अर्श-निदान

श्लोक 1 (garuda.1.156.1)

धन्वन्तरिरुवाच । अथार्शसां निदानं च व्याख्यास्यमि च सुश्रुत ! । सर्वदा प्राणिनां मांसे कीलकाः प्रभवन्ति ये

dhanvantariruvāca athārśasāṁ nidānaṁ ca vyākhyāsyami ca suśruta ! sarvadā prāṇināṁ māṁse kīlakāḥ prabhavanti ye

धन्वन्तरि ने कहा — हे सुश्रुत! अब मैं अर्श (बवासीर) के निदान का वर्णन करूँगा। प्राणियों के मांस में जो कीलों (खूँटों) के समान सदा उत्पन्न होते हैं —

श्लोक 2 (garuda.1.156.2)

अर्शांसि तस्मादुच्यन्ते गुदमार्गनिरोधनात् । दोषस्त्वङ्मांसमेदांसि सन्दूष्य विविधाकृतीन्

arśāṁsi tasmāducyante gudamārganirodhanāt doṣastvaṅmāṁsamedāṁsi sandūṣya vividhākṛtīn

उन्हें गुदमार्ग को अवरुद्ध करने के कारण अर्श कहते हैं। दूषित दोष त्वचा, मांस और मेद को दूषित कर विविध आकृतियाँ —

श्लोक 3 (garuda.1.156.3)

मांसांकुरानपानादौ कुर्वन्त्यर्शांसि ताञ्जगुः । सहजन्मान्तरोत्थेन भेदो द्वेधा समासतः

māṁsāṁkurānapānādau kurvantyarśāṁsi tāñjaguḥ sahajanmāntarotthena bhedo dvedhā samāsataḥ

गुदप्रदेश में मांस-अंकुर उत्पन्न करता है, जिन्हें अर्श कहा गया है। सहज (जन्मजात) और अन्य समय में उत्पन्न — संक्षेप में यह दो प्रकार का है।

श्लोक 4 (garuda.1.156.4)

शुष्काग्रावाविभेदाश्च गुदस्थानानुसंश्रयाः । अर्धपञ्चाङ्गुलिस्तस्मिंस्तिस्रोऽघ्यर्धाङ्गुलिस्थिताः

śuṣkāgrāvāvibhedāśca gudasthānānusaṁśrayāḥ ardhapañcāṅgulistasmiṁstisro'ghyardhāṅgulisthitāḥ

ये शुष्क अथवा गीले सिरों वाले, गुद-स्थान में विभिन्न स्थानों पर स्थित होते हैं; साढ़े चार अंगुल के क्षेत्र में तीन प्रकार डेढ़-डेढ़ अंगुल पर स्थित हैं —

श्लोक 5 (garuda.1.156.5)

बाल्यप्रवाहिणी तासामन्त्रमध्ये विसर्जिनी । बाह्यासंवरणे तस्या गुदादौ बहिरङ्गुले

bālyapravāhiṇī tāsāmantramadhye visarjinī bāhyāsaṁvaraṇe tasyā gudādau bahiraṅgule

इनमें 'बाल्या' भीतर की ओर स्रावित करने वाली, 'विसर्जिनी' आंत के मध्य में, तथा बाहरी अवरोधन की, गुदा के आरम्भ से एक अंगुल बाहर —

श्लोक 6 (garuda.1.156.6)

सार्धाङ्गुलप्रमाणेन रोमाण्यत्र ततः परम् । तत्र हेतुः सहोत्थानां बाल्ये बीजोपतप्तता

sārdhāṅgulapramāṇena romāṇyatra tataḥ param tatra hetuḥ sahotthānāṁ bālye bījopataptatā

डेढ़ अंगुल की दूरी पर, फिर वहाँ रोम होते हैं, उससे आगे भी। इनमें से सहज प्रकार का कारण बाल्यावस्था में माता-पिता के बीज की विकृति है —

श्लोक 7 (garuda.1.156.7)

अर्शसां बीजसृष्टिस्तु मातापित्रपचारतः । देवतानां प्रकोपे हि सान्निपातस्य चान्यतः

arśasāṁ bījasṛṣṭistu mātāpitrapacārataḥ devatānāṁ prakope hi sānnipātasya cānyataḥ

अर्श की बीज-उत्पत्ति माता-पिता के अनुचित आचरण से, अथवा देवताओं के प्रकोप से, अथवा सन्निपात से, अथवा अन्य कारणों से होती है।

श्लोक 8 (garuda.1.156.8)

असाध्या एवमाख्याताः सर्वे रोगाः कुलोद्भवाः । सहजानि विशेषेण रूक्षदुर्दर्शनानि तु

asādhyā evamākhyātāḥ sarve rogāḥ kulodbhavāḥ sahajāni viśeṣeṇa rūkṣadurdarśanāni tu

इस प्रकार वंशानुगत सभी रोग असाध्य कहे गए हैं। सहज (जन्मजात) अर्श विशेष रूप से रूखे और देखने में कुरूप होते हैं —

श्लोक 9 (garuda.1.156.9)

अन्तर्मुखानि पाण्डूनि दारुणोपद्रवाणि च । योज्यानि च पृथोग्दोषसंसर्गनिचयात्स्वतः

antarmukhāni pāṇḍūni dāruṇopadravāṇi ca yojyāni ca pṛthogdoṣasaṁsarganicayātsvataḥ

भीतर की ओर मुड़े, पाण्डु वर्ण के तथा गम्भीर उपद्रवों से युक्त; इन्हें पृथक्-पृथक् दोषों के संयोग और संचय के अनुसार वर्गीकृत करना चाहिए।

श्लोक 10 (garuda.1.156.10)

शुष्काणि वातश्लेष्मभ्यामार्द्राणि त्वस्य पित्ततः । दोषप्रकोपहेतुस्तु प्रागुक्तेवस्त्रसादिनि

śuṣkāṇi vātaśleṣmabhyāmārdrāṇi tvasya pittataḥ doṣaprakopahetustu prāguktevastrasādini

ये वात और कफ से शुष्क होते हैं, तथा पित्त से गीले होते हैं। दोष-प्रकोप का कारण पूर्वोक्त है — जैसे अत्यधिक वस्त्र-धारण आदि —

श्लोक 11 (garuda.1.156.11)

अग्नौ मलेऽतिनिचिते पुनश्चायं (ति) व्यवायतः । पानसंक्षोभविषमकठिनक्षुद्रकाशनात्

agnau male'tinicite punaścāyaṁ (ti) vyavāyataḥ pānasaṁkṣobhaviṣamakaṭhinakṣudrakāśanāt

अग्नि-मन्दता, मल का अत्यधिक संचय, तथा अत्यधिक मैथुन से भी यह उत्पन्न होता है; पान-विक्षोभ, असमान, कठोर या अल्प भोजन से —

श्लोक 12 (garuda.1.156.12)

बस्तिनेत्रगलौष्ठोत्थतलभेदादिघट्टनात् । भृशशीताम्बुसंस्पर्शप्रततातिप्रवाहणात्

bastinetragalauṣṭhotthatalabhedādighaṭṭanāt bhṛśaśītāmbusaṁsparśapratatātipravāhaṇāt

मूत्राशय, नेत्र, गला, ओष्ठ और तलवों में घर्षण अथवा दरार से; अत्यधिक शीतल जल के स्पर्श से, तथा लम्बे समय तक अत्यधिक बल लगाने से —

श्लोक 13 (garuda.1.156.13)

गतमूत्रशकृद्वेगधारणात्तदुदीरणात् । जुगुप्सातीसारमेव ग्रहणी सोऽप्युपद्रवः

gatamūtraśakṛdvegadhāraṇāttadudīraṇāt jugupsātīsārameva grahaṇī so'pyupadravaḥ

मूत्र-मल के वेगों को रोकने से तथा उन्हें बलपूर्वक निकालने से; घृणाजनित अतिसार से, तथा ग्रहणी रोग भी इसका उपद्रव है —

श्लोक 14 (garuda.1.156.14)

कर्षणाद्विषमादेश्चचेष्टाभ्यो योषितां पुनः । आमगर्भप्रपतनाद्गर्भवृद्धिप्रपीडनात्

karṣaṇādviṣamādeścaceṣṭābhyo yoṣitāṁ punaḥ āmagarbhaprapatanādgarbhavṛddhiprapīḍanāt

अत्यधिक श्रम और असामान्य क्रियाओं से; स्त्रियों में अपरिपक्व गर्भ के गिरने से तथा गर्भ की वृद्धि से हुए दबाव से भी —

श्लोक 15 (garuda.1.156.15)

ईदृशैश्चापरैर्वायुरपानः कुपितो मले । पायोर्वलीषु सद्रवृत्तिभास्वन्निः पूर्णमूर्तिषु

īdṛśaiścāparairvāyurapānaḥ kupito male pāyorvalīṣu sadravṛttibhāsvanniḥ pūrṇamūrtiṣu

इन तथा अन्य कारणों से अपान वायु मल में कुपित होकर गुदा की झिल्लियों में द्रवयुक्त, गोल, चमकदार तथा पूर्ण आकार के —

श्लोक 16 (garuda.1.156.16)

जायन्तेर्ऽशांसितु तत्पूर्वं लक्षणं वह्निमन्दता । विष्टम्भः सास्थिसदनं पिण्डि (ष्ट) कोद्वेष्टनं भ्रमः

jāyanter'śāṁsitu tatpūrvaṁ lakṣaṇaṁ vahnimandatā viṣṭambhaḥ sāsthisadanaṁ piṇḍi (ṣṭa) kodveṣṭanaṁ bhramaḥ

अर्श उत्पन्न करता है। इसके पूर्वरूप हैं — अग्नि-मन्दता, कब्ज़ के साथ हड्डियों में शिथिलता, पिंडलियों में ऐंठन और चक्कर —

श्लोक 17 (garuda.1.156.17)

सान्द्रोत्थोनेत्रयोः शोथः शकृद्भवेदोऽथ वा ग्रहः । मारुतः पुरतो मूढः प्रायो नाभेरधश्चरन्

sāndrotthonetrayoḥ śothaḥ śakṛdbhavedo'tha vā grahaḥ mārutaḥ purato mūḍhaḥ prāyo nābheradhaścaran

आँखों के चारों ओर घनी सूजन, तथा सामान्य अथवा अवरुद्ध मल-त्याग; वायु, भ्रमित होकर, प्रायः नाभि से नीचे की ओर बहता हुआ —

श्लोक 18 (garuda.1.156.18)

सरक्तः परिकृन्तंश्च कृच्छ्रादाकुञ्चति श्वसन् । अन्त्रकूजनमाटोपः क्षारितोद्गारभूरिता

saraktaḥ parikṛntaṁśca kṛcchrādākuñcati śvasan antrakūjanamāṭopaḥ kṣāritodgārabhūritā

रक्तयुक्त, काटने जैसी पीड़ा उत्पन्न करता है, तथा रोगी कठिनाई से साँस लेते हुए सिकुड़ता है; आंतों में गड़गड़ाहट, पेट फूलना और तीखी डकारें आना —

श्लोक 19 (garuda.1.156.19)

प्रभूतमूत्रमल्पा विडश्रद्धा धूम्रकोष्ठकः । शिरः पृष्ठोरसां शूलमालस्यं भिन्नवर्चसम्

prabhūtamūtramalpā viḍaśraddhā dhūmrakoṣṭhakaḥ śiraḥ pṛṣṭhorasāṁ śūlamālasyaṁ bhinnavarcasam

अधिक मूत्र, अल्प मल, भूख न लगना, पेट में धुँए-सा अनुभव; सिर, पीठ, छाती में शूल, आलस्य और अनियमित मल-त्याग —

श्लोक 20 (garuda.1.156.20)

इन्द्रियार्थेषु लौल्यं च क्रोधो दुः खोपचारतः । आशङ्का ग्रहणी शोथः पाण्डुगुल्मोदरेषु च

indriyārtheṣu laulyaṁ ca krodho duḥ khopacārataḥ āśaṅkā grahaṇī śothaḥ pāṇḍugulmodareṣu ca

इन्द्रिय-विषयों में चंचलता तथा कठोर उपचार से क्रोध; आशंका, ग्रहणी, सूजन, पाण्डु, गुल्म और उदर-रोग की सम्भावना —

श्लोक 21 (garuda.1.156.21)

एतान्येव विवर्धन्ते जातेष्वहतनामसु । निवर्तमानो मानो हि तैरधोमार्गरोधतः

etānyeva vivardhante jāteṣvahatanāmasu nivartamāno māno hi tairadhomārgarodhataḥ

अर्श उत्पन्न होने पर ये सभी और बढ़ जाते हैं। वायु का स्वाभाविक मार्ग अवरुद्ध होने पर वह लौटकर —

श्लोक 22 (garuda.1.156.22)

क्षोभयेदनिलानन्यान् सर्वेन्द्रियशरीगान् । तथा मूत्रशकृत्पित्तकफान्वायुश्च शोषयन्

kṣobhayedanilānanyān sarvendriyaśarīgān tathā mūtraśakṛtpittakaphānvāyuśca śoṣayan

शरीर की सभी इन्द्रियों में व्याप्त अन्य वायुओं को क्षुब्ध करता है; तथा मूत्र, मल, पित्त और कफ को शुष्क करते हुए —

श्लोक 23 (garuda.1.156.23)

मुष्णात्यग्निं ततः सर्वे भवन्ति प्रायशोर्ऽशसः । कृशो भृशं हतोत्साहो दीनः क्षामोऽथ निष्प्रभः

muṣṇātyagniṁ tataḥ sarve bhavanti prāyaśor'śasaḥ kṛśo bhṛśaṁ hatotsāho dīnaḥ kṣāmo'tha niṣprabhaḥ

अग्नि को क्षीण कर देता है; तत्पश्चात् अर्श-रोगियों में प्रायः ये सभी लक्षण उत्पन्न होते हैं। रोगी अत्यन्त कृश, उत्साहहीन, दीन, क्षीण और कान्तिहीन हो जाता है —

श्लोक 24 (garuda.1.156.24)

असारी विगतच्छायो जन्तुदग्ध इवद्रुम । कृच्छ्रैरुग्रद्रवैर्ग्रस्तो यक्ष्मोक्तैर्मर्मपीडनैः

asārī vigatacchāyo jantudagdha ivadruma kṛcchrairugradravairgrasto yakṣmoktairmarmapīḍanaiḥ

बलहीन, कान्ति-रहित, कीट-भक्षित वृक्ष के समान; यक्ष्मा में वर्णित भीषण, तीव्र कष्टों और मर्म-पीड़ाओं से ग्रस्त —

श्लोक 25 (garuda.1.156.25)

तथा काशपिपासास्यवैरस्यश्वासपीनसैः । क्लमाङ्गभङ्गवमथुक्षवथुश्वयथुज्वरैः

tathā kāśapipāsāsyavairasyaśvāsapīnasaiḥ klamāṅgabhaṅgavamathukṣavathuśvayathujvaraiḥ

तथा कास, प्यास, मुँह में बेस्वादी, श्वास और जुकाम से; थकान, अंगों में टूटन, वमन, छींक, सूजन और ज्वर से —

श्लोक 26 (garuda.1.156.26)

क्लैब्यबाधिर्यस्तैमित्यशर्करापरिपीडितः । क्षामो भिन्नस्वरो ध्यायन्मुहुः ष्ठीवन्नरोचकी

klaibyabādhiryastaimityaśarkarāparipīḍitaḥ kṣāmo bhinnasvaro dhyāyanmuhuḥ ṣṭhīvannarocakī

नपुंसकता, बहरापन, सुन्नता और पथरी से पीड़ित; क्षीण, टूटे स्वर वाला, निरन्तर चिन्तित, थूकता हुआ और अरुचि से युक्त —

श्लोक 27 (garuda.1.156.27)

सर्वपर्वास्थिहृन्नाभीपायुवङ्क्षणशूलवान् । गुदेनस्त्रवता पित्तं बलाकोदरसन्निभम्

sarvaparvāsthihṛnnābhīpāyuvaṅkṣaṇaśūlavān gudenastravatā pittaṁ balākodarasannibham

सभी जोड़ों, हड्डियों, हृदय, नाभि, गुदा और जाँघ-मूल में शूल से पीड़ित; तथा गुदा से बगुले के पेट के समान पित्त-वर्ण का स्राव होता है —

श्लोक 28 (garuda.1.156.28)

विशुष्कं चैव मुक्ताग्रं पक्वामं चान्तरान्तरम् । पाण्डुपित्तं हरिद्राक्तं पिच्छिलं चोपवेश्यते

viśuṣkaṁ caiva muktāgraṁ pakvāmaṁ cāntarāntaram pāṇḍupittaṁ haridrāktaṁ picchilaṁ copaveśyate

शुष्क, अन्त में मुक्त, पका-कच्चा मिश्रित मल आता है; पाण्डु-पित्त वर्ण का, हल्दी जैसा, चिपचिपा मल त्यागा जाता है — यह वातज अर्श है।

श्लोक 29 (garuda.1.156.29)

गुदाङ्कुरा बह्वनिलाः शुष्काश्चिमचिमान्विताः । पीनाङ्गारारुणाः स्तब्धा विषमाः परुषाकराः

gudāṅkurā bahvanilāḥ śuṣkāścimacimānvitāḥ pīnāṅgārāruṇāḥ stabdhā viṣamāḥ paruṣākarāḥ

गुद-अंकुर वायु-प्रधान, शुष्क तथा चुभन-युक्त होते हैं; अंगारे-सी लाली लिए, कड़े, असमान और खुरदरे —

श्लोक 30 (garuda.1.156.30)

मिथो विसदृश वक्रास्तीक्ष्णा विस्फुटि(रि) ताननाः । शिम्बीखर्जृरकर्कन्धूकार्पासफलसन्निभाः

mitho visadṛśa vakrāstīkṣṇā visphuṭi(ri) tānanāḥ śimbīkharjṛrakarkandhūkārpāsaphalasannibhāḥ

परस्पर असमान, टेढ़े, तीखे तथा फटी सतह वाले; सेम की फली, खजूर, बेर अथवा कपास के फल के समान आकार के —

श्लोक 31 (garuda.1.156.31)

केचित्कदम्बपुष्पाभाः केचित्सिद्धार्थकोपमाः । शिरः पार्श्वांसजङ्घोरुवङ्क्षणाद्यधिकव्यथाः

kecitkadambapuṣpābhāḥ kecitsiddhārthakopamāḥ śiraḥ pārśvāṁsajaṅghoruvaṅkṣaṇādyadhikavyathāḥ

कुछ कदम्ब-पुष्प के समान, कुछ सरसों के दाने के समान; सिर, पार्श्व, कन्धे, जाँघ, वंक्षण आदि में अत्यधिक पीड़ा देने वाले —

श्लोक 32 (garuda.1.156.32)

क्षवथूद्गारविष्टम्भहृद्गहारोचकप्रदाः । कासश्वासाग्निवैषम्यकर्णनादभ्रमावहाः

kṣavathūdgāraviṣṭambhahṛdgahārocakapradāḥ kāsaśvāsāgnivaiṣamyakarṇanādabhramāvahāḥ

छींक, डकार, कब्ज़, हृदय में भारीपन और अरुचि उत्पन्न करने वाले; कास, श्वास, अग्नि-विषमता, कानों में गूँज और चक्कर लाने वाले —

श्लोक 33 (garuda.1.156.33)

तैरार्तो ग्रथितं स्तोकं सशब्दं सप्रवाहिकम् । रुक्फेनपिच्छानुगतं विबद्धमुपवेश्यते

tairārto grathitaṁ stokaṁ saśabdaṁ sapravāhikam rukphenapicchānugataṁ vibaddhamupaveśyate

इनसे पीड़ित रोगी थोड़ी मात्रा में गुथा हुआ, ध्वनि सहित, बल लगाने पर, पीड़ा-फेन-कफ से युक्त, अवरुद्ध मल त्यागता है।

श्लोक 34 (garuda.1.156.34)

कृष्णत्वग्बद्धविण्मूत्रनेत्रवक्त्रश्च जायते । गुल्मप्लीहोदराष्ठीलासंभवस्तस्य चैव हि

kṛṣṇatvagbaddhaviṇmūtranetravaktraśca jāyate gulmaplīhodarāṣṭhīlāsaṁbhavastasya caiva hi

त्वचा काली, मल-मूत्र अवरुद्ध, नेत्र और मुख भी विकृत हो जाते हैं; तथा उसमें गुल्म, प्लीहा-वृद्धि, उदर-रोग और गाँठें उत्पन्न होती हैं।

श्लोक 35 (garuda.1.156.35)

पित्तोत्तरा नीलमुखा रक्तपीतासितप्रभाः । तन्वग्रस्त्राविणो विश्रास्तनवो मृदवः श्लथाः

pittottarā nīlamukhā raktapītāsitaprabhāḥ tanvagrastrāviṇo viśrāstanavo mṛdavaḥ ślathāḥ

पित्त-प्रधान अर्श नीले-मुख वाले, रक्त-पीत-श्याम वर्ण के होते हैं; पतले सिरे वाले, स्रावशील, ढीले, कोमल और शिथिल —

श्लोक 36 (garuda.1.156.36)

शुकजिह्वा यकृत्खण्डजलौकावक्त्रसन्निभाः । दाहशो (ष) कज्वरस्वेदतृण्मूर्छारुचिमोहदाः

śukajihvā yakṛtkhaṇḍajalaukāvaktrasannibhāḥ dāhaśo (ṣa) kajvarasvedatṛṇmūrchārucimohadāḥ

तोते की जीभ, यकृत के टुकड़े अथवा जोंक के मुख के समान; दाह, शोक, ज्वर, स्वेद, तृष्णा, मूर्च्छा, अरुचि और मोह उत्पन्न करने वाले —

श्लोक 37 (garuda.1.156.37)

सोष्माणो द्रवनीलोष्णपीतरक्तामवर्चसः । यवमध्या हरित्पीतहारिद्रत्वङ्नखादयः

soṣmāṇo dravanīloṣṇapītaraktāmavarcasaḥ yavamadhyā haritpītahāridratvaṅnakhādayaḥ

उष्ण, द्रव, नील-उष्ण-पीत-रक्त-मिश्रित अपच मल वाले; जौ के दाने-सा मध्य भाग, हरित-पीत, हल्दी-वर्ण त्वचा-नख आदि से युक्त — यह पित्तज अर्श है।

श्लोक 38 (garuda.1.156.38)

श्लेष्मोल्बणा महामूला घना मन्दरुजः सिताः । उत्सन्नोपचितस्निग्धस्तब्धवृत्तगुरुस्थिराः

śleṣmolbaṇā mahāmūlā ghanā mandarujaḥ sitāḥ utsannopacitasnigdhastabdhavṛttagurusthirāḥ

कफ-प्रधान अर्श विशाल मूल वाले, सघन, अल्प-पीड़ादायी और श्वेत होते हैं; उभरे हुए, मोटे, चिकने, दृढ़, गोल, भारी और स्थिर —

श्लोक 39 (garuda.1.156.39)

पिच्छिलाः स्तिमिताः श्लक्ष्णाः कण्ड्वाढ्याः स्पर्शनप्रियाः । करीरपनसास्थ्याभास्तथा गोस्तनसन्निभाः

picchilāḥ stimitāḥ ślakṣṇāḥ kaṇḍvāḍhyāḥ sparśanapriyāḥ karīrapanasāsthyābhāstathā gostanasannibhāḥ

चिपचिपे, नम, चिकने, अत्यधिक खुजली वाले, स्पर्श में प्रिय; करील अथवा कटहल के बीज के समान, तथा गाय के थन के समान भी —

श्लोक 40 (garuda.1.156.40)

वङ्क्षणानाहिनः पुयुबस्तिनाभिविकर्तनाः । सकाशश्वासहृल्लासप्रसेकारुचिपीनसाः

vaṅkṣaṇānāhinaḥ puyubastinābhivikartanāḥ sakāśaśvāsahṛllāsaprasekārucipīnasāḥ

वंक्षण में सूजन, मूत्राशय-नाभि में पीब-सी काटन की पीड़ा उत्पन्न करने वाले; कास, श्वास, मिचली, लार-स्राव, अरुचि और जुकाम सहित —

श्लोक 41 (garuda.1.156.41)

महकृच्छ्रशिरोजाड्यशिशिरक्षारकारिणः । क्लैब्याग्निमार्दवच्छर्द्यतीसारादिविकारदाः

mahakṛcchraśirojāḍyaśiśirakṣārakāriṇaḥ klaibyāgnimārdavacchardyatīsārādivikāradāḥ

अत्यन्त कष्टकर, सिर में जड़ता, तथा शीतल-क्षार पदार्थों से बढ़ने वाले; नपुंसकता, अग्नि-दुर्बलता, वमन, अतिसार आदि विकार उत्पन्न करने वाले —

श्लोक 42 (garuda.1.156.42)

वसाभसकफप्राज्यपुरीषासृक्प्रवाहिकाः । न स्त्रवन्ति न भिद्यन्ते पाण्डुस्निग्धत्वगादयः

vasābhasakaphaprājyapurīṣāsṛkpravāhikāḥ na stravanti na bhidyante pāṇḍusnigdhatvagādayaḥ

चर्बी, जल, कफ-मिश्रित, प्रचुर मल-रक्त के साथ बलपूर्वक निकलने वाले; न रक्त-स्राव करते हैं, न फटते हैं; त्वचा पाण्डु-चिकनी हो जाती है — यह कफज अर्श है।

श्लोक 43 (garuda.1.156.43)

संसृष्टलिङ्गत्संसर्गनिचयात्सर्वलक्षणाः । रक्तोल्बणा गुदे कीलाः पीताकृतिसमन्विताः

saṁsṛṣṭaliṅgatsaṁsarganicayātsarvalakṣaṇāḥ raktolbaṇā gude kīlāḥ pītākṛtisamanvitāḥ

जब दोष मिश्रित हों, तो उनके संयोग और संचय के अनुसार सभी लक्षण मिश्रित रूप से प्रकट होते हैं। रक्त-प्रधान गुद-कीलों का रंग पीला होता है —

श्लोक 44 (garuda.1.156.44)

वटप्रसेहसदृशाः गुञ्जाविद्रुमसन्निभाः । तेऽत्यर्थं दुष्टमुष्णं च गाढविष्टंभपीडिताः

vaṭaprasehasadṛśāḥ guñjāvidrumasannibhāḥ te'tyarthaṁ duṣṭamuṣṇaṁ ca gāḍhaviṣṭaṁbhapīḍitāḥ

वट-वृक्ष की कोंपल के समान, गुंजा अथवा मूँगे के समान; अत्यन्त दूषित, उष्ण और घोर कब्ज़ से पीड़ित होकर —

श्लोक 45 (garuda.1.156.45)

स्त्रवन्ति सहसा रक्तं तस्य चातिप्रवृत्तितः । केकाभः पीड्यते दुः खैः शोणितक्षयसम्भवैः

stravanti sahasā raktaṁ tasya cātipravṛttitaḥ kekābhaḥ pīḍyate duḥ khaiḥ śoṇitakṣayasambhavaiḥ

अचानक रक्त-स्राव करते हैं; तथा उसके अत्यधिक बहने से रोगी मयूर-रुदन-सी ध्वनि करता हुआ रक्त-क्षय से उत्पन्न कष्टों से पीड़ित होता है —

श्लोक 46 (garuda.1.156.46)

हीनवर्णबलोत्साहो हतौजाः कलुषेन्द्रियः । मुद्गकोद्रवजंबीरकरीरचणकादिभिः

hīnavarṇabalotsāho hataujāḥ kaluṣendriyaḥ mudgakodravajaṁbīrakarīracaṇakādibhiḥ

वर्ण, बल और उत्साह क्षीण, ओज नष्ट, इन्द्रियाँ मलिन हो जाती हैं। मूँग, कोदो, नींबू, करील, चना आदि —

श्लोक 47 (garuda.1.156.47)

रूक्षैः संग्राहिभिर्वायुर्विट्स्थाने कुपितो बली । अधोवहानि स्रोतांसि संरुध्याधः प्रशोषयन्

rūkṣaiḥ saṁgrāhibhirvāyurviṭsthāne kupito balī adhovahāni srotāṁsi saṁrudhyādhaḥ praśoṣayan

रूखे और मल-रोधक पदार्थों से बलवान् वायु मल-स्थान में कुपित होकर, नीचे की ओर बहने वाले स्रोतों को अवरुद्ध कर उन्हें सुखाते हुए —

श्लोक 48 (garuda.1.156.48)

पुरीषं वातविष्णूत्रसंगं कुर्वीत दारुणम्? । तेन तीव्रा रुजा कोष्ठपृष्ठहृत्पार्श्वगा भवेत्

purīṣaṁ vātaviṣṇūtrasaṁgaṁ kurvīta dāruṇam? tena tīvrā rujā koṣṭhapṛṣṭhahṛtpārśvagā bhavet

मल, वायु और मूत्र का भीषण अवरोध उत्पन्न करता है; इससे कोष्ठ, पीठ, हृदय और पार्श्व में तीव्र पीड़ा होती है।

श्लोक 49 (garuda.1.156.49)

आध्मानमुदरे विष्ठा हृल्लासपरिकर्तने । बस्तौ च सुतरां शूलो गण्डश्वयथुसंभवः

ādhmānamudare viṣṭhā hṛllāsaparikartane bastau ca sutarāṁ śūlo gaṇḍaśvayathusaṁbhavaḥ

पेट में फूलन, मल-अवरोध, मिचली और काटने-सी पीड़ा होती है; मूत्राशय में अत्यधिक शूल तथा गाँठों और सूजन की उत्पत्ति होती है —

श्लोक 50 (garuda.1.156.50)

पवनस्योर्ध्वगामित्वात्ततश्छर्द्यरुचिज्वराः । हृद्रोगग्रहणीदोषमूत्रसंगप्रवाहिकाः

pavanasyordhvagāmitvāttataśchardyarucijvarāḥ hṛdrogagrahaṇīdoṣamūtrasaṁgapravāhikāḥ

वायु के ऊर्ध्वगामी होने से वमन, अरुचि और ज्वर होते हैं; हृदय-रोग, ग्रहणी-दोष, मूत्र-अवरोध और अतिसार-जनित बल लगाना —

श्लोक 51 (garuda.1.156.51)

बाधिर्यातिशिरः श्वासशिरोरुक्काशपीनसाः? । मनोविकारस्तृट्श्वासपित्तगुल्मोदरादयः

bādhiryātiśiraḥ śvāsaśirorukkāśapīnasāḥ? manovikārastṛṭśvāsapittagulmodarādayaḥ

बहरापन, अत्यधिक सिर-दर्द, श्वास, सिर-पीड़ा, कास और जुकाम; मानसिक विकार, प्यास, श्वास, पित्त-गुल्म-उदर आदि —

श्लोक 52 (garuda.1.156.52)

एते च वातजा रोगा जायन्ते भृशदारुणाः । दुर्नामामृत्यूदावर्तपरमोऽयमुपद्रवः

ete ca vātajā rogā jāyante bhṛśadāruṇāḥ durnāmāmṛtyūdāvartaparamo'yamupadravaḥ

ये सभी वातज रोग अत्यन्त भीषण रूप में उत्पन्न होते हैं। दुर्नाम (जटिल बवासीर) और उदावर्त सबसे गम्भीर उपद्रव हैं —

श्लोक 53 (garuda.1.156.53)

वाताभिभूतकोष्ठानां तैर्विनापि विजायते । सहजानि तु दोषाणि यानि चाभ्यन्तरे वलौ

vātābhibhūtakoṣṭhānāṁ tairvināpi vijāyate sahajāni tu doṣāṇi yāni cābhyantare valau

जिनका अनुभव वायु-अभिभूत कोष्ठ वाले व्यक्तियों को इनके बिना भी हो सकता है। सहज दोष जो भीतरी झिल्ली में —

श्लोक 54 (garuda.1.156.54)

स्थितानि तान्यसाध्यानि याप्यन्तेऽग्निबलादिभिः । द्वन्द्वजानि द्वितीयायां वला यान्याश्रितानि च

sthitāni tānyasādhyāni yāpyante'gnibalādibhiḥ dvandvajāni dvitīyāyāṁ valā yānyāśritāni ca

स्थित होते हैं, वे असाध्य होते हैं, केवल अग्नि-बल आदि से याप्य (शमन-योग्य) बनाए जा सकते हैं। दो दोषों से उत्पन्न, दूसरी झिल्ली में स्थित —

श्लोक 55 (garuda.1.156.55)

कृच्छ्रसाध्यानि तान्याहुः परिसंवत्सराणि च । बाह्यायां तु वलौ जातान्येकदोषोल्बणानि च

kṛcchrasādhyāni tānyāhuḥ parisaṁvatsarāṇi ca bāhyāyāṁ tu valau jātānyekadoṣolbaṇāni ca

लगभग एक वर्ष में कठिनाई से साध्य कहे गए हैं। परन्तु बाहरी झिल्ली में उत्पन्न, एकल दोष-प्रधान अर्श —

श्लोक 56 (garuda.1.156.56)

अर्शांसि सुखसाध्यानि न चिरोत्पत्तिकानि च । मेढ्रादिष्वपि वक्ष्यन्ते यथास्वं नाभिजानि तु

arśāṁsi sukhasādhyāni na cirotpattikāni ca meḍhrādiṣvapi vakṣyante yathāsvaṁ nābhijāni tu

सुगमता से साध्य होते हैं, और अधिक पुराने भी नहीं होते। लिंग आदि में तथा नाभि के पास उत्पन्न होने वाले अर्श भी यथावत् वर्णित किए जाएँगे।

श्लोक 57 (garuda.1.156.57)

गण्डूपदस्य रूपाणि पिच्छिलानि मृदूनि च । व्यानो गृहीत्वा श्लेष्माणं करोत्यर्शस्त्वचो बहिः

gaṇḍūpadasya rūpāṇi picchilāni mṛdūni ca vyāno gṛhītvā śleṣmāṇaṁ karotyarśastvaco bahiḥ

गण्डूपद (केंचुए-सदृश) अर्श चिपचिपे और कोमल दिखते हैं। व्यान वायु कफ को ग्रहण कर त्वचा के बाहर अर्श उत्पन्न करता है —

श्लोक 58 (garuda.1.156.58)

कीलोपमं स्थिरखरं चर्मकीलं च तद्विदुः । वातेन तोदः पारुष्यं पित्तादसितवक्त्रता

kīlopamaṁ sthirakharaṁ carmakīlaṁ ca tadviduḥ vātena todaḥ pāruṣyaṁ pittādasitavaktratā

जो खूँटे के समान दृढ़ और खुरदरा होता है, इसे चर्मकील कहते हैं। वायु से चुभन और खुरदरापन, पित्त से मुख का काला वर्ण —

श्लोक 59 (garuda.1.156.59)

श्लेष्मणः स्निग्धता तस्य ग्रथितत्वं सवर्णता । अर्शसां प्रशमे यत्नमाशु कुर्वीत बुद्धिमान् । तान्याशु हि गदन्धा (कार्) य्य कुर्युर्बद्धगुदोदरम्

śleṣmaṇaḥ snigdhatā tasya grathitatvaṁ savarṇatā arśasāṁ praśame yatnamāśu kurvīta buddhimān tānyāśu hi gadandhā (kār) yya kuryurbaddhagudodaram

कफ से इसकी चिकनाई, गुथाव और स्वाभाविक त्वचा-वर्ण होता है। बुद्धिमान् व्यक्ति को अर्श की शान्ति के लिए तुरन्त प्रयत्न करना चाहिए; उपेक्षा करने पर ये शीघ्र ही गुदा-उदर को अवरुद्ध करने वाला रोग उत्पन्न कर देते हैं।