विष्णुध्यान

श्लोक 1 (garuda.1.92.1)

रुद्रउवाच । विष्णोर्ध्यानं पुनर्ब्रूहि शङ्खचक्रगदाधर । येन विज्ञातमात्रेण कृतकृत्यो भवेन्नरः

rudrauvāca viṣṇordhyānaṁ punarbrūhi śaṅkhacakragadādhara yena vijñātamātreṇa kṛtakṛtyo bhavennaraḥ

रुद्र ने कहा — हे शंख-चक्र-गदाधारी! विष्णु के ध्यान को पुनः बताइए, जिसे जान लेने मात्र से मनुष्य कृतकृत्य हो जाता है।

श्लोक 2 (garuda.1.92.2)

हरिरुवाच । प्रवक्ष्यामि हरेर्ध्यानं मायातन्त्रविमर्दकम् । मूर्त्तामूर्तादिभेदेन तद्ध्यानं द्विविधं हर

hariruvāca pravakṣyāmi harerdhyānaṁ māyātantravimardakam mūrttāmūrtādibhedena taddhyānaṁ dvividhaṁ hara

हरि ने कहा — मैं हरि के उस ध्यान को कहूँगा जो माया के जाल को नष्ट करने वाला है। हे हर! वह ध्यान साकार और निराकार भेद से दो प्रकार का है।

श्लोक 3 (garuda.1.92.3)

अमूर्त्तं रुद्र कथितं हन्त मूर्त्तं ब्रवीम्यहम् । सूर्य्यकोटिप्रतीकाशो जिष्णुर्भाजिष्णुरेकतः

amūrttaṁ rudra kathitaṁ hanta mūrttaṁ bravīmyaham sūryyakoṭipratīkāśo jiṣṇurbhājiṣṇurekataḥ

हे रुद्र! निराकार ध्यान कहा जा चुका है; अब मैं साकार ध्यान कहता हूँ — करोड़ों सूर्यों के समान कान्तिमान्, विजयी, तेजस्वी, अद्वितीय —

श्लोक 4 (garuda.1.92.4)

कुन्दगोक्षीरधवलो हरिर्ध्येयो मुमुक्षुभिः । विशालेन सुसौम्येन शङ्खेन च समन्वितः

kundagokṣīradhavalo harirdhyeyo mumukṣubhiḥ viśālena susaumyena śaṅkhena ca samanvitaḥ

कुन्दपुष्प और गोदुग्ध के समान श्वेत हरि का मुमुक्षुओं को ध्यान करना चाहिए, जो विशाल और अत्यंत सुंदर शंख से युक्त हैं।

श्लोक 5 (garuda.1.92.5)

सहस्त्रादित्यतुल्येन ज्वालामालोग्ररूपिणा । चक्रेण चान्वितः शान्तो गदाहस्तः शुभाननः

sahastrādityatulyena jvālāmālograrūpiṇā cakreṇa cānvitaḥ śānto gadāhastaḥ śubhānanaḥ

सहस्र सूर्यों के समान तेजस्वी, उग्र ज्वालाओं की माला वाले चक्र से युक्त, फिर भी शान्त, गदाधारी, शुभमुख वाले —

श्लोक 6 (garuda.1.92.6)

किरीटेन महार्हेण रत्नप्रज्वलितेन च । सायुधः सर्वगो देवः सरोरुहधरस्तथा

kirīṭena mahārheṇa ratnaprajvalitena ca sāyudhaḥ sarvago devaḥ saroruhadharastathā

रत्नों से जगमगाते अत्यंत मूल्यवान् मुकुट से युक्त; आयुधधारी, सर्वव्यापी देव, तथा कमल धारण करने वाले —

श्लोक 7 (garuda.1.92.7)

वनमालाधरः शुभ्रः समांसो हेमभूषणः । सुवस्त्रः शुद्धदेहश्च सुकर्णः पद्मसंस्थितः

vanamālādharaḥ śubhraḥ samāṁso hemabhūṣaṇaḥ suvastraḥ śuddhadehaśca sukarṇaḥ padmasaṁsthitaḥ

वनमाला धारण करने वाले, कान्तिमान्, पुष्टशरीर, स्वर्णाभूषणों से सुसज्जित; सुंदर वस्त्र, शुद्ध शरीर, सुंदर कान, कमल पर विराजमान —

श्लोक 8 (garuda.1.92.8)

हिरण्मयशरीरश्च चारुहारी शुभाङ्गदः । केयूरेण समायुक्तो वनमालासमन्वितः

hiraṇmayaśarīraśca cāruhārī śubhāṅgadaḥ keyūreṇa samāyukto vanamālāsamanvitaḥ

स्वर्णिम शरीर वाले, सुंदर हार धारण करने वाले, शुभ बाजूबंद वाले; केयूर से युक्त, वनमाला से सुशोभित —

श्लोक 9 (garuda.1.92.9)

श्रीवत्सकौस्तुभयुतो लक्ष्मीवन्द्येक्षणान्वितः । अणिमादिगुणैर्युक्तः सृष्टिसंहारकारकः

śrīvatsakaustubhayuto lakṣmīvandyekṣaṇānvitaḥ aṇimādiguṇairyuktaḥ sṛṣṭisaṁhārakārakaḥ

श्रीवत्स और कौस्तुभमणि से युक्त, लक्ष्मी द्वारा वंदनीय नेत्रों वाले; अणिमा आदि सिद्धियों से युक्त, सृष्टि और संहार करने वाले —

श्लोक 10 (garuda.1.92.10)

मुनिध्येयोऽसुरध्येयो देवध्येयोऽतिसुन्दरः । ब्रह्मादिस्तम्बपर्य्यन्तभूतजातहृदिस्थितः

munidhyeyo'suradhyeyo devadhyeyo'tisundaraḥ brahmādistambaparyyantabhūtajātahṛdisthitaḥ

मुनियों, असुरों और देवताओं द्वारा ध्येय, अत्यंत सुंदर; ब्रह्मा से लेकर तृण-तिनके तक उत्पन्न सभी प्राणियों के हृदय में स्थित —

श्लोक 11 (garuda.1.92.11)

सनातनोऽव्ययो मेध्यः सर्वानुग्रहकृत्प्रभुः । नारायणो महादेवः स्फुरन्मकरकुण्डलः

sanātano'vyayo medhyaḥ sarvānugrahakṛtprabhuḥ nārāyaṇo mahādevaḥ sphuranmakarakuṇḍalaḥ

सनातन, अव्यय, पवित्र, सबका अनुग्रह करने वाले प्रभु; नारायण, महादेव, चमकते मकराकार कुण्डलों वाले —

श्लोक 12 (garuda.1.92.12)

सन्तापनाशनोऽभ्यर्च्यो मङ्गल्यो दुष्टनाशनः । सर्वात्मा सर्वरूपश्च सर्वगो ग्रहनाशनः

santāpanāśano'bhyarcyo maṅgalyo duṣṭanāśanaḥ sarvātmā sarvarūpaśca sarvago grahanāśanaḥ

संताप का नाश करने वाले, पूज्य, मंगलकारी, दुष्टों का नाश करने वाले; सबके आत्मा, सबरूप, सर्वव्यापी, अशुभ ग्रहों का नाश करने वाले —

श्लोक 13 (garuda.1.92.13)

चार्वङ्गुलीयसंयुक्तः सुदीप्तनख एव च । शरण्यः सुखकारी च सौम्यरूपो महेश्वरः

cārvaṅgulīyasaṁyuktaḥ sudīptanakha eva ca śaraṇyaḥ sukhakārī ca saumyarūpo maheśvaraḥ

सुंदर अंगूठियों से युक्त, चमकते नखों वाले; शरणदाता, सुखकारी, सौम्यरूप महेश्वर —

श्लोक 14 (garuda.1.92.14)

सर्वालङ्कारसंयुक्तश्चारुचन्दनचर्चितः । सर्वदेवसमायुक्तः सर्वदेवप्रियङ्करः

sarvālaṅkārasaṁyuktaścārucandanacarcitaḥ sarvadevasamāyuktaḥ sarvadevapriyaṅkaraḥ

सभी आभूषणों से सुसज्जित, सुंदर चंदन से चर्चित; समस्त देवताओं से युक्त, सभी देवताओं के प्रिय —

श्लोक 15 (garuda.1.92.15)

सर्वलोकहितैषी च सर्वेशः सर्वभावनः । आदित्यमण्डले संस्थो अग्निस्थो वारिसंस्थितः

sarvalokahitaiṣī ca sarveśaḥ sarvabhāvanaḥ ādityamaṇḍale saṁstho agnistho vārisaṁsthitaḥ

समस्त लोकों का हित चाहने वाले, सबके ईश्वर, सबकी उत्पत्ति करने वाले; सूर्यमण्डल में स्थित, अग्नि में स्थित, जल में स्थित —

श्लोक 16 (garuda.1.92.16)

वासुदेवो जगद्धाता ध्येयो विष्णुर्मुमुक्षुभिः । वासुदेवोऽहमस्मीति आत्मा ध्येयो हरिर्हरिः

vāsudevo jagaddhātā dhyeyo viṣṇurmumukṣubhiḥ vāsudevo'hamasmīti ātmā dhyeyo harirhariḥ

वासुदेव, जगत् के धारणकर्ता, विष्णु का मुमुक्षुओं को 'मैं वासुदेव हूँ' — इस प्रकार ध्यान करना चाहिए; आत्मरूप हरि का हरि के रूप में ध्यान करना चाहिए।

श्लोक 17 (garuda.1.92.17)

ध्यायन्त्येवं च ये विष्णुं ते यान्ति परमां गतिम् । याज्ञवल्क्यः पुरा ह्येवं ध्यात्वा विष्णुं सुरेश्वरम्

dhyāyantyevaṁ ca ye viṣṇuṁ te yānti paramāṁ gatim yājñavalkyaḥ purā hyevaṁ dhyātvā viṣṇuṁ sureśvaram

इस प्रकार जो विष्णु का ध्यान करते हैं, वे परम गति को प्राप्त होते हैं। पूर्वकाल में याज्ञवल्क्य ने इसी प्रकार देवेश्वर विष्णु का ध्यान करके —

श्लोक 18 (garuda.1.92.18)

धर्मोपदेशकर्त्तृत्वं संप्राप्यागात्परं पदम् । तस्मात्त्वमपि देवेश ! विष्णुं चिन्तय शङ्कर !

dharmopadeśakarttṛtvaṁ saṁprāpyāgātparaṁ padam tasmāttvamapi deveśa ! viṣṇuṁ cintaya śaṅkara !

धर्मोपदेशक का पद प्राप्त करके परम पद को प्राप्त हुआ। इसलिए, हे देवेश! हे शंकर! आप भी विष्णु का चिंतन करें।

श्लोक 19 (garuda.1.92.19)

विष्णुध्यानं पठेद्यस्तु प्राप्नोति परमां गतिम्

viṣṇudhyānaṁ paṭhedyastu prāpnoti paramāṁ gatim

जो कोई विष्णु के इस ध्यान का पाठ करता है, वह परम गति को प्राप्त करता है।