हरिध्यान

श्लोक 1 (garuda.1.91.1)

सूत उवाच । स्वायम्भुवाद्या मुनयो हरिं ध्यायन्ति कर्मणा । व्रताचारार्चनाध्यानस्तुतिजप्यपरायणाः

sūta uvāca svāyambhuvādyā munayo hariṁ dhyāyanti karmaṇā vratācārārcanādhyānastutijapyaparāyaṇāḥ

सूत जी ने कहा — स्वायम्भुव आदि मुनि कर्म के द्वारा हरि का ध्यान करते हैं, व्रत, आचार, पूजा, ध्यान, स्तुति और जप में सदा तत्पर रहते हुए।

श्लोक 2 (garuda.1.91.2)

देहेन्द्रियमनोबुद्धिप्राणाहङ्कारवर्जितम् । आकशेन विहीनं वै तेजसा परिवर्जितम्

dehendriyamanobuddhiprāṇāhaṅkāravarjitam ākaśena vihīnaṁ vai tejasā parivarjitam

[वे उनका ध्यान करते हैं] देह, इन्द्रिय, मन, बुद्धि, प्राण और अहंकार से रहित; आकाश से रहित, तथा तेज से भी रहित —

श्लोक 3 (garuda.1.91.3)

उदकेन विहीनं वै तद्धर्मपरिवर्जितम् । पृथिवीरहितं चैव सर्वभूतविवर्जितम्

udakena vihīnaṁ vai taddharmaparivarjitam pṛthivīrahitaṁ caiva sarvabhūtavivarjitam

जल से रहित, उसके धर्म से भी रहित; पृथ्वी से रहित, तथा समस्त भूतों से रहित —

श्लोक 4 (garuda.1.91.4)

भूताध्यक्षं तथा बद्धनियन्तारं प्रभुं विभुम् । चैतन्यरूपतारूपं सर्वाध्यक्षं निरञ्जनम्

bhūtādhyakṣaṁ tathā baddhaniyantāraṁ prabhuṁ vibhum caitanyarūpatārūpaṁ sarvādhyakṣaṁ nirañjanam

तथापि भूतों के अध्यक्ष, बद्ध प्राणियों के नियन्ता, प्रभु, सर्वव्यापी; चैतन्यस्वरूप, सबके अध्यक्ष, निर्मल —

श्लोक 5 (garuda.1.91.5)

मुक्तसङ्गं महेशानं सर्वदेवप्रपूजितम् । तेजोरूपमसत्त्वं च तपसा परिवर्जितम्

muktasaṅgaṁ maheśānaṁ sarvadevaprapūjitam tejorūpamasattvaṁ ca tapasā parivarjitam

आसक्तिरहित, महेश्वर, समस्त देवताओं द्वारा पूजित; तेजस्वरूप, भौतिकता से रहित, तप की आवश्यकता से भी परे —

श्लोक 6 (garuda.1.91.6)

रहितं रजसा नित्यं व्यतिरिक्तं गुणैस्त्रिभिः । सर्वरूपविहीनं वै कर्तृत्वादिविवर्जितम्

rahitaṁ rajasā nityaṁ vyatiriktaṁ guṇaistribhiḥ sarvarūpavihīnaṁ vai kartṛtvādivivarjitam

रज से सदा रहित, तीनों गुणों से पृथक्; समस्त रूपों से रहित, कर्तृत्व आदि से भी रहित —

श्लोक 7 (garuda.1.91.7)

वासनारहितं शुद्धं सर्वदोषविवर्जितम् । पिपासावर्जितं तत्तच्छो कमोहविवर्जितम्

vāsanārahitaṁ śuddhaṁ sarvadoṣavivarjitam pipāsāvarjitaṁ tattaccho kamohavivarjitam

वासनाओं से रहित, शुद्ध, समस्त दोषों से रहित; तृष्णा से रहित, तथा शोक और मोह से भी रहित —

श्लोक 8 (garuda.1.91.8)

जरामरणहीनं वै कूटस्थं मोहवर्जितम् । उत्पत्तिरहितं चैव प्रलयेन विवर्जितम्

jarāmaraṇahīnaṁ vai kūṭasthaṁ mohavarjitam utpattirahitaṁ caiva pralayena vivarjitam

जरा-मृत्यु से रहित, कूटस्थ, मोह से रहित; उत्पत्ति से रहित, तथा प्रलय से भी रहित —

श्लोक 9 (garuda.1.91.9)

सत्यं सर्वाचारहीनं निष्कलं परमेश्वरम् । जाग्रत्स्वप्नसुषुप्त्यादिवर्जितं नामवर्जितम्

satyaṁ sarvācārahīnaṁ niṣkalaṁ parameśvaram jāgratsvapnasuṣuptyādivarjitaṁ nāmavarjitam

सत्यस्वरूप, समस्त आचार से परे, निष्कल परमेश्वर; जाग्रत्, स्वप्न, सुषुप्ति आदि से रहित, नाम से भी रहित —

श्लोक 10 (garuda.1.91.10)

अध्यक्षं जाग्रदादीनां शान्तरूपं सुरेश्वरम् । जाग्रदादिस्थितं नित्यं कार्य्यकारणवर्जितम्

adhyakṣaṁ jāgradādīnāṁ śāntarūpaṁ sureśvaram jāgradādisthitaṁ nityaṁ kāryyakāraṇavarjitam

जाग्रत् आदि अवस्थाओं के अध्यक्ष, शान्तस्वरूप, देवेश्वर; जाग्रत् आदि में नित्य स्थित, फिर भी कार्य-कारण से रहित —

श्लोक 11 (garuda.1.91.11)

सर्वदृष्टं तथा मूर्त्तं सूक्ष्मं सूक्ष्मतरं परम् । ज्ञानदृक् श्रोत्रविज्ञानं परमानन्दरूपकम्

sarvadṛṣṭaṁ tathā mūrttaṁ sūkṣmaṁ sūkṣmataraṁ param jñānadṛk śrotravijñānaṁ paramānandarūpakam

सबके द्वारा दृष्ट, फिर भी साकार, सूक्ष्म, सूक्ष्मतर, परम; ज्ञान के द्रष्टा, श्रवण-विज्ञानरूप, परमानन्दस्वरूप —

श्लोक 12 (garuda.1.91.12)

विश्वेन रहितं तद्वत्तैजसेन विवर्जितम् । प्राज्ञेन रहितञ्चैव तुरीयं परमाक्षरम्

viśvena rahitaṁ tadvattaijasena vivarjitam prājñena rahitañcaiva turīyaṁ paramākṣaram

विश्व (जाग्रत्-स्वरूप) से रहित, इसी प्रकार तैजस (स्वप्न-स्वरूप) से भी रहित; प्राज्ञ (सुषुप्ति-स्वरूप) से भी रहित — तुरीय, परम अक्षर —

श्लोक 13 (garuda.1.91.13)

सर्वगोप्तृ सर्वहन्तृ सर्वभूतात्मरूपि च । बुद्धिधर्मविहीनं वै निराधारं शिवं हरिम्

sarvagoptṛ sarvahantṛ sarvabhūtātmarūpi ca buddhidharmavihīnaṁ vai nirādhāraṁ śivaṁ harim

सबके रक्षक, सबके संहारक, समस्त प्राणियों के आत्मस्वरूप; बुद्धि के धर्मों से रहित, निराधार, कल्याणकारी हरि —

श्लोक 14 (garuda.1.91.14)

विक्रियारहितं चैव वेदान्तैर्वेद्यमेव च । वेदरूपं परं भूतमिन्द्रियेभ्यः परं शुभम्

vikriyārahitaṁ caiva vedāntairvedyameva ca vedarūpaṁ paraṁ bhūtamindriyebhyaḥ paraṁ śubham

विकाररहित, केवल वेदान्त द्वारा ही जानने योग्य; वेदस्वरूप, परम तत्त्व, इन्द्रियों से परे, कल्याणमय —

श्लोक 15 (garuda.1.91.15)

शब्देन वर्जितञ्चैव रसेन च विवर्जितम् । स्पर्शेन रहितं देवं रूपमात्रविवर्जितम्

śabdena varjitañcaiva rasena ca vivarjitam sparśena rahitaṁ devaṁ rūpamātravivarjitam

शब्द से रहित, तथा रस से भी रहित; स्पर्श से रहित देव, समस्त रूप से भी रहित —

श्लोक 16 (garuda.1.91.16)

रूपेण रहितञ्चैव गन्धेन परिवर्जितम् । अनादि ब्रह्मरन्ध्रान्तमहं ब्रह्मास्मि केवलम्

rūpeṇa rahitañcaiva gandhena parivarjitam anādi brahmarandhrāntamahaṁ brahmāsmi kevalam

रूप से भी रहित, गन्ध से भी रहित; अनादि, ब्रह्मरन्ध्र तक व्याप्त — 'मैं केवल ब्रह्म ही हूँ।'

श्लोक 17 (garuda.1.91.17)

एवं ज्ञात्वा महादेवध्यानं कुर्य्याज्जितेन्द्रियः । ध्यानं यः कुरुते ह्येवं स भवेद्बह्म मानवः

evaṁ jñātvā mahādevadhyānaṁ kuryyājjitendriyaḥ dhyānaṁ yaḥ kurute hyevaṁ sa bhavedbahma mānavaḥ

ऐसा जानकर जितेन्द्रिय पुरुष को महादेव का ध्यान करना चाहिए; जो इस प्रकार ध्यान करता है, वह मनुष्य ब्रह्मस्वरूप हो जाता है।

श्लोक 18 (garuda.1.91.18)

इति ध्यानं समाख्यातमश्विरस्य मया तव । अधुना कथयाम्यन्यत्किन्तद्ब्रूहि वृषध्वज

iti dhyānaṁ samākhyātamaśvirasya mayā tava adhunā kathayāmyanyatkintadbrūhi vṛṣadhvaja

इस प्रकार मैंने तुम्हें अविनाशी परमेश्वर के ध्यान का वर्णन किया है। अब मैं अन्य विषय कहूँगा — हे वृषध्वज! बताओ, वह क्या है?