गया माहात्म्य (पंचम) — आदिगदाधर एवं गया-माहात्म्य की समाप्ति

श्लोक 1 (garuda.1.86.1)

ब्रह्मोवाच । येयं प्रेतशिला ख्याता गयायां सा त्रिधा स्थिता । प्रभासे प्रेतकुण्डे च गयासुरशिरस्यपि

brahmovāca yeyaṁ pretaśilā khyātā gayāyāṁ sā tridhā sthitā prabhāse pretakuṇḍe ca gayāsuraśirasyapi

ब्रह्मा जी ने कहा — गया में विख्यात यह प्रेतशिला तीन रूपों में स्थित है — प्रभास में, प्रेतकुण्ड में, तथा गयासुर के मस्तक पर भी।

श्लोक 2 (garuda.1.86.2)

धर्मेण धारिता भूत्यै सर्वदेवमयी शिला । प्रेतत्वं ये गता नॄणां मित्राद्या बान्धवादयः

dharmeṇa dhāritā bhūtyai sarvadevamayī śilā pretatvaṁ ye gatā nṝṇāṁ mitrādyā bāndhavādayaḥ

सर्वदेवमयी वह शिला धर्म के द्वारा प्राणियों के कल्याण हेतु धारण की गई थी — मनुष्यों के जो मित्र, बन्धु आदि प्रेत-भाव को प्राप्त हुए हैं,

श्लोक 3 (garuda.1.86.3)

तेषामुद्धरणार्थाय यतः प्रेतशिला शुभा । अतोऽत्र मुनयो भूपा राजपत्न्यादयः सदा

teṣāmuddharaṇārthāya yataḥ pretaśilā śubhā ato'tra munayo bhūpā rājapatnyādayaḥ sadā

उनके उद्धार के लिए ही वह शुभ प्रेतशिला विद्यमान है; इसीलिए यहाँ ऋषि, राजा, राजरानियाँ आदि सदा आते हैं।

श्लोक 4 (garuda.1.86.4)

तस्यां शिलायां श्राद्धादिकर्त्तारो ब्रह्मलोकगाः । गयासुरस्य यन्मुण्डं तस्य पृष्ठे शिला यतः

tasyāṁ śilāyāṁ śrāddhādikarttāro brahmalokagāḥ gayāsurasya yanmuṇḍaṁ tasya pṛṣṭhe śilā yataḥ

उस शिला पर श्राद्ध आदि करने वाले ब्रह्मलोक को जाते हैं। चूँकि वह शिला गयासुर के मस्तक के ऊपर स्थित है,

श्लोक 5 (garuda.1.86.5)

मुण्डपृष्ठो गिरिस्तस्मात्सर्वदेवमयो ह्ययम् । मुण्डपृष्ठस्य पादेषु यतो ब्रह्मसरोमुखाः

muṇḍapṛṣṭho giristasmātsarvadevamayo hyayam muṇḍapṛṣṭhasya pādeṣu yato brahmasaromukhāḥ

इसीलिए वह पर्वत मुण्डपृष्ठ कहलाता है, और यह सर्वदेवमय है। मुण्डपृष्ठ के चरणों में, जहाँ ब्रह्मसर आदि हैं,

श्लोक 6 (garuda.1.86.6)

अरविन्दवनं तेषु तेन चैवोपलक्षितः । अरविन्दो गिरिर्नाम क्रौञ्चपादाङ्कितो यतः

aravindavanaṁ teṣu tena caivopalakṣitaḥ aravindo girirnāma krauñcapādāṅkito yataḥ

वहीं अरविन्दवन भी है, और उसी से यह पर्वत पहचाना जाता है — अरविन्द नामक यह पर्वत क्रौंच के पद-चिह्न से अंकित है।

श्लोक 7 (garuda.1.86.7)

तस्माद्गिरिः क्रौञ्चपादः पितॄणां ब्रह्मलोकदः । गदाधरादयो देवा आद्या आदौ व्यवस्थिताः

tasmādgiriḥ krauñcapādaḥ pitṝṇāṁ brahmalokadaḥ gadādharādayo devā ādyā ādau vyavasthitāḥ

इसीलिए यह पर्वत क्रौंचपाद कहलाता है, जो पितरों को ब्रह्मलोक प्रदान करता है। गदाधर आदि आदिदेव सर्वप्रथम वहीं स्थापित हुए —

श्लोक 8 (garuda.1.86.8)

शिलारूपेण चाव्यक्तास्तस्माद्देवमयी शिला । गया शिरश्छादयित्वा गुरुत्वादास्थिता शिला

śilārūpeṇa cāvyaktāstasmāddevamayī śilā gayā śiraśchādayitvā gurutvādāsthitā śilā

शिला के रूप में अव्यक्त होकर; इसीलिए वह शिला सर्वदेवमय है। गया के मस्तक को ढँककर वह शिला अपने गुरुत्व से वहीं स्थिर हो गई।

श्लोक 9 (garuda.1.86.9)

कालान्तरेण व्यक्तश्चस्थित आदिगदाधरः । महारुद्रादिदेवैस्तु आनादिनिधनो हरिः

kālāntareṇa vyaktaścasthita ādigadādharaḥ mahārudrādidevaistu ānādinidhano hariḥ

काल के प्रवाह में आदिगदाधर प्रकट होकर वहीं स्थित हुए — महारुद्र आदि देवताओं सहित वे अनादि-अनन्त हरि,

श्लोक 10 (garuda.1.86.10)

धर्म संरक्षणार्थाय अधर्मादिविनष्टये । दैत्यराक्षसनाशार्थं मत्स्यः पूर्वं यथाभवत्

dharma saṁrakṣaṇārthāya adharmādivinaṣṭaye daityarākṣasanāśārthaṁ matsyaḥ pūrvaṁ yathābhavat

धर्म की रक्षा हेतु, अधर्म के विनाश हेतु, दैत्य-राक्षसों के नाश हेतु — जैसे पूर्वकाल में वे मत्स्य हुए,

श्लोक 11 (garuda.1.86.11)

कूर्मो वराहो नृहरिर्वामनो राम ऊर्जितः । यथा दाशरथी रामः कृष्णोबुद्धोऽथ कल्क्यपि

kūrmo varāho nṛharirvāmano rāma ūrjitaḥ yathā dāśarathī rāmaḥ kṛṣṇobuddho'tha kalkyapi

कूर्म, वराह, नृहरि, वामन, प्रबल परशुराम; जैसे दशरथनन्दन राम, कृष्ण, बुद्ध और कल्कि भी हुए —

श्लोक 12 (garuda.1.86.12)

तथा व्यक्तोऽव्यक्तरूपी आसीदादिर्गदाधरः । आदिरादौ पूजितोऽत्र देवैर्ब्रह्मादिभिर्यतः

tathā vyakto'vyaktarūpī āsīdādirgadādharaḥ ādirādau pūjito'tra devairbrahmādibhiryataḥ

उसी प्रकार व्यक्त-अव्यक्त स्वरूप वे आदिदेव गदाधर हुए। चूँकि वे आदिपुरुष सर्वप्रथम यहाँ ब्रह्मा आदि देवताओं द्वारा पूजित हुए —

श्लोक 13 (garuda.1.86.13)

पाद्याद्यैर्गन्धपुष्पाद्यैरत आदिगदाधरः । गदाधरं सुरैः सार्द्धमाद्यं गत्वा ददाति यः

pādyādyairgandhapuṣpādyairata ādigadādharaḥ gadādharaṁ suraiḥ sārddhamādyaṁ gatvā dadāti yaḥ

पाद्य आदि से, गन्ध-पुष्प आदि से — इसीलिए वे आदिगदाधर कहलाए। जो देवताओं के साथ जाकर उस आदिगदाधर को —

श्लोक 14 (garuda.1.86.14)

अर्घ्यं पात्रं च पाद्यं च गन्धपुष्पं च धूपकम् । दीपं नैवैद्यमुत्कृष्टं माल्यानि विविधानि च

arghyaṁ pātraṁ ca pādyaṁ ca gandhapuṣpaṁ ca dhūpakam dīpaṁ naivaidyamutkṛṣṭaṁ mālyāni vividhāni ca

अर्घ्य, पात्र, पाद्य, गन्ध-पुष्प, धूप, दीप, उत्तम नैवेद्य और विविध मालाएँ,

श्लोक 15 (garuda.1.86.15)

वस्त्राणि मुकुटं घण्टां चामरं प्रेक्षणीयकम् । अलङ्कारादिकं पिण्डमन्नदानादिकं तथा

vastrāṇi mukuṭaṁ ghaṇṭāṁ cāmaraṁ prekṣaṇīyakam alaṅkārādikaṁ piṇḍamannadānādikaṁ tathā

वस्त्र, मुकुट, घण्टा, चामर, दर्पण, आभूषण आदि, पिण्ड तथा अन्नदान आदि अर्पित करता है —

श्लोक 16 (garuda.1.86.16)

तेषां तावद्धनं धान्यमायुरारो ग्यसम्पदः । पुत्त्रादिसन्ततिश्रेयोविद्यार्थं काम ईप्सितः

teṣāṁ tāvaddhanaṁ dhānyamāyurāro gyasampadaḥ puttrādisantatiśreyovidyārthaṁ kāma īpsitaḥ

उसे धन, धान्य, आयु, आरोग्य-सम्पत्ति; पुत्र आदि सन्तान, कल्याण, विद्या, धन और अभीष्ट भोग प्राप्त होते हैं;

श्लोक 17 (garuda.1.86.17)

भार्य्या स्वर्गादिवासश्च स्वर्गादागत्य राज्यकम् । कुलीनः सत्त्वसम्पन्नो रणे मर्दितशात्रवनः

bhāryyā svargādivāsaśca svargādāgatya rājyakam kulīnaḥ sattvasampanno raṇe marditaśātravanaḥ

पत्नी, स्वर्गवास, और स्वर्ग से लौटकर राज्य; कुलीनता, सत्त्वसम्पन्नता, तथा युद्ध में शत्रुओं का दलन करने की शक्ति;

श्लोक 18 (garuda.1.86.18)

वधबन्धविनिर्मुक्तश्चान्ते मोक्षमवाप्नुयात् । श्राद्धपिण्डादिकर्त्तारः पितृभिर्ब्रह्मलोकगाः

vadhabandhavinirmuktaścānte mokṣamavāpnuyāt śrāddhapiṇḍādikarttāraḥ pitṛbhirbrahmalokagāḥ

वध और बन्धन से मुक्ति, और अन्त में मोक्ष। श्राद्ध और पिण्डदान आदि करने वाले अपने पितरों सहित ब्रह्मलोक को जाते हैं।

श्लोक 19 (garuda.1.86.19)

जगन्नाथं येऽप्चयन्ति सुभद्रां बलभद्रकम् । ज्ञानं प्राप्य श्रियं पुत्रान्व्रजन्ति पुरुषोत्तमम्

jagannāthaṁ ye'pcayanti subhadrāṁ balabhadrakam jñānaṁ prāpya śriyaṁ putrānvrajanti puruṣottamam

जो जगन्नाथ, सुभद्रा और बलभद्र की पूजा करते हैं, वे ज्ञान, श्री और पुत्र प्राप्त करके पुरुषोत्तम को प्राप्त होते हैं।

श्लोक 20 (garuda.1.86.20)

पुरुषोत्तमराजस्य सूर्य्यस्य च गणस्य च । पुरतस्तत्र पिण्डादि पितॄणां ब्रह्मलोकदः

puruṣottamarājasya sūryyasya ca gaṇasya ca puratastatra piṇḍādi pitṝṇāṁ brahmalokadaḥ

राजा पुरुषोत्तम, सूर्य और गणपति के सम्मुख किया गया पिण्डदान आदि पितरों को ब्रह्मलोक प्रदान करता है।

श्लोक 21 (garuda.1.86.21)

नत्वा कपर्द्दिविघ्नेशं सर्वविघ्नैः प्रमुच्यते । कार्त्तिकेयं पूजयित्वा ब्रह्मलोकमवाप्नुयात्

natvā kaparddivighneśaṁ sarvavighnaiḥ pramucyate kārttikeyaṁ pūjayitvā brahmalokamavāpnuyāt

कपर्दी (शिव) और विघ्नेश को प्रणाम करके मनुष्य सब विघ्नों से मुक्त होता है; कार्त्तिकेय की पूजा करके ब्रह्मलोक प्राप्त करता है।

श्लोक 22 (garuda.1.86.22)

द्वादशादित्यमभ्यर्च्य सर्वरोगैः प्रमुच्यते । वैश्वानरं समभ्यर्च्य उत्तमां दीप्तिमाप्नुयात्

dvādaśādityamabhyarcya sarvarogaiḥ pramucyate vaiśvānaraṁ samabhyarcya uttamāṁ dīptimāpnuyāt

द्वादश आदित्यों की पूजा करके मनुष्य सब रोगों से मुक्त होता है; वैश्वानर (अग्नि) की पूजा करके उत्तम तेज पाता है।

श्लोक 23 (garuda.1.86.23)

रेवन्तं पूजयित्वाथ अश्वानाप्नोत्यनुत्तमान् । अभ्यर्च्येन्द्रं महैश्वर्य्यं गौरीं सौभाग्यमाप्नुयात्

revantaṁ pūjayitvātha aśvānāpnotyanuttamān abhyarcyendraṁ mahaiśvaryyaṁ gaurīṁ saubhāgyamāpnuyāt

रेवन्त की पूजा करके श्रेष्ठ अश्व प्राप्त करता है; इन्द्र की पूजा से महान् ऐश्वर्य, और गौरी की पूजा से सौभाग्य प्राप्त होता है।

श्लोक 24 (garuda.1.86.24)

विद्यां सरस्वतीं प्रार्च्य लक्ष्मीं संपूज्य च श्रियम् । गरुडं च समभ्यर्च्य विघ्नवृन्दात्प्रमुच्यते

vidyāṁ sarasvatīṁ prārcya lakṣmīṁ saṁpūjya ca śriyam garuḍaṁ ca samabhyarcya vighnavṛndātpramucyate

विद्या-सरस्वती की पूजा से विद्या, लक्ष्मी की पूजा से श्री, और गरुड़ की पूजा से विघ्नसमूह से मुक्ति प्राप्त होती है।

श्लोक 25 (garuda.1.86.25)

क्षेत्रपालं समभ्यर्च्य ग्रहवृन्दैः प्रमुच्यते । मुण्डपृष्ठं समभ्यर्च्य सर्वकाममवाप्नुयात्

kṣetrapālaṁ samabhyarcya grahavṛndaiḥ pramucyate muṇḍapṛṣṭhaṁ samabhyarcya sarvakāmamavāpnuyāt

क्षेत्रपाल की पूजा से ग्रहबाधा से मुक्ति मिलती है; मुण्डपृष्ठ की पूजा से सभी कामनाएँ पूर्ण होती हैं।

श्लोक 26 (garuda.1.86.26)

नागाष्टकं समभ्यर्च्य नागदष्टो विमुच्यते । ब्रह्माणं पूजयित्वा च ब्रह्मलोकमवाप्नुयात्

nāgāṣṭakaṁ samabhyarcya nāgadaṣṭo vimucyate brahmāṇaṁ pūjayitvā ca brahmalokamavāpnuyāt

नागाष्टक की पूजा से सर्पदंश से मुक्ति मिलती है; ब्रह्मा की पूजा से ब्रह्मलोक प्राप्त होता है।

श्लोक 27 (garuda.1.86.27)

बलभद्रं समभ्यर्च्य बलारोग्यमवाप्नुयात् । सुभद्रां पूजयित्वा तु सौभाग्यं परमाप्नुयात्

balabhadraṁ samabhyarcya balārogyamavāpnuyāt subhadrāṁ pūjayitvā tu saubhāgyaṁ paramāpnuyāt

बलभद्र की पूजा से बल और आरोग्य प्राप्त होता है; सुभद्रा की पूजा से परम सौभाग्य प्राप्त होता है।

श्लोक 28 (garuda.1.86.28)

सर्वान्कामानवाप्नोति संपूज्य पुरुषोत्तमम् । नारायणं तु संपूज्य नराणामधिपो भवेत्

sarvānkāmānavāpnoti saṁpūjya puruṣottamam nārāyaṇaṁ tu saṁpūjya narāṇāmadhipo bhavet

पुरुषोत्तम की पूजा से सब कामनाएँ पूर्ण होती हैं; नारायण की पूजा से मनुष्य मनुष्यों का अधिपति बनता है।

श्लोक 29 (garuda.1.86.29)

स्पृष्ट्वा नत्वा नारसिंहं संग्रामे विजयी भवेत् । वराहं पूजयित्वा तु भूमिराज्यमवाप्नुयात्

spṛṣṭvā natvā nārasiṁhaṁ saṁgrāme vijayī bhavet varāhaṁ pūjayitvā tu bhūmirājyamavāpnuyāt

नृसिंह का स्पर्श करके और प्रणाम करके मनुष्य संग्राम में विजयी होता है; वराह की पूजा से भूमि का राज्य प्राप्त होता है।

श्लोक 30 (garuda.1.86.30)

मालाविद्याधरौ स्पष्ट्वा विद्याधरपदं लभेत् । सर्वान्कामानवाप्नोति संपूज्यादिगदाधरम्

mālāvidyādharau spaṣṭvā vidyādharapadaṁ labhet sarvānkāmānavāpnoti saṁpūjyādigadādharam

माला और विद्याधर का स्पर्श करके विद्याधर-पद प्राप्त होता है; आदिगदाधर की पूजा से सब कामनाएँ पूर्ण होती हैं।

श्लोक 31 (garuda.1.86.31)

सोमनाथं समभ्यर्च्य शिवलोकमवाप्नुयात् । रुद्रेश्वरं नमस्कृत्य रुद्रलोके महीयते

somanāthaṁ samabhyarcya śivalokamavāpnuyāt rudreśvaraṁ namaskṛtya rudraloke mahīyate

सोमनाथ की पूजा से शिवलोक प्राप्त होता है; रुद्रेश्वर को प्रणाम करके रुद्रलोक में महिमा प्राप्त होती है।

श्लोक 32 (garuda.1.86.32)

रामेश्वरं नरो नत्वा रामवत्सुप्रियो भवेत् । ब्रह्मेश्वरं नरः स्तुत्वा ब्रह्मलोकाय कल्प्यते

rāmeśvaraṁ naro natvā rāmavatsupriyo bhavet brahmeśvaraṁ naraḥ stutvā brahmalokāya kalpyate

रामेश्वर को प्रणाम करके मनुष्य राम के समान अतिप्रिय बनता है; ब्रह्मेश्वर की स्तुति करके मनुष्य ब्रह्मलोक के योग्य होता है।

श्लोक 33 (garuda.1.86.33)

कालेश्वरं समभ्यर्च्य नरः कालञ्जयो भवेत् । केदारं पूजयित्वा तु शिवलोके महीयते

kāleśvaraṁ samabhyarcya naraḥ kālañjayo bhavet kedāraṁ pūjayitvā tu śivaloke mahīyate

कालेश्वर की पूजा से मनुष्य काल को जीतने वाला बनता है; केदार की पूजा से शिवलोक में महिमा प्राप्त होती है।

श्लोक 34 (garuda.1.86.34)

सिद्धेश्वरं च संपूज्य सिद्धो ब्रह्मपुरं व्रजेत् । आद्यै रुद्रादिभिः सार्द्धं दृष्ट्वा ह्यादिगदाधरम्

siddheśvaraṁ ca saṁpūjya siddho brahmapuraṁ vrajet ādyai rudrādibhiḥ sārddhaṁ dṛṣṭvā hyādigadādharam

सिद्धेश्वर की पूजा से मनुष्य सिद्ध होकर ब्रह्मपुर को जाता है। आदि रुद्र आदि देवताओं के साथ उस आदिगदाधर का दर्शन करके —

श्लोक 35 (garuda.1.86.35)

कुलानां शतमुद्धृत्य नयेद्ब्रह्मपुरं नरः । धर्मार्थी प्राप्नुयाद्धर्ममर्थार्थो चार्थमाप्नुयात्

kulānāṁ śatamuddhṛtya nayedbrahmapuraṁ naraḥ dharmārthī prāpnuyāddharmamarthārtho cārthamāpnuyāt

मनुष्य कुल की सौ पीढ़ियों का उद्धार करके उन्हें ब्रह्मपुर ले जाता है। धर्मार्थी धर्म पाता है, अर्थार्थी अर्थ पाता है,

श्लोक 36 (garuda.1.86.36)

कामान्संप्राप्नुयात्कामी मोक्षार्थी मोक्षमाप्नुयात् । राज्यार्थो राज्यमाप्नोति शान्त्यर्थी शान्तिमाप्नुयात्

kāmānsaṁprāpnuyātkāmī mokṣārthī mokṣamāpnuyāt rājyārtho rājyamāpnoti śāntyarthī śāntimāpnuyāt

कामार्थी कामनाएँ पाता है, मोक्षार्थी मोक्ष पाता है, राज्यार्थी राज्य पाता है, शान्त्यर्थी शान्ति पाता है —

श्लोक 37 (garuda.1.86.37)

सर्वार्थी सर्वमाप्नोति संपूज्यादिगदाधरम् । पुत्रान्पुत्रार्थिनी स्त्री च सौभाग्यं च तदर्थिनी

sarvārthī sarvamāpnoti saṁpūjyādigadādharam putrānputrārthinī strī ca saubhāgyaṁ ca tadarthinī

और सर्वार्थी आदिगदाधर की पूजा करके सब कुछ पाता है। पुत्रार्थिनी स्त्री पुत्र पाती है, सौभाग्यार्थिनी सौभाग्य पाती है,

श्लोक 38 (garuda.1.86.38)

वंशार्थिनी च वंशान्वै प्राप्यार्च्यादिगदाधरम् । श्राद्धेन पिण्डदानेन अन्नदानेन वारिदः

vaṁśārthinī ca vaṁśānvai prāpyārcyādigadādharam śrāddhena piṇḍadānena annadānena vāridaḥ

और वंशार्थिनी वंश पाती है — आदिगदाधर की पूजा करके। श्राद्ध से, पिण्डदान से, अन्नदान से और जलदान से —

श्लोक 39 (garuda.1.86.39)

ब्रह्मलोकमवाप्नोति संपूज्यादिगदाधरम् । पृथिव्यां सर्वतीर्थेभ्यो यथा श्रेष्ठा गया पुरी

brahmalokamavāpnoti saṁpūjyādigadādharam pṛthivyāṁ sarvatīrthebhyo yathā śreṣṭhā gayā purī

आदिगदाधर की पूजा करने वाला ब्रह्मलोक को प्राप्त करता है। जैसे पृथ्वी पर समस्त तीर्थों में गया नगरी श्रेष्ठ है,

श्लोक 40 (garuda.1.86.40)

तथा शिलादिरूपश्च श्रेष्ठश्चैव गदाधरः । तस्मिन्दृष्टे शिला दृष्टा यतः सर्वं गदाधरः

tathā śilādirūpaśca śreṣṭhaścaiva gadādharaḥ tasmindṛṣṭe śilā dṛṣṭā yataḥ sarvaṁ gadādharaḥ

वैसे ही शिला आदि रूपों में गदाधर श्रेष्ठ हैं। उन्हें देखने पर ही शिला का दर्शन हो जाता है, क्योंकि गदाधर ही सब कुछ हैं।