ग्रहणी, ज्वर और त्वचा-रोगों के उपचार

श्लोक 1 (garuda.1.183.1)

श्रीगरुडमहापुराणम् १८३ हरिरुवाच । मरिचं शृङ्गवेरं च कुटजत्वचमेव च । पानाच्च ग्रहणी नश्येच्छशाङ्काङ्कितशेखर !

śrīgaruḍamahāpurāṇam 183 hariruvāca maricaṁ śṛṅgaveraṁ ca kuṭajatvacameva ca pānācca grahaṇī naśyecchaśāṅkāṅkitaśekhara !

हरि ने कहा — मिर्च, अदरक और कुड़े की छाल को पीने से ग्रहणी (चिरकालिक अतिसार) नष्ट हो जाती है, हे चन्द्र-शेखर!

श्लोक 2 (garuda.1.183.2)

पिप्पली पिप्पलीमूलं मरिचं तगरं वचा । देवदारुरसं पाठां क्षीरेण सह पेषयेत्

pippalī pippalīmūlaṁ maricaṁ tagaraṁ vacā devadārurasaṁ pāṭhāṁ kṣīreṇa saha peṣayet

पीपल, पीपल की जड़, मिर्च, तगर और वच; देवदारु का सार और पाठा — इन्हें दूध के साथ पीसना चाहिए।

श्लोक 3 (garuda.1.183.3)

अनेनैव प्रयोगेण ह्यतिसारो विनश्यति । मरीचतिलपुष्पाभ्या मञ्जनं कामलापहम्

anenaiva prayogeṇa hyatisāro vinaśyati marīcatilapuṣpābhyā mañjanaṁ kāmalāpaham

इसी प्रयोग से अतिसार नष्ट हो जाता है। मिर्च और तिल के फूल का अंजन कामला (पीलिया) का नाशक है।

श्लोक 4 (garuda.1.183.4)

हरीतकी समगुडा मधुना सह योजिता । विरेचनकरी रुद्र ! भवतीति न संशयः

harītakī samaguḍā madhunā saha yojitā virecanakarī rudra ! bhavatīti na saṁśayaḥ

हरड़ को समान गुड़ और मधु के साथ मिलाने पर, हे रुद्र, यह विरेचक (रेचक) बन जाती है, इसमें सन्देह नहीं।

श्लोक 5 (garuda.1.183.5)

त्रिफला चित्रकं चित्रं तथा कटुकरोहिणी । उरुस्तम्भहरं ह्येतदुत्तमन्तु विरेचनम्

triphalā citrakaṁ citraṁ tathā kaṭukarohiṇī urustambhaharaṁ hyetaduttamantu virecanam

त्रिफला, चित्रक और कुटकी — यह उत्तम विरेचक ऊरुस्तम्भ (जाँघ की जकड़न) को दूर करता है।

श्लोक 6 (garuda.1.183.6)

हरीतकी शृङ्गवेरं देवदारु च चन्दनम् । क्वाथयेच्छागदुग्धेन अपामार्गस्य मूलकम् । ऊरुस्तम्भं जयन्त्या वा सप्तरात्रेण नाशयेत्

harītakī śṛṅgaveraṁ devadāru ca candanam kvāthayecchāgadugdhena apāmārgasya mūlakam ūrustambhaṁ jayantyā vā saptarātreṇa nāśayet

हरड़, अदरक, देवदारु और चन्दन को बकरी के दूध में, अपामार्ग की जड़ के साथ उबालना चाहिए; अथवा जयन्ती के साथ — इससे सात रातों में ऊरुस्तम्भ नष्ट हो जाता है।

श्लोक 7 (garuda.1.183.7)

अनन्ताशृङ्गवेरस्य सूक्ष्मचूर्णानि कारयेत् । गुग्गुलं गुडतुल्यं च गुटिकामुपयुज्यच । वायुः स्नायुगतं चैव अग्निमान्द्यं च नाशयेत्

anantāśṛṅgaverasya sūkṣmacūrṇāni kārayet guggulaṁ guḍatulyaṁ ca guṭikāmupayujyaca vāyuḥ snāyugataṁ caiva agnimāndyaṁ ca nāśayet

अनन्तमूल और अदरक का सूक्ष्म चूर्ण बनाना चाहिए; गुड़ के बराबर गुग्गुल के साथ गोली बनाकर सेवन करने से स्नायुओं में स्थित वायु और मन्दाग्नि नष्ट होते हैं।

श्लोक 8 (garuda.1.183.8)

सङ्खपुष्पीन्तु पुष्पेण समुद्धृत्य सपत्रिकाम् । समूलां छागदुग्धेन अपस्मारहरं पिबेत्

saṅkhapuṣpīntu puṣpeṇa samuddhṛtya sapatrikām samūlāṁ chāgadugdhena apasmāraharaṁ pibet

शंखपुष्पी को फूल, पत्ते और जड़ सहित उखाड़कर बकरी के दूध में [पकाकर] पीना चाहिए — यह अपस्मार (मिर्गी) का नाशक है।

श्लोक 9 (garuda.1.183.9)

अश्वगन्धाभये चैव उदकेन समं पिबेत् । रक्तपित्तं विनश्येत्तु नात्र कार्या विचारणा

aśvagandhābhaye caiva udakena samaṁ pibet raktapittaṁ vinaśyettu nātra kāryā vicāraṇā

अश्वगन्धा और हरड़ को समान जल के साथ पीने से रक्तपित्त (रक्त-स्राव विकार) नष्ट हो जाता है, इसमें सन्देह नहीं करना चाहिए।

श्लोक 10 (garuda.1.183.10)

हरीतकीकुष्ठचूर्णं कृत्वा आस्यं च पूरयेत् । शीतं पीत्वाथ पानीयं सर्वच्छर्दिनिवारणम्

harītakīkuṣṭhacūrṇaṁ kṛtvā āsyaṁ ca pūrayet śītaṁ pītvātha pānīyaṁ sarvacchardinivāraṇam

हरड़ और कूठ का चूर्ण बनाकर मुँह में भरकर, फिर शीतल जल पीने से सभी प्रकार के वमन की निवृत्ति होती है।

श्लोक 11 (garuda.1.183.11)

गडूचीपद्मकारिष्टधान्याकं रक्तचंन्दनम् । पित्तश्लेष्मज्वरच्छर्दिदाहतृष्णाघ्नमग्निकृत् । ओं हुं नम इति

gaḍūcīpadmakāriṣṭadhānyākaṁ raktacaṁndanam pittaśleṣmajvaracchardidāhatṛṣṇāghnamagnikṛt oṁ huṁ nama iti

गुडूची, पद्मक, अरिष्ट, धनिया और लाल चन्दन पित्त, कफ, ज्वर, वमन, जलन और प्यास का नाशक तथा अग्निवर्धक है। 'ॐ हुं नमः' [मन्त्र]।

श्लोक 12 (garuda.1.183.12)

श्रोत्रे बद्ध्वा शङ्खपुष्पीं ज्वरं मन्त्रेण वै हरेत् । ओं जम्भिनी स्तम्भिनी मोहय सर्वव्याधीन्मे वज्रेण ठः ठः सर्वव्याधीन्मे वज्रेण फटिति

śrotre baddhvā śaṅkhapuṣpīṁ jvaraṁ mantreṇa vai haret oṁ jambhinī stambhinī mohaya sarvavyādhīnme vajreṇa ṭhaḥ ṭhaḥ sarvavyādhīnme vajreṇa phaṭiti

शंखपुष्पी को कान में बाँधकर इस मन्त्र से ज्वर को दूर करना चाहिए: 'ॐ जम्भिनी स्तम्भिनी मोहय सर्वव्याधीन्मे वज्रेण ठः ठः सर्वव्याधीन्मे वज्रेण फट् इति।'

श्लोक 13 (garuda.1.183.13)

पुष्पमष्टशतं जप्त्वा हस्ते दत्त्वा नखं स्पृशेत् । चातुर्थिको ज्वरो रुद्र अन्ये चैव ज्वरास्तथा

puṣpamaṣṭaśataṁ japtvā haste dattvā nakhaṁ spṛśet cāturthiko jvaro rudra anye caiva jvarāstathā

फूल को एक सौ आठ बार अभिमन्त्रित कर हाथ में रखकर नाखून का स्पर्श कराने से, हे रुद्र, चातुर्थिक ज्वर तथा अन्य ज्वर भी दूर होते हैं।

श्लोक 14 (garuda.1.183.14)

ज्म्बूफलं हरिद्रा च सर्पस्यैव तु कञ्चुकम् । सर्वज्वराणां धूपोऽयं हरश्चातुर्थिकस्य च

jmbūphalaṁ haridrā ca sarpasyaiva tu kañcukam sarvajvarāṇāṁ dhūpo'yaṁ haraścāturthikasya ca

जामुन का फल, हल्दी और साँप की केंचुली — यह धूप सभी ज्वरों तथा चातुर्थिक ज्वर का नाशक है, हे हर!

श्लोक 15 (garuda.1.183.15)

करवीरं भृङ्गपत्रं लवणं कुष्ठकर्कटे । चतुर्गुणेन मूत्रेण पचेत्तैलं हरेच्च तत् । पामां विचर्चिकां कुष्ठमभ्यङ्गाद्धि व्रणानि वै

karavīraṁ bhṛṅgapatraṁ lavaṇaṁ kuṣṭhakarkaṭe caturguṇena mūtreṇa pacettailaṁ harecca tat pāmāṁ vicarcikāṁ kuṣṭhamabhyaṅgāddhi vraṇāni vai

कनेर, भृंगराज-पत्ता, नमक, कूठ और करकट — इनसे चौगुने मूत्र में पकाया गया तेल लगाने से पामा, विचर्चिका, कुष्ठ और घाव मालिश से नष्ट हो जाते हैं।

श्लोक 16 (garuda.1.183.16)

पिप्पलीमधुपानाच्च तथा मधुरभोजनात् । प्लीहा विनश्यते रुद्र तथा सूरणसेवनात्

pippalīmadhupānācca tathā madhurabhojanāt plīhā vinaśyate rudra tathā sūraṇasevanāt

पीपल को मधु के साथ पीने से तथा मीठा भोजन करने से, हे रुद्र, प्लीहा-रोग नष्ट होता है, तथा सूरन के सेवन से भी।

श्लोक 17 (garuda.1.183.17)

पिप्पलीञ्च हरिद्राञ्च गोमूत्रेण समन्विताम् । प्रक्षिपेच्च गुदद्वारे अर्शांसि विनिवारयेत्

pippalīñca haridrāñca gomūtreṇa samanvitām prakṣipecca gudadvāre arśāṁsi vinivārayet

पीपल और हल्दी को गोमूत्र के साथ मिलाकर गुदा-द्वार में प्रविष्ट कराने से बवासीर दूर होती है।

श्लोक 18 (garuda.1.183.18)

अजादुग्धमार्द्रकञ्च पीतं प्लीहादिनाशनम् । सैन्धवञ्च विडङ्गानि सोमराजी तु सर्षपाः

ajādugdhamārdrakañca pītaṁ plīhādināśanam saindhavañca viḍaṅgāni somarājī tu sarṣapāḥ

बकरी का दूध और अदरक पीने से प्लीहा आदि रोग नष्ट होते हैं। सेंधा नमक, विडंग, सोमराजी और सरसों,

श्लोक 19 (garuda.1.183.19)

रजनी द्वे विषञ्चैव गोमूत्रेणैव पेषयेत् । कुष्ठनाशश्च तल्लेपान्निम्बपत्रादिना तथा

rajanī dve viṣañcaiva gomūtreṇaiva peṣayet kuṣṭhanāśaśca tallepānnimbapatrādinā tathā

दोनों हल्दी और विष (एक वनस्पति) को गोमूत्र में पीसना चाहिए — इसका लेप, नीम के पत्तों आदि के साथ, कुष्ठ का नाश करता है।