श्री लक्ष्मी उपाख्यान वर्णन

श्लोक 1 (devibhagavatam.9.41.1)

श्रीनारायण उवाच । हरिं ध्यात्वा हरिर्ब्रह्मन् जगाम ब्रह्मणः सभाम् । बृहस्पतिं पुरस्कृत्य सर्वैः सुरगणैः सह

śrīnārāyaṇa uvāca | hariṁ dhyātvā harirbrahman jagāma brahmaṇaḥ sabhām | bṛhaspatiṁ puraskṛtya sarvaiḥ suragaṇaiḥ saha

श्री नारायण ने कहा — हे ब्रह्मन्, हरि का ध्यान करते हुए इन्द्र बृहस्पति को आगे कर सब देवगणों सहित ब्रह्मा की सभा में गए।

श्लोक 2 (devibhagavatam.9.41.2)

शीघ्रं गत्वा ब्रह्मलोकं दृष्ट्वा च कमलोद्भवम् । प्रणेमुर्देवताः सर्वाः सहेन्द्रा गुरुणा सह

śīghraṁ gatvā brahmalokaṁ dṛṣṭvā ca kamalodbhavam | praṇemurdevatāḥ sarvāḥ sahendrā guruṇā saha

शीघ्र ब्रह्मलोक जाकर और कमलोद्भव (ब्रह्मा) को देखकर, इन्द्र और गुरु सहित सभी देवताओं ने प्रणाम किया।

श्लोक 3 (devibhagavatam.9.41.3)

वृत्तान्तं कथयामास सुराचार्यो विधिं प्रति । प्रहस्योवाच तच्छ्रुत्वा महेन्द्रं कमलासनः

vṛttāntaṁ kathayāmāsa surācāryo vidhiṁ prati | prahasyovāca tacchrutvā mahendraṁ kamalāsanaḥ

देवाचार्य (बृहस्पति) ने विधाता को सारा वृत्तान्त कह सुनाया। यह सुनकर कमलासन (ब्रह्मा) ने हँसते हुए महेन्द्र से कहा।

श्लोक 4 (devibhagavatam.9.41.4)

ब्रह्मोवाच । वत्स मद्वंशजातोऽसि प्रपौत्रो मे विचक्षणः । बृहस्पतेश्च शिष्यस्त्वं सुराणामधिपः स्वयम्

brahmovāca | vatsa madvaṁśajāto'si prapautro me vicakṣaṇaḥ | bṛhaspateśca śiṣyastvaṁ surāṇāmadhipaḥ svayam

ब्रह्मा ने कहा — वत्स, तू मेरे ही वंश में जन्मा मेरा विचक्षण प्रपौत्र है; तू बृहस्पति का शिष्य है और स्वयं देवताओं का अधिपति है।

श्लोक 5 (devibhagavatam.9.41.5)

मातामहश्च दक्षस्ते विष्णुभक्तः प्रतापवान् । कुलत्रयं यस्य शुद्धं कथं सोऽहङ्कृतो भवेत्

mātāmahaśca dakṣaste viṣṇubhaktaḥ pratāpavān | kulatrayaṁ yasya śuddhaṁ kathaṁ so'haṅkṛto bhavet

तेरा नाना दक्ष विष्णु का प्रतापी भक्त है। जिसके तीनों कुल शुद्ध हों, वह अहंकारी कैसे हो सकता है?

श्लोक 6 (devibhagavatam.9.41.6)

माता पतिव्रता यस्य पिता शुद्धो जितेन्द्रियः । मातामहो मातुलश्च कथं सोऽहङ्कृतो भवेत्

mātā pativratā yasya pitā śuddho jitendriyaḥ | mātāmaho mātulaśca kathaṁ so'haṅkṛto bhavet

जिसकी माता पतिव्रता हो, पिता शुद्ध और जितेन्द्रिय हो, नाना और मामा भी वैसे ही हों — वह अहंकारी कैसे हो सकता है?

श्लोक 7 (devibhagavatam.9.41.7)

जनः पैतृकदोषेण दोषान्मातामहस्य च । गुरुदोषात्त्रिभिर्दोषैर्हरिदोषी भवेद् ध्रुवम्

janaḥ paitṛkadoṣeṇa doṣānmātāmahasya ca | gurudoṣāttribhirdoṣairharidoṣī bhaved dhruvam

पिता के दोष से, नाना के दोष से, और गुरु के दोष से — इन तीन दोषों से मनुष्य निश्चय ही हरि-दोषी बन जाता है।

श्लोक 8 (devibhagavatam.9.41.8)

सर्वान्तरात्मा भगवान् सर्वदेहेष्ववस्थितः । यस्य देहात्स प्रयाति स शवस्तत्क्षणं भवेत्

sarvāntarātmā bhagavān sarvadeheṣvavasthitaḥ | yasya dehātsa prayāti sa śavastatkṣaṇaṁ bhavet

भगवान् सबके अन्तरात्मा हैं, सब देहों में विराजमान हैं; जिस देह से वे निकल जाते हैं, वह उसी क्षण शव बन जाती है।

श्लोक 9 (devibhagavatam.9.41.9)

मनोऽहमिन्द्रियेशं च ज्ञानरूपो हि शङ्करः । विष्णुप्राणा च प्रकृतिर्बुद्धिर्भगवती सती

mano'hamindriyeśaṁ ca jñānarūpo hi śaṅkaraḥ | viṣṇuprāṇā ca prakṛtirbuddhirbhagavatī satī

मन, अहंकार और इन्द्रियों के स्वामी — वे ज्ञान-स्वरूप शंकर ही हैं। प्रकृति विष्णु के प्राण से युक्त है, और बुद्धि साक्षात् भगवती सती है।

श्लोक 10 (devibhagavatam.9.41.10)

निद्रादयः शक्तयश्च ताः सर्वाः प्रकृतेः कलाः । आत्मनः प्रतिबिम्बश्च जीवो भोगशरीरभृत्

nidrādayaḥ śaktayaśca tāḥ sarvāḥ prakṛteḥ kalāḥ | ātmanaḥ pratibimbaśca jīvo bhogaśarīrabhṛt

निद्रा आदि शक्तियाँ — ये सब प्रकृति की कलाएँ हैं। जीव आत्मा का प्रतिबिम्ब मात्र है, जो भोग के लिए शरीर धारण करता है।

श्लोक 11 (devibhagavatam.9.41.11)

आत्मनीशे गते देहात्सर्वे यान्ति ससम्भ्रमाः । यथा वर्त्मनि गच्छन्तं नरदेवमिवानुगाः

ātmanīśe gate dehātsarve yānti sasambhramāḥ | yathā vartmani gacchantaṁ naradevamivānugāḥ

जब आत्मा-ईश देह से निकल जाता है, तब सब कुछ घबराकर उसी के पीछे चला जाता है — जैसे मार्ग पर जाते हुए राजा के पीछे उसके अनुयायी।

श्लोक 12 (devibhagavatam.9.41.12)

अहं शिवश्च शेषश्च विष्णुर्धर्मो महाविराट् । यूयं यदंशा भक्ताश्च तत्पुष्पं न्यक्कृतं त्वया

ahaṁ śivaśca śeṣaśca viṣṇurdharmo mahāvirāṭ | yūyaṁ yadaṁśā bhaktāśca tatpuṣpaṁ nyakkṛtaṁ tvayā

मैं, शिव, शेष, विष्णु, धर्म और महाविराट् — तुम सब उन्हीं के अंश और भक्त हो, जिनका पुष्प तूने तिरस्कृत किया।

श्लोक 13 (devibhagavatam.9.41.13)

शिवेन पूजितं पादपद्मं पुष्पेण येन च । तत्र दुर्वाससा दत्तं दैवेन न्यक्कृतं त्वया

śivena pūjitaṁ pādapadmaṁ puṣpeṇa yena ca | tatra durvāsasā dattaṁ daivena nyakkṛtaṁ tvayā

जिस पुष्प से स्वयं शिव उनके चरण-कमलों की पूजा करते हैं, वही पुष्प, दैव-योग से दुर्वासा द्वारा दिया गया, तूने तिरस्कृत कर दिया।

श्लोक 14 (devibhagavatam.9.41.14)

तत्पुण्यं मस्तके यस्य कृष्णपादाब्जप्रच्युतम् । सर्वेषां च सुराणां च तत्पूजापुरतो भवेत्

tatpuṇyaṁ mastake yasya kṛṣṇapādābjapracyutam | sarveṣāṁ ca surāṇāṁ ca tatpūjāpurato bhavet

कृष्ण के चरण-कमल से च्युत वह पुण्य जिस किसी के मस्तक पर हो, उसकी पूजा सब देवताओं की पूजा से भी आगे हो जाती है।

श्लोक 15 (devibhagavatam.9.41.15)

दैवेन वञ्चितस्त्वं हि दैवं च बलवत्तरम् । भाग्यहीनं जनं मूढं को वा रक्षितुमीश्वरः

daivena vañcitastvaṁ hi daivaṁ ca balavattaram | bhāgyahīnaṁ janaṁ mūḍhaṁ ko vā rakṣitumīśvaraḥ

तू दैव से ही ठगा गया है, और दैव सबसे बलवान् है। भाग्यहीन मूढ़ पुरुष की रक्षा भला कौन कर सकता है?

श्लोक 16 (devibhagavatam.9.41.16)

सा श्रीर्गताधुना कोपात्कृष्णनिर्माल्यवर्जनात् । अधुना गच्छ वैकुण्ठं मया च गुरुणा सह

sā śrīrgatādhunā kopātkṛṣṇanirmālyavarjanāt | adhunā gaccha vaikuṇṭhaṁ mayā ca guruṇā saha

वह श्री कृष्ण के निर्माल्य के तिरस्कार से क्रोधित होकर अब चली गई है। अब तू मेरे और गुरु के साथ वैकुण्ठ जा,

श्लोक 17 (devibhagavatam.9.41.17)

निषेव्य तत्र श्रीनाथं श्रियं प्राप्स्यति मद्वरात् । एवमुक्त्वा च स ब्रह्मा सर्वैः सुरगणैः सह

niṣevya tatra śrīnāthaṁ śriyaṁ prāpsyati madvarāt | evamuktvā ca sa brahmā sarvaiḥ suragaṇaiḥ saha

वहाँ श्रीनाथ की सेवा करके मेरे वर से तुझे पुनः श्री प्राप्त होगी।" ऐसा कहकर ब्रह्मा सब देवगणों सहित,

श्लोक 18 (devibhagavatam.9.41.18)

तत्र गत्वा परब्रह्म भगवन्तं सनातनम् । दृष्ट्वा तेजःस्वरूपं तं प्रज्वलन्तं स्वतेजसा

tatra gatvā parabrahma bhagavantaṁ sanātanam | dṛṣṭvā tejaḥsvarūpaṁ taṁ prajvalantaṁ svatejasā

वहाँ जाकर उन सनातन परब्रह्म भगवान् को देखा — अपने ही तेज से प्रज्वलित, तेजोमय स्वरूप वाले,

श्लोक 19 (devibhagavatam.9.41.19)

ग्रीष्ममध्याह्नमार्तण्डशतकोटिसमप्रभम् । शान्तमनादिमध्यान्तं लक्ष्यीकान्तमनन्तकम्

grīṣmamadhyāhnamārtaṇḍaśatakoṭisamaprabham | śāntamanādimadhyāntaṁ lakṣyīkāntamanantakam

ग्रीष्म की दोपहरी के सौ करोड़ सूर्यों के समान प्रभावाले, शान्त, आदि-मध्य-अन्त से रहित, लक्ष्मी के प्रियतम, अनन्त,

श्लोक 20 (devibhagavatam.9.41.20)

चतुर्भुजैः पार्षदैश्च सरस्वत्या युतं प्रभुम् । भक्त्या चतुर्भिर्वेदैश्च गङ्गया परिवेष्टितम्

caturbhujaiḥ pārṣadaiśca sarasvatyā yutaṁ prabhum | bhaktyā caturbhirvedaiśca gaṅgayā pariveṣṭitam

चतुर्भुज पार्षदों और सरस्वती से युक्त उन प्रभु को, भक्तिपूर्वक चारों वेदों और गंगा से घिरे हुए —

श्लोक 21 (devibhagavatam.9.41.21)

तं प्रणेमुः सुराः सर्वे मूर्ध्ना ब्रह्मपुरोगमाः । भक्तिनम्राः साश्रुनेत्रास्तुष्टुवुः परमेश्वरम्

taṁ praṇemuḥ surāḥ sarve mūrdhnā brahmapurogamāḥ | bhaktinamrāḥ sāśrunetrāstuṣṭuvuḥ parameśvaram

— उन्हें सभी देवताओं ने ब्रह्मा को आगे कर सिर झुकाकर प्रणाम किया; भक्ति से नम्र, नेत्रों में अश्रु लिए उन्होंने परमेश्वर की स्तुति की।

श्लोक 22 (devibhagavatam.9.41.22)

वृत्तान्तं कथयामास स्वयं ब्रह्मा कृताञ्जलिः । रुरुदुर्देवताः सर्वाः स्वाधिकाराच्चुताश्च ताः

vṛttāntaṁ kathayāmāsa svayaṁ brahmā kṛtāñjaliḥ | rurudurdevatāḥ sarvāḥ svādhikārāccutāśca tāḥ

स्वयं ब्रह्मा ने हाथ जोड़कर सारा वृत्तान्त कह सुनाया, और अपने-अपने अधिकार से च्युत हुए सब देवता रोने लगे।

श्लोक 23 (devibhagavatam.9.41.23)

स ददर्श सुरगणं विपद्ग्रस्तं भयाकुलम् । रत्नभूषणशून्यं च वाहनादिविवर्जितम्

sa dadarśa suragaṇaṁ vipadgrastaṁ bhayākulam | ratnabhūṣaṇaśūnyaṁ ca vāhanādivivarjitam

उन्होंने देवगण को विपत्तिग्रस्त, भयाकुल, रत्न-भूषणों से रहित, वाहन आदि से वंचित,

श्लोक 24 (devibhagavatam.9.41.24)

शोभाशून्यं हतश्रीकं निष्प्रभं सभयं परम् । उवाच कातरं दृष्ट्वा भयभीतिविभञ्जनः

śobhāśūnyaṁ hataśrīkaṁ niṣprabhaṁ sabhayaṁ param | uvāca kātaraṁ dṛṣṭvā bhayabhītivibhañjanaḥ

शोभाहीन, श्रीहीन, निष्प्रभ और परम भयभीत देखा। उस भय-भीति को नष्ट करने वाले प्रभु ने उन्हें कातर देखकर कहा।

श्लोक 25 (devibhagavatam.9.41.25)

श्रीभगवानुवाच । मा भैर्ब्रह्मन् हे सुराश्च भयं किं वो मयि स्थिते । दास्यामि लक्ष्मीमचलां परमैश्वर्यवर्धिनीम्

śrībhagavānuvāca | mā bhairbrahman he surāśca bhayaṁ kiṁ vo mayi sthite | dāsyāmi lakṣmīmacalāṁ paramaiśvaryavardhinīm

श्री भगवान् ने कहा — हे ब्रह्मन्, हे देवगण, भय न करो; मेरे रहते तुम्हें भय कैसा? मैं तुम्हें वह अचल, ऐश्वर्यवर्धिनी लक्ष्मी दूँगा।

श्लोक 26 (devibhagavatam.9.41.26)

किञ्च मद्वचनं किञ्चिच्छ्रूयतां समयोचितम् । हितं सत्यं सारभूतं परिणामसुखावहम्

kiñca madvacanaṁ kiñcicchrūyatāṁ samayocitam | hitaṁ satyaṁ sārabhūtaṁ pariṇāmasukhāvaham

किन्तु मेरे कुछ समयोचित वचन भी सुनो — हितकर, सत्य, सार-रूप, और अन्त में सुख देने वाले।

श्लोक 27 (devibhagavatam.9.41.27)

जनाश्चासङ्ख्यविश्वस्था मदधीनाश्च सन्ततम् । यथा तथाहं मद्भक्तपराधीनोऽस्वतन्त्रकः

janāścāsaṅkhyaviśvasthā madadhīnāśca santatam | yathā tathāhaṁ madbhaktaparādhīno'svatantrakaḥ

असंख्य विश्ववासी जन सदा मेरे अधीन हैं; किन्तु मैं स्वयं अपने भक्त के अधीन हूँ, स्वतन्त्र नहीं हूँ।

श्लोक 28 (devibhagavatam.9.41.28)

यं यं रुष्टो हि मद्भक्तो मत्परो हि निरङ्कुशः । तद्गृहेऽहं न तिष्ठामि पद्मया सह निश्चितम्

yaṁ yaṁ ruṣṭo hi madbhakto matparo hi niraṅkuśaḥ | tadgṛhe'haṁ na tiṣṭhāmi padmayā saha niścitam

जिस किसी भी मेरे भक्त से — जो निरंकुश होकर मुझमें ही परायण हो — मैं रुष्ट होता हूँ, उस घर में मैं पद्मा (लक्ष्मी) सहित निश्चय ही नहीं रहता।

श्लोक 29 (devibhagavatam.9.41.29)

दुर्वासाः शङ्करांशश्च वैष्णवो मत्परायणः । तच्छापादागतोऽहं च सलक्ष्मीको हि वो गृहात्

durvāsāḥ śaṅkarāṁśaśca vaiṣṇavo matparāyaṇaḥ | tacchāpādāgato'haṁ ca salakṣmīko hi vo gṛhāt

दुर्वासा शंकर के अंश और मेरे परायण वैष्णव हैं। उन्हीं के शाप से मैं लक्ष्मी सहित तुम्हारे घर से चला गया हूँ।

श्लोक 30 (devibhagavatam.9.41.30)

यत्र शङ्खध्वनिर्नास्ति तुलसी न शिवार्चनम् । न भोजनं च विप्राणां न पद्मा तत्र तिष्ठति

yatra śaṅkhadhvanirnāsti tulasī na śivārcanam | na bhojanaṁ ca viprāṇāṁ na padmā tatra tiṣṭhati

जहाँ शंख-ध्वनि नहीं, तुलसी नहीं, शिव-पूजा नहीं, ब्राह्मणों को भोजन नहीं कराया जाता, वहाँ पद्मा नहीं रहतीं।

श्लोक 31 (devibhagavatam.9.41.31)

मद्भक्तानां च मे निन्दा यत्र ब्रह्मन् भवेत्सुराः । महारुष्टा महालक्ष्मीस्ततो याति पराभवम्

madbhaktānāṁ ca me nindā yatra brahman bhavetsurāḥ | mahāruṣṭā mahālakṣmīstato yāti parābhavam

हे ब्रह्मन्, हे देवगण, जहाँ मेरे भक्तों की निन्दा हो, वहाँ से अत्यंत रुष्ट महालक्ष्मी तिरस्कृत होकर चली जाती हैं।

श्लोक 32 (devibhagavatam.9.41.32)

मद्भक्तिहीनो यो मूढो भुङ्क्ते यो हरिवासरे । मम जन्मदिने वापि याति श्रीस्तद्गृहादपि

madbhaktihīno yo mūḍho bhuṅkte yo harivāsare | mama janmadine vāpi yāti śrīstadgṛhādapi

जो मूढ़ मेरी भक्ति से रहित होकर हरि-वासर के दिन या मेरे जन्मदिन भी भोजन करता है, उसके घर से भी श्री चली जाती है।

श्लोक 33 (devibhagavatam.9.41.33)

मन्नामविक्रयी यश्च विक्रीणाति स्वकन्यकाम् । यत्रातिथिर्न भुङ्क्ते च मत्प्रिया याति तद्गृहात्

mannāmavikrayī yaśca vikrīṇāti svakanyakām | yatrātithirna bhuṅkte ca matpriyā yāti tadgṛhāt

जो मेरा नाम बेचकर जीविका चलाता है, जो अपनी कन्या को बेचता है, जिस घर में अतिथि को भोजन नहीं मिलता — मेरी प्रिया उस घर से चली जाती है।

श्लोक 34 (devibhagavatam.9.41.34)

यो विप्रः पुंश्चलीपुत्रो महापापी च तत्पतिः । पापिनो यो गृहं याति शूद्रश्राद्धान्नभोजकः

yo vipraḥ puṁścalīputro mahāpāpī ca tatpatiḥ | pāpino yo gṛhaṁ yāti śūdraśrāddhānnabhojakaḥ

जो ब्राह्मण वेश्या-पुत्र हो, जो उसका महापापी पति हो, जो पापी के घर जाए, जो शूद्र के श्राद्ध का अन्न खाए —

श्लोक 35 (devibhagavatam.9.41.35)

महारुष्टा ततो याति मन्दिरात्कमलालया । शूद्राणां शवदाही च भाग्यहीनो द्विजाधमः

mahāruṣṭā tato yāti mandirātkamalālayā | śūdrāṇāṁ śavadāhī ca bhāgyahīno dvijādhamaḥ

— उसके घर से कमलालया (लक्ष्मी) अत्यंत रुष्ट होकर चली जाती हैं। भाग्यहीन, अधम ब्राह्मण जो शूद्रों का शव जलाता है,

श्लोक 36 (devibhagavatam.9.41.36)

याति रुष्टा तद्गृहाच्च देवाः कमलवासिनी । शूद्राणां सूपकारी यो ब्राह्मणो वृषवाहकः

yāti ruṣṭā tadgṛhācca devāḥ kamalavāsinī | śūdrāṇāṁ sūpakārī yo brāhmaṇo vṛṣavāhakaḥ

हे देवगण, उसके घर से कमलवासिनी रुष्ट होकर चली जाती हैं। जो ब्राह्मण शूद्रों का रसोइया हो या बैल हाँकने वाला हो,

श्लोक 37 (devibhagavatam.9.41.37)

तत्तोयपानभीता च कमला याति तद्गृहात् । अशुद्धहृदयः क्रूरो हिंसको निन्दको द्विजः

tattoyapānabhītā ca kamalā yāti tadgṛhāt | aśuddhahṛdayaḥ krūro hiṁsako nindako dvijaḥ

— उसके यहाँ का जल पीने से भी डरकर कमला उसके घर से चली जाती हैं। जिसका हृदय अशुद्ध, क्रूर, हिंसक और निन्दक हो,

श्लोक 38 (devibhagavatam.9.41.38)

ब्राह्मणः शूद्रयाजी च याति देवी च तद्गृहात् । अवीरान्नं च यो भुङ्क्ते तस्माद्याति जगत्प्रसूः

brāhmaṇaḥ śūdrayājī ca yāti devī ca tadgṛhāt | avīrānnaṁ ca yo bhuṅkte tasmādyāti jagatprasūḥ

वह ब्राह्मण जो शूद्रों का याजक हो — उसके घर से भी वह देवी चली जाती हैं। जो कायर के अन्न को भोगता है, उससे जगन्माता चली जाती हैं।

श्लोक 39 (devibhagavatam.9.41.39)

तृणं छिनत्ति नखरैस्तैर्वा यो विलिखेन्महीम् । निराशो ब्राह्मणो यत्र तद्गृहाद्याति मत्प्रिया

tṛṇaṁ chinatti nakharaistairvā yo vilikhenmahīm | nirāśo brāhmaṇo yatra tadgṛhādyāti matpriyā

जो नाखूनों से तिनका काटता है या नाखूनों से पृथ्वी कुरेदता है, जहाँ ब्राह्मण निराश होकर बैठा हो — उस घर से मेरी प्रिया चली जाती हैं।

श्लोक 40 (devibhagavatam.9.41.40)

सूर्योदये द्विजो भुङ्क्ते दिवास्वापी च ब्राह्मणः । दिवा मैथुनकारी च यस्तस्माद्याति मत्प्रिया

sūryodaye dvijo bhuṅkte divāsvāpī ca brāhmaṇaḥ | divā maithunakārī ca yastasmādyāti matpriyā

जो ब्राह्मण सूर्योदय के समय भोजन करता है, जो दिन में सोता है, जो दिन में मैथुन करता है — उससे मेरी प्रिया चली जाती हैं।

श्लोक 41 (devibhagavatam.9.41.41)

आचारहीनो विप्रो यो यश्च शूद्रप्रतिग्रही । अदीक्षितो हि यो मूढस्तस्माद्वै याति मत्प्रिया

ācārahīno vipro yo yaśca śūdrapratigrahī | adīkṣito hi yo mūḍhastasmādvai yāti matpriyā

जो ब्राह्मण आचारहीन हो, जो शूद्र से दान ग्रहण करता हो, और जो मूढ़ अदीक्षित हो — उन सबसे मेरी प्रिया अवश्य चली जाती हैं।

श्लोक 42 (devibhagavatam.9.41.42)

स्निग्धपादश्च नग्नो हि यः शेते ज्ञानदुर्बलः । शश्वद्वदति वाचालो याति सा तद्गृहात्सती

snigdhapādaśca nagno hi yaḥ śete jñānadurbalaḥ | śaśvadvadati vācālo yāti sā tadgṛhātsatī

जो पैरों में तेल लगाए नग्न सोता हो, ज्ञान से दुर्बल हो, और सदा वाचाल बना बकता रहे — उसके घर से वह सती (लक्ष्मी) चली जाती हैं।

श्लोक 43 (devibhagavatam.9.41.43)

शिरस्नातस्तु तैलेन योऽन्याङ्गं समुपस्पृशेत् । स्वाङ्गं च वादयेद्वाद्यं रुष्टा सा याति तद्गृहात्

śirasnātastu tailena yo'nyāṅgaṁ samupaspṛśet | svāṅgaṁ ca vādayedvādyaṁ ruṣṭā sā yāti tadgṛhāt

जो सिर पर तेल लगाकर स्नान करके फिर दूसरे के अंग को छूता है, और जो अपने ही शरीर पर बाजा बजाता है — उसके घर से वह रुष्ट होकर चली जाती हैं।

श्लोक 44 (devibhagavatam.9.41.44)

व्रतोपवासहीनो यः सन्ध्याहीनोऽशुचिर्द्विजः । विष्णुभक्तिविहीनस्तु तस्माद्याति च मत्प्रिया

vratopavāsahīno yaḥ sandhyāhīno'śucirdvijaḥ | viṣṇubhaktivihīnastu tasmādyāti ca matpriyā

जो ब्राह्मण व्रत-उपवास से रहित हो, सन्ध्या-हीन हो, अशुद्ध हो, विष्णु-भक्ति से रहित हो — उससे भी मेरी प्रिया चली जाती हैं।

श्लोक 45 (devibhagavatam.9.41.45)

ब्राह्मणं निन्दयेद्यो हि तं च यो द्वेष्टि सन्ततम् । जीवहिंस्रो दयाहीनो याति सर्वप्रसूस्ततः

brāhmaṇaṁ nindayedyo hi taṁ ca yo dveṣṭi santatam | jīvahiṁsro dayāhīno yāti sarvaprasūstataḥ

जो ब्राह्मण की निन्दा करता है, जो उससे सदा द्वेष रखता है, जो जीवों की हिंसा करने वाला और दया-हीन है — उससे जगत्-जननी चली जाती हैं।

श्लोक 46 (devibhagavatam.9.41.46)

यत्र यत्र हरेरर्चा हरेरुत्कीर्तनं तथा । तत्र तिष्ठति सा देवी सर्वमङ्गलमङ्गला

yatra yatra harerarcā harerutkīrtanaṁ tathā | tatra tiṣṭhati sā devī sarvamaṅgalamaṅgalā

किन्तु जहाँ-जहाँ हरि की पूजा और हरि का कीर्तन होता है, वहाँ वह देवी — सब मंगलों की मंगलस्वरूपा — निवास करती हैं।

श्लोक 47 (devibhagavatam.9.41.47)

यत्र प्रशंसा कृष्णस्य तद्भक्तस्य पितामह । सा च कृष्णप्रिया देवी तत्र तिष्ठति सन्ततम्

yatra praśaṁsā kṛṣṇasya tadbhaktasya pitāmaha | sā ca kṛṣṇapriyā devī tatra tiṣṭhati santatam

हे पितामह, जहाँ कृष्ण की और उनके भक्त की प्रशंसा होती है, वहाँ वह कृष्ण-प्रिया देवी सदा निवास करती हैं।

श्लोक 48 (devibhagavatam.9.41.48)

यत्र शङ्खध्वनिः शङ्खः शिला च तुलसीदलम् । तत्सेवा वन्दनं ध्यानं तत्र सा परितिष्ठति

yatra śaṅkhadhvaniḥ śaṅkhaḥ śilā ca tulasīdalam | tatsevā vandanaṁ dhyānaṁ tatra sā paritiṣṭhati

जहाँ शंख-ध्वनि हो, शंख हो, शालग्राम-शिला हो, तुलसीदल हो, और उनकी सेवा, वन्दना और ध्यान हो — वहाँ वे पूर्णतः निवास करती हैं।

श्लोक 49 (devibhagavatam.9.41.49)

शिवलिङ्गार्चनं यत्र तस्य चोत्कीर्तनं शुभम् । दुर्गार्चनं तद्गुणाश्च तत्र पद्मनिवासिनी

śivaliṅgārcanaṁ yatra tasya cotkīrtanaṁ śubham | durgārcanaṁ tadguṇāśca tatra padmanivāsinī

जहाँ शिवलिंग की पूजा और उनका शुभ कीर्तन हो, दुर्गा की पूजा और उनके गुणों का वर्णन हो — वहाँ पद्मनिवासिनी रहती हैं।

श्लोक 50 (devibhagavatam.9.41.50)

विप्राणां सेवनं यत्र तेषां च भोजनं शुभम् । अर्चनं सर्वदेवानां तत्र पद्ममुखी सती

viprāṇāṁ sevanaṁ yatra teṣāṁ ca bhojanaṁ śubham | arcanaṁ sarvadevānāṁ tatra padmamukhī satī

जहाँ ब्राह्मणों की सेवा और उनका शुभ भोजन-कार्य हो, सब देवताओं की पूजा हो — वहाँ वह पद्ममुखी सती निवास करती हैं।"

श्लोक 51 (devibhagavatam.9.41.51)

इत्युक्त्वा च सुरान्सर्वान् रमामाह रमापतिः । क्षीरोदसागरे जन्म कलयाकलयेति च

ityuktvā ca surānsarvān ramāmāha ramāpatiḥ | kṣīrodasāgare janma kalayākalayeti ca

ऐसा कहकर सब देवताओं से, रमापति ने रमा से कहा — "क्षीरसागर में अपने अंश से जन्म लो।"

श्लोक 52 (devibhagavatam.9.41.52)

इत्युक्त्वा तां जगन्नाथो ब्रह्माणं पुनराह च । मथित्वा सागरं लक्ष्मीं देवेभ्यो देहि पद्मज

ityuktvā tāṁ jagannātho brahmāṇaṁ punarāha ca | mathitvā sāgaraṁ lakṣmīṁ devebhyo dehi padmaja

ऐसा उनसे कहकर जगन्नाथ ने ब्रह्मा से पुनः कहा — "हे पद्मज, सागर का मंथन कर लक्ष्मी को देवताओं को दे दो।"

श्लोक 53 (devibhagavatam.9.41.53)

इत्युक्त्वा कमलाकान्तो जगामान्तःपुरं मुने । देवाश्चिरेण कालेन ययुः क्षीरोदसागरम्

ityuktvā kamalākānto jagāmāntaḥpuraṁ mune | devāścireṇa kālena yayuḥ kṣīrodasāgaram

हे मुनि, ऐसा कहकर कमलाकान्त अपने अन्तःपुर को चले गए, और बहुत समय बाद देवगण क्षीरसागर की ओर गए।

श्लोक 54 (devibhagavatam.9.41.54)

मन्थानं मन्दरं कृत्वा कूर्मं कृत्वा च भाजनम् । कृत्वा शेषं मन्थपाशं ममन्थुरसुराः सुराः

manthānaṁ mandaraṁ kṛtvā kūrmaṁ kṛtvā ca bhājanam | kṛtvā śeṣaṁ manthapāśaṁ mamanthurasurāḥ surāḥ

मन्दराचल को मथानी, कूर्म को आधार और शेष को मन्थन-रज्जु बनाकर, असुरों और देवों ने सागर का मंथन किया।

श्लोक 55 (devibhagavatam.9.41.55)

धन्वन्तरिं च पीयूषमुच्चैःश्रवसमीप्सितम् । नानारत्नं हस्तिरत्नं प्रापुर्लक्ष्मीं सुदर्शनम्

dhanvantariṁ ca pīyūṣamuccaiḥśravasamīpsitam | nānāratnaṁ hastiratnaṁ prāpurlakṣmīṁ sudarśanam

उन्होंने धन्वन्तरि, अमृत, वांछित उच्चैःश्रवा अश्व, नाना रत्न, गजरत्न और सुदर्शन लक्ष्मी को प्राप्त किया।

श्लोक 56 (devibhagavatam.9.41.56)

वनमालां ददौ सा च क्षीरोदशायिने मुने । सर्वेश्वराय रम्याय विष्णवे वैष्णवी सती

vanamālāṁ dadau sā ca kṣīrodaśāyine mune | sarveśvarāya ramyāya viṣṇave vaiṣṇavī satī

हे मुनि, उस सती वैष्णवी ने क्षीरसागरशायी, सर्वेश्वर, रमणीय विष्णु को वनमाला अर्पित की।

श्लोक 57 (devibhagavatam.9.41.57)

देवैः स्तुता पूजिता च ब्रह्मणा शङ्करेण च । ददौ दृष्टिं सुरगृहे ब्रह्मशापविमोचनात्

devaiḥ stutā pūjitā ca brahmaṇā śaṅkareṇa ca | dadau dṛṣṭiṁ suragṛhe brahmaśāpavimocanāt

देवों, ब्रह्मा और शंकर द्वारा स्तुत और पूजित होकर उन्होंने देवताओं के घर पर कृपादृष्टि डाली और ब्रह्म-शाप से मुक्त किया।

श्लोक 58 (devibhagavatam.9.41.58)

प्रापुर्देवाः स्वविषयं दैत्यग्रस्तं भयङ्करम् । महालक्ष्मीप्रसादेन वरदानेन नारद

prāpurdevāḥ svaviṣayaṁ daityagrastaṁ bhayaṅkaram | mahālakṣmīprasādena varadānena nārada

हे नारद, महालक्ष्मी की कृपा और वरदान से देवताओं ने असुरों से छीना गया अपना भयंकर राज्य पुनः प्राप्त किया।

श्लोक 59 (devibhagavatam.9.41.59)

इत्येवं कथितं सर्वं लक्ष्म्युपाख्यानमुत्तमम् । सुखदं सारभूतं च किं भूयः श्रोतुमिच्छसि

ityevaṁ kathitaṁ sarvaṁ lakṣmyupākhyānamuttamam | sukhadaṁ sārabhūtaṁ ca kiṁ bhūyaḥ śrotumicchasi

इस प्रकार लक्ष्मी का यह उत्तम, सुखदायी और सारभूत उपाख्यान सम्पूर्ण रूप से कहा गया — अब और क्या सुनना चाहते हो?