याज्ञवल्क्य-उक्त श्राद्धविधि-निरूपण

श्लोक 1 (garuda.1.99.1)

याज्ञवल्क्य उवाच । अथ श्राद्धविधिं वक्ष्ये सर्वपापप्रणाशनम् । अमावस्याष्टकावृद्धिकृष्णपक्षायनद्वयम्

yājñavalkya uvāca atha śrāddhavidhiṁ vakṣye sarvapāpapraṇāśanam amāvasyāṣṭakāvṛddhikṛṣṇapakṣāyanadvayam

याज्ञवल्क्य ने कहा — अब मैं सर्वपापनाशक श्राद्धविधि का वर्णन करूँगा। अमावस्या, अष्टका, वृद्धि-श्राद्ध, कृष्णपक्ष, दोनों अयन,

श्लोक 2 (garuda.1.99.2)

द्रव्यं ब्राह्मणसम्पत्तिर्विषुवत्सूर्य्यसंक्रमः । व्यतीपातो गजच्छाया ग्रहणं चन्द्रसूर्य्ययोः

dravyaṁ brāhmaṇasampattirviṣuvatsūryyasaṁkramaḥ vyatīpāto gajacchāyā grahaṇaṁ candrasūryyayoḥ

उपयुक्त सामग्री की प्राप्ति, ब्राह्मण का आगमन, विषुव, सूर्य-संक्रांति, व्यतीपात, गजच्छाया योग, तथा चन्द्र-सूर्य ग्रहण —

श्लोक 3 (garuda.1.99.3)

श्राद्धं प्रतिरुचिश्चैव श्राद्धकालाः प्रकीर्त्तिताः । अग्नियः सर्वदेवेषु श्रोत्रियो वेदविद्युवा

śrāddhaṁ pratiruciścaiva śrāddhakālāḥ prakīrttitāḥ agniyaḥ sarvadeveṣu śrotriyo vedavidyuvā

और अपनी इच्छा से किया गया श्राद्ध — ये सब श्राद्ध के काल कहे गए हैं। समस्त देवताओं में अग्नि [श्राद्ध के देवता हैं]; वेदवेत्ता युवा श्रोत्रिय —

श्लोक 4 (garuda.1.99.4)

वेदार्थविज्ज्येष्ठसामा त्रिमधुस्त्रिसुपर्णिकः । स्वस्त्रीयऋत्विगजामातायज्यश्वशुरमातुलाः

vedārthavijjyeṣṭhasāmā trimadhustrisuparṇikaḥ svastrīyaṛtvigajāmātāyajyaśvaśuramātulāḥ

वेदार्थ का ज्ञाता, ज्येष्ठसाम जानने वाला, त्रिमधु और त्रिसुपर्ण का ज्ञाता, भांजा, ऋत्विक्, जमाता, यजमान, श्वसुर और मामा —

श्लोक 5 (garuda.1.99.5)

त्रिणाचिकेतदौहित्रशिष्यसम्बन्धिबान्धवाः । कर्मनिष्ठास्तपोनिष्ठाः पञ्चाग्निब्रह्मचारिणः

triṇāciketadauhitraśiṣyasambandhibāndhavāḥ karmaniṣṭhāstaponiṣṭhāḥ pañcāgnibrahmacāriṇaḥ

त्रिणाचिकेत-ज्ञाता, दौहित्र, शिष्य, सम्बन्धी और बन्धुजन, कर्मनिष्ठ, तपोनिष्ठ, पंचाग्नि-धारक तथा ब्रह्मचारी —

श्लोक 6 (garuda.1.99.6)

पितृमातृपराश्चैव ब्राह्मणाः श्राद्धदेवताः । रोगी हीनातिरिक्ताङ्गः काणः पौनर्भवस्तथा

pitṛmātṛparāścaiva brāhmaṇāḥ śrāddhadevatāḥ rogī hīnātiriktāṅgaḥ kāṇaḥ paunarbhavastathā

तथा पिता-माता के प्रति समर्पित ब्राह्मण — ये सभी श्राद्ध के योग्य पात्र हैं। किंतु रोगी, अंगहीन या अतिरिक्त अंग वाला, काना, तथा पुनर्विवाहिता का पुत्र,

श्लोक 7 (garuda.1.99.7)

अवकीर्ण्याद यो ये च ये चाचारविवर्जिताः । अवैष्णवाश्च ते सर्वे न श्राद्धार्हाः कदाचन

avakīrṇyāda yo ye ca ye cācāravivarjitāḥ avaiṣṇavāśca te sarve na śrāddhārhāḥ kadācana

व्रतभंग करने वाला, तथा जो आचारहीन हों, और जो विष्णुभक्त न हों — ये सभी कभी भी श्राद्ध के योग्य नहीं हैं।

श्लोक 8 (garuda.1.99.8)

निमन्त्रयेच्च पूर्वेद्युर्द्विजैर्भाव्यं च संयतैः । आजान्तांश्चैव पूर्वाह्णेह्यासनेषूपवेशयेत्

nimantrayecca pūrvedyurdvijairbhāvyaṁ ca saṁyataiḥ ājāntāṁścaiva pūrvāhṇehyāsaneṣūpaveśayet

एक दिन पूर्व निमंत्रण दे, और वे संयमित रहें। आने पर पूर्वाह्न में उन्हें आसनों पर बैठाए।

श्लोक 9 (garuda.1.99.9)

युग्मान्देवे तथा पित्र्ये स्वप्रदेशेषु शक्तितः । द्वौ दैव प्रागुदक् पित्र्ये त्रीण्येकं चोभयोः पृथक्

yugmāndeve tathā pitrye svapradeśeṣu śaktitaḥ dvau daiva prāgudak pitrye trīṇyekaṁ cobhayoḥ pṛthak

देव और पितृ दोनों भागों में यथाशक्ति अपने-अपने स्थान पर सम संख्या में बैठाए। देव-भाग में दो, पूर्व या उत्तर की ओर मुख करके; पितृ-भाग में तीन, या कम से कम एक — दोनों को पृथक्-पृथक् बैठाए।

श्लोक 10 (garuda.1.99.10)

मातामहानामप्येवं तन्त्रं वा वैश्वदेविकम् । हस्तप्रक्षालनं दत्त्वा विष्टरार्थे कुशानपि

mātāmahānāmapyevaṁ tantraṁ vā vaiśvadevikam hastaprakṣālanaṁ dattvā viṣṭarārthe kuśānapi

इसी प्रकार नाना के पक्ष के लिए भी, अथवा वैश्वदेव विधि से संयुक्त रूप से किया जा सकता है। हाथ धुलाकर, आसन के लिए कुश देकर —

श्लोक 11 (garuda.1.99.11)

आवाह्य तदनुज्ञातो विश्वदेवासइत्यृचा । यवैरन्नं विकीर्य्याथ भोजने सपवित्रके

āvāhya tadanujñāto viśvadevāsaityṛcā yavairannaṁ vikīryyātha bhojane sapavitrake

आवाहन करके, अनुमति पाकर, 'विश्वेदेवास्' मन्त्र से जौ बिखेरकर भोजन में, पवित्रक (कुश की अंगूठी) सहित —

श्लोक 12 (garuda.1.99.12)

शन्नोदेव्या पयः क्षिप्त्वा यवोऽसीति यवांस्तथा । यादिव्या इति मन्त्रेण हस्तेष्वेव विनिः क्षिपेत्

śannodevyā payaḥ kṣiptvā yavo'sīti yavāṁstathā yādivyā iti mantreṇa hasteṣveva viniḥ kṣipet

'शन्नो देव्या' मन्त्र से दूध डालकर, 'यवोऽसि' मन्त्र से जौ, और 'या दिव्या' मन्त्र से उन्हें उनके हाथों में ही अर्पित करे।

श्लोक 13 (garuda.1.99.13)

गन्धोदके तथा दीपमाल्यदामप्रदीपकम् । अपसव्यं ततः कृत्वा पितॄणामप्रदक्षिणम्

gandhodake tathā dīpamālyadāmapradīpakam apasavyaṁ tataḥ kṛtvā pitṝṇāmapradakṣiṇam

सुगंधित जल, दीप, माला और अन्य उपहार अर्पित करे। फिर यज्ञोपवीत को दाहिने कंधे पर करके पितरों के लिए अप्रदक्षिण [वामावर्त] गति से —

श्लोक 14 (garuda.1.99.14)

द्विगुणांस्तु कुशान्दत्त्वा उशन्तस्त्वेत्यृचा पितॄन् । आवाह्य तदनु ज्ञातो जपेदायन्तुनस्ततः

dviguṇāṁstu kuśāndattvā uśantastvetyṛcā pitṝn āvāhya tadanu jñāto japedāyantunastataḥ

दुगुना कुश देकर, 'उशन्तस्त्वा' मन्त्र से पितरों का आवाहन करे; अनुमति पाकर तब 'आयन्तु नः' का जप करे।

श्लोक 15 (garuda.1.99.15)

यवार्थस्तु तिलैः कार्य्यः कुर्य्यादर्घ्यादि पूर्ववत् । दत्त्वार्घ्यं संस्रंवांस्तेषां पात्रे कृत्वा विधानतः

yavārthastu tilaiḥ kāryyaḥ kuryyādarghyādi pūrvavat dattvārghyaṁ saṁsraṁvāṁsteṣāṁ pātre kṛtvā vidhānataḥ

जौ के स्थान पर पितरों के लिए तिल का प्रयोग करे; अर्घ्य आदि पूर्ववत् करे। अर्घ्य देकर उनके निःस्रुत जल को विधिपूर्वक पात्र में रखकर —

श्लोक 16 (garuda.1.99.16)

पितृभ्यः स्थानमसीति न्युब्जं पात्रं करोत्यधः । अग्नौ करिष्य आदाय पृच्छत्यन्नं घृप्लुतम्

pitṛbhyaḥ sthānamasīti nyubjaṁ pātraṁ karotyadhaḥ agnau kariṣya ādāya pṛcchatyannaṁ ghṛplutam

'पितृभ्यः स्थानमसि' मन्त्र से पात्र को उलट दे। फिर अग्नि में हवन करने का विचार करके, घृत में डूबा अन्न लेकर अनुमति माँगे —

श्लोक 17 (garuda.1.99.17)

कुरुष्वेति तथोक्तोसौ हुत्वाग्नौ पितृयज्ञवत् । हुतशेषं प्रदद्याच्च भाजनेषु समाहितः

kuruṣveti tathoktosau hutvāgnau pitṛyajñavat hutaśeṣaṁ pradadyācca bhājaneṣu samāhitaḥ

'करो' — ऐसा कहे जाने पर पितृयज्ञ की विधि से अग्नि में हवन करे। तत्पश्चात् एकाग्रचित्त होकर हवन-शेष को [ब्राह्मणों के] पात्रों में बाँटे —

श्लोक 18 (garuda.1.99.18)

यथालाभोपपन्नेषु रौप्येषु च विशेषतः । दत्त्वान्नं पृथिवीपात्रमिति पात्राभिमन्त्रणम्

yathālābhopapanneṣu raupyeṣu ca viśeṣataḥ dattvānnaṁ pṛthivīpātramiti pātrābhimantraṇam

जैसे भी पात्र उपलब्ध हों, विशेषतः चाँदी के पात्रों में। अन्न देकर 'पृथिवी पात्रम्' मन्त्र से पात्रों का अभिमन्त्रण करे —

श्लोक 19 (garuda.1.99.19)

कृत्वे दंविष्णुरित्येवं द्विजाङ्गुष्ठं निवेशयेत् । सव्याहृतिं च गायत्त्रीं मधुवातेत्यृचस्तथा

kṛtve daṁviṣṇurityevaṁ dvijāṅguṣṭhaṁ niveśayet savyāhṛtiṁ ca gāyattrīṁ madhuvātetyṛcastathā

यह करके, 'इदं विष्णुः' मन्त्र से ब्राह्मण के अंगूठे को अन्न में रखवाए। तत्पश्चात् व्याहृतियों सहित गायत्री, और 'मधु वाता' ऋचा —

श्लोक 20 (garuda.1.99.20)

जप्त्वा यथासुखं वाच्यं भुञ्जीरंस्तेऽपि वाग्यताः । अन्नमिष्टं हविष्यं च दद्यादक्रोधनोत्वरः

japtvā yathāsukhaṁ vācyaṁ bhuñjīraṁste'pi vāgyatāḥ annamiṣṭaṁ haviṣyaṁ ca dadyādakrodhanotvaraḥ

इनका जप करके सुखपूर्वक भोजन करने को कहे, और वे भी मौन रहकर भोजन करें। इष्ट और हविष्य अन्न बिना क्रोध और बिना जल्दबाजी के परोसे।

श्लोक 21 (garuda.1.99.21)

आतृप्तेस्तु पवित्राणि जप्त्वा पूर्वजपं तथा । अन्नमादाय तृप्ताः स्थः शेषं चैवान्नमन्वहम् च

ātṛptestu pavitrāṇi japtvā pūrvajapaṁ tathā annamādāya tṛptāḥ sthaḥ śeṣaṁ caivānnamanvaham ca

तृप्ति होने तक पवित्र मंत्रों तथा पूर्व-जप का पाठ करे। जब वे कहें 'हम तृप्त हैं', तो शेष अन्न को दैनिक उपयोग हेतु ले ले —

श्लोक 22 (garuda.1.99.22)

तदन्नं विकिरेद्भूमौ दद्याच्चापः सकृत्सकृत् । सर्वमन्नमुपादाय सतिलं दक्षिणामुखः

tadannaṁ vikiredbhūmau dadyāccāpaḥ sakṛtsakṛt sarvamannamupādāya satilaṁ dakṣiṇāmukhaḥ

उस अन्न को भूमि पर बिखेरे, और एक-एक बार जल दे। तिल सहित सब अन्न लेकर, दक्षिण दिशा की ओर मुख करके —

श्लोक 23 (garuda.1.99.23)

उच्छिष्टसन्निधौ पिण्डान्प्रदद्यात्पितृयज्ञवत् । मातामहानामप्यवं दद्यादाचमनं ततः

ucchiṣṭasannidhau piṇḍānpradadyātpitṛyajñavat mātāmahānāmapyavaṁ dadyādācamanaṁ tataḥ

जूठे अन्न के पास ही पितृयज्ञ की विधि से पिण्ड अर्पित करे। नाना पक्ष के लिए भी इसी प्रकार करे। तत्पश्चात् आचमन कराए —

श्लोक 24 (garuda.1.99.24)

स्वस्ति वाच्यं ततो दद्यादक्षय्योदकमेव च । दत्त्वा च दक्षिणां शक्त्या स्वधाकारमुदाहरेत्

svasti vācyaṁ tato dadyādakṣayyodakameva ca dattvā ca dakṣiṇāṁ śaktyā svadhākāramudāharet

'स्वस्ति' कहलवाकर अक्षय्योदक (अक्षय जल) अर्पित करे। यथाशक्ति दक्षिणा देकर 'स्वधा' शब्द का उच्चारण करे।

श्लोक 25 (garuda.1.99.25)

वाच्यतामिन्यनुज्ञातः पितृभ्यश्च स्वधोच्यताम् । विप्रैरस्तु स्वधेत्युक्तो भूमौ सिञ्चेत्ततो जलम्

vācyatāminyanujñātaḥ pitṛbhyaśca svadhocyatām viprairastu svadhetyukto bhūmau siñcettato jalam

अनुमति पाकर कहे — 'पितरों के लिए स्वधा कही जाए।' ब्राह्मणों द्वारा 'स्वधा हो' कहे जाने पर भूमि पर जल छिड़के।

श्लोक 26 (garuda.1.99.26)

प्रीयन्तामिति चाहैवं विश्वेदेव्यं जलं ददत् । दातारो नोऽभिवर्धन्तां वेदाः सन्ततिरेव च

prīyantāmiti cāhaivaṁ viśvedevyaṁ jalaṁ dadat dātāro no'bhivardhantāṁ vedāḥ santatireva ca

'वे प्रसन्न हों' कहते हुए विश्वेदेव सम्बन्धी जल अर्पित करे। [ब्राह्मण आशीर्वाद दें:] 'हमारे दाता समृद्ध हों, वेद और संतति भी बढ़ें;

श्लोक 27 (garuda.1.99.27)

श्रद्धा च नो मा व्यगमद्वहु देयं च नोऽस्त्विति । इत्युक्तोऽपि प्रिया वाचः प्रणिपत्य विसर्जयेत्

śraddhā ca no mā vyagamadvahu deyaṁ ca no'stviti ityukto'pi priyā vācaḥ praṇipatya visarjayet

हमारी श्रद्धा कभी न घटे, और हमें देने के लिए बहुत कुछ हो' — इन प्रिय वचनों को सुनकर प्रणाम करके उन्हें विदा करे।

श्लोक 28 (garuda.1.99.28)

वाजेवाजे इति प्रीत्या पितृपूर्वं विसर्जनम् । यस्मिंस्ते संस्रवाः पूर्वमर्घ्यपात्रे निपातिताः

vājevāje iti prītyā pitṛpūrvaṁ visarjanam yasmiṁste saṁsravāḥ pūrvamarghyapātre nipātitāḥ

'वाजे वाजे' मन्त्र से प्रेमपूर्वक पहले देवताओं की, फिर पितरों की विसर्जन-क्रिया करे। जिस पात्र में पूर्व निःस्रुत जल गिराया गया था —

श्लोक 29 (garuda.1.99.29)

पितृपात्रं तदुत्तानं कृत्वा विप्रान्विसर्जयेत् । प्रदक्षिणमनुव्रज्य भुञ्जीत पितृसेवितम्

pitṛpātraṁ taduttānaṁ kṛtvā viprānvisarjayet pradakṣiṇamanuvrajya bhuñjīta pitṛsevitam

उस पितृ-पात्र को सीधा करके ब्राह्मणों को विदा करे। प्रदक्षिणा करते हुए उन्हें विदा करके, पितरों को अर्पित अन्न स्वयं ग्रहण करे।

श्लोक 30 (garuda.1.99.30)

ब्रह्मचारीं भवेत्तां तु रजनीं भार्य्यया सह । एवं प्रदक्षिणं कृत्वा वृद्धौ नान्दीमुखानपि

brahmacārīṁ bhavettāṁ tu rajanīṁ bhāryyayā saha evaṁ pradakṣiṇaṁ kṛtvā vṛddhau nāndīmukhānapi

उस रात्रि पत्नी के साथ रहते हुए भी ब्रह्मचर्य का पालन करे। इस प्रकार प्रदक्षिणा करने के बाद, वृद्धि-श्राद्ध में नान्दीमुख पितरों की —

श्लोक 31 (garuda.1.99.31)

यजेत्तदधिकर्कन्धूमिश्राः पिण्डा यैवः श्रिताः । एकोद्दिष्टं दैवहीनं एकान्नैकपवित्रकम्

yajettadadhikarkandhūmiśrāḥ piṇḍā yaivaḥ śritāḥ ekoddiṣṭaṁ daivahīnaṁ ekānnaikapavitrakam

अतिरिक्त पूजा करे, बेर के फलों से मिश्रित पिण्ड के साथ, जो भी विहित हो। एकोद्दिष्ट श्राद्ध देव-भाग रहित, एक ही अन्न और एक ही पवित्रक से होता है —

श्लोक 32 (garuda.1.99.32)

आवाहनाग्नौकरणरहितं त्वपसव्यवत् । उपतिष्ठतामित्यक्षय्यस्थाने विप्रान्विसर्जयेत्

āvāhanāgnaukaraṇarahitaṁ tvapasavyavat upatiṣṭhatāmityakṣayyasthāne viprānvisarjayet

आवाहन और अग्निहवन के बिना, यज्ञोपवीत सदा दाहिने कंधे पर रखकर। 'उपतिष्ठताम्' मन्त्र से, अक्षय्योदक के स्थान पर, ब्राह्मणों को विदा करे।

श्लोक 33 (garuda.1.99.33)

अभिरम्यतां प्रबूयाद् ब्रुयुस्तेभिरताः स्म ह । गन्धो दकतिलैर्मिश्रं कुर्य्यात्पात्रचतुष्टयम्

abhiramyatāṁ prabūyād bruyustebhiratāḥ sma ha gandho dakatilairmiśraṁ kuryyātpātracatuṣṭayam

'प्रसन्न हों' कहे, और वे उत्तर दें 'हम प्रसन्न हैं'। सपिंडीकरण के लिए गंध, जल और तिल से मिश्रित चार पात्र तैयार करे —

श्लोक 34 (garuda.1.99.34)

अर्घ्यार्थं पितृपात्रेषु प्रेतपात्रं प्रसेचयेत् । ये समाना इति द्वाभ्यां शेषं पूर्ववदाचरेत्

arghyārthaṁ pitṛpātreṣu pretapātraṁ prasecayet ye samānā iti dvābhyāṁ śeṣaṁ pūrvavadācaret

अर्घ्य के लिए प्रेत के पात्र को तीनों पितरों के पात्रों में उँडेले। 'ये समानाः' नामक दो ऋचाओं से शेष विधि पूर्ववत् करे।

श्लोक 35 (garuda.1.99.35)

एतत्सपिण्डीकरणमेकोद्दिष्टं स्त्रिया अपि । अर्वाक् सपिण्डीकरणं यस्य संवत्सराद्भवेत्

etatsapiṇḍīkaraṇamekoddiṣṭaṁ striyā api arvāk sapiṇḍīkaraṇaṁ yasya saṁvatsarādbhavet

यह सपिंडीकरण है; एकोद्दिष्ट श्राद्ध स्त्री के लिए भी किया जाता है। यदि किसी का सपिंडीकरण एक वर्ष से पहले हो जाए —

श्लोक 36 (garuda.1.99.36)

तस्याप्यन्नं सोदकुम्भं दद्यात्संवत्सरं द्विजः । पिण्डांश्च गोज विप्रेभ्यो दद्याद्ग्नौ जलेऽपि वा

tasyāpyannaṁ sodakumbhaṁ dadyātsaṁvatsaraṁ dvijaḥ piṇḍāṁśca goja viprebhyo dadyādgnau jale'pi vā

तो द्विज को उसके लिए भी शेष वर्षभर जलपात्र सहित अन्न देना चाहिए। पिण्ड गौओं, ब्राह्मणों, अग्नि या जल में भी अर्पित करे।

श्लोक 37 (garuda.1.99.37)

हविष्यान्नेन वै मासं पायसेन तु वत्सरम् । मात्स्यहारिणकौरभ्रशाकुनच्छागपार्षतैः

haviṣyānnena vai māsaṁ pāyasena tu vatsaram mātsyahāriṇakaurabhraśākunacchāgapārṣataiḥ

हविष्य अन्न से एक मास तक, खीर से एक वर्ष तक तृप्ति होती है। मछली, हिरण, मेढ़ा, पक्षी, बकरा और चित्तीदार मृग के मांस से —

श्लोक 38 (garuda.1.99.38)

ऐणरौरववा राहशाशमांसैर्यथाक्रमम् । मासवृद्ध्यापि तुष्यन्ति दत्तैरिह पितामहाः

aiṇarauravavā rāhaśāśamāṁsairyathākramam māsavṛddhyāpi tuṣyanti dattairiha pitāmahāḥ

तथा एण, रुरु, महिष और खरगोश के मांस से क्रमशः — इन्हें अर्पित करने से पितामह मास दर मास बढ़ती अवधि तक तृप्त होते हैं।

श्लोक 39 (garuda.1.99.39)

दद्याद्वर्षात्रयोदश्यां मघासु च न संशयः । प्रतिपत्प्रभृतिष्वेवं कन्या दीश्राद्धदो लभेत्

dadyādvarṣātrayodaśyāṁ maghāsu ca na saṁśayaḥ pratipatprabhṛtiṣvevaṁ kanyā dīśrāddhado labhet

वर्ष की त्रयोदशी को तथा मघा नक्षत्र में श्राद्ध देना चाहिए — इसमें संशय नहीं। इसी प्रकार प्रतिपदा आदि तिथियों में कन्या के लिए श्राद्ध देने वाला विशेष फल पाता है।

श्लोक 40 (garuda.1.99.40)

शस्त्रेण निहतानां तु चतुर्दश्यां प्रदीयते । स्वर्गं ह्यपत्यमोजश्च शौर्य्यं क्षेत्रं बलं तथा

śastreṇa nihatānāṁ tu caturdaśyāṁ pradīyate svargaṁ hyapatyamojaśca śauryyaṁ kṣetraṁ balaṁ tathā

शस्त्र से मारे गए लोगों के लिए चतुर्दशी को श्राद्ध दिया जाता है। [श्राद्ध से] स्वर्ग, संतान, तेज, शौर्य, भूमि और बल,

श्लोक 41 (garuda.1.99.41)

पुत्रश्रैष्ट्यं स सौभाग्यं समृद्धिं मुख्यतां शुभम् । प्रवृत्तचक्रतां चैव वाणिज्यप्रभृतींस्तथा

putraśraiṣṭyaṁ sa saubhāgyaṁ samṛddhiṁ mukhyatāṁ śubham pravṛttacakratāṁ caiva vāṇijyaprabhṛtīṁstathā

पुत्रों में श्रेष्ठता, सौभाग्य, समृद्धि, प्रमुखता, शुभता, कार्यों की सफलता, तथा व्यापार में उन्नति भी प्राप्त होती है,

श्लोक 42 (garuda.1.99.42)

अरोगित्वं यशो वीतशोकतां परमां गतिम् । धनं विद्यां च वाक्सिद्धिं कुप्यं गोजाविकं तथा

arogitvaṁ yaśo vītaśokatāṁ paramāṁ gatim dhanaṁ vidyāṁ ca vāksiddhiṁ kupyaṁ gojāvikaṁ tathā

आरोग्य, यश, शोकरहितता, परम गति, धन, विद्या, वाक्सिद्धि, तांबा-पीतल जैसी धातुएँ, गौ, बकरी-भेड़,

श्लोक 43 (garuda.1.99.43)

अश्वानायुश्च विधिवद्यः श्राद्धं संप्रयच्छति । कृत्तिकादिभरण्यन्तं स कामान्प्राप्नुयादिमान्

aśvānāyuśca vidhivadyaḥ śrāddhaṁ saṁprayacchati kṛttikādibharaṇyantaṁ sa kāmānprāpnuyādimān

अश्व और आयु — जो कृत्तिका से भरणी तक के नक्षत्रों में विधिपूर्वक श्राद्ध करता है, वह इन सब कामनाओं को प्राप्त करता है।

श्लोक 44 (garuda.1.99.44)

वस्त्राद्याः प्रीणयन्त्येव नरं श्राद्धकृतं द्विजाः । आयुः प्रजा धनं विद्यां स्वर्गमोक्षसुखानि च

vastrādyāḥ prīṇayantyeva naraṁ śrāddhakṛtaṁ dvijāḥ āyuḥ prajā dhanaṁ vidyāṁ svargamokṣasukhāni ca

वस्त्र आदि [के दान से] द्विजगण श्राद्धकर्ता को प्रसन्न करते हैं। आयु, संतान, धन, विद्या, स्वर्ग-मोक्ष के सुख —

श्लोक 45 (garuda.1.99.45)

प्रयच्छति यथा राज्यं प्रीत्या नित्यं पितामहः

prayacchati yathā rājyaṁ prītyā nityaṁ pitāmahaḥ

इन सबको पितामह उसी प्रेम से सदा प्रदान करते हैं, जैसे राजा राज्य प्रदान करता है।