प्रेत-मुक्ति और पितृ-पूजा

श्लोक 1 (garuda.2.21.1)

गरुड उवाच । मुक्तिं यान्ति कथं प्रेतास्तदहं प्रष्टुमुत्सुकः । यन्मुक्तौ च मनुष्याणां न पीडा जायते पुनः

garuḍa uvāca | muktiṁ yānti kathaṁ pretāstadahaṁ praṣṭumutsukaḥ | yanmuktau ca manuṣyāṇāṁ na pīḍā jāyate punaḥ

गरुड़ ने कहा — प्रेत मुक्ति को किस प्रकार प्राप्त होते हैं, यह मैं पूछने को उत्सुक हूँ — जिनके मुक्त हो जाने पर मनुष्यों को फिर से पीड़ा उत्पन्न न हो।

श्लोक 2 (garuda.2.21.2)

एतैश्च लक्षणैर्देव पीडोक्ता प्रेतजा त्वया । तेषां कदा भवेन्मुक्तिः प्रेतत्वं न कथं भवेत्

etaiśca lakṣaṇairdeva pīḍoktā pretajā tvayā | teṣāṁ kadā bhavenmuktiḥ pretatvaṁ na kathaṁ bhavet

हे देव! आपने इन लक्षणों से प्रेत-जनित पीड़ा बताई। उनकी मुक्ति कब होती है, और प्रेत-भाव कैसे न हो?

श्लोक 3 (garuda.2.21.3)

प्रेतत्वे हि प्रमाणं च कति वर्षाणि संख्यया । चिरं प्रेतत्वमापन्नः कथं मुक्तिमवाप्नुयात्

pretatve hi pramāṇaṁ ca kati varṣāṇi saṁkhyayā | ciraṁ pretatvamāpannaḥ kathaṁ muktimavāpnuyāt

प्रेत-भाव का प्रमाण कितने वर्षों की संख्या में है? दीर्घकाल तक प्रेत-भाव को प्राप्त हुआ [जीव] कैसे मुक्ति प्राप्त करता है?

श्लोक 4 (garuda.2.21.4)

श्रीकृष्ण उवाच । मुक्तिं प्रायन्ति ते प्रेतास्तदहं कथयामि ते । यदैव मनुजोऽवैति मम पीडा कृता त्वियम्

śrīkṛṣṇa uvāca | muktiṁ prāyanti te pretāstadahaṁ kathayāmi te | yadaiva manujo'vaiti mama pīḍā kṛtā tviyam

श्रीकृष्ण ने कहा — वे प्रेत किस प्रकार मुक्ति को प्राप्त होते हैं, यह मैं तुम्हें बताता हूँ। जब भी मनुष्य यह जान ले कि 'यह पीड़ा मुझे [प्रेत द्वारा] दी गई है',

श्लोक 5 (garuda.2.21.5)

पृच्छार्थं हितमन्विच्छन्दै वज्ञे विनिवदयेत् । स्वप्ने दृष्टः शुभो वृक्षः फलितश्चूतचम्पकः

pṛcchārthaṁ hitamanvicchandai vajñe vinivadayet | svapne dṛṣṭaḥ śubho vṛkṣaḥ phalitaścūtacampakaḥ

तो हित की खोज में, प्रश्न के प्रयोजन से, वह ज्योतिषी को यह बताए। स्वप्न में देखा गया शुभ वृक्ष, फलों से युक्त आम अथवा चम्पा,

श्लोक 6 (garuda.2.21.6)

विप्रो वा वृषभो देवो भ्रमते तीर्थगो यदि । एवं दृष्टो यदा स्वप्नो मृतः कोऽपिस्वगोत्रजः

vipro vā vṛṣabho devo bhramate tīrthago yadi | evaṁ dṛṣṭo yadā svapno mṛtaḥ ko'pisvagotrajaḥ

ब्राह्मण, बैल अथवा देवता, अथवा तीर्थ में भ्रमण — यदि ऐसा स्वप्न देखा जाए, तब [समझना चाहिए कि] अपने गोत्र का कोई मृत [पितर] है।

श्लोक 7 (garuda.2.21.7)

स्वप्ने सत्यं परिज्ञाय दृष्टं प्रेतप्रभावतः । अद्भुतानि प्रदृश्यन्ते प्रेतदोषाद्विनिश्चितम्

svapne satyaṁ parijñāya dṛṣṭaṁ pretaprabhāvataḥ | adbhutāni pradṛśyante pretadoṣādviniścitam

स्वप्न में सत्य को जानकर, प्रेत के प्रभाव से जो देखा जाता है, वे अद्भुत घटनाएँ भी निश्चय ही प्रेत के दोष से ही दिखाई देती हैं।

श्लोक 8 (garuda.2.21.8)

तीर्थस्नाने मतिर्यावच्चित्तं धर्मपरायणम् । धर्मापायं प्रकुरुते प्रेतपीडा तदा व्रजेत्

tīrthasnāne matiryāvaccittaṁ dharmaparāyaṇam | dharmāpāyaṁ prakurute pretapīḍā tadā vrajet

जब तक चित्त धर्म-परायण होकर तीर्थ-स्नान में रत रहता है, [तभी वह पीड़ा] धर्म में बाधा उत्पन्न करती है, तब प्रेत-पीड़ा समझनी चाहिए।

श्लोक 9 (garuda.2.21.9)

तदा तत्र विनाशाय चित्तभङ्गं करोति सा । श्रेयांसि बहुविघ्नानि सम्भवन्ति पदेपदे

tadā tatra vināśāya cittabhaṁgaṁ karoti sā | śreyāṁsi bahuvighnāni sambhavanti padepade

उस समय वह [पीड़ा] विनाश के लिए चित्त को भंग कर देती है। कल्याणकारी कार्यों में बहुत से विघ्न पद-पद पर उत्पन्न होते हैं,

श्लोक 10 (garuda.2.21.10)

अश्रेयसि प्रवृत्ति च प्रेरयन्ति पुनः पुनः । उच्चाटनं च क्रूरत्वं सर्वं प्रेतकृतं खग

aśreyasi pravṛtti ca prerayanti punaḥ punaḥ | uccāṭanaṁ ca krūratvaṁ sarvaṁ pretakṛtaṁ khaga

और वह बार-बार अकल्याण की ओर प्रवृत्ति को प्रेरित करती है। हे खग! उच्चाटन (मानसिक अशांति) और क्रूरता — यह सब प्रेत द्वारा किया गया होता है।

श्लोक 11 (garuda.2.21.11)

सर्वविघ्नानि सन्त्यज्य मुक्त्युपायं करोति यः । तस्य कर्मफलं साधु प्रेतवृत्तिश्च शाश्वती

sarvavighnāni santyajya muktyupāyaṁ karoti yaḥ | tasya karmaphalaṁ sādhu pretavṛttiśca śāśvatī

जो समस्त विघ्नों को त्यागकर मुक्ति के उपाय का आचरण करता है, उसके कर्म का फल शुभ होता है, और प्रेत की वृत्ति निरंतर [उसके प्रति सहायक हो जाती है]।

श्लोक 12 (garuda.2.21.12)

स भवेत्तेन मुक्तस्तु दत्तं श्रेयस्करं परम् । स्वयं तृप्यति भोः पक्षिन्यस्योद्देशेन दीयते

sa bhavettena muktastu dattaṁ śreyaskaraṁ param | svayaṁ tṛpyati bhoḥ pakṣinyasyoddeśena dīyate

वह उससे मुक्त हो जाता है, क्योंकि दिया गया दान परम कल्याणकारी होता है। हे पक्षिन्! जिसके उद्देश्य से यह दिया जाता है, वह स्वयं ही तृप्त होता है।

श्लोक 13 (garuda.2.21.13)

शृणु सत्यमिदं तार्क्ष्य यद्ददाति भुनक्ति सः । आत्मानं श्रेयसा युञ्ज्यात्प्रेतस्तृप्तिं चिरं व्रजेत्

śṛṇu satyamidaṁ tārkṣya yaddadāti bhunakti saḥ | ātmānaṁ śreyasā yuñjyātpretastṛptiṁ ciraṁ vrajet

हे तार्क्ष्य! सुनो यह सत्य — जो कोई देता है, वही [अंततः] भोगता भी है। स्वयं को कल्याण से जोड़ना चाहिए; प्रेत भी दीर्घकाल तक तृप्ति प्राप्त करता है।

श्लोक 14 (garuda.2.21.14)

ते तृप्ताः शुभमिच्छन्ति निजबन्धुषु सर्वदा । अज्ञातयस्तु ये दुष्टाः पीडयन्ति स्ववंशजान्

te tṛptāḥ śubhamicchanti nijabandhuṣu sarvadā | ajñātayastu ye duṣṭāḥ pīḍayanti svavaṁśajān

तृप्त होकर वे सदा अपने ही बंधुजनों के लिए शुभ की कामना करते हैं। जो अज्ञात, दुष्ट [प्रेत] हैं, वे अपने ही वंशजों को पीड़ा देते हैं;

श्लोक 15 (garuda.2.21.15)

निवारयन्ति तृप्तास्ते जायमानानुकम्पकाः । पश्चात्ते मुक्तिमायन्ति काले प्राप्ते स्वपुत्रतः । सदा बन्धुषु यच्छन्ति वृद्धिमृद्धिं खगाधिप

nivārayanti tṛptāste jāyamānānukampakāḥ | paścātte muktimāyanti kāle prāpte svaputrataḥ | sadā bandhuṣu yacchanti vṛddhimṛddhiṁ khagādhipa

तृप्त होकर वे [अनिष्ट को] रोकते हैं, और नवजातों के प्रति करुणा रखते हैं। बाद में, उचित समय आने पर, वे अपने ही पुत्र से मुक्ति को प्राप्त होते हैं; हे खगाधिप! वे सदा बंधुजनों में वृद्धि और समृद्धि ही चाहते हैं।

श्लोक 16 (garuda.2.21.16)

दर्शनाद्भाषणाद्यस्तु चेष्टातः पीडनाद्गतिम् । न प्रापयति मूढात्मा प्रेतशापैः स लिप्यते

darśanādbhāṣaṇādyastu ceṣṭātaḥ pīḍanādgatim | na prāpayati mūḍhātmā pretaśāpaiḥ sa lipyate

जो [मूढ़ात्मा] दर्शन से, वाणी से, चेष्टा से अथवा पीड़न से भी [पितरों की] गति नहीं करवाता, वह प्रेतों के शाप से लिप्त होता है।

श्लोक 17 (garuda.2.21.17)

अपुत्रकोऽपशुश्चैव दरिद्रो व्याधितस्तथा । वृत्तिहीनश्च हीनश्च भवेज्जन्मनिजन्मनि

aputrako'paśuścaiva daridro vyādhitastathā | vṛttihīnaśca hīnaśca bhavejjanmanijanmani

वह जन्म-जन्म में पुत्रहीन, पशुहीन, दरिद्र, रोगी, आजीविका-रहित और हीन होता है।

श्लोक 18 (garuda.2.21.18)

एवं ब्रुवन्ति ते प्रेताः पुनर्याभ्यं समाश्रिताः । तत्रस्थानां भवेन्मुक्तिः स्वकाले कर्मसंक्षये

evaṁ bruvanti te pretāḥ punaryābhyaṁ samāśritāḥ | tatrasthānāṁ bhavenmuktiḥ svakāle karmasaṁkṣaye

इस प्रकार वे प्रेत, जो अपने ही [परिवार का] आश्रय लिए हुए हैं, बार-बार [यह] कहते हैं। उन [प्रेतों] की मुक्ति उचित समय पर, कर्म-क्षय होने पर ही होती है।

श्लोक 19 (garuda.2.21.19)

गरुड उवाच । नाम गोत्रं न दृश्येत प्रतीतिर्नैव जायते । केचिद्वदन्ति दैवज्ञाः पीडां प्रेतसमुद्भवाम्

garuḍa uvāca | nāma gotraṁ na dṛśyeta pratītirnaiva jāyate | kecidvadanti daivajñāḥ pīḍāṁ pretasamudbhavām

गरुड़ ने कहा — यदि नाम और गोत्र न देखा जाए, कोई प्रतीति भी उत्पन्न न हो, तो कुछ ज्योतिषी प्रेत से उत्पन्न पीड़ा बताते हैं,

श्लोक 20 (garuda.2.21.20)

न स्वप्नश्चैष्टितं नैव दर्शनं न कदाचन । किं कर्तव्यं सुरश्रेष्ठ तत्र मे ब्रूहि निश्चितम्

na svapnaścaiṣṭitaṁ naiva darśanaṁ na kadācana | kiṁ kartavyaṁ suraśreṣṭha tatra me brūhi niścitam

जबकि न स्वप्न हो, न कोई चेष्टा, न कभी कोई दर्शन ही हो — ऐसी स्थिति में क्या करना चाहिए? हे सुरश्रेष्ठ! मुझे निश्चित रूप से बताइए।

श्लोक 21 (garuda.2.21.21)

श्रीभगवानुवाच । सत्यं वाप्यनृतं वापि वदन्ति क्षितिदेवताः । तदा सञ्चिन्त्य हृदये सत्यमेतद्द्विजेरितम्

śrībhagavānuvāca | satyaṁ vāpyanṛtaṁ vāpi vadanti kṣitidevatāḥ | tadā sañcintya hṛdaye satyametaddvijeritam

श्रीभगवान ने कहा — पृथ्वी के देवता (ब्राह्मण) चाहे सत्य कहें या असत्य, तब भी हृदय में यह विचारकर कि यह द्विजों द्वारा कहा गया सत्य ही है,

श्लोक 22 (garuda.2.21.22)

भावभक्तिं पुरस्कृत्य पितृभक्तिपरायणः । कृत्वा कृष्णबलिं चैव पुरश्चरण पूर्वकम्

bhāvabhaktiṁ puraskṛtya pitṛbhaktiparāyaṇaḥ | kṛtvā kṛṣṇabaliṁ caiva puraścaraṇa pūrvakam

भाव और भक्ति को आगे रखकर, पितृ-भक्ति में परायण होकर, पुरश्चरण-पूर्वक कृष्ण-बलि करके,

श्लोक 23 (garuda.2.21.23)

जपहोमैस्तथा दानैः प्रकुर्याद्देहसोधनम् । कृतेन तेन विघ्नानि विनश्यन्ति खगेश्वर

japahomaistathā dānaiḥ prakuryāddehasodhanam | kṛtena tena vighnāni vinaśyanti khageśvara

जप, होम और दान से शरीर की शुद्धि करनी चाहिए। हे खगेश्वर! ऐसा करने से विघ्न नष्ट हो जाते हैं।

श्लोक 24 (garuda.2.21.24)

भूतप्रेतपिशाचैर्वा स चेदन्यैः प्रपीड्यते । पित्रुद्देशेन वै कुर्यान्नारायणबलिं तदा । विमुक्तः सर्वपीडाभ्य इति सत्यं वचो मम

bhūtapretapiśācairvā sa cedanyaiḥ prapīḍyate | pitruddeśena vai kuryānnārāyaṇabaliṁ tadā | vimuktaḥ sarvapīḍābhya iti satyaṁ vaco mama

यदि वह भूत, प्रेत, पिशाच अथवा अन्य [शक्तियों] से पीड़ित हो, तो पितरों के उद्देश्य से नारायण-बलि करनी चाहिए; इससे वह समस्त पीड़ाओं से मुक्त हो जाता है — यह मेरा सत्य वचन है।

श्लोक 25 (garuda.2.21.25)

पितृपीडा भवेद्यत्र कृत्यैरन्यैर्न मुच्यते । तस्मात्सर्वप्रयत्नेन पितृभक्तिपरो भवेत्

pitṛpīḍā bhavedyatra kṛtyairanyairna mucyate | tasmātsarvaprayatnena pitṛbhaktiparo bhavet

जहाँ पितरों की पीड़ा हो, वहाँ अन्य क्रियाओं से मुक्ति नहीं मिलती; इसलिए समस्त प्रयत्न से पितृ-भक्ति में परायण होना चाहिए।

श्लोक 26 (garuda.2.21.26)

नवमे दशमे वर्षे पिक्षुद्देशेन वै पुमान् । गायत्त्रीमयुतं जप्त्वा दशांशेन च होमयेत्

navame daśame varṣe pikṣuddeśena vai pumān | gāyattrīmayutaṁ japtvā daśāṁśena ca homayet

नौवें अथवा दसवें वर्ष में, पितरों के उद्देश्य से पुरुष को दस हजार गायत्री-मंत्रों का जप करके, उसके दसवें भाग का होम करना चाहिए।

श्लोक 27 (garuda.2.21.27)

कृत्वा कृष्णबलिं पूर्वं वृषोत्सर्गादिकाः क्रियाः । सर्वोपद्रवहीनस्तु सर्वसौख्यमवाप्नुयात् । उत्तमं लोकमाप्नोति ज्ञातिप्राधान्यमेव च

kṛtvā kṛṣṇabaliṁ pūrvaṁ vṛṣotsargādikāḥ kriyāḥ | sarvopadravahīnastu sarvasaukhyamavāpnuyāt | uttamaṁ lokamāpnoti jñātiprādhānyameva ca

पहले कृष्ण-बलि करके, फिर वृषोत्सर्ग आदि क्रियाएँ करके, वह समस्त उपद्रवों से रहित होकर, सम्पूर्ण सुख प्राप्त करता है; वह उत्तम लोक को प्राप्त करता है, और अपने कुल में प्रधानता भी।

श्लोक 28 (garuda.2.21.28)

पितृमा तृसमं लोके नास्त्यन्यद्दैवतं परम् । तस्मात्सर्वप्रयत्नेन पूजयेत्पितरौ सदा

pitṛmā tṛsamaṁ loke nāstyanyaddaivataṁ param | tasmātsarvaprayatnena pūjayetpitarau sadā

इस लोक में माता-पिता के समान कोई अन्य श्रेष्ठ देवता नहीं है; इसलिए समस्त प्रयत्न से सदा माता-पिता की पूजा करनी चाहिए।

श्लोक 29 (garuda.2.21.29)

हितानामुपदेष्टा हि प्रत्यक्षं दैवतं पिता । अन्या या देवता लोके न देहप्रभवो हि ताः

hitānāmupadeṣṭā hi pratyakṣaṁ daivataṁ pitā | anyā yā devatā loke na dehaprabhavo hi tāḥ

पिता ही हितकारी उपदेशक हैं, वे ही प्रत्यक्ष देवता हैं। लोक में अन्य जो भी देवता हैं, वे शरीर से उत्पन्न नहीं करने वाले हैं।

श्लोक 30 (garuda.2.21.30)

शरीरमेव जन्तूनां स्वर्गमोक्षैकसाधनम् । देहो दत्तो हि येनैवं कोऽन्यः पूज्यतमस्ततः

śarīrameva jantūnāṁ svargamokṣaikasādhanam | deho datto hi yenaivaṁ ko'nyaḥ pūjyatamastataḥ

प्राणियों के लिए शरीर ही स्वर्ग और मोक्ष का एकमात्र साधन है; जिसने यह देह दी है, उससे बढ़कर पूज्य और कौन है?

श्लोक 31 (garuda.2.21.31)

इति सञ्चिन्त्यहृदये पक्षिन्यद्यत्प्रयच्छति । तत्सर्वमात्मना भुङ्क्ते दानं वेदविदो विदुः

iti sañcintyahṛdaye pakṣinyadyatprayacchati | tatsarvamātmanā bhuṁkte dānaṁ vedavido viduḥ

हे पक्षिन्! हृदय में ऐसा विचार करके, [पिता को] जो कुछ भी दिया जाता है, उस सबको वह स्वयं ही, आत्मा-रूप में, भोगता है — वेदविद् लोग इसी को दान जानते हैं।

श्लोक 32 (garuda.2.21.32)

पुन्नामनरकाद्यस्मात्पितरं त्रायते सुतः । तस्मात्पुत्त्र इति प्रोक्त इह चापि परत्र च

punnāmanarakādyasmātpitaraṁ trāyate sutaḥ | tasmātputtra iti prokta iha cāpi paratra ca

'पुम्' नामक नरक से पिता का उद्धार करता है पुत्र, इसीलिए वह 'पुत्र' कहा गया है, यहाँ और परलोक में भी।

श्लोक 33 (garuda.2.21.33)

अपमृत्युमृतौ स्यातां पितरौ कस्यचित्खग । व्रततीर्थाविवाहादिश्राद्धं संवत्सरं त्यजेत्

apamṛtyumṛtau syātāṁ pitarau kasyacitkhaga | vratatīrthāvivāhādiśrāddhaṁ saṁvatsaraṁ tyajet

हे खग! यदि किसी के माता-पिता अपमृत्यु (दुर्मृत्यु) से मरे हों, तो व्रत, तीर्थ-यात्रा, विवाह आदि और वार्षिक श्राद्ध — इन्हें छोड़ देना चाहिए।

श्लोक 34 (garuda.2.21.34)

स्वप्नाध्यायमिमं यस्तु प्रेत लिङ्गनिदर्शकम् । यः पठेच्छृणुयाद्वापि प्रेतचिह्नं न पश्यति

svapnādhyāyamimaṁ yastu preta liṁganidarśakam | yaḥ paṭhecchṛṇuyādvāpi pretacihnaṁ na paśyati

जो प्रेत के लक्षणों को दर्शाने वाले इस स्वप्न-अध्याय को पढ़ता है, अथवा सुनता है, वह [कभी] प्रेत-चिह्न नहीं देखता।