गारुड मन्त्र: न्यास और ध्यान-विधि

श्लोक 1 (garuda.1.197.1)

धन्वन्तरिरुवाच । गारुडं संप्रवक्ष्यामि गरुडेन ह्युदीरितम् । कश्यपाय सुमित्रेण विषहृद्येन गारुडः

dhanvantariruvāca gāruḍaṁ saṁpravakṣyāmi garuḍena hyudīritam kaśyapāya sumitreṇa viṣahṛdyena gāruḍaḥ

धन्वन्तरि ने कहा — मैं गारुड (विद्या) का वर्णन करूँगा, जो गरुड़ द्वारा सुमित्र के माध्यम से कश्यप को कही गई थी — यह विष हरने वाली गारुड विद्या है।

श्लोक 2 (garuda.1.197.2)

पृथिव्यापस्तथा तेजो वायुराकाशमेवच । क्षित्यादिष्वेव वर्गाश्च ह्येते वै मण्डलाधिपाः

pṛthivyāpastathā tejo vāyurākāśamevaca kṣityādiṣveva vargāśca hyete vai maṇḍalādhipāḥ

पृथ्वी, जल, तेज, वायु और आकाश — ये तत्त्व ही मण्डलों के अधिपति हैं।

श्लोक 3 (garuda.1.197.3)

पञ्चतत्त्वे स्थिता देवाः प्राप्यन्ते विष्णुसेवकैः । दीर्घस्वरविभिन्नाश्च नपुंसकविवर्जिताः

pañcatattve sthitā devāḥ prāpyante viṣṇusevakaiḥ dīrghasvaravibhinnāśca napuṁsakavivarjitāḥ

पाँचों तत्त्वों में स्थित देवता विष्णु के सेवकों द्वारा प्राप्त किए जाते हैं; उनके मन्त्र दीर्घ स्वरों से युक्त और नपुंसक-लिंग रहित होते हैं।

श्लोक 4 (garuda.1.197.4)

सषडङ्गः शिवः प्रोक्तो हृच्छिरश्च शिखा क्रमात् । कवचं नेत्रमस्त्रं स्यान्न्यासः स्वस्थलसंस्थितिः

saṣaḍaṅgaḥ śivaḥ prokto hṛcchiraśca śikhā kramāt kavacaṁ netramastraṁ syānnyāsaḥ svasthalasaṁsthitiḥ

षडंगों सहित शिव को क्रमशः हृदय, सिर, शिखा, कवच, नेत्र और अस्त्र के रूप में कहा गया है — यही न्यास है, प्रत्येक अपने-अपने स्थान पर स्थित।

श्लोक 5 (garuda.1.197.5)

सर्वसिद्धिप्रदस्यान्ते कालवह्निर धोऽनिलः । षष्ठस्वरसमायुक्तमर्धेन्दुसंयुतं परम्

sarvasiddhipradasyānte kālavahnira dho'nilaḥ ṣaṣṭhasvarasamāyuktamardhendusaṁyutaṁ param

सभी सिद्धियाँ देने वाले [मन्त्र] के अन्त में काल-अग्नि वायु के नीचे, छठे स्वर से युक्त, अर्धचन्द्र (अनुस्वार) से युक्त — यह श्रेष्ठ है।

श्लोक 6 (garuda.1.197.6)

परापरविभिन्नाश्च शिवस्योर्ध्वाध ईरिताः । रेफेणाङ्गेषु सर्वत्र न्यासं कुर्याद्यथाविधि

parāparavibhinnāśca śivasyordhvādha īritāḥ repheṇāṅgeṣu sarvatra nyāsaṁ kuryādyathāvidhi

पर और अपर रूप में भिन्न, शिव के ऊपर और नीचे कहे गए, 'र' अक्षर के साथ सभी अंगों में विधिपूर्वक न्यास करना चाहिए।

श्लोक 7 (garuda.1.197.7)

हृदि पाणितले देहे कर्णे नेत्रे करोति च । जपात्तु सर्वसिद्धिः स्याच्चतुर्वक्त्रसमायुताम्

hṛdi pāṇitale dehe karṇe netre karoti ca japāttu sarvasiddhiḥ syāccaturvaktrasamāyutām

हृदय, हथेली, शरीर, कान और नेत्र में इसे रखकर जप करने से सर्व-सिद्धि प्राप्त होती है, चतुर्मुख रूप से युक्त होकर —

श्लोक 8 (garuda.1.197.8)

चतुरश्रां सुविस्तारं पीतवर्णान्तु चिन्तयेत् । पृथिवीं चेन्द्रदेवत्यां मध्ये वरुणमण्डलम्

caturaśrāṁ suvistāraṁ pītavarṇāntu cintayet pṛthivīṁ cendradevatyāṁ madhye varuṇamaṇḍalam

पृथ्वी को चतुष्कोण, विस्तृत और पीत वर्ण का, इन्द्र-देवता वाला मानकर ध्यान करना चाहिए; उसके मध्य में वरुण का मण्डल है —

श्लोक 9 (garuda.1.197.9)

मध्ये पद्मं तथायुक्तमर्धचन्द्रं सुशीतलम् । इन्द्रनीलद्युतिं सौम्यमथवाग्नेयमण्डलम्

madhye padmaṁ tathāyuktamardhacandraṁ suśītalam indranīladyutiṁ saumyamathavāgneyamaṇḍalam

मध्य में कमल, अर्धचन्द्र से युक्त, अत्यन्त शीतल, इन्द्रनील-सी कान्ति वाला, सौम्य; अथवा अग्नि-मण्डल —

श्लोक 10 (garuda.1.197.10)

त्रिकोणं स्वस्थिकैर्युक्तं ज्वालामा लानलं स्मरेत् । भिन्नाञ्जननिभाकारं स्ववृत्तं बिन्दुभूषितम्

trikoṇaṁ svasthikairyuktaṁ jvālāmā lānalaṁ smaret bhinnāñjananibhākāraṁ svavṛttaṁ bindubhūṣitam

त्रिकोण, स्वस्तिकों से युक्त, ज्वाला-माला से घिरा, अग्नि के समान प्रज्वलित स्मरण करना चाहिए; भिन्न अंजन के समान वर्ण वाला, गोल, बिन्दु से सुशोभित —

श्लोक 11 (garuda.1.197.11)

क्षीरोर्मिसदृशाकारं शुद्धस्फटिकवर्चसम् । प्लावयन्तं जगत्सर्वं व्योमामृतमनुंस्मरेत्

kṣīrormisadṛśākāraṁ śuddhasphaṭikavarcasam plāvayantaṁ jagatsarvaṁ vyomāmṛtamanuṁsmaret

दूध की लहर के समान आकृति वाला, शुद्ध स्फटिक की कान्ति वाला, सम्पूर्ण जगत को प्लावित करता हुआ — इस आकाश-तत्त्व के अमृतमय मन्त्र का स्मरण करना चाहिए।

श्लोक 12 (garuda.1.197.12)

वासुकिः शङ्खपालश्च स्थितौ पार्थिवमण्डले । कर्कोटः पद्मनाभश्च वारुणे तौ व्यवस्थितौ

vāsukiḥ śaṅkhapālaśca sthitau pārthivamaṇḍale karkoṭaḥ padmanābhaśca vāruṇe tau vyavasthitau

वासुकि और शंखपाल पृथ्वी-मण्डल में स्थित हैं; कर्कोट और पद्मनाभ जल (वरुण) के मण्डल में स्थित हैं।

श्लोक 13 (garuda.1.197.13)

आग्नेये चापि कुलिकस्तक्षश्चैव महाब्जकौ । वायुमण्डलसंस्थौ च पञ्च भूतानि विन्यसेत्

āgneye cāpi kulikastakṣaścaiva mahābjakau vāyumaṇḍalasaṁsthau ca pañca bhūtāni vinyaset

अग्नि-मण्डल में कुलिक और तक्षक, दोनों महान् नाग, स्थित हैं; तथा वायु-मण्डल में [दो अन्य] स्थित हैं — इस प्रकार पाँचों तत्त्वों का न्यास करना चाहिए।

श्लोक 14 (garuda.1.197.14)

अङ्गुष्ठादिकनिष्ठान्तमनुलोमविलोमतः । पर्वसन्धिषु च न्यस्या जया च विजया तथा

aṅguṣṭhādikaniṣṭhāntamanulomavilomataḥ parvasandhiṣu ca nyasyā jayā ca vijayā tathā

अंगूठे से लेकर कनिष्ठिका तक, अनुलोम-विलोम क्रम से, उँगलियों की गाँठों पर जया और विजया के साथ न्यास करना चाहिए।

श्लोक 15 (garuda.1.197.15)

आस्यादिस्वपुरस्थाने न्यस्याच्छिवपडङ्गकम् । कनिष्ठादौ हृदादौ च शिखायां करयोर्न्यसेत्

āsyādisvapurasthāne nyasyācchivapaḍaṅgakam kaniṣṭhādau hṛdādau ca śikhāyāṁ karayornyaset

मुख आदि अपने-अपने स्थानों में शिव के षडंगों का न्यास करना चाहिए; कनिष्ठिका आदि में, हृदय आदि में तथा शिखा में दोनों हाथों पर न्यास करना चाहिए।

श्लोक 16 (garuda.1.197.16)

व्यापकन्तु तत्वपूर्वं क्रमादङ्गुलिपर्वसु । भूतानाञ्च पुनर्न्यासः शिवाङ्गानि तथैव च

vyāpakantu tatvapūrvaṁ kramādaṅguliparvasu bhūtānāñca punarnyāsaḥ śivāṅgāni tathaiva ca

व्यापक मन्त्र को, उसके तत्त्व सहित, क्रमशः अंगुलियों की गाँठों पर रखना चाहिए; तत्त्वों का न्यास पुनः करना चाहिए, और उसी प्रकार शिव के अंगों का भी।

श्लोक 17 (garuda.1.197.17)

प्रणवादिनमश्चान्ते नाम्नैव च समन्वितः । सर्वमन्त्रेषु कथितो विधिः स्थापनपूजने

praṇavādinamaścānte nāmnaiva ca samanvitaḥ sarvamantreṣu kathito vidhiḥ sthāpanapūjane

प्रणव से आरम्भ कर 'नमः' पर समाप्त होकर, नाम सहित युक्त होने पर — यही विधि सभी मन्त्रों की स्थापना और पूजा में कही गई है।

श्लोक 18 (garuda.1.197.18)

आद्याक्षरं तन्नाम्नश्च मन्त्रोऽयं परिकीर्तितः । अष्टानां नागजातीनां मन्त्रः सान्निध्यकारकः

ādyākṣaraṁ tannāmnaśca mantro'yaṁ parikīrtitaḥ aṣṭānāṁ nāgajātīnāṁ mantraḥ sānnidhyakārakaḥ

उस नाम का प्रथम अक्षर ही यह मन्त्र कहा गया है; यह मन्त्र आठों नाग-जातियों की उपस्थिति कराने वाला है।

श्लोक 19 (garuda.1.197.19)

ओं स्वाहा क्रमशश्चैव पञ्चभूतपुरोगतम् । एष साक्षाद्भवेत्तार्क्ष्यः सर्वकर्मप्रसाधकः

oṁ svāhā kramaśaścaiva pañcabhūtapurogatam eṣa sākṣādbhavettārkṣyaḥ sarvakarmaprasādhakaḥ

'ॐ स्वाहा' क्रमशः पाँचों तत्त्वों के आगे रखने पर — यही साक्षात् तार्क्ष्य (गरुड़) बन जाता है, जो सभी कर्मों को सिद्ध करने वाला है।

श्लोक 20 (garuda.1.197.20)

करन्यासं स्वरैः कृत्वा शरीरे तु पुनर्न्यसेत् । ज्वलन्तं चिन्तयेत्प्राणमात्मसंशुद्धिकारकम्

karanyāsaṁ svaraiḥ kṛtvā śarīre tu punarnyaset jvalantaṁ cintayetprāṇamātmasaṁśuddhikārakam

स्वरों से हाथों का न्यास करके फिर शरीर पर भी न्यास करना चाहिए; आत्मा को शुद्ध करने वाले प्रज्वलित प्राण का ध्यान करना चाहिए।

श्लोक 21 (garuda.1.197.21)

बीजन्तु चिन्तयेत्पश्चाद्वर्षान्तममृतात्मकम् । एवञ्चाप्यायनं कृत्वा मूर्ध्नि सञ्चिन्त्य चात्मनः

bījantu cintayetpaścādvarṣāntamamṛtātmakam evañcāpyāyanaṁ kṛtvā mūrdhni sañcintya cātmanaḥ

फिर अमृतमय बीज-अक्षर का ध्यान करना चाहिए; इस प्रकार तृप्ति (आप्यायन) करके, अपने सिर पर उसका ध्यान करके —

श्लोक 22 (garuda.1.197.22)

पृथिवीं पादयोर्दद्यात्तप्तकाञ्चनसप्रभाम् । अशेषभुवनाकीर्णां लोकपालसमन्विताम्

pṛthivīṁ pādayordadyāttaptakāñcanasaprabhām aśeṣabhuvanākīrṇāṁ lokapālasamanvitām

— पैरों में पृथ्वी का न्यास करना चाहिए, जो तपे हुए स्वर्ण के समान कान्तिमय, सम्पूर्ण भुवनों में व्याप्त और लोकपालों से युक्त है।

श्लोक 23 (garuda.1.197.23)

एतां भगवतीं पृथ्वीं स्वदेहे विन्यसेद्बुधः । श्यामवर्णमयं ध्यायेत्पृथिवीद्विगुणं भवेत्

etāṁ bhagavatīṁ pṛthvīṁ svadehe vinyasedbudhaḥ śyāmavarṇamayaṁ dhyāyetpṛthivīdviguṇaṁ bhavet

बुद्धिमान साधक को इस भगवती पृथ्वी को अपने शरीर में स्थापित करना चाहिए; उसे श्याम वर्ण का मानकर ध्यान करना चाहिए — वह पृथ्वी से दुगनी हो जाती है।

श्लोक 24 (garuda.1.197.24)

ज्वालामालाकुलं दीप्तमाब्रह्मभुवनान्तकम् । नाभिग्रीवान्तरे न्यस्य त्रिकोणं मण्डलं रवेः

jvālāmālākulaṁ dīptamābrahmabhuvanāntakam nābhigrīvāntare nyasya trikoṇaṁ maṇḍalaṁ raveḥ

ज्वाला-मालाओं से घिरी, प्रज्वलित, ब्रह्मलोक तक फैली हुई — नाभि और गर्दन के बीच सूर्य के त्रिकोण मण्डल को स्थापित करके,

श्लोक 25 (garuda.1.197.25)

भिन्नाञ्जननिभाकारं निखिलं व्याप्य संस्थितम् । आत्ममूर्तिस्थितं ध्यायेद्वायव्यं तीक्ष्णमण्डलम्

bhinnāñjananibhākāraṁ nikhilaṁ vyāpya saṁsthitam ātmamūrtisthitaṁ dhyāyedvāyavyaṁ tīkṣṇamaṇḍalam

— भिन्न अंजन के समान वर्ण, सर्वत्र व्याप्त — इसे अपने ही स्वरूप में स्थित मानकर ध्यान करना चाहिए; फिर तीक्ष्ण वायु-मण्डल —

श्लोक 26 (garuda.1.197.26)

सिखोपरि स्थितं दिव्यं शुद्धस्फटिकवर्चसम् । अप्रमाणमहाव्योमव्यापकं चामृतोपमम्

sikhopari sthitaṁ divyaṁ śuddhasphaṭikavarcasam apramāṇamahāvyomavyāpakaṁ cāmṛtopamam

— शिखा के ऊपर स्थित, दिव्य, शुद्ध स्फटिक की कान्ति वाला, अप्रमेय महाआकाश में व्याप्त, अमृत के समान।

श्लोक 27 (garuda.1.197.27)

भूतन्यासं पुरा कृत्वा नागानाञ्च यथाक्रमम् । लकारान्ता बिन्दुयुता मन्त्रा भूतक्रमेण तु

bhūtanyāsaṁ purā kṛtvā nāgānāñca yathākramam lakārāntā binduyutā mantrā bhūtakrameṇa tu

पहले तत्त्वों का न्यास करके, फिर नागों का यथाक्रम न्यास करके — 'ल' अक्षर पर समाप्त, बिन्दु-युक्त मन्त्र तत्त्वों के क्रम से,

श्लोक 28 (garuda.1.197.28)

शिवबीजं ततो दद्यात्ततो ध्यायेच्च मण्डलम् । योयस्य क्रमाख्यातो मण्डलस्य विचक्षणः । तस्य तच्चिन्तयेद्वर्णं कर्मकाले विधानवित्

śivabījaṁ tato dadyāttato dhyāyecca maṇḍalam yoyasya kramākhyāto maṇḍalasya vicakṣaṇaḥ tasya taccintayedvarṇaṁ karmakāle vidhānavit

— फिर शिव-बीज देकर मण्डल का ध्यान करना चाहिए; जिस व्यक्ति के लिए जिस मण्डल का क्रम बताया गया हो, विधि जानने वाला उसे कर्म के समय उसी का वर्ण ध्यान करे।

श्लोक 29 (garuda.1.197.29)

पादपक्षैस्तथा चञ्चत्कृष्णनागैर्विभूषितम् । तार्क्ष्यं ध्यायेत्ततो नित्यं विषे स्थावरजङ्गमे

pādapakṣaistathā cañcatkṛṣṇanāgairvibhūṣitam tārkṣyaṁ dhyāyettato nityaṁ viṣe sthāvarajaṅgame

पंखों आदि पर चंचल काले सर्पों से सुशोभित तार्क्ष्य (गरुड़) का नित्य ध्यान करना चाहिए, स्थावर-जंगम सभी प्रकार के विष में,

श्लोक 30 (garuda.1.197.30)

ग्रहभूतपिशाचे च डाकिनीयक्षराक्षसे । नागैर्विवेष्टितं कृत्वा स्वदेहे विन्यसेच्छिवम्

grahabhūtapiśāce ca ḍākinīyakṣarākṣase nāgairviveṣṭitaṁ kṛtvā svadehe vinyasecchivam

ग्रह, भूत, पिशाच, डाकिनी, यक्ष और राक्षस से रक्षा के लिए — नागों से घेरकर शिव को अपने शरीर में स्थापित करना चाहिए।

श्लोक 31 (garuda.1.197.31)

द्विधा न्यासः समाख्यातो नागानां चैव भूतयोः । एवं ध्यात्वा कर्म कुर्यादात्मतत्त्वादिकं क्रमात्

dvidhā nyāsaḥ samākhyāto nāgānāṁ caiva bhūtayoḥ evaṁ dhyātvā karma kuryādātmatattvādikaṁ kramāt

इस प्रकार नागों और तत्त्वों का — यह दुहरा न्यास कहा गया है। इस प्रकार ध्यान करके आत्म-तत्त्व आदि से क्रमशः कर्म करना चाहिए।

श्लोक 32 (garuda.1.197.32)

त्रितत्त्वं प्रथं दत्त्वा सिवतत्त्वं ततः परम् । यथा देहे तथा देवे अङ्गुलीनां च पर्वसु

tritattvaṁ prathaṁ dattvā sivatattvaṁ tataḥ param yathā dehe tathā deve aṅgulīnāṁ ca parvasu

पहले त्रितत्त्व देकर फिर शिव-तत्त्व — जैसे शरीर में वैसे ही देवता में, तथा उँगलियों की गाँठों में भी।

श्लोक 33 (garuda.1.197.33)

देहे न्यासं पुरा कृत्वा ह्यनुलोमविलोमतः । कन्दं नालं तथा पद्मं धर्मं ज्ञानादिमेव च

dehe nyāsaṁ purā kṛtvā hyanulomavilomataḥ kandaṁ nālaṁ tathā padmaṁ dharmaṁ jñānādimeva ca

पहले शरीर में अनुलोम-विलोम क्रम से न्यास करके, फिर कन्द, नाल और कमल को, धर्म-ज्ञान आदि के रूप में —

श्लोक 34 (garuda.1.197.34)

द्वितीयस्वरसम्भिन्नं वर्गान्तेन तु पूजयेत् । शौमिति कर्णिकामध्ये मूर्ध्नि रेफेण संयुतम्

dvitīyasvarasambhinnaṁ vargāntena tu pūjayet śaumiti karṇikāmadhye mūrdhni repheṇa saṁyutam

— दूसरे स्वर से युक्त, वर्ग के अन्तिम अक्षर सहित पूजा करनी चाहिए; कर्णिका के मध्य में 'शौं', सिर पर 'र' सहित रखना चाहिए।

श्लोक 35 (garuda.1.197.35)

अकचटतपयशा वर्गाः पूर्वादिके न्यसेत् । पत्रान्तकेसरान्ते तु द्वौ द्वौ पूर्वादिकौ तथा

akacaṭatapayaśā vargāḥ pūrvādike nyaset patrāntakesarānte tu dvau dvau pūrvādikau tathā

क, च, ट, त, प वर्गों को पूर्व दिशा से आरम्भ कर पंखुड़ियों पर रखना चाहिए; पंखुड़ियों के अग्रभाग और पुंकेसर के अन्त में भी पूर्व से आरम्भ कर दो-दो रखने चाहिए।

श्लोक 36 (garuda.1.197.36)

केशरे तु स्वरान्न्यस्यादीशान्तान्षोडशार्चयेत् । वामाद्याः शक्तयः प्रोक्तास्त्रितत्त्वन्तु ततो न्यसेत्

keśare tu svarānnyasyādīśāntānṣoḍaśārcayet vāmādyāḥ śaktayaḥ proktāstritattvantu tato nyaset

पुंकेसर पर स्वरों को रखकर ईशान तक सोलह [पंखुड़ियों] की पूजा करनी चाहिए; वाम आदि शक्तियाँ कही गई हैं, फिर वहाँ त्रितत्त्व का न्यास करना चाहिए।

श्लोक 37 (garuda.1.197.37)

आवाहयेत्ततो मर्ध्नि शिवमङ्गं ततः परम् । कर्णिकायां न्यसेद्देवं सांगं तत्र पुरः सरम्

āvāhayettato mardhni śivamaṅgaṁ tataḥ param karṇikāyāṁ nyaseddevaṁ sāṁgaṁ tatra puraḥ saram

फिर सिर पर शिव को उनके अंगों सहित आवाहित करना चाहिए; कर्णिका में देवता को उनके अंगों सहित, उस आवाहन के आगे स्थापित करना चाहिए।

श्लोक 38 (garuda.1.197.38)

पृतिवी पश्चिमे पत्रे आपश्चोत्तरसंस्थिताः । तेजस्तु दक्षिणे पत्रे वायुं पूर्वेण पूजयेत्

pṛtivī paścime patre āpaścottarasaṁsthitāḥ tejastu dakṣiṇe patre vāyuṁ pūrveṇa pūjayet

पश्चिम की पंखुड़ी में पृथ्वी, उत्तर में जल स्थित है; दक्षिण की पंखुड़ी में तेज, तथा पूर्व में वायु की पूजा करनी चाहिए।

श्लोक 39 (garuda.1.197.39)

स्वबीजं मूर्तिरूपन्तु प्रागुक्तं पारकल्पयेत् । यं वायुमूलं नैरृत्ये रेफस्त्वनलसंस्थितः

svabījaṁ mūrtirūpantu prāguktaṁ pārakalpayet yaṁ vāyumūlaṁ nairṛtye rephastvanalasaṁsthitaḥ

पहले बताया गया अपना बीज-अक्षर, मूर्त रूप में वहाँ स्थापित करना चाहिए; वायु का मूल 'यं' नैऋत्य में, 'र' अग्नि में स्थित है,

श्लोक 40 (garuda.1.197.40)

वं च त्वीशे सदा पूज्य ओं हृदिस्थञ्च पूजयेत् । तन्मात्रान्भूतमात्रांस्तान्बहिरेव प्रपूजयेत्

vaṁ ca tvīśe sadā pūjya oṁ hṛdisthañca pūjayet tanmātrānbhūtamātrāṁstānbahireva prapūjayet

तथा 'वं' सदा ईशान में पूज्य है; 'ॐ' हृदय में स्थित मानकर पूजा करनी चाहिए; तन्मात्राओं और भूत-तत्त्वों को बाहर की ओर पूजना चाहिए।

श्लोक 41 (garuda.1.197.41)

शिवाङ्गानि ततः पश्चाद्ध्यात्वा संपूजयेत्ततः । आग्नेय्यां हृदयं पूज्य शिर ईशानगोचरे

śivāṅgāni tataḥ paścāddhyātvā saṁpūjayettataḥ āgneyyāṁ hṛdayaṁ pūjya śira īśānagocare

फिर शिव के अंगों का ध्यान करके उनकी पूजा करनी चाहिए: अग्नि दिशा में हृदय की, ईशान दिशा में सिर की पूजा करनी चाहिए।

श्लोक 42 (garuda.1.197.42)

नैरृत्ये तु शिखां दद्याद्वायव्यां कवचं न्यसेत् । अस्त्रन्तु बाह्यतो दद्यान्नेत्रमुत्तरसंस्थितम्

nairṛtye tu śikhāṁ dadyādvāyavyāṁ kavacaṁ nyaset astrantu bāhyato dadyānnetramuttarasaṁsthitam

नैऋत्य में शिखा रखनी चाहिए, वायव्य में कवच का न्यास करना चाहिए; अस्त्र बाहर की ओर रखना चाहिए, तथा नेत्र उत्तर दिशा में स्थित है।

श्लोक 43 (garuda.1.197.43)

पत्राग्रे कर्णिकग्रे तु बीजानि परिपूजयेत् । अनन्तादिकुलीरान्ता अष्टौ नागाः क्रमात्स्थिताः

patrāgre karṇikagre tu bījāni paripūjayet anantādikulīrāntā aṣṭau nāgāḥ kramātsthitāḥ

पंखुड़ियों के अग्रभाग में और कर्णिका के अग्रभाग में बीज-अक्षरों की पूजा करनी चाहिए; अनन्त से लेकर कुलीर तक आठ नाग क्रमशः स्थित हैं,

श्लोक 44 (garuda.1.197.44)

पूर्वादिकक्रमेणैव त्वीशपर्यन्तमेव च । पूजयेच्च सदा मन्त्री विधानेन पृथक्पृथक्

pūrvādikakrameṇaiva tvīśaparyantameva ca pūjayecca sadā mantrī vidhānena pṛthakpṛthak

पूर्व दिशा से आरम्भ कर ईशान तक के क्रम में ही; मन्त्र-साधक को सदा विधिपूर्वक उनकी पृथक्-पृथक् पूजा करनी चाहिए।

श्लोक 45 (garuda.1.197.45)

हृदि पद्मे विधानेन शिलादौ दत्तमण्डले । एतत्कार्यं समुद्दिष्टं नित्यनैमित्तिकेऽपि च

hṛdi padme vidhānena śilādau dattamaṇḍale etatkāryaṁ samuddiṣṭaṁ nityanaimittike'pi ca

हृदय के कमल में विधिपूर्वक, तथा पत्थर आदि पर बनाए गए मण्डल में भी — यह कार्य नित्य और नैमित्तिक (विशेष अवसरों के) दोनों प्रकार के अनुष्ठानों में करने योग्य कहा गया है।

श्लोक 46 (garuda.1.197.46)

आत्मानं चिन्तयेन्नित्यं कामरूपं मनोहरम् । प्लावयन्तं जगत्सर्वं सृष्टिसंहारकारकम्

ātmānaṁ cintayennityaṁ kāmarūpaṁ manoharam plāvayantaṁ jagatsarvaṁ sṛṣṭisaṁhārakārakam

अपने आप को सदा इच्छित रूप वाला, मनोहर, सम्पूर्ण जगत को प्लावित करने वाला, सृष्टि और संहार करने वाला मानकर ध्यान करना चाहिए,

श्लोक 47 (garuda.1.197.47)

ज्वालामालाभिरुद्दीप्तं आब्रह्मभुवनान्तकम् । दशबाहुं चतुर्वक्त्रं पिङ्गाक्षं शूलपाणिनम्

jvālāmālābhiruddīptaṁ ābrahmabhuvanāntakam daśabāhuṁ caturvaktraṁ piṅgākṣaṁ śūlapāṇinam

ज्वाला-मालाओं से प्रज्वलित, ब्रह्मलोक तक फैला हुआ, दस भुजाओं वाला, चार मुख वाला, पिंगल नेत्रों वाला, त्रिशूल-धारी,

श्लोक 48 (garuda.1.197.48)

दंष्ट्राकरालमत्युग्रं त्रिनेत्रं शशिशेखरम् । भैरवन्तु स्मरेत्सिद्ध्यै गरुडं सर्वकर्मसु

daṁṣṭrākarālamatyugraṁ trinetraṁ śaśiśekharam bhairavantu smaretsiddhyai garuḍaṁ sarvakarmasu

दाढ़ों से भयंकर, अत्यन्त उग्र, त्रिनेत्र, चन्द्र-शेखर — इस भैरव-स्वरूप गरुड़ का सिद्धि के लिए सभी कर्मों में स्मरण करना चाहिए।

श्लोक 49 (garuda.1.197.49)

नागानां नाशनार्थाय गरुडं भीमभीषणम् । पादौ पातालं संस्थौ च दिशः पक्षास्तु संश्रिताः

nāgānāṁ nāśanārthāya garuḍaṁ bhīmabhīṣaṇam pādau pātālaṁ saṁsthau ca diśaḥ pakṣāstu saṁśritāḥ

नागों के नाश के लिए भयंकर और भीषण गरुड़ का ध्यान करना चाहिए — जिनके पैर पाताल में स्थित हैं और जिनके पंख दिशाओं के रूप में फैले हैं,

श्लोक 50 (garuda.1.197.50)

सप्त स्वर्गा उरसि च ब्रह्माण्डं कण्ठमाश्रितम् । पूर्वादीशानपर्यन्तं शिरस्तस्य विचिन्तयेत्

sapta svargā urasi ca brahmāṇḍaṁ kaṇṭhamāśritam pūrvādīśānaparyantaṁ śirastasya vicintayet

जिनके वक्ष में सातों स्वर्ग हैं और जिनकी गर्दन में ब्रह्माण्ड स्थित है; उनके सिर को पूर्व से ईशान तक व्याप्त मानकर ध्यान करना चाहिए,

श्लोक 51 (garuda.1.197.51)

सदाशिवशिखान्तस्थं शक्तित्रितयमेव च । परात्परं शिवं साक्षात्तार्क्ष्यं भुवननायकम्

sadāśivaśikhāntasthaṁ śaktitritayameva ca parātparaṁ śivaṁ sākṣāttārkṣyaṁ bhuvananāyakam

सदाशिव की शिखा में स्थित, तीनों शक्तियों सहित — साक्षात् परात्पर शिव, तार्क्ष्य, भुवनों के स्वामी को,

श्लोक 52 (garuda.1.197.52)

त्रिनेत्रमुग्ररूपञ्च विषनागक्षयङ्करम् । ग्रसनं भीमवक्त्रं च गरुडं मन्त्रविग्रहम्

trinetramugrarūpañca viṣanāgakṣayaṅkaram grasanaṁ bhīmavaktraṁ ca garuḍaṁ mantravigraham

त्रिनेत्र, उग्र-रूप, विषैले सर्पों का नाशक, ग्रसने वाले भयंकर मुख वाले — इस मन्त्र-स्वरूप गरुड़ का —

श्लोक 53 (garuda.1.197.53)

कालाग्निमिव दीप्तं च चिन्तयेत्सर्वकर्मसु । एवं न्यासविधिं कृत्वा यद्यन्मनसि चिन्तयेत्

kālāgnimiva dīptaṁ ca cintayetsarvakarmasu evaṁ nyāsavidhiṁ kṛtvā yadyanmanasi cintayet

— काल-अग्नि के समान प्रज्वलित मानकर सभी कर्मों में ध्यान करना चाहिए। इस प्रकार न्यास-विधि करके, मन में जिस-जिस वस्तु का चिन्तन किया जाए,

श्लोक 54 (garuda.1.197.54)

तत्तदेव भवेत्साध्यं नरो वै गरुडायते । प्रेता भूतास्तथा यक्षा नागा गन्धर्वराक्षसाः । दर्शनात्तस्य नश्यन्ति ज्वराश्चातुर्थिकादयः

tattadeva bhavetsādhyaṁ naro vai garuḍāyate pretā bhūtāstathā yakṣā nāgā gandharvarākṣasāḥ darśanāttasya naśyanti jvarāścāturthikādayaḥ

वही सिद्ध हो जाती है, और साधक स्वयं गरुड़ के समान हो जाता है। प्रेत, भूत, यक्ष, नाग, गन्धर्व और राक्षस, तथा चातुर्थिक आदि ज्वर, उसे देखते ही नष्ट हो जाते हैं।

श्लोक 55 (garuda.1.197.55)

धन्वन्तरिरुवाच । एवं स गरुडं प्रोचे गरुडः कश्यपाय च । महेश्वरो यथा गौरीं प्राह विद्यां तथा शृणु

dhanvantariruvāca evaṁ sa garuḍaṁ proce garuḍaḥ kaśyapāya ca maheśvaro yathā gaurīṁ prāha vidyāṁ tathā śṛṇu

धन्वन्तरि ने कहा — इस प्रकार [कश्यप/सुमित्र ने] इसे गरुड़ से कहा, और गरुड़ ने कश्यप से; जैसे महेश्वर ने गौरी को यह विद्या कही थी, वैसे ही अब सुनो।