शौनकोक्त नीतिसार आदि का वर्णन

श्लोक 1 (garuda.1.115.1)

सूत उवाच । कुमार्यां च कुमित्रं च कुराजानं कुपुत्रकम् । कुकन्यां च कुदेशं च दूरतः परिवर्जयेत्

sūta uvāca kumāryāṁ ca kumitraṁ ca kurājānaṁ kuputrakam kukanyāṁ ca kudeśaṁ ca dūrataḥ parivarjayet

सूत जी ने कहा — कुकन्या, कुमित्र, कुराजा, कुपुत्र, कुकन्या और कुदेश — इन सबसे दूर रहना चाहिए।

श्लोक 2 (garuda.1.115.2)

धर्मः प्रव्रजितस्तपः प्रचलितं सत्यं च दूरं गतं पृथ्वी वन्ध्यफला जनाः कपटिनो लौल्ये स्थिता ब्राह्मणाः । मर्त्याः स्त्रीवशगाः स्त्रियश्च चपला नीचा जना उन्नताः हा कष्टं खलुजीवितं कलियुगे धन्या जना ये मृताः

dharmaḥ pravrajitastapaḥ pracalitaṁ satyaṁ ca dūraṁ gataṁ pṛthvī vandhyaphalā janāḥ kapaṭino laulye sthitā brāhmaṇāḥ martyāḥ strīvaśagāḥ striyaśca capalā nīcā janā unnatāḥ hā kaṣṭaṁ khalujīvitaṁ kaliyuge dhanyā janā ye mṛtāḥ

धर्म देश छोड़कर चला गया है, तप डगमगा गया है, सत्य दूर चला गया है; पृथ्वी निष्फल हो गई है, लोग कपटी हैं, ब्राह्मण लोभ में लिप्त हैं। मनुष्य स्त्रियों के अधीन हैं, स्त्रियाँ चंचल हैं, नीच लोग ऊँचे उठ गए हैं — हाय, कलियुग में जीवन कितना कष्टकर है! धन्य हैं वे लोग जो मर चुके हैं।

श्लोक 3 (garuda.1.115.3)

धन्यास्ते ये न पश्यन्ति देशभङ्गं कुलक्षयम् । परचित्तगतान् दारान्पुत्रं कुव्यसने स्थितम्

dhanyāste ye na paśyanti deśabhaṅgaṁ kulakṣayam paracittagatān dārānputraṁ kuvyasane sthitam

धन्य हैं वे जो देश का विनाश, कुल का क्षय, दूसरे में मन लगाने वाली पत्नी, और कुव्यसन में पड़े पुत्र को नहीं देखते।

श्लोक 4 (garuda.1.115.4)

कुपुत्रे निर्वृतिर्नास्ति कुभार्यायां कुतो रतिः । सुमित्र नास्ति विश्वासः कुराज्ये नास्ति जीवितम्

kuputre nirvṛtirnāsti kubhāryāyāṁ kuto ratiḥ sumitra nāsti viśvāsaḥ kurājye nāsti jīvitam

बुरे पुत्र से संतोष नहीं मिलता, बुरी पत्नी से सुख कहाँ? अच्छे मित्र के बिना विश्वास नहीं, बुरे राज्य में सच्चा जीवन नहीं।

श्लोक 5 (garuda.1.115.5)

परान्नं च परस्वं च परशय्याः परस्त्रियः । परवेश्मनि वासश्च शक्रादपि हरेच्छ्रियम्

parānnaṁ ca parasvaṁ ca paraśayyāḥ parastriyaḥ paraveśmani vāsaśca śakrādapi harecchriyam

पराया अन्न, पराया धन, पराई शय्या, पराई स्त्री, और पराए घर में निवास — ये इन्द्र की भी सम्पदा हर लेते हैं।

श्लोक 6 (garuda.1.115.6)

आलापाद्गात्रसंस्पर्शात्संसर्गात्सह भोजनात् । आसनाच्छयनाद्यानात्पापं संक्रमते नृणाम्

ālāpādgātrasaṁsparśātsaṁsargātsaha bhojanāt āsanācchayanādyānātpāpaṁ saṁkramate nṛṇām

बातचीत से, शरीर-स्पर्श से, संसर्ग से, साथ भोजन करने से, साथ बैठने-सोने-यात्रा करने से मनुष्यों में पाप का संक्रमण होता है।

श्लोक 7 (garuda.1.115.7)

स्त्रियो नश्यन्ति रूपेण तपः क्रोधन नश्यति । गावो द्वरप्रचारेण शूद्रान्नेन द्विजोत्तमः

striyo naśyanti rūpeṇa tapaḥ krodhana naśyati gāvo dvarapracāreṇa śūdrānnena dvijottamaḥ

स्त्रियाँ रूप के अभिमान से नष्ट होती हैं, तप क्रोध से नष्ट होता है; गौएँ बुरे मार्ग से भटककर, और श्रेष्ठ द्विज शूद्र के अन्न से नष्ट होते हैं।

श्लोक 8 (garuda.1.115.8)

आसनादेकशय्यायां बोजनात्पङ्क्तिसङ्करात् । ततः संक्रमते पापं घटाद्धट इवोदकम्

āsanādekaśayyāyāṁ bojanātpaṅktisaṅkarāt tataḥ saṁkramate pāpaṁ ghaṭāddhaṭa ivodakam

एक ही आसन, एक ही शय्या, साथ भोजन और पंगत में मिश्रण से — इनसे पाप वैसे ही संक्रमित होता है जैसे एक घड़े से दूसरे घड़े में जल।

श्लोक 9 (garuda.1.115.9)

लालने बहवो दोषास्ताडने बहवो गुणाः । तस्माच्छिष्यं च पुत्रं च ताडयेन्न तु लालयेत्

lālane bahavo doṣāstāḍane bahavo guṇāḥ tasmācchiṣyaṁ ca putraṁ ca tāḍayenna tu lālayet

लाड़-प्यार में अनेक दोष हैं, अनुशासन में अनेक गुण हैं; इसलिए शिष्य और पुत्र को अनुशासित करना चाहिए, केवल लाड़ नहीं।

श्लोक 10 (garuda.1.115.10)

अध्वा जरा देहवतां पर्वतानां जलं जरा । असंभोगश्च नारीणां वस्त्राणामातपो जरा

adhvā jarā dehavatāṁ parvatānāṁ jalaṁ jarā asaṁbhogaśca nārīṇāṁ vastrāṇāmātapo jarā

यात्रा (श्रम) देहधारियों का बुढ़ापा है, जल पर्वतों का बुढ़ापा है; संभोग का अभाव स्त्रियों का बुढ़ापा है, और धूप वस्त्रों का बुढ़ापा है।

श्लोक 11 (garuda.1.115.11)

अधमाः कलिमिच्छन्ति सन्धिमिच्छति मध्यमाः । उत्तमा मानमिच्छन्ति मानो हि महतां धनम्

adhamāḥ kalimicchanti sandhimicchati madhyamāḥ uttamā mānamicchanti māno hi mahatāṁ dhanam

नीच लोग कलह चाहते हैं, मध्यम लोग संधि चाहते हैं; उत्तम लोग केवल सम्मान चाहते हैं — क्योंकि सम्मान ही महान् लोगों का धन है।

श्लोक 12 (garuda.1.115.12)

मानो हि मूलमर्थस्य माने सति धनेन किम् । प्रभ्रष्टमानदर्पस्य किं धनेन किमायुषा

māno hi mūlamarthasya māne sati dhanena kim prabhraṣṭamānadarpasya kiṁ dhanena kimāyuṣā

सम्मान ही सम्पत्ति का मूल है; सम्मान होने पर धन से क्या लाभ? जिसका सम्मान और गर्व नष्ट हो गया, उसके लिए धन और आयु का क्या मूल्य?

श्लोक 13 (garuda.1.115.13)

अधमा धनमिच्छन्ति धनमानौ हि मध्यमाः । उत्तमा मानमिच्छन्ति मानो हि महतां धनम्

adhamā dhanamicchanti dhanamānau hi madhyamāḥ uttamā mānamicchanti māno hi mahatāṁ dhanam

नीच लोग [केवल] धन चाहते हैं, मध्यम लोग धन और सम्मान दोनों चाहते हैं; उत्तम लोग केवल सम्मान चाहते हैं — क्योंकि सम्मान ही महान् लोगों का धन है।

श्लोक 14 (garuda.1.115.14)

वनेऽपि सिंहा न नमन्ति कं च बुभु क्षिता मांसनिरीक्षणं च । धनैर्विहीनाः सुकुलेषु जाता न नीचकर्माणि समारभन्ते

vane'pi siṁhā na namanti kaṁ ca bubhu kṣitā māṁsanirīkṣaṇaṁ ca dhanairvihīnāḥ sukuleṣu jātā na nīcakarmāṇi samārabhante

वन में भूखे सिंह भी मांस को देखकर किसी के आगे नहीं झुकते; इसी प्रकार अच्छे कुल में जन्मे लोग, धनहीन होने पर भी, नीच कर्म नहीं करते।

श्लोक 15 (garuda.1.115.15)

नाभिषेको न संस्कारः सिंहस्य क्रियते वने । नित्यमूर्जितसत्त्वस्य स्वयमेव मृगेन्द्रता

nābhiṣeko na saṁskāraḥ siṁhasya kriyate vane nityamūrjitasattvasya svayameva mṛgendratā

वन में सिंह का न अभिषेक होता है, न कोई संस्कार; निरंतर तेजस्वी बल से उसकी मृगराजता स्वयं ही सिद्ध होती है।

श्लोक 16 (garuda.1.115.16)

वणिक्प्रमादी भृकश्च मानी भिक्षुर्विलासी ह्यधनश्च कामी । वराङ्गना चाप्रियवादिनी च न ते च कर्माणि समारभन्ते

vaṇikpramādī bhṛkaśca mānī bhikṣurvilāsī hyadhanaśca kāmī varāṅganā cāpriyavādinī ca na te ca karmāṇi samārabhante

लापरवाह व्यापारी, अभिमानी सेवक, विलासी भिक्षु, कामी निर्धन, और अप्रिय बोलने वाली सुंदर स्त्री — ये अपने कार्यों को सफलतापूर्वक पूर्ण नहीं कर पाते।

श्लोक 17 (garuda.1.115.17)

दाता दरिद्रः कृपणोर्ऽथयुक्तः पुत्त्रोऽविधेयः कुजनस्य सेवा । परोपकारेषु नरस्य मृत्युः प्रजायते दुश्चरितानि पञ्च

dātā daridraḥ kṛpaṇor'thayuktaḥ puttro'vidheyaḥ kujanasya sevā paropakāreṣu narasya mṛtyuḥ prajāyate duścaritāni pañca

निर्धन दानी, धनवान् कंजूस, अवज्ञाकारी पुत्र, दुर्जन की सेवा, और परोपकार में मृत्यु — ये पाँच दुर्भाग्यपूर्ण स्थितियाँ हैं।

श्लोक 18 (garuda.1.115.18)

कान्तावियोगः स्वजनापमानं ऋणस्य शेषः कुजनस्य सेवा । दारिद्रयाभावाद्विमुखाश्च मित्रा विनाग्निना पञ्च दहन्ति तीव्राः

kāntāviyogaḥ svajanāpamānaṁ ṛṇasya śeṣaḥ kujanasya sevā dāridrayābhāvādvimukhāśca mitrā vināgninā pañca dahanti tīvrāḥ

प्रियतमा से वियोग, स्वजनों का अपमान, बकाया ऋण, दुर्जन की सेवा, और निर्धनता से विमुख हुए मित्र — ये पाँच बिना अग्नि के ही तीव्रता से जला देते हैं।

श्लोक 19 (garuda.1.115.19)

चिन्तासहस्रेषु च तेषु मध्ये चिन्ताश्चतस्रोऽप्यसिधारतुल्याः । नीचापमानं क्षुधितं कलत्रं भार्या विरक्ता सहजोपरोधः

cintāsahasreṣu ca teṣu madhye cintāścatasro'pyasidhāratulyāḥ nīcāpamānaṁ kṣudhitaṁ kalatraṁ bhāryā viraktā sahajoparodhaḥ

हजारों चिंताओं में से चार चिंताएँ तलवार की धार के समान हैं — नीच का अपमान, भूखी पत्नी, विरक्त पत्नी, और भाई-बहनों का विरोध।

श्लोक 20 (garuda.1.115.20)

वश्यश्च पुर्त्रेर्ऽथ करी च विद्या अरोगिता सज्जनसङ्गतिश्च । इष्टा च भार्या वशवर्तिनी च दुः खस्य मूलोद्धरणानि पञ्च

vaśyaśca purtrer'tha karī ca vidyā arogitā sajjanasaṅgatiśca iṣṭā ca bhāryā vaśavartinī ca duḥ khasya mūloddharaṇāni pañca

आज्ञाकारी पुत्र, धन देने वाली विद्या, आरोग्य, सज्जनों की संगति, और स्नेही-वशवर्ती पत्नी — ये पाँच दुःख को जड़ से उखाड़ देते हैं।

श्लोक 21 (garuda.1.115.21)

कुरङ्गमातङ्गपतङ्गंभृग मीना हताः पञ्चबिरेव पञ्च । एकः प्रमाथी स कथं न घात्यो यः सेवते पञ्चभिरेव पञ्च

kuraṅgamātaṅgapataṅgaṁbhṛga mīnā hatāḥ pañcabireva pañca ekaḥ pramāthī sa kathaṁ na ghātyo yaḥ sevate pañcabhireva pañca

हिरण, हाथी, पतंगा, भँवरा और मछली — ये सभी अकेले एक ही इन्द्रिय के वश में होकर नष्ट होते हैं; तो जो सभी पाँचों इन्द्रियों का दास हो, वह क्यों न नष्ट किया जाए?

श्लोक 22 (garuda.1.115.22)

अधीरः कर्कशः स्तब्धः कुचेलः स्वयमागतः । पञ्च विप्रा न पूज्यन्ते बृहस्पतिसमा अपि

adhīraḥ karkaśaḥ stabdhaḥ kucelaḥ svayamāgataḥ pañca viprā na pūjyante bṛhaspatisamā api

अधीर, कठोर, अकड़ू, मैले कपड़े वाला, और स्वयं आमंत्रण के बिना आया हुआ — ऐसे पाँच प्रकार के ब्राह्मण पूजित नहीं होते, चाहे वे बृहस्पति के समान विद्वान् ही क्यों न हों।

श्लोक 23 (garuda.1.115.23)

आयुः कर्म च वित्तं च विद्या निधनमेव च । पञ्चैतानि विविच्यन्ते जायमानस्य देहिनः

āyuḥ karma ca vittaṁ ca vidyā nidhanameva ca pañcaitāni vivicyante jāyamānasya dehinaḥ

आयु, कर्म, धन, विद्या और मृत्यु — ये पाँच किसी भी प्राणी के जन्म के समय ही निर्धारित हो जाते हैं।

श्लोक 24 (garuda.1.115.24)

पर्वतारोहणे तोये गोकुले दुष्टनिग्रहे । पतितस्य समुत्थाने शस्ताः पञ्च (ह्येते) गुणाः स्मृताः

parvatārohaṇe toye gokule duṣṭanigrahe patitasya samutthāne śastāḥ pañca (hyete) guṇāḥ smṛtāḥ

पर्वतारोहण में, जल में, गोशाला में, दुष्टों को दंड देने में, और पतित को उठाने में — इन पाँच अवसरों पर सहायता करना श्रेष्ठ गुण माना गया है।

श्लोक 25 (garuda.1.115.25)

अभ्रच्छाया खले प्रीतिः परनारीषु संगतिः । पञ्चैते ह्यस्थिरा भावा यौवनानि धनानि च

abhracchāyā khale prītiḥ paranārīṣu saṁgatiḥ pañcaite hyasthirā bhāvā yauvanāni dhanāni ca

बादल की छाया, दुर्जन का प्रेम, पराई स्त्री से संबंध, यौवन और धन — ये पाँचों अस्थिर हैं।

श्लोक 26 (garuda.1.115.26)

अस्थिरं जीवितं लोके अस्थिरं धनयौवनम् । अस्थिरं पुत्त्रदाराद्यं धर्मः कीर्तिर्यशः स्थिरम्

asthiraṁ jīvitaṁ loke asthiraṁ dhanayauvanam asthiraṁ puttradārādyaṁ dharmaḥ kīrtiryaśaḥ sthiram

इस संसार में जीवन अस्थिर है, धन-यौवन अस्थिर है; पुत्र-पत्नी आदि भी अस्थिर हैं — केवल धर्म, कीर्ति और यश ही स्थिर हैं।

श्लोक 27 (garuda.1.115.27)

शत जीवितमत्यल्पं रात्रिस्तस्यार्धहारिणी । व्याधिशोकजरायासैरर्धं तदपि निष्फलम्

śata jīvitamatyalpaṁ rātristasyārdhahāriṇī vyādhiśokajarāyāsairardhaṁ tadapi niṣphalam

सौ वर्ष का जीवन भी अत्यंत अल्प है, रात्रि उसका आधा भाग हर लेती है; रोग, शोक, बुढ़ापा और परिश्रम से शेष आधा भी निष्फल हो जाता है।

श्लोक 28 (garuda.1.115.28)

आयुर्वर्षशतं नृणां परिमितं रात्रौ तदर्धं गतं तस्यार्धस्थितकिञ्चिदर्धमधिकं बाल्यस्य काले गतम् । किञ्चिद्वन्धुवियोगदुः खमरणैर्भूपालसेवागतं शेषं वारितरङ्गगर्भचपलं मानेन किं मानिनाम्

āyurvarṣaśataṁ nṛṇāṁ parimitaṁ rātrau tadardhaṁ gataṁ tasyārdhasthitakiñcidardhamadhikaṁ bālyasya kāle gatam kiñcidvandhuviyogaduḥ khamaraṇairbhūpālasevāgataṁ śeṣaṁ vāritaraṅgagarbhacapalaṁ mānena kiṁ māninām

मनुष्यों की आयु सौ वर्ष निर्धारित है, उसका आधा रात्रि में बीत जाता है; शेष आधे का भी कुछ भाग बाल्यावस्था में बीत जाता है, कुछ बंधुजनों के वियोग-दुःख, मृत्यु और राजसेवा में बीत जाता है — शेष जो बचता है वह जल की लहर की भाँति चंचल है; तो अभिमानियों के अभिमान का क्या अर्थ?

श्लोक 29 (garuda.1.115.29)

अहोरात्रमयो लोके जरारूपेण संचरेत् । मृत्युर्ग्रसति भूतानि पवनं पन्नगो यथा

ahorātramayo loke jarārūpeṇa saṁcaret mṛtyurgrasati bhūtāni pavanaṁ pannago yathā

दिन-रात संसार में बुढ़ापे के रूप में निरंतर संचरित होते हैं; मृत्यु प्राणियों को उसी प्रकार निगलती है जैसे सर्प वायु को।

श्लोक 30 (garuda.1.115.30)

गच्छतस्तिष्ठतो वापि जाग्रतः स्वपतो न चेत् । सर्वसत्त्वहितार्थाय पशोरिव विचेष्टितम्

gacchatastiṣṭhato vāpi jāgrataḥ svapato na cet sarvasattvahitārthāya paśoriva viceṣṭitam

चलते या खड़े रहते, जागते या सोते हुए भी, यदि मनुष्य सभी प्राणियों के हित के लिए कार्य नहीं करता, तो उसकी चेष्टा पशु के समान ही है।

श्लोक 31 (garuda.1.115.31)

अहितहितविचारशून्यबुद्धेः श्रुतिसमये बहुभिर्वितर्कितस्य । उदरभरणमात्रतुष्टबुद्धेः पुरुषपशोश्च पशोश्च को विशेषः

ahitahitavicāraśūnyabuddheḥ śrutisamaye bahubhirvitarkitasya udarabharaṇamātratuṣṭabuddheḥ puruṣapaśośca paśośca ko viśeṣaḥ

जिसकी बुद्धि हित-अहित के विचार से शून्य है, जो शास्त्र-चर्चा में केवल बहस करता है, और जो केवल पेट भरने से संतुष्ट है — ऐसे मनुष्य-पशु और साधारण पशु में क्या अंतर है?

श्लोक 32 (garuda.1.115.32)

शौर्ये तपसि दाने च यस्य न प्रथितं यशः । विद्यायामर्थलाभे वा मातुरुच्चार एव सः

śaurye tapasi dāne ca yasya na prathitaṁ yaśaḥ vidyāyāmarthalābhe vā māturuccāra eva saḥ

जिसका यश शौर्य, तप, दान, विद्या या धन-प्राप्ति में विख्यात नहीं हुआ, वह अपनी माता के मल के समान ही है।

श्लोक 33 (garuda.1.115.33)

यज्जीव्यते क्षणमपि प्रथितं मनुष्यैर्विज्ञानविक्रमयशोभिरभग्नमानैः । तन्नाम जीवितमिति प्रवदन्ति तज्ज्ञाः काकोऽपि जीवति चिरं च बलिं च भुङ्क्ते

yajjīvyate kṣaṇamapi prathitaṁ manuṣyairvijñānavikramayaśobhirabhagnamānaiḥ tannāma jīvitamiti pravadanti tajjñāḥ kāko'pi jīvati ciraṁ ca baliṁ ca bhuṅkte

जो क्षणभर भी विज्ञान, पराक्रम और अखंडित सम्मान के साथ यश से युक्त होकर जीता है, ज्ञानी उसी को 'जीवन' कहते हैं। अन्यथा कौआ भी दीर्घकाल तक जीता है और बलि खाता है।

श्लोक 34 (garuda.1.115.34)

किं जीवितेन धनमानविवर्जितेन मित्रेण किं भवति भीतिसशङ्कितेन । सिंहव्रतं चरत गच्छत मा विषादं काकोऽपि जीवति चिरं च बलिं च भुङ्क्ते

kiṁ jīvitena dhanamānavivarjitena mitreṇa kiṁ bhavati bhītisaśaṅkitena siṁhavrataṁ carata gacchata mā viṣādaṁ kāko'pi jīvati ciraṁ ca baliṁ ca bhuṅkte

धन-सम्मान रहित जीवन से क्या लाभ? भय और संदेह से भरे मित्र से क्या लाभ? सिंह के व्रत का पालन करो, आगे बढ़ो, विषाद न करो — कौआ भी दीर्घकाल तक जीता है और बलि खाता है।

श्लोक 35 (garuda.1.115.35)

यो वात्मनीह न गुरौ न च भृत्यवर्गे दीने दयां न कुरुते न च मित्रकार्ये । किं तस्य जीवितफलेनमनुष्यलोके काकोऽपि जीवति चिरं च बलिं च भुङ्क्ते

yo vātmanīha na gurau na ca bhṛtyavarge dīne dayāṁ na kurute na ca mitrakārye kiṁ tasya jīvitaphalenamanuṣyaloke kāko'pi jīvati ciraṁ ca baliṁ ca bhuṅkte

जो न अपने प्रति, न गुरु के प्रति, न सेवकों के प्रति, न दीनों के प्रति, न मित्र के कार्य में दया दिखाता है — उसके जीवन के फल से मनुष्य-लोक में क्या लाभ? कौआ भी दीर्घकाल तक जीता है और बलि खाता है।

श्लोक 36 (garuda.1.115.36)

यस्य त्रिवर्गशून्यानि दिनान्यायान्ति यान्ति च । स लौहकारभस्त्रेव श्वसन्नपि न जीवति

yasya trivargaśūnyāni dinānyāyānti yānti ca sa lauhakārabhastreva śvasannapi na jīvati

जिसके दिन धर्म-अर्थ-काम इन तीनों से रहित बीतते हैं, वह लोहार की धौंकनी की भाँति साँस लेते हुए भी सच में जीवित नहीं है।

श्लोक 37 (garuda.1.115.37)

स्वाधीनवृत्तेः साफल्यं न पराधीनवर्तिता । ये पराधीनकर्माणो जीवन्तोऽपि च ते मृताः

svādhīnavṛtteḥ sāphalyaṁ na parādhīnavartitā ye parādhīnakarmāṇo jīvanto'pi ca te mṛtāḥ

स्वतंत्र जीविका की सफलता ही सच्ची सफलता है, पराधीनता नहीं; जिनके कर्म दूसरों के अधीन हैं, वे जीवित रहते हुए भी मृत के समान हैं।

श्लोक 38 (garuda.1.115.38)

सु(स्व) पूरा वै कापुरुषाः सु(स्व) पूरो मूषिकाञ्जलिः । असन्तुष्टः कापुरुषः स्वल्पकेनापि तुष्यति

su(sva) pūrā vai kāpuruṣāḥ su(sva) pūro mūṣikāñjaliḥ asantuṣṭaḥ kāpuruṣaḥ svalpakenāpi tuṣyati

कायर पुरुष सरलता से संतुष्ट हो जाते हैं, जैसे चूहे की अंजलि सरलता से भर जाती है; असंतुष्ट कायर भी अत्यंत तुच्छ वस्तु से संतुष्ट हो जाता है।

श्लोक 39 (garuda.1.115.39)

अभ्रच्छाया तृणादग्निर्नोचसेवा पथो जलम् । वेश्यारागः खले प्रीतिः षडेते बुद्वुदोपमाः

abhracchāyā tṛṇādagnirnocasevā patho jalam veśyārāgaḥ khale prītiḥ ṣaḍete budvudopamāḥ

बादल की छाया, सूखी घास से अग्नि, नीच की सेवा, मार्ग पर जल, वेश्या का प्रेम, और दुर्जन का स्नेह — ये छहों बुलबुले के समान क्षणभंगुर हैं।

श्लोक 40 (garuda.1.115.40)

वाचा विहितसार्थेन लोको न च सुखायते । जीवितं मानमूलं हि माने म्लाने कुतः सुखम्?

vācā vihitasārthena loko na ca sukhāyate jīvitaṁ mānamūlaṁ hi māne mlāne kutaḥ sukham?

केवल वाणी से किए गए वादों से संसार को सच्चा सुख नहीं मिलता; जीवन का मूल सम्मान है — सम्मान म्लान होने पर सुख कहाँ?

श्लोक 41 (garuda.1.115.41)

अबलस्य बलं राजा बालस्य रुदितं बलम् । बलं मूर्खस्य मौनं हि तस्करस्यानृतं बलम्

abalasya balaṁ rājā bālasya ruditaṁ balam balaṁ mūrkhasya maunaṁ hi taskarasyānṛtaṁ balam

निर्बल का बल राजा है, बालक का बल रुदन है; मूर्ख का बल मौन है, और चोर का बल झूठ है।

श्लोक 42 (garuda.1.115.42)

यथायथा हि पुरुषः शास्त्रं समधिगच्छति । तथातथास्य मेधा स्याद्विज्ञानं चास्य रोचते

yathāyathā hi puruṣaḥ śāstraṁ samadhigacchati tathātathāsya medhā syādvijñānaṁ cāsya rocate

जैसे-जैसे मनुष्य शास्त्र का अध्ययन करता है, वैसे-वैसे उसकी बुद्धि बढ़ती है और उसे ज्ञान प्रिय लगने लगता है।

श्लोक 43 (garuda.1.115.43)

यथायथा हि पुरुषः कल्याणे कुरुते मतिम् । तथातथा हि सर्वत्र श्लिष्यते लोकसुप्रियः

yathāyathā hi puruṣaḥ kalyāṇe kurute matim tathātathā hi sarvatra śliṣyate lokasupriyaḥ

जैसे-जैसे मनुष्य कल्याणकारी कार्यों में मन लगाता है, वैसे-वैसे वह सर्वत्र लोकप्रिय होकर लोगों से जुड़ता जाता है।

श्लोक 44 (garuda.1.115.44)

लोभप्रमादविश्वासैः पुरुषो नश्यति त्रिभिः । तस्माल्लोभो न कर्तव्यः प्रमादो नोन विश्वसेत्

lobhapramādaviśvāsaiḥ puruṣo naśyati tribhiḥ tasmāllobho na kartavyaḥ pramādo nona viśvaset

लोभ, प्रमाद और अति विश्वास — इन तीनों से मनुष्य नष्ट होता है; इसलिए लोभ नहीं करना चाहिए, प्रमाद नहीं करना चाहिए, और अति विश्वास नहीं करना चाहिए।

श्लोक 45 (garuda.1.115.45)

तावद्भयस्य भेतव्यं यावद्भयमनागतम् । उत्पन्ने तु भये तीव्रे स्थातव्यं वै ह्यभीतवत्

tāvadbhayasya bhetavyaṁ yāvadbhayamanāgatam utpanne tu bhaye tīvre sthātavyaṁ vai hyabhītavat

भय तब तक भयभीत होने योग्य है जब तक वह आया न हो; किंतु गंभीर भय आ जाने पर निर्भय की भाँति दृढ़ रहना चाहिए।

श्लोक 46 (garuda.1.115.46)

ऋणशेषं चाग्निशेषं व्याधिशेषं तथैव च । पुनः पुनः प्रवर्धन्ते तस्माच्छेषं न कारयेत्

ṛṇaśeṣaṁ cāgniśeṣaṁ vyādhiśeṣaṁ tathaiva ca punaḥ punaḥ pravardhante tasmāccheṣaṁ na kārayet

बचा हुआ ऋण, बची हुई आग, और बचा हुआ रोग — ये बार-बार बढ़ते जाते हैं; इसलिए इन्हें कभी शेष नहीं छोड़ना चाहिए।

श्लोक 47 (garuda.1.115.47)

कृते प्रतिकृतं कुर्याद्धिंसिते प्रतिहिंसितम् । न तत्र दोषं पश्यामि दुष्टे दोषं समाचरेत्

kṛte pratikṛtaṁ kuryāddhiṁsite pratihiṁsitam na tatra doṣaṁ paśyāmi duṣṭe doṣaṁ samācaret

जैसा किया जाए, वैसा ही प्रत्युत्तर देना चाहिए, हिंसा का प्रतिकार हिंसा से करना चाहिए — इसमें मुझे कोई दोष नहीं दिखता; दुष्ट के प्रति कठोरता का व्यवहार करना चाहिए।

श्लोक 48 (garuda.1.115.48)

परोक्षे कार्यहन्तारं प्रत्यक्षे प्रियवादिनम् । वर्जयेत्तादृशं मित्रं मायामयमरिं तथा

parokṣe kāryahantāraṁ pratyakṣe priyavādinam varjayettādṛśaṁ mitraṁ māyāmayamariṁ tathā

जो व्यक्ति अनुपस्थिति में कार्य बिगाड़ता है और सामने मीठा बोलता है — ऐसे छली मित्र को शत्रु के समान त्याग देना चाहिए।

श्लोक 49 (garuda.1.115.49)

दुर्जनस्य हि संगेन सुजनोऽपि विनश्यति । प्रसन्नमपि पानीयं कर्दमैः कलुषीकृतम्

durjanasya hi saṁgena sujano'pi vinaśyati prasannamapi pānīyaṁ kardamaiḥ kaluṣīkṛtam

दुर्जन की संगति से सज्जन भी नष्ट हो जाता है — जैसे स्वच्छ जल भी कीचड़ से मैला हो जाता है।

श्लोक 50 (garuda.1.115.50)

स भुङ्क्ते सद्विजो भुङ्क्ते समशेषनिरूपणम् । तस्मात्सर्वप्रयत्नेन द्विजः पूज्यः प्रयत्नतः

sa bhuṅkte sadvijo bhuṅkte samaśeṣanirūpaṇam tasmātsarvaprayatnena dvijaḥ pūjyaḥ prayatnataḥ

सच्चा सुख वही भोगता है जो श्रेष्ठ द्विज को भोजन कराकर उचित शेष-भोजन ग्रहण करता है; इसलिए हर प्रयत्न से द्विज का सम्मान करना चाहिए।

श्लोक 51 (garuda.1.115.51)

तद्भुज्यते यद्द्विजभुक्तशेषं स बुद्धिमान्यो न करोति पापम् । तत्सौहृदं यक्रियते परोक्षे दम्भैर्विना यः क्रियते स धर्मः

tadbhujyate yaddvijabhuktaśeṣaṁ sa buddhimānyo na karoti pāpam tatsauhṛdaṁ yakriyate parokṣe dambhairvinā yaḥ kriyate sa dharmaḥ

जो द्विज के भोजन के बाद बचा हुआ खाता है, वह बुद्धिमान् पाप नहीं करता। जो मित्रता अनुपस्थिति में भी निभाई जाए, तथा जो धर्म बिना दंभ के किया जाए, वही सच्चा है।

श्लोक 52 (garuda.1.115.52)

न सा सभा यत्र न सन्ति वृद्धाः वृद्धा न ते ये न वदन्ति धर्मम् । धर्मः स नो यत्र न सत्यमस्ति नैतत्सत्यं यच्छलेनानुविद्धम्

na sā sabhā yatra na santi vṛddhāḥ vṛddhā na te ye na vadanti dharmam dharmaḥ sa no yatra na satyamasti naitatsatyaṁ yacchalenānuviddham

वह सभा नहीं है जिसमें वृद्धजन न हों; वे वृद्ध नहीं जो धर्म की बात नहीं कहते; वह धर्म नहीं जिसमें सत्य नहीं है; और वह सत्य नहीं जो छल से युक्त है।

श्लोक 53 (garuda.1.115.53)

ब्राह्मणोऽपि मनुष्याणामादित्यश्चैव तेजसाम् । शिरोऽपि सर्वगात्राणां व्रतानां सत्यमुत्तमम्

brāhmaṇo'pi manuṣyāṇāmādityaścaiva tejasām śiro'pi sarvagātrāṇāṁ vratānāṁ satyamuttamam

जैसे मनुष्यों में ब्राह्मण, तेजस्वियों में सूर्य, और सभी अंगों में सिर श्रेष्ठ है — वैसे ही व्रतों में सत्य सर्वोच्च है।

श्लोक 54 (garuda.1.115.54)

तन्मङ्गलं यत्र मनः प्रसन्नं तज्जीवनं यन्न परस्य सेवा । तदर्जितं यत्स्वजनेन भुक्तं तद्गर्जितं यत्समरे रिपूणाम्

tanmaṅgalaṁ yatra manaḥ prasannaṁ tajjīvanaṁ yanna parasya sevā tadarjitaṁ yatsvajanena bhuktaṁ tadgarjitaṁ yatsamare ripūṇām

वही मंगल है जहाँ मन प्रसन्न हो; वही जीवन है जो दूसरे की सेवा पर निर्भर न हो; वही अर्जित धन है जो स्वजनों द्वारा भोगा जाए; और वही सिंहनाद है जो युद्ध में शत्रुओं के विरुद्ध हो।

श्लोक 55 (garuda.1.115.55)

सा स्त्रीया न मदं कुर्यात्स सुखी तृष्णयोज्झितः । तन्मित्रं यत्र विश्वासः पुरुषः स जितेन्द्रियः

sā strīyā na madaṁ kuryātsa sukhī tṛṣṇayojjhitaḥ tanmitraṁ yatra viśvāsaḥ puruṣaḥ sa jitendriyaḥ

वही स्त्री है जो अभिमान नहीं करती; वही सुखी है जो तृष्णा से मुक्त है; वही मित्रता है जहाँ विश्वास हो; और वही पुरुष है जो जितेन्द्रिय हो।

श्लोक 56 (garuda.1.115.56)

तत्र मुक्तादरस्नेहो विलुप्तं यत्र सौहृदम् । तदेव केवलं श्लघ्यं यस्यात्मा क्रियते स्तुतौ

tatra muktādarasneho viluptaṁ yatra sauhṛdam tadeva kevalaṁ ślaghyaṁ yasyātmā kriyate stutau

वहाँ आदर और स्नेह भी नष्ट हो जाते हैं जहाँ मित्रता समाप्त हो जाती है; केवल वही सराहनीय है जिसका आचरण स्वयं प्रशंसा के योग्य हो।

श्लोक 57 (garuda.1.115.57)

नदीनामग्निहोत्राणां भारतस्य कलस्य च । मूलान्वेषो न कर्तव्यो मूलाद्दोषो न हीयते

nadīnāmagnihotrāṇāṁ bhāratasya kalasya ca mūlānveṣo na kartavyo mūlāddoṣo na hīyate

नदियों, अग्निहोत्रों, महाभारत-परंपरा और कारीगर के मूल की खोज नहीं करनी चाहिए; मूल की खोज से कोई दोष दूर नहीं होता।

श्लोक 58 (garuda.1.115.58)

लवणजलान्ता नद्यः स्त्रीभेदान्तं च मैथुनम् । षैशुन्यं जनवार्तान्तं वित्तं दुः खत्रयान्तकम्

lavaṇajalāntā nadyaḥ strībhedāntaṁ ca maithunam ṣaiśunyaṁ janavārtāntaṁ vittaṁ duḥ khatrayāntakam

नदियाँ खारे जल में समाप्त होती हैं, मैथुन स्त्री के स्वभाव को पहचानने में; चुगली लोगों की चर्चा में समाप्त होती है, धन तीनों प्रकार के दुःखों में समाप्त होता है।

श्लोक 59 (garuda.1.115.59)

राज्यश्रीर्ब्रह्मशापान्ता पापान्तं ब्रह्मवर्चसम् । आचान्तं घोषवासान्तं कुलस्यान्तं स्त्रिया प्रभो (भुः)

rājyaśrīrbrahmaśāpāntā pāpāntaṁ brahmavarcasam ācāntaṁ ghoṣavāsāntaṁ kulasyāntaṁ striyā prabho (bhuḥ)

राज्य-लक्ष्मी का अंत ब्राह्मण के शाप में होता है, ब्रह्मतेज का अंत पाप में होता है; हे प्रभु, कुल का अंत कुलटा स्त्री में होता है।

श्लोक 60 (garuda.1.115.60)

सर्वे क्षयान्ता निलयाः पतनान्ताः समुच्छ्रयाः । संयोगा विप्रयोगान्ता मरणान्तं हि जीवितम्

sarve kṣayāntā nilayāḥ patanāntāḥ samucchrayāḥ saṁyogā viprayogāntā maraṇāntaṁ hi jīvitam

सभी निवास अंततः क्षय को प्राप्त होते हैं, सभी उन्नतियाँ अंततः पतन को; सभी संयोग अंततः वियोग को, और जीवन का अंत मृत्यु में ही है।

श्लोक 61 (garuda.1.115.61)

यदीच्छेत्पुनरागन्तुं नातिदूरमनुव्रजेत् । उदकान्तान्निवर्तेत स्निग्धवर्णाच्च पादपात्

yadīcchetpunarāgantuṁ nātidūramanuvrajet udakāntānnivarteta snigdhavarṇācca pādapāt

यदि किसी अतिथि के पुनः आने की इच्छा हो, तो उसे बहुत दूर तक विदा करने न जाएँ; जल के किनारे या हरे-भरे वृक्ष से लौट आना चाहिए।

श्लोक 62 (garuda.1.115.62)

अनायके न वस्तव्यं न चैव बहुनायके । स्त्रीनायके न वस्तव्यं वस्तव्यं बालनायके

anāyake na vastavyaṁ na caiva bahunāyake strīnāyake na vastavyaṁ vastavyaṁ bālanāyake

जहाँ कोई शासक न हो, वहाँ नहीं रहना चाहिए; जहाँ बहुत से शासक हों, वहाँ भी नहीं; जहाँ स्त्री शासक हो, वहाँ नहीं रहना चाहिए; किंतु बालक शासक हो तो रहा जा सकता है।

श्लोक 63 (garuda.1.115.63)

पिता रक्षति कौमारे भत्ता रक्षति यौवने । पुत्रस्तु स्थविरे काले न स्त्री स्वातन्त्र्यमर्हति

pitā rakṣati kaumāre bhattā rakṣati yauvane putrastu sthavire kāle na strī svātantryamarhati

बाल्यावस्था में पिता रक्षा करता है, यौवन में पति रक्षा करता है; वृद्धावस्था में पुत्र रक्षा करता है — स्त्री को स्वतंत्रता उचित नहीं मानी गई है।

श्लोक 64 (garuda.1.115.64)

त्यजेद्वन्ध्यामष्टमेऽब्दे नवमे तु मृतप्रिजाम् । एकादशे स्त्रीजननीं सद्यश्चाप्रियावादिनीम्

tyajedvandhyāmaṣṭame'bde navame tu mṛtaprijām ekādaśe strījananīṁ sadyaścāpriyāvādinīm

आठवें वर्ष में बाँझ पत्नी को, नौवें वर्ष में जिसकी संतान मर गई हो उसे, ग्यारहवें वर्ष में केवल कन्याओं को जन्म देने वाली को, और अप्रिय बोलने वाली को तुरंत [दूसरी पत्नी के साथ स्थान दे सकते हैं]।

श्लोक 65 (garuda.1.115.65)

अनर्थित्वान्मनुष्याणां भिया परिजनस्य च । अर्थादपेतमर्यादास्त्रयस्तिष्ठन्ति भर्तृषु

anarthitvānmanuṣyāṇāṁ bhiyā parijanasya ca arthādapetamaryādāstrayastiṣṭhanti bhartṛṣu

व्यक्तिगत स्वार्थ के अभाव में और परिजनों के भय से, तीन प्रकार के लोग स्वामी के प्रति निष्ठावान् बने रहते हैं, चाहे उनका अपना हित सधे या न सधे।

श्लोक 66 (garuda.1.115.66)

अश्वं श्रान्तं गजं मत्तं गावः प्रथमसूतिकाः । अनूदके च मण्डूकान्प्राज्ञो दूरेण वर्जयेत्

aśvaṁ śrāntaṁ gajaṁ mattaṁ gāvaḥ prathamasūtikāḥ anūdake ca maṇḍūkānprājño dūreṇa varjayet

बुद्धिमान् व्यक्ति थके हुए घोड़े, मदमस्त हाथी, नई ब्याई गाय, और जल के बिना मेंढकों से दूर रहे।

श्लोक 67 (garuda.1.115.67)

अर्थातुराणां न सुहृन्न बन्धुः कामातुराणां न भयं न लज्जा । चिन्तातुराणां न सुखं न निद्रा क्षुधातुराणां न बलं न तेजः

arthāturāṇāṁ na suhṛnna bandhuḥ kāmāturāṇāṁ na bhayaṁ na lajjā cintāturāṇāṁ na sukhaṁ na nidrā kṣudhāturāṇāṁ na balaṁ na tejaḥ

धन के लिए व्याकुल व्यक्ति का न कोई सुहृद् होता है, न बन्धु; काम-पीड़ित का न भय होता है, न लज्जा; चिंतित का न सुख, न नींद; भूखे का न बल, न तेज।

श्लोक 68 (garuda.1.115.68)

कुतो निद्रा दरिद्रस्य परप्रेष्यवरस्य च । परनारीप्रसक्तस्य परद्रव्यहरस्य च

kuto nidrā daridrasya parapreṣyavarasya ca paranārīprasaktasya paradravyaharasya ca

निर्धन के लिए, दूसरे के अधीन सेवक के लिए, पराई स्त्री में आसक्त के लिए, और पराया धन हरने वाले के लिए नींद कहाँ?

श्लोक 69 (garuda.1.115.69)

सुखं स्वपित्यनृणवान्व्याधिमुक्तश्च यो नरः । सावकाशस्तु वै भुङ्क्ते यस्तु दारैर्न सङ्गतः

sukhaṁ svapityanṛṇavānvyādhimuktaśca yo naraḥ sāvakāśastu vai bhuṅkte yastu dārairna saṅgataḥ

जो मनुष्य ऋणरहित और रोगरहित है, वह सुखपूर्वक सोता है; और जो पत्नी में अत्यधिक आसक्त नहीं है, वही अपने अवकाश का सच्चा उपभोग करता है।

श्लोक 70 (garuda.1.115.70)

अम्भसः परिमाणे उन्नतं कमलं भवेत् । स्वस्वामिना बलवता भृत्यो भवति गर्वितः

ambhasaḥ parimāṇe unnataṁ kamalaṁ bhavet svasvāminā balavatā bhṛtyo bhavati garvitaḥ

जल की मात्रा के अनुसार कमल ऊँचा उठता है; इसी प्रकार बलवान् स्वामी के सहारे सेवक भी गर्वित हो जाता है।

श्लोक 71 (garuda.1.115.71)

स्थानस्थितस्य पद्मस्य मित्रे वरुणभास्करौ । स्थानच्युतस्य तस्यैव क्लेदशोषणकारकौ

sthānasthitasya padmasya mitre varuṇabhāskarau sthānacyutasya tasyaiva kledaśoṣaṇakārakau

अपने स्थान पर स्थित कमल के लिए जल और सूर्य दोनों मित्र हैं; किंतु स्थान से च्युत उसी कमल के लिए वे ही सड़न और सूखने के कारण बनते हैं।

श्लोक 72 (garuda.1.115.72)

ये पदस्थस्य मित्त्राणि ते तस्य रिपुतां गताः । भानोः पद्मे जले प्रीतिः स्थलोद्धरणशोषणः

ye padasthasya mittrāṇi te tasya riputāṁ gatāḥ bhānoḥ padme jale prītiḥ sthaloddharaṇaśoṣaṇaḥ

जो पदस्थ व्यक्ति के मित्र होते हैं, वे ही उसके पतन पर शत्रु बन जाते हैं; सूर्य का जल में कमल से प्रेम है, किंतु भूमि पर वही उसे सुखा देता है।

श्लोक 73 (garuda.1.115.73)

स्थानस्थितानि पूज्यन्ते पूज्यन्ते च पदे स्थिताः । स्थानभ्रष्टा न पूज्यन्ते केशा दन्ता नखा नराः

sthānasthitāni pūjyante pūjyante ca pade sthitāḥ sthānabhraṣṭā na pūjyante keśā dantā nakhā narāḥ

जो अपने स्थान पर स्थित हैं, वे पूजित होते हैं, जो अपने पद पर स्थित हैं, वे भी पूजित होते हैं; किंतु स्थानभ्रष्ट केश, दाँत, नाखून और मनुष्य — सभी अपूजित हो जाते हैं।

श्लोक 74 (garuda.1.115.74)

आचारः कुलमाख्यति देशमाख्याति भाषितम् । सम्भ्रमः स्नेहमाख्याति वपुराख्याति भोजनम्

ācāraḥ kulamākhyati deśamākhyāti bhāṣitam sambhramaḥ snehamākhyāti vapurākhyāti bhojanam

आचरण कुल का परिचय देता है, बोली देश का परिचय देती है; उत्साह स्नेह का परिचय देता है, और शरीर भोजन का परिचय देता है।

श्लोक 75 (garuda.1.115.75)

वृथा वृष्टिः समुद्रस्य वृथा तृप्तस्य भोजनम् । वृथा दानं समृद्धस्य नीचस्य सुकृतं वथा

vṛthā vṛṣṭiḥ samudrasya vṛthā tṛptasya bhojanam vṛthā dānaṁ samṛddhasya nīcasya sukṛtaṁ vathā

समुद्र पर वर्षा व्यर्थ है, तृप्त को भोजन देना व्यर्थ है; समृद्ध को दान व्यर्थ है, और नीच के प्रति किया गया सुकृत भी व्यर्थ है।

श्लोक 76 (garuda.1.115.76)

दूरस्थोऽपि समीपस्थो यो यस्य हृदये स्थितः । हृदयादपि निष्क्रान्तः समीपस्थोऽपि दूरतः

dūrastho'pi samīpastho yo yasya hṛdaye sthitaḥ hṛdayādapi niṣkrāntaḥ samīpastho'pi dūrataḥ

जो जिसके हृदय में स्थित है, वह दूर होते हुए भी निकट है; जो हृदय से निकल गया है, वह निकट होते हुए भी दूर है।

श्लोक 77 (garuda.1.115.77)

मुखभङ्गः स्वरो दीनो गात्रस्वेदो महद्भयम् । मरणे यानि चिह्नानि तानि चिह्नानि याचके

mukhabhaṅgaḥ svaro dīno gātrasvedo mahadbhayam maraṇe yāni cihnāni tāni cihnāni yācake

मुख का बिगड़ना, दीन स्वर, शरीर पर पसीना, और भारी भय — मृत्यु के जो चिह्न होते हैं, वही चिह्न भिखारी में भी होते हैं।

श्लोक 78 (garuda.1.115.78)

कुब्जस्य कीटघातस्य वातान्निष्कासितस्य च । शिखरे वसतस्तस्य वरं जन्म न याचितम्

kubjasya kīṭaghātasya vātānniṣkāsitasya ca śikhare vasatastasya varaṁ janma na yācitam

कुबड़े का, कीड़े के काटे का, वात-रोग से पीड़ित का, या पर्वत-शिखर पर रहने वाले का जन्म भी भिक्षा-याचना से बेहतर है।

श्लोक 79 (garuda.1.115.79)

जगत्पतिर्हि याचित्वा विष्णुर्वामनतां यतः । कान्योऽधिकतरस्तस्य योर्ऽथो याति न लाघवम्

jagatpatirhi yācitvā viṣṇurvāmanatāṁ yataḥ kānyo'dhikatarastasya yor'tho yāti na lāghavam

जगत्पति विष्णु ने भी याचना करके वामन-रूप धारण किया — फिर उससे बड़ा कौन है जिसका धन [याचना से] लघुता को प्राप्त न हो?

श्लोक 80 (garuda.1.115.80)

माता शत्रुः पिता वैरी बाला येन न पाठिताः । सभामध्ये न शोभन्ते हंसमध्ये बकायथा

mātā śatruḥ pitā vairī bālā yena na pāṭhitāḥ sabhāmadhye na śobhante haṁsamadhye bakāyathā

जिस बालक को नहीं पढ़ाया गया, उसकी माता शत्रु है और पिता वैरी है; ऐसा व्यक्ति सभा में उसी प्रकार शोभा नहीं देता जैसे हंसों के बीच बगुला।

श्लोक 81 (garuda.1.115.81)

विद्या नाम कुरूपरूपमधिकं विद्यातिगुप्तं धनं विद्या साधुकरी जनप्रियकरी विद्या गुरूणां गुरुः । विद्या बन्धुजनार्तिनाशनकरी विद्या परं दैवतं विद्या राजसु पूजिता हि मनुजो विद्यविहीनः पशुः

vidyā nāma kurūparūpamadhikaṁ vidyātiguptaṁ dhanaṁ vidyā sādhukarī janapriyakarī vidyā gurūṇāṁ guruḥ vidyā bandhujanārtināśanakarī vidyā paraṁ daivataṁ vidyā rājasu pūjitā hi manujo vidyavihīnaḥ paśuḥ

विद्या कुरूप को भी सुंदर बना देती है, विद्या ही सर्वाधिक सुरक्षित धन है; विद्या सद्गुण देने वाली और जनप्रिय बनाने वाली है, विद्या गुरुओं की भी गुरु है। विद्या बन्धुजनों की पीड़ा हरने वाली है, विद्या परम दैवत है, विद्या राजाओं में भी पूजित है — विद्याविहीन मनुष्य पशु के समान है।

श्लोक 82 (garuda.1.115.82)

गृहे चाभ्यन्तरे द्रव्यं लग्नं चैव तु दृश्यते । अशेषं हरणीयं च विद्या न ह्रियते परैः

gṛhe cābhyantare dravyaṁ lagnaṁ caiva tu dṛśyate aśeṣaṁ haraṇīyaṁ ca vidyā na hriyate paraiḥ

घर के भीतर रखा धन दिखाई देता है और उसी स्थान से बँधा रहता है — वह सर्वथा चोरी हो सकता है; किंतु विद्या दूसरों द्वारा कभी नहीं छीनी जा सकती।

श्लोक 83 (garuda.1.115.83)

शौनकीयं नीतिसारं विष्णुः सर्वत्रतानि च । कथयामास वैपूर्वं तत्र शुश्राव शङ्करः । शङ्करादशृणोद्व्यासो व्यासादस्माभिरेव च

śaunakīyaṁ nītisāraṁ viṣṇuḥ sarvatratāni ca kathayāmāsa vaipūrvaṁ tatra śuśrāva śaṅkaraḥ śaṅkarādaśṛṇodvyāso vyāsādasmābhireva ca

यह शौनक को दिया गया नीतिसार, समस्त व्रतों सहित, विष्णु ने ही पूर्वकाल में कहा था; उसे वहाँ शंकर ने सुना। शंकर से व्यास ने सुना, और व्यास से हमने (सूत ने) सुना।