गया माहात्म्य (द्वितीय) — तीर्थ-स्थल एवं उनके फल

श्लोक 1 (garuda.1.83.1)

ब्रह्मोवाच । कीकटेषु गया पुण्या पुण्यं राजगृहं वनम् । विषयश्चारणः पुण्यो नदीनां च पुनः पुना

brahmovāca kīkaṭeṣu gayā puṇyā puṇyaṁ rājagṛhaṁ vanam viṣayaścāraṇaḥ puṇyo nadīnāṁ ca punaḥ punā

ब्रह्मा जी ने कहा — कीकट देश में गया पवित्र है, राजगृह वन पवित्र है; चारण प्रदेश पवित्र है, और वहाँ की नदियाँ भी बारम्बार पवित्र हैं।

श्लोक 2 (garuda.1.83.2)

मुण्डपृष्ठं तु पूर्वस्मिन्पश्चिमे दक्षिणोत्तरे । सार्द्धक्रोशद्वयं मानं गयायां परिकीर्त्तितम्

muṇḍapṛṣṭhaṁ tu pūrvasminpaścime dakṣiṇottare sārddhakrośadvayaṁ mānaṁ gayāyāṁ parikīrttitam

मुण्डपृष्ठ पूर्व दिशा में है; पश्चिम, दक्षिण और उत्तर में गया का विस्तार ढाई कोस कहा गया है।

श्लोक 3 (garuda.1.83.3)

पञ्चक्रोशं गयाक्षेत्रं क्रोशमेकं गयाशिरः । तत्र पिण्डप्रदानेन तृप्तिर्भवति शाश्वती

pañcakrośaṁ gayākṣetraṁ krośamekaṁ gayāśiraḥ tatra piṇḍapradānena tṛptirbhavati śāśvatī

गया क्षेत्र पाँच कोस का है, और गयाशिर एक कोस का है; वहाँ पिण्डदान करने से शाश्वत तृप्ति प्राप्त होती है।

श्लोक 4 (garuda.1.83.4)

नगाज्जनार्दनाच्चैव कूपाच्चोत्तरमानसात् । एतद्गयाशिरः प्रोक्तं फल्गुतीर्थं तदुच्यते

nagājjanārdanāccaiva kūpāccottaramānasāt etadgayāśiraḥ proktaṁ phalgutīrthaṁ taducyate

पर्वत से, जनार्दन से, तथा उत्तरमानस कूप से — इतना ही गयाशिर कहा गया है; उसे फल्गुतीर्थ भी कहते हैं।

श्लोक 5 (garuda.1.83.5)

तत्र पिण्डप्रदानेन पितॄणा परमा गतिः । गयागमनमात्रेण पितॄणामनृणो भवेत्

tatra piṇḍapradānena pitṝṇā paramā gatiḥ gayāgamanamātreṇa pitṝṇāmanṛṇo bhavet

वहाँ पिण्डदान करने से पितरों को परम गति प्राप्त होती है; केवल गया जाने मात्र से मनुष्य पितृ-ऋण से मुक्त हो जाता है।

श्लोक 6 (garuda.1.83.6)

गयायां पितृरूपेण देवदेवो जनार्द्दनः । तं दृष्ट्वा पुण्डरीकाक्षं मुच्यते वै ऋणत्रयात्

gayāyāṁ pitṛrūpeṇa devadevo janārddanaḥ taṁ dṛṣṭvā puṇḍarīkākṣaṁ mucyate vai ṛṇatrayāt

गया में देवताओं के देव जनार्दन पितृरूप में विराजते हैं; उन कमलनयन को देखकर मनुष्य तीनों ऋणों से मुक्त हो जाता है।

श्लोक 7 (garuda.1.83.7)

रथमार्गं गयतीर्थे दृष्ट्वा रुद्रपदादिके । कालेश्वरं च केदारं पितॄणामनृणो भवेत्

rathamārgaṁ gayatīrthe dṛṣṭvā rudrapadādike kāleśvaraṁ ca kedāraṁ pitṝṇāmanṛṇo bhavet

गयातीर्थ में रथमार्ग को, रुद्रपद आदि को, तथा कालेश्वर और केदार को देखकर मनुष्य पितृ-ऋण से मुक्त हो जाता है।

श्लोक 8 (garuda.1.83.8)

दृष्ट्वा पितामहं देवं सर्वपापैः प्रमुच्यते । लोकं त्वनामयं याति दृष्ट्वा च प्रपितामहम्

dṛṣṭvā pitāmahaṁ devaṁ sarvapāpaiḥ pramucyate lokaṁ tvanāmayaṁ yāti dṛṣṭvā ca prapitāmaham

पितामह देव को देखकर मनुष्य सब पापों से मुक्त होता है, और प्रपितामह को देखकर वह निरोग लोक को प्राप्त होता है।

श्लोक 9 (garuda.1.83.9)

तथा गदाधरं देवं माधवं पुरुषोत्तमम् । तं प्रणम्य प्रयत्नेन न भूयो जायते नरः

tathā gadādharaṁ devaṁ mādhavaṁ puruṣottamam taṁ praṇamya prayatnena na bhūyo jāyate naraḥ

इसी प्रकार गदाधर देव, माधव और पुरुषोत्तम को प्रयत्नपूर्वक प्रणाम करके मनुष्य पुनः जन्म नहीं लेता।

श्लोक 10 (garuda.1.83.10)

मौनादित्यं महात्मानं कनकार्कं विशेषतः । दृष्ट्वा मौनेन विप्रर्षे पितॄणामनृणो भवेत्

maunādityaṁ mahātmānaṁ kanakārkaṁ viśeṣataḥ dṛṣṭvā maunena viprarṣe pitṝṇāmanṛṇo bhavet

हे विप्रर्षि! महात्मा मौनादित्य को, विशेषतः कनकार्क को मौनपूर्वक देखकर मनुष्य पितृ-ऋण से मुक्त हो जाता है।

श्लोक 11 (garuda.1.83.11)

ब्रह्माणं पूजयित्वा च ब्रह्मलोकमवाप्नुयात् । गायत्त्रीं प्रतरुत्थाय यस्तु पश्यति मानवः

brahmāṇaṁ pūjayitvā ca brahmalokamavāpnuyāt gāyattrīṁ pratarutthāya yastu paśyati mānavaḥ

ब्रह्मा जी की पूजा करके मनुष्य ब्रह्मलोक को प्राप्त करता है। जो मानव प्रातःकाल उठकर गायत्री का दर्शन करता है,

श्लोक 12 (garuda.1.83.12)

सन्ध्यां कृत्वा प्रयत्नेन सर्ववेदफलं लभेत् । सावित्रीं चैव मध्याह्ने दृष्ट्वा यज्ञफलं लभेत्

sandhyāṁ kṛtvā prayatnena sarvavedaphalaṁ labhet sāvitrīṁ caiva madhyāhne dṛṣṭvā yajñaphalaṁ labhet

और प्रयत्नपूर्वक संध्या करके सम्पूर्ण वेदों का फल पाता है; तथा मध्याह्न में सावित्री का दर्शन करके यज्ञ का फल पाता है।

श्लोक 13 (garuda.1.83.13)

सरस्वतीं च सायाह्ने दृष्ट्वा दानफलं लभेत् । नगस्थमीश्वरं दृष्ट्वा पितॄणामनृणो भवेत्

sarasvatīṁ ca sāyāhne dṛṣṭvā dānaphalaṁ labhet nagasthamīśvaraṁ dṛṣṭvā pitṝṇāmanṛṇo bhavet

सायंकाल सरस्वती का दर्शन करके दान का फल पाता है; और पर्वतस्थ ईश्वर को देखकर मनुष्य पितृ-ऋण से मुक्त होता है।

श्लोक 14 (garuda.1.83.14)

धर्मारण्यं धर्ममीशं दृष्ट्वा स्यादृणनाशनम् । देवं गृध्रेश्वरं दृष्ट्वा को न मुच्येत बन्धनात्

dharmāraṇyaṁ dharmamīśaṁ dṛṣṭvā syādṛṇanāśanam devaṁ gṛdhreśvaraṁ dṛṣṭvā ko na mucyeta bandhanāt

धर्मारण्य और धर्मेश को देखकर ऋण का नाश होता है; गृध्रेश्वर देव को देखकर कौन बन्धन से मुक्त न होगा?

श्लोक 15 (garuda.1.83.15)

धेनुं दृष्ट्वा धेनुवने ब्रह्मलोकं नयेत्पितॄन् । प्रभासेशं प्रभासे च दृष्ट्वा याति परां गतिम्

dhenuṁ dṛṣṭvā dhenuvane brahmalokaṁ nayetpitṝn prabhāseśaṁ prabhāse ca dṛṣṭvā yāti parāṁ gatim

धेनुवन में गौ का दर्शन करके मनुष्य अपने पितरों को ब्रह्मलोक ले जाता है; प्रभास में प्रभासेश का दर्शन करके परम गति को प्राप्त होता है।

श्लोक 16 (garuda.1.83.16)

कोटीश्वरं चाश्वमेधं दृष्ट्वा स्यादृणनाशनम् । स्वर्गद्वारेश्वरं दृष्ट्वा मुच्यते भवबन्धनात्

koṭīśvaraṁ cāśvamedhaṁ dṛṣṭvā syādṛṇanāśanam svargadvāreśvaraṁ dṛṣṭvā mucyate bhavabandhanāt

कोटीश्वर और अश्वमेध का दर्शन करके ऋण का नाश होता है; स्वर्गद्वारेश्वर का दर्शन करके मनुष्य संसार-बन्धन से मुक्त होता है।

श्लोक 17 (garuda.1.83.17)

रामेश्वरं गदालोलं दृष्ट्वा स्वर्गमवाप्नुयात् । ब्रह्मेश्वरं तथा दृष्ट्वा मुच्यते ब्रह्महत्यया

rāmeśvaraṁ gadālolaṁ dṛṣṭvā svargamavāpnuyāt brahmeśvaraṁ tathā dṛṣṭvā mucyate brahmahatyayā

रामेश्वर और गदालोल का दर्शन करके मनुष्य स्वर्ग प्राप्त करता है; ब्रह्मेश्वर का दर्शन करके ब्रह्महत्या के पाप से मुक्त होता है।

श्लोक 18 (garuda.1.83.18)

मुण्डपृष्ठे महाचण्डीं दृष्ट्वा कामानवाप्नुयात् । फल्ग्वीशं फल्गुचण्डीं च गौरीं दृष्ट्वा च मङ्गलाम्

muṇḍapṛṣṭhe mahācaṇḍīṁ dṛṣṭvā kāmānavāpnuyāt phalgvīśaṁ phalgucaṇḍīṁ ca gaurīṁ dṛṣṭvā ca maṅgalām

मुण्डपृष्ठ में महाचण्डी का दर्शन करके मनोकामनाएँ पूर्ण होती हैं; फल्ग्वीश, फल्गुचण्डी, गौरी और मंगलमयी देवी का दर्शन करके —

श्लोक 19 (garuda.1.83.19)

गोमकं गोपतिं देवं पितॄणामनृणो भवेत् । अङ्गारेशं च सिद्धेशं गयादित्यं गजं तथा

gomakaṁ gopatiṁ devaṁ pitṝṇāmanṛṇo bhavet aṅgāreśaṁ ca siddheśaṁ gayādityaṁ gajaṁ tathā

गोमक और देव गोपति का दर्शन करके मनुष्य पितृ-ऋण से मुक्त होता है; तथा अंगारेश, सिद्धेश, गयादित्य और गज का दर्शन करके —

श्लोक 20 (garuda.1.83.20)

मार्कण्डेयेश्वरं दृष्ट्वा पितॄणामनृणो भवेत् । फल्गुतीर्थे नरः स्नात्वा दृष्ट्वा देवं गदाधरम्

mārkaṇḍeyeśvaraṁ dṛṣṭvā pitṝṇāmanṛṇo bhavet phalgutīrthe naraḥ snātvā dṛṣṭvā devaṁ gadādharam

मार्कण्डेयेश्वर का दर्शन करके मनुष्य पितृ-ऋण से मुक्त होता है; फल्गुतीर्थ में स्नान करके और गदाधर देव का दर्शन करके —

श्लोक 21 (garuda.1.83.21)

एतेन किं न पर्य्याप्तं नॄणां सुकृतकारिणाम् । ब्रह्मलोकं प्रयान्तीह पुरुषा एकविंशतिः

etena kiṁ na paryyāptaṁ nṝṇāṁ sukṛtakāriṇām brahmalokaṁ prayāntīha puruṣā ekaviṁśatiḥ

पुण्यकर्मी मनुष्यों के लिए इससे क्या शेष रह जाता है? इससे इक्कीस पीढ़ियाँ ब्रह्मलोक को प्राप्त होती हैं।

श्लोक 22 (garuda.1.83.22)

पृथिव्यां यानि तीर्थानि ये समुद्राः सरांसि च । फल्गुतीर्थं गमिष्यन्ति वारमेकं दिने दिने

pṛthivyāṁ yāni tīrthāni ye samudrāḥ sarāṁsi ca phalgutīrthaṁ gamiṣyanti vāramekaṁ dine dine

पृथ्वी पर जितने तीर्थ हैं, जितने समुद्र और सरोवर हैं, वे सब प्रतिदिन एक बार फल्गुतीर्थ में आते हैं।

श्लोक 23 (garuda.1.83.23)

पृथिव्यां च गया पुण्या गयायां च गयाशिरः । श्रेष्ठं तथा फल्गुतीर्थं तन्मुखं च सुरस्य हि

pṛthivyāṁ ca gayā puṇyā gayāyāṁ ca gayāśiraḥ śreṣṭhaṁ tathā phalgutīrthaṁ tanmukhaṁ ca surasya hi

पृथ्वी पर गया पवित्र है, गया में गयाशिर श्रेष्ठ है, और उसी प्रकार फल्गुतीर्थ श्रेष्ठ है — वही देव का मुख है।

श्लोक 24 (garuda.1.83.24)

उदीचि कनकानद्यो नाभितीर्थं तु मध्यतः । पुण्यं ब्रह्मसदस्तीर्थं स्नानात्स्याद्ब्रह्मलोकदम्

udīci kanakānadyo nābhitīrthaṁ tu madhyataḥ puṇyaṁ brahmasadastīrthaṁ snānātsyādbrahmalokadam

उत्तर में कनका नदियाँ हैं, मध्य में नाभितीर्थ है; पवित्र ब्रह्मसदस्तीर्थ स्नान करने से ब्रह्मलोक प्रदान करने वाला है।

श्लोक 25 (garuda.1.83.25)

कूपे पिण्डादिकं कृत्वा पितॄणामनृणो भवेत् । तथाक्षयवटे श्राद्धी ब्रह्मलोकं नयेत्पितॄन्

kūpe piṇḍādikaṁ kṛtvā pitṝṇāmanṛṇo bhavet tathākṣayavaṭe śrāddhī brahmalokaṁ nayetpitṝn

कूप में पिण्डदान आदि करके मनुष्य पितृ-ऋण से मुक्त होता है; और अक्षयवट में श्राद्ध करने वाला अपने पितरों को ब्रह्मलोक ले जाता है।

श्लोक 26 (garuda.1.83.26)

हंसतीर्थे नरः स्नात्वा सर्वपापैः प्रमुच्यते । कोटितीथ गयालोके वैतरण्यां च गोमके

haṁsatīrthe naraḥ snātvā sarvapāpaiḥ pramucyate koṭitītha gayāloke vaitaraṇyāṁ ca gomake

हंसतीर्थ में स्नान करके मनुष्य सब पापों से मुक्त होता है; इसी प्रकार गया के कोटितीर्थ में, वैतरणी में और गोमक में —

श्लोक 27 (garuda.1.83.27)

ब्रह्मलोकं नयेच्छ्राद्धी पुरुषानेकविंशतिम् । ब्रह्मतीर्थे रामतीर्थे आग्नेये सोमतीर्थके

brahmalokaṁ nayecchrāddhī puruṣānekaviṁśatim brahmatīrthe rāmatīrthe āgneye somatīrthake

श्राद्ध करने वाला इक्कीस पीढ़ियों को ब्रह्मलोक ले जाता है; ब्रह्मतीर्थ में, रामतीर्थ में, आग्नेय में और सोमतीर्थ में —

श्लोक 28 (garuda.1.83.28)

श्राद्धी रामह्रदे ब्रह्मलोकं पितृकुलं नयेत् । उत्तरे मानसे श्राद्धी न भूयो जायते नरः

śrāddhī rāmahrade brahmalokaṁ pitṛkulaṁ nayet uttare mānase śrāddhī na bhūyo jāyate naraḥ

रामह्रद में श्राद्ध करने वाला पितृकुल को ब्रह्मलोक ले जाता है; उत्तर मानस में श्राद्ध करने वाला मनुष्य पुनः जन्म नहीं लेता।

श्लोक 29 (garuda.1.83.29)

दक्षिणे मानसे श्राद्धी ब्रह्मलोकं पितॄन्नयेत् । स्वगद्वारे नरः श्राद्धी ब्रह्मलोकं नयेत्पितॄन् । भीष्मतर्पणकृत्तस्य कूटे तारयते पितॄन् । गृध्रेश्वरे तथा श्राद्धी पितॄणामनृणो भवेत्

dakṣiṇe mānase śrāddhī brahmalokaṁ pitṝnnayet svagadvāre naraḥ śrāddhī brahmalokaṁ nayetpitṝn bhīṣmatarpaṇakṛttasya kūṭe tārayate pitṝn gṛdhreśvare tathā śrāddhī pitṝṇāmanṛṇo bhavet

दक्षिण मानस में श्राद्ध करने वाला पितरों को ब्रह्मलोक ले जाता है; स्वर्गद्वार में श्राद्ध करने वाला भी पितरों को ब्रह्मलोक ले जाता है। भीष्म-तर्पण करने वाला उनके शिखर पर पितरों को तार देता है; तथा गृध्रेश्वर में श्राद्ध करने वाला पितृ-ऋण से मुक्त होता है।

श्लोक 30 (garuda.1.83.30)

श्राद्धी च धेनुकारण्ये ब्रह्मलोकं पितॄन्नयेत् । तिलधेनुप्रदः स्नात्वा दृष्ट्वा धेनुं न संशयः

śrāddhī ca dhenukāraṇye brahmalokaṁ pitṝnnayet tiladhenupradaḥ snātvā dṛṣṭvā dhenuṁ na saṁśayaḥ

धेनुकारण्य में श्राद्ध करने वाला पितरों को ब्रह्मलोक ले जाता है; तिल की गौ दान करने वाला, स्नान करके गौ का दर्शन करके, निःसंदेह वही फल पाता है।

श्लोक 31 (garuda.1.83.31)

ऐन्द्रे वा नरतीर्थे च वासवे वैष्णवे तथा । महानद्यां कृतश्राद्धो ब्रह्मलोकं नयेत्पितॄन्

aindre vā naratīrthe ca vāsave vaiṣṇave tathā mahānadyāṁ kṛtaśrāddho brahmalokaṁ nayetpitṝn

ऐन्द्र या नरतीर्थ में, वासव और वैष्णव में, तथा महानदी में श्राद्ध करने वाला पितरों को ब्रह्मलोक ले जाता है।

श्लोक 32 (garuda.1.83.32)

गायत्त्रे चैव सावित्रे तीर्थे सारस्वते तथा । स्नानसन्ध्यातर्पणकृच्छ्राद्धी चैकोत्तरं शतम्

gāyattre caiva sāvitre tīrthe sārasvate tathā snānasandhyātarpaṇakṛcchrāddhī caikottaraṁ śatam

गायत्र, सावित्र और सारस्वत तीर्थ में स्नान, संध्या, तर्पण और श्राद्ध करने वाला —

श्लोक 33 (garuda.1.83.33)

पितॄणां तु कुलं ब्रह्मलोकं नयति मानवः । ब्रह्मयोनिं विनिर्गच्छेत्प्रयतः पितृमानसः

pitṝṇāṁ tu kulaṁ brahmalokaṁ nayati mānavaḥ brahmayoniṁ vinirgacchetprayataḥ pitṛmānasaḥ

एक सौ एक पीढ़ी के पितृकुल को ब्रह्मलोक ले जाता है। पितरों में मन लगाए हुए संयमी मनुष्य ब्रह्मयोनि से बाहर निकल जाता है (अर्थात् पुनर्जन्म से मुक्त हो जाता है)।

श्लोक 34 (garuda.1.83.34)

तर्पयित्वा पितॄन्देवान्न विशेद्योनिसङ्कटे । तर्पणे काकजङ्घार्या पितॄणां तृप्तिरक्षया

tarpayitvā pitṝndevānna viśedyonisaṅkaṭe tarpaṇe kākajaṅghāryā pitṝṇāṁ tṛptirakṣayā

पितरों और देवताओं को तर्पण देकर मनुष्य पुनः गर्भ की संकीर्णता में प्रवेश नहीं करता; काकजंघा में किए गए तर्पण से पितरों की तृप्ति अक्षय होती है।

श्लोक 35 (garuda.1.83.35)

धर्मारण्ये मतङ्गस्य वाप्यां श्राद्धाद्दिवं व्रजेत् । धर्मयूपे च कूपे त पितॄणामनृणो भवेत्

dharmāraṇye mataṅgasya vāpyāṁ śrāddhāddivaṁ vrajet dharmayūpe ca kūpe ta pitṝṇāmanṛṇo bhavet

धर्मारण्य में मतंग की वापी में श्राद्ध करने से स्वर्ग प्राप्त होता है; धर्मयूप और उसके कूप में मनुष्य पितृ-ऋण से मुक्त होता है।

श्लोक 36 (garuda.1.83.36)

प्रमाणं देवताः सन्तु लोकपालाश्च साक्षिणः । मयागत्य मतङ्गेऽस्मिन्पितॄणां निष्कृतिः कृता

pramāṇaṁ devatāḥ santu lokapālāśca sākṣiṇaḥ mayāgatya mataṅge'sminpitṝṇāṁ niṣkṛtiḥ kṛtā

'देवता प्रमाण हों, लोकपाल साक्षी हों — यहाँ मतंग के इस स्थान में आकर मैंने पितरों का ऋणमोचन कर दिया है।'

श्लोक 37 (garuda.1.83.37)

रामतीर्थे नराः स्नात्वा श्राद्धं कृत्वा प्रभासके । शिलायां प्रेतभावात्स्युर्मुक्ताः पितृगणाः किल

rāmatīrthe narāḥ snātvā śrāddhaṁ kṛtvā prabhāsake śilāyāṁ pretabhāvātsyurmuktāḥ pitṛgaṇāḥ kila

रामतीर्थ में स्नान करके और प्रभासक में श्राद्ध करके, शिला पर, पितृगण प्रेत-भाव से मुक्त हो जाते हैं।

श्लोक 38 (garuda.1.83.38)

श्राद्धकृच्छ स्वपुष्टायां त्रिः सफ्तकुंलमुद्धरेत् । श्राद्धकृन्मुण्डपृष्ठादौ ब्रह्मलोकं नयेत्पितॄन्

śrāddhakṛccha svapuṣṭāyāṁ triḥ saphtakuṁlamuddharet śrāddhakṛnmuṇḍapṛṣṭhādau brahmalokaṁ nayetpitṝn

स्वपुष्टा में श्राद्ध करने वाला तीन बार सात पीढ़ियों का उद्धार करता है; मुण्डपृष्ठ आदि में श्राद्ध करने वाला पितरों को ब्रह्मलोक ले जाता है।

श्लोक 39 (garuda.1.83.39)

गयायां न हि तत्स्थानं यत्र तीर्थं न विद्यते । पञ्चक्रोशे गयाक्षेत्रे यत्र तत्र तु पिण्डदः

gayāyāṁ na hi tatsthānaṁ yatra tīrthaṁ na vidyate pañcakrośe gayākṣetre yatra tatra tu piṇḍadaḥ

गया में ऐसा कोई स्थान नहीं जहाँ तीर्थ न हो; पाँच कोस के गया-क्षेत्र में जहाँ कहीं भी पिण्डदान किया जाए —

श्लोक 40 (garuda.1.83.40)

अक्षयं फलमाप्नोति ब्रह्मलोकं नयेत्पितॄन् । जनार्दनस्य हस्ते तु पिण्डं दद्यात्स्वकं नरः

akṣayaṁ phalamāpnoti brahmalokaṁ nayetpitṝn janārdanasya haste tu piṇḍaṁ dadyātsvakaṁ naraḥ

वहाँ अक्षय फल मिलता है और पितर ब्रह्मलोक को प्राप्त होते हैं। मनुष्य को अपना पिण्ड जनार्दन के हाथ में देना चाहिए —

श्लोक 41 (garuda.1.83.41)

एष पिण्डे मया दत्तस्तव हस्ते जनार्दन ! । परलोकं गते मोक्षमक्षय्यमुपतिष्ठताम्

eṣa piṇḍe mayā dattastava haste janārdana ! paralokaṁ gate mokṣamakṣayyamupatiṣṭhatām

'हे जनार्दन! मैंने यह पिण्ड आपके हाथ में दिया है। जो परलोक को गए हैं, उनके लिए अक्षय मोक्ष सन्निकट हो।'

श्लोक 42 (garuda.1.83.42)

ब्रह्मलोकमवाप्नोति पितृभिः सह निश्चितम् । गयायां धर्मपृष्ठे च सरसि ब्रह्मणस्तथा

brahmalokamavāpnoti pitṛbhiḥ saha niścitam gayāyāṁ dharmapṛṣṭhe ca sarasi brahmaṇastathā

इस प्रकार वह निश्चय ही पितरों सहित ब्रह्मलोक को प्राप्त करता है। गया में धर्मपृष्ठ में, ब्रह्मा के सरोवर में भी —

श्लोक 43 (garuda.1.83.43)

गयाशीर्षेऽक्षयवटे पितॄणां दत्तमक्षयम् । धर्मारण्यं धर्मपृष्ठं धेनुकारण्यमेव च

gayāśīrṣe'kṣayavaṭe pitṝṇāṁ dattamakṣayam dharmāraṇyaṁ dharmapṛṣṭhaṁ dhenukāraṇyameva ca

गयाशीर्ष में, अक्षयवट में, पितरों को जो कुछ दिया जाए वह अक्षय होता है। धर्मारण्य, धर्मपृष्ठ और धेनुकारण्य —

श्लोक 44 (garuda.1.83.44)

दृष्ट्वैतानि पितॄंश्चार्यवंश्यान्विंशतिमुद्धरेत् । ब्रह्मारण्यं महानद्याः पश्चिमोभाग उच्यते

dṛṣṭvaitāni pitṝṁścāryavaṁśyānviṁśatimuddharet brahmāraṇyaṁ mahānadyāḥ paścimobhāga ucyate

इन्हें देखकर मनुष्य अपने कुल के बीस श्रेष्ठ पितरों का उद्धार करता है। ब्रह्मारण्य महानदी के पश्चिमी भाग में कहा गया है।

श्लोक 45 (garuda.1.83.45)

पूर्वो ब्रह्मसदो भागो नागाद्रिर्भरताश्रमः । भरतस्याश्रमे श्राद्धी मतङ्गस्य पदे भवेत्

pūrvo brahmasado bhāgo nāgādrirbharatāśramaḥ bharatasyāśrame śrāddhī mataṅgasya pade bhavet

पूर्वी भाग ब्रह्मसदस् है, नागाद्रि और भरत का आश्रम भी वहीं है; भरत के आश्रम में श्राद्ध करने वाला मतंग के पद पर पहुँचता है।

श्लोक 46 (garuda.1.83.46)

गयाशीर्षाद्दक्षिणतो महानद्याश्च पश्चिमे । तत्स्मृतं चम्पकवनं तत्र पाण्डुशिलास्ति हि

gayāśīrṣāddakṣiṇato mahānadyāśca paścime tatsmṛtaṁ campakavanaṁ tatra pāṇḍuśilāsti hi

गयाशीर्ष के दक्षिण में और महानदी के पश्चिम में जो स्थान है, वह चम्पकवन कहलाता है; वहाँ पाण्डुशिला भी है।

श्लोक 47 (garuda.1.83.47)

श्राद्धी तत्र तृतीयायां निश्चिरायाश्च मण्डले । महाह्रदे च कौशिक्यामक्षयं फलमाप्नुयात्

śrāddhī tatra tṛtīyāyāṁ niścirāyāśca maṇḍale mahāhrade ca kauśikyāmakṣayaṁ phalamāpnuyāt

वहाँ तृतीया को, निश्चिरा के मण्डल में तथा कौशिकी के महाह्रद में श्राद्ध करने वाला अक्षय फल पाता है।

श्लोक 48 (garuda.1.83.48)

वैतरण्या श्चोत्तरतस्तृतीयाख्यो जलाशयः । पदानि तत्र क्रौञ्चस्य श्राद्धी स्वर्गं नयेत्पितॄन्

vaitaraṇyā ścottaratastṛtīyākhyo jalāśayaḥ padāni tatra krauñcasya śrāddhī svargaṁ nayetpitṝn

वैतरणी के उत्तर में तृतीया नामक जलाशय है; वहाँ क्रौंच के पद हैं — वहाँ श्राद्ध करने वाला पितरों को स्वर्ग ले जाता है।

श्लोक 49 (garuda.1.83.49)

क्रौञ्चपादादुत्तरतो निश्चिराख्यो जलाशयः । सकृद्यत्राभिगमनं सकृत्पिंण्डप्रपातनम्

krauñcapādāduttarato niścirākhyo jalāśayaḥ sakṛdyatrābhigamanaṁ sakṛtpiṁṇḍaprapātanam

क्रौंचपद के उत्तर में निश्चिरा नामक जलाशय है, जहाँ एक बार जाना और एक बार पिण्डदान भी —

श्लोक 50 (garuda.1.83.50)

दुर्लभं किं पुनर्नित्यमस्मिन्नेव व्यवस्थितः । महानद्यामुपस्पृश्य तर्पयेत्पितृदेवताः

durlabhaṁ kiṁ punarnityamasminneva vyavasthitaḥ mahānadyāmupaspṛśya tarpayetpitṛdevatāḥ

दुर्लभ फल देता है — फिर जो सदा वहीं स्थित रहे, उसकी तो बात ही क्या! महानदी का स्पर्श करके पितृ-देवताओं को तर्पण देना चाहिए।

श्लोक 51 (garuda.1.83.51)

अक्षयान्प्राप्नुयाल्लोकान्कुलं चापि समुद्धरेत् । सावित्रे पठ्यते सन्ध्या कृता स्याद्द्वादशाब्दिकी

akṣayānprāpnuyāllokānkulaṁ cāpi samuddharet sāvitre paṭhyate sandhyā kṛtā syāddvādaśābdikī

इससे अक्षय लोक प्राप्त होते हैं और कुल का भी उद्धार होता है। सावित्र में की गई संध्या बारह वर्षों के तुल्य मानी जाती है।

श्लोक 52 (garuda.1.83.52)

शुक्लकृष्णावुभौ पक्षौ गयायां यो वसेन्नरः पुनात्यासप्तमं चैव कुलं नास्त्यत्र संशयः

śuklakṛṣṇāvubhau pakṣau gayāyāṁ yo vasennaraḥ punātyāsaptamaṁ caiva kulaṁ nāstyatra saṁśayaḥ

जो मनुष्य शुक्ल और कृष्ण दोनों पक्षों में गया में निवास करता है, वह सातवीं पीढ़ी तक अपने कुल को पवित्र कर देता है — इसमें कोई संशय नहीं।

श्लोक 53 (garuda.1.83.53)

गयायां मुण्डपृष्ठं च अरविन्दं च पर्वतम् । तृतीयं क्रौंचपादं च दृष्ट्वा पापैः प्रमुच्यते

gayāyāṁ muṇḍapṛṣṭhaṁ ca aravindaṁ ca parvatam tṛtīyaṁ krauṁcapādaṁ ca dṛṣṭvā pāpaiḥ pramucyate

गया में मुण्डपृष्ठ, अरविन्द पर्वत, और तीसरा क्रौंचपद — इन्हें देखकर मनुष्य पापों से मुक्त होता है।

श्लोक 54 (garuda.1.83.54)

मकरे वर्त्तमाने च ग्रहणे चन्द्रसूर्य्ययोः । दुर्लभं त्रिषु लोकेषु गयायां पिण्डपातनम्

makare varttamāne ca grahaṇe candrasūryyayoḥ durlabhaṁ triṣu lokeṣu gayāyāṁ piṇḍapātanam

जब सूर्य मकर राशि में हो, अथवा चन्द्र या सूर्य ग्रहण के समय, गया में पिण्डदान तीनों लोकों में दुर्लभ फल देता है।

श्लोक 55 (garuda.1.83.55)

महाह्रदे च कौशिक्यां मूलक्षेत्रे विशेषतः । गुहायां गृध्रकूटस्य श्राद्धं दत्तं (सप्त) महाफलम्

mahāhrade ca kauśikyāṁ mūlakṣetre viśeṣataḥ guhāyāṁ gṛdhrakūṭasya śrāddhaṁ dattaṁ (sapta) mahāphalam

कौशिकी के महाह्रद में, विशेषतः मूल क्षेत्र में, तथा गृध्रकूट की गुफा में दिया गया श्राद्ध महान् फल देता है।

श्लोक 56 (garuda.1.83.56)

यत्र माहेश्वरी धारा श्राद्धी तत्रानृणो भवेत् । पुण्यां विशालामासाद्य नदीं त्रैलोक्य विश्रुताम्

yatra māheśvarī dhārā śrāddhī tatrānṛṇo bhavet puṇyāṁ viśālāmāsādya nadīṁ trailokya viśrutām

जहाँ माहेश्वरी धारा है, वहाँ श्राद्ध करने वाला ऋणमुक्त होता है। त्रैलोक्य में विख्यात उस विशाल पुण्य नदी को पाकर —

श्लोक 57 (garuda.1.83.57)

अग्निष्टोममवाप्नोति श्राद्धी प्रायाद्दिवं नरः । श्राद्धी मासपदे स्नात्वा वाजपेयफलं लभेत्

agniṣṭomamavāpnoti śrāddhī prāyāddivaṁ naraḥ śrāddhī māsapade snātvā vājapeyaphalaṁ labhet

श्राद्ध करने वाला अग्निष्टोम का फल पाता है और मनुष्य स्वर्ग को जाता है। मासपद में स्नान करके श्राद्ध करने वाला वाजपेय का फल पाता है।

श्लोक 58 (garuda.1.83.58)

रविपादे पिण्डदानात्पतितोद्धारणं भवेत् । गयास्थो यो ददात्यन्नं पितरस्तेन पुत्रिणः

ravipāde piṇḍadānātpatitoddhāraṇaṁ bhavet gayāstho yo dadātyannaṁ pitarastena putriṇaḥ

रविपद में पिण्डदान से पतितों का उद्धार होता है। गया में रहकर जो अन्नदान करता है, उससे पितर पुत्रवान् माने जाते हैं।

श्लोक 59 (garuda.1.83.59)

कांक्षन्ते पितरः पुत्रान्नरकाद्भयभीरवः । गयां यास्यति यः कश्चित्सोऽस्मान्सन्तरयिष्यति

kāṁkṣante pitaraḥ putrānnarakādbhayabhīravaḥ gayāṁ yāsyati yaḥ kaścitso'smānsantarayiṣyati

नरक से भयभीत पितर पुत्रों की आकांक्षा करते हैं — 'जो भी गया जाएगा, वह हमें तार देगा।'

श्लोक 60 (garuda.1.83.60)

गयाप्राप्तं सुतं दृष्ट्वा पितॄणामुत्सवो भवेत् । पद्भ्यामपि जलं स्पृष्ट्वा अस्मभ्यं किल दास्यति

gayāprāptaṁ sutaṁ dṛṣṭvā pitṝṇāmutsavo bhavet padbhyāmapi jalaṁ spṛṣṭvā asmabhyaṁ kila dāsyati

गया पहुँचे हुए पुत्र को देखकर पितरों में उत्सव होता है — 'पैरों से भी जल का स्पर्श करके यह हमें अवश्य कुछ देगा।'

श्लोक 61 (garuda.1.83.61)

आत्मजो वा तथान्यो वा गयाकूपे यदा तदा । यन्नाम्ना पातयेत्पिण्डं तं नयेद्ब्रह्म शाश्वतम्

ātmajo vā tathānyo vā gayākūpe yadā tadā yannāmnā pātayetpiṇḍaṁ taṁ nayedbrahma śāśvatam

चाहे वह अपना पुत्र हो या कोई अन्य — जब भी गया के कूप में किसी के नाम से पिण्ड डाला जाए, वह उसे शाश्वत ब्रह्म तक ले जाता है।

श्लोक 62 (garuda.1.83.62)

पुण्डरीकं विष्णुलोकं प्राप्नुयात्कोटितीर्थगः । या सा वैतरणी नाम त्रिषु लोकेषु विश्रुता

puṇḍarīkaṁ viṣṇulokaṁ prāpnuyātkoṭitīrthagaḥ yā sā vaitaraṇī nāma triṣu lokeṣu viśrutā

कोटितीर्थ में जाने वाला पुण्डरीक अर्थात् विष्णुलोक को प्राप्त करता है। वैतरणी नामक जो नदी तीनों लोकों में विख्यात है —

श्लोक 63 (garuda.1.83.63)

सावतीर्णा गयाक्षेत्रे पितॄणां तारणाय हि । श्राद्धदः पिण्डदस्तत्र गोप्रदानं करोति यः

sāvatīrṇā gayākṣetre pitṝṇāṁ tāraṇāya hi śrāddhadaḥ piṇḍadastatra gopradānaṁ karoti yaḥ

वह पितरों के उद्धार हेतु गया-क्षेत्र में उतरी है। जो वहाँ श्राद्ध देता है, पिण्डदान करता है और गौ-दान करता है —

श्लोक 64 (garuda.1.83.64)

एकविंशतिवंश्यान्स तारयेन्नात्र संशयः । यदि पुत्रो गयां गच्छेत्कदाचित्कालपर्यये

ekaviṁśativaṁśyānsa tārayennātra saṁśayaḥ yadi putro gayāṁ gacchetkadācitkālaparyaye

वह अपने कुल की इक्कीस पीढ़ियों को तार देता है — इसमें संशय नहीं। यदि पुत्र किसी काल में गया जाए,

श्लोक 65 (garuda.1.83.65)

तानेव भोजयेद्विप्रान्ब्रह्मणा ये प्रकल्पिताः । तेषां ब्रह्मसदः स्थानं सोमपानं तथैव च

tāneva bhojayedviprānbrahmaṇā ye prakalpitāḥ teṣāṁ brahmasadaḥ sthānaṁ somapānaṁ tathaiva ca

तो उसे उन्हीं ब्राह्मणों को भोजन कराना चाहिए जिन्हें ब्रह्मा ने नियुक्त किया है। उनके लिए ब्रह्मसदस् का स्थान और सोमपान भी सुनिश्चित है।

श्लोक 66 (garuda.1.83.66)

ब्रह्मप्रकल्पितं स्थानं विप्रा ब्रह्मप्रकल्पपिताः । पूजितैः पूजिताः सर्वे पितृभिः सह देवताः

brahmaprakalpitaṁ sthānaṁ viprā brahmaprakalpapitāḥ pūjitaiḥ pūjitāḥ sarve pitṛbhiḥ saha devatāḥ

ब्रह्मा द्वारा नियत स्थान वे ब्राह्मण पाते हैं, जो ब्रह्मा के द्वारा नियुक्त पिता-तुल्य हैं। उनके पूजित होने से पितरों सहित सब देवता पूजित होते हैं।

श्लोक 67 (garuda.1.83.67)

तर्पयेत्तु गयाविप्रान्हव्यकव्यैर्विधानतः । स्थानं देहपरित्यागे गयायां तु विधीयते

tarpayettu gayāviprānhavyakavyairvidhānataḥ sthānaṁ dehaparityāge gayāyāṁ tu vidhīyate

गया के ब्राह्मणों को विधिपूर्वक हव्य और कव्य से तृप्त करना चाहिए। गया में देह त्यागने पर विशेष स्थान का विधान है।

श्लोक 68 (garuda.1.83.68)

यः करोति वृषोत्सर्गं गयाक्षेत्रे ह्यनुत्तमे । अग्निष्टोमशतं पुण्यं लभते नात्र संशयः

yaḥ karoti vṛṣotsargaṁ gayākṣetre hyanuttame agniṣṭomaśataṁ puṇyaṁ labhate nātra saṁśayaḥ

जो गया के अनुपम क्षेत्र में वृषोत्सर्ग करता है, वह निःसंदेह सौ अग्निष्टोम यज्ञों का पुण्य पाता है।

श्लोक 69 (garuda.1.83.69)

आत्मनोऽपि महाबुद्धिर्गयायां तु तिलैर्विना । पिण्डनिर्वापणं कुर्य्यादन्येषामपि मानवः

ātmano'pi mahābuddhirgayāyāṁ tu tilairvinā piṇḍanirvāpaṇaṁ kuryyādanyeṣāmapi mānavaḥ

बुद्धिमान मनुष्य को गया में बिना तिल के भी अपने लिए तथा दूसरों के लिए पिण्ड-निर्वापण करना चाहिए।

श्लोक 70 (garuda.1.83.70)

यावन्तो ज्ञातयः पित्र्या बान्धवाः सुहृदस्तथा । तेभ्यो व्यासगयाभूमौ पिण्डो देयो विधानतः

yāvanto jñātayaḥ pitryā bāndhavāḥ suhṛdastathā tebhyo vyāsagayābhūmau piṇḍo deyo vidhānataḥ

हे व्यास! जितने भी पितृ-पक्ष के ज्ञाति, बान्धव और सुहृद हों, उन सबके लिए गया-भूमि में विधिपूर्वक पिण्ड देना चाहिए।

श्लोक 71 (garuda.1.83.71)

रामतीर्थे नरः स्नात्वा गोशतस्याप्नुयात्फलम् । मतङ्गवाप्यां स्नात्वा च गोसहस्त्रफलं लभेत्

rāmatīrthe naraḥ snātvā gośatasyāpnuyātphalam mataṅgavāpyāṁ snātvā ca gosahastraphalaṁ labhet

रामतीर्थ में स्नान करके मनुष्य सौ गौओं का फल पाता है; मतंग की वापी में स्नान करके सहस्र गौओं का फल पाता है।

श्लोक 72 (garuda.1.83.72)

निश्चिरासङ्गमे स्नात्वा ब्रह्मलोकं नयेत्पितॄन् । वसिष्ठस्याश्रमे स्नात्वा वाजपेयं च विन्दति

niścirāsaṅgame snātvā brahmalokaṁ nayetpitṝn vasiṣṭhasyāśrame snātvā vājapeyaṁ ca vindati

निश्चिरा के संगम में स्नान करके मनुष्य पितरों को ब्रह्मलोक ले जाता है; वसिष्ठ के आश्रम में स्नान करके वाजपेय का फल पाता है।

श्लोक 73 (garuda.1.83.73)

महाकौश्यां समावासादश्वमेधफलं लभेत् । पितामहस्य सरसः प्रसृता लोकपावनी

mahākauśyāṁ samāvāsādaśvamedhaphalaṁ labhet pitāmahasya sarasaḥ prasṛtā lokapāvanī

महाकौशिकी में निवास करने से अश्वमेध का फल मिलता है। पितामह के सरोवर से बहती हुई वह लोकपावनी नदी —

श्लोक 74 (garuda.1.83.74)

समीपे त्वग्निधारेति विश्रुता कपिला हि सा । अग्निष्टोमफलं श्राद्धी स्नात्वात्र कृतकृत्यता

samīpe tvagnidhāreti viśrutā kapilā hi sā agniṣṭomaphalaṁ śrāddhī snātvātra kṛtakṛtyatā

उसके समीप जो अग्निधारा नाम से विख्यात है, वही कपिला है। वहाँ स्नान करके श्राद्ध करने वाला अग्निष्टोम का फल पाकर कृतार्थ होता है।

श्लोक 75 (garuda.1.83.75)

श्राद्धी कुमारधारायामश्वमेधफलं लभेत् । कुमारमभिगम्याथ नत्वा मुक्तिमवाप्नुयात्

śrāddhī kumāradhārāyāmaśvamedhaphalaṁ labhet kumāramabhigamyātha natvā muktimavāpnuyāt

कुमारधारा में श्राद्ध करने वाला अश्वमेध का फल पाता है; कुमार के पास जाकर उन्हें प्रणाम करके मनुष्य मुक्ति प्राप्त करता है।

श्लोक 76 (garuda.1.83.76)

सोमकुण्डे नरः स्नात्वा सोमलोकं च गच्छति । संवर्त्तस्य नरो वाप्यां सुभगः स्यात्तु पिण्डदः

somakuṇḍe naraḥ snātvā somalokaṁ ca gacchati saṁvarttasya naro vāpyāṁ subhagaḥ syāttu piṇḍadaḥ

सोमकुण्ड में स्नान करके मनुष्य सोमलोक को जाता है; संवर्त की वापी में पिण्डदान करने वाला मनुष्य सौभाग्यशाली होता है।

श्लोक 77 (garuda.1.83.77)

धौतपापो नरो याति प्रेतकुण्डे च पिण्डदः । देवनद्यां लेलिहाने मथने जानुगर्त्तके

dhautapāpo naro yāti pretakuṇḍe ca piṇḍadaḥ devanadyāṁ lelihāne mathane jānugarttake

प्रेतकुण्ड में पिण्डदान करने वाला मनुष्य पापमुक्त होकर जाता है; इसी प्रकार देवनदी में, लेलिहान में, मथन में और जानुगर्त में —

श्लोक 78 (garuda.1.83.78)

एवमादिषु तीर्थेषु पिण्डदस्तारयेत्पितॄन् । नत्वा देवान्वसिष्ठेशप्रभृतीनृणसंक्षयम्

evamādiṣu tīrtheṣu piṇḍadastārayetpitṝn natvā devānvasiṣṭheśaprabhṛtīnṛṇasaṁkṣayam

इन तथा इसी प्रकार के अन्य तीर्थों में पिण्डदान करने वाला अपने पितरों को तार देता है; और वसिष्ठेश आदि देवताओं को प्रणाम करके ऋण का क्षय होता है।