युग-धर्म का वर्णन

श्लोक 1 (garuda.1.223.1)

ब्रह्मोवाच मुनिभिश्चरिता धर्मा भक्त्या व्यास मयोदिताः । यैर्विष्णुस्तुष्यते चैव सूर्यादिपरिचारणात्

brahmovāca munibhiścaritā dharmā bhaktyā vyāsa mayoditāḥ yairviṣṇustuṣyate caiva sūryādiparicāraṇāt

ब्रह्मा ने कहा — हे व्यास! मैंने मुनियों द्वारा भक्तिपूर्वक आचरित धर्म तुम्हें बताए हैं, जिनसे तथा सूर्यादि की सेवा से विष्णु प्रसन्न होते हैं।

श्लोक 2 (garuda.1.223.2)

तर्पणेन च होमेन सन्ध्याया वन्दनेन च । प्राप्यते भगवान् विष्णुर्धर्मकामार्थमोक्षदः

tarpaṇena ca homena sandhyāyā vandanena ca prāpyate bhagavān viṣṇurdharmakāmārthamokṣadaḥ

तर्पण, होम, सन्ध्या और वन्दना से भगवान विष्णु प्राप्त होते हैं, जो धर्म, काम, अर्थ और मोक्ष देने वाले हैं।

श्लोक 3 (garuda.1.223.3)

धर्मो हि भगवान्विष्णुः पूजी विष्णोस्तु तर्पणम् । होमः सन्ध्या तथा ध्यानं धारणा सकलं हरिः

dharmo hi bhagavānviṣṇuḥ pūjī viṣṇostu tarpaṇam homaḥ sandhyā tathā dhyānaṁ dhāraṇā sakalaṁ hariḥ

भगवान विष्णु ही धर्म हैं; विष्णु की पूजा ही तर्पण है, होम है, सन्ध्या है, ध्यान है, धारणा है — यह सब कुछ हरि ही हैं।

श्लोक 4 (garuda.1.223.4)

सूच उवाच । प्रलयं जगतो वक्ष्ये तत्सर्वं शृणु शौनक । चतुर्युगसहस्रन्तु कल्पैकाब्जदिनं स्मृतम्

sūca uvāca pralayaṁ jagato vakṣye tatsarvaṁ śṛṇu śaunaka caturyugasahasrantu kalpaikābjadinaṁ smṛtam

सूत ने कहा — अब मैं जगत के प्रलय का वर्णन करूँगा, हे शौनक! सुनो। चार युगों के सहस्र चक्र को कल्प का एक दिन (ब्रह्मा का एक दिन) कहा गया है।

श्लोक 5 (garuda.1.223.5)

कृतत्रेताद्वापरादियुगावस्था निबोधमे । कृते धर्मश्चतुष्पाच्च सत्यं दानं तपो दया

kṛtatretādvāparādiyugāvasthā nibodhame kṛte dharmaścatuṣpācca satyaṁ dānaṁ tapo dayā

कृत, त्रेता और द्वापर आदि युगों की अवस्थाएँ मुझसे जानो। कृतयुग में धर्म चार पैरों वाला है — सत्य, दान, तप और दया।

श्लोक 6 (garuda.1.223.6)

धर्मपाता हरिश्चेति सन्तुष्टा ज्ञानिनो नराः । चतुर्वर्षसहस्राणि नरा जीवन्ति वै तदा

dharmapātā hariśceti santuṣṭā jñānino narāḥ caturvarṣasahasrāṇi narā jīvanti vai tadā

हरि धर्म के रक्षक हैं; लोग संतुष्ट और ज्ञानी होते हैं। उस समय मनुष्य चार हज़ार वर्ष तक जीते हैं।

श्लोक 7 (garuda.1.223.7)

कृतान्ते क्षत्त्रियैर्विप्रा विट्शूद्राश्च जिता द्विजैः । शूरश्चातिबलो विष्णू रक्षांसि च जघान ह

kṛtānte kṣattriyairviprā viṭśūdrāśca jitā dvijaiḥ śūraścātibalo viṣṇū rakṣāṁsi ca jaghāna ha

कृत युग के अन्त में क्षत्रियों और द्विजों ने वैश्य-शूद्रों को जीत लिया; अत्यंत बलशाली, वीर विष्णु ने राक्षसों का वध किया।

श्लोक 8 (garuda.1.223.8)

त्रेतायुगे त्रिपाद्धर्मः सत्यदानदयात्मकः । नरा यज्ञपरास्तस्मिंस्तथा क्षत्रोद्भवं जगत्

tretāyuge tripāddharmaḥ satyadānadayātmakaḥ narā yajñaparāstasmiṁstathā kṣatrodbhavaṁ jagat

त्रेता युग में धर्म तीन पैरों वाला है — सत्य, दान और दया से युक्त। उस समय मनुष्य यज्ञ में तत्पर रहते हैं, और लोक क्षत्रिय-प्रधान होता है।

श्लोक 9 (garuda.1.223.9)

रक्तो हरिर्नरैः पूज्यो नरा दशशतायुषः । तत्र विष्णुर्भोमरथः क्षत्रिया राक्षसानहन्

rakto harirnaraiḥ pūjyo narā daśaśatāyuṣaḥ tatra viṣṇurbhomarathaḥ kṣatriyā rākṣasānahan

लाल वर्ण वाले हरि मनुष्यों द्वारा पूजित होते हैं; मनुष्य हज़ार वर्ष जीते हैं। वहाँ भूमि-रथ पर सवार विष्णु और क्षत्रियों ने राक्षसों का वध किया।

श्लोक 10 (garuda.1.223.10)

द्विपादविग्रहो धर्मः पीतताञ्चाच्युते गते । चतुः शतायुषो लोका द्विजक्षत्रोद्भवाः प्रजाः

dvipādavigraho dharmaḥ pītatāñcācyute gate catuḥ śatāyuṣo lokā dvijakṣatrodbhavāḥ prajāḥ

धर्म का स्वरूप दो पैरों वाला हो जाता है, और अच्युत का रंग पीला हो जाता है। लोग चार सौ वर्ष जीते हैं, प्रजा द्विज-क्षत्रिय से उत्पन्न होती है।

श्लोक 11 (garuda.1.223.11)

तत्र दृष्ट्वाल्पबुद्धींश्च विष्णुर्व्यासस्वरूपधृक् । तदेकन्तु यजुर्वेदं चतुर्धा व्यभजत्पुनः

tatra dṛṣṭvālpabuddhīṁśca viṣṇurvyāsasvarūpadhṛk tadekantu yajurvedaṁ caturdhā vyabhajatpunaḥ

वहाँ अल्पबुद्धि जनों को देखकर विष्णु ने व्यास का रूप धारण कर उस एक यजुर्वेद को पुनः चार भागों में बाँटा।

श्लोक 12 (garuda.1.223.12)

शिष्यानध्यापयामास समस्तांस्तान्निबोध मे । ऋग्वेदमथ पैलन्त्सामवेदञ्च जैमिनिम्

śiṣyānadhyāpayāmāsa samastāṁstānnibodha me ṛgvedamatha pailantsāmavedañca jaiminim

उन्होंने अपने सभी शिष्यों को पढ़ाया — मुझसे जानो: ऋग्वेद पैल को, सामवेद जैमिनि को,

श्लोक 13 (garuda.1.223.13)

अथर्वाणं सुमन्तुन्तु यजुर्वेदं महामुनिम् । वैशम्पायनमङ्गन्तु पुराणं सूतमेव च । अष्टादशपुराणानि यैर्वेद्यो हरिरेव हि

atharvāṇaṁ sumantuntu yajurvedaṁ mahāmunim vaiśampāyanamaṅgantu purāṇaṁ sūtameva ca aṣṭādaśapurāṇāni yairvedyo harireva hi

अथर्ववेद सुमन्तु को, महामुनि यजुर्वेद वैशम्पायन को, और पुराण सूत को ही पढ़ाया। अठारह पुराणों से ही हरि जाने जाते हैं।

श्लोक 14 (garuda.1.223.14)

सर्गश्च प्रतिसर्गश्च वंशो मन्वन्तराणि च । वंशानुचरितच्चैव पुराणं पञ्चलक्षणम्

sargaśca pratisargaśca vaṁśo manvantarāṇi ca vaṁśānucaritaccaiva purāṇaṁ pañcalakṣaṇam

सर्ग, प्रतिसर्ग, वंश, मन्वन्तर और वंशानुचरित — इन पाँच लक्षणों से युक्त पुराण होता है।

श्लोक 15 (garuda.1.223.15)

ब्राह्मं पाद्मं वैष्णवञ्च शैवं भागवतन्तथा । भविष्यन्नारदीयञ्चस्कान्दं लिङ्गं वराहकम्

brāhmaṁ pādmaṁ vaiṣṇavañca śaivaṁ bhāgavatantathā bhaviṣyannāradīyañcaskāndaṁ liṅgaṁ varāhakam

ब्रह्म, पद्म, वैष्णव, शैव और भागवत; भविष्य, नारदीय, स्कान्द, लिंग और वराह —

श्लोक 16 (garuda.1.223.16)

मार्कण्डेयं तथाग्नेयं ब्रह्मवैवर्तमेव च । कौर्मं मात्स्यं गारुडञ्च वायवीयमनन्तरम् । अष्टादशसमुद्दिष्टं ब्रह्माण्डमिति संज्ञितम्

mārkaṇḍeyaṁ tathāgneyaṁ brahmavaivartameva ca kaurmaṁ mātsyaṁ gāruḍañca vāyavīyamanantaram aṣṭādaśasamuddiṣṭaṁ brahmāṇḍamiti saṁjñitam

— मार्कण्डेय, आग्नेय और ब्रह्मवैवर्त; कूर्म, मत्स्य, गारुड़ और वायवीय — इस प्रकार अठारह पुराण गिनाए गए हैं, जिन्हें ब्रह्माण्ड-संज्ञा से भी जाना जाता है।

श्लोक 17 (garuda.1.223.17)

अन्यान्युपपुराणानि मुनिभिः कथितानि तु । आद्यं सनत्कुमारोक्तं नारसिंहमथापरम्

anyānyupapurāṇāni munibhiḥ kathitāni tu ādyaṁ sanatkumāroktaṁ nārasiṁhamathāparam

मुनियों ने अन्य उप-पुराण भी कहे हैं। पहला सनत्कुमार द्वारा कहा गया, दूसरा नारसिंह,

श्लोक 18 (garuda.1.223.18)

तृतीयं स्कान्दमुद्दिष्टं कुमारेण तु भाषितम् । चतुर्थं शिवधर्माख्यं स्यान्नन्दीश्वरभाषितम्

tṛtīyaṁ skāndamuddiṣṭaṁ kumāreṇa tu bhāṣitam caturthaṁ śivadharmākhyaṁ syānnandīśvarabhāṣitam

तीसरा स्कान्द, जो कुमार द्वारा कहा गया; चौथा शिवधर्म नामक, नन्दीश्वर द्वारा कहा गया,

श्लोक 19 (garuda.1.223.19)

दुर्वाससोक्तमाश्चर्यं नारदोक्तमतः परम् । कापिलं वामनञ्चैव तथैवोशनसेरितम्

durvāsasoktamāścaryaṁ nāradoktamataḥ param kāpilaṁ vāmanañcaiva tathaivośanaseritam

दुर्वासा द्वारा कहा गया आश्चर्यजनक पुराण, फिर नारद द्वारा कहा गया; कापिल और वामन, तथा शुक्राचार्य द्वारा कहा गया —

श्लोक 20 (garuda.1.223.20)

ब्रह्माण्डं वारुणञ्चाथ कालिकाह्वयमेव च । माहेश्वरं तथा साम्बमेवं सर्वार्थसञ्चयम् । पराशरोक्तमपरं मारीचं भार्गवाह्वयम्

brahmāṇḍaṁ vāruṇañcātha kālikāhvayameva ca māheśvaraṁ tathā sāmbamevaṁ sarvārthasañcayam parāśaroktamaparaṁ mārīcaṁ bhārgavāhvayam

— ब्रह्माण्ड और वारुण, तथा कालिका नाम का; माहेश्वर और साम्ब — इस प्रकार सभी अर्थों का संग्रह; पराशर द्वारा कहा गया एक और, तथा मारीच और भार्गव नाम के भी।

श्लोक 21 (garuda.1.223.21)

पुराणं धर्मशास्त्रञ्च वेदास्त्वङ्गानि यन्मुने । न्यायः शौनक मीमांसा आयुर्वेदार्थशास्त्रकम् । गान्धर्वश्च धनुर्वेदो विद्या ह्यष्टादशस्मृताः

purāṇaṁ dharmaśāstrañca vedāstvaṅgāni yanmune nyāyaḥ śaunaka mīmāṁsā āyurvedārthaśāstrakam gāndharvaśca dhanurvedo vidyā hyaṣṭādaśasmṛtāḥ

पुराण, धर्मशास्त्र, वेद और उनके अंग, हे मुनि! न्याय, हे शौनक, मीमांसा, आयुर्वेद, अर्थशास्त्र, गान्धर्व-विद्या (संगीत) और धनुर्वेद — इन अठारह को विद्याएँ कहा गया है।

श्लोक 22 (garuda.1.223.22)

द्वापरान्तेन च हरिर्गुरुभारमपाहरत् । एकपादस्थिते धर्मे कृष्णत्वञ्चाच्युते गते

dvāparāntena ca harirgurubhāramapāharat ekapādasthite dharme kṛṣṇatvañcācyute gate

द्वापर के अन्त में हरि ने भार को दूर किया; धर्म एक ही पैर पर टिका होता है, और अच्युत का रंग काला हो जाता है।

श्लोक 23 (garuda.1.223.23)

जनास्तदा दुराचारा भविष्यन्ति च निर्दयाः । सत्त्वं रजस्तम इति दृश्यन्ते पुरुषे गुणाः । कालसञ्चोदितास्तेऽपि परिवर्तन्त आत्मनि

janāstadā durācārā bhaviṣyanti ca nirdayāḥ sattvaṁ rajastama iti dṛśyante puruṣe guṇāḥ kālasañcoditāste'pi parivartanta ātmani

तब लोग दुराचारी और निर्दय हो जाते हैं। सत्त्व, रज और तम — ये मनुष्य में देखे जाने वाले गुण हैं; काल से प्रेरित होकर वे स्वयं ही आत्मा में बदलते रहते हैं।

श्लोक 24 (garuda.1.223.24)

प्रभूतञ्च यदा सत्त्वं मनो बुद्धीन्द्रियाणि च । तदा कृतयुगं विद्याज्ज्ञाने तपसि यद्रतिः

prabhūtañca yadā sattvaṁ mano buddhīndriyāṇi ca tadā kṛtayugaṁ vidyājjñāne tapasi yadratiḥ

जब सत्त्व गुण मन, बुद्धि और इन्द्रियों में प्रचुर हो, तब उसे कृतयुग जानना चाहिए, जिसमें ज्ञान और तप में प्रीति होती है।

श्लोक 25 (garuda.1.223.25)

यदा कर्मसु काम्येषु शक्तिर्यशसि देहिनाम् । तदा त्रेता रजोभूतिरिति जानीहि शौनक

yadā karmasu kāmyeṣu śaktiryaśasi dehinām tadā tretā rajobhūtiriti jānīhi śaunaka

हे शौनक! जब लोगों की शक्ति काम्य-कर्मों और यश में लगी हो, तब त्रेता युग है, जो रज-प्रधान है, ऐसा जानो।

श्लोक 26 (garuda.1.223.26)

यदा लोभस्त्वसन्तोषो मानो दम्भश्च मत्सरः । कर्मणाञ्चापि काम्यानां द्वापरं तद्रजस्तमः

yadā lobhastvasantoṣo māno dambhaśca matsaraḥ karmaṇāñcāpi kāmyānāṁ dvāparaṁ tadrajastamaḥ

जब लोभ, असंतोष, अभिमान, दंभ और ईर्ष्या तथा काम्य-कर्म प्रधान हों, वह द्वापर है, जो रज-तम-प्रधान है।

श्लोक 27 (garuda.1.223.27)

यदा सदानृतं तन्द्रा निद्रा हिंसादिसाधनम् । शोकमोहौ भयं दैन्यं स कलिस्तमसि स्मृतः

yadā sadānṛtaṁ tandrā nidrā hiṁsādisādhanam śokamohau bhayaṁ dainyaṁ sa kalistamasi smṛtaḥ

जब सदा असत्य, आलस्य, निद्रा, हिंसा के साधन, शोक-मोह, भय और दैन्य हों, वह कलियुग है, जो तम में स्मृत है।

श्लोक 28 (garuda.1.223.28)

यस्मिञ्जनाः कामिनः स्युः शश्वत्कटुकभाषिणः । दस्यूत्कृष्टा जनपदा वेदाः पाषण्डदूषिताः

yasmiñjanāḥ kāminaḥ syuḥ śaśvatkaṭukabhāṣiṇaḥ dasyūtkṛṣṭā janapadā vedāḥ pāṣaṇḍadūṣitāḥ

जिसमें लोग कामी और सदा कटु-भाषी होंगे, जनपद डाकुओं से भरे होंगे, वेद पाखंडियों से दूषित होंगे,

श्लोक 29 (garuda.1.223.29)

राजानश्च प्रजाभिक्षाः शिश्नोदरपराजिताः । अव्रता वटवोऽशौचा भिक्षवश्च कुटुम्बिनः

rājānaśca prajābhikṣāḥ śiśnodaraparājitāḥ avratā vaṭavo'śaucā bhikṣavaśca kuṭumbinaḥ

— राजा प्रजा से भीख माँगेंगे, वासना और पेट से पराजित होंगे; ब्रह्मचारी व्रत-रहित और अशुद्ध होंगे, भिक्षु गृहस्थ बन जाएँगे,

श्लोक 30 (garuda.1.223.30)

तपस्विनो ग्रामवासाः न्यासिनो ह्यर्थलोलुपाः । ह्रस्वकाया महाहाराश्चौरास्ते साधवः स्मृताः

tapasvino grāmavāsāḥ nyāsino hyarthalolupāḥ hrasvakāyā mahāhārāścaurāste sādhavaḥ smṛtāḥ

— तपस्वी गाँवों में रहने लगेंगे, संन्यासी धन-लोलुप होंगे; छोटे शरीर वाले, बड़े आहार वाले चोर साधु माने जाएँगे।

श्लोक 31 (garuda.1.223.31)

त्यक्ष्यन्ति भृत्याश्च पतिं तापसस्त्यक्ष्यति व्रतम् । शूद्राः प्रतिग्रहिष्यन्ति वैश्या व्रतपरायणः

tyakṣyanti bhṛtyāśca patiṁ tāpasastyakṣyati vratam śūdrāḥ pratigrahiṣyanti vaiśyā vrataparāyaṇaḥ

सेवक अपने स्वामी को त्याग देंगे, तपस्वी अपने व्रत को त्याग देगा; शूद्र दान ग्रहण करेंगे, और वैश्य व्रत-परायण हो जाएँगे।

श्लोक 32 (garuda.1.223.32)

उद्विग्नाः सन्ति च जनाः पिशाचसदृशाः प्रजाः । अन्यायभोजनेनाग्निदेवतातिथिपूजनम्

udvignāḥ santi ca janāḥ piśācasadṛśāḥ prajāḥ anyāyabhojanenāgnidevatātithipūjanam

लोग उद्विग्न होंगे, प्रजा पिशाचों जैसी हो जाएगी। अन्याय से प्राप्त भोजन से अग्नि, देवता और अतिथि का पूजन

श्लोक 33 (garuda.1.223.33)

करिष्यन्ति कलौ प्राप्ते न च पित्र्योदकक्रियाम् । स्त्रीपराश्च जनाः सर्वे शूद्रप्रायाश्च शौनक

kariṣyanti kalau prāpte na ca pitryodakakriyām strīparāśca janāḥ sarve śūdraprāyāśca śaunaka

— वे कलियुग आने पर करेंगे, परन्तु पितरों के जल-कर्म को नहीं करेंगे। हे शौनक! सभी लोग स्त्री-पराधीन और लगभग शूद्र-तुल्य हो जाएँगे।

श्लोक 34 (garuda.1.223.34)

बहुप्रजाल्पभाग्याश्च भविष्यन्ति कलौ स्त्रियः । शिरः कण्डूयनपरा आज्ञां भेत्स्यन्ति भर्त्सिताः

bahuprajālpabhāgyāśca bhaviṣyanti kalau striyaḥ śiraḥ kaṇḍūyanaparā ājñāṁ bhetsyanti bhartsitāḥ

कलियुग में स्त्रियाँ अधिक संतान वाली परन्तु अल्प-भाग्य वाली होंगी; सिर खुजलाने में लगी रहेंगी, डाँटे जाने पर भी आज्ञा भंग करेंगी।

श्लोक 35 (garuda.1.223.35)

विष्णुं न पूजयिष्यन्ति पाषण्डोपहता जनाः । कलेर्दोषनिधेर्विप्रा अस्ति ह्येको महागुणः

viṣṇuṁ na pūjayiṣyanti pāṣaṇḍopahatā janāḥ kalerdoṣanidherviprā asti hyeko mahāguṇaḥ

पाखंड से पीड़ित लोग विष्णु की पूजा नहीं करेंगे। हे विप्रो! दोषों की खान कलियुग में भी एक महान गुण है —

श्लोक 36 (garuda.1.223.36)

कीर्तनादेव कृष्णस्य महाबन्धं परित्यजेत् । कृते यद्ध्यायतो विष्णुं त्रेतायां जपतः फलम्

kīrtanādeva kṛṣṇasya mahābandhaṁ parityajet kṛte yaddhyāyato viṣṇuṁ tretāyāṁ japataḥ phalam

— केवल कृष्ण के कीर्तन मात्र से महान बन्धन का त्याग हो जाता है। जो फल कृतयुग में विष्णु का ध्यान करने से, त्रेता में जप करने से,

श्लोक 37 (garuda.1.223.37)

द्वापरे परिचर्यायां कलौ तद्धरिकीर्तनात् । तस्माद्ध्येयो हरिर्नित्यं गेयः पूज्यश्च शौनक

dvāpare paricaryāyāṁ kalau taddharikīrtanāt tasmāddhyeyo harirnityaṁ geyaḥ pūjyaśca śaunaka

— द्वापर में उपासना करने से मिलता था, वही कलियुग में केवल हरि-कीर्तन से मिलता है। इसलिए, हे शौनक! हरि का सदा ध्यान, गान और पूजन करना चाहिए।