देव-प्रतिष्ठा-निरूपण

श्लोक 1 (garuda.1.48.1)

।।सूत उवाच ।। प्रतिष्ठां सर्वदेवानां संक्षेपेण वदाम्यहम् ।। सुतिथ्यादौ सुरम्यां च प्रतिष्ठां कारयेद्गुरुः

..sūta uvāca .. pratiṣṭhāṁ sarvadevānāṁ saṁkṣepeṇa vadāmyaham .. sutithyādau suramyāṁ ca pratiṣṭhāṁ kārayedguruḥ

सूत ने कहा — अब मैं संक्षेप में सभी देवताओं की प्रतिष्ठा का वर्णन करूँगा। शुभ तिथि आदि में, रमणीय स्थान पर, गुरु को प्रतिष्ठा करानी चाहिए।

श्लोक 2 (garuda.1.48.2)

ऋत्विग्भिः सह चाचार्य्यं वरयेन्मध्यदेशगम् ।। स्वशाखोक्तविधानेन अथ वा प्रणवेन तु

ṛtvigbhiḥ saha cācāryyaṁ varayenmadhyadeśagam .. svaśākhoktavidhānena atha vā praṇavena tu

ऋत्विजों के साथ मध्यदेश-निवासी आचार्य का वरण करना चाहिए — अपनी शाखा में कहे गए विधान से, अथवा प्रणव (ॐ) से।

श्लोक 3 (garuda.1.48.3)

पञ्चभिर्बहुभिर्वाथ कुर्य्यात्पाद्यार्घ्यमेव च ।। मुद्रिकाभिस्तथा वस्त्रैर्गन्धमाल्यानुलेपनैः

pañcabhirbahubhirvātha kuryyātpādyārghyameva ca .. mudrikābhistathā vastrairgandhamālyānulepanaiḥ

पाँच अथवा अनेक (पुरोहितों) से पाद्य और अर्घ्य कराना चाहिए, तथा मुद्रिकाओं, वस्त्रों, गन्ध, माला और अनुलेपन से (पूजा करानी चाहिए)।

श्लोक 4 (garuda.1.48.4)

मन्त्रन्यासं गुरुः कृत्वा ततः कर्म समारभेत् ।। प्रासादस्याग्रतः कुर्य्यान्मण्डपं दशहस्तकम्

mantranyāsaṁ guruḥ kṛtvā tataḥ karma samārabhet .. prāsādasyāgrataḥ kuryyānmaṇḍapaṁ daśahastakam

मन्त्र-न्यास करके गुरु फिर कार्य आरम्भ करे। मन्दिर के सामने दस हाथ का मण्डप बनाना चाहिए,

श्लोक 5 (garuda.1.48.5)

कुर्य्याद्द्वादशहस्तं वा स्तम्भैः षोडशभिर्युतम् ।। ध्वजाष्टकैश्चतुर्हस्तां मध्ये वेदिं च कारयेत्

kuryyāddvādaśahastaṁ vā stambhaiḥ ṣoḍaśabhiryutam .. dhvajāṣṭakaiścaturhastāṁ madhye vediṁ ca kārayet

अथवा बारह हाथ का, सोलह स्तम्भों से युक्त। आठ ध्वजाओं सहित मध्य में चार हाथ की वेदी बनानी चाहिए।

श्लोक 6 (garuda.1.48.6)

नदीसङ्गमतीरात्थां वालुकां तत्र दापयेत् ।। चतुरश्रं कार्मुकाभं वर्त्तुलं कमलाकृति

nadīsaṅgamatīrātthāṁ vālukāṁ tatra dāpayet .. caturaśraṁ kārmukābhaṁ varttulaṁ kamalākṛti

नदी-संगम के तट से लाई गई बालू वहाँ बिछानी चाहिए। चौकोर, धनुषाकार, गोल अथवा कमल के आकार वाले —

श्लोक 7 (garuda.1.48.7)

पूर्वादितः समारभ्य कर्त्तव्यं कुण्डपञ्चकम् ।। अथवा चतुरश्राणि सर्वाण्येतानि कारयेत्

pūrvāditaḥ samārabhya karttavyaṁ kuṇḍapañcakam .. athavā caturaśrāṇi sarvāṇyetāni kārayet

पूर्व दिशा से आरम्भ करते हुए पाँच कुण्ड बनाने चाहिए; अथवा इन सबको चौकोर भी बनाया जा सकता है।

श्लोक 8 (garuda.1.48.8)

शान्तिकर्मिधानेन सर्वकामार्थसिद्धये ।। शिरः स्थाने तु देवस्य आचार्य्यो होममाचरेत्

śāntikarmidhānena sarvakāmārthasiddhaye .. śiraḥ sthāne tu devasya ācāryyo homamācaret

शान्ति-कर्म के नाम से, समस्त कामनाओं की सिद्धि के लिए, देवता के शिर वाले स्थान पर आचार्य होम करे।

श्लोक 9 (garuda.1.48.9)

ऐशान्यां केचिदिच्छन्ति उपलिप्यावनिं शुभाम् ।। द्वाराणि चैव चत्वारि कृत्वा वै तोरणान्तिके

aiśānyāṁ kecidicchanti upalipyāvaniṁ śubhām .. dvārāṇi caiva catvāri kṛtvā vai toraṇāntike

कुछ लोग ईशान कोण में यह करना उचित मानते हैं, शुभ भूमि को लीपकर। चार द्वार बनाकर, तोरणों के निकट,

श्लोक 10 (garuda.1.48.10)

न्यग्रोधोदुम्बराश्वत्थबैल्वपालाशखादिराः ।। तोरणाः पञ्चहस्ताश्च वस्त्रपुष्पाद्यलङ्कृताः

nyagrodhodumbarāśvatthabailvapālāśakhādirāḥ .. toraṇāḥ pañcahastāśca vastrapuṣpādyalaṅkṛtāḥ

न्यग्रोध, उदुम्बर, अश्वत्थ, बिल्व, पलाश और खदिर (की लकड़ी से) — पाँच हाथ ऊँचे तोरण, वस्त्र-पुष्प आदि से अलंकृत,

श्लोक 11 (garuda.1.48.11)

निखनेद्धस्तमेकैकं चत्वारश्चतुरो दिशः ।। पूर्वद्वारे मृगेन्द्रं तु हयराजं तु दक्षिणे

nikhaneddhastamekaikaṁ catvāraścaturo diśaḥ .. pūrvadvāre mṛgendraṁ tu hayarājaṁ tu dakṣiṇe

एक-एक हाथ गहरा गाड़ना चाहिए, चारों दिशाओं में चार। पूर्व द्वार पर सिंह, दक्षिण में अश्व-राज,

श्लोक 12 (garuda.1.48.12)

पश्चिमे गोपतिर्नाम सुरशार्दूलमुत्तरे ।। अग्निमीलेति हि मन्त्रेण प्रथमं पूर्वतो न्यसेत्

paścime gopatirnāma suraśārdūlamuttare .. agnimīleti hi mantreṇa prathamaṁ pūrvato nyaset

पश्चिम में गोपति नामक, उत्तर में देव-व्याघ्र (रखना चाहिए)। 'अग्निमीळे' मन्त्र से पहला पूर्व दिशा में स्थापित करे।

श्लोक 13 (garuda.1.48.13)

ईषेत्वेतिहि मन्त्रेण दक्षिणस्यां द्वितीयकम् ।। अग्नआयाहिमन्त्रेण पश्चिमस्यां तृतीयकम्

īṣetvetihi mantreṇa dakṣiṇasyāṁ dvitīyakam .. agnaāyāhimantreṇa paścimasyāṁ tṛtīyakam

'इषे त्वा' मन्त्र से दूसरा दक्षिण में; 'अग्न आयाहि' मन्त्र से तीसरा पश्चिम में;

श्लोक 14 (garuda.1.48.14)

शन्नोदेवीति मन्त्रेण उत्तरस्यां चतुर्थकम् ।। पूर्वे अम्बुदवत्कार्य्या आग्नोय्यां धूमरूपिणी

śannodevīti mantreṇa uttarasyāṁ caturthakam .. pūrve ambudavatkāryyā āgnoyyāṁ dhūmarūpiṇī

'शन्नो देवी' मन्त्र से चौथा उत्तर में। पूर्व में मेघ के समान, आग्नेय में धूम्र-रूप बनाना चाहिए;

श्लोक 15 (garuda.1.48.15)

याम्यां वै कृष्णरूपा तु नैर्ऋत्या श्यामला (धूसरा) भवेत् ।। वारुण्यां पाण्डुरा ज्ञेया वायव्यां पीतवर्णिका

yāmyāṁ vai kṛṣṇarūpā tu nairṛtyā śyāmalā (dhūsarā) bhavet .. vāruṇyāṁ pāṇḍurā jñeyā vāyavyāṁ pītavarṇikā

दक्षिण में कृष्ण-रूप, नैर्ऋत्य में श्यामल (धूसर) होना चाहिए; वरुण दिशा में श्वेत जानना चाहिए, वायव्य में पीत-वर्ण।

श्लोक 16 (garuda.1.48.16)

उत्तरे रक्तवर्णा तु शुक्लैशी च पताकिका ।। बहुरूपा तथा मध्ये इन्द्रविद्येति पूर्वके

uttare raktavarṇā tu śuklaiśī ca patākikā .. bahurūpā tathā madhye indravidyeti pūrvake

उत्तर में रक्त-वर्ण, और ईशान की पताका श्वेत होनी चाहिए। मध्य में बहुरूपा। पूर्व में 'इन्द्रविद्या' (मन्त्र पढ़ना चाहिए)।

श्लोक 17 (garuda.1.48.17)

आग्निं संसुप्तिमन्त्रेण यमोनागेति दक्षिणे ।। पूज्या रक्षोहनोवेति पश्चिमे उत्तरेऽपि च

āgniṁ saṁsuptimantreṇa yamonāgeti dakṣiṇe .. pūjyā rakṣohanoveti paścime uttare'pi ca

आग्नेय में 'अग्निं संसुप्तिं' मन्त्र से, दक्षिण में 'यमो नाग' — पूज्य हैं; पश्चिम और उत्तर में भी 'रक्षोहनो वा' —

श्लोक 18 (garuda.1.48.18)

वात इत्यभिषिच्याथ आप्यायस्वेति चोत्तरे ।। तमीशानमतश्चैव विष्णोर्नुकेति मध्यमे

vāta ityabhiṣicyātha āpyāyasveti cottare .. tamīśānamataścaiva viṣṇornuketi madhyame

'वात' से अभिषिंचित करके फिर उत्तर में 'आप्यायस्व' से; उसी प्रकार ईशान में, मध्य में 'विष्णोर्नु' से।

श्लोक 19 (garuda.1.48.19)

कलशौ तु ततो द्वौ द्वौ निवेश्यौ तोरणान्तिके ।। वस्त्रयुग्मसमायुक्ताश्चन्दनाद्यैः स्वलङ्कृताः

kalaśau tu tato dvau dvau niveśyau toraṇāntike .. vastrayugmasamāyuktāścandanādyaiḥ svalaṅkṛtāḥ

फिर तोरणों के निकट दो-दो कलश रखने चाहिए, वस्त्र-युगल से युक्त, चन्दन आदि से भली-भाँति अलंकृत,

श्लोक 20 (garuda.1.48.20)

पुष्पैर्वितानैर्बहुलैरादिवर्णाभिमन्त्रिताः ।। दिक्पालाश्च ततः पूज्याः शास्त्रदृष्टेन कर्मणा

puṣpairvitānairbahulairādivarṇābhimantritāḥ .. dikpālāśca tataḥ pūjyāḥ śāstradṛṣṭena karmaṇā

बहुत सारे पुष्प-वितानों से और आदि-वर्णों (देवताओं) से अभिमन्त्रित। इसके बाद शास्त्रोक्त विधि से दिक्पालों की पूजा करनी चाहिए।

श्लोक 21 (garuda.1.48.21)

त्रातारमिन्द्रभन्त्रेण अग्निर्मूर्द्धेति चापरे ।। अस्मिन्वृक्ष इतं चैव प्रचारीति परा स्मृता

trātāramindrabhantreṇa agnirmūrddheti cāpare .. asminvṛkṣa itaṁ caiva pracārīti parā smṛtā

'त्रातारमिन्द्रं' मन्त्र से, फिर 'अग्निर्मूर्द्धा'; 'अस्मिन् वृक्षे' और फिर 'प्रचारी' स्मरण किया गया है।

श्लोक 22 (garuda.1.48.22)

किञ्चेदधातु आचत्वाऽभित्वादेति च सप्तमी ।। इमारुद्रेति दिक्यालान्पूजयित्वा विचक्षणः

kiñcedadhātu ācatvā'bhitvādeti ca saptamī .. imārudreti dikyālānpūjayitvā vicakṣaṇaḥ

'किंचिदधातु', 'आ च त्वा' और सातवाँ; 'इमा रुद्राय' — इस प्रकार दिक्पालों की पूजा करके विचक्षण (आचार्य),

श्लोक 23 (garuda.1.48.23)

होमद्रव्याणि वायव्ये कुर्य्यात्सोपस्कराणि च ।। शङ्खाञ्छास्त्रोदिताञ्छ्वेतान्नेत्राभ्यां विन्यसेद्गुरुः

homadravyāṇi vāyavye kuryyātsopaskarāṇi ca .. śaṅkhāñchāstroditāñchvetānnetrābhyāṁ vinyasedguruḥ

होम की सामग्री उपकरणों सहित वायव्य दिशा में रखे। शास्त्र में कहे गए श्वेत शंखों को गुरु अपने दोनों नेत्रों से देखे।

श्लोक 24 (garuda.1.48.24)

आलोकनेन द्रव्याणि शुद्धिं यान्ति न संशयः ।। ह्रृदयादीनि चाङ्गानि व्याहृतिप्रणवेन च

ālokanena dravyāṇi śuddhiṁ yānti na saṁśayaḥ .. hrṛdayādīni cāṅgāni vyāhṛtipraṇavena ca

दर्शन मात्र से सामग्री निःसंदेह शुद्धि को प्राप्त होती है। हृदय आदि अंगों को व्याहृति और प्रणव से,

श्लोक 25 (garuda.1.48.25)

अस्त्रं चैव समस्तानां न्यासोऽयं सर्वकामिकः ।। अक्षतान्विष्टरं चैव अस्त्रेणैवाभिमन्त्रितान्

astraṁ caiva samastānāṁ nyāso'yaṁ sarvakāmikaḥ .. akṣatānviṣṭaraṁ caiva astreṇaivābhimantritān

और सबका अस्त्र-मन्त्र से — यह न्यास सभी कामनाओं को पूर्ण करने वाला है। अक्षत और आसन को अस्त्र-मन्त्र से ही अभिमन्त्रित करके,

श्लोक 26 (garuda.1.48.26)

विष्टरेण स्पृशेद्दुव्यान्यागमण्डपसंभृतान् ।। अक्षतान्विकिरेत्पश्चादस्त्रपूतान्समन्ततः

viṣṭareṇa spṛśedduvyānyāgamaṇḍapasaṁbhṛtān .. akṣatānvikiretpaścādastrapūtānsamantataḥ

उस आसन से यज्ञ-मण्डप में एकत्रित सामग्री का स्पर्श कराना चाहिए। बाद में अस्त्र-मन्त्र से पवित्र किए हुए अक्षतों को चारों ओर बिखेरना चाहिए।

श्लोक 27 (garuda.1.48.27)

शाक्रीं दिशमथारभ्य यावदीशानगोचरम् ।। अवकीर्य्याक्षतार्न्संवाँल्लेपयेन्मण्डपं ततः

śākrīṁ diśamathārabhya yāvadīśānagocaram .. avakīryyākṣatārnsaṁvām̐llepayenmaṇḍapaṁ tataḥ

इन्द्र की दिशा (पूर्व) से आरम्भ करके ईशान दिशा तक अक्षत बिखेरकर तब मण्डप को लीपना चाहिए।

श्लोक 28 (garuda.1.48.28)

गन्धाद्यैरर्घ्यपात्रे च मन्त्रग्रामं न्यसेद्गुरुः ।। तेनार्घ्यपात्रतोयेन प्रोक्षयेद्यागमण्डपम्

gandhādyairarghyapātre ca mantragrāmaṁ nyasedguruḥ .. tenārghyapātratoyena prokṣayedyāgamaṇḍapam

अर्घ्य-पात्र में गन्ध आदि के साथ गुरु मन्त्र-समूह का न्यास करे। उस अर्घ्य-पात्र के जल से यज्ञ-मण्डप को सींचे।

श्लोक 29 (garuda.1.48.29)

प्रतिष्ठा यस्य देवस्य तदाख्यं कलशं न्यसेत् ।। ऐशान्यां पूजयेद्याम्ये अस्त्रेणैव च वर्द्धनीम्

pratiṣṭhā yasya devasya tadākhyaṁ kalaśaṁ nyaset .. aiśānyāṁ pūjayedyāmye astreṇaiva ca varddhanīm

जिस देवता की प्रतिष्ठा हो, उसी नाम का कलश स्थापित करे। ईशान में पूजा करे, दक्षिण में अस्त्र-मन्त्र से ही वर्धनी (जल-पात्र) की।

श्लोक 30 (garuda.1.48.30)

कलशं वर्द्धनीं चैव ग्रहान्वास्तोष्पतिं तथा ।। आसने तानि सर्वाणि प्रणवाख्यं जपेद्गुरुः

kalaśaṁ varddhanīṁ caiva grahānvāstoṣpatiṁ tathā .. āsane tāni sarvāṇi praṇavākhyaṁ japedguruḥ

कलश, वर्धनी, ग्रह और वास्तु के स्वामी — इन सबका, अपने-अपने आसन पर, गुरु प्रणव नामक (मन्त्र) का जप करे।

श्लोक 31 (garuda.1.48.31)

सूत्रग्रीवं रत्नगर्भं वस्त्रयुग्मेन वेष्टितम् ।। सर्वौषधीगन्धलिप्तं पूजयेत्कलशं गुरुः

sūtragrīvaṁ ratnagarbhaṁ vastrayugmena veṣṭitam .. sarvauṣadhīgandhaliptaṁ pūjayetkalaśaṁ guruḥ

धागे से बँधी गर्दन वाले, रत्नों से भरे, वस्त्र-युगल से लिपटे, सब औषधियों और गन्धों से लेपित कलश की गुरु पूजा करे।

श्लोक 32 (garuda.1.48.32)

देवस्तु कलशे पूज्यो वर्द्धन्या वस्त्रमुत्तमम् ।। वर्द्धन्या तु समायुक्तं कलशं भ्रामयेदनु

devastu kalaśe pūjyo varddhanyā vastramuttamam .. varddhanyā tu samāyuktaṁ kalaśaṁ bhrāmayedanu

कलश में देवता की पूजा करनी चाहिए; वर्धनी के साथ उत्तम वस्त्र (चढ़ाना चाहिए)। वर्धनी से युक्त कलश को फिर घुमाना चाहिए।

श्लोक 33 (garuda.1.48.33)

वर्द्धनीधारया सिञ्चन्नग्रतो धारयेत्ततः ।। अभ्यर्च्य वर्द्धनीकुम्भं स्थण्डिले देवमर्चयेत्

varddhanīdhārayā siñcannagrato dhārayettataḥ .. abhyarcya varddhanīkumbhaṁ sthaṇḍile devamarcayet

वर्धनी की धारा से सींचते हुए फिर उसे आगे रखे। वर्धनी-कलश की पूजा करके स्थण्डिल (भूमि-वेदी) पर देवता की पूजा करे।

श्लोक 34 (garuda.1.48.34)

घटं चावाह्य वायव्यां गणानां त्वेति सद्गणम् ।। देवमीशानकोणे तु जपेद्वास्तोष्पतिं बुधः

ghaṭaṁ cāvāhya vāyavyāṁ gaṇānāṁ tveti sadgaṇam .. devamīśānakoṇe tu japedvāstoṣpatiṁ budhaḥ

घट को आवाहित करके वायव्य में, 'गणानां त्वा' मन्त्र से गणों सहित सद्गण (देवता) की; ईशान कोण में देवता के प्रति गुरु 'वास्तोष्पति' का जप करे।

श्लोक 35 (garuda.1.48.35)

वास्तोष्पतीति मन्त्रेण वास्तुदोषोपशान्तये ।। कुम्भस्य पूर्वतो भूतं गणदेवं बलिं हरेत्

vāstoṣpatīti mantreṇa vāstudoṣopaśāntaye .. kumbhasya pūrvato bhūtaṁ gaṇadevaṁ baliṁ haret

'वास्तोष्पते' मन्त्र से वास्तु-दोष की शान्ति के लिए, कलश के पूर्व में भूत-गण देवता को बलि अर्पित करे।

श्लोक 36 (garuda.1.48.36)

पठेदिति च विद्याश्च कुर्य्यादालम्भनं बुधः ।। योगेयोगेति मन्त्रेणास्तरणं शाद्वलैः कुशैः

paṭhediti ca vidyāśca kuryyādālambhanaṁ budhaḥ .. yogeyogeti mantreṇāstaraṇaṁ śādvalaiḥ kuśaiḥ

उसे पढ़कर विद्याओं का भी पाठ करके, बुद्धिमान स्पर्श-कर्म (आलम्भन) करे। 'योगे योगे' मन्त्र से घास और कुश से बिछावन बनाए,

श्लोक 37 (garuda.1.48.37)

ऋत्विग्भिः सार्द्धमाचार्यः स्नानपीठे गुरुस्तदा ।। विविधैर्ब्रह्मघोषैश्च पुण्याहजयमङ्गलैः

ṛtvigbhiḥ sārddhamācāryaḥ snānapīṭhe gurustadā .. vividhairbrahmaghoṣaiśca puṇyāhajayamaṅgalaiḥ

फिर ऋत्विजों सहित आचार्य, गुरु, स्नान-पीठ की ओर विविध वैदिक घोषों — पुण्याह, जय और मंगल — के साथ,

श्लोक 38 (garuda.1.48.38)

कृत्वा ब्रह्मरथे देवं प्रतिष्ठन्ति ततो द्विजाः ।। ऐशान्यामानयेत्पीठमण्डपे विन्यसेद्गुरुः

kṛtvā brahmarathe devaṁ pratiṣṭhanti tato dvijāḥ .. aiśānyāmānayetpīṭhamaṇḍape vinyasedguruḥ

देवता को ब्रह्म-रथ पर बिठाकर द्विजगण प्रतिष्ठा की शोभा-यात्रा करते हैं। ईशान में लाकर मण्डप के भीतर पीठ पर गुरु उसे स्थापित करे।

श्लोक 39 (garuda.1.48.39)

भद्रंकर्णेत्यथ स्नात्वा सूत्रवल्कलजेन तु ।। संस्नाप्य लक्षणोद्धारं कुर्य्यात्तूर्यादि (दूराभि) वादनैः

bhadraṁkarṇetyatha snātvā sūtravalkalajena tu .. saṁsnāpya lakṣaṇoddhāraṁ kuryyāttūryādi (dūrābhi) vādanaiḥ

'भद्रं कर्णेभिः' (मन्त्र) पढ़कर, वल्कल के धागे से स्नान कराकर, भली-भाँति स्नान कराकर, तूर्य आदि वाद्यों के साथ मूर्ति के लक्षणों को उभारना चाहिए,

श्लोक 40 (garuda.1.48.40)

मधुसर्पिः समायुक्तं कांस्ये वा ताम्रभाजने ।। अक्षिणी चांजयेच्चास्य सुवर्णस्य शलाकया

madhusarpiḥ samāyuktaṁ kāṁsye vā tāmrabhājane .. akṣiṇī cāṁjayeccāsya suvarṇasya śalākayā

मधु और घी से युक्त, काँसे या ताँबे के पात्र में; उसके दोनों नेत्रों को सोने की शलाका से अंजित करना चाहिए।

श्लोक 41 (garuda.1.48.41)

अग्निर्ज्योतीति मन्त्रेण नेत्रोद्वाटं तु कारयेत् ।। लक्षणे क्रियमाणे तु नामैकं स्थापको व(द) देत्

agnirjyotīti mantreṇa netrodvāṭaṁ tu kārayet .. lakṣaṇe kriyamāṇe tu nāmaikaṁ sthāpako va(da) det

'अग्निर्ज्योतिः' मन्त्र से नेत्र खोलने का कार्य करना चाहिए। लक्षण उभारते समय स्थापक एक नाम बोले।

श्लोक 42 (garuda.1.48.42)

इमम्मेगङ्गेमन्त्रेण नेत्रयोः शीतलक्रिया ।। अग्निर्मूर्द्धेति मन्त्रेण दद्याद्वल्मी कमृत्तिकाम्

imammegaṅgemantreṇa netrayoḥ śītalakriyā .. agnirmūrddheti mantreṇa dadyādvalmī kamṛttikām

'इमं मे गंगे' मन्त्र से नेत्रों को शीतल करने की क्रिया करनी चाहिए। 'अग्निर्मूर्द्धा' मन्त्र से दीमक की मिट्टी अर्पित करनी चाहिए,

श्लोक 43 (garuda.1.48.43)

बिल्वोदुम्बरमश्वत्थं वटं पालाशमेव च ।। यज्ञायज्ञेति मन्त्रेण दद्यात्पञ्चकषायकम्

bilvodumbaramaśvatthaṁ vaṭaṁ pālāśameva ca .. yajñāyajñeti mantreṇa dadyātpañcakaṣāyakam

बिल्व, उदुम्बर, अश्वत्थ, बरगद और पलाश (की छाल) — 'यज्ञायज्ञ' मन्त्र से पाँच कषाय (छालें) अर्पित करनी चाहिए।

श्लोक 44 (garuda.1.48.44)

पञ्चगव्यं स्नापयेच्च सहदेव्यादि भिस्ततः ।। सहदेवी बला चैव शतमूली शतावरी

pañcagavyaṁ snāpayecca sahadevyādi bhistataḥ .. sahadevī balā caiva śatamūlī śatāvarī

फिर पंचगव्य से स्नान कराना चाहिए, और उसके बाद सहदेवी आदि (औषधियों) से — सहदेवी, बला, शतमूली, शतावरी,

श्लोक 45 (garuda.1.48.45)

कुमारी च गुडूची च सिंही व्याघ्री तथैव च ।। या ओषधीति मन्त्रेण स्नानमोषधिमज्जलैः

kumārī ca guḍūcī ca siṁhī vyāghrī tathaiva ca .. yā oṣadhīti mantreṇa snānamoṣadhimajjalaiḥ

कुमारी, गुडूची, सिंही और व्याघ्री भी — 'या ओषधीः' मन्त्र से जल में औषधियाँ मिलाकर स्नान कराना चाहिए।

श्लोक 46 (garuda.1.48.46)

याः फलिनीति मन्त्रेण फलस्नानं विधीयते ।। द्रुपदादिवेति मन्त्रेण कार्य्यमुद्वर्त्तनं बुधैः

yāḥ phalinīti mantreṇa phalasnānaṁ vidhīyate .. drupadādiveti mantreṇa kāryyamudvarttanaṁ budhaiḥ

'याः फलिनीः' मन्त्र से फलों से स्नान कराना विहित है। 'द्रुपदादिव' मन्त्र से बुद्धिमानों को उद्वर्तन (उबटन) करना चाहिए।

श्लोक 47 (garuda.1.48.47)

कलशेषु च विन्यस्य उत्तरादिष्वनुक्रमात् ।। रत्नानि चैव धान्यानि औषधीं शतपुष्पिकाम्

kalaśeṣu ca vinyasya uttarādiṣvanukramāt .. ratnāni caiva dhānyāni auṣadhīṁ śatapuṣpikām

उत्तर आदि दिशाओं में क्रमशः रखे गए कलशों में रत्न, धान्य, औषधि और शतपुष्पिका (सौंफ) डालकर,

श्लोक 48 (garuda.1.48.48)

समुद्रांश्चैव विन्यस्य चतुरश्चतुरो दिशः ।। क्षीरं दधि क्षीरोदस्य घृतोदस्येति वा पुनः

samudrāṁścaiva vinyasya caturaścaturo diśaḥ .. kṣīraṁ dadhi kṣīrodasya ghṛtodasyeti vā punaḥ

और चारों समुद्रों को चारों दिशाओं में स्थापित करके — दूध, दही, क्षीर-सागर अथवा घृत-सागर के (जल से),

श्लोक 49 (garuda.1.48.49)

आप्यायस्व दधिक्राव्णो याऔषधीरितीति च ।। तेजोऽसीति च मन्त्रैश्च कुम्भं चैवाभिमन्त्रयेत्

āpyāyasva dadhikrāvṇo yāauṣadhīritīti ca .. tejo'sīti ca mantraiśca kumbhaṁ caivābhimantrayet

'आप्यायस्व', 'दधिक्राव्णः', 'या ओषधीः' और 'तेजोऽसि' मन्त्रों से कलश को भी अभिमन्त्रित करना चाहिए।

श्लोक 50 (garuda.1.48.50)

समुद्राख्यैश्चतुर्भिश्च स्नापयेत्कलशैः पुनः ।। स्नातश्चैव सुवेषश्च धूपो देयश्च गुग्गुलुः

samudrākhyaiścaturbhiśca snāpayetkalaśaiḥ punaḥ .. snātaścaiva suveṣaśca dhūpo deyaśca gugguluḥ

समुद्र नामक चारों कलशों से फिर स्नान कराना चाहिए। स्नान और सुसज्जा के बाद गुग्गुल का धूप देना चाहिए।

श्लोक 51 (garuda.1.48.51)

अभिषेकाय कुम्भेषु तत्तत्तीर्थानि विन्यसेत् ।। पृथिव्यां यानि तीर्थानि सरितः सागरास्तथा

abhiṣekāya kumbheṣu tattattīrthāni vinyaset .. pṛthivyāṁ yāni tīrthāni saritaḥ sāgarāstathā

अभिषेक के लिए कलशों में विभिन्न तीर्थों के जल रखने चाहिए — पृथ्वी पर जितने तीर्थ, नदियाँ और समुद्र हैं (उन सबके)।

श्लोक 52 (garuda.1.48.52)

याओषधीति मन्त्रेण कुम्भं चैवाभिमन्त्रयेत् ।। तेन तोयेन यः स्नायात्स मुच्येत्सर्वपातकैः

yāoṣadhīti mantreṇa kumbhaṁ caivābhimantrayet .. tena toyena yaḥ snāyātsa mucyetsarvapātakaiḥ

'या ओषधीः' मन्त्र से कलश को भी अभिमन्त्रित करना चाहिए। जो उस जल से स्नान करता है, वह सब पापों से मुक्त हो जाता है।

श्लोक 53 (garuda.1.48.53)

अभिषिच्य समुद्रैश्च त्वर्घ्यं दद्यात्ततः पुनः ।। गन्धद्वारेति गन्धं च न्यासं वै वेदमन्त्रकैः

abhiṣicya samudraiśca tvarghyaṁ dadyāttataḥ punaḥ .. gandhadvāreti gandhaṁ ca nyāsaṁ vai vedamantrakaiḥ

समुद्र-जल से अभिषेक करके फिर अर्घ्य देना चाहिए। 'गन्धद्वारा' मन्त्र से गन्ध का, और वेद-मन्त्रों से न्यास,

श्लोक 54 (garuda.1.48.54)

स्वशास्त्रविहितैः प्राप्तैर्युवंवस्त्रेति वस्त्रकम् ।। कविहाविति मन्त्रेण आनयेन्मण्डपं शुभम्

svaśāstravihitaiḥ prāptairyuvaṁvastreti vastrakam .. kavihāviti mantreṇa ānayenmaṇḍapaṁ śubham

अपने शास्त्र में विहित प्राप्त मन्त्रों से; 'युवं वस्त्रा' मन्त्र से वस्त्र; 'कविहा वि' मन्त्र से शुभ मण्डप में लाना चाहिए।

श्लोक 55 (garuda.1.48.55)

शम्भवायेति मन्त्रेण शय्यायां विनिवेशयेत् ।। विश्वतश्चक्षुर्मन्त्रेण कुर्य्यात्सकलनिष्कलम्

śambhavāyeti mantreṇa śayyāyāṁ viniveśayet .. viśvataścakṣurmantreṇa kuryyātsakalaniṣkalam

'शम्भवाय' मन्त्र से शय्या पर स्थापित करना चाहिए। 'विश्वतश्चक्षुः' मन्त्र से सकल और निष्कल (रूप) का भेद करना चाहिए।

श्लोक 56 (garuda.1.48.56)

स्थित्वा चैव परे तत्त्वे मन्त्रन्यासं तु कारयेत् ।। स्वशास्त्रविहितो मन्त्रो न्यासस्तस्मिंस्तथोदितः

sthitvā caiva pare tattve mantranyāsaṁ tu kārayet .. svaśāstravihito mantro nyāsastasmiṁstathoditaḥ

उस परम तत्त्व में स्थित होकर ही मन्त्र-न्यास करना चाहिए। अपने शास्त्र में विहित मन्त्र ही उस न्यास के लिए कहा गया है।

श्लोक 57 (garuda.1.48.57)

वस्त्रेणाच्छादयित्वा तु पूजनीयः स्वभावतः ।। यथाशास्त्रं निवेद्यानि पादमूले तु दापयेत्

vastreṇācchādayitvā tu pūjanīyaḥ svabhāvataḥ .. yathāśāstraṁ nivedyāni pādamūle tu dāpayet

वस्त्र से ढककर वह स्वभावतः ही पूजनीय हो जाता है। शास्त्र के अनुसार नैवेद्य उसके चरणों में अर्पित करने चाहिए।

श्लोक 58 (garuda.1.48.58)

अथ प्रणवसंयुक्तं वस्त्रयुग्मेन वेष्टितम् ।। कलशं सहिरण्यं च शिरः स्थाने निवेदयेत्

atha praṇavasaṁyuktaṁ vastrayugmena veṣṭitam .. kalaśaṁ sahiraṇyaṁ ca śiraḥ sthāne nivedayet

फिर प्रणव से युक्त, वस्त्र-युगल में लिपटा, सोने सहित कलश शिर वाले स्थान पर अर्पित करना चाहिए।

श्लोक 59 (garuda.1.48.59)

स्थित्वा कुण्डसमीपेऽथ अग्नेः स्थापनमाचरेत् ।। स्वशास्त्रविहितैर्मन्त्रैर्वेदोक्तैर्वाथ वा गुरुः

sthitvā kuṇḍasamīpe'tha agneḥ sthāpanamācaret .. svaśāstravihitairmantrairvedoktairvātha vā guruḥ

कुण्ड के निकट स्थित होकर तब अग्नि की स्थापना करनी चाहिए — गुरु को अपने शास्त्र में विहित मन्त्रों से, अथवा वेदोक्त मन्त्रों से।

श्लोक 60 (garuda.1.48.60)

श्रीसूक्तं पावमान्यं च वासदाम्यसवाजिनम् ।। वृषाकपिं च मित्रं बह्वचः पूर्वतो जपेत्

śrīsūktaṁ pāvamānyaṁ ca vāsadāmyasavājinam .. vṛṣākapiṁ ca mitraṁ bahvacaḥ pūrvato japet

श्री-सूक्त, पवमानी-सूक्त, 'वासदाम्यसवाजिनम्', वृषाकपि और मित्र — इन बहुत ऋचाओं का पूर्व दिशा में जप करे।

श्लोक 61 (garuda.1.48.61)

रुद्रं पुरुषसूक्तं च श्लोकाध्यायं च शुक्रियम् ।। ब्रह्माणं पितृमैत्रं च अध्वर्य्युर्दक्षिणे जपेत्

rudraṁ puruṣasūktaṁ ca ślokādhyāyaṁ ca śukriyam .. brahmāṇaṁ pitṛmaitraṁ ca adhvaryyurdakṣiṇe japet

रुद्र, पुरुष-सूक्त, और शुक्रिय श्लोक-अध्याय — ब्रह्माण और पितृ-मैत्र — इन्हें अध्वर्यु दक्षिण दिशा में जपे।

श्लोक 62 (garuda.1.48.62)

वेदव्रतं वामदेव्यं ज्येष्ठसाम रथन्तरम् ।। भेरुण्डानि च सामानि छन्दोगः पश्चिमे जपेत्

vedavrataṁ vāmadevyaṁ jyeṣṭhasāma rathantaram .. bheruṇḍāni ca sāmāni chandogaḥ paścime japet

वेदव्रत, वामदेव्य, ज्येष्ठ-साम, रथन्तर, और भेरुण्ड-साम — इन्हें छन्दोग (सामवेदी) पश्चिम दिशा में जपे।

श्लोक 63 (garuda.1.48.63)

अथर्वशिरसं चैव कुम्भसूक्तमथर्वणः ।। नीलरुद्रांश्च मैत्रं च अथर्वश्चोत्तरे जपेत्

atharvaśirasaṁ caiva kumbhasūktamatharvaṇaḥ .. nīlarudrāṁśca maitraṁ ca atharvaścottare japet

अथर्वशिरस्, अथर्वण का कुम्भ-सूक्त, नीलरुद्र और मैत्र — इन्हें अथर्वण-पुरोहित उत्तर दिशा में जपे।

श्लोक 64 (garuda.1.48.64)

कुण्डं चास्त्रेण संप्रोक्ष्य आचार्य्यस्तु विशेषतः ।। ताम्रपात्रे शरावे वा यथाविभवतोऽपि वा

kuṇḍaṁ cāstreṇa saṁprokṣya ācāryyastu viśeṣataḥ .. tāmrapātre śarāve vā yathāvibhavato'pi vā

कुण्ड को अस्त्र-मन्त्र से सींचकर आचार्य विशेष रूप से — ताँबे के पात्र में या मिट्टी के दोने में, अथवा अपनी सामर्थ्य के अनुसार,

श्लोक 65 (garuda.1.48.65)

जातवेदसमानीय अग्रतस्तं निवेशयेत् ।। अस्त्रेण ज्वालयेद्वह्निं कवचेन तु वेष्टयेत्

jātavedasamānīya agratastaṁ niveśayet .. astreṇa jvālayedvahniṁ kavacena tu veṣṭayet

जातवेदस् (अग्नि) को लाकर उसके आगे स्थापित करे। अस्त्र-मन्त्र से अग्नि प्रज्वलित करे और कवच-मन्त्र से उसे घेरे।

श्लोक 66 (garuda.1.48.66)

अमृतीकृत्य तं पश्चान्मन्त्रैः सर्वैश्च देशिकः ।। पात्रं गृह्य कराभ्यां च कुण्डं भ्राम्य ततः पुनः

amṛtīkṛtya taṁ paścānmantraiḥ sarvaiśca deśikaḥ .. pātraṁ gṛhya karābhyāṁ ca kuṇḍaṁ bhrāmya tataḥ punaḥ

इस प्रकार उसे अमृतमय बनाकर, आचार्य सब मन्त्रों से पात्र को दोनों हाथों में लेकर फिर कुण्ड का प्रदक्षिण करे,

श्लोक 67 (garuda.1.48.67)

वैष्णवेन तु योगेन परं तेजस्तु निः क्षिपेत् ।। दक्षिणे स्थापयेद्ब्रह्म प्रणीताञ्चोत्तरेण तु

vaiṣṇavena tu yogena paraṁ tejastu niḥ kṣipet .. dakṣiṇe sthāpayedbrahma praṇītāñcottareṇa tu

और वैष्णव योग (विष्णु के योग-सामर्थ्य) से उसमें परम तेज छोड़े। ब्रह्म (पुरोहित) को दक्षिण में और प्रणीता (जल-पात्र) को उत्तर में स्थापित करे,

श्लोक 68 (garuda.1.48.68)

साधारणेन मन्त्रेण स्वसूत्रविहितेन वा ।। दिक्षुदिक्षु ततो दद्यात्परिधीं विष्टरैः सह

sādhāraṇena mantreṇa svasūtravihitena vā .. dikṣudikṣu tato dadyātparidhīṁ viṣṭaraiḥ saha

साधारण मन्त्र से, अथवा अपनी शाखा में विहित मन्त्र से। फिर प्रत्येक दिशा में परिधियों को आसनों सहित रखे।

श्लोक 69 (garuda.1.48.69)

ब्रह्मविष्णुहरेशानाः पूज्याः साधारणेन तु ।। दर्भेषु स्थापयेद्वह्निं दर्भैश्च परिवेष्टितम्

brahmaviṣṇuhareśānāḥ pūjyāḥ sādhāraṇena tu .. darbheṣu sthāpayedvahniṁ darbhaiśca pariveṣṭitam

ब्रह्मा, विष्णु, हर और ईशान — इन्हें साधारण मन्त्र से पूजना चाहिए। कुश पर अग्नि को स्थापित करके कुश से ही घेरना चाहिए।

श्लोक 70 (garuda.1.48.70)

दर्भतोयेन संस्पृष्टो मन्त्रहीनोऽपि शुध्यति ।। प्रागग्रैरुदगग्रैश्च प्रत्यगग्रैरखण्डितैः

darbhatoyena saṁspṛṣṭo mantrahīno'pi śudhyati .. prāgagrairudagagraiśca pratyagagrairakhaṇḍitaiḥ

कुश के जल से स्पर्श किया हुआ मन्त्रहीन (व्यक्ति) भी शुद्ध हो जाता है। पूर्वाग्र, उत्तराग्र और पश्चिमाग्र, अखण्डित,

श्लोक 71 (garuda.1.48.71)

विततैर्वेष्टितो वह्निः स्वयं सान्निध्यमाव्रजेत् ।। अग्नेस्तु रक्षणार्थाय यदुक्तं कर्ममन्त्रवित्

vitatairveṣṭito vahniḥ svayaṁ sānnidhyamāvrajet .. agnestu rakṣaṇārthāya yaduktaṁ karmamantravit

फैलाकर घेरी गई अग्नि स्वयं ही सान्निध्य को प्राप्त हो जाती है। अग्नि की रक्षा के लिए जो कर्म-मन्त्र कहा गया है, उसे मन्त्रवेत्ता (करे) —

श्लोक 72 (garuda.1.48.72)

आचार्य्याः केचिदिच्छन्ति जातकर्माद्यनन्तरम् ।। पवित्रं तु ततः कृत्वा कुर्य्यादाज्यस्य संस्कृतिम्

ācāryyāḥ kecidicchanti jātakarmādyanantaram .. pavitraṁ tu tataḥ kṛtvā kuryyādājyasya saṁskṛtim

कुछ आचार्य इसे जातकर्म आदि के तुरन्त बाद करना उचित मानते हैं। फिर पवित्र (शुद्धीकरण) करके घी का संस्कार करना चाहिए।

श्लोक 73 (garuda.1.48.73)

आचार्य्योऽथ निरीक्ष्यापि नीराज्यमभिमन्त्रितम् ।। आज्यभागाभिघारान्तमवेक्षेताज्यसिद्धये

ācāryyo'tha nirīkṣyāpi nīrājyamabhimantritam .. ājyabhāgābhighārāntamavekṣetājyasiddhaye

आचार्य अभिमन्त्रित नीराज्य (आरती-दीप) को भी देखकर, घी की सिद्धि के लिए आज्य-भाग से लेकर अभिघार तक (के क्रम को) देखे।

श्लोक 74 (garuda.1.48.74)

पञ्चपञ्चाहुतीर्हुत्वा आज्येन तदनन्तरम् ।। गर्भाधानादितस्तावद्यावद्गोदानिकं भवेत्

pañcapañcāhutīrhutvā ājyena tadanantaram .. garbhādhānāditastāvadyāvadgodānikaṁ bhavet

उसके बाद घी से पाँच-पाँच आहुतियाँ देकर, गर्भाधान से लेकर गोदान-संस्कार तक (के मन्त्रों से),

श्लोक 75 (garuda.1.48.75)

स्वशास्त्रविहितैर्मन्त्रैः प्रणवेनाथ होमयेत् ।। ततः पूर्णाहुतिं दत्त्वा पूर्णात्पूर्णमनारेथः

svaśāstravihitairmantraiḥ praṇavenātha homayet .. tataḥ pūrṇāhutiṁ dattvā pūrṇātpūrṇamanārethaḥ

अपने शास्त्र में विहित मन्त्रों से, अथवा प्रणव से, होम करना चाहिए। फिर पूर्णाहुति देकर, पूर्ण से पूर्ण की निरन्तरता में,

श्लोक 76 (garuda.1.48.76)

एवमुत्पादितो वह्निः सर्वकर्मसु सिद्धिदः ।। पूजयित्वा ततो वह्निं कुण्डेषु विहरेत्तथा

evamutpādito vahniḥ sarvakarmasu siddhidaḥ .. pūjayitvā tato vahniṁ kuṇḍeṣu viharettathā

इस प्रकार उत्पन्न की गई अग्नि सब कर्मों में सिद्धि देने वाली होती है। अग्नि की पूजा करके फिर उसे (अन्य) कुण्डों में बाँटना चाहिए,

श्लोक 77 (garuda.1.48.77)

इन्द्रादीनां स्वमन्त्रैश्च तथाहुतिशतं शतम् ।। पुर्णाहुतिं शतस्यान्ते सर्वेषां चैव होमयेत्

indrādīnāṁ svamantraiśca tathāhutiśataṁ śatam .. purṇāhutiṁ śatasyānte sarveṣāṁ caiva homayet

इन्द्र आदि (दिक्पालों) को उनके अपने मन्त्रों से सौ-सौ आहुतियाँ देकर। सौ के अन्त में सबके लिए पूर्णाहुति देनी चाहिए।

श्लोक 78 (garuda.1.48.78)

स्वामाहुतिमथाज्येषु होता तत्कलशे न्यसेत् ।। देवताश्चैव मन्त्रांश्च तथैव जातवेदसम्

svāmāhutimathājyeṣu hotā tatkalaśe nyaset .. devatāścaiva mantrāṁśca tathaiva jātavedasam

फिर होता अपनी आहुति घी की आहुतियों में, उसी कलश में रखे — देवताओं, मन्त्रों और जातवेदस् (अग्नि) को भी,

श्लोक 79 (garuda.1.48.79)

आत्मानमेकतः कृत्वा ततः पूर्णां प्रदापयेत् ।। निष्कृष्य बहिराचार्य्यो दिक्पालानां बलिं हरेत्

ātmānamekataḥ kṛtvā tataḥ pūrṇāṁ pradāpayet .. niṣkṛṣya bahirācāryyo dikpālānāṁ baliṁ haret

अपने आपको एक करके फिर पूर्णाहुति अर्पित करे। बाहर निकलकर आचार्य दिक्पालों को बलि अर्पित करे,

श्लोक 80 (garuda.1.48.80)

भूतानां चैव देवानां नागानां च प्रयोगतः ।। तिलाश्च समिधश्चैव होमद्रव्यं द्वयं स्मृतम्

bhūtānāṁ caiva devānāṁ nāgānāṁ ca prayogataḥ .. tilāśca samidhaścaiva homadravyaṁ dvayaṁ smṛtam

और उपयुक्त क्रम से भूतों, देवताओं और नागों को भी। तिल और समिधा — ये दो होम की सामग्री कही गई हैं।

श्लोक 81 (garuda.1.48.81)

आज्यं तयोः सहकारि तत्प्रधानं यदङ्क(क्ष)योः ।। पुरुषसुक्तं पूर्वेणैव रुद्रचैव तु दक्षिणे

ājyaṁ tayoḥ sahakāri tatpradhānaṁ yadaṅka(kṣa)yoḥ .. puruṣasuktaṁ pūrveṇaiva rudracaiva tu dakṣiṇe

घी दोनों का सहायक है, वही दोनों में मुख्य होता है। पुरुष-सूक्त पूर्व दिशा में ही, और रुद्र दक्षिण में;

श्लोक 82 (garuda.1.48.82)

ज्येष्ठसाम च भारुण्डं तन्नयामीति पश्चिमे ।। नीलरुद्रो महामन्त्रः कुम्भसूक्तमथर्वणः

jyeṣṭhasāma ca bhāruṇḍaṁ tannayāmīti paścime .. nīlarudro mahāmantraḥ kumbhasūktamatharvaṇaḥ

ज्येष्ठ-साम और भारुण्ड-साम, 'तन्नयामि' — पश्चिम में; नीलरुद्र महामन्त्र, अथर्वण का कुम्भ-सूक्त (उत्तर में)।

श्लोक 83 (garuda.1.48.83)

हुत्वा सहस्त्रमेकैकं देवं शिरसि कल्पयेत् ।। एवं मध्ये तथा पादे पूर्णाहुत्या तथा पुनः

hutvā sahastramekaikaṁ devaṁ śirasi kalpayet .. evaṁ madhye tathā pāde pūrṇāhutyā tathā punaḥ

एक-एक हजार आहुतियाँ देकर प्रत्येक देवता को शिर पर स्थापित करना चाहिए। इसी प्रकार मध्य में और चरणों में भी, पूर्णाहुति के साथ फिर,

श्लोक 84 (garuda.1.48.84)

शिरः स्थानेषु जुहुयादाविशेच्चाप्यनुक्रमात् ।। वेदानामादिमन्त्रैर्वा मन्त्रैर्वा देवनामभिः

śiraḥ sthāneṣu juhuyādāviśeccāpyanukramāt .. vedānāmādimantrairvā mantrairvā devanāmabhiḥ

शिर वाले स्थानों में होम करके क्रमशः प्रवेश कराना चाहिए — वेदों के आदि-मन्त्रों से, अथवा देवताओं के नाम-मन्त्रों से,

श्लोक 85 (garuda.1.48.85)

स्वशास्त्रविहितैर्वापि गायत्त्र्या वाथ ते द्विजाः ।। गायत्त्र्या वाथवाचार्य्यो व्याहृतिप्रणवेन तु

svaśāstravihitairvāpi gāyattryā vātha te dvijāḥ .. gāyattryā vāthavācāryyo vyāhṛtipraṇavena tu

अथवा अपने शास्त्र में विहित मन्त्रों से, अथवा गायत्री से — इस प्रकार वे द्विजगण (करें)। गायत्री से, अथवा व्याहृति और प्रणव से आचार्य (करे)।

श्लोक 86 (garuda.1.48.86)

एवं होमविधिं कृत्वा न्यसेन्मन्त्रांस्तु देशिकः ।। चरणावग्निमीळे तु इषेत्वो गुल्फयोः स्थिताः

evaṁ homavidhiṁ kṛtvā nyasenmantrāṁstu deśikaḥ .. caraṇāvagnimīḷe tu iṣetvo gulphayoḥ sthitāḥ

इस प्रकार होम-विधि करके आचार्य मन्त्रों का न्यास करे — 'अग्निमीळे' दोनों चरणों पर, 'इषे त्वा' दोनों टखनों पर;

श्लोक 87 (garuda.1.48.87)

अग्न आयाहि जङ्घे द्वे शन्नोदेवीति जानुनी ।। बृहद्रथन्तरे ऊरू उदरेष्वातिलो (स्वातिनो) न्यसेत्

agna āyāhi jaṅghe dve śannodevīti jānunī .. bṛhadrathantare ūrū udareṣvātilo (svātino) nyaset

'अग्न आयाहि' दोनों पिंडलियों पर, 'शन्नो देवी' दोनों घुटनों पर; बृहत् और रथन्तर दोनों जाँघों पर, उदर में 'आ त्वा' का न्यास करे।

श्लोक 88 (garuda.1.48.88)

दीर्घायुष्ट्वाय हृदये श्रीश्चते गलके न्यसेत् ।। त्रातारमिन्द्रमुरसि नेत्राभ्यां तु त्रियम्बकम्

dīrghāyuṣṭvāya hṛdaye śrīścate galake nyaset .. trātāramindramurasi netrābhyāṁ tu triyambakam

'दीर्घायुष्ट्वाय' हृदय पर, 'श्रीश्च ते' कण्ठ पर; 'त्रातारमिन्द्रम्' वक्ष पर, और दोनों नेत्रों पर 'त्र्यम्बकम्';

श्लोक 89 (garuda.1.48.89)

मूर्द्धाभव तथा मूर्ध्नि आलग्नाद्धोममाचरेत् ।। उत्था पयेत्ततो देवमुत्तिष्ठब्रह्मणस्पते !

mūrddhābhava tathā mūrdhni ālagnāddhomamācaret .. utthā payettato devamuttiṣṭhabrahmaṇaspate !

उसी प्रकार 'मूर्धा भव' शिर पर — इस प्रकार हर स्थान पर होम करना चाहिए। फिर देवता को जगाना चाहिए — 'उत्तिष्ठ ब्रह्मणस्पते' (कहकर)।

श्लोक 90 (garuda.1.48.90)

वेदपुण्याहशब्देन प्रासादानां प्रदक्षिणम् ।। पिण्डिकालंभनं कृत्वा देवस्यत्वेति मन्त्रवित्

vedapuṇyāhaśabdena prāsādānāṁ pradakṣiṇam .. piṇḍikālaṁbhanaṁ kṛtvā devasyatveti mantravit

वैदिक पुण्याह-शब्द के साथ मन्दिरों की प्रदक्षिणा करनी चाहिए। पिण्डिका (आधार-वेदी) का स्पर्श करके, मन्त्रवेत्ता 'देवस्य त्वा' (कहे)।

श्लोक 91 (garuda.1.48.91)

दिक्पालान्सह रत्नैश्च धातूनौषधयस्तथा ।। लौहबीजानि सिद्धानि पश्चाद्देवं तु विन्यसेत्

dikpālānsaha ratnaiśca dhātūnauṣadhayastathā .. lauhabījāni siddhāni paścāddevaṁ tu vinyaset

दिक्पालों को रत्नों सहित, धातुओं और औषधियों को, तथा सिद्ध धातु-बीजों को रखकर, इसके बाद देवता को स्थापित करना चाहिए।

श्लोक 92 (garuda.1.48.92)

न गर्भे स्थापयेद्देवं न गर्भं तु परित्यजेत् ।। ईषन्मध्यं परित्यज्य ततो दोषापहं तु तत्

na garbhe sthāpayeddevaṁ na garbhaṁ tu parityajet .. īṣanmadhyaṁ parityajya tato doṣāpahaṁ tu tat

देवता को गर्भ में अत्यधिक भीतर नहीं स्थापित करना चाहिए, न ही गर्भ को छोड़ देना चाहिए; मध्य में कुछ स्थान छोड़ देना ही दोष-नाशक होता है।

श्लोक 93 (garuda.1.48.93)

तिलस्य तुषमात्रं तु उत्तरं किञ्चिदानयेत् ।। ॐ स्थिरो भव शिवो भव प्रजाभ्यश्च नमोनमः

tilasya tuṣamātraṁ tu uttaraṁ kiñcidānayet .. oṁ sthiro bhava śivo bhava prajābhyaśca namonamaḥ

तिल के छिलके जितना (स्थान) कुछ उत्तर की ओर छोड़ना चाहिए। 'ॐ स्थिरो भव, शिवो भव, प्रजाओं को नमस्कार, नमस्कार' —

श्लोक 94 (garuda.1.48.94)

देवस्य त्वा सवितुर्वः षड्भ्यो वै विन्यसेद्गुरुः ।। तत्त्ववर्णकलामात्रं प्रजानि भुवनात्मजे

devasya tvā saviturvaḥ ṣaḍbhyo vai vinyasedguruḥ .. tattvavarṇakalāmātraṁ prajāni bhuvanātmaje

'देवस्य त्वा सवितुः' — इन छह (मन्त्रों) से गुरु उसे स्थापित करे। तत्त्व, वर्ण और कला का प्रमाण — 'प्रजानि भुवनात्मजे' —

श्लोक 95 (garuda.1.48.95)

षड्भ्यो विन्यस्य सिद्धार्थं ध्रुवार्थैरभिमन्त्रयेत् ।। सम्पातकलशेनैव स्नापयेत्सुप्रतिष्ठितम्

ṣaḍbhyo vinyasya siddhārthaṁ dhruvārthairabhimantrayet .. sampātakalaśenaiva snāpayetsupratiṣṭhitam

इन छह से स्थापित करके, ध्रुव-मन्त्रों से सिद्ध हुए (देवता) को अभिमन्त्रित करे। संपात-कलश (एकत्र जल) से भली-भाँति प्रतिष्ठित (मूर्ति) को स्नान कराए।

श्लोक 96 (garuda.1.48.96)

दीपधूपसुगन्धैश्च नैवेद्यैश्च प्रपूजयेत् ।। अर्घ्यं दत्त्वा नमस्कृत्य ततो देवं क्षमापयेत्

dīpadhūpasugandhaiśca naivedyaiśca prapūjayet .. arghyaṁ dattvā namaskṛtya tato devaṁ kṣamāpayet

दीप, धूप, सुगन्ध और नैवेद्यों से पूजा करे। अर्घ्य देकर और नमस्कार करके फिर देवता से क्षमा-याचना करे।

श्लोक 97 (garuda.1.48.97)

पात्रं वस्त्रयुगं छत्रं तथा दिव्याङ्गुलीयकम् ।। ऋत्त्विग्भ्यश्च प्रदातव्या दक्षिणा चैव शक्तितः

pātraṁ vastrayugaṁ chatraṁ tathā divyāṅgulīyakam .. ṛttvigbhyaśca pradātavyā dakṣiṇā caiva śaktitaḥ

पात्र, वस्त्र-युगल, छत्र, और दिव्य अँगूठी — ये, तथा सामर्थ्य के अनुसार दक्षिणा, ऋत्विजों को देनी चाहिए।

श्लोक 98 (garuda.1.48.98)

चतुर्थी जुहुयात्पश्चाद्यजमानः समाहितः ।। आहुतीनां शतं हुत्वा ततः पूर्णां प्रदापयेत्

caturthī juhuyātpaścādyajamānaḥ samāhitaḥ .. āhutīnāṁ śataṁ hutvā tataḥ pūrṇāṁ pradāpayet

यजमान एकाग्रचित्त होकर फिर चौथी आहुति दे। सौ आहुतियाँ देकर फिर पूर्णाहुति अर्पित करे।

श्लोक 99 (garuda.1.48.99)

निष्क्रम्य बहिराचार्य्यो दिक्पालानां बलिं हरेत् ।। आचार्य्यः पुष्पहस्तस्तु क्षमस्वेति विसर्जयेत्

niṣkramya bahirācāryyo dikpālānāṁ baliṁ haret .. ācāryyaḥ puṣpahastastu kṣamasveti visarjayet

बाहर निकलकर आचार्य दिक्पालों को बलि अर्पित करे। हाथ में पुष्प लेकर आचार्य 'क्षमा करें' कहते हुए विसर्जन करे।

श्लोक 100 (garuda.1.48.100)

यागान्ते कपिलां दद्यादाचार्य्याय च चामरम् ।। मुकुटं कुण्डलं छत्रं केयूरं कटिसूत्रकम्

yāgānte kapilāṁ dadyādācāryyāya ca cāmaram .. mukuṭaṁ kuṇḍalaṁ chatraṁ keyūraṁ kaṭisūtrakam

यज्ञ के अन्त में आचार्य को एक गाय और चँवर देना चाहिए — मुकुट, कुण्डल, छत्र, बाजूबन्द, करधनी,

श्लोक 101 (garuda.1.48.101)

व्यजनं ग्रामवस्त्रादीन्सोपस्कारं सुमण्डपम् ।। भोजनं च महात्कुर्य्यात्कृतकृत्यश्च जायते ।। यजमानो विमुक्तः स्यात्स्थापकस्य प्रसादतः

vyajanaṁ grāmavastrādīnsopaskāraṁ sumaṇḍapam .. bhojanaṁ ca mahātkuryyātkṛtakṛtyaśca jāyate .. yajamāno vimuktaḥ syātsthāpakasya prasādataḥ

पंखा, ग्राम-वस्त्र आदि, उपकरणों सहित सुन्दर मण्डप भी। भव्य भोजन भी कराना चाहिए, और इस प्रकार (यजमान) कृतकृत्य हो जाता है — स्थापक की कृपा से यजमान मुक्त हो जाता है।