.53)

विण्मूत्रश्लेष्मभक्षैश्च संयुतं शतकोटिभिः । काकैश्च विकृताकारैर्भक्षितैः पापिभिर्युतम्

viṇmūtraśleṣmabhakṣaiśca saṁyutaṁ śatakoṭibhiḥ | kākaiśca vikṛtākārairbhakṣitaiḥ pāpibhiryutam

— विष्ठा, मूत्र और कफ खाने वाले सौ करोड़ जीवों से युक्त, तथा विकृत कौओं द्वारा खाए जाने वाले पापियों से युक्त है।

श्लोक 54 (devibhagavatam.9.37.54)

मन्थानकुण्डं बीजकुण्डं ताभ्यां पूर्णं धनुःशतम् । भक्षितैः पापिभिर्युक्तं शब्दकृद्भिश्च सन्ततम्

manthānakuṇḍaṁ bījakuṇḍaṁ tābhyāṁ pūrṇaṁ dhanuḥśatam | bhakṣitaiḥ pāpibhiryuktaṁ śabdakṛdbhiśca santatam

मंथनकुण्ड और बीजकुण्ड, उन्हीं से भरे हुए, सौ धनुष के विस्तार के, खाए जाते हुए पापियों से युक्त, निरंतर चीत्कार करते हुए;

श्लोक 55 (devibhagavatam.9.37.55)

धनुःशतं जीवयुक्तं पापिभिः सङ्कुलं सदा । शब्दकृद्भिर्वज्रदंष्ट्रैः सान्द्रध्वान्तमयं परम्

dhanuḥśataṁ jīvayuktaṁ pāpibhiḥ saṅkulaṁ sadā | śabdakṛdbhirvajradaṁṣṭraiḥ sāndradhvāntamayaṁ param

— सौ धनुष का, जीवों से युक्त, सदा चीत्कार करते पापियों से भरा हुआ, वज्रदंष्ट्र जीवों से युक्त, और घोर अंधकार से परिपूर्ण है।

श्लोक 56 (devibhagavatam.9.37.56)

वापीद्विगुणमानं च तप्तप्रस्तरनिर्मितम् । ज्वलदङ्गारसदृशं चलद्भिः पापिभिर्युतम्

vāpīdviguṇamānaṁ ca taptaprastaranirmitam | jvaladaṅgārasadṛśaṁ caladbhiḥ pāpibhiryutam

तप्त पाषाणकुण्ड बावड़ी के दुगुने प्रमाण का, तपे हुए पत्थरों से निर्मित, जलते अंगारों के समान, व्याकुल पापियों से युक्त है;

श्लोक 57 (devibhagavatam.9.37.57)

क्षुरधारोपमैस्तीक्ष्णैः पाषाणैर्निर्मितं परम् । महापातकिभिर्युक्तं लालाकुण्डं च लोहितैः

kṣuradhāropamaistīkṣṇaiḥ pāṣāṇairnirmitaṁ param | mahāpātakibhiryuktaṁ lālākuṇḍaṁ ca lohitaiḥ

— अत्यंत तीक्ष्ण, क्षुरधार के समान पत्थरों से निर्मित, महापापियों से युक्त। लारकुण्ड रक्तमिश्रित लार से भरा हुआ है,

श्लोक 58 (devibhagavatam.9.37.58)

क्रोशमात्रं च गम्भीरं मम दूतैश्च ताडितैः । तप्ताञ्जनाचलाकारैः परिपूर्णं धनुःशतम्

krośamātraṁ ca gambhīraṁ mama dūtaiśca tāḍitaiḥ | taptāñjanācalākāraiḥ paripūrṇaṁ dhanuḥśatam

— एक क्रोश विस्तार का और गहरा, मेरे दूतों द्वारा पीटा जाता हुआ। मषिकुण्ड तपे हुए काजल के पर्वत के समान वस्तुओं से भरा, सौ धनुष का;

श्लोक 59 (devibhagavatam.9.37.59)

चलद्भिः पापिभिर्युक्तं मम दूतैश्च ताडितैः । पूर्णं चूर्णद्रवैः क्रोशमानं पापिभिरन्वितम्

caladbhiḥ pāpibhiryuktaṁ mama dūtaiśca tāḍitaiḥ | pūrṇaṁ cūrṇadravaiḥ krośamānaṁ pāpibhiranvitam

— व्याकुल पापियों से युक्त, मेरे दूतों द्वारा पीटा जाता हुआ। चूर्णकुण्ड एक क्रोश के प्रमाण का, चूर्णयुक्त द्रव से भरा, पापियों से युक्त है,

श्लोक 60 (devibhagavatam.9.37.60)

तद्भोजिभिः प्रदग्धैश्च मम दूतैश्च ताडितैः । कुण्डं कुलालचक्रं च घूर्णमानञ्च सन्ततम्

tadbhojibhiḥ pradagdhaiśca mama dūtaiśca tāḍitaiḥ | kuṇḍaṁ kulālacakraṁ ca ghūrṇamānañca santatam

— उसे खाने वाले, जलते हुए, मेरे दूतों द्वारा पीटे जाते हुए। चक्रकुण्ड निरंतर घूमता रहता है,

श्लोक 61 (devibhagavatam.9.37.61)

सुतीक्ष्णं षोडशारं च चूर्णितैः पापिभिर्युतम् । अतीव वक्रं निम्नं च द्विगव्यूतिप्रमाणकम्

sutīkṣṇaṁ ṣoḍaśāraṁ ca cūrṇitaiḥ pāpibhiryutam | atīva vakraṁ nimnaṁ ca dvigavyūtipramāṇakam

— अत्यंत तीक्ष्ण, सोलह आरों वाला, चूर्ण किए गए पापियों से युक्त है। वक्रकुण्ड अत्यंत टेढ़ा और गहरा, दो गव्यूति के प्रमाण का है,

श्लोक 62 (devibhagavatam.9.37.62)

कन्दराकारनिर्माणं तप्तोदैश्च समन्वितम् । महापातकिभिर्युक्तं भक्षितैर्जलजन्तुभिः

kandarākāranirmāṇaṁ taptodaiśca samanvitam | mahāpātakibhiryuktaṁ bhakṣitairjalajantubhiḥ

— गुफा के आकार में निर्मित, उबलते जल से युक्त, महापापियों से युक्त, जलजंतुओं द्वारा खाए जाते हुए;

श्लोक 63 (devibhagavatam.9.37.63)

ज्वलद्भिः शब्दकृद्भिश्च ध्वान्तयुक्तं भयानकम् । कोटिभिर्विकृताकारैः कच्छपैश्च सुदारुणैः

jvaladbhiḥ śabdakṛdbhiśca dhvāntayuktaṁ bhayānakam | koṭibhirvikṛtākāraiḥ kacchapaiśca sudāruṇaiḥ

— जलते हुए, चीत्कार करते हुए, अंधकारमय, भयंकर, विकृत आकार वाले, अत्यंत भीषण करोड़ों कछुओं से युक्त,

श्लोक 64 (devibhagavatam.9.37.64)

जलस्थैः संयुतं तैश्च भक्षितैः पापिभिर्युतम् । ज्वालाकलापैस्तेजोभिर्निर्मितैः क्रोशमानकम्

jalasthaiḥ saṁyutaṁ taiśca bhakṣitaiḥ pāpibhiryutam | jvālākalāpaistejobhirnirmitaiḥ krośamānakam

— उस जल में रहने वाले, उनके द्वारा खाए जाते हुए पापियों से युक्त। ज्वालाकुण्ड प्रज्वलित लपटों के समूह से निर्मित, एक क्रोश के प्रमाण का,

श्लोक 65 (devibhagavatam.9.37.65)

शब्दकृद्भिः पातकिभिः संयुतं क्लेशदं सदा । क्रोशमानञ्च गम्भीरं तप्तभस्मभिरन्वितम्

śabdakṛdbhiḥ pātakibhiḥ saṁyutaṁ kleśadaṁ sadā | krośamānañca gambhīraṁ taptabhasmabhiranvitam

— चीत्कार करते पापियों से युक्त, सदा पीड़ादायक है। भस्मकुण्ड एक क्रोश के प्रमाण का और गहरा, तप्त भस्म से युक्त है,

श्लोक 66 (devibhagavatam.9.37.66)

शश्वज्ज्वलद्भिः संयुक्तं पापिभिर्भस्मभक्षितैः । तप्तपाषाणलोहानां समूहैः परिपूरितैः

śaśvajjvaladbhiḥ saṁyuktaṁ pāpibhirbhasmabhakṣitaiḥ | taptapāṣāṇalohānāṁ samūhaiḥ paripūritaiḥ

— सदा प्रज्वलित, भस्म-भक्षण करने वाले पापियों से युक्त, और तप्त पाषाणों और लोहे के ढेरों से पूर्णतः भरा हुआ है;

श्लोक 67 (devibhagavatam.9.37.67)

पापिभिर्दग्धगात्रैश्च युक्तञ्च शुष्कतालुकैः । क्रोशमानं ध्वान्तयुक्तं गम्भीरमतिदारुणम्

pāpibhirdagdhagātraiśca yuktañca śuṣkatālukaiḥ | krośamānaṁ dhvāntayuktaṁ gambhīramatidāruṇam

— जिनके शरीर जले हुए और तालु सूखे हुए हैं, ऐसे पापियों से युक्त; एक क्रोश के प्रमाण का, अंधकारमय, गहरा, अत्यंत भीषण —

श्लोक 68 (devibhagavatam.9.37.68)

ताडितैश्च प्रदग्धैश्च दग्धकुण्डं प्रकीर्तितम् । अतीवोर्मियुतं तोयं प्रतप्तक्षारसंयुतम्

tāḍitaiśca pradagdhaiśca dagdhakuṇḍaṁ prakīrtitam | atīvormiyutaṁ toyaṁ prataptakṣārasaṁyutam

— पीटे और जलाए जाते हुए, इस प्रकार दग्धकुण्ड का वर्णन है। उसका जल अत्यंत तरंगयुक्त, तप्त क्षार से युक्त है,

श्लोक 69 (devibhagavatam.9.37.69)

नानाप्रकारैर्विरुतैर्जलजन्तुभिरन्वितम् । द्विगव्यूतिप्रमाणं च गम्भीरं ध्वान्तसंयुतम्

nānāprakārairvirutairjalajantubhiranvitam | dvigavyūtipramāṇaṁ ca gambhīraṁ dhvāntasaṁyutam

— नाना प्रकार से चीत्कार करते जलजंतुओं से युक्त; दो गव्यूति के प्रमाण का, गहरा, अंधकार से युक्त,

श्लोक 70 (devibhagavatam.9.37.70)

तद्भक्ष्यैः पापिभिर्युक्तं दंशितैर्जलजन्तुभिः । ज्वलद्भिः शब्दकृद्भिश्च न पश्यद्भिः परस्परम्

tadbhakṣyaiḥ pāpibhiryuktaṁ daṁśitairjalajantubhiḥ | jvaladbhiḥ śabdakṛdbhiśca na paśyadbhiḥ parasparam

— उसे खाने वाले पापियों से युक्त, जलजंतुओं द्वारा डसे जाते हुए, जलते हुए, चीत्कार करते हुए, एक-दूसरे को भी नहीं देख पाते।

श्लोक 71 (devibhagavatam.9.37.71)

प्रतप्तसूचीकुण्डञ्च कीर्तितं च भयानकम् । असीव धारापत्रस्याऽप्युच्चैस्तालतरोरधः

prataptasūcīkuṇḍañca kīrtitaṁ ca bhayānakam | asīva dhārāpatrasyā'pyuccaistālataroradhaḥ

तप्तसूचीकुण्ड भी भयंकर कहा गया है। असिपत्र वन के विषय में: उसके पत्ते तलवार की धार के समान तीक्ष्ण हैं, एक ऊँचे ताड़-वृक्ष के नीचे —

श्लोक 72 (devibhagavatam.9.37.72)

क्रोशार्धमानं कुण्डं च पतत्पत्रसमन्वितम् । पापिनां रक्तपूर्णं च वृक्षाग्रात्पततां ध्रुवं

krośārdhamānaṁ kuṇḍaṁ ca patatpatrasamanvitam | pāpināṁ raktapūrṇaṁ ca vṛkṣāgrātpatatāṁ dhruvaṁ

— कुण्ड, आधे क्रोश के प्रमाण का, गिरते हुए पत्तों से युक्त है; वह निश्चय ही वृक्ष की चोटी से गिरते हुए पापियों के रक्त से भरा हुआ है,

श्लोक 73 (devibhagavatam.9.37.73)

परित्राहीति शब्दं च कुर्वतामसतामपि । गम्भीरं ध्वान्तयुक्तं च रक्तकीटसमन्वितम्

paritrāhīti śabdaṁ ca kurvatāmasatāmapi | gambhīraṁ dhvāntayuktaṁ ca raktakīṭasamanvitam

— उन दुष्टों के "बचाओ!" पुकारते हुए; वह गहरा, अंधकारमय और रक्त-कीड़ों से युक्त है।

श्लोक 74 (devibhagavatam.9.37.74)

तदसीपत्रकुण्डं च कीर्तितं च भयानकम् । धनुःशतप्रमाणं च क्षुरधारास्त्रसंयुतम्

tadasīpatrakuṇḍaṁ ca kīrtitaṁ ca bhayānakam | dhanuḥśatapramāṇaṁ ca kṣuradhārāstrasaṁyutam

वह असिपत्रकुण्ड कहा गया है, भयंकर, सौ धनुष के प्रमाण का, क्षुरधार अस्त्रों से युक्त।

श्लोक 75 (devibhagavatam.9.37.75)

पापिनां रक्तपूर्णं च क्षुरधारं भयानकम् । सूचीमुखास्त्रसंयुक्तं पापिरक्तौघपूरतम्

pāpināṁ raktapūrṇaṁ ca kṣuradhāraṁ bhayānakam | sūcīmukhāstrasaṁyuktaṁ pāpiraktaughapūratam

क्षुरधार पापियों के रक्त से भरा हुआ, भयंकर है; सूचीमुख सूची-अस्त्रों से युक्त, पापियों के रक्त-प्रवाह से पूर्ण है,

श्लोक 76 (devibhagavatam.9.37.76)

पञ्चाशद्धनुरायामं क्लेशदं सूचिकामुखम् । कस्यचिज्जन्तुभेदस्य गोकाख्यस्य मुखाकृति

pañcāśaddhanurāyāmaṁ kleśadaṁ sūcikāmukham | kasyacijjantubhedasya gokākhyasya mukhākṛti

— पचास धनुष की लंबाई का, क्लेशदायक। गोकामुख 'गोक' नामक किसी विशेष जीव-प्रकार के मुख के आकार का है;

श्लोक 77 (devibhagavatam.9.37.77)

कूपरूपं गभीरं च धनुर्विंशत्प्रमाणकम् । महापातकिनां चैव महत्क्लेशप्रदं परम्

kūparūpaṁ gabhīraṁ ca dhanurviṁśatpramāṇakam | mahāpātakināṁ caiva mahatkleśapradaṁ param

— कूप के आकार का और गहरा, बीस धनुष के प्रमाण का, महापापियों के लिए अत्यंत महाक्लेशदायक,

श्लोक 78 (devibhagavatam.9.37.78)

तत्कीटभक्षितानां च नम्रास्यानां च सन्ततम् । कुण्डं नक्रमुखाकारं धनुःषोडशमानकम्

tatkīṭabhakṣitānāṁ ca namrāsyānāṁ ca santatam | kuṇḍaṁ nakramukhākāraṁ dhanuḥṣoḍaśamānakam

— वहाँ निरंतर कीड़ों द्वारा खाए जाते हुए, झुके हुए मुख वाले। नक्रमुख नामक मगरमच्छ-मुख के आकार वाला कुण्ड सोलह धनुष के प्रमाण का है,

श्लोक 79 (devibhagavatam.9.37.79)

गम्भीरं कूपरूपं च पापिनां सङ्कुलं सदा । धनुःशतप्रमाणं च कीर्तितं गजदंशनम्

gambhīraṁ kūparūpaṁ ca pāpināṁ saṅkulaṁ sadā | dhanuḥśatapramāṇaṁ ca kīrtitaṁ gajadaṁśanam

— गहरा, कूप के आकार का, सदा पापियों से भरा हुआ। गजदंशन सौ धनुष के प्रमाण का कहा गया है।

श्लोक 80 (devibhagavatam.9.37.80)

धनुस्त्रिंशत्प्रमाणं च कुण्डं च गोमुखाकृति । पापिनां क्लेशदं शश्वद् गोमुखं परिकीर्तितम्

dhanustriṁśatpramāṇaṁ ca kuṇḍaṁ ca gomukhākṛti | pāpināṁ kleśadaṁ śaśvad gomukhaṁ parikīrtitam

गौमुखाकृति कुण्ड तीस धनुष के प्रमाण का है; गोमुख सदा पापियों को क्लेश देने वाला कहा गया है।

श्लोक 81 (devibhagavatam.9.37.81)

कालचक्रेण संयुक्तं भ्रममाणं भयानकम् । कुम्भाकारं ध्वान्तयुक्तं द्विगव्यूतिप्रमाणकम्

kālacakreṇa saṁyuktaṁ bhramamāṇaṁ bhayānakam | kumbhākāraṁ dhvāntayuktaṁ dvigavyūtipramāṇakam

कुम्भीपाक काल-चक्र से युक्त, निरंतर घूमता हुआ, भयंकर, कुम्भ के आकार का, अंधकारमय, दो गव्यूति के प्रमाण का है,

श्लोक 82 (devibhagavatam.9.37.82)

लक्षपौरुषमानं च गम्भीरं विस्मृतं सति । कुत्रचित्तप्ततैलं च ताम्रादिकुण्डमेव च

lakṣapauruṣamānaṁ ca gambhīraṁ vismṛtaṁ sati | kutracittaptatailaṁ ca tāmrādikuṇḍameva ca

— एक लाख पुरुष-प्रमाण गहरा, हे सती! अत्यंत विस्तृत; कहीं उबलते तेल से युक्त, कहीं ताँबे आदि के कुण्ड से युक्त है,

श्लोक 83 (devibhagavatam.9.37.83)

पापिनां च प्रधानैश्च मूर्च्छितैः कृमिभिर्युतम् । परस्परं च नश्यद्भिः शब्दकृद्भिश्च सन्ततम्

pāpināṁ ca pradhānaiśca mūrcchitaiḥ kṛmibhiryutam | parasparaṁ ca naśyadbhiḥ śabdakṛdbhiśca santatam

— प्रमुख पापियों से युक्त, मूर्च्छित, कीड़ों से मिश्रित, निरंतर एक-दूसरे को नष्ट करते और चीत्कार करते हुए,

श्लोक 84 (devibhagavatam.9.37.84)

ताडितैर्यमदूतैश्च मुसलैर्मुद्गरैस्तथा । घूर्णमानैः पतद्भिश्च मूर्च्छितैश्च क्षणं क्षणम्

tāḍitairyamadūtaiśca musalairmudgaraistathā | ghūrṇamānaiḥ patadbhiśca mūrcchitaiśca kṣaṇaṁ kṣaṇam

— यमदूतों द्वारा मूसलों और मुद्गरों से पीटे जाते हुए, चक्कर खाते, गिरते, क्षण-क्षण मूर्च्छित होते हुए,

श्लोक 85 (devibhagavatam.9.37.85)

पातितैर्यमदूतैश्च रुदन्त्यस्मात्क्षणं पुनः । यावन्तः पापिनः सन्ति सर्वकुण्डेषु सुन्दरि

pātitairyamadūtaiśca rudantyasmātkṣaṇaṁ punaḥ | yāvantaḥ pāpinaḥ santi sarvakuṇḍeṣu sundari

— यमदूतों द्वारा गिराए जाकर, उसी क्षण पुनः रोते हुए। हे सुंदरी! अन्य समस्त कुण्डों में जितने भी पापी हैं,

श्लोक 86 (devibhagavatam.9.37.86)

ततश्चतुर्गुणाः सन्ति कुम्भीपाके च दुःखदे । सुचिरं वध्यमानास्ते भोगदेहा न नश्वराः

tataścaturguṇāḥ santi kumbhīpāke ca duḥkhade | suciraṁ vadhyamānāste bhogadehā na naśvarāḥ

— उससे चार गुना अधिक कुम्भीपाक में हैं, जो दुःखदायी है। वहाँ दीर्घकाल तक वध किए जाने पर भी उनकी भोग-देह नष्ट नहीं होती।

श्लोक 87 (devibhagavatam.9.37.87)

सर्वकुण्डप्रधानं च कुम्भीपाकं प्रकीर्तितम् । कालनिर्मितसूत्रेण निबद्धा यत्र पापिनः

sarvakuṇḍapradhānaṁ ca kumbhīpākaṁ prakīrtitam | kālanirmitasūtreṇa nibaddhā yatra pāpinaḥ

कुम्भीपाक समस्त कुण्डों में प्रधान कहा गया है; वहाँ पापी काल द्वारा निर्मित सूत्र से बंधे रहते हैं,

श्लोक 88 (devibhagavatam.9.37.88)

उत्थापिताश्च दूतैश्च क्षणमेव निमज्जिताः । निःश्वासबद्धाः सुचिरं तथा मोहं गताः पुनः

utthāpitāśca dūtaiśca kṣaṇameva nimajjitāḥ | niḥśvāsabaddhāḥ suciraṁ tathā mohaṁ gatāḥ punaḥ

— दूतों द्वारा उठाए जाकर, उसी क्षण डुबोए जाकर; दीर्घकाल तक अपनी ही श्वास से बंधे हुए, और पुनः मूर्च्छा को प्राप्त होते हुए।

श्लोक 89 (devibhagavatam.9.37.89)

अतीव क्लेशसंयुक्ता देहभोगेन सुन्दरि । प्रतप्ततोययुक्तं च कालसूत्रं प्रकीर्तितम्

atīva kleśasaṁyuktā dehabhogena sundari | prataptatoyayuktaṁ ca kālasūtraṁ prakīrtitam

हे सुंदरी! वे देह के भोग से अत्यंत क्लेशयुक्त हैं। कालसूत्र तप्त जल से युक्त कहा गया है,

श्लोक 90 (devibhagavatam.9.37.90)

अवटः कूपभेदश्च मत्स्योदः स उदाहृतः । प्रतप्ततोयपूर्णं च चतुर्विंशत्प्रमाणकम्

avaṭaḥ kūpabhedaśca matsyodaḥ sa udāhṛtaḥ | prataptatoyapūrṇaṁ ca caturviṁśatpramāṇakam

अवट कूप का एक भेद है; उसे ही मत्स्योद कहा गया है, तप्त जल से पूर्ण, चौबीस के प्रमाण का,

श्लोक 91 (devibhagavatam.9.37.91)

व्याप्तं महापातकिभिर्व्यादग्धाङ्गैश्च सन्ततम् । मद्दूतैस्ताडितैः शश्वदवटोदं प्रकीर्तितम्

vyāptaṁ mahāpātakibhirvyādagdhāṅgaiśca santatam | maddūtaistāḍitaiḥ śaśvadavaṭodaṁ prakīrtitam

— महापापियों से व्याप्त, उनके अंग निरंतर दग्ध होते हैं, मेरे दूतों द्वारा सदा पीटे जाते हुए — इस प्रकार अवटोद का वर्णन है।

श्लोक 92 (devibhagavatam.9.37.92)

यत्रोदस्पर्शमात्रेण सर्वव्याधिश्च पापिनाम् । भवेदकस्मात्पततां यस्मिन्कुण्डे धनुःशते

yatrodasparśamātreṇa sarvavyādhiśca pāpinām | bhavedakasmātpatatāṁ yasminkuṇḍe dhanuḥśate

जहाँ उस जल के स्पर्श मात्र से पापी अकस्मात् समस्त रोगों से ग्रस्त हो जाते हैं; उस कुण्ड में, जो सौ धनुष का है, जहाँ वे अकस्मात् गिरते हैं —

श्लोक 93 (devibhagavatam.9.37.93)

अरुन्तुदैर्भक्षितैस्तु प्राणिभिर्यच्च सङ्कुलम् । हाहेति शब्दं कुर्वद्भिस्तदेवारुन्तुदं विदुः

aruntudairbhakṣitaistu prāṇibhiryacca saṅkulam | hāheti śabdaṁ kurvadbhistadevāruntudaṁ viduḥ

— जो जीव मर्मभेदी वस्तुओं द्वारा खाए जाकर "हाय! हाय!" पुकारते हुए वहाँ भरे रहते हैं — उसे ही अरुन्तुद जानो।

श्लोक 94 (devibhagavatam.9.37.94)

तप्तपांसुभिराकीर्णं ज्वलद्भिस्तुषदग्धकैः । तद्भक्षैः पापिभिर्युक्तं पांसुभोजैर्धनुःशतम्

taptapāṁsubhirākīrṇaṁ jvaladbhistuṣadagdhakaiḥ | tadbhakṣaiḥ pāpibhiryuktaṁ pāṁsubhojairdhanuḥśatam

पांसुकुण्ड तप्त धूल से आच्छादित, जलती हुई भूसी से युक्त, सौ धनुष का, धूल-भक्षण करने वाले पापियों से युक्त है,

श्लोक 95 (devibhagavatam.9.37.95)

पातमात्रेण पापी च पाशेन वेष्टितो भवेत् । क्रोशमात्रेण कुण्डं च तत्पाशवेष्टनं विदुः

pātamātreṇa pāpī ca pāśena veṣṭito bhavet | krośamātreṇa kuṇḍaṁ ca tatpāśaveṣṭanaṁ viduḥ

— पापी गिरते ही पाश से बंध जाता है; एक क्रोश विस्तार का वह कुण्ड पाशवेष्टन नामक जाना जाता है।

श्लोक 96 (devibhagavatam.9.37.96)

पातमात्रेण पापी च शूलेन वेष्टितो भवेत् । धनुर्विंशत्प्रमाणं च शूलप्रोतं प्रकीर्तितम्

pātamātreṇa pāpī ca śūlena veṣṭito bhavet | dhanurviṁśatpramāṇaṁ ca śūlaprotaṁ prakīrtitam

गिरते ही पापी शूल से बींधा जाता है; बीस धनुष के प्रमाण का यह शूलप्रोत नामक कुण्ड कहा गया है।

श्लोक 97 (devibhagavatam.9.37.97)

पततां पापिनां यत्र भवेदेव प्रकम्पनम् । अतीव हिमतोयाक्तं क्रोशार्धं च प्रकम्पनम्

patatāṁ pāpināṁ yatra bhavedeva prakampanam | atīva himatoyāktaṁ krośārdhaṁ ca prakampanam

जहाँ गिरते हुए पापी कम्पन से ग्रस्त हो जाते हैं — अत्यंत हिमजल से युक्त, आधे क्रोश का, यह प्रकम्पन नामक कुण्ड है।

श्लोक 98 (devibhagavatam.9.37.98)

ददत्येव हि मे दूता यत्रोल्काः पापिनां मुखे । धनुर्विंशत्प्रमाणं तदुल्काभिश्च सुसङ्कुलम्

dadatyeva hi me dūtā yatrolkāḥ pāpināṁ mukhe | dhanurviṁśatpramāṇaṁ tadulkābhiśca susaṅkulam

जहाँ मेरे दूत पापियों के मुख पर जलती मशालें लगाते हैं — बीस धनुष के प्रमाण का, उन मशालों से भरा हुआ।

श्लोक 99 (devibhagavatam.9.37.99)

लक्षपौरुषमानं च गम्भीरं च धनुःशतम् । नानाप्रकारकृमिभिः संयुक्तं च भयानकम्

lakṣapauruṣamānaṁ ca gambhīraṁ ca dhanuḥśatam | nānāprakārakṛmibhiḥ saṁyuktaṁ ca bhayānakam

अंधकूप एक लाख पुरुष-प्रमाण गहरा, सौ धनुष का, नाना प्रकार के कीड़ों से युक्त और भयंकर है,

श्लोक 100 (devibhagavatam.9.37.100)

अत्यन्धकारव्याप्तं च कूपाकारं च वर्तुलम् । तद्भक्ष्यैः पापिभिर्युक्तं प्रणश्यद्भिः परस्परम्

atyandhakāravyāptaṁ ca kūpākāraṁ ca vartulam | tadbhakṣyaiḥ pāpibhiryuktaṁ praṇaśyadbhiḥ parasparam

— घोर अंधकार से व्याप्त, गोल, कूप के आकार का, उसे खाने वाले पापियों से युक्त, आपस में एक-दूसरे को नष्ट करते हुए,

श्लोक 101 (devibhagavatam.9.37.101)

तप्ततोयप्रदग्धैश्च ज्वलद्भिः कीटभक्षितैः । ध्वान्तेन चक्षुषा चान्धैरन्धकूपः प्रकीर्तितः

taptatoyapradagdhaiśca jvaladbhiḥ kīṭabhakṣitaiḥ | dhvāntena cakṣuṣā cāndhairandhakūpaḥ prakīrtitaḥ

— तप्त जल से दग्ध, जलते हुए, कीड़ों द्वारा खाए जाते हुए, अंधकार से नेत्रहीन — इस प्रकार अंधकूप का वर्णन है।

श्लोक 102 (devibhagavatam.9.37.102)

नानाप्रकारशस्त्रौघैर्यत्र विद्धाश्च पापिनः । धनुर्विंशत्प्रमाणं च वेधनं तत्प्रकीर्तितम्

nānāprakāraśastraughairyatra viddhāśca pāpinaḥ | dhanurviṁśatpramāṇaṁ ca vedhanaṁ tatprakīrtitam

जहाँ पापी नाना प्रकार के शस्त्रों की धाराओं से बींधे जाते हैं — बीस धनुष के प्रमाण का, यह वेधन नामक कुण्ड कहा गया है।

श्लोक 103 (devibhagavatam.9.37.103)

दण्डेन ताडिता यत्र मम दूतैश्च पापिनः । धनुःषोडशमानं च तत्कुण्डं दण्डताडनम्

daṇḍena tāḍitā yatra mama dūtaiśca pāpinaḥ | dhanuḥṣoḍaśamānaṁ ca tatkuṇḍaṁ daṇḍatāḍanam

जहाँ पापी मेरे दूतों द्वारा दण्ड से पीटे जाते हैं — सोलह धनुष के प्रमाण का, वह कुण्ड दण्डताड़न कहलाता है।

श्लोक 104 (devibhagavatam.9.37.104)

निरुद्धाश्च महाजालैर्यथा मीनाश्च पापिनः । धनुर्विंशत्प्रमाणं च जालरन्ध्रं प्रकीर्तितम्

niruddhāśca mahājālairyathā mīnāśca pāpinaḥ | dhanurviṁśatpramāṇaṁ ca jālarandhraṁ prakīrtitam

जहाँ पापी विशाल जालों में मछलियों की भाँति फँसाए जाते हैं — बीस धनुष के प्रमाण का, यह जालरंध्र कहा गया है।

श्लोक 105 (devibhagavatam.9.37.105)

पततां पापिनां कुण्डे देहश्चूर्णो भवेदिह । लोहबन्दीनिबद्धानां कोटिपौरुषमानकम्

patatāṁ pāpināṁ kuṇḍe dehaścūrṇo bhavediha | lohabandīnibaddhānāṁ koṭipauruṣamānakam

जिस कुण्ड में गिरते ही पापी की देह चूर्ण हो जाती है — करोड़ पुरुष-प्रमाण गहरा, जो लोह-बंधनों में बंधे हुओं के लिए है,

श्लोक 106 (devibhagavatam.9.37.106)

गम्भीरं ध्वान्तसंयुक्तं धनुर्विंशत्प्रमाणकम् । मूर्च्छितानां जडानां च देहचूर्णं प्रकीर्तितम्

gambhīraṁ dhvāntasaṁyuktaṁ dhanurviṁśatpramāṇakam | mūrcchitānāṁ jaḍānāṁ ca dehacūrṇaṁ prakīrtitam

— गहरा, अंधकार से युक्त, बीस धनुष के प्रमाण का, मूर्च्छित और जड़ हुए पापियों के लिए — यह देहचूर्णक नामक कुण्ड कहा गया है।

श्लोक 107 (devibhagavatam.9.37.107)

दलिताः पापिनो यत्र मम दूतैश्च ताडिताः । धनुःषोडशमानं च तत्कुण्डं दलनं स्मृतम्

dalitāḥ pāpino yatra mama dūtaiśca tāḍitāḥ | dhanuḥṣoḍaśamānaṁ ca tatkuṇḍaṁ dalanaṁ smṛtam

जहाँ पापी मेरे दूतों द्वारा पीटे जाकर कुचले जाते हैं — सोलह धनुष के प्रमाण का, वह कुण्ड दलन कहलाता है।

श्लोक 108 (devibhagavatam.9.37.108)

पतनेनैव पापी च शुष्ककण्ठोष्ठतालुकः । बालुकासु च तप्तासु धनुस्त्रिंशत्प्रमाणकम्

patanenaiva pāpī ca śuṣkakaṇṭhoṣṭhatālukaḥ | bālukāsu ca taptāsu dhanustriṁśatpramāṇakam

गिरते ही पापी का कंठ, होंठ और तालु सूख जाता है, तप्त बालू पर — तीस धनुष के प्रमाण का,

श्लोक 109 (devibhagavatam.9.37.109)

शतपौरुषमानं च गम्भीरं ध्वान्तसंयुतम् । शोषणं कुण्डमेतद्धि पापिनां परदुःखदम्

śatapauruṣamānaṁ ca gambhīraṁ dhvāntasaṁyutam | śoṣaṇaṁ kuṇḍametaddhi pāpināṁ paraduḥkhadam

— सौ पुरुष-प्रमाण गहरा, अंधकार से युक्त — यह शोषण नामक कुण्ड है, जो पापियों के लिए अत्यंत दुःखदायी है।

श्लोक 110 (devibhagavatam.9.37.110)

नानाचर्मकषायोदपरिपूर्णं धनुःशतम् । दुर्गन्धियुक्ततद्भक्ष्यैः प्राणिभिः सङ्कुलं कषम्

nānācarmakaṣāyodaparipūrṇaṁ dhanuḥśatam | durgandhiyuktatadbhakṣyaiḥ prāṇibhiḥ saṅkulaṁ kaṣam

कषकुण्ड सौ धनुष का, नाना चमड़ों के कसैले जल से पूर्णतः भरा हुआ, उसे खाने वाले दुर्गंधयुक्त जीवों से भरा हुआ है,

श्लोक 111 (devibhagavatam.9.37.111)

शूर्पाकारमुखं कुण्डं धनुर्द्वादशमानकम् । तप्तलोहबालुकाभिः पूर्णं पातकिसंयुतम्

śūrpākāramukhaṁ kuṇḍaṁ dhanurdvādaśamānakam | taptalohabālukābhiḥ pūrṇaṁ pātakisaṁyutam

शूर्पाकार मुख वाला कुण्ड बारह धनुष के प्रमाण का है, तप्त लौह-बालू से भरा हुआ, पापियों से युक्त,

श्लोक 112 (devibhagavatam.9.37.112)

दुर्गन्धियुक्तं तद्भक्ष्यैः पापिभिः सङ्कुलं सति । शूर्पाकारमुखं कुण्डं धनुर्द्वादशमात्रकम्

durgandhiyuktaṁ tadbhakṣyaiḥ pāpibhiḥ saṅkulaṁ sati | śūrpākāramukhaṁ kuṇḍaṁ dhanurdvādaśamātrakam

— दुर्गंधयुक्त, उसे खाने वाले पापियों से भरा हुआ। शूर्पाकार मुख वाला कुण्ड बारह धनुष के प्रमाण का है,

श्लोक 113 (devibhagavatam.9.37.113)

प्रतप्तबालुकापूर्णं महापातकिभिर्युतम् । अन्तरग्निशिखानां च ज्वालाव्याप्तमुखं सदा

prataptabālukāpūrṇaṁ mahāpātakibhiryutam | antaragniśikhānāṁ ca jvālāvyāptamukhaṁ sadā

— तप्त बालू से पूर्ण, महापापियों से युक्त। ज्वालामुखकुण्ड के भीतर अग्निशिखाएँ हैं, उसका मुख सदा ज्वाला से व्याप्त रहता है,

श्लोक 114 (devibhagavatam.9.37.114)

धनुर्विंशतिमात्रं च प्रमाणं यस्य सुन्दरि । ज्वालाभिर्दग्धगात्रैश्च पापिभिर्व्याप्तमेव च

dhanurviṁśatimātraṁ ca pramāṇaṁ yasya sundari | jvālābhirdagdhagātraiśca pāpibhirvyāptameva ca

— बीस धनुष का प्रमाण, हे सुंदरी! उन ज्वालाओं से दग्ध शरीर वाले पापियों से व्याप्त है,

श्लोक 115 (devibhagavatam.9.37.115)

तन्महाक्लेशदं शश्वत्कुण्डं ज्वालामुखं स्मृतम् । पातमात्राद्यत्र पापी मूर्च्छितो वै नरो भवेत्

tanmahākleśadaṁ śaśvatkuṇḍaṁ jvālāmukhaṁ smṛtam | pātamātrādyatra pāpī mūrcchito vai naro bhavet

— वह सदा महाक्लेशदायक कुण्ड ज्वालामुख कहा गया है। जहाँ पापी गिरते ही मूर्च्छित हो जाता है —

श्लोक 116 (devibhagavatam.9.37.116)

तप्तेष्टकाभ्यन्तरितं वाप्यर्धं जिह्मकुण्डकम् । धूमान्धकारसंयुक्तं धूम्रान्धैः पापिभिर्युतम्

tapteṣṭakābhyantaritaṁ vāpyardhaṁ jihmakuṇḍakam | dhūmāndhakārasaṁyuktaṁ dhūmrāndhaiḥ pāpibhiryutam

जिह्म-कुण्ड तप्त ईंटों से घिरा हुआ, बावड़ी के आधे प्रमाण का; धूम्र-अंधकार से युक्त, धूम्र से अंधे हुए पापियों से युक्त है,

श्लोक 117 (devibhagavatam.9.37.117)

धनुःशतं श्वासरन्ध्रैर्धूम्रान्धं परिकीर्तितम् । पातमात्राद्यत्र पापी नागैश्च वेष्टितो भवेत्

dhanuḥśataṁ śvāsarandhrairdhūmrāndhaṁ parikīrtitam | pātamātrādyatra pāpī nāgaiśca veṣṭito bhavet

— सौ धनुष का, श्वास-छिद्रों से युक्त; धूम्रांध इस प्रकार वर्णित है। जहाँ पापी गिरते ही सर्पों से लिपटा जाता है —

श्लोक 118 (devibhagavatam.9.37.118)

धनुःशतं नागपूर्णं तन्नागैर्वेष्टितं भवेत् । षडशीति च कुण्डानि मयोक्तानि निशामय । लक्षणं चापि तेषां च किं भूयः श्रोतुमिच्छसि

dhanuḥśataṁ nāgapūrṇaṁ tannāgairveṣṭitaṁ bhavet | ṣaḍaśīti ca kuṇḍāni mayoktāni niśāmaya | lakṣaṇaṁ cāpi teṣāṁ ca kiṁ bhūyaḥ śrotumicchasi

— सौ धनुष का, नागों से पूर्ण; वहाँ वह उनसे लिपट जाता है — यह नागवेष्ट कुण्ड है। इस प्रकार मैंने छियासी कुण्डों और उनके सभी लक्षणों का वर्णन किया, ध्यानपूर्वक सुनो। अब और क्या सुनना चाहती हो?